Yomka C'Comtne 13
13
Na comk Barnabas na So̱o̱l
1A̱nmin bugd a s'gabnanan rein a̱n le̱in Antiyo̱k, na ciki baranc Na'Sil a a s'nap na. I Barnabas na Simo̱n un nan po̱g Naija, a Lusiyo̱s kan Serane, a Manayen ne, un gubin a He̱ro̱d#13:1 He̱ro̱d: He̱ro̱d Antipas, waav He̱ro̱d u so̱dke un laina̱n go̱mca̱n copun Galili. Go̱t ta̱m: Luk 3:1. go̱m no̱, a So̱o̱l ne. 2Aa retina̱n hwiipsa̱c Kan Go̱mca̱n Kooye̱ a i'so̱o̱ti ni, Hora̱mda̱n zattin ri d'reb da zeka na̱, “Ke̱e̱ na m Barnabas na So̱o̱l rem a emt yomka na m po̱gtin na̱.”
3Aa emtin i'so̱o̱ti a s'cepk no, a dwedaka na̱ c'koma. A sakaska ta̱m na̱ a̱n k'le̱ve̱.
Havma̱n copun Saipros
4An Hora̱mda̱n zattin ri d'reb da comtin na̱, a sakk k'le̱v a havk a̱n le̱in Se̱lusiya. A uvk a̱n bumbka̱ m'ho̱o̱ lanma̱n a̱n'a a cek copun Saipros. 5Aa cetin le̱in Salamis, a ba̱sk lalks Na'Sil a̱nmin ka̱bca̱n kargad Yahude̱ ne. Yohana un nan po̱g Markus, lak ta̱m d'kut a a̱n'a na a̱n se̱e̱te̱m na̱.
6Aa gedantain copuna̱n ho̱o̱m rigine, a cek le̱in Pafos. A gitka̱ k'Yahude̱ un nan po̱g Baye̱so a̱n a̱n'a. I ka c'mala̱ma̱. Kan lain ta̱m tu palk neta̱n az i unwa k'barav Na'Sila̱. 7I unwa barav kan go̱mc nu'copo, Sagiyo̱s Polos, noc ka s'vere. Go̱m po̱gk Barnabas na So̱o̱l rema̱n u to̱nk u hong lalks Na'Sila̱. 8Dind Baye̱so ka c'mala̱ma̱ da̱ hyan, i Elimas a̱n remd C'Girik. U emk s'lan a a̱n'a na rema̱n u ke̱ta̱mste̱, u hol go̱m kabma̱n lalks Na'Sila̱.
9So̱o̱l la (un nan po̱g ta̱m Bulus) kan Hora̱mda̱n zattin ri d'reb da rein baa ru, ke̱e̱k o a̱n isa̱. 10U zeka o, “Vo waav A̱krimu, ka c'palka a d'naas ne. Kan ha̱lin ta̱m m'ga̱u. I nama kaa a̱n ta̱'v lag ke̱ta̱mse̱ca̱n lalks Na'Sila̱? 11Go̱to̱ a̱nta̱ma̱, Kan Go̱mca̱n Kooye̱ tu ne̱e̱ va̱ d'koba. Ta̱'v baa poma, a ta̱'v he̱n za̱nd ni'hwen da.”
A̱ndaabe, d'budgu a i'cumunkun kwepaka o a'cuu. U maaske a̱n paam c'baa a̱n s'tabg a̱n hoba̱n kan tu nak o. 12An go̱m he̱ntin rina̱n kumin Elimas, u sipk a'nwa̱a̱. U batt bo̱ kaa d'ba̱t u kab kasi lalk Kan Go̱mca̱n Kooye̱.
A̱nmin le̱in Antiyo̱k
13An Bulus a bugd run lagtain le̱in Pafos na̱m'saa, a ceka le̱in Pega a̱nmin copun Pamfiliya. Yohana un nan po̱g Markus, lagk na̱ a̱n a̱n'a, u vaakk a̱n le̱in Urisalima. 14Aa lagtin le̱in Pega, a cek le̱in Antiyo̱k, le̱ina̱n rein a̱nmin copun Pisidiya. A̱n hweda̱n hwerad Yahude̱ne̱, a uvk a̱nmin ka̱bda̱n kargad Yahude̱n a sootka.
