မၢ်ကူး 13
13
မူၤနံၤလ့ၤဓူၢ်အဟိကလဲၤ
(မး ၂၄:၁-၂, လူၤ ၂၁:၅-၆)
1ဘ့ယ့ၣ်ရှူးဟဲးထာ်တဲၤလှူၣ်ၡံၣ် အချဳအခၠၱး, စပျဲၢ်ဘီၣ် အကျဲတပွဲၤဒီၣ်စဲာ်, “ဆရၣ်, စာ်ပီၢ်လဳၤတစီာ်နဳၤ, အဓဳၤဇၱၢ်, ၡံၣ်ဓဳၤဖါဓဳၤတစီာ်နဳၤ, အမီၤကီပွ့းတဲၢ်လီၤ.”
2ယ့ၣ်ရှူးဒီၣ်က့ၤစဲာ်, “နစာ်ထၱးတပွဲးၡံၣ် ဓဳၤဖါဓဳၤတစီာ်နဳၤဧါ. လဳၤထဲၢ်ပၠၤဒီလါအခဳးကိအမဲ နဳၤကဘဲာ်ထၱးလၤဓ့ၢ်လဳကီ. အကတအီၣ်ဘဲာ်ပ့ၤ အလ့ၤလ့ၤတဒဳနီး.”
တဲၤပၤတဲၤဆဲကၱာ်တဲၤလိၤမဲၤဆဲးညဲ
(မး ၂၄:၃-၁၄, လူၤ ၂၁:၇-၁၉)
3ကၱာ်ဒီဘ့စဆးနါလါအီၣ် သဳာ်စၤယံး အခီးလီခဳးအကနၤ ဝဲၢ်တဲၤလှူၣ်ၡံၣ်အခၠၱးနဳၤ, စီၤပ့းတရူး, စီၤယၤကိာ်, စီၤယိၤဟၣ် ကၱာ်စီၤ အၣ်ဒရ့းနီနီး ဒဲဟူၣ်ဇီၤကဲၤစဲာ်, 4“ဒီဆး ပီၢ်ဝၤတဲၤအယဳၤတစီာ် ကဖၱထာ်ထိးဓဲၢ်, ကၱာ်အကဖၱ ထာ်ဘိးထၱးကဲၤနဳၤအဟိအကလဲၤကမၱာ်ကဲၤတၤနဲၢ်နဳၤ.”
5ယ့ၣ်ရှူးဒီဆးကဲၤစဲာ်တစီာ်ကယဳၤ. “ဆီး အံာ်ဝၢ်အံာ်ပီၢ်သံ န့ၤစာ်ဘိ ထဲၢ်ပၠၤတလှီးနံၤပျဲးနံၤသံ တပွဲနီၤနူၤ. 6ဒဳယမံၤအပူၤ, ပၠၤတပွဲၤကဒီၣ်ကီ, ‘ယမၱာ်မ့ၤၡံအၤ,’ ကၱာ်စလှီးနံၤပျဲးနံးသံ. 7ပရၤ ဆါ ဘ့သံသၱာ်ဟဲဘဲာ် တဲၤဒဳးတဲၤဖၠး တလၢ်ကၱာ် တလၢ်အဝၱၤအကဲနူၤ, သးဖူးသးကနၢ်ပီၢ်မဲး. မၤနဲၢ်, တဲၤတစီာ်ယဳၤ ကဖၱထာ်ဘဲာ် ပရၤဆါ အတကူဓူၤမဲၤ နှၱနီး. 8မၤနဲၢ်, ပၠၤတခွံကၱာ်တခွံ, ထံက့ၤတက့ၤကၱာ် တက့ၤကထာ်ဒ့ဒီၣ်လှဲးကီလၢ်ဝၤ, ကဒဳးကဖၠး လှဲးလၢ်ဝၤ, လၢ်ခဳးကယံၤ ယၢ်တဲၤကပဳၤကီ တလၢ် ဝှါတလၢ်. က့ၤကဝံၢ်သိ တဲၤသးဝံာ် လၤဒီၣ်, တဲၤမဲၤကဳၤမဲၤကဲၢ် ကအီၣ် ထာ်ကီ. တဲၤတစီာ်ယဳၤမၱာ် တဲၤအဳးသဳး အဳး သးအကါထၱးလီၤ.”
