LUCUOTUV 4
4
Piter Hne Johan Kha Bieripatuv Phuv Hmiekung Luo Ama Chiykhyi
1Piter hne Johan ta cawsaa zaw'a lie bie ama ri nguoluo ning kha tluobyi tie hne biena-ing a huopa uvtuv byi hne Sadusi ming kha a vaw yi te, 2iema ta cawsaa kha za pacuv nguoluo yi te, thiyna taata thupakhaana ca Zingsuv chunglie tana a aw ta pata ama za ukhyi nguoluo nakawta ama hi a haa hringhruo. 3Caacuonakawta iema kha patuv yi te, khy a zing tli nakawta a mawluopa te ta thaw-ing lieta ama chi. 4Cuorasala ama ripa bie a thyipa tie ca zang yi te ama bangkhuo ta thawpangaa tluv ama ta. 5A mawluopa ta ama uvtuv tie, uvthyi tie, phungbie saya tie hne, 6tluobyi lepa Annas, Kaiafas, Johan,#4.6 Kuvtie caataw chekha tie lie ca Jonathan tapa tana ama za ri Alekzandar hne tluobyi lepa chungkhue cawsaa hrangpa zaw ca Jerusalem lie kha amaa hmya. 7Lucuotuv tie kha a liekhingkhuo lie padaa yi te, “Ahung cahrana hne ahung ming tama hingpa hmang hing nama tue?” ta pata ama hiehriy. 8Piter ca Thlaapa Pathe ta bi te iema kha, “Uvtuv byi hne uvthyi tie zaw, 9a tluo lipa cawsaa pakha cunglie hmang pha tuena kaw hne tuokhaatama patluo sa pata a cuo tapa kha ataning hing malie nama hiehriy pata a cuo kieca, 10niema ta vieluo cunglie za thie ung cate Khazing ta thiyna taata a pathu pakhaapa Nazareth khypa Zingsuv ming tana hingpa paa hing tluo paalaa khata nama hmiekunglie aa daa tapa hing niema bangkhuo hne Israel ming bangkhuo ta pachang tie ung. 11#Slm 118.22 Capa Zingsuv ca,
‘Niema, ingsatuv tie ta nama thawpa alung ca
ingkiylung tana aa li,'
a tapa kha tana a cuo.
12Khuona ca ama chunglie dyina a aw, tahematapakieca chuelyi cung lie hing malie a khuo khutuv ming hrangpa suokha hmuo aw vyi,” a ta.
13Iema ta Piter hne Johan riephanazya kha ama hmung tiyta hne caa a the lipa cawsaa cakhawpa ama cuopa kha ama pachang tiyta ama nang ta uo te, iema ca Zingsuv viesaa ama cuopa kha amaa kya thyi pakhaa. 14Ama patluo sapa paa amaa thaalie aa daapa kha ama hmung thluo nakawta khaapahmuo i riypa hnyi va yi. 15Caacuonakawta lucuotuv tie kha ing chungtaata papya yi te iema selaw ta capa kaw ca amaa rue pakhaw. 16Pakha hne pakha kha, “Hingpa cawsaa zaw hing tuokhaatama ma tue'a ung? Iema ta kharuehaa hmang lepuv ama tuepa kha Jerusalem lie a awpa bangkhuo ta ama pachang diy nakawta i khu riypata a cuo hyi va, amaa ta. 17Cuorasala hing hmang kaw hing cawsaa hraw luo aa ze hryly li riypata, hing cawsaa zaw hing Zingsuv ming ta ahung'a lie hmuo bie ri'a va tli ung ciy ta pata khuosa ta thlu'a ung puv,” amaa ta. 18Caacuonakawta iema kha ku yi te Zingsuv ming ta bie ri li tli riypa hne pacuv li tli riypata bie ama pi. 19Cuorasala Piter hne Johan ta, “Khazing hmungna lieta niema bie a ngiepa ma a hmuo vie aa, Khazing bie a ngiepa ma a hmuo vie aa tapa kha niema ta bie chi tie ung; 20tahematapakieca kiema ca ma hmungpa hne ma thyipa kha ri li pata aw khu'a vapuv,” ta pata ama palie. 21Cawsaa bangkhuo ta hmang a cuopa kawlie kha Khazing ama pathuosa nakawta iema duotena riypa kha a luo hmung khu va yi. Caacuonakawta ama pachiypahuo khutaata iema ca ama pathlie. 22Tluona kharuehaa hmang tuepa pata a cuopa paa hing kung sawliy hlyi a tapa tana a cuo.
