JOHAN 10
10
Tuvkhie Pha Zingsuv
1Zingsuv ta, “Biehmisi tana ica chang yi, tuvte chung luo kha thlake taata a ngie li pata luo hrang taata a ngiepa ca a ruvhangpa hne damie tana ama cuo. 2Thlake taata a ngiepa ca tuvkhietuv ta a cuo. 3Thlake a huopa ta thlake kha pahawpa te a tuv zaw ta a ryi ama thyi. A tuv kha ama ming ta ku yi te a pyakhyi yi. 4A pyakhyi khutaa yi ta hmieluo sapa yi te a tuv zaw khata ama ziy, tahematapakieca a ueryi kha ama pachang. 5Maliepa ca ziy khing'a va yi; amaa ruose aa, tahematapakieca maliepa tie ueryi ca pachang va yi,” a ta. 6Zingsuv ta hingpa pahmungsana hing a chang yi, cuorasala khaapama a ri khing tapa kha pachang va yi.
7Caacuonakawta Zingsuv ta changpakhaa yi te, “Biehmisi tana ica chang yi, kama ca tuv a ngienapa thlake tana i cuo. 8Kama hluota a vawpa bangkhuo ca a ruvhangpa hne damie tana ama cuo; caacuonakawta tuv ta ama ueryi kha naathlie va yi. 9Kama ca thlake tana i cuo. Kama'a taata a ngiepa mekaa ca amaa bang aa; a ngie'a yi, pya'a yi te aphuv panuta kha ama hmung aa. 10A ruvhangpa ca paruv riypa, thie riypa hne para riypa dyi tana aa vaw. Kama ca hringna ama hnyi riypa hne lunghruo tlungsa pata ama hnyi riypa tana i vaw.
11“Kama ca a phapa tuvkhietuv tana i cuo. A phapa tuvkhietuv ca a hringna kha a tuv cuota aa pi. 12A hluo chawpa, tuvkhietuv a cuo lipa hne tuv hnyituv a cuo lipa ca cahnie aa vawpa a hmung tiyta tuv kha thuse te aa ruo. Cahnie ca ta tuv kha sie te a chepatlaa diy. 13A hluo chawpa ta ca tuv cunglie kawpacuona a hnyi li nakawta a tuv kha aa ruose. 14#Mat 11.27; Luk 10.22 Kama ca tuvkhie pha tana i cuo. 15Paa ta na pachang te kama ta i pachangpa haata i tuv kha pachang angte i tuv zaw ta ina pachang yi. Cakhutaata i tuv zaw cuo khata i hringna kha i pi. 16Hingpa tuvte chunglieta a aw lipa tuv hrangpa i hnyi kalie. A vya chiy ra'a yi angte, i ryi kha ama naathlie aa. Tuvkhietuv pakha rawlie tuvrung rung kha ta ama cuo aa. 17I hringna kha la pakhaa the riypata i hringna kha i pi nakawta Paa ta ina due. 18I hringna ca ahungtahmuo na lapa khu vyi, cuorasala kama ta kama ri ta i pipa tana a cuo. Pi khuna naw hnyi angte la pakhaa khuna naw zaw i hnyi. Capa naw ca i Paa'a taata i hmungpa tana a cuo,” a ta.
19Capa bie kawlie ca ta Judah ming hrawlie achena a aw pakhaa. 20Cawsaa hluvpuv ta, “Khuevuo ta a hryi te a palung a ky va tli! Khaapanakawma a bie nama naathlie,” ama ta. 21A hrangpa tie ta, “Khuevuo a hnyipa bie ta cuo vyi! Tuokhaatama khuevuo ta mingcuepa ca a pahmung sa pakhaa khu aa?” ama ta.
Judah Ming Ta Zingsuv Kha Ama Thaw
22Capa cuo lie ca Jerusalem lieta Biena-ing Pihluona pyi ama tue ningta a cuo. Thlasiy ningta cuo te, 23Zingsuv ca biena-ing chung Solomon hmiechue tapa lie aa khie nguoluo. 24Judah ming ta a vya hmyasue yi te, “Khacuo ma malie na paluolue pari aa? Messiah#10.24 Khrih ta na cuo kieca a siesa pata malie chang tie?” ama ta. 25Zingsuv ta, “Ica chang tli yi, cuorasala na zang va ung ciy. I Paa ri ta i tuepa hmang hing kama kawluo tehte a khuopa ta ama cuo; 26cuorasala i tuv nama cuo li nakawta zang va ung ciy. 27I tuv ca i ueryi kha ama naathlie. Kama ta pachang yi angte iema ta ina ziy yi. 28Iema ca chuozaa hringna pi yi angte, ra buo'a va yi. Ahungtahmuo i kuv chungtaata na chuv khu'a va yi. 29Iema kha naa pituv i Paa ca zezaw bangkhuo laata le vie te, ahungtahmuo i Paa kuv chungtaata chuv khu'a va yi. 30I Paa hne kama ca pakha tana ma cuo,” a ta.
