လူၤကၣ် 24
24
ယ့ၣ်ရှူးခရၱာ်အတဲၤထာ်ပဳၤက့ၤ
(မး ၂၈:၁-၁၀, မၢ် ၁၆:၁-၈, ယိၤ ၂၀:၁-၁၀)
1ဘ့တဆီးဒဲအအူဆူးတနံၤတဲၤလှၱထာ်နဳၤ, အမံၤမှူးတစီာ် လ့ၤအံာ်ကဲၤဆံးနှူဝံာ်ထဲၢ်စပြးတီၤလီၤဝှါ ကဲၤ တစီာ်ဒဳလူၢ်ခဳးနဳၤ. 2ဘ့နဳၤစဲာ်တစီာ်ပးထၱး ကဲၤလဳၤအကျဲၢ်ဘံာ်လူၢ်ပူၤတဒဳ တဲၤဘးတကျဳဖျီးမံ ကဲၤ, 3မၱာ်ဘ့စဲာ်တစီာ်လ့ၤနံၢ်လဳၤပူၤနဳၤ စတပး ထၱးကဲၤယ့ၣ်ရှူး အစဳးနီး. 4စဲာ်တစီာ်ထဲးတမိၢ် တမှါကဲၤ, ကၱာ်ဘ့နဳၤပၠၤအကိ အသီးလှၱဆ့းကတြီၤ ကၠံၢ်ပွဲၤပီးထာ်ကဲၤစဲာ်တစီာ်အကါထၱး. 5အမံၤ မှူးတစီာ်သးကနၢ်ဆိးကၱာ်စကီၢ်လၤကဲၤလၢ်ခဳး. ပၠၤအနဳၤကၠံၢ်ပွဲၤဒီၣ် ကဲၤ စဲာ်တစီာ်, “သံဝၢ်စါလှဲးမၤပၠၤအသမိတပွဲၤဒဳပၠၤအသံတစီာ်အကျဲနဲၢ်. 6စတအီၣ် ပ့ၤဘ့ယဳၤနီး. စထာ်ပဳၤက့ၤထဳ. ကမဳၤထာ်နံၤ က့ၤပီၢ် စတဲၤယၱၢ်ဘဲာ်ထဲၢ်စဒီၣ်ကဲၤသံ လှ့စအီၣ်ဝ့ၤကၤ လံၤလဲက့ၤပူၤနဳၤ. 7စဒီၣ်ကဲၤ, ပၠၤအဖဳးယဳၤ ကခး ဘဲာ်ကီပၠၤအကၱကဲာ်တစီာ်အစူးခီး ပူၤ ကၱာ်ကဘဲာ် ထးလၤကျဳၤသံကီ. သဳနံၤတနံၤစကထာ်ပဳၤက့ၤကီနဳၤ.”
8အမံၤမှူးတစီာ်ကမဳၤထာ်နံၤက့ၤကဲၤ စတဲၤဒီၣ်လှ့နဳၤတစီာ် နဳၤဒဳၣ်, 9စဟဲးထာ်ဝှါ လူၢ်ခဳး, စက့ၤဒီဆးကဲၤအပျဲၢ်အဘီၣ်ၡံး ကၠံၢ်ပွဲၤ ကၱာ် ပၠၤအလဝ့ၤတစီာ်တဲၤလဳစါစဲးနဳၤ. 10အဒီဆး အပျဲၢ် အဘီၣ်တဲၤဝၱၤတဲၤကဲယဳၤမၱာ်ကဲၤမၤကဒၤလ့ၣ် မဳၤ, နီၢ်မၤရၱ, နီၢ်ယိၤ အၣ် နၣ်, နီၢ်မၤရၱ ထဲၢ်စီၤယၤကိာ် အမဳၤ ကၱာ်အမံၤမှူးအလဝ့ၤအအီၣ် ကိာ် စကါတစီာ် နဳၤ. 11ပရၤဆါအမံၤခဳတစီာ်အနံၤခံမၱာ်အထာ် ပဳၤ ထာ်ဘါတအီၣ်ဘဲာ်စဲာ်တစီာ်နီးဒဳၣ်စတဘူၣ်တပွဲး အမံၤမှူးတစီာ်နဳၤနီး. 12ပရၤဆါစီၤပ့းတရူး ဝဲၢ်ထဳးစွဲးလ့ၤကဲၤဒဳလူၢ်ခဳးကၱာ်စာ်လၤကဲၤဒဳ လဳၤပူၤ ဒဳၣ်စစာ်ထၱးကဲၤတကၱယၢ်အလၤတ့ၢ်ပၢ်လၢ်ခဳး မၱာ်အလဝ့ၤတအီၣ်ကဲၤတမံနီး. မဲၤဝှါဒဳၣ်စက့ၤကဲၤရှံၣ် ကၱာ်ထဲးတမိၢ်တမှါကဲၤထဲၢ်တၤ ဖၱထာ်ကဲၤနဲၢ်နဳၤ.
