မတဲ 28
28
အဝ်ႏထာꩻသီထွိုင်ႏမွန်လွဉ်ချာ
(မာကု ၁၆:၁–၁၀။ လုကာ ၂၄:၁–၁၂။ ယောဟန် ၂၀:၁–၁၀)
1ဥပုသ်မွူးနီꩻထွိုင်ႏလဲဉ်း၊ နုဲင်းတနင်ꩻနွေႏနီꩻ မွူးရဝ်ꩻခိုႏစဝ်း ထာꩻလေစနဝ်ꩻ မာဂဒလ ဝေင်ꩻသားမူႏ မာရိတွမ်ႏ မာရိအလင် အီႏလွေꩻထွား သဲင်ႏခဲင်ꩻအောင်နဝ်ꩻသွူ။ 2နဝ်ꩻကို ဟံႏတသွိုး သန်စွော့ꩻမွေးစွဉ်ႏထာꩻတဲင် ထာဝရဘုရာꩻ မို့ꩻလောင်းတမန်ႏတပါꩻ အဝ်ႏခမ်းထီမို့ꩻလောင်း လင်ꩻလွဉ် အွဉ်ႏတကြွီႏညာꩻထိုꩻ လုံးတူႏတန်တဲင် အုံလင်ꩻလူးစွဉ်ႏ လုံးတူႏနဝ်ꩻလောင်းသွူ။ 3ဝွေꩻပေါႏလွဉ်ထာꩻနဝ်ꩻ ဗွိုန်နုဲင်းစွဉ်ႏ တျာႏလိတ်တဲင် ဝွေꩻခွမ်ꩻလာꩻဖုံႏနဝ်ꩻ ဗွာနုဲင်းစွဉ်ႏ ဝကဝ်ႏနဝ်ꩻသွူ။ 4စဲ့ꩻပွေါးသားဖုံႏ ငမ်းသꩻလွဉ်ꩻထာꩻနဝ်ꩻမꩻ ဝွေꩻသီး တနွော့ꩻနေးစွဉ်ႏတဲင် ဗွိုန်ထိုꩻစွဉ်ႏ လိုꩻသီဖုံႏသွူ။
5မို့ꩻလောင်းတမန်ႏ ဒေါ့ꩻဖေႏပါꩻမူႏဖုံႏသွူ။ ဝွေꩻဒေါ့ꩻ၊ “သီတွမ်ႏငမ်းသꩻမွိုန်း၊ သီအဝ်ႏထုမ်ႏထွား ဗွေႏယေသျု ကခံႏဗာႏဒါႏ တွဲႏဒပ် ကင်းထွန်ႏလောင်းနဝ်ꩻ ခွေအဝ်ႏသေ။ 6ဝွေꩻဗွေႏ တအဲဉ်ထဝ်းယိုကို။ နုဲင်းဝွေꩻဗွေႏ ကမိန်းသေꩻခါꩻလဲဉ်း အတွိုင်ꩻ ဝွေꩻဗွေႏ ထွိုင်ႏမွန်ချာလဲဉ်း။ လွဉ်ယိုကိုတွော့ꩻ ထွားသွော့ ဝွေꩻဗွေႏ ကဗေင်ႏလင်ꩻဒါႏ ခင်ႏလမ်းနဝ်ꩻဟုဲင်း။ 7ယိုခါ လွေꩻမွိုင်မွိုင်တွော့ꩻ ဒေါ့ꩻနယ်သွော့ ဝွေꩻဗွေႏ တပဲ့တောႏဖုံႏ၊ ‘ဝွေꩻဗွေႏ အဝ်ႏထာꩻသီကို ထွိုင်ႏမွန်လွဉ်ချာလဲဉ်းတဲင် ယိုခါ ဝွေꩻဗွေႏ လွေꩻရီးလဲဉ်းသီ ကာလိလဲခမ်းကိုသွူ။ သီအီႏထီႏဗာႏ ဝွေꩻဗွေႏနဝ်ꩻကို’ နုဲင်းခွေကဒေါ့ꩻနယ် ဖေႏလဲဉ်းဒါႏ သီနဝ်ꩻ တောင်ꩻတောင်ꩻသွော့” နုဲင်းနဝ်ꩻသွူ။
