မၢ်ကူး 6
6
ယ့ၣ်ရှူးဒဳနဇၤရ့းအူးနဳၤ
(မး ၁၃:၅၃-၅၈, လူၤ ၄:၁၆-၃၀)
1ယ့ၣ်ရှူးဟဲးထာ်ဝှါအူးချဳ, စလ့ၤကဲၤဒဳ စဒဳစဖါနဳၤ, ကၱာ်စပျဲၢ်စဘီၣ် တစီာ်လ့ၤကိာ်ကဲၤစလ့ၤ. 2ဘ့မူၤနံၤဆီးဒဲနဳၤ, စဒီၣ်အူဒီၣ်ဆးကဲၤ တဲၤဒဳ ဘူၣ်ဘျီၣ် ပူၤနဳၤ. ပၠၤအီၣ်အဲဗွဲၤ သၱာ်ဟဲစတဲၤဒီထိးဒဳၣ် စဲာ်တစီာ် ထဲးတမိၢ်တမှါ ကၱာ်ဒဲလှဲာ်ကဲၤလၢ်ဝၤ, “စဖၱး နံၤကဲၤတဲၤအယဳၤတစီာ် ဒီၣ်လဲၢ်. ကၱာ်တဲၤအံာ်လၤနံၤ စဲာ်တဲၤသၱာ် ဟဲအယဳၤမၱာ်တၤနဲၢ်. စမဲၤဇၤ တဲၤပီၤတဲၤ ပၤ ပွ့းပွ့းကယဳၤမၱာ်စနံၤဘဲာ်ဒီၣ်လဲၢ်. 3စမၱာ်အမဲၤစူး ပဳၢ်ခၣ်ယီၤဖဳး, နီၢ်မၤရၱအဖဳး, စဲာ်မၱာ်စီၤယၤကိာ်, စီၤယိၤစ့, စီၤယူဒၤကၱာ် စီၤၡံမိၣ်အသဲပူၤဝ့ၤ တဘဲာ်နီး ဧါ. စပူၤစစဲးအမံၤမှူးတစီာ်အီၣ်သဲဝၤ ကျဲ တဘဲာ်နီးဧါ” ကၱာ်စသးတမီၤဘဲာ်ပ့ၤလၢ်ဝၤအခဳးနီး.
4ယ့ၣ်ရှူးဒီၣ်, “ဝံတစီာ်တနံၤဘဲာ်တပွဲး အဟံအထဲဒဳစဒဳလၤ ဖါပူၤ, စခွံစခီအကျဲ ကၱာ်စၡံၣ် ပူၤဖါပူၤနီး.”
5စတမဲၤကဲာ်ထာ်ဇၱတပွဲးတဲၤပီၤတဲၤပၤ ဘ့နဳၤနီး, မၱာ်စမဲၤမှး က့ၤပၠၤအဘဲာ်ရွှံးဘဲာ်ဆဲ တကၱး ဖဳးလီၤဒဳတဲၤထဲးလၤစစူး ခီးလၢ်ဝၤတစီာ်အခဳးနဳၤ. 6စထဲးတမိၢ်တမှါကဲၤဒဳပၠၤတစီာ်အတဲၤဘူၣ်တအီၣ် နီးအစဲနဳၤ.
အပျဲၢ်အဘီၣ်ရှံးကၠံၢ်ပွဲၤအတဲၤဘဲာ်သဓဳ
(မး ၁၀:၅-၁၅, လူၤ ၉:၁-၆)
ယ့ၣ်ရှူးဟဲးကဲၤဒဳ ဒဳဝ့ၢ်ဒဳဝါတစီာ်ကၱာ်သိၣ် သီအံာ်ကဲၤပၠၤ. 7စယဳၤလၤတ့ၢ်ပျဳာ်ဝှါ အပျဲၢ် အဘီၣ်ၡံးကၠံၢ်ပွဲၤဒဳၣ်, ကၠံၢ်ပွဲၤတလၢ်, ကၠံၢ်ပွဲၤ တလၢ်, စသဓဳလ့ၤကဲၤလၢ်ဝၤ. စအံာ်လၤနံၤကဲၤလၢ်ဝၤ တဲၤအဖျူအသရ့ာ်ဒဳတဲၤနှဲးတစီာ်အခဳး. 8စထူးလၤမှဲး လၤလၢ်ဝၤအကတဟဲး အံာ်ကျဲးခဳးကျဲးလီၤတမံနီး, မၱာ်နှဲးထီးတဘီလီၤ. တဟဲးအံာ်ဘဲာ်ဟူ သကံ နီး, တကဳာ်နီး, ပံဒဳပံဆးနီး. 9မၱာ်စကကီးဘဲာ် ခၣ်တကီး, ပရၤ ဆါစတသီးသကဳဘဲာ် ၡံာ်ဒဳကၠံၢ်ဘဲာ် နီးနဳၤ. 10စဒီၣ်လၢ်ဝၤတစီာ်, “သံကထာ်နံၤၡံၣ် တဝၤဝၤအပူၤဒဳၣ်, အီၣ်ဘ့နဳၤထိသံခဲလါတ့ၢ်နဳၤ. 11ပၠၤကတယဳၤသံနီး, တဆီးခ့န့းသံလ့ၢ်နီးဒဳၣ်, ဟဲးဖျီးမံကၱာ်ပျၤဘါဟး ဖၱမူးဒဳသံခၣ်ခီးလီၤ. မဲၤစာ်ဘိ တဲၤခးသဲသၱး အထာ်ဒ့ဒီၣ်စဲာ်တစီာ်နဳၤ.”
12အပျဲၢ်အဘီၣ်တစီာ်ဟဲးထာ်ဝှါ စဒီၣ်အူဒီဆးပၠၤအကပၤ ယၤလၤက့ၤအန့ၤ. 13ကၱာ်စဲာ်တစီာ်နှးဟဲးထာ်ဖျီးမံတဲၤၡံးတဲၤနှဲး အီၣ်အဲး အီးအီး, ကၱာ်စထိးရိးဝှါပၠၤရွှံးပၠၤဆဲအီၣ်အဲးအီးအီး ၡံးစါထံ, စမဲၤမှးက့ၤကဲၤလၢ်ဝၤတစီာ်.
