လုကာ 9
9
ဗွေႏယေသျုအွဉ်ႏစွꩻထန်ႏလွေꩻတပဲ့တောႏတဆီနီဖြာꩻ
(မတဲ ၁၀:၅–၁၅။ မာကု ၆:၇–၁၃)
1ဗွေႏယေသျု ဟဲ့ꩻစုဗူႏတပဲ့တောႏ တဆီနီဖြာꩻတဲင် ဖေႏကဝါးထန်ႏနွောင်ꩻ လူꩻကုဲင်တွော့ꩻ ဖေႏကလုမ်ꩻလာꩻ မာꩻဟဝ်ဖေႏ ရောႏဂါႏသားဖုံႏနဝ်ꩻ ဖေႏဝွေꩻသီး တန်ꩻခိုꩻတွမ်ႏ အာႏဏာႏသွူ။ 2နဝ်ꩻထွူ ဖေႏကဟော်ꩻ ဗွေႏဘုရာꩻ ခမ်းထီနဲင်ႏငံႏ တရာꩻတွော့ꩻ ဖေႏကလုမ်ꩻလာꩻ မာꩻဟဝ်ဖေႏ ထာꩻဆော့ဆာနဝ်ꩻ ဝွေꩻဗွေႏ အွဉ်ႏစွꩻထန်ႏဝွေꩻသီးသွူ။ 3#လု ၁၀:၄–၁၁။ နဝ်ꩻထွူ ဒေါ့ꩻဖေႏဝွေꩻသီး၊ “သီထန်ႏတဖူꩻတာႏနဝ်ꩻ တွမ်ႏထူႏလွေꩻမွိုန်း တမုဲင်ꩻမုဲင်ꩻ၊ ခွဉ်းထောက်၊ တောင်းပွိုလား၊ ထာꩻအံႏ၊ ရွဉ်ဖုံႏနဝ်ꩻ တွမ်ႏအီပါမွိုန်းဟုဲင်း။ ဆဲင်ꩻဆုပ်ꩻလွို တဖွူꩻငါတဲ့ တွမ်ႏအီပါမွိုန်း။ 4ကျိုႏရပ်ဆွုမ်ႏသီ မုဲင်ꩻကိုတဲ့ ဗꩻတွိုႏ သီကထန်ႏလွေꩻထိုꩻ ဝေင်ꩻနဝ်ꩻ အုံဗော့ꩻလမ်းနဝ်ꩻဟုဲင်း။ 5#တ ၁၃:၅၁။ ခင်ႏလမ်းမုဲင်ꩻတယဝ်း လိုꩻတကျိုႏ ရပ်ဆွုမ်ႏတဝ်းသီနဝ်ꩻ ထန်ႏထိုꩻဝေင်ꩻနဝ်ꩻတွော့ꩻ နုဲင်းဖေႏသတိꩻ ဝွေꩻသီးအနေႏ တဒေါက်ꩻထိုꩻဟံႏဖွန်ႏ သီခင်ႏလောင်းနဝ်ꩻဟုဲင်း” နုဲင်းနဝ်ꩻသွူ။
6တပဲ့တောႏဖုံႏ ထန်ႏလွေꩻစွဉ်ႏတဖူꩻ ဒုံဖုံႏကားကအဝ်ႏတဲင် ဟော်ꩻစွဉ်ႏ သꩻတင်ꩻဟဝ် တရာꩻတွော့ꩻ လုမ်ꩻလာꩻမာꩻဟဝ်ဖေႏ လိုꩻဖုံႏ ခင်ႏလမ်းစွုမ်ႏထွောင်း နဝ်ꩻသွူ။
ခွန်တန်ဟေရုဒ်သꩻသျွုတ်
(မတဲ ၁၄:၁–၁၂။ မာကု ၆:၁၄–၂၉)
7 #
မ ၁၆:၁၄၊ မာ ၈:၂၈၊ လု ၉:၁၉။ ခွန်တန်ဟေရုဒ် ကအဝ်ႏအုပ်စိုꩻဒါႏ ကာလိလဲခမ်း ထွိုင်ႏဟွိုန် ထာꩻကအဝ်ႏထွာလွဉ် ခရာႏဖုံႏ ကားကအဝ်ႏချိန်ႏနဝ်ꩻ ဝွေꩻသꩻသျွုတ် တရေင်ငါႏ၊ ပွိုးတွော့ꩻ လိုꩻယင်ဟန်ႏ သားဖုံႏနဝ်ꩻ အဝ်ႏရိုꩻ ဗတ္တိဇံႏဆရာႏ ယောဟန် ထွိုင်ႏမွန်လွဉ်ချာလဲဉ်း အတွက်သွူ။ 8လိုꩻအလင်ဖုံႏနဝ်ꩻ သမ်းရိုꩻ၊ ဧလိယ ပေါႏလွဉ်တဲင် အလင်ဖုံႏနဝ်ꩻ သမ်းရိုꩻ ပရောဖဲစ်စခါ တပါꩻပါꩻ ထွိုင်ႏမွန်လွဉ်ချာလဲဉ်း နုဲင်းနဝ်ꩻသွူ။ 9ဟေရုဒ်ဒေါ့ꩻ၊ “ယောဟန်ကတူႏနဝ်ꩻ ခွေဓွေါ့ꩻတပွတ်ꩻထိုꩻလဲဉ်း။ ကွဲႏတွော့ꩻ ခွေကအဝ်ႏဟွိုန်ဒါႏ ပါယိုအခရာႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻတဲင် ဖေႏကထီႏ ဗွေႏယေသျုနဝ်ꩻ ဝွေꩻကျိုꩻစာꩻစွဉ်ႏနဝ်ꩻသွူ။
ဗွေႏယေသျုဖေႏအံႏလိုꩻငတ်ꩻရေင်ထာꩻအံႏ
(မတဲ ၁၄:၁၃–၂၁။ မာကု ၆:၃၀–၄၄။ ယောဟန် ၆:၁–၁၄)
10တမန်ႏတောႏဖုံႏ သဲင်ꩻလွဉ်ချာတဲင် နုဲင်းဝွေꩻသီး ကမာꩻလဲဉ်းဒါႏဖုံႏ ကားကအဝ်ႏနဝ်ꩻ ဒေါ့ꩻနယ်ဖေႏ ဗွေႏယေသျုသွူ။ ဝွေꩻသီးနဝ်ꩻ ဝွေꩻဗွေႏ ဟဲ့ꩻလွေꩻငီꩻစွဉ်ႏ ဝွေꩻဗွေႏတွော့ꩻ ဝွေꩻသီး ထန်ႏလွေꩻငီꩻစွဉ်ႏ ဝေင်ꩻတဖြုံႏ မဉ်ꩻကဟဲ့ꩻဒါႏ ဗဲက်သဲဒနဝ်ꩻသွူ။ 11လိုꩻစွိုꩻဖုံႏ ထွိုင်ႏဟွိုန်ဝွေꩻသီး လွေꩻထိုꩻ ဝေင်ꩻနဝ်ꩻခရာႏချိန်ႏ ဝွေꩻသီး လွေꩻလွဉ်ꩻစွဉ်ႏ ဝွေꩻဗွေႏနဝ်ꩻသွူ။ ဝွေꩻဗွေႏ ရပ်ကျိုႏဆွုမ်ႏ ဝွေꩻသီးတွော့ꩻ ပွိုင်းဝွို့စွဉ်ႏ ဗွေႏဘုရာꩻခမ်းထီ နဲင်ႏငံႏခရာႏနဝ်ꩻ ဒေါ့ꩻနယ်စွဉ်ႏဝွေꩻသီးတဲင် လုမ်ꩻလာꩻမာꩻဟဝ်ဖေႏ လိုꩻတအုံဟဝ်တဝ်းဖုံႏ နဝ်ꩻသွူ။
12မွူးထွိုင်ႏအီႏနွို့လွဉ်စချိန်ႏ တပဲ့တောႏ တဆီနီဖြာꩻ လွဉ်ထေ့ ဝွေꩻဗွေႏထျꩻတဲင်ဒေါ့ꩻ။ “ပွိုးတွော့ꩻ ယိုကိုနဝ်ꩻထွာဒျာႏ ခင်ႏလမ်းယဉ် တထွောင်း နဝ်ꩻမꩻ ဖေႏနေးဝွေꩻသီး ကလွေꩻနွောင်ꩻဒုံဖုံႏ၊ ခြံတုံးဖုံႏ ကအဝ်ႏခူဒါႏ အရပ်ယိုတွော့ꩻ ဖေႏကထုမ်ႏသွော့ ထာꩻအံႏတွမ်ႏ ခင်ႏလမ်းဗေင်ႏဖုံႏနဝ်ꩻ အွဉ်ႏစွꩻလွေꩻထိုꩻခန်း လိုꩻဖုံႏ” နုဲင်းနဝ်ꩻသွူ။
13ကွဲႏတွော့ꩻ ဗွေႏယေသျု ဒေါ့ꩻဖေႏဝွေꩻသီး၊ “သီနမ်းဖုံႏ ဖေႏသွော့ ဝွေꩻသီး ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “လိုꩻတစွိုꩻလွုမ်းယိုတာႏ ထာꩻအံႏနဝ်ꩻ နီဗွေႏမဉ်အွဉ်ႏနီ လွေꩻဖြေꩻဖေႏနဲ့ဟောင်း။ နီထျꩻနဝ်ꩻ လို့လို့စင်စင် အဝ်ႏဒျာႏကွို့ꩻ တခိုးငတ်ꩻဖြုံႏတွမ်ႏ ထပေႏ နီဗာႏလွုမ်ꩻ” နုဲင်းနဝ်ꩻသွူ။ 14(နဝ်ꩻကိုနဝ်ꩻ လိုꩻခိုအဝ်ႏအဖြာꩻ ၅၀ဝဝရပ်သွူ။)
ဗွေႏယေသျုဒေါ့ꩻဖေႏ ဝွေꩻဗွေႏတပဲ့တောႏဖုံႏ၊ “အွဉ်ႏလိုꩻဖုံႏ အုံလင်ꩻသွော့ တစွိုꩻနဝ်ꩻ အဖြာꩻငတ်ꩻဆီစီႏဟုဲင်း” နုဲင်းနဝ်ꩻသွူ။
