1 An Korinti 4
4
Comta̱nc Ka̱risti
1O̱m na co an yomka Ka̱risti. An Sila nesin yomkan ba̱tksa̱ma̱n walgc ze̱sk c Na'Sila̱. 2Rina̱n nan to̱n baa kan na nesin a'yomko, iu em yomka ne na̱m'ga̱u. 3A̱m ta wass az noc em lalk a̱n hob u hett a̱m da. Alla ka̱bda̱n gedma̱n lalk geda m lalk da. Mi la a ta̱'m maak a̱n geda hid ri lalk da. 4De̱bc ri ta kwesa la m az a̱m ci d'habs da. Puti a tan na, za la az a̱m le̱g-le̱g hid ri da. I Kan Go̱mca̱n Kooye̱ a̱n tu geda m lalko. 5Rema̱n taanlo, an ged la lalk a̱n rihi da, a za a daav cek da. Val na Kan Go̱mca̱n Kooye̱ vaaka. I unwa a̱n tu ruta̱ rihic ze̱sk c ni'cumunkunnu. U ba̱tksa̱ ta̱m rina̱n rein a̱nmin de̱bc netna. I a̱n daava̱n lo a̱n koowe̱ tu kabt bo̱mca̱n hwennain o baa Na'Sila̱.
6Hyaarene, a̱m emk hwennsaca̱n rihica̱ ha̱n a̱n mi a Appo̱llos ne, rema̱n i se̱e̱tte̱ no. I bat ta̱n la̱a̱s rina̱n lalks Na'Sil sa̱ha̱n rein na̱m'vata, “An em la rina̱n to̱in in rein a'ge̱n da.” I taanl a̱n zatina̱n em c'ka̱ndi a̱n kan la̱a̱s uda̱nka̱, az u pa̱tk uhyan da. 7I a̱n ye̱ v pa̱ttin hyaarvo? Iye̱ ta̱m a̱v ciini, in rein za Silan ne̱in v da? Awaz la i Silan ne̱in vo, i rema̱n ye̱ v retina̱n c'ka̱ndi, zai i vo a̱n ne̱in hid rovo?
8A̱n ci rihica̱n a̱n to̱nin kwe̱! A̱n ci ta̱m u'kumu. Na kaak ta̱m no c'go̱mo̱, a̱n na kaa la co da. A̱m to̱nk be̱ az i nwaa go̱mgo̱ma̱n na̱m'ga̱u, bat ca̱n em na c'go̱m d'kutu. 9A̱n he̱nu ri, Sila kink co c'comta̱n a d'be̱se̱, ho̱d coknanan na sipa̱in baa d'gaag nan sav-sav na̱ a̱n k'daada na hwaa. Na vaakska co rina̱n neta̱nrima a comta̱nc Na'Sil a̱n de̱le̱in is a̱n copun yanda̱hna. 10I cwan kipni rema̱n Ka̱risti. Nwaa la i a s'ver baan gabs Ka̱risti. C kalk m'we̱se̱. Nwaa la a̱n ci m'we̱se̱. Na ne̱e̱k no k'gwin. Cwan la na gink co.
11A̱nta̱ma̱, c el a̱n k'mer a i'so̱o̱ti ni. C el murmuru, na el ta̱m a̱n biis co. C zatta ta̱m c'buu da. 12C el la a̱n o̱sma̱ m'lo̱n na'yomk a̱n komc co. Aa reb co, c pe̱ge̱ na̱ emu Na'Sila̱. Aa ryeesa co d'koba, c gag c'de̱be̱. 13Aa naas co dina̱, c ve̱e̱kte̱ na̱ c'gom c kasi. Netnan copun yanda̱ha̱n vaakska co k'biki, rin ka̱ka̱l kwe̱ v'daa.
14A̱m ta ge̱nvo-ge̱nvo no rihica̱ ha̱n rema̱n a̱m ryeesta no m'e̱n da. I rema̱n a̱m kaagt no, ai retin i nwaa aka̱n ri an ta̱'m to̱no̱. 15A to̱n a̱n ci a c'go̱te s'kwe̱re̱ oopa baan gabs Ka̱risti, a̱n zatta c'ceton hwe̱di da. Rema̱n baan gabs Ka̱risti Ye̱so, a̱m sootk ceta no rema̱n ba̱sda̱n kasi lalkuna̱n m bisiin no. 16Rema̱n taanlo, a̱m el a̱n kona̱m no, az a̱n gabese me. 17I rema̱n taanl a̱m comtoin Timoti baa no. Timoti i waav ri a̱n s'gaba. A̱m el ta̱'m to̱n o hwe̱di. I kan gabs Ka̱risti na̱m'ga̱u. Tu bakasa no ho̱da̱n nocurimuc ri baan gabs Ka̱risti. U ve̱ce̱ no ta̱m ho̱da̱na̱n m retin ta̱'m la̱a̱sa̱ a s'gab koope̱.
18Ahyan baa no el na̱m'lo̱go̱. A el na̱m'go̱t az a ta̱'m hau ta̱m baa no da. 19A Kan Go̱mca̱n Kooye̱ ze, ta̱'m hau baa no za na̱m'gos da. A̱n daava̱n lo, ta̱'m nap rina̱n a retin na̱m'lo̱go̱, a rina̱n a rein na̱m'vat na. Ta̱'m nap awaz i we̱sa̱m Na'Sil na̱m'ga̱u a ciini. 20Rema̱n go̱mc Na'Sil za nu'vat c'taa da. I kwesama̱n we̱sa̱m Na'Sila̱. 21Iye̱ a̱n dagine? I a̱m noko baa no a v'lak ne alla a̱n de̱bca̱ c'to̱n a kalasam d'hi ni?
ទើបបានជ្រើសរើសហើយ៖
1 An Korinti 4: driNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019
1 An Korinti 4
4
Comta̱nc Ka̱risti
1O̱m na co an yomka Ka̱risti. An Sila nesin yomkan ba̱tksa̱ma̱n walgc ze̱sk c Na'Sila̱. 2Rina̱n nan to̱n baa kan na nesin a'yomko, iu em yomka ne na̱m'ga̱u. 3A̱m ta wass az noc em lalk a̱n hob u hett a̱m da. Alla ka̱bda̱n gedma̱n lalk geda m lalk da. Mi la a ta̱'m maak a̱n geda hid ri lalk da. 4De̱bc ri ta kwesa la m az a̱m ci d'habs da. Puti a tan na, za la az a̱m le̱g-le̱g hid ri da. I Kan Go̱mca̱n Kooye̱ a̱n tu geda m lalko. 5Rema̱n taanlo, an ged la lalk a̱n rihi da, a za a daav cek da. Val na Kan Go̱mca̱n Kooye̱ vaaka. I unwa a̱n tu ruta̱ rihic ze̱sk c ni'cumunkunnu. U ba̱tksa̱ ta̱m rina̱n rein a̱nmin de̱bc netna. I a̱n daava̱n lo a̱n koowe̱ tu kabt bo̱mca̱n hwennain o baa Na'Sila̱.
6Hyaarene, a̱m emk hwennsaca̱n rihica̱ ha̱n a̱n mi a Appo̱llos ne, rema̱n i se̱e̱tte̱ no. I bat ta̱n la̱a̱s rina̱n lalks Na'Sil sa̱ha̱n rein na̱m'vata, “An em la rina̱n to̱in in rein a'ge̱n da.” I taanl a̱n zatina̱n em c'ka̱ndi a̱n kan la̱a̱s uda̱nka̱, az u pa̱tk uhyan da. 7I a̱n ye̱ v pa̱ttin hyaarvo? Iye̱ ta̱m a̱v ciini, in rein za Silan ne̱in v da? Awaz la i Silan ne̱in vo, i rema̱n ye̱ v retina̱n c'ka̱ndi, zai i vo a̱n ne̱in hid rovo?