အဖဳးစူထံစီၤယိၤဟၣ်အတဲၤသံ
(မး ၁၄:၁-၁၂, လူၤ ၉:၇-၉)
14ဆးဖြးဟ့ၤရိာ် သၱာ်ဟဲဘဲာ်ကဲၤ ယ့ၣ်ရှူးအဝၱၤအကဲ, မၤ နဲၢ်, စမံၤဟဳတသီလဳၢ်ကဲၤ, ကၱာ်စဒီၣ်တပွဲးကဲၤ “အဖဳးစူထံစီၤယိၤဟၣ် ထာ်ပဳၤက့ၤဒဳ တဲၤသံ အကျဲအခဳးအစဲ စမဲၤဇၤခီတဲၤပီၤတဲၤပၤ.”
15ပရၤဆါပၠၤအလဝ့ၤတစီာ်ဒီၣ်ဝ့ၤ, “စမၱာ်စီၤအ့ၤလံယၤ တခီ.”
အလဝ့ၤတစီာ်စီာ် ဒီၣ်ဝ့ၤဒီ, “စဲာ်မၱာ်ဝံအစာ်ဘိဝံအလဝ့ၤတစီာ်နဳၤတပွဲၤတခီ.”
16မၱမၱာ်စီၤဟ့ၤရိာ်သၱာ်ဟဲဘဲာ်တဲၤအယဳၤဒဳၣ်, စဒီၣ်, “စဲာ်မၱာ်စီၤယိၤဟၣ်ထဲၢ်ယပ့ၢ်ထဲဓူၢ်အကီၢ်တပွဲၤနဳၤ. စထာ်ပဳၤက့ၤထဳတဲၤ သံအကျဲ.”
17မၤနဲၢ်, စီၤဟ့ၤရိာ်လ့ၤဖီးဝှါစီၤယိၤဟၣ်, စထၱးနံၢ်လၢ်ဝၤ တဲၤကၱတၱၢ်ပူၤ, အယဳၤမၱာ်နီၢ်ဟ့ၤရိၤဒံ, စပၱးကီစီၤဖံးလံးပူးအမှဲထဲၢ်စဖၱးစူး ကဲၤတပွဲၤအခဳးအစဲနဳၤ. 18မၤနဲၢ်ကဒီၣ်ဓဳၤဒဳၣ်, စီၤယိၤဟၣ်ဒီၣ် ကဲၤစီၤဟ့ၤရိာ်, “နဖၱးစူးကဲၤနပၱးကီအမှဲနဳၤအတဘဲာ် ကျဲးနီး.”
19ကနဳၤအခဳးအစဲ, နီၢ်ဟ့ၤရိၤဒံဆဲးတ့ၢ်ခး စနံၤခံစာ်ဘိထဲၢ်စကမဲၤသံလၢ်ဝၤနဳၤ, ပရၤဆါစတတါန့ၤမဲၤနီး. 20မၤနဲၢ်, စီၤဟ့ၤ ရိာ်ၡံးဆါနံၤ စီၤယိၤဟၣ်အလ့ၤ. စသၱာ်ဟဲထဲၢ်စဲာ်မၱာ်ပၠၤအတၱၢ် အမှး ကၱာ်အစါထံတပွဲၤနဳၤ ကၱာ်စဝဳၢ်အံာ်ကဲာ်အံာ်လၢ် ဝၤ, ကၱာ်ဒီဘ့စသၱာ်ဟဲ ဘဲာ်စယၱၢ်ဘဲာ်တတီၤကၱာ် မဲၤတဲၤပွ့တမံၤနဳၤ, စသးအဲးဆီးခ့န့းလၢ်ဝၤအတဲၤ ဒီၣ်အူဒီဆးဒဳတဲၤသးလဳၢ်သးလၤအံာ်အပူၤ.
21အဘဲာ်နံၤပီၤနံၤကဲၤမူၤနံၤတနံၤထဲၢ်ဒဳ စတဲၤအီၣ်လၤအမူၤ နံၤၡံးက့ၤအလ့ၤနဳၤ စီၤဟ့ၤရိာ်ဘဳာ် အၣ်ဘဳာ်အီကျံဖဳးအခဳးအန့ၤတစီာ် ကၱာ်ကၤလံၤ လဲအက့ၤအခဳးအန့ၤကၱာ်ဇိၤဓဳၤမၢ်ဓဳၤတစီာ်နဳၤ. 22ဒဳၡံးလၤပွဲးပူၤနဳၤ, နီၢ်ဟ့ၤရိၤဒံအဖဳးမူၤက့ၤစူးက့ၤခး နံၤပၠၤဒဳၣ်, အဘဲာ်သး ဆိး ကဲၤစီၤဟ့ၤရိာ်ကၱာ်အတၱ တမဲတစီာ်နဳၤ. ဆးဖြးဒီၣ်ကဲၤအမံၤမှူးဖဳးကယဳၤ, “နသးအဲးနံၤတဲၤအရါနဳၤဒီၣ်ပီၢ်ယဲၤ, ကၱာ်ယကအံာ် တပွဲး နဲၤ.” 23စဝှိးဒါကဲၤစန့ၤပွ့အစာ်ဘိစဒီၣ် လၢ်ဝၤ, “နကတၤယဲၤတၤနဲလီၤ, ယကအံာ်နဲၤလီၤ. ယထံယက့ၤကျါမဲနဳၤနှီနူၤ, ယကအံာ်တပွဲးနဲၤ.”
24အမံၤမှူးဖဳးစွဲးလ့ၤထၱးစမဳၤကၱာ်ဒဲကဲၤစဲာ်, “ယကတၤဘဲာ် ကဲၤတၤနဲၢ်.”
စမဳၤဒီၣ်က့ၤစဲာ်, “အဖဳးစူထံစီၤယိၤဟၣ်အကဳာ်.”
25စစွဲးက့ၤဘးထၱးပျာ်ပျါကဲၤဆးဖြးကၱာ် စတၤလၢ်ဝၤ, စဒီၣ်, “ခူနူၤ ယဳၤလီၤယသးအဲးနံၤ အဖဳးစူထံစီၤယိၤဟၣ်အကဳာ်ဒဳလၤပၤတဘဲာ် အပူၤ နဳၤ.”
