JOHAN 21
21
Ziytuv Pasariy Tie'a Lie Zingsuv Aa Luo
1Cakhutaa cata Zingsuv ca Tiberias Riyliy kielie kha a ziytuv tie'a lie aa luo pakhaa. Aa luozya ca hing haa hingta a cuo. 2Simon Piter, Mingphie#21.2 Gk Didymus ama tapa Thomas, Galilee pe Kaanaa khy ming Nathanael, Zebedi sacapaa tie hne a hrangpa ziytuv pahning ca suv kha ta ama aw. 3#Luk 5.5 Simon Piter ta, “Ngaa na i va vaa aa,” a ta yi. Iema ta, “Ma ca vya ziy aa,” ta yi te sawkawpalaw chung luo kha ama kie, cuorasala capa zuo ca sakha hmuo patuv va yi.
4Khy a kya vuopa khiy ta, Zingsuv ca ngiekuo lie kha aa tu, cuorasala ziytuv tie ta Zingsuv a cuopa kha pachang va yi. 5Zingsuv ta, “Satlie zaw ngaa sakha hmuo patuv va ung ca ma?” a ta yi. Iema ta, “Patuv vapuv,” ama ta. 6#Luk 5.6 Ama ta, “Sawkawpalaw cacuoluo kuo khata vaa ung la nama pa-uo buo aa,” a ta yi. Ama vaa ca ngaa a hluvsa aa uo nakawta amaa sue hmuo a da khu li pata ama aw. 7Zingsuv ta a duepa ziytuvpa khata Piter kyihuo kha, “Abyipa tana a cuo!” a ta. Simon Piter ta Abyipa tana a cuo a tapa kha a thyi ca, a cahri pata a aw nakawta, caw kha a hryi te tiy chung luo kha aa zu. 8Cuorasala ziytuv hrangpa tie ca sawkawpalaw luo kha kie yi te ngaa a bi pata a uopa asue ca daw zahning hraw dyi aa hlapa ngiekuo luo kha amaa dale.
9Ngiekuo luo ama pha ca myi cunglie ngaa a zaa epa hne viechuo kha ama hmung. 10Zingsuv ta, “Nama patuvpa ngaa chekha kha vya cyi tie ung,” a ta yi. 11Caacuonakawta Simon Piter ca sawkawpalaw luo kha kie te ngaa lesapa zakha sawngaa sathung a uopa asue kha ngiekuo luo aa vya dale. Ngaa a hluvsa raalaa pata asue kha tlaa vyi. 12Zingsuv ta, “A vaw ung la mawsa ning tie ung,” a ta yi. Abyipa ta a cuopa kha ama pachang thluo nakawta ahungtahmuo, “Ahungtama na cuo?” ta pata hiehriy nguo va yi. 13Zingsuv ca a vaw te, viechuo kha la te a pi yi, cahaacata ngaa zaw kha a pi yi.
14Hingpa hing thiyna taata a thu pakhaa khutaata a ziytuv tie'a lie a yi thungnapa aa luona tana a cuo.
Zingsuv Hne Piter
15Mawsa ama ning khutaata Zingsuv ta Piter kha, “Johan sacapaa Simon, iema laa hingta ina due vie ca ma?” a ta. Ama ta, “A cuo, Abyipa; ica duepa ca na pachang,” a ta. Zingsuv ta, “I tuvtaata zaw kha sa pi tie,” a ta. 16A yihningnapa ta, “Johan sacapaa Simon, ina due ca ma?” a ta pakhaa. Ama ta, “A cuo, Abyipa; ica duepa kha na pachang,” a ta. Zingsuv ta, “I tuv zaw kha mangchiy tie,” a ta. 17A yi thungnapa ta, “Johan sacapaa Simon, ina due ca ma?” a ta. Yi thung nanaa, “Ina due ca ma?” a ta nakawta Piter ca a ngie chi te, “Abyipa, nama ca hmangting a pachangtuv tana na cuo; ica duepa kha na pachang,” a ta. Zingsuv ta, “I tuv zaw kha sa pi tie,” a ta. 18Biehmisi tana ica chang, Na kung panu ning hing ca namata tah na tesaw kha a saw cate na khingna luo bangkhuo kha na cakuo. Cuorasala na macuo thue ca na kuv kha pazuo'a cate, pakhakha ta tesaw kha ca pasaw'a te, na khing lina luo kha aca cakuokhyi aa,” a ta. 19(Hing haa hingta a tapa hing tuokhaapa thiyna tama Piter ta Khazing rungnaana kha a paluo sa aa tapa khana a ri khing.) Cakhutaa cata, ama kha “Na ziy tie,” a ta.
