မတဲ 26
26
ကျံႏမာꩻသီဗွေႏယေသျု
(မာကု ၁၄:၁–၂။ လု ၂၂:၁–၂။ ယော ၁၁:၄၅–၅၃)
1ဗွေႏယေသျု ထွိုင်ႏသွဥ်သင်ဖေႏ နုဲင်းယိုဖုံႏ ကားကအဝ်ႏထွူချိန်ႏ ဝွေꩻဗွေႏဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ 2#ထလ ၁၂:၁–၂၇။ “နုဲင်းသီ ကအဝ်ႏသေလဲဉ်းသွူ အတွိုင်ꩻ တွိုႏနီနီꩻကိုနဝ်ꩻ ပွယ်ꩻပတ္တခါ အီႏတွိုႏတဲင် လိုꩻပိုခိုနဝ်ꩻ အီႏခံႏဗာႏအဆွမ်ꩻ အပ်သော့ꩻရန်ႏသူႏ စူကိုတဲင် အီႏတွဲႏဒပ်သီ ကင်းထွန်ႏလောင်း” နုဲင်းနဝ်ꩻသွူ။
3နဝ်ꩻထွူ ယဇ်ပရောဟိတ်တန်ဖုံႏတွမ်ႏ လိုꩻတန်ဖုံႏနဝ်ꩻ မော့ꩻခွဲစုဗူႏသော့ꩻလို့ဝင်ꩻ ယဇ်ပရောဟိတ်ခွန် ကာယာဖ ဟော်နန်ꩻကိုတဲင်၊ 4ဖေႏကဆွမ်ꩻတေ့ꩻ ဗွေႏယေသျုတွော့ꩻ ဖေႏကမာꩻသီထိုꩻ ဝွေꩻနဝ်ꩻ မာꩻစွဉ်ႏ အစီႏစဲဉ်ႏဖုံႏသွူ။ 5ဝွေꩻသီးဒေါ့ꩻ၊ “ပွယ်ꩻကျာꩻနဝ်ꩻ နီမာꩻဗာႏတဝ်း၊ မဉ်ႏတမွေးတဝ်းမဲ့ꩻ လိုꩻဖုံႏအီႏရောင် သျွုတ်တရေင်ထာꩻ” နုဲင်းနဝ်ꩻသွူ။
ဆူလူးဗွေႏယေသျုဘိသိပ်နမ်းမန်ꩻဟွမ်ဗေတနိဒုံကို
(မာကု ၁၄:၃–၉။ ယော ၁၂:၁–၈)
6ဗွေႏယေသျုနဝ်ꩻ အဝ်ႏသော့ꩻ ဒုံဗေတနိ၊ ပါꩻတဖြာꩻ ကခံႏစာꩻဗာႏဒါႏ အတွတ်ꩻ ရောႏဂါႏ သျိမုန်အလမ်းကိုနဝ်ꩻသွူ။ 7#လု ၇:၃၇၊၃၈။ ဗွေႏယေသျု အဝ်ႏအံႏထာꩻအံႏကျာꩻနဝ်ꩻ ပါꩻမူႏတဖြာꩻ လွဉ်ထေ့ ဝွေꩻဗွေႏထျꩻတဲင် ပါတွမ်ႏတံႏဖိုꩻတန်ႏ နမ်းမန်ꩻဟွမ် အဝ်ႏဗွေသော့ꩻဒါႏ လုံးဗွာအဲင်ႏတဖြုံႏကိုနဝ်ꩻ ဝွေꩻမူႏ ဆျာꩻလင်ꩻလူးဖေႏစွဉ်ႏ ဝွေꩻဗွေႏ ကတူႏလောင်းသွူ။ 8တပဲ့တောႏဖုံႏ ထွိုင်ႏထီႏနုဲင်းယိုနဝ်ꩻ သꩻလျားလွဉ်စွဉ်ႏထာꩻ နဝ်ꩻသွူ။ ဝွေꩻသီးရီ၊ “ပွိုးတမုဲင်ꩻ ဖျုန်ꩻထိုꩻလို့ဗာႏတွိုႏထာꩻ နုဲင်းယိုဟောင်း” နုဲင်းနဝ်ꩻသွူ။ 9“စာနမ်းမန်ꩻဟွမ် ယိုတွော့ꩻ ကလꩻအာဒါႏရွဉ်ဖုံႏနဝ်ꩻ ဖေႏသွော့ လိုꩻကေန်ꩻခြောဖုံႏမွိုင်” နုဲင်းနဝ်ꩻသွူ။
10ဝွေꩻသီး ကအဝ်ႏရိုꩻဒါႏနဝ်ꩻ ဗွေႏယေသျု အဝ်ႏသေနဝ်ꩻသွူ။ နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီမာꩻသျွုတ်ဗာႏတွိုႏ ပါꩻမူႏယိုဟောင်း။ ကအဝ်ႏမာꩻဟဝ် မာꩻတရေꩻထာꩻနဝ်ꩻ ဝွေꩻမူႏမာꩻဖေႏလဲဉ်း ခွေတာႏသွူ။ 11#ဟော်ꩻ ၁၅:၁၁။ သီနဝ်ꩻ အီႏအဝ်ႏငီꩻ သေႏသေႏဗာႏစွဉ်ႏ လိုꩻကေန်ꩻခြောဖုံႏ၊ ကွဲႏတွော့ꩻ သီနဝ်ꩻ အီႏတအဝ်ႏငီꩻ သေႏသေႏဗာႏတဝ်း ခွေနဝ်ꩻသွူ။ 12နုဲင်းဝွေꩻမူႏ ကဆျာꩻလူးဖေႏ နမ်းမန်ꩻဟွမ် ခွေနမ်းလောင်းနဝ်ꩻ အဝ်ႏဖျင်ရဲဉ်ꩻ သေꩻမꩻဒျာႏ ကအီႏသင်္ဂြိုဟ်ႏ ခွေတာႏနဝ်ꩻသွူ။ 13ယိုခါ၊ ခွေဒေါ့ꩻဖေႏသီအမွေး၊ ကဒေါ့ꩻဟော်ꩻဒါႏ သတင်ꩻဟဝ်ယို လဲင်ꩻစွစ်ꩻစဲစ်ꩻ တဟံႏတန်လွုမ်းချိန်ႏ နုဲင်းဝွေꩻမူႏ ကမာꩻလဲဉ်းဒါႏနဝ်ꩻ အီႏဒေါ့ꩻနယ် ဖေကယူႏလꩻ ဝွေꩻမူႏ” နုဲင်းနဝ်ꩻသွူ။
ယုဒသဘော်ꩻတူႏသစ္စာႏအီႏဖေါက်ဗွေႏယေသျု
(မာကု ၁၄:၁၀၊၁၁။ လုကာ ၂၂:၃–၆)
14နဝ်ꩻထွူ တပဲ့တောႏ တဆီနီဖြာꩻကို တဖြာꩻ၊ မဉ်ꩻကဟဲ့ꩻဒါႏ ယုဒသျာကရုတ်နဝ်ꩻ ထန်ႏလွေꩻထေ့ ယဇ်ပရောဟိတ် တန်ဖုံႏထျꩻ၊ 15#ဇာ ၁၁:၁၂။ တဲင်ရီ၊ “ခွေသစ္စာႏမဉ်ႏဖေါက် ဗွေႏယေသျုတွော့ꩻ မဉ်ႏအပ်ဖေႏသီနဝ်ꩻ သီအီႏဖေႏခွေ တမုဲင်ꩻဟောင်း” နုဲင်းနဝ်ꩻသွူ။ ဝွေꩻသီးတွက်ရွဉ် ဒင်္ဂါꩻ အဗီႏသွံဆီတဲင် ရွဉ်နဝ်ꩻ ဖေႏထိုꩻစွဉ်ႏဝွေꩻသွူ။ 16တယ်ႏစွဉ်ႏနဝ်ꩻကာႏ ကအီႏအပ် ဗွေႏယေသျု ဝွေꩻသီးစူကိုနဝ်ꩻ ယုဒ ထုမ်ႏထွားစွဉ်ႏ အဆင်ႏရော့ꩻနဝ်ꩻသွူ။
ဗွေႏယေသျုတွမ်ႏဝွေꩻဗွေႏတပဲ့တောႏဖုံႏအံႏပတ္တခါထာꩻအံႏ
(မာကု ၁၄:၁၂–၂၁။ လုကာ ၂၂:၇–၁၃၊၂၁-၂၃။ ယော ၁၃:၂၁–၃၀)
17ပွယ်ꩻအံႏဗာႏတခိုး တမီႏလွစ် အရီးသွတ်ꩻနီꩻနဝ်ꩻ တပဲ့တောႏဖုံႏ လွဉ်ထေ့ ဗွေႏယေသျုထျꩻတဲင် ရီဝွေꩻဗွေႏ၊ “နီဗွေႏတာႏ မဥ်အွဉ်ႏနီလွေꩻ ဖျင်ရဲဉ်ꩻသေꩻမꩻ ပတ္တခါထာꩻအံႏ မုဲင်ꩻကိုဟောင်း” နုဲင်းနဝ်ꩻသွူ။
18ဝွေꩻဗွေႏ လဝ်းချာဖေႏ ဝွေꩻသီး၊ “လွေꩻသွော့ ပါꩻတဖြာꩻထျꩻ ကအဝ်ႏသော့ꩻဝေင်ꩻကို နဝ်ꩻတွော့ꩻ ဒေါ့ꩻနယ်ဖေႏသွော့ဝွေꩻ။ ‘ဆရာႏရိုꩻဖေႏ၊ ခွေအချိန်ႏ ဖျော်လွဉ်လဲဉ်း။ ခွေတပဲ့ဖုံႏတွမ်ႏ ခွေအီႏမာꩻသော့ꩻ ပွယ်ꩻပတ္တခါ နာꩻလမ်းကို’” နုဲင်းနဝ်ꩻဟုဲင်း။
19နုဲင်းဗွေႏယေသျု ကဒေါ့ꩻနယ် ဝွေꩻသီးနဝ်ꩻ တပဲ့တောႏဖုံႏ မာꩻလွဉ်ꩻတဲင်ဖျင်ရဲဉ်ꩻစွဉ်ႏ ပတ္တခါထာꩻအံႏသွူ။
20မွူးထွိုင်ႏဟာလွဉ်ချိန်ႏ ဗွေႏယေသျုတွမ်ႏ တပဲ့တောႏ တဆီနီဖြာꩻနဝ်ꩻအုံလင်ꩻ အီႏအံႏထာꩻအံႏသွူ။ 21ကအဝ်ႏအံႏ ထာꩻအံႏကျာꩻ ဗွေႏယေသျုဒေါ့ꩻ၊ “ခွေဒေါ့ꩻဖေႏသီ၊ သီအကို တဖြာꩻနဝ်ꩻ သစ္စာႏအီႏဖေါက်ခွေ” နုဲင်းနဝ်ꩻသွူ။
