လူၤကၣ် 21
21
အမှူးကမဲၤအတဲၤလှူၣ်
(မၢ် ၁၂:၄၁-၄၄)
1ယ့ၣ်ရှူးစာ်ထာ်ဒဳၣ် စကဲာ်ထၱးပၠၤအနံၤအီ ယီၤအၣ် တစီာ် လ့ၤလှီးနံၢ်အတဲၤလှူၣ် ဒဳတဲၤလှူၣ်ၡံၣ် အတဲၤလှူၣ်အကဳပူၤနဳၤ, 2ကၱာ်စာ်ထၱးကိာ် အမှူးကမဲၤအဆဲးညဲတပွဲၤလ့ၤဘဲနံၢ်ကြ့းလၱၤကၠံၢ်ဘ့ာ် လီၤ. 3ယ့ၣ်ရှူးဒီၣ်, “ယဒီဆးသံအတၱၢ်အမှး, အမှူးကမဲၤတပွဲၤ ယဳၤဘဲနံၢ်အတဲၤလှူၣ်အီၣ်အဲးဒဳၣ်လံ ကၱာ်ပၠၤအလဝ့ၤတစီာ်နဳၤ. 4မၤနဲၢ်ဒဳၣ်, စဲာ်တစီာ် အံာ်လၤအတဲၤလှူၣ် ဒဳစအဲပံဒဳပံဆးအခဳးလၤကါဆဲး တစီာ် အကျဲလီၤ. မၱမၱာ် စဲာ်ယဳၤ, စဆဲးညဲနီၣ်သီနှီနူၤ, တဲၤထဲၢ်အအီၣ်နံၤ စဲာ်လဳစါစဲးစအံာ်လၤထဳ.”
တဲၤလှူၣ်ၡံၣ်အတဲၤလၤဖြး
(မး ၂၄:၁,၂, မၢ် ၁၃:၁,၂)
5အပျဲၢ်အဘီၣ်တစီာ်တီၤတီၢ်အံာ် လဳၤ ထဲၢ်ပၠၤပြးအံာ် တဲၤ လှူၣ်ၡံၣ်ကၱာ်တဲၤအဘဲာ် လှူၣ်ထာ် အံာ်ဘၱာ်စဲာ်တစီာ်ဝၱၤဇၱၢ်မီၤ ဇၱၢ်အဝၱၤအကဲလီၤ. 6ယ့ၣ်ရှူးဒီၣ်စဲာ်တစီာ်, “တဲၤထဲၢ်သံစာ်ထၱးတစီာ် ယဳၤ လဳစါစဲးကလၤမူၤလၤဖြးလဳၢ်ကီကၱာ် လဳၤတမဲတအီၣ် တၤဘဲာ် ပ့ၤအလ့ၤ လ့ၤနီး, ဘ့အခၠၱးဘဲာ်နဳၤ” စဒီဆး ကဲၤ လၢ်ဝၤတစီာ်ဓဳၤ.
တဲၤပၤတဲၤဆဲကၱာ်တဲၤလိၤမဲၤဆဲးညဲတစီာ်
(မး ၂၄:၃-၁၄, မၢ် ၁၃:၃-၁၃)
7စဲာ်တစီာ်ဒဲစာ်ယ့ၣ်ရှူး, “ဆရၣ်, တဲၤကမဲၤဒီအန့ၤကနဳၤ ထိးဓဲၢ်. အကဖၱထာ်ဘဲာ်ထိးဓဲၢ်. ကၱာ်အဟိအကလဲၤကဒဲလၱၢ်ထာ်အန့ၤထဲၢ် တဲၤကဖၱထာ်နဳၤစာ်တဲၢ်,” စဒဲလၢ်ဝၤဓဳၤ.
8ယ့ၣ်ရှူးဒီၣ်စဲာ်တစီာ်, “ဆီးအံာ်ဝဳၤအံာ်ပီၢ် သံန့ၤ, အံာ်မဲးပၠၤ လှီးနံၤပျဲးနံၤသံမဲး. ပၠၤအီၣ်အဲပွဲၤကလ့ၤလှီးနံၤပျဲးနံၤသံ, ကၱာ်ဒီၣ်လၤ အန့ၤစမၱာ်ယဲၤ, ကၱာ် အဆဳအခဲဘဲာ်ထဳ. ပရၤဆါဒဳၣ်, လိၤကိာ်ပီၢ် မဲးစလ့ၤ မဲး. 9သံကသၱာ်ဟဲတဲၤဒဳးတဲၤဖၠးကၱာ်တဲၤကသီ ကရီၤအဒ့အဒီၣ် ဒဳၣ်, ၡံးဆါသးပဳၤပီၢ်မဲး. တဲၤအယဳၤ တစီာ်လဳစါစဲးကဖၱထာ်အူဆူဘဲာ်တပွဲး. နီၣ်သီနှီနူၤ တဘဲာ်တဲၤအကူဓူၤဘိးထၱးနှၱနီး.”