9“ကာ်ဆဲးဝၢ်ဆဲးပီၢ်သံန့ၤ. ပၠၤတစီာ်ကစွံးလ့ၤကီသံ ဒဳတဲၤ လၤတ့ၢ်ပျဳာ်ပူၤ. သံကဘဲာ်တ့ၤဘဲာ်ပဳၤကီဒဳဘူၣ်ဘျီၣ်ပူၤ, သံကဆီထဳး အီၣ်ဘဲာ်ကီဒဳထံက့ၤအခဳးအန့ၤတစီာ် ကၱာ် ဆဳးဖြဳဆးဖြးတစီာ်အလှီမီၢ်, အကခးယနံၤခံ သဲသၱးနူၤ. 10ပရၤဆါ တချူးကၱာ်မူၤနံၤလ့ၢ် ဓူၢ် နှၱနီးနဳၤ, ကဘဲာ်ဒီဆးအံာ်အူဆူးကီ တဲၤသးကနၢ် အံာ်အဝၱၤအကဲ ဒဳပၠၤ ခွံဖဳးလဳစါစဲးနဳၤ. 11ဘ့ပၠၤ ဟဲးစွံးမှီးအံာ်သံဒဳအကဘဲာ်တဲၤစံးရးအခၠၱးနူၤ, သံကဒီၣ်ဘဲာ်တၤနဲၢ်နဳၤ, ဘဲာ်ၡဳပီၢ်မဲး. မၤနဲၢ်, အကယၱၢ်ဘဲာ်နဳၤတဘဲာ်သံနီး. မၱာ်သးစါထံတခီ. 12သဲပူၤသဲဝ့ၤတဇဲၢ်လီၤကလၤ ဟိ လါလှဲးကီလၢ်ဝၤ. အဖဳးအလံၤကထာ်ဒ့ဒီၣ်ဝှါအမဳၤအပာ်, စကမဲၤသံမဲၤ လှဲမဲၢ်လှဲးကီလၢ်ဝၤ. 13ယခဳးယစဲလီၤ ပၠၤကတဝဲၢ်တဆဲကီ သံ နီး. ပရၤဆါပၠၤအကဳအံာ်ခီးအံာ်ထိ အကဓူၤကတၱၢ်နဳၤကနံၤဘဲာ် တဲၤယဳၤ က့ၤစာ်က့ၤလီၤ.
ယရူၤၡလ့ၣ်အူးအတဲၤလၤမူၤလၤဖြး
(မး ၂၄:၁၅-၂၈, လူၤ ၂၁:၂၀-၂၄)
14“ကၱာ်ဒီဘ့သံကစာ်ထၱး ‘တဲၤမဲၤရှံးဆါ သးပဳၤထဲၢ်အမီၤစၱး ပိးစၱးသဳ,’ ဆီထဳးအီးကဲၤဒဳအတမီၤဆီထဳးအီၣ်အလ့ၤနီးနဳၤ, (ပၠၤအဖး စဲာ်တပွဲၤ ကသၱာ်ဟဲဒီဧဲၤ.) ပၠၤအအီၣ်ဒဳယူဒၤအက့ၤပူၤတစီာ် ကစွဲးလှိ ထာ်ဘဲာ်ဒီဧဲၤဒဳခီမူၤခီးလီခဳး. 15ပၠၤအအီၣ်ဒဳရှံၣ်ခဳးတစီာ် ကတက့ၤနံၢ်ဖၱးဒီဧဲၤတဲၤ တမံနီး. 16ပၠၤအအီၣ်ဒဳချီးပူၤလဲၤပူၤတစီာ်နဳၤ, ကတက့ၤဘးဖၱးက့ၤဒီဧဲၤအၡံာ်ဒဳချဳနီး. 17အမံၤမှူးအမူၤသဲာ်ဒဳကၱာ် အဖဳးဇ့ၤတစီာ်အနံၤခံ, တဲၤပၤဒဳတဲၤပၤနဳၤ. 18သဘဲထာ်ပီၢ် စာ် ဘိထဲၢ် တဲၤအယဳၤတစီာ်ကတဖၱထာ်နံပီၢ်ဒဳတဲၤဟီးခဲနီးနူၤ. 19ဒဳ မူၤနံၤတစီာ်အပူၤမၱာ်တဲၤပၤတဲၤဆဲအဇၱၢ် အဇိၢ်, ထဲၢ်လှ့ကဘၱာ်စဲာ်ဘီာ် လၤတဲၤအကါထၱး, ကၱာ် ထိခဳနူၤယဳၤနဳၤအတအီၣ်ထာ်ကဲၤတခးနီး, ကၱာ် အလ့ၤ ကါတအီၣ်ပ့ၤကဲၤတခးနီးနီး. 20ကဘၱစဲာ်တမဲၤ ပိဖဳးမူၤနံၤ တစီာ်နီးအသူသရ့, ပၠၤအကနံၤဘဲာ်တဲၤယဳၤ က့ၤစာ်က့ၤတအီၣ်ဘဲာ်တပွဲ နီး. ပရၤဆါဒဳၣ်, ဒဳစပွဲၤအဘဲာ်ရိၤထာ်အမူၢ်ကါအစဲ, စမဲၤပိဖဳးထဳမူၤနံၤ မူၤသဲတစီာ်နဳၤ.
