Jestira 7
7
E Jestiraći gozba
1Gajda o caro thaj o Haman avile pe gozba ke carica Jestira.
2Dok godova dujto đes pijenas mol, o caro palem phučla e Jestira: “So si ćiri molba, carice Jestiro? Avela tuće uslišime. Thaj so si ćiri želja? Te si vi opaš mungro carstvo, dela pe tuće.”
3E carica Jestira phendas lešće: “Ako arakhlem milost ande ćire jakha, carona, thaj ako si godova tuće pe volja, poklonisar manđe thaj mungre themešće o trajo. Godova si mungri molba thaj mungri želja. 4Kaj, me thaj mungro them bićinde sam te avas istrebime, mudarde thaj uništime. Te avilamas bićinde te avas roburja thaj ropkinje, khanči či phendemas, kaj godova či avilosas lačho razlog te o caro uznemiril pe.”
5Pe godova o caro Kserks phučla e carica Jestira: “Ko si godova? Kaj si o manuš savo usudisajlo te ćerel gajda vareso?”
6E Jestira phendas: “Godova protivniko thaj dušmano si akava bilačho Haman!”
Pe godova e Hamane astarda bari dar anglo caro thaj angle carica.
7Askal o caro ande bari holji uštilo, mukla e mol thaj inkljisto ando dvorsko vrto. A o Haman, kana dikhla kaj o caro već odlučisarda so avela lesa, ačhilo te molil e carica Jestira pale piro trajo. 8Thaj baš kana o caro boldelas pe andar o vrto ande dvorana pale gozba, o Haman huklo pe ležaljka kaj e Jestira pašljolas.
O caro čhuta muj: “Zar vo godova vi e carica napastuila dok sem još ando ćher?”
Čim o caro godova phendas, e sluge e carošće astardine e Hamane.
9Askal phendas o Harvona, jek katar e evnuhurja save služinas e carošće: “Eke o vešalo save o Haman vazdas palo Mordehaj, savo e carošće javisardas pale zavera. Vuče si biš thaj pandž meterja thaj ačhen angle Hamanosko ćher.”
O caro phendas: “Unglaven les pe godova vešalo.”
10Thaj ungladine e Hamane po vešalo savo vo ćerda palo Mordehaj.
Askal e caro nakhli lešći holji.
ទើបបានជ្រើសរើសហើយ៖
Jestira 7: RČB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល