လူၤကၣ် 16
16
တဲၤမဲၤဖဳးအတတၱၢ်တမှးနီး
1ယ့ၣ်ရှူးဒီၣ်က့ၤအပျဲၢ်အဘီၣ်တစီာ် ကယဳၤ, “ပၠၤအနံၤအီ ယီၤအၣ်တပွဲၤအတဲၤမဲၤဖဳး အီၣ်ကဲၤတပွဲၤ. ပၠၤဒီၣ်အံာ်အစီးအစးဒဳစမဲၤ ကဲမဲၤအိး စဘၱာ်စဲာ်အတၱၢ်အတဲၤနဳၤ. 2စယဳၤဝှါလၢ်ဝၤ, ‘ယသၱာ် ဟဲနဝၱၤနကဲမၱာ်ဒီစာ်တဲၢ်. ဒဲလၱၢ်ပီၢ်ယဲၤ နတဲၤ ဖၱးတဲၤမဲၤအစရဳစရဲ, နတမၱာ်ပ့ၤတဲၤမဲၤဖဳးနီး,’ စဒီၣ်လၢ်ဝၤဓဳၤ. 3တဲၤမဲၤဖဳး တပွဲၤဒီၣ်လၤ က့ၤအန့ၤ, ‘ယကမဲၤဘဲာ်တၤနဲၢ်, ဘ့ယဆရၣ်ဖၱးကဲ သံဝံၢ်ယဲၤတဲၤမဲၤ အယဳၤနဳၤ. ယတခူးကဲာ် ထာ်လၢ်ခဳး နီး. အသါဝၢ်တၤအၣ်ယဲၤတဲၤတဲၤ. 4ယကမဲၤဘဲာ်တၤနဲၢ်နဳၤယသၱာ်ဟဲထဳ, ထဲၢ်ဘ့ယဟဲးထာ်ဝှါ အခၠၱးနဳၤ, စာ်ဘိထဲၢ်ပၠၤတစီာ်ကလဲၤခးပီၢ်ယဲၤဒဳစဲာ်တစီာ်အရှံၣ်ပူၤနဳၤ,’ စဒီၣ်ဓဳၤ. 5စယဳၤဝှါအစွ့ဘဲာ် စဆရၣ်တစီာ်နဳၤတပွဲၤလၤဓူၢ်, တပွဲၤ လၤဓူၢ်ဒဳၣ်, စဒဲ စာ်ကဲၤအအူဆူးတပွဲၤ, ‘နကအံာ်ဘဲာ်ယဆရၣ်ပွ့းတဲၢ်.’ 6ဒဳၣ်စဒီၣ်လၢ်ဝၤ, ‘ၡံးအမွှ့းတကယဲၤ,’ စဒီၣ်လၢ်ဝၤ, ‘ဝှ့းလၤ ပျး ပျါပီၢ်နစရဲအပူၤ, အမွှ့း ယဲၢ်ၡံ.’ 7မဲၤဝှါ စဒီၣ်ဒီအလဝ့ၤတပွဲၤ, ‘နကအံာ်ဘဲာ်က့ၤဒီပွ့းတဲၢ်,’ ဒဳၣ်စဒီၣ်က့ၤ, ‘ဘူၣ်အတးတထီး.’ စဒီၣ်လၢ် ဝၤ, ‘အယဳၤနစရဲအီၣ်ယဳၤ, ဝှ့းလၤပျးပျါပီၢ်အတးအကယဲၤလွံၢ်သိး,’ စဒီၣ်လၢ်ဝၤ ဓဳၤ. 8ဆရၣ်သၱာ်ဟဲဘဲာ်တဲၤမဲၤဖဳးတပွဲၤ မဲၤတဲၤအယဳၤတစီာ်ဒဳၣ်, စထါအံာ်တပွဲးလၢ်ဝၤ, လၢ်ခဳးဖဳးတစီာ်ပျၤဒဳၣ်လံတပွဲးတဲၤ လှၱဖဳးတစီာ် နဳၤအခဳးအစဲနဳၤ.