31Judah ming ta ama kha vaa riypata alung amaa haa pakhaa. 32Zingsuv ta iema kha, “I Paa'a taata hmang phapa a hluvsa ica pahmung sa yi. Khaapa kawlie hingta ma alung ta vaa inaa nang ung ciy?” a ta yi. 33#Tbr 24.16 Judah ming ta, “Hmang phapa na tuena kawlie alung ta maca vaa nangpa cuo vyi, cuorasala Khazing ripachiena bie na ri nakaw tana a cuo, cawsaa cakhawpa na cuo thluo pata Khazing ta naa tue!” ama ta. 34#Slm 82.6 Zingsuv ta, “Nama phungbie chunglie, ‘Niema ca khazing tie tana nama cuo,’ ta pata a cape cuo va ma? 35Khazing ta bie a pipa tie kha, ‘khazing tie,’ ta yi te, Caapathe kha para khu pata a cuo li kieca, 36kama ta, “Kama ca Khazing Sacapaa tana i cuo,” i ta nakawta, Paa ta pathe sa te chuelyi luo a za pathliepa ca Khazing na chie a sa nama ta khu'a ma? 37I Paa khingpa hmang i tue li kieca na zang khah ung. 38Cuorasala i tue kieca, kama ina zang li zaw ung cata, i tuepa chuo hing zang tie ung, cakiedyina i Paa ca kama chunglie aw te kama ca i Paa chunglie i awpa kha pachang'a ung cate nama thyi the aa,” a ta. 39Cakhutaata Zingsuv ca patuv amaa nang pakhaa, cuorasala iema kuv taa khata aa ruo.
40 #
Jhn 1.28
Cakhutaata Zingsuv ca Jordan cavaa huesuo, Johan ta tiy a za nawnapa yi hmang luo kha va kaa te capa lie ca a aw. 41Cawsaa a hluvsa a vaw yi te, “Johan ta kharuehaa hmang khaapahmuo tue vyi, cuorasala hingpa paa kaw a ripa bangkhuo ca aa hmuo diy,” ama ta. 42Cawsaa hluvpuv ta capa lie ca ama kha ama zang.
ទើបបានជ្រើសរើសហើយ៖
JOHAN 10: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
JOHAN 10
10
Tuvkhie Pha Zingsuv
1Zingsuv ta, “Biehmisi tana ica chang yi, tuvte chung luo kha thlake taata a ngie li pata luo hrang taata a ngiepa ca a ruvhangpa hne damie tana ama cuo. 2Thlake taata a ngiepa ca tuvkhietuv ta a cuo. 3Thlake a huopa ta thlake kha pahawpa te a tuv zaw ta a ryi ama thyi. A tuv kha ama ming ta ku yi te a pyakhyi yi. 4A pyakhyi khutaa yi ta hmieluo sapa yi te a tuv zaw khata ama ziy, tahematapakieca a ueryi kha ama pachang. 5Maliepa ca ziy khing'a va yi; amaa ruose aa, tahematapakieca maliepa tie ueryi ca pachang va yi,” a ta. 6Zingsuv ta hingpa pahmungsana hing a chang yi, cuorasala khaapama a ri khing tapa kha pachang va yi.
7Caacuonakawta Zingsuv ta changpakhaa yi te, “Biehmisi tana ica chang yi, kama ca tuv a ngienapa thlake tana i cuo. 8Kama hluota a vawpa bangkhuo ca a ruvhangpa hne damie tana ama cuo; caacuonakawta tuv ta ama ueryi kha naathlie va yi. 9Kama ca thlake tana i cuo. Kama'a taata a ngiepa mekaa ca amaa bang aa; a ngie'a yi, pya'a yi te aphuv panuta kha ama hmung aa. 10A ruvhangpa ca paruv riypa, thie riypa hne para riypa dyi tana aa vaw. Kama ca hringna ama hnyi riypa hne lunghruo tlungsa pata ama hnyi riypa tana i vaw.
