Yomka C'Comtne 5
5
Hananiya na Safiratu
1Noc lak de̱ha̱n nan po̱g o Hananiya. Netav ru i Safiratu. U babka ke̱nge̱k ru. 2U kask kind a naps netav ru nu u ze̱ske̱. U noktka kaa rina̱n kusin u kink a̱n hwic comta̱nc Ye̱so. 3Bitrus zeta bo̱ o, “Hananiya, i rema̱n ye̱ v lagtin A̱krimu palk va̱ v geta Hora̱mda̱n zattin ri d'reb da c'ko̱lo̱? A̱v wankste kindina̱n v babtin d'baa a̱v ze̱s ihyan? 4An baad latin a̱v ta bab da̱ da, za d rov da? Av babtin da̱ ta̱ma̱, za vo a̱n ciin we̱sma̱n kindin da̱n da? I rema̱n ye̱ kaa v keka̱btin goon rihica̱ ha̱n a̱n de̱bc rovo? Za neta̱n a̱v getain c'ko̱l da, i A'Sila̱.”
5An Hananiya hongtin lalksa̱ hna, u hek nu'cop u uku. Netnanan hongin rihica̱ ha̱n kwe̱, gelk ryaak na̱ hwe̱di. 6Yaa'beba̱n unuku a alka̱lk wa̱a̱d ru a̱n k'kusu, a rutk o a havk a sagka.
7An na emtin s'ho̱r s'ta̱a̱cu, netav ru uvka̱ la ba̱ru. U zatta napsa̱n rina̱n emin da. 8Bitrus ipkt bo̱ o, “I geda̱n kindina̱n babtin ha̱n d'baa?”
U se̱st bo̱ Bitrus, “Ha̱, i ged bo̱.”
9Bitrus zeta bo̱ o, “I'Le̱e̱le̱ a̱n saatin a̱n maakt Hora̱md Kan Go̱mca̱n Kooye̱? An sagin wa̱ra̱v el a̱n bira̱vna'isna̱. Ta o̱m la v a ruti.” 10A̱ndaabe Safiratu hek zwagrapp a̱n hwic Bitrus u uku. An yaa'beba̱n uvta̱in a gitka̱ o u uki, a o̱mk wa̱a̱d ru a havk a sagk a̱n paata̱n sagu wa̱ru. 11Damran gelk ryaak a s'gab a an hongin rihica̱ ha̱n kwe̱.
Comta̱nc taask neta̱n s'malse
12Comta̱nc emka̱lk ta̱m rihica̱ c'he̱t hwe̱di a rihica̱n sipa̱m na'nwa̱a̱n baa netna. A s'gab lak ta mera a̱n buuk Na'Sil a̱n baada̱n nan po̱g, puge̱d So̱lmo̱n. 13Neta̱n lak ge̱ ta ne̱e̱ na̱ k'gwin, a ta em la d'kut a na̱nnan da. 14Puti a tan na, na sudk ta̱m a̱n kum damran bugca̱n a̱ra̱mna̱ a netan hwe̱di an batin d'ba̱t baa Kan Go̱mca̱n Kooye̱.
15Rema̱n yomka c'comtne, i cek neta̱n ta ruta̱ an gaag a̱n c'kakda a c'zega na a la̱ta̱lsa̱ na̱ a̱n paat s'le̱ve̱. I bat a Bitrus la tu to̱o̱-to̱o̱, le̱le̱ma̱n hora̱md ru ma̱n caa ahyan baa na̱. 16Damran bugca̱n neta̱n rwiila̱lka̱ ta̱m lanma̱n le̱e̱ma̱n paata̱n le̱in Urisalima kwe̱, a noktka an zattin m'ho̱o̱ka̱n da a an rinnas'ce ne, na taask la koowe̱ gaag ru.
Na ryeeska c'comta̱n d'koba
17Go̱m va̱ d'ka̱b u Na'Sil u so̱dke, a neta̱n run an rein an ka̱nk Sadusin, gudgta̱ bo̱ a̱n damra d'hyubu. 18A sipk c'comtne a gwedaka na̱ a̱n buu s'ko̱m un na retin nan gweda netna v'dumu. 19K'Comta̱v Na'Sila̱ haka la a̱n gyop u a̱ba̱ska̱ bira̱vna'isnan buuk s'ko̱mo̱, u rutka̱ na̱. U zeka na̱, 20“Nok na a̱n es a̱n gwen un buuk Na'Sil a̱n ema neta̱n ba̱sda̱n lalksa̱n le̱vk pooka̱n ka̱ c'nocurimu.”
21Aa hongtin taanlo, a uvk a̱n gwen un buuk Na'Sil nu'pun a la̱a̱ska̱ na.
An go̱m va̱ d'ka̱b u Na'Sil u so̱dk a an lain baa run cetaine, a po̱gk ka̱nk an gedma̱n lalk d'kut a hwenga̱nc Yahude̱n kwe̱ a meraka. A comt bo̱ a̱n buu s'ko̱m az na nokta c'comt nane. 22An so̱dka̱n koola̱n cetine, a ta gat c'comta̱n a̱nmin buu s'ko̱m da. A vaakta bo̱ a ve̱ce̱ na̱. 23A zeka, “Ca̱ gitka̱ buu s'ko̱m d'gweda kwakk. A s'rega̱d el ta̱m a'es a̱n s'bira̱vna'isna̱. Ac gweda̱lstain c'hut c uvku, ca gita̱ la k'comt a̱nmi da.”
24An so̱dka̱v an rega̱dsa̱n buuk Na'Sil a C'Hwengnan ka̱bd Na'Sil hongtin rihica̱ hna, i gagk na̱ d'hi. A keka̱bk rina̱n rihica̱ ha̱n ca̱n nokta. 25Noc hyan hata bo̱ a̱n daava̱n lo u zeka na̱, “Go̱t bo̱ na netnan lo an gwedain a̱n buu s'ko̱mo̱, a el a'es a̱n gwen un buuk Na'Sil a̱n la̱a̱sa̱m netna.”
26So̱dka̱v koola̱n a damran hyan havt bo̱ a ruta̱ na̱ sasa, za na̱m'we̱s da. Rema̱n a el na̱v'gel az neta̱n ta bonga̱l na̱.
27Aa nokttain c'comta̱n a̱n hwic a̱n ka̱nk an gedma̱n lalko, Go̱m va̱ d'ka̱b u Na'Sil u so̱dk ipkt bo̱ na̱. 28U zeka, “Ca gedasa ha̱n no gwe̱e̱va̱n emam neta̱n la̱a̱s a̱n dinda̱ ha̱n da? Go̱t a̱n sa̱ma̱nska̱ le̱in Urisalima kwe̱ a̱n la̱a̱s no. A̱n el a̱n hob ta̱m a̱n ke̱e̱ co, az i cwan a̱n hwain noc uhna.”#5:28 Go̱t ta̱m: Mat 27:25.
29Bitrus a comta̱nc hyann se̱st bo̱, “I Silan ca̱n gaba, za neta̱nrima da. 30Sila ceta cinna po̱to̱sko̱ Ye̱so u'na̱n edgin a̱n k'kan, a̱n hoka. 31I unwa a̱n Sila ne̱in k'gwin u soott a̱n kabva̱n komas'to̱ a na̱. U soot ta̱m kan tu em c'go̱m a ka d'gwa̱a̱ma̱ na̱. Rema̱n u ne̱e̱t netnan Isra'ila ke̱e̱da̱n bitla̱m c'hwin a kumma̱n kwisida̱ c'ko̱t no. 32C he̱nk rihica̱ ha̱n a̱n is co. Hora̱mda̱n zattin ri d'reb da ta̱m tan, Hora̱mda̱n Sila ne̱in an rein ta gab lalk ru.”
33An an gedma̱n lalk hongtine, a hwinsk hwe̱di. A to̱nk be̱ a geda na̱ lalk az na hwaa na̱. 34Da̱nv an gedma̱n lalko, k'Farisi un nan po̱g Gamaliye̱l, kan la̱a̱sa̱m na s'giira un na rein nan ne̱e̱ k'gwin, unutu bo̱. U zek az na baa rut c'comta̱n a baa lag ka̱nk an gedma̱n lalko. 35An na ruttin comta̱nc ne, u zek hyaaro no, “Nwaa netnan Isra'ila, nap na bo̱ rina̱n ta̱n em netna hna. 36Bakasa na hweca̱n dima̱, Te̱udas una̱vka̱ a̱n daka̱m d'gen az i unwa rihi. Neta̱n s'za̱ngu s'naas gabk o. An na hotin la o, an gabin o kwe̱, na ba̱rgska̱ na̱. Rin lo vaakk ta̱m rin ka̱ka̱la̱.