15An na taastin po̱gma̱n ge̱nsa̱n giira Mosa a ge̱ns baranc Na'Sil na̱, go̱mgo̱mnan ka̱bda̱n kargad Yahude̱n comka baa Bulus a bugd ru nu. I az na ze na̱, “Nwaa hyanna co, awaz a̱n ci lalksa̱n sa̱n sud setasam de̱bc netna hna, vata na sa̱.”
16Bulus unutu bo̱ u esk u te̱kkse̱ na̱ a̱n c'koma. U zeuz na̱, “Netnan Isra'ila an gela̱v Na'Sila̱, ganna u'con. 17Sila netnan Isra'ila dagk ceta cinna. A de̱lk na̱ a soot a̱n d'hamce a̱nmin copun Masar a ma̱ca̱mka̱. A rutka̱ ta̱m na̱ a̱n damran we̱sa̱m na̱ lanma̱n copune.#13:17 Go̱t ta̱m: U'Rwa̱ 1:7; 12:51. 18Sila gagk ta̱m c'de̱b a na̱nnan s'we̱e̱ kwe̱zc c'il a̱nmi k'kade.#13:18 Go̱t ta̱m: D'Og 14:34.
19“An Sila hweeltin netna c'cop c'tan'ila̱ a̱n copun Kana, a nesk netnan Isra'ila baac na̱. 20An s'we̱e̱ s'za̱ngu s'naas a̱n kwe̱zc il a̱n oopa to̱o̱tine, Sila ke̱e̱ke̱ an Isra'ila an ta geda na̱ lalk caama̱n daav k'barav Na'Sil Samwe̱l. 21A hobt bo̱ az na ke̱e̱ na̱ go̱mo̱. Sila ke̱e̱te̱ bo̱ la na̱ So̱o̱l waav Kish, lanma̱n goov Be̱nje̱mi. U emk c'go̱m s'we̱e̱ kwe̱zc c'ila̱. 22An Sila ho̱ltin So̱o̱l c'go̱mo̱, a kaak Dauda u soot go̱m va̱ na̱. Sila bo̱mk Dauda, a zeka, ‘A̱m hobgka, a̱m he̱nk ta̱m Dauda waav Je̱si ci goon de̱bca̱n ta̱'m to̱no̱. Tu em ta̱m rina̱n m to̱nin kwe̱.’
23“I baan goov Dauda a̱n Sila rutva̱in Isra'ila ka d'gwa̱a̱ma̱, Ye̱so, rem a esasta lalksa̱n a gigine. 24Az Ye̱so takta la yomka ru, Yohana ba̱sk az netnan Isra'ila bita̱l c'hwin, a lag ko̱tc na̱ kwe̱, na ema na̱ baptisma.#13:24 Go̱t ta̱m: Mar 1:4; Luk 3:3. 25An Yohana bo̱ptina̱n taas yomka ru, u ipkk na̱, ‘A̱n he̱nu no, i mi we̱? Za mi a̱n rein kan a̱n rein a̱n la̱gs da. Noc hyan lan na̱m'han a̱n dimd ri. A̱m ta ma̱a̱na̱ a̱m but s'gagc sa̱n kaatc ru da.’
26“Ha̱n mi ni, aknan buuk Ibrahi a an zain Yahude̱n da, an ta gel A'Sila̱, i baa cinna a̱n na comtain lalksa̱ ha̱n sa̱ d'gwa̱a̱ma̱. 27Netnan le̱in Urisalima a go̱mgo̱ma̱n na̱n ta nap az i Ye̱so a̱n rein ka d'gwa̱a̱m da. Hweeda̱n a hwain la o, a esaska rina̱n baranc Na'Sil vatin a̱nmin ge̱nsa̱n a rein ta po̱g kooye̱ hweda̱n hwerad Yahude̱n da.
