မာကု 12
12
တဗဲစ်ဥယျာဉ်ႏခြံခတ်ꩻသားပွုံႏဥပမာႏ
(မတဲ ၂၁:၃၃–၄၆။ လုကာ ၂၀:၉–၁၉)
1 # ဟေသျာ ၅:၁၊ ၂။ နဝ်ꩻထွူ ဗွေႏယေသျု ဒေါ့ꩻနယ်ဖေႏဝွေꩻသီး တွမ်ႏငဝ်းဥပမာႏဖုံႏနဝ်ꩻ၊ “တလဲင်ႏသား ပါꩻခိုတဖြာꩻနဝ်ꩻ ဆို့ꩻတဗဲစ်ဥယျာဉ်ႏ ခြံတခြံ၊ ဖေါင်ꩻခူသေꩻခါꩻ တဗဲစ်ဥယျာဉ်ႏခြံ အီႏနျꩻ ဝုဲင်တာႏ ခူႏသေꩻခါꩻ ထာꩻအောင်တွော့ꩻ တယ်ႏသေꩻခါꩻ ရန်းခြေင်ႏတွိုက်ထို အုံပွေါးထွား တဗဲစ်ခြံတာႏသွူ။ နဝ်ꩻထွူ တဗဲစ်ခြံနဝ်ꩻ ဝွေꩻခတ်ꩻထိုꩻဖေႏ ကောခတ်ꩻသားတဲင် အဝ်ႏအလမ်း ထန်ႏလွေꩻထိုꩻ တဖူꩻနဝ်ꩻသွူ။ 2စုသိမ်ꩻအရာႏဖုံႏ ထွိုင်ႏတွိုႏလွဉ်ချိန်ႏ ဖေႏကလꩻ ဝွေꩻခြံခတ်ꩻခနဝ်ꩻ ဝွေꩻအွဉ်ႏစွꩻလွဉ် အသွဉ်းတဖြာꩻ ကောခတ်ꩻသားထျꩻသွူ။ 3ကောခတ်ꩻခြံသားနဝ်ꩻ ဆွမ်ꩻဆွုမ်ႏအသွဉ်း တွဲႏဝွေꩻတဲင် အွဉ်ႏစွꩻသဲင်ꩻချာ ခြေင်စွဉ်ႏဝွေꩻနဝ်ꩻသွူ။ 4နဝ်ꩻထွူ ခြံဗွေႏ အွဉ်ႏစွꩻလွေꩻဖျင် သွဉ်းအလင်တွော့ꩻ ကောခတ်ꩻသားနဝ်ꩻ တွဲႏဆွုမ်ႏ ဝွေꩻကတူႏတဲင် မာꩻဝင်ꩻသꩻသဲင်ꩻထိုꩻစွဉ်ႏ ဝွေꩻနဝ်ꩻသွူ။ 5ခြံဗွေႏအွဉ်ႏစွꩻလွေꩻဖျင် သွဉ်းအလင်တဲင် ဝွေꩻသီး မာꩻသီထိုꩻစွဉ်ႏ ဝွေꩻနဝ်ꩻသွူ။ သွဉ်းအလင်ꩻဖုံႏနဝ်ꩻ မာꩻနုဲင်းနဝ်ꩻ နေနေတဲင် ယင်ဟန်ႏနဝ်ꩻ တွဲႏတဲင် အလင်ဖုံႏနဝ်ꩻ မာꩻသီထိုꩻစွဉ်ႏသွူ။ 6ပါꩻခိုအွဉ်ႏစွꩻလွေꩻခရာႏ အဝ်ႏကုဲင်ဒျာႏ ဝွေꩻကရက်ငါႏ ပိုခိုရင်ꩻ တဖြာꩻလွုမ်ꩻသွူ။ တွိုႏနဝ်ꩻ အဆုဲင်ꩻသွတ်ꩻ ဝွေꩻအွဉ်ႏစွꩻလွေꩻ ဝွေꩻပိုခို ခြံခတ်ꩻသားဖုံႏထျꩻသွူ။ ဝွေꩻဒေါ့ꩻ၊ ‘အမဲဉ်ႏနဝ်ꩻ ဝွေꩻသီး အီႏရိုႏသေႏဗာႏဒျာႏ ခွေပိုခို’ နုဲင်းနဝ်ꩻသွူ။ 7ကွဲႏတွော့ꩻ ပါꩻခြံခတ်ꩻသားဖုံႏနဝ်ꩻ တဖြာꩻတွမ်ႏတဖြာꩻ ဒေါ့ꩻဖေႏလို့ဝင်ꩻ၊ ‘ယိုနဝ်ꩻထွာ ခြံဗွေႏအပိုခိုသွူ။ လွဉ်ဟုဲင်း၊ မာꩻသီတွမ် ဝွေꩻတွော့ꩻ ဝွေꩻဥစ္စာႏပစ္စေꩻနဝ်ꩻ အီႏထွာနီထာꩻခြိုꩻ’ နုဲင်းနဝ်ꩻသွူ။ 8နဝ်ꩻမꩻ ဝွေꩻသီး စက်ꩻဆွမ်ꩻစွော့ꩻစွဉ်ႏ အပိုခိုတွော့ꩻ မာꩻသီဝွေꩻတဲင် ဝွေꩻရုပ်ခန္ဓာႏနဝ်ꩻ နုဲင်ႏထန်ႏထိုꩻ တဗဲစ်ဥယျာဉ်ႏခြံ ကောင်းထန်ႏဖဲ့ꩻနဝ်ꩻသွူ။
9ဗွေႏယေသျုရီ၊ “တွိုႏနဝ်ꩻ တဗဲစ်ဥယျာဉ်ႏခြံဗွေႏ အီႏလွဉ်မာꩻထိုꩻ နုဲင်းမုဲင်ꩻဟောင်း။ ဝွေꩻအီႏလွဉ်တဲင် မာꩻသီထိုꩻ လိုꩻကောခတ်ꩻသားဖုံႏတွော့ꩻ တဗဲစ်ဥယျာဉ်ႏခြံနဝ်ꩻ ခတ်ꩻထိုꩻဖေႏတော လိုꩻလင်ဖုံႏနဝ်ꩻသွူ။ 10#သာ ၁၁၈:၂၂၊၂၃။ အမဲဉ်ႏနဝ်ꩻ သီအဝ်ႏဖတ်ဗာႏဖိုလဲဉ်းသွူ ကျမ်ꩻယို တမွေးတဝ်းဟောင်း။
‘လမ်းတယ်ႏသား ကပယ်ႏထိုꩻဒါႏ လုံးတူႏ နုဲင်းအသွုံꩻတကျတဝ်းနဝ်ꩻ၊
အီႏထွာခွိုန်ꩻထိုꩻ အရေႏတန်သွတ်ꩻ ခင်ႏလမ်းကိုသွူ။
11ထာꩻယိုနဝ်ꩻ ထာဝရဘုရာꩻ မာꩻထွာလွဉ်ဒျာႏ၊
မဲ့ဆꩻငါနဝ်ꩻ ဟဝ်အံႏဖြာႏငါႏ ခွိုင်းကားမုဲင်ꩻ’” နုဲင်းနဝ်ꩻသွူ။
12ဝွေꩻဗွေႏ ကအဝ်ႏဒေါ့ꩻဒါႏ ငဝ်းဥပမာႏယိုနဝ်ꩻ အဝ်ႏဒေါ့ꩻခတ်ꩻ ဝွေꩻသီးကျောင်ꩻ ပွိုးတွော့ꩻ ဝွေꩻသီး အဝ်ႏသေဒျာႏ နဝ်ꩻမꩻ ဂျူးလိုꩻတန်ဖုံႏ ကျံႏဆွမ်ꩻ ဗွေႏယေသျု။ ကွဲႏတွော့ꩻ ဝွေꩻသီး အဝ်ႏငမ်းသꩻဗာႏ လိုꩻစွိုꩻဖုံႏအတွက်၊ ဝွေꩻသီး အဝ်ႏဝွေꩻဗွေႏထျꩻ ထန်ႏထိုꩻတဲင် လွေꩻညာꩻထိုꩻစွဉ်ႏဖုံႏသွူ။
ရီပွိုင်းဝွို့တွမ်ႏဖေႏဗာႏအခွဉ်ႏခရာႏ