15နဝ်ꩻထွူ တပဲ့တောႏဖုံႏ မာꩻစွဉ်ႏ နုဲင်းနဝ်ꩻသွူ။ 16ဗွေႏယေသျုထူႏ တခိုးငတ်ꩻဖြုံႏစွဉ်ႏ ထပေႏနီဗာႏ၊ ထွားကီထင်ႏမို့ꩻတွော့ꩻ တခိုးတွမ်ႏ ထပေႏဖုံႏတာႏနဝ်ꩻ အုပ်ꩻထင်ႏစွဉ်ႏ ဗွေႏဘုရာꩻ ကေꩻဇူꩻတောႏ အဲ့ꩻတခိုးဖုံႏတွော့ꩻ တခိုးဖုံႏနဝ်ꩻ အွဉ်ႏတပဲ့တောႏဖုံႏ ဖန်းဝေႏဖေႏ လိုꩻဖုံႏနဝ်ꩻသွူ။ 17ဝွေꩻသီး ကားကအဝ်ႏ အံႏဗာႏကွို့ꩻလို့စွဉ်ႏတွော့ꩻ နုဲင်းတခိုး ကအဝ်ႏကုဲင်နဝ်ꩻ တပဲ့တောႏဖုံႏ တွမ်ႏထူႏချာတဲင် လꩻစွဉ်ႏ တဆီနီခြောင်း ဗွေဗွေသွူ။
ပေတရုဝွန်ႏခံႏဖေါႏထန်ႏဗွေႏယေသျုခရာႏ
(မတဲ ၁၆:၁၃–၁၉။ မာကု ၈:၂၇–၂၉)
18တနီꩻသား ဗွေႏယေသျု အဝ်ႏဆုတောင်ꩻဘုရာꩻ တဖြာꩻလွုမ်ꩻချိန်ႏ တပဲ့တောႏဖုံႏ လွဉ်ထေ့ ဝွေꩻဗွေႏထျꩻသွူ။ ဝွေꩻဗွေႏရီဝွေꩻသီး၊ “လိုꩻစွိုꩻဖုံႏနဝ်ꩻ အရိုꩻခွေနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
19 #
မ ၁၄:၁၊ ၂၊ မာ ၆:၁၄၊ ၁၅၊ လု ၉:၇၊ ၈။ ဝွေꩻသီးလဝ်းချာ၊ “ယင်ဟန်ႏသားနဝ်ꩻရိုꩻ နီဗွေႏနဝ်ꩻထွာ ဗတ္တိဇံႏ ဆရာႏယောဟန်တဲင် အလင်ဖုံႏနဝ်ꩻရိုꩻ နီဗွေႏနဝ်ꩻထွာ ဧလိယ၊ အလင်နဝ်ꩻသမ်းအဝ်ႏရိုꩻ၊ ပရောဖဲစ်စခါ တပါꩻပါꩻ ထွိုင်ႏမွန်လွဉ်ချာ” နုဲင်းနဝ်ꩻသွူ။
20 #
ယော ၆:၆၈၊ ၆၉။ ဝွေꩻဗွေႏရီဝွေꩻသီး၊ “တွိုႏသီဟာ၊ ခွေနဝ်ꩻ သီရိုꩻအီႏထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ပေတရုလဝ်းချာ၊ “နီဗွေႏနဝ်ꩻထွာ ဗွေႏဘုရာꩻ မေသျိယ” နုဲင်းနဝ်ꩻသွူ။
ဗွေႏယေသျုဒေါ့ꩻထန်ႏဝွေꩻဗွေႏအီႏခံႏဗာႏထာꩻဒုက္ခစွဉ်ႏထာꩻသီခရာႏ
(မတဲ ၁၆:၂၀–၂၈။ မာကု ၈:၃၀—၉:၁)
21နဝ်ꩻထွူ ယိုခရာႏ ဖေႏကဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းဖေႏ ဝွေꩻသီးသွူ။ 22ဝွေꩻဗွေႏ ဒေါ့ꩻနယ်ပါက ဝွေꩻသီး၊ “လိုꩻပိုခိုနဝ်ꩻ အီႏခံႏဗာႏမွေး ထာꩻဒုက္ခတဲင် အီႏခံႏဗာႏ လိုꩻတန်ဖုံႏ၊ ယဇ်ပရောဟိတ်ဖုံႏတွမ်ႏ ကျမ်ꩻဒါႏဆရာႏဖုံႏ ပယ်ႏနဝ်ꩻသွူ။ ဝွေꩻနဝ်ꩻ အီႏခံႏဗာႏအသီ၊ ကွဲႏတွော့ꩻ သွံနီꩻထွိုင်ႏလဲဉ်း ဝွေꩻအီႏထွိုင်ႏမွန်ယင်းဒျာႏ” နုဲင်းနဝ်ꩻသွူ။
23 #
မ ၁၀:၃၈၊ လု ၁၄:၂၇။ နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး ကားကအဝ်ႏ၊ “သီမဉ်ႏမဉ်လွေꩻလွဉ်ꩻငီꩻ စွဉ်ႏခွေနဝ်ꩻ သီအွဉ်ႏကုဲင်ဗာႏ နမ်းတာႏ၊ ထမ်ႏဗာႏ သီကင်းထွန်ႏ စွုမ်ႏနီꩻတဲင် လွေꩻလွဉ်ꩻဗာႏ ခွေဆꩻချာနဝ်ꩻသွူ။ 24#မ ၁၀:၃၉၊ လု ၁၇:၃၃၊ ယော ၁၂:၂၅။ သီမဉ်ႏမဉ်ကယ်ႏချာ သီနမ်းအသက်နဝ်ꩻ သီအသက်အီႏသွုမ်ꩻ၊ ကွဲႏတွော့ꩻ ပွိုးခွေတွက်တာႏ သီအသက် မဉ်ႏသွုမ်ꩻထိုꩻနဝ်ꩻ သီအသက် အီႏလꩻ ထာꩻကယ်ႏတင်ႏနဝ်ꩻသွူ။ 25သီမဉ်ႏအောင်ႏနွောင်ꩻ ထာꩻစွုမ်ႏစွိုးတဲ့နဝ်ꩻ သီမဉ်ႏအောင်ႏနွောင်ꩻ တဟံႏတန်လွုမ်းတဲ့နဝ်ꩻ သီအသက် မဉ်ႏသွုမ်ꩻထိုꩻနဝ်ꩻ အကျိုꩻတမုဲင်ꩻ အဝ်ႏဟောင်း။ အကျိုꩻ တအဲဉ်ထဝ်း။ 26သီမဉ်ႏဝင်ꩻသꩻ ခွေစွဉ်ႏ ခွေကအဝ်ႏသွဉ်သင် ဖေႏဒါႏဖုံႏနဝ် တွိုႏလိုꩻပိုခို ကကျွꩻလွဉ်စွဉ်ႏ ဝွေꩻဗွေႏ ဘွုန်ꩻသရေႏ၊ ဖါတောႏ ဘွုန်ꩻသရေႏတွမ်ႏ မို့ꩻလောင်းတမန်ႏ ကြောင်းစင်မျတ်ဖုံႏချိန်ႏနဝ်ꩻ ဝွေꩻဗွေႏ အီႏဝင်ꩻသꩻသီသွူ။ 27ခွေဒေါ့ꩻဖေႏသီ အမွေးအမဲဉ်ႏ၊ လိုꩻကအဝ်ႏဒါႏ ယိုကိုသား ယင်ဟန်ႏ ဗꩻတွိုႏစွဉ်ႏ ဝွေꩻသီး ကထီႏဗာႏ ဗွေႏဘုရာꩻ ခမ်းထီနဲင်ႏငံႏနဝ်ꩻ အီႏတသီဗာႏတဝ်း” နုဲင်းနဝ်ꩻသွူ။
အရောင်ႏတောႏပြောင်ꩻကြုဲင်ꩻ
(မတဲ ၁၇:၁–၈။ မာကု ၉:၂–၈)
28 # ၂ပေ ၁:၁၇၊ ၁၈။ ဝွေꩻဗွေႏဒေါ့ꩻဖေႏ နုဲင်းယိုဖုံႏ ထွိုင်ႏထွူ၊ ဆုဲင်ꩻတပတ်ရပ်နဝ်ꩻ ဗွေႏယေသျုဟဲ့ꩻ ပေတရု၊ ယောဟန်တွမ်ႏ ယာကုပ်တဲင် စွဉ်ႏဝွေꩻဗွေႏ အီႏဆုတောင်ꩻ ဘုရာꩻနဝ်ꩻ ထင်ႏလွေꩻစွဉ်ႏ ကောင်ပူႏပေႏ တဖြုံႏလောင်းသွူ။ 29ဝွေꩻဗွေႏအဝ်ႏ ဆုတောင်ꩻ ဘုရာꩻကျာꩻ ဝွေꩻဗွေႏမဲ့ငါ ရောင်ႏတောႏ ပြောင်ꩻကြုဲင်ꩻလွဉ်တဲင် ဝွေꩻဗွေႏခွမ်ꩻလာꩻ အရောင်ႏနဝ်ꩻ တောင်ႏဗွာ ခꩻလိက်ꩻနေးစွဉ်ႏသွူ။ 30လိုꩻဝင်ꩻနီနဝ်ꩻ ပေါႏလွဉ်စွော့ꩻ နဝ်ꩻကိုတွော့ꩻ ဒေါ့ꩻရီစွဉ်ႏ ဝွေꩻဗွေႏနဝ်ꩻသွူ။ ဝွေꩻသီးနဝ်ꩻထွာ မောသျေတွမ်ႏ ဧလိယသွူ။ 31စွဉ်ႏမို့ꩻလောင်း ဘွုန်ꩻသရေႏတောႏနဝ်ꩻ ပေါႏလွဉ်တဲင် ပွိုင်းဝွို့တွမ်ႏ တညတဝ်း ဝွေꩻဗွေႏအီႏမာꩻဗွေ စွုံႏလင်ႏဖေႏဗာႏ ဗွေႏဘုရာꩻ အကျံႏတောႏစွဉ်ႏ အနယ်ꩻ ကအီႏခံႏသီသော့ꩻဗာႏ ဝေင်ꩻယေရုသလမ်ႏကို ခရာႏနဝ်ꩻ အဝ်ႏဒေါ့ꩻရီတွမ်ႏ ဗွေႏယေသျုသွူ။ 32ပေတရုတွမ်ႏ ဝွေꩻသွꩻစွိုꩻဖုံႏနဝ်ꩻ အဝ်ႏဗေင်ႏအွီႏဒျာႏထာꩻသွူ။ ကွဲႏတွော့ꩻ ဝွေꩻသီး မဲ့ထွိုင်ႏသေလွဉ်နဝ်ꩻ ထီႏစွဉ်ႏ ဗွေႏယေသျု ဘွုန်ꩻသရေႏတောႏစွဉ်ႏ ပါꩻခိုဝင်ꩻနီ အဝ်ႏအုံထွိုင်ႏထာꩻ တွမ်ႏဝွေꩻဗွေႏနဝ်ꩻသွူ။ 33လိုꩻခိုဖုံႏ အဝ်ႏဗွေႏယေသျုထျꩻ ထွိုင်ႏထန်ႏလွေꩻထိုꩻနဝ်ꩻ ပေတရု ဒေါ့ꩻဖေႏဝွေꩻဗွေႏ၊ “ဗွေႏ၊ နီကအဝ်ႏဒါႏယိုကိုနဝ်ꩻ ဟဝ်ငါႏခွိုင်းကားမုဲင်ꩻ၊၊ နီအီႏမာꩻ သုမ်းသွံဗာႏ၊ တဗာႏနဝ်ꩻ နီဗွေႏတာႏ၊ တဗာႏနဝ်ꩻ မောသျေတာႏတွော့ꩻ တဗာႏနဝ်ꩻ ဧလိယတာႏ” နုဲင်းနဝ်ꩻသွူ။ (ဝွေꩻအဝ်ႏဒေါ့ꩻ တမုဲင်ꩻနဝ်ꩻ ဝွေꩻတသေတဝ်းသွူ။)
34ဝွေꩻကအဝ်ႏဒေါ့ꩻ ကထာꩻကျာꩻနဝ်ꩻ မို့ꩻအေႏတဒူႏ ပေါႏလွဉ်တဲင် မို့ꩻအေႏယောင်ꩻနဝ်ꩻ အဝ်ႏဒို့ꩻထိုꩻစွဉ်ႏ ဝွေꩻသီးတဲင် မို့ꩻအေႏထွိုင်ႏအဝ်ႏဒို့ꩻထိုꩻ ဝွေꩻသီးနဝ်ꩻ တပဲ့တောႏဖုံႏ ငမ်းသꩻငါႏနဝ်ꩻသွူ။ 35#ဟေသျာ ၄၂:၁၊ မ ၃:၁၇၊ ၁၂:၁၈၊ မာ ၁:၁၁၊ လု ၃:၂၂။ အဝ်ႏမို့ꩻအေႏကို ငဝ်းသင်ႏလင်ꩻ၊ “ယိုနဝ်ꩻထွာဒျာႏ ခွေပိုခို၊ ထွာဒျာႏ ပါꩻခွေကလွိုက်သေꩻခါꩻ။ နာႏသွော့ ဝွေꩻအငဝ်းဟုဲင်း” နုဲင်းနဝ်ꩻသွူ။
36ငဝ်းထွိုင်ႏယဉ်ထိုꩻချိန်ႏ နဝ်ꩻကိုနဝ်ꩻ အဝ်ႏကုဲင်ဒျာႏ ဗွေႏယေသျု တပါꩻလွုမ်ꩻနဝ်ꩻသွူ။ နုဲင်းဝွေꩻသီး ကထီႏဗာႏလဲဉ်းဒါႏ ထာꩻယိုဖုံႏခရာႏ ကားကအဝ်ႏနဝ်ꩻ တပဲ့တောႏဖုံႏ အုံတေ့ꩻဒျာႏတဲင် တဒေါ့ꩻနယ်တဝ်း ပါꩻတဖြာꩻဖြာꩻနဝ်ꩻသွူ။
ဗွေႏယေသျုဝါးထန်ႏဖေႏလူꩻကုဲင်ကမွို့ꩻဒါႏလိုꩻခိုပေႏတဖြာꩻ
(မတဲ ၁၇:၁၄–၁၈။ မာကု ၉:၁၄–၂၇)
37ဆုဲင်ꩻတနီꩻ ဗွေႏယေသျုတွမ်ႏ တပဲ့တောႏဝင်ꩻသွံ အဝ်ႏကောင်ပူႏပေႏလောင်း လင်ꩻလွဉ်တဲင် လိုꩻစွိုꩻအာဖုံႏနဝ်ꩻ မော့ꩻခွဲဆွုမ်ႏ ဗွေႏယေသျုနဝ်ꩻသွူ။ 38လိုꩻစွိုꩻဖုံႏကို ပါꩻခိုတဖြာꩻနဝ်ꩻ ခြောဝ်သန်အငဝ်း၊ “ဆရာႏ၊ ခွေသွဉ်း တောင်ꩻပြန်ႏဒျာႏနီဗွေႏ။ ထွားဗဲင်း ခွေသွဉ်းပိုခိုယိုမွိုင်၊ ခွေသွဉ်းနဝ်ꩻ ပိုခိုအဝ်ႏဒျာႏ ယိုတဖြာꩻလွုမ်ꩻ။ 39လူꩻကုဲင်တဗာႏ စောင်ꩻဝွေꩻနဝ်ꩻ ခြောဝ်သင်ႏစွော့ꩻ အငဝ်းတဲင် မာꩻသဲႏထင်ႏစွဉ်ႏဝွေꩻ၊ နဝ်ꩻမꩻ အဖြောင်းနဝ်ꩻ ယုဲင်ꩻဗွို့ꩻထန်ႏလွဉ်သွူ။ အဝ်ႏမာꩻဆာ သွုပ်မပ်မပ်ဒျာႏ ဝွေꩻနဝ်ꩻမꩻ အီႏအွဉ်ႏထန်ႏထိုꩻနဝ်ꩻ ယပ်ꩻခုဲင်ႏငါႏသွူ။ 40ဖေႏနေး ကဝါႏထန်ႏထိုꩻဖေႏ လူꩻကုဲင်နဝ်ꩻ ခွေသွဉ်းတောင်ꩻပြန်ႏ နီဗွေႏတပဲ့တောႏဖုံႏ၊ ကွဲႏတွော့ꩻ ဝွေꩻသီး မာꩻတလꩻနွောင်ꩻတဝ်းနဝ်ꩻသွူ။
41ဗွေႏယေသျုလဝ်းချာ၊ “ထာꩻယွုမ်းမွော့ꩻဆေ့ꩻငါႏ ခွိုင်းကားမုဲင်ꩻ၊ သီထွာလိုꩻမာႏဖုံႏ။ ခွေအီႏအုံငီꩻ ညဗာႏကသီ ခွိုင်းကားမုဲင်ꩻဟောင်း။ ခွေအီႏသယ်ꩻခံႏဗာႏကသီ ခွိုင်းကားမုဲင်ꩻဟောင်း။ နဝ်ꩻထွူ ဝွေꩻဗွေႏဒေါ့ꩻဖေႏ ပါꩻခိုနဝ်ꩻ၊ “ဟဲ့ꩻလွဉ်နာꩻပိုခို ယိုကိုဟုဲင်း” နုဲင်းနဝ်ꩻသွူ။
42နုဲင်းပါꩻခိုပေႏ ကအဝ်ႏလွဉ်ကျာꩻ လူꩻကုဲင် နွန်ႏဝꩻလင်ꩻစွဉ်ႏဝွေꩻ ဟံႏလောင်းတဲင် မာꩻသဲႏထင်ႏစွဉ်ႏဝွေꩻ နဝ်ꩻသွူ။ လူꩻကုဲင် ဖေႏကထန်ႏထိုꩻနဝ်ꩻ ဗွေႏယေသျု ဖေႏအမိန်းတွော့ꩻ လုမ်ꩻလာꩻဟဝ်ဖေႏ ပါꩻခိုပေႏနဝ်ꩻတဲင် ဝွေꩻနဝ်ꩻ ဖေႏချာယင်း ဝွေꩻဖါနဝ်ꩻသွူ။ 43လိုꩻဖုံႏ ကားကအဝ်ႏနဝ်ꩻ အံႏဖြာႏမွေးငါႏ ဗွေႏဘုရာꩻ အနန္တတန်ꩻခိုꩻနဝ်ꩻသွူ။
ဗွေႏယေသျုအီႏခံႏဗာႏအသီနဝ်ꩻဝွေꩻဗွေႏဒေါ့ꩻဖျင်ယင်း
(မတဲ ၁၇:၂၂–၂၃။ မာကု ၉:၃၀–၃၂)
လိုꩻဖုံႏ အဝ်ႏအံႏဖြာႏနေက ဗွေႏယေသျု ကအဝ်ႏမာꩻထာꩻဖုံႏ ကားကအဝ်ႏ အချိန်ႏနဝ်ꩻ ဝွေꩻဗွေႏဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ 44“နုဲင်းခွေ ကအဝ်ႏဒေါ့ꩻ ဖေႏဒါႏသီ ခရာႏနဝ်ꩻ တွမ်ႏအွဉ်ႏဖေင်ꩻထိုꩻမွိုန်းဟုဲင်း။ လိုꩻပိုခိုနဝ်ꩻ ခံႏဗာႏအဆွမ်ꩻ၊ အပ်ဖေႏထိုꩻ လိုꩻအာႏဏာႏသားစူကို” နုဲင်းနဝ်ꩻသွူ။ 45ကွဲႏတွော့ꩻ ထာꩻယိုအဓိပ္ပါယ်ႏ တမုဲင်ꩻနဝ်ꩻ တပဲ့တောႏဖုံႏ တသေတဝ်းသွူ။ ဖေႏနေးဝွေꩻသီး ကသေနာႏမွိုန်းနဝ်ꩻ အဝ်ႏဒို့ꩻဗဉ်ႏဗꩻထိုꩻဒျာႏ ဝွေꩻသီးနဝ်ꩻမꩻ ဝွေꩻသီး တသေနာႏတဝ်း အဓိပ္ပါယ်ႏ၊ ဝွေꩻသီး ငမ်းသꩻနဝ်ꩻမꩻ ကိစ္စယိုခရာႏနဝ်ꩻ ဝွေꩻသီးရီဗွိုန်ႏတဝ်း ဝွေꩻဗွေႏသွူ။