9“ယဒီဆးသံ, မဲၤသီၣ်ပီၢ်လၢ်ခဳးအတၱၢ်အတဲၤစာ်ဘိထဲၢ် စကလဲၤခးပီၢ်သံဒဳတဲၤအီၣ် အလၤထူလၤပျဳၤအလ့ၤနဳၤ” စဒီၣ်ကဲၤလၢ်ဝၤ တစီာ် ဓဳၤ. 10“ပၠၤထဲၢ်အကတၱၢ်ကမှးဒဳတဲၤဖၱး တဲၤမဲၤ တကၱးဖဳး အပူၤတပွဲၤနဳၤ, စကတၱၢ်ကမှးကီ ဒဳတဲၤဖၱးတဲၤမဲၤအဓဳၤအမူၤအပူၤနဳၤနဳၤ, ကၱာ်ပၠၤထဲၢ် အတတၱၢ်တမှးဒဳတဲၤဖၱးတဲၤမဲၤအတကၱးဖဳးအပူၤတပွဲၤနဳၤ, ကတတၱၢ်တမှးကီဒဳတဲၤဖၱးတဲၤမဲၤအဓဳၤမူၤအပူၤနီးနီး. 11မဲၤကနဳၤ အခဳးအစဲ, ဒဳလၢ်ခဳးအတၱၢ်အတဲၤ အကျဲနဳၤ, သံကတတၱၢ်တမှးနီးဒဳၣ်, ပီၢ်ပွဲၤကဆးၡံ အံာ်ဇၤဒီသံဒဳတဲၤအဘဲာ်ကၠးတဲၤတၱၢ်တဲၤမှးတစီာ် အပူၤ နဳၤပွဲၤ. 12ကၱာ်သံကတတၱၢ်တမှးမၤဒဳ တဲၤအဘဲာ်ကၠးသံတစီာ် နီး ဒဳၣ်, ပီၢ်ပွဲၤကအံာ်ဇၤသံ တဲၤအဘဲာ်ကၠးသံတစီာ်နဳၤပွဲၤ.
13“ဇိၤဖဳးတပွဲၤတခးဇိၤဇၤအဘၱာ်စဲာ် ကၠံၢ်ပွဲၤနီး. စကတဝဲၢ် တဆဲဝှါနီးတပွဲၤ, စကဘဲာ်လီၢ် တပွဲၤ. မၱတမၱာ်နီး စကသိထိးဝှါတပွဲၤ, စကထဲးကဲ ထဲးအိးအလဝ့ၤတပွဲၤ. သံတခးဇိၤကဲာ်ထာ် ကဘၱာ်စဲာ် ကၱာ် လၢ်ခဳးအတဲၤမဲၤတပျာ်ခါလီၤနီး” စဒီၣ်က့ၤကဲၤ လၢ်ဝၤတစီာ်ဓဳၤ.
ဖၤရဲၤၡဲဖဳးတစီာ်အတဲၤမဲၤပရၤဆး
(မး ၁၁:၁၂-၁၃, ၅:၃၁-၃၂, မၢ် ၁၀:၁၁-၁၂)
14ဘ့ဖၤရံၤၡဲဖဳးအဘဲာ်လီၢ်ပံဒဳပံဆး တစီာ် ဆီးခ့ န့းဝှါတဲၤ အယဳၤဒဳၣ်, စထဲးကဲထဲးအိး ကဲၤ ယ့ၣ်ရှူး. 15ကၱာ်ယ့ၣ်ရှူးဒီၣ်ကဲၤ စဲာ်တစီာ်, “သံမၱာ်ပၠၤထဲၢ်အဒီၣ်လၤအန့ၤအတၱၢ်အမှး ဒဳပၠၤအလှီမီၢ်နဳၤ, ပရၤဆါကဘၱာ်စဲာ်သၱာ်ဟဲသံသး. မၤနဲၢ်ဒဳၣ်, အဘဲာ်ပဲၢ်ထာ်ယၱၤဒဳပၠၤအလှီ မီၢ်တစီာ်မၱာ် အဇၱၤဇီၤမီၤ သဳဒဳကဘၱာ်စဲာ်အလှီမီၢ်နဳၤ.
16“ထိဓဳၤစီၤယိၤဟၣ်လ့ၤနဳၤ, စီၤမိၤၡ့အတဲၤမှဲးလၤကၱာ်ဝံ တစီာ်အီၣ်ထဳ. ဒဳတဲၤဒီထိးလၤ ကဘၱာ်စဲာ်အထံအက့ၤအတဲၤဝးလဳၢ်သး လၤအံာ် အဝၱၤအကဲ အခဳးအစဲ, ပၠၤကိအပွဲၤဝၱၢ်နံၢ်ဆးနံၢ်အပူၤ. 17မီၢ်ခဳးကၱာ်လၢ်ခဳးကဖျီးတလိးၡဳကးကၱာ် နီၣ်သီဒဳၣ်, စီၤမိၤၡ့အတဲၤမှဲးလၤ အၡံး ဖဳးကဓူၤတမှိ လီၤနှီနူၤ, ကတဘဲာ်စာ်တလိးဘဲာ်နီး.
18“ကယါပၠၤအလဲၢ်တၤကဲအမှဲ ကၱာ်ဖၱး အလဝ့ၤတပွဲၤ မၱာ်စလၤကမဲာ်လီၤ. ကၱာ်အဖၱးအမံၤမှူး အဘဲာ်လဲၢ် လၤတၤကဲတပွဲၤနဳၤမၱာ်စလၤကမဲာ်လီၤ လီၤ.”
ပၠၤအနံၤအီယီၤအၣ်တပွဲၤကၱာ်စီၤလါစရူး
19“ပၠၤအနံၤအီယီၤအၣ်အီၣ်ကဲၤတပွဲၤ ကၱာ်စကိသံးသီးသံး ကၱာ်အၣ်ဝံာ်အီရှံကိအနံၤလီၤ. 20အဆဲးညဲဖဳး စီၤလါစရူးအီၣ် ကဲၤတပွဲၤပွဲၤ. စန့ၤဘၱစဲာ်အီၣ်ပ့ထာ်ကၱာ်အပူၤလ့ၤပူၤကျ့း, ကၱာ်စအီၣ်ကီၢ် လၤဒဳလၢ်ဝၤအခးကျဲၢ်ထၱးနဳၤ, 21ကၱာ်ထွံၣ်တစီာ်လ့ၤလှၱးအၣ်တပွဲး စပူၤလ့ၤပူၤကျ့း အမှံ အသိးတခီ. စတိၤအၣ်အံာ်တပွဲးတကဳာ်အခဳးလၤ ကါ ဆဲးအလၤတ့ၢ်အကနၱးကနိ ဒဳလၢ်ဝၤအတဓၢ်ခဳးနဳၤ. 22ပွဲၤ ဆဲးညဲဖဳးသံဒဳၣ် မီၢ်ခဳးပွဲၤဇဳၤဇၢ်လ့ၤအံာ် စဲာ်ဒဳစီၤအၤဘြၤဟၣ်အသးအၱနဲၢ် ပူၤနဳၤ. ပၠၤအနံၤအီ ယီၤအၣ်တပွဲၤမၱာ်သံကဲၤကဲၤ ကၱာ်စဘဲာ်ဘူလါကဲၤ. 23စလၤတ့ၢ်ဒဳလရာ်အပူၤကၱာ်ခးဘဲာ်တဲၤဆဲး ညဲပီၤတီၤအခၠၱးနဳၤ, စယ့ၤထာ်စကဳာ်ကၱာ် စာ်ထၱးကဲၤ ဒဳအယၱၤနဳၤ စီၤအၤဘြၤဟၣ်ကၱာ် စီၤ လါစရူးအီၣ်ကဲၤဒဳ လၢ်ဝၤအသးအၱနဲၢ်ပူၤနဳၤ. 