(မတဲ ၂၂:၁၅–၂၂။ လုကာ ၂၀:၂၀–၂၆)
13ကအီႏဒေါင်ဝွေꩻဗွေႏ စွဉ်ႏငဝ်းရီဖုံႏနဝ်ꩻ ဝွေꩻသီးအွဉ်ႏစွꩻလွဉ် ဖါရီသဲဖုံႏ ယင်ဟန်ႏတွမ်ႏ ဟေရုဒ် အလိုꩻယင်ဟန်ႏ ဗွေႏယေသျုထျꩻနဝ်ꩻသွူ။ 14ဝွေꩻသီးလွဉ်ထေ့ ဗွေႏယေသျုထျꩻတဲင်ဒေါ့ꩻ၊ “ဆရာႏ၊ နီဗွေႏဒေါ့ꩻဒျာႏ အမဲဉ်ႏနဝ်ꩻ နီအဝ်ႏသေ။ နုဲင်းလိုꩻထာꩻယူႏ စဉ်ꩻစာꩻနဝ်ꩻ တနန်းခီတဝ်း။ လိုꩻအဆင်ႏရန်းမုဲင်ꩻတဲ့ နီဗွေႏ တအွဉ်ႏရေꩻတဝ်း၊ ကွဲႏတွော့ꩻ လိုꩻဖုံႏတွက်တာႏ အဝ်ႏသွဉ်သင်ဖေႏဒျာႏ ပွိုင်းဝွို့တွမ်ႏ ဗွေႏဘုရာꩻ အလိုႏတောႏ အမဲဉ်ႏတရာꩻ အတွိုင်ꩻနဝ်ꩻသွူ။ ကအီႏဖေႏဗာႏ ရောမ ဧကရာဇ်ခွန်တန် အခွဉ်ႏနဝ်ꩻ ယားကုဲင်ထိုꩻနေ နီပညတ်တရာꩻဟောင်း။ အခွဉ်ႏဖုံႏနဝ်ꩻ နီအဝ်ႏလိုႏဖေႏ ဧကရာဇ်ခွန်တန်နဲ့။ တထွိုက်ဖေႏတဝ်းနဲ့ဟောင်း။ ဒေါ့ꩻနယ်ဖေႏ နီမွိုင်” နုဲင်းနဝ်ꩻသွူ။
15ကွဲႏတွော့ꩻ ဗွေႏယေသျု အဝ်ႏထီႏဖြောင် ဝွေꩻသီးထာꩻကျံႏ နဝ်ꩻမꩻ လဝ်းချာ၊ “ပွိုးတမုဲင်ꩻ သီအဝ်ႏကျံႏဒေါင် ဗာႏတွိုႏခွေဟောင်း။ အီလွဉ် ရွဉ်ဒင်္ဂါꩻ တဗီႏတွော့ꩻ ရွဉ်ဒင်္ဂါꩻနဝ်ꩻ ဖေႏထွားခွေမွိုင်” နုဲင်းနဝ်ꩻသွူ။
16ဝွေꩻသီးအီလွဉ်ဖေႏ ဝွေꩻဗွေႏ ဒင်္ဂါꩻတဗီႏတဲင် ဝွေꩻဗွေႏရီ၊ “ယိုနဝ်ꩻ ပါꩻမုဲင်ꩻ မဲ့ငါပွုံႏတွမ်ႏ ပါꩻမုဲင်ꩻမဉ်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ဧကရာဇ်ခွန်တန်” နုဲင်းနဝ်ꩻသွူ။
17နဝ်ꩻမꩻ ဗွေႏယေသျုဒေါ့ꩻ၊ “မွေးလဲဉ်း၊ ပေါ့ꩻနုဲင်းနဝ်ꩻနဝ်ꩻ ကဆဲင်ႏဒါႏ ဧကရာဇ်ခွန်တန် ထာꩻခြိုꩻနဝ်ꩻ ဖေႏသွော့ ဧကရာဇ်ခွန်တန်တဲင် ကဆဲင်ႏဒါႏ ဗွေႏဘုရာꩻ ထာꩻခြိုꩻနဝ်ꩻ ဖေႏသွော့ ဗွေႏဘုရာꩻဟုဲင်း” နုဲင်းနဝ်ꩻသွူ။
နဝ်ꩻမꩻ ဝွေꩻသီး အံႏဖြာႏမွေးနေးစွဉ်ႏ ဗွေႏယေသျုနဝ်ꩻသွူ။
ရီပွိုင်းဝွို့တွမ်ႏအဝ်ႏထာꩻသီကိုထွိုင်ႏမွန်လွဉ်ချာခရာႏ
(မတဲ ၂၂:၂၃–၃၃။ လုကာ ၂၀:၂၇–၄၀)
18 #
တ ၂၃:၈။ နဝ်ꩻထွူ လိုꩻနဝ်ꩻ ပေါႏသီထွူ တထွိုင်ႏမွန် လွဉ်ချာတဝ်း ကအဝ်ႏရိုꩻဒါႏ သာဒုကဲဖုံႏ ယင်ဟန်ႏနဝ်ꩻ လွဉ်ထေ့ ဗွေႏယေသျုထျꩻတဲင်ဒေါ့ꩻ၊ 19#ဟော်ꩻ ၂၅:၅။ “ဆရာႏ၊ မောသျေ တဲမ်းသေꩻဖေႏနီတာႏ ပညတ်နုဲင်းယို၊ ‘ပါꩻခိုတဖြာꩻ မဉ်ႏသီထိုꩻတွော့ꩻ ကအဝ်ႏကုဲင်ဒါႏ အမာနဝ်ꩻ အပိုဖုံႏ မဉ်ႏအဲဉ်ထဝ်း ပါꩻခို အဖူးခိုနဝ်ꩻ တောႏလမ်းသွုပ်ဗာႏ မဲမုဲင်းမူႏ ဖေႏနေး ဝွေꩻသီး ကလꩻနွောင်ꩻယင်း ပိုဖုံႏ၊ ပိုနဝ်ꩻ အီႏမတ်ဗာႏဒျာႏ လိုꩻခို ကသီထိုꩻလဲဉ်းနဝ်ꩻ အပိုဖုံႏသွူ။’ 20တလဲင်ႏသားနဝ်ꩻ ပါꩻခိုတဖူးဝေး အဝ်ႏဝင်ꩻနွတ်ꩻ၊ အတန်သွတ်ꩻနဝ်ꩻ တောႏလမ်းတွော့ꩻ အပိုဖုံႏ အဲဉ်ထဝ်းတဲင် သီထိုꩻနဝ်ꩻသွူ။ 21နဝ်ꩻထွူ ဒုတိယတဖြာꩻနဝ်ꩻ တောႏလမ်း ပါꩻမူႏနဝ်ꩻတဲင် ဝွေꩻနဝ်ꩻတဲ့ အပိုဖုံႏ အဲဉ်ထဝ်းတွော့ꩻ သီထိုꩻဒျာႏနဝ်ꩻသွူ။ အဖူးခိုဝင်ꩻသွံကို နဝ်ꩻတဲ့ ထွာဗွိုန်နုဲင်းနဝ်ꩻ နေနေသွူ။ 22နဝ်ꩻထွူ ကအဝ်ႏကုဲင်ဒါႏ အဖူးခိုဖုံႏ ဝင်ꩻနွတ်ꩻလွုမ်းနဝ်ꩻတဲ့ တောႏလမ်းတွမ်ႏ ပါꩻမူႏနဝ်ꩻတဲင် အပိုဖုံႏ အဲဉ်ထဝ်းတွော့ꩻ သီထိုꩻဒျာႏသွူ။ အဆုဲင်ꩻသွတ်ꩻ ပါꩻမူႏနဝ်ꩻတဲ့ သီထိုꩻနဝ်ꩻသွူ။ 23ယိုခါ အဝ်ႏထာꩻသီကို ထွိုင်ႏမွန်လွဉ်ချာမွူးနီꩻ လိုꩻသီ ကားကအဝ်ႏ ထွိုင်ႏမွန်လွဉ်ချိန်ႏ ပါꩻမူႏနဝ်ꩻ အီႏထွာ အဖြာꩻမုဲင်ꩻ မာဟောင်း။ ဝွေꩻသီးဝင်ꩻနွတ်ꩻလွုမ်း တောႏလမ်းလဲဉ်း ဝွေꩻမူႏ” နုဲင်းနဝ်ꩻသွူ။
24ဗွေႏယေသျု လဝ်းချာ ဝွေꩻသီး၊ “သီမွော့ꩻမာႏငါႏ ခွိုင်းကားမုဲင်ꩻ။ ကွပ်ပွိုးတမုဲင်ꩻ သီတသေနာႏ တဝ်းတွိုႏ နုဲင်းမုဲင်ꩻဟောင်း။ နဝ်ꩻနဝ်ꩻ ကွပ်ပွိုး သီတသေနာႏတဝ်း လိတ်ကျမ်ꩻ မဉ်ႏမွေးတဝ်း ဗွေႏဘုရာꩻ အတန်ꩻခိုꩻတောႏ နဝ်ꩻအတွက်သွူ။ 25ပွိုးအဝ်ႏထာꩻသီ ထွိုင်ႏမွန်လွဉ်ချိန်ႏ ဝွေꩻသီး အီႏဗွိုန်နုဲင်းဒျာႏ ခမ်းထီမို့ꩻလောင်းကို တမန်ႏဖုံႏတဲင် အီႏတတောႏလမ်းတဝ်းနဝ်ꩻသွူ။ 26#ထလ ၃:၆။ ယိုခါ နုဲင်းအဝ်ႏထာꩻသီ ထွိုင်ႏမွန်လွဉ်တာႏ သီတဖတ်ဗာႏဖိုတဝ်း မောသျေကျမ်ꩻအုပ်ကို အပိုဒ် မေႏကအဝ်ႏခိုးဒါႏ ထာꩻပုန်ခရာႏနဝ်ꩻဟောင်း။ နဝ်ꩻကိုနဝ်ꩻ အဝ်ႏတဲမ်းသေꩻခါꩻ ဗွေႏဘုရာꩻ မိန်းဖေႏမောသျေ၊ ‘ခွေနဝ်ꩻထွာဒျာႏ အဗြာဟံဘုရာꩻ၊ ဣသဲစ်ဘုရာꩻ၊ ယာကုပ်ဘုရာꩻ။’ 27ဝွေꩻဗွေႏနဝ်ꩻထွာ အသက်အဝ်ႏမွန် ဗွေႏဘုရာꩻ၊ လိုꩻသီဘုရာꩻ တမွေးတဝ်းသွူ။ သီနဝ်ꩻ မာႏလို့လဲဉ်း” နုဲင်းနဝ်ꩻသွူ။
အတန်မျတ်သွတ်ꩻပညတ်တောႏ
(မတဲ ၂၂:၃၄–၄၀။ လုကာ ၁၀:၂၅–၂၈)
28 #
လု ၁၀:၂၅–၂၈။ နဝ်ꩻကို နုဲင်းကအဝ်ႏအုံကွံ လို့ဝင်ꩻနဝ်ꩻ ကျမ်ꩻဒါႏဆရာႏ တဖြာꩻ အဝ်ႏဟွိုန်သွူ။ ဗွေႏယေသျု လဝ်းဖြေႏယံချာ ဖေႏမွေးစွဉ်ႏ သာဒုကဲဖုံႏနဝ်ꩻ ဝွေꩻအဝ်ႏထီႏသွူ။ စွဉ်ႏငဝ်းရီတစွိုးနဝ်ꩻ ဝွေꩻလွဉ်ထေ့ ဝွေꩻဗွေႏထျꩻတဲင်၊ “ပညတ်တောႏဖုံႏ ကားကအဝ်ႏနဝ်ꩻ ပညတ်အပါꩻမုဲင်ꩻထွာ အရေꩻတန်သွတ်ꩻဟောင်း” နုဲင်းနဝ်ꩻသွူ။
29 #
ဟော်ꩻ ၆:၄၊ ၅။ ဗွေႏယေသျုလဝ်းချာ၊ “အရေꩻတန်သွတ်ꩻ အပါꩻနဝ်ꩻ နုဲင်းယို၊ ‘ဣသရေး လိုꩻမျိုꩻဖုံႏ၊ နာႏလွသွော့။ ထာဝရဘုရာꩻ နီဗွေႏဘုရာꩻနဝ်ꩻ ထွာဒျာႏ ထာဝရဘုရာꩻ တဆူႏတပါꩻလွုမ်ꩻသွူ။ 30စွဉ်ႏနာꩻသꩻအာႏ ကားကအဝ်ႏ၊ စွဉ်ႏနာꩻသꩻဝိညာဉ်ႏ စွဉ်ႏဉာဏ်ႏအာႏ ကားကအဝ်ႏ၊ စွဉ်ႏနာꩻအာႏရဲင်ꩻ ကားကအဝ်ႏနဝ်ꩻ ရက်သွော့ ထာဝရဘုရာꩻ နာꩻဗွေႏဘုရာꩻဟုဲင်း။ 31#ဝိ ၁၉:၁၈။ ဒုတိယ အရေꩻတန်သွတ်ꩻ ပညတ်တောႏနဝ်ꩻ နုဲင်းယိုသွူ။ နုဲင်းနာꩻကရက်ချာ နာꩻနမ်းအတွိုင်ꩻနဝ်ꩻ ရက်သွော့ နာꩻလမ်းသောင် လမ်းထျꩻဟုဲင်း။ အရေꩻတန်လွိုကယ်ꩻ ပညတ်တောႏ ယိုနီပါꩻနဝ်ꩻ အလင်တအဲဉ်ထဝ်း” နုဲင်းနဝ်ꩻသွူ။
32 #
ဟော်ꩻ ၄:၃၅။ ကျမ်ꩻဒါႏဆရာႏ ဒေါ့ꩻဖေႏ ဗွေႏယေသျု၊ “မွေးလဲဉ်းသွူ။ နုဲင်းနီဗွေႏကဒေါ့ꩻနဝ်ꩻ ထွာအမဲဉ်ႏ၊ ဗွေႏဘုရာꩻနဝ်ꩻ ထွာဒျာႏ ထာဝရဘုရာꩻ တပါꩻလွုမ်ꩻသွူ။ လွိုဝွေꩻဗွေႏနဝ်ꩻ ဘုရာꩻအလင် တအဲဉ်ထဝ်း။ 33#ဟောသျေ ၆:၆။ နဝ်ꩻမꩻ စွဉ်ႏသီသꩻအာႏ ကားကအဝ်ႏ စွဉ်ႏသီဉာဏ်ႏ ကားကအဝ်ႏတွမ်ႏ စွဉ်ႏသီအစွန်ꩻ အာႏရဲင်ꩻ ကားကအဝ်ႏနဝ်ꩻ သီရက်ဗာႏ ဗွေႏဘုရာꩻတဲင် နုဲင်းသီကရက်ချာ သီနမ်းနဝ်ꩻ ရက်ဗာႏ သီလမ်းသောင် လမ်းထျꩻဖုံႏသွူ။ လွောက်ꩻနာႏ ပညတ်တောႏ ယိုနီပါꩻနဝ်ꩻ အရေꩻတန်ကယ်ꩻလဲဉ်းက ကပူႏဇောႏထင်ႏ ယဇ်ထာꩻသားဖုံႏ ယဇ်ပလ္လင်ႏလောင်းတွမ်ႏ လူႏထင်ႏ ထာဝရဘုရာꩻ ယဇ်ထာꩻသားအလင်ဖုံႏ” နုဲင်းနဝ်ꩻသွူ။ 34ဝွေꩻကလဝ်းချာထာꩻနဝ်ꩻ ဉာဏ်ႏအဝ်ႏငါႏ ခွိုင်းကားမုဲင်ꩻ၊ ဗွေႏယေသျု သေနဝ်ꩻမꩻ ဝွေꩻဗွေႏဒေါ့ꩻဖေႏဝွေꩻ၊ “နာꩻနဝ်ꩻ တညာꩻတဝ်း စွဉ်ႏဗွေႏဘုရာꩻခမ်းထီ” နုဲင်းနဝ်ꩻသွူ။