37“An ta̱da̱n lo to̱o̱tin ta̱ma̱, a̱n hweca̱ d'ogmo, Yahuda kan Galili una̱vka̱ la ba̱ru u de̱lk neta̱n a gudga̱vka̱ c'go̱mo̱. Unwa ta̱ma̱, na hok o. An gabin ta̱m lalk ru kwe̱, a ba̱rgka̱. 38Rema̱n taanlo ta̱'m ze no, lag na netna ha̱n a̱n c'na̱. Awaz rina̱n a walgin a rihica̱n a rein nu'em no, i la̱a̱m neta̱nrima, a ca̱n caa d'baa da. 39Awaz la az i rihic Na'Sila̱, a ta̱n hweks bo̱ a̱n hol na̱ da. Ai soot la ta̱m az a̱n la-la a̱n ela̱vsom Na'Sil da.” 40An gedma̱n lalk kabt bo̱ lalk ru. A po̱gto̱ bo̱ az comta̱nc vaaka a uva̱. A swepa̱lt bo̱ na̱. A be̱se̱ a gedasa na̱ v'gwe̱e̱ az aa sud la a̱n tana dind Ye̱so da. A batuz kaa na̱ a to̱o̱.
41Comta̱nc ruk lanma̱n baa ka̱nk an gedma̱n lalk a̱n c'za̱ngkta̱. A zeka, cwan ha̱n la baco, c gubk na ryeesa co d'koba, na ne̱e̱ ta̱m co m'e̱n rema̱n dind Ye̱so? 42A ryaak hwic kooye̱ hweda̱, a̱n gwen un buuk Na'Sil a c'buu nu, ta ve̱ce̱ neta̱n kasi lalk Ka̱risti, Ye̱so.
ទើបបានជ្រើសរើសហើយ៖
Yomka C'Comtne 5: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 5
5
Hananiya na Safiratu
1Noc lak de̱ha̱n nan po̱g o Hananiya. Netav ru i Safiratu. U babka ke̱nge̱k ru. 2U kask kind a naps netav ru nu u ze̱ske̱. U noktka kaa rina̱n kusin u kink a̱n hwic comta̱nc Ye̱so. 3Bitrus zeta bo̱ o, “Hananiya, i rema̱n ye̱ v lagtin A̱krimu palk va̱ v geta Hora̱mda̱n zattin ri d'reb da c'ko̱lo̱? A̱v wankste kindina̱n v babtin d'baa a̱v ze̱s ihyan? 4An baad latin a̱v ta bab da̱ da, za d rov da? Av babtin da̱ ta̱ma̱, za vo a̱n ciin we̱sma̱n kindin da̱n da? I rema̱n ye̱ kaa v keka̱btin goon rihica̱ ha̱n a̱n de̱bc rovo? Za neta̱n a̱v getain c'ko̱l da, i A'Sila̱.”
5An Hananiya hongtin lalksa̱ hna, u hek nu'cop u uku. Netnanan hongin rihica̱ ha̱n kwe̱, gelk ryaak na̱ hwe̱di. 6Yaa'beba̱n unuku a alka̱lk wa̱a̱d ru a̱n k'kusu, a rutk o a havk a sagka.
7An na emtin s'ho̱r s'ta̱a̱cu, netav ru uvka̱ la ba̱ru. U zatta napsa̱n rina̱n emin da. 8Bitrus ipkt bo̱ o, “I geda̱n kindina̱n babtin ha̱n d'baa?”
U se̱st bo̱ Bitrus, “Ha̱, i ged bo̱.”
9Bitrus zeta bo̱ o, “I'Le̱e̱le̱ a̱n saatin a̱n maakt Hora̱md Kan Go̱mca̱n Kooye̱? An sagin wa̱ra̱v el a̱n bira̱vna'isna̱. Ta o̱m la v a ruti.” 10A̱ndaabe Safiratu hek zwagrapp a̱n hwic Bitrus u uku. An yaa'beba̱n uvta̱in a gitka̱ o u uki, a o̱mk wa̱a̱d ru a havk a sagk a̱n paata̱n sagu wa̱ru. 11Damran gelk ryaak a s'gab a an hongin rihica̱ ha̱n kwe̱.