8ပွိုးနဝ်ꩻမꩻ ဝွေꩻသီး အဝ်ႏသဲင်ႏခဲင်ꩻအောင်ကို ထန်ႏမွိုင် စွဉ်ႏထာꩻငမ်းသꩻဖုံႏစွဉ်ႏတဲ့ အဝ်ႏဗွေစွဉ်ႏ ထာꩻသꩻဟဝ်သꩻရေꩻတွော့ꩻ ဖင်းလွေꩻဒေါ့ꩻနယ်စွဉ်ႏ ဝွေꩻဗွေႏ တပဲ့တောႏဖုံႏနဝ်ꩻသွူ။
9ဗွေႏယေသျု မော့ꩻခွဲစွော့ꩻ ဝွေꩻသီးတဲင်ဒေါ့ꩻ၊ “ထာꩻငိမ်ꩻချမ်ꩻသာႏ ယံကအဝ်ႏငီꩻသွော့ စွဉ်ႏသီ” နုဲင်းနဝ်ꩻသွူ။ ဝွေꩻသီး လွဉ်ထေ့ ဝွေꩻဗွေႏထျꩻ တဖေါ့ဝွေꩻဗွေႏခင်ႏတဲင် ဝုဲင်ႏကိုꩻကွယ်ႏစွဉ်ႏ ဝွေꩻဗွေႏနဝ်ꩻသွူ။ 10ဗွေႏယေသျု မိန်းဖေႏဝွေꩻသီး၊ “တွမ်ႏငမ်းသꩻမွိုန်း။ လွေꩻတဲင် ဒေါ့ꩻနယ်ဖေႏသွော့ ခွေဖူးခိုဖုံႏ၊ ဖေႏကလွေꩻ ကာလိလဲခမ်းတွော့ꩻ နဝ်ꩻကိုနဝ်ꩻ ဝွေꩻသီး အီႏထီႏဗာႏခွေ” နုဲင်းနဝ်ꩻသွူ။
စဲ့ꩻပွေါးသားဖုံႏအွဉ်ႏဒေါ့ꩻဟွိုန်ချာ
11လိုꩻမူႏဖုံႏ ဝွေꩻသီး ကအဝ်ႏထန်ႏလွေꩻ တဖူꩻကျာꩻနဝ်ꩻ စဲ့ꩻသားဖုံႏ ကအဝ်ႏအုံပွေါးဒါႏ သဲင်ႏခဲင်ꩻအောင်သား ယင်ဟန်ႏနဝ်ꩻ သဲင်ꩻလွဉ်ချာ ဝေင်ꩻတွော့ꩻ နုဲင်းထာꩻကအဝ်ႏထွာလွဉ်ဒါႏ ကားကအဝ်ႏခရာႏနဝ်ꩻ ဒေါ့ꩻနယ် ယဇ်ပရောဟိတ်တန်ဖုံႏ နဝ်ꩻသွူ။ 12ယဇ်ပရောဟိတ် တန်ဖုံႏနဝ်ꩻ မော့ꩻခွဲတွိုင်ႏပင်ႏစွဉ်ႏ လိုꩻတန်ဖုံႏတဲင် ဝွေꩻသီး မာꩻစွဉ်ႏအစီႏစဲဉ်ႏ နဝ်ꩻသွူ။ ဝွေꩻသီး ဖေႏအာမွေးနေးစွဉ်ႏ စဲ့ꩻသားဖုံႏရွဉ်တဲင်၊၊ 13ဒေါ့ꩻ၊ “မွူးကွို့ꩻနာꩻချိန်ႏ သီအဝ်ႏဗေင်ႏထာꩻကျာꩻ ဝွေꩻတပဲ့ဖုံႏနဝ်ꩻ လွဉ်တဲင်တခွန်ꩻထိုꩻ ဝွေꩻရုပ်ခန္ဓာႏ သီဒေါ့ꩻသွော့နုဲင်းနဝ်ꩻ။ 14ခွန်ခံႏမဉ်ႏဟွိုန်စဉ်ႏစွော့ꩻ ယိုခရာႏနဝ်ꩻ နီအီႏဒေါ့ꩻဖေႏဝွေꩻ၊ သီနဝ်ꩻ အပဲစ်တအဲဉ်ထဝ်းတဲင် သီအီႏနန်းခီခရာႏ တမုဲင်ꩻမုဲင်ꩻ အဲဉ်ထဝ်းသွူ။
