LUCUOTUV 2
2
Thlaapa Pathe A Za Cung
1 #
Tbr 23.15-21; Pbp 16.9-11 Pentekos ning a vya pha tiyta zangtuv bangkhuo ca suv kha lie ama aw. 2Sungkhabala ta vuoruo taata ueryi suokha ca thliysung pu haata za paring te amaa tunapa ing kha a bi diy. 3Aa chepa palyi ca myipalyi haata iema hrawlie kha zaa luo te myipalyi suokha cyicuo ca iema pakha cyicuo cunglie kha aa cang. 4Iema bangkhuo ca Thlaapa Pathe ta bi yi te Thlaapa ta a pipa yi cyicuo haa khata ryi hrangpa kha ama cyi.
5Capa ning ca vuoruotyi ruo ting lie a awpa Judah ming kha Jerusalem lie ama aw ningta a cuo. 6Capa ueryi ca ama thyi tiyta cawsaazaapuv kha a vya hmya yi te ama kharue a haa hringhruo, tahematapakieca zangtuv tie ama ripa kha a vawpa tie ta iema ryi cyicuo ta ama thyi nakawta a cuo. 7Ama nang ta uosa te, “Ama bangkhuo hingta Galilee ryi a cyipa cuo va yi ma? 8Caacuokieca tuokhaatama kiema pakha cyicuo ta ma puvnapa ryi ta ma thyi the? 9Kiema ca Parthia ruo, Media ruo, Elam ruo, Mesopotamia ruo, Judea ruo, Kappadosia ruo, Pontas ruo, Asia ruo, 10Frizia ruo, Pamfilia ruo, Izipt ruo, Libia ruo chung Sairin khy cahriylie a awpa ta ma cuo. Rom taata a vawpa khyche, Judah ming hne Judah biena luo a palawpa Jentail ming zaw ta ma cuo. 11Krit ming hne Arabia ming zaw ta ma cuo, cuorasala Khazing ta a cahrana ta a tuepa hmang rungnaapa kaw kha ama ri tiyta ma ryi cyicuo ta ma thyi kaluo,” ama ta. 12Ama bangkhuo ta nang-uo chungzing pata, “Hingpa hing a siyluo khaapatama a cuo aa,” amaa ta.
13Cuorasala a hrangpa tie ta, esepuo pata, “Mingsuvtiy na ama pariy,” ama ta.
Piter Phung Rina
14Cuorasala Piter ca ziytuv hlyikha tie hne khata a kya daa te a ryi kha khuosa ta pathlie te, “Judea ruo ming hne Jerusalem lie a awpa bangkhuo zaw, i ripa hing naathlie ung la pachang tie ung. 15Hingpa tie hing niema nama ruenapa haata pariy va yi, tahematapakieca maw siymaluo pacaky dyina a ta baaning. 16Hingpa hing ca profet Joel a za ripa kha tana a cuo:
17 #
Joe 2.28-32
‘Khazing ta, ningchuonapa lie ca
cawsaa bangkhuo cunglie kha
i Thlaapa i bya'a yi,
nama sacanung hne nama sacapaa zaw ta
profetbiephu ama ri aa,
nama mingnu tie ta muocuo hmung'a yi te,
nama nungpuv macuo tie ta muo ama sa aa.
18Capa ning thue ca i siicanung hne
i siicapaa zaw cunglie kha hmuo
i Thlaapa bya'a yi angte,
profetbiephu ama ri aa.
19Cung luo avuo lie khiy
kharuehaa hmang paluo'a angte,
raw luo alyi lie hing
pamangsana hmang i paluo aa,
thiyse hne myi hne myikhuv
chaapuv ta ama cuo aa.
20Abyipa ning, a rungnaapa hne a lesyipa ning aa vaw hluota
ning ca zing'a te,
thlaapa ca thiyse haata a se aa.
21Cakhutaata Abyipa ming a upa mekaa ca
khuo pata ama cuo aa,’ a ta.