တဲၤလ့ၤဒဳအ့းမၤအူဒဳ
(မၢ် ၁၆:၁၂-၁၃)
13ဘ့အနဳၤတနံၤလီၤ ယ့ၣ်ရှူးအပျဲၢ်အဘီၣ်ကၠံၢ်ပွဲၤလ့ၤကဲၤ ဒဳအ့းမၤအူအဒဳ အအီၣ်ယၱၤကၱာ် ယရူၤၡလ့ၣ်အဒဳသါသိတမံးလာ်နဳၤ. 14ကၱာ်ဒီ ဒဳကျဲးလီၤနဳၤစဲာ်တစီာ် တီၤတီၢ်ထၱးကၱာ်ဒီဆးအံာ်ကဲၤ လၢ်ဝၤတဲၤအဝၱၤအကဲအဖၱထာ်ကဲၤတစီာ်နဳၤ. 15ဘ့စတီၤတီၢ်ထၱး လှဲးလၢ်ဝၤအခဲနဳၤ, ယ့ၣ်ရှူးလ့ၤဘိးထၱး စဲာ်တစီာ်ကၱာ်ဟဲး ကိာ်ကဲၤလၢ်ဝၤ အကါ. 16မၱာ်အမဲၤဘံာ်စဲာ်လအကၢ်ဓူအခဳးအစဲ, စတသၱာ်ဟဲ ကဲၤလၢ်ဝၤနီး. 17ယ့ၣ်ရှူးဒဲကဲၤစဲာ်တစီာ်, “သံဟဲးကိာ်ကျဲးတဲၤ အဳးသဳးအဳးသး အပူၤကၱာ်သံဒီၣ် လှဲးကဲၤလၢ်ဝၤတၤအဝၱၤအကဲနဲၤ” စဒီၣ် လၢ်ဝၤဓဳၤ.
စဲာ်တစီာ်ဆီထဳးအီးကဲၤဒဳတဲၤကၢ်ဓူလၤသယိးအပူၤနဳၤ. 18စဲာ်ကၠံၢ်ပွဲၤအကျဲအမံၤမၱာ် စီၤကျ့အီးပၤတပွဲၤဒီၣ် က့ၤ ကဲၤစဲာ်, “မူၤနံၤမူၤသဲအယဳၤ အဓၢ်ပူၤ, တဲၤအဖၱထာ်ကါကလီကဲၤဒဳ ယရူၤၡလ့ၣ် အူးအပူၤစာ်တဲၢ်နဳၤ, နဲၤမၱာ်တၱတမဲဒဳၣ်နတသၱာ်ဟဲ ကိာ်ပၠၤကါ နီးခီဧါ.”
19ယ့ၣ်ရှူးဒီၣ်က့ၤစဲာ်, “မၱာ်ကဲၤတၤတစီာ် နဲၢ်.”
စဲာ်တစီာ်ဒီၣ် က့ၤကဲၤယ့ၣ်ရှူး, “မၱာ်တပွဲးတဲၤအဘဲာ်ကၠးယ့ၣ်ရှူးပၠၤနစၤရ့းဖဳးတပွဲၤနဳၤ. စဲာ်နဳၤစမၱာ်ဝံ အအီၣ်ကၱာ်တဲၤစိတဲၤသလဲဒဳစတဲၤဖၱးတဲၤမဲၤကၱာ် ယၱၢ်ဘဲာ် တတီၤအပူၤဒဳကဘၱာ်စဲာ်ကၱာ်ပၠၤလဳစါစဲးအလှီ မီၢ်တပွဲၤနဳၤ. 20ပၠၤလှူၣ်တဲၤအဓဳၤကၱာ် ဝၤခဳးဝၤ န့ၤအအူ အံာ်တဲၤတစီာ်အံာ်လၤဖျီးမံစဲာ်ဒဳ တဲၤကစံးရး သံစဲာ်, ဝှါဒဳၣ် စထးလၤကျဳၤသံကဲၤလၢ်ဝၤဒဳသဳာ်ပျီၤထူၣ်စူညါ အလီၤ နဳၤ. 21ဝၤဆးၡံအံာ်ဟူၣ်ဇီၤစကမၱာ်ပီၢ်ဒီ အမဲၤလှိထာ်က့ၤအံၣ်စရ့လးဖဳးတပွဲၤနဳၤဧါကဒီၣ်ဓဳၤ, မၱာ်ခဳနူၤယဳၤတဲၤအနဳၤတစီာ်ဖၱထာ်ဝှါကဲၤနဳၤ အီၣ်ထဳသဳ သဲထဳ. 22အယဳၤလီၤတဝှါနီး, ဒဳဝၤကျဲ, အမံၤမှူး တစီာ်တချူကၱာ်တဲၤလှၱထာ်နှၱနီး စလ့ၤကဲၤဒဳလူၢ်ခဳးတစီာ်က့ၤဘးဒီၣ်ၡံး ဆါ သးကနၢ်ဝၤ, 23ထဲၢ်စတစာ်ထၱးပ့ၤလၢ်ဝၤအစဳးနီး, မၱာ် စစာ် ထၱးမီၢ်ခဳးပွဲၤဇဳၤ ဒီဆးစဲာ်တစီာ်ထဲၢ်စအီၣ်သမိဝ့ၤနဳၤ. 24ကၱာ်ဒီ ဒဳ ဝၤကျဲတစီာ်စီာ်လ့ၤကဲၤဒဳလူၢ်ခဳးနဳၤ ကၱာ်စာ်ထၱးဘဲာ် ကဲၤအစာ်ဘိအမံၤမှူး တစီာ်ဒီဆးအဓ့နဳၤ, မၱာ်စန့ၤဘၱစဲာ် နဳၤစတစာ်ထၱးကဲၤနီး.”
25ဘ့နဳၤယ့ၣ်ရှူးဒီၣ်က့ၤစဲာ်တစီာ်, “သံတဲၤ ပျၱၢ်တဲၤပျၤတအီၣ်နီးဟဳ. သံကဘူၣ်ဝံအတဲၤဒီၣ်တီၤ လီၤတစီာ်အနံၤခံနဳၤ, အထဳးအပၤ ဇၱၢ်သံနံၤခံဟဳ. 26ခရၱာ်နဳၤ, စကခးဘဲာ် ဝှါ တဲၤအယဳၤတစီာ်ခၣ် လဲာ် စကလ့ၤနံၢ်ကီတဲၤဓီၤတဲၤသ့းအပူၤတဘဲာ်နီးဧါ.” 27ကၱာ် ဒီစဒီၣ်လှၱထာ်နံၤကဲၤလၢ်ဝၤ တစီာ်စဲာ်စါ ထံအထာ်ပဳၤထာ်ဘါ, စးထာ်လှ့ စီၤမိၤၡ့ ကၱာ်ဝံတစီာ် ဝှ့းတီၤလီၤကဲၤတဲၤအဝၱၤအကဲအဘဲာ်ကၠးစဲာ် တစီာ် နဳၤ.
28ဘ့စဲာ်တစီာ်ဓဳၤဘိးထၱးဒဳထဲၢ်စလ့ၤနဳၤတဒဳးဆီနဳၤ, စမဲၤ ကဲၤအစာ်ဘိစကလ့ၤအလှီမီၢ်နဳၤ, 29မၱာ်စဲာ်တစီာ်ယဳၤလၤကျဳၤ ဆိးစဲာ်, “အီၣ်ကိာ် ဝၤ ကါ, မၤနဲၢ်, လူၤမူၤလၤကဲၤကၱာ်တဲၤသးမီခံးကဲၤ” စဒီၣ်လၢ်ဝၤဓဳၤ. မဲၤကနဳၤစလ့ၤနံၢ်ကိာ်ကဲၤလၢ်ဝၤ အကါ ဒဳဒဳပူၤနဳၤ.
30ဘ့စဆးနါလါပျဳာ်လၢ်ဝၤ လူၤမူၤဟဲး အတဲၤအၣ်အနံၤခံ အခဲနဳၤ, စဖၱးတကဳာ်, စဟိးဝၱၤဝှါ စဘၱးဖးကၱာ်စအံာ်ကဲၤလၢ်ဝၤတစီာ်. 31ဘ့နဳၤ စဲာ်တစီာ်အကၣ်ဓူဘါထာ်ကၱာ်သၱာ်ဟဲကဲၤအမၱာ်စဲာ်, ယ့ၣ်ရှူးနဳၤ. ဘ့နဳၤလီၤယ့ၣ်ရှူးလှဲမဲၢ်ကဲၤဒဳ စဲာ်တစီာ် အလှီမီၢ်နဳၤ. 32ကၱာ်ဒီ စဲာ်တစီာ်ဒီၣ်လှဲးကဲၤ လၢ်ဝၤ, “ဘ့စယၱၢ်ဘဲာ်ထၱးကဲာ်ဒဳ ကျဲးလီၤ ကၱာ်ဒီၣ်လှၱ ထာ်နံၤကဲာ် စဲာ်စါထံအထာ်ပဳၤထာ်ဘါအခဲနဳၤ, မဲၤအန့ၤအစာ်ဘိမှၱးကဲၢ်ဟီးအၣ်ဒဳကပူၤတဘဲာ်နီးဧါ” စဒီဆးလှဲာ်ကဲၤလၢ်ဝၤဓဳၤ.
33မဲၤဝှါဒဳၣ်စဝဲၢ်ထဳးကၱာ်က့ၤဘးကဲၤဒဳ ယရူၤၡလ့ၣ်အူးပူၤနဳၤ, ကၱာ်ဒီစစာ်ထၱးကဲၤအပျဲၢ် အဘီၣ်ၡံးတပွဲၤကၱာ် စခီအအီၣ်ကိာ်စကါတစီာ် နဳၤ. 34စဒီဆးကဲၤလၢ်ဝၤ, “ဘၱာ်စဲာ်ထာ်ပဳၤက့ၤမှးမှး ထဳ. စပီးထာ် ထၱးကဲၤစီၤၡံမိၣ်.”
35အနဳၤကၠံၢ်ပွဲၤမၱာ်မၱာ် ဒီဆးကဲၤစဲာ်တစီာ် တဲၤအဝၱၤအကဲအဖၱထာ်ကဲၤ ဒဳကျဲးလီၤတစီာ် ကၱာ်စသၱာ်ဟဲ ကဲၤလၢ်ဝၤဘ့စဘးဖးတကဳာ် အခၠၱးနဳၤ.
ယ့ၣ်ရှူးဒဲလၱၢ်ထာ်အန့ၤစပျဲၢ်စဘီၣ်တစီာ်
(မး ၂၈:၁၆-၂၀, မၢ် ၁၆:၁၄-၁၈, ယိၤ ၂၀:၁၉-၂၃, သဓဳဖဳး ၁:၆-၈)
36ဘ့အပျဲၢ်အဘီၣ်တစီာ်တိၤအံာ်ဖါသး တဲၤအယဳၤတစီာ် အခဲနဳၤ, ယ့ၣ်ရှူးဆီထဳးအီၣ်ဒဳ စဲာ်တစီာ်အသကျါမဲဗူကၱာ်ဒီၣ်စဲာ်တစီာ်, “တဲၤစဳးတဲၤမီၤကဘဲာ်ဒီဧဲၤသံ.”
37ပရၤဆါစဲာ်တစီာ်ၡံးဆါသးကနၢ်ကဲၤ, မၤနဲၢ်စကမဳၤမၱာ်စစာ်ထၱးကဲၤတဲၤနှဲးတဲၤဖူ. 38ယ့ၣ်ရှူးဒီၣ်က့ၤစဲာ်တစီာ်, “သံထဲးနယီၤနကၤကၱာ် ထဲးနံၤဝံနံၤဝၤ မၤဒဳသံသးပူၤနဳၤနဲၢ်. 39စာ်ပီၢ် ယစူးခီးကၱာ်ယခၣ်ခီး, ထဲၢ်အမၱာ်နှဲးနှဲးယဲၤလီၤနဳၤ. ပဳၢ်စာ်ပၢ်စာ်ပီၢ်ယဲၤ, မၤ နဲၢ်ဒဳၣ်, တဲၤနှဲးနဳၤအဖ့းအဟၱး ကၱာ်အခွံးအခွးတအီၣ်တပွဲးအစာ်ဘိ သံ စာ်ထၱးယဖ့းယဟၱးအယဳၤအခီနဳၤနီး.”