15နုဲင်းဝွေꩻသီး ကထွဉ်ႏမာꩻအတွိုင်ꩻနဝ်ꩻ စဲ့ꩻပွေါးသားဖုံႏ ထူႏရွဉ်တဲင် ဒေါ့ꩻနယ်ဖေႏစွဉ်ႏ နဝ်ꩻသွူ။ နဝ်ꩻမꩻ ဗꩻတွိုႏဟန်ႏနီꩻယို သတင်ꩻငဝ်းနဝ်ꩻ စွစ်ꩻလီစွဉ်ႏ ဂျူးလိုꩻမျိုꩻဖုံႏသွူ။
ဗွေႏယေသျုပေါႏနယ်ဖေႏဝွေꩻဗွေႏတပဲ့တောႏဖုံႏ
(မာကု ၁၆:၁၄–၁၈။ လုကာ ၂၄:၃၆–၄၉။ ယောဟန် ၂၀:၁၉–၂၃။ တမန်ႏတောႏ ၁:၆–၈)
16 #
မ ၂၆:၃၂၊ မာ ၁၄:၂၈။ နုဲင်း ဗွေႏယေသျု ကဒေါ့ꩻနယ်လဲဉ်းဒါႏ ဝွေꩻသီး ဖေႏကလွေꩻခင်ႏလမ်းနဝ်ꩻ တပဲ့တောႏ တဆီပုဲင်တဖြာꩻ လွေꩻထေ့ကောင်ပူႏပေႏ ကာလိလဲခမ်းကို နဝ်ꩻသွူ။ 17ဝွေꩻသီးထွိုင်ႏထီႏ ဝွေꩻဗွေႏချိန်ႏနဝ်ꩻ ဝွေꩻသီး ဝုဲင်ႏကိုꩻကွယ်ႏ ဝွေꩻဗွေႏတွော့ꩻ ဝွေꩻသီးယင်ဟန်ႏနဝ်ꩻ လဲင်ꩻတသင်ႏခါႏ နေးဒွုမ် နဝ်ꩻသွူ။ 18ဗွေႏယေသျုလွဉ်ဗော့ꩻတဲင် ဒေါ့ꩻဖေႏဝွေꩻသီး၊ “မို့ꩻလောင်းကီတွမ်ႏ ဟံႏတန်လောင်းနဝ်ꩻ ခွေလꩻလဲဉ်းအာႏဏာႏဖုံႏ ကားကအဝ်ႏသွူ။ 19#တ ၁:၈။ နဝ်ꩻထွူ လိုꩻဖုံႏကအဝ်ႏ ခင်ႏလမ်းစွုမ်ႏထွောင်းနဝ်ꩻ လွေꩻတွော့ꩻ ဝွေꩻသီးနဝ်ꩻ မာꩻထွာသွော့ ခွေတပဲ့တောႏဖုံႏ။ စွဉ်ႏဖါတောႏ၊ ပိုခိုတောႏ၊ ကြောင်းစင်ဝိညာဉ်ႏတောႏ အမဉ်ꩻနာႏမနဝ်ꩻ ဖေႏသွော့ ဝွေꩻသီးဗတ္တိဇံႏ။ 20နဝ်ꩻမꩻ ခွေကအဝ်ႏ ပညတ်ဖေႏဒါႏသီ ကားကအဝ်ႏ ဝွေꩻသီး ဖေႏကလွောက်ꩻနာႏနဝ်ꩻ သွဉ်သင်ဖေႏသွော့၊၊ ဗꩻတွိုႏစွဉ်ႏဟံႏတန် အချိန်ႏကာႏလ ကသွတ်ꩻနဝ်ꩻ ခွေအီႏအဝ်ႏငီꩻ သေႏသေႏသီ” နုဲင်းနဝ်ꩻသွူ။
ទើបបានជ្រើសរើសហើយ៖
မတဲ 28: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မတဲ 28