တယ်ႏယိုထွူ ပါꩻမုဲင်ꩻတဖြာꩻတဲ့ ရီထဲင်းဗွိုန်ႏတဝ်းဒွုမ် ဗွေႏယေသျု တစိꩻစိꩻသွူ။
ရီပွိုင်းဝွို့တွမ်ႏမေသျိယခရာႏ
(မတဲ ၂၂:၄၁–၄၆။ လုကာ ၂၀:၄၁–၄၄)
35နုဲင်းဗွေႏယေသျု အဝ်ႏသွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုချိန်ႏ၊ ဝွေꩻဗွေႏရီ၊ “မေသျိယနဝ်ꩻ အီႏထွာဗာႏဒျာႏ ဒါဝိဒ် အပိုလီꩻစွိုးခွိုꩻ ပွိုးတမုဲင်ꩻ ကျမ်ꩻဒါႏဆရာႏဖုံႏ ရိုꩻဗာႏတွိုႏ နုဲင်းနဝ်ꩻဟောင်း။ 36#သာ ၁၁၀:၁။ ဝိညာဉ်ႏကြောင်းစင် တမာဖေႏ ဒါဝိဒ်ဖေႏကရိုꩻ၊
‘ထာဝရဘုရာꩻ မိန်းဖေႏခွေအဗွေႏ၊
ဗꩻတွိုႏစွဉ်ႏ ခွေအွဉ်ႏ နာꩻရန်ႏသူႏဖုံႏ ခွေကအွဉ်ႏ နာꩻခင်ႏဆလနဝ်ꩻ
နာꩻအုံလင်ꩻသွော့ ခွေစူထွေဖဲ့ꩻယိုကို၊’ နုဲင်းနဝ်ꩻသွူ။
37ဒါဝိဒ် နမ်းကိုယ်ႏတဲင်ႏနဝ်ꩻ ဟဲ့ꩻဝွေꩻ ‘ဗွေႏ’ နုဲင်းနဝ်ꩻသွူ။ နဝ်ꩻမꩻ မေသျိယနဝ်ꩻ အီႏထွာနွောင်ꩻ ဒါဝိဒ်ပိုလီꩻစွိုးခွိုꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျုဖေႏသတိꩻဖေႏကဆန်ကျမ်ꩻဒါႏဆရာႏဖုံႏ
(မတဲ ၂၃:၁–၃၆။ လုကာ ၂၀:၄၅–၄၇)
လိုꩻစွိုꩻဖုံႏနဝ်ꩻ စွဉ်ႏထာꩻသꩻဟဝ်သꩻရေꩻ အဝ်ႏနာႏ ဗွေႏယေသျု ထာꩻသွဉ်သင်ဖုံႏသွူ။ 38နုဲင်းဝွေꩻဗွေႏ ကအဝ်ႏသွဉ်သင်ဖေႏ ဝွေꩻသီးချိန်ႏ၊ ဝွေꩻဗွေႏဒေါ့ꩻ၊ “အွဉ်ႏသတိသွော့ ကျမ်ꩻဒါႏဆရာႏဖုံႏ၊ ဝွေꩻသီးနဝ်ꩻ ကꩻစွဉ်ႏ ဆဲင်ꩻယွုံးတန်ဆွာꩻတွော့ꩻ ထောင်လွေꩻတဖူꩻလောင်း တွမ်ႏဈေꩻတန်ꩻခါႏကို ဝင်ꩻမဉ်ႏရိုႏသေႏ နုတ်ဆက်နဝ်ꩻ ကျွိုက်နစ်သက်ငါႏဖုံႏသွူ။ 39တရာꩻစရွပ်ကို တွမ်ႏပွယ်ꩻကိုနဝ်ꩻတဲ့ လွိုက် ဝင်ꩻကအွဉ်ႏဖေႏ ခင်ႏလမ်းဟဝ်ကိုသွူ။ 40ဝွေꩻသီႏထူႏ အခွင်ꩻအရေꩻ မဲမုဲင်းမူႏထျꩻတဲင် ရိမ်ထူႏထိုꩻ ဝွေꩻသီး လမ်းဖုံႏထွူတွော့ꩻ ဆုတောင်ꩻ ဆွာꩻနယ်ဘုရာꩻသွူ။ ဝွေꩻသီးက ခံႏဗာႏ ထာꩻစီႏရင်ႏချက်နဝ်ꩻ အီႏဟုဲင်းလွို ကယ်ꩻလဲဉ်းဝင်ꩻနဝ်ꩻသွူ။
မဲမုဲင်းမူႏအထာꩻလူႏ
(လုကာ ၂၁:၁–၄)
41ဗွေႏယေသျု အဝ်ႏအုံလင်ဗော့ꩻ ဗိမာန်ႏတောႏကျောင်ꩻ ဘဏ္ဍာႏတွိုက်ထျꩻတဲင် နုဲင်းဝွေꩻသီးကသော့ꩻဒါႏ ဝွေꩻသီး ရွဉ်လူႏဖုံႏနဝ်ꩻ ဝွေꩻဗွေႏ အဝ်ႏအုံပွေါးထွားနဝ်ꩻသွူ။ လိုꩻခြွေအာငါႏဖုံႏနဝ်ꩻ သော့ꩻအာ မွေးနေးစွဉ်ႏ ဝွေꩻသီးအရွဉ်ဖုံႏသွူ။ 42နဝ်ꩻထွူ မဲမုဲင်းမူႏ ကေန်ꩻခြောတဖြာꩻနဝ်ꩻ လွဉ်တဲင် သော့ꩻရွဉ်ယွဲ နီဗီႏတွော့ꩻ တံꩻဖိုꩻတန်ႏ တဗီႏလွုမ်ꩻသွူ။ 43ဝွေꩻဗွေႏဟဲ့ꩻစုဗူႏ ဝွေꩻဗွေႏ တပဲ့တောႏဖုံႏတဲင် ဒေါ့ꩻဖေႏဝွေꩻသီး၊ “ခွေဒေါ့ꩻဖေႏသီ မဲမုဲင်းမူႏကေန်ꩻခြော ကသော့ꩻဒါႏ ရွဉ်လူႏတွိုက်ကိုနဝ်ꩻ အာလွိုလဲဉ်းက လိုꩻလင်ဖုံႏ ကားကအဝ်ႏနဝ်ꩻသွူ။ 44ပွိုးလိုꩻလင်ဖုံႏကသော့ꩻဒါႏ ရွဉ်ထာꩻလူႏနဝ်ꩻ နုဲင်းဝွေꩻသီး ထာꩻခြွေချမ်ꩻသာႏအကို သော့ꩻဒျာႏ အမော့အနာဖုံႏလွုမ်ꩻသွူ။ ကွဲႏတွော့ꩻ မဲမုဲင်းမူႏနဝ်ꩻ ကေန်ꩻခြောငါႏ စွဉ်ႏကဲႏတဲ့ ဝွေꩻမူႏကအဝ်ႏနဝ်ꩻ သော့ꩻလို့လဲဉ်း ဝွေꩻမူႏ အသက်မွန်တာႏနဝ်ꩻ ဝွေꩻမူႏဖေႏလို့လဲဉ်း” နုဲင်းနဝ်ꩻသွူ။
ទើបបានជ្រើសរើសហើយ៖
မာကု 12: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မာကု 12