26ဆးဖြးအသဳးအဳးသးအဳးဇၱၢ်ကဲၤ, ပရၤ ဆါစဝှိးဒါနံၤကဲၤစန့ၤဒဳတၱတဳၤတၱတမဲတစီာ်အလှီမီၢ် နဳၤမၱာ်တမံၤ, စတသးအဲးနံၤအမံၤမှူး ဖဳးအသးကဘဲာ် ဒိနီးမၱာ်တမံၤ, 27ဒဳၣ်တပျာ်ခါစနှးကဲၤကျံဖဳး တပွဲၤကက့ၤအံာ်စီၤယိၤဟၣ် အကဳာ်ဒဳလၤပၤအပူၤနဳၤ. ကျံဖဳးလ့ၤ ပ့ၢ်ထဲဓူၢ်ကဲၤစီၤယိၤဟၣ်အကီၢ်ဒဳ တဲၤကၱတၱၢ်ပူၤ, 28ကၱာ်က့ၤဘးအံာ်ကဲၤစကဳာ်ဒဳလၤပၤအပူၤ, ကၱာ်စအံာ်ကဲၤအမံၤမှူးဖဳး, ဒဳၣ်စအံာ်ကဲၤစမဳၤ. 29စီၤယိၤဟၣ်အခၱအပွဲၤတစီာ်သၱာ်ဟဲဘဲာ်ဒဳၣ်စလ့ၤ ဖၱးက့ၤလၢ်ဝၤအစဳး ကၱာ်ဘူလါက့ၤတပွဲးစဲာ်လီၤ.
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, လူၤ ၉:၁၀-၁၇, ယိၤ ၆:၁-၁၄)
30အပျဲၢ်အဘီၣ်တစီာ်က့ၤဘးထၱးယ့ၣ်ရှူးကၱာ် ဒီဆးစဲာ်ထဲၢ် စမဲၤကဲၤပၠၤ အနံၤခံတၤနဲၢ်, ကၱာ်စဒီၣ်အူဒီဆး ပၠၤတစီာ်စာ်တဲၢ် စာ်တဲၢ် နဳၤ. 31စဒီၣ်ကဲၤလၢ်ဝၤတစီာ်, “လ့ၤ, ကလ့ၤဓီဒဳတဲၤလ့ၤ တချဳး ထဲၢ်ပၠၤတပွဲတအီၣ်နီး ကၱာ်အီၣ်ဆီဓူၢ်ဆီးဒဲ မီၢ်ကိာ်ဘ့နဳၤတဒဳးတဆး.” မၤနဲၢ်, ပၠၤအဲးအီးအီး လ့ၤလ့ၤက့ၤက့ၤထၱးစဲာ်အခဳးအစဲ, ပွ့းစကအၣ် ကအီ နှီနူၤအခၠၱးတအီၣ်ကဲၤစနံၤခံတစီာ်နီး. 32ဒဳၣ် စထာ်နံၢ်ချံပူၤ ကၱာ်လ့ၤကဲၤဒဳမှၱးလဲၢ်ကျဲတဲၤသူး တစူး အလ့ၤနဳၤ.
33ပၠၤအီၣ်အဲးအီးအီးစာ်ထၱးကိာ်ကၱာ်မှါ အံာ်တပွဲးစဲာ်တစီာ်, ကၱာ်ပၠၤအအီၣ်ဒဳအူးအပူၤတစီာ် ဟဲးခၣ်ခီၣ်ကၱာ်လ့ၤပါစကျဲး, ဓဳၤလ့ၤအူ ဆူးကဲၤ ယ့ၣ်ရှူးတခီ. 34ယ့ၣ်ရှူးဟဲးထာ်ခးခီ, စကဲာ် ထၱးပၠၤအပဳၤအဟီး အီၣ်ဆိဧိၢ်အံာ်ကဲၤစဲာ်တစီာ်ဒဳၣ် စခီၣ်ဝဲၤမှီးဘဲာ်ကဲၤလၢ်ဝၤ. မၤ နဲၢ်, စဲာ်တစီာ် မဲၤအစာ် ဘိသဳထဲၢ် အစာ်အံာ်တအီၣ်နီးအခီနဳၤ. မဲၤကနဳၤ ဒဳၣ်, စသိၣ်အံာ်သီအံာ်ကဲၤလၢ်ဝၤတဲၤအမဳအမဳၤလီၤ.
35ဒဳၣ်ထိမၱာ်အခၠၱးနၣ်ရၱၣ်ဖျီးသလိးဒဳၣ်ဝ့ ကဲၤနဳၤ, အပျဲၢ်အဘီၣ်တစီာ်လ့ၤထၱးစဲာ်, ဒီၣ်စဲာ်, “တဲၤ အလ့ၤဘ့ယဳၤမၱာ်မှၱးလဲၢ်ကျဲ. အခၠၱး ဖျီးသလိးကဲၤကဲၤ. 36ဘါလှိးကဲပီၢ်ပၠၤတစီာ်ယဳၤစာ်ဘိထဲၢ်စကလ့ၤဒဳ ဒဳဖါအအီၣ်ဘိးထၱးဘိးဝၤခွဲခွဲးဘ့ယဳၤတစီာ်အပူၤကၱာ် စကပွၱၤအၣ် ပီၢ်စနံၢ်ခံတဲၤအၣ်တမံၤမံၤ. မၤနဲၢ်, ဘ့ယဳၤတဲၤအၣ်တအီၣ်တမံတမံၤ နီး.”
37ဒဳၣ်စဒီၣ်ကဲၤလၢ်ဝၤတစီာ်, “သံအံာ်ပီၢ် စအၣ်တစီာ်နၢ်.”
ဒဳၣ်စဲာ်တစီာ်ဒီၣ်က့ၤၡံလၢ်ဝၤ, “ဝၤကလ့ၤပွၱၤ တကဳာ်ဝှိအဘ့ၣ်ကၠံၢ် ကယဲၤပူၤ ကၱာ်ကအံာ်စအၣ် တစီာ်ဧါ.”
38စဒဲစာ်က့ၤလၢ်ဝၤ, “စာ်စမး, သံတကဳာ်အီၣ်ပွံၢ်ချဳး.”
စစာ်, ဝှါဒဳၣ်စဒီၣ်, “တကဳာ်ယဲၢ်ချဳးကၱာ်ဓၢ်ဖဳးကၠံၢ် ဘီလီၤ.”
