လုကာ 4
4
သွေꩻကုဲင်ဗွေႏယေသျု
(မတဲ ၄:၁–၁၁။ မာကု ၁:၁၂–၁၃)
1ဗွေႏယေသျု အဝ်ႏယော်ဒန် ထီခြောင်တန် ထွိုင်ႏခွယ်သဲင်ꩻချာနဝ်ꩻ အဝ်ႏဗွေတွမ်ႏ ကြောင်းစင် ဝိညာဉ်ႏတောႏတဲင် ဝိညာဉ်ႏတောႏ အွဉ်လွေꩻသော့ꩻ ဝွေꩻဗွေႏ ကန္တာရတခြာကိုနဝ်ꩻသွူ။ 2နဝ်ꩻကိုနဝ်ꩻ ဝွေꩻဗွေႏခံႏဗာႏ မာရ်ႏနတ် သွေꩻကုဲင် မွူးနီꩻလစ်ꩻဆီနဝ်ꩻသွူ။ အချိန်ႏနဝ်ꩻ တချိန်ႏလွုမ်းလွုမ်း ဝွေꩻဗွေႏ တအံႏတဝ်း ထာꩻအံႏတစွိုးစွိုး၊ နဝ်ꩻမꩻ မွူးနီꩻလစ်ꩻဆီ ထွိုင်ႏလဲဉ်းနဝ်ꩻ ဝွေꩻဗွေႏ ဟို့ꩻခိုးထာꩻအံႏနဝ်ꩻသွူ။
3မာရ်ႏနတ် ဒေါ့ꩻဖေႏဝွေꩻဗွေႏ၊ “နာꩻမဉ်ႏထွာ ဗွေႏဘုရာꩻ ပိုခိုနဝ်ꩻ မိန်းလုံးတူႏယိုဖုံႏ ဖေႏကထွာခွိုန်ꩻထိုꩻ တခိုးမွိုင်” နုဲင်းနဝ်ꩻသွူ။
4 #
ဟော်ꩻ ၈:၃။ ကွဲႏတွော့ꩻ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘လိုꩻနဝ်ꩻ သက်အဝ်ႏမွန်အီစွဉ်ႏ တခိုးလွုမ်ꩻ တမွေးတဝ်း’” နုဲင်းနဝ်ꩻသွူ။
5နဝ်ꩻထွူ မာရ်ႏနတ် ဟဲ့ꩻထင်ႏကီ ဝွေꩻဗွေႏ ကောင်လောင်း ဒုတိယလဲင်ႏတဲင် အွဉ်ႏနယ်ဝွေꩻဗွေႏ ကမ္ဘာႏလောက ခမ်းထီနဲင်ႏငံႏဖုံႏ ကားကအဝ်ႏသွူ။ 6မာရ်ႏနတ် ဒေါ့ꩻဖေႏဝွေꩻဗွေႏ၊ “တန်ꩻခိုꩻယိုဖုံႏ ကားကအဝ်ႏစွဉ်ႏ ဥစ္စာႏပစ္စေꩻယိုဖုံႏ ကားကအဝ်ႏနဝ်ꩻ ခွေအီႏဖေႏနာꩻ၊ ထာꩻနဝ်ꩻဖုံႏ ကားကအဝ်ႏနဝ်ꩻ အပ်ဖေႏလဲဉ်းသွူ ခွေနဝ်ꩻမꩻ၊ ခွေမဉ်ဖေႏ ပါꩻမုဲင်ꩻတဲ့ ခွေဖေႏနွောင်ꩻသွူ။ 7နာꩻမဉ်ႏဝုဲင်ႏ ကိုꩻကွယ်ႏခွေနဝ်ꩻ ထာꩻယိုဖုံႏ ကားကအဝ်ႏ အီႏထွာနာꩻထာꩻ” နုဲင်းနဝ်ꩻသွူ။
8 #