28“Go̱t ge̱ a ta kum rina̱n cain na hwaa o da, a konk ge̱ Bilatu az na hwaa Ye̱so.#13:28 Go̱t ta̱m: Mat 27:22-23; Mar 15:13-14; Luk 23:21-23; Yoh 19:15. 29Aa taastin emam Ye̱so rihica̱n na ge̱nin de̱ha̱nzo az nan han na ema o kwe̱, a citka̱ o a̱n k'kan ta̱m a sagk o. 30Sila po̱to̱sko̱ la o. 31An baalain a unwan lanma̱n copun Galili caama̱n le̱in Urisalima, a he̱nk o c'hwen hwe̱di. A̱nta̱ma̱, i na̱nna a̱n rein an ve̱ce̱m neta̱n cinna az rihica̱ ha̱n emka.
32“Ca̱ el ta̱m a̱n ve̱ce̱m no kasi lalk u c'za̱ngkta̱. Rina̱n Sila gigin lalk az ta ne̱e̱ ceta cinna. 33A esaska lalkune baa cinna aka̱n na̱, aa po̱to̱sto̱in Ye̱so. I ho̱da̱na̱n i retin a'ge̱n a̱n taka̱llaka̱n Zabura ka̱ v'illa̱. A zeka,
“ ‘I vo waav ri.
A̱m vaak cet a̱v te̱nte̱.’#13:33 Go̱t ta̱m: Zab 2:7.
34“Da̱n Sila po̱to̱sko̱ Ye̱so lanm na'wa̱a̱, a tu tak a̱n wa̱a̱ ta̱m da, Sila vatk e ho̱d uhna. A zeka,
“ ‘Ke̱ng ta̱'m ema vo.
A̱m de̱le̱ v pusuuna̱n zattin ri d'reb da
ho̱da̱na̱n m gigitiin Dauda go̱m lalko.’#13:34 Go̱t ta̱m: Isa 55:3.
35“A sudk a̱n vat ta̱m a̱nmin taka̱llaka̱n Zabura k hyan. A zeka,
“ ‘A ta̱'v lag ta̱m kan zattin ri d'reb
u rov u zug nu'sag da.’#13:35 Go̱t ta̱m: Zab 16:10.
36“An Dauda emtin geda̱n rina̱n Sila to̱nine, u taask ta̱m daav ru, u uku. Na sagk ta̱m o va̱na̱n na sagin c'ceton an de̱hne. U zugk la. 37Kan Sila po̱to̱so̱in la, u ta zug da.
38“Rema̱n taanlo, hyaarene, soot na kaa a s'nap na. I rem Ye̱so a̱n na retina̱n emam no ba̱sda̱n kwisida̱ c'ko̱to. Ko̱tca̱n giiras Mosa ta la̱in a̱n le̱g no da. 39An batin d'ba̱t kwe̱ baa ru, ta kum d'le̱go. 40La̱a̱ na a'ha̱gc rema̱n a rina̱n baranc Na'Sil tanain han la i kum no da. A zeka:
41“ ‘Go̱t na, nwaa a c'hyaaka.
A̱n sip a'nwa̱a̱ a̱n wa̱a̱.
Rema̱n ta̱'m em rihi a̱n daav no.
Rina̱n rein ai to̱n noc ve̱ce̱ no,
a ta̱n bat d'ba̱t a̱n kab da.’ ”#13:41 Go̱t ta̱m: Hab 1:5.
42An Bulus na Barnabas retina̱n rwa̱a̱ma̱n ka̱bda̱n kargad Yahude̱ne̱, neta̱n bank na̱ a vaaka a̱n hweda̱ d'hwera da̱n laine, a ryaa hwic a̱n ba̱sda̱n lalks ne. 43An kargad bustine, Yahude̱n hwe̱di, a netnanan lagain gabs na̱ a emt gabsa̱ d'Yahude̱ na̱m'ga̱u, a gabk Bulus na Barnabas. Bulus a̱n emaka na̱ s'lalko. A kaagk ta̱m na̱ a ryaa hwic a̱nmin pusuu Na'Sil a̱n gaba̱m ru na̱m'ga̱u.
44A̱n hweda̱n hwerad Yahude̱n da̱n gabaine, pa̱ntu i'le̱ i'biri kargka a hongt lalks Kan Go̱mca̱n Kooye̱. 45An Yahude̱n he̱ntin damran bugda̱n netna, hyubud ela̱vka na̱. A emk s'lana, a rebga̱l Bulus a be̱se̱ a ela̱vso A'Sila̱.
46Bulus na Barnabas se̱sk la na̱ a̱n c'a̱rma̱. A zeka, “I nwaa be̱ i ge̱be̱se̱in az na taka ve̱ce̱ma̱n lalks Na'Sila̱. Ai retin la a̱n ha̱lk kabma̱n sa̱n, a̱n gedaka hid no lalk az a̱n ta hwenna a̱n kab po̱tu d'kal da. Cwan bo̱, ca̱n vaak baa an zain Yahude̱n da. 47Rema̱n i taanl a̱n Kan Go̱mca̱n Kooye̱ zetin co. U zeka,
“A̱m walgk no a̱n soot d'za̱n
baa an zain Yahude̱n da.
A̱n sav ta̱m lalksa̱ d'gwa̱a̱ma̱
a̱n copca̱n copun yanda̱ha̱n kwe̱.”#13:47 Go̱t ta̱m: Isa 42:6; 49:6.
48Daava̱n an zain Yahude̱n da hongtin rihica̱ hna, a emk c'za̱ngkta̱ hwe̱di. A bo̱mk ta̱m A'Sil rema̱n lalks Kan Go̱mca̱n Kooye̱. Geda̱n an na dagin kwe̱ rem a kumt po̱tu d'kala, a batk d'ba̱t baa Ye̱so.
49Na ba̱sk ta̱m lalks Kan Go̱mca̱n Kooye̱ a̱n copun lo kwe̱. 50Yahude̱n la, a za̱ngsk netana k'gwin an gela̱v Na'Sila̱, a so̱dk na ni'le̱e̱ ne̱. A de̱lk na ryeesa Bulus na Barnabas a̱n d'koba, a vogk ta̱m na̱ a̱n copu na̱. 51Bulus na Barnabas pezgk la budgda̱n naas na̱, a to̱uz a caa le̱in Iko̱niyum. 52Sila de̱lk a s'gab a em c'za̱ngkta̱ hwe̱di. A kumk ta̱m Hora̱mda̱n zattin ri d'reb da.
ទើបបានជ្រើសរើសហើយ៖
Yomka C'Comtne 13: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
Yomka C'Comtne 13
13
Na comk Barnabas na So̱o̱l
1A̱nmin bugd a s'gabnanan rein a̱n le̱in Antiyo̱k, na ciki baranc Na'Sil a a s'nap na. I Barnabas na Simo̱n un nan po̱g Naija, a Lusiyo̱s kan Serane, a Manayen ne, un gubin a He̱ro̱d#13:1 He̱ro̱d: He̱ro̱d Antipas, waav He̱ro̱d u so̱dke un laina̱n go̱mca̱n copun Galili. Go̱t ta̱m: Luk 3:1. go̱m no̱, a So̱o̱l ne. 2Aa retina̱n hwiipsa̱c Kan Go̱mca̱n Kooye̱ a i'so̱o̱ti ni, Hora̱mda̱n zattin ri d'reb da zeka na̱, “Ke̱e̱ na m Barnabas na So̱o̱l rem a emt yomka na m po̱gtin na̱.”
3Aa emtin i'so̱o̱ti a s'cepk no, a dwedaka na̱ c'koma. A sakaska ta̱m na̱ a̱n k'le̱ve̱.
Havma̱n copun Saipros
4An Hora̱mda̱n zattin ri d'reb da comtin na̱, a sakk k'le̱v a havk a̱n le̱in Se̱lusiya. A uvk a̱n bumbka̱ m'ho̱o̱ lanma̱n a̱n'a a cek copun Saipros. 5Aa cetin le̱in Salamis, a ba̱sk lalks Na'Sil a̱nmin ka̱bca̱n kargad Yahude̱ ne. Yohana un nan po̱g Markus, lak ta̱m d'kut a a̱n'a na a̱n se̱e̱te̱m na̱.