8A̱n ci rihica̱n a̱n to̱nin kwe̱! A̱n ci ta̱m u'kumu. Na kaak ta̱m no c'go̱mo̱, a̱n na kaa la co da. A̱m to̱nk be̱ az i nwaa go̱mgo̱ma̱n na̱m'ga̱u, bat ca̱n em na c'go̱m d'kutu. 9A̱n he̱nu ri, Sila kink co c'comta̱n a d'be̱se̱, ho̱d coknanan na sipa̱in baa d'gaag nan sav-sav na̱ a̱n k'daada na hwaa. Na vaakska co rina̱n neta̱nrima a comta̱nc Na'Sil a̱n de̱le̱in is a̱n copun yanda̱hna. 10I cwan kipni rema̱n Ka̱risti. Nwaa la i a s'ver baan gabs Ka̱risti. C kalk m'we̱se̱. Nwaa la a̱n ci m'we̱se̱. Na ne̱e̱k no k'gwin. Cwan la na gink co.
11A̱nta̱ma̱, c el a̱n k'mer a i'so̱o̱ti ni. C el murmuru, na el ta̱m a̱n biis co. C zatta ta̱m c'buu da. 12C el la a̱n o̱sma̱ m'lo̱n na'yomk a̱n komc co. Aa reb co, c pe̱ge̱ na̱ emu Na'Sila̱. Aa ryeesa co d'koba, c gag c'de̱be̱. 13Aa naas co dina̱, c ve̱e̱kte̱ na̱ c'gom c kasi. Netnan copun yanda̱ha̱n vaakska co k'biki, rin ka̱ka̱l kwe̱ v'daa.
14A̱m ta ge̱nvo-ge̱nvo no rihica̱ ha̱n rema̱n a̱m ryeesta no m'e̱n da. I rema̱n a̱m kaagt no, ai retin i nwaa aka̱n ri an ta̱'m to̱no̱. 15A to̱n a̱n ci a c'go̱te s'kwe̱re̱ oopa baan gabs Ka̱risti, a̱n zatta c'ceton hwe̱di da. Rema̱n baan gabs Ka̱risti Ye̱so, a̱m sootk ceta no rema̱n ba̱sda̱n kasi lalkuna̱n m bisiin no. 16Rema̱n taanlo, a̱m el a̱n kona̱m no, az a̱n gabese me. 17I rema̱n taanl a̱m comtoin Timoti baa no. Timoti i waav ri a̱n s'gaba. A̱m el ta̱'m to̱n o hwe̱di. I kan gabs Ka̱risti na̱m'ga̱u. Tu bakasa no ho̱da̱n nocurimuc ri baan gabs Ka̱risti. U ve̱ce̱ no ta̱m ho̱da̱na̱n m retin ta̱'m la̱a̱sa̱ a s'gab koope̱.
18Ahyan baa no el na̱m'lo̱go̱. A el na̱m'go̱t az a ta̱'m hau ta̱m baa no da. 19A Kan Go̱mca̱n Kooye̱ ze, ta̱'m hau baa no za na̱m'gos da. A̱n daava̱n lo, ta̱'m nap rina̱n a retin na̱m'lo̱go̱, a rina̱n a rein na̱m'vat na. Ta̱'m nap awaz i we̱sa̱m Na'Sil na̱m'ga̱u a ciini. 20Rema̱n go̱mc Na'Sil za nu'vat c'taa da. I kwesama̱n we̱sa̱m Na'Sila̱. 21Iye̱ a̱n dagine? I a̱m noko baa no a v'lak ne alla a̱n de̱bca̱ c'to̱n a kalasam d'hi ni?
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. and © The Nigeria Bible Translation Trust 2019