10ဝှါဒဳၣ်, ယ့ၣ်ရှူးဒီၣ်ဝ့ၤ, “ပၠၤတခွံကၱာ် တခွံ, ထံက့ၤတက့ၤ ကၱာ်တက့ၤ, ကဒဳးလှဲးဖၠးလှဲး လၢ်ဝၤ. 11တဲၤအလ့ၤတကွၢ်လဲၢ် လၢ်ခဳး ကပဳၤဆိး, တဲၤသးဝံာ်လၤဒီၣ်, တဲၤရွှံးဆဲအဝ့ၤ ကအီၣ် ထာ်တကွၢ်လဲၢ်ဒဳး. တဲၤၡံးဆါသးပဳၤအဓဳၤအမူၤ ကဒဲ လၱၢ်ထာ်အန့ၤဒဳမီၢ် ခဳးလဲၢ် နဳၤ. 12ပရၤဆါဒဳၣ်, တဲၤအယဳၤတစီာ်တဆဲဖၱထာ်နှၱနီးနဳၤ, ပၠၤကဖီၣ်ကစဳသံ, မဲၤဆဲးညဲသံ, ကၱာ်တဲၤကဆဲလါသံ, ကထိးကဒဲ ကီ သံဒဳ ဘူၣ်ဘျီၣ်ပူၤ, ဝှါဒဳၣ်ကထၱးနံၢ်သံဒဳ တဲၤကၱတၱၢ် ပူၤနဳၤ. ဒဳယမံၤအခဳးအစဲ, သံကဘဲာ် ယဳၤလ့ၤကီဒဳ ဆဳးဖြဳဆးဖြးအီၣ်ကၱာ်အအူအံာ်တဲၤတစီာ်အလှီ မီၢ်နဳၤ. 13ဒဳတဲၤယဳၤအခဳးအစဲ, သံကနံၤဘဲာ်ကီအခွဲး ဒဳသံကဒီ ဆးဘဲာ်တဲၤသးကနၢ်အံာ်အဝၱၤအကဲ. 14ကနဳၤအစဲ, ဘဲာ်ၡဳဘဲာ် မၤကၱာ်ပြးနှဲးဆဲးနှဲး တီၤ လီၤပီၢ်မဲးသံန့ၤဒဳသံကဒီၣ်ၡံဘဲာ်တၤနဲၢ်နဳၤမဲး. 15မၤနဲၢ်ဒဳၣ်, ယကအံာ် လၤသံတဲၤယၱၢ်ဘဲာ်ကၱာ် တဲၤ သၱးဒိးသၱာ် ဟဲ ထဲၢ်သံ ဒ့ဒီၣ်တစီာ်တဒီၣ်ၡံက့ၤကၱာ် ထာ် ခဳးကါကဲာ်ထာ်သံတဗွဲနီး နဳၤ. 16သံမဳၤသံပာ်, သံသဲပူၤသဲဝ့ၤ, သံခွံသံခီ ကၱာ်သံခီကလဳၢ် တစီာ် ကဟိလါကီသံ, ကၱာ်ဒီသံကျဲ, ကဘဲာ်မဲၤသံကီ တစီာ်စီာ်. 17ယခဳးယစဲ, ပၠၤကတဝဲၢ်တဆဲကီ သံနီး. 18နီၣ်သီနှီနူၤ, သံ ခူၣ်လူတဘီတဘဲာ် လှဲမဲၢ်ဘဲာ်နီး. 19အီၣ်ဆီထဳးမှ့းကျဳၤပီၢ်, ကၱာ် သံ ကနံၤဘဲာ်ကီ တဲၤယဳၤက့ၤစာ်က့ၤ.
