Markus 15
15
Ye̱so a̱n hwic Bilatu
(Mat 27:1-2,11-14; Luk 23:1-5; Yoh 18:28-38)
1Na̱m'zan-na̱m'zana, c'hwengnan ka̱bd Na'Sila̱, hwenga̱nc Yahude̱ne̱, an la̱a̱sa̱m na s'giira na, a ka̱nk an gedma̱n lalk no, a esaska lalk uda̱n. A se̱e̱pske̱ a sipk Ye̱so, a to̱o̱tk o a havk a uvtk lalk ru baa Bilatu.
2Bilatu ipkt bo̱ o, “I vo a̱n rein go̱m va̱ Yahude̱ne̱?”
Ye̱so se̱st bo̱, “I ho̱da̱na̱n v vattine.”
3C'Hwengnan ka̱bd Na'Sil zek az u emk rihic naak hwe̱di. U ta se̱s la rihi da. 4Bilatu sudt bo̱ a̱n ze o, “Go̱t c'rihi hwe̱di ca̱n na zein az a̱v emka. A ta̱'v ze rihi da?”
5Puti a tan na, Ye̱so ta ze rihi da. I de̱lk Bilatu sipk a'nwa̱a̱.
Na gedk lalk na hwaa Ye̱so
(Mat 27:15-26; Luk 23:13-25; Yoh 18:39; 19:16)
6A̱n goon daava̱n he̱tda̱ hna, Bilatu vetaska tu butva̱ na̱ noc v'da̱nka̱ kan na gagine. Koowe̱ a to̱nine. 7Noc lak a'gag nan po̱g Barabbas. I unwa damrav an gudgva̱in c'go̱mo̱. U hok ta̱m noc daava̱n gudga̱d ne. 8Bugda̱n neta̱n noktta bo̱ a kon Bilatu az u ema na̱ ho̱da̱na̱n u gostin tu ema.
9Bilatu ipkt bo̱ na̱, “A̱n se̱sk a̱m butva̱ no go̱m va̱ Yahude̱ne̱?” 10U vat-vat taanl rema̱n u napk az i rem d'hyubu a̱n c'hwengnan ka̱bd Na'Sil satain Ye̱so.
11C'Hwengnan ka̱bd Na'Sil takaz se̱le̱m neta̱n m'we̱s az a ze Bilatu butva̱ na̱ Barabbas. 12Bilatu sudk ta̱m a̱n ipk na̱, “Iye̱ a̱n to̱nin a̱m em a kan rein ta̱n po̱g go̱m va̱ Yahude̱ne̱?”
13A ze̱lt bo̱ s'god na̱m'we̱se̱, “Kul na o a̱n k'kan.”
14Bilatu ipkt bo̱ na̱, “I rema̱n ye̱? Iye̱ u emine?”
A sudk la a̱n ze̱l s'god na̱m'we̱se̱, “Kul na o a̱n k'kan.”
15Bilatu la, rem u to̱nk u la̱ta̱sa̱ neta̱n c'de̱be̱, u buta̱vka̱ na̱ Barabbas. U badaska ta̱m na̱ Ye̱so au swepa̱ltin o a̱n s'lako. A havk a kul o a̱n k'kan.
Koola̱n hyaakk Ye̱so
(Mat 27:27-31; Yoh 19:2-3)
16Koola̱n o̱mt bo̱ Ye̱so a uvt a̱n ka̱bd gwamna. A po̱gko̱ ta̱m bugda̱n koola̱n kwe̱ a kargka. 17A twe̱pe̱ke̱ o kusi gyo̱z-gyo̱z no. A be̱se̱ke̱ a alk c'hila̱ ho̱d d'zemna, a twe̱pe̱ke̱ o a̱n d'hi. 18A takaz hwe̱lsa̱m ru ta ze, “Damra ziika̱mzi, go̱m va̱ Yahude̱ne̱.” 19A bazgk o d'hi a̱n d'kyuru. A pisiki o c'te̱i. A hek ta̱m a̱n c'rwin a emaka o hwiipsa̱ca̱ c'hyaaka. 20Aa taastin hyaaka̱m ru, a ho̱lk o i'kus a vaakk a twe̱pe̱ke̱ o kusa̱m ru. A rutta̱ bo̱ o na havt na kul a̱n k'kan.