24စထဳထာ်စလ့ၢ် ကၱာ် စဒီၣ်, ‘အပာ်, စီၤအၤဘြၤဟၣ်, ခီၣ်ဝဲၤပီၢ်ယဲၤ တကၱာ်. ကၱာ်နှးပီၢ် စီၤလါစရူးအကလ့ၤသြူလါ ဝှါ အစူးကနဳဒဳထံကျဲနဳၤဒဳၣ်, ထ့းလၤစဳးပီၢ် ယပျၱၤတကၱာ်. မၤနဲၢ်, အဆဲးညဲပီၤတီၤဆိးကဲၤယဲၤ ဒဳမှၱးအူထံဆဲ အကျဲ ယဳၤ,’ စဒီၣ်လၢ်ဝၤဓဳၤ. 25ပရၤဆါ စီၤအၤဘြၤဟၣ်ဒီၣ်ၡံက့ၤစဲာ်, ‘အဖဳး, ကမဳၤထာ်နံၤက့ၤ ပီၢ်ထဲၢ်ဒဳနအီၣ်သမိဝ့ၤနဳၤ, နနံၤဘဲာ်ထဳတဲၤအအဲး တစီာ် နဳၤကၱာ်စီၤလါစရူးနံၤဘဲာ် ကဲၤတဲၤအတအဲနီး တစီာ်နဳၤ. ပရၤ ဆါခဳနူၤယဳၤစဘဲာ်မဲၤမီၤထာ်က့ၤကဲၤ, မၱာ်နဲၤနဳၤနဘဲာ်ဆဲးညဲပီၤတီၤကဲၤဟဳ. 26အလဝ့ၤတမဳၤမၱာ် ဒဳဝၤကၱာ်နဲၤအဇဳၤနဳၤ, ရီၤဓဳၤအီၣ် ကဲၤတရီၤ. ပွ့အစာ်ဘိပၠၤအအီၣ်ဘ့ဝၤအီၣ်တခီဝဳၢ် သးအဲးလ့ၤထၱးနီၣ်သီသံနှီနူၤ, စတကဲာ်ထာ်မဲၤနီး,’ စဒီဆးက့ၤကဲၤလၢ်ဝၤဓဳၤ. 27မၱာ်စဒီၣ်လၢ်ဝၤ, ‘မဲၤကနဳၤ, အပာ်, ယတၤမီၤနဲၤအကနှးလ့ၤ စီၤလါစရူးဒဳယပာ်အရှံၣ်နဳၤ. 28မၤနဲၢ်, ယသဲ ပူၤဝ့ၤအီၣ်ယဲၢ်ပွဲၤ. စာ်ဘိထဲၢ်စကမၱာ်ပီၢ် လၢ်ဝၤ တစီာ်အနံၤခံတဲၤအမီၤမှါအံာ်နဳၤ. တမၱာ်နီးဒဳၣ် စဲာ်တစီာ်မၱာ်မၱာ်ကလ့ၤ အီၣ်ဘဲာ်တပွဲးဒဳတဲၤ ဆဲးညဲပီၤတီၤ အလ့ၤယဳၤ,’ စဒီၣ်လၢ်ဝၤဓဳၤ. 29စီၤအၤ ဘြၤဟၣ်ဒီၣ်ၡံက့ၤစဲာ်, ‘စီၤမိၤၡ့ကၱာ်ဝံတစီာ်အီၣ်ကိာ် တပွဲးစကါ, စဆီးခ့န့းဒီဧဲၤလၢ်ဝၤအလ့ၢ်’ စဒီၣ်ကဲၤ လၢ်ဝၤ ဓဳၤ. 30ပရၤဆါ စဒီၣ်ၡံက့ၤဒီလၢ်ဝၤ, ‘တဘဲာ်နီး, အပာ်စီၤအၤဘြၤဟၣ်, ပၠၤအသံကျဲ တပွဲၤ ပွဲၤကက့ၤထၱးမၤစဲာ်ဒဳၣ်, စကပၤယၤလၤက့ၤတပွဲး စသး,’ စဒီၣ်ၡံ က့ၤလၢ်ဝၤဓဳၤ. 31‘စတဆီးခ့န့း မၤစီၤမိၤၡ့ကၱာ်ဝံတစီာ်အလ့ၢ်နီး ဒဳၣ်, ပၠၤအထာ်ပဳၤက့ၤ တစီာ်အလ့ၢ်နှီနူၤတဘဲာ်စကဆီးခ့န့းတလၢ်နီး,’ စီၤအၤဘြၤဟၣ်ဒီၣ်ၡံက့ၤစဲာ်ကနဳၤ” စဒီ ဆးလၢ်ဝၤဓဳၤ.