Zingsuv Hne A Duepa Ziytuv
20 #
Jhn 13.25
Piter ca a pali te Zingsuv ta a duepa ziytuv ta a vya paziylepa yi kha a hmung. Ama ca zuosa ama ning ningta Zingsuv kha vaa pha te, “Abyipa, ahung hing ma caa lyi riypata a cuo?” a tapa paa khata a cuo. 21Piter ta ama kha a hmung tiyta Zingsuv kha, “Abyipa, hingpa paa hing haw tuokhaatama a cuo aa?” a ta. 22Zingsuv ta, “I vaw pakhaana te a hring riypata khing ang sala na cuota khaapama a pyinapa a aw? Na ziy tie!” a ta. 23Caacuonakawta hing ziytuvpa hing thiy'a va tli ta pata iema hrawlie kha bie aa ze. Zingsuv ta thiy'a vyi ta pata a ripa cuo vyi, cuorasala, “I vaw pakhaana te a hring riypata khing ang sala na cuota khaapama a pyinapa a aw?” a tapa tana a cuo.
24Hingpa paa ca a ziytuv cuo te hingpa kaw hing tehte a khuotuv hne a capetuv ta a cuo, a tehte khuopa ca aa hmuo tapa zaw kha ma pachang. 25Cuorasala Zingsuv ta a tuepa hmang hrangpa a hluv hringhruo a aw. Capa bangkhuo ca ma cape kieca, capepa caa-uv ca chuelyi hingta a tlaw the'a vyi tapa tana i rue.
ទើបបានជ្រើសរើសហើយ៖
JOHAN 21: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 21
21
Ziytuv Pasariy Tie'a Lie Zingsuv Aa Luo
1Cakhutaa cata Zingsuv ca Tiberias Riyliy kielie kha a ziytuv tie'a lie aa luo pakhaa. Aa luozya ca hing haa hingta a cuo. 2Simon Piter, Mingphie#21.2 Gk Didymus ama tapa Thomas, Galilee pe Kaanaa khy ming Nathanael, Zebedi sacapaa tie hne a hrangpa ziytuv pahning ca suv kha ta ama aw. 3#Luk 5.5 Simon Piter ta, “Ngaa na i va vaa aa,” a ta yi. Iema ta, “Ma ca vya ziy aa,” ta yi te sawkawpalaw chung luo kha ama kie, cuorasala capa zuo ca sakha hmuo patuv va yi.
4Khy a kya vuopa khiy ta, Zingsuv ca ngiekuo lie kha aa tu, cuorasala ziytuv tie ta Zingsuv a cuopa kha pachang va yi. 5Zingsuv ta, “Satlie zaw ngaa sakha hmuo patuv va ung ca ma?” a ta yi. Iema ta, “Patuv vapuv,” ama ta. 6#Luk 5.6 Ama ta, “Sawkawpalaw cacuoluo kuo khata vaa ung la nama pa-uo buo aa,” a ta yi. Ama vaa ca ngaa a hluvsa aa uo nakawta amaa sue hmuo a da khu li pata ama aw. 7Zingsuv ta a duepa ziytuvpa khata Piter kyihuo kha, “Abyipa tana a cuo!” a ta. Simon Piter ta Abyipa tana a cuo a tapa kha a thyi ca, a cahri pata a aw nakawta, caw kha a hryi te tiy chung luo kha aa zu. 8Cuorasala ziytuv hrangpa tie ca sawkawpalaw luo kha kie yi te ngaa a bi pata a uopa asue ca daw zahning hraw dyi aa hlapa ngiekuo luo kha amaa dale.