ယရူၤၡလ့ၣ်အတဲၤလၤဖြး
(မး ၂၄:၁၅-၂၁, မၢ် ၁၃:၁၄-၁၉)
20“သံကစာ်ထၱးကျံဖဳးတစီာ် ဝ့ၤခွဲဘး ယရူၤၡလ့ၣ်အူးဒဳၣ်, သၱာ်ဟဲပီၢ်တအီၣ်ယၱၢ်နီး အကလၤဖြးဘဲာ်ဘိးထၱးကဲၤနဳၤ. 21အနဳၤတပျာ်ပၠၤထဲၢ်အအီၣ် ဒဳယူဒၤက့ၤတစီာ်ဘဲာ်စွဲးထာ်ဖျီမံ ဒဳခီမူၤခီးလီအလီၤနဳၤ. ပၠၤအအီၣ်အူအပူၤတစီာ်ဘဲာ်စွဲး ထာ်ဒဳ အူးအချဳလီၤ. ပၠၤအအီၣ် ဒဳအူးအချဳတစီာ် တဘဲာ်လ့ၤနံၢ်အူးအပူၤနီး. 22မၤနဲၢ်ကဒီၣ်ဓဳၤ ဒဳၣ်, တဲၤအယဳၤတစီာ်မၱာ်တဲၤစံးရး အမူၤနံၤမူၤသဲ ထဲၢ်စဲာ်စါထံဝှ့းလၤကပ့ထာ်ဇီၤထာ်ဘဲာ်အခၠၱးနဳၤ. 23ဘ့အနံၤအသဲတစီာ်နဳၤ, အမံၤမှူးအမူၤ သဲာ်ဒဳ ကၱာ်အဘဳာ်အီအဖဳးနူၤတစီာ်ကခးဘဲာ်ကီတဲၤဆဲး ညဲ ပွ့းတဲၢ် လီၤ. တဲၤပၤဆဲးညဲအဓဳၤအမူၤကလ့ၤထၱးကီ ထံက့ၤတဘဲာ်ယဳၤ, ကၱာ်ကဘၱာ်စဲာ်အတဲၤစံးရးကလၤ ဘဲာ်ကီပၠၤတခွံယဳၤ. 24ပၠၤတစီာ်စီာ် ကဘဲာ်မဲၤ သံအံာ်ကီဒာ်ဆ့, ကၱာ်တစီာ်စီာ်ကဘဲာ်ဖီၣ်ဘဲာ်စဳကၱာ် ယဳၤလ့ၤ အံာ်ဒဳထံက့ၤတစီာ်စီာ်, ကၱာ်ပၠၤခွံဖဳးတစီာ် ကယၢ်လၤကီယရူၤၡလ့ၣ်အူး အခဳးထိဓဳၤဒဳစဆဳစခဲကူဓူၤ နဳၤ.
ပၠၤအဖဳးအတဲၤလ့ၤလၤ
(မး ၂၄:၂၉-၃၁, မၢ် ၁၃:၂၄-၂၇)
25“တဲၤကလဲၤကဒဲလၱၢ်ထာ်ကီဒဳ လူၤမူၤ, လှဲ ကၱာ်ဆဲၣ်တစီာ်အပူၤနဳၤ. ထံက့ၤလဳစါစဲးဒဳလၢ်ခဳး အခဳးအသးကဟဲးဝၱၢ်ဟဲးကဲကီ, ကၱာ်ကၡံးဆါသးပဳၤ ကီ, ထံပဲာ်လဲာ်ကကဲာ်ဧဳၤကၱာ်ထံချဳးဓဳၤထဲးပးပီကီ. 26ပၠၤကသံမူၢ်ကျဲးကီဒဳတဲၤၡံးဆါသးပဳၤအခဳးအစဲ, ဘ့စဲာ်တစီာ် အီၣ်ဆိဧိၢ်အံာ်တဲၤကမဲၤအန့ၤ လၢ်ခဳးသဒဲ ဘဲာ်အခၠၱးနဳၤ. မၤနဲၢ်တဲၤစိတဲၤ သလဲအအီၣ် ဒဳမီၢ်ခဳးလဲၢ် တစီာ်ကဖျီးထာ်ကဲကီအကြီာ်အပ့ၤအပူၤနဳၤ. 27အနဳၤတပျာ်, ပၠၤအဖဳးကလၱၢ်ထာ်ဒဳတဲၢ်တဘဳာ်အလီၤ ဒဳတဲၤစိသလဲကၱာ်တီၤဓဳၤသ့းဓဳၤအပူၤနဳၤ. 28ဘ့ တဲၤအယဳၤတစီာ်စး ထာ်မဲၤ အန့ၤနဳၤ, ဝဲၢ်ဆီထဳး, ယ့ၤ ထာ်ပီၢ်သံကဳာ်, မၤနဲၢ်, တဲၤယဳၤက့ၤစာ်က့ၤဘိး ထၱး ထဳ.”
သဳာ်ဓဳၤထံသဲာ်အကလဲၤ
(မး ၂၄:၃၂-၃၅, မၢ် ၁၃:၂၈-၃၁)
29ဝှါဒဳၣ်ယ့ၣ်ရှူးဒီဆးက့ၤစဲာ်တစီာ် တဲၤကလဲၤကယဳၤ, “စာ် ပီၢ်, သဳာ်ဓဳၤထံမူၤကၱာ်သဳာ် အလဝ့ၤကိအခဳးနဳၤ. 30ဘ့သံစာ်ထၱး အလှဲာ် ဒီၣ်ဇ့ၤထာ်နဳၤ, သံသၱာ်ဟဲတပွဲး ထဲၢ်သးသၱးခဲဘိးထၱး ထဳနဳၤ. 31အစာ်ဘိကနဳၤအခီ, ဘ့သံစာ်ထၱး တဲၤအယဳၤတစီာ်မဲၤအန့ၤနဳၤ, သၱာ် ဟဲပီၢ်ကဘၱာ်စဲာ် အထံအက့ၤဘိးထၱးထဳနဳၤ.
32“ယဒီဆးသံအတၱၢ်အမှး, တဲၤအယဳၤ တစီာ်တဆဲဖၱထာ် နှၱနီးနဳၤ, ပၠၤအယဳၤတရူၢ် တလ့ၤဖျီး တလိးဘဲာ်နီး. 33မီၢ်ခဳး ကၱာ် လၢ်ခဳးကလ့ၤဖျီး တလိးတပွဲး, ပရၤဆါယလ့ၢ်ယဝှဲးတလ့ၤဖျီးတလိး ဘဲာ်နီး.”
တဲၤဆီးအံာ်ဝဳၢ်အံာ်
34ဆီးအံာ်ဝဳၢ်အံာ်ပီၢ်သံန့ၤစာ်ဘိထဲၢ်သံ တမဲၤ လဳၢ်ဆဳလဳၢ်ခဲ ပီၢ်သံန့ၤဒဳတဲၤအီမှူး အၣ်ပီး ကၱာ်တဲၤဘဲာ်ၡဳဘဲာ်မၤလၢ်ခဳးအတဲၤအီၣ်အနံၤခံယဳၤမဲး. တဘဲာ်နီးဒဳၣ်မူၤနံၤအနဳၤတနံၤ ကဓဳၤထၱးကလိၢ်ကလ့ၤ သံ လီၤ. 35မၤနဲၢ်ဒဳၣ်အကဓဳၤထၱးပၠၤလၢ်ခဳး ဖဳးကိအပွဲၤ, အစာ်ဘိဓ့ၢ် ခးနဳၤ. 36တိၤအံာ်ကၱာ် သဘဲထာ်ပီၢ်စာ်ဘိထဲၢ်သံကနံၤဘဲာ်တဲၤ ခဳးတဲၤအါ, ကၱာ်သံကလ့ၤဖျီးတလိးသအူသအဲးဇၤပီၢ်, ကၱာ်ဆီထဳး ဘဲာ် ပီၢ်ဒဳပၠၤအဖဳးအလှီမီၢ်နဳၤ.
37ယ့ၣ်ရှူးသိၣ်လၤသီလၤတဲၤဒဳ တဲၤလှူၣ်ၡံၣ်အပူၤဘ့လူၤမူၤ ဆဲးခဲနဳၤ, ဝှါဒဳၣ်ဘ့ လူၤမူၤ ဟဲးအခၠၱးနဳၤ, စထာ်ကဲၤဒဳသဳာ် စၤယံးခီး လီ အလီၤနဳၤ. 38ဘ့လူၤမူၤဂီၤသးဘံအခၠၱးနဳၤ, ပၠၤအပဳၤအဟီး လဳစါ စဲးလ့ၤဒဳတဲၤလှူၣ်ၡံၣ်, စာ်ဘိထဲၢ်စကဆီးခ့န့း စတဲၤသိၣ်လၤသီလၤနဳၤ.