Na kulk Ye̱so a̱n k'kan
(Mat 27:32-44; Luk 23:26-43; Yoh 19:17-27)
21Simo̱n k'Serani, cet Ale̱gzanda a Rufus ne, u uvka̱ ni'le̱e̱ lanma̱n herge. A de̱lt bo̱ o u to̱o̱s kank ne.#15:21 Go̱t ta̱m: Yoh 19:17.
22A cetk Ye̱so a̱n baada̱n nan po̱g Golgota#15:22 Golgota: “Baada̱n ciin ko̱go̱c c'hi.”.
23A̱nl a ne̱in o ho̱o̱ma̱n yaanin ceun anab ma̱n na ha̱bgsin a ma̱a̱r ni. A de̱lt bo̱ o az u so̱o̱. U ha̱lk la. 24Aa taastin kula̱m ru a̱n k'kan, a wankk kusa̱m ru. A taak ta̱m d'gapa rema̱n a napt rina̱n koowe̱ tu kumu.#15:24 Go̱t ta̱m: Zab 22:18. 25I ni'lana, ga̱l s'ko̱m s'door sa̱m'zan a kultin Ye̱so a̱n k'kan. 26A ge̱nk rina̱n de̱lin a hot Ye̱so a̱n cona k'kan. A zeka: go̱mva̱ yahude̱ne̱. 27A kulk ta̱m hiva̱n i'il a̱n k'kan a̱n a̱n'a. Uda̱nka̱ a̱n kabva̱n koma s'to̱o̱ a Ye̱so. Uhyan a̱n koman kanta. [28Rina̱n lalks Na'Sil vatin eska. Sa̱ zeka, “A de̱leske o baa a c'ko̱to.”]#15:28 Ge̱nke̱-ge̱nke̱c Markus c hyan hwe̱di ca̱n de̱hne zatta za̱tva̱n 28 da.
29Netnanan to̱in a̱n a̱n'a kwe̱, a rakske a rebga̱lk o. A zeka, “Swee bo̱ de. Vouna̱n ta̱'v he̱e̱k buuk Na'Sil a̱v vaak ta̱m a̱v maa ka̱ a̱n c'hwe c'ta̱a̱cu.#15:29 Go̱t ta̱m: Zab 22:7; 109:25; Mar 14:58; Yoh 2:19. 30Ciza̱ kaa a̱n k'kan a̱v gwa̱a̱ hid rovo.”
31I ho̱da̱n lo bo̱ ta̱m a̱n c'hwengnan ka̱bd Na'Sil hyaaktin o. A zeka ta̱m hyannana̱ d'kut a an la̱a̱sa̱m na s'giira na, “U gwa̱a̱k ahyan. U ta hweks kaa a̱n gwa̱a̱ hid ru da. 32Lag Ka̱risti go̱m va̱n Isra'ila ciza̱ kaa a̱nta̱ma̱ ha̱n a̱n k'kan bat ca̱n he̱ne̱, c bat d'ba̱t baa ru.”
An na kulin ta̱m a̱n k'kan d'kut a Ye̱so no, a rebga̱lk o.
Wa̱a̱'a Ye̱so
(Mat 27:45-56; Luk 23:44-49; Yoh 19:28-30)
33Daava̱n hwed gagtin a'te̱ke̱, cumunkunni rimsk u'cop u'biri caama̱n s'ko̱m s'ta̱a̱cu. 34An ko̱ms s'ta̱a̱c emtine, Ye̱so ze̱lk v'god na̱m'we̱s u zeka, “Iloi, Iloi, lama sabaktani.” Rina̱n u rein na̱m'ze i, “Sila ri! Sila ri! I rema̱n ye̱ v lagtin me?”#15:34 Go̱t ta̱m: Zab 22:1. 35Neta̱n hyan an lain a'es a̱n a̱n'a, aa hongtine, a zeka, “Honga! U el a̱n po̱gs Iliya.” 36Da̱nv na̱ somuz u ne̱be̱ d'soso a̱n ho̱o̱m ni'zage. U sa̱ba̱lta̱ bo̱ da̱ a̱n k'dapa, u ze̱le̱ Ye̱so az u so̱o̱. U be̱se̱ ta̱m u ze, “Lag na o. Lag na he̱nt awaz Iliya tu noka u citta̱ o.”
37Ye̱so kant bo̱ hwe̱di, u wa̱uz kaana.