ဟော်ꩻ ၆:၁၃။ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘ဝုဲင်ႏကိုꩻကွယ်ႏဗာႏဒျာႏ ထာဝရဘုရာꩻ နာꩻဗွေႏဘုရာꩻတဲင် ဝွတ်ပတ်ဖေႏဗာႏ ဝွေꩻဗွေႏလွုမ်ꩻ’” နုဲင်းနဝ်ꩻသွူ။
9နဝ်ꩻထွူ မာရ်ႏနတ် ဟဲ့ꩻလွေꩻ ဝွေꩻဗွေႏ ဝေင်ꩻယေရုသလမ်ႏတဲင် အွဉ်ႏဝွေꩻဗွေႏ အုံလင်ꩻလူး ဗိမာန်ႏတောႏကျောင်ꩻ အထိုသွတ်ꩻ ခင်ႏလမ်းတဲင် ဒေါ့ꩻဖေႏဝွေꩻဗွေႏ၊ “နာꩻမဉ်ႏထွာ ဗွေႏဘုရာꩻပိုခိုနဝ်ꩻ အဝ်ႏယိုကို အွဉ်ႏလွဉ်းလလင်ꩻ နာꩻနမ်းဟုဲင်း။ 10#သာ ၉၁:၁၁၊ ၁၂။ ပွိုးလိတ်ကျမ်ꩻနဝ်ꩻရိုꩻ၊ ‘ ဖေႏကထိန်ꩻထွားဟဝ် နာꩻနဝ်ꩻ ဗွေႏဘုရာꩻ အီႏမိန်းဖေႏဒျာႏ ဝွေꩻဗွေႏမို့ꩻလောင်းတမန်ႏဖုံႏ၊’ 11ကျမ်ꩻနဝ်ꩻရိုꩻပါက၊ ‘ဖေႏနေး နာꩻခင်ႏဖုံႏ ကတခူဆာဗာႏမွိုန်း လုံးတူႏဖုံႏနဝ်ꩻ ဝွေꩻသီး စွဉ်ႏအစူဖုံႏ အီႏယွော့ဆွုမ်ႏဒျာႏ’” နုဲင်းနဝ်ꩻသွူ။
12 #
ဟော်ꩻ ၆:၁၆။ ကွဲႏတွော့ꩻ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘ကအီႏစမ်ꩻထွားဒါႏ ထာဝရဘုရာꩻ နာꩻဗွေႏဘုရာꩻနဝ်ꩻ တွမ်ႏမာꩻမွိုန်း’” နုဲင်းနဝ်ꩻသွူ။
13စွဉ်ႏအနယ်ꩻဖုံႏ ကားကအဝ်ႏ မာရ်ႏနတ် သွေꩻကုဲင် ဗွေႏယေသျုထွူ၊ တဆင်ႏဝွေꩻအဝ်ႏ ဝွေꩻဗွေႏထျꩻ ထန်ႏထိုꩻစွဉ်ႏနဝ်ꩻသွူ။
ဗွေႏယေသျုမာꩻစဝွေꩻဗွေႏထာꩻမာꩻကာလိလဲခမ်းကို
(မတဲ ၄:၁၂–၁၇။ မာကု ၁:၁၄–၁၅)
14နဝ်ꩻထွူ ဗွေႏယေသျု သဲင်ꩻလွဉ်ချာ ကာလိလဲခမ်းတဲင် ကြောင်းစင် ဝိညာဉ်ႏတောႏ တန်ꩻခိုꩻ အဝ်ႏငီꩻစွဉ်ႏ ဝွေꩻဗွေႏသွူ။ ပွိုင်းဝွို့တွမ်ႏ ဝွေꩻဗွေႏခရာႏ သတင်ꩻနဝ်ꩻ ကျော်ႏစွစ်ꩻစဲစ်စွဉ်ႏ တဟံႏနယ်ႏလွုမ်း ကားကအဝ်ႏနဝ်ꩻသွူ။ 15ဝွေꩻဗွေႏ အဝ်ႏသွဉ်သင်သော့ꩻဖေႏ တရာꩻစရွပ်ကိုတဲင် လိုꩻစွုမ်ႏဖြာꩻ အဝ်ႏအုပ်ꩻဝွေꩻဗွေႏသွူ။
ဝေင်ꩻနာဇရဲစ်လက်ခံႏတဝ်းဗွေႏယေသျု
(မတဲ ၁၃:၅၃–၅၈။ မာကု ၆:၁–၆)
16နဝ်ꩻထွူ ဗွေႏယေသျု လွေꩻထိုꩻ ဝေင်ꩻနာဇရဲစ်၊ ဝွေꩻဗွေႏဖျော်တွိုႏ နဝ်ꩻကိုတဲင် ဥပုသ်မွူးနီꩻကို နုဲင်းဝွေꩻဗွေႏ ကအဝ်ႏလွေꩻ သေႏသေႏဒါႏအတွိုင်ꩻ ဝွေꩻဗွေႏလွေꩻ တရာꩻစရွပ်ကိုနဝ်ꩻသွူ။ အီႏဖတ်လိတ်ကျမ်ꩻနဝ်ꩻ ဝွေꩻဗွေႏ အုံထွိုင်ႏတဲင်၊ 17တရာꩻစရွပ်လိုꩻတန် ဖေႏဝွေꩻဗွေႏ ပရောဖဲစ် ဟေသျာယကျမ်ꩻ နဝ်ꩻသွူ။ ဝွေꩻဗွေႏစေ ကျမ်ꩻထူတဲင် မော့ꩻစွဉ်ႏကျမ်ꩻ ကအဝ်ႏတဲမ်းသော့ꩻသေဒါႏ အထွောင်း၊
18 # ဟေသျာ ၆၁:၁၊ ၂ (LXX)။ “ထာဝရဘုရာꩻ ဝိညာဉ်ႏတောႏနဝ်ꩻ အဝ်ႏခွေလောင်း၊
ကအီႏအီလွဉ်ဖေႏဒါႏ လိုꩻကေန်ꩻခြောဖုံႏ သတင်ꩻဟဝ်နဝ်ꩻ ပွိုးတွော့ꩻ ဝွေꩻဗွေႏ လွိုက်လဲဉ်းခွေ နဝ်ꩻသွူ။
ဖေႏကကေႏညာႏ လိုꩻကအဝ်ႏခံသား ဖေႏကလွစ်ထန်ႏတဲင်၊
လိုꩻမဲ့ခေ့ꩻဖုံႏ ဖေႏကထီႏလွဉ်ယင်း၊
လိုꩻကခံႏဗာႏ ဝင်ꩻနျꩻဖွိုႏသားဖုံႏ ဖေႏကလွစ်နဝ်ꩻ ဝွေꩻဗွေႏ အွဉ်ႏစွꩻလွဉ်လဲဉ်း ခွေတဲင်
19ဖေႏကကေႏညာႏ ထာဝရဘုရာꩻ အီႏကယ်ႏဒါႏ ဝွေꩻဗွေႏလိုꩻဖုံႏနဝ်ꩻ
အချိန်ႏတွိုႏလွဉ်လဲဉ်း” နုဲင်းနဝ်ꩻသွူ။
20ဗွေႏယေသျု ထူဟဝ်ချာ ကျမ်ꩻစောင်းတွော့ꩻ ဖေႏချာယင်း တရာꩻစရွပ် လိုꩻတန်တဲင် အုံလင်ꩻစွဉ်ႏနဝ်ꩻသွူ။ လိုꩻဖုံႏကအဝ်ႏသော့ꩻ တရာꩻစရွပ်ကို ကားကအဝ်ႏနဝ်ꩻ ဝွေꩻသီးထွားလွဉ်စွဉ်ႏ ဝွေꩻဗွေႏနဝ်ꩻသွူ။ 21နုဲင်းဝွေꩻဗွေႏ ကဒေါ့ꩻဖေႏဒါႏ ဝွေꩻသီး၊ “ကပါသော့ꩻဒါႏ ကျမ်ꩻပိုဒ် နုဲင်းသီကဟွိုန်ဗာႏလဲဉ်းဒါႏ အတွိုင်ꩻနဝ်ꩻ ဟန်ႏနီꩻယို ဗွေမဲဉ်ႏလွဉ်လဲဉ်း” နုဲင်းနဝ်ꩻသွူ။
22ဝွေꩻဗွေႏ ကဟော်ꩻတရာꩻနဝ်ꩻ ဟဝ်ငါႏတဲင် ဝွေꩻသီးစွဲꩻ အံႏဖြာႏမွေးနေးစွဉ်ႏ၊ ဝွေꩻသီးရိုꩻ၊ “ဝွေꩻနဝ်ꩻ ယောသပ်ပိုခို တမွေးတဝ်းဟောင်း” နုဲင်းနဝ်ꩻသွူ။
23ဝွေꩻဗွေႏဒေါ့ꩻဖေႏ ဝွေꩻသီး၊ “ခွေဒေါ့ꩻဖေႏသီအမွေး ၊ ‘ဆရာႏဝွန်ႏ၊ လုမ်ꩻလာꩻဟဝ်ချာ နာꩻနမ်းဟုဲင်း၊’ သီနဝ်ꩻ အီႏတဲက်တွိုင်အီခွေ စွဉ်ႏ ငဝ်းပွုံႏခွိုင်ꩻ နုဲင်းယို” နုဲင်းနဝ်ꩻသွူ။ သီအီႏဒေါ့ꩻပါက ခွေ၊ နုဲင်းနီ ကအဝ်ႏဟွိုန်ဗာႏလဲဉ်း နီဗွေႏ မာꩻလဲဉ်းဒါႏ ဝေင်ꩻကပေရနောင်ကို အတွိုင်ꩻနဝ်ꩻ ဖေႏခွေကမာꩻ ဗွိုန်နုဲင်းနုဲင်းသွော့ ခွေဇာႏတိဝေင်ꩻ ယိုကိုနဝ်ꩻသွူ။ 24#ယော ၄:၄၄။ ဗွေႏယေသျု ဒေါ့ꩻသမ်းထဲင်း၊ “ခွေဒေါ့ꩻနယ်သီ နုဲင်းယို၊ ပရောဖဲစ်ဖုံႏနဝ်ꩻ ဝွေꩻသီး အဇာႏတိဝေင်ꩻကိုနဝ်ꩻ မုဲင်ꩻခါတဲ့ တလꩻတဝ်း မဲ့ငါနဝ်ꩻသွူ။
25 # ၁ရာႏ ၁၇:၁။ နာႏသွော့ ခွေငဝ်းဟုဲင်း၊ နဝ်ꩻနဝ်ꩻအမွေးဒျာႏ၊ ဧလိယစိုးနဝ်ꩻ ဣသရေး လိုꩻမျိုꩻကို မဲမုဲင်းမူႏဖုံႏ အဝ်ႏအာဖြာꩻသွူ၊ ခမ်းထွိုင်ႏခေါင်ႏလွဉ် သွံနေင်ႏပုဲင် သူလာချိန်ႏနဝ်ꩻ ထာꩻအံႏအွꩻခြော စွစ်ꩻစဲစ်ꩻလွဉ် တခမ်းလွုမ်းနဝ်ꩻသွူ။ 26#၁ရာႏ ၁၇:၈–၁၆။ ဧလိယနဝ်ꩻ ဗွေႏဘုရာꩻ တအွဉ်ႏစွꩻ လွေꩻထေ့တဝ်း ဣသရေး လိုꩻမျိုꩻကို တဖြာꩻဖြာꩻထျꩻ၊ ကွဲႏတွော့ꩻ အွဉ်ႏစွꩻလွေꩻဒျာႏ ကအဝ်ႏအုံဒါႏ သိဒုန်နယ်ႏ ဝေင်ꩻဇရတ္တကို မဲမုဲင်းမူႏ တဖြာꩻထျꩻနဝ်ꩻသွူ။ 27#၂ရာႏ ၅:၁–၁၄။ ပရောဖဲစ် ဧလိသျဲစိုးနဝ်ꩻ လိုꩻကအုံသော့ꩻဒါႏ ဣသရေးခမ်းကို လိုꩻကမော့ꩻဒါႏ အတွတ်ꩻရောႏဂါႏသားဖုံႏ အဝ်ႏအာဖြာꩻတန်နဝ်ꩻသွူ။ ကွဲႏတွော့ꩻ ဝွေꩻသီးအကိုနဝ်ꩻ တလုမ်ꩻလာꩻဟဝ် ဖေႏတဝ်း တဖြာꩻဖြာꩻ၊ လုမ်ꩻလာꩻ မာꩻဟဝ်ဖေႏဒျာႏ သီးရီးယားခမ်းသား နေမန်တဖြာꩻလွုမ်ꩻ” နုဲင်းနဝ်ꩻသွူ။
28လိုꩻဖုံႏကအဝ်ႏသော့ꩻ တရာꩻစရွပ်ကိုသား ထွိုင်ႏဟွိုန်နုဲင်းယိုနဝ်ꩻ ဝွေꩻသီး သꩻလျားစွဉ်ႏထာꩻသွူ။ 29ဝွေꩻသီးထွိုင်ႏတဲင် တွာႏထန်ႏ ဗွေႏယေသျု ဝေင်ꩻကောင်းထန်ႏဖဲ့ꩻတွော့ꩻ ဟဲ့ꩻလွေꩻဝွေꩻဗွေႏ ကောင်နာလောင်း ဝွေꩻသီး ကအဝ်ႏတယ်ႏဒါႏ ဝေင်ꩻနဝ်ꩻသွူ။ ဝွေꩻသီး ကျံႏနွန်ႏထဲ့လင်ꩻ ဝွေꩻဗွေႏ လဲင်းလောင်းနဝ်ꩻသွူ။ 30ကွဲႏတွော့ꩻ ဝွေꩻဗွေႏ ထောင်ဖျတ်ကာႏ လိုꩻစွိုꩻဖုံႏကဲဉ်တဲင် ဝွေꩻဗွေႏ ထန်ႏလွေꩻထိုꩻစွဉ်ႏနဝ်ꩻသွူ။
လူꩻကုဲင်စောင်ꩻပါꩻတဖြာꩻ
(မာကု ၁:၂၁–၂၈)
31နဝ်ꩻထွူ ဗွေႏယေသျုလွေꩻထိုꩻ ကာလိလဲခမ်း ဝေင်ꩻကပေရနောင်တဲင် နဝ်ꩻကို ဥပုသ်မွူးနီꩻနဝ်ꩻ ဝွေꩻဗွေႏ သွဉ်သင်ဖေႏ လိုꩻဖုံႏနဝ်ꩻသွူ။ 32#မ ၇:၂၈၊ ၂၉။ ဝွေꩻဗွေႏ သွဉ်သင်ဖေႏ အနယ်ꩻနဝ်ꩻ ကွပ်ပွိုး ဝွေꩻဗွေႏဒေါ့ꩻဖေႏ စွဉ်ႏအာႏဏာႏအတွက် ဝွေꩻသီး ကားကအဝ်ႏ အံႏဖြာႏငါႏနဝ်ꩻသွူ။ 33ပါꩻလူꩻကုဲင် ကအဝ်ႏစောင်ꩻဒါႏ လိုꩻတဖြာꩻနဝ်ꩻ အဝ်ႏသော့ꩻ တရာꩻစရွပ်ကိုသွူ။ ဝွေꩻခြောဝ်ထန်ႏသန် အငဝ်း၊ 34“အွိုး နာဇရဲစ်ဝေင်ꩻသား ဗွေႏယေသျု၊ နာꩻအဝ်ႏလိုႏနီ တမုဲင်ꩻဟောင်း။ နာꩻလွဉ်ယိုကိုနဝ်ꩻ အီႏယားကုဲင်ထိုꩻ နီဟောင်း။ နာꩻထွာပါꩻမုဲင်ꩻနဝ်ꩻ ခွေအဝ်ႏသေဒျာႏ။ နာꩻနဝ်ꩻထွာ ဗွေႏဘုရာꩻ ကြောင်းစင်မျတ် သတင်ꩻဖေႏသား” နုဲင်းနဝ်ꩻသွူ။
35ဗွေႏယေသျုဖေႏ ဝိညာဉ်ႏကုဲင်အမိန်း၊ “အုံတေ့ꩻတေ့ꩻ၊ အဝ်ႏပါꩻနဝ်ꩻအကို ထန်ႏထိုꩻဟုဲင်း” နုဲင်းနဝ်ꩻတဲင်၊ လူꩻကုဲင် မာꩻဝꩻလင်ꩻ ပါꩻခို ဝွေꩻသီးဆꩻငါတဲင် အဝ်ႏဝွေꩻအကို ထန်ႏထိုꩻတွော့ꩻ မာꩻဆာ ထဲင်းတဝ်းဒွုမ်ဝွေꩻ တစိꩻစိꩻသွူ။
36လိုꩻဖုံႏကားကအဝ်ႏ အံႏဖြာႏငါႏတဲင် တဖြာꩻစွဉ်ႏတဖြာꩻ ဒေါ့ꩻဖေႏလို့ဝင်ꩻ၊ ငဝ်းနုဲင်းယိုဖုံႏနဝ်ꩻ ငဝ်းစားမုဲင်ꩻဟောင်း၊ စွဉ်ႏအာႏဏာႏ တွမ်ႏတန်ꩻခိုꩻနဝ်ꩻ ပါꩻခိုယို ဖေႏဝိညာဉ်ႏကုဲင်ဖုံႏ အမိန်းတဲင် ဝွေꩻသီး ထန်ႏထိုꩻစွဉ်ႏနုဲင်းမုဲင်ꩻ” နုဲင်းနဝ်ꩻသွူ။ 37တဲင်အွဉ်ႏဟွိုန် ဗွေႏယေသျုခရာႏနဝ်ꩻ ကျော်ႏစွစ်ꩻစဲစ်ꩻသော့ꩻစွဉ်ႏ နယ်ႏကို ခင်ႏလမ်းစွုမ်ႏထွောင်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဖုံႏအာငါႏ
(မတဲ ၈:၁၄–၁၇။ မာကု ၁:၂၉–၃၄)
38ဗွေႏယေသျု အဝ်ႏတရာꩻစရွပ်နဝ်ꩻ ထန်ႏတဲင် လွေꩻစွဉ်ႏ သိမုန်အလမ်းနဝ်ꩻသွူ။ သိမုန်အဖီနဝ်ꩻ အဝ်ႏဆော့ဆာထာꩻတွော့ꩻ နမ်းလျားသန်ငါႏတဲင် ပွိုင်းဝွို့တွမ်ႏ ဝွေꩻမူႏခရာႏနဝ်ꩻ ဝွေꩻသီးဒေါ့ꩻဖေႏ ဗွေႏယေသျုသွူ။ 39ဝွေꩻဗွေႏလွေꩻတဲင် အုံထွိုင်ႏ ဝွေꩻမူႏ ခင်ႏလမ်းဗေင်ႏထျꩻတွော့ꩻ အဝ်ႏဝွေꩻမူႏအကို ထာꩻဆော့ဆာ ဖေႏကထန်ႏထိုꩻနဝ်ꩻ မိန်းဖေႏစွဉ်ႏနဝ်ꩻသွူ။ ဝွေꩻမူႏထာꩻဆာ ထန်ႏထိုꩻတဲင် တလဲင်ႏချင်ꩻ ဝွေꩻမူႏထွိုင်ႏတွော့ꩻ ဝွတ်ပတ်ခံႏထဉ်ႏဆွုမ်ႏစွဉ်ႏ ဝွေꩻသီးသွူ။
