An Roma 5
5
Kumma̱n la̱ta̱m c'de̱be̱
1Ai retin Sila le̱gk cinna rema̱n bata̱m d'ba̱t baa na̱, na ci la̱ta̱m c'de̱b baa Na'Sil rem Kan buu cinna Ye̱so Ka̱risti. 2I rem Ye̱so a̱n na kumtin pusuu uha̱n, un na ciin a̱nta̱ma̱ rema̱n bata̱m d'ba̱t baa Na'Sila̱. Na el ta̱m a̱n c'za̱ngkta̱ rema̱n de̱la̱m c'de̱b az nan kum gwink Na'Sila̱.
3Za la taanl c'taa da. Na el ta̱m a̱n c'ka̱ndi a̱n ryaaka̱ d'koba. Na napk az ryaaka̱ d'kob da̱n de̱l gaga̱m c'de̱be̱. 4Gaga̱m c'de̱b ca̱n de̱l emma̱n rihica̱ d'kau. Emma̱ rihica̱ d'kau ca̱n de̱l sava̱m c'de̱b baa Na'Sila̱. 5A na sav c'de̱b baa Na'Sila̱, a nan ryaa m'e̱n da. Rema̱n Hora̱mda̱n Sila nesain na, de̱le̱ke̱ na to̱nc Na'Sil a̱nmin de̱bc cinna.
6Daava̱n a na citin ho̱da̱n m'emt da, an daav Na'Sil emtine, Ka̱risti uk rem an zain ta gel A'Sil da. 7I ci d'kob na kumt kan tu wa̱a̱ rem kan gela̱v Na'Sila̱. Tade̱e̱da na kum kan tu ap k'de̱b u wa̱a̱ rema̱n noc u kasi. 8Sila kwesaka la na ho̱da̱na̱n a retina̱n to̱na̱m cinna ho̱d uhna: Daava̱n na latin a c'ko̱to, Ka̱risti uk rem cinna. 9Ai retin a̱nta̱ma̱ hiba̱m Ka̱risti le̱gk cinna, rina̱n hatin la kwe̱, i Sila ta gwa̱a̱ ta̱m cinna lanma̱n hwinsa̱d na̱, rem Ka̱risti.
10He̱nin bo̱ kaa Sila se̱e̱pk a cinnan daava̱n na latin an ha̱lc na̱ rema̱n wa̱a̱'a Waav na̱, i daat bo̱ kaa a̱nta̱ma̱, na se̱e̱pk a na̱nna ne? Sila ta gwa̱a̱ cinna rem Waav na̱ po̱tko̱. 11Za la taanl c'taa da, na el ta̱m a̱n c'za̱ngkta̱ rema̱n rina̱n Sila emain cinna rem Kan buu cinna Ye̱so Ka̱risti. Un rein, i rem ru, a̱n na kumtin d'se̱e̱p a A'Sil na̱.
Na hwennska Ada̱mu a̱n Ye̱so
12Rema̱n taanlo, ho̱da̱na̱n ko̱tc uvta̱in a̱n copun yanda̱ha̱n rem noc v'da̱nka̱, a'wa̱a̱ ta̱m rem c'ko̱to, i taanl a̱n wa̱a̱'a cetain baa neta̱n kwe̱, rema̱n koowe̱ ko̱tko̱. 13Ko̱tc lak a̱nmin copun yanda̱ha̱n ai giiras Mosa uvta̱. A nan sip la noc a̱n d'ko̱t va̱na̱n giira zain da. 14Puti a tan na, wa̱a̱'a hatk we̱sa̱m koowe̱ lanma̱n daav Ada̱mu na ceta daav Mosa, a an ta emin d'ko̱t ho̱d Ada̱mu da.