ទើបបានជ្រើសរើសហើយ៖
လူၤကၣ် 16: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
လူၤကၣ် 16
16
တဲၤမဲၤဖဳးအတတၱၢ်တမှးနီး
1ယ့ၣ်ရှူးဒီၣ်က့ၤအပျဲၢ်အဘီၣ်တစီာ် ကယဳၤ, “ပၠၤအနံၤအီ ယီၤအၣ်တပွဲၤအတဲၤမဲၤဖဳး အီၣ်ကဲၤတပွဲၤ. ပၠၤဒီၣ်အံာ်အစီးအစးဒဳစမဲၤ ကဲမဲၤအိး စဘၱာ်စဲာ်အတၱၢ်အတဲၤနဳၤ. 2စယဳၤဝှါလၢ်ဝၤ, ‘ယသၱာ် ဟဲနဝၱၤနကဲမၱာ်ဒီစာ်တဲၢ်. ဒဲလၱၢ်ပီၢ်ယဲၤ နတဲၤ ဖၱးတဲၤမဲၤအစရဳစရဲ, နတမၱာ်ပ့ၤတဲၤမဲၤဖဳးနီး,’ စဒီၣ်လၢ်ဝၤဓဳၤ. 3တဲၤမဲၤဖဳး တပွဲၤဒီၣ်လၤ က့ၤအန့ၤ, ‘ယကမဲၤဘဲာ်တၤနဲၢ်, ဘ့ယဆရၣ်ဖၱးကဲ သံဝံၢ်ယဲၤတဲၤမဲၤ အယဳၤနဳၤ. ယတခူးကဲာ် ထာ်လၢ်ခဳး နီး. အသါဝၢ်တၤအၣ်ယဲၤတဲၤတဲၤ. 4ယကမဲၤဘဲာ်တၤနဲၢ်နဳၤယသၱာ်ဟဲထဳ, ထဲၢ်ဘ့ယဟဲးထာ်ဝှါ အခၠၱးနဳၤ, စာ်ဘိထဲၢ်ပၠၤတစီာ်ကလဲၤခးပီၢ်ယဲၤဒဳစဲာ်တစီာ်အရှံၣ်ပူၤနဳၤ,’ စဒီၣ်ဓဳၤ. 5စယဳၤဝှါအစွ့ဘဲာ် စဆရၣ်တစီာ်နဳၤတပွဲၤလၤဓူၢ်, တပွဲၤ လၤဓူၢ်ဒဳၣ်, စဒဲ စာ်ကဲၤအအူဆူးတပွဲၤ, ‘နကအံာ်ဘဲာ်ယဆရၣ်ပွ့းတဲၢ်.’ 6ဒဳၣ်စဒီၣ်လၢ်ဝၤ, ‘ၡံးအမွှ့းတကယဲၤ,’ စဒီၣ်လၢ်ဝၤ, ‘ဝှ့းလၤ ပျး ပျါပီၢ်နစရဲအပူၤ, အမွှ့း ယဲၢ်ၡံ.’ 7မဲၤဝှါ စဒီၣ်ဒီအလဝ့ၤတပွဲၤ, ‘နကအံာ်ဘဲာ်က့ၤဒီပွ့းတဲၢ်,’ ဒဳၣ်စဒီၣ်က့ၤ, ‘ဘူၣ်အတးတထီး.’ စဒီၣ်လၢ် ဝၤ, ‘အယဳၤနစရဲအီၣ်ယဳၤ, ဝှ့းလၤပျးပျါပီၢ်အတးအကယဲၤလွံၢ်သိး,’ စဒီၣ်လၢ်ဝၤ ဓဳၤ. 8ဆရၣ်သၱာ်ဟဲဘဲာ်တဲၤမဲၤဖဳးတပွဲၤ မဲၤတဲၤအယဳၤတစီာ်ဒဳၣ်, စထါအံာ်တပွဲးလၢ်ဝၤ, လၢ်ခဳးဖဳးတစီာ်ပျၤဒဳၣ်လံတပွဲးတဲၤ လှၱဖဳးတစီာ် နဳၤအခဳးအစဲနဳၤ.