ទើបបានជ្រើសរើសហើយ៖
လူၤကၣ် 21: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 21
21
အမှူးကမဲၤအတဲၤလှူၣ်
(မၢ် ၁၂:၄၁-၄၄)
1ယ့ၣ်ရှူးစာ်ထာ်ဒဳၣ် စကဲာ်ထၱးပၠၤအနံၤအီ ယီၤအၣ် တစီာ် လ့ၤလှီးနံၢ်အတဲၤလှူၣ် ဒဳတဲၤလှူၣ်ၡံၣ် အတဲၤလှူၣ်အကဳပူၤနဳၤ, 2ကၱာ်စာ်ထၱးကိာ် အမှူးကမဲၤအဆဲးညဲတပွဲၤလ့ၤဘဲနံၢ်ကြ့းလၱၤကၠံၢ်ဘ့ာ် လီၤ. 3ယ့ၣ်ရှူးဒီၣ်, “ယဒီဆးသံအတၱၢ်အမှး, အမှူးကမဲၤတပွဲၤ ယဳၤဘဲနံၢ်အတဲၤလှူၣ်အီၣ်အဲးဒဳၣ်လံ ကၱာ်ပၠၤအလဝ့ၤတစီာ်နဳၤ. 4မၤနဲၢ်ဒဳၣ်, စဲာ်တစီာ် အံာ်လၤအတဲၤလှူၣ် ဒဳစအဲပံဒဳပံဆးအခဳးလၤကါဆဲး တစီာ် အကျဲလီၤ. မၱမၱာ် စဲာ်ယဳၤ, စဆဲးညဲနီၣ်သီနှီနူၤ, တဲၤထဲၢ်အအီၣ်နံၤ စဲာ်လဳစါစဲးစအံာ်လၤထဳ.”
တဲၤလှူၣ်ၡံၣ်အတဲၤလၤဖြး
(မး ၂၄:၁,၂, မၢ် ၁၃:၁,၂)
5အပျဲၢ်အဘီၣ်တစီာ်တီၤတီၢ်အံာ် လဳၤ ထဲၢ်ပၠၤပြးအံာ် တဲၤ လှူၣ်ၡံၣ်ကၱာ်တဲၤအဘဲာ် လှူၣ်ထာ် အံာ်ဘၱာ်စဲာ်တစီာ်ဝၱၤဇၱၢ်မီၤ ဇၱၢ်အဝၱၤအကဲလီၤ. 6ယ့ၣ်ရှူးဒီၣ်စဲာ်တစီာ်, “တဲၤထဲၢ်သံစာ်ထၱးတစီာ် ယဳၤ လဳစါစဲးကလၤမူၤလၤဖြးလဳၢ်ကီကၱာ် လဳၤတမဲတအီၣ် တၤဘဲာ် ပ့ၤအလ့ၤ လ့ၤနီး, ဘ့အခၠၱးဘဲာ်နဳၤ” စဒီဆး ကဲၤ လၢ်ဝၤတစီာ်ဓဳၤ.
တဲၤပၤတဲၤဆဲကၱာ်တဲၤလိၤမဲၤဆဲးညဲတစီာ်
(မး ၂၄:၃-၁၄, မၢ် ၁၃:၃-၁၃)
7စဲာ်တစီာ်ဒဲစာ်ယ့ၣ်ရှူး, “ဆရၣ်, တဲၤကမဲၤဒီအန့ၤကနဳၤ ထိးဓဲၢ်. အကဖၱထာ်ဘဲာ်ထိးဓဲၢ်. ကၱာ်အဟိအကလဲၤကဒဲလၱၢ်ထာ်အန့ၤထဲၢ် တဲၤကဖၱထာ်နဳၤစာ်တဲၢ်,” စဒဲလၢ်ဝၤဓဳၤ.
8ယ့ၣ်ရှူးဒီၣ်စဲာ်တစီာ်, “ဆီးအံာ်ဝဳၤအံာ်ပီၢ် သံန့ၤ, အံာ်မဲးပၠၤ လှီးနံၤပျဲးနံၤသံမဲး. ပၠၤအီၣ်အဲပွဲၤကလ့ၤလှီးနံၤပျဲးနံၤသံ, ကၱာ်ဒီၣ်လၤ အန့ၤစမၱာ်ယဲၤ, ကၱာ် အဆဳအခဲဘဲာ်ထဳ. ပရၤဆါဒဳၣ်, လိၤကိာ်ပီၢ် မဲးစလ့ၤ မဲး. 9သံကသၱာ်ဟဲတဲၤဒဳးတဲၤဖၠးကၱာ်တဲၤကသီ ကရီၤအဒ့အဒီၣ် ဒဳၣ်, ၡံးဆါသးပဳၤပီၢ်မဲး. တဲၤအယဳၤ တစီာ်လဳစါစဲးကဖၱထာ်အူဆူဘဲာ်တပွဲး. နီၣ်သီနှီနူၤ တဘဲာ်တဲၤအကူဓူၤဘိးထၱးနှၱနီး.”
