LUKA 5
5
Zingsuv Ta Ziytuv Taapa Tie A Ku Yi
(Mar 4.18-22; Mar 1.16-20)
1 #
Mat 13.1-2; Mar 3.9-10; 4.1 Ning kha ca, Genesaret Tiyliy kielie Zingsuv aa daa ning kha, Khazing bie naathlie riypata cawsaa ca ama'a luo kha a nuo ta amaa nuopuo. 2Zingsuv ta ngiekuo lie sawkawpalaw sahning a awpa kha a hmung. Ngaa a vaapa tie ca sawkawpalaw taa khata pya yi te ama'a sue kha ama pasiy nguoluo. 3Capa sawkawpalaw hrawlie khata Simon huopa luo kha kie te ngiekuo taata a cawta aa hla viena luo kha va nuo riypata a chang. Zingsuv ca sawkawpalaw chunglie ca a tu te cawsaazaapuv kha a pacuv yi. 4Bieri a patlung khutaata Simon kha, “Na sawkawpalaw hing tiy aa thuv viena luo hnyi la naa sue kha vaa tie,” a ta. 5#Jhn 21.3 Simon ta, “Abyipa zuokhydyi ma vaa law pata sakha hmuo pa-uo vapuv. Cuorasala vaa ung la malie na ta kieca i vaa'a tle,” ta pata a palie. 6#Jhn 21.6 Ama vaa ca ngaa a hluv hringhruo ama pa-uo nakawta amaa sue ca a tlaapuo diy'a nang. 7Caacuonakawta palaw hrangpa cunglie ama viesaa tie kha ama kuv ta a kyi yi te byana ama hie. A vaw yi te sawkawpalaw sahning lie kha ngaa ca a bikaluv pata chi yi te tiy luo vuotaa a tla khyi'a nang. 8Simon ta capa ca a hmung tiyta, Zingsuv phyi thabaw lie kha a pakhuv pane te, “Abyipa, na cakuose tie, tahematapakieca a suepa tana i cuo!” a ta. 9Ama hne a viesaa tie ca ama pa-uopa ngaa kawlie kha ama nang ta a uosa. 10Simon viesaa tie, Zebedi sacapaa tie Jeim hne Johan zaw kha ama nang a uosa ra. Zingsuv ta Simon kyihuo khata, “Na thlaa zang khah se; ata taa hingta ca cawsaa na na patuv'a tli,” a ta. 11Ama sawkawpalaw ca ngiekuo lie kha padaa yi te, ama chechiy bangkhuo kha thuse yi te Zingsuv ca ama ziy.
Zingsuv Ta Caahminghmaa A Phyapa A Patluo Sa
(Mat 8.1-4; Mar 1.40-45)
12Luo kha ca Zingsuv kha khypuv suokha lie a aw ningta capa khy lie ca caahminghmaa#5.12 Caahminghmaa tapa biesuo hing pasana phangphang tana zaw a cuo khu a phyapa paa kha a za aw. Capa paa ta Zingsuv kha a hmung tiyta, a hmiekunglie kha a bu te, “Abyipa, na khing pata a cuo kieca ina pathe sa khu ciy,” ta pata aa nue. 13Zingsuv ta a kuv va pazuo te, ama kha hrie te, “Ica patluo sa khing. Pathe tie,” a ta. Capa paa ca sungkhabala ta a tluo. 14#Tbr 14.1-32 Zingsuv ta ahunghmuo chang li riypata bie a pi. Ama ta, “Cakuo la tluobyipa'a luo kha vaa la vaa pamang sa tie; cawsaa hmiekunglie i pathe tli tapa paluosana ta, Moses ta tue riypa a za tapa hriykhungrina kha pihluo tie,” a ta. 15Cuorasala Zingsuv thuohlaa ca ning hrang laa khata a pathuo vie hryly, cawsaazaapuv ta a bie naathlie riypa hne ama pasana taata a patluo sa riypa yi ta ama kha amaa vya hmyasue. 16Cuorasala Zingsuv ca zuvpathla te ruoduona luo kha cakuo te thlaa a chuo.
Zingsuv Ta A Pakyapa Paa A Patluo Sa
(Mat 9.1-8; Mar 2.1-12)
17Ning kha ca Zingsuv ta a pacuv nguoluo ning yi kha Galilee hne Judea hne Jerusalem khyta mekaa taata a vya chiypa Farasi tie hne phungbie saya tie chekha zaw a thaalie ca a maa tu ra. A pasapa patluo sa khunapa cahrana ca Zingsuv cunglie kha a aw. 18Cawsaa chekha ta a pakyapa paa kha a pangphaa hne a vya puvle yi te, ingchung luo zaa ngiekhyi pata Zingsuv hmielie vya chi riypa kha amaa zue. 19Cuorasala cawsaa ama hluv tuv nakawta a chung luo kha a ngiekhyi khu va yi. Caacuonakawta thlungkhuv cung luo kha kiekhyi yi te, thlungkhuv kha za pahaw yi te cawsaa hrawlie Zingsuv hmiekunglie kha a pangphaa hneta ama za pachung. 20Zingsuv ta ama zangna kha a hmung tiyta, “Liechung,#5.20 Gk Cawsaapa na suena ca a ngiethe pata na cuo tli,” a ta. 21Cakhutaata phungbie saya tie hne Farasi tie ta, “Khazing ripachiena bie a ripa paa hing ahungtama a cuo? Khazing pakha kyalya dyi muo suena a ngiethe khutuv ta a cuo ta,” amaa ta. 22Zingsuv ta ama ruenapa ca pachang yi te, iema kha, “Khaapanakawma cahaacata nama rue? 23‘Na suena ca a ngiethe pata a cuo tli,’ tapa ma a na vie, ‘Thu la cakuo,’ tapa ma a na vie? 24Cuorasala, Cawsaa Sacapaa hing chuelyi lieta sue a ngiethe khuna naw a hnyi tapa nama pachangkhuna riypata ta te,” a pakyapa paa ca, “Ica chang, thu la na pangphaa kha a la lah ing luo cakuo!” a ta. 25Sungkha ta, cawsaapa ca iema zaw hmielie kha thu te, aa zienapa pangphaa kha a la te Khazing pathuosana cangta ing luo a cakuo. 26Ama bangkhuo ta ciysa yi te ama nang a uo hringhruo. Khazing kha pathuosa yi te “Ataning hing na kharuehaapa hmang ca ma hmung tli,” ama ta.
Zingsuv Ta Levi A U
(Mat 9.9-13; Mar 2.13-17)
27Cakhutaata, Zingsuv ca pya te ngukhyituv Levi ngukhyina zung lie aa tu nguoluopa kha hmung te, “Na ziy tie,” a ta. 28Levi ca thu te, chechiy bangkhuo kha thuse te ama kha a ziy.
29Cakhutaa Levi ta a ing lieta Zingsuv kha pyi lesapa tuepa te, capa lie ca ngukhyituv tie hne cawsaa hrangpa a hluvpuv zaw kha iema hne cata cabya lie amaa tu pakhaw. 30#Luk 15.1-2 Farasi tie hne ama phungbie saya tie chekha ta Zingsuv ziytuv tie'a lie kha a cie yi te, “Khaapanakawma ngukhyituv tie'a nata a suepa tie hneta nama ning nama dang pakhaw?” ama ta. 31Zingsuv ta, “A tluopa cawsaa tie ta ca siyybyi a hu va yi, cuorasala a pasapa tie ta ca amaa hu. 32Kama ca aa dangpa tie ku riypata a vaw va ang, a suepa tie sue a ngiepachiyna luo ku riypa tana i vaw,” ta pata a palie yi.
Sa-uvna Kaw
(Mat 9.14-17; Mar 2.18-22)
33Cakhutaata iema ta Zingsuv kha, “Johan ziytuv tie hne Farasi ming ziytuv tie ca ata'a na ata tah sa uv yi te thlaa ama chuo; cuorasala nama caa ziytuv tie ca ning yi dang yi te ama aw,” ama ta. 34Zingsuv ta, “Nung chiy pyi a vya zawpa tie ca nungchiytuv satlie iema'a lie a aw chung kha sa nama pa-uv sa khu'a ma? Pa-uv sa khu'a va ung ciy! 35Nungchiytuv satlie kha iema'a taata ama lana cuo kha vya tlung'a te, capa thue cata sa amaa uv aa,” a ta. 36Zingsuv ta pakhingpuona suokha zaw a chang kalie yi: “Ahungtahmuo caw parangpa kha caw thaapa thlaa yi te a bie thla buo va yi; ama thla kieca caw thaapa dyi kha thlaa pata cuo'a te, caw parangpa lie abie a thla tiyta a ngie'a vyi. 37Cakhutaata, ahungtahmuo mingsuvtiy thaapa kha savang ungchuo hlungpa luo raw buo va yi; ama raw kieca mingsuvtiy thaapa ta savang ungchuo kha ning chi'a te, mingsuvtiy ca zuv diy'a te savang ungchuo zaw a ra aa. 38Cuorasala mingsuvtiy thaapa ca savang ungchuo thaapa lie raw riypa tana a cuo. 39Cakhutaata ahungtahmuo mingsuvtiy hlungpa kha ama dang khutaata mingsuvtiy thaapa kha dang khing va yi. ‘A hlungpa na a pahuo vie,'#5.39 Kuvtie caataw chekha tie lie ca a pahuo vie ta te chekha lie ca tluo 39 hing aw vyi ama ta,” a ta.
ទើបបានជ្រើសរើសហើយ៖
LUKA 5: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 5
5
Zingsuv Ta Ziytuv Taapa Tie A Ku Yi
(Mar 4.18-22; Mar 1.16-20)
1 #
Mat 13.1-2; Mar 3.9-10; 4.1 Ning kha ca, Genesaret Tiyliy kielie Zingsuv aa daa ning kha, Khazing bie naathlie riypata cawsaa ca ama'a luo kha a nuo ta amaa nuopuo. 2Zingsuv ta ngiekuo lie sawkawpalaw sahning a awpa kha a hmung. Ngaa a vaapa tie ca sawkawpalaw taa khata pya yi te ama'a sue kha ama pasiy nguoluo. 3Capa sawkawpalaw hrawlie khata Simon huopa luo kha kie te ngiekuo taata a cawta aa hla viena luo kha va nuo riypata a chang. Zingsuv ca sawkawpalaw chunglie ca a tu te cawsaazaapuv kha a pacuv yi. 4Bieri a patlung khutaata Simon kha, “Na sawkawpalaw hing tiy aa thuv viena luo hnyi la naa sue kha vaa tie,” a ta. 5#Jhn 21.3 Simon ta, “Abyipa zuokhydyi ma vaa law pata sakha hmuo pa-uo vapuv. Cuorasala vaa ung la malie na ta kieca i vaa'a tle,” ta pata a palie. 6#Jhn 21.6 Ama vaa ca ngaa a hluv hringhruo ama pa-uo nakawta amaa sue ca a tlaapuo diy'a nang. 7Caacuonakawta palaw hrangpa cunglie ama viesaa tie kha ama kuv ta a kyi yi te byana ama hie. A vaw yi te sawkawpalaw sahning lie kha ngaa ca a bikaluv pata chi yi te tiy luo vuotaa a tla khyi'a nang. 8Simon ta capa ca a hmung tiyta, Zingsuv phyi thabaw lie kha a pakhuv pane te, “Abyipa, na cakuose tie, tahematapakieca a suepa tana i cuo!” a ta. 9Ama hne a viesaa tie ca ama pa-uopa ngaa kawlie kha ama nang ta a uosa. 10Simon viesaa tie, Zebedi sacapaa tie Jeim hne Johan zaw kha ama nang a uosa ra. Zingsuv ta Simon kyihuo khata, “Na thlaa zang khah se; ata taa hingta ca cawsaa na na patuv'a tli,” a ta. 11Ama sawkawpalaw ca ngiekuo lie kha padaa yi te, ama chechiy bangkhuo kha thuse yi te Zingsuv ca ama ziy.
Zingsuv Ta Caahminghmaa A Phyapa A Patluo Sa
(Mat 8.1-4; Mar 1.40-45)
12Luo kha ca Zingsuv kha khypuv suokha lie a aw ningta capa khy lie ca caahminghmaa#5.12 Caahminghmaa tapa biesuo hing pasana phangphang tana zaw a cuo khu a phyapa paa kha a za aw. Capa paa ta Zingsuv kha a hmung tiyta, a hmiekunglie kha a bu te, “Abyipa, na khing pata a cuo kieca ina pathe sa khu ciy,” ta pata aa nue. 13Zingsuv ta a kuv va pazuo te, ama kha hrie te, “Ica patluo sa khing. Pathe tie,” a ta. Capa paa ca sungkhabala ta a tluo. 14#Tbr 14.1-32 Zingsuv ta ahunghmuo chang li riypata bie a pi. Ama ta, “Cakuo la tluobyipa'a luo kha vaa la vaa pamang sa tie; cawsaa hmiekunglie i pathe tli tapa paluosana ta, Moses ta tue riypa a za tapa hriykhungrina kha pihluo tie,” a ta. 15Cuorasala Zingsuv thuohlaa ca ning hrang laa khata a pathuo vie hryly, cawsaazaapuv ta a bie naathlie riypa hne ama pasana taata a patluo sa riypa yi ta ama kha amaa vya hmyasue. 16Cuorasala Zingsuv ca zuvpathla te ruoduona luo kha cakuo te thlaa a chuo.