I Ada̱mu a̱n na hwenna̱sain a̱n Ka̱risti un lain na̱m'han. 15Ho̱sa̱m Na'Sil la, za ho̱da̱n ko̱tda̱n lo da. Ko̱ta̱d noc v'da̱nka̱ kwe̱la̱vke̱ neta̱n kwe̱ a'wa̱a̱. Pusuu Na'Sil la i hwe̱di. Ho̱sa̱m na̱ ta̱m ma emin rem noc v'da̱n unlo, Ye̱so Ka̱risti, ma̱n nokta u'pusu baa neta̱n hwe̱di. 16Ho̱sa̱m Na'Sil vodk hwe̱di a ko̱ta̱d noc v'da̱n unlo ne. Rina̱n ko̱tda̱n lo kwe̱lve̱in na, i a'wa̱a̱. Go̱t ge̱ na ko̱tk hwe̱di, ho̱sa̱m Na'Sil noktka la d'le̱go. 17Awaz rema̱n ko̱ta̱d noc v'da̱nka̱, Ada̱mu, wa̱a̱'a hatk we̱sa̱m koowe̱, rema̱n noc v'da̱n unlo. I ho̱da̱npe̱ a̱n na zattina̱n kumma̱n pusu Na'Sil hwe̱di a ho̱sa̱m na̱n, ma̱n sootma̱n an zattin ri d'reb da, rema̱n noc v'da̱n, Ka̱risti unlo da?
18Rema̱n taanlo, ho̱da̱na̱n ko̱ta̱d noc uda̱nka̱ kwe̱la̱vte̱in neta̱n kwe̱ a'wa̱a̱, i ho̱da̱n lo bo̱ ta̱m a̱n neta̱n kwe̱ kumtin ho̱sa̱m Na'Sil ma̱n le̱gin na̱. Ta po̱t ta̱m d'kala rem noc v'da̱nka̱ un zattin ri d'reb da. 19Ho̱da̱na̱n honga̱mzac noc v'da̱nka̱ vaakstain neta̱n hwe̱di a c'ko̱to, i ho̱da̱n lo bo̱ ta̱m a̱n gabma̱n lalk noc v'da̱nka̱, vaakstain neta̱n hwe̱di an gela̱v Na'Sila̱.
20Na nokta-nokta giiras Mosa rem na kwesata c'ko̱t a̱ngau. An ko̱tc lo̱gtin hwe̱di, pusuu Na'Sil pa̱tuzo. 21Ho̱da̱na̱n ko̱tc pa̱ttin we̱sa̱m neta̱n c cett na̱ na'wa̱a̱, i ho̱da̱n lo bo̱ ta̱m a̱n pusu Na'Sil tu emt m'we̱s rema̱n nocurimuca̱n zattin ri d'reb da. A cet na ta̱m a̱n po̱tu d'kala, rem Ye̱so Ka̱risti, Kan buu cinna.
ទើបបានជ្រើសរើសហើយ៖
An Roma 5: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
An Roma 5
5
Kumma̱n la̱ta̱m c'de̱be̱
1Ai retin Sila le̱gk cinna rema̱n bata̱m d'ba̱t baa na̱, na ci la̱ta̱m c'de̱b baa Na'Sil rem Kan buu cinna Ye̱so Ka̱risti. 2I rem Ye̱so a̱n na kumtin pusuu uha̱n, un na ciin a̱nta̱ma̱ rema̱n bata̱m d'ba̱t baa Na'Sila̱. Na el ta̱m a̱n c'za̱ngkta̱ rema̱n de̱la̱m c'de̱b az nan kum gwink Na'Sila̱.
3Za la taanl c'taa da. Na el ta̱m a̱n c'ka̱ndi a̱n ryaaka̱ d'koba. Na napk az ryaaka̱ d'kob da̱n de̱l gaga̱m c'de̱be̱. 4Gaga̱m c'de̱b ca̱n de̱l emma̱n rihica̱ d'kau. Emma̱ rihica̱ d'kau ca̱n de̱l sava̱m c'de̱b baa Na'Sila̱. 5A na sav c'de̱b baa Na'Sila̱, a nan ryaa m'e̱n da. Rema̱n Hora̱mda̱n Sila nesain na, de̱le̱ke̱ na to̱nc Na'Sil a̱nmin de̱bc cinna.
6Daava̱n a na citin ho̱da̱n m'emt da, an daav Na'Sil emtine, Ka̱risti uk rem an zain ta gel A'Sil da. 7I ci d'kob na kumt kan tu wa̱a̱ rem kan gela̱v Na'Sila̱. Tade̱e̱da na kum kan tu ap k'de̱b u wa̱a̱ rema̱n noc u kasi. 8Sila kwesaka la na ho̱da̱na̱n a retina̱n to̱na̱m cinna ho̱d uhna: Daava̱n na latin a c'ko̱to, Ka̱risti uk rem cinna. 9Ai retin a̱nta̱ma̱ hiba̱m Ka̱risti le̱gk cinna, rina̱n hatin la kwe̱, i Sila ta gwa̱a̱ ta̱m cinna lanma̱n hwinsa̱d na̱, rem Ka̱risti.