ပါꩻမုဲင်ꩻနဝ်ꩻအတန်သွတ်ꩻဟောင်း
(မတဲ ၁၈:၁–၅။ မာကု ၉:၃၃–၃၇)
46 #
လု ၂၂:၂၄။ ဝွေꩻသီးကို ပါꩻမုဲင်ꩻထွာ အတန်သွတ်ꩻနဝ်ꩻ တပဲ့တောႏဖုံႏ အချင်ꩻချင်ꩻ အဝ်ႏထေင် ငဝ်းအာလို့ဝင်ꩻသွူ။ 47နုဲင်းဝွေꩻသီးကအဝ်ႏ ယူႏစဉ်ꩻစာꩻထာꩻနဝ်ꩻ ဗွေႏယေသျု အဝ်ႏသေနဝ်ꩻမꩻ ဝွေꩻဗွေႏဟဲ့ꩻ လိုꩻပေႏတဖြာꩻတဲင် အွဉ်ႏအုံထွိုင်ႏစွဉ်ႏ ဝွေꩻဗွေႏထျꩻတွော့ꩻ၊ 48#မ ၁၀:၄၀၊ လု ၁၀:၁၆၊ ယော ၁၃:၂၀။ ဒေါ့ꩻဖေႏဝွေꩻသီး၊ “စွဉ်ႏခွေအမဉ်ꩻနာႏမတဲင် ပါꩻမုဲင်ꩻတယဝ်း ရပ်ကျိုႏဆွုမ်ႏ လိုꩻပေႏနုဲင်းယိုနဝ်ꩻ ရပ်ကျိုႏဆွုမ်ႏလဲဉ်း ခွေသွူ။ ပါꩻမုဲင်ꩻရပ်ကျိုႏဆွုမ်ႏ ခွေနဝ်ꩻ ရပ်ကျိုႏ ဆွုမ်ႏပါလဲဉ်း ဗွေႏအပါꩻ ကအွဉ်ႏစွꩻလွဉ် ခွေနဝ်ꩻသွူ။ သီအကို ပါꩻကထွာ အပေႏသွတ်ꩻနဝ်ꩻ ထွာဗာႏအတန်သွတ်ꩻ” နုဲင်းနဝ်ꩻသွူ။
လိုꩻတဆန်တဝ်းသီနဝ်ꩻထွာဒျာႏသီဖဲ့ꩻ
(မာကု ၉:၃၈–၄၀)
49ယောဟန်ဒေါ့ꩻထန်ႏ၊ “ဗွေႏ၊ နီထီႏပါꩻခိုတဖြာꩻ စွဉ်ႏနီဗွေႏ အမဉ်ꩻနာႏမနဝ်ꩻ အဝ်ႏဝါးထန်ႏ လူꩻကုဲင်ဖုံႏတဲင် ပွိုးတွော့ꩻ ဝွေꩻနဝ်ꩻ တဆဲင်ႏတဝ်းတွမ်ႏ နီအစွိုꩻနဝ်ꩻမꩻ နီဒေါ့ꩻဖေႏဝွေꩻ ဖေႏကမာꩻထဲင်းမွိုန်း” နုဲင်းနဝ်ꩻသွူ။
50ဗွေႏယေသျု ဒေါ့ꩻဖေႏ ယောဟန်တွမ်ႏ တပဲ့တောႏ အလင်ဖုံႏ၊ “တွမ်ႏကျိုꩻစာꩻ ရဲမွိုန်းဝွေꩻ၊ ပွိုးတွော့ꩻ ပါꩻမုဲင်ꩻတရိုꩻတဝ်း ပေါႏတဆန်ချာတဝ်း သီနဝ်ꩻ ထွာဒျာႏသီဖဲ့ꩻ” နုဲင်းနဝ်ꩻသွူ။
သျာမရိဒုံသားတလက္ခံႏတဝ်းဗွေႏယေသျု
51နုဲင်းဗွေႏယေသျု ကအီႏကျွꩻထင်ႏကီ မို့ꩻလောင်း ထွိုင်ႏဗော့ꩻလွဉ်ချိန်ႏ ဝွေꩻဗွေႏဆွုံꩻဖျတ် ဝွေꩻဗွေႏသꩻတဲင် အီႏထန်ႏလွေꩻ တဖူꩻ ဝေင်ꩻယေရုလမ်ႏကိုနဝ်ꩻသွူ။ 52ဝွေꩻဗွေႏ အွဉ်ႏစွꩻလွေꩻရီး ဝွေꩻဗွေႏ သတင်ꩻဖေႏသား အွဉ်ႏလွေꩻသျာမရိဒုံ တဖြုံႏကိုတွော့ꩻ ဖေႏကဖျင်ရဲဉ်ꩻသေꩻမꩻ ဝွေꩻဗွေႏတာႏ ကားကအဝ်ႏနဝ်ꩻသွူ။ 53ကွဲႏတွော့ꩻ လိုꩻနဝ်ꩻကိုသားဖုံႏနဝ်ꩻ တလက္ခံႏဆွုမ်ႏတဝ်း ဝွေꩻဗွေႏသွူ၊ တလက္ခံႏတဝ်း ဝွေꩻဗွေႏနဝ်ꩻ သျင်ꩻတန်ဒျာႏ၊ ပွိုးတွော့ꩻ ဝွေꩻဗွေႏ အဝ်ႏလွေꩻဒျာႏ ဝွေꩻဗွေႏတဖူꩻ အတွက်နဝ်ꩻသွူ။ 54#၂ရာႏ ၁:၉–၁၆။ တပဲ့တောႏဖုံႏ ကထွာဒါႏ ယာကုပ်တွမ်ႏ ယောဟန် ထွိုင်ႏထီႏ နုဲင်းယိုချိန်ႏ ဝွေꩻသီးဒေါ့ꩻ၊ “ဗွေႏ၊ နီဗွေႏ မဉ်အွဉ်ႏနီဟဲ့ꩻမေႏ အဝ်ႏခမ်းထီမို့ꩻလောင်းကီ ဖေႏကလင်ꩻ ယားကုဲင်ထိုꩻ ဝွေꩻသီးနဲ့ဟောင်း” နုဲင်းနဝ်ꩻသွူ။
55ဗွေႏယေသျု ခွယ်ႏချာတဲင် ခွန်းနယ်ꩻဝွေꩻသီးသွူ။ 56နဝ်ꩻထွူ ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏနဝ်ꩻ ထန်ႏလွေꩻယင်း ဒုံအလင်တဖြုံႏနဝ်ꩻသွူ။
ကအီႏထွာဗာႏဒါႏဗွေႏယေသျုတပဲ့တောႏဖုံႏ
(မတဲ ၈:၁၉–၂၂)
57နုဲင်းဝွေꩻသီး ကအဝ်ႏလွေꩻ ဝွေꩻသီး တဖူꩻလောင်းကျာꩻ ပါꩻခိုတဖြာꩻ ဒေါ့ꩻဖေႏ ဗွေႏယေသျု၊ “နီဗွေႏ လွေꩻမုဲင်ꩻကိုတဲ့ ခွေအီႏလွေꩻလွဉ်ꩻဒျာႏ နီဗွေႏ” နုဲင်းနဝ်ꩻသွူ။
58ဗွေႏယေသျု ဒေါ့ꩻဖေႏဝွေꩻ၊ ထွီႏဟံႏဖုံႏနဝ်ꩻ အအိုဖုံႏအဝ်ႏတဲင် ဝါးဖုံႏနဝ်ꩻတဲ့ အပွီဖုံႏအဝ်ႏ။ ကွဲႏတွော့ꩻ လိုꩻပိုခိုနဝ်ꩻ အီႏဗေင်ႏတလွာꩻတဲင် အုံပဆား ခင်ႏလမ်းငါတဲ့ အဲဉ်ထဝ်း” နုဲင်းနဝ်ꩻသွူ။
59ဝွေꩻဗွေႏဒေါ့ꩻဖေႏ လိုꩻခိုအလင် တဖြာꩻ၊ “လွေꩻလွဉ်ꩻခွေဟုဲင်း” နုဲင်းနဝ်ꩻသွူ။
ကွဲႏတွော့ꩻ ပါꩻခိုနဝ်ꩻဒေါ့ꩻ၊ “ဗွေႏ၊ ဖေႏသဲင်ꩻချာ ခွေလမ်းတွော့ꩻ သင်္ဂြိုဟ်ႏရီးကဒွိုန်း ခွေဖါမွိုင်” နုဲင်းနဝ်ꩻသွူ။
60ဗွေႏယေသျု လဝ်းချာ၊ “လိုꩻသီနဝ်ꩻ အွဉ်ႏသွော့ ဝွေꩻသီး လိုꩻသီ သင်္ဂြိုဟ်ႏချာဟုဲင်း။ နာꩻနဝ်ꩻလွေꩻတဲင် ကေႏညာႏသွော့ ဗွေႏဘုရာꩻခမ်းထီ နဲင်ႏငံႏတရာꩻဟုဲင်း” နုဲင်းနဝ်ꩻသွူ။
61 # ၁ရာႏ ၁၉:၂၀။ လိုꩻအလင်တဖြာꩻနဝ်ꩻဒေါ့ꩻ၊ “ခွေအီႏလွေꩻလွဉ်ꩻဒျာႏ နီဗွေႏ။ ကွဲႏတွော့ꩻ ဖေႏခွေလွေꩻ နုတ်ဆက်ရီးက ခွေတမွိုးဖါပိုစွိုꩻဖုံႏဟုဲင်း” နုဲင်းနဝ်ꩻသွူ။
62ဗွေႏယေသျု ဒေါ့ꩻဖေႏဝွေꩻ၊ “ပါꩻတဖြာꩻ ထုဲင်ခြံတွော့ꩻ အဝ်ႏထွားချာဒျာႏ ကထာꩻနဝ်ꩻ ဗွေႏဘုရာꩻ ခမ်းထီတွက်တာႏ အသွုံꩻတကျတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
လုကာ 9: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 9
9
ဗွေႏယေသျုအွဉ်ႏစွꩻထန်ႏလွေꩻတပဲ့တောႏတဆီနီဖြာꩻ
(မတဲ ၁၀:၅–၁၅။ မာကု ၆:၇–၁၃)
1ဗွေႏယေသျု ဟဲ့ꩻစုဗူႏတပဲ့တောႏ တဆီနီဖြာꩻတဲင် ဖေႏကဝါးထန်ႏနွောင်ꩻ လူꩻကုဲင်တွော့ꩻ ဖေႏကလုမ်ꩻလာꩻ မာꩻဟဝ်ဖေႏ ရောႏဂါႏသားဖုံႏနဝ်ꩻ ဖေႏဝွေꩻသီး တန်ꩻခိုꩻတွမ်ႏ အာႏဏာႏသွူ။ 2နဝ်ꩻထွူ ဖေႏကဟော်ꩻ ဗွေႏဘုရာꩻ ခမ်းထီနဲင်ႏငံႏ တရာꩻတွော့ꩻ ဖေႏကလုမ်ꩻလာꩻ မာꩻဟဝ်ဖေႏ ထာꩻဆော့ဆာနဝ်ꩻ ဝွေꩻဗွေႏ အွဉ်ႏစွꩻထန်ႏဝွေꩻသီးသွူ။ 3#လု ၁၀:၄–၁၁။ နဝ်ꩻထွူ ဒေါ့ꩻဖေႏဝွေꩻသီး၊ “သီထန်ႏတဖူꩻတာႏနဝ်ꩻ တွမ်ႏထူႏလွေꩻမွိုန်း တမုဲင်ꩻမုဲင်ꩻ၊ ခွဉ်းထောက်၊ တောင်းပွိုလား၊ ထာꩻအံႏ၊ ရွဉ်ဖုံႏနဝ်ꩻ တွမ်ႏအီပါမွိုန်းဟုဲင်း။ ဆဲင်ꩻဆုပ်ꩻလွို တဖွူꩻငါတဲ့ တွမ်ႏအီပါမွိုန်း။ 4ကျိုႏရပ်ဆွုမ်ႏသီ မုဲင်ꩻကိုတဲ့ ဗꩻတွိုႏ သီကထန်ႏလွေꩻထိုꩻ ဝေင်ꩻနဝ်ꩻ အုံဗော့ꩻလမ်းနဝ်ꩻဟုဲင်း။ 5#တ ၁၃:၅၁။ ခင်ႏလမ်းမုဲင်ꩻတယဝ်း လိုꩻတကျိုႏ ရပ်ဆွုမ်ႏတဝ်းသီနဝ်ꩻ ထန်ႏထိုꩻဝေင်ꩻနဝ်ꩻတွော့ꩻ နုဲင်းဖေႏသတိꩻ ဝွေꩻသီးအနေႏ တဒေါက်ꩻထိုꩻဟံႏဖွန်ႏ သီခင်ႏလောင်းနဝ်ꩻဟုဲင်း” နုဲင်းနဝ်ꩻသွူ။
6တပဲ့တောႏဖုံႏ ထန်ႏလွေꩻစွဉ်ႏတဖူꩻ ဒုံဖုံႏကားကအဝ်ႏတဲင် ဟော်ꩻစွဉ်ႏ သꩻတင်ꩻဟဝ် တရာꩻတွော့ꩻ လုမ်ꩻလာꩻမာꩻဟဝ်ဖေႏ လိုꩻဖုံႏ ခင်ႏလမ်းစွုမ်ႏထွောင်း နဝ်ꩻသွူ။
ခွန်တန်ဟေရုဒ်သꩻသျွုတ်
(မတဲ ၁၄:၁–၁၂။ မာကု ၆:၁၄–၂၉)
7 #
မ ၁၆:၁၄၊ မာ ၈:၂၈၊ လု ၉:၁၉။ ခွန်တန်ဟေရုဒ် ကအဝ်ႏအုပ်စိုꩻဒါႏ ကာလိလဲခမ်း ထွိုင်ႏဟွိုန် ထာꩻကအဝ်ႏထွာလွဉ် ခရာႏဖုံႏ ကားကအဝ်ႏချိန်ႏနဝ်ꩻ ဝွေꩻသꩻသျွုတ် တရေင်ငါႏ၊ ပွိုးတွော့ꩻ လိုꩻယင်ဟန်ႏ သားဖုံႏနဝ်ꩻ အဝ်ႏရိုꩻ ဗတ္တိဇံႏဆရာႏ ယောဟန် ထွိုင်ႏမွန်လွဉ်ချာလဲဉ်း အတွက်သွူ။ 8လိုꩻအလင်ဖုံႏနဝ်ꩻ သမ်းရိုꩻ၊ ဧလိယ ပေါႏလွဉ်တဲင် အလင်ဖုံႏနဝ်ꩻ သမ်းရိုꩻ ပရောဖဲစ်စခါ တပါꩻပါꩻ ထွိုင်ႏမွန်လွဉ်ချာလဲဉ်း နုဲင်းနဝ်ꩻသွူ။ 9ဟေရုဒ်ဒေါ့ꩻ၊ “ယောဟန်ကတူႏနဝ်ꩻ ခွေဓွေါ့ꩻတပွတ်ꩻထိုꩻလဲဉ်း။ ကွဲႏတွော့ꩻ ခွေကအဝ်ႏဟွိုန်ဒါႏ ပါယိုအခရာႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻတဲင် ဖေႏကထီႏ ဗွေႏယေသျုနဝ်ꩻ ဝွေꩻကျိုꩻစာꩻစွဉ်ႏနဝ်ꩻသွူ။
ဗွေႏယေသျုဖေႏအံႏလိုꩻငတ်ꩻရေင်ထာꩻအံႏ
(မတဲ ၁၄:၁၃–၂၁။ မာကု ၆:၃၀–၄၄။ ယောဟန် ၆:၁–၁၄)
10တမန်ႏတောႏဖုံႏ သဲင်ꩻလွဉ်ချာတဲင် နုဲင်းဝွေꩻသီး ကမာꩻလဲဉ်းဒါႏဖုံႏ ကားကအဝ်ႏနဝ်ꩻ ဒေါ့ꩻနယ်ဖေႏ ဗွေႏယေသျုသွူ။ ဝွေꩻသီးနဝ်ꩻ ဝွေꩻဗွေႏ ဟဲ့ꩻလွေꩻငီꩻစွဉ်ႏ ဝွေꩻဗွေႏတွော့ꩻ ဝွေꩻသီး ထန်ႏလွေꩻငီꩻစွဉ်ႏ ဝေင်ꩻတဖြုံႏ မဉ်ꩻကဟဲ့ꩻဒါႏ ဗဲက်သဲဒနဝ်ꩻသွူ။ 11လိုꩻစွိုꩻဖုံႏ ထွိုင်ႏဟွိုန်ဝွေꩻသီး လွေꩻထိုꩻ ဝေင်ꩻနဝ်ꩻခရာႏချိန်ႏ ဝွေꩻသီး လွေꩻလွဉ်ꩻစွဉ်ႏ ဝွေꩻဗွေႏနဝ်ꩻသွူ။ ဝွေꩻဗွေႏ ရပ်ကျိုႏဆွုမ်ႏ ဝွေꩻသီးတွော့ꩻ ပွိုင်းဝွို့စွဉ်ႏ ဗွေႏဘုရာꩻခမ်းထီ နဲင်ႏငံႏခရာႏနဝ်ꩻ ဒေါ့ꩻနယ်စွဉ်ႏဝွေꩻသီးတဲင် လုမ်ꩻလာꩻမာꩻဟဝ်ဖေႏ လိုꩻတအုံဟဝ်တဝ်းဖုံႏ နဝ်ꩻသွူ။
12မွူးထွိုင်ႏအီႏနွို့လွဉ်စချိန်ႏ တပဲ့တောႏ တဆီနီဖြာꩻ လွဉ်ထေ့ ဝွေꩻဗွေႏထျꩻတဲင်ဒေါ့ꩻ။ “ပွိုးတွော့ꩻ ယိုကိုနဝ်ꩻထွာဒျာႏ ခင်ႏလမ်းယဉ် တထွောင်း နဝ်ꩻမꩻ ဖေႏနေးဝွေꩻသီး ကလွေꩻနွောင်ꩻဒုံဖုံႏ၊ ခြံတုံးဖုံႏ ကအဝ်ႏခူဒါႏ အရပ်ယိုတွော့ꩻ ဖေႏကထုမ်ႏသွော့ ထာꩻအံႏတွမ်ႏ ခင်ႏလမ်းဗေင်ႏဖုံႏနဝ်ꩻ အွဉ်ႏစွꩻလွေꩻထိုꩻခန်း လိုꩻဖုံႏ” နုဲင်းနဝ်ꩻသွူ။
13ကွဲႏတွော့ꩻ ဗွေႏယေသျု ဒေါ့ꩻဖေႏဝွေꩻသီး၊ “သီနမ်းဖုံႏ ဖေႏသွော့ ဝွေꩻသီး ထာꩻအံႏ တစွိုးစွိုးဟုဲင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “လိုꩻတစွိုꩻလွုမ်းယိုတာႏ ထာꩻအံႏနဝ်ꩻ နီဗွေႏမဉ်အွဉ်ႏနီ လွေꩻဖြေꩻဖေႏနဲ့ဟောင်း။ နီထျꩻနဝ်ꩻ လို့လို့စင်စင် အဝ်ႏဒျာႏကွို့ꩻ တခိုးငတ်ꩻဖြုံႏတွမ်ႏ ထပေႏ နီဗာႏလွုမ်ꩻ” နုဲင်းနဝ်ꩻသွူ။ 14(နဝ်ꩻကိုနဝ်ꩻ လိုꩻခိုအဝ်ႏအဖြာꩻ ၅၀ဝဝရပ်သွူ။)
ဗွေႏယေသျုဒေါ့ꩻဖေႏ ဝွေꩻဗွေႏတပဲ့တောႏဖုံႏ၊ “အွဉ်ႏလိုꩻဖုံႏ အုံလင်ꩻသွော့ တစွိုꩻနဝ်ꩻ အဖြာꩻငတ်ꩻဆီစီႏဟုဲင်း” နုဲင်းနဝ်ꩻသွူ။
15နဝ်ꩻထွူ တပဲ့တောႏဖုံႏ မာꩻစွဉ်ႏ နုဲင်းနဝ်ꩻသွူ။ 16ဗွေႏယေသျုထူႏ တခိုးငတ်ꩻဖြုံႏစွဉ်ႏ ထပေႏနီဗာႏ၊ ထွားကီထင်ႏမို့ꩻတွော့ꩻ တခိုးတွမ်ႏ ထပေႏဖုံႏတာႏနဝ်ꩻ အုပ်ꩻထင်ႏစွဉ်ႏ ဗွေႏဘုရာꩻ ကေꩻဇူꩻတောႏ အဲ့ꩻတခိုးဖုံႏတွော့ꩻ တခိုးဖုံႏနဝ်ꩻ အွဉ်ႏတပဲ့တောႏဖုံႏ ဖန်းဝေႏဖေႏ လိုꩻဖုံႏနဝ်ꩻသွူ။ 17ဝွေꩻသီး ကားကအဝ်ႏ အံႏဗာႏကွို့ꩻလို့စွဉ်ႏတွော့ꩻ နုဲင်းတခိုး ကအဝ်ႏကုဲင်နဝ်ꩻ တပဲ့တောႏဖုံႏ တွမ်ႏထူႏချာတဲင် လꩻစွဉ်ႏ တဆီနီခြောင်း ဗွေဗွေသွူ။
ပေတရုဝွန်ႏခံႏဖေါႏထန်ႏဗွေႏယေသျုခရာႏ
(မတဲ ၁၆:၁၃–၁၉။ မာကု ၈:၂၇–၂၉)
18တနီꩻသား ဗွေႏယေသျု အဝ်ႏဆုတောင်ꩻဘုရာꩻ တဖြာꩻလွုမ်ꩻချိန်ႏ တပဲ့တောႏဖုံႏ လွဉ်ထေ့ ဝွေꩻဗွေႏထျꩻသွူ။ ဝွေꩻဗွေႏရီဝွေꩻသီး၊ “လိုꩻစွိုꩻဖုံႏနဝ်ꩻ အရိုꩻခွေနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
19 #
မ ၁၄:၁၊ ၂၊ မာ ၆:၁၄၊ ၁၅၊ လု ၉:၇၊ ၈။ ဝွေꩻသီးလဝ်းချာ၊ “ယင်ဟန်ႏသားနဝ်ꩻရိုꩻ နီဗွေႏနဝ်ꩻထွာ ဗတ္တိဇံႏ ဆရာႏယောဟန်တဲင် အလင်ဖုံႏနဝ်ꩻရိုꩻ နီဗွေႏနဝ်ꩻထွာ ဧလိယ၊ အလင်နဝ်ꩻသမ်းအဝ်ႏရိုꩻ၊ ပရောဖဲစ်စခါ တပါꩻပါꩻ ထွိုင်ႏမွန်လွဉ်ချာ” နုဲင်းနဝ်ꩻသွူ။
20 #
ယော ၆:၆၈၊ ၆၉။ ဝွေꩻဗွေႏရီဝွေꩻသီး၊ “တွိုႏသီဟာ၊ ခွေနဝ်ꩻ သီရိုꩻအီႏထွာ ပါꩻမုဲင်ꩻဟောင်း” နုဲင်းနဝ်ꩻသွူ။
ပေတရုလဝ်းချာ၊ “နီဗွေႏနဝ်ꩻထွာ ဗွေႏဘုရာꩻ မေသျိယ” နုဲင်းနဝ်ꩻသွူ။
ဗွေႏယေသျုဒေါ့ꩻထန်ႏဝွေꩻဗွေႏအီႏခံႏဗာႏထာꩻဒုက္ခစွဉ်ႏထာꩻသီခရာႏ
(မတဲ ၁၆:၂၀–၂၈။ မာကု ၈:၃၀—၉:၁)
21နဝ်ꩻထွူ ယိုခရာႏ ဖေႏကဒေါ့ꩻနယ်မွိုန်း ပါꩻတဖြာꩻဖြာꩻနဝ်ꩻ ဗွေႏယေသျု မိန်းခြေင်းဖေႏ ဝွေꩻသီးသွူ။ 22ဝွေꩻဗွေႏ ဒေါ့ꩻနယ်ပါက ဝွေꩻသီး၊ “လိုꩻပိုခိုနဝ်ꩻ အီႏခံႏဗာႏမွေး ထာꩻဒုက္ခတဲင် အီႏခံႏဗာႏ လိုꩻတန်ဖုံႏ၊ ယဇ်ပရောဟိတ်ဖုံႏတွမ်ႏ ကျမ်ꩻဒါႏဆရာႏဖုံႏ ပယ်ႏနဝ်ꩻသွူ။ ဝွေꩻနဝ်ꩻ အီႏခံႏဗာႏအသီ၊ ကွဲႏတွော့ꩻ သွံနီꩻထွိုင်ႏလဲဉ်း ဝွေꩻအီႏထွိုင်ႏမွန်ယင်းဒျာႏ” နုဲင်းနဝ်ꩻသွူ။
23 #
မ ၁၀:၃၈၊ လု ၁၄:၂၇။ နဝ်ꩻမꩻ ဝွေꩻဗွေႏ ဒေါ့ꩻဖေႏဝွေꩻသီး ကားကအဝ်ႏ၊ “သီမဉ်ႏမဉ်လွေꩻလွဉ်ꩻငီꩻ စွဉ်ႏခွေနဝ်ꩻ သီအွဉ်ႏကုဲင်ဗာႏ နမ်းတာႏ၊ ထမ်ႏဗာႏ သီကင်းထွန်ႏ စွုမ်ႏနီꩻတဲင် လွေꩻလွဉ်ꩻဗာႏ ခွေဆꩻချာနဝ်ꩻသွူ။ 24#မ ၁၀:၃၉၊ လု ၁၇:၃၃၊ ယော ၁၂:၂၅။ သီမဉ်ႏမဉ်ကယ်ႏချာ သီနမ်းအသက်နဝ်ꩻ သီအသက်အီႏသွုမ်ꩻ၊ ကွဲႏတွော့ꩻ ပွိုးခွေတွက်တာႏ သီအသက် မဉ်ႏသွုမ်ꩻထိုꩻနဝ်ꩻ သီအသက် အီႏလꩻ ထာꩻကယ်ႏတင်ႏနဝ်ꩻသွူ။ 25သီမဉ်ႏအောင်ႏနွောင်ꩻ ထာꩻစွုမ်ႏစွိုးတဲ့နဝ်ꩻ သီမဉ်ႏအောင်ႏနွောင်ꩻ တဟံႏတန်လွုမ်းတဲ့နဝ်ꩻ သီအသက် မဉ်ႏသွုမ်ꩻထိုꩻနဝ်ꩻ အကျိုꩻတမုဲင်ꩻ အဝ်ႏဟောင်း။ အကျိုꩻ တအဲဉ်ထဝ်း။ 26သီမဉ်ႏဝင်ꩻသꩻ ခွေစွဉ်ႏ ခွေကအဝ်ႏသွဉ်သင် ဖေႏဒါႏဖုံႏနဝ် တွိုႏလိုꩻပိုခို ကကျွꩻလွဉ်စွဉ်ႏ ဝွေꩻဗွေႏ ဘွုန်ꩻသရေႏ၊ ဖါတောႏ ဘွုန်ꩻသရေႏတွမ်ႏ မို့ꩻလောင်းတမန်ႏ ကြောင်းစင်မျတ်ဖုံႏချိန်ႏနဝ်ꩻ ဝွေꩻဗွေႏ အီႏဝင်ꩻသꩻသီသွူ။ 27ခွေဒေါ့ꩻဖေႏသီ အမွေးအမဲဉ်ႏ၊ လိုꩻကအဝ်ႏဒါႏ ယိုကိုသား ယင်ဟန်ႏ ဗꩻတွိုႏစွဉ်ႏ ဝွေꩻသီး ကထီႏဗာႏ ဗွေႏဘုရာꩻ ခမ်းထီနဲင်ႏငံႏနဝ်ꩻ အီႏတသီဗာႏတဝ်း” နုဲင်းနဝ်ꩻသွူ။
အရောင်ႏတောႏပြောင်ꩻကြုဲင်ꩻ
(မတဲ ၁၇:၁–၈။ မာကု ၉:၂–၈)
28 # ၂ပေ ၁:၁၇၊ ၁၈။ ဝွေꩻဗွေႏဒေါ့ꩻဖေႏ နုဲင်းယိုဖုံႏ ထွိုင်ႏထွူ၊ ဆုဲင်ꩻတပတ်ရပ်နဝ်ꩻ ဗွေႏယေသျုဟဲ့ꩻ ပေတရု၊ ယောဟန်တွမ်ႏ ယာကုပ်တဲင် စွဉ်ႏဝွေꩻဗွေႏ အီႏဆုတောင်ꩻ ဘုရာꩻနဝ်ꩻ ထင်ႏလွေꩻစွဉ်ႏ ကောင်ပူႏပေႏ တဖြုံႏလောင်းသွူ။ 29ဝွေꩻဗွေႏအဝ်ႏ ဆုတောင်ꩻ ဘုရာꩻကျာꩻ ဝွေꩻဗွေႏမဲ့ငါ ရောင်ႏတောႏ ပြောင်ꩻကြုဲင်ꩻလွဉ်တဲင် ဝွေꩻဗွေႏခွမ်ꩻလာꩻ အရောင်ႏနဝ်ꩻ တောင်ႏဗွာ ခꩻလိက်ꩻနေးစွဉ်ႏသွူ။ 30လိုꩻဝင်ꩻနီနဝ်ꩻ ပေါႏလွဉ်စွော့ꩻ နဝ်ꩻကိုတွော့ꩻ ဒေါ့ꩻရီစွဉ်ႏ ဝွေꩻဗွေႏနဝ်ꩻသွူ။ ဝွေꩻသီးနဝ်ꩻထွာ မောသျေတွမ်ႏ ဧလိယသွူ။ 31စွဉ်ႏမို့ꩻလောင်း ဘွုန်ꩻသရေႏတောႏနဝ်ꩻ ပေါႏလွဉ်တဲင် ပွိုင်းဝွို့တွမ်ႏ တညတဝ်း ဝွေꩻဗွေႏအီႏမာꩻဗွေ စွုံႏလင်ႏဖေႏဗာႏ ဗွေႏဘုရာꩻ အကျံႏတောႏစွဉ်ႏ အနယ်ꩻ ကအီႏခံႏသီသော့ꩻဗာႏ ဝေင်ꩻယေရုသလမ်ႏကို ခရာႏနဝ်ꩻ အဝ်ႏဒေါ့ꩻရီတွမ်ႏ ဗွေႏယေသျုသွူ။ 32ပေတရုတွမ်ႏ ဝွေꩻသွꩻစွိုꩻဖုံႏနဝ်ꩻ အဝ်ႏဗေင်ႏအွီႏဒျာႏထာꩻသွူ။ ကွဲႏတွော့ꩻ ဝွေꩻသီး မဲ့ထွိုင်ႏသေလွဉ်နဝ်ꩻ ထီႏစွဉ်ႏ ဗွေႏယေသျု ဘွုန်ꩻသရေႏတောႏစွဉ်ႏ ပါꩻခိုဝင်ꩻနီ အဝ်ႏအုံထွိုင်ႏထာꩻ တွမ်ႏဝွေꩻဗွေႏနဝ်ꩻသွူ။ 33လိုꩻခိုဖုံႏ အဝ်ႏဗွေႏယေသျုထျꩻ ထွိုင်ႏထန်ႏလွေꩻထိုꩻနဝ်ꩻ ပေတရု ဒေါ့ꩻဖေႏဝွေꩻဗွေႏ၊ “ဗွေႏ၊ နီကအဝ်ႏဒါႏယိုကိုနဝ်ꩻ ဟဝ်ငါႏခွိုင်းကားမုဲင်ꩻ၊၊ နီအီႏမာꩻ သုမ်းသွံဗာႏ၊ တဗာႏနဝ်ꩻ နီဗွေႏတာႏ၊ တဗာႏနဝ်ꩻ မောသျေတာႏတွော့ꩻ တဗာႏနဝ်ꩻ ဧလိယတာႏ” နုဲင်းနဝ်ꩻသွူ။ (ဝွေꩻအဝ်ႏဒေါ့ꩻ တမုဲင်ꩻနဝ်ꩻ ဝွေꩻတသေတဝ်းသွူ။)
34ဝွေꩻကအဝ်ႏဒေါ့ꩻ ကထာꩻကျာꩻနဝ်ꩻ မို့ꩻအေႏတဒူႏ ပေါႏလွဉ်တဲင် မို့ꩻအေႏယောင်ꩻနဝ်ꩻ အဝ်ႏဒို့ꩻထိုꩻစွဉ်ႏ ဝွေꩻသီးတဲင် မို့ꩻအေႏထွိုင်ႏအဝ်ႏဒို့ꩻထိုꩻ ဝွေꩻသီးနဝ်ꩻ တပဲ့တောႏဖုံႏ ငမ်းသꩻငါႏနဝ်ꩻသွူ။ 35#ဟေသျာ ၄၂:၁၊ မ ၃:၁၇၊ ၁၂:၁၈၊ မာ ၁:၁၁၊ လု ၃:၂၂။ အဝ်ႏမို့ꩻအေႏကို ငဝ်းသင်ႏလင်ꩻ၊ “ယိုနဝ်ꩻထွာဒျာႏ ခွေပိုခို၊ ထွာဒျာႏ ပါꩻခွေကလွိုက်သေꩻခါꩻ။ နာႏသွော့ ဝွေꩻအငဝ်းဟုဲင်း” နုဲင်းနဝ်ꩻသွူ။
36ငဝ်းထွိုင်ႏယဉ်ထိုꩻချိန်ႏ နဝ်ꩻကိုနဝ်ꩻ အဝ်ႏကုဲင်ဒျာႏ ဗွေႏယေသျု တပါꩻလွုမ်ꩻနဝ်ꩻသွူ။ နုဲင်းဝွေꩻသီး ကထီႏဗာႏလဲဉ်းဒါႏ ထာꩻယိုဖုံႏခရာႏ ကားကအဝ်ႏနဝ်ꩻ တပဲ့တောႏဖုံႏ အုံတေ့ꩻဒျာႏတဲင် တဒေါ့ꩻနယ်တဝ်း ပါꩻတဖြာꩻဖြာꩻနဝ်ꩻသွူ။
ဗွေႏယေသျုဝါးထန်ႏဖေႏလူꩻကုဲင်ကမွို့ꩻဒါႏလိုꩻခိုပေႏတဖြာꩻ
(မတဲ ၁၇:၁၄–၁၈။ မာကု ၉:၁၄–၂၇)
37ဆုဲင်ꩻတနီꩻ ဗွေႏယေသျုတွမ်ႏ တပဲ့တောႏဝင်ꩻသွံ အဝ်ႏကောင်ပူႏပေႏလောင်း လင်ꩻလွဉ်တဲင် လိုꩻစွိုꩻအာဖုံႏနဝ်ꩻ မော့ꩻခွဲဆွုမ်ႏ ဗွေႏယေသျုနဝ်ꩻသွူ။ 38လိုꩻစွိုꩻဖုံႏကို ပါꩻခိုတဖြာꩻနဝ်ꩻ ခြောဝ်သန်အငဝ်း၊ “ဆရာႏ၊ ခွေသွဉ်း တောင်ꩻပြန်ႏဒျာႏနီဗွေႏ။ ထွားဗဲင်း ခွေသွဉ်းပိုခိုယိုမွိုင်၊ ခွေသွဉ်းနဝ်ꩻ ပိုခိုအဝ်ႏဒျာႏ ယိုတဖြာꩻလွုမ်ꩻ။ 39လူꩻကုဲင်တဗာႏ စောင်ꩻဝွေꩻနဝ်ꩻ ခြောဝ်သင်ႏစွော့ꩻ အငဝ်းတဲင် မာꩻသဲႏထင်ႏစွဉ်ႏဝွေꩻ၊ နဝ်ꩻမꩻ အဖြောင်းနဝ်ꩻ ယုဲင်ꩻဗွို့ꩻထန်ႏလွဉ်သွူ။ အဝ်ႏမာꩻဆာ သွုပ်မပ်မပ်ဒျာႏ ဝွေꩻနဝ်ꩻမꩻ အီႏအွဉ်ႏထန်ႏထိုꩻနဝ်ꩻ ယပ်ꩻခုဲင်ႏငါႏသွူ။ 40ဖေႏနေး ကဝါႏထန်ႏထိုꩻဖေႏ လူꩻကုဲင်နဝ်ꩻ ခွေသွဉ်းတောင်ꩻပြန်ႏ နီဗွေႏတပဲ့တောႏဖုံႏ၊ ကွဲႏတွော့ꩻ ဝွေꩻသီး မာꩻတလꩻနွောင်ꩻတဝ်းနဝ်ꩻသွူ။
41ဗွေႏယေသျုလဝ်းချာ၊ “ထာꩻယွုမ်းမွော့ꩻဆေ့ꩻငါႏ ခွိုင်းကားမုဲင်ꩻ၊ သီထွာလိုꩻမာႏဖုံႏ။ ခွေအီႏအုံငီꩻ ညဗာႏကသီ ခွိုင်းကားမုဲင်ꩻဟောင်း။ ခွေအီႏသယ်ꩻခံႏဗာႏကသီ ခွိုင်းကားမုဲင်ꩻဟောင်း။ နဝ်ꩻထွူ ဝွေꩻဗွေႏဒေါ့ꩻဖေႏ ပါꩻခိုနဝ်ꩻ၊ “ဟဲ့ꩻလွဉ်နာꩻပိုခို ယိုကိုဟုဲင်း” နုဲင်းနဝ်ꩻသွူ။
42နုဲင်းပါꩻခိုပေႏ ကအဝ်ႏလွဉ်ကျာꩻ လူꩻကုဲင် နွန်ႏဝꩻလင်ꩻစွဉ်ႏဝွေꩻ ဟံႏလောင်းတဲင် မာꩻသဲႏထင်ႏစွဉ်ႏဝွေꩻ နဝ်ꩻသွူ။ လူꩻကုဲင် ဖေႏကထန်ႏထိုꩻနဝ်ꩻ ဗွေႏယေသျု ဖေႏအမိန်းတွော့ꩻ လုမ်ꩻလာꩻဟဝ်ဖေႏ ပါꩻခိုပေႏနဝ်ꩻတဲင် ဝွေꩻနဝ်ꩻ ဖေႏချာယင်း ဝွေꩻဖါနဝ်ꩻသွူ။ 43လိုꩻဖုံႏ ကားကအဝ်ႏနဝ်ꩻ အံႏဖြာႏမွေးငါႏ ဗွေႏဘုရာꩻ အနန္တတန်ꩻခိုꩻနဝ်ꩻသွူ။
ဗွေႏယေသျုအီႏခံႏဗာႏအသီနဝ်ꩻဝွေꩻဗွေႏဒေါ့ꩻဖျင်ယင်း
(မတဲ ၁၇:၂၂–၂၃။ မာကု ၉:၃၀–၃၂)
လိုꩻဖုံႏ အဝ်ႏအံႏဖြာႏနေက ဗွေႏယေသျု ကအဝ်ႏမာꩻထာꩻဖုံႏ ကားကအဝ်ႏ အချိန်ႏနဝ်ꩻ ဝွေꩻဗွေႏဒေါ့ꩻဖေႏ ဝွေꩻဗွေႏ တပဲ့တောႏဖုံႏ၊ 44“နုဲင်းခွေ ကအဝ်ႏဒေါ့ꩻ ဖေႏဒါႏသီ ခရာႏနဝ်ꩻ တွမ်ႏအွဉ်ႏဖေင်ꩻထိုꩻမွိုန်းဟုဲင်း။ လိုꩻပိုခိုနဝ်ꩻ ခံႏဗာႏအဆွမ်ꩻ၊ အပ်ဖေႏထိုꩻ လိုꩻအာႏဏာႏသားစူကို” နုဲင်းနဝ်ꩻသွူ။ 45ကွဲႏတွော့ꩻ ထာꩻယိုအဓိပ္ပါယ်ႏ တမုဲင်ꩻနဝ်ꩻ တပဲ့တောႏဖုံႏ တသေတဝ်းသွူ။ ဖေႏနေးဝွေꩻသီး ကသေနာႏမွိုန်းနဝ်ꩻ အဝ်ႏဒို့ꩻဗဉ်ႏဗꩻထိုꩻဒျာႏ ဝွေꩻသီးနဝ်ꩻမꩻ ဝွေꩻသီး တသေနာႏတဝ်း အဓိပ္ပါယ်ႏ၊ ဝွေꩻသီး ငမ်းသꩻနဝ်ꩻမꩻ ကိစ္စယိုခရာႏနဝ်ꩻ ဝွေꩻသီးရီဗွိုန်ႏတဝ်း ဝွေꩻဗွေႏသွူ။
