Jestira 1
1
E Kserksošći gozba
1Akava sas ande vrjama kana o caro Kserks vladilas pe šel thaj biš thaj efta pokrajine katar e Indija dži ko Kuš. 2Ande godoja vrjama o caro Kserks vladilas ande palata ando gav Suza kaj sas lesko carsko prestolje.
3Trito brš sar vladilas dija te ćerel pe gozba pale sa pire šorvale manuša thaj pale sa pire sluge, pa gajda pe gozba avile e persijske thaj međanske zapovednikurja, plemićurja thaj e pokrajinske poglavarja. 4Pherde šel thaj ohtovardeš đesa o caro sikavelas lenđe o barvalipe, e slava pire carstvošći thaj o sjajo thaj o raskoš katar piro carstvo.
5Posle godova, o caro dija te ćerel pe efta đesenđi gozba ando vrto savo sas andre ande lesko dvoro, pale sa e manuša save sas ande palata ande Suza, katar e majbare dži ke majcikne. 6Ando vrto sas firanglje katar o parno thaj vunato lano, phangle ande trake katar o sano lano thaj skerletno predivo thaj phangle pale rupune šipke pe stuburja katar o mermer. E sunakune thaj rupune ležaljke sas po patos katar o porfir, sedef, mermer thaj aver dragocene bara. 7E mol služilas pe ande sunakune tahta, save jek avrestar sas averčhande, a carsko mol sas odviše but, gajda sar o caro sas darežljivo. 8Pe carošći zapovest svako šaj pelas kozom kamelas, kaj o caro phendas sa pire slugenđe te ugodin e gostonenđe.
E carica Vašti perel ande nemilost
9A vi e carica Vašti ćerda gozba pale manušnja ande palata e carošći Kserksošći. 10Eftato đes kana o caro sas veselo katar e mol, akharda peste pire efta evnuhonen: e Mehumane, e Bizte, e Harvone, e Bigte, e Avagte, e Zetare thaj e Karkase. 11Phendas lenđe: “Anen angle mande e carica e Vašti e carsko krunasa po šoro!” Kaj vo kamelas te sikavel e manušenđe thaj e poglavarenđe lako šukaripe, kaj e Vašti sas but šukar. 12Ali, kana e evnuhurja phendine laće kaj o caro akharel lat, e carica Vašti či kamlas te avel. Pe soste o caro but holajlo thaj phabolas e holjinatar.
13Pošto e caro sas običaj te savetuil pe e stručne manušenca palo zakon thaj palo pravosuđe, vo akharda peste e mudre manušendar save sas stručne pale kasave buća. 14Akala sas majpaše e carošće: o Karšen, o Šetar, o Admat, o Taršiš, o Meres, o Marsen thaj o Memuhan; e efta majbare poglavarja andar e Persija thaj andar e Medija save tromanas slobodno te aven anglo caro thaj save sas pe majbare pozicije ando carstvo. 15Askal o caro phučla len: “So, po zakono, trubul te ćerel pe e caricasa Vaštijasa zato kaj či čhuta kan ke zapovest e carošći e Kserksošći savi andine laće e evnuhurja?”
16Askal o Memuhan phendas anglo caro thaj angle poglavarja: “E carica Vašti naj samo doš anglo caro, već si lat vi angle sa vladarja thaj angle sa e thema ande svako pokrajina e carošći Kserksošći. 17Kaj sa e manušnja džanena sar ponašisajli e carica, thaj gajda vi von či sikavena poštuipe pire romenđe thaj phenena: ‘O caro Kserks zapovedisardas te anen leste e carica e Vašti, a voj či avili.’ 18Thaj kozom, već ađes romnja katar e persijske thaj katar e međanske poglavarja save ašundine pale caricako ponašipe, pa gajda ni von či poštuina pire romen, thaj či avela krajo e bipoštuimaće thaj holjaće. 19Zato, ako si e carošće pe volja, neka o caro del zapovest te e Vašti majbut či tromal te avel anglo caro Kserks thaj neka godoja zapovest avel ramome maškar e persijske thaj međanske zakonurja, save našti crdena pe palpale. Thaj neka o caro lako carsko položaj del aver romnjaće savi si majlačhi latar. 20Askal, kana objavila pe e carošći zapovest pe lesko sasto baro carstvo, sa e romnja poštuina pire romen, katar o majcikno dži ko majbaro.”
21Akava savet sviđosajlo e carošće thaj lešće poglavarenđe, pa o caro ćerda sar o Memuhan mothodas lešće. 22Bičhaldas e lila ande svako pokrajina ando carstvo, svakone themešće pe lengo lil thaj lenđi čhib. Ando lil ramolas, pe čhib svakone themešći, kaj svako manuš trubul te avel gospodari ande piro ćher.
