ယိၤဟၣ် 1
1
တဲၤသမိအတဲၤယၱၢ်ဘဲာ်
1လှ့အကါထၱးနဳၤတဲၤယံၢ်ဘဲာ်အီၣ်ကဲၤ. တဲၤယံၢ်ဘဲာ်အီၣ်ကဲၤ ဒဳဘၱာ်စဲာ်အီၣ်, ကၱာ်တဲၤယံၢ်ဘဲာ် မၱာ်ကဲၤဘၱာ်စဲာ်သဲန့ၤ. 2လှ့အကါ ထၱးလီၤ စအီၣ်ကဲၤဒဳဘၱာ်စဲာ်အီၣ်နဳၤ. 3တဲၤလဳစါစဲးအီၣ် ထာ်ကိာ် ကၱာ်စဲာ်, ကၱာ်တဲၤဘဲာ်ဘီာ်လၤအတဖၱထာ် ကိာ်စဲာ်နီးတအီၣ်တမံနီး. 4တဲၤယၱၢ်ဘဲာ်မၱာ် တဲၤအီၣ်သမိအခၣ်ထၱး, ကၱာ်တဲၤအီၣ်သမိလၤအံာ် ပၠၤ တဲၤလှၱ. 5တဲၤလှၱ လှၱလၤဘဲာ်ကဲၤတဲၤခံး, ကၱာ် တဲၤခံးတနဳၤ တပဲၤကဲၤစဲာ်နီး.
6ကဘၱာ်စဲာ် သဓဳလ့ၤကဲၤပၠၤတပွဲၤထဲၢ် စမံၤမၱာ်ကဲၤစီၤယိၤ ဟၣ်. 7စမၱာ်ကဲၤအခးအန့ၤ သဲသၱးတဲၤလှၱအနံၤခံ, စာ်ဘိထဲၢ်ပၠၤ လဳစါစဲးကဘူၣ် ပီၢ်စတဲၤဒီၣ်အဓ့နဳၤ. 8စဲာ်သဲန့ၤစတမၱာ်ကဲၤ တဲၤ လှၱနီး. စလ့ၤလၤကဲၤစာ်ဘိထဲၢ် အကခးသဲသၱးဒဳ တဲၤလှၱအဝၱၤအကဲအနံၤ ခံနဳၤ. 9တဲၤလှၱသဲန့ၤ ထဲၢ်အအံာ်ပၠၤတဲၤလှၱကိအပွဲၤ လ့ၤလၤကဲၤ ဒဳလၢ်ခဳး အခဳးယဳၤ.
10စလၤအီၣ်ဒဳလၢ်ခဳးယဳၤကၱာ်လၢ်ခဳးဖၱထာ် ကိာ်ကဲၤစခဳးစစဲ, ပရၤဆါလၢ်ခဳးတသၱာ်ဟဲကဲၤစဲာ်နီး. 11စလ့ၤလၤကဲၤဒဳစထံစက့ၤအပူၤ, ပရၤဆါ စခွံဖဳးတဖၱးနံၤကဲၤစဲာ်နီး. 12ကယါ အဖၱးနံၤ စဲာ်ကၱာ်အဘူၣ်စမံၤစါထံတစီာ်နဳၤ, စအံာ်ကဲၤလၢ်ဝၤ အကဖၱထာ်ဘဲာ်ကဘၱာ်စဲာ်အဖဳးအလံၤ. 13စဲာ်တစီာ်ဖၱထာ်ကဘၱာ် စဲာ်အဖဳးအလံၤတမၱာ်ဒဳတဲၤသွံၣ် တဲၤထံ, တဲၤဖ့းတဲၤဟၱးနီး, မၱာ်စအီၣ်ထာ် ကိာ်ကဲၤ အအီၣ်လၤပၠၤအတဲၤပာ်တပွဲၤ, ကဘၱာ်စဲာ်သဲန့ၤမၱာ်ကဲၤ စဲာ်တစီာ်အပာ်နဳၤ.
14တဲၤယၱၢ်ဘဲာ်ဖၱထာ်ကဲၤပၠၤ, ပ့ထာ်ကၱာ် ကဲၤအလှူၣ်အတါ, တဲၤတၱၢ်တဲၤမှးကၱာ်စအီၣ် ကဲၤ ဝၤကျဲ. ကၱာ်ဝၤစာ်ထၱးဘဲာ်ကဲၤစတီၤစသ့း. ကဘၱာ်စဲာ် အဖဳးတပွဲၤလီၤအတီၤအသ့းထဲၢ်အအီၣ်ဒဳပာ်ဘၱာ်စဲာ် အီၣ်တဓဲနဳၤ.
15စီၤယိၤဟၣ်ခးကဲၤစနံၤခံသဲသၱးဒဳ တဲၤယၱၢ်ဘဲာ်အပူၤကယဳၤ, “အယဳၤတပွဲၤမၱာ်ကဲၤ ယဒီဆးအံာ်အဝၱၤအကဲထဲၢ်အကလ့ၤကိာ်ကီ ယလ့ၤ, မၱာ်အဓဳၤဒဳၣ်လံယဲၤ, မၤနဲၢ်, စမၱာ်ကဲၤအအီၣ်အူဆူး ယဲၤတပွဲၤ နဳၤ.”
16ဒဳစတဲၤလှူၣ်တဲၤတါပ့ထာ်ဇီၤထာ်အပူၤ နဳၤ, ဝၤလဳစါစဲးနံၤ ဘဲာ်ကိာ်ကဲၤစကါ တဲၤဟိဝၱၤတမဳၤ ဝှါတမဳၤလီၤ. 17ကဘၱာ်စဲာ် အံာ်လၤအတဲၤမှဲးလၤဒဳ စီၤမိၤၡ့အီၣ်နဳၤ. မၱာ်တဲၤလှူၣ်တဲၤတါ ကၱာ်တဲၤ တၱၢ်တဲၤမှးနဳၤတဲၤအံာ်လၤကိာ်ယ့ၣ်ရှူး ခရၱာ်လီၤ. 18ပၠၤတစာ်ထၱး ကဲ ကဘၱာ်စဲာ်တပွဲ နီး, မၱာ်စဖဳးသဲန့ၤဒဲလၱၢ်လှၱထာ်ဖျီထာ်ကဲၤစဲာ်.
အဖဳးစူထံစီၤယိၤဟၣ်အတဲၤခးသဲသၱး
(မး ၃:၁-၁၂, မၢ် ၁:၁-၈, လူၤ ၃:၁-၁၈)
19ကၱာ်ဒီအယဳၤမၱာ် စီၤယိၤဟၣ်အတဲၤ ခး သဲသၱး ထဲၢ်ဘ့ယူ ဒၤဖဳးအအီၣ်ယရူၤရှလ့ၤအူးပူၤ တစီာ်သဓဳလ့ၤကဲၤပၠၤလှူၣ်တဲၤအခဳးကၱာ် လ့ၤဝံဖဳး တစီာ်ထိးစာ်ဒဲစာ်စဲာ်, “နမၱာ်ပီၢ်ပွဲၤ.”
20စီၤယိၤဟၣ်တယၤဘံာ်တပွဲးနီး, ကၱာ် ဒီၣ်ဖျီထာ်ကဲၤ, “ယတမၱာ်ခရၱာ်နီး.”
21စဲာ်တစီာ် ဒဲစီၤယိၤဟၣ်, “မဲၤကနဳၤဒဳၣ်, နမၱာ်ဒီပီၢ်ပွဲၤ. နမၱာ် ဝံအ့ၤလံယၤဧါ.”
စဒီၣ်ရှံက့ၤလၢ်ဝၤတစီာ်, “ယတမၱာ်ဝံအ့ၤလံ ယၤနီး.”
“မဲၤကနဳၤ, နမၱာ်ဝံဧါ.”
ကၱာ်စဒီၣ်ရှံက့ၤ, “နီး.”
22မဲၤကနဳၤဒဳၣ်, စဒဲလၢ်ဝၤ, “နမၱာ်ဒီပီၢ်ပွဲၤ. စာ်ဘိထဲၢ်ဝၤကဒီ ဆးဇၤပီၢ်ပၠၤအသဓဳဝၤတစီာ်နဳၤ. နကဒီၣ်လၤက့ၤနန့ၤတၤနဲၢ်.”
23စဒီၣ်လၢ်ဝၤတစီာ်,
“ယမၱာ်တဲၤလ့ၢ်အသဲာ်ထာ်ဓဳမှၱးလဲၢ်ကျဲ, မဲၤတနၢ်က့ၤပီၢ်ကဘၱာ် စဲာ်အကျဲး, အစာ်ဘိဝံအ့ၤလံယၤဒီၣ်ကဲၤနဳၤ,”
စဒီဆးကဲၤလၢ်ဝၤတစီာ်ဓဳၤ.
24ပၠၤအဘဲာ်သဓဳလ့ၤတစီာ်အကျဲ တစီာ် စီာ်မၱာ်ကဲၤဖၤရံၤ ရှဲ ဖဳး. 25စထိးစာ်ဒဲစာ်လၢ်ဝၤ, စဒီၣ်, “နကတမၱာ်ဘ့ာ်မ့မၤမ့ၤရှံအၤ နီး, ဝံအ့ၤလံယၤနီး, ဝံနီးနီးဒဳၣ်, နဖဳးစူမၤပၠၤထံနဲၢ်.”
26စီၤဟိၤဟၣ်ဒီၣ်ရှံက့ၤစဲာ်တစီာ်, “ယဖဳးစူအံာ်သံကၱာ်ထံ, ပရၤဆါဒဳသံကျဲနဳၤ အဆီထဳးအီးကဲၤတပွဲၤ, ထဲၢ်သံတသၱာ်ဟဲကဲၤ စဲာ်နီး နဳၤ. 27စမၱာ်အကလ့ၤကီဒဳယလ့ၤကါ တပွဲၤ, ထဲၢ်ယတတးမဲၤပွ့း အကဘါပျဲးစခၣ် တကီးအပံၤနှီနူၤနီး,” စဒီဆးကဲၤလၢ်ဝၤတစီာ် ဓဳၤ.
28တဲၤအယဳၤတစီာ်ဖၱထာ်ကဲၤဒဳ ဘ့ၤသနံဒဳ, အအီၣ်ဒဳယၢ် ဒ့ၣ်လီၢ်လူၤမူၤထာ် ထဲၢ် စီၤယိၤဟၣ်ဖဳးစူပၠၤထံအလ့ၤနဳၤ.
ကဘၱာ်စဲာ်အသဳဖဳး
29အလ့ၤကါတနံၤ စီၤယိၤဟၣ်ကဲာ်ထၱး ယ့ၣ်ရှူးလ့ၤဒဳစအီၣ်, ကၱာ်စဒီၣ်လၢ်ဝၤ, “စာ်ပီၢ်, ကဘၱာ်စဲာ်အသဳဖဳး, ထဲၢ်အဖၱးကဲလၢ်ခဳးအတဲၤ ခီၣ်ဝဲၤနဳၤ. 30စမၱာ်ပၠၤထဲၢ်ယဒီၣ်, ပၠၤအကလ့ၤ ယလ့ၤကါတပွဲၤနဳၤ မၱာ်စဓဳၤဒဳၣ်လံယဲၤ, မၤနဲၢ်, စအီၣ်အူဆူးယဲၤ, နဳၤ. 31ယတသၱာ်ဟဲ ကဲၤစဲာ် နီးဟဳ. ပရၤဆါယကဒဲလၱၢ်ပီၢ်စဲာ်ဒဳအံၣ်စရ့လးဖဳး တစီာ်နဳၤ, ယဖဳးစူကီပၠၤကၱာ်ထံ” စဒီဆးကဲၤပၠၤဓဳၤ.
32မဲၤဝှါစီၤယိၤဟၣ်ကဲာ်ထာ်သဲသၱး, စဒီၣ်, “ယစာ်ထၱးသးစါ ထံ မဲၤအစာ်ဘိသကဳတြူၤ အီၣ် ဒဳမီၢ်ခဳးအလ့ၤလၤဒဳစခဳးနဳၤ. 33ယတသၱာ်ဟဲ ကဲၤစဲာ်နီး, ပရၤဆါစဲာ်ထဲၢ်အသဓဳလ့ၤယဲၤ အကဖဳးစူ ပၠၤ ထံတပွဲၤဒီၣ်ကဲၤယဲၤ, စဲာ်ထဲၢ်နကစာ်ထၱး သးစါထံ လၤကၱာ်ဆီလါစခဳးတပွဲၤမၱာ်, စဲာ်ထဲၢ် အကဖဳးစူ ပၠၤ ကၱာ်ကဘၱာ်စဲာ်အသးစါထံတပွဲၤနဳၤ, အဒီၣ်ယဲၤဓဳၤ. 34ယစာ်ထၱးထဳ ကၱာ်ခးသဲသၱးထဲၢ်စမၱာ် ကဘၱာ်စဲာ်အဖဳးနီး” စဒီဆးကဲၤပၠၤဓဳၤ.
အပျဲၢ်အဘီၣ်အအူဆူးတစီာ်
35အလ့ၤကါတနံၤစီၤယိၤဟၣ်ဆီထဳးအီၣ်ဝ့ၤဘ့နဳၤ, ပျဳာ်ပျဳာ် ကၱာ်စပျဲၢ်စဘီၣ်ကၠံၢ်ပွဲၤ. 36စစာ်ဝှါ ယ့ၣ်ရှူးလ့ၤကိာ်ကျဲးဒဳၣ်, စဒီၣ်, “ကဘၱာ်စဲာ်အသဳဖဳး.”
37စခၱစပွဲၤကၠံၢ်ပွဲၤသၱာ်ဟဲဘဲာ်စတဲၤယံၢ် ဘဲာ်ဒဳၣ်, စလိၤကိာ် ကဲၤယ့ၣ်ရှူးအလ့ၤ. 38ယ့ၣ်ရှူးစာ်ဘးက့ၤအလ့ၤကါ, စစာ်ထၱးလၢ် ဝၤတစီာ် လ့ၤကိာ်စလ့ၤဒဳၣ်, စဒီၣ်လၢ်ဝၤ, “သံဝၢ်လှဲးကဲၤတၤနဲၢ်” စဒဲ လၢ်ဝၤဓဳၤ.
စဲာ်တစီဒီၣ်, “ဆရၣ်, နအီၣ်ဒီၣ်လဲၢ်” စဒဲလၢ်ဝၤ ဓဳၤ.
39စဒီၣ်ရှံက့ၤ, “လ့ၤစာ်ပီၢ်” စဒီၣ်လၢ်ဝၤဓဳၤ. (ဘ့နဳၤမၱာ်ဘ့ လူၤမူၤလၤဘး လွံၢ်နၣ်ရၱၣ် အခၠၱးနဳၤ.)
စဲာ်တစီာ်လ့ၤကၱာ်စာ်ကဲၤယ့ၣ်ရှူးအီၣ်အလ့ၤ. အနဳၤတနံၤစအီၣ်ကိာ် ကဲၤလၢ်ဝၤအကါထိလူၤမူၤလၤဓ့ၢ် နံၢ်နဳၤ.
40အသၱာ်ဟဲဘဲာ်ဝှါစီၤယိၤဟၣ် အတဲၤ ယၱၢ်ဘဲာ်ဒဳၣ်အလိၤ ကိာ်ကဲၤယ့ၣ်ရှူးအလ့ၤ တပွဲၤ မၱာ်စီၤအၣ်တရ့း, ထဲၢ်စီၤၡံမိၣ်ပ့းတရူးအပၱးကီနဳၤ. 41စစာ်ထၱးအူဆူးကဲၤ စမဲၢ်စီၤၡံမိၣ်ဒဳၣ်, စဒီၣ် ကဲၤလၢ် ဝၤ, “ဝၤပးထၱးထဳမ့ၤရှံအၤထဳ,” စဒီဆးလၢ်ဝၤဓဳၤ. (အထာ်ပဳၤထာ်ဘါမၱာ် “ခရၱာ်”) 42မဲၤဝှါဒဳၣ်, စလ့ၤအံာ်ဟူကဲၤလၢ်ဝၤဒဳ ယ့ၣ်ရှူးအီၣ်နဳၤ.