22တပဲ့တောႏဖုံႏနဝ်ꩻ သꩻကုဲင်တဲင် ရီစစွဉ်ႏဝွေꩻဗွေႏ တဖြာꩻထွူတဖြာꩻ၊ “ဗွေႏ၊ အမဲဉ်ႏနဝ်ꩻ နီဗွေႏ မဉ်ဒေါ့ꩻခွေ တမွေးတဝ်းဟောင်း” နုဲင်းနဝ်ꩻသွူ။
23 #
သာ ၄၁:၉။ ဗွေႏယေသျုလဝ်းချာ၊ ပါꩻအဖြာꩻ ကစုပ်ꩻသော့ꩻငီꩻဒါႏ ဝွေꩻတခိုး ခွေဝန်ႏကိုနဝ်ꩻ သစ္စာႏအီႏဖေါက် ခွေသွူ။ 24နုဲင်းလိတ်ကျမ်ꩻကရိုꩻ လိုꩻပိုခိုနဝ်ꩻ အီႏသီဗာႏ၊ ဝွေꩻအီႏသီဗာႏ၊ ကွဲႏတွော့ꩻ ပါꩻသစ္စာႏ ကအီႏဖေါက်ဒါႏ လိုꩻပိုခိုနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ ပါꩻခိုနဝ်ꩻတာႏ ဝွေꩻမဉ်ႏ တလွူးလွဉ်တဝ်းနဝ်ꩻ ကယိန်းဟဝ်” နုဲင်းနဝ်ꩻသွူ။
25ယုဒသစ္စာႏဖေါက်နဝ်ꩻ ဒေါ့ꩻထန်ႏ၊ “ဆရာႏ၊ အမဲဉ်ႏနဝ်ꩻ နီဗွေႏမဉ်ဒေါ့ꩻခွေ တမွေးတဝ်းဟောင်း” ဝွေꩻရီနုဲင်းနဝ်ꩻသွူ။
ဗွေႏယေသျု လဝ်းချာ၊ “နုဲင်းနာꩻကရိုꩻအတွိုင်ꩻနဝ်ꩻ မွေး” နုဲင်းနဝ်ꩻသွူ။
ထာဝရဘုရာꩻထာꩻအံႏမွူးဟာခိုႏ
(မာကု ၁၄:၂၂–၂၆။ လုကာ ၂၂:၄–၂၀။ ၁ကော ၁၁:၂၃–၂၅)
26ဝွေꩻသီးကအဝ်ႏအံႏ ထာꩻအံႏကျာꩻနဝ်ꩻ ဗွေႏယေသျု ထူႏတခိုး၊ အုပ်ꩻထင်ႏကေꩻဇူꩻတောႏ ဆုတောင်ꩻတဲင် အဲ့ꩻတခိုးတွော့ꩻ ဖေႏဝွေꩻတပဲ့တောႏဖုံႏသွူ။ ဝွေꩻဗွေႏဒေါ့ꩻ “ထူႏတခိုး တဲင်အံႏဟုဲင်း။ ယိုနဝ်ꩻထွာ ခွေနမ်းခန္ဓာႏ” နုဲင်းနဝ်ꩻသွူ။
27နဝ်ꩻထွူ ဝွေꩻဗွေႏထူႏ တကောက်ꩻတဖြုံႏ အုပ်ꩻထင်ႏဗွေႏဘုရာꩻ ကေꩻဇူꩻတောႏတဲင် တကောက်ꩻနဝ်ꩻ ဖေႏဝွေꩻသီးသွူ။ ဝွေꩻဗွေႏဒေါ့ꩻ၊ “သီကားကအဝ်ႏ အွꩻသွော့ တကောက်ꩻနဝ်ꩻဟုဲင်း။ 28#ထလ ၂၄:၈၊ ယေ ၃၁:၃၁–၃၄။ ယိုနဝ်ꩻထွာဒျာႏ ခွေအသွီႏ ကတောက်ꩻဖေႏ ဗွေႏဘုရာꩻ ပဋိညာဉ်ႏစွုမ်ႏ၊ ကအီႏအွဉ်ႏစွꩻလွစ်ဖေႏ လိုꩻအာ အပဲစ်ဖုံႏတာႏ ကထောက်ꩻထန်ႏဖေႏဒါႏ ခွေသွီႏနဝ်ꩻသွူ။ 29ခွေဒေါ့ꩻဖေႏသီ၊ ဗꩻတွိုႏစွဉ်ႏ အနီꩻ ခွေအီႏအွꩻငီꩻဗာႏ တွမ်ႏသီ ဝုဲင်တသာ ခွေဖါခမ်းထီကိုနဝ်ꩻ ခွေအီႏတအွꩻဗာႏ ဖျင်တဝ်းဒွုမ် ဝုဲင်ယို” နုဲင်းနဝ်ꩻသွူ။
30နဝ်ꩻထွူ ဝွေꩻသီးရွစ် ဓမ္မငဝ်းသချင်ꩻ တပုဒ်တဲင် ထန်ႏလွေꩻ ကောင်သံလွေင် နဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻငါရီး
(မာကု ၁၄:၂၇–၃၁။ လုကာ ၂၂:၃၁–၃၄။ ယော ၁၃:၃၆–၃၈)
31 #
ဇာ ၁၃:၇။ နဝ်ꩻထွူ ဗွေႏယေသျုဒေါ့ꩻဖေႏ ဝွေꩻသီး၊ “ပွိုးလိတ်ကျမ်ꩻနဝ်ꩻရိုꩻ၊ ‘ဗွေႏဘုရာꩻ အီႏမာꩻသီထိုꩻ သွိုꩻတီသားတဲင် သွိုꩻအဖုံႏ အီႏလီလာထိုꩻ’ နုဲင်းနဝ်ꩻအတွိုင်ꩻ ဟန်ႏနာꩻယို သီကားကအဝ်ႏနဝ်ꩻ အီႏဖင်းညာꩻတဲင် အွဉ်ႏကုဲင်ထိုꩻခွေ” နုဲင်းနဝ်ꩻသွူ။ 32#မ ၂၈:၁၆။ ကွဲႏတွော့ꩻ ခွေအဝ်ႏထာꩻသီ ထွိုင်ႏမွန်လွဉ်ချာထွူ ခွေအီႏလွေꩻရီးသီ ကာလိလဲခမ်း” နုဲင်းနဝ်ꩻသွူ။
33ပေတရု ဒေါ့ꩻထန်ႏဖေႏ ဗွေႏယေသျု၊ “ကအဝ်ႏကုဲင်ဒါႏလိုꩻဖုံႏ ကားကအဝ်ႏ လဲင်ꩻဖင်းထိုꩻလို့စွဉ်ႏတဲ့ ခွေနဝ်ꩻ မုဲင်ꩻခါတဲ့ အီႏတအွဉ်ႏကုဲင်ထိုꩻတဝ်း နီဗွေႏ” နုဲင်းနဝ်ꩻသွူ။
34ဗွေႏယေသျု ဒေါ့ꩻဖေႏပေတရု၊ “ခွေဒေါ့ꩻဖေႏနာꩻ၊ ဟန်ႏနာꩻယို ခလားဆျာထီး ကအူႏ နာꩻတသေငါꩻတဝ်းခွေ၊ နာꩻအီႏဒေါ့ꩻ နုဲင်းနဝ်ꩻ သွံလဲင်ႏ” နုဲင်းနဝ်ꩻသွူ။
35ပေတရုလဝ်းချာ၊ “ခွေမဉ်ႏသီငီꩻ တွမ်ႏနီဗွေႏစွဉ်ႏတဲ့ ခွေအီႏတရိုꩻတဝ်း နုဲင်းနဝ်ꩻ’ နုဲင်းနဝ်ꩻသွူ။
နဝ်ꩻမꩻ တပဲ့တောႏအလင်ဖုံႏ ကားကအဝ်ႏတဲ့ ဒေါ့ꩻဗွိုန် နုဲင်းနဝ်ꩻနေနေသွူ။
ဗွေႏယေသျုဆုတောင်ꩻသော့ꩻဂေတသျေမန်ဥယျာဉ်ႏကို
(မာကု ၁၄:၃၂–၄၂။ လုကာ ၂၂:၃၉–၄၆)
36နဝ်ꩻထွူ ဗွေႏယေသျု လွေꩻငီꩻစွဉ်ႏ ဝွေꩻဗွေႏတပဲ့တောႏဖုံႏ ခင်ႏလမ်းတထွောင်း ကဟဲ့ꩻဒါႏ ဂေတသျေမန် ဥယျာဉ်ႏကိုတဲင် ဝွေꩻဒေါ့ꩻဖေႏ ဝွေꩻသီး၊ “ခွေလွေꩻနဝ်ꩻကိုတွော့ꩻ ဆုတောင်ꩻကျာꩻနဝ်ꩻ အုံလင်ꩻယိုကိုဟုဲင်း” နုဲင်းနဝ်ꩻသွူ။ 37ဝွေꩻဗွေႏဟဲ့ꩻလွေꩻငီꩻစွဉ်ႏ ပေတရုတွမ်ႏ ဇေဗေဒဲပိုခို ဝင်ꩻနီနဝ်ꩻသွူ။ ထာꩻသꩻပေႏတွမ်ႏ သꩻဒုက္ခဖျော်လွဉ်လူး ဝွေꩻဗွေႏတဲင်၊ 38ဝွေꩻဗွေႏဒေါ့ꩻဖေႏ ဝွေꩻသီး၊ “ခွေထာꩻသꩻပေႏနဝ်ꩻ တန်ငါႏလွဉ်ꩻ နဝ်ꩻမꩻ ခွေသꩻ အီႏပꩻဖွန်ႏထိုꩻနေးစွဉ်ႏ နဝ်ꩻသွူ။ တွမ်ႏခွေအုံပွေါး ယိုကိုဟုဲင်း” နုဲင်းနဝ်ꩻသွူ။
39ဝွေꩻဗွေႏ လွေꩻငါထဲင်း တစိꩻတွော့ꩻ ဝွေꩻဗွေႏ အွပ်ꩻလင်ꩻ ဟံႏလောင်းတဲင် ဆုတောင်ꩻ၊ “ခွေဖါ၊ မဉ်ႏထွာနွောင်ꩻနဝ်ꩻ ထာꩻဒုက္ခတကောက်ꩻ အဝ်ႏခွေထျꩻယို ထူႏထိုꩻဖေႏမွိုင်၊ ကွဲႏတွော့ꩻ ဖေႏကထွာမွိုန်း ခွေအလိုႏ၊ ဖေႏကထွာသွော့ နီဗွေႏအလိုႏတောႏ” နုဲင်းနဝ်ꩻသွူ။
40နဝ်ꩻထွူ ဝွေꩻဗွေႏ ခွယ်ထေ့ချာ တပဲ့တောႏဖုံႏ သွံဖြာꩻထျꩻတဲင် ထီႏဒျာႏ ဝွေꩻသီး အဝ်ႏဗေင်ႏအွီႏထာꩻ နဝ်ꩻသွူ။ နဝ်ꩻမꩻ ဝွေꩻဗွေႏဒေါ့ꩻဖေႏ ပေတရု၊ “သီဝင်ꩻသွံနဝ်ꩻ တနားရီႏငါတဲ့ အုံပွေါးငီꩻခွေ လဲင်ꩻတနွောင်ꩻတဝ်းဟောင်း” နုဲင်းနဝ်ꩻသွူ။ 41သီဖေႏကထဲ့သော့ꩻမွိုန်း ထာꩻသွေꩻကုဲင်ကိုနဝ်ꩻ အုံပွေါးတဲင် ဆုတောင်ꩻသွော့။ ဝိညာဉ်ႏသꩻအာႏနဝ်ꩻ တလာစွဉ်ႏတဲ့ နမ်းအာႏနဝ်ꩻ ဆေ့ꩻငါႏ” နုဲင်းနဝ်ꩻသွူ။
42ဗွေႏယေသျု လွေꩻညာꩻဖျင်ယင်း တလဲင်ႏတဲင် ဆုတောင်ꩻ၊ “ခွေဖါ၊ ထာꩻဒုက္ခ တကောက်ꩻယို မဉ်ႏတထူႏလွေꩻညာꩻ ထိုꩻတဝ်းတွော့ꩻ၊ ပေါႏခွေအွꩻဗာႏဒျာႏတဲ့ ဖေႏကထွာသွော့ နီဗွေႏအလိုႏတောႏ” နုဲင်းနဝ်ꩻသွူ။ 43ဝွေꩻဗွေႏ ခွယ်သဲင်ꩻချာယင်း တလဲင်ႏတဲင် ထီႏဒျာႏ တပဲ့တောႏဖုံႏ အဝ်ႏဗေင်ႏအွီႏထာꩻ၊ ဝွေꩻသီး လျာအမဲ့ဖုံႏငါတဲ့ တနွောင်ꩻတဝ်းနဝ်ꩻသွူ။
44ဗွေႏယေသျု အဝ်ႏဝွေꩻသီးထျꩻ ထန်ႏလွေꩻညာꩻဖျင် တလဲင်ႏတဲင် ဆုတောင်ꩻ ဗꩻတွိုႏသွံလဲင်ႏတဲင် ရိုꩻငဝ်းဗွိုန်နုဲင်း အလီꩻနဝ်ꩻသွူ။ 45နဝ်ꩻထွူ ဝွေꩻဗွေႏ သဲင်ꩻထေ့ချာ တပဲ့တောႏဖုံႏထျꩻတဲင်ဒေါ့ꩻ၊ “သီ အဝ်ႏဗေင်ႏအွီႏနေကတွော့ꩻ အဝ်ႏအုံပဆားဒျာႏ ဒွိုန်းကဟောင်း။ ထွားဟုဲင်း၊ ကအီႏဆွမ်ꩻ လိုꩻပိုခိုတွော့ꩻ အီႏအပ်ဖေႏထိုꩻ အပဲစ်အာႏဏာႏသား စူကိုနဝ်ꩻ အချိန်ႏတွိုႏလဲဉ်း။ 46ထွိုင်ႏဟုဲင်း၊ နီလွေꩻတွမ်၊ ထွားဟုဲင်း၊ ပါꩻသစ္စာႏ ကဖေါက်ဒါႏခွေနဝ်ꩻ ယိုသွူ” နုဲင်းနဝ်ꩻသွူ။
ဆွမ်ꩻထိုꩻဗွေႏယေသျု
(မာကု ၁၄:၄၃–၅၀။ လုကာ ၂၂:၄၇–၅၃။ ယောဟန် ၁၈:၃–၁၂)
47ဗွေႏယေသျု ကအဝ်ႏဒေါ့ꩻထာꩻကျာꩻ တပဲ့တောႏ တဆီနီဖြာꩻကိုတဖြာꩻ ကထွာယုဒနဝ်ꩻ ဖျော်လွဉ်စွဉ်ႏသွူ။ ဝွေꩻနဝ်ꩻ ပါလွဉ်စွဉ်ႏ လိုꩻစွိုꩻအာတစွိုꩻ အီပါစူခွုမ်လက်နက် နꩻဖုံႏ၊ ဗင်ဖုံႏတဲင် ထွာယဇ်ပရောဟိတ်တန်ဖုံႏတွမ်ႏ လိုꩻတန်ဖုံႏ ကအွဉ်ႏစွꩻလွဉ်နဝ်ꩻသွူ။ 48သစ္စာႏဖေါက် ကဖေႏဒါႏ လိုꩻစွိုꩻ အမတ်လက္ခဏာႏ တစွိုးနဝ်ꩻ၊ “ပါꩻခိုခွေကနို့ꩻနဝ်ꩻထွာ ပါꩻအဖြာꩻ သီကမဉ်လꩻနဝ်ꩻသွူ။ ဆွမ်ꩻသွော့ဝွေꩻဟုဲင်း” နုဲင်းနဝ်ꩻသွူ။
49ယုဒလွေꩻငါစွို့ꩻစွဉ်ႏ ဗွေႏယေသျုတဲင်ဒေါ့ꩻ၊ “ဆရာႏ၊ ယံဖေႏထာꩻငိမ်ꩻချမ်ꩻသာႏ ကအဝ်ႏငီꩻသွော့ စွဉ်ႏနီဗွေႏ” နုဲင်းနဝ်ꩻတဲင် နို့ꩻစွဉ်ႏဝွေꩻဗွေႏသွူ။
50ဗွေႏယေသျုလဝ်းချာ၊ “အဗာႏမာꩻနုဲင်းမုဲင်ꩻတဲ့ မာꩻမွိုင်မွိုင်ခန်းဟုဲင်း၊ သွꩻ” နုဲင်းနဝ်ꩻသွူ။
နဝ်ꩻထွူ ဝွေꩻသီးလွဉ်တွော့ꩻ၊ ဆွမ်ꩻစွဉ်ႏ ဗွေႏယေသျုတဲင် စွိုင်စွဉ်ႏ ဝွေꩻဗွေႏနဝ်ꩻသွူ။ 51လိုꩻကအဝ်ႏငီꩻတွမ်ႏ ဗွေႏယေသျုအကို တဖြာꩻနဝ်ꩻ ဗဲ့ꩻဝွေꩻနꩻဆဲင်တဲင် ဖျက်ꩻစွဉ်ႏ ယဇ်ပရောဟိတ် သွဉ်းတွော့ꩻ အနားလာႏ တပစ်ꩻထိုꩻစွဉ်ႏနဝ်ꩻသွူ။ 52ဗွေႏယေသျု ဒေါ့ꩻဖေႏဝွေꩻ၊ “နာꩻနꩻနဝ်ꩻ သော့ꩻဟဝ်ချာယင်းခန်း အကော့ꩻကိုဟုဲင်း။ လိုꩻကထူႏဒါႏ နꩻသားဖုံႏ ကားကအဝ်ႏနဝ်ꩻ အီႏသီဗာႏစွဉ်ႏနꩻဖုံႏသွူ။ 53ခွေကွီထင်ႏနွောင်ꩻ ခွေဖါထာꩻစွဲကိုတဲင် တလဲင်ႏချင်ꩻ ဝွေꩻအီႏအွဉ်ႏစွꩻလွဉ်ဖေႏခွေ မို့ꩻလောင်းတမန်ႏ တဆီနီတပ်လွိုနဝ်ꩻ နာꩻတသေတဝ်းဟောင်း။ 54ကွဲႏတွော့ꩻ အမုယိုနဝ်ꩻ နုဲင်းလိတ်ကျမ်ꩻကိုကရိုꩻ ယိုဖုံႏနဝ်ꩻ အီႏထွာမွေးဗာႏဒျာႏရင်ꩻနဝ်ꩻ အီႏမဲဉ်ႏလွဉ်ဒွုမ် နုဲင်းမုဲင်ꩻဟောင်း” နုဲင်းနဝ်ꩻသွူ။
55 #
လု ၁၉:၄၇၊ ၂၁:၃၇။ နဝ်ꩻထွူ ဗွေႏယေသျုဒေါ့ꩻဖေႏ လိုꩻစွိုꩻဖုံႏ၊ “ခွေနဝ်ꩻနုဲင်းစွဉ်ႏထွာ အမုပဲစ်သား တဖြာꩻတွော့ꩻ ကအီႏဆွမ်ꩻခွေနဝ်ꩻ သီအီလွဉ်ဗာႏစွဉ်ႏ နꩻဖုံႏတွမ်ႏ ဗင်ဖုံႏ နုဲင်းမုဲင်ꩻဟောင်း။ စွုမ်ႏနီꩻ ခွေအဝ်ႏအုံလင်ꩻတဲင် သွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုနဝ်ꩻ သီတဆွမ်ꩻတဝ်းခွေသွူ။ 56ကွဲႏတွော့ꩻ ကထွာလွဉ်ဗာႏ နုဲင်းယိုနဝ်ꩻ ဖေႏနေးကမဲဉ်ႏလွဉ်ꩻ နုဲင်းပရောဖဲစ်ဖုံႏ ကတဲမ်းသေꩻသော့ꩻခါꩻ လိတ်ကျမ်ꩻကိုအတွိုင်ꩻ” နုဲင်းနဝ်ꩻသွူ။
နဝ်ꩻထွူ တပဲ့တောႏဖုံႏ ကားကအဝ်ႏ အွဉ်ႏကုဲင်ထိုꩻ ဝွေꩻဗွေႏတွော့ꩻ ဖင်းညာꩻထိုꩻစွဉ်ႏသွူ။
ဗွေႏယေသျုတွိုႏလွေꩻကောင်စီဆꩻငါ
(မာကု ၁၄:၅၃–၆၅။ လုကာ ၂၂:၅၄၊၅၅၊ ၆၃-၇၁။ ယော ၁၈:၁၃၊၁၄၊၁၉-၂၄)