Comta̱nc taask neta̱n s'malse
12Comta̱nc emka̱lk ta̱m rihica̱ c'he̱t hwe̱di a rihica̱n sipa̱m na'nwa̱a̱n baa netna. A s'gab lak ta mera a̱n buuk Na'Sil a̱n baada̱n nan po̱g, puge̱d So̱lmo̱n. 13Neta̱n lak ge̱ ta ne̱e̱ na̱ k'gwin, a ta em la d'kut a na̱nnan da. 14Puti a tan na, na sudk ta̱m a̱n kum damran bugca̱n a̱ra̱mna̱ a netan hwe̱di an batin d'ba̱t baa Kan Go̱mca̱n Kooye̱.
15Rema̱n yomka c'comtne, i cek neta̱n ta ruta̱ an gaag a̱n c'kakda a c'zega na a la̱ta̱lsa̱ na̱ a̱n paat s'le̱ve̱. I bat a Bitrus la tu to̱o̱-to̱o̱, le̱le̱ma̱n hora̱md ru ma̱n caa ahyan baa na̱. 16Damran bugca̱n neta̱n rwiila̱lka̱ ta̱m lanma̱n le̱e̱ma̱n paata̱n le̱in Urisalima kwe̱, a noktka an zattin m'ho̱o̱ka̱n da a an rinnas'ce ne, na taask la koowe̱ gaag ru.
Na ryeeska c'comta̱n d'koba
17Go̱m va̱ d'ka̱b u Na'Sil u so̱dke, a neta̱n run an rein an ka̱nk Sadusin, gudgta̱ bo̱ a̱n damra d'hyubu. 18A sipk c'comtne a gwedaka na̱ a̱n buu s'ko̱m un na retin nan gweda netna v'dumu. 19K'Comta̱v Na'Sila̱ haka la a̱n gyop u a̱ba̱ska̱ bira̱vna'isnan buuk s'ko̱mo̱, u rutka̱ na̱. U zeka na̱, 20“Nok na a̱n es a̱n gwen un buuk Na'Sil a̱n ema neta̱n ba̱sda̱n lalksa̱n le̱vk pooka̱n ka̱ c'nocurimu.”
21Aa hongtin taanlo, a uvk a̱n gwen un buuk Na'Sil nu'pun a la̱a̱ska̱ na.
An go̱m va̱ d'ka̱b u Na'Sil u so̱dk a an lain baa run cetaine, a po̱gk ka̱nk an gedma̱n lalk d'kut a hwenga̱nc Yahude̱n kwe̱ a meraka. A comt bo̱ a̱n buu s'ko̱m az na nokta c'comt nane. 22An so̱dka̱n koola̱n cetine, a ta gat c'comta̱n a̱nmin buu s'ko̱m da. A vaakta bo̱ a ve̱ce̱ na̱. 23A zeka, “Ca̱ gitka̱ buu s'ko̱m d'gweda kwakk. A s'rega̱d el ta̱m a'es a̱n s'bira̱vna'isna̱. Ac gweda̱lstain c'hut c uvku, ca gita̱ la k'comt a̱nmi da.”
24An so̱dka̱v an rega̱dsa̱n buuk Na'Sil a C'Hwengnan ka̱bd Na'Sil hongtin rihica̱ hna, i gagk na̱ d'hi. A keka̱bk rina̱n rihica̱ ha̱n ca̱n nokta. 25Noc hyan hata bo̱ a̱n daava̱n lo u zeka na̱, “Go̱t bo̱ na netnan lo an gwedain a̱n buu s'ko̱mo̱, a el a'es a̱n gwen un buuk Na'Sil a̱n la̱a̱sa̱m netna.”
26So̱dka̱v koola̱n a damran hyan havt bo̱ a ruta̱ na̱ sasa, za na̱m'we̱s da. Rema̱n a el na̱v'gel az neta̱n ta bonga̱l na̱.
