မးသဲ 26
26
တဲၤဟိလါယ့ၣ်ရှူး
(မၢ် ၁၄:၁-၂, လူၤ ၂၂:၁-၂, ယိၤ ၁၁:၄၅-၅၃)
1ကၱာ်ဒီဘ့ ယ့ၣ်ရှူးအတဲၤယၱၢ်ဘဲာ်အယဳၤ လဳစါစဲးကူဓူၤလဳၢ် ဝှါနဳၤ, စဒီၣ်ကဲၤစအပျဲၢ်အဘီၣ်တစီာ်ကယဳၤ, 2“သံသၱာ်ဟဲတပွဲး ကၠံၢ်သဲကဖျီးသလိး ဝှါပွဲးလ့ၤတလိးပွဲကဘဲာ်ကီ, ကၱာ်ဒီပၠၤအဖဳးကဘဲာ် ဟိလါကီ စာ်ဘိထဲၢ်စကဘဲာ်ထးလၤကျဳၤသဳာ်ပျီၤထူၣ်စူညါအလီၤနဳၤ.”
3ဘ့နဳၤပၠၤလှူၣ်တဲၤအဓဳၤတစီာ် ကၱာ်ပၠၤအန့ၤဓဳၤသးပွ့ၤတစီာ် လၤတ့ၢ် ပျဳာ်ကဲၤလၢ်ဝၤဒဳ ပၠၤလှူၣ် တဲၤ အဓဳၤအခဳးအမံၤမၱာ်စီၤကၤယါဖၤ တပွဲၤအရှံၣ် ပူၤနဳၤ. 4ကၱာ်ဒီစကဳထာ်ကၠၤလၤစာ်ဘိထဲၢ် စကဖီး ယ့ၣ်ရှူးတဲၤလၱးမးကးကွဲအပူၤကၱာ်စကမဲၤသံ လၢ်ဝၤနဳၤ. 5ပရၤ ဆါစဒီၣ်, “တဘဲာ်မဲၤ ပွဲအနံၤနီး. သဲလဲးသီးလီပၠၤကကဳၤကတြးနှီနူၤ.”
ယ့ၣ်ရှူးဘဲာ်သဖြိးထံနှူဝံာ်
(မၢ် ၁၄:၃-၉, ယိၤ ၁၂:၁-၈)
6ကၱာ်ဒီဘ့ယ့ၣ်ရှူးအီၣ်ဒဳဘ့ၤသနံ, စီၤၡံမိၣ်အကလးကၠံးတပွဲၤအရှံၣ်အခဲနဳၤ, 7အမံၤမှူးတပွဲၤလ့ၤထၱးစဲာ်, စလ့ၤအံာ်တဲၤသဳး နှူဝံာ် အပွၱၤဆိးလဳၤဘိအမွှ့းပူၤ, ကၱာ်စလှီးလၤလၢ်ဝၤ အကဳာ်ခဳးဘ့စဆး နါအီၣ်စူးဒဲးခဳးအခၣ်ထၱးနဳၤ. 8အပျဲၢ်အဘီၣ်တစီာ်စာ်ထၱးအယဳၤ ဒဳၣ်, စသးတမီၤနီး ကၱာ်စဒီၣ်, “တဲၤကဲတဲၤအိးအယဳၤမၱာ်တၤအနံၤခံနဲၤ. 9မၤနဲၢ်ကဒီၣ်ဓဳၤဒဳၣ်, စမီၤဆဲကၱာ်အပွၱၤပွ့တမံၤဝှါစမီၤအံာ်အဆဲး ညဲဖဳးတစီာ်နဳၤ.”
10ကၱာ်ဒီယ့ၣ်ရှူးသၱာ်ဟဲအယဳၤဒဳၣ် စဒီၣ် လၢ်ဝၤတစီာ်, “သံ မဲၤဒၱာ်ဒါမၤအမံၤမှူးအယဳၤတပွဲၤ နဲၢ်. စမဲၤနံၤကဲၤယဲၤတဲၤအအဲးလီၤ. 11မၤနဲၢ် ကဒီၣ်ဓဳၤဒဳၣ်, အဆဲးညဲဖဳးအီၣ်ကိာ်သဲာ်ယိသံကါ, မၱာ် ယဲၤနဳၤ, ယတအီၣ်ကိာ်သဲာ်ယိသံကါနီး. 12မၤနဲၢ်ကဒီၣ်ဓဳၤဒဳၣ်, စလှီးလၤတဲၤသဳးနှူဝံာ်အယဳၤ ယန့ၤဘၱစဲာ်အခဳးဒဳၣ်, မၱာ်ကဲၤစာ်ဘိထဲၢ်ယဘဲာ်ဘူလါ အနံၤခံနဳၤ. 13ယဒီဆးသံအတၱၢ်အမှး, ဘ့ တဲၤသး လဳၢ်သးလၤအံာ်အဝၱၤအကဲကဘဲာ် ဒီၣ်အူဒီဆး အံာ်အလ့ၤအရါ, လၢ်ခဳး သဒဲဘဲာ်အခဳးနဳၤ, တဲၤထဲၢ်စမဲၤကဲၤအယဳၤ ကဘဲာ်ဒီဆးအံာ်ကီစာ်ဘိ ထဲၢ်ပၠၤကကမဳၤထာ်နံၤစဲာ်နဳၤ.”
စီၤယူဒၤအဳလါကိာ်အကဟိလါယ့ၣ်ရှူး
(မၢ် ၁၄:၁၀-၁၁, လူၤ ၂၂:၃-၆)
14အပျဲၢ်အဘီၣ်ကၠံၢ်ပွဲၤအကျဲနဳၤအမံၤမၱာ် စီၤယူဒၤအံၣ်စကၤ ရံၤအိာ်တပွဲၤ နဳၤလ့ၤကဲၤဒဳပၠၤ လှူၣ် ဘၱာ်စဲာ်တစီာ်အီၣ် 15ကၱာ်စဒီၣ်ကဲၤ လၢ်ဝၤ တစီာ်, “ယကအံာ်လၤမၤယ့ၣ်ရှူးဒဳၣ်သံကအံာ်ပီၢ် ယဲၤ တၤနဲၢ်.” ပၠၤလှူၣ်တဲၤအဓဳၤအံာ်ကဲၤစဲာ်ဝှိသဳခဲ. 16ကၱာ်ဘ့နဳၤ ဖျီအလှီမီၢ် စစါလှဲးကဲၤအခၠၱးအကျၤ ဘဲာ် နံၤပီၤနံၤအကဝှိလါယ့ၣ်ရှူးနဳၤ.
ယ့ၣ်ရှူးကၱာ်အပျဲၢ်အဘီၣ်တစီာ်အၣ် လူၤမူၤဟဲးအတဲၤအၣ်
(မၢ် ၁၄:၁၂-၂၁, လူၤ ၂၂:၇-၁၃,၂၁-၂၃, ယိၤ ၁၃:၂၁-၃၀)
17ဘ့တကဳာ်ကမံၤတပာ်နီးအပွဲအအူဆူး တနံၤနဳၤ, ယ့ၣ်ရှူး အပျဲၢ်အဘီၣ်တစီာ်လ့ၤထၱးစဲာ်ကၱာ် စဒီၣ်ကဲၤလၢ်ဝၤကယဳၤ, “နသးနံၤဝၤ ကပြးနံၤနဲၤ ပွဲးလ့ၤတလိးအတဲၤအၣ်ဒီၣ်လဲၢ်.”
18ယ့ၣ်ရှူးဒီၣ်က့ၤစဲာ်တစီာ်, “လ့ၢ်ပီၢ်ဒဳပၠၤ တပွဲၤအီၣ်ဒဳအူးပူၤ နဳၤကၱာ်ဒီၣ်ပီၢ်စဲာ်, ‘ဆရၣ်ဒီၣ်နဲၤ, ယအဲအခၠၱးဘဲာ်ထဳ. ယကအၣ်ပွဲးလ့ၤတလိးအတဲၤ အၣ် ပျဳာ်ပျဳာ်ကၱာ်ယပျဲၢ်ယဘီၣ်တစီာ်ဘ့နရှံၣ်နဳၤ.’ ”
19စပျဲၢ်စဘီၣ်တစီာ်မဲၤကိာ်ကဲၤအစာ်ဘိ စမှဲးလၤလၢ်ဝၤတစီာ်နဳၤကၱာ်စပြးတီၤလီၤကဲၤပွဲးလ့ၤတလိးပွဲ အနံၤခံ.
20ဘ့လူၤမူၤဟဲးလၤနဳၤ, စအၣ်ပျဳာ်ပျဳာ်ကဲၤ စပျဲၢ်စဘီၣ်ၡံး ကၠံၢ်ပွဲၤတဲၤအၣ်. 21ဘ့စအၣ် ဖါ သးအခၠၱးနဳၤ, ယ့ၣ်ရှူးဒီၣ်ကဲၤစဲာ် တစီာ်, “ယဒီဆးသံ အတၱၢ်အမှး, ဒဳသံကျဲနဳၤ, အကဝှိလါယဲၤအီၣ် တပွဲၤ.”