10ဝှါဒဳၣ်, ယ့ၣ်ရှူးဒီၣ်ဝ့ၤ, “ပၠၤတခွံကၱာ် တခွံ, ထံက့ၤတက့ၤ ကၱာ်တက့ၤ, ကဒဳးလှဲးဖၠးလှဲး လၢ်ဝၤ. 11တဲၤအလ့ၤတကွၢ်လဲၢ် လၢ်ခဳး ကပဳၤဆိး, တဲၤသးဝံာ်လၤဒီၣ်, တဲၤရွှံးဆဲအဝ့ၤ ကအီၣ် ထာ်တကွၢ်လဲၢ်ဒဳး. တဲၤၡံးဆါသးပဳၤအဓဳၤအမူၤ ကဒဲ လၱၢ်ထာ်အန့ၤဒဳမီၢ် ခဳးလဲၢ် နဳၤ. 12ပရၤဆါဒဳၣ်, တဲၤအယဳၤတစီာ်တဆဲဖၱထာ်နှၱနီးနဳၤ, ပၠၤကဖီၣ်ကစဳသံ, မဲၤဆဲးညဲသံ, ကၱာ်တဲၤကဆဲလါသံ, ကထိးကဒဲ ကီ သံဒဳ ဘူၣ်ဘျီၣ်ပူၤ, ဝှါဒဳၣ်ကထၱးနံၢ်သံဒဳ တဲၤကၱတၱၢ် ပူၤနဳၤ. ဒဳယမံၤအခဳးအစဲ, သံကဘဲာ် ယဳၤလ့ၤကီဒဳ ဆဳးဖြဳဆးဖြးအီၣ်ကၱာ်အအူအံာ်တဲၤတစီာ်အလှီ မီၢ်နဳၤ. 13ဒဳတဲၤယဳၤအခဳးအစဲ, သံကနံၤဘဲာ်ကီအခွဲး ဒဳသံကဒီ ဆးဘဲာ်တဲၤသးကနၢ်အံာ်အဝၱၤအကဲ. 14ကနဳၤအစဲ, ဘဲာ်ၡဳဘဲာ် မၤကၱာ်ပြးနှဲးဆဲးနှဲး တီၤ လီၤပီၢ်မဲးသံန့ၤဒဳသံကဒီၣ်ၡံဘဲာ်တၤနဲၢ်နဳၤမဲး. 15မၤနဲၢ်ဒဳၣ်, ယကအံာ် လၤသံတဲၤယၱၢ်ဘဲာ်ကၱာ် တဲၤ သၱးဒိးသၱာ် ဟဲ ထဲၢ်သံ ဒ့ဒီၣ်တစီာ်တဒီၣ်ၡံက့ၤကၱာ် ထာ် ခဳးကါကဲာ်ထာ်သံတဗွဲနီး နဳၤ. 16သံမဳၤသံပာ်, သံသဲပူၤသဲဝ့ၤ, သံခွံသံခီ ကၱာ်သံခီကလဳၢ် တစီာ် ကဟိလါကီသံ, ကၱာ်ဒီသံကျဲ, ကဘဲာ်မဲၤသံကီ တစီာ်စီာ်. 17ယခဳးယစဲ, ပၠၤကတဝဲၢ်တဆဲကီ သံနီး. 18နီၣ်သီနှီနူၤ, သံ ခူၣ်လူတဘီတဘဲာ် လှဲမဲၢ်ဘဲာ်နီး. 19အီၣ်ဆီထဳးမှ့းကျဳၤပီၢ်, ကၱာ် သံ ကနံၤဘဲာ်ကီ တဲၤယဳၤက့ၤစာ်က့ၤ.
