SAHRUOTHUNA 24
24
Isak Hne Rebekah Amaa Chiyhiena
1Abraham ca macuo te a kung a uvthyisa mangtli. Hmangting bangkhuo lie Abyipa ta thluechiy a pi. 2Abraham ta a ing chunglieta a uvthyi cepa a changtaapa kha ku te, “I bawtung rawlie hing na kuv chi la, 3alyi hne avuo a sapa Abyipa, Khazing ming ta chie ca pasa sa'a ang, ata i awnapa Kanaan zaa zaw hing i sacapaa napuv riypata na la li riypa hne, 4i ruo luo si pata i tieriy zaw chung taa khata i sacapaa Isak cuota napuv chiy riypata chie a sa tie,” a ta. 5A changtaapa ta, “Cawsaanung ta hingpa ruo luo hing na vya ziyle khing li pata aw biephung sala, na sacapaa hing ma na vya sinapa ruo luo kha i kaakhyi aa? a ta. 6Abraham ta, “I sacapaa kha capa ruo luo ca sikhyi'a vaciy,” a ta. 7I paa ing taata hne i puvnapa ruo taata na pyakhyi te, ‘Na samingsahlaa zaw na hingpa ruo hing i pi'a yi,’ naa tapa vuoruo Khazing, Abyipa ta na hmiekung luo kha avuoming za pathlie'a te capa taa cata i sacapaa napuv kha na la khu ngiethie aa. 8Cuorasala cawsaanung khata aca vya ziyle khing li biephung kieca hingpa bie ica kuopa taa hingta na law aa, tuokhaata a cuo zaw i sacapaa hing ca capa ruo luo ca sikhyi'a vaciy,” a ta. 9Caacuonakawta a changtaapa ca a byipaapa Abraham bawtung raw luo kha a kuv ca chi te capa kaw ca bie aa kuo.
10Cakhutaata a changtaapa ca a byipaapa lasaw muosungpa phangting kha pachie te, kala-uv sahraa kha la te Nahor khypuv, Aram-naharaim luo kha aa tha. 11Zuoluocaw ta canung zaw tiy the riypata ama pya cuo ning kha khypuv le lie takhue athaalie kha a kala-uv ca a pabu. 12Cakhutaata, “Vya Abyipa, i byipaapa Abraham Khazing, i byipaapa Abraham kha aa hmangpa duena ta na duepa kha na pahmung sa la, ataning hing hluetlingna na pi thi tie. 13Kama ca hingpa khy chung lesaa zaw tiy ama thenapa takhue kielie tana i daa nguoluo. 14“Na tiybi lie tiy kha na padang sa thi tie,” i ta tiyta, “Dang tie, na kala-uv zaw kha tiy ca padangpa'a ang,” naa ta nung ca na changtaapa Isak cuota nama naa tlawpa ta cuo se. Cahaacata aa hmangpa duena ta i byipaapa na duepa kha i pachang aa,” a ta.
15A bieri hmuo a patlung hluota Rebekah ca a tiybi kha a letung lie vya khangle te aa vaw. Rebekah ca Bethuel sacanung ta a cuo, Bethuel ca Milkah sacapaa ta cuo te Milkah ca Abraham uvnu Nahor napuvnung ta a cuo. 16Rebekah ca a puvthesa, capaa a pachang buo lipa lesaa pathenung ta a cuo. Takhue luo kha cung te, a tiybi zungkha ta tiy kha the te a kya pya. 17Abraham changtaapa ca lesaanung'a luo kha vaa ruo te, “Na tiybi lie tiy hing na padang thi tie,” a ta. 18Cawsaanung ta, “I byipaapa, dang tie,” ta te a letung lie tiybi kha pachung te tiy kha a pi. 19Dang riypa tiy a pi khutaa khata, “Na kala-uv tie huo zaw hing tiy ca thepa'a angte ama khingna zaa ta dang naase yi,” a ta. 20A tiybi lie tiy kha hraky chungluo a catlisa pata patle te tiy the riypa cata takhue luo kha a ruo pakhaa. Cahaacata kala-uv bangkhuo dang riypa tiy kha a thepa. 21Abraham changtaapa ca ta, Abyipa ta i khytlawna hing hluetlingna ina pi ma na pi va ma ta pata cawsaanung kha a dieta tah a mang thluo.
22Kala-uv tie tiy ama dang khutaata Abraham changtaapa ca ta shekel khingkhuo aa riypa siy hnacabuv ra-aw suokha hne shekel suohraa aa riypa kukaw suohning kha pachiy te, 23“Ahung sacanung tama na cuo tapa kha na chang tie. Na paa ing lie ca kiema cuota arina khuo aw'a ma?” a ta. 24Cawsaanung ca ta, “Kama ca Nahor napuvnung Milkah sacapaa Bethuel sacanung tana i cuo,” a ta. 25A ri viepa ca, “Ma ing lie ca aphuv caapa hne sahring la a hluvsa hnyi pate arina khuo zaw a aw,” a ta. 26Cakhutaata Abraham changtaapa ca a bung te, Abyipa kha abie te, 27“I byipaapa cunglie aa hmangpa a duena hne zang tluo aa tlana a pahmang sa paripa, i byipaapa Abraham Khazing, Abyipa ca thluechiypa ta cuo mang sue. Abyipata i byipaapa tieriy zaw ing luo kha luo inaa chiy tli,” a ta.
28Lesaanung ca a nung chungkhue tie'a luo kha a ruo te capa kaw bangkhuo ca a chang yi. 29Rebekah ta Laban ama tapa caapaapa pakha a hnyi. Laban ca cawsaapa awnapa takhue luo ca aa ruo. 30Ama ta hnacabuv ra-aw hne a sietanung kuvbuo lie kukaw zaw kha hmung te a sietanung Rebekah ta a ripa, “Cawsapa ta cahaacata na chang te,” a tapa bie kha a thyi tiyta cawsaapa'a luo kha a ruo te takhue lie kala-uv zaw athaalie a zaa daa nguoluopa kha a hmung. 31Ama ta, “Vya Abyipa ta thluechiy a pipa, a vaw tie. Khaapanakawma ale lie ca naa daa? Na cuota ing kha ca pare daw angte kala-uv awna zaw hmang aa tlaw sa,” a ta. Caacuonakawta cawsaapa ca ing chung luo kha a zaa ngie. Laban ta kala-uv hmang kha pachung te aphuv caapa hne sahring la zaw kha ama ca a pi. 32Cawsaapa a phyi a siyna riypa tiy hne a cawsaa zaw ama phyi a siyna riypa tiy zaw kha a pi yi. 33Cakhutaata a hmiekunglie sa ama kya pachie ca, cawsaapa ca ta, “I ri riypa bie i ri hluota ca ning'a va ang,” a ta. Laban ta, “Ri tie,” a ta.
34Caacuonakawta ama ta, “Kama ca Abraham changtaapa tana i cuo. 35Abyipa ta i byipaapa kha thluechiy a hluvsa pi te ama ca a hnyirung ciemuo tli. Tuv, cue, siy hne ngu, kala-uv hne laa, siicanung hne siicapaa zaw kha a pi. 36I byipaapa napuvnung Sarah ta i byipaapa a macuo caw ta sacapaa pakha sa pate i byipaapa ca ta a hnyipa bangkhuo kha a sacapaa ca a pi. 37I byipaapa ca ta kama kha bie na pakuo sa te, ‘Ama ruo lie i awnapa Kanaan zaa zaw hing i sacapaa napuv riypata la'a vaciy; 38cuorasala i paa ing luo, i tieriy zaw'a luo kha si'a cate na, i sacapaa napuv kha na chiy aa,’ ina ta. 39Kama ta i byipaapa kyihuo khata, ‘Cawsaanung ta na ziy khing li pata aw biephung sala,’ i ta ca, 40Ama ta, ‘A ri i ngie paripa, Abyipa ta avuoming ca za pathliepa'a te na re lie hluetlingna aca pi aa. I paa ing, i tieriy zaw'a taata i sacapaa napuv kha na chiy aa. 41Cakhutaata i tieriy zaw'a luo na chiy kieca i chiesana taa hingta na law aa; iema ta lesaa kha aca pi li kie zaw yi ma i chiesana taa hingta na law aa,’ ina ta.