22ကၱာ်ဒီစဲာ်တစီာ်အဳးသဳးအဳးသးဆိးကဲၤ. စဲာ်တစီာ်ဒဲစာ်ကဲၤ ယ့ၣ်ရှူးတပွဲၤဝှါတပွဲၤ, “မၱာ်ယဲၤဧါ.”
23ဒဳၣ်စဒီဆးက့ၤလၢ်ဝၤ, စဒီၣ်, “ပၠၤဒဳအကတြူလါပျဳာ်အစူးကၱာ်ယအဲဒဳစီးလီးပူၤတပွဲၤနဳၤ, မၱာ် စဲာ်ထဲၢ်အကဝှိလါယဲၤတပွဲၤနဳၤ. 24ပၠၤအဖဳး တပွဲၤနဳၤ, စကလ့ၤဘဲာ်တပွဲးအစာ်ဘိ စဲာ်စါထံဒီၣ် တီၤလီၤကဲၤစဝၱၤစကဲအဓ့နဳၤ. မၱာ်ပၠၤထဲၢ်စခဳးစစဲ ပၠၤ အဖဳးဘဲာ်ဝှိလါကဲၤ တပွဲၤနဳၤ. အဘဲာ်ကၱာ်စတအီၣ် လၤမူပျးနီးတခီ.”
25စီၤယူဒၤအကဝှိလါစဲာ်တပွဲၤဒီၣ်ကဲၤစဲာ်, “မၱာ်ယဲၤဧါ, ဆရၣ်.”
ယ့ၣ်ရှူးဒီၣ်က့ၤစဲာ်, “နဒီၣ်ကဲၤတပွဲးကနဳၤဓဳၤ.”
ဘၱာ်စဲာ်အလူၤမူၤဟဲးအတဲၤအၣ်
(မၢ် ၁၄:၂၂-၂၆, လူၤ ၂၂:၁၄-၂၀, ၁ ကရံၣ် ၁၁:၂၃-၂၅)
26ဘ့စအၣ်တဲၤအၣ်နဳၤ, ယ့ၣ်ရှူးဖၱး တကဳာ်. စဟိးဝၱၤ, စဘး ဖးကၱာ် စအံာ်စပျဲၢ်စဘီၣ် တစီာ်, ကၱာ်စဒီၣ်, “ဖၱးကၱာ်အၣ်ပီၢ်, အယဳၤမၱာ် ယန့ၤ ဘၱစဲာ်.”
27ကၱာ်ဒီစဖၱးဝှါဖလါဒဳၣ်, စဟိးဝၱၤ, စအံာ် လၢ်ဝၤတစီာ် အီ ကၱာ်ဒီၣ်ကဲၤ. “အီပီၢ်တဲၤအယဳၤကိအပွဲၤ. 28အယဳၤမၱာ်ယသွံၣ်, တဲၤအဳလါဖျးလၤ အသဲ, ထဲၢ်အကဘဲာ်လှီးလၤကီပၠၤလဳစါစဲးအတဲၤ ခီၣ် ဝဲၤအတဲၤဘါပျဲးအနံၤခံတဓဲနဳၤ. 29ယဒီဆးသံ, ယတအီဘဲာ်ပ့ၤ ကီသဳာ်ပၡံးထံအယဳၤနီး ထိဓဳၤမူၤနံၤမူၤသဲထဲၢ်ယအီဘဲာ်ပျဳာ်ပျိာ်ကီသံ သဳာ်ပၡံး ထံအသဲဒဳယပာ်အထံအက့ၤအပူၤနဳၤ.”
30ကၱာ်ဒီစဲာ်တစီာ်သါပိၢ်ဝှါ တဲၤထါထာ် အံာ် အတဲၤသါပိၢ် ဒဳၣ်, စလ့ၤဘးကဲၤဒဳသဳာ်စၤယံးခီး လီအီၣ်နဳၤ.
ယ့ၣ်ရှူးဒီဆးတီၤလီၤ စီၤပ့းတရူးအတဲၤယၤဘံာ်စဲာ်
(မၢ် ၁၄:၂၇-၃၁, လူၤ ၂၂:၃၁-၃၄, ယိၤ ၁၃:၃၆-၃၈)
31ဘ့နဳၤယ့ၣ်ရှူးဒီၣ်ကဲၤစဲာ်တစီာ်, “သံ လဳစါစဲးအသဳးအသး ကဟဲးကဲဘဲာ်ကီယခဳးလဲၢ်ကါလဲၢ် ခိတဟဲး, မၤနဲၢ်ကဒီၣ်ဓဳၤဒဳၣ်, တဲၤဝှ့း လၤအီၣ်ကဲၤ,
‘ယကပျဲကီအစာ်အံာ်သဳတပွဲၤနဳၤ,
ကၱာ်သဳတစီာ်ကဟဲးဖြူးဟဲးဖြၱလဳကီ.’
32မၱာ်ဘ့ယကထာ်ပဳၤက့ၤဝှါဒီၣ်ဗ့နဳၤ, ယလ့ၤအူဆူးကီသံဒဳ ကၤလံၤလဲက့ၤနဳၤ.”
33စီၤပ့းတရူးဒီၣ်ကဲၤစဲာ်, “ပၠၤအလဝ့ၤ ကဟဲးသံဝံၢ်နီၣ်သီနဲၤ နှီနူၤ, ယဲၤနဳၤ, တဘဲာ်ယပၢ် လၤဓ့ၢ်ပံပံးနဲၤနီး.”
34ယ့ၣ်ရှူးဒီၣ်က့ၤစဲာ်, “ယဒီဆးနဲၤအတၱၢ် အမှး, တဆဲကၱာ် ၡံဖဲအိးထာ်ခိတဟဲးနှၱနီးနဳၤ, နကဆီး သိပိၢ်နှဲးဘံာ်ကီယဲၤသဳပျာ်.”
35စီၤပ့းတရူးဒီၣ်က့ၤစဲာ်အလံၢ်, “ယကသံဘဲာ်ကိာ်နီၣ်သီနကါနှီနူၤ, ယတဆီးသိပိၢ်နှဲးဘံာ် ပံပံးနဲၤနီး.”
အပျဲၢ်အဘီၣ်အလဝ့ၤတစီာ်မၱာ်မၱာ်ဒီၣ်ကဲၤကနဳၤ လီၤလီၤ.
ယ့ၣ်ရှူးသဘဲထာ်ဒဳက့ၤသစ့းမနၤ
(မၢ် ၁၄:၃၂-၄၂, လူၤ ၂၂:၃၉-၄၆)
36ယ့ၣ်ရှူးလ့ၤပျဳာ်ကဲၤစဲာ်တစီာ်ဒဳအလ့ၤ ထဲၢ်ပၠၤယဳၤအမံၤက့ၤ သစ့းမနၤတချဳးနဳၤ. ဒဳနဳၤစဒီၣ် ကဲၤစပျဲၢ်စဘီၣ်တစီာ်, “ဆးနါအီၣ်ပီၢ်ဘ့ ယဳၤ, ဘ့ယလ့ၤဒဳအလှီမီၢ်ကၱာ်သဘဲသဗ့နဳၤ.” 37မဲၤဝှါစယဳၤကဲၤ စီၤပ့းတရူးကၱာ်စီၤစ့းဘ့းဒဲအဖဳးခဳကၠံၢ် ပွဲၤကလ့ၤအလှီမီၢ်, ကၱာ်ဒီစဲာ်နဳၤ, စအဳးသဳးအဳးသး ကၱာ်သဳးကဳၤသးကဲၢ်ဆိးကဲၤ. 38ကၱာ်စဒီၣ် ကဲၤ လၢ်ဝၤတစီာ်, “ယအဳးသဳးအဳးသးကဲၤပွ့ယကမီသံကဲၤနဳၤ. အီၣ်ဆိဧိၢ်ဘ့ ယဳၤကၱာ်တိၤအံာ်ကိာ်ပီၢ် ယကါ.”
39စလ့ၤအလှီမီၢ်တကၱာ်ပ့ၤကၱာ် စကီၢ်လၤ သဘဲထာ်ကဲၤ, “အဳအပာ်, အကဖၱထာ်ဇၤဘ့မ့ဒဳၣ်, ဖလါအယဳၤကလ့ၤတလိးဒီဧဲၤယဲၤ. ပရၤဆါ တဘဲာ် ပွဲးယတဲၤသးအဲးနံၤနီး, မၱာ်ကဲၤနတဲၤသးအဲးနံၤအီၣ် အဓ့လီၤ.”
