ယိၤဟၣ် 18
18
ယ့ၣ်ရှူးဘဲာ်ဖီးဘဲာ်စဳ
(မး ၂၆:၄၇-၅၆, မၢ် ၁၄:၄၃-၅၀, လူၤ ၂၂:၄၇-၅၃)
1ယ့ၣ်ရှူးသဘဲထာ်ဝှါကယဳၤဒဳၣ်, စဟဲး ထာ်ပျဳာ်ပျဳာ်ကဲၤ စပျဲၢ်စဘီၣ်တစီာ်ကၱာ်ကူဝဲၢ်ကဲၤ ကံဒြိၣ်လီၢ်ပူၤ. ဘ့နဳၤတဲၤလူၤတဲၤဒဳအီၣ် ကဲၤတဓဲ. ကၱာ်စလ့ၤနံၢ်အပူၤပျဳာ်ပျဳာ်ကၱာ် စပျဲၢ်စဘီၣ်တစီာ် နဳၤ. 2စီၤယူဒၤ, အဟိလါစဲာ်တပွဲၤနဳၤ သၱာ်ဟဲ တပွဲးအလ့ၤ, မၤနဲၢ်, ယ့ၣ်ရှူး ကၱာ်စပျဲၢ်စဘီၣ်တစီာ် လၤတ့ၢ်ပျဳာ်အီၣ်အဲပျာ်ဘ့နဳၤ. 3စီၤယူဒၤ လ့ၤ ယဳၤအံာ်ကျံဖဳးကၱာ်အဓိၤအံာ်တဲၤလှူၣ်ရှံၣ်တပဳၤ, ထဲၢ်ပၠၤလှူၣ်တဲၤအဓဳၤကၱာ်ဖၤရၱၤရှဲဖဳးတစီာ်လှိလ့ၤနဳၤ. စလ့ၤအံာ်တဲၤရၱၢ်တဲၤစူ, မှၱးအူဒဳ ကၱာ် မှၱးဝှိးဆဲး တစီာ် လီၤ. 4ယ့ၣ်ရှူးသၱာ်ဟဲတဲၤကိမံၤမံၤ အကဖၱ ထာ် ဘဲာ်တစီာ်နဳၤဒဳၣ်, စလ့ၤအလှီ မီၢ်ကၱာ်စဒီၣ်, “သံဝၢ်လှဲးပီၢ်ပွဲၤ,” စဒဲလၢ် ဝၤတစီာ်ဓဳၤ.
5အနဳၤတစီာ်ဒီၣ်က့ၤစဲာ်, “ယ့ၣ်ရှူး, နစၤ ရ့းဖဳးတပွဲၤနဳၤ.”
ယ့ၣ်ရှူးဒီၣ်, “ယမၱာ်စဲာ်လီၤ.”
စီၤယူဒၤ, အဟိလါစဲာ်တပွဲၤနဳၤဆီထဳးအီၣ် ပျဳာ်ကဲၤစဲာ်ဘ့နဳၤ. 6ဘ့ယ့ၣ်ရှူးဒီဆးစဲာ်တစီာ်, “ယမၱာ်စဲာ်,” နဳၤ, စဲာ်တစီာ်က့ၤဘးကဲၤအလ့ၤ ကါ ကၱာ်က့ၤဖျီးလဳၢ်ကဲၤ. 7ယ့ၣ်ရှူးဒီၣ်က့ၤစဲာ်တပျာ်ပ့ၤ, “သံဝၢ် လှဲးပီၢ်ပွဲၤ.”
“ယ့ၣ်ရှူး, နစၤရ့းဖဳးတပွဲၤနဳၤ.” စဲာ်တစီာ် ဒီၣ်ရှံက့ၤဓဳၤ.
8စဒဲလၢ်ဝၤတစီာ်ဓဳၤ. က့ၤစဲာ်တစီာ်, “ယဒီဆးထဳတပွဲးသံ ထဲၢ်အမၱာ်ယဲၤလီၤနဳၤ. သံကဝၢ်လှဲးဘ့ာ်မ့ယဲၤလီၤဒဳၣ်, ဘးလှိဘးလၤ ပီၢ် အယဳၤတစီာ်ယဳၤ,” စဒီၣ်လၢ်ဝၤတစီာ်ဓဳၤ. 9အယဳၤမၱာ် စာ်ဘိထဲၢ် စကမဲၤပ့ထာ် တဲၤယၱၢ်ဘဲာ် ထဲၢ် စဒီၣ်ကဲၤ, “နအံာ်လၤကဲၤယဲၤပၠၤတစီာ် အကျဲ, ယတမဲၤကဲမဲၢ်လှဲ မဲၢ်ကဲၤတဗွဲနီး,” နဳၤ.
10စီၤၡံမိၣ်ပ့းတရူးထဲၢ်အဟဲးအံာ်ဒာ်ဆ့တပွဲၤနဳၤ, စဘ့းထာ် ဒာ်ဆ့ကၱာ်ပ့ၢ်ထဲဓူၢ်ကဲၤ ပၠၤလှူၣ် ဘၱာ်စဲာ်အခဳးအဇိၤဖဳးတပွဲၤအနံၤကူၤ အတထွဲး တခီဘဲာ်. ဇိၤဖဳးအနဳၤတပွဲၤအမံၤမၱာ်စီၤမါလဃူး. 11ယ့ၣ်ရှူးဒီၣ်ကဲၤစီၤပ့းတရူး, “ဖြီနံၢ်က့ၤပီၢ်နဒာ်ဆ့အကဳပူၤ, ယကတအီ ဘဲာ်ဖလါအပာ်နှးကဲၤ ယအီတမဲနဳၤနီးဧါ.”