42“Ataning takhue luo i vya chiy tiyta, “Vya Abyipa i byipaapa Abraham Khazing, ata i hrie nguoluopa re hing hluetlingna ina pipa cata a cuo kieca, 43takhue kielie hing a daa'a angte, tiy the riypata a vawpa lesaa pakha kyihuo khata, Na tiybi chunglie tiy hing dang riypata na pi thi tie i ta aa.” 44Ca tiyta, “Dang tie, na kala-uv tie cuo zaw ta tiy ica thepa aa,” naa tapa ca Abyipa ta i byipaapa sacapaa cuota aa tlawpa ta cuo se,” i ta.
45“I palungruv ta capa bie ca ri angte i patlung hluota, Rebekah ca tiybi kha a letung lie vya khangle te, takhue luo kha cung te tiy a the. Kama ta, ‘Tiy na padang tie,’ i ta. 46A tiybi kha a letung taa cata a catlisa pata pachung te, ‘Dang la, na kala-uv tie zaw hing tiy i padang ra aa,’ ina ta. Cahaacata kama ca tiy dang angte i kala-uv tie zaw kha tiy a padang sa ra yi. 47Cakhutaa cata, ‘Ahung sacanung tama na cuo,’ ta angte i hiehriy. Ama ta, ‘Nahor hne Milkah sacapaa Bethuel sacanung tana i cuo,’ ina ta. Caacuonakawta hnacabuv haalaw kha pabaa angte, kukaw kha a buo lie i paku. 48Cakhutaa cata a bung angte, i khytlawnapa luo naa chiy te, i byipaapa uvnu a cuopa samingta kha i byipaapa sacapaa napuv riypata naa pahmung sapa i byipaapa Abraham Khazing, Abyipa kha abie angte i pathuosa. 49Cakhutaata i byipaapa cunglie hing a phung haata hne aa hmuopa tana ma hrie aa nama ta kieca, ata hingta na chang tie ung; hrie'a vapuv nama ta kie zawma na chang tie ung, cakiedyina cavyiluo ma i ziy aa cacuoluo ma i ziy aa tapa kha i pachang aa,” a ta.
50Laban hne Bethuel ca ta, “Hingpa hmang hing Abyipa'a taata a zuvpa tana a cuo; a chie a pha kha kiema ta ca chang the vapuv. 51Rebekah ca na hmiekunglie a aw thluo hing, a la lah si tie, Abyipa ta a ripa haa cata na byipaapa sacapaa napuv cata cuo se,” ama ta.
52Abraham changtaapa ta capa bie ca a thyi tiyta, Abyipa hmiekunglie kha a bung te aa bie. 53Cakhutaata siy hne ngu ta tuepa suethiy zaw, cawsie zaw kha pachiy te Rebekah ca a pi. A caapaapa hne a nung zaw kha a muo ruvsapa hne a puvthesapa lasaw a pi ra yi. 54Ama hne a cawsaa zaw ca ning yi dang yi te, capa zuo ca capa lie ca amaa ri. Maw ama kya thu tiyta, “I byipaapa'a luo na pasi sa thi tie ung,” a ta. 55A caapaapa hne a nung ta, “Lesaanung hing a caw ce ning hraa chuo kiema'a lie aw caw se, cakhutaa cata si lavuo,” ama ta. 56Cuorasala ama ta, “Na pahaa na pasaa sa thi khah ung, Abyipa ta i khytlawna lie hluetlingna ina pi tli, i byipaapa'a luo ca kaa thi paatie ang se,” a ta yi. 57Iema ta, “Lesaanung ca ku'a pate hiehriy taa'a puv,” ama ta. 58Rebekah ca ku yi te, “Hingpa paa'a lie hing na si ra paluo'a ma? ama ta. Ama ta, “I si ra aa,” a ta yi. 59Caacuonakawta ama sietanung Rebekah hne a mangchiytuv nung ca Abraham changtaapa hne a cawsaa zaw hne khata ama pasi sa. 60Rebekah ca thluechiy pi yi te,
“Ma sietanung, nama ca
cawsaa a thaw hluvpuv nung ta va cuo la,
na samingsahlaa zaw ta
ama carie tie khypuv kha te mang yi sue,” ama ta.
61Rebekah hne a mangchiytuv canung zaw ca a thu yi te, kala-uv kha a khang yi te cawsaapa ca ama ziy. Cahaacata Abraham changtaapa ca ta Rebekah ca a la te ama si.
62Isak ca Beer-lahai-roi taa khata vya si te Negeb lie a aw. 63Isak ca zuoluocaw ta ruo chunglie a va cakuolepa khata ruo a suo ca kala-uv zaw ama vya silepa kha a hmung. 64Rebekah zaw ta Isak kha a va hmung ca, a kala-uv cung taa khata cung pahraa te, 65Abraham changtaapa kyihuo khata, “Huepa lieta cawsaapa, kiema a taw riypata ruo chunglie a vya cakuolepa hue ahungtama a cuo?” a ta. Ama ta, “I byipaapa tana a cuo,” a ta. Caacuonakawta a hmiepakhuv kha a la te a hmie kha aa pahruv. 66Changtaapa ca ta a tuepa hmang bangkhuo kha Isak ca a chang. 67Cakhutaa cata Isak ta a nung Sarah thluodaa chung luo kha Rebekah ca a ngiekhyi te a napuv ta a cuo. Isak ta Rebekah ca a duesa. Caacuonakawta a nung thiy khutaata Isak ca Rebekah ca ta a hnaa a panguo.
ទើបបានជ្រើសរើសហើយ៖
SAHRUOTHUNA 24: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 24
24
Isak Hne Rebekah Amaa Chiyhiena
1Abraham ca macuo te a kung a uvthyisa mangtli. Hmangting bangkhuo lie Abyipa ta thluechiy a pi. 2Abraham ta a ing chunglieta a uvthyi cepa a changtaapa kha ku te, “I bawtung rawlie hing na kuv chi la, 3alyi hne avuo a sapa Abyipa, Khazing ming ta chie ca pasa sa'a ang, ata i awnapa Kanaan zaa zaw hing i sacapaa napuv riypata na la li riypa hne, 4i ruo luo si pata i tieriy zaw chung taa khata i sacapaa Isak cuota napuv chiy riypata chie a sa tie,” a ta. 5A changtaapa ta, “Cawsaanung ta hingpa ruo luo hing na vya ziyle khing li pata aw biephung sala, na sacapaa hing ma na vya sinapa ruo luo kha i kaakhyi aa? a ta. 6Abraham ta, “I sacapaa kha capa ruo luo ca sikhyi'a vaciy,” a ta. 7I paa ing taata hne i puvnapa ruo taata na pyakhyi te, ‘Na samingsahlaa zaw na hingpa ruo hing i pi'a yi,’ naa tapa vuoruo Khazing, Abyipa ta na hmiekung luo kha avuoming za pathlie'a te capa taa cata i sacapaa napuv kha na la khu ngiethie aa. 8Cuorasala cawsaanung khata aca vya ziyle khing li biephung kieca hingpa bie ica kuopa taa hingta na law aa, tuokhaata a cuo zaw i sacapaa hing ca capa ruo luo ca sikhyi'a vaciy,” a ta. 9Caacuonakawta a changtaapa ca a byipaapa Abraham bawtung raw luo kha a kuv ca chi te capa kaw ca bie aa kuo.