40ဘ့စက့ၤဘးစာ် စပျဲၢ်စဘီၣ်တစီာ်နဳၤ, စစာ်ထၱးလၢ်ဝၤတစီာ်ဆီးမံလဳၢ်ကဲၤကၱာ် စဒီၣ်ကဲၤ စီၤပ့းတရူး, “ပွ့းတနၣ်ရၱၣ်အဓၢ်ပူၤလီၤနှီ နူၤ, သံတအီၣ် ကဲာ်ထာ်ကိာ်ယကါနီးဧါ. 41တိၤအံာ်ကၱာ် သဘဲ ထာ်ပီၢ်စာ်ဘိထဲၢ်သံကတလ့ၤနံၢ်ပီၢ်တဲၤနှးကါ အပူၤနီးနဳၤ. တဲၤသးမၱာ်အသးအဲးမဲၤတပွဲး, ပရၤဆါ အန့ၤဘၱစဲာ်အခဳးအအါတအီၣ်နီး.”
42စက့ၤဘးတပျာ်ပ့ၤကၱာ်စသဘဲထာ်ကဲၤ, “အဳအပာ်, ဘ့ာ်မ့ ယကအီဘဲာ်ကၢ်ကါဖလါအယဳၤနဳၤ ဒဳၣ်, တဲၤကမၱာ်ဒီဧဲၤထ့အဘဲာ်နသး နဳၤလီၤ.” 43မဲၤဝှါစက့ၤဘးစာ်ထၱးကဲၤစပျဲၢ်စဘီၣ်တစီာ်ဆီးမံဝ့ၤ, မၤနဲၢ်စကၢ်ဓူဖ့းထဳးဆိးကဲၤအစဲနဳၤ.
44စဟဲးပၢ်ကဒီလၢ်ဝၤတပျာ်ပ့ၤကၱာ် က့ၤ ဘးသဘဲထာ် ကဲၤသဳပျာ်တပျာ် အစာ်ဘိစသဘဲထာ် အအူဆူးနဳၤ. 45မဲၤဝှါဒဳၣ်, စက့ၤဘးထၱးစပျဲၢ် စဘီၣ်တစီာ်ကၱာ် စဒီၣ်ကဲၤလၢ်ဝၤ, “ဆီးမံ မီၤမီၤဒီဧဲၤ သံအဲကနဳၤဟဳ. ခဳနူၤယဳၤအခၠၱးဘဲာ်ကဲၤ, ပၠၤအဖဳးတပွဲၤ ကဘဲာ်အံာ်လၤဖျီး မံဘဲာ်ကဲၤအန့ၤဒဳပၠၤတဲၤခီၣ်ဝဲၤဖဳး တစီာ်အစူးခီးပူၤနဳၤ. 46ဝဲၢ်ထဳး, ကလ့ၤခး. စာ်ပီၢ်, အဟိလါယဲၤတပွဲၤဓဳၤလ့ၤထဳ.”
ယ့ၣ်ရှူးဘဲာ်ဖီၣ်
(မၢ် ၁၄:၄၃-၅၀, လူၤ ၂၂:၄၇-၅၃, ယိၤ ၁၈:၃-၁၂)
47ဘ့စဒီၣ်သဗ့ကနဳၤအခဲနဳၤ, စီၤယူဒၤ ထဲၢ်အမၱာ်ၡံးကၠံၢ်ပွဲၤ အကျဲတပွဲၤ ဓဳၤလ့ၤပျဳာ်ပျဳာ်ကိာ် ကဲၤပၠၤအပဳၤအဟီးထဲၢ်ပၠၤ လှူၣ်တဲၤ အဓဳၤကၱာ်အန့ၤ ဓဳၤသးပွ့ၤသဓဳလ့ၤကဲၤတစီာ်နဳၤအကါ. စလ့ၤအံာ် ကဲၤ ဒာ် ထီကၱာ်နှဲးမူၢ်နှဲးထးတစီာ်. 48ပၠၤထဲၢ်အဝှိ လါစဲာ်အနဳၤတပွဲၤနဳၤ, ဒဲလၱၢ်ကဲၤပၠၤတစီာ်တဲၤအမှးကၱာ် ဒီၣ်ကဲၤ, “ပၠၤထဲၢ်ယကနှူဝံာ်တပွဲၤမၱာ်တပွဲးစဲာ်လီၤ. ဖၱးပီၢ်စဲာ်.”
49အဟိလါကဲၤစဲာ်အနဳၤတပွဲၤ လ့ၤတနၢ် ကဲၤဒဳယ့ၣ်ရှူး ကၱာ် စဒီၣ်, “ဘဲာ်မီၤ, ဆရၣ်,” စဒီၣ်ဝှါ စနှူဝံာ်ကဲၤလၢ်ဝၤ.
50ယ့ၣ်ရှူးဒီၣ်က့ၤစဲာ်, “အသီၣ်, မဲၤပီၢ် နတဲၤမဲၤထဲၢ်နမဲၤ ဘဲာ်နတဲၤဓဳၤလ့ၤဘ့ယဳၤအနံၤခံနဳၤ.”
ဘ့နဳၤပၠၤတစီာ်လှီဝဲၢ်ကဲၤယ့ၣ်ရှူးအလီၤ, စဖီၣ် ကၱာ်စဳကျဳၤကဲၤလၢ် ဝၤ. 51ဘ့နဳၤအခဲပၠၤထဲၢ်အအီၣ်ကိာ်ယ့ၣ်ရှူးအကါတပွဲၤ ဘ့း ထာ်ကဲၤအဒာ်ဆ့ ကၱာ်ပ့ၢ်လၤတ့ၢ်ကဲၤပၠၤလှူၣ်တဲၤအဓဳၤအခဳးအဇိၤဖဳး တပွဲၤအနံၤကူၤတခီ. 52ဘ့နဳၤယ့ၣ်ရှူးဒီၣ် ကဲၤစဲာ်, “ဖြီနံၢ်က့ၤပီၢ် နဒာ်ဆ့ဒဳအကဳပူၤ. ပၠၤထဲၢ် အမဲၤအံာ်ဒာ်ဆ့တစီာ်နဳၤ, စကသံကလှဲမဲၢ် ကိာ်ဒာ်ဆ့ လီၤ. 53နကမဳၤယတတၤကဲာ်ထာ်အပာ်ခဳနဳၤ ယဳၤစာ် ဘိထဲၢ် စကအံာ်လၤယဲၤမီၢ်ခဳးပွဲၤဇဳၤ အီၣ်အဲး ဒဳၣ်လံကျံအပဳၤၡံးကၠံၢ်ပဳၤတပျာ်ခါလီၤနီးဧါ. 54စဲာ်စါထံဒီၣ်ထဲၢ်တဲၤကဖၱထာ်ဘဲာ်ကယဳၤ တဓဲကပ့ထာ် ဒီစာ်တဲၢ်.”
55ဘ့နဳၤယ့ၣ်ရှူးဒီၣ်ကဲၤပၠၤအပဳၤအဟီး တစီာ်, “သံလ့ၤအံာ် ကဲၤဒာ်ဆ့ကၱာ်နှဲးမူၢ်နှဲးထး အကပိာ်အံာ်ယဲၤမၱာ်, ယမၱာ်ပီၢ်အအၣ်ဟူၣ်မဲၤ သံတဲၤဧါ. ကိ အနံၤယအီၣ်ဒဳသံကျဲ, ယဆးနါသိၣ်အံာ်သီအံာ်တပွဲး ဒဳ တဲၤလှူၣ်ၡံၣ်ပူၤ, ကၱာ်သံတပိာ်ကဲၤယဲၤနီး. 56တဲၤအယဳၤလဳစါစဲးဖၱ ထာ်ကဲၤအစာ်ဘိစဲာ်စါထံထဲၢ် ဝံဝှ့းတီၤလီၤကဲၤတစီာ်ကပ့ထာ်ပီၢ်နဳၤ.”
ဘ့နဳၤစပျဲၢ်စဘီၣ်တစီာ်လဲၢ်လဲၢ်ကဲဝှါစဲာ်ဒဳၣ် စဆဲး ဖျီးမံလဳၢ်ကဲၤ.