40စဒီၣ်ဝှါကယဳၤဒဳၣ် စဒဲလၱၢ်လၢ်ဝၤစစူးခီး ကၱာ် စခၣ်ခီးလီၤ. 41ပရၤဆါစဲာ်တစီာ်တဘူၣ် နှၱနီးကၱာ်ထဲးတမိၢ်တမှါဒဳတဲၤသးကနၢ်အံာ်အပူၤဒဳၣ်, စဒီၣ်, “သံတဲၤအမီၤအၣ်အီၣ်တမံၤမံၤဧါ” စဒဲလၢ်ဝၤ တစီာ်ဓဳၤ. 42စဲာ်တစီာ် အံာ် လၢ်ဝၤဓၢ်ဖဳးသခဲး တကျဲး. 43စဖၱးဝှါ, စအၣ်တပွဲးဒဳလၢ်ဝၤတစီာ် အလှီမီၢ်.
44မဲၤဝှါ စဒီၣ်ကဲၤလၢ်ဝၤတစီာ်, “အယဳၤ မၱာ်တဲၤယၱၢ်ဘဲာ် ထဲၢ်ယဒီဆးသံဘ့ယအီၣ်ကိာ်ဝ့ၤသံ ကါအဆဳအခဲနဳၤ, စာ်ဘိထဲၢ်တဲၤ ဝှ့း လၤယဝၱၤယကဲ အအီၣ်ဒဳစီၤမိၤၡ့အတဲၤမှဲးလၤ, ဝံတစီာ်အတဲၤဒီၣ် တီၤ လီၤကၱာ်စဲာ်ထါထာ်အံာ်အပူၤ တစီာ်ကပ့ထာ် ဇီၤထာ်ပီၢ်နဳၤ” စဒီၣ်လၢ်ဝၤ ဓဳၤ.
45မဲၤဝှါစဘးလှၱထာ်လၢ်ဝၤအတဲၤကမဳၤ, စာ်ဘိထဲၢ်စကသၱာ် ဟဲပီၢ်စဲာ်စါထံနဳၤ. 46မဲၤဝှါစဒီၣ်လၢ်ဝၤတစီာ်, “တဲၤဝှ့းလၤကဲၤ ကယဳၤ, ခရၱာ်ကခးဘဲာ်တဲၤဆဲးညဲပီၤတီၤ ကၱာ်သဳနံၤတနံၤနဳၤ စကထာ်ပဳၤ က့ၤတဲၤသံအကျဲ, 47ကၱာ်တဲၤပၤ ယၤလၤက့ၤအန့ၤ, ကၱာ်တဲၤခီၣ် ဝဲၤအတဲၤဘးလှိ အဝၱၤအကဲနဳၤကဘဲာ်ဒီထိးအံာ်ဘဲာ်ဒဳစမံၤအပူၤ, ဒဳ ထံ က့ၤလဳစါစဲးအီၣ်နဳၤ, ကဳၤထာ်ဒဳယရူၤၡလ့ၣ်အူး ပူၤနဳၤ. 48သံသဲ န့ၤကမၱာ်ဘဲာ်တဲၤအယဳၤတစီာ်အသဲသၱးလီၤ. 49ယကသဲလ့ၤလၤ ယပာ်အတဲၤအဳလါဖျးလၤဒဳသံခဳးနဳၤ. အခဳးအစဲဒဳၣ်, အီၣ်ဆိ ဧိၢ်မိၢ်ကိာ် ထိသံနံၤဘဲာ်လဳထဳတဲၤအဖျူ အသရ့ာ်ဒဳမီၢ်ခဳးနဳၤ” စဒီၣ်ကဲၤလၢ်ဝၤတစီာ်ဓဳၤ.
ယ့ၣ်ရှူးအတဲၤက့ၤထာ်မီၢ်ခဳး
(မၢ် ၁၆:၁၉-၂၀, သဓဳဖဳး ၁:၉-၁၁)
50အလ့ၤကါ စလ့ၤဘးအံာ်ကဲၤလၢ်ဝၤ တစီာ် ဒဳဘ့ၤသနံ အူးအခၣ်ထၱးနဳၤ, မဲၤဝှါစတဒါထာ် စစူးခီးကၱာ် စဟိးဝၱၤဟိးမီၤလၢ်ဝၤတစီာ်. 51ဘ့စဟိးဝၱၤဖါသးလၢ်ဝၤတစီာ်နဳၤ, စဟဲးပၢ်ကဲၤလၢ်ဝၤ တစီာ်ကၱာ်စဘဲာ်ထာ်အံာ်ကဲၤဒဳမီၢ်ခဳးနဳၤ. 52စဲာ် တစီာ်ကီၢ်လၤသဘဲ ထာ်စဲာ် ဝှါဒဳၣ် စက့ၤဘးလဳၢ်ကဲၤဒဳ ယရူၤၡလ့ၣ်အူးပူၤအီၣ်ပ့ထာ်ကၱာ်တဲၤ သးလဳၢ်သးလၤ အံာ်, 53ကၱာ်ထါထာ်အံာ်သဲာ်ယိကဲၤကဘၱာ်စဲာ် အလှူၣ်အတါ ဒဳတဲၤလှူၣ်ၡံၣ်အပူၤနဳၤ.