9“ယဒီဆးသံ, မဲၤသီၣ်ပီၢ်လၢ်ခဳးအတၱၢ်အတဲၤစာ်ဘိထဲၢ် စကလဲၤခးပီၢ်သံဒဳတဲၤအီၣ် အလၤထူလၤပျဳၤအလ့ၤနဳၤ” စဒီၣ်ကဲၤလၢ်ဝၤ တစီာ် ဓဳၤ. 10“ပၠၤထဲၢ်အကတၱၢ်ကမှးဒဳတဲၤဖၱး တဲၤမဲၤ တကၱးဖဳး အပူၤတပွဲၤနဳၤ, စကတၱၢ်ကမှးကီ ဒဳတဲၤဖၱးတဲၤမဲၤအဓဳၤအမူၤအပူၤနဳၤနဳၤ, ကၱာ်ပၠၤထဲၢ် အတတၱၢ်တမှးဒဳတဲၤဖၱးတဲၤမဲၤအတကၱးဖဳးအပူၤတပွဲၤနဳၤ, ကတတၱၢ်တမှးကီဒဳတဲၤဖၱးတဲၤမဲၤအဓဳၤမူၤအပူၤနီးနီး. 11မဲၤကနဳၤ အခဳးအစဲ, ဒဳလၢ်ခဳးအတၱၢ်အတဲၤ အကျဲနဳၤ, သံကတတၱၢ်တမှးနီးဒဳၣ်, ပီၢ်ပွဲၤကဆးၡံ အံာ်ဇၤဒီသံဒဳတဲၤအဘဲာ်ကၠးတဲၤတၱၢ်တဲၤမှးတစီာ် အပူၤ နဳၤပွဲၤ. 12ကၱာ်သံကတတၱၢ်တမှးမၤဒဳ တဲၤအဘဲာ်ကၠးသံတစီာ် နီး ဒဳၣ်, ပီၢ်ပွဲၤကအံာ်ဇၤသံ တဲၤအဘဲာ်ကၠးသံတစီာ်နဳၤပွဲၤ.
13“ဇိၤဖဳးတပွဲၤတခးဇိၤဇၤအဘၱာ်စဲာ် ကၠံၢ်ပွဲၤနီး. စကတဝဲၢ် တဆဲဝှါနီးတပွဲၤ, စကဘဲာ်လီၢ် တပွဲၤ. မၱတမၱာ်နီး စကသိထိးဝှါတပွဲၤ, စကထဲးကဲ ထဲးအိးအလဝ့ၤတပွဲၤ. သံတခးဇိၤကဲာ်ထာ် ကဘၱာ်စဲာ် ကၱာ် လၢ်ခဳးအတဲၤမဲၤတပျာ်ခါလီၤနီး” စဒီၣ်က့ၤကဲၤ လၢ်ဝၤတစီာ်ဓဳၤ.
ဖၤရဲၤၡဲဖဳးတစီာ်အတဲၤမဲၤပရၤဆး
(မး ၁၁:၁၂-၁၃, ၅:၃၁-၃၂, မၢ် ၁၀:၁၁-၁၂)
14ဘ့ဖၤရံၤၡဲဖဳးအဘဲာ်လီၢ်ပံဒဳပံဆး တစီာ် ဆီးခ့ န့းဝှါတဲၤ အယဳၤဒဳၣ်, စထဲးကဲထဲးအိး ကဲၤ ယ့ၣ်ရှူး. 15ကၱာ်ယ့ၣ်ရှူးဒီၣ်ကဲၤ စဲာ်တစီာ်, “သံမၱာ်ပၠၤထဲၢ်အဒီၣ်လၤအန့ၤအတၱၢ်အမှး ဒဳပၠၤအလှီမီၢ်နဳၤ, ပရၤဆါကဘၱာ်စဲာ်သၱာ်ဟဲသံသး. မၤနဲၢ်ဒဳၣ်, အဘဲာ်ပဲၢ်ထာ်ယၱၤဒဳပၠၤအလှီ မီၢ်တစီာ်မၱာ် အဇၱၤဇီၤမီၤ သဳဒဳကဘၱာ်စဲာ်အလှီမီၢ်နဳၤ.