ယ့ၣ်ရှူးဒဳတဲၤစံးရးအလ့ၤနဳၤ
(မၢ် ၁၄:၅၃-၆၅, လူၤ ၂၂:၅၄,၅၅,၆၃-၇၁, ယိၤ ၁၈:၁၃,၁၄,၁၉-၂၄)
57ပၠၤအပိာ်ယ့ၣ်ရှူးတစီာ်က့ၤအံာ်ကဲၤစဲာ် ဒဳပၠၤလှူၣ်တဲၤအဓဳၤ စီၤကၤယါဖၤအီၣ်, ထဲၢ်အဝှ့းစဲာ် တစီာ်ကၱာ်အန့ၤဓဳၤ သးပွ့ၤတစီာ်လၤတ့ၢ် ပျဳာ်အလ့ၤနဳၤ. 58စီၤပ့းတရူးလိၤကိာ်ကဲၤယ့ၣ်ရှူးအလ့ၤ ဒဳအယၱၤ နဳၤထိဓဳၤပၠၤလှူၣ်တဲၤအဓဳၤအၡံၣ်လှီမီၢ်ကၱာ် စလ့ၤနံၢ်ဆးနါကိာ်ကဲၤ ကျံ ဖဳးအကါဒဳအပူၤနဳၤ, စာ်ဘိ ထဲၢ်စစာ်ပီၢ်ထိအကူဓူၤနဳၤ. 59ပၠၤလှူၣ် တဲၤအဓဳၤတစီာ်ကၱာ် ပၠၤအလၤတ့ၢ်ပျဳာ်လၢ်ဝၤတစီာ်စါလှဲးကဲၤ သဲသၱးအတတၱၢ်တမှးနီးစာ်ဘိထဲၢ် စကစံးရးသံဇၤပီၢ် ယ့ၣ်ရှူးနဳၤ. 60မၱာ်စတစာ် ထၱးကဲၤသဲသၱးဒဳပၠၤ အီၣ်အဲးအီးအီးအကျဲတဗွဲနီး. အကဓူၤလါသဲ သၱး အတတၱၢ်တမှးနီးပီးထာ်ကဲၤကၠံၢ်ပွဲၤ 61ကၱာ်စဒီၣ် ကဲၤ, “အယဳၤတပွဲၤဒီၣ်ကဲၤကယဳၤ, ‘ယမဲၤလၤဖြးကဘၱာ်စဲာ်အတဲၤလှူၣ်ၡံၣ်ကၱာ်သဳ နံၤသဳသဲအဓၢ်ပူၤယကပြး ထာ်က့ၤတပွဲးစဲာ်.’ ”
62ပၠၤလှူၣ်တဲၤအဓဳၤအခဳးဝဲၢ်ထဳးကၱာ်စဒီၣ် ကဲၤလၢ်ဝၤ, “နတဒီၣ်ၡံဇၤက့ၤပၠၤအခးသဲသၱး နခဳး တစီာ်အလံၢ်တဲၤတမံနီးဧါ.” 63မၱာ်တဘးဘး ယ့ၣ်ရှူးအီၣ်ကဲၤဒဳးလီၤ. ကၱာ်ဒီပၠၤလှူၣ်တဲၤ အဓဳၤအခဳး ဒီၣ် စဲာ်, “ယမှဲးလၤနဲၤဒဳတဲၤဝှိးဒါအပူၤ, ထဲၢ်နကဒီ ဆးပီၢ်ဝၤ, ‘နမၱာ်မ့ၤၡံ အၤ, ကဘၱာ်စဲာ်အဖဳးဧါ’ နဳၤ.”
64ယ့ၣ်ရှူးဒီၣ်က့ၤစဲာ်, “နဒီၣ်ဘဲာ်တပွဲး, ပရၤဆါယဒီဆးသံ အယဳၤ, သံကစာ်ထၱးဘဲာ်ကီ ပၠၤ အဖဳးဆးနါဒဳကဘၱာ်အဖျူအသရ့ာ်အစူးခီးတထွဲးတခီ ကၱာ်စလၤကီဒဳမီၢ်ခဳးအတဲၢ်သဘဳာ်အကျဲနဳၤ.”
65ဘ့နဳၤပၠၤလှူၣ်တဲၤအဓဳၤအခဳး ထဳးထဲး လဲးအၡံာ်ဒဳကၱာ်စဒီၣ်ကဲၤ, “စဒီၣ်ထာ်ဒ့ဒီၣ်ကဲၤကဘၱာ် စဲာ်. တၤလဳၤပၤဝ့ၤဒီဝၤနံၤခံသဲသၱးနဲၤ. စာ်ပီၢ်, ခဳနူၤယဳၤ, သံသဲန့ၤ သံသၱာ်ဟဲဘဲာ်ထဳစဒီၣ်ထာ်ဒ့ဒီၣ် ကဘၱာ်စဲာ်. 66သံကမဳၤစာ်တဲၢ်.”
စဲာ်တစီာ်ဒီၣ်ကဲၤ, “အမီၤမဲၤသံစဲာ်လီၤ.”
67ကၱာ်ဒီဘ့နဳၤ ပၠၤထွၱးနံၢ်ကဲၤအပအဲးထံ စမူၢ်ကါပူၤ, ကၱာ် ထီးကဲၤစဲာ်, ကၱာ်အလဝ့ၤတစီာ်ဒဲးကဲၤ စနၱၤထၱး 68ကၱာ်ဒီၣ်ကဲၤ, “မဲၤနန့ၤဝံကၱာ် ဒီဆး ပီၢ်ဝၤ. အဳမ့ၤၡံအၤ, အဒဲးနနၱၤထၱးမၱာ်ပီၢ်ပွဲၤ.”
စီၤပ့းတရူးယၤဘံာ်အံာ်ယ့ၣ်ရှူး
(မၢ် ၁၄:၆၆-၇၂, လူၤ ၂၂:၅၆-၆၂, ယိၤ ၁၈:၁၅-၁၈,၂၅-၂၇)
69စီၤပ့းတရူးဆးနါလၤအီၣ်ဒဳၡံၣ်ဓဳၤချဳနဳၤ ကၱာ်ဇိၤမဳၤတပွဲၤ လ့ၤဘိးထၱးစဲာ်ကၱာ်စဒီၣ်ကဲၤလၢ်ဝၤ, “နဲၤမၱာ်သဲအအီၣ်ကိာ်ယ့ၣ်ရှူး, ကၤ လံၤလဲဖဳးတပွဲၤ အကါ လီၤလီၤနၱၢ်.”
70မၱာ်စဲာ်နဳၤ, စယၤဘံာ်ကဲၤပၠၤလဳစါစဲးအလှီမီၢ်ကၱာ်စဒီၣ် ကဲၤ, “နဒီၣ်တၤနဲၢ်နဳၤတဘဲာ်ယသၱာ် ဟဲနအဲနီး.” 71မဲၤဝှါဒဳၣ်, ဘ့စဟဲးထာ်ဒဳခးကျဲၢ် အကါထၱးအခဲနဳၤ, ဇိၤမဳၤအလဝ့ၤတပွဲၤစာ်ထၱးကဲၤ စဲာ် ကၱာ်စဒီၣ်ကဲၤပၠၤအအီၣ်ဘ့နဳၤတစီာ်ကယဳၤ, “အယဳၤ တပွဲၤနဳၤစအီၣ် ကိာ်ကဲၤပၠၤနစၤရ့းဖဳးယ့ၣ်ရှူးအကါ.”
72စီၤပ့းတရူးဝှိးဒါကဲၤအန့ၤတပျာ်ဗ့ ကၱာ်စဒီၣ်ကဲၤ, “ယတသၱာ်ဟဲမဲၤပၠၤအနဳၤတပွဲၤနီး.”
73အီၣ်ဒီတဒဳးပ့ၤ, ပၠၤအဆီထဳးအီၣ်ဘ့နဳၤ တစီာ်လ့ၤဘိးထၱး စဲာ်ကၱာ်ဒီၣ်ကဲၤလၢ်ဝၤ, “နမၱာ် လၤဓူ စကျဲတပွဲၤပွဲၤဟဳ. မၤနဲၢ်အဒဲလၱၢ် ထာ်ဒဳ နတဲၤယၱၢ်ဘဲာ် အလ့ၢ်နဳၤ.”
74ဘ့နဳၤစဝှိးဒါစန့ၤကၱာ်ကဲၤကၱာ်ဝှိးပ့ၢ် ဆ့းဒါကဲၤကၱာ်စဒီၣ် ကဲၤတပျာ်ပ့ၤထဲၢ်စတသၱာ်ဟဲ ပၠၤအနဳၤတပွဲၤနီးနဳၤနဳၤ, ကၱာ်ဒီၡၱဖဲအိးထာ် တနၢ်ကဲၤ.
75ကၱာ်ဘ့နဳၤ စီၤပ့းတရူးကမဳၤထာ်နံၤက့ၤ ယ့ၣ်ရှူးအတဲၤ ယၱၢ်ဘဲာ်ထဲၢ်အဒီၣ်ကဲၤ, “တချူးကၱာ် ၡၱဖဲအိးထာ်နှၱနီးနဳၤ, နကဆီးသိပိၢ် နှဲးဘံာ်ကီယဲၤ သဳ ပျာ်.” မဲၤဝှါစဟဲးထာ်ကဲၤအချဳကၱာ်စဟး သ့ပွ့ၤ သၱးလၱ ကဲၤ.