38Kuska̱n na wankstein buuk Na'Sil sa̱ta̱nka̱ c'ga̱l c'il lanm na'con caam nu'copo. 39An so̱dka̱v koola̱n un lain a'es a̱n hwic ru he̱ntin ho̱da̱na̱n u utine, u zeka, “M'Ga̱u, noc uha̱n i Waav Na'Sila̱!”
40Netan hyan lak m'nak zo nu'go̱to. Netana ne, i Me̱e̱ri (kan Magdala) a̱n Me̱e̱ri (in Yakub rekune), a̱n Yosis, a̱n Salomi. 41Netana ha̱n lak a̱n gaba̱m Ye̱so. A ceka a̱nmin Galili a̱n se̱e̱te̱m ru. Netan hyan lak ta̱m hwe̱di an gabain o lanma̱n le̱in Urisalima.
Na sagk Ye̱so
(Mat 27:57-61; Luk 23:50-56; Yoh 19:38-42)
42I hweda̱n ca̱bg un hweda̱n hwerad Yahude̱ne̱, ta̱m rima el na̱m'tudu. 43Isuhu kan Aramatiya, da̱nv an ta ged lalko, un na rein ta̱m nan hwenga hwe̱di. U lak ta̱m a̱n la̱gsa̱n go̱mc Na'Sila̱. U getk cuusa̱n eel u uvk baa Bilatu. Au uvtine, u konk az na nes o wa̱a̱d Ye̱so u saga. 44Bilatu sipk a'nwa̱a̱ au hongtin az Ye̱so uku. U po̱gto̱ bo̱ so̱dka̱v koola̱n u ipkk o awaz u uku.
45Au hongtin a̱n nwa̱a̱'a so̱dka̱v koolno, u nesk Isuhu d'wa̱a̱. 46Isuhu havk la u waaka kusk puska̱n k'kasi. U citka̱ wa̱a̱d Ye̱so, u zilk da̱ a̱n kusk ne. U saguz kaa o a̱n saguna̱n na se̱bin nu'taare. Na birga̱vska̱ ta̱m u'taar na zo̱pk bira̱vna'isnan sagune. 47Me̱e̱ri (kan Magdala) a̱n Me̱e̱ri (in Yosis) he̱nk va̱na̱n na sagin Ye̱so.
ទើបបានជ្រើសរើសហើយ៖
Markus 15: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Markus 15
15
Ye̱so a̱n hwic Bilatu
(Mat 27:1-2,11-14; Luk 23:1-5; Yoh 18:28-38)
1Na̱m'zan-na̱m'zana, c'hwengnan ka̱bd Na'Sila̱, hwenga̱nc Yahude̱ne̱, an la̱a̱sa̱m na s'giira na, a ka̱nk an gedma̱n lalk no, a esaska lalk uda̱n. A se̱e̱pske̱ a sipk Ye̱so, a to̱o̱tk o a havk a uvtk lalk ru baa Bilatu.
2Bilatu ipkt bo̱ o, “I vo a̱n rein go̱m va̱ Yahude̱ne̱?”
Ye̱so se̱st bo̱, “I ho̱da̱na̱n v vattine.”
3C'Hwengnan ka̱bd Na'Sil zek az u emk rihic naak hwe̱di. U ta se̱s la rihi da. 4Bilatu sudt bo̱ a̱n ze o, “Go̱t c'rihi hwe̱di ca̱n na zein az a̱v emka. A ta̱'v ze rihi da?”
5Puti a tan na, Ye̱so ta ze rihi da. I de̱lk Bilatu sipk a'nwa̱a̱.
Na gedk lalk na hwaa Ye̱so
(Mat 27:15-26; Luk 23:13-25; Yoh 18:39; 19:16)
6A̱n goon daava̱n he̱tda̱ hna, Bilatu vetaska tu butva̱ na̱ noc v'da̱nka̱ kan na gagine. Koowe̱ a to̱nine. 7Noc lak a'gag nan po̱g Barabbas. I unwa damrav an gudgva̱in c'go̱mo̱. U hok ta̱m noc daava̱n gudga̱d ne. 8Bugda̱n neta̱n noktta bo̱ a kon Bilatu az u ema na̱ ho̱da̱na̱n u gostin tu ema.
9Bilatu ipkt bo̱ na̱, “A̱n se̱sk a̱m butva̱ no go̱m va̱ Yahude̱ne̱?” 10U vat-vat taanl rema̱n u napk az i rem d'hyubu a̱n c'hwengnan ka̱bd Na'Sil satain Ye̱so.
