မၢ်ကူး 1
1
အဖဳးစူထံစီၤယိၤဟၣ်ပြးနှဲးတီၤလီၤကျဲးသအီ
(မး ၃:၁-၁၂, လူၤ ၃:၁-၁၈, ယိၤ ၁:၁၉-၂၈)
1ယ့ၣ်ရှူးခရၱာ်, ဘၱာ်စဲာ်အဖဳးတဲၤသးလဳၢ် သးလၤအံာ်အဝၱၤ အကဲအခၣ်ထၱး, 2အစာ်ဘိ ဝံယၡါယၤဝှ့းလၤကဲၤအခီနဳၤ,
“စာ်ပီၢ်, ယသဓဳလ့ၤယပွဲၤဇဳၤဒဳနလှီမီၢ်,
ထဲၢ်အကပြးတီၤလီၤနကျဲးနသအီ,
3တဲၤလ့ၢ်သဲာ်ထာ်ဒဳတဲၤကြးလ့ၤ, အဒီၣ်,
‘ပြးတီၤလီၤပီၢ်ဘၱာ်စဲာ်အကျဲး.
မဲၤတနၢ်ပီၢ်စကျဲးတစီာ်နဳၤ.’”
4စီၤယိၤဟၣ်လ့ၤဒဳတဲၤကြးလ့ၤ, ဖဳးစူ ပၠၤထံကၱာ်ဒီၣ်အူဒီဆး ကဲၤတဲၤဖဳးစူထံ ဒဳတဲၤယၤလ့ၤ ကၱာ်တဲၤခီၣ်ဝဲၤအတဲၤဘါပျဲးအဝၱၤအကဲ. 5ပၠၤအအီၣ်ဒဳယူဒၤက့ၤသဒဲက့ၤတစီာ် ကၱာ်ယရူၤၡလ့ၣ်အူးပူၤ ဖဳး တစီာ်လ့ၤထၱးစဲာ်, ဒီၣ်လၤအတဲၤခီၣ်ဝဲၤ, ခးဖဳးစူအန့ၤထံဒဳစအီၣ်, ဘ့ယၢ် ဒ့ၣ်လီၢ်ပူၤနဳၤ.
6စီၤယိၤဟၣ်ကိသီးကီၤလၤအူးအဖ့း, စပါဘးနှၱယၢ်ပံၤတဲၤ ဖ့းစယၤဓ့ၢ် လီၤ, စအၣ်ဒၱပၢ်မှူးကၱာ်ကနၱၤစါလီၤ. 7ကၱာ်စဒီထိး လၤ, စဒီၣ်, “အဓဳၤဒဳၣ်လံယဲၤတပွဲၤကလ့ၤကီယလ့ၤ ကါ, ယတတးမဲၤ ပွ့အကဓဳၢ်နှဳလါကၱာ်ဘါပျဲး စခၣ်တကီးအပံၤနီး. 8ယဖဳးစူထဳသံ ကၱာ်ထံ, စကဖဳးစူအံာ်သံကၱာ်သးစါထံလီၤ.”
ယ့ၣ်ရှူးအတဲၤဖဳးစူထံ
(မး ၁၀:၁-၄, လူၤ ၆:၁၂-၁၆)
9လှ့နဳၤယ့ၣ်ရှူးဟဲးထာ်ကဲၤနစၤရ့းအူး, ကၤလံၤလဲအက့ၤပူၤ ကၱာ်ခး ဖဳးစူကဲၤအန့ၤထံဒဳစီၤယိၤဟၣ်အီၣ်, ဘ့ယၢ်ဒ့ၣ်အလီၢ်ပူၤလီၤ. 10ဘ့စဟဲး ထာ်ဝှါ ထံကျဲလီၤနဳၤ, စစာ်ထၱးကဲၤမီၢ်ခဳးဘါထာ် ကၱာ် သးစါ ထံ, အစာ်ဘိသကဳတြူၤတဘဲာ်လၤ ကၱာ်ဆီလါကဲၤ စခဳး. 11ကၱာ်တဲၤလ့ၢ်သဲာ်ထာ်ကဲၤဒဳမီၢ်ခဳးတဓဲ, အဒီၣ်, “နဲၤမၱာ်ယဖဳးခဳ ထဲၢ် ယဘဲာ်လီၢ်, အဘဲာ်သး ယဲၤတပွဲၤနဳၤ.”
12တပျာ်ခါသးစါထံမှီးလ့ၤတနၢ်စဲာ် ဒဳ တဲၤကြးလ့ၤနဳၤ. 13ကၱာ်စအီၣ်ကဲၤဒဳ တဲၤကြး လ့ၤအနံၤလွံၢ်ၡံ, အနဲၤလွံၢ်ၡံ, ကၱာ်ခးဘဲာ် ကဲၤမဳၤဒဲးလၱး အတဲၤနှးကါ. စအီၣ်ဘဲာ်တဲၤမံၤတဲၤမၤတစီာ်အကျဲ, ကၱာ် မီၢ်ခဳးပွဲၤဇဳၤတစီာ်စာ်အံာ်ခွဲးအံာ်တပွဲးစဲာ်.