Zangtuv Tie Ta Riephana Riypata Thlaa Ama Chuo
23Ama pathlie khutaata lucuotuv tie ca ama viesaa tie'a luo kha vaa yi te tluobyi lepa tie hne uvthyi tie ta ama changpa bie kha ama va chang. 24#Pya 20.11; Neh 9.6; Slm 146.6 Ama thyi pahne ta Khazing'a luo kha khuopuv ta u yi te, “Lesyice Abyipa, alyi hne avuo, riyliy hne a chunglie a awpa bangkhuo a satuv, 25#Slm 2.1-2 na Thlaapa Pathe hmuo pata na changtaapa#4.25 Saata mingpa David'a lie bie za ri cate,
‘Khaapanakawma Jentail ming ca ama hi haa te,
cawsaa zaw ta a cuo lipa khue ama rue?
26Abyipa hne Messiah#4.26 Khrih a du pata
chuelyi siepahruo tie adaahmang la yi te,
uvtuv tie hne amaa hmya pakhaw,’ na za ta.
27 #
Luk 23.7-11;
Mat 27.1-2; Mar 15.1; Luk 23.1; Jhn 18.28-29 Cahaacata hingpa khy chunglie hing Herod hne Pontius Pilat ca Jentail ming'a nata Israel ming hne khata Messiah ta naa tlawpa, a pathepa na changtaapa Zingsuv a du riypa khata, 28nama ta lieriy na uopuopa bangkhuo kha a tling riypata amaa hmya pakhaw. 29Caacuonakawta, Abyipa, iema pachiypahuona kha za pachang thi la, na changtaapa#4.29 Gk sii zaw ta riepha ciemuo pata na bie ama ri khu riypata zaa bya thi tie yi. 30Cawsaa tluona riypata na buo ca pazuo la a pathepa na changtaapa#4.30 Saata Zingsuv ming ta pahmungsana hne kharuehaa hmang ca pa-aw sa thi tie,” ama ta. 31Thlaa ama chuo khu pahne ta amaa hmyanapa ing ca a cahang te, Thlaapa Pathe ta bi yi te Khazing bie kha riephasa pata ama ri.
Zangtuv Tie Ta Ama Hnyipa Amaa Hraw
32 #
Lct 2.44-45
A zangpa bangkhuo ca ama buv yalya ta ama pathiypalung hne ama ruena a lu te ahungtahmuo ama hnyipa kha kama huopa ta lipa yi ta chechiy bangkhuo kha amaa hraw. 33Lucuotuv tie ta Abyipa Zingsuv thupakhaana kha cahrana hne khuopuv ta ri yi te iema bangkhuo kha Khazing ta thluechiy a hluvsa ta a pi yi. 34Iema hrawlieta aa huna lie aa phahlapa aw va yi, tahematapakieca ama hnyipa alyi hne ing bangkhuo kha zaa yi te, ama hmungpa tuokaa kha 35lucuotuv tie phyi thabaw luo ama vya pahmya. Lucuotuv tie ta pakha cyicuo kha amaa huna haata ama re. 36Cahaacata lucuotuv tie ta Barnabas (a siyluo ca thaazuo pituv sacapaa) ama tapa, Saipras lie a puvpa Levi ming Josef ca 37a hnyipa a lu kha zaa te, a hmungpa tuokaa kha vya cyi te lucuotuv tie phyi thabaw lie kha a vya chi.