22“Israel ming,#2.22 Gk Cawsaa zaw, Israel ming i ripa bie hing naathlie tie ung: Nama pachangpa haata Nazareth khypa Zingsuv ca Khazing ta re a changpa tana a cuo tapa kha, Khazing ta ama hmuo pata a tuepa, a cahrana ta a tuepa hmang rungnaapa zaw, kharuehaa hmang zaw, hne pamangsana tie zaw hingta niema'a lie a paluo sa. 23#Mat 27.35; Mar 15.24; Luk 23.33; Jhn 19.18 Khazing ta hmungdawna hne ama khuekhuona haata niema'a luo aca pipa yi Zingsuv ca cawsaa pha lipa tie kuv ta vieluo cunglie nama thie. 24#Mat 28.5-6; Mar 16.6; Luk 24.5 Cuorasala Khazing ta ama kha pathu pakhaa te thiyna#2.24 Gk thiyna a pasana taata a palaw sa, tahematapakieca thiyna ta ama kha patuv pari khu vyi. 25#Slm 16.8-11 Caacuonakawta David ta ama hne aa patuv pata,
‘Abyipa kha ci li pata i hmung pari,
i cacuoluo kuo ta inaa daapuo pari nakawta
a cahang'a va ang;
26caacuonakawta i pathiypalung ca a law te,
i bie ripa ca thaaphana hneta a bi;
ca hlyitaw taata, i pangpasaa ca
anguopuona hne tana a hring aa.
27Tahematapakieca i thlaapa kha
athiykhy lie thuse'a vaciy,
na mingpathepa hing thluokhue lie
lang riypata ca pase'a vaciy.
28Hringna luopuv kha na pachang sa cate,
ina awpuo nakaw ca ta i palung a tluo pari aa,’ a ta.
29“Israel ming i uvnu zaw, mingpa David kaw hing a siesa pata ica chang'a yi. Ama ca thiy te ama paby, ataning tepa ta a thluo zaw kiema'a lie a aw kalie. 30#Slm 132.11; 2Sam 7.12,13 Ama ca profet a za cuopa haata, a ciypathla pakhakha kha ama siepahruo thude lie i patu aa ta pata Khazing ta bie a kuopa kha a pachang. 31Capa ca hmungluna hneta David ta Messiah#2.31 Khrih thupakhaana kaw a ripa ca,
‘Ama ca athiykhy lie thusepa cuo li'a pata,
a pangpasaa ca thluo lie kha lang'a vyi,’ a ta.
32Khazing ta hingpa Zingsuv hing thiyna taata pathu pakhaa te, kiema bangkhuo hing pachangkhyituv ta ma cuo. 33Khazing cacuoluo kuo ta cyicalang pata cuo te, Paa ta bie a kuopa Thlaapa Pathe kha a hmung tli. Ata nama hmungpa hne nama thyipa hing kiema cunglie a za byapa ama lasaw tana a cuo. 34#Slm 110.1 David ca vuoruo luo kha kie vyi, cuorasala ama hrahring ta a ripa ca,
‘Abyipa ta i Byipaapa kha,
35“Na carie tie kha na phyipazaa rawlie
chaapuo riypata i tue hluo li yi,
i cacuoluo kuo ta a tu tie, a tapa kha”’ a ta.
36Caacuonakawta, Israel ming bangkhuo, niema ta vieluo lie nama thiepa Zingsuv hing Khazing ta Abyipa hne Messiah ta a tue tapa hing pachang tie ung,” a ta yi.
A Palung A Thle Taapa Tie
37Capa bie ama thyi tiyta ama palung kha cahrie yi te Piter hne lucuotuv hrangpa tie kha, “Uvnu zaw, khaapama ma tue aa?” ama ta.