12
တဗဲစ်ဥယျာဉ်ႏခြံခတ်ꩻသားပွုံႏဥပမာႏ
(မတဲ ၂၁:၃၃–၄၆။ လုကာ ၂၀:၉–၁၉)
1 # ဟေသျာ ၅:၁၊ ၂။ နဝ်ꩻထွူ ဗွေႏယေသျု ဒေါ့ꩻနယ်ဖေႏဝွေꩻသီး တွမ်ႏငဝ်းဥပမာႏဖုံႏနဝ်ꩻ၊ “တလဲင်ႏသား ပါꩻခိုတဖြာꩻနဝ်ꩻ ဆို့ꩻတဗဲစ်ဥယျာဉ်ႏ ခြံတခြံ၊ ဖေါင်ꩻခူသေꩻခါꩻ တဗဲစ်ဥယျာဉ်ႏခြံ အီႏနျꩻ ဝုဲင်တာႏ ခူႏသေꩻခါꩻ ထာꩻအောင်တွော့ꩻ တယ်ႏသေꩻခါꩻ ရန်းခြေင်ႏတွိုက်ထို အုံပွေါးထွား တဗဲစ်ခြံတာႏသွူ။ နဝ်ꩻထွူ တဗဲစ်ခြံနဝ်ꩻ ဝွေꩻခတ်ꩻထိုꩻဖေႏ ကောခတ်ꩻသားတဲင် အဝ်ႏအလမ်း ထန်ႏလွေꩻထိုꩻ တဖူꩻနဝ်ꩻသွူ။ 2စုသိမ်ꩻအရာႏဖုံႏ ထွိုင်ႏတွိုႏလွဉ်ချိန်ႏ ဖေႏကလꩻ ဝွေꩻခြံခတ်ꩻခနဝ်ꩻ ဝွေꩻအွဉ်ႏစွꩻလွဉ် အသွဉ်းတဖြာꩻ ကောခတ်ꩻသားထျꩻသွူ။ 3ကောခတ်ꩻခြံသားနဝ်ꩻ ဆွမ်ꩻဆွုမ်ႏအသွဉ်း တွဲႏဝွေꩻတဲင် အွဉ်ႏစွꩻသဲင်ꩻချာ ခြေင်စွဉ်ႏဝွေꩻနဝ်ꩻသွူ။ 4နဝ်ꩻထွူ ခြံဗွေႏ အွဉ်ႏစွꩻလွေꩻဖျင် သွဉ်းအလင်တွော့ꩻ ကောခတ်ꩻသားနဝ်ꩻ တွဲႏဆွုမ်ႏ ဝွေꩻကတူႏတဲင် မာꩻဝင်ꩻသꩻသဲင်ꩻထိုꩻစွဉ်ႏ ဝွေꩻနဝ်ꩻသွူ။ 5ခြံဗွေႏအွဉ်ႏစွꩻလွေꩻဖျင် သွဉ်းအလင်တဲင် ဝွေꩻသီး မာꩻသီထိုꩻစွဉ်ႏ ဝွေꩻနဝ်ꩻသွူ။ သွဉ်းအလင်ꩻဖုံႏနဝ်ꩻ မာꩻနုဲင်းနဝ်ꩻ နေနေတဲင် ယင်ဟန်ႏနဝ်ꩻ တွဲႏတဲင် အလင်ဖုံႏနဝ်ꩻ မာꩻသီထိုꩻစွဉ်ႏသွူ။ 6ပါꩻခိုအွဉ်ႏစွꩻလွေꩻခရာႏ အဝ်ႏကုဲင်ဒျာႏ ဝွေꩻကရက်ငါႏ ပိုခိုရင်ꩻ တဖြာꩻလွုမ်ꩻသွူ။ တွိုႏနဝ်ꩻ အဆုဲင်ꩻသွတ်ꩻ ဝွေꩻအွဉ်ႏစွꩻလွေꩻ ဝွေꩻပိုခို ခြံခတ်ꩻသားဖုံႏထျꩻသွူ။ ဝွေꩻဒေါ့ꩻ၊ ‘အမဲဉ်ႏနဝ်ꩻ ဝွေꩻသီး အီႏရိုႏသေႏဗာႏဒျာႏ ခွေပိုခို’ နုဲင်းနဝ်ꩻသွူ။ 7ကွဲႏတွော့ꩻ ပါꩻခြံခတ်ꩻသားဖုံႏနဝ်ꩻ တဖြာꩻတွမ်ႏတဖြာꩻ ဒေါ့ꩻဖေႏလို့ဝင်ꩻ၊ ‘ယိုနဝ်ꩻထွာ ခြံဗွေႏအပိုခိုသွူ။ လွဉ်ဟုဲင်း၊ မာꩻသီတွမ် ဝွေꩻတွော့ꩻ ဝွေꩻဥစ္စာႏပစ္စေꩻနဝ်ꩻ အီႏထွာနီထာꩻခြိုꩻ’ နုဲင်းနဝ်ꩻသွူ။ 8နဝ်ꩻမꩻ ဝွေꩻသီး စက်ꩻဆွမ်ꩻစွော့ꩻစွဉ်ႏ အပိုခိုတွော့ꩻ မာꩻသီဝွေꩻတဲင် ဝွေꩻရုပ်ခန္ဓာႏနဝ်ꩻ နုဲင်ႏထန်ႏထိုꩻ တဗဲစ်ဥယျာဉ်ႏခြံ ကောင်းထန်ႏဖဲ့ꩻနဝ်ꩻသွူ။
9ဗွေႏယေသျုရီ၊ “တွိုႏနဝ်ꩻ တဗဲစ်ဥယျာဉ်ႏခြံဗွေႏ အီႏလွဉ်မာꩻထိုꩻ နုဲင်းမုဲင်ꩻဟောင်း။ ဝွေꩻအီႏလွဉ်တဲင် မာꩻသီထိုꩻ လိုꩻကောခတ်ꩻသားဖုံႏတွော့ꩻ တဗဲစ်ဥယျာဉ်ႏခြံနဝ်ꩻ ခတ်ꩻထိုꩻဖေႏတော လိုꩻလင်ဖုံႏနဝ်ꩻသွူ။ 10#သာ ၁၁၈:၂၂၊၂၃။ အမဲဉ်ႏနဝ်ꩻ သီအဝ်ႏဖတ်ဗာႏဖိုလဲဉ်းသွူ ကျမ်ꩻယို တမွေးတဝ်းဟောင်း။
‘လမ်းတယ်ႏသား ကပယ်ႏထိုꩻဒါႏ လုံးတူႏ နုဲင်းအသွုံꩻတကျတဝ်းနဝ်ꩻ၊
အီႏထွာခွိုန်ꩻထိုꩻ အရေႏတန်သွတ်ꩻ ခင်ႏလမ်းကိုသွူ။
11ထာꩻယိုနဝ်ꩻ ထာဝရဘုရာꩻ မာꩻထွာလွဉ်ဒျာႏ၊
မဲ့ဆꩻငါနဝ်ꩻ ဟဝ်အံႏဖြာႏငါႏ ခွိုင်းကားမုဲင်ꩻ’” နုဲင်းနဝ်ꩻသွူ။
12ဝွေꩻဗွေႏ ကအဝ်ႏဒေါ့ꩻဒါႏ ငဝ်းဥပမာႏယိုနဝ်ꩻ အဝ်ႏဒေါ့ꩻခတ်ꩻ ဝွေꩻသီးကျောင်ꩻ ပွိုးတွော့ꩻ ဝွေꩻသီး အဝ်ႏသေဒျာႏ နဝ်ꩻမꩻ ဂျူးလိုꩻတန်ဖုံႏ ကျံႏဆွမ်ꩻ ဗွေႏယေသျု။ ကွဲႏတွော့ꩻ ဝွေꩻသီး အဝ်ႏငမ်းသꩻဗာႏ လိုꩻစွိုꩻဖုံႏအတွက်၊ ဝွေꩻသီး အဝ်ႏဝွေꩻဗွေႏထျꩻ ထန်ႏထိုꩻတဲင် လွေꩻညာꩻထိုꩻစွဉ်ႏဖုံႏသွူ။
ရီပွိုင်းဝွို့တွမ်ႏဖေႏဗာႏအခွဉ်ႏခရာႏ