ទើបបានជ្រើសរើសហើយ៖
မးသဲ 26: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
မးသဲ 26
26
တဲၤဟိလါယ့ၣ်ရှူး
(မၢ် ၁၄:၁-၂, လူၤ ၂၂:၁-၂, ယိၤ ၁၁:၄၅-၅၃)
1ကၱာ်ဒီဘ့ ယ့ၣ်ရှူးအတဲၤယၱၢ်ဘဲာ်အယဳၤ လဳစါစဲးကူဓူၤလဳၢ် ဝှါနဳၤ, စဒီၣ်ကဲၤစအပျဲၢ်အဘီၣ်တစီာ်ကယဳၤ, 2“သံသၱာ်ဟဲတပွဲး ကၠံၢ်သဲကဖျီးသလိး ဝှါပွဲးလ့ၤတလိးပွဲကဘဲာ်ကီ, ကၱာ်ဒီပၠၤအဖဳးကဘဲာ် ဟိလါကီ စာ်ဘိထဲၢ်စကဘဲာ်ထးလၤကျဳၤသဳာ်ပျီၤထူၣ်စူညါအလီၤနဳၤ.”
3ဘ့နဳၤပၠၤလှူၣ်တဲၤအဓဳၤတစီာ် ကၱာ်ပၠၤအန့ၤဓဳၤသးပွ့ၤတစီာ် လၤတ့ၢ် ပျဳာ်ကဲၤလၢ်ဝၤဒဳ ပၠၤလှူၣ် တဲၤ အဓဳၤအခဳးအမံၤမၱာ်စီၤကၤယါဖၤ တပွဲၤအရှံၣ် ပူၤနဳၤ. 4ကၱာ်ဒီစကဳထာ်ကၠၤလၤစာ်ဘိထဲၢ် စကဖီး ယ့ၣ်ရှူးတဲၤလၱးမးကးကွဲအပူၤကၱာ်စကမဲၤသံ လၢ်ဝၤနဳၤ. 5ပရၤ ဆါစဒီၣ်, “တဘဲာ်မဲၤ ပွဲအနံၤနီး. သဲလဲးသီးလီပၠၤကကဳၤကတြးနှီနူၤ.”
ယ့ၣ်ရှူးဘဲာ်သဖြိးထံနှူဝံာ်
(မၢ် ၁၄:၃-၉, ယိၤ ၁၂:၁-၈)
6ကၱာ်ဒီဘ့ယ့ၣ်ရှူးအီၣ်ဒဳဘ့ၤသနံ, စီၤၡံမိၣ်အကလးကၠံးတပွဲၤအရှံၣ်အခဲနဳၤ, 7အမံၤမှူးတပွဲၤလ့ၤထၱးစဲာ်, စလ့ၤအံာ်တဲၤသဳး နှူဝံာ် အပွၱၤဆိးလဳၤဘိအမွှ့းပူၤ, ကၱာ်စလှီးလၤလၢ်ဝၤ အကဳာ်ခဳးဘ့စဆး နါအီၣ်စူးဒဲးခဳးအခၣ်ထၱးနဳၤ. 8အပျဲၢ်အဘီၣ်တစီာ်စာ်ထၱးအယဳၤ ဒဳၣ်, စသးတမီၤနီး ကၱာ်စဒီၣ်, “တဲၤကဲတဲၤအိးအယဳၤမၱာ်တၤအနံၤခံနဲၤ. 9မၤနဲၢ်ကဒီၣ်ဓဳၤဒဳၣ်, စမီၤဆဲကၱာ်အပွၱၤပွ့တမံၤဝှါစမီၤအံာ်အဆဲး ညဲဖဳးတစီာ်နဳၤ.”
10ကၱာ်ဒီယ့ၣ်ရှူးသၱာ်ဟဲအယဳၤဒဳၣ် စဒီၣ် လၢ်ဝၤတစီာ်, “သံ မဲၤဒၱာ်ဒါမၤအမံၤမှူးအယဳၤတပွဲၤ နဲၢ်. စမဲၤနံၤကဲၤယဲၤတဲၤအအဲးလီၤ. 11မၤနဲၢ် ကဒီၣ်ဓဳၤဒဳၣ်, အဆဲးညဲဖဳးအီၣ်ကိာ်သဲာ်ယိသံကါ, မၱာ် ယဲၤနဳၤ, ယတအီၣ်ကိာ်သဲာ်ယိသံကါနီး. 12မၤနဲၢ်ကဒီၣ်ဓဳၤဒဳၣ်, စလှီးလၤတဲၤသဳးနှူဝံာ်အယဳၤ ယန့ၤဘၱစဲာ်အခဳးဒဳၣ်, မၱာ်ကဲၤစာ်ဘိထဲၢ်ယဘဲာ်ဘူလါ အနံၤခံနဳၤ. 13ယဒီဆးသံအတၱၢ်အမှး, ဘ့ တဲၤသး လဳၢ်သးလၤအံာ်အဝၱၤအကဲကဘဲာ် ဒီၣ်အူဒီဆး အံာ်အလ့ၤအရါ, လၢ်ခဳး သဒဲဘဲာ်အခဳးနဳၤ, တဲၤထဲၢ်စမဲၤကဲၤအယဳၤ ကဘဲာ်ဒီဆးအံာ်ကီစာ်ဘိ ထဲၢ်ပၠၤကကမဳၤထာ်နံၤစဲာ်နဳၤ.”
စီၤယူဒၤအဳလါကိာ်အကဟိလါယ့ၣ်ရှူး
(မၢ် ၁၄:၁၀-၁၁, လူၤ ၂၂:၃-၆)
14အပျဲၢ်အဘီၣ်ကၠံၢ်ပွဲၤအကျဲနဳၤအမံၤမၱာ် စီၤယူဒၤအံၣ်စကၤ ရံၤအိာ်တပွဲၤ နဳၤလ့ၤကဲၤဒဳပၠၤ လှူၣ် ဘၱာ်စဲာ်တစီာ်အီၣ် 15ကၱာ်စဒီၣ်ကဲၤ လၢ်ဝၤ တစီာ်, “ယကအံာ်လၤမၤယ့ၣ်ရှူးဒဳၣ်သံကအံာ်ပီၢ် ယဲၤ တၤနဲၢ်.” ပၠၤလှူၣ်တဲၤအဓဳၤအံာ်ကဲၤစဲာ်ဝှိသဳခဲ. 16ကၱာ်ဘ့နဳၤ ဖျီအလှီမီၢ် စစါလှဲးကဲၤအခၠၱးအကျၤ ဘဲာ် နံၤပီၤနံၤအကဝှိလါယ့ၣ်ရှူးနဳၤ.
ယ့ၣ်ရှူးကၱာ်အပျဲၢ်အဘီၣ်တစီာ်အၣ် လူၤမူၤဟဲးအတဲၤအၣ်
(မၢ် ၁၄:၁၂-၂၁, လူၤ ၂၂:၇-၁၃,၂၁-၂၃, ယိၤ ၁၃:၂၁-၃၀)
17ဘ့တကဳာ်ကမံၤတပာ်နီးအပွဲအအူဆူး တနံၤနဳၤ, ယ့ၣ်ရှူး အပျဲၢ်အဘီၣ်တစီာ်လ့ၤထၱးစဲာ်ကၱာ် စဒီၣ်ကဲၤလၢ်ဝၤကယဳၤ, “နသးနံၤဝၤ ကပြးနံၤနဲၤ ပွဲးလ့ၤတလိးအတဲၤအၣ်ဒီၣ်လဲၢ်.”
18ယ့ၣ်ရှူးဒီၣ်က့ၤစဲာ်တစီာ်, “လ့ၢ်ပီၢ်ဒဳပၠၤ တပွဲၤအီၣ်ဒဳအူးပူၤ နဳၤကၱာ်ဒီၣ်ပီၢ်စဲာ်, ‘ဆရၣ်ဒီၣ်နဲၤ, ယအဲအခၠၱးဘဲာ်ထဳ. ယကအၣ်ပွဲးလ့ၤတလိးအတဲၤ အၣ် ပျဳာ်ပျဳာ်ကၱာ်ယပျဲၢ်ယဘီၣ်တစီာ်ဘ့နရှံၣ်နဳၤ.’ ”
19စပျဲၢ်စဘီၣ်တစီာ်မဲၤကိာ်ကဲၤအစာ်ဘိ စမှဲးလၤလၢ်ဝၤတစီာ်နဳၤကၱာ်စပြးတီၤလီၤကဲၤပွဲးလ့ၤတလိးပွဲ အနံၤခံ.