အပျဲၢ်အဘီၣ်အဘဲာ်ယဳၤအူဆူးတစီာ်
(မး ၁၀:၁-၄, လူၤ ၆:၁၂-၁၆)
14စီၤယိၤဟၣ်ဘဲာ်ဖီးဘဲာ်စဳဝှါ, ယ့ၣ်ရှူးလ့ၤ ကဲၤဒဳကၤလံၤလဲ အက့ၤနဳၤ, စဒီၣ်အူဒီဆးကဲၤ ကဘၱာ်စဲာ် အထံအက့ၤတဲၤသးလဳၢ်သးလၤ အံာ် အဝၱၤအကဲကၱာ်ဒီၣ်ကဲၤ, 15“အခၠၱးအကျၤဘဲာ်ထဳ, ကၱာ်ကဘၱာ်စဲာ်အထံအက့ၤဘိးထၱးထဳ. ပၤယၤလၤက့ၤသံန့ၤကၱာ်ဘူၣ်ပီၢ် တဲၤသး လဳၢ်သး လၤအံာ်အဝၱၤအကဲတခး.”
16ဘ့ယ့ၣ်ရှူးဟဲးကိာ်ကၤလံၤလဲ ပဲာ်လဲာ်ဝ့ၤအခၠၱးနဳၤ, စစာ် ထၱးကဲၤ စီၤၡံမိၣ်ကၱာ် စမဲၢ်စီၤအၣ်ဒရ့း, ပၢ်လၤဓွံၢ်ဒဳပဲာ်လဲာ်ပူၤနဳၤ. မၤနဲၢ် ကဒီၣ်ဓဳၤဒဳၣ်, စမၱာ်ပၠၤအပိာ်အၣ်ဓၢ်ဖဳးတစီာ်. 17ကၱာ်ယ့ၣ်ရှူးဒီၣ် ကဲၤစဲာ်တစီာ်, “လိၤကိာ်ပီၢ်ယလ့ၤ. ယကမဲၤဖၱထာ်ကီသံ ပွဲၤပိာ်ဓၢ်ဖဳး အပိာ်ပၠၤတစီာ် နဳၤ.” 18ဘ့နဳၤလီၤ စပၢ်လၤတ့ၢ်ဓွံၢ်တစီာ် ကၱာ် လိၤကိာ်ကဲၤစလ့ၤ.
19မဲၤဝှါစလ့ၤအလှီမီၢ်, စစာ်ထၱးကဲၤ စီၤစ့းဘ့းဒဲ အဖဳးစီၤ ယၤကိာ်ကၱာ်စပၱးကီစီၤယိၤဟၣ်, စဲာ်တစီာ်အီၣ်ဒဳအချံပူၤ, ပီၤဒဲးက့ၤအဓွံၢ် တစီာ်နဳၤ. 20စယဳၤတနၢ်လၢ်ဝၤလီၤ. စဲာ်တစီာ် ပၢ်လၤတ့ၢ် အပာ် စီၤစ့းဘ့းဒဲဒဳချံပူၤ, ပျဳာ်ပျဳာ်ကၱာ်ပၠၤအမဲၤလှဲအၣ် တဲၤတစီာ်နဳၤ, ကၱာ်စလိၤ ကိာ်ကဲၤယ့ၣ်ရှူးအလ့ၤ.
ယ့ၣ်ရှူးနှးဟဲးထာ်တဲၤၡံးတဲၤနှဲး
(လူၤ ၄:၃၁-၃၇)
21ကၱာ်စလ့ၤနံၢ်ကဲၤကပ့းရနီၣ်အူးပူၤ. ဘ့မူၤနံၤဆီးဒဲနဳၤ, စထာ်နံၢ်ကဲၤဘူၣ်ဘျီၣ်အပူၤ ကၱာ် ဒီၣ်အူဒီဆးလၤကဲၤတဲၤ. 22စဲာ် တစီာ်ထဲးတမိၢ်တမှါတပွဲးစတဲၤသိၣ်တဲၤသီအခဳးလဲၢ်ကါလဲၢ်. မၤနဲၢ်ကဒီၣ်ဓဳၤဒဳၣ်, စသိၣ်အံာ်သီအံာ်တဲၤအစာ်ဘိ ပၠၤအဖျူအသရ့ာ်အီၣ်တပွဲၤအခီဖးနဳၤ, တမၱာ်အစာ်ဘိ အဝှ့းစဲာ်တစီာ်နဳၤနီး.