28
အဝ်ႏထာꩻသီထွိုင်ႏမွန်လွဉ်ချာ
(မာကု ၁၆:၁–၁၀။ လုကာ ၂၄:၁–၁၂။ ယောဟန် ၂၀:၁–၁၀)
1ဥပုသ်မွူးနီꩻထွိုင်ႏလဲဉ်း၊ နုဲင်းတနင်ꩻနွေႏနီꩻ မွူးရဝ်ꩻခိုႏစဝ်း ထာꩻလေစနဝ်ꩻ မာဂဒလ ဝေင်ꩻသားမူႏ မာရိတွမ်ႏ မာရိအလင် အီႏလွေꩻထွား သဲင်ႏခဲင်ꩻအောင်နဝ်ꩻသွူ။ 2နဝ်ꩻကို ဟံႏတသွိုး သန်စွော့ꩻမွေးစွဉ်ႏထာꩻတဲင် ထာဝရဘုရာꩻ မို့ꩻလောင်းတမန်ႏတပါꩻ အဝ်ႏခမ်းထီမို့ꩻလောင်း လင်ꩻလွဉ် အွဉ်ႏတကြွီႏညာꩻထိုꩻ လုံးတူႏတန်တဲင် အုံလင်ꩻလူးစွဉ်ႏ လုံးတူႏနဝ်ꩻလောင်းသွူ။ 3ဝွေꩻပေါႏလွဉ်ထာꩻနဝ်ꩻ ဗွိုန်နုဲင်းစွဉ်ႏ တျာႏလိတ်တဲင် ဝွေꩻခွမ်ꩻလာꩻဖုံႏနဝ်ꩻ ဗွာနုဲင်းစွဉ်ႏ ဝကဝ်ႏနဝ်ꩻသွူ။ 4စဲ့ꩻပွေါးသားဖုံႏ ငမ်းသꩻလွဉ်ꩻထာꩻနဝ်ꩻမꩻ ဝွေꩻသီး တနွော့ꩻနေးစွဉ်ႏတဲင် ဗွိုန်ထိုꩻစွဉ်ႏ လိုꩻသီဖုံႏသွူ။
5မို့ꩻလောင်းတမန်ႏ ဒေါ့ꩻဖေႏပါꩻမူႏဖုံႏသွူ။ ဝွေꩻဒေါ့ꩻ၊ “သီတွမ်ႏငမ်းသꩻမွိုန်း၊ သီအဝ်ႏထုမ်ႏထွား ဗွေႏယေသျု ကခံႏဗာႏဒါႏ တွဲႏဒပ် ကင်းထွန်ႏလောင်းနဝ်ꩻ ခွေအဝ်ႏသေ။ 6ဝွေꩻဗွေႏ တအဲဉ်ထဝ်းယိုကို။ နုဲင်းဝွေꩻဗွေႏ ကမိန်းသေꩻခါꩻလဲဉ်း အတွိုင်ꩻ ဝွေꩻဗွေႏ ထွိုင်ႏမွန်ချာလဲဉ်း။ လွဉ်ယိုကိုတွော့ꩻ ထွားသွော့ ဝွေꩻဗွေႏ ကဗေင်ႏလင်ꩻဒါႏ ခင်ႏလမ်းနဝ်ꩻဟုဲင်း။ 7ယိုခါ လွေꩻမွိုင်မွိုင်တွော့ꩻ ဒေါ့ꩻနယ်သွော့ ဝွေꩻဗွေႏ တပဲ့တောႏဖုံႏ၊ ‘ဝွေꩻဗွေႏ အဝ်ႏထာꩻသီကို ထွိုင်ႏမွန်လွဉ်ချာလဲဉ်းတဲင် ယိုခါ ဝွေꩻဗွေႏ လွေꩻရီးလဲဉ်းသီ ကာလိလဲခမ်းကိုသွူ။ သီအီႏထီႏဗာႏ ဝွေꩻဗွေႏနဝ်ꩻကို’ နုဲင်းခွေကဒေါ့ꩻနယ် ဖေႏလဲဉ်းဒါႏ သီနဝ်ꩻ တောင်ꩻတောင်ꩻသွော့” နုဲင်းနဝ်ꩻသွူ။