11C'Hwengnan ka̱bd Na'Sil takaz se̱le̱m neta̱n m'we̱s az a ze Bilatu butva̱ na̱ Barabbas. 12Bilatu sudk ta̱m a̱n ipk na̱, “Iye̱ a̱n to̱nin a̱m em a kan rein ta̱n po̱g go̱m va̱ Yahude̱ne̱?”
13A ze̱lt bo̱ s'god na̱m'we̱se̱, “Kul na o a̱n k'kan.”
14Bilatu ipkt bo̱ na̱, “I rema̱n ye̱? Iye̱ u emine?”
A sudk la a̱n ze̱l s'god na̱m'we̱se̱, “Kul na o a̱n k'kan.”
15Bilatu la, rem u to̱nk u la̱ta̱sa̱ neta̱n c'de̱be̱, u buta̱vka̱ na̱ Barabbas. U badaska ta̱m na̱ Ye̱so au swepa̱ltin o a̱n s'lako. A havk a kul o a̱n k'kan.
Koola̱n hyaakk Ye̱so
(Mat 27:27-31; Yoh 19:2-3)
16Koola̱n o̱mt bo̱ Ye̱so a uvt a̱n ka̱bd gwamna. A po̱gko̱ ta̱m bugda̱n koola̱n kwe̱ a kargka. 17A twe̱pe̱ke̱ o kusi gyo̱z-gyo̱z no. A be̱se̱ke̱ a alk c'hila̱ ho̱d d'zemna, a twe̱pe̱ke̱ o a̱n d'hi. 18A takaz hwe̱lsa̱m ru ta ze, “Damra ziika̱mzi, go̱m va̱ Yahude̱ne̱.” 19A bazgk o d'hi a̱n d'kyuru. A pisiki o c'te̱i. A hek ta̱m a̱n c'rwin a emaka o hwiipsa̱ca̱ c'hyaaka. 20Aa taastin hyaaka̱m ru, a ho̱lk o i'kus a vaakk a twe̱pe̱ke̱ o kusa̱m ru. A rutta̱ bo̱ o na havt na kul a̱n k'kan.
Na kulk Ye̱so a̱n k'kan
(Mat 27:32-44; Luk 23:26-43; Yoh 19:17-27)
21Simo̱n k'Serani, cet Ale̱gzanda a Rufus ne, u uvka̱ ni'le̱e̱ lanma̱n herge. A de̱lt bo̱ o u to̱o̱s kank ne.#15:21 Go̱t ta̱m: Yoh 19:17.
22A cetk Ye̱so a̱n baada̱n nan po̱g Golgota#15:22 Golgota: “Baada̱n ciin ko̱go̱c c'hi.”.
23A̱nl a ne̱in o ho̱o̱ma̱n yaanin ceun anab ma̱n na ha̱bgsin a ma̱a̱r ni. A de̱lt bo̱ o az u so̱o̱. U ha̱lk la. 24Aa taastin kula̱m ru a̱n k'kan, a wankk kusa̱m ru. A taak ta̱m d'gapa rema̱n a napt rina̱n koowe̱ tu kumu.#15:24 Go̱t ta̱m: Zab 22:18. 25I ni'lana, ga̱l s'ko̱m s'door sa̱m'zan a kultin Ye̱so a̱n k'kan. 26A ge̱nk rina̱n de̱lin a hot Ye̱so a̱n cona k'kan. A zeka: go̱mva̱ yahude̱ne̱. 27A kulk ta̱m hiva̱n i'il a̱n k'kan a̱n a̱n'a. Uda̱nka̱ a̱n kabva̱n koma s'to̱o̱ a Ye̱so. Uhyan a̱n koman kanta. [28Rina̱n lalks Na'Sil vatin eska. Sa̱ zeka, “A de̱leske o baa a c'ko̱to.”]#15:28 Ge̱nke̱-ge̱nke̱c Markus c hyan hwe̱di ca̱n de̱hne zatta za̱tva̱n 28 da.
29Netnanan to̱in a̱n a̱n'a kwe̱, a rakske a rebga̱lk o. A zeka, “Swee bo̱ de. Vouna̱n ta̱'v he̱e̱k buuk Na'Sil a̱v vaak ta̱m a̱v maa ka̱ a̱n c'hwe c'ta̱a̱cu.#15:29 Go̱t ta̱m: Zab 22:7; 109:25; Mar 14:58; Yoh 2:19. 30Ciza̱ kaa a̱n k'kan a̱v gwa̱a̱ hid rovo.”