23ဒဳဘူၣ်ဘျီၣ်ပူၤနဳၤတဲၤနှဲးအကၱကဲာ် အီၣ်ကဲၤပၠၤတပွဲၤအလီၤ ဒဳၣ် စကဲာ်ဧဳၤထာ်, စဒီၣ်, 24“ဝၤဘဲာ်ကၠးကၱာ်နဲၤတၤနဲၢ်, ယ့ၣ်ရှူး နစၤရ့းဖဳး. နကလ့ၤမဲၤကဲမဲၤအိးတပွဲးကဲၤဝၤဧါ. ယသၱာ်ဟဲတပွဲး ထဲၢ်နဲၤ မၱာ်ကဘၱာ်စဲာ်အပၠၤစါထံတပွဲၤနဳၤ.”
25ကၱာ်ဒီယ့ၣ်ရှူးဟီစဲာ်, စဒီၣ်, “အီၣ်ဇီၤ လီၤ. ဟဲးထာ်ဖျီးမံ ကဲဒဳပၠၤအနဳၤတပွဲၤအီၣ်နဳၤ.”
26တဲၤနှဲးအကၱကဲးနဳၤမဲၤသံမူၢ်ကျဲးဝှါ စဲာ်ဒဳၣ်, စဟးဖူးဆိးတကျဲးဝှါဟဲးထာ်တပွဲးကဲၤ. 27ပၠၤတစီာ်ထဲးတမိၢ်တမှါကၱာ်ဒီၣ် လှဲး လၢ်ဝၤ, “အယဳၤမၱာ်တၤနဲၢ်. တဲၤသိၣ် တဲၤသီအသဲအယဳၤ မၱာ်တၤနဲၢ်. မၤနဲၢ်, ဒဳစဖူစသရ့းအခဳးအစဲ, တဲၤနှဲး အကၱကဲးနှီနူၤဆီးခ့န့းတပွဲး စလ့ၢ်.”
28တဲၤဝၱၤတဲၤကဲယဳၤဝှ့လီၢ်ဝှ့ခီတနၢ်ကဲၤ ဒဳကၤလံၤလဲက့ၤသဒဲက့ၤအပူၤနဳၤ.
ယ့ၣ်ရှူးမဲၤမှးက့ၤပၠၤအီၣ်အဲးအီးအီး
(မး ၈:၁၄-၁၇, လူၤ ၄:၃၈-၄၁)
29ယ့ၣ်ရှူးဟဲးထာ်ဝှါဘူၣ်ဘျီၣ်ပူၤဒဳၣ်, ပျဳာ်ပျဳာ်ကၱာ်စီၤယၤကိာ်, စီၤယိၤဟၣ်, စလ့ၤကဲၤဒဳ စီၤၡံမိၣ်ကၱာ်စီၤအၣ်ဒရ့းအၡံၣ်ပူၤနဳၤ. 30စီၤၡံမိၣ်အမူၤပွ့ၢ်တပွဲၤအီၣ်လ့ၤမံခဳး, စရွှံးဆိးကဲၤ, ကၱာ်စဲာ်တစီာ်ဒီဆးကဲၤ ယ့ၣ်ရှူး. 31ယ့ၣ်ရှူး လ့ၤဘိးထၱးစဲာ်, ဖၱးစစူးခီးကၱာ်စွံးဝဲၢ်ထဳး ကဲၤ စဲာ်, ကၱာ်တဲၤရွှံးတဲၤဆဲဆဲးတပီၤတနၢ်ကဲၤစဲာ်, ကၱာ်စဝဲၢ် ထဳးမဲၤအီသီ အၣ်နံၤကဲၤပၠၤတစီာ်နဳၤတခီ.
32အနဳၤတလၤ, လူၤမူၤလၤတ့ၢ်နံၢ်အခၠၱး, ပၠၤတစီာ်လ့ၤအံာ် ကဲၤပၠၤအရွှံးအဆဲ ကၱာ်တဲၤၡံး တဲၤနှဲးဖၱးဘဲာ်တစီာ်ဒဳယ့ၣ်ရှူးအီၣ်နဳၤ. 33ပၠၤသဲဒဳသဲက့ၤလၤတ့ၢ်ပျဳာ်ကဲၤလၢ်ဝၤဒဳခးကျဲၢ်ထၱးနဳၤ. 34ကၱာ်စမဲၤမှးက့ၤကဲၤအဘဲာ်ရွှံးဘဲာ်ဆဲ အမဳအမဳၤလီၤ, ကၱာ် နှးဟဲးထာ်အီၣ် အဲးအီးအီး ကဲၤတဲၤၡံးတဲၤနှဲးတစီာ်. ကၱာ်စတအံာ်ကဲၤတဲၤၡံး တဲၤနှဲးတစီာ်ကယၱၢ်ဘဲာ်ထာ်နီး. မၤနဲၢ်, အသၱာ်ဟဲကဲၤ စဲာ်အခဳးအစဲနဳၤ.