(မတဲ ၂၂:၁၅–၂၂။ လုကာ ၂၀:၂၀–၂၆)
13ကအီႏဒေါင်ဝွေꩻဗွေႏ စွဉ်ႏငဝ်းရီဖုံႏနဝ်ꩻ ဝွေꩻသီးအွဉ်ႏစွꩻလွဉ် ဖါရီသဲဖုံႏ ယင်ဟန်ႏတွမ်ႏ ဟေရုဒ် အလိုꩻယင်ဟန်ႏ ဗွေႏယေသျုထျꩻနဝ်ꩻသွူ။ 14ဝွေꩻသီးလွဉ်ထေ့ ဗွေႏယေသျုထျꩻတဲင်ဒေါ့ꩻ၊ “ဆရာႏ၊ နီဗွေႏဒေါ့ꩻဒျာႏ အမဲဉ်ႏနဝ်ꩻ နီအဝ်ႏသေ။ နုဲင်းလိုꩻထာꩻယူႏ စဉ်ꩻစာꩻနဝ်ꩻ တနန်းခီတဝ်း။ လိုꩻအဆင်ႏရန်းမုဲင်ꩻတဲ့ နီဗွေႏ တအွဉ်ႏရေꩻတဝ်း၊ ကွဲႏတွော့ꩻ လိုꩻဖုံႏတွက်တာႏ အဝ်ႏသွဉ်သင်ဖေႏဒျာႏ ပွိုင်းဝွို့တွမ်ႏ ဗွေႏဘုရာꩻ အလိုႏတောႏ အမဲဉ်ႏတရာꩻ အတွိုင်ꩻနဝ်ꩻသွူ။ ကအီႏဖေႏဗာႏ ရောမ ဧကရာဇ်ခွန်တန် အခွဉ်ႏနဝ်ꩻ ယားကုဲင်ထိုꩻနေ နီပညတ်တရာꩻဟောင်း။ အခွဉ်ႏဖုံႏနဝ်ꩻ နီအဝ်ႏလိုႏဖေႏ ဧကရာဇ်ခွန်တန်နဲ့။ တထွိုက်ဖေႏတဝ်းနဲ့ဟောင်း။ ဒေါ့ꩻနယ်ဖေႏ နီမွိုင်” နုဲင်းနဝ်ꩻသွူ။
15ကွဲႏတွော့ꩻ ဗွေႏယေသျု အဝ်ႏထီႏဖြောင် ဝွေꩻသီးထာꩻကျံႏ နဝ်ꩻမꩻ လဝ်းချာ၊ “ပွိုးတမုဲင်ꩻ သီအဝ်ႏကျံႏဒေါင် ဗာႏတွိုႏခွေဟောင်း။ အီလွဉ် ရွဉ်ဒင်္ဂါꩻ တဗီႏတွော့ꩻ ရွဉ်ဒင်္ဂါꩻနဝ်ꩻ ဖေႏထွားခွေမွိုင်” နုဲင်းနဝ်ꩻသွူ။
16ဝွေꩻသီးအီလွဉ်ဖေႏ ဝွေꩻဗွေႏ ဒင်္ဂါꩻတဗီႏတဲင် ဝွေꩻဗွေႏရီ၊ “ယိုနဝ်ꩻ ပါꩻမုဲင်ꩻ မဲ့ငါပွုံႏတွမ်ႏ ပါꩻမုဲင်ꩻမဉ်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ဧကရာဇ်ခွန်တန်” နုဲင်းနဝ်ꩻသွူ။
17နဝ်ꩻမꩻ ဗွေႏယေသျုဒေါ့ꩻ၊ “မွေးလဲဉ်း၊ ပေါ့ꩻနုဲင်းနဝ်ꩻနဝ်ꩻ ကဆဲင်ႏဒါႏ ဧကရာဇ်ခွန်တန် ထာꩻခြိုꩻနဝ်ꩻ ဖေႏသွော့ ဧကရာဇ်ခွန်တန်တဲင် ကဆဲင်ႏဒါႏ ဗွေႏဘုရာꩻ ထာꩻခြိုꩻနဝ်ꩻ ဖေႏသွော့ ဗွေႏဘုရာꩻဟုဲင်း” နုဲင်းနဝ်ꩻသွူ။
နဝ်ꩻမꩻ ဝွေꩻသီး အံႏဖြာႏမွေးနေးစွဉ်ႏ ဗွေႏယေသျုနဝ်ꩻသွူ။
ရီပွိုင်းဝွို့တွမ်ႏအဝ်ႏထာꩻသီကိုထွိုင်ႏမွန်လွဉ်ချာခရာႏ
(မတဲ ၂၂:၂၃–၃၃။ လုကာ ၂၀:၂၇–၄၀)
18 #
တ ၂၃:၈။ နဝ်ꩻထွူ လိုꩻနဝ်ꩻ ပေါႏသီထွူ တထွိုင်ႏမွန် လွဉ်ချာတဝ်း ကအဝ်ႏရိုꩻဒါႏ သာဒုကဲဖုံႏ ယင်ဟန်ႏနဝ်ꩻ လွဉ်ထေ့ ဗွေႏယေသျုထျꩻတဲင်ဒေါ့ꩻ၊ 19#ဟော်ꩻ ၂၅:၅။ “ဆရာႏ၊ မောသျေ တဲမ်းသေꩻဖေႏနီတာႏ ပညတ်နုဲင်းယို၊ ‘ပါꩻခိုတဖြာꩻ မဉ်ႏသီထိုꩻတွော့ꩻ ကအဝ်ႏကုဲင်ဒါႏ အမာနဝ်ꩻ အပိုဖုံႏ မဉ်ႏအဲဉ်ထဝ်း ပါꩻခို အဖူးခိုနဝ်ꩻ တောႏလမ်းသွုပ်ဗာႏ မဲမုဲင်းမူႏ ဖေႏနေး ဝွေꩻသီး ကလꩻနွောင်ꩻယင်း ပိုဖုံႏ၊ ပိုနဝ်ꩻ အီႏမတ်ဗာႏဒျာႏ လိုꩻခို ကသီထိုꩻလဲဉ်းနဝ်ꩻ အပိုဖုံႏသွူ။’ 20တလဲင်ႏသားနဝ်ꩻ ပါꩻခိုတဖူးဝေး အဝ်ႏဝင်ꩻနွတ်ꩻ၊ အတန်သွတ်ꩻနဝ်ꩻ တောႏလမ်းတွော့ꩻ အပိုဖုံႏ အဲဉ်ထဝ်းတဲင် သီထိုꩻနဝ်ꩻသွူ။ 21နဝ်ꩻထွူ ဒုတိယတဖြာꩻနဝ်ꩻ တောႏလမ်း ပါꩻမူႏနဝ်ꩻတဲင် ဝွေꩻနဝ်ꩻတဲ့ အပိုဖုံႏ အဲဉ်ထဝ်းတွော့ꩻ သီထိုꩻဒျာႏနဝ်ꩻသွူ။ အဖူးခိုဝင်ꩻသွံကို နဝ်ꩻတဲ့ ထွာဗွိုန်နုဲင်းနဝ်ꩻ နေနေသွူ။ 22နဝ်ꩻထွူ ကအဝ်ႏကုဲင်ဒါႏ အဖူးခိုဖုံႏ ဝင်ꩻနွတ်ꩻလွုမ်းနဝ်ꩻတဲ့ တောႏလမ်းတွမ်ႏ ပါꩻမူႏနဝ်ꩻတဲင် အပိုဖုံႏ အဲဉ်ထဝ်းတွော့ꩻ သီထိုꩻဒျာႏသွူ။ အဆုဲင်ꩻသွတ်ꩻ ပါꩻမူႏနဝ်ꩻတဲ့ သီထိုꩻနဝ်ꩻသွူ။ 23ယိုခါ အဝ်ႏထာꩻသီကို ထွိုင်ႏမွန်လွဉ်ချာမွူးနီꩻ လိုꩻသီ ကားကအဝ်ႏ ထွိုင်ႏမွန်လွဉ်ချိန်ႏ ပါꩻမူႏနဝ်ꩻ အီႏထွာ အဖြာꩻမုဲင်ꩻ မာဟောင်း။ ဝွေꩻသီးဝင်ꩻနွတ်ꩻလွုမ်း တောႏလမ်းလဲဉ်း ဝွေꩻမူႏ” နုဲင်းနဝ်ꩻသွူ။
24ဗွေႏယေသျု လဝ်းချာ ဝွေꩻသီး၊ “သီမွော့ꩻမာႏငါႏ ခွိုင်းကားမုဲင်ꩻ။ ကွပ်ပွိုးတမုဲင်ꩻ သီတသေနာႏ တဝ်းတွိုႏ နုဲင်းမုဲင်ꩻဟောင်း။ နဝ်ꩻနဝ်ꩻ ကွပ်ပွိုး သီတသေနာႏတဝ်း လိတ်ကျမ်ꩻ မဉ်ႏမွေးတဝ်း ဗွေႏဘုရာꩻ အတန်ꩻခိုꩻတောႏ နဝ်ꩻအတွက်သွူ။ 25ပွိုးအဝ်ႏထာꩻသီ ထွိုင်ႏမွန်လွဉ်ချိန်ႏ ဝွေꩻသီး အီႏဗွိုန်နုဲင်းဒျာႏ ခမ်းထီမို့ꩻလောင်းကို တမန်ႏဖုံႏတဲင် အီႏတတောႏလမ်းတဝ်းနဝ်ꩻသွူ။ 26#ထလ ၃:၆။ ယိုခါ နုဲင်းအဝ်ႏထာꩻသီ ထွိုင်ႏမွန်လွဉ်တာႏ သီတဖတ်ဗာႏဖိုတဝ်း မောသျေကျမ်ꩻအုပ်ကို အပိုဒ် မေႏကအဝ်ႏခိုးဒါႏ ထာꩻပုန်ခရာႏနဝ်ꩻဟောင်း။ နဝ်ꩻကိုနဝ်ꩻ အဝ်ႏတဲမ်းသေꩻခါꩻ ဗွေႏဘုရာꩻ မိန်းဖေႏမောသျေ၊ ‘ခွေနဝ်ꩻထွာဒျာႏ အဗြာဟံဘုရာꩻ၊ ဣသဲစ်ဘုရာꩻ၊ ယာကုပ်ဘုရာꩻ။’ 27ဝွေꩻဗွေႏနဝ်ꩻထွာ အသက်အဝ်ႏမွန် ဗွေႏဘုရာꩻ၊ လိုꩻသီဘုရာꩻ တမွေးတဝ်းသွူ။ သီနဝ်ꩻ မာႏလို့လဲဉ်း” နုဲင်းနဝ်ꩻသွူ။
အတန်မျတ်သွတ်ꩻပညတ်တောႏ
(မတဲ ၂၂:၃၄–၄၀။ လုကာ ၁၀:၂၅–၂၈)
28 #
လု ၁၀:၂၅–၂၈။ နဝ်ꩻကို နုဲင်းကအဝ်ႏအုံကွံ လို့ဝင်ꩻနဝ်ꩻ ကျမ်ꩻဒါႏဆရာႏ တဖြာꩻ အဝ်ႏဟွိုန်သွူ။ ဗွေႏယေသျု လဝ်းဖြေႏယံချာ ဖေႏမွေးစွဉ်ႏ သာဒုကဲဖုံႏနဝ်ꩻ ဝွေꩻအဝ်ႏထီႏသွူ။ စွဉ်ႏငဝ်းရီတစွိုးနဝ်ꩻ ဝွေꩻလွဉ်ထေ့ ဝွေꩻဗွေႏထျꩻတဲင်၊ “ပညတ်တောႏဖုံႏ ကားကအဝ်ႏနဝ်ꩻ ပညတ်အပါꩻမုဲင်ꩻထွာ အရေꩻတန်သွတ်ꩻဟောင်း” နုဲင်းနဝ်ꩻသွူ။
29 #
ဟော်ꩻ ၆:၄၊ ၅။ ဗွေႏယေသျုလဝ်းချာ၊ “အရေꩻတန်သွတ်ꩻ အပါꩻနဝ်ꩻ နုဲင်းယို၊ ‘ဣသရေး လိုꩻမျိုꩻဖုံႏ၊ နာႏလွသွော့။ ထာဝရဘုရာꩻ နီဗွေႏဘုရာꩻနဝ်ꩻ ထွာဒျာႏ ထာဝရဘုရာꩻ တဆူႏတပါꩻလွုမ်ꩻသွူ။ 30စွဉ်ႏနာꩻသꩻအာႏ ကားကအဝ်ႏ၊ စွဉ်ႏနာꩻသꩻဝိညာဉ်ႏ စွဉ်ႏဉာဏ်ႏအာႏ ကားကအဝ်ႏ၊ စွဉ်ႏနာꩻအာႏရဲင်ꩻ ကားကအဝ်ႏနဝ်ꩻ ရက်သွော့ ထာဝရဘုရာꩻ နာꩻဗွေႏဘုရာꩻဟုဲင်း။ 31#ဝိ ၁၉:၁၈။ ဒုတိယ အရေꩻတန်သွတ်ꩻ ပညတ်တောႏနဝ်ꩻ နုဲင်းယိုသွူ။ နုဲင်းနာꩻကရက်ချာ နာꩻနမ်းအတွိုင်ꩻနဝ်ꩻ ရက်သွော့ နာꩻလမ်းသောင် လမ်းထျꩻဟုဲင်း။ အရေꩻတန်လွိုကယ်ꩻ ပညတ်တောႏ ယိုနီပါꩻနဝ်ꩻ အလင်တအဲဉ်ထဝ်း” နုဲင်းနဝ်ꩻသွူ။
32 #
ဟော်ꩻ ၄:၃၅။ ကျမ်ꩻဒါႏဆရာႏ ဒေါ့ꩻဖေႏ ဗွေႏယေသျု၊ “မွေးလဲဉ်းသွူ။ နုဲင်းနီဗွေႏကဒေါ့ꩻနဝ်ꩻ ထွာအမဲဉ်ႏ၊ ဗွေႏဘုရာꩻနဝ်ꩻ ထွာဒျာႏ ထာဝရဘုရာꩻ တပါꩻလွုမ်ꩻသွူ။ လွိုဝွေꩻဗွေႏနဝ်ꩻ ဘုရာꩻအလင် တအဲဉ်ထဝ်း။ 33#ဟောသျေ ၆:၆။ နဝ်ꩻမꩻ စွဉ်ႏသီသꩻအာႏ ကားကအဝ်ႏ စွဉ်ႏသီဉာဏ်ႏ ကားကအဝ်ႏတွမ်ႏ စွဉ်ႏသီအစွန်ꩻ အာႏရဲင်ꩻ ကားကအဝ်ႏနဝ်ꩻ သီရက်ဗာႏ ဗွေႏဘုရာꩻတဲင် နုဲင်းသီကရက်ချာ သီနမ်းနဝ်ꩻ ရက်ဗာႏ သီလမ်းသောင် လမ်းထျꩻဖုံႏသွူ။ လွောက်ꩻနာႏ ပညတ်တောႏ ယိုနီပါꩻနဝ်ꩻ အရေꩻတန်ကယ်ꩻလဲဉ်းက ကပူႏဇောႏထင်ႏ ယဇ်ထာꩻသားဖုံႏ ယဇ်ပလ္လင်ႏလောင်းတွမ်ႏ လူႏထင်ႏ ထာဝရဘုရာꩻ ယဇ်ထာꩻသားအလင်ဖုံႏ” နုဲင်းနဝ်ꩻသွူ။ 34ဝွေꩻကလဝ်းချာထာꩻနဝ်ꩻ ဉာဏ်ႏအဝ်ႏငါႏ ခွိုင်းကားမုဲင်ꩻ၊ ဗွေႏယေသျု သေနဝ်ꩻမꩻ ဝွေꩻဗွေႏဒေါ့ꩻဖေႏဝွေꩻ၊ “နာꩻနဝ်ꩻ တညာꩻတဝ်း စွဉ်ႏဗွေႏဘုရာꩻခမ်းထီ” နုဲင်းနဝ်ꩻသွူ။