ယ့ၣ်ရှူးဒဳစီၤအၣ်နၣ်အလှီမီၢ်
12ကျံဖဳးတစီာ်ကၱာ်ယူဒၤဖဳးအပၠၤတစီာ်ပိာ် ကဲၤယ့ၣ်ရှူးကၱာ် စဳကျဳၤကဲၤလၢ်ဝၤ. 13စလ့ၤ အံာ်အူဆူးကဲၤလၢ်ဝၤဒဳစီၤအၣ်နၣ် အီၣ်နဳၤ, မၤနဲၢ်, စီၤအၣ်နၣ်မၱာ်ကဲၤ ပၠၤလှူၣ်တဲၤအဓဳၤအခဳးအနဳၤ တဒ့ာ် နဳၤ, ထဲၢ်စီၤကၤယါဖၤအမူၤပွ့ၢ်နဳၤ. 14စီၤကၤယါဖၤထဲၢ်အအံာ်ကဳ အံာ်ကၠးယူဒၤဖဳးတစီာ်, စဒီၣ်, “ပၠၤတပွဲၤလီၤ ကသံဘဲာ်ပၠၤလဳစါစဲးအနံၤ ခံမၱာ်အအဲးဒဳၣ်ချဳ,” နဳၤ.
စီၤပ့းတရူးအတဲၤယၤဘံာ်
(မး ၂၆:၆၉-၇၀, မၢ် ၁၄:၆၆-၆၈, လူၤ ၂၂:၅၅-၅၇)
15စီၤၡံမိၣ်ပ့းတရူး ကၱာ်အပျဲၢ်အဘီၣ်အလဝ့ၤတပွဲၤ လိၤ ကိာ်ကဲၤယ့ၣ်ရှူးအလ့ၤ. ပၠၤလှူၣ် ဘၱာ်စဲာ်အခဳးတပွဲၤ သၱာ်ဟဲတပွဲးအပျဲၢ်အဘီၣ် အလဝ့ၤတပွဲၤအစဲ, စလ့ၤနံၢ်ကိာ်ကဲၤပၠၤအကါ ဒဳရှံၣ်အဝ့ၤ ပူၤနဳၤ, 16မၱာ်စီၤပ့းတရူးနဳၤ စအီၣ် တၤကဲၤဒဳအချဳ, ရှံၣ်ခးကျဲၢ် အခၣ်ထၱး. အပျဲၢ်အဘီၣ်ထဲၢ်ပၠၤလှူၣ်တဲၤအဓဳၤအခဳးသၱာ်ဟဲတပွဲၤနဳၤ က့ၤဘးကၱာ် ယၱၢ်ဘဲာ်ထၱးဝှါအမံၤမှူး အတိၤအံာ် ခးကျဲၢ်တပွဲၤနဳၤဒဳၣ်, စယဳၤနံၢ်ကဲၤ စီၤပ့းတရူးအပူၤ. 17ဘ့နဳၤ, ဇိၤမဳၤအတိၤအံာ် ခးကျဲၢ် တပွဲၤ ဒဲကဲၤ စီၤပ့းတရူး, “နမၱာ်တပွဲးသဲ စပျဲၢ်စဘီၣ်တပွဲၤ တဘဲာ်နီးဧါ.”
စီၤပ့းတရူးဒီၣ်က့ၤစဲာ်, “တမၱာ်ယဲၤနီး.”
18ဘ့နဳၤလူၤမူၤနဲၤတဲၤဟီးကဲၤအစဲ, ဇိၤဖဳး တစီာ်ကၱာ်အစာ် တိၤအံာ်တဲၤတစီာ်ဘိကဲၢ်ထာ်မှၱး, ဆီထဳးခွဲဘးကၱာ် မဲၤလဲၤကဲၤအန့ၤ. စီၤ ပ့းတရူး လ့ၤဆီထဳးအီၣ်ကၱာ် ဆူဧူၢ်ကိာ်ကဲၤပၠၤကါမှၱးဘ့ နဳၤ.
ပၠၤလှူၣ်တဲၤဒဲယ့ၣ်ရှူး
(မး ၂၆:၅၉-၆၆, မၢ် ၁၄:၅၅-၆၄, လူၤ ၂၂:၆၆-၇၁)
19ပၠၤလှူၣ်တဲၤအဓဳၤထိးစာ်ဒဲစာ်ကဲၤ ယ့ၣ်ရှူး အဘဲာ်ကၠးစပျဲၢ် စဘီၣ်တစီာ်ကၱာ်စသိၣ် အံာ်သီအံာ်တဲၤအဝၱၤအကဲတစီာ်နဳၤ. 20ယ့ၣ်ရှူးဒီၣ်က့ၤကဲၤစဲာ်, “ယသိၣ်အံာ် သီအံာ်လှၱထာ် ဖျီ ထာ်ကဲၤဒဳ ပၠၤလဳစါစဲးအလှီမီၢ် သဲာ်ယိ, ဒဳဘူၣ်ဘျီၣ်ကၱာ်တဲၤလှူၣ်ရှံၣ်ပူၤ ထဲၢ်ယူ ဒၤဖဳးတစီာ်လၤတ့ၢ်ပျဳာ်အလ့ၤလီၤ. ယဒီၣ်ဟူၣ် ဒီၣ်ဇီၤကဲၤတဲၤတအီၣ်ကဲၤတမံနီး. 21မဲၤကနဳၤ ဒဳၣ်, နဒဲမၤယဲၤနဲၢ်. ဒဲပီၢ်ဒဳပၠၤအဆီးခ့န့းယဲၤ တစီာ်နဳၤနၢ်. ယဒီဆးစဲာ်တစီာ်စာ်တဲၢ်နဳၤ ဒဲစာ်စဲာ်, စသၱာ် ဟဲလဳတပွဲး ယဒီၣ်ကဲၤတၤနဲၢ်နဳၤ.”
