SAHRUOTHUNA 21
21
Isak Puvna
(Heb 11.11)
1 Abyipa ta a ripa haata Sarah kha vihnyi te bie a kuopa haa khata a cuota a tue. 2#Heb 11.11 Sarah ca nu phya te Abraham kha a macuo tli pata sacapaa a sapa. Khazing ta a changpa cuo lie kha nu ca a za puv. 3Sarah ta a sapapa sacapaa ca Abraham ta Isak ta pata ming a paphya. 4#Sah 17.12; Lct 7.8 Abraham ta a sacapaa Isak ca ning cari a ta pata Khazing ta bie a pina haa khata vangdaw a te. 5Isak a puv ning hing Abraham ca kung zakha a ta tli. 6Sarah ta, “Khazing na pahnyina cuo naa pi tli; naa thyipa bangkhuo ta ina pahnyi khyi'a yi,” a ta. 7Cakhutaata, “Sarah na haatiy ahnung a pazaw sa aa, ta pata Abraham kyihuo ta ahung ta chuo ama za ta buo'a ma? Cuorasala a macuo tli pata na sacapaa i sapa,” a ta.
Hagar Hne Ishmael A Papya Yi
8Haatiy ca kya le te ahnung a pathlie. Isak ahnung a pathlie ning ca Abraham ta pyi lesapa a tuepa. 9Cuorasala Sarah ta Izipt zaanung Hagar ta Abraham hne ama sapa a sacapaa hne ama sacapaa Isak ama cang hnepa kha a hmung. 10#Gal 4.29,30 Caacuonakawta Abraham kyihuo khata, “Hingpa siizaanung hne a sacapaa hing papya tie yi; tahematapakieca hingpa siizaanung saata hing i sacapaa Isak hneta ru cu hne khu'a vyi,” a ta. 11Abraham ca a sacapaa kawlieta capa bie a thyi tiyta a palung rie a thyisa. 12#Rom 9.7; Heb 11.18 Cuorasala Khazing ta Abraham kha, “Haatiypa kawlie hne siizaanung kawlieta na palung rie thyi khah se; Sarah ta aca changpa bangkhuo hing a ripa haata tue tie, tahematapakieca Isak chungtaata a puvpa tie hingna na samingsahlaa ta ripa a cuo'a yi. 13Siizaanung sacapaa zaw hing ma na ciyhruo a cuo nakawta mingphang phang kha ta i pacuo sa ra aa,” a ta. 14Caacuonakawta Abraham ca mawdiy ta thu te viechuo hne savang ungthyi tiy zungkha a awpa kha Hagar ca a pi. A sacapaa kha papy sa te a pasi sa yi. Hagar ca ing taa khata pya te Beer-sheba ruocaapa lie kha a sile byalya.
15Savang ungthyi chunglie tiy a chuo tiyta haatiy kha ruohraw rawlie kha a thuse. 16Cakhutaa cata cuoti ka khang aa hlanapa luo kha va cakuo te haatiy kha hnangchaw te aa tu. “Haatiypa a thiypa kha na pahmung sa thi khah,” ta te khuopuv ta a caa. 17Khazing ta haatiy a caapa ueryi kha a thyi; avuoming pakha ta Hagar kha vuoruo taata za ku te, “Khaapama ruvnaana caa pi? Ciy khah; Khazing na haatiypa a awna lie a caapa ueryi kha a thyi tli. 18A vaw la, haatiypa kha va la lah vaa paw tie, ama ca mingphang lepa tana i pacuo sa aa,” a ta. 19Ca khu pahne ta Khazing ta a ming kha pavuo sa te, takhue suokha a pahmung sa. Vaa te savang ungthyi zung kha ta tiy a raw khutaata haatiypa kha a padang sa.
20Khazing ta haatiypa ca awpuo te, kya lethaw te ruocaapa lie kha aw te cuoti ka a the ciemuopa ta a cuo. 21Ama ca Paran ama tapa ruocaapa lie kha aw te, a nung ta Izipt zaanung kha napuv ta a hiepa.
Abraham Hne Abimelek Biekuona Ama Tue
22 #
Sah 26.26
Capa ning cata Abimelek ca a riekabyi le cepa Fikol hneta Abraham kyihuo khata, “Na hmang tuepa bangkhuo lie Khazing ta aca awpuo; 23caacuonakawta kama cuose, i saata hne i samingsahlaa zaw cuose malie na dungvie li riypata Khazing ming ta kama'a lie hing bie a kuo tie. Na hmiekunglie zang tluo aa tlasa pata i awpa haa hingta kama hmiekunglie hne, mingpe ta na awnapa hingpa ruo chunglie hing zang tluo aa tlasa pata na aw riypata bie a kuo tie,” a ta. 24Cakhutaata Abraham ta, “Bie i kuo,” a ta.
25Abraham ta Abimelek changtaapa zaw ta ama chuvpa takhue kaw kha Abimelek ca a chang. 26Abimelek ta, “Capa hmang ca ahungma a tue tapa pachang va ang; nama zaw na za chang vaciy, ataning tepa hingta thyi buo va ang,” a ta. 27Abraham ta tuv hne cue zaw kha Abimelek ca pi te biekuona ama tue. 28Abraham ta tuvlaanung sasariy kha a nanang ta a chi. 29Caacuonakawta Abimelek ta Abraham kyihuo khata, “Tuvlaanung sasariy a nanang ta na chipa hing khaapa siyluo tama a cuo?” a ta. 30Ama ta, “Hingpa takhue hing kama na a cu ang tapa kha naa pachangkhyituv na cuo riypata hingpa tuvlaanung sasariy hing na cuhluo thi tie,” a ta. 31Caacuonakawta capa hmang ca Beer-sheba ta pata ama ku, tahematapakieca capa lie ca ama pahning ta chie a sa yi te bie amaa kuo. 32Beer-sheba lie biekuona ama tue khutaa cata Abimelek hne a riebyipa Fikol ca Filistin ruo luo kha ama kaa pakhaa. 33Abraham ta Beer-sheba lie ca beke kung kung kha a ling te Abyipa Chuozaa Khazing kha aa bie. 34Cakhutaa cata Abraham ca Filistin ruo lie ca cuo pasiypuv mingpe ta a aw.
ទើបបានជ្រើសរើសហើយ៖
SAHRUOTHUNA 21: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
SAHRUOTHUNA 21
21
Isak Puvna
(Heb 11.11)
1 Abyipa ta a ripa haata Sarah kha vihnyi te bie a kuopa haa khata a cuota a tue. 2#Heb 11.11 Sarah ca nu phya te Abraham kha a macuo tli pata sacapaa a sapa. Khazing ta a changpa cuo lie kha nu ca a za puv. 3Sarah ta a sapapa sacapaa ca Abraham ta Isak ta pata ming a paphya. 4#Sah 17.12; Lct 7.8 Abraham ta a sacapaa Isak ca ning cari a ta pata Khazing ta bie a pina haa khata vangdaw a te. 5Isak a puv ning hing Abraham ca kung zakha a ta tli. 6Sarah ta, “Khazing na pahnyina cuo naa pi tli; naa thyipa bangkhuo ta ina pahnyi khyi'a yi,” a ta. 7Cakhutaata, “Sarah na haatiy ahnung a pazaw sa aa, ta pata Abraham kyihuo ta ahung ta chuo ama za ta buo'a ma? Cuorasala a macuo tli pata na sacapaa i sapa,” a ta.
Hagar Hne Ishmael A Papya Yi
8Haatiy ca kya le te ahnung a pathlie. Isak ahnung a pathlie ning ca Abraham ta pyi lesapa a tuepa. 9Cuorasala Sarah ta Izipt zaanung Hagar ta Abraham hne ama sapa a sacapaa hne ama sacapaa Isak ama cang hnepa kha a hmung. 10#Gal 4.29,30 Caacuonakawta Abraham kyihuo khata, “Hingpa siizaanung hne a sacapaa hing papya tie yi; tahematapakieca hingpa siizaanung saata hing i sacapaa Isak hneta ru cu hne khu'a vyi,” a ta. 11Abraham ca a sacapaa kawlieta capa bie a thyi tiyta a palung rie a thyisa. 12#Rom 9.7; Heb 11.18 Cuorasala Khazing ta Abraham kha, “Haatiypa kawlie hne siizaanung kawlieta na palung rie thyi khah se; Sarah ta aca changpa bangkhuo hing a ripa haata tue tie, tahematapakieca Isak chungtaata a puvpa tie hingna na samingsahlaa ta ripa a cuo'a yi. 13Siizaanung sacapaa zaw hing ma na ciyhruo a cuo nakawta mingphang phang kha ta i pacuo sa ra aa,” a ta. 14Caacuonakawta Abraham ca mawdiy ta thu te viechuo hne savang ungthyi tiy zungkha a awpa kha Hagar ca a pi. A sacapaa kha papy sa te a pasi sa yi. Hagar ca ing taa khata pya te Beer-sheba ruocaapa lie kha a sile byalya.