တဲၤပီၤတဲၤပၤအလဝ့ၤတစီာ်
(လူၤ ၄:၄၂-၄၄)
35မဲၤဝှါလူၤမူၤဂီၤတဲၤတလှၱထာ်နှၱနီး, စဝဲၢ် ထဳးကၱာ်လ့ၤကဲၤဒဳ တဲၤလ့ၤအလၤဓူၢ်လၤဝှဲးတချဳး ကၱာ် သဘဲထာ်ကဲၤ. 36စီၤၡံမိၣ် ကၱာ်စခီတစီာ် ဟဲးထာ်လ့ၤဝၢ်လှဲးက့ၤကဲၤစဲာ်. 37ကၱာ်ဒီဘ့ စစာ် ထၱးလၢ်ဝၤနဳၤ, စဒီၣ်, “ပၠၤတစီာ်ဝၢ်စါလှဲးကဲၤ နဲၤ.”
38ကၱာ်စဒီၣ်က့ၤကဲၤလၢ်ဝၤတစီာ်, “လ့ကလ့ၤဒဳ ဒဳဖါကၱာ် အူးအအီၣ်ဘိးထၱးဘိးဝၤတစီာ်နဳၤ, စာ် ဘိထဲၢ်ဝၤကဒီၣ်အူဒီဆးပီၢ် တဲၤဒဳ နဳၤ. မၤနဲၢ်ကဒီၣ် ဓဳၤဒဳၣ်, ယလ့ၤလၤဒဳတဲၤယဳၤအနံၤခံလီၤ.”
39မဲၤဝှါစဒီထိးဒီတလဲၤကဲၤတဲၤဒဳ လၢ်ဝၤ တစီာ် အဘူၣ် ဘျီၣ်ပူၤထဲၢ်အအီၣ်ဒဳကၤလံၤလဲသဒဲ က့ၤအပူၤ, ကၱာ်မှီးဖျီးမံကဲၤတဲၤၡံး တဲၤနှဲးတစီာ်နဳၤ.
ပၠၤအကလးကၠံးတပွဲၤ
(မး ၈:၁-၄, လူၤ ၅:၁၂-၁၆)
40မဲၤဝှါအကလးကၠံးတပွဲၤလ့ၤထၱးစဲာ်, တၤမီၤစဲာ်, ဓဳၢ်နှဳလါစလှီမီၢ်ကၱာ်ဒီၣ်, “နတဲၤသးအဲး နံၤကအီၣ်ဘ့ာ်မ့ဒဳၣ်, နမဲၤစါက့ၤဇၤတပွဲး ယဲၤ.”
41ယ့ၣ်ရှူးခီၣ်ဝဲၤကဲၤစဲာ်, တဒါထာ် စစူးခီး, တီးဘဲာ်စဲာ် ကၱာ် ဒီၣ်, “ယတဲၤသးအဲးနံၤအီၣ် ဟဳ, နကပျၱကစါက့ၤဒီဧဲၤ.” 42ကၱာ်ဒီ ဘ့စဒီၣ် ကနဳၤလီၤနဳၤ, တဲၤအကလးကၠံးဟဲးထာ်ကဲၤ, ကၱာ်စဘဲာ်မဲၤပျၱမဲၤ စါက့ၤကဲၤ.
43မဲၤဝှါစထူးလၤမှဲးလၤကြၱၢ်ပနၱးဝှါလၢ်ဝၤ ကၱာ်စနှးဟဲးကဲၤ လၢ်ဝၤ, 44ကၱာ်စဒီၣ်, “စာ်ပီၢ်, ဒီဆးပီၢ်မဲးပၠၤတပွဲမဲး. ပရၤဆါ ဒဳၣ်, လ့ၤဒဲလၱၢ်ပီၢ်နန့ၤ ဒဳပၠၤလှူၣ်တဲၤအဓဳၤကၱာ်လှူၣ်ထာ်အံာ်ပီၢ်နတဲၤဝၱၤ တဲၤစါအနံၤခံ, အစာ်ဘိစီၤမိၤ ၡ့အတဲၤမှဲးလၤအီၣ်နဳၤ စာ်ဘိထဲၢ်အကမၱာ်ပီၢ်စဲာ်တစီာ်အနံၤခံသဲသၱးနဳၤ.”
45ပရၤဆါစဟဲးကၱာ်ပီၢ်အံာ်ကဲၤတဲၤအဝၱၤ အကဲအယဳၤဒဳၣ်, ယ့ၣ်ရှူးတလ့ၤနံၢ်သအူသအဲးဇၤကဲၤ ဒဳစဲာ်တစီာ်အအူးပူၤနဳၤနီး. မၱာ်စအီၣ် ဘဲာ်ကဲၤဒဳ ဒဳဝ့ၢ် ဒဳဝါနဳၤပ့ၤလီၤ. ပရၤဆါပၠၤတစီာ်အီၣ်ဒဳတဲၤအလ့ၤ တကွၢ်လဲၢ်လ့ၤလ့ၤက့ၤက့ၤတပွဲးဒဳယ့ၣ်ရှူးအီၣ်နဳၤ.
