SAHRUOTHUNA 26
26
Isak Hne Abimelek
1Abraham chuo ningta a tlungpa cakuo khutaa khata ama ruo lie cakuo a tlung pakhaa nakawta Isak ca Filistin siepahruo Abimelek awnapa Gerar luo kha a si. 2Abyipa ca Isak'a lie kha a luo te, “Izipt ruo luo kha si khah, kama ica pahmung sa riypa ruo lie kha khysa tie. 3#Sah 22.16-18 Hingpa ruo lie hing mingpe ta aw tie, ca awpuo'a angte thluechiy ica pi aa. Nama hne na ciypathla kha hingpa ruo bangkhuo hing ca pi'a yi angte na paa Abraham'a lieta bie i kuopa kha i patling sa aa. 4Na ciy na hruo kha avuo lie aasiy zaa pa ta sa'a yi angte hingpa ruo bangkhuo hing na samingsahlaa kha i pi'a yi. Alyi lie a awpa mingphang bangkhuo hing nama samingsahlaa tie'a taa hingta thluechiy ama hmung aa. 5Tahematapakieca Abraham ca i ueryi kha naathlie te, i changpa, i nawbie, i upadi hne i phungbie kha a ziy tli,” a ta.
6Caacuonakawta Isak ca Gerar lie ca khy a sa. 7#Sah 12.13; 20.2 Capa lie a awpa tie ta a napuvnung kaw kha ama hiehriy tiyta, “I sietanung tana a cuo,” a ta. Tahematapakieca Rebekah ca a puvthesa nakawta, “I napuvnung tana a cuo,” i ta kieca hingpa hmang lie a awpa cawsaa zaw hingta Rebekah kawlie hingta na thie'a kie yi tapa kha a ciy nakawta a cuo. 8Isak ca capa lie ca cuo pasiy puv a aw khutaata Filistin siepahruo Abimelek ca thlaluo-aw taata hmiehmie pase te Isak ta Rebekah kha a paw te a pazuv hyalyapa kha a hmung. 9Caacuonakawta Abimelek ta Isak kha ku te, “Rebekah hing na napuvnung muo a cuo ta! Khaapanakawma, ‘I sietanung na a cuo,’ na ta?” a ta. Isak ta, “Ama kawlie hingta thiy'a kie ang i ta nakaw tana a cuo,” a ta. 10Abimelek ta, “Ma cunglie na tuepa hmang hing khaapatama a cuo? Cawsaa pakhakha ta na napuvnung hing a ziehne pathlyi yi sala suena malie a phyatuv ta cuo'a va ca ma?” a ta. 11Caacuonakawta Abimelek ta cawsaa bangkhuo kha, “Hingpa cawsaapa hne a napuvnung hing ruvnaana a pipa ahunghmuo thie pata nama cuo aa,” a ta.
12Capa ruo lie ca Isak ta saciy kha tuv te capa kungpa cata a tuvpa zaa le zakha ta a pahriy. 13Abyipa ta thluechiy pi te a hnyirungpa ta aa li. Hnyirungle hryly te a dawphaasapa ta aa li. 14Cue hne tuv a hluvsa hnyi te changtaapa zaw a hluvsa a hnyi ca Filistin ming ta ama kha hie ama tlie. 15(Caacuonakawta Filistin ming ta a paa Abraham chuo ning a changtaapa zaw ta ama za cupa takhue mekaa kha alyi ta ama pame diy.) 16Cakhutaata Abimelek ta Isak kyihuo khata, “Malie sise paatie, kiema laa tana na lesyi vie karaa tli,” a ta.
17Caacuonakawta Isak ca capa hmang taa cata pya te Gerar lie kha khy a sa. 18Isak ta a paa Abraham chuo ningta a za cupa takhue, Filistin ming ta Abraham a thiy khutaata ama pabipa tie kha cu pakhaa te, a paa ta a paphyapa ming kha a paphya pakhaa diy. 19Cuorasala Isak changtaapa tie ta bawphie lie ca takhue kha cu yi te tiy ama hmung tiyta, 20Gerar ming, sahring a khiepa tie khata, “Hingpa tiy hing kiema huopa tana a cuo,” ama ta. Caacuonakawta Isak ta amaa hrupuopa capa takhue ca Esek ta pata ming a sa. 21Cakhutaata iema ta a hrangpa takhue kha ama cu ca amaa hrupuo ngiethie nakawta Sitnah ta pata ming a sa. 22Capa taa cata a hnyi te takhue hrangpa a cu ca capa takhue ca a hrupuo va tli yi; caacuonakawta capa takhue ca Rehoboth ta pata ming sa te, “Ata hing ca Abyipa ta awna hmang malie pi tli te hingpa ruo lie hing ma pung ma zaa aa,” a ta.
