LUKA 18
18
A Palung A Chuo The Lipa Nunghlyinung Pakhingpuona
1Cakhutaata, Zingsuv ta ziytuv tie kha palung chuo li pata thlaachuo pari riypata pakhingpuona a chang yi. 2Ama ta, “Khy khy kha lieta Khazing ciy li pata cawsaa hmie zaw a mang lipa bieripatuv byi pakha a aw. 3Capa khy lie ca nunghlyinung pakha aw te, capa nunghlyinung ca ta, ‘Kama hne i cariepa alalalie kha bie malie ripa la tazaa naa cyipa cawsaa hmiekunglie hing duo na pacu tie,’ a vya ta byalya. 4Cuo kha chung ca a pakaa, cuorasala a hnangcaw ta ca, ‘Khazing ciy li pata cawsaa hmie zaw i mang li raalaa pata 5hing nunghlyinung hing hnaa ina pahnaw pari, a vaw byalya pata riethyi ina pi li riypata aa hmuopa tana bie ca i ripa aa,’ a ta,” a ta. 6Abyipa ca ta, “A pha lipa bieripatuv byi ta a ripa hing naathlie tie ung. 7Caacuokieca Khazing ta aa tlawpa, ama'a luo chung zuo ta a upa tie ca ama bie kha aa hmuo pata ripa li pata a aw'a yi ma? Iema a bya riypata a pahaa a pasaa'a ma? 8Ica chang yi, Ama bie kha a catli pata, aa hmuo pata a ripa'a yi. Cuorasala Cawsaa Sacapaa aa vaw tiyta alyi lie hing zangna a hmung'a ma?” a ta.
Farasi Tie Hne Ngukhyituv Tie Pakhingpuona
9Zingsuv ta hingpa pakhingpuona hing, iema'a na iema a zangpa, iema kha maa dang ta pata a rue yi te malie a nutaapa tie kha a chang yi. 10“Cawsaa pahning kha thlaachuo riypata biena-ing luo ama cakuo, pakha ca Farasi ming ta cuo te a hrangpa pakha ca ngukhyituv ta a cuo. 11Farasipa ca ama se ta a daa te hing haa hingta thlaa a chuo, ‘Khazing, kama ca malie haata a ruvhangpa, cawsaa a dung a viepa, aparuvsuena a tuepa hne, hingpa ngukhyituv zaw haa hingta i cuo li nakawta icaa law. 12Zaa kha chunglie ning hning sa uv angte, i hmungpa bangkhuo taata chehraachekha ica pi,’ a ta. 13Cuorasala ngukhyituv ca luohlaapuv luo khata a daa te avuo luo hmuo mang nguo li pata a cacunghnaa kha a cung te, ‘Khazing, a suepa kama hing ngie na chi thi tie,’ a ta. 14#Mat 23.12; Luk 14.11 Ica chang yi, a hrangpa paa kha cuo li pata hingpa paa hingna duopacu cie pata a ing luo a cakuo; tahematapakieca iema hne iema a cyicalangpa bangkhuo ca pachung pata cuo'a yi te, iema hne iema a panepa bangkhuo ca cyicalang pata ama cuo aa,” a ta.
Zingsuv Ta Haatiy Thluechiy A Pi Yi
(Mat 19.13-15; Mar 10.13-16)
15Cawsaa ta haaseta zaw te kha hmuo a kuv ta hrie naase yi ta pata Zingsuv'a luo amaa vawkhyi. Ziytuv tie ta ama hmung tiyta, cahaacata tue li riypata khuosa ta ama thlu. 16Cuorasala Zingsuv ta ku yi te, “Haatiy zaw ca kama'a luo kha a vaw yi se, thlu khah ung; tahematapakieca Khazing pena ca hing haapa haatiy zaw cuo hing tana a cuo. 17Biehmisi tana ica chang yi, ahunghmuo cuose, Khazing pena kha haatiyta haa hingta a cuhluo lipa ca, capa pena chung luo ca a ngie khu buo hluo'a va yi,” a ta.