38Piter ta, “Niema pakha cyicuo hingta sue a ngiethepa nama cuo riypata nama suena kha a ngiepachiy ung la Zingsuv Khrih ming ta tiy a naw tie ung; caacuokieca Khazing lasaw Thlaapa Pathe kha nama hmung aa. 39Tahematapakieca biekuona ca Abyipa ma Khazing ta ama'a luo a kupa, niema, nama saata tie, hne luohlaa luo a awpa tie nama bangkhuo cuo tana a cuo,” a ta yi. 40Cakhutaata tehtekhuona bie hrangpa a hluvsa hmuo pata a pasu yi. “Hingpa chuo pha lipa chungtaa hingta niema hne niema kha a khuo tie ung,” a ta yi. 41Caacuonakawta a bieripa a cuhluopa tie ca tiy naw yi te capa ning cata cawsaa thawthung amaa chachiy. 42Iema ca lucuotuv tie pacuvna hne zangtuv tie a viesaana luo, viechuo ningpakhawna luo hne thlaachuona luo kha khuopuv ta amaa pi.
Zangtuv Tie Hringzya
43Kharuehaa hmang hluvpuv hne pamangsana hluvpuv kha lucuotuv tie ta ama tue nakawta cawsaa bangkhuo kha ama kharue a haasa. 44#Lct 4.32-35 A zangpa bangkhuo kha suv kha ta aw yi te chechiy bangkhuo kha amaa hraw; 45ama hnyipa hmang kha zaa yi te ama hmungpa tuokaa kha amaa huna cyicuo haa khata amaa re. 46Ning kha hnang ning kha, ama cuo hnyipa hluv vie bangkhuo kha biena-ing lie hmuo yi te, ama ing#2.46 ing kha hnang ing kha ta lie kha sa ning a hraw yi te pahyana hne palung tluosa pata ama ning. 47Khazing kha pathuosa yi te cawsaa bangkhuo hmielie hmiephaa ama hmung. Cahaacata Abyipa ta khuona a hmungpa tie kha ning kha hnang ning kha ta iema'a luo a chachiy yi.
ទើបបានជ្រើសរើសហើយ៖
LUCUOTUV 2: LNT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.
LUCUOTUV 2
2
Thlaapa Pathe A Za Cung
1 #
Tbr 23.15-21; Pbp 16.9-11 Pentekos ning a vya pha tiyta zangtuv bangkhuo ca suv kha lie ama aw. 2Sungkhabala ta vuoruo taata ueryi suokha ca thliysung pu haata za paring te amaa tunapa ing kha a bi diy. 3Aa chepa palyi ca myipalyi haata iema hrawlie kha zaa luo te myipalyi suokha cyicuo ca iema pakha cyicuo cunglie kha aa cang. 4Iema bangkhuo ca Thlaapa Pathe ta bi yi te Thlaapa ta a pipa yi cyicuo haa khata ryi hrangpa kha ama cyi.
5Capa ning ca vuoruotyi ruo ting lie a awpa Judah ming kha Jerusalem lie ama aw ningta a cuo. 6Capa ueryi ca ama thyi tiyta cawsaazaapuv kha a vya hmya yi te ama kharue a haa hringhruo, tahematapakieca zangtuv tie ama ripa kha a vawpa tie ta iema ryi cyicuo ta ama thyi nakawta a cuo. 7Ama nang ta uosa te, “Ama bangkhuo hingta Galilee ryi a cyipa cuo va yi ma? 8Caacuokieca tuokhaatama kiema pakha cyicuo ta ma puvnapa ryi ta ma thyi the? 9Kiema ca Parthia ruo, Media ruo, Elam ruo, Mesopotamia ruo, Judea ruo, Kappadosia ruo, Pontas ruo, Asia ruo, 10Frizia ruo, Pamfilia ruo, Izipt ruo, Libia ruo chung Sairin khy cahriylie a awpa ta ma cuo. Rom taata a vawpa khyche, Judah ming hne Judah biena luo a palawpa Jentail ming zaw ta ma cuo. 11Krit ming hne Arabia ming zaw ta ma cuo, cuorasala Khazing ta a cahrana ta a tuepa hmang rungnaapa kaw kha ama ri tiyta ma ryi cyicuo ta ma thyi kaluo,” ama ta. 12Ama bangkhuo ta nang-uo chungzing pata, “Hingpa hing a siyluo khaapatama a cuo aa,” amaa ta.