22ဘ့ယ့ၣ်ရှူးဒီၣ်ကနဳၤဒဳၣ်, ဇိၤဖဳးအဆီထဳး အီၣ်စကါထၱးတပွဲၤဒဲးကဲၤစနဲၤထၱး ကၱာ်ဒီၣ်ကဲၤ စဲာ်, “နကဒီၣ်ဘဲာ်ပၠၤလှူၣ်တဲၤအဓဳၤကနဳၤ ဧါ.”
23ယ့ၣ်ရှူးဒီၣ်က့ၤစဲာ်, “ယဒီၣ်တဲၤအကမဲးကအီၣ်တမံၤမံၤ ဒဳၣ်, ဒီဆးဖျီထာ်ပီၢ်ဒဳပၠၤလဳစါ စဲးအလှီမီၢ်ခဳနူၤယဳၤ, မၱာ်တၤနဲၢ်နဳၤ. မၱာ်ယဒီၣ်တဲၤ အဘဲာ်လီၢ်ဒဳၣ်, နဒဲးမၤယဲၤနဲၢ်.”
24ဘ့နဳၤစီၤအၣ်နၣ်လှိလ့ၤကဲၤစဲာ်ဒဳ ပၠၤလှူၣ်တဲၤအဓဳၤအခဳး စီၤကၤယါဖၤအီၣ်နဳၤ.
စီၤပ့းတရူးယၤဘံာ်ယ့ၣ်ရှူးတပျာ်ပ့ၤ
(မး ၂၆:၇၁-၇၅, မၢ် ၁၄:၆၉-၇၂, လူၤ ၂၂:၅၈-၆၂)
25စီၤပ့းတရူးဆီထဳးအီၣ်ဆူဧူၢ်ဝ့ၤမှၱးဘ့နဳၤ. ပၠၤအလဝ့ၤတပွဲၤ ဒီၣ်ကဲၤစဲာ်, “နဲၤမၱာ်သဲစပျဲၢ်စဘီၣ်အကျဲတပွဲၤတဘဲာ်နီးဧါ.”
စီၤပ့းတရူးဒီၣ်က့ၤစဲာ်, “တဘဲာ်ကၢ်ကါယဲၤနီး.”
26ပၠၤလှူၣ်တဲၤအဓဳၤအခဳးအဇိၤဖဳး, ထဲၢ် အခွံဘဲာ် စီၤပ့းတရူး ပ့ၢ်ထဲဓူၢ်အနံၤကူၤတပွဲၤနဳၤ, ဒီၣ်စဲာ်, “ယစာ်ထၱးသဲနဲၤဒဳတဲၤလူၤတဲၤ ဒဳအပူၤ ပျဳာ်ပျဳာ် ကၱာ်စဲာ်နဳၤတဘဲာ်နီးဧါ,” စဒဲလၢ်ဝၤဓဳၤ.
27စီၤပ့းတရူးဒီၣ်ကဒီ, “တဘဲာ်ယဲၤနီး.” ကၱာ်ဘ့နဳၤလီၤရှၱဖဲ အိးထာ်ကဲၤ.
ယ့ၣ်ရှူးဒဳစီၤပံၤလးအလှီမီၢ်
(မး ၂၇:၁,၂,၁၁-၁၄, မၢ် ၁၅:၁-၅, လူၤ ၂၃:၁-၅)
28ဘ့လူၤမူၤဆ့းထာ်ဂီၤသးဘံအခၠၱးနဳၤ, ယ့ၣ်ရှူးအီၣ်ဒဳ စီၤ ကၤယါဖၤအရှံၣ်, ပၠၤလ့ၤအံာ် ကဲၤစဲာ်ဒဳ ရိမ့ၤဖဳးအတဲၤစံးရးအရှံၣ်နဳၤ. ယူဒၤ ဖဳး တစီာ်တလ့ၤနံၢ်သဲန့ၤကဲၤဒဳရှံၣ်ဒဳးပူၤနီး, မၤနဲၢ်, စသး အဲးမဲၤ ဝံၤမဲၤစါစန့ၤတဲၤလ့ၤတလိးပွဲအနံၤခံအစဲလီၤ. 29မဲၤကနဳၤ စီၤပံၤ လးဟဲးထာ်ကဲၤဒဳ စါလၢ်ကိာ် ကၱာ် စဒီၣ်လၤကဲၤလၢ်ဝၤတစီာ်, “သံဆး ဝဲၢ်ပၠၤအယဳၤတပွဲၤအလီၤတၤအတဲၤကမဲာ်နဲၢ်.”
30စဲာ်တစီာ်ဒီၣ်ကဲၤ, “စကတမၱာ်မၤပၠၤ အတဲၤကမဲာ်တအီၣ် နီးတပွဲၤဒဳၣ်, တဘဲာ်ဝၤကလ့ၤ အံာ် စဲာ်ဒဳနအီၣ်ယဳၤနဳၤနီး.”