A Hnyirungpa Uvtuv
(Mat 19.16-30; Mar 10.17-31)
18Uvtuv pakha ta Zingsuv kha, “A phapa Saya, chuozaa hringna cu riypata khaapama i tue aa?” a ta. 19Zingsuv ta, “Khaapanakawma a phapa ina ta ciy? Khazing ta li pata ahunghmuo pha va yi. 20#Pya 20.14; Pbp 5.18; Pya 20.13; Pbp 5.17; Pya 20.15; Pbp 5.19; Pya 20.16; Pbp 5.20; Pya 20.12; Pbp 5.16 Phungbie kha na pachang: ‘Nungvaathingsuena tue khah; Lie va naw khah; Paruv khah; A cuo lipa bie lie malie vaa daakhyi khah; Na nung hne na paa va ciyzaa yi,’ ta pata a cuopa kha a ta. 21Capa paa ca ta, “Hingpa bangkhuo hing ca i cawta baataata i ziy ciepa tana a cuo,” a ta. 22Zingsuv ta capa bie ca a thyi tiyta, “Naa bu kaliepa na suokha a aw. Na hnyipa bangkhuo kha zaa la na tuokaa#18.22 Gk na tuokaa tapa aw vyi kha a siypasapa tie pi tie yi, caacuokieca vuoruo lie suethiy na hnyi aa; cakhutaata a vaw la na ziy tie,” a ta. 23Cuorasala cawsaapa ta capa bie ca a thyi tiyta a ngie a chi; tahematapakieca ama ca a hnyirungsapa tana a cuo. 24Zingsuv ta ama kha mang te, “Khazing pena luo a hnyirungpa tie a ngie riypa hing kha tluv tama a ruv aa! 25A hnyirungpa Khazing pena luo a ngie riypa laata ca kala-uv sakha ciphang khue chung luo a ngiepa na a na vie,” a ta.
26A bie a thyipa tie ta, “Ahungma khuona ca a hmung khu aa?” ama ta. 27Zingsuv ta, “Cawsaapa cuota a cuo khu lipa hing Khazing cuota ca a cuo khu,” a ta.
28Cakhutaata Piter ta, “Mang tie, Kiema ca ma ing ma lu kha thuse pate nama maca ziy tli,” a ta. 29Zingsuv ta iema kha, “Biehmisi tana ica chang yi, ahunghmuo cuose Khazing pena vuolieta, ing cuose, napuv cuose, uvnu zaw cuose, nungpaa zaw cuose, saata zaw cuose a thusepa ca 30ata chuo lie hing ale hluvpuv ta hmung riypa hnyi'a te, a vaw riypa chuo lie zaw chuozaa hringna a hmung aa,” a ta.
Zingsuv Ta A Thiyna Riypa Hne A Thupakhaana Riypa Kaw A Yi Thungna A Ri
(Mat 20.17-19; Mar 10.32-34)
31Zingsuv ta ziytuv hlyihning tie kha a hrangta tah ku yi te, “Naathlie tie ungh! Jerusalem luo vaa'a ung pate capa lie ca profet tie ta Cawsaa Sacapaa kaw ama capepa bangkhuo kha a tling aa. 32Ama ca Jentail ming kuv luo pi pata cuo'a te, iema ta ama tue hyalya aa, ama ese aa, ama paciy ta ama pacha aa. 33Tuv'a yi te ama thie aa, cuorasala ning thungna lieta a thu pakhaa aa,” a ta. 34Cuorasala ziytuv tie ta hingpa kaw hing khaapahmuo pachang va yi; a ri khingna kha nukhuo pata ama cuo nakawta khaapama a ri tapa kha pachang khu va yi.
A Mingcuepa A Hielepa Paa Kha Jeriko Khy Athaalieta A Patluo Sa
(Mat 20.29-34; Mar 10.46-52)
35Zingsuv ca Jeriko khy luo a vya chiy'a nang caw ta mingcuepa pakha ca luokie lie kha zaa tu te a za hie nguoluo yi. 36A thaalie cawsaazaapuv ama vya cakuolepa pu kha a thyi tiyta, khaapama a cuo tapa kha a hiehriy yi. 37Iema ta, “Nazareth khypa Zingsuv na a vawle,” ama ta. 38Ama ta, “David Sacapaa, Zingsuv, ngie na chi thi tie!” ta pata a u. 39Hmieluo lie a awpa cawsaa tie khata duo riypata khuosa ta ama thlu; cuorasala, “David Sacapaa, ngie na chi thi tie!” ta pata khuo vie ta a u hryly. 40Zingsuv ca a daa te mingcuepa paa kha ama'a luo a vawkhyi riypata a chang yi. Aa thaa luo a vya chiy tiyta Zingsuv ta, 41“Khaapa na tuepa se tapa ma na khing?” a ta. Ama ta, “Abyipa, i ming hmung the pakhaa se tapa na i khingsa,” a ta. 42Zingsuv ta, “Hmung tie, na zangnapa na caa khuo,” a ta. 43A ming ca sungkha ta vuo pakhaa te, ama kha ziy te Khazing kha a pathuosa. Cawsaa bangkhuo ta ama kha ama hmung tiyta Khazing ama pathuosa.