6Aa gedantain copuna̱n ho̱o̱m rigine, a cek le̱in Pafos. A gitka̱ k'Yahude̱ un nan po̱g Baye̱so a̱n a̱n'a. I ka c'mala̱ma̱. Kan lain ta̱m tu palk neta̱n az i unwa k'barav Na'Sila̱. 7I unwa barav kan go̱mc nu'copo, Sagiyo̱s Polos, noc ka s'vere. Go̱m po̱gk Barnabas na So̱o̱l rema̱n u to̱nk u hong lalks Na'Sila̱. 8Dind Baye̱so ka c'mala̱ma̱ da̱ hyan, i Elimas a̱n remd C'Girik. U emk s'lan a a̱n'a na rema̱n u ke̱ta̱mste̱, u hol go̱m kabma̱n lalks Na'Sila̱.
9So̱o̱l la (un nan po̱g ta̱m Bulus) kan Hora̱mda̱n zattin ri d'reb da rein baa ru, ke̱e̱k o a̱n isa̱. 10U zeka o, “Vo waav A̱krimu, ka c'palka a d'naas ne. Kan ha̱lin ta̱m m'ga̱u. I nama kaa a̱n ta̱'v lag ke̱ta̱mse̱ca̱n lalks Na'Sila̱? 11Go̱to̱ a̱nta̱ma̱, Kan Go̱mca̱n Kooye̱ tu ne̱e̱ va̱ d'koba. Ta̱'v baa poma, a ta̱'v he̱n za̱nd ni'hwen da.”
A̱ndaabe, d'budgu a i'cumunkun kwepaka o a'cuu. U maaske a̱n paam c'baa a̱n s'tabg a̱n hoba̱n kan tu nak o. 12An go̱m he̱ntin rina̱n kumin Elimas, u sipk a'nwa̱a̱. U batt bo̱ kaa d'ba̱t u kab kasi lalk Kan Go̱mca̱n Kooye̱.
A̱nmin le̱in Antiyo̱k
13An Bulus a bugd run lagtain le̱in Pafos na̱m'saa, a ceka le̱in Pega a̱nmin copun Pamfiliya. Yohana un nan po̱g Markus, lagk na̱ a̱n a̱n'a, u vaakk a̱n le̱in Urisalima. 14Aa lagtin le̱in Pega, a cek le̱in Antiyo̱k, le̱ina̱n rein a̱nmin copun Pisidiya. A̱n hweda̱n hwerad Yahude̱ne̱, a uvk a̱nmin ka̱bda̱n kargad Yahude̱n a sootka.
15An na taastin po̱gma̱n ge̱nsa̱n giira Mosa a ge̱ns baranc Na'Sil na̱, go̱mgo̱mnan ka̱bda̱n kargad Yahude̱n comka baa Bulus a bugd ru nu. I az na ze na̱, “Nwaa hyanna co, awaz a̱n ci lalksa̱n sa̱n sud setasam de̱bc netna hna, vata na sa̱.”
16Bulus unutu bo̱ u esk u te̱kkse̱ na̱ a̱n c'koma. U zeuz na̱, “Netnan Isra'ila an gela̱v Na'Sila̱, ganna u'con. 17Sila netnan Isra'ila dagk ceta cinna. A de̱lk na̱ a soot a̱n d'hamce a̱nmin copun Masar a ma̱ca̱mka̱. A rutka̱ ta̱m na̱ a̱n damran we̱sa̱m na̱ lanma̱n copune.#13:17 Go̱t ta̱m: U'Rwa̱ 1:7; 12:51. 18Sila gagk ta̱m c'de̱b a na̱nnan s'we̱e̱ kwe̱zc c'il a̱nmi k'kade.#13:18 Go̱t ta̱m: D'Og 14:34.
19“An Sila hweeltin netna c'cop c'tan'ila̱ a̱n copun Kana, a nesk netnan Isra'ila baac na̱. 20An s'we̱e̱ s'za̱ngu s'naas a̱n kwe̱zc il a̱n oopa to̱o̱tine, Sila ke̱e̱ke̱ an Isra'ila an ta geda na̱ lalk caama̱n daav k'barav Na'Sil Samwe̱l. 21A hobt bo̱ az na ke̱e̱ na̱ go̱mo̱. Sila ke̱e̱te̱ bo̱ la na̱ So̱o̱l waav Kish, lanma̱n goov Be̱nje̱mi. U emk c'go̱m s'we̱e̱ kwe̱zc c'ila̱. 22An Sila ho̱ltin So̱o̱l c'go̱mo̱, a kaak Dauda u soot go̱m va̱ na̱. Sila bo̱mk Dauda, a zeka, ‘A̱m hobgka, a̱m he̱nk ta̱m Dauda waav Je̱si ci goon de̱bca̱n ta̱'m to̱no̱. Tu em ta̱m rina̱n m to̱nin kwe̱.’