31စီၤပံၤလးဒီၣ်ကဲၤစဲာ်တစီာ်, “မဲၤကနဳၤ က့ၤအံာ်ပီၢ်သံအဲ, ကၱာ်အစာ်ဘိတဲၤမှဲးလၤအီၣ် အဓ့ နဳၤ, မဲၤဒီပီၢ်သံအဲ,” စဒီၣ်ကဲၤလၢ်ဝၤ တစီာ်ဓဳၤ.
စဲာ်တစီာ်ဒီၣ်ရှံက့ၤ, “ဝၤအဲအခွဲးအကစံးရး သံ ဘဲာ်ပၠၤတအီၣ်နီး.” 32တဲၤအယဳၤမၱာ် အပ့ ထာ်ကိာ်ကဲၤ အစာ်ဘိယ့ၣ်ရှူးဒီၣ်တီၤ လီၤ တဲၤသံထဲၢ် စကခးဘဲာ်တဓဲနဳၤ.
33စီၤပံၤလးက့ၤနံၢ်ဝှါရှံၣ်ပူၤ, စယဳၤကဲၤ ယ့ၣ်ရှူးကၱာ်ထိးစာ် ဒဲစာ်ကဲၤလၢ်ဝၤ, “နဲၤနဳၤ, နမၱာ်ယူဒၤ ဖဳးတစီာ်အဆးဖြးဧါ.”
34ယ့ၣ်ရှူးဒီၣ်က့ၤစဲာ်, “တဲၤအယဳၤမၱာ် နဒီၣ်ဓီကဲၤနအဲဧါ, မၱာ် ပၠၤအလဝ့ၤတပွဲၤပွဲၤဒီဆး ကဲၤနဲၤယဝၱၤယကဲဧါ.”
35စီၤပံၤလးဒီၣ်က့ၤစဲာ်, “နမှါကၱာ်ယမၱာ် ယူဒၤဖဳးတပွဲၤဧါ. နခွံဖဳးကၱာ်ပၠၤလှူၣ်တဲၤအဓဳၤတစီာ် အါလါနံၤနဲၤဒဳယစူးခီးပူၤနဳၤ. နမဲၤကဲၤ တၤနဲၢ်.”
36ယ့ၣ်ရှူးဒီၣ်က့ၤစဲာ်, “ယထံယက့ၤယဳၤ နဳၤအတဘဲာ်ကၠး လၢ်ခဳးယဳၤနီး. ယထံယက့ၤကအီၣ် ဘ့ာ်မ့လၢ်ခဳးယဳၤဒဳၣ်, ယခီပံၤစဖဳး တစီာ်ကဝဳၤ အံာ်နံၤခံ တပွဲးယဲၤစာ်ဘိထဲၢ်ယတဘဲာ်အါလါနံၤ ယူဒၤဖဳး တစီာ် အစူးခီးပူၤနီးအနံၤခံနဳၤ. ယထံယက့ၤတအီၣ်ကဲၤဘ့ လၢ် ခဳးယဳၤ နီး.”
37စီၤပံၤလးဒီၣ်က့ၤစဲာ်, “မဲၤကနဳၤ, နမၱာ် ဆးဖြးဧါ.”
ယ့ၣ်ရှူးဒီၣ်က့ၤစဲာ်, “နဒီၣ်ကဲၤဓဳၤ. အယဳၤအစဲယအီၣ်လၤကဲၤဒဳလၢ် ခဳးယဳၤ, ကၱာ်ဒီယလၤကဲၤ ဒဳလၢ်ခဳးယဳၤမၱာ်အကခးတဲၤတၱၢ်တဲၤမှးအနံၤခံ သဲသၱး. ပၠၤထဲၢ်အဘဲာ်ကၠးတဲၤတၱၢ်တဲၤမှးနဳၤဆီးခ့န့းတပွဲးယလ့ၢ်.”
38စီၤပံၤလးဒဲက့ၤစဲာ်, “တဲၤတၱၢ်တဲၤမှးမၱာ် တၤနဲၢ်.”
ယ့ၣ်ရှူးဘဲာ်စံးရးသံ
(မး ၂၇:၁၅-၃၁, မၢ် ၁၅:၆-၂၀, လူၤ ၂၃:၁၃-၂၅)
စဒဲဝှါလၢ်ဝၤကနဳၤဒဳၣ်, စဟဲးထာ်ကဲၤအချဳ ဒဳယူဒၤဖဳးတစီာ်အီၣ်နဳၤ, ကၱာ်ဒီၣ်ကဲၤလၢ်ဝၤတစီာ်, “ယတပးထၱးကဲၤတဲၤကမဲာ်ဒဳပၠၤအယဳၤတပွဲၤ အီၣ် တမံနီး. 39အစာ်ဘိသံအဲအနူၤအဒီ အီၣ်အဓ့ နဳၤ, ယဘး လှိနံၤနဲၤနီၤပၠၤတပွဲၤပွဲၤဘ့ တဲၤလ့ၤတလိးပွဲ အခၠၱးနဳၤ. သံသးအဲးနံၤယဘး လှိနံၤသံယူဒၤဖဳး အဆးဖြးတပွဲၤယဳၤဧါ.”
40ပၠၤအပဳၤအဟီးကဲာ်ဧဳၤက့ၤစဲာ်အလံၢ်, “တဘဲာ်အယဳၤတပွဲၤနီး. ဝၤသးအဲးနံၤစီၤဘၤရး ဘါလီၤ.” (စီၤဘၤရးဘါမၱာ်ကဲၤပၠၤတ့ၤဝှ့ဖဳး တပွဲၤ.)