10Cakhutaata a changtaapa ca a byipaapa lasaw muosungpa phangting kha pachie te, kala-uv sahraa kha la te Nahor khypuv, Aram-naharaim luo kha aa tha. 11Zuoluocaw ta canung zaw tiy the riypata ama pya cuo ning kha khypuv le lie takhue athaalie kha a kala-uv ca a pabu. 12Cakhutaata, “Vya Abyipa, i byipaapa Abraham Khazing, i byipaapa Abraham kha aa hmangpa duena ta na duepa kha na pahmung sa la, ataning hing hluetlingna na pi thi tie. 13Kama ca hingpa khy chung lesaa zaw tiy ama thenapa takhue kielie tana i daa nguoluo. 14“Na tiybi lie tiy kha na padang sa thi tie,” i ta tiyta, “Dang tie, na kala-uv zaw kha tiy ca padangpa'a ang,” naa ta nung ca na changtaapa Isak cuota nama naa tlawpa ta cuo se. Cahaacata aa hmangpa duena ta i byipaapa na duepa kha i pachang aa,” a ta.
15A bieri hmuo a patlung hluota Rebekah ca a tiybi kha a letung lie vya khangle te aa vaw. Rebekah ca Bethuel sacanung ta a cuo, Bethuel ca Milkah sacapaa ta cuo te Milkah ca Abraham uvnu Nahor napuvnung ta a cuo. 16Rebekah ca a puvthesa, capaa a pachang buo lipa lesaa pathenung ta a cuo. Takhue luo kha cung te, a tiybi zungkha ta tiy kha the te a kya pya. 17Abraham changtaapa ca lesaanung'a luo kha vaa ruo te, “Na tiybi lie tiy hing na padang thi tie,” a ta. 18Cawsaanung ta, “I byipaapa, dang tie,” ta te a letung lie tiybi kha pachung te tiy kha a pi. 19Dang riypa tiy a pi khutaa khata, “Na kala-uv tie huo zaw hing tiy ca thepa'a angte ama khingna zaa ta dang naase yi,” a ta. 20A tiybi lie tiy kha hraky chungluo a catlisa pata patle te tiy the riypa cata takhue luo kha a ruo pakhaa. Cahaacata kala-uv bangkhuo dang riypa tiy kha a thepa. 21Abraham changtaapa ca ta, Abyipa ta i khytlawna hing hluetlingna ina pi ma na pi va ma ta pata cawsaanung kha a dieta tah a mang thluo.
22Kala-uv tie tiy ama dang khutaata Abraham changtaapa ca ta shekel khingkhuo aa riypa siy hnacabuv ra-aw suokha hne shekel suohraa aa riypa kukaw suohning kha pachiy te, 23“Ahung sacanung tama na cuo tapa kha na chang tie. Na paa ing lie ca kiema cuota arina khuo aw'a ma?” a ta. 24Cawsaanung ca ta, “Kama ca Nahor napuvnung Milkah sacapaa Bethuel sacanung tana i cuo,” a ta. 25A ri viepa ca, “Ma ing lie ca aphuv caapa hne sahring la a hluvsa hnyi pate arina khuo zaw a aw,” a ta. 26Cakhutaata Abraham changtaapa ca a bung te, Abyipa kha abie te, 27“I byipaapa cunglie aa hmangpa a duena hne zang tluo aa tlana a pahmang sa paripa, i byipaapa Abraham Khazing, Abyipa ca thluechiypa ta cuo mang sue. Abyipata i byipaapa tieriy zaw ing luo kha luo inaa chiy tli,” a ta.