ទើបបានជ្រើសរើសហើយ៖
မၢ်ကူး 1: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မၢ်ကူး 1
1
အဖဳးစူထံစီၤယိၤဟၣ်ပြးနှဲးတီၤလီၤကျဲးသအီ
(မး ၃:၁-၁၂, လူၤ ၃:၁-၁၈, ယိၤ ၁:၁၉-၂၈)
1ယ့ၣ်ရှူးခရၱာ်, ဘၱာ်စဲာ်အဖဳးတဲၤသးလဳၢ် သးလၤအံာ်အဝၱၤ အကဲအခၣ်ထၱး, 2အစာ်ဘိ ဝံယၡါယၤဝှ့းလၤကဲၤအခီနဳၤ,
“စာ်ပီၢ်, ယသဓဳလ့ၤယပွဲၤဇဳၤဒဳနလှီမီၢ်,
ထဲၢ်အကပြးတီၤလီၤနကျဲးနသအီ,
3တဲၤလ့ၢ်သဲာ်ထာ်ဒဳတဲၤကြးလ့ၤ, အဒီၣ်,
‘ပြးတီၤလီၤပီၢ်ဘၱာ်စဲာ်အကျဲး.
မဲၤတနၢ်ပီၢ်စကျဲးတစီာ်နဳၤ.’”
4စီၤယိၤဟၣ်လ့ၤဒဳတဲၤကြးလ့ၤ, ဖဳးစူ ပၠၤထံကၱာ်ဒီၣ်အူဒီဆး ကဲၤတဲၤဖဳးစူထံ ဒဳတဲၤယၤလ့ၤ ကၱာ်တဲၤခီၣ်ဝဲၤအတဲၤဘါပျဲးအဝၱၤအကဲ. 5ပၠၤအအီၣ်ဒဳယူဒၤက့ၤသဒဲက့ၤတစီာ် ကၱာ်ယရူၤၡလ့ၣ်အူးပူၤ ဖဳး တစီာ်လ့ၤထၱးစဲာ်, ဒီၣ်လၤအတဲၤခီၣ်ဝဲၤ, ခးဖဳးစူအန့ၤထံဒဳစအီၣ်, ဘ့ယၢ် ဒ့ၣ်လီၢ်ပူၤနဳၤ.
6စီၤယိၤဟၣ်ကိသီးကီၤလၤအူးအဖ့း, စပါဘးနှၱယၢ်ပံၤတဲၤ ဖ့းစယၤဓ့ၢ် လီၤ, စအၣ်ဒၱပၢ်မှူးကၱာ်ကနၱၤစါလီၤ. 7ကၱာ်စဒီထိး လၤ, စဒီၣ်, “အဓဳၤဒဳၣ်လံယဲၤတပွဲၤကလ့ၤကီယလ့ၤ ကါ, ယတတးမဲၤ ပွ့အကဓဳၢ်နှဳလါကၱာ်ဘါပျဲး စခၣ်တကီးအပံၤနီး. 8ယဖဳးစူထဳသံ ကၱာ်ထံ, စကဖဳးစူအံာ်သံကၱာ်သးစါထံလီၤ.”
ယ့ၣ်ရှူးအတဲၤဖဳးစူထံ
(မး ၁၀:၁-၄, လူၤ ၆:၁၂-၁၆)
9လှ့နဳၤယ့ၣ်ရှူးဟဲးထာ်ကဲၤနစၤရ့းအူး, ကၤလံၤလဲအက့ၤပူၤ ကၱာ်ခး ဖဳးစူကဲၤအန့ၤထံဒဳစီၤယိၤဟၣ်အီၣ်, ဘ့ယၢ်ဒ့ၣ်အလီၢ်ပူၤလီၤ. 10ဘ့စဟဲး ထာ်ဝှါ ထံကျဲလီၤနဳၤ, စစာ်ထၱးကဲၤမီၢ်ခဳးဘါထာ် ကၱာ် သးစါ ထံ, အစာ်ဘိသကဳတြူၤတဘဲာ်လၤ ကၱာ်ဆီလါကဲၤ စခဳး. 11ကၱာ်တဲၤလ့ၢ်သဲာ်ထာ်ကဲၤဒဳမီၢ်ခဳးတဓဲ, အဒီၣ်, “နဲၤမၱာ်ယဖဳးခဳ ထဲၢ် ယဘဲာ်လီၢ်, အဘဲာ်သး ယဲၤတပွဲၤနဳၤ.”
12တပျာ်ခါသးစါထံမှီးလ့ၤတနၢ်စဲာ် ဒဳ တဲၤကြးလ့ၤနဳၤ. 13ကၱာ်စအီၣ်ကဲၤဒဳ တဲၤကြး လ့ၤအနံၤလွံၢ်ၡံ, အနဲၤလွံၢ်ၡံ, ကၱာ်ခးဘဲာ် ကဲၤမဳၤဒဲးလၱး အတဲၤနှးကါ. စအီၣ်ဘဲာ်တဲၤမံၤတဲၤမၤတစီာ်အကျဲ, ကၱာ် မီၢ်ခဳးပွဲၤဇဳၤတစီာ်စာ်အံာ်ခွဲးအံာ်တပွဲးစဲာ်.