16“ထိဓဳၤစီၤယိၤဟၣ်လ့ၤနဳၤ, စီၤမိၤၡ့အတဲၤမှဲးလၤကၱာ်ဝံ တစီာ်အီၣ်ထဳ. ဒဳတဲၤဒီထိးလၤ ကဘၱာ်စဲာ်အထံအက့ၤအတဲၤဝးလဳၢ်သး လၤအံာ် အဝၱၤအကဲ အခဳးအစဲ, ပၠၤကိအပွဲၤဝၱၢ်နံၢ်ဆးနံၢ်အပူၤ. 17မီၢ်ခဳးကၱာ်လၢ်ခဳးကဖျီးတလိးၡဳကးကၱာ် နီၣ်သီဒဳၣ်, စီၤမိၤၡ့အတဲၤမှဲးလၤ အၡံး ဖဳးကဓူၤတမှိ လီၤနှီနူၤ, ကတဘဲာ်စာ်တလိးဘဲာ်နီး.
18“ကယါပၠၤအလဲၢ်တၤကဲအမှဲ ကၱာ်ဖၱး အလဝ့ၤတပွဲၤ မၱာ်စလၤကမဲာ်လီၤ. ကၱာ်အဖၱးအမံၤမှူး အဘဲာ်လဲၢ် လၤတၤကဲတပွဲၤနဳၤမၱာ်စလၤကမဲာ်လီၤ လီၤ.”
ပၠၤအနံၤအီယီၤအၣ်တပွဲၤကၱာ်စီၤလါစရူး
19“ပၠၤအနံၤအီယီၤအၣ်အီၣ်ကဲၤတပွဲၤ ကၱာ်စကိသံးသီးသံး ကၱာ်အၣ်ဝံာ်အီရှံကိအနံၤလီၤ. 20အဆဲးညဲဖဳး စီၤလါစရူးအီၣ် ကဲၤတပွဲၤပွဲၤ. စန့ၤဘၱစဲာ်အီၣ်ပ့ထာ်ကၱာ်အပူၤလ့ၤပူၤကျ့း, ကၱာ်စအီၣ်ကီၢ် လၤဒဳလၢ်ဝၤအခးကျဲၢ်ထၱးနဳၤ, 21ကၱာ်ထွံၣ်တစီာ်လ့ၤလှၱးအၣ်တပွဲး စပူၤလ့ၤပူၤကျ့း အမှံ အသိးတခီ. စတိၤအၣ်အံာ်တပွဲးတကဳာ်အခဳးလၤ ကါ ဆဲးအလၤတ့ၢ်အကနၱးကနိ ဒဳလၢ်ဝၤအတဓၢ်ခဳးနဳၤ. 22ပွဲၤ ဆဲးညဲဖဳးသံဒဳၣ် မီၢ်ခဳးပွဲၤဇဳၤဇၢ်လ့ၤအံာ် စဲာ်ဒဳစီၤအၤဘြၤဟၣ်အသးအၱနဲၢ် ပူၤနဳၤ. ပၠၤအနံၤအီ ယီၤအၣ်တပွဲၤမၱာ်သံကဲၤကဲၤ ကၱာ်စဘဲာ်ဘူလါကဲၤ. 23စလၤတ့ၢ်ဒဳလရာ်အပူၤကၱာ်ခးဘဲာ်တဲၤဆဲး ညဲပီၤတီၤအခၠၱးနဳၤ, စယ့ၤထာ်စကဳာ်ကၱာ် စာ်ထၱးကဲၤ ဒဳအယၱၤနဳၤ စီၤအၤဘြၤဟၣ်ကၱာ် စီၤ လါစရူးအီၣ်ကဲၤဒဳ လၢ်ဝၤအသးအၱနဲၢ်ပူၤနဳၤ. 24စထဳထာ်စလ့ၢ် ကၱာ် စဒီၣ်, ‘အပာ်, စီၤအၤဘြၤဟၣ်, ခီၣ်ဝဲၤပီၢ်ယဲၤ တကၱာ်. ကၱာ်နှးပီၢ် စီၤလါစရူးအကလ့ၤသြူလါ ဝှါ အစူးကနဳဒဳထံကျဲနဳၤဒဳၣ်, ထ့းလၤစဳးပီၢ် ယပျၱၤတကၱာ်. မၤနဲၢ်, အဆဲးညဲပီၤတီၤဆိးကဲၤယဲၤ ဒဳမှၱးအူထံဆဲ အကျဲ ယဳၤ,’ စဒီၣ်လၢ်ဝၤဓဳၤ. 