15Savang ungthyi chunglie tiy a chuo tiyta haatiy kha ruohraw rawlie kha a thuse. 16Cakhutaa cata cuoti ka khang aa hlanapa luo kha va cakuo te haatiy kha hnangchaw te aa tu. “Haatiypa a thiypa kha na pahmung sa thi khah,” ta te khuopuv ta a caa. 17Khazing ta haatiy a caapa ueryi kha a thyi; avuoming pakha ta Hagar kha vuoruo taata za ku te, “Khaapama ruvnaana caa pi? Ciy khah; Khazing na haatiypa a awna lie a caapa ueryi kha a thyi tli. 18A vaw la, haatiypa kha va la lah vaa paw tie, ama ca mingphang lepa tana i pacuo sa aa,” a ta. 19Ca khu pahne ta Khazing ta a ming kha pavuo sa te, takhue suokha a pahmung sa. Vaa te savang ungthyi zung kha ta tiy a raw khutaata haatiypa kha a padang sa.
20Khazing ta haatiypa ca awpuo te, kya lethaw te ruocaapa lie kha aw te cuoti ka a the ciemuopa ta a cuo. 21Ama ca Paran ama tapa ruocaapa lie kha aw te, a nung ta Izipt zaanung kha napuv ta a hiepa.
Abraham Hne Abimelek Biekuona Ama Tue
22 #
Sah 26.26
Capa ning cata Abimelek ca a riekabyi le cepa Fikol hneta Abraham kyihuo khata, “Na hmang tuepa bangkhuo lie Khazing ta aca awpuo; 23caacuonakawta kama cuose, i saata hne i samingsahlaa zaw cuose malie na dungvie li riypata Khazing ming ta kama'a lie hing bie a kuo tie. Na hmiekunglie zang tluo aa tlasa pata i awpa haa hingta kama hmiekunglie hne, mingpe ta na awnapa hingpa ruo chunglie hing zang tluo aa tlasa pata na aw riypata bie a kuo tie,” a ta. 24Cakhutaata Abraham ta, “Bie i kuo,” a ta.
25Abraham ta Abimelek changtaapa zaw ta ama chuvpa takhue kaw kha Abimelek ca a chang. 26Abimelek ta, “Capa hmang ca ahungma a tue tapa pachang va ang; nama zaw na za chang vaciy, ataning tepa hingta thyi buo va ang,” a ta. 27Abraham ta tuv hne cue zaw kha Abimelek ca pi te biekuona ama tue. 28Abraham ta tuvlaanung sasariy kha a nanang ta a chi. 29Caacuonakawta Abimelek ta Abraham kyihuo khata, “Tuvlaanung sasariy a nanang ta na chipa hing khaapa siyluo tama a cuo?” a ta. 30Ama ta, “Hingpa takhue hing kama na a cu ang tapa kha naa pachangkhyituv na cuo riypata hingpa tuvlaanung sasariy hing na cuhluo thi tie,” a ta. 31Caacuonakawta capa hmang ca Beer-sheba ta pata ama ku, tahematapakieca capa lie ca ama pahning ta chie a sa yi te bie amaa kuo. 32Beer-sheba lie biekuona ama tue khutaa cata Abimelek hne a riebyipa Fikol ca Filistin ruo luo kha ama kaa pakhaa. 33Abraham ta Beer-sheba lie ca beke kung kung kha a ling te Abyipa Chuozaa Khazing kha aa bie. 34Cakhutaa cata Abraham ca Filistin ruo lie ca cuo pasiypuv mingpe ta a aw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.