8ပွိုးနဝ်ꩻမꩻ ဝွေꩻသီး အဝ်ႏသဲင်ႏခဲင်ꩻအောင်ကို ထန်ႏမွိုင် စွဉ်ႏထာꩻငမ်းသꩻဖုံႏစွဉ်ႏတဲ့ အဝ်ႏဗွေစွဉ်ႏ ထာꩻသꩻဟဝ်သꩻရေꩻတွော့ꩻ ဖင်းလွေꩻဒေါ့ꩻနယ်စွဉ်ႏ ဝွေꩻဗွေႏ တပဲ့တောႏဖုံႏနဝ်ꩻသွူ။
9ဗွေႏယေသျု မော့ꩻခွဲစွော့ꩻ ဝွေꩻသီးတဲင်ဒေါ့ꩻ၊ “ထာꩻငိမ်ꩻချမ်ꩻသာႏ ယံကအဝ်ႏငီꩻသွော့ စွဉ်ႏသီ” နုဲင်းနဝ်ꩻသွူ။ ဝွေꩻသီး လွဉ်ထေ့ ဝွေꩻဗွေႏထျꩻ တဖေါ့ဝွေꩻဗွေႏခင်ႏတဲင် ဝုဲင်ႏကိုꩻကွယ်ႏစွဉ်ႏ ဝွေꩻဗွေႏနဝ်ꩻသွူ။ 10ဗွေႏယေသျု မိန်းဖေႏဝွေꩻသီး၊ “တွမ်ႏငမ်းသꩻမွိုန်း။ လွေꩻတဲင် ဒေါ့ꩻနယ်ဖေႏသွော့ ခွေဖူးခိုဖုံႏ၊ ဖေႏကလွေꩻ ကာလိလဲခမ်းတွော့ꩻ နဝ်ꩻကိုနဝ်ꩻ ဝွေꩻသီး အီႏထီႏဗာႏခွေ” နုဲင်းနဝ်ꩻသွူ။
စဲ့ꩻပွေါးသားဖုံႏအွဉ်ႏဒေါ့ꩻဟွိုန်ချာ
11လိုꩻမူႏဖုံႏ ဝွေꩻသီး ကအဝ်ႏထန်ႏလွေꩻ တဖူꩻကျာꩻနဝ်ꩻ စဲ့ꩻသားဖုံႏ ကအဝ်ႏအုံပွေါးဒါႏ သဲင်ႏခဲင်ꩻအောင်သား ယင်ဟန်ႏနဝ်ꩻ သဲင်ꩻလွဉ်ချာ ဝေင်ꩻတွော့ꩻ နုဲင်းထာꩻကအဝ်ႏထွာလွဉ်ဒါႏ ကားကအဝ်ႏခရာႏနဝ်ꩻ ဒေါ့ꩻနယ် ယဇ်ပရောဟိတ်တန်ဖုံႏ နဝ်ꩻသွူ။ 12ယဇ်ပရောဟိတ် တန်ဖုံႏနဝ်ꩻ မော့ꩻခွဲတွိုင်ႏပင်ႏစွဉ်ႏ လိုꩻတန်ဖုံႏတဲင် ဝွေꩻသီး မာꩻစွဉ်ႏအစီႏစဲဉ်ႏ နဝ်ꩻသွူ။ ဝွေꩻသီး ဖေႏအာမွေးနေးစွဉ်ႏ စဲ့ꩻသားဖုံႏရွဉ်တဲင်၊၊ 13ဒေါ့ꩻ၊ “မွူးကွို့ꩻနာꩻချိန်ႏ သီအဝ်ႏဗေင်ႏထာꩻကျာꩻ ဝွေꩻတပဲ့ဖုံႏနဝ်ꩻ လွဉ်တဲင်တခွန်ꩻထိုꩻ ဝွေꩻရုပ်ခန္ဓာႏ သီဒေါ့ꩻသွော့နုဲင်းနဝ်ꩻ။ 14ခွန်ခံႏမဉ်ႏဟွိုန်စဉ်ႏစွော့ꩻ ယိုခရာႏနဝ်ꩻ နီအီႏဒေါ့ꩻဖေႏဝွေꩻ၊ သီနဝ်ꩻ အပဲစ်တအဲဉ်ထဝ်းတဲင် သီအီႏနန်းခီခရာႏ တမုဲင်ꩻမုဲင်ꩻ အဲဉ်ထဝ်းသွူ။