11“Kama ca a phapa tuvkhietuv tana i cuo. A phapa tuvkhietuv ca a hringna kha a tuv cuota aa pi. 12A hluo chawpa, tuvkhietuv a cuo lipa hne tuv hnyituv a cuo lipa ca cahnie aa vawpa a hmung tiyta tuv kha thuse te aa ruo. Cahnie ca ta tuv kha sie te a chepatlaa diy. 13A hluo chawpa ta ca tuv cunglie kawpacuona a hnyi li nakawta a tuv kha aa ruose. 14#Mat 11.27; Luk 10.22 Kama ca tuvkhie pha tana i cuo. 15Paa ta na pachang te kama ta i pachangpa haata i tuv kha pachang angte i tuv zaw ta ina pachang yi. Cakhutaata i tuv zaw cuo khata i hringna kha i pi. 16Hingpa tuvte chunglieta a aw lipa tuv hrangpa i hnyi kalie. A vya chiy ra'a yi angte, i ryi kha ama naathlie aa. Tuvkhietuv pakha rawlie tuvrung rung kha ta ama cuo aa. 17I hringna kha la pakhaa the riypata i hringna kha i pi nakawta Paa ta ina due. 18I hringna ca ahungtahmuo na lapa khu vyi, cuorasala kama ta kama ri ta i pipa tana a cuo. Pi khuna naw hnyi angte la pakhaa khuna naw zaw i hnyi. Capa naw ca i Paa'a taata i hmungpa tana a cuo,” a ta.
19Capa bie kawlie ca ta Judah ming hrawlie achena a aw pakhaa. 20Cawsaa hluvpuv ta, “Khuevuo ta a hryi te a palung a ky va tli! Khaapanakawma a bie nama naathlie,” ama ta. 21A hrangpa tie ta, “Khuevuo a hnyipa bie ta cuo vyi! Tuokhaatama khuevuo ta mingcuepa ca a pahmung sa pakhaa khu aa?” ama ta.
Judah Ming Ta Zingsuv Kha Ama Thaw
22Capa cuo lie ca Jerusalem lieta Biena-ing Pihluona pyi ama tue ningta a cuo. Thlasiy ningta cuo te, 23Zingsuv ca biena-ing chung Solomon hmiechue tapa lie aa khie nguoluo. 24Judah ming ta a vya hmyasue yi te, “Khacuo ma malie na paluolue pari aa? Messiah#10.24 Khrih ta na cuo kieca a siesa pata malie chang tie?” ama ta. 25Zingsuv ta, “Ica chang tli yi, cuorasala na zang va ung ciy. I Paa ri ta i tuepa hmang hing kama kawluo tehte a khuopa ta ama cuo; 26cuorasala i tuv nama cuo li nakawta zang va ung ciy. 27I tuv ca i ueryi kha ama naathlie. Kama ta pachang yi angte iema ta ina ziy yi. 28Iema ca chuozaa hringna pi yi angte, ra buo'a va yi. Ahungtahmuo i kuv chungtaata na chuv khu'a va yi. 29Iema kha naa pituv i Paa ca zezaw bangkhuo laata le vie te, ahungtahmuo i Paa kuv chungtaata chuv khu'a va yi. 30I Paa hne kama ca pakha tana ma cuo,” a ta.
31Judah ming ta ama kha vaa riypata alung amaa haa pakhaa. 32Zingsuv ta iema kha, “I Paa'a taata hmang phapa a hluvsa ica pahmung sa yi. Khaapa kawlie hingta ma alung ta vaa inaa nang ung ciy?” a ta yi. 33#Tbr 24.16 Judah ming ta, “Hmang phapa na tuena kawlie alung ta maca vaa nangpa cuo vyi, cuorasala Khazing ripachiena bie na ri nakaw tana a cuo, cawsaa cakhawpa na cuo thluo pata Khazing ta naa tue!” ama ta. 34#Slm 82.6 Zingsuv ta, “Nama phungbie chunglie, ‘Niema ca khazing tie tana nama cuo,’ ta pata a cape cuo va ma? 35Khazing ta bie a pipa tie kha, ‘khazing tie,’ ta yi te, Caapathe kha para khu pata a cuo li kieca, 36kama ta, “Kama ca Khazing Sacapaa tana i cuo,” i ta nakawta, Paa ta pathe sa te chuelyi luo a za pathliepa ca Khazing na chie a sa nama ta khu'a ma? 37I Paa khingpa hmang i tue li kieca na zang khah ung. 38Cuorasala i tue kieca, kama ina zang li zaw ung cata, i tuepa chuo hing zang tie ung, cakiedyina i Paa ca kama chunglie aw te kama ca i Paa chunglie i awpa kha pachang'a ung cate nama thyi the aa,” a ta. 39Cakhutaata Zingsuv ca patuv amaa nang pakhaa, cuorasala iema kuv taa khata aa ruo.
40 #
Jhn 1.28
Cakhutaata Zingsuv ca Jordan cavaa huesuo, Johan ta tiy a za nawnapa yi hmang luo kha va kaa te capa lie ca a aw. 41Cawsaa a hluvsa a vaw yi te, “Johan ta kharuehaa hmang khaapahmuo tue vyi, cuorasala hingpa paa kaw a ripa bangkhuo ca aa hmuo diy,” ama ta. 42Cawsaa hluvpuv ta capa lie ca ama kha ama zang.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.