57လိုꩻကဆွမ်ꩻဒါႏ ဗွေႏယေသျုသား ဟဲ့ꩻလွေꩻဝွေꩻဗွေႏ ယဇ်ပရောဟိတ်ခွန် ကာယာဖ လမ်းတဲင်၊ နဝ်ꩻကို ကျမ်ꩻဒါႏဆရာႏဖုံႏစွဉ်ႏ လိုꩻတန်ဖုံႏ အဝ်ႏအုံစုဗူႏ လို့ဝင်ꩻဖုံႏသွူ။ 58ပေတရုနဝ်ꩻ မဗော့ꩻမညာꩻ အဝ်ႏလွေꩻလွဉ်ꩻ ဗꩻတွိုႏစွဉ်ႏ ယဇ်ပရောဟိတ်ခွန် အလမ်းပတ္တဝွိုင်ꩻနဝ်ꩻသွူ။ အီႏထွာလွဉ် နုဲင်းမုဲင်ꩻကားကအဝ်ႏ ဖေႏကထီႏဗာႏနဝ်ꩻ ဝွေꩻနွို့လွေꩻသော့ꩻ ပတ္တဝွိုင်ꩻကိုတဲင် အုံလင်ꩻငီꩻစွဉ်ႏ စဲ့ꩻပွေါးသားဖုံႏနဝ်ꩻသွူ။ 59ယဇ်ပရောဟိတ်တန်ဖုံႏတွမ်ႏ ကောင်စီတစွိုꩻနဝ်ꩻ ဖေႏကဆန်ချာလꩻ ဗွေႏယေသျုတွော့ꩻ ဖေႏကမာꩻသီလဝွေꩻနဝ်ꩻ ကျိုꩻစာꩻအဝ်ႏထုမ်ႏ သက်သေႏအမာႏ နဝ်ꩻသွူ။ 60ကွဲႏတွော့ꩻ လဲင်ꩻတွိုႏနေး လိုꩻအာဖုံႏ လွဉ်ငါတဲင် ဒေါ့ꩻလိန်ႏလဲဉ်နေး ဝွေꩻဗွေႏခရာႏစွဉ်ႏတဲ့ ဝွေꩻသီး တမော့ꩻနွောင်ꩻတဝ်း တစိꩻစိꩻနဝ်ꩻသွူ။ အဆုဲင်ꩻသွတ်ꩻ လိုꩻဝင်ꩻနီအုံထွိုင်ႏတဲင်၊ 61#ယော ၂:၁၉။ ဒေါ့ꩻ၊ “ပါꩻယိုရိုꩻ၊ ‘ ခွေမာꩻပြင်ꩻလင်ꩻနွောင်ꩻ ဗွေႏဘုရာꩻ ဗိမာန်ႏတောႏတဲင် လꩻသွံနီꩻထွူ တယ်ႏဟဝ်ချာနွောင်ꩻယင်း ဗိမာန်ႏတောႏကျောင်ꩻ’” နုဲင်းနဝ်ꩻသွူ။
62ယဇ်ပရောဟိတ်ခွန် အုံထွိုင်ႏတဲင် ဒေါ့ꩻဖေႏ ဗွေႏယေသျု၊ “ကအဝ်ႏစွဲꩻတရာꩻနာꩻ ယိုနဝ်ꩻ နာꩻလဝ်းဖြေႏချာ ငဝ်းအဲဉ်ထဝ်းဟောင်း” နုဲင်းနဝ်ꩻသွူ။ 63ကွဲႏတွော့ꩻ ဗွေႏယေသျု အုံယဉ်တစ်ꩻဒျာႏထာꩻသွူ။ ယဇ်ပရောဟိတ်ခွန်တန် ဒေါ့ꩻဖေႏဖျင် ဝွေꩻဗွေႏတလဲင်ႏ၊ “တွိုင်ႏတယ်ႏနေးစွဉ်ႏ သက်ကမွန် ဗွေႏဘုရာꩻ အမဉ်ꩻနာႏမတွော့ꩻ ယိုခါ၊ ခွေအွဉ်ႏနာꩻ စိန်ႏတရေႏနေးနဝ်ꩻသွူ။ နာꩻမဉ်ႏထွာမွေး မေသျိယ၊ ဗွေႏဘုရာꩻပိုခိုနဝ်ꩻ ဒေ့ါꩻနယ်ဖေႏနီဟုဲင်း” နုဲင်းနဝ်ꩻသွူ။
64 #
ဒံ ၇:၁၃။ ဗွေႏယေသျု လဝ်းချာဝွေꩻ၊ “နုဲင်းနာꩻကရိုꩻ အတွိုင်ꩻနဝ်ꩻ မဲဉ်ႏသွူ။ ကွဲႏတွော့ꩻ ခွေဒေါ့ꩻနယ် လို့လို့ဖေႏနာꩻ။ တယ်ႏအချိန်ႏယို မာꩻငါ နာꩻအီႏထီႏဗာႏ လိုꩻပိုခို အုံလင်ꩻထာꩻ အနန္တတန်ꩻခိုꩻဗွေႏ စူထွေဖဲ့ꩻတဲင် အဝ်ႏကျွꩻလင်ꩻလွဉ် မို့ꩻအေႏလောင်း ခမ်းထီမို့ꩻလောင်းကို” နုဲင်းနဝ်ꩻသွူ။
65 #
ဝိ ၂၄:၁၆။ ဟွိုန်နုဲင်းယိုထွူ ယဇ်ပရောဟိတ် ခွန်တန် အဲ့ꩻသဲ့ထိုꩻစွဉ်ႏ ဝွေꩻဆဲင်ꩻတဲင်ဒေါ့ꩻ၊ “ပဲစ်မာႏလဲဉ်းသွူ ဗွေႏဘုရာꩻ၊ နီအဝ်ႏလိုႏထဲင်းတဝ်းဒွုမ် သက်သေႏ တစိꩻစိꩻ၊ သီဟွိုန်လဲဉ်းသွူ ဝွေꩻပဲစ်မာႏ ဗွေႏဘုရာꩻ။ 66သီစဉ်ꩻစာꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
ဝွေꩻသီး လဝ်းချာ၊ “ဝွေꩻနဝ်ꩻ အပဲစ်အဝ်ႏတဲင် ထွိုက်သီဒျာႏရင်ꩻ” နုဲင်းနဝ်ꩻသွူ။
67 # ဟေသျာ ၅၀:၆။ နဝ်ꩻထွူ ဝွေꩻသီးပထို ဝွေꩻဗွေႏမဲ့ငါ တွမ်ႏယုဲင်ꩻထီ၊ တွဲႏစွဉ်ႏ ဝွေꩻဗွေႏတဲင် ပါꩻကတဗꩻ ဝွေꩻဗွေႏနဝ်ꩻ၊ 68ဒေါ့ꩻ၊ “မေသျိယဟွေး၊ ပါꩻမုဲင်ꩻတွဲႏနာꩻနဝ်ꩻ တက်တွော့ꩻ ဟော်ꩻနယ်ဖေႏနီဟုဲင်း” နုဲင်းနဝ်ꩻသွူ။
ပေတရုပယ်ႏထိုꩻဗွေႏယေသျု
(မာကု ၁၄:၆၆–၇၂။ လုကာ ၂၂:၅၆–၆၂။ ယောဟန် ၁၈:၁၅–၁၈၊ ၂၅–၂၇)
69ပေတရု အဝ်ႏအုံလင်ꩻ ကောင်းထန်ႏဖဲ့ꩻ ပတ္တဝွိုင်ꩻကိုချိန်ႏ ယဇ်ပရောဟိတ် သွဉ်းမူႏတဖြာꩻ လွဉ်ဝွေꩻထျꩻတဲင်ဒေါ့ꩻ၊ “နာꩻနဝ်ꩻတဲ့ အဝ်ႏပါငီꩻတွမ်ႏ ကာလိလဲဝေင်ꩻသား ယေသျု” နုဲင်းနဝ်ꩻသွူ။
70ကွဲႏတွော့ꩻ ဝွေꩻသီး ကားကအဝ်ႏဆꩻငါနဝ်ꩻ ဝွေꩻပယ်ႏထိုꩻစွဉ်ႏသွူ။ ဝွေꩻလဝ်းချာ၊ “သီအဝ်ႏဒေါ့ꩻ တမုဲင်ꩻခရာႏနဝ်ꩻ ခွေတသေနာႏတဝ်း” နုဲင်းနဝ်ꩻသွူ။ 71နဝ်ꩻထွူ ထန်ႏငါလွေꩻ ပတ္တဝွိုင်ꩻ သင်ႏဝင်ႏငွါနဝ်ꩻသွူ။ သွဉ်းမူႏ အလင်တဖြာꩻနဝ်ꩻ ထီႏဝွေꩻတဲင် ဒေါ့ꩻဖေႏပါꩻခို နဝ်ꩻကို၊ “ဝွေꩻနဝ်ꩻ အဝ်ႏငီꩻစွဉ်ႏ နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
72ပေတရု ပယ်ႏဖျင်ယင်း တလဲင်ႏတဲင် လဝ်းချာ၊ “ခွေခံႏစိန်ႏတရေႏဗွိုန်ႏဒျာႏ ပါꩻနဝ်ꩻနဝ်ꩻ ခွေတသေငါꩻတဝ်း” နုဲင်းနဝ်ꩻသွူ။
73နဝ်ထွူ တဆင်ႏတွင်ꩻ ပါꩻခိုဖုံႏ ကအဝ်ႏအုံထွိုင်ႏထာꩻ နဝ်ꩻကို လွဉ်ထေ့ ပေတရုထျꩻနဝ်ꩻသွူ။ ဝွေꩻသီးဒေါ့ꩻ၊ “မွေး၊ နာꩻအဝ်ႏပါငီꩻ ဝွေꩻသီးကို တဖြာꩻဒျာႏရင်ꩻ။ ထွားနာꩻထာꩻဒေါ့ꩻ အပွုံႏအနယ်ꩻငါတဲ့ သေလဲဉ်း” နုဲင်းနဝ်ꩻသွူ။
74နဝ်ꩻထွူ ပေတရုဒေါ့ꩻ၊ “ခွေခံႏစိန်ႏတရေႏနေး ခွေကအဝ်ႏဒေါ့ꩻဖေႏသီနဝ်ꩻ အမဲဉ်ႏဒျာႏ။ ခွေဒေါ့ꩻထာꩻ မဉ်ႏတမွေးတဝ်းနဝ်ꩻ ယံဖေႏ ဗွေႏဘုရာꩻ ကဖေႏတံႏသွော့ခွေ။ ပါꩻခိုနဝ်ꩻနဝ်ꩻ ခွေတသေငါꩻတဝ်း” နုဲင်းနဝ်ꩻသွူ။
နဝ်ꩻထွူ တလဲင်ႏချင်ꩻ ဆျာထီးတဗာႏ အူႏစွဉ်ႏထာꩻနဝ်ꩻသွူ။ 75နုဲင်းဗွေႏယေသျု ကဒေါ့ꩻဖေႏလဲဉ်းဒါႏဝွေꩻ၊ “ခလားဆျာထီးကအူႏနဝ်ꩻ နာꩻအီႏရိုꩻ နာꩻတသေငါꩻတဝ်းခွေ သွံလဲင်ႏ” နုဲင်းနဝ်ꩻနဝ်ꩻ ပေတရု ယူႏလꩻချာနဝ်ꩻသွူ။ ဝွေꩻထန်ႏလွေꩻတွော့ꩻ ငွိုးအွီႏ မွေးစွဉ်ႏထာꩻသွူ။
ទើបបានជ្រើសរើសហើយ៖