ទើបបានជ្រើសរើសហើយ៖
လူၤကၣ် 24: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 24
24
ယ့ၣ်ရှူးခရၱာ်အတဲၤထာ်ပဳၤက့ၤ
(မး ၂၈:၁-၁၀, မၢ် ၁၆:၁-၈, ယိၤ ၂၀:၁-၁၀)
1ဘ့တဆီးဒဲအအူဆူးတနံၤတဲၤလှၱထာ်နဳၤ, အမံၤမှူးတစီာ် လ့ၤအံာ်ကဲၤဆံးနှူဝံာ်ထဲၢ်စပြးတီၤလီၤဝှါ ကဲၤ တစီာ်ဒဳလူၢ်ခဳးနဳၤ. 2ဘ့နဳၤစဲာ်တစီာ်ပးထၱး ကဲၤလဳၤအကျဲၢ်ဘံာ်လူၢ်ပူၤတဒဳ တဲၤဘးတကျဳဖျီးမံ ကဲၤ, 3မၱာ်ဘ့စဲာ်တစီာ်လ့ၤနံၢ်လဳၤပူၤနဳၤ စတပး ထၱးကဲၤယ့ၣ်ရှူး အစဳးနီး. 4စဲာ်တစီာ်ထဲးတမိၢ် တမှါကဲၤ, ကၱာ်ဘ့နဳၤပၠၤအကိ အသီးလှၱဆ့းကတြီၤ ကၠံၢ်ပွဲၤပီးထာ်ကဲၤစဲာ်တစီာ်အကါထၱး. 5အမံၤ မှူးတစီာ်သးကနၢ်ဆိးကၱာ်စကီၢ်လၤကဲၤလၢ်ခဳး. ပၠၤအနဳၤကၠံၢ်ပွဲၤဒီၣ် ကဲၤ စဲာ်တစီာ်, “သံဝၢ်စါလှဲးမၤပၠၤအသမိတပွဲၤဒဳပၠၤအသံတစီာ်အကျဲနဲၢ်. 6စတအီၣ် ပ့ၤဘ့ယဳၤနီး. စထာ်ပဳၤက့ၤထဳ. ကမဳၤထာ်နံၤ က့ၤပီၢ် စတဲၤယၱၢ်ဘဲာ်ထဲၢ်စဒီၣ်ကဲၤသံ လှ့စအီၣ်ဝ့ၤကၤ လံၤလဲက့ၤပူၤနဳၤ. 7စဒီၣ်ကဲၤ, ပၠၤအဖဳးယဳၤ ကခး ဘဲာ်ကီပၠၤအကၱကဲာ်တစီာ်အစူးခီး ပူၤ ကၱာ်ကဘဲာ် ထးလၤကျဳၤသံကီ. သဳနံၤတနံၤစကထာ်ပဳၤက့ၤကီနဳၤ.”
8အမံၤမှူးတစီာ်ကမဳၤထာ်နံၤက့ၤကဲၤ စတဲၤဒီၣ်လှ့နဳၤတစီာ် နဳၤဒဳၣ်, 9စဟဲးထာ်ဝှါ လူၢ်ခဳး, စက့ၤဒီဆးကဲၤအပျဲၢ်အဘီၣ်ၡံး ကၠံၢ်ပွဲၤ ကၱာ် ပၠၤအလဝ့ၤတစီာ်တဲၤလဳစါစဲးနဳၤ. 10အဒီဆး အပျဲၢ် အဘီၣ်တဲၤဝၱၤတဲၤကဲယဳၤမၱာ်ကဲၤမၤကဒၤလ့ၣ် မဳၤ, နီၢ်မၤရၱ, နီၢ်ယိၤ အၣ် နၣ်, နီၢ်မၤရၱ ထဲၢ်စီၤယၤကိာ် အမဳၤ ကၱာ်အမံၤမှူးအလဝ့ၤအအီၣ် ကိာ် စကါတစီာ် နဳၤ. 11ပရၤဆါအမံၤခဳတစီာ်အနံၤခံမၱာ်အထာ် ပဳၤ ထာ်ဘါတအီၣ်ဘဲာ်စဲာ်တစီာ်နီးဒဳၣ်စတဘူၣ်တပွဲး အမံၤမှူးတစီာ်နဳၤနီး. 12ပရၤဆါစီၤပ့းတရူး ဝဲၢ်ထဳးစွဲးလ့ၤကဲၤဒဳလူၢ်ခဳးကၱာ်စာ်လၤကဲၤဒဳ လဳၤပူၤ ဒဳၣ်စစာ်ထၱးကဲၤတကၱယၢ်အလၤတ့ၢ်ပၢ်လၢ်ခဳး မၱာ်အလဝ့ၤတအီၣ်ကဲၤတမံနီး. မဲၤဝှါဒဳၣ်စက့ၤကဲၤရှံၣ် ကၱာ်ထဲးတမိၢ်တမှါကဲၤထဲၢ်တၤ ဖၱထာ်ကဲၤနဲၢ်နဳၤ.