39စနှးလၢ်ဝၤတစီာ်လဳစါစဲးကဆးနါလါ အီၣ်ဒဳ မံၤသံသမူအခဳး, တဖဳး, တဖဳး. 40ဒဳၣ်စဆးနါလါတဝ့ၤ, တဝ့ၤ, တကယဲၤအီၣ်, ယဲၢ်ၡံအီၣ် အီၣ်. 41ဒဳၣ်ယ့ၣ်ရှူးဖၱးထာ် တကဳာ် ယဲၢ်ချဳးကၱာ်ဓၢ်ဖဳး ကၠံၢ်ဘီနဳၤ, စစာ်ထာ်ဒဳမီၢ်ခဳး, စဟိး ဝၱၤ, ဝှါဒဳၣ်စဘၱးလၤတကဳာ်, စအံာ် လၤစပျဲၢ်စဘီၣ်တစီာ်, စာ်ဘိထဲၢ်အကဘဲလါဒဳလၢ်ဝၤတစီာ်အလှီမီၢ်နဳၤ. ကၱာ်ဒီဓၢ်ဖဳးကၠံၢ်ဘီနဳၤ စပ့ၤအၣ်ကီပၠၤလဳစါစဲး. 42ပၠၤကိအပွဲၤအၣ်, အၣ်ဆိအၣ်ပၤအီကဲၤ. 43အဟဲးကိာ်စကါတစီာ် ထူးပျဳာ်က့ၤတကဳာ်ကၱာ်ဓၢ်ဖဳး အခဳးလၤကါဆဲးဒဳၣ်, အနံၤပ့ထာ်ၡံးကၠံၢ်ပးလှူၣ်. 44အအၣ်တဲၤထ့အမံၤခဳလီၤမၱာ် အအီၣ်ကဲၤပၠၤ ယဲၢ်ထီး.
ယ့ၣ်ရှူးဟဲးထံခဳး
(မး ၁၄:၂၂-၃၃, ယိၤ ၆:၁၅-၂၁)
45တပျာ်ခါလီၤအပျဲၢ်အဘီၣ်တစီာ် ကလ့ၤနံၢ်ဒဳချံအပူၤ, လ့ၤ အူဆူးဒဳပဲာ်လဲာ်အလဝ့ၤ တခီဝဳၢ်, ဒဳဘ့ၤသစဲဒၤ, ဘ့စဲာ်သဲန့ၤစအီၣ်တၤဝှါ စဘါလှိးက့ၤပၠၤအပဳၤအဟီးအခၠၱးနဳၤလီၤ. 46စဘါလှိးက့ၤဝှါပၠၤ ဒဳၣ်, စထာ်သဘဲထာ်ကဲၤဒဳခီးလီ တမဲအလီၤ.
47လူၤမူၤဟဲးလၤကဲၤဒဳၣ်, ချံအီၣ်ကဲၤ ဒဳ ပဲာ်လဲာ်အသကျါမဲ ဗူ, ဒဳၣ်စဲာ်နဳၤ, စအီၣ်ဒဳခးခီတပွဲၤ လီၤ. 48စကဲာ်ထၱးလၢ်ဝၤတစီာ် ဝၤချံလၤဘူၣ် လၤတၢ်ဆိးကဲၤ. မၤနဲၢ်, ကလံၤအကြီာ်အဒါတဘဲာ်နီး အခဳးအစဲလီၤ. ဘ့ပၠၤတိၤအံာ်တဲၤအခၠၱးလွံၢ်တီၤတတီၤနဳၤ, စဟဲးဒဳပဲာ် လဲာ်အခဳး, စလ့ၤထၱးလၢ်ဝၤ ကၱာ် စမဲၤစာ်ဘိထဲၢ် စကလ့ၤဖျီးသလိးလၢ် ဝၤတစီာ်, 49စဲာ်တစီာ်ကဲာ်ထၱးလၢ်ဝၤဟဲးဒဳပဲာ်လဲာ်ထံခဳး, စမှါ ကၱာ် မၱာ်လူၢ်နှဲးအကလဲၤဒဳၣ်, စဟးဖူးဟးစရံးကဲၤ တစီာ်. 50မၤနဲၢ်, ပၠၤလဳစါစဲးစာ်ထၱးစဲာ်ကၱာ် သးဖူးသးကနၢ်ကဲၤ.
တပျာ်ခါစဒီၣ်ကဲၤလၢ်ဝၤတစီာ်, “လဲၢ်ခူပီၢ်သံသး. မၱာ်ယဲၤလီၤ. ၡံး ဆါမဲး.” 51ကၱာ်စထာ်ထၱး လၢ် ဝၤတစီာ်ဒဳချံပူၤ, ဒဳၣ်ကလံၤအီၣ် ဇီၤကဲၤ. စပျဲၢ်စဘီၣ် တစီာ်ထဲးတမိၢ်တမှါလဳၢ်ကဲၤ, 52မၤနဲၢ်, စသဳး ထဳးသးပၤ, ကၱာ်စတကမဳၤထာ်နံၤပ့ၤတဲၤစီးကျၱးထဲၢ် တဲၤဘဳာ်အၣ်ပၠၤ အပွဲၤယဲၢ်ထီးအထာ်ပဳၤထာ်ဘါနီး, မၱာ်ဒဳစတဲၤကမဳၤတဘးထာ်နီးအခဳး အစဲလီၤ.
တဲၤပီၤတဲၤပၤစမဲၤအလဝ့ၤတစီာ်
(မး ၁၄:၃၄-၃၆)
53စဝှါဓူၢ်ပဲာ်လဲာ်, စလ့ၤဓဳၤဒဳအလဝ့ၤ တခီဝဳၢ်ဒဳကံးန့ၤရ့သး အက့ၤ, စဆီထာ်ချံဘ့နဳၤလီၤ. 54ဘ့စခဲလါတ့ၢ်ချံပူၤလီၤနဳၤ, ပၠၤနှဲ အံာ်ကဲၤ စဲာ်တပျာ်ခါလီၤ. 55ပၠၤအအီၣ်ဒဳက့ၤနဳၤအပူၤ တကွၢ်လဲၢ် စွဲးလ့ၤကဲၤ, ကၱာ်ပၠၤလ့ၤအံာ်ကဲၤအတမိၢ် တမှးနီးတစီာ်ဒဳလ့ၤမံပူၤ, ဒဳတဲၤ အလ့ၤထဲၢ်စသၱာ်ဟဲ ဘဲာ်လၢ်ဝၤအီၣ်နဳၤ. 56ကၱာ်ဒီဘ့စလ့ၤနံၢ် ဒဳ ပူၤဝှးဝှါ, အူးပူၤဝှးဝှါ, မှၱးလဲၢ်ကျဲဝှးဝှါ, ပၠၤ ဘဲလါ အတမိၢ်တမှး နီးတစီာ်ဘ့ကျဲးဝဳၢ်ခဳးဝဳၢ်လီၤ, တၤမီၤစဲာ် ဒဳအကတီးဘဲာ်ထဲၢ်ထ့စၡံာ်ဒဳအကါ ပဇွဲၤလီၤနှီနဳၤ. ဒဳၣ်ကယါပၠၤအတီးဘဲာ်စဲာ်တစီာ်မိၢ်က့ၤ မှးက့ၤလဳတပွဲး.