ယရူၤၡလ့ၣ်အတဲၤလၤဖြး
(မး ၂၄:၁၅-၂၁, မၢ် ၁၃:၁၄-၁၉)
20“သံကစာ်ထၱးကျံဖဳးတစီာ် ဝ့ၤခွဲဘး ယရူၤၡလ့ၣ်အူးဒဳၣ်, သၱာ်ဟဲပီၢ်တအီၣ်ယၱၢ်နီး အကလၤဖြးဘဲာ်ဘိးထၱးကဲၤနဳၤ. 21အနဳၤတပျာ်ပၠၤထဲၢ်အအီၣ် ဒဳယူဒၤက့ၤတစီာ်ဘဲာ်စွဲးထာ်ဖျီမံ ဒဳခီမူၤခီးလီအလီၤနဳၤ. ပၠၤအအီၣ်အူအပူၤတစီာ်ဘဲာ်စွဲး ထာ်ဒဳ အူးအချဳလီၤ. ပၠၤအအီၣ် ဒဳအူးအချဳတစီာ် တဘဲာ်လ့ၤနံၢ်အူးအပူၤနီး. 22မၤနဲၢ်ကဒီၣ်ဓဳၤ ဒဳၣ်, တဲၤအယဳၤတစီာ်မၱာ်တဲၤစံးရး အမူၤနံၤမူၤသဲ ထဲၢ်စဲာ်စါထံဝှ့းလၤကပ့ထာ်ဇီၤထာ်ဘဲာ်အခၠၱးနဳၤ. 23ဘ့အနံၤအသဲတစီာ်နဳၤ, အမံၤမှူးအမူၤ သဲာ်ဒဳ ကၱာ်အဘဳာ်အီအဖဳးနူၤတစီာ်ကခးဘဲာ်ကီတဲၤဆဲး ညဲ ပွ့းတဲၢ် လီၤ. တဲၤပၤဆဲးညဲအဓဳၤအမူၤကလ့ၤထၱးကီ ထံက့ၤတဘဲာ်ယဳၤ, ကၱာ်ကဘၱာ်စဲာ်အတဲၤစံးရးကလၤ ဘဲာ်ကီပၠၤတခွံယဳၤ. 24ပၠၤတစီာ်စီာ် ကဘဲာ်မဲၤ သံအံာ်ကီဒာ်ဆ့, ကၱာ်တစီာ်စီာ်ကဘဲာ်ဖီၣ်ဘဲာ်စဳကၱာ် ယဳၤလ့ၤ အံာ်ဒဳထံက့ၤတစီာ်စီာ်, ကၱာ်ပၠၤခွံဖဳးတစီာ် ကယၢ်လၤကီယရူၤၡလ့ၣ်အူး အခဳးထိဓဳၤဒဳစဆဳစခဲကူဓူၤ နဳၤ.
ပၠၤအဖဳးအတဲၤလ့ၤလၤ
(မး ၂၄:၂၉-၃၁, မၢ် ၁၃:၂၄-၂၇)
25“တဲၤကလဲၤကဒဲလၱၢ်ထာ်ကီဒဳ လူၤမူၤ, လှဲ ကၱာ်ဆဲၣ်တစီာ်အပူၤနဳၤ. ထံက့ၤလဳစါစဲးဒဳလၢ်ခဳး အခဳးအသးကဟဲးဝၱၢ်ဟဲးကဲကီ, ကၱာ်ကၡံးဆါသးပဳၤ ကီ, ထံပဲာ်လဲာ်ကကဲာ်ဧဳၤကၱာ်ထံချဳးဓဳၤထဲးပးပီကီ. 26ပၠၤကသံမူၢ်ကျဲးကီဒဳတဲၤၡံးဆါသးပဳၤအခဳးအစဲ, ဘ့စဲာ်တစီာ် အီၣ်ဆိဧိၢ်အံာ်တဲၤကမဲၤအန့ၤ လၢ်ခဳးသဒဲ ဘဲာ်အခၠၱးနဳၤ. မၤနဲၢ်တဲၤစိတဲၤ သလဲအအီၣ် ဒဳမီၢ်ခဳးလဲၢ် တစီာ်ကဖျီးထာ်ကဲကီအကြီာ်အပ့ၤအပူၤနဳၤ. 27အနဳၤတပျာ်, ပၠၤအဖဳးကလၱၢ်ထာ်ဒဳတဲၢ်တဘဳာ်အလီၤ ဒဳတဲၤစိသလဲကၱာ်တီၤဓဳၤသ့းဓဳၤအပူၤနဳၤ. 28ဘ့ တဲၤအယဳၤတစီာ်စး ထာ်မဲၤ အန့ၤနဳၤ, ဝဲၢ်ဆီထဳး, ယ့ၤ ထာ်ပီၢ်သံကဳာ်, မၤနဲၢ်, တဲၤယဳၤက့ၤစာ်က့ၤဘိး ထၱး ထဳ.”