အပျဲၢ်အဘီၣ်အဘဲာ်ယဳၤအူဆူးတစီာ်
(မး ၁၀:၁-၄, လူၤ ၆:၁၂-၁၆)
14စီၤယိၤဟၣ်ဘဲာ်ဖီးဘဲာ်စဳဝှါ, ယ့ၣ်ရှူးလ့ၤ ကဲၤဒဳကၤလံၤလဲ အက့ၤနဳၤ, စဒီၣ်အူဒီဆးကဲၤ ကဘၱာ်စဲာ် အထံအက့ၤတဲၤသးလဳၢ်သးလၤ အံာ် အဝၱၤအကဲကၱာ်ဒီၣ်ကဲၤ, 15“အခၠၱးအကျၤဘဲာ်ထဳ, ကၱာ်ကဘၱာ်စဲာ်အထံအက့ၤဘိးထၱးထဳ. ပၤယၤလၤက့ၤသံန့ၤကၱာ်ဘူၣ်ပီၢ် တဲၤသး လဳၢ်သး လၤအံာ်အဝၱၤအကဲတခး.”
16ဘ့ယ့ၣ်ရှူးဟဲးကိာ်ကၤလံၤလဲ ပဲာ်လဲာ်ဝ့ၤအခၠၱးနဳၤ, စစာ် ထၱးကဲၤ စီၤၡံမိၣ်ကၱာ် စမဲၢ်စီၤအၣ်ဒရ့း, ပၢ်လၤဓွံၢ်ဒဳပဲာ်လဲာ်ပူၤနဳၤ. မၤနဲၢ် ကဒီၣ်ဓဳၤဒဳၣ်, စမၱာ်ပၠၤအပိာ်အၣ်ဓၢ်ဖဳးတစီာ်. 17ကၱာ်ယ့ၣ်ရှူးဒီၣ် ကဲၤစဲာ်တစီာ်, “လိၤကိာ်ပီၢ်ယလ့ၤ. ယကမဲၤဖၱထာ်ကီသံ ပွဲၤပိာ်ဓၢ်ဖဳး အပိာ်ပၠၤတစီာ် နဳၤ.” 18ဘ့နဳၤလီၤ စပၢ်လၤတ့ၢ်ဓွံၢ်တစီာ် ကၱာ် လိၤကိာ်ကဲၤစလ့ၤ.
19မဲၤဝှါစလ့ၤအလှီမီၢ်, စစာ်ထၱးကဲၤ စီၤစ့းဘ့းဒဲ အဖဳးစီၤ ယၤကိာ်ကၱာ်စပၱးကီစီၤယိၤဟၣ်, စဲာ်တစီာ်အီၣ်ဒဳအချံပူၤ, ပီၤဒဲးက့ၤအဓွံၢ် တစီာ်နဳၤ. 20စယဳၤတနၢ်လၢ်ဝၤလီၤ. စဲာ်တစီာ် ပၢ်လၤတ့ၢ် အပာ် စီၤစ့းဘ့းဒဲဒဳချံပူၤ, ပျဳာ်ပျဳာ်ကၱာ်ပၠၤအမဲၤလှဲအၣ် တဲၤတစီာ်နဳၤ, ကၱာ်စလိၤ ကိာ်ကဲၤယ့ၣ်ရှူးအလ့ၤ.
ယ့ၣ်ရှူးနှးဟဲးထာ်တဲၤၡံးတဲၤနှဲး
(လူၤ ၄:၃၁-၃၇)
21ကၱာ်စလ့ၤနံၢ်ကဲၤကပ့းရနီၣ်အူးပူၤ. ဘ့မူၤနံၤဆီးဒဲနဳၤ, စထာ်နံၢ်ကဲၤဘူၣ်ဘျီၣ်အပူၤ ကၱာ် ဒီၣ်အူဒီဆးလၤကဲၤတဲၤ. 22စဲာ် တစီာ်ထဲးတမိၢ်တမှါတပွဲးစတဲၤသိၣ်တဲၤသီအခဳးလဲၢ်ကါလဲၢ်. မၤနဲၢ်ကဒီၣ်ဓဳၤဒဳၣ်, စသိၣ်အံာ်သီအံာ်တဲၤအစာ်ဘိ ပၠၤအဖျူအသရ့ာ်အီၣ်တပွဲၤအခီဖးနဳၤ, တမၱာ်အစာ်ဘိ အဝှ့းစဲာ်တစီာ်နဳၤနီး.