ទើបបានជ្រើសរើសហើយ៖
မၢ်ကူး 6: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မၢ်ကူး 6
6
ယ့ၣ်ရှူးဒဳနဇၤရ့းအူးနဳၤ
(မး ၁၃:၅၃-၅၈, လူၤ ၄:၁၆-၃၀)
1ယ့ၣ်ရှူးဟဲးထာ်ဝှါအူးချဳ, စလ့ၤကဲၤဒဳ စဒဳစဖါနဳၤ, ကၱာ်စပျဲၢ်စဘီၣ် တစီာ်လ့ၤကိာ်ကဲၤစလ့ၤ. 2ဘ့မူၤနံၤဆီးဒဲနဳၤ, စဒီၣ်အူဒီၣ်ဆးကဲၤ တဲၤဒဳ ဘူၣ်ဘျီၣ် ပူၤနဳၤ. ပၠၤအီၣ်အဲဗွဲၤ သၱာ်ဟဲစတဲၤဒီထိးဒဳၣ် စဲာ်တစီာ် ထဲးတမိၢ်တမှါ ကၱာ်ဒဲလှဲာ်ကဲၤလၢ်ဝၤ, “စဖၱး နံၤကဲၤတဲၤအယဳၤတစီာ် ဒီၣ်လဲၢ်. ကၱာ်တဲၤအံာ်လၤနံၤ စဲာ်တဲၤသၱာ် ဟဲအယဳၤမၱာ်တၤနဲၢ်. စမဲၤဇၤ တဲၤပီၤတဲၤ ပၤ ပွ့းပွ့းကယဳၤမၱာ်စနံၤဘဲာ်ဒီၣ်လဲၢ်. 3စမၱာ်အမဲၤစူး ပဳၢ်ခၣ်ယီၤဖဳး, နီၢ်မၤရၱအဖဳး, စဲာ်မၱာ်စီၤယၤကိာ်, စီၤယိၤစ့, စီၤယူဒၤကၱာ် စီၤၡံမိၣ်အသဲပူၤဝ့ၤ တဘဲာ်နီး ဧါ. စပူၤစစဲးအမံၤမှူးတစီာ်အီၣ်သဲဝၤ ကျဲ တဘဲာ်နီးဧါ” ကၱာ်စသးတမီၤဘဲာ်ပ့ၤလၢ်ဝၤအခဳးနီး.
4ယ့ၣ်ရှူးဒီၣ်, “ဝံတစီာ်တနံၤဘဲာ်တပွဲး အဟံအထဲဒဳစဒဳလၤ ဖါပူၤ, စခွံစခီအကျဲ ကၱာ်စၡံၣ် ပူၤဖါပူၤနီး.”
5စတမဲၤကဲာ်ထာ်ဇၱတပွဲးတဲၤပီၤတဲၤပၤ ဘ့နဳၤနီး, မၱာ်စမဲၤမှး က့ၤပၠၤအဘဲာ်ရွှံးဘဲာ်ဆဲ တကၱး ဖဳးလီၤဒဳတဲၤထဲးလၤစစူး ခီးလၢ်ဝၤတစီာ်အခဳးနဳၤ. 6စထဲးတမိၢ်တမှါကဲၤဒဳပၠၤတစီာ်အတဲၤဘူၣ်တအီၣ် နီးအစဲနဳၤ.
အပျဲၢ်အဘီၣ်ရှံးကၠံၢ်ပွဲၤအတဲၤဘဲာ်သဓဳ
(မး ၁၀:၅-၁၅, လူၤ ၉:၁-၆)
ယ့ၣ်ရှူးဟဲးကဲၤဒဳ ဒဳဝ့ၢ်ဒဳဝါတစီာ်ကၱာ်သိၣ် သီအံာ်ကဲၤပၠၤ. 7စယဳၤလၤတ့ၢ်ပျဳာ်ဝှါ အပျဲၢ် အဘီၣ်ၡံးကၠံၢ်ပွဲၤဒဳၣ်, ကၠံၢ်ပွဲၤတလၢ်, ကၠံၢ်ပွဲၤ တလၢ်, စသဓဳလ့ၤကဲၤလၢ်ဝၤ. စအံာ်လၤနံၤကဲၤလၢ်ဝၤ တဲၤအဖျူအသရ့ာ်ဒဳတဲၤနှဲးတစီာ်အခဳး. 8စထူးလၤမှဲး လၤလၢ်ဝၤအကတဟဲး အံာ်ကျဲးခဳးကျဲးလီၤတမံနီး, မၱာ်နှဲးထီးတဘီလီၤ. တဟဲးအံာ်ဘဲာ်ဟူ သကံ နီး, တကဳာ်နီး, ပံဒဳပံဆးနီး. 9မၱာ်စကကီးဘဲာ် ခၣ်တကီး, ပရၤ ဆါစတသီးသကဳဘဲာ် ၡံာ်ဒဳကၠံၢ်ဘဲာ် နီးနဳၤ. 10စဒီၣ်လၢ်ဝၤတစီာ်, “သံကထာ်နံၤၡံၣ် တဝၤဝၤအပူၤဒဳၣ်, အီၣ်ဘ့နဳၤထိသံခဲလါတ့ၢ်နဳၤ. 11ပၠၤကတယဳၤသံနီး, တဆီးခ့န့းသံလ့ၢ်နီးဒဳၣ်, ဟဲးဖျီးမံကၱာ်ပျၤဘါဟး ဖၱမူးဒဳသံခၣ်ခီးလီၤ. မဲၤစာ်ဘိ တဲၤခးသဲသၱး အထာ်ဒ့ဒီၣ်စဲာ်တစီာ်နဳၤ.”
12အပျဲၢ်အဘီၣ်တစီာ်ဟဲးထာ်ဝှါ စဒီၣ်အူဒီဆးပၠၤအကပၤ ယၤလၤက့ၤအန့ၤ. 13ကၱာ်စဲာ်တစီာ်နှးဟဲးထာ်ဖျီးမံတဲၤၡံးတဲၤနှဲး အီၣ်အဲး အီးအီး, ကၱာ်စထိးရိးဝှါပၠၤရွှံးပၠၤဆဲအီၣ်အဲးအီးအီး ၡံးစါထံ, စမဲၤမှးက့ၤကဲၤလၢ်ဝၤတစီာ်.
အဖဳးစူထံစီၤယိၤဟၣ်အတဲၤသံ
(မး ၁၄:၁-၁၂, လူၤ ၉:၇-၉)
14ဆးဖြးဟ့ၤရိာ် သၱာ်ဟဲဘဲာ်ကဲၤ ယ့ၣ်ရှူးအဝၱၤအကဲ, မၤ နဲၢ်, စမံၤဟဳတသီလဳၢ်ကဲၤ, ကၱာ်စဒီၣ်တပွဲးကဲၤ “အဖဳးစူထံစီၤယိၤဟၣ် ထာ်ပဳၤက့ၤဒဳ တဲၤသံ အကျဲအခဳးအစဲ စမဲၤဇၤခီတဲၤပီၤတဲၤပၤ.”