25ပရၤဆါ စီၤအၤဘြၤဟၣ်ဒီၣ်ၡံက့ၤစဲာ်, ‘အဖဳး, ကမဳၤထာ်နံၤက့ၤ ပီၢ်ထဲၢ်ဒဳနအီၣ်သမိဝ့ၤနဳၤ, နနံၤဘဲာ်ထဳတဲၤအအဲး တစီာ် နဳၤကၱာ်စီၤလါစရူးနံၤဘဲာ် ကဲၤတဲၤအတအဲနီး တစီာ်နဳၤ. ပရၤ ဆါခဳနူၤယဳၤစဘဲာ်မဲၤမီၤထာ်က့ၤကဲၤ, မၱာ်နဲၤနဳၤနဘဲာ်ဆဲးညဲပီၤတီၤကဲၤဟဳ. 26အလဝ့ၤတမဳၤမၱာ် ဒဳဝၤကၱာ်နဲၤအဇဳၤနဳၤ, ရီၤဓဳၤအီၣ် ကဲၤတရီၤ. ပွ့အစာ်ဘိပၠၤအအီၣ်ဘ့ဝၤအီၣ်တခီဝဳၢ် သးအဲးလ့ၤထၱးနီၣ်သီသံနှီနူၤ, စတကဲာ်ထာ်မဲၤနီး,’ စဒီဆးက့ၤကဲၤလၢ်ဝၤဓဳၤ. 27မၱာ်စဒီၣ်လၢ်ဝၤ, ‘မဲၤကနဳၤ, အပာ်, ယတၤမီၤနဲၤအကနှးလ့ၤ စီၤလါစရူးဒဳယပာ်အရှံၣ်နဳၤ. 28မၤနဲၢ်, ယသဲ ပူၤဝ့ၤအီၣ်ယဲၢ်ပွဲၤ. စာ်ဘိထဲၢ်စကမၱာ်ပီၢ် လၢ်ဝၤ တစီာ်အနံၤခံတဲၤအမီၤမှါအံာ်နဳၤ. တမၱာ်နီးဒဳၣ် စဲာ်တစီာ်မၱာ်မၱာ်ကလ့ၤ အီၣ်ဘဲာ်တပွဲးဒဳတဲၤ ဆဲးညဲပီၤတီၤ အလ့ၤယဳၤ,’ စဒီၣ်လၢ်ဝၤဓဳၤ. 29စီၤအၤ ဘြၤဟၣ်ဒီၣ်ၡံက့ၤစဲာ်, ‘စီၤမိၤၡ့ကၱာ်ဝံတစီာ်အီၣ်ကိာ် တပွဲးစကါ, စဆီးခ့န့းဒီဧဲၤလၢ်ဝၤအလ့ၢ်’ စဒီၣ်ကဲၤ လၢ်ဝၤ ဓဳၤ. 30ပရၤဆါ စဒီၣ်ၡံက့ၤဒီလၢ်ဝၤ, ‘တဘဲာ်နီး, အပာ်စီၤအၤဘြၤဟၣ်, ပၠၤအသံကျဲ တပွဲၤ ပွဲၤကက့ၤထၱးမၤစဲာ်ဒဳၣ်, စကပၤယၤလၤက့ၤတပွဲး စသး,’ စဒီၣ်ၡံ က့ၤလၢ်ဝၤဓဳၤ. 31‘စတဆီးခ့န့း မၤစီၤမိၤၡ့ကၱာ်ဝံတစီာ်အလ့ၢ်နီး ဒဳၣ်, ပၠၤအထာ်ပဳၤက့ၤ တစီာ်အလ့ၢ်နှီနူၤတဘဲာ်စကဆီးခ့န့းတလၢ်နီး,’ စီၤအၤဘြၤဟၣ်ဒီၣ်ၡံက့ၤစဲာ်ကနဳၤ” စဒီ ဆးလၢ်ဝၤဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.