ယ့ၣ်ရှူးစာ်ထၱးစီၤၡံမိၣ်ဒဳၣ် စဒီၣ်လၢ်ဝၤ, “နမၱာ် စီၤၡံမိၣ်, စီၤယိၤ ဟၣ်အဖဳး, ပရၤဆါနကဘဲာ်ယဳၤကီ စီၤက့ၤဖး,” စဒီၣ်လၢ်ဝၤဓဳၤ. (က့ၤ ဖးမၱာ်အယၢ်သိး ပ့းတရူး, အထာ်ပဳၤထာ်ဘါမၱာ် “လဳၤ.”)
ယ့ၣ်ရှူးယဳၤစီၤဖံလံးပူးကၱာ်စီၤနၤသန့လး
43အလ့ၤကါတနံၤဗ့ စသးမီလ့ၤဒဳ ကၤလံၤလဲက့ၤနဳၤဒဳၣ်, စစာ်ထၱးကဲၤစီၤဖံလံးပူး. ယ့ၣ်ရှူးဒီၣ်စဲာ်, “လ့ၤကိာ်ပီၢ်ယလ့ၤ.” 44စီၤဖံလံးပူးမၱာ်စအီၣ်ဒဳ ဘ့ၤသစဲဒၤအအူးထဲၢ် စီၤအၤတရ့းကၱာ်စီၤပ့းတရူး အအူးနဳၤ. 45စီၤဖံလံးပူးစာ်ထၱး စီၤနၤသန့လးဒဳၣ်, စဒီၣ်လၢ်ဝၤ, “ဝၤပးထၱးထဳစဲာ်ထဲၢ်စီၤမိၤၡ့ ဒဳစတဲၤမှဲးလၤအစဲာ်ပူၤ, ကၱာ်ဝံတစီာ်အတဲၤ ဝှ့းလၤတီၤလီၤအဝၱၤအကဲထဲၢ် စီၤယိၤသးအဖဳးယ့ၣ်ရှူး, နစၤရ့းအူးဖဳး နဳၤ,” စဒီဆး လၢ်ဝၤဓဳၤ.
46မၱာ်စီၤနၤသန့လးဒီၣ်က့ၤစဲာ်, “တဲၤအအဲးဖျီးထာ်ဇၤပီၢ် ဒဳ အူနစၤရ့းအအူးပူၤတမံၤမံၤဧါ” စဒဲကဲၤလၢ်ဝၤဓဳၤ.
စီၤဖံလံးပူးဒီၣ်က့ၤစဲာ်, “လ့ၤကၱာ်စာ်ပီၢ်” စဒီၣ်ၡံက့ၤကဲၤလၢ်ဝၤဓဳၤ.
47ယ့ၣ်ရှူးကဲာ်ထၱးစီၤနၤသန့လးလ့ၤဒဳစအီၣ်ဒဳၣ်, စဒီဆးပၠၤ, “စာ်ပီၢ်, အံၣ်စရ့လးဖဳးအခွံအစါ, ထဲၢ်အတဲၤကမဲာ်တအီၣ်နီးတပွဲၤနဳၤ” စဒီၣ်ကဲၤလၢ်ဝၤ ဓဳၤ.
48စီၤနၤသန့လးဒီၣ်စဲာ်, “နသၱာ်ဟဲဒီယဲၤ လှ့းကာ်တဲၢ်” စဒဲကဲၤယ့ၣ်ရှူးဓဳၤ.
ယ့ၣ်ရှူးဒီၣ်က့ၤစဲာ်, “တချူကၱာ်စီၤဖံလံးပူးယဳၤ နဲၤနှၱနီးနဳၤ, ယစာ်ထၱး နဲၤဒဳသဳာ်ဓဳၤထံသဲာ်မူၤလဲၢ်နဳၤ” စဒီၣ်က့ၤလၢ်ဝၤဓဳၤ.
49စီၤနၤသန့လးဒီၣ်က့ၤစဲာ်, “ဆရၣ်, နမၱာ်ကဘၱာ်စဲာ်အဖဳး, အံၣ်စရ့လးအဆးဖြး” စဒီၣ်လၢ်ဝၤဓဳၤ.
50ယ့ၣ်ရှူးဒီၣ်ၡံက့ၤစဲာ်, “ယစာ်ထၱးနဲၤဒဳ သဳာ်ဓဳၤထံသဲာ်အမူၤ လဲၢ်နဳၤယဒီၣ်နဲၤဓဳၤဒဳၣ်, နဘူၣ် ကဲၤဟဳ. နကစာ်ထၱးဘဲာ်ကီဘၱာ်စဲာ်အမူၤဒဳၣ်လံ အယဳၤ” စဒီၣ်လၢ်ဝၤဓဳၤ. 51ကၱာ်ဒီစဒီၣ် ဝ့ၤလၢ်ဝၤ, “ယဒီဆးသံအတၱၢ်အမှး, သံကစာ် ထၱးကီမီၢ်ခဳးအီၣ်တဘါကၱာ် ကဘၱာ် စဲာ်အမီၢ်ခဳးပွဲၤဇဳၤ တစီာ်ကထာ်ထာ်လၤလၤကီဒဳပၠၤအဖဳး အခဳးနဳၤ” စဒီ ဆးကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
ယိၤဟၣ် 1: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
ယိၤဟၣ် 1
1
တဲၤသမိအတဲၤယၱၢ်ဘဲာ်
1လှ့အကါထၱးနဳၤတဲၤယံၢ်ဘဲာ်အီၣ်ကဲၤ. တဲၤယံၢ်ဘဲာ်အီၣ်ကဲၤ ဒဳဘၱာ်စဲာ်အီၣ်, ကၱာ်တဲၤယံၢ်ဘဲာ် မၱာ်ကဲၤဘၱာ်စဲာ်သဲန့ၤ. 2လှ့အကါ ထၱးလီၤ စအီၣ်ကဲၤဒဳဘၱာ်စဲာ်အီၣ်နဳၤ. 3တဲၤလဳစါစဲးအီၣ် ထာ်ကိာ် ကၱာ်စဲာ်, ကၱာ်တဲၤဘဲာ်ဘီာ်လၤအတဖၱထာ် ကိာ်စဲာ်နီးတအီၣ်တမံနီး. 4တဲၤယၱၢ်ဘဲာ်မၱာ် တဲၤအီၣ်သမိအခၣ်ထၱး, ကၱာ်တဲၤအီၣ်သမိလၤအံာ် ပၠၤ တဲၤလှၱ. 5တဲၤလှၱ လှၱလၤဘဲာ်ကဲၤတဲၤခံး, ကၱာ် တဲၤခံးတနဳၤ တပဲၤကဲၤစဲာ်နီး.
6ကဘၱာ်စဲာ် သဓဳလ့ၤကဲၤပၠၤတပွဲၤထဲၢ် စမံၤမၱာ်ကဲၤစီၤယိၤ ဟၣ်. 7စမၱာ်ကဲၤအခးအန့ၤ သဲသၱးတဲၤလှၱအနံၤခံ, စာ်ဘိထဲၢ်ပၠၤ လဳစါစဲးကဘူၣ် ပီၢ်စတဲၤဒီၣ်အဓ့နဳၤ. 8စဲာ်သဲန့ၤစတမၱာ်ကဲၤ တဲၤ လှၱနီး. စလ့ၤလၤကဲၤစာ်ဘိထဲၢ် အကခးသဲသၱးဒဳ တဲၤလှၱအဝၱၤအကဲအနံၤ ခံနဳၤ. 9တဲၤလှၱသဲန့ၤ ထဲၢ်အအံာ်ပၠၤတဲၤလှၱကိအပွဲၤ လ့ၤလၤကဲၤ ဒဳလၢ်ခဳး အခဳးယဳၤ.
10စလၤအီၣ်ဒဳလၢ်ခဳးယဳၤကၱာ်လၢ်ခဳးဖၱထာ် ကိာ်ကဲၤစခဳးစစဲ, ပရၤဆါလၢ်ခဳးတသၱာ်ဟဲကဲၤစဲာ်နီး. 11စလ့ၤလၤကဲၤဒဳစထံစက့ၤအပူၤ, ပရၤဆါ စခွံဖဳးတဖၱးနံၤကဲၤစဲာ်နီး. 12ကယါ အဖၱးနံၤ စဲာ်ကၱာ်အဘူၣ်စမံၤစါထံတစီာ်နဳၤ, စအံာ်ကဲၤလၢ်ဝၤ အကဖၱထာ်ဘဲာ်ကဘၱာ်စဲာ်အဖဳးအလံၤ. 13စဲာ်တစီာ်ဖၱထာ်ကဘၱာ် စဲာ်အဖဳးအလံၤတမၱာ်ဒဳတဲၤသွံၣ် တဲၤထံ, တဲၤဖ့းတဲၤဟၱးနီး, မၱာ်စအီၣ်ထာ် ကိာ်ကဲၤ အအီၣ်လၤပၠၤအတဲၤပာ်တပွဲၤ, ကဘၱာ်စဲာ်သဲန့ၤမၱာ်ကဲၤ စဲာ်တစီာ်အပာ်နဳၤ.
14တဲၤယၱၢ်ဘဲာ်ဖၱထာ်ကဲၤပၠၤ, ပ့ထာ်ကၱာ် ကဲၤအလှူၣ်အတါ, တဲၤတၱၢ်တဲၤမှးကၱာ်စအီၣ် ကဲၤ ဝၤကျဲ. ကၱာ်ဝၤစာ်ထၱးဘဲာ်ကဲၤစတီၤစသ့း. ကဘၱာ်စဲာ် အဖဳးတပွဲၤလီၤအတီၤအသ့းထဲၢ်အအီၣ်ဒဳပာ်ဘၱာ်စဲာ် အီၣ်တဓဲနဳၤ.
15စီၤယိၤဟၣ်ခးကဲၤစနံၤခံသဲသၱးဒဳ တဲၤယၱၢ်ဘဲာ်အပူၤကယဳၤ, “အယဳၤတပွဲၤမၱာ်ကဲၤ ယဒီဆးအံာ်အဝၱၤအကဲထဲၢ်အကလ့ၤကိာ်ကီ ယလ့ၤ, မၱာ်အဓဳၤဒဳၣ်လံယဲၤ, မၤနဲၢ်, စမၱာ်ကဲၤအအီၣ်အူဆူး ယဲၤတပွဲၤ နဳၤ.”
16ဒဳစတဲၤလှူၣ်တဲၤတါပ့ထာ်ဇီၤထာ်အပူၤ နဳၤ, ဝၤလဳစါစဲးနံၤ ဘဲာ်ကိာ်ကဲၤစကါ တဲၤဟိဝၱၤတမဳၤ ဝှါတမဳၤလီၤ. 17ကဘၱာ်စဲာ် အံာ်လၤအတဲၤမှဲးလၤဒဳ စီၤမိၤၡ့အီၣ်နဳၤ. မၱာ်တဲၤလှူၣ်တဲၤတါ ကၱာ်တဲၤ တၱၢ်တဲၤမှးနဳၤတဲၤအံာ်လၤကိာ်ယ့ၣ်ရှူး ခရၱာ်လီၤ. 18ပၠၤတစာ်ထၱး ကဲ ကဘၱာ်စဲာ်တပွဲ နီး, မၱာ်စဖဳးသဲန့ၤဒဲလၱၢ်လှၱထာ်ဖျီထာ်ကဲၤစဲာ်.
အဖဳးစူထံစီၤယိၤဟၣ်အတဲၤခးသဲသၱး
(မး ၃:၁-၁၂, မၢ် ၁:၁-၈, လူၤ ၃:၁-၁၈)
19ကၱာ်ဒီအယဳၤမၱာ် စီၤယိၤဟၣ်အတဲၤ ခး သဲသၱး ထဲၢ်ဘ့ယူ ဒၤဖဳးအအီၣ်ယရူၤရှလ့ၤအူးပူၤ တစီာ်သဓဳလ့ၤကဲၤပၠၤလှူၣ်တဲၤအခဳးကၱာ် လ့ၤဝံဖဳး တစီာ်ထိးစာ်ဒဲစာ်စဲာ်, “နမၱာ်ပီၢ်ပွဲၤ.”
20စီၤယိၤဟၣ်တယၤဘံာ်တပွဲးနီး, ကၱာ် ဒီၣ်ဖျီထာ်ကဲၤ, “ယတမၱာ်ခရၱာ်နီး.”
21စဲာ်တစီာ် ဒဲစီၤယိၤဟၣ်, “မဲၤကနဳၤဒဳၣ်, နမၱာ်ဒီပီၢ်ပွဲၤ. နမၱာ် ဝံအ့ၤလံယၤဧါ.”
စဒီၣ်ရှံက့ၤလၢ်ဝၤတစီာ်, “ယတမၱာ်ဝံအ့ၤလံ ယၤနီး.”
“မဲၤကနဳၤ, နမၱာ်ဝံဧါ.”
ကၱာ်စဒီၣ်ရှံက့ၤ, “နီး.”
22မဲၤကနဳၤဒဳၣ်, စဒဲလၢ်ဝၤ, “နမၱာ်ဒီပီၢ်ပွဲၤ. စာ်ဘိထဲၢ်ဝၤကဒီ ဆးဇၤပီၢ်ပၠၤအသဓဳဝၤတစီာ်နဳၤ. နကဒီၣ်လၤက့ၤနန့ၤတၤနဲၢ်.”
23စဒီၣ်လၢ်ဝၤတစီာ်,
“ယမၱာ်တဲၤလ့ၢ်အသဲာ်ထာ်ဓဳမှၱးလဲၢ်ကျဲ, မဲၤတနၢ်က့ၤပီၢ်ကဘၱာ် စဲာ်အကျဲး, အစာ်ဘိဝံအ့ၤလံယၤဒီၣ်ကဲၤနဳၤ,”
စဒီဆးကဲၤလၢ်ဝၤတစီာ်ဓဳၤ.
24ပၠၤအဘဲာ်သဓဳလ့ၤတစီာ်အကျဲ တစီာ် စီာ်မၱာ်ကဲၤဖၤရံၤ ရှဲ ဖဳး. 25စထိးစာ်ဒဲစာ်လၢ်ဝၤ, စဒီၣ်, “နကတမၱာ်ဘ့ာ်မ့မၤမ့ၤရှံအၤ နီး, ဝံအ့ၤလံယၤနီး, ဝံနီးနီးဒဳၣ်, နဖဳးစူမၤပၠၤထံနဲၢ်.”
26စီၤဟိၤဟၣ်ဒီၣ်ရှံက့ၤစဲာ်တစီာ်, “ယဖဳးစူအံာ်သံကၱာ်ထံ, ပရၤဆါဒဳသံကျဲနဳၤ အဆီထဳးအီးကဲၤတပွဲၤ, ထဲၢ်သံတသၱာ်ဟဲကဲၤ စဲာ်နီး နဳၤ. 27စမၱာ်အကလ့ၤကီဒဳယလ့ၤကါ တပွဲၤ, ထဲၢ်ယတတးမဲၤပွ့း အကဘါပျဲးစခၣ် တကီးအပံၤနှီနူၤနီး,” စဒီဆးကဲၤလၢ်ဝၤတစီာ် ဓဳၤ.
28တဲၤအယဳၤတစီာ်ဖၱထာ်ကဲၤဒဳ ဘ့ၤသနံဒဳ, အအီၣ်ဒဳယၢ် ဒ့ၣ်လီၢ်လူၤမူၤထာ် ထဲၢ် စီၤယိၤဟၣ်ဖဳးစူပၠၤထံအလ့ၤနဳၤ.
ကဘၱာ်စဲာ်အသဳဖဳး
29အလ့ၤကါတနံၤ စီၤယိၤဟၣ်ကဲာ်ထၱး ယ့ၣ်ရှူးလ့ၤဒဳစအီၣ်, ကၱာ်စဒီၣ်လၢ်ဝၤ, “စာ်ပီၢ်, ကဘၱာ်စဲာ်အသဳဖဳး, ထဲၢ်အဖၱးကဲလၢ်ခဳးအတဲၤ ခီၣ်ဝဲၤနဳၤ. 30စမၱာ်ပၠၤထဲၢ်ယဒီၣ်, ပၠၤအကလ့ၤ ယလ့ၤကါတပွဲၤနဳၤ မၱာ်စဓဳၤဒဳၣ်လံယဲၤ, မၤနဲၢ်, စအီၣ်အူဆူးယဲၤ, နဳၤ. 31ယတသၱာ်ဟဲ ကဲၤစဲာ် နီးဟဳ. ပရၤဆါယကဒဲလၱၢ်ပီၢ်စဲာ်ဒဳအံၣ်စရ့လးဖဳး တစီာ်နဳၤ, ယဖဳးစူကီပၠၤကၱာ်ထံ” စဒီဆးကဲၤပၠၤဓဳၤ.
32မဲၤဝှါစီၤယိၤဟၣ်ကဲာ်ထာ်သဲသၱး, စဒီၣ်, “ယစာ်ထၱးသးစါ ထံ မဲၤအစာ်ဘိသကဳတြူၤ အီၣ် ဒဳမီၢ်ခဳးအလ့ၤလၤဒဳစခဳးနဳၤ. 33ယတသၱာ်ဟဲ ကဲၤစဲာ်နီး, ပရၤဆါစဲာ်ထဲၢ်အသဓဳလ့ၤယဲၤ အကဖဳးစူ ပၠၤ ထံတပွဲၤဒီၣ်ကဲၤယဲၤ, စဲာ်ထဲၢ်နကစာ်ထၱး သးစါထံ လၤကၱာ်ဆီလါစခဳးတပွဲၤမၱာ်, စဲာ်ထဲၢ် အကဖဳးစူ ပၠၤ ကၱာ်ကဘၱာ်စဲာ်အသးစါထံတပွဲၤနဳၤ, အဒီၣ်ယဲၤဓဳၤ. 34ယစာ်ထၱးထဳ ကၱာ်ခးသဲသၱးထဲၢ်စမၱာ် ကဘၱာ်စဲာ်အဖဳးနီး” စဒီဆးကဲၤပၠၤဓဳၤ.
အပျဲၢ်အဘီၣ်အအူဆူးတစီာ်
35အလ့ၤကါတနံၤစီၤယိၤဟၣ်ဆီထဳးအီၣ်ဝ့ၤဘ့နဳၤ, ပျဳာ်ပျဳာ် ကၱာ်စပျဲၢ်စဘီၣ်ကၠံၢ်ပွဲၤ. 36စစာ်ဝှါ ယ့ၣ်ရှူးလ့ၤကိာ်ကျဲးဒဳၣ်, စဒီၣ်, “ကဘၱာ်စဲာ်အသဳဖဳး.”
37စခၱစပွဲၤကၠံၢ်ပွဲၤသၱာ်ဟဲဘဲာ်စတဲၤယံၢ် ဘဲာ်ဒဳၣ်, စလိၤကိာ် ကဲၤယ့ၣ်ရှူးအလ့ၤ. 38ယ့ၣ်ရှူးစာ်ဘးက့ၤအလ့ၤကါ, စစာ်ထၱးလၢ် ဝၤတစီာ် လ့ၤကိာ်စလ့ၤဒဳၣ်, စဒီၣ်လၢ်ဝၤ, “သံဝၢ်လှဲးကဲၤတၤနဲၢ်” စဒဲ လၢ်ဝၤဓဳၤ.
စဲာ်တစီဒီၣ်, “ဆရၣ်, နအီၣ်ဒီၣ်လဲၢ်” စဒဲလၢ်ဝၤ ဓဳၤ.
39စဒီၣ်ရှံက့ၤ, “လ့ၤစာ်ပီၢ်” စဒီၣ်လၢ်ဝၤဓဳၤ. (ဘ့နဳၤမၱာ်ဘ့ လူၤမူၤလၤဘး လွံၢ်နၣ်ရၱၣ် အခၠၱးနဳၤ.)
စဲာ်တစီာ်လ့ၤကၱာ်စာ်ကဲၤယ့ၣ်ရှူးအီၣ်အလ့ၤ. အနဳၤတနံၤစအီၣ်ကိာ် ကဲၤလၢ်ဝၤအကါထိလူၤမူၤလၤဓ့ၢ် နံၢ်နဳၤ.
40အသၱာ်ဟဲဘဲာ်ဝှါစီၤယိၤဟၣ် အတဲၤ ယၱၢ်ဘဲာ်ဒဳၣ်အလိၤ ကိာ်ကဲၤယ့ၣ်ရှူးအလ့ၤ တပွဲၤ မၱာ်စီၤအၣ်တရ့း, ထဲၢ်စီၤၡံမိၣ်ပ့းတရူးအပၱးကီနဳၤ. 41စစာ်ထၱးအူဆူးကဲၤ စမဲၢ်စီၤၡံမိၣ်ဒဳၣ်, စဒီၣ် ကဲၤလၢ် ဝၤ, “ဝၤပးထၱးထဳမ့ၤရှံအၤထဳ,” စဒီဆးလၢ်ဝၤဓဳၤ. (အထာ်ပဳၤထာ်ဘါမၱာ် “ခရၱာ်”) 42မဲၤဝှါဒဳၣ်, စလ့ၤအံာ်ဟူကဲၤလၢ်ဝၤဒဳ ယ့ၣ်ရှူးအီၣ်နဳၤ.
ယ့ၣ်ရှူးစာ်ထၱးစီၤၡံမိၣ်ဒဳၣ် စဒီၣ်လၢ်ဝၤ, “နမၱာ် စီၤၡံမိၣ်, စီၤယိၤ ဟၣ်အဖဳး, ပရၤဆါနကဘဲာ်ယဳၤကီ စီၤက့ၤဖး,” စဒီၣ်လၢ်ဝၤဓဳၤ. (က့ၤ ဖးမၱာ်အယၢ်သိး ပ့းတရူး, အထာ်ပဳၤထာ်ဘါမၱာ် “လဳၤ.”)
ယ့ၣ်ရှူးယဳၤစီၤဖံလံးပူးကၱာ်စီၤနၤသန့လး
43အလ့ၤကါတနံၤဗ့ စသးမီလ့ၤဒဳ ကၤလံၤလဲက့ၤနဳၤဒဳၣ်, စစာ်ထၱးကဲၤစီၤဖံလံးပူး. ယ့ၣ်ရှူးဒီၣ်စဲာ်, “လ့ၤကိာ်ပီၢ်ယလ့ၤ.” 44စီၤဖံလံးပူးမၱာ်စအီၣ်ဒဳ ဘ့ၤသစဲဒၤအအူးထဲၢ် စီၤအၤတရ့းကၱာ်စီၤပ့းတရူး အအူးနဳၤ. 45စီၤဖံလံးပူးစာ်ထၱး စီၤနၤသန့လးဒဳၣ်, စဒီၣ်လၢ်ဝၤ, “ဝၤပးထၱးထဳစဲာ်ထဲၢ်စီၤမိၤၡ့ ဒဳစတဲၤမှဲးလၤအစဲာ်ပူၤ, ကၱာ်ဝံတစီာ်အတဲၤ ဝှ့းလၤတီၤလီၤအဝၱၤအကဲထဲၢ် စီၤယိၤသးအဖဳးယ့ၣ်ရှူး, နစၤရ့းအူးဖဳး နဳၤ,” စဒီဆး လၢ်ဝၤဓဳၤ.
46မၱာ်စီၤနၤသန့လးဒီၣ်က့ၤစဲာ်, “တဲၤအအဲးဖျီးထာ်ဇၤပီၢ် ဒဳ အူနစၤရ့းအအူးပူၤတမံၤမံၤဧါ” စဒဲကဲၤလၢ်ဝၤဓဳၤ.
စီၤဖံလံးပူးဒီၣ်က့ၤစဲာ်, “လ့ၤကၱာ်စာ်ပီၢ်” စဒီၣ်ၡံက့ၤကဲၤလၢ်ဝၤဓဳၤ.
47ယ့ၣ်ရှူးကဲာ်ထၱးစီၤနၤသန့လးလ့ၤဒဳစအီၣ်ဒဳၣ်, စဒီဆးပၠၤ, “စာ်ပီၢ်, အံၣ်စရ့လးဖဳးအခွံအစါ, ထဲၢ်အတဲၤကမဲာ်တအီၣ်နီးတပွဲၤနဳၤ” စဒီၣ်ကဲၤလၢ်ဝၤ ဓဳၤ.
48စီၤနၤသန့လးဒီၣ်စဲာ်, “နသၱာ်ဟဲဒီယဲၤ လှ့းကာ်တဲၢ်” စဒဲကဲၤယ့ၣ်ရှူးဓဳၤ.
ယ့ၣ်ရှူးဒီၣ်က့ၤစဲာ်, “တချူကၱာ်စီၤဖံလံးပူးယဳၤ နဲၤနှၱနီးနဳၤ, ယစာ်ထၱး နဲၤဒဳသဳာ်ဓဳၤထံသဲာ်မူၤလဲၢ်နဳၤ” စဒီၣ်က့ၤလၢ်ဝၤဓဳၤ.
49စီၤနၤသန့လးဒီၣ်က့ၤစဲာ်, “ဆရၣ်, နမၱာ်ကဘၱာ်စဲာ်အဖဳး, အံၣ်စရ့လးအဆးဖြး” စဒီၣ်လၢ်ဝၤဓဳၤ.
50ယ့ၣ်ရှူးဒီၣ်ၡံက့ၤစဲာ်, “ယစာ်ထၱးနဲၤဒဳ သဳာ်ဓဳၤထံသဲာ်အမူၤ လဲၢ်နဳၤယဒီၣ်နဲၤဓဳၤဒဳၣ်, နဘူၣ် ကဲၤဟဳ. နကစာ်ထၱးဘဲာ်ကီဘၱာ်စဲာ်အမူၤဒဳၣ်လံ အယဳၤ” စဒီၣ်လၢ်ဝၤဓဳၤ. 51ကၱာ်ဒီစဒီၣ် ဝ့ၤလၢ်ဝၤ, “ယဒီဆးသံအတၱၢ်အမှး, သံကစာ် ထၱးကီမီၢ်ခဳးအီၣ်တဘါကၱာ် ကဘၱာ် စဲာ်အမီၢ်ခဳးပွဲၤဇဳၤ တစီာ်ကထာ်ထာ်လၤလၤကီဒဳပၠၤအဖဳး အခဳးနဳၤ” စဒီ ဆးကဲၤလၢ်ဝၤတစီာ်ဓဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.