23“I baan goov Dauda a̱n Sila rutva̱in Isra'ila ka d'gwa̱a̱ma̱, Ye̱so, rem a esasta lalksa̱n a gigine. 24Az Ye̱so takta la yomka ru, Yohana ba̱sk az netnan Isra'ila bita̱l c'hwin, a lag ko̱tc na̱ kwe̱, na ema na̱ baptisma.#13:24 Go̱t ta̱m: Mar 1:4; Luk 3:3. 25An Yohana bo̱ptina̱n taas yomka ru, u ipkk na̱, ‘A̱n he̱nu no, i mi we̱? Za mi a̱n rein kan a̱n rein a̱n la̱gs da. Noc hyan lan na̱m'han a̱n dimd ri. A̱m ta ma̱a̱na̱ a̱m but s'gagc sa̱n kaatc ru da.’
26“Ha̱n mi ni, aknan buuk Ibrahi a an zain Yahude̱n da, an ta gel A'Sila̱, i baa cinna a̱n na comtain lalksa̱ ha̱n sa̱ d'gwa̱a̱ma̱. 27Netnan le̱in Urisalima a go̱mgo̱ma̱n na̱n ta nap az i Ye̱so a̱n rein ka d'gwa̱a̱m da. Hweeda̱n a hwain la o, a esaska rina̱n baranc Na'Sil vatin a̱nmin ge̱nsa̱n a rein ta po̱g kooye̱ hweda̱n hwerad Yahude̱n da.
28“Go̱t ge̱ a ta kum rina̱n cain na hwaa o da, a konk ge̱ Bilatu az na hwaa Ye̱so.#13:28 Go̱t ta̱m: Mat 27:22-23; Mar 15:13-14; Luk 23:21-23; Yoh 19:15. 29Aa taastin emam Ye̱so rihica̱n na ge̱nin de̱ha̱nzo az nan han na ema o kwe̱, a citka̱ o a̱n k'kan ta̱m a sagk o. 30Sila po̱to̱sko̱ la o. 31An baalain a unwan lanma̱n copun Galili caama̱n le̱in Urisalima, a he̱nk o c'hwen hwe̱di. A̱nta̱ma̱, i na̱nna a̱n rein an ve̱ce̱m neta̱n cinna az rihica̱ ha̱n emka.
32“Ca̱ el ta̱m a̱n ve̱ce̱m no kasi lalk u c'za̱ngkta̱. Rina̱n Sila gigin lalk az ta ne̱e̱ ceta cinna. 33A esaska lalkune baa cinna aka̱n na̱, aa po̱to̱sto̱in Ye̱so. I ho̱da̱na̱n i retin a'ge̱n a̱n taka̱llaka̱n Zabura ka̱ v'illa̱. A zeka,
“ ‘I vo waav ri.
A̱m vaak cet a̱v te̱nte̱.’#13:33 Go̱t ta̱m: Zab 2:7.
34“Da̱n Sila po̱to̱sko̱ Ye̱so lanm na'wa̱a̱, a tu tak a̱n wa̱a̱ ta̱m da, Sila vatk e ho̱d uhna. A zeka,
“ ‘Ke̱ng ta̱'m ema vo.
A̱m de̱le̱ v pusuuna̱n zattin ri d'reb da
ho̱da̱na̱n m gigitiin Dauda go̱m lalko.’#13:34 Go̱t ta̱m: Isa 55:3.
35“A sudk a̱n vat ta̱m a̱nmin taka̱llaka̱n Zabura k hyan. A zeka,
“ ‘A ta̱'v lag ta̱m kan zattin ri d'reb
u rov u zug nu'sag da.’#13:35 Go̱t ta̱m: Zab 16:10.
36“An Dauda emtin geda̱n rina̱n Sila to̱nine, u taask ta̱m daav ru, u uku. Na sagk ta̱m o va̱na̱n na sagin c'ceton an de̱hne. U zugk la. 37Kan Sila po̱to̱so̱in la, u ta zug da.