ទើបបានជ្រើសរើសហើយ៖
ယိၤဟၣ် 18: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 18
18
ယ့ၣ်ရှူးဘဲာ်ဖီးဘဲာ်စဳ
(မး ၂၆:၄၇-၅၆, မၢ် ၁၄:၄၃-၅၀, လူၤ ၂၂:၄၇-၅၃)
1ယ့ၣ်ရှူးသဘဲထာ်ဝှါကယဳၤဒဳၣ်, စဟဲး ထာ်ပျဳာ်ပျဳာ်ကဲၤ စပျဲၢ်စဘီၣ်တစီာ်ကၱာ်ကူဝဲၢ်ကဲၤ ကံဒြိၣ်လီၢ်ပူၤ. ဘ့နဳၤတဲၤလူၤတဲၤဒဳအီၣ် ကဲၤတဓဲ. ကၱာ်စလ့ၤနံၢ်အပူၤပျဳာ်ပျဳာ်ကၱာ် စပျဲၢ်စဘီၣ်တစီာ် နဳၤ. 2စီၤယူဒၤ, အဟိလါစဲာ်တပွဲၤနဳၤ သၱာ်ဟဲ တပွဲးအလ့ၤ, မၤနဲၢ်, ယ့ၣ်ရှူး ကၱာ်စပျဲၢ်စဘီၣ်တစီာ် လၤတ့ၢ်ပျဳာ်အီၣ်အဲပျာ်ဘ့နဳၤ. 3စီၤယူဒၤ လ့ၤ ယဳၤအံာ်ကျံဖဳးကၱာ်အဓိၤအံာ်တဲၤလှူၣ်ရှံၣ်တပဳၤ, ထဲၢ်ပၠၤလှူၣ်တဲၤအဓဳၤကၱာ်ဖၤရၱၤရှဲဖဳးတစီာ်လှိလ့ၤနဳၤ. စလ့ၤအံာ်တဲၤရၱၢ်တဲၤစူ, မှၱးအူဒဳ ကၱာ် မှၱးဝှိးဆဲး တစီာ် လီၤ. 4ယ့ၣ်ရှူးသၱာ်ဟဲတဲၤကိမံၤမံၤ အကဖၱ ထာ် ဘဲာ်တစီာ်နဳၤဒဳၣ်, စလ့ၤအလှီ မီၢ်ကၱာ်စဒီၣ်, “သံဝၢ်လှဲးပီၢ်ပွဲၤ,” စဒဲလၢ် ဝၤတစီာ်ဓဳၤ.
5အနဳၤတစီာ်ဒီၣ်က့ၤစဲာ်, “ယ့ၣ်ရှူး, နစၤ ရ့းဖဳးတပွဲၤနဳၤ.”
ယ့ၣ်ရှူးဒီၣ်, “ယမၱာ်စဲာ်လီၤ.”
စီၤယူဒၤ, အဟိလါစဲာ်တပွဲၤနဳၤဆီထဳးအီၣ် ပျဳာ်ကဲၤစဲာ်ဘ့နဳၤ. 6ဘ့ယ့ၣ်ရှူးဒီဆးစဲာ်တစီာ်, “ယမၱာ်စဲာ်,” နဳၤ, စဲာ်တစီာ်က့ၤဘးကဲၤအလ့ၤ ကါ ကၱာ်က့ၤဖျီးလဳၢ်ကဲၤ. 7ယ့ၣ်ရှူးဒီၣ်က့ၤစဲာ်တပျာ်ပ့ၤ, “သံဝၢ် လှဲးပီၢ်ပွဲၤ.”
“ယ့ၣ်ရှူး, နစၤရ့းဖဳးတပွဲၤနဳၤ.” စဲာ်တစီာ် ဒီၣ်ရှံက့ၤဓဳၤ.
8စဒဲလၢ်ဝၤတစီာ်ဓဳၤ. က့ၤစဲာ်တစီာ်, “ယဒီဆးထဳတပွဲးသံ ထဲၢ်အမၱာ်ယဲၤလီၤနဳၤ. သံကဝၢ်လှဲးဘ့ာ်မ့ယဲၤလီၤဒဳၣ်, ဘးလှိဘးလၤ ပီၢ် အယဳၤတစီာ်ယဳၤ,” စဒီၣ်လၢ်ဝၤတစီာ်ဓဳၤ. 9အယဳၤမၱာ် စာ်ဘိထဲၢ် စကမဲၤပ့ထာ် တဲၤယၱၢ်ဘဲာ် ထဲၢ် စဒီၣ်ကဲၤ, “နအံာ်လၤကဲၤယဲၤပၠၤတစီာ် အကျဲ, ယတမဲၤကဲမဲၢ်လှဲ မဲၢ်ကဲၤတဗွဲနီး,” နဳၤ.
10စီၤၡံမိၣ်ပ့းတရူးထဲၢ်အဟဲးအံာ်ဒာ်ဆ့တပွဲၤနဳၤ, စဘ့းထာ် ဒာ်ဆ့ကၱာ်ပ့ၢ်ထဲဓူၢ်ကဲၤ ပၠၤလှူၣ် ဘၱာ်စဲာ်အခဳးအဇိၤဖဳးတပွဲၤအနံၤကူၤ အတထွဲး တခီဘဲာ်. ဇိၤဖဳးအနဳၤတပွဲၤအမံၤမၱာ်စီၤမါလဃူး. 11ယ့ၣ်ရှူးဒီၣ်ကဲၤစီၤပ့းတရူး, “ဖြီနံၢ်က့ၤပီၢ်နဒာ်ဆ့အကဳပူၤ, ယကတအီ ဘဲာ်ဖလါအပာ်နှးကဲၤ ယအီတမဲနဳၤနီးဧါ.”