28Lesaanung ca a nung chungkhue tie'a luo kha a ruo te capa kaw bangkhuo ca a chang yi. 29Rebekah ta Laban ama tapa caapaapa pakha a hnyi. Laban ca cawsaapa awnapa takhue luo ca aa ruo. 30Ama ta hnacabuv ra-aw hne a sietanung kuvbuo lie kukaw zaw kha hmung te a sietanung Rebekah ta a ripa, “Cawsapa ta cahaacata na chang te,” a tapa bie kha a thyi tiyta cawsaapa'a luo kha a ruo te takhue lie kala-uv zaw athaalie a zaa daa nguoluopa kha a hmung. 31Ama ta, “Vya Abyipa ta thluechiy a pipa, a vaw tie. Khaapanakawma ale lie ca naa daa? Na cuota ing kha ca pare daw angte kala-uv awna zaw hmang aa tlaw sa,” a ta. Caacuonakawta cawsaapa ca ing chung luo kha a zaa ngie. Laban ta kala-uv hmang kha pachung te aphuv caapa hne sahring la zaw kha ama ca a pi. 32Cawsaapa a phyi a siyna riypa tiy hne a cawsaa zaw ama phyi a siyna riypa tiy zaw kha a pi yi. 33Cakhutaata a hmiekunglie sa ama kya pachie ca, cawsaapa ca ta, “I ri riypa bie i ri hluota ca ning'a va ang,” a ta. Laban ta, “Ri tie,” a ta.
34Caacuonakawta ama ta, “Kama ca Abraham changtaapa tana i cuo. 35Abyipa ta i byipaapa kha thluechiy a hluvsa pi te ama ca a hnyirung ciemuo tli. Tuv, cue, siy hne ngu, kala-uv hne laa, siicanung hne siicapaa zaw kha a pi. 36I byipaapa napuvnung Sarah ta i byipaapa a macuo caw ta sacapaa pakha sa pate i byipaapa ca ta a hnyipa bangkhuo kha a sacapaa ca a pi. 37I byipaapa ca ta kama kha bie na pakuo sa te, ‘Ama ruo lie i awnapa Kanaan zaa zaw hing i sacapaa napuv riypata la'a vaciy; 38cuorasala i paa ing luo, i tieriy zaw'a luo kha si'a cate na, i sacapaa napuv kha na chiy aa,’ ina ta. 39Kama ta i byipaapa kyihuo khata, ‘Cawsaanung ta na ziy khing li pata aw biephung sala,’ i ta ca, 40Ama ta, ‘A ri i ngie paripa, Abyipa ta avuoming ca za pathliepa'a te na re lie hluetlingna aca pi aa. I paa ing, i tieriy zaw'a taata i sacapaa napuv kha na chiy aa. 41Cakhutaata i tieriy zaw'a luo na chiy kieca i chiesana taa hingta na law aa; iema ta lesaa kha aca pi li kie zaw yi ma i chiesana taa hingta na law aa,’ ina ta.
42“Ataning takhue luo i vya chiy tiyta, “Vya Abyipa i byipaapa Abraham Khazing, ata i hrie nguoluopa re hing hluetlingna ina pipa cata a cuo kieca, 43takhue kielie hing a daa'a angte, tiy the riypata a vawpa lesaa pakha kyihuo khata, Na tiybi chunglie tiy hing dang riypata na pi thi tie i ta aa.” 44Ca tiyta, “Dang tie, na kala-uv tie cuo zaw ta tiy ica thepa aa,” naa tapa ca Abyipa ta i byipaapa sacapaa cuota aa tlawpa ta cuo se,” i ta.
45“I palungruv ta capa bie ca ri angte i patlung hluota, Rebekah ca tiybi kha a letung lie vya khangle te, takhue luo kha cung te tiy a the. Kama ta, ‘Tiy na padang tie,’ i ta. 46A tiybi kha a letung taa cata a catlisa pata pachung te, ‘Dang la, na kala-uv tie zaw hing tiy i padang ra aa,’ ina ta. Cahaacata kama ca tiy dang angte i kala-uv tie zaw kha tiy a padang sa ra yi. 47Cakhutaa cata, ‘Ahung sacanung tama na cuo,’ ta angte i hiehriy. Ama ta, ‘Nahor hne Milkah sacapaa Bethuel sacanung tana i cuo,’ ina ta. Caacuonakawta hnacabuv haalaw kha pabaa angte, kukaw kha a buo lie i paku. 48Cakhutaa cata a bung angte, i khytlawnapa luo naa chiy te, i byipaapa uvnu a cuopa samingta kha i byipaapa sacapaa napuv riypata naa pahmung sapa i byipaapa Abraham Khazing, Abyipa kha abie angte i pathuosa. 49Cakhutaata i byipaapa cunglie hing a phung haata hne aa hmuopa tana ma hrie aa nama ta kieca, ata hingta na chang tie ung; hrie'a vapuv nama ta kie zawma na chang tie ung, cakiedyina cavyiluo ma i ziy aa cacuoluo ma i ziy aa tapa kha i pachang aa,” a ta.