21“ဘ့ာ်မ့ပၠၤတပွဲၤပွဲၤကဒီၣ်သံ ‘စာ်ပီၢ်, ခရၱာ်အီၣ်ဘ့ယဳၤ,’ ‘ခရၱာ်အီၣ်ဒဳနဳၤ,’ ဒဳၣ်ဘူၣ်ပီၢ်မဲးစဲာ်မဲး. 22မၤနဲၢ်, ခရၱာ်အသိပျိၤ ကၱာ်ပဝှံအတတၱၢ်တမှး နီးကပီးထာ်ကၱာ် ကမဲၤကီတဲၤစီးကျၱးစီးၡဲစာ်ဘိ ထဲၢ် စကဟဲးဖြီးအံာ်ဟူပီၢ်ပၠၤကျဲးနဳၤ, ပွ့အစာ်ဘိအဘဲာ်ရိၤ ထာ်တစီာ် နှီနူၤ, ဆဲးဖြီးဘဲာ်အလ့ၤကအီၣ်နဳၤ. 23မဲၤကနဳၤဒဳၣ်, ကာ်ဆဲးဝၢ် ဆဲးပီၢ်သံန့ၤ. ယဒီဆးတီၤ လီၤထဳတပွဲးသံ.
ပၠၤအဖဳးခဳအတဲၤဓဳၤလ့ၤ
(မး ၂၄:၂၉-၃၁, လူၤ ၂၁:၂၅-၂၈)
24“ဒဳမူၤနံၤအနဳၤတစီာ်အပူၤနဳၤ, တဲၤအဳးသဳးအဳးသးအမှူအရၤကဝှါနဳၤ,
လူၤမူၤကခံးကီ,
လှဲကတလှၱပ့ၤနီး,
25ဆဲၣ်တစီာ်ကလၤတ့ၢ်ဒဳမီၢ်ခဳးလဲၢ် ကၱာ်မီၢ်ခဳးအစိသလဲ ကကျ့ၤကျၢ်ကီ.
26“ဘ့နဳၤပၠၤလၢ်ခဳးဖဳးတစီာ် ကစာ်ထၱးကီ ပၠၤအဖဳးတပွဲၤလၤ ဒဳတဲၢ်တဘဳာ်အကျဲ, တဲၤဖျူတဲၤသရ့ာ် ကၱာ်တဲၤဓီၤတဲၤသ့းအပူၤ. 27စကဘါလှိး လ့ၤကီမီၢ်ခဳးပွဲၤဇဳၤတစီာ်ကၱာ်စယဳၤလၤတ့ၢ်ပျဳာ်ကီ ပၠၤ အဘဲာ်ရိၤထာ်တစီာ် အအီၣ်ဒဳကလံၤလွံၢ်ခီဘဲာ်, ဒဳမီၢ်ခဳးလဲၢ်ကၱာ်လၢ်ခဳး အမီၤထၱးကါ အီၣ်ယၱၤအီၣ် ဇဳၤအီၣ်နဳၤ.