ပါꩻမုဲင်ꩻနဝ်ꩻအတန်သွတ်ꩻဟောင်း
(မတဲ ၁၈:၁–၅။ မာကု ၉:၃၃–၃၇)
46 #
လု ၂၂:၂၄။ ဝွေꩻသီးကို ပါꩻမုဲင်ꩻထွာ အတန်သွတ်ꩻနဝ်ꩻ တပဲ့တောႏဖုံႏ အချင်ꩻချင်ꩻ အဝ်ႏထေင် ငဝ်းအာလို့ဝင်ꩻသွူ။ 47နုဲင်းဝွေꩻသီးကအဝ်ႏ ယူႏစဉ်ꩻစာꩻထာꩻနဝ်ꩻ ဗွေႏယေသျု အဝ်ႏသေနဝ်ꩻမꩻ ဝွေꩻဗွေႏဟဲ့ꩻ လိုꩻပေႏတဖြာꩻတဲင် အွဉ်ႏအုံထွိုင်ႏစွဉ်ႏ ဝွေꩻဗွေႏထျꩻတွော့ꩻ၊ 48#မ ၁၀:၄၀၊ လု ၁၀:၁၆၊ ယော ၁၃:၂၀။ ဒေါ့ꩻဖေႏဝွေꩻသီး၊ “စွဉ်ႏခွေအမဉ်ꩻနာႏမတဲင် ပါꩻမုဲင်ꩻတယဝ်း ရပ်ကျိုႏဆွုမ်ႏ လိုꩻပေႏနုဲင်းယိုနဝ်ꩻ ရပ်ကျိုႏဆွုမ်ႏလဲဉ်း ခွေသွူ။ ပါꩻမုဲင်ꩻရပ်ကျိုႏဆွုမ်ႏ ခွေနဝ်ꩻ ရပ်ကျိုႏ ဆွုမ်ႏပါလဲဉ်း ဗွေႏအပါꩻ ကအွဉ်ႏစွꩻလွဉ် ခွေနဝ်ꩻသွူ။ သီအကို ပါꩻကထွာ အပေႏသွတ်ꩻနဝ်ꩻ ထွာဗာႏအတန်သွတ်ꩻ” နုဲင်းနဝ်ꩻသွူ။
လိုꩻတဆန်တဝ်းသီနဝ်ꩻထွာဒျာႏသီဖဲ့ꩻ
(မာကု ၉:၃၈–၄၀)
49ယောဟန်ဒေါ့ꩻထန်ႏ၊ “ဗွေႏ၊ နီထီႏပါꩻခိုတဖြာꩻ စွဉ်ႏနီဗွေႏ အမဉ်ꩻနာႏမနဝ်ꩻ အဝ်ႏဝါးထန်ႏ လူꩻကုဲင်ဖုံႏတဲင် ပွိုးတွော့ꩻ ဝွေꩻနဝ်ꩻ တဆဲင်ႏတဝ်းတွမ်ႏ နီအစွိုꩻနဝ်ꩻမꩻ နီဒေါ့ꩻဖေႏဝွေꩻ ဖေႏကမာꩻထဲင်းမွိုန်း” နုဲင်းနဝ်ꩻသွူ။
50ဗွေႏယေသျု ဒေါ့ꩻဖေႏ ယောဟန်တွမ်ႏ တပဲ့တောႏ အလင်ဖုံႏ၊ “တွမ်ႏကျိုꩻစာꩻ ရဲမွိုန်းဝွေꩻ၊ ပွိုးတွော့ꩻ ပါꩻမုဲင်ꩻတရိုꩻတဝ်း ပေါႏတဆန်ချာတဝ်း သီနဝ်ꩻ ထွာဒျာႏသီဖဲ့ꩻ” နုဲင်းနဝ်ꩻသွူ။
သျာမရိဒုံသားတလက္ခံႏတဝ်းဗွေႏယေသျု
51နုဲင်းဗွေႏယေသျု ကအီႏကျွꩻထင်ႏကီ မို့ꩻလောင်း ထွိုင်ႏဗော့ꩻလွဉ်ချိန်ႏ ဝွေꩻဗွေႏဆွုံꩻဖျတ် ဝွေꩻဗွေႏသꩻတဲင် အီႏထန်ႏလွေꩻ တဖူꩻ ဝေင်ꩻယေရုလမ်ႏကိုနဝ်ꩻသွူ။ 52ဝွေꩻဗွေႏ အွဉ်ႏစွꩻလွေꩻရီး ဝွေꩻဗွေႏ သတင်ꩻဖေႏသား အွဉ်ႏလွေꩻသျာမရိဒုံ တဖြုံႏကိုတွော့ꩻ ဖေႏကဖျင်ရဲဉ်ꩻသေꩻမꩻ ဝွေꩻဗွေႏတာႏ ကားကအဝ်ႏနဝ်ꩻသွူ။ 53ကွဲႏတွော့ꩻ လိုꩻနဝ်ꩻကိုသားဖုံႏနဝ်ꩻ တလက္ခံႏဆွုမ်ႏတဝ်း ဝွေꩻဗွေႏသွူ၊ တလက္ခံႏတဝ်း ဝွေꩻဗွေႏနဝ်ꩻ သျင်ꩻတန်ဒျာႏ၊ ပွိုးတွော့ꩻ ဝွေꩻဗွေႏ အဝ်ႏလွေꩻဒျာႏ ဝွေꩻဗွေႏတဖူꩻ အတွက်နဝ်ꩻသွူ။ 54#၂ရာႏ ၁:၉–၁၆။ တပဲ့တောႏဖုံႏ ကထွာဒါႏ ယာကုပ်တွမ်ႏ ယောဟန် ထွိုင်ႏထီႏ နုဲင်းယိုချိန်ႏ ဝွေꩻသီးဒေါ့ꩻ၊ “ဗွေႏ၊ နီဗွေႏ မဉ်အွဉ်ႏနီဟဲ့ꩻမေႏ အဝ်ႏခမ်းထီမို့ꩻလောင်းကီ ဖေႏကလင်ꩻ ယားကုဲင်ထိုꩻ ဝွေꩻသီးနဲ့ဟောင်း” နုဲင်းနဝ်ꩻသွူ။
55ဗွေႏယေသျု ခွယ်ႏချာတဲင် ခွန်းနယ်ꩻဝွေꩻသီးသွူ။ 56နဝ်ꩻထွူ ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏနဝ်ꩻ ထန်ႏလွေꩻယင်း ဒုံအလင်တဖြုံႏနဝ်ꩻသွူ။
ကအီႏထွာဗာႏဒါႏဗွေႏယေသျုတပဲ့တောႏဖုံႏ
(မတဲ ၈:၁၉–၂၂)
57နုဲင်းဝွေꩻသီး ကအဝ်ႏလွေꩻ ဝွေꩻသီး တဖူꩻလောင်းကျာꩻ ပါꩻခိုတဖြာꩻ ဒေါ့ꩻဖေႏ ဗွေႏယေသျု၊ “နီဗွေႏ လွေꩻမုဲင်ꩻကိုတဲ့ ခွေအီႏလွေꩻလွဉ်ꩻဒျာႏ နီဗွေႏ” နုဲင်းနဝ်ꩻသွူ။
58ဗွေႏယေသျု ဒေါ့ꩻဖေႏဝွေꩻ၊ ထွီႏဟံႏဖုံႏနဝ်ꩻ အအိုဖုံႏအဝ်ႏတဲင် ဝါးဖုံႏနဝ်ꩻတဲ့ အပွီဖုံႏအဝ်ႏ။ ကွဲႏတွော့ꩻ လိုꩻပိုခိုနဝ်ꩻ အီႏဗေင်ႏတလွာꩻတဲင် အုံပဆား ခင်ႏလမ်းငါတဲ့ အဲဉ်ထဝ်း” နုဲင်းနဝ်ꩻသွူ။
59ဝွေꩻဗွေႏဒေါ့ꩻဖေႏ လိုꩻခိုအလင် တဖြာꩻ၊ “လွေꩻလွဉ်ꩻခွေဟုဲင်း” နုဲင်းနဝ်ꩻသွူ။
ကွဲႏတွော့ꩻ ပါꩻခိုနဝ်ꩻဒေါ့ꩻ၊ “ဗွေႏ၊ ဖေႏသဲင်ꩻချာ ခွေလမ်းတွော့ꩻ သင်္ဂြိုဟ်ႏရီးကဒွိုန်း ခွေဖါမွိုင်” နုဲင်းနဝ်ꩻသွူ။
60ဗွေႏယေသျု လဝ်းချာ၊ “လိုꩻသီနဝ်ꩻ အွဉ်ႏသွော့ ဝွေꩻသီး လိုꩻသီ သင်္ဂြိုဟ်ႏချာဟုဲင်း။ နာꩻနဝ်ꩻလွေꩻတဲင် ကေႏညာႏသွော့ ဗွေႏဘုရာꩻခမ်းထီ နဲင်ႏငံႏတရာꩻဟုဲင်း” နုဲင်းနဝ်ꩻသွူ။
61 # ၁ရာႏ ၁၉:၂၀။ လိုꩻအလင်တဖြာꩻနဝ်ꩻဒေါ့ꩻ၊ “ခွေအီႏလွေꩻလွဉ်ꩻဒျာႏ နီဗွေႏ။ ကွဲႏတွော့ꩻ ဖေႏခွေလွေꩻ နုတ်ဆက်ရီးက ခွေတမွိုးဖါပိုစွိုꩻဖုံႏဟုဲင်း” နုဲင်းနဝ်ꩻသွူ။
62ဗွေႏယေသျု ဒေါ့ꩻဖေႏဝွေꩻ၊ “ပါꩻတဖြာꩻ ထုဲင်ခြံတွော့ꩻ အဝ်ႏထွားချာဒျာႏ ကထာꩻနဝ်ꩻ ဗွေႏဘုရာꩻ ခမ်းထီတွက်တာႏ အသွုံꩻတကျတဝ်း” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.