ទើបបានជ្រើសរើសហើយ៖
LUKA 18: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 18
18
A Palung A Chuo The Lipa Nunghlyinung Pakhingpuona
1Cakhutaata, Zingsuv ta ziytuv tie kha palung chuo li pata thlaachuo pari riypata pakhingpuona a chang yi. 2Ama ta, “Khy khy kha lieta Khazing ciy li pata cawsaa hmie zaw a mang lipa bieripatuv byi pakha a aw. 3Capa khy lie ca nunghlyinung pakha aw te, capa nunghlyinung ca ta, ‘Kama hne i cariepa alalalie kha bie malie ripa la tazaa naa cyipa cawsaa hmiekunglie hing duo na pacu tie,’ a vya ta byalya. 4Cuo kha chung ca a pakaa, cuorasala a hnangcaw ta ca, ‘Khazing ciy li pata cawsaa hmie zaw i mang li raalaa pata 5hing nunghlyinung hing hnaa ina pahnaw pari, a vaw byalya pata riethyi ina pi li riypata aa hmuopa tana bie ca i ripa aa,’ a ta,” a ta. 6Abyipa ca ta, “A pha lipa bieripatuv byi ta a ripa hing naathlie tie ung. 7Caacuokieca Khazing ta aa tlawpa, ama'a luo chung zuo ta a upa tie ca ama bie kha aa hmuo pata ripa li pata a aw'a yi ma? Iema a bya riypata a pahaa a pasaa'a ma? 8Ica chang yi, Ama bie kha a catli pata, aa hmuo pata a ripa'a yi. Cuorasala Cawsaa Sacapaa aa vaw tiyta alyi lie hing zangna a hmung'a ma?” a ta.
Farasi Tie Hne Ngukhyituv Tie Pakhingpuona
9Zingsuv ta hingpa pakhingpuona hing, iema'a na iema a zangpa, iema kha maa dang ta pata a rue yi te malie a nutaapa tie kha a chang yi. 10“Cawsaa pahning kha thlaachuo riypata biena-ing luo ama cakuo, pakha ca Farasi ming ta cuo te a hrangpa pakha ca ngukhyituv ta a cuo. 11Farasipa ca ama se ta a daa te hing haa hingta thlaa a chuo, ‘Khazing, kama ca malie haata a ruvhangpa, cawsaa a dung a viepa, aparuvsuena a tuepa hne, hingpa ngukhyituv zaw haa hingta i cuo li nakawta icaa law. 12Zaa kha chunglie ning hning sa uv angte, i hmungpa bangkhuo taata chehraachekha ica pi,’ a ta. 13Cuorasala ngukhyituv ca luohlaapuv luo khata a daa te avuo luo hmuo mang nguo li pata a cacunghnaa kha a cung te, ‘Khazing, a suepa kama hing ngie na chi thi tie,’ a ta. 14#Mat 23.12; Luk 14.11 Ica chang yi, a hrangpa paa kha cuo li pata hingpa paa hingna duopacu cie pata a ing luo a cakuo; tahematapakieca iema hne iema a cyicalangpa bangkhuo ca pachung pata cuo'a yi te, iema hne iema a panepa bangkhuo ca cyicalang pata ama cuo aa,” a ta.
Zingsuv Ta Haatiy Thluechiy A Pi Yi
(Mat 19.13-15; Mar 10.13-16)
15Cawsaa ta haaseta zaw te kha hmuo a kuv ta hrie naase yi ta pata Zingsuv'a luo amaa vawkhyi. Ziytuv tie ta ama hmung tiyta, cahaacata tue li riypata khuosa ta ama thlu. 16Cuorasala Zingsuv ta ku yi te, “Haatiy zaw ca kama'a luo kha a vaw yi se, thlu khah ung; tahematapakieca Khazing pena ca hing haapa haatiy zaw cuo hing tana a cuo. 17Biehmisi tana ica chang yi, ahunghmuo cuose, Khazing pena kha haatiyta haa hingta a cuhluo lipa ca, capa pena chung luo ca a ngie khu buo hluo'a va yi,” a ta.