31I ho̱da̱n lo bo̱ ta̱m a̱n c'hwengnan ka̱bd Na'Sil hyaaktin o. A zeka ta̱m hyannana̱ d'kut a an la̱a̱sa̱m na s'giira na, “U gwa̱a̱k ahyan. U ta hweks kaa a̱n gwa̱a̱ hid ru da. 32Lag Ka̱risti go̱m va̱n Isra'ila ciza̱ kaa a̱nta̱ma̱ ha̱n a̱n k'kan bat ca̱n he̱ne̱, c bat d'ba̱t baa ru.”
An na kulin ta̱m a̱n k'kan d'kut a Ye̱so no, a rebga̱lk o.
Wa̱a̱'a Ye̱so
(Mat 27:45-56; Luk 23:44-49; Yoh 19:28-30)
33Daava̱n hwed gagtin a'te̱ke̱, cumunkunni rimsk u'cop u'biri caama̱n s'ko̱m s'ta̱a̱cu. 34An ko̱ms s'ta̱a̱c emtine, Ye̱so ze̱lk v'god na̱m'we̱s u zeka, “Iloi, Iloi, lama sabaktani.” Rina̱n u rein na̱m'ze i, “Sila ri! Sila ri! I rema̱n ye̱ v lagtin me?”#15:34 Go̱t ta̱m: Zab 22:1. 35Neta̱n hyan an lain a'es a̱n a̱n'a, aa hongtine, a zeka, “Honga! U el a̱n po̱gs Iliya.” 36Da̱nv na̱ somuz u ne̱be̱ d'soso a̱n ho̱o̱m ni'zage. U sa̱ba̱lta̱ bo̱ da̱ a̱n k'dapa, u ze̱le̱ Ye̱so az u so̱o̱. U be̱se̱ ta̱m u ze, “Lag na o. Lag na he̱nt awaz Iliya tu noka u citta̱ o.”
37Ye̱so kant bo̱ hwe̱di, u wa̱uz kaana.
38Kuska̱n na wankstein buuk Na'Sil sa̱ta̱nka̱ c'ga̱l c'il lanm na'con caam nu'copo. 39An so̱dka̱v koola̱n un lain a'es a̱n hwic ru he̱ntin ho̱da̱na̱n u utine, u zeka, “M'Ga̱u, noc uha̱n i Waav Na'Sila̱!”
40Netan hyan lak m'nak zo nu'go̱to. Netana ne, i Me̱e̱ri (kan Magdala) a̱n Me̱e̱ri (in Yakub rekune), a̱n Yosis, a̱n Salomi. 41Netana ha̱n lak a̱n gaba̱m Ye̱so. A ceka a̱nmin Galili a̱n se̱e̱te̱m ru. Netan hyan lak ta̱m hwe̱di an gabain o lanma̱n le̱in Urisalima.
Na sagk Ye̱so
(Mat 27:57-61; Luk 23:50-56; Yoh 19:38-42)
42I hweda̱n ca̱bg un hweda̱n hwerad Yahude̱ne̱, ta̱m rima el na̱m'tudu. 43Isuhu kan Aramatiya, da̱nv an ta ged lalko, un na rein ta̱m nan hwenga hwe̱di. U lak ta̱m a̱n la̱gsa̱n go̱mc Na'Sila̱. U getk cuusa̱n eel u uvk baa Bilatu. Au uvtine, u konk az na nes o wa̱a̱d Ye̱so u saga. 44Bilatu sipk a'nwa̱a̱ au hongtin az Ye̱so uku. U po̱gto̱ bo̱ so̱dka̱v koola̱n u ipkk o awaz u uku.
45Au hongtin a̱n nwa̱a̱'a so̱dka̱v koolno, u nesk Isuhu d'wa̱a̱. 46Isuhu havk la u waaka kusk puska̱n k'kasi. U citka̱ wa̱a̱d Ye̱so, u zilk da̱ a̱n kusk ne. U saguz kaa o a̱n saguna̱n na se̱bin nu'taare. Na birga̱vska̱ ta̱m u'taar na zo̱pk bira̱vna'isnan sagune. 47Me̱e̱ri (kan Magdala) a̱n Me̱e̱ri (in Yosis) he̱nk va̱na̱n na sagin Ye̱so.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019