23Capa hmang taa cata Isak ca Beer-sheba luo a sithaw. 24Capa zuo cata Abyipa kha ama'a lie a luo te, “Kama ca na paa Abraham Khazing tana i cuo; ciy khah, tahematapakieca i changtaapa Abraham nakawta nama kha ca awpuo'a angte thluechiy ca pi'a angte na samingsahlaa kha i papungzaa sa'a yi,” a ta. 25Caacuonakawta capa hmang lie ca bienatluophie kha sa te, Abyipa kha aa bie. Thluodaa zaw kha sa te, a changtaapa zaw ta takhue kha ama cu.
26 #
Sah 21.22
Abimelek ca ruena a pituv Ahuzzath hne a riekabyi le cepa Fikol hne khata Gerar taata Isak'a luo kha amaa vaw. 27Isak ta, “Na hue ung cate inaa cade khutaa ung cata kama'a luo ca khaapanakawma namaa vaw?” a ta yi. 28Iema ta, “Abyipa na caa awpuo tapa kha a siesa pata ma hmung, 29caacuonakawta kiema ta nama kha khaapahmuo ca ta lipa pata a dieta tah maca pasi sapa haata nama zaw kiema kha ruvnaana malie na pi li riypata kiema hne nama alalalie hing chie a sa pata a phasa pata biekuona tuepa kha ma khing. Nama ca Khazing ta thluechiy a pipa tana na cuo,” ama ta. 30Caacuonakawta Isak ta pyi tuepa yi te ama ning ama dang. 31A mawluopa ca mawdiy ta thu yi te biekuona ama tue. Isak ta luopuv luo kha va pathlie yi te, palung diesa pata ama si. 32Capa ning ngiethie cata Isak changtaapa zaw kha a vaw yi te ama cupa takhue kaw kha ama vya chang. “Tiy na ma hmung tli,” ama vya ta. 33Capa takhue ca Shibah ta pata ming a sa. Caacuonakawta capa khypuv ca ataning tepa hingta Beer-sheba ta pata kupa a cuo.
Hit Ming Esau Napuv Zaw
34Esau ca kung sawliy a ta pata Hit ming Judith sacanung Beeri hne Hit ming Elon sacanung Basemath kha napuv ta a hnyi yi. 35Isak hne Rebekah ca capa canung zaw kawlie ca ta ama hring he ta a nuo khu yi.
ទើបបានជ្រើសរើសហើយ៖
SAHRUOTHUNA 26: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 26
26
Isak Hne Abimelek
1Abraham chuo ningta a tlungpa cakuo khutaa khata ama ruo lie cakuo a tlung pakhaa nakawta Isak ca Filistin siepahruo Abimelek awnapa Gerar luo kha a si. 2Abyipa ca Isak'a lie kha a luo te, “Izipt ruo luo kha si khah, kama ica pahmung sa riypa ruo lie kha khysa tie. 3#Sah 22.16-18 Hingpa ruo lie hing mingpe ta aw tie, ca awpuo'a angte thluechiy ica pi aa. Nama hne na ciypathla kha hingpa ruo bangkhuo hing ca pi'a yi angte na paa Abraham'a lieta bie i kuopa kha i patling sa aa. 4Na ciy na hruo kha avuo lie aasiy zaa pa ta sa'a yi angte hingpa ruo bangkhuo hing na samingsahlaa kha i pi'a yi. Alyi lie a awpa mingphang bangkhuo hing nama samingsahlaa tie'a taa hingta thluechiy ama hmung aa. 5Tahematapakieca Abraham ca i ueryi kha naathlie te, i changpa, i nawbie, i upadi hne i phungbie kha a ziy tli,” a ta.
6Caacuonakawta Isak ca Gerar lie ca khy a sa. 7#Sah 12.13; 20.2 Capa lie a awpa tie ta a napuvnung kaw kha ama hiehriy tiyta, “I sietanung tana a cuo,” a ta. Tahematapakieca Rebekah ca a puvthesa nakawta, “I napuvnung tana a cuo,” i ta kieca hingpa hmang lie a awpa cawsaa zaw hingta Rebekah kawlie hingta na thie'a kie yi tapa kha a ciy nakawta a cuo. 8Isak ca capa lie ca cuo pasiy puv a aw khutaata Filistin siepahruo Abimelek ca thlaluo-aw taata hmiehmie pase te Isak ta Rebekah kha a paw te a pazuv hyalyapa kha a hmung. 9Caacuonakawta Abimelek ta Isak kha ku te, “Rebekah hing na napuvnung muo a cuo ta! Khaapanakawma, ‘I sietanung na a cuo,’ na ta?” a ta. Isak ta, “Ama kawlie hingta thiy'a kie ang i ta nakaw tana a cuo,” a ta. 10Abimelek ta, “Ma cunglie na tuepa hmang hing khaapatama a cuo? Cawsaa pakhakha ta na napuvnung hing a ziehne pathlyi yi sala suena malie a phyatuv ta cuo'a va ca ma?” a ta. 11Caacuonakawta Abimelek ta cawsaa bangkhuo kha, “Hingpa cawsaapa hne a napuvnung hing ruvnaana a pipa ahunghmuo thie pata nama cuo aa,” a ta.