23ဒဳဘူၣ်ဘျီၣ်ပူၤနဳၤတဲၤနှဲးအကၱကဲာ် အီၣ်ကဲၤပၠၤတပွဲၤအလီၤ ဒဳၣ် စကဲာ်ဧဳၤထာ်, စဒီၣ်, 24“ဝၤဘဲာ်ကၠးကၱာ်နဲၤတၤနဲၢ်, ယ့ၣ်ရှူး နစၤရ့းဖဳး. နကလ့ၤမဲၤကဲမဲၤအိးတပွဲးကဲၤဝၤဧါ. ယသၱာ်ဟဲတပွဲး ထဲၢ်နဲၤ မၱာ်ကဘၱာ်စဲာ်အပၠၤစါထံတပွဲၤနဳၤ.”
25ကၱာ်ဒီယ့ၣ်ရှူးဟီစဲာ်, စဒီၣ်, “အီၣ်ဇီၤ လီၤ. ဟဲးထာ်ဖျီးမံ ကဲဒဳပၠၤအနဳၤတပွဲၤအီၣ်နဳၤ.”
26တဲၤနှဲးအကၱကဲးနဳၤမဲၤသံမူၢ်ကျဲးဝှါ စဲာ်ဒဳၣ်, စဟးဖူးဆိးတကျဲးဝှါဟဲးထာ်တပွဲးကဲၤ. 27ပၠၤတစီာ်ထဲးတမိၢ်တမှါကၱာ်ဒီၣ် လှဲး လၢ်ဝၤ, “အယဳၤမၱာ်တၤနဲၢ်. တဲၤသိၣ် တဲၤသီအသဲအယဳၤ မၱာ်တၤနဲၢ်. မၤနဲၢ်, ဒဳစဖူစသရ့းအခဳးအစဲ, တဲၤနှဲး အကၱကဲးနှီနူၤဆီးခ့န့းတပွဲး စလ့ၢ်.”
28တဲၤဝၱၤတဲၤကဲယဳၤဝှ့လီၢ်ဝှ့ခီတနၢ်ကဲၤ ဒဳကၤလံၤလဲက့ၤသဒဲက့ၤအပူၤနဳၤ.
ယ့ၣ်ရှူးမဲၤမှးက့ၤပၠၤအီၣ်အဲးအီးအီး
(မး ၈:၁၄-၁၇, လူၤ ၄:၃၈-၄၁)
29ယ့ၣ်ရှူးဟဲးထာ်ဝှါဘူၣ်ဘျီၣ်ပူၤဒဳၣ်, ပျဳာ်ပျဳာ်ကၱာ်စီၤယၤကိာ်, စီၤယိၤဟၣ်, စလ့ၤကဲၤဒဳ စီၤၡံမိၣ်ကၱာ်စီၤအၣ်ဒရ့းအၡံၣ်ပူၤနဳၤ. 30စီၤၡံမိၣ်အမူၤပွ့ၢ်တပွဲၤအီၣ်လ့ၤမံခဳး, စရွှံးဆိးကဲၤ, ကၱာ်စဲာ်တစီာ်ဒီဆးကဲၤ ယ့ၣ်ရှူး. 31ယ့ၣ်ရှူး လ့ၤဘိးထၱးစဲာ်, ဖၱးစစူးခီးကၱာ်စွံးဝဲၢ်ထဳး ကဲၤ စဲာ်, ကၱာ်တဲၤရွှံးတဲၤဆဲဆဲးတပီၤတနၢ်ကဲၤစဲာ်, ကၱာ်စဝဲၢ် ထဳးမဲၤအီသီ အၣ်နံၤကဲၤပၠၤတစီာ်နဳၤတခီ.
32အနဳၤတလၤ, လူၤမူၤလၤတ့ၢ်နံၢ်အခၠၱး, ပၠၤတစီာ်လ့ၤအံာ် ကဲၤပၠၤအရွှံးအဆဲ ကၱာ်တဲၤၡံး တဲၤနှဲးဖၱးဘဲာ်တစီာ်ဒဳယ့ၣ်ရှူးအီၣ်နဳၤ. 33ပၠၤသဲဒဳသဲက့ၤလၤတ့ၢ်ပျဳာ်ကဲၤလၢ်ဝၤဒဳခးကျဲၢ်ထၱးနဳၤ. 34ကၱာ်စမဲၤမှးက့ၤကဲၤအဘဲာ်ရွှံးဘဲာ်ဆဲ အမဳအမဳၤလီၤ, ကၱာ် နှးဟဲးထာ်အီၣ် အဲးအီးအီး ကဲၤတဲၤၡံးတဲၤနှဲးတစီာ်. ကၱာ်စတအံာ်ကဲၤတဲၤၡံး တဲၤနှဲးတစီာ်ကယၱၢ်ဘဲာ်ထာ်နီး. မၤနဲၢ်, အသၱာ်ဟဲကဲၤ စဲာ်အခဳးအစဲနဳၤ.