15ပရၤဆါပၠၤအလဝ့ၤတစီာ်ဒီၣ်ဝ့ၤ, “စမၱာ်စီၤအ့ၤလံယၤ တခီ.”
အလဝ့ၤတစီာ်စီာ် ဒီၣ်ဝ့ၤဒီ, “စဲာ်မၱာ်ဝံအစာ်ဘိဝံအလဝ့ၤတစီာ်နဳၤတပွဲၤတခီ.”
16မၱမၱာ်စီၤဟ့ၤရိာ်သၱာ်ဟဲဘဲာ်တဲၤအယဳၤဒဳၣ်, စဒီၣ်, “စဲာ်မၱာ်စီၤယိၤဟၣ်ထဲၢ်ယပ့ၢ်ထဲဓူၢ်အကီၢ်တပွဲၤနဳၤ. စထာ်ပဳၤက့ၤထဳတဲၤ သံအကျဲ.”
17မၤနဲၢ်, စီၤဟ့ၤရိာ်လ့ၤဖီးဝှါစီၤယိၤဟၣ်, စထၱးနံၢ်လၢ်ဝၤ တဲၤကၱတၱၢ်ပူၤ, အယဳၤမၱာ်နီၢ်ဟ့ၤရိၤဒံ, စပၱးကီစီၤဖံးလံးပူးအမှဲထဲၢ်စဖၱးစူး ကဲၤတပွဲၤအခဳးအစဲနဳၤ. 18မၤနဲၢ်ကဒီၣ်ဓဳၤဒဳၣ်, စီၤယိၤဟၣ်ဒီၣ် ကဲၤစီၤဟ့ၤရိာ်, “နဖၱးစူးကဲၤနပၱးကီအမှဲနဳၤအတဘဲာ် ကျဲးနီး.”
19ကနဳၤအခဳးအစဲ, နီၢ်ဟ့ၤရိၤဒံဆဲးတ့ၢ်ခး စနံၤခံစာ်ဘိထဲၢ်စကမဲၤသံလၢ်ဝၤနဳၤ, ပရၤဆါစတတါန့ၤမဲၤနီး. 20မၤနဲၢ်, စီၤဟ့ၤ ရိာ်ၡံးဆါနံၤ စီၤယိၤဟၣ်အလ့ၤ. စသၱာ်ဟဲထဲၢ်စဲာ်မၱာ်ပၠၤအတၱၢ် အမှး ကၱာ်အစါထံတပွဲၤနဳၤ ကၱာ်စဝဳၢ်အံာ်ကဲာ်အံာ်လၢ် ဝၤ, ကၱာ်ဒီဘ့စသၱာ်ဟဲ ဘဲာ်စယၱၢ်ဘဲာ်တတီၤကၱာ် မဲၤတဲၤပွ့တမံၤနဳၤ, စသးအဲးဆီးခ့န့းလၢ်ဝၤအတဲၤ ဒီၣ်အူဒီဆးဒဳတဲၤသးလဳၢ်သးလၤအံာ်အပူၤ.
21အဘဲာ်နံၤပီၤနံၤကဲၤမူၤနံၤတနံၤထဲၢ်ဒဳ စတဲၤအီၣ်လၤအမူၤ နံၤၡံးက့ၤအလ့ၤနဳၤ စီၤဟ့ၤရိာ်ဘဳာ် အၣ်ဘဳာ်အီကျံဖဳးအခဳးအန့ၤတစီာ် ကၱာ်ကၤလံၤ လဲအက့ၤအခဳးအန့ၤကၱာ်ဇိၤဓဳၤမၢ်ဓဳၤတစီာ်နဳၤ. 22ဒဳၡံးလၤပွဲးပူၤနဳၤ, နီၢ်ဟ့ၤရိၤဒံအဖဳးမူၤက့ၤစူးက့ၤခး နံၤပၠၤဒဳၣ်, အဘဲာ်သး ဆိး ကဲၤစီၤဟ့ၤရိာ်ကၱာ်အတၱ တမဲတစီာ်နဳၤ. ဆးဖြးဒီၣ်ကဲၤအမံၤမှူးဖဳးကယဳၤ, “နသးအဲးနံၤတဲၤအရါနဳၤဒီၣ်ပီၢ်ယဲၤ, ကၱာ်ယကအံာ် တပွဲး နဲၤ.” 23စဝှိးဒါကဲၤစန့ၤပွ့အစာ်ဘိစဒီၣ် လၢ်ဝၤ, “နကတၤယဲၤတၤနဲလီၤ, ယကအံာ်နဲၤလီၤ. ယထံယက့ၤကျါမဲနဳၤနှီနူၤ, ယကအံာ်တပွဲးနဲၤ.”
24အမံၤမှူးဖဳးစွဲးလ့ၤထၱးစမဳၤကၱာ်ဒဲကဲၤစဲာ်, “ယကတၤဘဲာ် ကဲၤတၤနဲၢ်.”
စမဳၤဒီၣ်က့ၤစဲာ်, “အဖဳးစူထံစီၤယိၤဟၣ်အကဳာ်.”
25စစွဲးက့ၤဘးထၱးပျာ်ပျါကဲၤဆးဖြးကၱာ် စတၤလၢ်ဝၤ, စဒီၣ်, “ခူနူၤ ယဳၤလီၤယသးအဲးနံၤ အဖဳးစူထံစီၤယိၤဟၣ်အကဳာ်ဒဳလၤပၤတဘဲာ် အပူၤ နဳၤ.”