15နုဲင်းဝွေꩻသီး ကထွဉ်ႏမာꩻအတွိုင်ꩻနဝ်ꩻ စဲ့ꩻပွေါးသားဖုံႏ ထူႏရွဉ်တဲင် ဒေါ့ꩻနယ်ဖေႏစွဉ်ႏ နဝ်ꩻသွူ။ နဝ်ꩻမꩻ ဗꩻတွိုႏဟန်ႏနီꩻယို သတင်ꩻငဝ်းနဝ်ꩻ စွစ်ꩻလီစွဉ်ႏ ဂျူးလိုꩻမျိုꩻဖုံႏသွူ။
ဗွေႏယေသျုပေါႏနယ်ဖေႏဝွေꩻဗွေႏတပဲ့တောႏဖုံႏ
(မာကု ၁၆:၁၄–၁၈။ လုကာ ၂၄:၃၆–၄၉။ ယောဟန် ၂၀:၁၉–၂၃။ တမန်ႏတောႏ ၁:၆–၈)
16 #
မ ၂၆:၃၂၊ မာ ၁၄:၂၈။ နုဲင်း ဗွေႏယေသျု ကဒေါ့ꩻနယ်လဲဉ်းဒါႏ ဝွေꩻသီး ဖေႏကလွေꩻခင်ႏလမ်းနဝ်ꩻ တပဲ့တောႏ တဆီပုဲင်တဖြာꩻ လွေꩻထေ့ကောင်ပူႏပေႏ ကာလိလဲခမ်းကို နဝ်ꩻသွူ။ 17ဝွေꩻသီးထွိုင်ႏထီႏ ဝွေꩻဗွေႏချိန်ႏနဝ်ꩻ ဝွေꩻသီး ဝုဲင်ႏကိုꩻကွယ်ႏ ဝွေꩻဗွေႏတွော့ꩻ ဝွေꩻသီးယင်ဟန်ႏနဝ်ꩻ လဲင်ꩻတသင်ႏခါႏ နေးဒွုမ် နဝ်ꩻသွူ။ 18ဗွေႏယေသျုလွဉ်ဗော့ꩻတဲင် ဒေါ့ꩻဖေႏဝွေꩻသီး၊ “မို့ꩻလောင်းကီတွမ်ႏ ဟံႏတန်လောင်းနဝ်ꩻ ခွေလꩻလဲဉ်းအာႏဏာႏဖုံႏ ကားကအဝ်ႏသွူ။ 19#တ ၁:၈။ နဝ်ꩻထွူ လိုꩻဖုံႏကအဝ်ႏ ခင်ႏလမ်းစွုမ်ႏထွောင်းနဝ်ꩻ လွေꩻတွော့ꩻ ဝွေꩻသီးနဝ်ꩻ မာꩻထွာသွော့ ခွေတပဲ့တောႏဖုံႏ။ စွဉ်ႏဖါတောႏ၊ ပိုခိုတောႏ၊ ကြောင်းစင်ဝိညာဉ်ႏတောႏ အမဉ်ꩻနာႏမနဝ်ꩻ ဖေႏသွော့ ဝွေꩻသီးဗတ္တိဇံႏ။ 20နဝ်ꩻမꩻ ခွေကအဝ်ႏ ပညတ်ဖေႏဒါႏသီ ကားကအဝ်ႏ ဝွေꩻသီး ဖေႏကလွောက်ꩻနာႏနဝ်ꩻ သွဉ်သင်ဖေႏသွော့၊၊ ဗꩻတွိုႏစွဉ်ႏဟံႏတန် အချိန်ႏကာႏလ ကသွတ်ꩻနဝ်ꩻ ခွေအီႏအဝ်ႏငီꩻ သေႏသေႏသီ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.