LUKA 15
15
Tuv Viepa Pakhingpuona
(Mat 18.12-14)
1 #
Luk 5.29-30
Ngukhyituv tie hne a suepa tie kha a bie naathlie riypata aa thaa luo a maa vaw. 2Farasi tie hne Phungbie saya tie kha a cie yi te, “Hingpa paa hing a suepa tie kha cuhluo yi te iema hne sa zaw a ning!” ama ta.
3Caacuonakawta Zingsuv ta hingpa pakhingpuona hing a chang yi: 4“Niema hrawlie pakha ta tuv zakha hnyi sala sakha a vie kieca, sawcaky hne sacaky kha ruocaapa lie thuse siy'a te a viepa sakha kha a hmung hluo li a huv aa, cuo va ma? 5A va hmung tiyta, a letung cunglie vya khangle te a palung a tluo hringhruo. 6Ing luo a vya chiy tiyta, a viesaa hne a ingpaa zaw kha ku yi te, ‘A viepa i tuv kha hmung tli angte naa lawkhyi tie ung,’ a ta yi. 7Ica chang yi, cahaacata, sue a ngiepachiy a hu lipa aa dangpa sawcaky pacaky laata a suena a ngiepachiypa a suepa pakha kawlieta vuoruo lie palungtluona a le vie a aw aa,” a ta.
Tuokaa Viepa Pakhingpuona
8“Acuolikie, canung pakha ta ngu tuokaa#15.8 Gk drachmas phiekha hing kuliy re a hrietuv pakha ning kha thavie tana a cuo phie hraa hnyi sela phie kha a pavie kieca myi-ing kha a vuo'a te, a ing kha phiy'a te, a hmung hluo li a cakiy a capie te ta a phasa pata a huv aa cuo va ma?. 9A hmung tiyta, a viesaa hne a ingpaa zaw kha ku'a yi te, ‘I paviepa i tuokaa kha hmung tli angte naa lawkhyi tie ung,’ a ta'a yi. 10Ica chang yi, cahaacata, a suena a ngiepachiypa a suepa pakha kawlieta Khazing avuoming ama palung a tluo,” a ta.
Sacapaa Viepa Pakhingpuona
11Cakhutaata Zingsuv ta, “Luo kha ca sacapaa pahning a hnyipa paa a za aw. 12A syi viepa paa ta a paa kha, ‘I paa, i hmung riypata a cuopa ru ca na pi tie,’ a ta. Caacuonakawta a paa ta ru ca a che yi. 13Cakhutaata ning a ru hluota sacapaa a syi viepa ca a hnyipa bangkhuo kha la te khy luohlaa luo kha a tlaw. A duv a khing ta hring te a hnyipa bangkhuo ca a pahli diy. 14A hnyipa bangkhuo a hmuo diy khutaata capa ruo lie ca khuopuv ta cakuo tlung te a kuv cahri pata a aw. 15Caacuonakawta capa khy ming pakha'a luo kha re hrie riypata vaa te, capa paa ca ta va mangchiy riypata a lu luo kha a paphya. 16Va ta a ningpa khukhu haw kha a riybina te ta a ning khingsa raalaa pata ahungtahmuo pi va yi. 17A palung kya sing te, ‘I paa rehrietuv tie kha ning tie li tana viechuo ama hnyi, kama tlaku ca hingpa lie hing sa i maasa'a nang!' 18Thu'a angte na i paa'a luo kha si'a angte, “I Paa, Khazing cunglie hne nama cunglieta i sue tli. 19Na sacapaa cuo riypata a tla va tli ang; na rehrietuv pakha haata na chi ra thi tie,” i ta aa, a ta. 20Caacuonakawta thu te a paa'a luo kha a si. Luohlaapuv lie a aw kalie pata a paa ta a va hmung ca, ngiechi hringhruo te, vaa ruo te, cakuv te a pahnuo. 21A sacapaa ta, ‘I Paa, Khazing cunglie hne nama cunglieta i sue tli. Na sacapaa cuo riypata a tla va tli ang,'#15.21 Kuvtie caataw chekha tie lie ca naa hluo chawpa na changtaapa pakha haata na tue tie, a ta chiy a ta. 22Cuorasala a paa ta a changtaapa zaw kha u yi te, ‘A catli pata a vaw ung! Pang pha cepa kha vya cyi ung la pabuv tie ung; a kuvdaw lie hing kuvpahryi vya pahryi ung la, a phyi lie hing phyipakaw vya pakaw tie ung. 23Cakhutaata cuetaata a thu cepa kha patuv ung la thie tie ung, ning ung sala a nuo ung siy; 24tahematapakieca, i sacapaa hing za thiy te a hring pakhaa; za vie te i hmung pakhaa!’ a ta. Cahaacata pyi tue ca ama pathu.