မတဲ 26: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
မတဲ 26
26
ကျံႏမာꩻသီဗွေႏယေသျု
(မာကု ၁၄:၁–၂။ လု ၂၂:၁–၂။ ယော ၁၁:၄၅–၅၃)
1ဗွေႏယေသျု ထွိုင်ႏသွဥ်သင်ဖေႏ နုဲင်းယိုဖုံႏ ကားကအဝ်ႏထွူချိန်ႏ ဝွေꩻဗွေႏဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ 2#ထလ ၁၂:၁–၂၇။ “နုဲင်းသီ ကအဝ်ႏသေလဲဉ်းသွူ အတွိုင်ꩻ တွိုႏနီနီꩻကိုနဝ်ꩻ ပွယ်ꩻပတ္တခါ အီႏတွိုႏတဲင် လိုꩻပိုခိုနဝ်ꩻ အီႏခံႏဗာႏအဆွမ်ꩻ အပ်သော့ꩻရန်ႏသူႏ စူကိုတဲင် အီႏတွဲႏဒပ်သီ ကင်းထွန်ႏလောင်း” နုဲင်းနဝ်ꩻသွူ။
3နဝ်ꩻထွူ ယဇ်ပရောဟိတ်တန်ဖုံႏတွမ်ႏ လိုꩻတန်ဖုံႏနဝ်ꩻ မော့ꩻခွဲစုဗူႏသော့ꩻလို့ဝင်ꩻ ယဇ်ပရောဟိတ်ခွန် ကာယာဖ ဟော်နန်ꩻကိုတဲင်၊ 4ဖေႏကဆွမ်ꩻတေ့ꩻ ဗွေႏယေသျုတွော့ꩻ ဖေႏကမာꩻသီထိုꩻ ဝွေꩻနဝ်ꩻ မာꩻစွဉ်ႏ အစီႏစဲဉ်ႏဖုံႏသွူ။ 5ဝွေꩻသီးဒေါ့ꩻ၊ “ပွယ်ꩻကျာꩻနဝ်ꩻ နီမာꩻဗာႏတဝ်း၊ မဉ်ႏတမွေးတဝ်းမဲ့ꩻ လိုꩻဖုံႏအီႏရောင် သျွုတ်တရေင်ထာꩻ” နုဲင်းနဝ်ꩻသွူ။
ဆူလူးဗွေႏယေသျုဘိသိပ်နမ်းမန်ꩻဟွမ်ဗေတနိဒုံကို
(မာကု ၁၄:၃–၉။ ယော ၁၂:၁–၈)
6ဗွေႏယေသျုနဝ်ꩻ အဝ်ႏသော့ꩻ ဒုံဗေတနိ၊ ပါꩻတဖြာꩻ ကခံႏစာꩻဗာႏဒါႏ အတွတ်ꩻ ရောႏဂါႏ သျိမုန်အလမ်းကိုနဝ်ꩻသွူ။ 7#လု ၇:၃၇၊၃၈။ ဗွေႏယေသျု အဝ်ႏအံႏထာꩻအံႏကျာꩻနဝ်ꩻ ပါꩻမူႏတဖြာꩻ လွဉ်ထေ့ ဝွေꩻဗွေႏထျꩻတဲင် ပါတွမ်ႏတံႏဖိုꩻတန်ႏ နမ်းမန်ꩻဟွမ် အဝ်ႏဗွေသော့ꩻဒါႏ လုံးဗွာအဲင်ႏတဖြုံႏကိုနဝ်ꩻ ဝွေꩻမူႏ ဆျာꩻလင်ꩻလူးဖေႏစွဉ်ႏ ဝွေꩻဗွေႏ ကတူႏလောင်းသွူ။ 8တပဲ့တောႏဖုံႏ ထွိုင်ႏထီႏနုဲင်းယိုနဝ်ꩻ သꩻလျားလွဉ်စွဉ်ႏထာꩻ နဝ်ꩻသွူ။ ဝွေꩻသီးရီ၊ “ပွိုးတမုဲင်ꩻ ဖျုန်ꩻထိုꩻလို့ဗာႏတွိုႏထာꩻ နုဲင်းယိုဟောင်း” နုဲင်းနဝ်ꩻသွူ။ 9“စာနမ်းမန်ꩻဟွမ် ယိုတွော့ꩻ ကလꩻအာဒါႏရွဉ်ဖုံႏနဝ်ꩻ ဖေႏသွော့ လိုꩻကေန်ꩻခြောဖုံႏမွိုင်” နုဲင်းနဝ်ꩻသွူ။
10ဝွေꩻသီး ကအဝ်ႏရိုꩻဒါႏနဝ်ꩻ ဗွေႏယေသျု အဝ်ႏသေနဝ်ꩻသွူ။ နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီမာꩻသျွုတ်ဗာႏတွိုႏ ပါꩻမူႏယိုဟောင်း။ ကအဝ်ႏမာꩻဟဝ် မာꩻတရေꩻထာꩻနဝ်ꩻ ဝွေꩻမူႏမာꩻဖေႏလဲဉ်း ခွေတာႏသွူ။ 11#ဟော်ꩻ ၁၅:၁၁။ သီနဝ်ꩻ အီႏအဝ်ႏငီꩻ သေႏသေႏဗာႏစွဉ်ႏ လိုꩻကေန်ꩻခြောဖုံႏ၊ ကွဲႏတွော့ꩻ သီနဝ်ꩻ အီႏတအဝ်ႏငီꩻ သေႏသေႏဗာႏတဝ်း ခွေနဝ်ꩻသွူ။ 12နုဲင်းဝွေꩻမူႏ ကဆျာꩻလူးဖေႏ နမ်းမန်ꩻဟွမ် ခွေနမ်းလောင်းနဝ်ꩻ အဝ်ႏဖျင်ရဲဉ်ꩻ သေꩻမꩻဒျာႏ ကအီႏသင်္ဂြိုဟ်ႏ ခွေတာႏနဝ်ꩻသွူ။ 13ယိုခါ၊ ခွေဒေါ့ꩻဖေႏသီအမွေး၊ ကဒေါ့ꩻဟော်ꩻဒါႏ သတင်ꩻဟဝ်ယို လဲင်ꩻစွစ်ꩻစဲစ်ꩻ တဟံႏတန်လွုမ်းချိန်ႏ နုဲင်းဝွေꩻမူႏ ကမာꩻလဲဉ်းဒါႏနဝ်ꩻ အီႏဒေါ့ꩻနယ် ဖေကယူႏလꩻ ဝွေꩻမူႏ” နုဲင်းနဝ်ꩻသွူ။
ယုဒသဘော်ꩻတူႏသစ္စာႏအီႏဖေါက်ဗွေႏယေသျု
(မာကု ၁၄:၁၀၊၁၁။ လုကာ ၂၂:၃–၆)
14နဝ်ꩻထွူ တပဲ့တောႏ တဆီနီဖြာꩻကို တဖြာꩻ၊ မဉ်ꩻကဟဲ့ꩻဒါႏ ယုဒသျာကရုတ်နဝ်ꩻ ထန်ႏလွေꩻထေ့ ယဇ်ပရောဟိတ် တန်ဖုံႏထျꩻ၊ 15#ဇာ ၁၁:၁၂။ တဲင်ရီ၊ “ခွေသစ္စာႏမဉ်ႏဖေါက် ဗွေႏယေသျုတွော့ꩻ မဉ်ႏအပ်ဖေႏသီနဝ်ꩻ သီအီႏဖေႏခွေ တမုဲင်ꩻဟောင်း” နုဲင်းနဝ်ꩻသွူ။ ဝွေꩻသီးတွက်ရွဉ် ဒင်္ဂါꩻ အဗီႏသွံဆီတဲင် ရွဉ်နဝ်ꩻ ဖေႏထိုꩻစွဉ်ႏဝွေꩻသွူ။ 16တယ်ႏစွဉ်ႏနဝ်ꩻကာႏ ကအီႏအပ် ဗွေႏယေသျု ဝွေꩻသီးစူကိုနဝ်ꩻ ယုဒ ထုမ်ႏထွားစွဉ်ႏ အဆင်ႏရော့ꩻနဝ်ꩻသွူ။
ဗွေႏယေသျုတွမ်ႏဝွေꩻဗွေႏတပဲ့တောႏဖုံႏအံႏပတ္တခါထာꩻအံႏ
(မာကု ၁၄:၁၂–၂၁။ လုကာ ၂၂:၇–၁၃၊၂၁-၂၃။ ယော ၁၃:၂၁–၃၀)
17ပွယ်ꩻအံႏဗာႏတခိုး တမီႏလွစ် အရီးသွတ်ꩻနီꩻနဝ်ꩻ တပဲ့တောႏဖုံႏ လွဉ်ထေ့ ဗွေႏယေသျုထျꩻတဲင် ရီဝွေꩻဗွေႏ၊ “နီဗွေႏတာႏ မဥ်အွဉ်ႏနီလွေꩻ ဖျင်ရဲဉ်ꩻသေꩻမꩻ ပတ္တခါထာꩻအံႏ မုဲင်ꩻကိုဟောင်း” နုဲင်းနဝ်ꩻသွူ။
18ဝွေꩻဗွေႏ လဝ်းချာဖေႏ ဝွေꩻသီး၊ “လွေꩻသွော့ ပါꩻတဖြာꩻထျꩻ ကအဝ်ႏသော့ꩻဝေင်ꩻကို နဝ်ꩻတွော့ꩻ ဒေါ့ꩻနယ်ဖေႏသွော့ဝွေꩻ။ ‘ဆရာႏရိုꩻဖေႏ၊ ခွေအချိန်ႏ ဖျော်လွဉ်လဲဉ်း။ ခွေတပဲ့ဖုံႏတွမ်ႏ ခွေအီႏမာꩻသော့ꩻ ပွယ်ꩻပတ္တခါ နာꩻလမ်းကို’” နုဲင်းနဝ်ꩻဟုဲင်း။
19နုဲင်းဗွေႏယေသျု ကဒေါ့ꩻနယ် ဝွေꩻသီးနဝ်ꩻ တပဲ့တောႏဖုံႏ မာꩻလွဉ်ꩻတဲင်ဖျင်ရဲဉ်ꩻစွဉ်ႏ ပတ္တခါထာꩻအံႏသွူ။
20မွူးထွိုင်ႏဟာလွဉ်ချိန်ႏ ဗွေႏယေသျုတွမ်ႏ တပဲ့တောႏ တဆီနီဖြာꩻနဝ်ꩻအုံလင်ꩻ အီႏအံႏထာꩻအံႏသွူ။ 21ကအဝ်ႏအံႏ ထာꩻအံႏကျာꩻ ဗွေႏယေသျုဒေါ့ꩻ၊ “ခွေဒေါ့ꩻဖေႏသီ၊ သီအကို တဖြာꩻနဝ်ꩻ သစ္စာႏအီႏဖေါက်ခွေ” နုဲင်းနဝ်ꩻသွူ။
22တပဲ့တောႏဖုံႏနဝ်ꩻ သꩻကုဲင်တဲင် ရီစစွဉ်ႏဝွေꩻဗွေႏ တဖြာꩻထွူတဖြာꩻ၊ “ဗွေႏ၊ အမဲဉ်ႏနဝ်ꩻ နီဗွေႏ မဉ်ဒေါ့ꩻခွေ တမွေးတဝ်းဟောင်း” နုဲင်းနဝ်ꩻသွူ။
23 #
သာ ၄၁:၉။ ဗွေႏယေသျုလဝ်းချာ၊ ပါꩻအဖြာꩻ ကစုပ်ꩻသော့ꩻငီꩻဒါႏ ဝွေꩻတခိုး ခွေဝန်ႏကိုနဝ်ꩻ သစ္စာႏအီႏဖေါက် ခွေသွူ။ 24နုဲင်းလိတ်ကျမ်ꩻကရိုꩻ လိုꩻပိုခိုနဝ်ꩻ အီႏသီဗာႏ၊ ဝွေꩻအီႏသီဗာႏ၊ ကွဲႏတွော့ꩻ ပါꩻသစ္စာႏ ကအီႏဖေါက်ဒါႏ လိုꩻပိုခိုနဝ်ꩻ ဟဝ်ငမ်းသꩻငါႏ ခွိုင်းကားမုဲင်ꩻ၊ ပါꩻခိုနဝ်ꩻတာႏ ဝွေꩻမဉ်ႏ တလွူးလွဉ်တဝ်းနဝ်ꩻ ကယိန်းဟဝ်” နုဲင်းနဝ်ꩻသွူ။
25ယုဒသစ္စာႏဖေါက်နဝ်ꩻ ဒေါ့ꩻထန်ႏ၊ “ဆရာႏ၊ အမဲဉ်ႏနဝ်ꩻ နီဗွေႏမဉ်ဒေါ့ꩻခွေ တမွေးတဝ်းဟောင်း” ဝွေꩻရီနုဲင်းနဝ်ꩻသွူ။
ဗွေႏယေသျု လဝ်းချာ၊ “နုဲင်းနာꩻကရိုꩻအတွိုင်ꩻနဝ်ꩻ မွေး” နုဲင်းနဝ်ꩻသွူ။
ထာဝရဘုရာꩻထာꩻအံႏမွူးဟာခိုႏ
(မာကု ၁၄:၂၂–၂၆။ လုကာ ၂၂:၄–၂၀။ ၁ကော ၁၁:၂၃–၂၅)
26ဝွေꩻသီးကအဝ်ႏအံႏ ထာꩻအံႏကျာꩻနဝ်ꩻ ဗွေႏယေသျု ထူႏတခိုး၊ အုပ်ꩻထင်ႏကေꩻဇူꩻတောႏ ဆုတောင်ꩻတဲင် အဲ့ꩻတခိုးတွော့ꩻ ဖေႏဝွေꩻတပဲ့တောႏဖုံႏသွူ။ ဝွေꩻဗွေႏဒေါ့ꩻ “ထူႏတခိုး တဲင်အံႏဟုဲင်း။ ယိုနဝ်ꩻထွာ ခွေနမ်းခန္ဓာႏ” နုဲင်းနဝ်ꩻသွူ။
27နဝ်ꩻထွူ ဝွေꩻဗွေႏထူႏ တကောက်ꩻတဖြုံႏ အုပ်ꩻထင်ႏဗွေႏဘုရာꩻ ကေꩻဇူꩻတောႏတဲင် တကောက်ꩻနဝ်ꩻ ဖေႏဝွေꩻသီးသွူ။ ဝွေꩻဗွေႏဒေါ့ꩻ၊ “သီကားကအဝ်ႏ အွꩻသွော့ တကောက်ꩻနဝ်ꩻဟုဲင်း။ 28#ထလ ၂၄:၈၊ ယေ ၃၁:၃၁–၃၄။ ယိုနဝ်ꩻထွာဒျာႏ ခွေအသွီႏ ကတောက်ꩻဖေႏ ဗွေႏဘုရာꩻ ပဋိညာဉ်ႏစွုမ်ႏ၊ ကအီႏအွဉ်ႏစွꩻလွစ်ဖေႏ လိုꩻအာ အပဲစ်ဖုံႏတာႏ ကထောက်ꩻထန်ႏဖေႏဒါႏ ခွေသွီႏနဝ်ꩻသွူ။ 29ခွေဒေါ့ꩻဖေႏသီ၊ ဗꩻတွိုႏစွဉ်ႏ အနီꩻ ခွေအီႏအွꩻငီꩻဗာႏ တွမ်ႏသီ ဝုဲင်တသာ ခွေဖါခမ်းထီကိုနဝ်ꩻ ခွေအီႏတအွꩻဗာႏ ဖျင်တဝ်းဒွုမ် ဝုဲင်ယို” နုဲင်းနဝ်ꩻသွူ။
30နဝ်ꩻထွူ ဝွေꩻသီးရွစ် ဓမ္မငဝ်းသချင်ꩻ တပုဒ်တဲင် ထန်ႏလွေꩻ ကောင်သံလွေင် နဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻငါရီး
(မာကု ၁၄:၂၇–၃၁။ လုကာ ၂၂:၃၁–၃၄။ ယော ၁၃:၃၆–၃၈)
31 #
ဇာ ၁၃:၇။ နဝ်ꩻထွူ ဗွေႏယေသျုဒေါ့ꩻဖေႏ ဝွေꩻသီး၊ “ပွိုးလိတ်ကျမ်ꩻနဝ်ꩻရိုꩻ၊ ‘ဗွေႏဘုရာꩻ အီႏမာꩻသီထိုꩻ သွိုꩻတီသားတဲင် သွိုꩻအဖုံႏ အီႏလီလာထိုꩻ’ နုဲင်းနဝ်ꩻအတွိုင်ꩻ ဟန်ႏနာꩻယို သီကားကအဝ်ႏနဝ်ꩻ အီႏဖင်းညာꩻတဲင် အွဉ်ႏကုဲင်ထိုꩻခွေ” နုဲင်းနဝ်ꩻသွူ။ 32#မ ၂၈:၁၆။ ကွဲႏတွော့ꩻ ခွေအဝ်ႏထာꩻသီ ထွိုင်ႏမွန်လွဉ်ချာထွူ ခွေအီႏလွေꩻရီးသီ ကာလိလဲခမ်း” နုဲင်းနဝ်ꩻသွူ။
33ပေတရု ဒေါ့ꩻထန်ႏဖေႏ ဗွေႏယေသျု၊ “ကအဝ်ႏကုဲင်ဒါႏလိုꩻဖုံႏ ကားကအဝ်ႏ လဲင်ꩻဖင်းထိုꩻလို့စွဉ်ႏတဲ့ ခွေနဝ်ꩻ မုဲင်ꩻခါတဲ့ အီႏတအွဉ်ႏကုဲင်ထိုꩻတဝ်း နီဗွေႏ” နုဲင်းနဝ်ꩻသွူ။
34ဗွေႏယေသျု ဒေါ့ꩻဖေႏပေတရု၊ “ခွေဒေါ့ꩻဖေႏနာꩻ၊ ဟန်ႏနာꩻယို ခလားဆျာထီး ကအူႏ နာꩻတသေငါꩻတဝ်းခွေ၊ နာꩻအီႏဒေါ့ꩻ နုဲင်းနဝ်ꩻ သွံလဲင်ႏ” နုဲင်းနဝ်ꩻသွူ။
35ပေတရုလဝ်းချာ၊ “ခွေမဉ်ႏသီငီꩻ တွမ်ႏနီဗွေႏစွဉ်ႏတဲ့ ခွေအီႏတရိုꩻတဝ်း နုဲင်းနဝ်ꩻ’ နုဲင်းနဝ်ꩻသွူ။
နဝ်ꩻမꩻ တပဲ့တောႏအလင်ဖုံႏ ကားကအဝ်ႏတဲ့ ဒေါ့ꩻဗွိုန် နုဲင်းနဝ်ꩻနေနေသွူ။
ဗွေႏယေသျုဆုတောင်ꩻသော့ꩻဂေတသျေမန်ဥယျာဉ်ႏကို
(မာကု ၁၄:၃၂–၄၂။ လုကာ ၂၂:၃၉–၄၆)
36နဝ်ꩻထွူ ဗွေႏယေသျု လွေꩻငီꩻစွဉ်ႏ ဝွေꩻဗွေႏတပဲ့တောႏဖုံႏ ခင်ႏလမ်းတထွောင်း ကဟဲ့ꩻဒါႏ ဂေတသျေမန် ဥယျာဉ်ႏကိုတဲင် ဝွေꩻဒေါ့ꩻဖေႏ ဝွေꩻသီး၊ “ခွေလွေꩻနဝ်ꩻကိုတွော့ꩻ ဆုတောင်ꩻကျာꩻနဝ်ꩻ အုံလင်ꩻယိုကိုဟုဲင်း” နုဲင်းနဝ်ꩻသွူ။ 37ဝွေꩻဗွေႏဟဲ့ꩻလွေꩻငီꩻစွဉ်ႏ ပေတရုတွမ်ႏ ဇေဗေဒဲပိုခို ဝင်ꩻနီနဝ်ꩻသွူ။ ထာꩻသꩻပေႏတွမ်ႏ သꩻဒုက္ခဖျော်လွဉ်လူး ဝွေꩻဗွေႏတဲင်၊ 38ဝွေꩻဗွေႏဒေါ့ꩻဖေႏ ဝွေꩻသီး၊ “ခွေထာꩻသꩻပေႏနဝ်ꩻ တန်ငါႏလွဉ်ꩻ နဝ်ꩻမꩻ ခွေသꩻ အီႏပꩻဖွန်ႏထိုꩻနေးစွဉ်ႏ နဝ်ꩻသွူ။ တွမ်ႏခွေအုံပွေါး ယိုကိုဟုဲင်း” နုဲင်းနဝ်ꩻသွူ။
39ဝွေꩻဗွေႏ လွေꩻငါထဲင်း တစိꩻတွော့ꩻ ဝွေꩻဗွေႏ အွပ်ꩻလင်ꩻ ဟံႏလောင်းတဲင် ဆုတောင်ꩻ၊ “ခွေဖါ၊ မဉ်ႏထွာနွောင်ꩻနဝ်ꩻ ထာꩻဒုက္ခတကောက်ꩻ အဝ်ႏခွေထျꩻယို ထူႏထိုꩻဖေႏမွိုင်၊ ကွဲႏတွော့ꩻ ဖေႏကထွာမွိုန်း ခွေအလိုႏ၊ ဖေႏကထွာသွော့ နီဗွေႏအလိုႏတောႏ” နုဲင်းနဝ်ꩻသွူ။
40နဝ်ꩻထွူ ဝွေꩻဗွေႏ ခွယ်ထေ့ချာ တပဲ့တောႏဖုံႏ သွံဖြာꩻထျꩻတဲင် ထီႏဒျာႏ ဝွေꩻသီး အဝ်ႏဗေင်ႏအွီႏထာꩻ နဝ်ꩻသွူ။ နဝ်ꩻမꩻ ဝွေꩻဗွေႏဒေါ့ꩻဖေႏ ပေတရု၊ “သီဝင်ꩻသွံနဝ်ꩻ တနားရီႏငါတဲ့ အုံပွေါးငီꩻခွေ လဲင်ꩻတနွောင်ꩻတဝ်းဟောင်း” နုဲင်းနဝ်ꩻသွူ။ 41သီဖေႏကထဲ့သော့ꩻမွိုန်း ထာꩻသွေꩻကုဲင်ကိုနဝ်ꩻ အုံပွေါးတဲင် ဆုတောင်ꩻသွော့။ ဝိညာဉ်ႏသꩻအာႏနဝ်ꩻ တလာစွဉ်ႏတဲ့ နမ်းအာႏနဝ်ꩻ ဆေ့ꩻငါႏ” နုဲင်းနဝ်ꩻသွူ။
42ဗွေႏယေသျု လွေꩻညာꩻဖျင်ယင်း တလဲင်ႏတဲင် ဆုတောင်ꩻ၊ “ခွေဖါ၊ ထာꩻဒုက္ခ တကောက်ꩻယို မဉ်ႏတထူႏလွေꩻညာꩻ ထိုꩻတဝ်းတွော့ꩻ၊ ပေါႏခွေအွꩻဗာႏဒျာႏတဲ့ ဖေႏကထွာသွော့ နီဗွေႏအလိုႏတောႏ” နုဲင်းနဝ်ꩻသွူ။ 43ဝွေꩻဗွေႏ ခွယ်သဲင်ꩻချာယင်း တလဲင်ႏတဲင် ထီႏဒျာႏ တပဲ့တောႏဖုံႏ အဝ်ႏဗေင်ႏအွီႏထာꩻ၊ ဝွေꩻသီး လျာအမဲ့ဖုံႏငါတဲ့ တနွောင်ꩻတဝ်းနဝ်ꩻသွူ။
44ဗွေႏယေသျု အဝ်ႏဝွေꩻသီးထျꩻ ထန်ႏလွေꩻညာꩻဖျင် တလဲင်ႏတဲင် ဆုတောင်ꩻ ဗꩻတွိုႏသွံလဲင်ႏတဲင် ရိုꩻငဝ်းဗွိုန်နုဲင်း အလီꩻနဝ်ꩻသွူ။ 45နဝ်ꩻထွူ ဝွေꩻဗွေႏ သဲင်ꩻထေ့ချာ တပဲ့တောႏဖုံႏထျꩻတဲင်ဒေါ့ꩻ၊ “သီ အဝ်ႏဗေင်ႏအွီႏနေကတွော့ꩻ အဝ်ႏအုံပဆားဒျာႏ ဒွိုန်းကဟောင်း။ ထွားဟုဲင်း၊ ကအီႏဆွမ်ꩻ လိုꩻပိုခိုတွော့ꩻ အီႏအပ်ဖေႏထိုꩻ အပဲစ်အာႏဏာႏသား စူကိုနဝ်ꩻ အချိန်ႏတွိုႏလဲဉ်း။ 46ထွိုင်ႏဟုဲင်း၊ နီလွေꩻတွမ်၊ ထွားဟုဲင်း၊ ပါꩻသစ္စာႏ ကဖေါက်ဒါႏခွေနဝ်ꩻ ယိုသွူ” နုဲင်းနဝ်ꩻသွူ။
ဆွမ်ꩻထိုꩻဗွေႏယေသျု
(မာကု ၁၄:၄၃–၅၀။ လုကာ ၂၂:၄၇–၅၃။ ယောဟန် ၁၈:၃–၁၂)
47ဗွေႏယေသျု ကအဝ်ႏဒေါ့ꩻထာꩻကျာꩻ တပဲ့တောႏ တဆီနီဖြာꩻကိုတဖြာꩻ ကထွာယုဒနဝ်ꩻ ဖျော်လွဉ်စွဉ်ႏသွူ။ ဝွေꩻနဝ်ꩻ ပါလွဉ်စွဉ်ႏ လိုꩻစွိုꩻအာတစွိုꩻ အီပါစူခွုမ်လက်နက် နꩻဖုံႏ၊ ဗင်ဖုံႏတဲင် ထွာယဇ်ပရောဟိတ်တန်ဖုံႏတွမ်ႏ လိုꩻတန်ဖုံႏ ကအွဉ်ႏစွꩻလွဉ်နဝ်ꩻသွူ။ 48သစ္စာႏဖေါက် ကဖေႏဒါႏ လိုꩻစွိုꩻ အမတ်လက္ခဏာႏ တစွိုးနဝ်ꩻ၊ “ပါꩻခိုခွေကနို့ꩻနဝ်ꩻထွာ ပါꩻအဖြာꩻ သီကမဉ်လꩻနဝ်ꩻသွူ။ ဆွမ်ꩻသွော့ဝွေꩻဟုဲင်း” နုဲင်းနဝ်ꩻသွူ။
49ယုဒလွေꩻငါစွို့ꩻစွဉ်ႏ ဗွေႏယေသျုတဲင်ဒေါ့ꩻ၊ “ဆရာႏ၊ ယံဖေႏထာꩻငိမ်ꩻချမ်ꩻသာႏ ကအဝ်ႏငီꩻသွော့ စွဉ်ႏနီဗွေႏ” နုဲင်းနဝ်ꩻတဲင် နို့ꩻစွဉ်ႏဝွေꩻဗွေႏသွူ။
50ဗွေႏယေသျုလဝ်းချာ၊ “အဗာႏမာꩻနုဲင်းမုဲင်ꩻတဲ့ မာꩻမွိုင်မွိုင်ခန်းဟုဲင်း၊ သွꩻ” နုဲင်းနဝ်ꩻသွူ။
နဝ်ꩻထွူ ဝွေꩻသီးလွဉ်တွော့ꩻ၊ ဆွမ်ꩻစွဉ်ႏ ဗွေႏယေသျုတဲင် စွိုင်စွဉ်ႏ ဝွေꩻဗွေႏနဝ်ꩻသွူ။ 51လိုꩻကအဝ်ႏငီꩻတွမ်ႏ ဗွေႏယေသျုအကို တဖြာꩻနဝ်ꩻ ဗဲ့ꩻဝွေꩻနꩻဆဲင်တဲင် ဖျက်ꩻစွဉ်ႏ ယဇ်ပရောဟိတ် သွဉ်းတွော့ꩻ အနားလာႏ တပစ်ꩻထိုꩻစွဉ်ႏနဝ်ꩻသွူ။ 52ဗွေႏယေသျု ဒေါ့ꩻဖေႏဝွေꩻ၊ “နာꩻနꩻနဝ်ꩻ သော့ꩻဟဝ်ချာယင်းခန်း အကော့ꩻကိုဟုဲင်း။ လိုꩻကထူႏဒါႏ နꩻသားဖုံႏ ကားကအဝ်ႏနဝ်ꩻ အီႏသီဗာႏစွဉ်ႏနꩻဖုံႏသွူ။ 53ခွေကွီထင်ႏနွောင်ꩻ ခွေဖါထာꩻစွဲကိုတဲင် တလဲင်ႏချင်ꩻ ဝွေꩻအီႏအွဉ်ႏစွꩻလွဉ်ဖေႏခွေ မို့ꩻလောင်းတမန်ႏ တဆီနီတပ်လွိုနဝ်ꩻ နာꩻတသေတဝ်းဟောင်း။ 54ကွဲႏတွော့ꩻ အမုယိုနဝ်ꩻ နုဲင်းလိတ်ကျမ်ꩻကိုကရိုꩻ ယိုဖုံႏနဝ်ꩻ အီႏထွာမွေးဗာႏဒျာႏရင်ꩻနဝ်ꩻ အီႏမဲဉ်ႏလွဉ်ဒွုမ် နုဲင်းမုဲင်ꩻဟောင်း” နုဲင်းနဝ်ꩻသွူ။
55 #
လု ၁၉:၄၇၊ ၂၁:၃၇။ နဝ်ꩻထွူ ဗွေႏယေသျုဒေါ့ꩻဖေႏ လိုꩻစွိုꩻဖုံႏ၊ “ခွေနဝ်ꩻနုဲင်းစွဉ်ႏထွာ အမုပဲစ်သား တဖြာꩻတွော့ꩻ ကအီႏဆွမ်ꩻခွေနဝ်ꩻ သီအီလွဉ်ဗာႏစွဉ်ႏ နꩻဖုံႏတွမ်ႏ ဗင်ဖုံႏ နုဲင်းမုဲင်ꩻဟောင်း။ စွုမ်ႏနီꩻ ခွေအဝ်ႏအုံလင်ꩻတဲင် သွဉ်သင်သော့ꩻဖေႏ ဗိမာန်ႏတောႏ ကျောင်ꩻကိုနဝ်ꩻ သီတဆွမ်ꩻတဝ်းခွေသွူ။ 56ကွဲႏတွော့ꩻ ကထွာလွဉ်ဗာႏ နုဲင်းယိုနဝ်ꩻ ဖေႏနေးကမဲဉ်ႏလွဉ်ꩻ နုဲင်းပရောဖဲစ်ဖုံႏ ကတဲမ်းသေꩻသော့ꩻခါꩻ လိတ်ကျမ်ꩻကိုအတွိုင်ꩻ” နုဲင်းနဝ်ꩻသွူ။
နဝ်ꩻထွူ တပဲ့တောႏဖုံႏ ကားကအဝ်ႏ အွဉ်ႏကုဲင်ထိုꩻ ဝွေꩻဗွေႏတွော့ꩻ ဖင်းညာꩻထိုꩻစွဉ်ႏသွူ။
ဗွေႏယေသျုတွိုႏလွေꩻကောင်စီဆꩻငါ
(မာကု ၁၄:၅၃–၆၅။ လုကာ ၂၂:၅၄၊၅၅၊ ၆၃-၇၁။ ယော ၁၈:၁၃၊၁၄၊၁၉-၂၄)