20ဘ့လူၤမူၤဟဲးလၤနဳၤ, စအၣ်ပျဳာ်ပျဳာ်ကဲၤ စပျဲၢ်စဘီၣ်ၡံး ကၠံၢ်ပွဲၤတဲၤအၣ်. 21ဘ့စအၣ် ဖါ သးအခၠၱးနဳၤ, ယ့ၣ်ရှူးဒီၣ်ကဲၤစဲာ် တစီာ်, “ယဒီဆးသံ အတၱၢ်အမှး, ဒဳသံကျဲနဳၤ, အကဝှိလါယဲၤအီၣ် တပွဲၤ.”
22ကၱာ်ဒီစဲာ်တစီာ်အဳးသဳးအဳးသးဆိးကဲၤ. စဲာ်တစီာ်ဒဲစာ်ကဲၤ ယ့ၣ်ရှူးတပွဲၤဝှါတပွဲၤ, “မၱာ်ယဲၤဧါ.”
23ဒဳၣ်စဒီဆးက့ၤလၢ်ဝၤ, စဒီၣ်, “ပၠၤဒဳအကတြူလါပျဳာ်အစူးကၱာ်ယအဲဒဳစီးလီးပူၤတပွဲၤနဳၤ, မၱာ် စဲာ်ထဲၢ်အကဝှိလါယဲၤတပွဲၤနဳၤ. 24ပၠၤအဖဳး တပွဲၤနဳၤ, စကလ့ၤဘဲာ်တပွဲးအစာ်ဘိ စဲာ်စါထံဒီၣ် တီၤလီၤကဲၤစဝၱၤစကဲအဓ့နဳၤ. မၱာ်ပၠၤထဲၢ်စခဳးစစဲ ပၠၤ အဖဳးဘဲာ်ဝှိလါကဲၤ တပွဲၤနဳၤ. အဘဲာ်ကၱာ်စတအီၣ် လၤမူပျးနီးတခီ.”
25စီၤယူဒၤအကဝှိလါစဲာ်တပွဲၤဒီၣ်ကဲၤစဲာ်, “မၱာ်ယဲၤဧါ, ဆရၣ်.”
ယ့ၣ်ရှူးဒီၣ်က့ၤစဲာ်, “နဒီၣ်ကဲၤတပွဲးကနဳၤဓဳၤ.”
ဘၱာ်စဲာ်အလူၤမူၤဟဲးအတဲၤအၣ်
(မၢ် ၁၄:၂၂-၂၆, လူၤ ၂၂:၁၄-၂၀, ၁ ကရံၣ် ၁၁:၂၃-၂၅)
26ဘ့စအၣ်တဲၤအၣ်နဳၤ, ယ့ၣ်ရှူးဖၱး တကဳာ်. စဟိးဝၱၤ, စဘး ဖးကၱာ် စအံာ်စပျဲၢ်စဘီၣ် တစီာ်, ကၱာ်စဒီၣ်, “ဖၱးကၱာ်အၣ်ပီၢ်, အယဳၤမၱာ် ယန့ၤ ဘၱစဲာ်.”
27ကၱာ်ဒီစဖၱးဝှါဖလါဒဳၣ်, စဟိးဝၱၤ, စအံာ် လၢ်ဝၤတစီာ် အီ ကၱာ်ဒီၣ်ကဲၤ. “အီပီၢ်တဲၤအယဳၤကိအပွဲၤ. 28အယဳၤမၱာ်ယသွံၣ်, တဲၤအဳလါဖျးလၤ အသဲ, ထဲၢ်အကဘဲာ်လှီးလၤကီပၠၤလဳစါစဲးအတဲၤ ခီၣ် ဝဲၤအတဲၤဘါပျဲးအနံၤခံတဓဲနဳၤ. 29ယဒီဆးသံ, ယတအီဘဲာ်ပ့ၤ ကီသဳာ်ပၡံးထံအယဳၤနီး ထိဓဳၤမူၤနံၤမူၤသဲထဲၢ်ယအီဘဲာ်ပျဳာ်ပျိာ်ကီသံ သဳာ်ပၡံး ထံအသဲဒဳယပာ်အထံအက့ၤအပူၤနဳၤ.”
30ကၱာ်ဒီစဲာ်တစီာ်သါပိၢ်ဝှါ တဲၤထါထာ် အံာ် အတဲၤသါပိၢ် ဒဳၣ်, စလ့ၤဘးကဲၤဒဳသဳာ်စၤယံးခီး လီအီၣ်နဳၤ.
ယ့ၣ်ရှူးဒီဆးတီၤလီၤ စီၤပ့းတရူးအတဲၤယၤဘံာ်စဲာ်
(မၢ် ၁၄:၂၇-၃၁, လူၤ ၂၂:၃၁-၃၄, ယိၤ ၁၃:၃၆-၃၈)
31ဘ့နဳၤယ့ၣ်ရှူးဒီၣ်ကဲၤစဲာ်တစီာ်, “သံ လဳစါစဲးအသဳးအသး ကဟဲးကဲဘဲာ်ကီယခဳးလဲၢ်ကါလဲၢ် ခိတဟဲး, မၤနဲၢ်ကဒီၣ်ဓဳၤဒဳၣ်, တဲၤဝှ့း လၤအီၣ်ကဲၤ,
‘ယကပျဲကီအစာ်အံာ်သဳတပွဲၤနဳၤ,
ကၱာ်သဳတစီာ်ကဟဲးဖြူးဟဲးဖြၱလဳကီ.’
32မၱာ်ဘ့ယကထာ်ပဳၤက့ၤဝှါဒီၣ်ဗ့နဳၤ, ယလ့ၤအူဆူးကီသံဒဳ ကၤလံၤလဲက့ၤနဳၤ.”
33စီၤပ့းတရူးဒီၣ်ကဲၤစဲာ်, “ပၠၤအလဝ့ၤ ကဟဲးသံဝံၢ်နီၣ်သီနဲၤ နှီနူၤ, ယဲၤနဳၤ, တဘဲာ်ယပၢ် လၤဓ့ၢ်ပံပံးနဲၤနီး.”
34ယ့ၣ်ရှူးဒီၣ်က့ၤစဲာ်, “ယဒီဆးနဲၤအတၱၢ် အမှး, တဆဲကၱာ် ၡံဖဲအိးထာ်ခိတဟဲးနှၱနီးနဳၤ, နကဆီး သိပိၢ်နှဲးဘံာ်ကီယဲၤသဳပျာ်.”
35စီၤပ့းတရူးဒီၣ်က့ၤစဲာ်အလံၢ်, “ယကသံဘဲာ်ကိာ်နီၣ်သီနကါနှီနူၤ, ယတဆီးသိပိၢ်နှဲးဘံာ် ပံပံးနဲၤနီး.”
အပျဲၢ်အဘီၣ်အလဝ့ၤတစီာ်မၱာ်မၱာ်ဒီၣ်ကဲၤကနဳၤ လီၤလီၤ.
ယ့ၣ်ရှူးသဘဲထာ်ဒဳက့ၤသစ့းမနၤ
(မၢ် ၁၄:၃၂-၄၂, လူၤ ၂၂:၃၉-၄၆)
36ယ့ၣ်ရှူးလ့ၤပျဳာ်ကဲၤစဲာ်တစီာ်ဒဳအလ့ၤ ထဲၢ်ပၠၤယဳၤအမံၤက့ၤ သစ့းမနၤတချဳးနဳၤ. ဒဳနဳၤစဒီၣ် ကဲၤစပျဲၢ်စဘီၣ်တစီာ်, “ဆးနါအီၣ်ပီၢ်ဘ့ ယဳၤ, ဘ့ယလ့ၤဒဳအလှီမီၢ်ကၱာ်သဘဲသဗ့နဳၤ.” 37မဲၤဝှါစယဳၤကဲၤ စီၤပ့းတရူးကၱာ်စီၤစ့းဘ့းဒဲအဖဳးခဳကၠံၢ် ပွဲၤကလ့ၤအလှီမီၢ်, ကၱာ်ဒီစဲာ်နဳၤ, စအဳးသဳးအဳးသး ကၱာ်သဳးကဳၤသးကဲၢ်ဆိးကဲၤ. 38ကၱာ်စဒီၣ် ကဲၤ လၢ်ဝၤတစီာ်, “ယအဳးသဳးအဳးသးကဲၤပွ့ယကမီသံကဲၤနဳၤ. အီၣ်ဆိဧိၢ်ဘ့ ယဳၤကၱာ်တိၤအံာ်ကိာ်ပီၢ် ယကါ.”
39စလ့ၤအလှီမီၢ်တကၱာ်ပ့ၤကၱာ် စကီၢ်လၤ သဘဲထာ်ကဲၤ, “အဳအပာ်, အကဖၱထာ်ဇၤဘ့မ့ဒဳၣ်, ဖလါအယဳၤကလ့ၤတလိးဒီဧဲၤယဲၤ. ပရၤဆါ တဘဲာ် ပွဲးယတဲၤသးအဲးနံၤနီး, မၱာ်ကဲၤနတဲၤသးအဲးနံၤအီၣ် အဓ့လီၤ.”