13Cuorasala a hrangpa tie ta, esepuo pata, “Mingsuvtiy na ama pariy,” ama ta.
Piter Phung Rina
14Cuorasala Piter ca ziytuv hlyikha tie hne khata a kya daa te a ryi kha khuosa ta pathlie te, “Judea ruo ming hne Jerusalem lie a awpa bangkhuo zaw, i ripa hing naathlie ung la pachang tie ung. 15Hingpa tie hing niema nama ruenapa haata pariy va yi, tahematapakieca maw siymaluo pacaky dyina a ta baaning. 16Hingpa hing ca profet Joel a za ripa kha tana a cuo:
17 #
Joe 2.28-32
‘Khazing ta, ningchuonapa lie ca
cawsaa bangkhuo cunglie kha
i Thlaapa i bya'a yi,
nama sacanung hne nama sacapaa zaw ta
profetbiephu ama ri aa,
nama mingnu tie ta muocuo hmung'a yi te,
nama nungpuv macuo tie ta muo ama sa aa.
18Capa ning thue ca i siicanung hne
i siicapaa zaw cunglie kha hmuo
i Thlaapa bya'a yi angte,
profetbiephu ama ri aa.
19Cung luo avuo lie khiy
kharuehaa hmang paluo'a angte,
raw luo alyi lie hing
pamangsana hmang i paluo aa,
thiyse hne myi hne myikhuv
chaapuv ta ama cuo aa.
20Abyipa ning, a rungnaapa hne a lesyipa ning aa vaw hluota
ning ca zing'a te,
thlaapa ca thiyse haata a se aa.
21Cakhutaata Abyipa ming a upa mekaa ca
khuo pata ama cuo aa,’ a ta.
22“Israel ming,#2.22 Gk Cawsaa zaw, Israel ming i ripa bie hing naathlie tie ung: Nama pachangpa haata Nazareth khypa Zingsuv ca Khazing ta re a changpa tana a cuo tapa kha, Khazing ta ama hmuo pata a tuepa, a cahrana ta a tuepa hmang rungnaapa zaw, kharuehaa hmang zaw, hne pamangsana tie zaw hingta niema'a lie a paluo sa. 23#Mat 27.35; Mar 15.24; Luk 23.33; Jhn 19.18 Khazing ta hmungdawna hne ama khuekhuona haata niema'a luo aca pipa yi Zingsuv ca cawsaa pha lipa tie kuv ta vieluo cunglie nama thie. 24#Mat 28.5-6; Mar 16.6; Luk 24.5 Cuorasala Khazing ta ama kha pathu pakhaa te thiyna#2.24 Gk thiyna a pasana taata a palaw sa, tahematapakieca thiyna ta ama kha patuv pari khu vyi. 25#Slm 16.8-11 Caacuonakawta David ta ama hne aa patuv pata,
‘Abyipa kha ci li pata i hmung pari,
i cacuoluo kuo ta inaa daapuo pari nakawta
a cahang'a va ang;
26caacuonakawta i pathiypalung ca a law te,
i bie ripa ca thaaphana hneta a bi;
ca hlyitaw taata, i pangpasaa ca
anguopuona hne tana a hring aa.
27Tahematapakieca i thlaapa kha
athiykhy lie thuse'a vaciy,
na mingpathepa hing thluokhue lie
lang riypata ca pase'a vaciy.
28Hringna luopuv kha na pachang sa cate,
ina awpuo nakaw ca ta i palung a tluo pari aa,’ a ta.
