Yomka C'Comtne U'Gabte
U'Gabte
I Luka a̱n ge̱nin taka̱llaka̱ ha̱n a̱n taasma̱n ge̱nma̱n taka̱llak Luka. Ahyan el na̱m'he̱n az u ge̱nk ka̱ a̱n we̱e̱un 63 a̱n wa̱a̱'a Ye̱so. Ahyan zek la az i we̱e̱un 70. Ho̱da̱n taka̱llak Luka ku ge̱ne̱in hwenga̱nc Yahude̱ne̱, o̱p ka̱ha̱n ta̱ma̱, i damran nocuna̱n nan po̱g Tiyo̱filo̱s a̱n Luka ge̱ne̱in ka̱n. Ge̱nsa̱n ka̱n takka va̱na̱n ge̱nsa̱n kasi lalk Ye̱so esin an Ye̱so vaaktin a'cona. A̱n takboda̱n taka̱llak ne, na ge̱nk da̱n yomka k'comt Bitrus a kargad a s'gab an rein a̱nmin le̱in Urisalima. Lanma̱n (beboda̱n 9) a ge̱nsa̱n hwic ni, na̱ ge̱nk da̱n Bulus a baala̱m run ma̱ d'ba̱s ma̱ v'ta̱ccu havma̱n le̱in Roma. A ta̱m hava̱m run a̱n ka̱bda̱n gedma̱n lalk a̱n le̱in ne.
Yomka c'comtne, i ge̱nsa̱n ho̱da̱na̱n kargad a s'gab taktaine. Ho̱da̱n a̱d ma̱ca̱mtin ne. Ho̱da̱n sa̱ma̱nca̱d a s'gab a kobda̱n na ryeesain na̱-na̱. Ho̱da̱n we̱sma̱n Hora̱mda̱n zattin ri d'reb da a yomka da̱n ryaatin hwic baa kargac s'gaba, a nocurimuc a s'gaba̱n ta̱m v'da̱n-v'da̱n. Ka̱ vatk ho̱da̱na̱n comta̱nc Ye̱so a a s'gab ahyan valtin a̱nmin le̱in Urisalima a kabt Hora̱mda̱n zattin ri d'reb da. Rema̱n na esasta rina̱n Ye̱so gigiin na̱ lalk az ti han i ema. A̱n hweda̱n Pe̱ntiko̱st, c'hwen oopa an Ye̱so eltin a'cona, Hora̱mda̱n zattin ri d'reb da, da̱ cizka̱ baa na̱ da̱ ne̱e̱k na̱ m'we̱se̱. Lanma̱n daava̱n lo, kargac a s'gab ma̱ca̱mk za a naasa̱m v'daan da. Lanma̱n le̱in Urisalima caama̱n Samariya a caama̱n be̱se̱da̱n copun yanda̱ha̱n ta̱ma̱ (beboda̱n 18).
ទើបបានជ្រើសរើសហើយ៖
Yomka C'Comtne U'Gabte: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019