26ဆးဖြးအသဳးအဳးသးအဳးဇၱၢ်ကဲၤ, ပရၤ ဆါစဝှိးဒါနံၤကဲၤစန့ၤဒဳတၱတဳၤတၱတမဲတစီာ်အလှီမီၢ် နဳၤမၱာ်တမံၤ, စတသးအဲးနံၤအမံၤမှူး ဖဳးအသးကဘဲာ် ဒိနီးမၱာ်တမံၤ, 27ဒဳၣ်တပျာ်ခါစနှးကဲၤကျံဖဳး တပွဲၤကက့ၤအံာ်စီၤယိၤဟၣ် အကဳာ်ဒဳလၤပၤအပူၤနဳၤ. ကျံဖဳးလ့ၤ ပ့ၢ်ထဲဓူၢ်ကဲၤစီၤယိၤဟၣ်အကီၢ်ဒဳ တဲၤကၱတၱၢ်ပူၤ, 28ကၱာ်က့ၤဘးအံာ်ကဲၤစကဳာ်ဒဳလၤပၤအပူၤ, ကၱာ်စအံာ်ကဲၤအမံၤမှူးဖဳး, ဒဳၣ်စအံာ်ကဲၤစမဳၤ. 29စီၤယိၤဟၣ်အခၱအပွဲၤတစီာ်သၱာ်ဟဲဘဲာ်ဒဳၣ်စလ့ၤ ဖၱးက့ၤလၢ်ဝၤအစဳး ကၱာ်ဘူလါက့ၤတပွဲးစဲာ်လီၤ.
ယ့ၣ်ရှူးဘဳာ်အၣ်ပၠၤအပွဲၤယဲၢ်ထီး
(မး ၁၄:၁၃-၂၁, လူၤ ၉:၁၀-၁၇, ယိၤ ၆:၁-၁၄)
30အပျဲၢ်အဘီၣ်တစီာ်က့ၤဘးထၱးယ့ၣ်ရှူးကၱာ် ဒီဆးစဲာ်ထဲၢ် စမဲၤကဲၤပၠၤ အနံၤခံတၤနဲၢ်, ကၱာ်စဒီၣ်အူဒီဆး ပၠၤတစီာ်စာ်တဲၢ် စာ်တဲၢ် နဳၤ. 31စဒီၣ်ကဲၤလၢ်ဝၤတစီာ်, “လ့ၤ, ကလ့ၤဓီဒဳတဲၤလ့ၤ တချဳး ထဲၢ်ပၠၤတပွဲတအီၣ်နီး ကၱာ်အီၣ်ဆီဓူၢ်ဆီးဒဲ မီၢ်ကိာ်ဘ့နဳၤတဒဳးတဆး.” မၤနဲၢ်, ပၠၤအဲးအီးအီး လ့ၤလ့ၤက့ၤက့ၤထၱးစဲာ်အခဳးအစဲ, ပွ့းစကအၣ် ကအီ နှီနူၤအခၠၱးတအီၣ်ကဲၤစနံၤခံတစီာ်နီး. 32ဒဳၣ် စထာ်နံၢ်ချံပူၤ ကၱာ်လ့ၤကဲၤဒဳမှၱးလဲၢ်ကျဲတဲၤသူး တစူး အလ့ၤနဳၤ.
33ပၠၤအီၣ်အဲးအီးအီးစာ်ထၱးကိာ်ကၱာ်မှါ အံာ်တပွဲးစဲာ်တစီာ်, ကၱာ်ပၠၤအအီၣ်ဒဳအူးအပူၤတစီာ် ဟဲးခၣ်ခီၣ်ကၱာ်လ့ၤပါစကျဲး, ဓဳၤလ့ၤအူ ဆူးကဲၤ ယ့ၣ်ရှူးတခီ. 34ယ့ၣ်ရှူးဟဲးထာ်ခးခီ, စကဲာ် ထၱးပၠၤအပဳၤအဟီး အီၣ်ဆိဧိၢ်အံာ်ကဲၤစဲာ်တစီာ်ဒဳၣ် စခီၣ်ဝဲၤမှီးဘဲာ်ကဲၤလၢ်ဝၤ. မၤ နဲၢ်, စဲာ်တစီာ် မဲၤအစာ် ဘိသဳထဲၢ် အစာ်အံာ်တအီၣ်နီးအခီနဳၤ. မဲၤကနဳၤ ဒဳၣ်, စသိၣ်အံာ်သီအံာ်ကဲၤလၢ်ဝၤတဲၤအမဳအမဳၤလီၤ.
35ဒဳၣ်ထိမၱာ်အခၠၱးနၣ်ရၱၣ်ဖျီးသလိးဒဳၣ်ဝ့ ကဲၤနဳၤ, အပျဲၢ်အဘီၣ်တစီာ်လ့ၤထၱးစဲာ်, ဒီၣ်စဲာ်, “တဲၤ အလ့ၤဘ့ယဳၤမၱာ်မှၱးလဲၢ်ကျဲ. အခၠၱး ဖျီးသလိးကဲၤကဲၤ. 36ဘါလှိးကဲပီၢ်ပၠၤတစီာ်ယဳၤစာ်ဘိထဲၢ်စကလ့ၤဒဳ ဒဳဖါအအီၣ်ဘိးထၱးဘိးဝၤခွဲခွဲးဘ့ယဳၤတစီာ်အပူၤကၱာ် စကပွၱၤအၣ် ပီၢ်စနံၢ်ခံတဲၤအၣ်တမံၤမံၤ. မၤနဲၢ်, ဘ့ယဳၤတဲၤအၣ်တအီၣ်တမံတမံၤ နီး.”
37ဒဳၣ်စဒီၣ်ကဲၤလၢ်ဝၤတစီာ်, “သံအံာ်ပီၢ် စအၣ်တစီာ်နၢ်.”
ဒဳၣ်စဲာ်တစီာ်ဒီၣ်က့ၤၡံလၢ်ဝၤ, “ဝၤကလ့ၤပွၱၤ တကဳာ်ဝှိအဘ့ၣ်ကၠံၢ် ကယဲၤပူၤ ကၱာ်ကအံာ်စအၣ် တစီာ်ဧါ.”
38စဒဲစာ်က့ၤလၢ်ဝၤ, “စာ်စမး, သံတကဳာ်အီၣ်ပွံၢ်ချဳး.”
စစာ်, ဝှါဒဳၣ်စဒီၣ်, “တကဳာ်ယဲၢ်ချဳးကၱာ်ဓၢ်ဖဳးကၠံၢ် ဘီလီၤ.”