ယ့ၣ်ရှူးဒဳစီၤအၣ်နၣ်အလှီမီၢ်
12ကျံဖဳးတစီာ်ကၱာ်ယူဒၤဖဳးအပၠၤတစီာ်ပိာ် ကဲၤယ့ၣ်ရှူးကၱာ် စဳကျဳၤကဲၤလၢ်ဝၤ. 13စလ့ၤ အံာ်အူဆူးကဲၤလၢ်ဝၤဒဳစီၤအၣ်နၣ် အီၣ်နဳၤ, မၤနဲၢ်, စီၤအၣ်နၣ်မၱာ်ကဲၤ ပၠၤလှူၣ်တဲၤအဓဳၤအခဳးအနဳၤ တဒ့ာ် နဳၤ, ထဲၢ်စီၤကၤယါဖၤအမူၤပွ့ၢ်နဳၤ. 14စီၤကၤယါဖၤထဲၢ်အအံာ်ကဳ အံာ်ကၠးယူဒၤဖဳးတစီာ်, စဒီၣ်, “ပၠၤတပွဲၤလီၤ ကသံဘဲာ်ပၠၤလဳစါစဲးအနံၤ ခံမၱာ်အအဲးဒဳၣ်ချဳ,” နဳၤ.
စီၤပ့းတရူးအတဲၤယၤဘံာ်
(မး ၂၆:၆၉-၇၀, မၢ် ၁၄:၆၆-၆၈, လူၤ ၂၂:၅၅-၅၇)
15စီၤၡံမိၣ်ပ့းတရူး ကၱာ်အပျဲၢ်အဘီၣ်အလဝ့ၤတပွဲၤ လိၤ ကိာ်ကဲၤယ့ၣ်ရှူးအလ့ၤ. ပၠၤလှူၣ် ဘၱာ်စဲာ်အခဳးတပွဲၤ သၱာ်ဟဲတပွဲးအပျဲၢ်အဘီၣ် အလဝ့ၤတပွဲၤအစဲ, စလ့ၤနံၢ်ကိာ်ကဲၤပၠၤအကါ ဒဳရှံၣ်အဝ့ၤ ပူၤနဳၤ, 16မၱာ်စီၤပ့းတရူးနဳၤ စအီၣ် တၤကဲၤဒဳအချဳ, ရှံၣ်ခးကျဲၢ် အခၣ်ထၱး. အပျဲၢ်အဘီၣ်ထဲၢ်ပၠၤလှူၣ်တဲၤအဓဳၤအခဳးသၱာ်ဟဲတပွဲၤနဳၤ က့ၤဘးကၱာ် ယၱၢ်ဘဲာ်ထၱးဝှါအမံၤမှူး အတိၤအံာ် ခးကျဲၢ်တပွဲၤနဳၤဒဳၣ်, စယဳၤနံၢ်ကဲၤ စီၤပ့းတရူးအပူၤ. 17ဘ့နဳၤ, ဇိၤမဳၤအတိၤအံာ် ခးကျဲၢ် တပွဲၤ ဒဲကဲၤ စီၤပ့းတရူး, “နမၱာ်တပွဲးသဲ စပျဲၢ်စဘီၣ်တပွဲၤ တဘဲာ်နီးဧါ.”
စီၤပ့းတရူးဒီၣ်က့ၤစဲာ်, “တမၱာ်ယဲၤနီး.”
18ဘ့နဳၤလူၤမူၤနဲၤတဲၤဟီးကဲၤအစဲ, ဇိၤဖဳး တစီာ်ကၱာ်အစာ် တိၤအံာ်တဲၤတစီာ်ဘိကဲၢ်ထာ်မှၱး, ဆီထဳးခွဲဘးကၱာ် မဲၤလဲၤကဲၤအန့ၤ. စီၤ ပ့းတရူး လ့ၤဆီထဳးအီၣ်ကၱာ် ဆူဧူၢ်ကိာ်ကဲၤပၠၤကါမှၱးဘ့ နဳၤ.
ပၠၤလှူၣ်တဲၤဒဲယ့ၣ်ရှူး
(မး ၂၆:၅၉-၆၆, မၢ် ၁၄:၅၅-၆၄, လူၤ ၂၂:၆၆-၇၁)
19ပၠၤလှူၣ်တဲၤအဓဳၤထိးစာ်ဒဲစာ်ကဲၤ ယ့ၣ်ရှူး အဘဲာ်ကၠးစပျဲၢ် စဘီၣ်တစီာ်ကၱာ်စသိၣ် အံာ်သီအံာ်တဲၤအဝၱၤအကဲတစီာ်နဳၤ. 20ယ့ၣ်ရှူးဒီၣ်က့ၤကဲၤစဲာ်, “ယသိၣ်အံာ် သီအံာ်လှၱထာ် ဖျီ ထာ်ကဲၤဒဳ ပၠၤလဳစါစဲးအလှီမီၢ် သဲာ်ယိ, ဒဳဘူၣ်ဘျီၣ်ကၱာ်တဲၤလှူၣ်ရှံၣ်ပူၤ ထဲၢ်ယူ ဒၤဖဳးတစီာ်လၤတ့ၢ်ပျဳာ်အလ့ၤလီၤ. ယဒီၣ်ဟူၣ် ဒီၣ်ဇီၤကဲၤတဲၤတအီၣ်ကဲၤတမံနီး. 21မဲၤကနဳၤ ဒဳၣ်, နဒဲမၤယဲၤနဲၢ်. ဒဲပီၢ်ဒဳပၠၤအဆီးခ့န့းယဲၤ တစီာ်နဳၤနၢ်. ယဒီဆးစဲာ်တစီာ်စာ်တဲၢ်နဳၤ ဒဲစာ်စဲာ်, စသၱာ် ဟဲလဳတပွဲး ယဒီၣ်ကဲၤတၤနဲၢ်နဳၤ.”