သဳာ်ဓဳၤထံသဲာ်အကလဲၤ
(မး ၂၄:၃၂-၃၅, မၢ် ၁၃:၂၈-၃၁)
29ဝှါဒဳၣ်ယ့ၣ်ရှူးဒီဆးက့ၤစဲာ်တစီာ် တဲၤကလဲၤကယဳၤ, “စာ် ပီၢ်, သဳာ်ဓဳၤထံမူၤကၱာ်သဳာ် အလဝ့ၤကိအခဳးနဳၤ. 30ဘ့သံစာ်ထၱး အလှဲာ် ဒီၣ်ဇ့ၤထာ်နဳၤ, သံသၱာ်ဟဲတပွဲး ထဲၢ်သးသၱးခဲဘိးထၱး ထဳနဳၤ. 31အစာ်ဘိကနဳၤအခီ, ဘ့သံစာ်ထၱး တဲၤအယဳၤတစီာ်မဲၤအန့ၤနဳၤ, သၱာ် ဟဲပီၢ်ကဘၱာ်စဲာ် အထံအက့ၤဘိးထၱးထဳနဳၤ.
32“ယဒီဆးသံအတၱၢ်အမှး, တဲၤအယဳၤ တစီာ်တဆဲဖၱထာ် နှၱနီးနဳၤ, ပၠၤအယဳၤတရူၢ် တလ့ၤဖျီး တလိးဘဲာ်နီး. 33မီၢ်ခဳး ကၱာ် လၢ်ခဳးကလ့ၤဖျီး တလိးတပွဲး, ပရၤဆါယလ့ၢ်ယဝှဲးတလ့ၤဖျီးတလိး ဘဲာ်နီး.”
တဲၤဆီးအံာ်ဝဳၢ်အံာ်
34ဆီးအံာ်ဝဳၢ်အံာ်ပီၢ်သံန့ၤစာ်ဘိထဲၢ်သံ တမဲၤ လဳၢ်ဆဳလဳၢ်ခဲ ပီၢ်သံန့ၤဒဳတဲၤအီမှူး အၣ်ပီး ကၱာ်တဲၤဘဲာ်ၡဳဘဲာ်မၤလၢ်ခဳးအတဲၤအီၣ်အနံၤခံယဳၤမဲး. တဘဲာ်နီးဒဳၣ်မူၤနံၤအနဳၤတနံၤ ကဓဳၤထၱးကလိၢ်ကလ့ၤ သံ လီၤ. 35မၤနဲၢ်ဒဳၣ်အကဓဳၤထၱးပၠၤလၢ်ခဳး ဖဳးကိအပွဲၤ, အစာ်ဘိဓ့ၢ် ခးနဳၤ. 36တိၤအံာ်ကၱာ် သဘဲထာ်ပီၢ်စာ်ဘိထဲၢ်သံကနံၤဘဲာ်တဲၤ ခဳးတဲၤအါ, ကၱာ်သံကလ့ၤဖျီးတလိးသအူသအဲးဇၤပီၢ်, ကၱာ်ဆီထဳး ဘဲာ် ပီၢ်ဒဳပၠၤအဖဳးအလှီမီၢ်နဳၤ.
37ယ့ၣ်ရှူးသိၣ်လၤသီလၤတဲၤဒဳ တဲၤလှူၣ်ၡံၣ်အပူၤဘ့လူၤမူၤ ဆဲးခဲနဳၤ, ဝှါဒဳၣ်ဘ့ လူၤမူၤ ဟဲးအခၠၱးနဳၤ, စထာ်ကဲၤဒဳသဳာ် စၤယံးခီး လီ အလီၤနဳၤ. 38ဘ့လူၤမူၤဂီၤသးဘံအခၠၱးနဳၤ, ပၠၤအပဳၤအဟီး လဳစါ စဲးလ့ၤဒဳတဲၤလှူၣ်ၡံၣ်, စာ်ဘိထဲၢ်စကဆီးခ့န့း စတဲၤသိၣ်လၤသီလၤနဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.