40ဘ့စက့ၤဘးစာ် စပျဲၢ်စဘီၣ်တစီာ်နဳၤ, စစာ်ထၱးလၢ်ဝၤတစီာ်ဆီးမံလဳၢ်ကဲၤကၱာ် စဒီၣ်ကဲၤ စီၤပ့းတရူး, “ပွ့းတနၣ်ရၱၣ်အဓၢ်ပူၤလီၤနှီ နူၤ, သံတအီၣ် ကဲာ်ထာ်ကိာ်ယကါနီးဧါ. 41တိၤအံာ်ကၱာ် သဘဲ ထာ်ပီၢ်စာ်ဘိထဲၢ်သံကတလ့ၤနံၢ်ပီၢ်တဲၤနှးကါ အပူၤနီးနဳၤ. တဲၤသးမၱာ်အသးအဲးမဲၤတပွဲး, ပရၤဆါ အန့ၤဘၱစဲာ်အခဳးအအါတအီၣ်နီး.”
42စက့ၤဘးတပျာ်ပ့ၤကၱာ်စသဘဲထာ်ကဲၤ, “အဳအပာ်, ဘ့ာ်မ့ ယကအီဘဲာ်ကၢ်ကါဖလါအယဳၤနဳၤ ဒဳၣ်, တဲၤကမၱာ်ဒီဧဲၤထ့အဘဲာ်နသး နဳၤလီၤ.” 43မဲၤဝှါစက့ၤဘးစာ်ထၱးကဲၤစပျဲၢ်စဘီၣ်တစီာ်ဆီးမံဝ့ၤ, မၤနဲၢ်စကၢ်ဓူဖ့းထဳးဆိးကဲၤအစဲနဳၤ.
44စဟဲးပၢ်ကဒီလၢ်ဝၤတပျာ်ပ့ၤကၱာ် က့ၤ ဘးသဘဲထာ် ကဲၤသဳပျာ်တပျာ် အစာ်ဘိစသဘဲထာ် အအူဆူးနဳၤ. 45မဲၤဝှါဒဳၣ်, စက့ၤဘးထၱးစပျဲၢ် စဘီၣ်တစီာ်ကၱာ် စဒီၣ်ကဲၤလၢ်ဝၤ, “ဆီးမံ မီၤမီၤဒီဧဲၤ သံအဲကနဳၤဟဳ. ခဳနူၤယဳၤအခၠၱးဘဲာ်ကဲၤ, ပၠၤအဖဳးတပွဲၤ ကဘဲာ်အံာ်လၤဖျီး မံဘဲာ်ကဲၤအန့ၤဒဳပၠၤတဲၤခီၣ်ဝဲၤဖဳး တစီာ်အစူးခီးပူၤနဳၤ. 46ဝဲၢ်ထဳး, ကလ့ၤခး. စာ်ပီၢ်, အဟိလါယဲၤတပွဲၤဓဳၤလ့ၤထဳ.”
ယ့ၣ်ရှူးဘဲာ်ဖီၣ်
(မၢ် ၁၄:၄၃-၅၀, လူၤ ၂၂:၄၇-၅၃, ယိၤ ၁၈:၃-၁၂)
47ဘ့စဒီၣ်သဗ့ကနဳၤအခဲနဳၤ, စီၤယူဒၤ ထဲၢ်အမၱာ်ၡံးကၠံၢ်ပွဲၤ အကျဲတပွဲၤ ဓဳၤလ့ၤပျဳာ်ပျဳာ်ကိာ် ကဲၤပၠၤအပဳၤအဟီးထဲၢ်ပၠၤ လှူၣ်တဲၤ အဓဳၤကၱာ်အန့ၤ ဓဳၤသးပွ့ၤသဓဳလ့ၤကဲၤတစီာ်နဳၤအကါ. စလ့ၤအံာ် ကဲၤ ဒာ် ထီကၱာ်နှဲးမူၢ်နှဲးထးတစီာ်. 48ပၠၤထဲၢ်အဝှိ လါစဲာ်အနဳၤတပွဲၤနဳၤ, ဒဲလၱၢ်ကဲၤပၠၤတစီာ်တဲၤအမှးကၱာ် ဒီၣ်ကဲၤ, “ပၠၤထဲၢ်ယကနှူဝံာ်တပွဲၤမၱာ်တပွဲးစဲာ်လီၤ. ဖၱးပီၢ်စဲာ်.”
49အဟိလါကဲၤစဲာ်အနဳၤတပွဲၤ လ့ၤတနၢ် ကဲၤဒဳယ့ၣ်ရှူး ကၱာ် စဒီၣ်, “ဘဲာ်မီၤ, ဆရၣ်,” စဒီၣ်ဝှါ စနှူဝံာ်ကဲၤလၢ်ဝၤ.
50ယ့ၣ်ရှူးဒီၣ်က့ၤစဲာ်, “အသီၣ်, မဲၤပီၢ် နတဲၤမဲၤထဲၢ်နမဲၤ ဘဲာ်နတဲၤဓဳၤလ့ၤဘ့ယဳၤအနံၤခံနဳၤ.”
ဘ့နဳၤပၠၤတစီာ်လှီဝဲၢ်ကဲၤယ့ၣ်ရှူးအလီၤ, စဖီၣ် ကၱာ်စဳကျဳၤကဲၤလၢ် ဝၤ. 51ဘ့နဳၤအခဲပၠၤထဲၢ်အအီၣ်ကိာ်ယ့ၣ်ရှူးအကါတပွဲၤ ဘ့း ထာ်ကဲၤအဒာ်ဆ့ ကၱာ်ပ့ၢ်လၤတ့ၢ်ကဲၤပၠၤလှူၣ်တဲၤအဓဳၤအခဳးအဇိၤဖဳး တပွဲၤအနံၤကူၤတခီ. 52ဘ့နဳၤယ့ၣ်ရှူးဒီၣ် ကဲၤစဲာ်, “ဖြီနံၢ်က့ၤပီၢ် နဒာ်ဆ့ဒဳအကဳပူၤ. ပၠၤထဲၢ် အမဲၤအံာ်ဒာ်ဆ့တစီာ်နဳၤ, စကသံကလှဲမဲၢ် ကိာ်ဒာ်ဆ့ လီၤ. 53နကမဳၤယတတၤကဲာ်ထာ်အပာ်ခဳနဳၤ ယဳၤစာ် ဘိထဲၢ် စကအံာ်လၤယဲၤမီၢ်ခဳးပွဲၤဇဳၤ အီၣ်အဲး ဒဳၣ်လံကျံအပဳၤၡံးကၠံၢ်ပဳၤတပျာ်ခါလီၤနီးဧါ. 54စဲာ်စါထံဒီၣ်ထဲၢ်တဲၤကဖၱထာ်ဘဲာ်ကယဳၤ တဓဲကပ့ထာ် ဒီစာ်တဲၢ်.”
55ဘ့နဳၤယ့ၣ်ရှူးဒီၣ်ကဲၤပၠၤအပဳၤအဟီး တစီာ်, “သံလ့ၤအံာ် ကဲၤဒာ်ဆ့ကၱာ်နှဲးမူၢ်နှဲးထး အကပိာ်အံာ်ယဲၤမၱာ်, ယမၱာ်ပီၢ်အအၣ်ဟူၣ်မဲၤ သံတဲၤဧါ. ကိ အနံၤယအီၣ်ဒဳသံကျဲ, ယဆးနါသိၣ်အံာ်သီအံာ်တပွဲး ဒဳ တဲၤလှူၣ်ၡံၣ်ပူၤ, ကၱာ်သံတပိာ်ကဲၤယဲၤနီး. 56တဲၤအယဳၤလဳစါစဲးဖၱ ထာ်ကဲၤအစာ်ဘိစဲာ်စါထံထဲၢ် ဝံဝှ့းတီၤလီၤကဲၤတစီာ်ကပ့ထာ်ပီၢ်နဳၤ.”
ဘ့နဳၤစပျဲၢ်စဘီၣ်တစီာ်လဲၢ်လဲၢ်ကဲဝှါစဲာ်ဒဳၣ် စဆဲး ဖျီးမံလဳၢ်ကဲၤ.