29“Israel ming i uvnu zaw, mingpa David kaw hing a siesa pata ica chang'a yi. Ama ca thiy te ama paby, ataning tepa ta a thluo zaw kiema'a lie a aw kalie. 30#Slm 132.11; 2Sam 7.12,13 Ama ca profet a za cuopa haata, a ciypathla pakhakha kha ama siepahruo thude lie i patu aa ta pata Khazing ta bie a kuopa kha a pachang. 31Capa ca hmungluna hneta David ta Messiah#2.31 Khrih thupakhaana kaw a ripa ca,
‘Ama ca athiykhy lie thusepa cuo li'a pata,
a pangpasaa ca thluo lie kha lang'a vyi,’ a ta.
32Khazing ta hingpa Zingsuv hing thiyna taata pathu pakhaa te, kiema bangkhuo hing pachangkhyituv ta ma cuo. 33Khazing cacuoluo kuo ta cyicalang pata cuo te, Paa ta bie a kuopa Thlaapa Pathe kha a hmung tli. Ata nama hmungpa hne nama thyipa hing kiema cunglie a za byapa ama lasaw tana a cuo. 34#Slm 110.1 David ca vuoruo luo kha kie vyi, cuorasala ama hrahring ta a ripa ca,
‘Abyipa ta i Byipaapa kha,
35“Na carie tie kha na phyipazaa rawlie
chaapuo riypata i tue hluo li yi,
i cacuoluo kuo ta a tu tie, a tapa kha”’ a ta.
36Caacuonakawta, Israel ming bangkhuo, niema ta vieluo lie nama thiepa Zingsuv hing Khazing ta Abyipa hne Messiah ta a tue tapa hing pachang tie ung,” a ta yi.
A Palung A Thle Taapa Tie
37Capa bie ama thyi tiyta ama palung kha cahrie yi te Piter hne lucuotuv hrangpa tie kha, “Uvnu zaw, khaapama ma tue aa?” ama ta.
38Piter ta, “Niema pakha cyicuo hingta sue a ngiethepa nama cuo riypata nama suena kha a ngiepachiy ung la Zingsuv Khrih ming ta tiy a naw tie ung; caacuokieca Khazing lasaw Thlaapa Pathe kha nama hmung aa. 39Tahematapakieca biekuona ca Abyipa ma Khazing ta ama'a luo a kupa, niema, nama saata tie, hne luohlaa luo a awpa tie nama bangkhuo cuo tana a cuo,” a ta yi. 40Cakhutaata tehtekhuona bie hrangpa a hluvsa hmuo pata a pasu yi. “Hingpa chuo pha lipa chungtaa hingta niema hne niema kha a khuo tie ung,” a ta yi. 41Caacuonakawta a bieripa a cuhluopa tie ca tiy naw yi te capa ning cata cawsaa thawthung amaa chachiy. 42Iema ca lucuotuv tie pacuvna hne zangtuv tie a viesaana luo, viechuo ningpakhawna luo hne thlaachuona luo kha khuopuv ta amaa pi.
Zangtuv Tie Hringzya
43Kharuehaa hmang hluvpuv hne pamangsana hluvpuv kha lucuotuv tie ta ama tue nakawta cawsaa bangkhuo kha ama kharue a haasa. 44#Lct 4.32-35 A zangpa bangkhuo kha suv kha ta aw yi te chechiy bangkhuo kha amaa hraw; 45ama hnyipa hmang kha zaa yi te ama hmungpa tuokaa kha amaa huna cyicuo haa khata amaa re. 46Ning kha hnang ning kha, ama cuo hnyipa hluv vie bangkhuo kha biena-ing lie hmuo yi te, ama ing#2.46 ing kha hnang ing kha ta lie kha sa ning a hraw yi te pahyana hne palung tluosa pata ama ning. 47Khazing kha pathuosa yi te cawsaa bangkhuo hmielie hmiephaa ama hmung. Cahaacata Abyipa ta khuona a hmungpa tie kha ning kha hnang ning kha ta iema'a luo a chachiy yi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lutuv Holy Bible © Bible Society of Myanmar, 2023.