9Ngiekuo luo ama pha ca myi cunglie ngaa a zaa epa hne viechuo kha ama hmung. 10Zingsuv ta, “Nama patuvpa ngaa chekha kha vya cyi tie ung,” a ta yi. 11Caacuonakawta Simon Piter ca sawkawpalaw luo kha kie te ngaa lesapa zakha sawngaa sathung a uopa asue kha ngiekuo luo aa vya dale. Ngaa a hluvsa raalaa pata asue kha tlaa vyi. 12Zingsuv ta, “A vaw ung la mawsa ning tie ung,” a ta yi. Abyipa ta a cuopa kha ama pachang thluo nakawta ahungtahmuo, “Ahungtama na cuo?” ta pata hiehriy nguo va yi. 13Zingsuv ca a vaw te, viechuo kha la te a pi yi, cahaacata ngaa zaw kha a pi yi.
14Hingpa hing thiyna taata a thu pakhaa khutaata a ziytuv tie'a lie a yi thungnapa aa luona tana a cuo.
Zingsuv Hne Piter
15Mawsa ama ning khutaata Zingsuv ta Piter kha, “Johan sacapaa Simon, iema laa hingta ina due vie ca ma?” a ta. Ama ta, “A cuo, Abyipa; ica duepa ca na pachang,” a ta. Zingsuv ta, “I tuvtaata zaw kha sa pi tie,” a ta. 16A yihningnapa ta, “Johan sacapaa Simon, ina due ca ma?” a ta pakhaa. Ama ta, “A cuo, Abyipa; ica duepa kha na pachang,” a ta. Zingsuv ta, “I tuv zaw kha mangchiy tie,” a ta. 17A yi thungnapa ta, “Johan sacapaa Simon, ina due ca ma?” a ta. Yi thung nanaa, “Ina due ca ma?” a ta nakawta Piter ca a ngie chi te, “Abyipa, nama ca hmangting a pachangtuv tana na cuo; ica duepa kha na pachang,” a ta. Zingsuv ta, “I tuv zaw kha sa pi tie,” a ta. 18Biehmisi tana ica chang, Na kung panu ning hing ca namata tah na tesaw kha a saw cate na khingna luo bangkhuo kha na cakuo. Cuorasala na macuo thue ca na kuv kha pazuo'a cate, pakhakha ta tesaw kha ca pasaw'a te, na khing lina luo kha aca cakuokhyi aa,” a ta. 19(Hing haa hingta a tapa hing tuokhaapa thiyna tama Piter ta Khazing rungnaana kha a paluo sa aa tapa khana a ri khing.) Cakhutaa cata, ama kha “Na ziy tie,” a ta.
Zingsuv Hne A Duepa Ziytuv
20 #
Jhn 13.25
Piter ca a pali te Zingsuv ta a duepa ziytuv ta a vya paziylepa yi kha a hmung. Ama ca zuosa ama ning ningta Zingsuv kha vaa pha te, “Abyipa, ahung hing ma caa lyi riypata a cuo?” a tapa paa khata a cuo. 21Piter ta ama kha a hmung tiyta Zingsuv kha, “Abyipa, hingpa paa hing haw tuokhaatama a cuo aa?” a ta. 22Zingsuv ta, “I vaw pakhaana te a hring riypata khing ang sala na cuota khaapama a pyinapa a aw? Na ziy tie!” a ta. 23Caacuonakawta hing ziytuvpa hing thiy'a va tli ta pata iema hrawlie kha bie aa ze. Zingsuv ta thiy'a vyi ta pata a ripa cuo vyi, cuorasala, “I vaw pakhaana te a hring riypata khing ang sala na cuota khaapama a pyinapa a aw?” a tapa tana a cuo.
24Hingpa paa ca a ziytuv cuo te hingpa kaw hing tehte a khuotuv hne a capetuv ta a cuo, a tehte khuopa ca aa hmuo tapa zaw kha ma pachang. 25Cuorasala Zingsuv ta a tuepa hmang hrangpa a hluv hringhruo a aw. Capa bangkhuo ca ma cape kieca, capepa caa-uv ca chuelyi hingta a tlaw the'a vyi tapa tana i rue.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.