တဲၤလ့ၤဒဳအ့းမၤအူဒဳ
(မၢ် ၁၆:၁၂-၁၃)
13ဘ့အနဳၤတနံၤလီၤ ယ့ၣ်ရှူးအပျဲၢ်အဘီၣ်ကၠံၢ်ပွဲၤလ့ၤကဲၤ ဒဳအ့းမၤအူအဒဳ အအီၣ်ယၱၤကၱာ် ယရူၤၡလ့ၣ်အဒဳသါသိတမံးလာ်နဳၤ. 14ကၱာ်ဒီ ဒဳကျဲးလီၤနဳၤစဲာ်တစီာ် တီၤတီၢ်ထၱးကၱာ်ဒီဆးအံာ်ကဲၤ လၢ်ဝၤတဲၤအဝၱၤအကဲအဖၱထာ်ကဲၤတစီာ်နဳၤ. 15ဘ့စတီၤတီၢ်ထၱး လှဲးလၢ်ဝၤအခဲနဳၤ, ယ့ၣ်ရှူးလ့ၤဘိးထၱး စဲာ်တစီာ်ကၱာ်ဟဲး ကိာ်ကဲၤလၢ်ဝၤ အကါ. 16မၱာ်အမဲၤဘံာ်စဲာ်လအကၢ်ဓူအခဳးအစဲ, စတသၱာ်ဟဲ ကဲၤလၢ်ဝၤနီး. 17ယ့ၣ်ရှူးဒဲကဲၤစဲာ်တစီာ်, “သံဟဲးကိာ်ကျဲးတဲၤ အဳးသဳးအဳးသး အပူၤကၱာ်သံဒီၣ် လှဲးကဲၤလၢ်ဝၤတၤအဝၱၤအကဲနဲၤ” စဒီၣ် လၢ်ဝၤဓဳၤ.
စဲာ်တစီာ်ဆီထဳးအီးကဲၤဒဳတဲၤကၢ်ဓူလၤသယိးအပူၤနဳၤ. 18စဲာ်ကၠံၢ်ပွဲၤအကျဲအမံၤမၱာ် စီၤကျ့အီးပၤတပွဲၤဒီၣ် က့ၤ ကဲၤစဲာ်, “မူၤနံၤမူၤသဲအယဳၤ အဓၢ်ပူၤ, တဲၤအဖၱထာ်ကါကလီကဲၤဒဳ ယရူၤၡလ့ၣ် အူးအပူၤစာ်တဲၢ်နဳၤ, နဲၤမၱာ်တၱတမဲဒဳၣ်နတသၱာ်ဟဲ ကိာ်ပၠၤကါ နီးခီဧါ.”
19ယ့ၣ်ရှူးဒီၣ်က့ၤစဲာ်, “မၱာ်ကဲၤတၤတစီာ် နဲၢ်.”
စဲာ်တစီာ်ဒီၣ် က့ၤကဲၤယ့ၣ်ရှူး, “မၱာ်တပွဲးတဲၤအဘဲာ်ကၠးယ့ၣ်ရှူးပၠၤနစၤရ့းဖဳးတပွဲၤနဳၤ. စဲာ်နဳၤစမၱာ်ဝံ အအီၣ်ကၱာ်တဲၤစိတဲၤသလဲဒဳစတဲၤဖၱးတဲၤမဲၤကၱာ် ယၱၢ်ဘဲာ် တတီၤအပူၤဒဳကဘၱာ်စဲာ်ကၱာ်ပၠၤလဳစါစဲးအလှီ မီၢ်တပွဲၤနဳၤ. 20ပၠၤလှူၣ်တဲၤအဓဳၤကၱာ် ဝၤခဳးဝၤ န့ၤအအူ အံာ်တဲၤတစီာ်အံာ်လၤဖျီးမံစဲာ်ဒဳ တဲၤကစံးရး သံစဲာ်, ဝှါဒဳၣ် စထးလၤကျဳၤသံကဲၤလၢ်ဝၤဒဳသဳာ်ပျီၤထူၣ်စူညါ အလီၤ နဳၤ. 21ဝၤဆးၡံအံာ်ဟူၣ်ဇီၤစကမၱာ်ပီၢ်ဒီ အမဲၤလှိထာ်က့ၤအံၣ်စရ့လးဖဳးတပွဲၤနဳၤဧါကဒီၣ်ဓဳၤ, မၱာ်ခဳနူၤယဳၤတဲၤအနဳၤတစီာ်ဖၱထာ်ဝှါကဲၤနဳၤ အီၣ်ထဳသဳ သဲထဳ. 22အယဳၤလီၤတဝှါနီး, ဒဳဝၤကျဲ, အမံၤမှူး တစီာ်တချူကၱာ်တဲၤလှၱထာ်နှၱနီး စလ့ၤကဲၤဒဳလူၢ်ခဳးတစီာ်က့ၤဘးဒီၣ်ၡံး ဆါ သးကနၢ်ဝၤ, 23ထဲၢ်စတစာ်ထၱးပ့ၤလၢ်ဝၤအစဳးနီး, မၱာ် စစာ် ထၱးမီၢ်ခဳးပွဲၤဇဳၤ ဒီဆးစဲာ်တစီာ်ထဲၢ်စအီၣ်သမိဝ့ၤနဳၤ. 24ကၱာ်ဒီ ဒဳ ဝၤကျဲတစီာ်စီာ်လ့ၤကဲၤဒဳလူၢ်ခဳးနဳၤ ကၱာ်စာ်ထၱးဘဲာ် ကဲၤအစာ်ဘိအမံၤမှူး တစီာ်ဒီဆးအဓ့နဳၤ, မၱာ်စန့ၤဘၱစဲာ် နဳၤစတစာ်ထၱးကဲၤနီး.”
25ဘ့နဳၤယ့ၣ်ရှူးဒီၣ်က့ၤစဲာ်တစီာ်, “သံတဲၤ ပျၱၢ်တဲၤပျၤတအီၣ်နီးဟဳ. သံကဘူၣ်ဝံအတဲၤဒီၣ်တီၤ လီၤတစီာ်အနံၤခံနဳၤ, အထဳးအပၤ ဇၱၢ်သံနံၤခံဟဳ. 26ခရၱာ်နဳၤ, စကခးဘဲာ် ဝှါ တဲၤအယဳၤတစီာ်ခၣ် လဲာ် စကလ့ၤနံၢ်ကီတဲၤဓီၤတဲၤသ့းအပူၤတဘဲာ်နီးဧါ.” 27ကၱာ် ဒီစဒီၣ်လှၱထာ်နံၤကဲၤလၢ်ဝၤ တစီာ်စဲာ်စါ ထံအထာ်ပဳၤထာ်ဘါ, စးထာ်လှ့ စီၤမိၤၡ့ ကၱာ်ဝံတစီာ် ဝှ့းတီၤလီၤကဲၤတဲၤအဝၱၤအကဲအဘဲာ်ကၠးစဲာ် တစီာ် နဳၤ.