38“Rema̱n taanlo, hyaarene, soot na kaa a s'nap na. I rem Ye̱so a̱n na retina̱n emam no ba̱sda̱n kwisida̱ c'ko̱to. Ko̱tca̱n giiras Mosa ta la̱in a̱n le̱g no da. 39An batin d'ba̱t kwe̱ baa ru, ta kum d'le̱go. 40La̱a̱ na a'ha̱gc rema̱n a rina̱n baranc Na'Sil tanain han la i kum no da. A zeka:
41“ ‘Go̱t na, nwaa a c'hyaaka.
A̱n sip a'nwa̱a̱ a̱n wa̱a̱.
Rema̱n ta̱'m em rihi a̱n daav no.
Rina̱n rein ai to̱n noc ve̱ce̱ no,
a ta̱n bat d'ba̱t a̱n kab da.’ ”#13:41 Go̱t ta̱m: Hab 1:5.
42An Bulus na Barnabas retina̱n rwa̱a̱ma̱n ka̱bda̱n kargad Yahude̱ne̱, neta̱n bank na̱ a vaaka a̱n hweda̱ d'hwera da̱n laine, a ryaa hwic a̱n ba̱sda̱n lalks ne. 43An kargad bustine, Yahude̱n hwe̱di, a netnanan lagain gabs na̱ a emt gabsa̱ d'Yahude̱ na̱m'ga̱u, a gabk Bulus na Barnabas. Bulus a̱n emaka na̱ s'lalko. A kaagk ta̱m na̱ a ryaa hwic a̱nmin pusuu Na'Sil a̱n gaba̱m ru na̱m'ga̱u.
44A̱n hweda̱n hwerad Yahude̱n da̱n gabaine, pa̱ntu i'le̱ i'biri kargka a hongt lalks Kan Go̱mca̱n Kooye̱. 45An Yahude̱n he̱ntin damran bugda̱n netna, hyubud ela̱vka na̱. A emk s'lana, a rebga̱l Bulus a be̱se̱ a ela̱vso A'Sila̱.
46Bulus na Barnabas se̱sk la na̱ a̱n c'a̱rma̱. A zeka, “I nwaa be̱ i ge̱be̱se̱in az na taka ve̱ce̱ma̱n lalks Na'Sila̱. Ai retin la a̱n ha̱lk kabma̱n sa̱n, a̱n gedaka hid no lalk az a̱n ta hwenna a̱n kab po̱tu d'kal da. Cwan bo̱, ca̱n vaak baa an zain Yahude̱n da. 47Rema̱n i taanl a̱n Kan Go̱mca̱n Kooye̱ zetin co. U zeka,
“A̱m walgk no a̱n soot d'za̱n
baa an zain Yahude̱n da.
A̱n sav ta̱m lalksa̱ d'gwa̱a̱ma̱
a̱n copca̱n copun yanda̱ha̱n kwe̱.”#13:47 Go̱t ta̱m: Isa 42:6; 49:6.
48Daava̱n an zain Yahude̱n da hongtin rihica̱ hna, a emk c'za̱ngkta̱ hwe̱di. A bo̱mk ta̱m A'Sil rema̱n lalks Kan Go̱mca̱n Kooye̱. Geda̱n an na dagin kwe̱ rem a kumt po̱tu d'kala, a batk d'ba̱t baa Ye̱so.
49Na ba̱sk ta̱m lalks Kan Go̱mca̱n Kooye̱ a̱n copun lo kwe̱. 50Yahude̱n la, a za̱ngsk netana k'gwin an gela̱v Na'Sila̱, a so̱dk na ni'le̱e̱ ne̱. A de̱lk na ryeesa Bulus na Barnabas a̱n d'koba, a vogk ta̱m na̱ a̱n copu na̱. 51Bulus na Barnabas pezgk la budgda̱n naas na̱, a to̱uz a caa le̱in Iko̱niyum. 52Sila de̱lk a s'gab a em c'za̱ngkta̱ hwe̱di. A kumk ta̱m Hora̱mda̱n zattin ri d'reb da.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019