57လိုꩻကဆွမ်ꩻဒါႏ ဗွေႏယေသျုသား ဟဲ့ꩻလွေꩻဝွေꩻဗွေႏ ယဇ်ပရောဟိတ်ခွန် ကာယာဖ လမ်းတဲင်၊ နဝ်ꩻကို ကျမ်ꩻဒါႏဆရာႏဖုံႏစွဉ်ႏ လိုꩻတန်ဖုံႏ အဝ်ႏအုံစုဗူႏ လို့ဝင်ꩻဖုံႏသွူ။ 58ပေတရုနဝ်ꩻ မဗော့ꩻမညာꩻ အဝ်ႏလွေꩻလွဉ်ꩻ ဗꩻတွိုႏစွဉ်ႏ ယဇ်ပရောဟိတ်ခွန် အလမ်းပတ္တဝွိုင်ꩻနဝ်ꩻသွူ။ အီႏထွာလွဉ် နုဲင်းမုဲင်ꩻကားကအဝ်ႏ ဖေႏကထီႏဗာႏနဝ်ꩻ ဝွေꩻနွို့လွေꩻသော့ꩻ ပတ္တဝွိုင်ꩻကိုတဲင် အုံလင်ꩻငီꩻစွဉ်ႏ စဲ့ꩻပွေါးသားဖုံႏနဝ်ꩻသွူ။ 59ယဇ်ပရောဟိတ်တန်ဖုံႏတွမ်ႏ ကောင်စီတစွိုꩻနဝ်ꩻ ဖေႏကဆန်ချာလꩻ ဗွေႏယေသျုတွော့ꩻ ဖေႏကမာꩻသီလဝွေꩻနဝ်ꩻ ကျိုꩻစာꩻအဝ်ႏထုမ်ႏ သက်သေႏအမာႏ နဝ်ꩻသွူ။ 60ကွဲႏတွော့ꩻ လဲင်ꩻတွိုႏနေး လိုꩻအာဖုံႏ လွဉ်ငါတဲင် ဒေါ့ꩻလိန်ႏလဲဉ်နေး ဝွေꩻဗွေႏခရာႏစွဉ်ႏတဲ့ ဝွေꩻသီး တမော့ꩻနွောင်ꩻတဝ်း တစိꩻစိꩻနဝ်ꩻသွူ။ အဆုဲင်ꩻသွတ်ꩻ လိုꩻဝင်ꩻနီအုံထွိုင်ႏတဲင်၊ 61#ယော ၂:၁၉။ ဒေါ့ꩻ၊ “ပါꩻယိုရိုꩻ၊ ‘ ခွေမာꩻပြင်ꩻလင်ꩻနွောင်ꩻ ဗွေႏဘုရာꩻ ဗိမာန်ႏတောႏတဲင် လꩻသွံနီꩻထွူ တယ်ႏဟဝ်ချာနွောင်ꩻယင်း ဗိမာန်ႏတောႏကျောင်ꩻ’” နုဲင်းနဝ်ꩻသွူ။
62ယဇ်ပရောဟိတ်ခွန် အုံထွိုင်ႏတဲင် ဒေါ့ꩻဖေႏ ဗွေႏယေသျု၊ “ကအဝ်ႏစွဲꩻတရာꩻနာꩻ ယိုနဝ်ꩻ နာꩻလဝ်းဖြေႏချာ ငဝ်းအဲဉ်ထဝ်းဟောင်း” နုဲင်းနဝ်ꩻသွူ။ 63ကွဲႏတွော့ꩻ ဗွေႏယေသျု အုံယဉ်တစ်ꩻဒျာႏထာꩻသွူ။ ယဇ်ပရောဟိတ်ခွန်တန် ဒေါ့ꩻဖေႏဖျင် ဝွေꩻဗွေႏတလဲင်ႏ၊ “တွိုင်ႏတယ်ႏနေးစွဉ်ႏ သက်ကမွန် ဗွေႏဘုရာꩻ အမဉ်ꩻနာႏမတွော့ꩻ ယိုခါ၊ ခွေအွဉ်ႏနာꩻ စိန်ႏတရေႏနေးနဝ်ꩻသွူ။ နာꩻမဉ်ႏထွာမွေး မေသျိယ၊ ဗွေႏဘုရာꩻပိုခိုနဝ်ꩻ ဒေ့ါꩻနယ်ဖေႏနီဟုဲင်း” နုဲင်းနဝ်ꩻသွူ။
64 #
ဒံ ၇:၁၃။ ဗွေႏယေသျု လဝ်းချာဝွေꩻ၊ “နုဲင်းနာꩻကရိုꩻ အတွိုင်ꩻနဝ်ꩻ မဲဉ်ႏသွူ။ ကွဲႏတွော့ꩻ ခွေဒေါ့ꩻနယ် လို့လို့ဖေႏနာꩻ။ တယ်ႏအချိန်ႏယို မာꩻငါ နာꩻအီႏထီႏဗာႏ လိုꩻပိုခို အုံလင်ꩻထာꩻ အနန္တတန်ꩻခိုꩻဗွေႏ စူထွေဖဲ့ꩻတဲင် အဝ်ႏကျွꩻလင်ꩻလွဉ် မို့ꩻအေႏလောင်း ခမ်းထီမို့ꩻလောင်းကို” နုဲင်းနဝ်ꩻသွူ။
65 #
ဝိ ၂၄:၁၆။ ဟွိုန်နုဲင်းယိုထွူ ယဇ်ပရောဟိတ် ခွန်တန် အဲ့ꩻသဲ့ထိုꩻစွဉ်ႏ ဝွေꩻဆဲင်ꩻတဲင်ဒေါ့ꩻ၊ “ပဲစ်မာႏလဲဉ်းသွူ ဗွေႏဘုရာꩻ၊ နီအဝ်ႏလိုႏထဲင်းတဝ်းဒွုမ် သက်သေႏ တစိꩻစိꩻ၊ သီဟွိုန်လဲဉ်းသွူ ဝွေꩻပဲစ်မာႏ ဗွေႏဘုရာꩻ။ 66သီစဉ်ꩻစာꩻ နုဲင်းမုဲင်ꩻဟောင်း” နုဲင်းနဝ်ꩻသွူ။
ဝွေꩻသီး လဝ်းချာ၊ “ဝွေꩻနဝ်ꩻ အပဲစ်အဝ်ႏတဲင် ထွိုက်သီဒျာႏရင်ꩻ” နုဲင်းနဝ်ꩻသွူ။
67 # ဟေသျာ ၅၀:၆။ နဝ်ꩻထွူ ဝွေꩻသီးပထို ဝွေꩻဗွေႏမဲ့ငါ တွမ်ႏယုဲင်ꩻထီ၊ တွဲႏစွဉ်ႏ ဝွေꩻဗွေႏတဲင် ပါꩻကတဗꩻ ဝွေꩻဗွေႏနဝ်ꩻ၊ 68ဒေါ့ꩻ၊ “မေသျိယဟွေး၊ ပါꩻမုဲင်ꩻတွဲႏနာꩻနဝ်ꩻ တက်တွော့ꩻ ဟော်ꩻနယ်ဖေႏနီဟုဲင်း” နုဲင်းနဝ်ꩻသွူ။
ပေတရုပယ်ႏထိုꩻဗွေႏယေသျု
(မာကု ၁၄:၆၆–၇၂။ လုကာ ၂၂:၅၆–၆၂။ ယောဟန် ၁၈:၁၅–၁၈၊ ၂၅–၂၇)
69ပေတရု အဝ်ႏအုံလင်ꩻ ကောင်းထန်ႏဖဲ့ꩻ ပတ္တဝွိုင်ꩻကိုချိန်ႏ ယဇ်ပရောဟိတ် သွဉ်းမူႏတဖြာꩻ လွဉ်ဝွေꩻထျꩻတဲင်ဒေါ့ꩻ၊ “နာꩻနဝ်ꩻတဲ့ အဝ်ႏပါငီꩻတွမ်ႏ ကာလိလဲဝေင်ꩻသား ယေသျု” နုဲင်းနဝ်ꩻသွူ။
70ကွဲႏတွော့ꩻ ဝွေꩻသီး ကားကအဝ်ႏဆꩻငါနဝ်ꩻ ဝွေꩻပယ်ႏထိုꩻစွဉ်ႏသွူ။ ဝွေꩻလဝ်းချာ၊ “သီအဝ်ႏဒေါ့ꩻ တမုဲင်ꩻခရာႏနဝ်ꩻ ခွေတသေနာႏတဝ်း” နုဲင်းနဝ်ꩻသွူ။ 71နဝ်ꩻထွူ ထန်ႏငါလွေꩻ ပတ္တဝွိုင်ꩻ သင်ႏဝင်ႏငွါနဝ်ꩻသွူ။ သွဉ်းမူႏ အလင်တဖြာꩻနဝ်ꩻ ထီႏဝွေꩻတဲင် ဒေါ့ꩻဖေႏပါꩻခို နဝ်ꩻကို၊ “ဝွေꩻနဝ်ꩻ အဝ်ႏငီꩻစွဉ်ႏ နာဇရဲစ်ဝေင်ꩻသား ယေသျု” နုဲင်းနဝ်ꩻသွူ။
72ပေတရု ပယ်ႏဖျင်ယင်း တလဲင်ႏတဲင် လဝ်းချာ၊ “ခွေခံႏစိန်ႏတရေႏဗွိုန်ႏဒျာႏ ပါꩻနဝ်ꩻနဝ်ꩻ ခွေတသေငါꩻတဝ်း” နုဲင်းနဝ်ꩻသွူ။
73နဝ်ထွူ တဆင်ႏတွင်ꩻ ပါꩻခိုဖုံႏ ကအဝ်ႏအုံထွိုင်ႏထာꩻ နဝ်ꩻကို လွဉ်ထေ့ ပေတရုထျꩻနဝ်ꩻသွူ။ ဝွေꩻသီးဒေါ့ꩻ၊ “မွေး၊ နာꩻအဝ်ႏပါငီꩻ ဝွေꩻသီးကို တဖြာꩻဒျာႏရင်ꩻ။ ထွားနာꩻထာꩻဒေါ့ꩻ အပွုံႏအနယ်ꩻငါတဲ့ သေလဲဉ်း” နုဲင်းနဝ်ꩻသွူ။
74နဝ်ꩻထွူ ပေတရုဒေါ့ꩻ၊ “ခွေခံႏစိန်ႏတရေႏနေး ခွေကအဝ်ႏဒေါ့ꩻဖေႏသီနဝ်ꩻ အမဲဉ်ႏဒျာႏ။ ခွေဒေါ့ꩻထာꩻ မဉ်ႏတမွေးတဝ်းနဝ်ꩻ ယံဖေႏ ဗွေႏဘုရာꩻ ကဖေႏတံႏသွော့ခွေ။ ပါꩻခိုနဝ်ꩻနဝ်ꩻ ခွေတသေငါꩻတဝ်း” နုဲင်းနဝ်ꩻသွူ။
နဝ်ꩻထွူ တလဲင်ႏချင်ꩻ ဆျာထီးတဗာႏ အူႏစွဉ်ႏထာꩻနဝ်ꩻသွူ။ 75နုဲင်းဗွေႏယေသျု ကဒေါ့ꩻဖေႏလဲဉ်းဒါႏဝွေꩻ၊ “ခလားဆျာထီးကအူႏနဝ်ꩻ နာꩻအီႏရိုꩻ နာꩻတသေငါꩻတဝ်းခွေ သွံလဲင်ႏ” နုဲင်းနဝ်ꩻနဝ်ꩻ ပေတရု ယူႏလꩻချာနဝ်ꩻသွူ။ ဝွေꩻထန်ႏလွေꩻတွော့ꩻ ငွိုးအွီႏ မွေးစွဉ်ႏထာꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.