22ဘ့ယ့ၣ်ရှူးဒီၣ်ကနဳၤဒဳၣ်, ဇိၤဖဳးအဆီထဳး အီၣ်စကါထၱးတပွဲၤဒဲးကဲၤစနဲၤထၱး ကၱာ်ဒီၣ်ကဲၤ စဲာ်, “နကဒီၣ်ဘဲာ်ပၠၤလှူၣ်တဲၤအဓဳၤကနဳၤ ဧါ.”
23ယ့ၣ်ရှူးဒီၣ်က့ၤစဲာ်, “ယဒီၣ်တဲၤအကမဲးကအီၣ်တမံၤမံၤ ဒဳၣ်, ဒီဆးဖျီထာ်ပီၢ်ဒဳပၠၤလဳစါ စဲးအလှီမီၢ်ခဳနူၤယဳၤ, မၱာ်တၤနဲၢ်နဳၤ. မၱာ်ယဒီၣ်တဲၤ အဘဲာ်လီၢ်ဒဳၣ်, နဒဲးမၤယဲၤနဲၢ်.”
24ဘ့နဳၤစီၤအၣ်နၣ်လှိလ့ၤကဲၤစဲာ်ဒဳ ပၠၤလှူၣ်တဲၤအဓဳၤအခဳး စီၤကၤယါဖၤအီၣ်နဳၤ.
စီၤပ့းတရူးယၤဘံာ်ယ့ၣ်ရှူးတပျာ်ပ့ၤ
(မး ၂၆:၇၁-၇၅, မၢ် ၁၄:၆၉-၇၂, လူၤ ၂၂:၅၈-၆၂)
25စီၤပ့းတရူးဆီထဳးအီၣ်ဆူဧူၢ်ဝ့ၤမှၱးဘ့နဳၤ. ပၠၤအလဝ့ၤတပွဲၤ ဒီၣ်ကဲၤစဲာ်, “နဲၤမၱာ်သဲစပျဲၢ်စဘီၣ်အကျဲတပွဲၤတဘဲာ်နီးဧါ.”
စီၤပ့းတရူးဒီၣ်က့ၤစဲာ်, “တဘဲာ်ကၢ်ကါယဲၤနီး.”
26ပၠၤလှူၣ်တဲၤအဓဳၤအခဳးအဇိၤဖဳး, ထဲၢ် အခွံဘဲာ် စီၤပ့းတရူး ပ့ၢ်ထဲဓူၢ်အနံၤကူၤတပွဲၤနဳၤ, ဒီၣ်စဲာ်, “ယစာ်ထၱးသဲနဲၤဒဳတဲၤလူၤတဲၤ ဒဳအပူၤ ပျဳာ်ပျဳာ် ကၱာ်စဲာ်နဳၤတဘဲာ်နီးဧါ,” စဒဲလၢ်ဝၤဓဳၤ.
27စီၤပ့းတရူးဒီၣ်ကဒီ, “တဘဲာ်ယဲၤနီး.” ကၱာ်ဘ့နဳၤလီၤရှၱဖဲ အိးထာ်ကဲၤ.
ယ့ၣ်ရှူးဒဳစီၤပံၤလးအလှီမီၢ်
(မး ၂၇:၁,၂,၁၁-၁၄, မၢ် ၁၅:၁-၅, လူၤ ၂၃:၁-၅)
28ဘ့လူၤမူၤဆ့းထာ်ဂီၤသးဘံအခၠၱးနဳၤ, ယ့ၣ်ရှူးအီၣ်ဒဳ စီၤ ကၤယါဖၤအရှံၣ်, ပၠၤလ့ၤအံာ် ကဲၤစဲာ်ဒဳ ရိမ့ၤဖဳးအတဲၤစံးရးအရှံၣ်နဳၤ. ယူဒၤ ဖဳး တစီာ်တလ့ၤနံၢ်သဲန့ၤကဲၤဒဳရှံၣ်ဒဳးပူၤနီး, မၤနဲၢ်, စသး အဲးမဲၤ ဝံၤမဲၤစါစန့ၤတဲၤလ့ၤတလိးပွဲအနံၤခံအစဲလီၤ. 29မဲၤကနဳၤ စီၤပံၤ လးဟဲးထာ်ကဲၤဒဳ စါလၢ်ကိာ် ကၱာ် စဒီၣ်လၤကဲၤလၢ်ဝၤတစီာ်, “သံဆး ဝဲၢ်ပၠၤအယဳၤတပွဲၤအလီၤတၤအတဲၤကမဲာ်နဲၢ်.”
30စဲာ်တစီာ်ဒီၣ်ကဲၤ, “စကတမၱာ်မၤပၠၤ အတဲၤကမဲာ်တအီၣ် နီးတပွဲၤဒဳၣ်, တဘဲာ်ဝၤကလ့ၤ အံာ် စဲာ်ဒဳနအီၣ်ယဳၤနဳၤနီး.”
31စီၤပံၤလးဒီၣ်ကဲၤစဲာ်တစီာ်, “မဲၤကနဳၤ က့ၤအံာ်ပီၢ်သံအဲ, ကၱာ်အစာ်ဘိတဲၤမှဲးလၤအီၣ် အဓ့ နဳၤ, မဲၤဒီပီၢ်သံအဲ,” စဒီၣ်ကဲၤလၢ်ဝၤ တစီာ်ဓဳၤ.
စဲာ်တစီာ်ဒီၣ်ရှံက့ၤ, “ဝၤအဲအခွဲးအကစံးရး သံ ဘဲာ်ပၠၤတအီၣ်နီး.” 32တဲၤအယဳၤမၱာ် အပ့ ထာ်ကိာ်ကဲၤ အစာ်ဘိယ့ၣ်ရှူးဒီၣ်တီၤ လီၤ တဲၤသံထဲၢ် စကခးဘဲာ်တဓဲနဳၤ.
33စီၤပံၤလးက့ၤနံၢ်ဝှါရှံၣ်ပူၤ, စယဳၤကဲၤ ယ့ၣ်ရှူးကၱာ်ထိးစာ် ဒဲစာ်ကဲၤလၢ်ဝၤ, “နဲၤနဳၤ, နမၱာ်ယူဒၤ ဖဳးတစီာ်အဆးဖြးဧါ.”
34ယ့ၣ်ရှူးဒီၣ်က့ၤစဲာ်, “တဲၤအယဳၤမၱာ် နဒီၣ်ဓီကဲၤနအဲဧါ, မၱာ် ပၠၤအလဝ့ၤတပွဲၤပွဲၤဒီဆး ကဲၤနဲၤယဝၱၤယကဲဧါ.”
35စီၤပံၤလးဒီၣ်က့ၤစဲာ်, “နမှါကၱာ်ယမၱာ် ယူဒၤဖဳးတပွဲၤဧါ. နခွံဖဳးကၱာ်ပၠၤလှူၣ်တဲၤအဓဳၤတစီာ် အါလါနံၤနဲၤဒဳယစူးခီးပူၤနဳၤ. နမဲၤကဲၤ တၤနဲၢ်.”
36ယ့ၣ်ရှူးဒီၣ်က့ၤစဲာ်, “ယထံယက့ၤယဳၤ နဳၤအတဘဲာ်ကၠး လၢ်ခဳးယဳၤနီး. ယထံယက့ၤကအီၣ် ဘ့ာ်မ့လၢ်ခဳးယဳၤဒဳၣ်, ယခီပံၤစဖဳး တစီာ်ကဝဳၤ အံာ်နံၤခံ တပွဲးယဲၤစာ်ဘိထဲၢ်ယတဘဲာ်အါလါနံၤ ယူဒၤဖဳး တစီာ် အစူးခီးပူၤနီးအနံၤခံနဳၤ. ယထံယက့ၤတအီၣ်ကဲၤဘ့ လၢ် ခဳးယဳၤ နီး.”
37စီၤပံၤလးဒီၣ်က့ၤစဲာ်, “မဲၤကနဳၤ, နမၱာ် ဆးဖြးဧါ.”
ယ့ၣ်ရှူးဒီၣ်က့ၤစဲာ်, “နဒီၣ်ကဲၤဓဳၤ. အယဳၤအစဲယအီၣ်လၤကဲၤဒဳလၢ် ခဳးယဳၤ, ကၱာ်ဒီယလၤကဲၤ ဒဳလၢ်ခဳးယဳၤမၱာ်အကခးတဲၤတၱၢ်တဲၤမှးအနံၤခံ သဲသၱး. ပၠၤထဲၢ်အဘဲာ်ကၠးတဲၤတၱၢ်တဲၤမှးနဳၤဆီးခ့န့းတပွဲးယလ့ၢ်.”
38စီၤပံၤလးဒဲက့ၤစဲာ်, “တဲၤတၱၢ်တဲၤမှးမၱာ် တၤနဲၢ်.”
ယ့ၣ်ရှူးဘဲာ်စံးရးသံ
(မး ၂၇:၁၅-၃၁, မၢ် ၁၅:၆-၂၀, လူၤ ၂၃:၁၃-၂၅)
စဒဲဝှါလၢ်ဝၤကနဳၤဒဳၣ်, စဟဲးထာ်ကဲၤအချဳ ဒဳယူဒၤဖဳးတစီာ်အီၣ်နဳၤ, ကၱာ်ဒီၣ်ကဲၤလၢ်ဝၤတစီာ်, “ယတပးထၱးကဲၤတဲၤကမဲာ်ဒဳပၠၤအယဳၤတပွဲၤ အီၣ် တမံနီး. 39အစာ်ဘိသံအဲအနူၤအဒီ အီၣ်အဓ့ နဳၤ, ယဘး လှိနံၤနဲၤနီၤပၠၤတပွဲၤပွဲၤဘ့ တဲၤလ့ၤတလိးပွဲ အခၠၱးနဳၤ. သံသးအဲးနံၤယဘး လှိနံၤသံယူဒၤဖဳး အဆးဖြးတပွဲၤယဳၤဧါ.”
40ပၠၤအပဳၤအဟီးကဲာ်ဧဳၤက့ၤစဲာ်အလံၢ်, “တဘဲာ်အယဳၤတပွဲၤနီး. ဝၤသးအဲးနံၤစီၤဘၤရး ဘါလီၤ.” (စီၤဘၤရးဘါမၱာ်ကဲၤပၠၤတ့ၤဝှ့ဖဳး တပွဲၤ.)
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.