တဲၤမဲၤလှိဒဳသဳာ်ဓဳၤထံမူၤအအီၣ်
(မး ၂၄:၃၂-၃၅, လူၤ ၂၁:၂၉-၃၃)
28“တီၤနံၤဖၱးနံၤပီၢ်သဳာ်ဓဳၤထံသဲာ်အဟိ အကလဲၤ. ဘ့အမ့ၢ် အဖါဇ့ၤဝ့ၤဒဳၣ်အလှဲာ်ထူးထာ် ဒဲထာ်ကၱာ်ဒီၣ်ဇ့ၤထာ်ကဲၤနဳၤ, သံသၱာ်ဟဲတပွဲး သးသၱးခဲဘိးထၱးထဳ. 29ကနဳၤအခီဖး, ဘ့သံစာ်ထၱးဘဲာ် တဲၤ မဲၤအန့ၤကယဳၤတစီာ်နဳၤ, အဘိးထၱးထဳပွ့အဓဳၤဝဲၢ်ထဳခးကျဲၢ်ထၱးနဳၤ. 30ယဒီ ဆးသံအတၱၢ်အမှး, ပၠၤအယဳၤတစိၤတဖျီးသလိးနှၱနီး, တဲၤအယဳၤတစီာ်ကပ့ထာ်ဇီၤထာ်အူဆူးတပွဲး. 31မီၢ်ခဳးကၱာ်လၢ်ခဳး ကဟဲးတလိးနီၣ်သီနှီနူၤ, ယလ့ၢ်ယဝှဲး တဟဲးကဲဘဲာ်နီး.
မူၤနံၤကၱာ်အခၠၱးပၠၤတသၱာ်ဟဲနီး
(မး ၂၄:၃၆-၄၄)
32“ပရၤဆါ တဲၤအနဳၤတစီာ်ကဖၱထာ်အမူၤနံၤမူၤသဲကၱာ်အခၠၱးနၣ်ရၱၣ်နဳၤ, ပၠၤတသၱာ်ဟဲမဲၤတပွဲၤနီး. မီၢ်ခဳး ပွဲၤဇဳၤအီၣ်ဒဳမီၢ်ခဳး မၱာ် ဝၱၤ, ဖဳးခဳမၱာ်ဝၱၤ, တသၱာ်ဟဲနီး. အသၱာ်ဟဲမၱာ်ထ့ပာ် တပွဲၤလီၤ. 33ကာ် ဆဲးဝၢ်ဆဲးပီၢ်သံန့ၤ. တိၤအံာ်ကၱာ်သဘဲထာ်ပီၢ်. မၤနဲၢ်, အမူၤအလှဲ ကဘဲာ်ထိးဓဲၢ်ထိးဓဲၢ်နဳၤသံတသၱာ်ဟဲနီး. 34တဲၤမဲၤအန့ၤအစာ်ဘိ ပၠၤတပွဲၤပၢ်လၤတ့ၢ်အၡံၣ်ကၱာ် လ့ၤဒဳထံလ့ၤက့ၤယၱၤနဳၤ, အံာ်လၤအဇိၤအပွဲၤ တစီာ် တဲၤစိသလဲ, တပွဲၤကၱာ်အတဲၤမဲၤ, တပွဲၤကၱာ်အတဲၤ မဲၤ, ဒဳၣ် မှဲးလၤပၠၤအတိၤအံာ်ခးကျဲၢ်ဓဳၤတပွဲၤစာ်ဘိ ထဲၢ်စကတိၤအံာ်လီၤ. 35မဲၤကနဳၤဒဳၣ်, တိၤအံာ်ပီၢ်. မၤနဲၢ်, ၡံၣ်ဘၱာ်စဲာ်ကက့ၤထိးဓဲၢ်ထိးဓဲၢ်, လူၤမူၤလၤဧါ, ကျါမဲလူၤမူၤဧါ, ဘ့ၡံအိးထာ်ဧါ, ဘ့လူၤမူၤဆ့းထာ်ဧါ, သံ တသၱာ်ဟဲနီး. 36တဘဲာ်နီးဒဳၣ် စကက့ၤဓဳၤသဲလဲးသလီ, ဒဳၣ်စကစာ် ထၱးကီသံဆီးမံသဗ့. 37တဲၤဒဳယဒီၣ်သံယဳၤ, ယဒီၣ်ကိာ်ပၠၤ လဳစါစဲးလီၤ. ကာ်ဆဲးဝၢ်ဆဲး, တိၤအံာ်ပီၢ်.”
ទើបបានជ្រើសរើសហើយ៖
မၢ်ကူး 13: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မၢ်ကူး 13
13
မူၤနံၤလ့ၤဓူၢ်အဟိကလဲၤ
(မး ၂၄:၁-၂, လူၤ ၂၁:၅-၆)
1ဘ့ယ့ၣ်ရှူးဟဲးထာ်တဲၤလှူၣ်ၡံၣ် အချဳအခၠၱး, စပျဲၢ်ဘီၣ် အကျဲတပွဲၤဒီၣ်စဲာ်, “ဆရၣ်, စာ်ပီၢ်လဳၤတစီာ်နဳၤ, အဓဳၤဇၱၢ်, ၡံၣ်ဓဳၤဖါဓဳၤတစီာ်နဳၤ, အမီၤကီပွ့းတဲၢ်လီၤ.”
2ယ့ၣ်ရှူးဒီၣ်က့ၤစဲာ်, “နစာ်ထၱးတပွဲးၡံၣ် ဓဳၤဖါဓဳၤတစီာ်နဳၤဧါ. လဳၤထဲၢ်ပၠၤဒီလါအခဳးကိအမဲ နဳၤကဘဲာ်ထၱးလၤဓ့ၢ်လဳကီ. အကတအီၣ်ဘဲာ်ပ့ၤ အလ့ၤလ့ၤတဒဳနီး.”
တဲၤပၤတဲၤဆဲကၱာ်တဲၤလိၤမဲၤဆဲးညဲ
(မး ၂၄:၃-၁၄, လူၤ ၂၁:၇-၁၉)
3ကၱာ်ဒီဘ့စဆးနါလါအီၣ် သဳာ်စၤယံး အခီးလီခဳးအကနၤ ဝဲၢ်တဲၤလှူၣ်ၡံၣ်အခၠၱးနဳၤ, စီၤပ့းတရူး, စီၤယၤကိာ်, စီၤယိၤဟၣ် ကၱာ်စီၤ အၣ်ဒရ့းနီနီး ဒဲဟူၣ်ဇီၤကဲၤစဲာ်, 4“ဒီဆး ပီၢ်ဝၤတဲၤအယဳၤတစီာ် ကဖၱထာ်ထိးဓဲၢ်, ကၱာ်အကဖၱ ထာ်ဘိးထၱးကဲၤနဳၤအဟိအကလဲၤကမၱာ်ကဲၤတၤနဲၢ်နဳၤ.”
5ယ့ၣ်ရှူးဒီဆးကဲၤစဲာ်တစီာ်ကယဳၤ. “ဆီး အံာ်ဝၢ်အံာ်ပီၢ်သံ န့ၤစာ်ဘိ ထဲၢ်ပၠၤတလှီးနံၤပျဲးနံၤသံ တပွဲနီၤနူၤ. 6ဒဳယမံၤအပူၤ, ပၠၤတပွဲၤကဒီၣ်ကီ, ‘ယမၱာ်မ့ၤၡံအၤ,’ ကၱာ်စလှီးနံၤပျဲးနံးသံ. 7ပရၤ ဆါ ဘ့သံသၱာ်ဟဲဘဲာ် တဲၤဒဳးတဲၤဖၠး တလၢ်ကၱာ် တလၢ်အဝၱၤအကဲနူၤ, သးဖူးသးကနၢ်ပီၢ်မဲး. မၤနဲၢ်, တဲၤတစီာ်ယဳၤ ကဖၱထာ်ဘဲာ် ပရၤဆါ အတကူဓူၤမဲၤ နှၱနီး. 8မၤနဲၢ်, ပၠၤတခွံကၱာ်တခွံ, ထံက့ၤတက့ၤကၱာ် တက့ၤကထာ်ဒ့ဒီၣ်လှဲးကီလၢ်ဝၤ, ကဒဳးကဖၠး လှဲးလၢ်ဝၤ, လၢ်ခဳးကယံၤ ယၢ်တဲၤကပဳၤကီ တလၢ် ဝှါတလၢ်. က့ၤကဝံၢ်သိ တဲၤသးဝံာ် လၤဒီၣ်, တဲၤမဲၤကဳၤမဲၤကဲၢ် ကအီၣ် ထာ်ကီ. တဲၤတစီာ်ယဳၤမၱာ် တဲၤအဳးသဳး အဳး သးအကါထၱးလီၤ.”