12Capa ruo lie ca Isak ta saciy kha tuv te capa kungpa cata a tuvpa zaa le zakha ta a pahriy. 13Abyipa ta thluechiy pi te a hnyirungpa ta aa li. Hnyirungle hryly te a dawphaasapa ta aa li. 14Cue hne tuv a hluvsa hnyi te changtaapa zaw a hluvsa a hnyi ca Filistin ming ta ama kha hie ama tlie. 15(Caacuonakawta Filistin ming ta a paa Abraham chuo ning a changtaapa zaw ta ama za cupa takhue mekaa kha alyi ta ama pame diy.) 16Cakhutaata Abimelek ta Isak kyihuo khata, “Malie sise paatie, kiema laa tana na lesyi vie karaa tli,” a ta.
17Caacuonakawta Isak ca capa hmang taa cata pya te Gerar lie kha khy a sa. 18Isak ta a paa Abraham chuo ningta a za cupa takhue, Filistin ming ta Abraham a thiy khutaata ama pabipa tie kha cu pakhaa te, a paa ta a paphyapa ming kha a paphya pakhaa diy. 19Cuorasala Isak changtaapa tie ta bawphie lie ca takhue kha cu yi te tiy ama hmung tiyta, 20Gerar ming, sahring a khiepa tie khata, “Hingpa tiy hing kiema huopa tana a cuo,” ama ta. Caacuonakawta Isak ta amaa hrupuopa capa takhue ca Esek ta pata ming a sa. 21Cakhutaata iema ta a hrangpa takhue kha ama cu ca amaa hrupuo ngiethie nakawta Sitnah ta pata ming a sa. 22Capa taa cata a hnyi te takhue hrangpa a cu ca capa takhue ca a hrupuo va tli yi; caacuonakawta capa takhue ca Rehoboth ta pata ming sa te, “Ata hing ca Abyipa ta awna hmang malie pi tli te hingpa ruo lie hing ma pung ma zaa aa,” a ta.
23Capa hmang taa cata Isak ca Beer-sheba luo a sithaw. 24Capa zuo cata Abyipa kha ama'a lie a luo te, “Kama ca na paa Abraham Khazing tana i cuo; ciy khah, tahematapakieca i changtaapa Abraham nakawta nama kha ca awpuo'a angte thluechiy ca pi'a angte na samingsahlaa kha i papungzaa sa'a yi,” a ta. 25Caacuonakawta capa hmang lie ca bienatluophie kha sa te, Abyipa kha aa bie. Thluodaa zaw kha sa te, a changtaapa zaw ta takhue kha ama cu.
26 #
Sah 21.22
Abimelek ca ruena a pituv Ahuzzath hne a riekabyi le cepa Fikol hne khata Gerar taata Isak'a luo kha amaa vaw. 27Isak ta, “Na hue ung cate inaa cade khutaa ung cata kama'a luo ca khaapanakawma namaa vaw?” a ta yi. 28Iema ta, “Abyipa na caa awpuo tapa kha a siesa pata ma hmung, 29caacuonakawta kiema ta nama kha khaapahmuo ca ta lipa pata a dieta tah maca pasi sapa haata nama zaw kiema kha ruvnaana malie na pi li riypata kiema hne nama alalalie hing chie a sa pata a phasa pata biekuona tuepa kha ma khing. Nama ca Khazing ta thluechiy a pipa tana na cuo,” ama ta. 30Caacuonakawta Isak ta pyi tuepa yi te ama ning ama dang. 31A mawluopa ca mawdiy ta thu yi te biekuona ama tue. Isak ta luopuv luo kha va pathlie yi te, palung diesa pata ama si. 32Capa ning ngiethie cata Isak changtaapa zaw kha a vaw yi te ama cupa takhue kaw kha ama vya chang. “Tiy na ma hmung tli,” ama vya ta. 33Capa takhue ca Shibah ta pata ming a sa. Caacuonakawta capa khypuv ca ataning tepa hingta Beer-sheba ta pata kupa a cuo.
Hit Ming Esau Napuv Zaw
34Esau ca kung sawliy a ta pata Hit ming Judith sacanung Beeri hne Hit ming Elon sacanung Basemath kha napuv ta a hnyi yi. 35Isak hne Rebekah ca capa canung zaw kawlie ca ta ama hring he ta a nuo khu yi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.