25“A sacapaa uvthyipa ca lu lieta a aw; lu taa cata vya si te ing athaa luo a vya chiy tiyta, hlaa sa pu hne luo pu kha a thyi. 26Caacuonakawta a changtaapa pakha kha u te, ‘Khaapama a cuo nguoluo?’ ta pata a hiehriy. 27Ama ta, ‘Na nuta kha ing luo vya kaa tena, hnaatluosapa hne a bangta tah a vya chiy nakawta, na paa ta cuetaata a thu cepa kha a thiepa,’ a ta. 28Sacapaa uvthyipa ca a hi haa te ingchung luo a ngie khing li pata a aw. A paa ta kya pya te a ripasa. 29Cuorasala a paa kha, ‘Naathlie tie, hing zaw kungnung na re kha sii haata hrie angte, na ri caa ngie li pata aw buo va ang. Cuorasala i viesaa zaw hne anuona pyi tue riypata mietaata sakha hmuo na pi buo vaciy! 30Cuorasala siyhrawnung tie'a lieta na hnyipa bangkhuo a pachuo diypa, hingpa na sacapaa ing luo a vya kaa tiyta cuetaata a thu cepa na thiepa!’ ta pata a palie. 31A paa ta palie te, ‘I sacapaa, nama ca kama'a lie aw pari cate i hnyipa bangkhuo hing nama huopa tana a cuo. 32Cuorasala na nuta ca za thiy te ata hing a hring pakhaa, za vie te ata hing hmung pakhaa pata a cuo; caacuonakawta pyi tue pata palungtluona hne maa nuo riypa tana a cuo,’ a ta,” a ta.
ទើបបានជ្រើសរើសហើយ៖
LUKA 15: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUKA 15
15
Tuv Viepa Pakhingpuona
(Mat 18.12-14)
1 #
Luk 5.29-30
Ngukhyituv tie hne a suepa tie kha a bie naathlie riypata aa thaa luo a maa vaw. 2Farasi tie hne Phungbie saya tie kha a cie yi te, “Hingpa paa hing a suepa tie kha cuhluo yi te iema hne sa zaw a ning!” ama ta.
3Caacuonakawta Zingsuv ta hingpa pakhingpuona hing a chang yi: 4“Niema hrawlie pakha ta tuv zakha hnyi sala sakha a vie kieca, sawcaky hne sacaky kha ruocaapa lie thuse siy'a te a viepa sakha kha a hmung hluo li a huv aa, cuo va ma? 5A va hmung tiyta, a letung cunglie vya khangle te a palung a tluo hringhruo. 6Ing luo a vya chiy tiyta, a viesaa hne a ingpaa zaw kha ku yi te, ‘A viepa i tuv kha hmung tli angte naa lawkhyi tie ung,’ a ta yi. 7Ica chang yi, cahaacata, sue a ngiepachiy a hu lipa aa dangpa sawcaky pacaky laata a suena a ngiepachiypa a suepa pakha kawlieta vuoruo lie palungtluona a le vie a aw aa,” a ta.
Tuokaa Viepa Pakhingpuona
8“Acuolikie, canung pakha ta ngu tuokaa#15.8 Gk drachmas phiekha hing kuliy re a hrietuv pakha ning kha thavie tana a cuo phie hraa hnyi sela phie kha a pavie kieca myi-ing kha a vuo'a te, a ing kha phiy'a te, a hmung hluo li a cakiy a capie te ta a phasa pata a huv aa cuo va ma?. 9A hmung tiyta, a viesaa hne a ingpaa zaw kha ku'a yi te, ‘I paviepa i tuokaa kha hmung tli angte naa lawkhyi tie ung,’ a ta'a yi. 10Ica chang yi, cahaacata, a suena a ngiepachiypa a suepa pakha kawlieta Khazing avuoming ama palung a tluo,” a ta.