10He̱nin bo̱ kaa Sila se̱e̱pk a cinnan daava̱n na latin an ha̱lc na̱ rema̱n wa̱a̱'a Waav na̱, i daat bo̱ kaa a̱nta̱ma̱, na se̱e̱pk a na̱nna ne? Sila ta gwa̱a̱ cinna rem Waav na̱ po̱tko̱. 11Za la taanl c'taa da, na el ta̱m a̱n c'za̱ngkta̱ rema̱n rina̱n Sila emain cinna rem Kan buu cinna Ye̱so Ka̱risti. Un rein, i rem ru, a̱n na kumtin d'se̱e̱p a A'Sil na̱.
Na hwennska Ada̱mu a̱n Ye̱so
12Rema̱n taanlo, ho̱da̱na̱n ko̱tc uvta̱in a̱n copun yanda̱ha̱n rem noc v'da̱nka̱, a'wa̱a̱ ta̱m rem c'ko̱to, i taanl a̱n wa̱a̱'a cetain baa neta̱n kwe̱, rema̱n koowe̱ ko̱tko̱. 13Ko̱tc lak a̱nmin copun yanda̱ha̱n ai giiras Mosa uvta̱. A nan sip la noc a̱n d'ko̱t va̱na̱n giira zain da. 14Puti a tan na, wa̱a̱'a hatk we̱sa̱m koowe̱ lanma̱n daav Ada̱mu na ceta daav Mosa, a an ta emin d'ko̱t ho̱d Ada̱mu da.
I Ada̱mu a̱n na hwenna̱sain a̱n Ka̱risti un lain na̱m'han. 15Ho̱sa̱m Na'Sil la, za ho̱da̱n ko̱tda̱n lo da. Ko̱ta̱d noc v'da̱nka̱ kwe̱la̱vke̱ neta̱n kwe̱ a'wa̱a̱. Pusuu Na'Sil la i hwe̱di. Ho̱sa̱m na̱ ta̱m ma emin rem noc v'da̱n unlo, Ye̱so Ka̱risti, ma̱n nokta u'pusu baa neta̱n hwe̱di. 16Ho̱sa̱m Na'Sil vodk hwe̱di a ko̱ta̱d noc v'da̱n unlo ne. Rina̱n ko̱tda̱n lo kwe̱lve̱in na, i a'wa̱a̱. Go̱t ge̱ na ko̱tk hwe̱di, ho̱sa̱m Na'Sil noktka la d'le̱go. 17Awaz rema̱n ko̱ta̱d noc v'da̱nka̱, Ada̱mu, wa̱a̱'a hatk we̱sa̱m koowe̱, rema̱n noc v'da̱n unlo. I ho̱da̱npe̱ a̱n na zattina̱n kumma̱n pusu Na'Sil hwe̱di a ho̱sa̱m na̱n, ma̱n sootma̱n an zattin ri d'reb da, rema̱n noc v'da̱n, Ka̱risti unlo da?
18Rema̱n taanlo, ho̱da̱na̱n ko̱ta̱d noc uda̱nka̱ kwe̱la̱vte̱in neta̱n kwe̱ a'wa̱a̱, i ho̱da̱n lo bo̱ ta̱m a̱n neta̱n kwe̱ kumtin ho̱sa̱m Na'Sil ma̱n le̱gin na̱. Ta po̱t ta̱m d'kala rem noc v'da̱nka̱ un zattin ri d'reb da. 19Ho̱da̱na̱n honga̱mzac noc v'da̱nka̱ vaakstain neta̱n hwe̱di a c'ko̱to, i ho̱da̱n lo bo̱ ta̱m a̱n gabma̱n lalk noc v'da̱nka̱, vaakstain neta̱n hwe̱di an gela̱v Na'Sila̱.
20Na nokta-nokta giiras Mosa rem na kwesata c'ko̱t a̱ngau. An ko̱tc lo̱gtin hwe̱di, pusuu Na'Sil pa̱tuzo. 21Ho̱da̱na̱n ko̱tc pa̱ttin we̱sa̱m neta̱n c cett na̱ na'wa̱a̱, i ho̱da̱n lo bo̱ ta̱m a̱n pusu Na'Sil tu emt m'we̱s rema̱n nocurimuca̱n zattin ri d'reb da. A cet na ta̱m a̱n po̱tu d'kala, rem Ye̱so Ka̱risti, Kan buu cinna.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019