တယ်ႏယိုထွူ ပါꩻမုဲင်ꩻတဖြာꩻတဲ့ ရီထဲင်းဗွိုန်ႏတဝ်းဒွုမ် ဗွေႏယေသျု တစိꩻစိꩻသွူ။
ရီပွိုင်းဝွို့တွမ်ႏမေသျိယခရာႏ
(မတဲ ၂၂:၄၁–၄၆။ လုကာ ၂၀:၄၁–၄၄)
35နုဲင်းဗွေႏယေသျု အဝ်ႏသွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုချိန်ႏ၊ ဝွေꩻဗွေႏရီ၊ “မေသျိယနဝ်ꩻ အီႏထွာဗာႏဒျာႏ ဒါဝိဒ် အပိုလီꩻစွိုးခွိုꩻ ပွိုးတမုဲင်ꩻ ကျမ်ꩻဒါႏဆရာႏဖုံႏ ရိုꩻဗာႏတွိုႏ နုဲင်းနဝ်ꩻဟောင်း။ 36#သာ ၁၁၀:၁။ ဝိညာဉ်ႏကြောင်းစင် တမာဖေႏ ဒါဝိဒ်ဖေႏကရိုꩻ၊
‘ထာဝရဘုရာꩻ မိန်းဖေႏခွေအဗွေႏ၊
ဗꩻတွိုႏစွဉ်ႏ ခွေအွဉ်ႏ နာꩻရန်ႏသူႏဖုံႏ ခွေကအွဉ်ႏ နာꩻခင်ႏဆလနဝ်ꩻ
နာꩻအုံလင်ꩻသွော့ ခွေစူထွေဖဲ့ꩻယိုကို၊’ နုဲင်းနဝ်ꩻသွူ။
37ဒါဝိဒ် နမ်းကိုယ်ႏတဲင်ႏနဝ်ꩻ ဟဲ့ꩻဝွေꩻ ‘ဗွေႏ’ နုဲင်းနဝ်ꩻသွူ။ နဝ်ꩻမꩻ မေသျိယနဝ်ꩻ အီႏထွာနွောင်ꩻ ဒါဝိဒ်ပိုလီꩻစွိုးခွိုꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျုဖေႏသတိꩻဖေႏကဆန်ကျမ်ꩻဒါႏဆရာႏဖုံႏ
(မတဲ ၂၃:၁–၃၆။ လုကာ ၂၀:၄၅–၄၇)
လိုꩻစွိုꩻဖုံႏနဝ်ꩻ စွဉ်ႏထာꩻသꩻဟဝ်သꩻရေꩻ အဝ်ႏနာႏ ဗွေႏယေသျု ထာꩻသွဉ်သင်ဖုံႏသွူ။ 38နုဲင်းဝွေꩻဗွေႏ ကအဝ်ႏသွဉ်သင်ဖေႏ ဝွေꩻသီးချိန်ႏ၊ ဝွေꩻဗွေႏဒေါ့ꩻ၊ “အွဉ်ႏသတိသွော့ ကျမ်ꩻဒါႏဆရာႏဖုံႏ၊ ဝွေꩻသီးနဝ်ꩻ ကꩻစွဉ်ႏ ဆဲင်ꩻယွုံးတန်ဆွာꩻတွော့ꩻ ထောင်လွေꩻတဖူꩻလောင်း တွမ်ႏဈေꩻတန်ꩻခါႏကို ဝင်ꩻမဉ်ႏရိုႏသေႏ နုတ်ဆက်နဝ်ꩻ ကျွိုက်နစ်သက်ငါႏဖုံႏသွူ။ 39တရာꩻစရွပ်ကို တွမ်ႏပွယ်ꩻကိုနဝ်ꩻတဲ့ လွိုက် ဝင်ꩻကအွဉ်ႏဖေႏ ခင်ႏလမ်းဟဝ်ကိုသွူ။ 40ဝွေꩻသီႏထူႏ အခွင်ꩻအရေꩻ မဲမုဲင်းမူႏထျꩻတဲင် ရိမ်ထူႏထိုꩻ ဝွေꩻသီး လမ်းဖုံႏထွူတွော့ꩻ ဆုတောင်ꩻ ဆွာꩻနယ်ဘုရာꩻသွူ။ ဝွေꩻသီးက ခံႏဗာႏ ထာꩻစီႏရင်ႏချက်နဝ်ꩻ အီႏဟုဲင်းလွို ကယ်ꩻလဲဉ်းဝင်ꩻနဝ်ꩻသွူ။
မဲမုဲင်းမူႏအထာꩻလူႏ
(လုကာ ၂၁:၁–၄)
41ဗွေႏယေသျု အဝ်ႏအုံလင်ဗော့ꩻ ဗိမာန်ႏတောႏကျောင်ꩻ ဘဏ္ဍာႏတွိုက်ထျꩻတဲင် နုဲင်းဝွေꩻသီးကသော့ꩻဒါႏ ဝွေꩻသီး ရွဉ်လူႏဖုံႏနဝ်ꩻ ဝွေꩻဗွေႏ အဝ်ႏအုံပွေါးထွားနဝ်ꩻသွူ။ လိုꩻခြွေအာငါႏဖုံႏနဝ်ꩻ သော့ꩻအာ မွေးနေးစွဉ်ႏ ဝွေꩻသီးအရွဉ်ဖုံႏသွူ။ 42နဝ်ꩻထွူ မဲမုဲင်းမူႏ ကေန်ꩻခြောတဖြာꩻနဝ်ꩻ လွဉ်တဲင် သော့ꩻရွဉ်ယွဲ နီဗီႏတွော့ꩻ တံꩻဖိုꩻတန်ႏ တဗီႏလွုမ်ꩻသွူ။ 43ဝွေꩻဗွေႏဟဲ့ꩻစုဗူႏ ဝွေꩻဗွေႏ တပဲ့တောႏဖုံႏတဲင် ဒေါ့ꩻဖေႏဝွေꩻသီး၊ “ခွေဒေါ့ꩻဖေႏသီ မဲမုဲင်းမူႏကေန်ꩻခြော ကသော့ꩻဒါႏ ရွဉ်လူႏတွိုက်ကိုနဝ်ꩻ အာလွိုလဲဉ်းက လိုꩻလင်ဖုံႏ ကားကအဝ်ႏနဝ်ꩻသွူ။ 44ပွိုးလိုꩻလင်ဖုံႏကသော့ꩻဒါႏ ရွဉ်ထာꩻလူႏနဝ်ꩻ နုဲင်းဝွေꩻသီး ထာꩻခြွေချမ်ꩻသာႏအကို သော့ꩻဒျာႏ အမော့အနာဖုံႏလွုမ်ꩻသွူ။ ကွဲႏတွော့ꩻ မဲမုဲင်းမူႏနဝ်ꩻ ကေန်ꩻခြောငါႏ စွဉ်ႏကဲႏတဲ့ ဝွေꩻမူႏကအဝ်ႏနဝ်ꩻ သော့ꩻလို့လဲဉ်း ဝွေꩻမူႏ အသက်မွန်တာႏနဝ်ꩻ ဝွေꩻမူႏဖေႏလို့လဲဉ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.