27Aa nokttain c'comta̱n a̱n hwic a̱n ka̱nk an gedma̱n lalko, Go̱m va̱ d'ka̱b u Na'Sil u so̱dk ipkt bo̱ na̱. 28U zeka, “Ca gedasa ha̱n no gwe̱e̱va̱n emam neta̱n la̱a̱s a̱n dinda̱ ha̱n da? Go̱t a̱n sa̱ma̱nska̱ le̱in Urisalima kwe̱ a̱n la̱a̱s no. A̱n el a̱n hob ta̱m a̱n ke̱e̱ co, az i cwan a̱n hwain noc uhna.”#5:28 Go̱t ta̱m: Mat 27:25.
29Bitrus a comta̱nc hyann se̱st bo̱, “I Silan ca̱n gaba, za neta̱nrima da. 30Sila ceta cinna po̱to̱sko̱ Ye̱so u'na̱n edgin a̱n k'kan, a̱n hoka. 31I unwa a̱n Sila ne̱in k'gwin u soott a̱n kabva̱n komas'to̱ a na̱. U soot ta̱m kan tu em c'go̱m a ka d'gwa̱a̱ma̱ na̱. Rema̱n u ne̱e̱t netnan Isra'ila ke̱e̱da̱n bitla̱m c'hwin a kumma̱n kwisida̱ c'ko̱t no. 32C he̱nk rihica̱ ha̱n a̱n is co. Hora̱mda̱n zattin ri d'reb da ta̱m tan, Hora̱mda̱n Sila ne̱in an rein ta gab lalk ru.”
33An an gedma̱n lalk hongtine, a hwinsk hwe̱di. A to̱nk be̱ a geda na̱ lalk az na hwaa na̱. 34Da̱nv an gedma̱n lalko, k'Farisi un nan po̱g Gamaliye̱l, kan la̱a̱sa̱m na s'giira un na rein nan ne̱e̱ k'gwin, unutu bo̱. U zek az na baa rut c'comta̱n a baa lag ka̱nk an gedma̱n lalko. 35An na ruttin comta̱nc ne, u zek hyaaro no, “Nwaa netnan Isra'ila, nap na bo̱ rina̱n ta̱n em netna hna. 36Bakasa na hweca̱n dima̱, Te̱udas una̱vka̱ a̱n daka̱m d'gen az i unwa rihi. Neta̱n s'za̱ngu s'naas gabk o. An na hotin la o, an gabin o kwe̱, na ba̱rgska̱ na̱. Rin lo vaakk ta̱m rin ka̱ka̱la̱.
37“An ta̱da̱n lo to̱o̱tin ta̱ma̱, a̱n hweca̱ d'ogmo, Yahuda kan Galili una̱vka̱ la ba̱ru u de̱lk neta̱n a gudga̱vka̱ c'go̱mo̱. Unwa ta̱ma̱, na hok o. An gabin ta̱m lalk ru kwe̱, a ba̱rgka̱. 38Rema̱n taanlo ta̱'m ze no, lag na netna ha̱n a̱n c'na̱. Awaz rina̱n a walgin a rihica̱n a rein nu'em no, i la̱a̱m neta̱nrima, a ca̱n caa d'baa da. 39Awaz la az i rihic Na'Sila̱, a ta̱n hweks bo̱ a̱n hol na̱ da. Ai soot la ta̱m az a̱n la-la a̱n ela̱vsom Na'Sil da.” 40An gedma̱n lalk kabt bo̱ lalk ru. A po̱gto̱ bo̱ az comta̱nc vaaka a uva̱. A swepa̱lt bo̱ na̱. A be̱se̱ a gedasa na̱ v'gwe̱e̱ az aa sud la a̱n tana dind Ye̱so da. A batuz kaa na̱ a to̱o̱.
41Comta̱nc ruk lanma̱n baa ka̱nk an gedma̱n lalk a̱n c'za̱ngkta̱. A zeka, cwan ha̱n la baco, c gubk na ryeesa co d'koba, na ne̱e̱ ta̱m co m'e̱n rema̱n dind Ye̱so? 42A ryaak hwic kooye̱ hweda̱, a̱n gwen un buuk Na'Sil a c'buu nu, ta ve̱ce̱ neta̱n kasi lalk Ka̱risti, Ye̱so.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019