9“ကာ်ဆဲးဝၢ်ဆဲးပီၢ်သံန့ၤ. ပၠၤတစီာ်ကစွံးလ့ၤကီသံ ဒဳတဲၤ လၤတ့ၢ်ပျဳာ်ပူၤ. သံကဘဲာ်တ့ၤဘဲာ်ပဳၤကီဒဳဘူၣ်ဘျီၣ်ပူၤ, သံကဆီထဳး အီၣ်ဘဲာ်ကီဒဳထံက့ၤအခဳးအန့ၤတစီာ် ကၱာ် ဆဳးဖြဳဆးဖြးတစီာ်အလှီမီၢ်, အကခးယနံၤခံ သဲသၱးနူၤ. 10ပရၤဆါ တချူးကၱာ်မူၤနံၤလ့ၢ် ဓူၢ် နှၱနီးနဳၤ, ကဘဲာ်ဒီဆးအံာ်အူဆူးကီ တဲၤသးကနၢ် အံာ်အဝၱၤအကဲ ဒဳပၠၤ ခွံဖဳးလဳစါစဲးနဳၤ. 11ဘ့ပၠၤ ဟဲးစွံးမှီးအံာ်သံဒဳအကဘဲာ်တဲၤစံးရးအခၠၱးနူၤ, သံကဒီၣ်ဘဲာ်တၤနဲၢ်နဳၤ, ဘဲာ်ၡဳပီၢ်မဲး. မၤနဲၢ်, အကယၱၢ်ဘဲာ်နဳၤတဘဲာ်သံနီး. မၱာ်သးစါထံတခီ. 12သဲပူၤသဲဝ့ၤတဇဲၢ်လီၤကလၤ ဟိ လါလှဲးကီလၢ်ဝၤ. အဖဳးအလံၤကထာ်ဒ့ဒီၣ်ဝှါအမဳၤအပာ်, စကမဲၤသံမဲၤ လှဲမဲၢ်လှဲးကီလၢ်ဝၤ. 13ယခဳးယစဲလီၤ ပၠၤကတဝဲၢ်တဆဲကီ သံ နီး. ပရၤဆါပၠၤအကဳအံာ်ခီးအံာ်ထိ အကဓူၤကတၱၢ်နဳၤကနံၤဘဲာ် တဲၤယဳၤ က့ၤစာ်က့ၤလီၤ.
ယရူၤၡလ့ၣ်အူးအတဲၤလၤမူၤလၤဖြး
(မး ၂၄:၁၅-၂၈, လူၤ ၂၁:၂၀-၂၄)
14“ကၱာ်ဒီဘ့သံကစာ်ထၱး ‘တဲၤမဲၤရှံးဆါ သးပဳၤထဲၢ်အမီၤစၱး ပိးစၱးသဳ,’ ဆီထဳးအီးကဲၤဒဳအတမီၤဆီထဳးအီၣ်အလ့ၤနီးနဳၤ, (ပၠၤအဖး စဲာ်တပွဲၤ ကသၱာ်ဟဲဒီဧဲၤ.) ပၠၤအအီၣ်ဒဳယူဒၤအက့ၤပူၤတစီာ် ကစွဲးလှိ ထာ်ဘဲာ်ဒီဧဲၤဒဳခီမူၤခီးလီခဳး. 15ပၠၤအအီၣ်ဒဳရှံၣ်ခဳးတစီာ် ကတက့ၤနံၢ်ဖၱးဒီဧဲၤတဲၤ တမံနီး. 16ပၠၤအအီၣ်ဒဳချီးပူၤလဲၤပူၤတစီာ်နဳၤ, ကတက့ၤဘးဖၱးက့ၤဒီဧဲၤအၡံာ်ဒဳချဳနီး. 17အမံၤမှူးအမူၤသဲာ်ဒဳကၱာ် အဖဳးဇ့ၤတစီာ်အနံၤခံ, တဲၤပၤဒဳတဲၤပၤနဳၤ. 18သဘဲထာ်ပီၢ် စာ် ဘိထဲၢ် တဲၤအယဳၤတစီာ်ကတဖၱထာ်နံပီၢ်ဒဳတဲၤဟီးခဲနီးနူၤ. 19ဒဳ မူၤနံၤတစီာ်အပူၤမၱာ်တဲၤပၤတဲၤဆဲအဇၱၢ် အဇိၢ်, ထဲၢ်လှ့ကဘၱာ်စဲာ်ဘီာ် လၤတဲၤအကါထၱး, ကၱာ် ထိခဳနူၤယဳၤနဳၤအတအီၣ်ထာ်ကဲၤတခးနီး, ကၱာ် အလ့ၤ ကါတအီၣ်ပ့ၤကဲၤတခးနီးနီး. 20ကဘၱစဲာ်တမဲၤ ပိဖဳးမူၤနံၤ တစီာ်နီးအသူသရ့, ပၠၤအကနံၤဘဲာ်တဲၤယဳၤ က့ၤစာ်က့ၤတအီၣ်ဘဲာ်တပွဲ နီး. ပရၤဆါဒဳၣ်, ဒဳစပွဲၤအဘဲာ်ရိၤထာ်အမူၢ်ကါအစဲ, စမဲၤပိဖဳးထဳမူၤနံၤ မူၤသဲတစီာ်နဳၤ.