တဲၤပီၤတဲၤပၤအလဝ့ၤတစီာ်
(လူၤ ၄:၄၂-၄၄)
35မဲၤဝှါလူၤမူၤဂီၤတဲၤတလှၱထာ်နှၱနီး, စဝဲၢ် ထဳးကၱာ်လ့ၤကဲၤဒဳ တဲၤလ့ၤအလၤဓူၢ်လၤဝှဲးတချဳး ကၱာ် သဘဲထာ်ကဲၤ. 36စီၤၡံမိၣ် ကၱာ်စခီတစီာ် ဟဲးထာ်လ့ၤဝၢ်လှဲးက့ၤကဲၤစဲာ်. 37ကၱာ်ဒီဘ့ စစာ် ထၱးလၢ်ဝၤနဳၤ, စဒီၣ်, “ပၠၤတစီာ်ဝၢ်စါလှဲးကဲၤ နဲၤ.”
38ကၱာ်စဒီၣ်က့ၤကဲၤလၢ်ဝၤတစီာ်, “လ့ကလ့ၤဒဳ ဒဳဖါကၱာ် အူးအအီၣ်ဘိးထၱးဘိးဝၤတစီာ်နဳၤ, စာ် ဘိထဲၢ်ဝၤကဒီၣ်အူဒီဆးပီၢ် တဲၤဒဳ နဳၤ. မၤနဲၢ်ကဒီၣ် ဓဳၤဒဳၣ်, ယလ့ၤလၤဒဳတဲၤယဳၤအနံၤခံလီၤ.”
39မဲၤဝှါစဒီထိးဒီတလဲၤကဲၤတဲၤဒဳ လၢ်ဝၤ တစီာ် အဘူၣ် ဘျီၣ်ပူၤထဲၢ်အအီၣ်ဒဳကၤလံၤလဲသဒဲ က့ၤအပူၤ, ကၱာ်မှီးဖျီးမံကဲၤတဲၤၡံး တဲၤနှဲးတစီာ်နဳၤ.
ပၠၤအကလးကၠံးတပွဲၤ
(မး ၈:၁-၄, လူၤ ၅:၁၂-၁၆)
40မဲၤဝှါအကလးကၠံးတပွဲၤလ့ၤထၱးစဲာ်, တၤမီၤစဲာ်, ဓဳၢ်နှဳလါစလှီမီၢ်ကၱာ်ဒီၣ်, “နတဲၤသးအဲး နံၤကအီၣ်ဘ့ာ်မ့ဒဳၣ်, နမဲၤစါက့ၤဇၤတပွဲး ယဲၤ.”
41ယ့ၣ်ရှူးခီၣ်ဝဲၤကဲၤစဲာ်, တဒါထာ် စစူးခီး, တီးဘဲာ်စဲာ် ကၱာ် ဒီၣ်, “ယတဲၤသးအဲးနံၤအီၣ် ဟဳ, နကပျၱကစါက့ၤဒီဧဲၤ.” 42ကၱာ်ဒီ ဘ့စဒီၣ် ကနဳၤလီၤနဳၤ, တဲၤအကလးကၠံးဟဲးထာ်ကဲၤ, ကၱာ်စဘဲာ်မဲၤပျၱမဲၤ စါက့ၤကဲၤ.
43မဲၤဝှါစထူးလၤမှဲးလၤကြၱၢ်ပနၱးဝှါလၢ်ဝၤ ကၱာ်စနှးဟဲးကဲၤ လၢ်ဝၤ, 44ကၱာ်စဒီၣ်, “စာ်ပီၢ်, ဒီဆးပီၢ်မဲးပၠၤတပွဲမဲး. ပရၤဆါ ဒဳၣ်, လ့ၤဒဲလၱၢ်ပီၢ်နန့ၤ ဒဳပၠၤလှူၣ်တဲၤအဓဳၤကၱာ်လှူၣ်ထာ်အံာ်ပီၢ်နတဲၤဝၱၤ တဲၤစါအနံၤခံ, အစာ်ဘိစီၤမိၤ ၡ့အတဲၤမှဲးလၤအီၣ်နဳၤ စာ်ဘိထဲၢ်အကမၱာ်ပီၢ်စဲာ်တစီာ်အနံၤခံသဲသၱးနဳၤ.”
45ပရၤဆါစဟဲးကၱာ်ပီၢ်အံာ်ကဲၤတဲၤအဝၱၤ အကဲအယဳၤဒဳၣ်, ယ့ၣ်ရှူးတလ့ၤနံၢ်သအူသအဲးဇၤကဲၤ ဒဳစဲာ်တစီာ်အအူးပူၤနဳၤနီး. မၱာ်စအီၣ် ဘဲာ်ကဲၤဒဳ ဒဳဝ့ၢ် ဒဳဝါနဳၤပ့ၤလီၤ. ပရၤဆါပၠၤတစီာ်အီၣ်ဒဳတဲၤအလ့ၤ တကွၢ်လဲၢ်လ့ၤလ့ၤက့ၤက့ၤတပွဲးဒဳယ့ၣ်ရှူးအီၣ်နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.