ယ့ၣ်ရှူးဒဳတဲၤစံးရးအလ့ၤနဳၤ
(မၢ် ၁၄:၅၃-၆၅, လူၤ ၂၂:၅၄,၅၅,၆၃-၇၁, ယိၤ ၁၈:၁၃,၁၄,၁၉-၂၄)
57ပၠၤအပိာ်ယ့ၣ်ရှူးတစီာ်က့ၤအံာ်ကဲၤစဲာ် ဒဳပၠၤလှူၣ်တဲၤအဓဳၤ စီၤကၤယါဖၤအီၣ်, ထဲၢ်အဝှ့းစဲာ် တစီာ်ကၱာ်အန့ၤဓဳၤ သးပွ့ၤတစီာ်လၤတ့ၢ် ပျဳာ်အလ့ၤနဳၤ. 58စီၤပ့းတရူးလိၤကိာ်ကဲၤယ့ၣ်ရှူးအလ့ၤ ဒဳအယၱၤ နဳၤထိဓဳၤပၠၤလှူၣ်တဲၤအဓဳၤအၡံၣ်လှီမီၢ်ကၱာ် စလ့ၤနံၢ်ဆးနါကိာ်ကဲၤ ကျံ ဖဳးအကါဒဳအပူၤနဳၤ, စာ်ဘိ ထဲၢ်စစာ်ပီၢ်ထိအကူဓူၤနဳၤ. 59ပၠၤလှူၣ် တဲၤအဓဳၤတစီာ်ကၱာ် ပၠၤအလၤတ့ၢ်ပျဳာ်လၢ်ဝၤတစီာ်စါလှဲးကဲၤ သဲသၱးအတတၱၢ်တမှးနီးစာ်ဘိထဲၢ် စကစံးရးသံဇၤပီၢ် ယ့ၣ်ရှူးနဳၤ. 60မၱာ်စတစာ် ထၱးကဲၤသဲသၱးဒဳပၠၤ အီၣ်အဲးအီးအီးအကျဲတဗွဲနီး. အကဓူၤလါသဲ သၱး အတတၱၢ်တမှးနီးပီးထာ်ကဲၤကၠံၢ်ပွဲၤ 61ကၱာ်စဒီၣ် ကဲၤ, “အယဳၤတပွဲၤဒီၣ်ကဲၤကယဳၤ, ‘ယမဲၤလၤဖြးကဘၱာ်စဲာ်အတဲၤလှူၣ်ၡံၣ်ကၱာ်သဳ နံၤသဳသဲအဓၢ်ပူၤယကပြး ထာ်က့ၤတပွဲးစဲာ်.’ ”
62ပၠၤလှူၣ်တဲၤအဓဳၤအခဳးဝဲၢ်ထဳးကၱာ်စဒီၣ် ကဲၤလၢ်ဝၤ, “နတဒီၣ်ၡံဇၤက့ၤပၠၤအခးသဲသၱး နခဳး တစီာ်အလံၢ်တဲၤတမံနီးဧါ.” 63မၱာ်တဘးဘး ယ့ၣ်ရှူးအီၣ်ကဲၤဒဳးလီၤ. ကၱာ်ဒီပၠၤလှူၣ်တဲၤ အဓဳၤအခဳး ဒီၣ် စဲာ်, “ယမှဲးလၤနဲၤဒဳတဲၤဝှိးဒါအပူၤ, ထဲၢ်နကဒီ ဆးပီၢ်ဝၤ, ‘နမၱာ်မ့ၤၡံ အၤ, ကဘၱာ်စဲာ်အဖဳးဧါ’ နဳၤ.”
64ယ့ၣ်ရှူးဒီၣ်က့ၤစဲာ်, “နဒီၣ်ဘဲာ်တပွဲး, ပရၤဆါယဒီဆးသံ အယဳၤ, သံကစာ်ထၱးဘဲာ်ကီ ပၠၤ အဖဳးဆးနါဒဳကဘၱာ်အဖျူအသရ့ာ်အစူးခီးတထွဲးတခီ ကၱာ်စလၤကီဒဳမီၢ်ခဳးအတဲၢ်သဘဳာ်အကျဲနဳၤ.”
65ဘ့နဳၤပၠၤလှူၣ်တဲၤအဓဳၤအခဳး ထဳးထဲး လဲးအၡံာ်ဒဳကၱာ်စဒီၣ်ကဲၤ, “စဒီၣ်ထာ်ဒ့ဒီၣ်ကဲၤကဘၱာ် စဲာ်. တၤလဳၤပၤဝ့ၤဒီဝၤနံၤခံသဲသၱးနဲၤ. စာ်ပီၢ်, ခဳနူၤယဳၤ, သံသဲန့ၤ သံသၱာ်ဟဲဘဲာ်ထဳစဒီၣ်ထာ်ဒ့ဒီၣ် ကဘၱာ်စဲာ်. 66သံကမဳၤစာ်တဲၢ်.”
စဲာ်တစီာ်ဒီၣ်ကဲၤ, “အမီၤမဲၤသံစဲာ်လီၤ.”
67ကၱာ်ဒီဘ့နဳၤ ပၠၤထွၱးနံၢ်ကဲၤအပအဲးထံ စမူၢ်ကါပူၤ, ကၱာ် ထီးကဲၤစဲာ်, ကၱာ်အလဝ့ၤတစီာ်ဒဲးကဲၤ စနၱၤထၱး 68ကၱာ်ဒီၣ်ကဲၤ, “မဲၤနန့ၤဝံကၱာ် ဒီဆး ပီၢ်ဝၤ. အဳမ့ၤၡံအၤ, အဒဲးနနၱၤထၱးမၱာ်ပီၢ်ပွဲၤ.”
စီၤပ့းတရူးယၤဘံာ်အံာ်ယ့ၣ်ရှူး
(မၢ် ၁၄:၆၆-၇၂, လူၤ ၂၂:၅၆-၆၂, ယိၤ ၁၈:၁၅-၁၈,၂၅-၂၇)
69စီၤပ့းတရူးဆးနါလၤအီၣ်ဒဳၡံၣ်ဓဳၤချဳနဳၤ ကၱာ်ဇိၤမဳၤတပွဲၤ လ့ၤဘိးထၱးစဲာ်ကၱာ်စဒီၣ်ကဲၤလၢ်ဝၤ, “နဲၤမၱာ်သဲအအီၣ်ကိာ်ယ့ၣ်ရှူး, ကၤ လံၤလဲဖဳးတပွဲၤ အကါ လီၤလီၤနၱၢ်.”
70မၱာ်စဲာ်နဳၤ, စယၤဘံာ်ကဲၤပၠၤလဳစါစဲးအလှီမီၢ်ကၱာ်စဒီၣ် ကဲၤ, “နဒီၣ်တၤနဲၢ်နဳၤတဘဲာ်ယသၱာ် ဟဲနအဲနီး.” 71မဲၤဝှါဒဳၣ်, ဘ့စဟဲးထာ်ဒဳခးကျဲၢ် အကါထၱးအခဲနဳၤ, ဇိၤမဳၤအလဝ့ၤတပွဲၤစာ်ထၱးကဲၤ စဲာ် ကၱာ်စဒီၣ်ကဲၤပၠၤအအီၣ်ဘ့နဳၤတစီာ်ကယဳၤ, “အယဳၤ တပွဲၤနဳၤစအီၣ် ကိာ်ကဲၤပၠၤနစၤရ့းဖဳးယ့ၣ်ရှူးအကါ.”
72စီၤပ့းတရူးဝှိးဒါကဲၤအန့ၤတပျာ်ဗ့ ကၱာ်စဒီၣ်ကဲၤ, “ယတသၱာ်ဟဲမဲၤပၠၤအနဳၤတပွဲၤနီး.”
73အီၣ်ဒီတဒဳးပ့ၤ, ပၠၤအဆီထဳးအီၣ်ဘ့နဳၤ တစီာ်လ့ၤဘိးထၱး စဲာ်ကၱာ်ဒီၣ်ကဲၤလၢ်ဝၤ, “နမၱာ် လၤဓူ စကျဲတပွဲၤပွဲၤဟဳ. မၤနဲၢ်အဒဲလၱၢ် ထာ်ဒဳ နတဲၤယၱၢ်ဘဲာ် အလ့ၢ်နဳၤ.”
74ဘ့နဳၤစဝှိးဒါစန့ၤကၱာ်ကဲၤကၱာ်ဝှိးပ့ၢ် ဆ့းဒါကဲၤကၱာ်စဒီၣ် ကဲၤတပျာ်ပ့ၤထဲၢ်စတသၱာ်ဟဲ ပၠၤအနဳၤတပွဲၤနီးနဳၤနဳၤ, ကၱာ်ဒီၡၱဖဲအိးထာ် တနၢ်ကဲၤ.
75ကၱာ်ဘ့နဳၤ စီၤပ့းတရူးကမဳၤထာ်နံၤက့ၤ ယ့ၣ်ရှူးအတဲၤ ယၱၢ်ဘဲာ်ထဲၢ်အဒီၣ်ကဲၤ, “တချူးကၱာ် ၡၱဖဲအိးထာ်နှၱနီးနဳၤ, နကဆီးသိပိၢ် နှဲးဘံာ်ကီယဲၤ သဳ ပျာ်.” မဲၤဝှါစဟဲးထာ်ကဲၤအချဳကၱာ်စဟး သ့ပွ့ၤ သၱးလၱ ကဲၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.