21“ဘ့ာ်မ့ပၠၤတပွဲၤပွဲၤကဒီၣ်သံ ‘စာ်ပီၢ်, ခရၱာ်အီၣ်ဘ့ယဳၤ,’ ‘ခရၱာ်အီၣ်ဒဳနဳၤ,’ ဒဳၣ်ဘူၣ်ပီၢ်မဲးစဲာ်မဲး. 22မၤနဲၢ်, ခရၱာ်အသိပျိၤ ကၱာ်ပဝှံအတတၱၢ်တမှး နီးကပီးထာ်ကၱာ် ကမဲၤကီတဲၤစီးကျၱးစီးၡဲစာ်ဘိ ထဲၢ် စကဟဲးဖြီးအံာ်ဟူပီၢ်ပၠၤကျဲးနဳၤ, ပွ့အစာ်ဘိအဘဲာ်ရိၤ ထာ်တစီာ် နှီနူၤ, ဆဲးဖြီးဘဲာ်အလ့ၤကအီၣ်နဳၤ. 23မဲၤကနဳၤဒဳၣ်, ကာ်ဆဲးဝၢ် ဆဲးပီၢ်သံန့ၤ. ယဒီဆးတီၤ လီၤထဳတပွဲးသံ.
ပၠၤအဖဳးခဳအတဲၤဓဳၤလ့ၤ
(မး ၂၄:၂၉-၃၁, လူၤ ၂၁:၂၅-၂၈)
24“ဒဳမူၤနံၤအနဳၤတစီာ်အပူၤနဳၤ, တဲၤအဳးသဳးအဳးသးအမှူအရၤကဝှါနဳၤ,
လူၤမူၤကခံးကီ,
လှဲကတလှၱပ့ၤနီး,
25ဆဲၣ်တစီာ်ကလၤတ့ၢ်ဒဳမီၢ်ခဳးလဲၢ် ကၱာ်မီၢ်ခဳးအစိသလဲ ကကျ့ၤကျၢ်ကီ.
26“ဘ့နဳၤပၠၤလၢ်ခဳးဖဳးတစီာ် ကစာ်ထၱးကီ ပၠၤအဖဳးတပွဲၤလၤ ဒဳတဲၢ်တဘဳာ်အကျဲ, တဲၤဖျူတဲၤသရ့ာ် ကၱာ်တဲၤဓီၤတဲၤသ့းအပူၤ. 27စကဘါလှိး လ့ၤကီမီၢ်ခဳးပွဲၤဇဳၤတစီာ်ကၱာ်စယဳၤလၤတ့ၢ်ပျဳာ်ကီ ပၠၤ အဘဲာ်ရိၤထာ်တစီာ် အအီၣ်ဒဳကလံၤလွံၢ်ခီဘဲာ်, ဒဳမီၢ်ခဳးလဲၢ်ကၱာ်လၢ်ခဳး အမီၤထၱးကါ အီၣ်ယၱၤအီၣ် ဇဳၤအီၣ်နဳၤ.