Sacapaa Viepa Pakhingpuona
11Cakhutaata Zingsuv ta, “Luo kha ca sacapaa pahning a hnyipa paa a za aw. 12A syi viepa paa ta a paa kha, ‘I paa, i hmung riypata a cuopa ru ca na pi tie,’ a ta. Caacuonakawta a paa ta ru ca a che yi. 13Cakhutaata ning a ru hluota sacapaa a syi viepa ca a hnyipa bangkhuo kha la te khy luohlaa luo kha a tlaw. A duv a khing ta hring te a hnyipa bangkhuo ca a pahli diy. 14A hnyipa bangkhuo a hmuo diy khutaata capa ruo lie ca khuopuv ta cakuo tlung te a kuv cahri pata a aw. 15Caacuonakawta capa khy ming pakha'a luo kha re hrie riypata vaa te, capa paa ca ta va mangchiy riypata a lu luo kha a paphya. 16Va ta a ningpa khukhu haw kha a riybina te ta a ning khingsa raalaa pata ahungtahmuo pi va yi. 17A palung kya sing te, ‘I paa rehrietuv tie kha ning tie li tana viechuo ama hnyi, kama tlaku ca hingpa lie hing sa i maasa'a nang!' 18Thu'a angte na i paa'a luo kha si'a angte, “I Paa, Khazing cunglie hne nama cunglieta i sue tli. 19Na sacapaa cuo riypata a tla va tli ang; na rehrietuv pakha haata na chi ra thi tie,” i ta aa, a ta. 20Caacuonakawta thu te a paa'a luo kha a si. Luohlaapuv lie a aw kalie pata a paa ta a va hmung ca, ngiechi hringhruo te, vaa ruo te, cakuv te a pahnuo. 21A sacapaa ta, ‘I Paa, Khazing cunglie hne nama cunglieta i sue tli. Na sacapaa cuo riypata a tla va tli ang,'#15.21 Kuvtie caataw chekha tie lie ca naa hluo chawpa na changtaapa pakha haata na tue tie, a ta chiy a ta. 22Cuorasala a paa ta a changtaapa zaw kha u yi te, ‘A catli pata a vaw ung! Pang pha cepa kha vya cyi ung la pabuv tie ung; a kuvdaw lie hing kuvpahryi vya pahryi ung la, a phyi lie hing phyipakaw vya pakaw tie ung. 23Cakhutaata cuetaata a thu cepa kha patuv ung la thie tie ung, ning ung sala a nuo ung siy; 24tahematapakieca, i sacapaa hing za thiy te a hring pakhaa; za vie te i hmung pakhaa!’ a ta. Cahaacata pyi tue ca ama pathu.
25“A sacapaa uvthyipa ca lu lieta a aw; lu taa cata vya si te ing athaa luo a vya chiy tiyta, hlaa sa pu hne luo pu kha a thyi. 26Caacuonakawta a changtaapa pakha kha u te, ‘Khaapama a cuo nguoluo?’ ta pata a hiehriy. 27Ama ta, ‘Na nuta kha ing luo vya kaa tena, hnaatluosapa hne a bangta tah a vya chiy nakawta, na paa ta cuetaata a thu cepa kha a thiepa,’ a ta. 28Sacapaa uvthyipa ca a hi haa te ingchung luo a ngie khing li pata a aw. A paa ta kya pya te a ripasa. 29Cuorasala a paa kha, ‘Naathlie tie, hing zaw kungnung na re kha sii haata hrie angte, na ri caa ngie li pata aw buo va ang. Cuorasala i viesaa zaw hne anuona pyi tue riypata mietaata sakha hmuo na pi buo vaciy! 30Cuorasala siyhrawnung tie'a lieta na hnyipa bangkhuo a pachuo diypa, hingpa na sacapaa ing luo a vya kaa tiyta cuetaata a thu cepa na thiepa!’ ta pata a palie. 31A paa ta palie te, ‘I sacapaa, nama ca kama'a lie aw pari cate i hnyipa bangkhuo hing nama huopa tana a cuo. 32Cuorasala na nuta ca za thiy te ata hing a hring pakhaa, za vie te ata hing hmung pakhaa pata a cuo; caacuonakawta pyi tue pata palungtluona hne maa nuo riypa tana a cuo,’ a ta,” a ta.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.