28ဘ့စဲာ်တစီာ်ဓဳၤဘိးထၱးဒဳထဲၢ်စလ့ၤနဳၤတဒဳးဆီနဳၤ, စမဲၤ ကဲၤအစာ်ဘိစကလ့ၤအလှီမီၢ်နဳၤ, 29မၱာ်စဲာ်တစီာ်ယဳၤလၤကျဳၤ ဆိးစဲာ်, “အီၣ်ကိာ် ဝၤ ကါ, မၤနဲၢ်, လူၤမူၤလၤကဲၤကၱာ်တဲၤသးမီခံးကဲၤ” စဒီၣ်လၢ်ဝၤဓဳၤ. မဲၤကနဳၤစလ့ၤနံၢ်ကိာ်ကဲၤလၢ်ဝၤ အကါ ဒဳဒဳပူၤနဳၤ.
30ဘ့စဆးနါလါပျဳာ်လၢ်ဝၤ လူၤမူၤဟဲး အတဲၤအၣ်အနံၤခံ အခဲနဳၤ, စဖၱးတကဳာ်, စဟိးဝၱၤဝှါ စဘၱးဖးကၱာ်စအံာ်ကဲၤလၢ်ဝၤတစီာ်. 31ဘ့နဳၤ စဲာ်တစီာ်အကၣ်ဓူဘါထာ်ကၱာ်သၱာ်ဟဲကဲၤအမၱာ်စဲာ်, ယ့ၣ်ရှူးနဳၤ. ဘ့နဳၤလီၤယ့ၣ်ရှူးလှဲမဲၢ်ကဲၤဒဳ စဲာ်တစီာ် အလှီမီၢ်နဳၤ. 32ကၱာ်ဒီ စဲာ်တစီာ်ဒီၣ်လှဲးကဲၤ လၢ်ဝၤ, “ဘ့စယၱၢ်ဘဲာ်ထၱးကဲာ်ဒဳ ကျဲးလီၤ ကၱာ်ဒီၣ်လှၱ ထာ်နံၤကဲာ် စဲာ်စါထံအထာ်ပဳၤထာ်ဘါအခဲနဳၤ, မဲၤအန့ၤအစာ်ဘိမှၱးကဲၢ်ဟီးအၣ်ဒဳကပူၤတဘဲာ်နီးဧါ” စဒီဆးလှဲာ်ကဲၤလၢ်ဝၤဓဳၤ.
33မဲၤဝှါဒဳၣ်စဝဲၢ်ထဳးကၱာ်က့ၤဘးကဲၤဒဳ ယရူၤၡလ့ၣ်အူးပူၤနဳၤ, ကၱာ်ဒီစစာ်ထၱးကဲၤအပျဲၢ် အဘီၣ်ၡံးတပွဲၤကၱာ် စခီအအီၣ်ကိာ်စကါတစီာ် နဳၤ. 34စဒီဆးကဲၤလၢ်ဝၤ, “ဘၱာ်စဲာ်ထာ်ပဳၤက့ၤမှးမှး ထဳ. စပီးထာ် ထၱးကဲၤစီၤၡံမိၣ်.”
35အနဳၤကၠံၢ်ပွဲၤမၱာ်မၱာ် ဒီဆးကဲၤစဲာ်တစီာ် တဲၤအဝၱၤအကဲအဖၱထာ်ကဲၤ ဒဳကျဲးလီၤတစီာ် ကၱာ်စသၱာ်ဟဲ ကဲၤလၢ်ဝၤဘ့စဘးဖးတကဳာ် အခၠၱးနဳၤ.
ယ့ၣ်ရှူးဒဲလၱၢ်ထာ်အန့ၤစပျဲၢ်စဘီၣ်တစီာ်
(မး ၂၈:၁၆-၂၀, မၢ် ၁၆:၁၄-၁၈, ယိၤ ၂၀:၁၉-၂၃, သဓဳဖဳး ၁:၆-၈)
36ဘ့အပျဲၢ်အဘီၣ်တစီာ်တိၤအံာ်ဖါသး တဲၤအယဳၤတစီာ် အခဲနဳၤ, ယ့ၣ်ရှူးဆီထဳးအီၣ်ဒဳ စဲာ်တစီာ်အသကျါမဲဗူကၱာ်ဒီၣ်စဲာ်တစီာ်, “တဲၤစဳးတဲၤမီၤကဘဲာ်ဒီဧဲၤသံ.”
37ပရၤဆါစဲာ်တစီာ်ၡံးဆါသးကနၢ်ကဲၤ, မၤနဲၢ်စကမဳၤမၱာ်စစာ်ထၱးကဲၤတဲၤနှဲးတဲၤဖူ. 38ယ့ၣ်ရှူးဒီၣ်က့ၤစဲာ်တစီာ်, “သံထဲးနယီၤနကၤကၱာ် ထဲးနံၤဝံနံၤဝၤ မၤဒဳသံသးပူၤနဳၤနဲၢ်. 39စာ်ပီၢ် ယစူးခီးကၱာ်ယခၣ်ခီး, ထဲၢ်အမၱာ်နှဲးနှဲးယဲၤလီၤနဳၤ. ပဳၢ်စာ်ပၢ်စာ်ပီၢ်ယဲၤ, မၤ နဲၢ်ဒဳၣ်, တဲၤနှဲးနဳၤအဖ့းအဟၱး ကၱာ်အခွံးအခွးတအီၣ်တပွဲးအစာ်ဘိ သံ စာ်ထၱးယဖ့းယဟၱးအယဳၤအခီနဳၤနီး.”