ទើបបានជ្រើសរើសហើយ៖
LUCUOTUV 4: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUCUOTUV 4
4
Piter Hne Johan Kha Bieripatuv Phuv Hmiekung Luo Ama Chiykhyi
1Piter hne Johan ta cawsaa zaw'a lie bie ama ri nguoluo ning kha tluobyi tie hne biena-ing a huopa uvtuv byi hne Sadusi ming kha a vaw yi te, 2iema ta cawsaa kha za pacuv nguoluo yi te, thiyna taata thupakhaana ca Zingsuv chunglie tana a aw ta pata ama za ukhyi nguoluo nakawta ama hi a haa hringhruo. 3Caacuonakawta iema kha patuv yi te, khy a zing tli nakawta a mawluopa te ta thaw-ing lieta ama chi. 4Cuorasala ama ripa bie a thyipa tie ca zang yi te ama bangkhuo ta thawpangaa tluv ama ta. 5A mawluopa ta ama uvtuv tie, uvthyi tie, phungbie saya tie hne, 6tluobyi lepa Annas, Kaiafas, Johan,#4.6 Kuvtie caataw chekha tie lie ca Jonathan tapa tana ama za ri Alekzandar hne tluobyi lepa chungkhue cawsaa hrangpa zaw ca Jerusalem lie kha amaa hmya. 7Lucuotuv tie kha a liekhingkhuo lie padaa yi te, “Ahung cahrana hne ahung ming tama hingpa hmang hing nama tue?” ta pata ama hiehriy. 8Piter ca Thlaapa Pathe ta bi te iema kha, “Uvtuv byi hne uvthyi tie zaw, 9a tluo lipa cawsaa pakha cunglie hmang pha tuena kaw hne tuokhaatama patluo sa pata a cuo tapa kha ataning hing malie nama hiehriy pata a cuo kieca, 10niema ta vieluo cunglie za thie ung cate Khazing ta thiyna taata a pathu pakhaapa Nazareth khypa Zingsuv ming tana hingpa paa hing tluo paalaa khata nama hmiekunglie aa daa tapa hing niema bangkhuo hne Israel ming bangkhuo ta pachang tie ung. 11#Slm 118.22 Capa Zingsuv ca,
‘Niema, ingsatuv tie ta nama thawpa alung ca
ingkiylung tana aa li,'
a tapa kha tana a cuo.
12Khuona ca ama chunglie dyina a aw, tahematapakieca chuelyi cung lie hing malie a khuo khutuv ming hrangpa suokha hmuo aw vyi,” a ta.
13Iema ta Piter hne Johan riephanazya kha ama hmung tiyta hne caa a the lipa cawsaa cakhawpa ama cuopa kha ama pachang tiyta ama nang ta uo te, iema ca Zingsuv viesaa ama cuopa kha amaa kya thyi pakhaa. 14Ama patluo sapa paa amaa thaalie aa daapa kha ama hmung thluo nakawta khaapahmuo i riypa hnyi va yi. 15Caacuonakawta lucuotuv tie kha ing chungtaata papya yi te iema selaw ta capa kaw ca amaa rue pakhaw. 16Pakha hne pakha kha, “Hingpa cawsaa zaw hing tuokhaatama ma tue'a ung? Iema ta kharuehaa hmang lepuv ama tuepa kha Jerusalem lie a awpa bangkhuo ta ama pachang diy nakawta i khu riypata a cuo hyi va, amaa ta. 17Cuorasala hing hmang kaw hing cawsaa hraw luo aa ze hryly li riypata, hing cawsaa zaw hing Zingsuv ming ta ahung'a lie hmuo bie ri'a va tli ung ciy ta pata khuosa ta thlu'a ung puv,” amaa ta. 18Caacuonakawta iema kha ku yi te Zingsuv ming ta bie ri li tli riypa hne pacuv li tli riypata bie ama pi. 19Cuorasala Piter hne Johan ta, “Khazing hmungna lieta niema bie a ngiepa ma a hmuo vie aa, Khazing bie a ngiepa ma a hmuo vie aa tapa kha niema ta bie chi tie ung; 20tahematapakieca kiema ca ma hmungpa hne ma thyipa kha ri li pata aw khu'a vapuv,” ta pata ama palie. 21Cawsaa bangkhuo ta hmang a cuopa kawlie kha Khazing ama pathuosa nakawta iema duotena riypa kha a luo hmung khu va yi. Caacuonakawta ama pachiypahuo khutaata iema ca ama pathlie. 22Tluona kharuehaa hmang tuepa pata a cuopa paa hing kung sawliy hlyi a tapa tana a cuo.