တဲၤမဲၤလှိဒဳသဳာ်ဓဳၤထံမူၤအအီၣ်
(မး ၂၄:၃၂-၃၅, လူၤ ၂၁:၂၉-၃၃)
28“တီၤနံၤဖၱးနံၤပီၢ်သဳာ်ဓဳၤထံသဲာ်အဟိ အကလဲၤ. ဘ့အမ့ၢ် အဖါဇ့ၤဝ့ၤဒဳၣ်အလှဲာ်ထူးထာ် ဒဲထာ်ကၱာ်ဒီၣ်ဇ့ၤထာ်ကဲၤနဳၤ, သံသၱာ်ဟဲတပွဲး သးသၱးခဲဘိးထၱးထဳ. 29ကနဳၤအခီဖး, ဘ့သံစာ်ထၱးဘဲာ် တဲၤ မဲၤအန့ၤကယဳၤတစီာ်နဳၤ, အဘိးထၱးထဳပွ့အဓဳၤဝဲၢ်ထဳခးကျဲၢ်ထၱးနဳၤ. 30ယဒီ ဆးသံအတၱၢ်အမှး, ပၠၤအယဳၤတစိၤတဖျီးသလိးနှၱနီး, တဲၤအယဳၤတစီာ်ကပ့ထာ်ဇီၤထာ်အူဆူးတပွဲး. 31မီၢ်ခဳးကၱာ်လၢ်ခဳး ကဟဲးတလိးနီၣ်သီနှီနူၤ, ယလ့ၢ်ယဝှဲး တဟဲးကဲဘဲာ်နီး.
မူၤနံၤကၱာ်အခၠၱးပၠၤတသၱာ်ဟဲနီး
(မး ၂၄:၃၆-၄၄)
32“ပရၤဆါ တဲၤအနဳၤတစီာ်ကဖၱထာ်အမူၤနံၤမူၤသဲကၱာ်အခၠၱးနၣ်ရၱၣ်နဳၤ, ပၠၤတသၱာ်ဟဲမဲၤတပွဲၤနီး. မီၢ်ခဳး ပွဲၤဇဳၤအီၣ်ဒဳမီၢ်ခဳး မၱာ် ဝၱၤ, ဖဳးခဳမၱာ်ဝၱၤ, တသၱာ်ဟဲနီး. အသၱာ်ဟဲမၱာ်ထ့ပာ် တပွဲၤလီၤ. 33ကာ် ဆဲးဝၢ်ဆဲးပီၢ်သံန့ၤ. တိၤအံာ်ကၱာ်သဘဲထာ်ပီၢ်. မၤနဲၢ်, အမူၤအလှဲ ကဘဲာ်ထိးဓဲၢ်ထိးဓဲၢ်နဳၤသံတသၱာ်ဟဲနီး. 34တဲၤမဲၤအန့ၤအစာ်ဘိ ပၠၤတပွဲၤပၢ်လၤတ့ၢ်အၡံၣ်ကၱာ် လ့ၤဒဳထံလ့ၤက့ၤယၱၤနဳၤ, အံာ်လၤအဇိၤအပွဲၤ တစီာ် တဲၤစိသလဲ, တပွဲၤကၱာ်အတဲၤမဲၤ, တပွဲၤကၱာ်အတဲၤ မဲၤ, ဒဳၣ် မှဲးလၤပၠၤအတိၤအံာ်ခးကျဲၢ်ဓဳၤတပွဲၤစာ်ဘိ ထဲၢ်စကတိၤအံာ်လီၤ. 35မဲၤကနဳၤဒဳၣ်, တိၤအံာ်ပီၢ်. မၤနဲၢ်, ၡံၣ်ဘၱာ်စဲာ်ကက့ၤထိးဓဲၢ်ထိးဓဲၢ်, လူၤမူၤလၤဧါ, ကျါမဲလူၤမူၤဧါ, ဘ့ၡံအိးထာ်ဧါ, ဘ့လူၤမူၤဆ့းထာ်ဧါ, သံ တသၱာ်ဟဲနီး. 36တဘဲာ်နီးဒဳၣ် စကက့ၤဓဳၤသဲလဲးသလီ, ဒဳၣ်စကစာ် ထၱးကီသံဆီးမံသဗ့. 37တဲၤဒဳယဒီၣ်သံယဳၤ, ယဒီၣ်ကိာ်ပၠၤ လဳစါစဲးလီၤ. ကာ်ဆဲးဝၢ်ဆဲး, တိၤအံာ်ပီၢ်.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.