40စဒီၣ်ဝှါကယဳၤဒဳၣ် စဒဲလၱၢ်လၢ်ဝၤစစူးခီး ကၱာ် စခၣ်ခီးလီၤ. 41ပရၤဆါစဲာ်တစီာ်တဘူၣ် နှၱနီးကၱာ်ထဲးတမိၢ်တမှါဒဳတဲၤသးကနၢ်အံာ်အပူၤဒဳၣ်, စဒီၣ်, “သံတဲၤအမီၤအၣ်အီၣ်တမံၤမံၤဧါ” စဒဲလၢ်ဝၤ တစီာ်ဓဳၤ. 42စဲာ်တစီာ် အံာ် လၢ်ဝၤဓၢ်ဖဳးသခဲး တကျဲး. 43စဖၱးဝှါ, စအၣ်တပွဲးဒဳလၢ်ဝၤတစီာ် အလှီမီၢ်.
44မဲၤဝှါ စဒီၣ်ကဲၤလၢ်ဝၤတစီာ်, “အယဳၤ မၱာ်တဲၤယၱၢ်ဘဲာ် ထဲၢ်ယဒီဆးသံဘ့ယအီၣ်ကိာ်ဝ့ၤသံ ကါအဆဳအခဲနဳၤ, စာ်ဘိထဲၢ်တဲၤ ဝှ့း လၤယဝၱၤယကဲ အအီၣ်ဒဳစီၤမိၤၡ့အတဲၤမှဲးလၤ, ဝံတစီာ်အတဲၤဒီၣ် တီၤ လီၤကၱာ်စဲာ်ထါထာ်အံာ်အပူၤ တစီာ်ကပ့ထာ် ဇီၤထာ်ပီၢ်နဳၤ” စဒီၣ်လၢ်ဝၤ ဓဳၤ.
45မဲၤဝှါစဘးလှၱထာ်လၢ်ဝၤအတဲၤကမဳၤ, စာ်ဘိထဲၢ်စကသၱာ် ဟဲပီၢ်စဲာ်စါထံနဳၤ. 46မဲၤဝှါစဒီၣ်လၢ်ဝၤတစီာ်, “တဲၤဝှ့းလၤကဲၤ ကယဳၤ, ခရၱာ်ကခးဘဲာ်တဲၤဆဲးညဲပီၤတီၤ ကၱာ်သဳနံၤတနံၤနဳၤ စကထာ်ပဳၤ က့ၤတဲၤသံအကျဲ, 47ကၱာ်တဲၤပၤ ယၤလၤက့ၤအန့ၤ, ကၱာ်တဲၤခီၣ် ဝဲၤအတဲၤဘးလှိ အဝၱၤအကဲနဳၤကဘဲာ်ဒီထိးအံာ်ဘဲာ်ဒဳစမံၤအပူၤ, ဒဳ ထံ က့ၤလဳစါစဲးအီၣ်နဳၤ, ကဳၤထာ်ဒဳယရူၤၡလ့ၣ်အူး ပူၤနဳၤ. 48သံသဲ န့ၤကမၱာ်ဘဲာ်တဲၤအယဳၤတစီာ်အသဲသၱးလီၤ. 49ယကသဲလ့ၤလၤ ယပာ်အတဲၤအဳလါဖျးလၤဒဳသံခဳးနဳၤ. အခဳးအစဲဒဳၣ်, အီၣ်ဆိ ဧိၢ်မိၢ်ကိာ် ထိသံနံၤဘဲာ်လဳထဳတဲၤအဖျူ အသရ့ာ်ဒဳမီၢ်ခဳးနဳၤ” စဒီၣ်ကဲၤလၢ်ဝၤတစီာ်ဓဳၤ.
ယ့ၣ်ရှူးအတဲၤက့ၤထာ်မီၢ်ခဳး
(မၢ် ၁၆:၁၉-၂၀, သဓဳဖဳး ၁:၉-၁၁)
50အလ့ၤကါ စလ့ၤဘးအံာ်ကဲၤလၢ်ဝၤ တစီာ် ဒဳဘ့ၤသနံ အူးအခၣ်ထၱးနဳၤ, မဲၤဝှါစတဒါထာ် စစူးခီးကၱာ် စဟိးဝၱၤဟိးမီၤလၢ်ဝၤတစီာ်. 51ဘ့စဟိးဝၱၤဖါသးလၢ်ဝၤတစီာ်နဳၤ, စဟဲးပၢ်ကဲၤလၢ်ဝၤ တစီာ်ကၱာ်စဘဲာ်ထာ်အံာ်ကဲၤဒဳမီၢ်ခဳးနဳၤ. 52စဲာ် တစီာ်ကီၢ်လၤသဘဲ ထာ်စဲာ် ဝှါဒဳၣ် စက့ၤဘးလဳၢ်ကဲၤဒဳ ယရူၤၡလ့ၣ်အူးပူၤအီၣ်ပ့ထာ်ကၱာ်တဲၤ သးလဳၢ်သးလၤ အံာ်, 53ကၱာ်ထါထာ်အံာ်သဲာ်ယိကဲၤကဘၱာ်စဲာ် အလှူၣ်အတါ ဒဳတဲၤလှူၣ်ၡံၣ်အပူၤနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.