50Laban hne Bethuel ca ta, “Hingpa hmang hing Abyipa'a taata a zuvpa tana a cuo; a chie a pha kha kiema ta ca chang the vapuv. 51Rebekah ca na hmiekunglie a aw thluo hing, a la lah si tie, Abyipa ta a ripa haa cata na byipaapa sacapaa napuv cata cuo se,” ama ta.
52Abraham changtaapa ta capa bie ca a thyi tiyta, Abyipa hmiekunglie kha a bung te aa bie. 53Cakhutaata siy hne ngu ta tuepa suethiy zaw, cawsie zaw kha pachiy te Rebekah ca a pi. A caapaapa hne a nung zaw kha a muo ruvsapa hne a puvthesapa lasaw a pi ra yi. 54Ama hne a cawsaa zaw ca ning yi dang yi te, capa zuo ca capa lie ca amaa ri. Maw ama kya thu tiyta, “I byipaapa'a luo na pasi sa thi tie ung,” a ta. 55A caapaapa hne a nung ta, “Lesaanung hing a caw ce ning hraa chuo kiema'a lie aw caw se, cakhutaa cata si lavuo,” ama ta. 56Cuorasala ama ta, “Na pahaa na pasaa sa thi khah ung, Abyipa ta i khytlawna lie hluetlingna ina pi tli, i byipaapa'a luo ca kaa thi paatie ang se,” a ta yi. 57Iema ta, “Lesaanung ca ku'a pate hiehriy taa'a puv,” ama ta. 58Rebekah ca ku yi te, “Hingpa paa'a lie hing na si ra paluo'a ma? ama ta. Ama ta, “I si ra aa,” a ta yi. 59Caacuonakawta ama sietanung Rebekah hne a mangchiytuv nung ca Abraham changtaapa hne a cawsaa zaw hne khata ama pasi sa. 60Rebekah ca thluechiy pi yi te,
“Ma sietanung, nama ca
cawsaa a thaw hluvpuv nung ta va cuo la,
na samingsahlaa zaw ta
ama carie tie khypuv kha te mang yi sue,” ama ta.
61Rebekah hne a mangchiytuv canung zaw ca a thu yi te, kala-uv kha a khang yi te cawsaapa ca ama ziy. Cahaacata Abraham changtaapa ca ta Rebekah ca a la te ama si.
62Isak ca Beer-lahai-roi taa khata vya si te Negeb lie a aw. 63Isak ca zuoluocaw ta ruo chunglie a va cakuolepa khata ruo a suo ca kala-uv zaw ama vya silepa kha a hmung. 64Rebekah zaw ta Isak kha a va hmung ca, a kala-uv cung taa khata cung pahraa te, 65Abraham changtaapa kyihuo khata, “Huepa lieta cawsaapa, kiema a taw riypata ruo chunglie a vya cakuolepa hue ahungtama a cuo?” a ta. Ama ta, “I byipaapa tana a cuo,” a ta. Caacuonakawta a hmiepakhuv kha a la te a hmie kha aa pahruv. 66Changtaapa ca ta a tuepa hmang bangkhuo kha Isak ca a chang. 67Cakhutaa cata Isak ta a nung Sarah thluodaa chung luo kha Rebekah ca a ngiekhyi te a napuv ta a cuo. Isak ta Rebekah ca a duesa. Caacuonakawta a nung thiy khutaata Isak ca Rebekah ca ta a hnaa a panguo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.