ទើបបានជ្រើសរើសហើយ៖
Jestira 1: RČB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Jestira 1
1
E Kserksošći gozba
1Akava sas ande vrjama kana o caro Kserks vladilas pe šel thaj biš thaj efta pokrajine katar e Indija dži ko Kuš. 2Ande godoja vrjama o caro Kserks vladilas ande palata ando gav Suza kaj sas lesko carsko prestolje.
3Trito brš sar vladilas dija te ćerel pe gozba pale sa pire šorvale manuša thaj pale sa pire sluge, pa gajda pe gozba avile e persijske thaj međanske zapovednikurja, plemićurja thaj e pokrajinske poglavarja. 4Pherde šel thaj ohtovardeš đesa o caro sikavelas lenđe o barvalipe, e slava pire carstvošći thaj o sjajo thaj o raskoš katar piro carstvo.
5Posle godova, o caro dija te ćerel pe efta đesenđi gozba ando vrto savo sas andre ande lesko dvoro, pale sa e manuša save sas ande palata ande Suza, katar e majbare dži ke majcikne. 6Ando vrto sas firanglje katar o parno thaj vunato lano, phangle ande trake katar o sano lano thaj skerletno predivo thaj phangle pale rupune šipke pe stuburja katar o mermer. E sunakune thaj rupune ležaljke sas po patos katar o porfir, sedef, mermer thaj aver dragocene bara. 7E mol služilas pe ande sunakune tahta, save jek avrestar sas averčhande, a carsko mol sas odviše but, gajda sar o caro sas darežljivo. 8Pe carošći zapovest svako šaj pelas kozom kamelas, kaj o caro phendas sa pire slugenđe te ugodin e gostonenđe.
E carica Vašti perel ande nemilost
9A vi e carica Vašti ćerda gozba pale manušnja ande palata e carošći Kserksošći. 10Eftato đes kana o caro sas veselo katar e mol, akharda peste pire efta evnuhonen: e Mehumane, e Bizte, e Harvone, e Bigte, e Avagte, e Zetare thaj e Karkase. 11Phendas lenđe: “Anen angle mande e carica e Vašti e carsko krunasa po šoro!” Kaj vo kamelas te sikavel e manušenđe thaj e poglavarenđe lako šukaripe, kaj e Vašti sas but šukar. 12Ali, kana e evnuhurja phendine laće kaj o caro akharel lat, e carica Vašti či kamlas te avel. Pe soste o caro but holajlo thaj phabolas e holjinatar.
13Pošto e caro sas običaj te savetuil pe e stručne manušenca palo zakon thaj palo pravosuđe, vo akharda peste e mudre manušendar save sas stručne pale kasave buća. 14Akala sas majpaše e carošće: o Karšen, o Šetar, o Admat, o Taršiš, o Meres, o Marsen thaj o Memuhan; e efta majbare poglavarja andar e Persija thaj andar e Medija save tromanas slobodno te aven anglo caro thaj save sas pe majbare pozicije ando carstvo. 15Askal o caro phučla len: “So, po zakono, trubul te ćerel pe e caricasa Vaštijasa zato kaj či čhuta kan ke zapovest e carošći e Kserksošći savi andine laće e evnuhurja?”
16Askal o Memuhan phendas anglo caro thaj angle poglavarja: “E carica Vašti naj samo doš anglo caro, već si lat vi angle sa vladarja thaj angle sa e thema ande svako pokrajina e carošći Kserksošći. 17Kaj sa e manušnja džanena sar ponašisajli e carica, thaj gajda vi von či sikavena poštuipe pire romenđe thaj phenena: ‘O caro Kserks zapovedisardas te anen leste e carica e Vašti, a voj či avili.’ 18Thaj kozom, već ađes romnja katar e persijske thaj katar e međanske poglavarja save ašundine pale caricako ponašipe, pa gajda ni von či poštuina pire romen, thaj či avela krajo e bipoštuimaće thaj holjaće. 19Zato, ako si e carošće pe volja, neka o caro del zapovest te e Vašti majbut či tromal te avel anglo caro Kserks thaj neka godoja zapovest avel ramome maškar e persijske thaj međanske zakonurja, save našti crdena pe palpale. Thaj neka o caro lako carsko položaj del aver romnjaće savi si majlačhi latar. 20Askal, kana objavila pe e carošći zapovest pe lesko sasto baro carstvo, sa e romnja poštuina pire romen, katar o majcikno dži ko majbaro.”
21Akava savet sviđosajlo e carošće thaj lešće poglavarenđe, pa o caro ćerda sar o Memuhan mothodas lešće. 22Bičhaldas e lila ande svako pokrajina ando carstvo, svakone themešće pe lengo lil thaj lenđi čhib. Ando lil ramolas, pe čhib svakone themešći, kaj svako manuš trubul te avel gospodari ande piro ćher.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល