သဓဳဖဳး 5
5
စီၤအနၤနံကၱာ်နီၢ်စးဖံးရး
1ပၠၤအမံၤမၱာ် စီၤအနၤနံတပွဲၤကၱာ် စမှဲ နီၢ်စးဖံးရး ဆဲလါအလၢ်ခဳးတကျးဝး. 2မဲၤဝှါဒဳ စမှဲအတဲၤသဳးလၤယံၢ်သးလၤဒွါအပူၤ, စလဲၢ်ဟူၣ် ကဲၤအပွၱၤကျါမိၤကျါမဲ, စလ့ၤအံာ် ကဲၤအအီၣ်တၤ ကျါမဲဒဳ သဓဳဖဳးတစီာ်အခၣ်ထၱးနဳၤ. 3စီၤပ့းတရူးဒီၣ်ကဲၤစဲာ်, “စီၤအၤနၤနံ, နအံာ်မၤ မဳၤဒဲးလၱးနှးကါနဲၤအကပျဲးသးစါထံကၱာ်လဲၢ်ဟူၣ်ကဲၤ လၢ်ခဳးအပွၱၤကျါမဲနဳၤနဲၢ်. 4တဆဲကၱာ်နဆဲလါ ကဲလၢ်ခဳးနှၱနီးမၱာ်နအဲလီၤ တဘဲာ်နီးဧါ. ကၱာ်ဒီ နဆဲကဲ ဝှါ, အပွၱၤနဳၤမၱာ်နအဲလီၤလီၤ. မဲကနဳၤဒဳၣ်, နအီၣ်အံာ် မၤတဲၤကဳတဲၤကၠးအယဳၤဒဳနသးပူၤနဲၢ်. နတပျဲးကဲၤ ပၠၤနီး, မၱာ် ဘၱာ်စဲာ်တခီ” စဒီၣ်လၢ်ဝၤဓဳၤ. 5စီၤအနၤနံသၱာ်ဟဲဘဲာ်တဲၤယၱၢ် ဘဲာ်အယဳၤလီၤကၱာ် စလၤခူးသံတပွဲးကဲၤ. ပၠၤ သၱာ်ဟဲဘဲာ်တဲၤဝၱၤတဲၤကဲ အယဳၤသးဖူးသးကနၢ်ဆိးကဲၤ. 6အဘီာ်လီးဖဳး တစီာ် လ့ၤဖၱးစီၤ အနၤနံအစဳးကၱာ်ဘီဘံာ်အံာ် တကၱ ယၢ်, ယးထာ်ကဲစဲာ်ကၱာ်လ့ၤဘူလါ ကဲၤစဲာ်.
7အလ့ၤကါ သဳနၣ်ရၱၣ်အပူၤ, စမှဲ အတသၱာ်တဲၤမဲၤအန့ၤ တမံနီးတပွဲၤဓဳၤလ့ၤကဲၤ. 8စီၤပ့းတရူးဒီၣ်စဲာ်, “ဒီဆးပီၢ်ယဲၤနဲၤ ကၱာ်နဝၤ, သံဆဲနံၤ ကဲၤလၢ်ခဳးအပွၱၤလဳလဳၢ်ပွ့းကယဳၤလီၤဟဳဧါ” စဒဲလၢ် ဝၤဓဳၤ.
ကၱာ်စဒီၣ်ရှံကဲၤလၢ်ဝၤ, “ဘဲာ်ဟဳ, ပွ့းကနဳၤဟဳ,” စဒီဆးလၢ်ဝၤဓဳၤ.
9စီၤပ့းတရူးဒီၣ်ကဲၤစဲာ်, “နဲၤကၱာ်နဝၤ, သံအဳလါကိာ်မၤအကနှးကါကဘၱာ်စဲာ်အသးစါထံနဲၢ်. စာ်ပီၢ်, အလ့ၤဘူလါ နဝၤအစဳး တစီာ် အခၣ်ခီး အီၣ်တပွဲးဒဳ ခၣ်ကျဲၢ်ထၱးနဳၤ. စဲာ်တစီာ် ကဟဲအံာ်ကဲကီ နဲၤနဲၤ” စဒီၣ်လၢ်ဝၤဓဳၤ. 10တပျာ်ခါလီၤ အမံၤမှူး တပွဲၤယဳၤ လၤခူးသံ တပွဲးကဲၤ ဘ့စီၤပ့းတရူး အခၣ်ထၱးနဳၤ. အဘီာ်လီးဖဳးတစီာ်က့ၤ နံၢ်, စစာ် ထၱး လၢ်ဝၤသံကဲၤဒဳၣ်, စလ့ၤဘူလါကဲၤလၢ်ဝၤဒဳ စဝၤအကါ ထၱးနဳၤ. 11တဲၤအီၣ်ပျဳာ် သဒဲဖဳး ကၱာ် အသၱာ်ဟဲဘဲာ်တဲၤအယဳၤတစီာ်သး ဖူးသး ကနၢ်ဆိး ကဲၤ.
တဲၤစီၤကျၱးစီးရှဲကၱာ်တဲၤပီၤတဲၤပၤတစီာ်
12သဓဳဖဳးတစီာ် မဲၤကဲၤတဲၤစီးကျၱးစီးရှဲ ကၱာ်တဲၤပီၤတဲၤပၤပွ့ တမံၤ ဒဳပၠၤတစီာ်အကျဲနဳၤ. စဲာ်တစီာ် လၤဓ့ၢ်ပျဳာ်လဳလၢ်ဝၤဒဳ စီၤရှလိၤမိၤ အတဓၢ် ခဳးနဳၤ. 13ပၠၤကီၢ်အံာ်ထါအံာ်တပွဲးစဲာ်တစီာ်, နီၣ်သီဒဳၣ်, တပွဲ တအီၣ်ပျဳာ်ဆီယံၢ်ဘူၣ်ကဲၤစဲာ်တစီာ်နီး. 14ပရၤဆါ အဘူၣ် ဘၱာ်စဲာ် အမံၤမှူးမှူး အမံၤ ခဳခဳ အီၣ်အဲးထာ်တရ့ၤတရ့ၤကဲၤ. 15မၱာ်ဒဳ သဓဳဖဳး တစီာ် မဲၤကဲၤတဲၤကယဳၤအစဲ, ပၠၤယးလ့ၤပွဲၤဆဲ ဒဳ ကျဲးဓဳၤ ပူၤကၱာ် ဘဲလါဆီးမံစဲာ်တစီာ် ဒဳလ့ၤမံခဳးကၱာ်ချီၣ်ပူၤ, စာ်ဘိထဲၢ် ဘ့စီၤ ပ့းတရူး ဟဲကိာ်ကျဲးနဳၤ စကလဲၤကအဳးလၤဘဲာ်ပီၢ် လၢ်ဝၤတစီာ်အခဳး အနံၤခံနဳၤ 16ကၱာ်ဒီ ပၠၤ အအီၣ်ဒဳအူး, ဒဳ, အဘိးထၱးဘိးဇီၤ ယရူၤရှ လ့ၣ်အူးတစီာ်မၱာ်မၱာ် လ့ၤအံာ်ပွဲၤဆဲကၱာ်တဲၤနှဲး ဖၱးဘဲာ်တစီာ် ကၱာ်စမှးက့ၤလဳတပွဲး.
သဓဳဖဳးတစီာ်ဘဲာ်ဖီၣ်ဘဲာ်စဳ
17ပၠၤလှူၣ်တဲၤအဓဳၤအခဳးကၱာ် ပၠၤအလိၤ ကိာ်မဲၤကိာ်စကါ ထဲၢ် ပၠၤစးဒူၤကဲဖဳးတစီာ် သးကျးသးဆဲဆိးကဲၤ သဓဳဖဳးတစီာ်အခဳးအစဲ, လၤကျၤလှဲးလၢ်ဝၤ အကမဲၤစဲာ်တစီာ်တမံၤမံၤလီၤ. 18စဖီၣ်စစဳဝှါ အပျဲၢ်အဘီၣ်တစီာ် စထၱးနံၢ် ကဲၤလၢ်ဝၤ တဲၤကၱတၱၢ်ပူၤ. 19ပရၤ ဆါ ဘ့လူၤမူၤနဲၤခဲနဳၤ, ကဘၱာ်စဲာ်အမီၢ်ခဳးပွဲၤဇဳၤတပွဲၤဘါထာ်ဝှါ တဲၤ ကၱတၱၢ်အခးကျဲၢ်ဒဳၣ်, စဟဲးထာ် အံာ်ဟူကဲၤလၢ်ဝၤကၱာ် စဒီၣ်, 20“လ့ၤပီၢ်ကၱာ်ဒီထိးလၤပီၢ်ပၠၤဒဳတဲၤလှူၣ်ရှံၣ်အပူၤ နဳၤ ထဲၢ်အဘဲာ်ကၠး တဲၤ အီၣ်သမိအတဲၤယၱၢ် ဘဲာ်တစီာ်နဳၤ” စဒီၣ်လၢ်ဝၤဓဳၤ. 21သဓဳဖဳး တစီာ်သၱာ်ဟဲဘဲာ်ဝှါ တဲၤယၱၢ်ဘဲာ်အယဳၤဒဳၣ်, စဲာ်တစီာ် လ့ၤနံၢ်ဝှါ တဲၤ လှူၣ်ရှံၣ်အပူၤ, စသိၣ်အံာ်သီအံာ်ကဲၤပၠၤတစီာ်နဳၤ.
ပၠၤလှူၣ်တဲၤအဓဳၤအခဳး ကၱာ်စခီစခဲးတစီာ် လၤဓ့ၢ်ပျဳာ်လၢ်ဝၤဒဳယူဒၤ ဖဳးအခဳးအန့ၤအယူခဳးနဳၤ ပျဳာ်ပျဳာ်ကၱာ်ယူဒၤဖဳးအန့ၤဓဳၤသးပွ့ၤလဳစါစဲး, ဝှါ ဒဳၣ်, စနှးလ့ၤဖၱးထာ်ဖျီး သဓဳဖဳးတစီာ်ဒဳတဲၤကၱ တၱၢ်အပူၤ ကၱာ်နှးလ့ၤယဳၤ အံာ်စဲာ်တစီာ်ဒဳလၢ်ဝၤအလှီမီၢ်နဳၤ. 22ပရၤဆါ ကျံဖဳးအခဳးအန့ၤတစီာ် လ့ၤ ကၱာ်ဘါထာ် တဲၤကၱ တၱၢ်အခးကျဲၢ်ဒဳၣ်, စတပာ်ထၱးလၢ်ဝၤဒဳနဳၤနီး, စက့ၤဒီဆးပၠၤ, စဒီၣ်, 23“တဲၤကၱတၱၢ်အခးကျဲၢ် မၱာ်အအီၣ်ဘီဘံမှ့းတကျ့းဓဳၤ, ကၱာ်အတိၤ အံာ်တဲၤကၱတၱၢ်တစီာ် ဆီထဳးအီၣ်ဒဳခးကျဲၢ်ထၱးနဳၤ, ပရၤဆါ ဘ့ဝၤဘါထာ် ခးကျဲၢ်တပျာ် ဝၤတကဲာ်ထၱးပၠၤတပွဲနီ,” စဒီဆးပၠၤဓဳၤ. 24ဘ့တဲၤ လှူၣ်ရှံၣ်အခဳးအန့ၤကၱာ် ပၠၤလှူၣ်တဲၤအဓဳၤ သၱာ်ဟဲဘဲာ် တဲၤယၱၢ်ဘဲာ်အယဳၤဒဳၣ်, စဲာ်တစီာ်ထဲးနံၤဝံနံၤဝၤဒဳ တဲၤကမဲၤအန့ၤကၱာ် သဓဳဖဳးတစီာ် စာ် တဲၢ်နဳၤ. 25ဘ့နဳၤ, ပၠၤတပွဲၤလ့ၤနံၢ်ရှံၣ်ပူၤကၱာ် ဒီဆးစဲာ်တစီာ်, “စာ်ပီၢ်, ပၠၤထဲၢ် သံထၱးနံၢ် တဲၤကၱတၱၢ်အပူၤ တစီာ်နဳၤ ဆီထဳးအီၣ်ဒဳ တဲၤလှူၣ်ရှံၣ်ပူၤကၱာ် သိၣ်အံာ်သီအံာ်တပွဲးပၠၤတခီ,” စဒီဆးလၢ်ဝၤဓဳၤ. 26ကျံဗဳၤဓဳၤကၱာ်အခၱ အပွဲၤတစီာ်လ့ၤကၱာ်ယဳၤက့ၤ မီၤမီၤဝၱၤဝၱၤတပွဲးစဲာ်တစီာ်, မၤနဲၢ်, စရှံးဆါ ပၠၤတစီာ် ကဝှ့ စဲာ်လဳၤအခဳးအစဲနဳၤ.
27စက့ၤအံာ်ဝှါ အပျဲၢ်အဘီၣ်တစီာ်, စဘဲလါ လၢ်ဝၤဒဳယူဒၤ ဖဳးအယခဳးနဳၤ, မဲၤဝှါ ပၠၤလှူၣ်တဲၤ အဓဳၤအခဳး ထိးစာ်ဒဲစာ်စဲာ် တစီာ် ကၱာ် စဒီၣ်, 28“ဝၤမှဲးလၤတကြၱၤနၱၤသံ အကအကတသိၣ်အံာ်သီအံာ် ဘဲာ် တဲၤအမံၤ တမံၤယဳၤနီး, မၱာ် စာ်ပီၢ်, သံမဲၤပ့ထာ်ကဲၤ ယရူၤၡလ့ၣ် အူးကၱာ် သံတဲၤသိၣ်တဲၤသီ ကၱာ်သံသးအဲးမဲၤလၤတ့ၢ်ကဲၤ ပၠၤအယဳၤတပွဲၤ အသွံၣ်ဝၤခဳး” စဒီၣ်လၢ်ဝၤဓဳၤ.
29စီၤပ့းတရူးကၱာ်သဓဳဖဳးအလဝ့ၤတစီာ် ဒီၣ်ကဲၤ, “ဝၤကဆီး ခ့န့းဘဲာ် ကဘၱာ်စဲာ်ဒဳၣ်လံ ကၱာ်ပၠၤ. 30ဝၤဖံဝၤဖူတစီာ်အဘၱာ်စဲာ် ဘးဝဲၢ်ထဳးကဲၤ ယ့ၣ်ရှူး, ထဲၢ်သံထးလၤကျဳၤသံကဲၤသဳာ်ပျီၤထူၣ်စူညါ အလီၤ တပွဲၤနဳၤ. 31ကဘၱာ် စဲာ် လဲၢ်ထာ်ကဲၤစဲာ် ဆးဖြးဖဳးကၱာ် အမဲၤလှိ ထာ် က့ၤတဲၤ, အကအံာ်လၤပၠၤအံၣ်စရ့လးဖဳးတစီာ် တဲၤယၤလ့ၤ ကၱာ် တဲၤခီၣ်ဝဲၤအတဲၤဘါပျဲး. 32ဝၤမၱာ်ကဲၤဒဳ အခးအန့ၤသဲသၱး တဲၤ အယဳၤ တစီာ်အနံၤခံ, ပျဳာ်ပျဳာ်ကၱာ်သးစါထံ ထဲၢ်ကဘၱာ် စဲာ် အံာ် လၤကဲၤ အဆီးခ့န့းစလ့ၢ်တစီာ်နဳၤ,” စဒီၣ်လၢ်ဝၤဓဳၤ.
33ဘ့စဲာ်တစီာ်သၱာ်ဟဲဘဲာ်တဲၤအယဳၤဒဳၣ်, စသးဆဲဆိးကဲၤ ကၱာ်သးအဲးမဲၤသံကဲၤသဓဳဖဳးတစီာ်နဳၤ. 34ပရၤဆါ ဒဳစဲာ်တစီာ်အကျဲပၠၤဖၤရံၤရှဲ ဖဳး အမံၤမၱာ် စီၤကမၤလ့လးထဲၢ်အသၱာ်တဲၤ သိၣ် တဲၤ သီ ကၱာ်ပၠၤဒဳဘဲာ်ယးဘဲာ်တပွဲၤ ဝဲၢ်ထဳး ကၱာ်နှးဟဲးထာ်ဖျီမံကဲၤ သဓဳဖဳးတစီာ် ဒဳအချဳနဳၤ. 35မဲၤဝှါစဒီၣ်ကဲၤပၠၤတစီာ်, “အဳ အံၣ်စရ့လးဖဳး အမံၤခဳတစီာ်, သဓံအံာ်ပီၢ်ဒဳ သံကမဲၤ ပၠၤအယဳၤတစီာ်တၤနဲၢ်နဳၤ. 36တအီၣ်ယၱၢ် အီၣ်ကၠးနှၱနီး, စီၤသူဒါဝဲၢ်ထဳးကဲၤ, စဒီၣ်လၤစန့ၤ ပၠၤတပွဲၤ, ကၱာ်အမံၤခဳအပွဲၤလွံၢ်ကယဲၤ မဲးကိာ်ကဲၤ စကါ. စဘဲာ်မဲၤသံကဲၤကၱာ် စခီ ပံၤစဖဳး တစီာ် ဖြူးလၤဖြၱထာ်ဝှါ အကဲာ်ထာ် တပွဲးအနှးနှါလီၤ. 37အလ့ၤကါကၤလံၤလဲဖဳး အမံၤမၱာ်စီၤယူဒၤတပွဲၤ ယဳၤကဲၤပၠၤအကလိၤ ကိာ်စလ့ၤတစီာ်, စဲာ်မၱာ်မၱာ် စသံစလှဲမဲၢ်ကၱာ်စခီကလဳၢ်တစီာ် ဆဲးဖြူး လၤဖြၱထာ် လဳၢ်တပွဲး. 38မဲၤကနဳၤ, ခဳနူၤယဳၤယဒီဆးသံ, အီၣ်တပီၤပီၢ်ပၠၤအယဳၤတစီာ်ကၱာ်လဲၢ်သဒဲပီၢ်စဲာ်. ဘ့ာ်မ့စတဲၤဖၱးတဲၤမဲၤကမၱာ် မၤ ပၠၤအအဲလီၤဒဳၣ်, အကလၤမူၤလၤဖးတပွဲး. 39စကမၱာ်မၤကဘၱာ် စဲာ် အတဲၤမဲၤဒဳၣ်, သံတမဲၤလၤမူၤလၤဖးဇၤစဲာ်နီး. ကၱာ်သံကထာ်ဒ့ဒီၣ်နံၤ ဒီကဘၱာ်စဲာ်ဒီၣ်ဗ့” စဒီၣ်ပၠၤဓဳၤ. အခဳးအန့ၤတစီာ်ဆီးခ့န့းတပွဲးစလ့ၢ်.
အခဳးအန့ၤတစီာ်ဆီးခ့န့းတပွဲးစလ့ၢ်. 40စဲာ်တစီာ်ယဳၤနံၢ်က့ၤဝှါ အပျဲၢ် အဘီၣ်တစီာ်ဒဳၣ်, စတ့ၤ စဗဳၤဝှါလၢ်ဝၤ, စမှဲး လၤလၢ်ဝၤ အကတဒီၣ်အံာ် ယ့ၣ်ရှူးအမံၤနီး, မဲၤ ဝှါ စနှးဟဲးတပွဲးလၢ်ဝၤ. 41သဓဳဖဳးတစီာ်ဟဲး လၤဓ့ၢ်ဝှါ အစံးရး တဲၤတစီာ်အလှီမီၢ်, စသးလဳၢ် သးလၤအံာ်ကဲၤဒဳ အကခးဘဲာ် တဲၤမဲၤ ယူၢ်လၤကါ ကဲးဒဳယ့ၣ်ရှူးအမံၤအနံၤခံနဳၤ. 42အလ့ၤကါ ကိလူၤ မူၤနံၤနဳၤ, စထာ်ဒဳတဲၤလှူၣ်ရှံၣ်အပူၤ, စထာ်တရှံၣ်, လၤဓ့ၢ်တရှံၣ် သိၣ်အံာ်သီအံာ်ကၱာ် ဒီၣ်အဒီဆးကဲၤတဲၤဝၱၤတဲၤကဲထဲၢ် ယ့ၣ်ရှူးမၱာ်ခရၱာ် နဳၤ.
ទើបបានជ្រើសរើសហើយ៖
သဓဳဖဳး 5: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
သဓဳဖဳး 5
5
စီၤအနၤနံကၱာ်နီၢ်စးဖံးရး
1ပၠၤအမံၤမၱာ် စီၤအနၤနံတပွဲၤကၱာ် စမှဲ နီၢ်စးဖံးရး ဆဲလါအလၢ်ခဳးတကျးဝး. 2မဲၤဝှါဒဳ စမှဲအတဲၤသဳးလၤယံၢ်သးလၤဒွါအပူၤ, စလဲၢ်ဟူၣ် ကဲၤအပွၱၤကျါမိၤကျါမဲ, စလ့ၤအံာ် ကဲၤအအီၣ်တၤ ကျါမဲဒဳ သဓဳဖဳးတစီာ်အခၣ်ထၱးနဳၤ. 3စီၤပ့းတရူးဒီၣ်ကဲၤစဲာ်, “စီၤအၤနၤနံ, နအံာ်မၤ မဳၤဒဲးလၱးနှးကါနဲၤအကပျဲးသးစါထံကၱာ်လဲၢ်ဟူၣ်ကဲၤ လၢ်ခဳးအပွၱၤကျါမဲနဳၤနဲၢ်. 4တဆဲကၱာ်နဆဲလါ ကဲလၢ်ခဳးနှၱနီးမၱာ်နအဲလီၤ တဘဲာ်နီးဧါ. ကၱာ်ဒီ နဆဲကဲ ဝှါ, အပွၱၤနဳၤမၱာ်နအဲလီၤလီၤ. မဲကနဳၤဒဳၣ်, နအီၣ်အံာ် မၤတဲၤကဳတဲၤကၠးအယဳၤဒဳနသးပူၤနဲၢ်. နတပျဲးကဲၤ ပၠၤနီး, မၱာ် ဘၱာ်စဲာ်တခီ” စဒီၣ်လၢ်ဝၤဓဳၤ. 5စီၤအနၤနံသၱာ်ဟဲဘဲာ်တဲၤယၱၢ် ဘဲာ်အယဳၤလီၤကၱာ် စလၤခူးသံတပွဲးကဲၤ. ပၠၤ သၱာ်ဟဲဘဲာ်တဲၤဝၱၤတဲၤကဲ အယဳၤသးဖူးသးကနၢ်ဆိးကဲၤ. 6အဘီာ်လီးဖဳး တစီာ် လ့ၤဖၱးစီၤ အနၤနံအစဳးကၱာ်ဘီဘံာ်အံာ် တကၱ ယၢ်, ယးထာ်ကဲစဲာ်ကၱာ်လ့ၤဘူလါ ကဲၤစဲာ်.
7အလ့ၤကါ သဳနၣ်ရၱၣ်အပူၤ, စမှဲ အတသၱာ်တဲၤမဲၤအန့ၤ တမံနီးတပွဲၤဓဳၤလ့ၤကဲၤ. 8စီၤပ့းတရူးဒီၣ်စဲာ်, “ဒီဆးပီၢ်ယဲၤနဲၤ ကၱာ်နဝၤ, သံဆဲနံၤ ကဲၤလၢ်ခဳးအပွၱၤလဳလဳၢ်ပွ့းကယဳၤလီၤဟဳဧါ” စဒဲလၢ် ဝၤဓဳၤ.
ကၱာ်စဒီၣ်ရှံကဲၤလၢ်ဝၤ, “ဘဲာ်ဟဳ, ပွ့းကနဳၤဟဳ,” စဒီဆးလၢ်ဝၤဓဳၤ.
9စီၤပ့းတရူးဒီၣ်ကဲၤစဲာ်, “နဲၤကၱာ်နဝၤ, သံအဳလါကိာ်မၤအကနှးကါကဘၱာ်စဲာ်အသးစါထံနဲၢ်. စာ်ပီၢ်, အလ့ၤဘူလါ နဝၤအစဳး တစီာ် အခၣ်ခီး အီၣ်တပွဲးဒဳ ခၣ်ကျဲၢ်ထၱးနဳၤ. စဲာ်တစီာ် ကဟဲအံာ်ကဲကီ နဲၤနဲၤ” စဒီၣ်လၢ်ဝၤဓဳၤ. 10တပျာ်ခါလီၤ အမံၤမှူး တပွဲၤယဳၤ လၤခူးသံ တပွဲးကဲၤ ဘ့စီၤပ့းတရူး အခၣ်ထၱးနဳၤ. အဘီာ်လီးဖဳးတစီာ်က့ၤ နံၢ်, စစာ် ထၱး လၢ်ဝၤသံကဲၤဒဳၣ်, စလ့ၤဘူလါကဲၤလၢ်ဝၤဒဳ စဝၤအကါ ထၱးနဳၤ. 11တဲၤအီၣ်ပျဳာ် သဒဲဖဳး ကၱာ် အသၱာ်ဟဲဘဲာ်တဲၤအယဳၤတစီာ်သး ဖူးသး ကနၢ်ဆိး ကဲၤ.
တဲၤစီၤကျၱးစီးရှဲကၱာ်တဲၤပီၤတဲၤပၤတစီာ်
12သဓဳဖဳးတစီာ် မဲၤကဲၤတဲၤစီးကျၱးစီးရှဲ ကၱာ်တဲၤပီၤတဲၤပၤပွ့ တမံၤ ဒဳပၠၤတစီာ်အကျဲနဳၤ. စဲာ်တစီာ် လၤဓ့ၢ်ပျဳာ်လဳလၢ်ဝၤဒဳ စီၤရှလိၤမိၤ အတဓၢ် ခဳးနဳၤ. 13ပၠၤကီၢ်အံာ်ထါအံာ်တပွဲးစဲာ်တစီာ်, နီၣ်သီဒဳၣ်, တပွဲ တအီၣ်ပျဳာ်ဆီယံၢ်ဘူၣ်ကဲၤစဲာ်တစီာ်နီး. 14ပရၤဆါ အဘူၣ် ဘၱာ်စဲာ် အမံၤမှူးမှူး အမံၤ ခဳခဳ အီၣ်အဲးထာ်တရ့ၤတရ့ၤကဲၤ. 15မၱာ်ဒဳ သဓဳဖဳး တစီာ် မဲၤကဲၤတဲၤကယဳၤအစဲ, ပၠၤယးလ့ၤပွဲၤဆဲ ဒဳ ကျဲးဓဳၤ ပူၤကၱာ် ဘဲလါဆီးမံစဲာ်တစီာ် ဒဳလ့ၤမံခဳးကၱာ်ချီၣ်ပူၤ, စာ်ဘိထဲၢ် ဘ့စီၤ ပ့းတရူး ဟဲကိာ်ကျဲးနဳၤ စကလဲၤကအဳးလၤဘဲာ်ပီၢ် လၢ်ဝၤတစီာ်အခဳး အနံၤခံနဳၤ 16ကၱာ်ဒီ ပၠၤ အအီၣ်ဒဳအူး, ဒဳ, အဘိးထၱးဘိးဇီၤ ယရူၤရှ လ့ၣ်အူးတစီာ်မၱာ်မၱာ် လ့ၤအံာ်ပွဲၤဆဲကၱာ်တဲၤနှဲး ဖၱးဘဲာ်တစီာ် ကၱာ်စမှးက့ၤလဳတပွဲး.
သဓဳဖဳးတစီာ်ဘဲာ်ဖီၣ်ဘဲာ်စဳ
17ပၠၤလှူၣ်တဲၤအဓဳၤအခဳးကၱာ် ပၠၤအလိၤ ကိာ်မဲၤကိာ်စကါ ထဲၢ် ပၠၤစးဒူၤကဲဖဳးတစီာ် သးကျးသးဆဲဆိးကဲၤ သဓဳဖဳးတစီာ်အခဳးအစဲ, လၤကျၤလှဲးလၢ်ဝၤ အကမဲၤစဲာ်တစီာ်တမံၤမံၤလီၤ. 18စဖီၣ်စစဳဝှါ အပျဲၢ်အဘီၣ်တစီာ် စထၱးနံၢ် ကဲၤလၢ်ဝၤ တဲၤကၱတၱၢ်ပူၤ. 19ပရၤ ဆါ ဘ့လူၤမူၤနဲၤခဲနဳၤ, ကဘၱာ်စဲာ်အမီၢ်ခဳးပွဲၤဇဳၤတပွဲၤဘါထာ်ဝှါ တဲၤ ကၱတၱၢ်အခးကျဲၢ်ဒဳၣ်, စဟဲးထာ် အံာ်ဟူကဲၤလၢ်ဝၤကၱာ် စဒီၣ်, 20“လ့ၤပီၢ်ကၱာ်ဒီထိးလၤပီၢ်ပၠၤဒဳတဲၤလှူၣ်ရှံၣ်အပူၤ နဳၤ ထဲၢ်အဘဲာ်ကၠး တဲၤ အီၣ်သမိအတဲၤယၱၢ် ဘဲာ်တစီာ်နဳၤ” စဒီၣ်လၢ်ဝၤဓဳၤ. 21သဓဳဖဳး တစီာ်သၱာ်ဟဲဘဲာ်ဝှါ တဲၤယၱၢ်ဘဲာ်အယဳၤဒဳၣ်, စဲာ်တစီာ် လ့ၤနံၢ်ဝှါ တဲၤ လှူၣ်ရှံၣ်အပူၤ, စသိၣ်အံာ်သီအံာ်ကဲၤပၠၤတစီာ်နဳၤ.
ပၠၤလှူၣ်တဲၤအဓဳၤအခဳး ကၱာ်စခီစခဲးတစီာ် လၤဓ့ၢ်ပျဳာ်လၢ်ဝၤဒဳယူဒၤ ဖဳးအခဳးအန့ၤအယူခဳးနဳၤ ပျဳာ်ပျဳာ်ကၱာ်ယူဒၤဖဳးအန့ၤဓဳၤသးပွ့ၤလဳစါစဲး, ဝှါ ဒဳၣ်, စနှးလ့ၤဖၱးထာ်ဖျီး သဓဳဖဳးတစီာ်ဒဳတဲၤကၱ တၱၢ်အပူၤ ကၱာ်နှးလ့ၤယဳၤ အံာ်စဲာ်တစီာ်ဒဳလၢ်ဝၤအလှီမီၢ်နဳၤ. 22ပရၤဆါ ကျံဖဳးအခဳးအန့ၤတစီာ် လ့ၤ ကၱာ်ဘါထာ် တဲၤကၱ တၱၢ်အခးကျဲၢ်ဒဳၣ်, စတပာ်ထၱးလၢ်ဝၤဒဳနဳၤနီး, စက့ၤဒီဆးပၠၤ, စဒီၣ်, 23“တဲၤကၱတၱၢ်အခးကျဲၢ် မၱာ်အအီၣ်ဘီဘံမှ့းတကျ့းဓဳၤ, ကၱာ်အတိၤ အံာ်တဲၤကၱတၱၢ်တစီာ် ဆီထဳးအီၣ်ဒဳခးကျဲၢ်ထၱးနဳၤ, ပရၤဆါ ဘ့ဝၤဘါထာ် ခးကျဲၢ်တပျာ် ဝၤတကဲာ်ထၱးပၠၤတပွဲနီ,” စဒီဆးပၠၤဓဳၤ. 24ဘ့တဲၤ လှူၣ်ရှံၣ်အခဳးအန့ၤကၱာ် ပၠၤလှူၣ်တဲၤအဓဳၤ သၱာ်ဟဲဘဲာ် တဲၤယၱၢ်ဘဲာ်အယဳၤဒဳၣ်, စဲာ်တစီာ်ထဲးနံၤဝံနံၤဝၤဒဳ တဲၤကမဲၤအန့ၤကၱာ် သဓဳဖဳးတစီာ် စာ် တဲၢ်နဳၤ. 25ဘ့နဳၤ, ပၠၤတပွဲၤလ့ၤနံၢ်ရှံၣ်ပူၤကၱာ် ဒီဆးစဲာ်တစီာ်, “စာ်ပီၢ်, ပၠၤထဲၢ် သံထၱးနံၢ် တဲၤကၱတၱၢ်အပူၤ တစီာ်နဳၤ ဆီထဳးအီၣ်ဒဳ တဲၤလှူၣ်ရှံၣ်ပူၤကၱာ် သိၣ်အံာ်သီအံာ်တပွဲးပၠၤတခီ,” စဒီဆးလၢ်ဝၤဓဳၤ. 26ကျံဗဳၤဓဳၤကၱာ်အခၱ အပွဲၤတစီာ်လ့ၤကၱာ်ယဳၤက့ၤ မီၤမီၤဝၱၤဝၱၤတပွဲးစဲာ်တစီာ်, မၤနဲၢ်, စရှံးဆါ ပၠၤတစီာ် ကဝှ့ စဲာ်လဳၤအခဳးအစဲနဳၤ.
27စက့ၤအံာ်ဝှါ အပျဲၢ်အဘီၣ်တစီာ်, စဘဲလါ လၢ်ဝၤဒဳယူဒၤ ဖဳးအယခဳးနဳၤ, မဲၤဝှါ ပၠၤလှူၣ်တဲၤ အဓဳၤအခဳး ထိးစာ်ဒဲစာ်စဲာ် တစီာ် ကၱာ် စဒီၣ်, 28“ဝၤမှဲးလၤတကြၱၤနၱၤသံ အကအကတသိၣ်အံာ်သီအံာ် ဘဲာ် တဲၤအမံၤ တမံၤယဳၤနီး, မၱာ် စာ်ပီၢ်, သံမဲၤပ့ထာ်ကဲၤ ယရူၤၡလ့ၣ် အူးကၱာ် သံတဲၤသိၣ်တဲၤသီ ကၱာ်သံသးအဲးမဲၤလၤတ့ၢ်ကဲၤ ပၠၤအယဳၤတပွဲၤ အသွံၣ်ဝၤခဳး” စဒီၣ်လၢ်ဝၤဓဳၤ.
29စီၤပ့းတရူးကၱာ်သဓဳဖဳးအလဝ့ၤတစီာ် ဒီၣ်ကဲၤ, “ဝၤကဆီး ခ့န့းဘဲာ် ကဘၱာ်စဲာ်ဒဳၣ်လံ ကၱာ်ပၠၤ. 30ဝၤဖံဝၤဖူတစီာ်အဘၱာ်စဲာ် ဘးဝဲၢ်ထဳးကဲၤ ယ့ၣ်ရှူး, ထဲၢ်သံထးလၤကျဳၤသံကဲၤသဳာ်ပျီၤထူၣ်စူညါ အလီၤ တပွဲၤနဳၤ. 31ကဘၱာ် စဲာ် လဲၢ်ထာ်ကဲၤစဲာ် ဆးဖြးဖဳးကၱာ် အမဲၤလှိ ထာ် က့ၤတဲၤ, အကအံာ်လၤပၠၤအံၣ်စရ့လးဖဳးတစီာ် တဲၤယၤလ့ၤ ကၱာ် တဲၤခီၣ်ဝဲၤအတဲၤဘါပျဲး. 32ဝၤမၱာ်ကဲၤဒဳ အခးအန့ၤသဲသၱး တဲၤ အယဳၤ တစီာ်အနံၤခံ, ပျဳာ်ပျဳာ်ကၱာ်သးစါထံ ထဲၢ်ကဘၱာ် စဲာ် အံာ် လၤကဲၤ အဆီးခ့န့းစလ့ၢ်တစီာ်နဳၤ,” စဒီၣ်လၢ်ဝၤဓဳၤ.
33ဘ့စဲာ်တစီာ်သၱာ်ဟဲဘဲာ်တဲၤအယဳၤဒဳၣ်, စသးဆဲဆိးကဲၤ ကၱာ်သးအဲးမဲၤသံကဲၤသဓဳဖဳးတစီာ်နဳၤ. 34ပရၤဆါ ဒဳစဲာ်တစီာ်အကျဲပၠၤဖၤရံၤရှဲ ဖဳး အမံၤမၱာ် စီၤကမၤလ့လးထဲၢ်အသၱာ်တဲၤ သိၣ် တဲၤ သီ ကၱာ်ပၠၤဒဳဘဲာ်ယးဘဲာ်တပွဲၤ ဝဲၢ်ထဳး ကၱာ်နှးဟဲးထာ်ဖျီမံကဲၤ သဓဳဖဳးတစီာ် ဒဳအချဳနဳၤ. 35မဲၤဝှါစဒီၣ်ကဲၤပၠၤတစီာ်, “အဳ အံၣ်စရ့လးဖဳး အမံၤခဳတစီာ်, သဓံအံာ်ပီၢ်ဒဳ သံကမဲၤ ပၠၤအယဳၤတစီာ်တၤနဲၢ်နဳၤ. 36တအီၣ်ယၱၢ် အီၣ်ကၠးနှၱနီး, စီၤသူဒါဝဲၢ်ထဳးကဲၤ, စဒီၣ်လၤစန့ၤ ပၠၤတပွဲၤ, ကၱာ်အမံၤခဳအပွဲၤလွံၢ်ကယဲၤ မဲးကိာ်ကဲၤ စကါ. စဘဲာ်မဲၤသံကဲၤကၱာ် စခီ ပံၤစဖဳး တစီာ် ဖြူးလၤဖြၱထာ်ဝှါ အကဲာ်ထာ် တပွဲးအနှးနှါလီၤ. 37အလ့ၤကါကၤလံၤလဲဖဳး အမံၤမၱာ်စီၤယူဒၤတပွဲၤ ယဳၤကဲၤပၠၤအကလိၤ ကိာ်စလ့ၤတစီာ်, စဲာ်မၱာ်မၱာ် စသံစလှဲမဲၢ်ကၱာ်စခီကလဳၢ်တစီာ် ဆဲးဖြူး လၤဖြၱထာ် လဳၢ်တပွဲး. 38မဲၤကနဳၤ, ခဳနူၤယဳၤယဒီဆးသံ, အီၣ်တပီၤပီၢ်ပၠၤအယဳၤတစီာ်ကၱာ်လဲၢ်သဒဲပီၢ်စဲာ်. ဘ့ာ်မ့စတဲၤဖၱးတဲၤမဲၤကမၱာ် မၤ ပၠၤအအဲလီၤဒဳၣ်, အကလၤမူၤလၤဖးတပွဲး. 39စကမၱာ်မၤကဘၱာ် စဲာ် အတဲၤမဲၤဒဳၣ်, သံတမဲၤလၤမူၤလၤဖးဇၤစဲာ်နီး. ကၱာ်သံကထာ်ဒ့ဒီၣ်နံၤ ဒီကဘၱာ်စဲာ်ဒီၣ်ဗ့” စဒီၣ်ပၠၤဓဳၤ. အခဳးအန့ၤတစီာ်ဆီးခ့န့းတပွဲးစလ့ၢ်.
အခဳးအန့ၤတစီာ်ဆီးခ့န့းတပွဲးစလ့ၢ်. 40စဲာ်တစီာ်ယဳၤနံၢ်က့ၤဝှါ အပျဲၢ် အဘီၣ်တစီာ်ဒဳၣ်, စတ့ၤ စဗဳၤဝှါလၢ်ဝၤ, စမှဲး လၤလၢ်ဝၤ အကတဒီၣ်အံာ် ယ့ၣ်ရှူးအမံၤနီး, မဲၤ ဝှါ စနှးဟဲးတပွဲးလၢ်ဝၤ. 41သဓဳဖဳးတစီာ်ဟဲး လၤဓ့ၢ်ဝှါ အစံးရး တဲၤတစီာ်အလှီမီၢ်, စသးလဳၢ် သးလၤအံာ်ကဲၤဒဳ အကခးဘဲာ် တဲၤမဲၤ ယူၢ်လၤကါ ကဲးဒဳယ့ၣ်ရှူးအမံၤအနံၤခံနဳၤ. 42အလ့ၤကါ ကိလူၤ မူၤနံၤနဳၤ, စထာ်ဒဳတဲၤလှူၣ်ရှံၣ်အပူၤ, စထာ်တရှံၣ်, လၤဓ့ၢ်တရှံၣ် သိၣ်အံာ်သီအံာ်ကၱာ် ဒီၣ်အဒီဆးကဲၤတဲၤဝၱၤတဲၤကဲထဲၢ် ယ့ၣ်ရှူးမၱာ်ခရၱာ် နဳၤ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.