39စနှးလၢ်ဝၤတစီာ်လဳစါစဲးကဆးနါလါ အီၣ်ဒဳ မံၤသံသမူအခဳး, တဖဳး, တဖဳး. 40ဒဳၣ်စဆးနါလါတဝ့ၤ, တဝ့ၤ, တကယဲၤအီၣ်, ယဲၢ်ၡံအီၣ် အီၣ်. 41ဒဳၣ်ယ့ၣ်ရှူးဖၱးထာ် တကဳာ် ယဲၢ်ချဳးကၱာ်ဓၢ်ဖဳး ကၠံၢ်ဘီနဳၤ, စစာ်ထာ်ဒဳမီၢ်ခဳး, စဟိး ဝၱၤ, ဝှါဒဳၣ်စဘၱးလၤတကဳာ်, စအံာ် လၤစပျဲၢ်စဘီၣ်တစီာ်, စာ်ဘိထဲၢ်အကဘဲလါဒဳလၢ်ဝၤတစီာ်အလှီမီၢ်နဳၤ. ကၱာ်ဒီဓၢ်ဖဳးကၠံၢ်ဘီနဳၤ စပ့ၤအၣ်ကီပၠၤလဳစါစဲး. 42ပၠၤကိအပွဲၤအၣ်, အၣ်ဆိအၣ်ပၤအီကဲၤ. 43အဟဲးကိာ်စကါတစီာ် ထူးပျဳာ်က့ၤတကဳာ်ကၱာ်ဓၢ်ဖဳး အခဳးလၤကါဆဲးဒဳၣ်, အနံၤပ့ထာ်ၡံးကၠံၢ်ပးလှူၣ်. 44အအၣ်တဲၤထ့အမံၤခဳလီၤမၱာ် အအီၣ်ကဲၤပၠၤ ယဲၢ်ထီး.
ယ့ၣ်ရှူးဟဲးထံခဳး
(မး ၁၄:၂၂-၃၃, ယိၤ ၆:၁၅-၂၁)
45တပျာ်ခါလီၤအပျဲၢ်အဘီၣ်တစီာ် ကလ့ၤနံၢ်ဒဳချံအပူၤ, လ့ၤ အူဆူးဒဳပဲာ်လဲာ်အလဝ့ၤ တခီဝဳၢ်, ဒဳဘ့ၤသစဲဒၤ, ဘ့စဲာ်သဲန့ၤစအီၣ်တၤဝှါ စဘါလှိးက့ၤပၠၤအပဳၤအဟီးအခၠၱးနဳၤလီၤ. 46စဘါလှိးက့ၤဝှါပၠၤ ဒဳၣ်, စထာ်သဘဲထာ်ကဲၤဒဳခီးလီ တမဲအလီၤ.
47လူၤမူၤဟဲးလၤကဲၤဒဳၣ်, ချံအီၣ်ကဲၤ ဒဳ ပဲာ်လဲာ်အသကျါမဲ ဗူ, ဒဳၣ်စဲာ်နဳၤ, စအီၣ်ဒဳခးခီတပွဲၤ လီၤ. 48စကဲာ်ထၱးလၢ်ဝၤတစီာ် ဝၤချံလၤဘူၣ် လၤတၢ်ဆိးကဲၤ. မၤနဲၢ်, ကလံၤအကြီာ်အဒါတဘဲာ်နီး အခဳးအစဲလီၤ. ဘ့ပၠၤတိၤအံာ်တဲၤအခၠၱးလွံၢ်တီၤတတီၤနဳၤ, စဟဲးဒဳပဲာ် လဲာ်အခဳး, စလ့ၤထၱးလၢ်ဝၤ ကၱာ် စမဲၤစာ်ဘိထဲၢ် စကလ့ၤဖျီးသလိးလၢ် ဝၤတစီာ်, 49စဲာ်တစီာ်ကဲာ်ထၱးလၢ်ဝၤဟဲးဒဳပဲာ်လဲာ်ထံခဳး, စမှါ ကၱာ် မၱာ်လူၢ်နှဲးအကလဲၤဒဳၣ်, စဟးဖူးဟးစရံးကဲၤ တစီာ်. 50မၤနဲၢ်, ပၠၤလဳစါစဲးစာ်ထၱးစဲာ်ကၱာ် သးဖူးသးကနၢ်ကဲၤ.
တပျာ်ခါစဒီၣ်ကဲၤလၢ်ဝၤတစီာ်, “လဲၢ်ခူပီၢ်သံသး. မၱာ်ယဲၤလီၤ. ၡံး ဆါမဲး.” 51ကၱာ်စထာ်ထၱး လၢ် ဝၤတစီာ်ဒဳချံပူၤ, ဒဳၣ်ကလံၤအီၣ် ဇီၤကဲၤ. စပျဲၢ်စဘီၣ် တစီာ်ထဲးတမိၢ်တမှါလဳၢ်ကဲၤ, 52မၤနဲၢ်, စသဳး ထဳးသးပၤ, ကၱာ်စတကမဳၤထာ်နံၤပ့ၤတဲၤစီးကျၱးထဲၢ် တဲၤဘဳာ်အၣ်ပၠၤ အပွဲၤယဲၢ်ထီးအထာ်ပဳၤထာ်ဘါနီး, မၱာ်ဒဳစတဲၤကမဳၤတဘးထာ်နီးအခဳး အစဲလီၤ.
တဲၤပီၤတဲၤပၤစမဲၤအလဝ့ၤတစီာ်
(မး ၁၄:၃၄-၃၆)
53စဝှါဓူၢ်ပဲာ်လဲာ်, စလ့ၤဓဳၤဒဳအလဝ့ၤ တခီဝဳၢ်ဒဳကံးန့ၤရ့သး အက့ၤ, စဆီထာ်ချံဘ့နဳၤလီၤ. 54ဘ့စခဲလါတ့ၢ်ချံပူၤလီၤနဳၤ, ပၠၤနှဲ အံာ်ကဲၤ စဲာ်တပျာ်ခါလီၤ. 55ပၠၤအအီၣ်ဒဳက့ၤနဳၤအပူၤ တကွၢ်လဲၢ် စွဲးလ့ၤကဲၤ, ကၱာ်ပၠၤလ့ၤအံာ်ကဲၤအတမိၢ် တမှးနီးတစီာ်ဒဳလ့ၤမံပူၤ, ဒဳတဲၤ အလ့ၤထဲၢ်စသၱာ်ဟဲ ဘဲာ်လၢ်ဝၤအီၣ်နဳၤ. 56ကၱာ်ဒီဘ့စလ့ၤနံၢ် ဒဳ ပူၤဝှးဝှါ, အူးပူၤဝှးဝှါ, မှၱးလဲၢ်ကျဲဝှးဝှါ, ပၠၤ ဘဲလါ အတမိၢ်တမှး နီးတစီာ်ဘ့ကျဲးဝဳၢ်ခဳးဝဳၢ်လီၤ, တၤမီၤစဲာ် ဒဳအကတီးဘဲာ်ထဲၢ်ထ့စၡံာ်ဒဳအကါ ပဇွဲၤလီၤနှီနဳၤ. ဒဳၣ်ကယါပၠၤအတီးဘဲာ်စဲာ်တစီာ်မိၢ်က့ၤ မှးက့ၤလဳတပွဲး.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.