Zingsuv Ta A Pakyapa Paa A Patluo Sa
(Mat 9.1-8; Mar 2.1-12)
17Ning kha ca Zingsuv ta a pacuv nguoluo ning yi kha Galilee hne Judea hne Jerusalem khyta mekaa taata a vya chiypa Farasi tie hne phungbie saya tie chekha zaw a thaalie ca a maa tu ra. A pasapa patluo sa khunapa cahrana ca Zingsuv cunglie kha a aw. 18Cawsaa chekha ta a pakyapa paa kha a pangphaa hne a vya puvle yi te, ingchung luo zaa ngiekhyi pata Zingsuv hmielie vya chi riypa kha amaa zue. 19Cuorasala cawsaa ama hluv tuv nakawta a chung luo kha a ngiekhyi khu va yi. Caacuonakawta thlungkhuv cung luo kha kiekhyi yi te, thlungkhuv kha za pahaw yi te cawsaa hrawlie Zingsuv hmiekunglie kha a pangphaa hneta ama za pachung. 20Zingsuv ta ama zangna kha a hmung tiyta, “Liechung,#5.20 Gk Cawsaapa na suena ca a ngiethe pata na cuo tli,” a ta. 21Cakhutaata phungbie saya tie hne Farasi tie ta, “Khazing ripachiena bie a ripa paa hing ahungtama a cuo? Khazing pakha kyalya dyi muo suena a ngiethe khutuv ta a cuo ta,” amaa ta. 22Zingsuv ta ama ruenapa ca pachang yi te, iema kha, “Khaapanakawma cahaacata nama rue? 23‘Na suena ca a ngiethe pata a cuo tli,’ tapa ma a na vie, ‘Thu la cakuo,’ tapa ma a na vie? 24Cuorasala, Cawsaa Sacapaa hing chuelyi lieta sue a ngiethe khuna naw a hnyi tapa nama pachangkhuna riypata ta te,” a pakyapa paa ca, “Ica chang, thu la na pangphaa kha a la lah ing luo cakuo!” a ta. 25Sungkha ta, cawsaapa ca iema zaw hmielie kha thu te, aa zienapa pangphaa kha a la te Khazing pathuosana cangta ing luo a cakuo. 26Ama bangkhuo ta ciysa yi te ama nang a uo hringhruo. Khazing kha pathuosa yi te “Ataning hing na kharuehaapa hmang ca ma hmung tli,” ama ta.
Zingsuv Ta Levi A U
(Mat 9.9-13; Mar 2.13-17)
27Cakhutaata, Zingsuv ca pya te ngukhyituv Levi ngukhyina zung lie aa tu nguoluopa kha hmung te, “Na ziy tie,” a ta. 28Levi ca thu te, chechiy bangkhuo kha thuse te ama kha a ziy.
29Cakhutaa Levi ta a ing lieta Zingsuv kha pyi lesapa tuepa te, capa lie ca ngukhyituv tie hne cawsaa hrangpa a hluvpuv zaw kha iema hne cata cabya lie amaa tu pakhaw. 30#Luk 15.1-2 Farasi tie hne ama phungbie saya tie chekha ta Zingsuv ziytuv tie'a lie kha a cie yi te, “Khaapanakawma ngukhyituv tie'a nata a suepa tie hneta nama ning nama dang pakhaw?” ama ta. 31Zingsuv ta, “A tluopa cawsaa tie ta ca siyybyi a hu va yi, cuorasala a pasapa tie ta ca amaa hu. 32Kama ca aa dangpa tie ku riypata a vaw va ang, a suepa tie sue a ngiepachiyna luo ku riypa tana i vaw,” ta pata a palie yi.
Sa-uvna Kaw
(Mat 9.14-17; Mar 2.18-22)
33Cakhutaata iema ta Zingsuv kha, “Johan ziytuv tie hne Farasi ming ziytuv tie ca ata'a na ata tah sa uv yi te thlaa ama chuo; cuorasala nama caa ziytuv tie ca ning yi dang yi te ama aw,” ama ta. 34Zingsuv ta, “Nung chiy pyi a vya zawpa tie ca nungchiytuv satlie iema'a lie a aw chung kha sa nama pa-uv sa khu'a ma? Pa-uv sa khu'a va ung ciy! 35Nungchiytuv satlie kha iema'a taata ama lana cuo kha vya tlung'a te, capa thue cata sa amaa uv aa,” a ta. 36Zingsuv ta pakhingpuona suokha zaw a chang kalie yi: “Ahungtahmuo caw parangpa kha caw thaapa thlaa yi te a bie thla buo va yi; ama thla kieca caw thaapa dyi kha thlaa pata cuo'a te, caw parangpa lie abie a thla tiyta a ngie'a vyi. 37Cakhutaata, ahungtahmuo mingsuvtiy thaapa kha savang ungchuo hlungpa luo raw buo va yi; ama raw kieca mingsuvtiy thaapa ta savang ungchuo kha ning chi'a te, mingsuvtiy ca zuv diy'a te savang ungchuo zaw a ra aa. 38Cuorasala mingsuvtiy thaapa ca savang ungchuo thaapa lie raw riypa tana a cuo. 39Cakhutaata ahungtahmuo mingsuvtiy hlungpa kha ama dang khutaata mingsuvtiy thaapa kha dang khing va yi. ‘A hlungpa na a pahuo vie,'#5.39 Kuvtie caataw chekha tie lie ca a pahuo vie ta te chekha lie ca tluo 39 hing aw vyi ama ta,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.