Zangtuv Tie Ta Riephana Riypata Thlaa Ama Chuo
23Ama pathlie khutaata lucuotuv tie ca ama viesaa tie'a luo kha vaa yi te tluobyi lepa tie hne uvthyi tie ta ama changpa bie kha ama va chang. 24#Pya 20.11; Neh 9.6; Slm 146.6 Ama thyi pahne ta Khazing'a luo kha khuopuv ta u yi te, “Lesyice Abyipa, alyi hne avuo, riyliy hne a chunglie a awpa bangkhuo a satuv, 25#Slm 2.1-2 na Thlaapa Pathe hmuo pata na changtaapa#4.25 Saata mingpa David'a lie bie za ri cate,
‘Khaapanakawma Jentail ming ca ama hi haa te,
cawsaa zaw ta a cuo lipa khue ama rue?
26Abyipa hne Messiah#4.26 Khrih a du pata
chuelyi siepahruo tie adaahmang la yi te,
uvtuv tie hne amaa hmya pakhaw,’ na za ta.
27 #
Luk 23.7-11;
Mat 27.1-2; Mar 15.1; Luk 23.1; Jhn 18.28-29 Cahaacata hingpa khy chunglie hing Herod hne Pontius Pilat ca Jentail ming'a nata Israel ming hne khata Messiah ta naa tlawpa, a pathepa na changtaapa Zingsuv a du riypa khata, 28nama ta lieriy na uopuopa bangkhuo kha a tling riypata amaa hmya pakhaw. 29Caacuonakawta, Abyipa, iema pachiypahuona kha za pachang thi la, na changtaapa#4.29 Gk sii zaw ta riepha ciemuo pata na bie ama ri khu riypata zaa bya thi tie yi. 30Cawsaa tluona riypata na buo ca pazuo la a pathepa na changtaapa#4.30 Saata Zingsuv ming ta pahmungsana hne kharuehaa hmang ca pa-aw sa thi tie,” ama ta. 31Thlaa ama chuo khu pahne ta amaa hmyanapa ing ca a cahang te, Thlaapa Pathe ta bi yi te Khazing bie kha riephasa pata ama ri.
Zangtuv Tie Ta Ama Hnyipa Amaa Hraw
32 #
Lct 2.44-45
A zangpa bangkhuo ca ama buv yalya ta ama pathiypalung hne ama ruena a lu te ahungtahmuo ama hnyipa kha kama huopa ta lipa yi ta chechiy bangkhuo kha amaa hraw. 33Lucuotuv tie ta Abyipa Zingsuv thupakhaana kha cahrana hne khuopuv ta ri yi te iema bangkhuo kha Khazing ta thluechiy a hluvsa ta a pi yi. 34Iema hrawlieta aa huna lie aa phahlapa aw va yi, tahematapakieca ama hnyipa alyi hne ing bangkhuo kha zaa yi te, ama hmungpa tuokaa kha 35lucuotuv tie phyi thabaw luo ama vya pahmya. Lucuotuv tie ta pakha cyicuo kha amaa huna haata ama re. 36Cahaacata lucuotuv tie ta Barnabas (a siyluo ca thaazuo pituv sacapaa) ama tapa, Saipras lie a puvpa Levi ming Josef ca 37a hnyipa a lu kha zaa te, a hmungpa tuokaa kha vya cyi te lucuotuv tie phyi thabaw lie kha a vya chi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.