A Hnyirungpa Uvtuv
(Mat 19.16-30; Mar 10.17-31)
18Uvtuv pakha ta Zingsuv kha, “A phapa Saya, chuozaa hringna cu riypata khaapama i tue aa?” a ta. 19Zingsuv ta, “Khaapanakawma a phapa ina ta ciy? Khazing ta li pata ahunghmuo pha va yi. 20#Pya 20.14; Pbp 5.18; Pya 20.13; Pbp 5.17; Pya 20.15; Pbp 5.19; Pya 20.16; Pbp 5.20; Pya 20.12; Pbp 5.16 Phungbie kha na pachang: ‘Nungvaathingsuena tue khah; Lie va naw khah; Paruv khah; A cuo lipa bie lie malie vaa daakhyi khah; Na nung hne na paa va ciyzaa yi,’ ta pata a cuopa kha a ta. 21Capa paa ca ta, “Hingpa bangkhuo hing ca i cawta baataata i ziy ciepa tana a cuo,” a ta. 22Zingsuv ta capa bie ca a thyi tiyta, “Naa bu kaliepa na suokha a aw. Na hnyipa bangkhuo kha zaa la na tuokaa#18.22 Gk na tuokaa tapa aw vyi kha a siypasapa tie pi tie yi, caacuokieca vuoruo lie suethiy na hnyi aa; cakhutaata a vaw la na ziy tie,” a ta. 23Cuorasala cawsaapa ta capa bie ca a thyi tiyta a ngie a chi; tahematapakieca ama ca a hnyirungsapa tana a cuo. 24Zingsuv ta ama kha mang te, “Khazing pena luo a hnyirungpa tie a ngie riypa hing kha tluv tama a ruv aa! 25A hnyirungpa Khazing pena luo a ngie riypa laata ca kala-uv sakha ciphang khue chung luo a ngiepa na a na vie,” a ta.
26A bie a thyipa tie ta, “Ahungma khuona ca a hmung khu aa?” ama ta. 27Zingsuv ta, “Cawsaapa cuota a cuo khu lipa hing Khazing cuota ca a cuo khu,” a ta.
28Cakhutaata Piter ta, “Mang tie, Kiema ca ma ing ma lu kha thuse pate nama maca ziy tli,” a ta. 29Zingsuv ta iema kha, “Biehmisi tana ica chang yi, ahunghmuo cuose Khazing pena vuolieta, ing cuose, napuv cuose, uvnu zaw cuose, nungpaa zaw cuose, saata zaw cuose a thusepa ca 30ata chuo lie hing ale hluvpuv ta hmung riypa hnyi'a te, a vaw riypa chuo lie zaw chuozaa hringna a hmung aa,” a ta.
Zingsuv Ta A Thiyna Riypa Hne A Thupakhaana Riypa Kaw A Yi Thungna A Ri
(Mat 20.17-19; Mar 10.32-34)
31Zingsuv ta ziytuv hlyihning tie kha a hrangta tah ku yi te, “Naathlie tie ungh! Jerusalem luo vaa'a ung pate capa lie ca profet tie ta Cawsaa Sacapaa kaw ama capepa bangkhuo kha a tling aa. 32Ama ca Jentail ming kuv luo pi pata cuo'a te, iema ta ama tue hyalya aa, ama ese aa, ama paciy ta ama pacha aa. 33Tuv'a yi te ama thie aa, cuorasala ning thungna lieta a thu pakhaa aa,” a ta. 34Cuorasala ziytuv tie ta hingpa kaw hing khaapahmuo pachang va yi; a ri khingna kha nukhuo pata ama cuo nakawta khaapama a ri tapa kha pachang khu va yi.
A Mingcuepa A Hielepa Paa Kha Jeriko Khy Athaalieta A Patluo Sa
(Mat 20.29-34; Mar 10.46-52)
35Zingsuv ca Jeriko khy luo a vya chiy'a nang caw ta mingcuepa pakha ca luokie lie kha zaa tu te a za hie nguoluo yi. 36A thaalie cawsaazaapuv ama vya cakuolepa pu kha a thyi tiyta, khaapama a cuo tapa kha a hiehriy yi. 37Iema ta, “Nazareth khypa Zingsuv na a vawle,” ama ta. 38Ama ta, “David Sacapaa, Zingsuv, ngie na chi thi tie!” ta pata a u. 39Hmieluo lie a awpa cawsaa tie khata duo riypata khuosa ta ama thlu; cuorasala, “David Sacapaa, ngie na chi thi tie!” ta pata khuo vie ta a u hryly. 40Zingsuv ca a daa te mingcuepa paa kha ama'a luo a vawkhyi riypata a chang yi. Aa thaa luo a vya chiy tiyta Zingsuv ta, 41“Khaapa na tuepa se tapa ma na khing?” a ta. Ama ta, “Abyipa, i ming hmung the pakhaa se tapa na i khingsa,” a ta. 42Zingsuv ta, “Hmung tie, na zangnapa na caa khuo,” a ta. 43A ming ca sungkha ta vuo pakhaa te, ama kha ziy te Khazing kha a pathuosa. Cawsaa bangkhuo ta ama kha ama hmung tiyta Khazing ama pathuosa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.