40မွူးထွိုင်ႏနွို့ထွူ အသွꩻဖုံႏ ကခံႏဗာႏဒါႏ ထာꩻဆာရောႏဂါႏ အမျိုꩻမျိုꩻဖုံႏ ကားကအဝ်ႏနဝ်ꩻ အီလွဉ် ဗွေႏယေသျုထျꩻနဝ်ꩻသွူ။ ဝွေꩻဗွေႏစူဖုံႏနဝ်ꩻ အွဉ်ႏဒင်ႏဖေႏ ဝွေꩻသီး စွုမ်ႏဖြာꩻလောင်းတဲင် လုမ်ꩻလာꩻဟဝ်ဖေႏလို့စွဉ်ႏ ဝွေꩻသီးသွူ။ 41လူꩻကုဲင်ဖုံႏနဝ်ꩻတဲ့ အဝ်ႏလိုꩻအာဖြာꩻဖုံႏကို ထန်ႏထိုꩻတွော့ꩻ ခြောဝ်သန်အငဝ်း၊ “နာꩻနဝ်ꩻထွာ ဗွေႏဘုရာꩻ ပိုခိုတောႏ” နုဲင်းနဝ်ꩻသွူ။
ဗွေႏယေသျု ဖေႏလူꩻကုဲင်အမိန်း ဖေႏဒေါ့ꩻတဝ်း ငဝ်းတငွါငွါ ပွိုးတွော့ꩻ ဝွေꩻဗွေႏထွာ မေသျိယကျောင်ꩻ ဝွေꩻသီး အဝ်ႏသေနဝ်ꩻသွူ။
ဗွေႏယေသျုဟော်ꩻတရာꩻတရာꩻစရွပ်ဖုံႏကို
(မာကု ၁:၃၅–၃၉)
42မွူးထွိုင်ႏအီႏလေ ဗွေႏယေသျု အဝ်ႏဝေင်ꩻနဝ်ꩻ ထန်ႏတဲင် လွေꩻခင်ႏလမ်းယဉ် တထွောင်းသွူ။ လိုꩻဖုံႏအဝ်ႏထုမ်ႏစ ဝွေꩻဗွေႏတဲင် ဝွေꩻသီးထွိုင်ႏမော့ꩻ ဝွေꩻဗွေႏချိန်ႏ အဝ်ႏဝွေꩻသီးထျꩻ ဖေႏဝွေꩻဗွေႏ ကထန်ႏထိုꩻမွိုန်းနဝ်ꩻ ဝွေꩻသီး ကျိုꩻစာꩻမာꩻနဝ်ꩻသွူ။ 43ကွဲႏတွော့ꩻ ဝွေꩻဗွေႏ ဒေါ့ꩻဖေႏဝွေꩻသီး၊ “ဝေင်ꩻလင်ဖုံႏကိုနဝ်ꩻတဲ့ ပွိုင်းဝွို့တွမ်ႏ ဗွေႏဘုရာꩻ ခမ်းထီခရာႏ သတင်ꩻဟဝ်နဝ်ꩻ ခွေဟော်ꩻဖေႏဗာႏ၊ နဝ်ꩻမꩻ ဖေႏကမာꩻနုဲင်းနဝ်ꩻနဝ်ꩻ ဗွေႏဘုရာꩻ အွဉ်ႏစွꩻလွဉ်ခွေ” နုဲင်းနဝ်ꩻသွူ။
44နဝ်ꩻမꩻ တခမ်းလွုမ်း တရာꩻစရွပ်ဖုံႏကိုနဝ်ꩻ ဝွေꩻဗွေႏ ဟော်ꩻစွဉ်ႏ တရာꩻနဝ်ꩻသွူ။
ទើបបានជ្រើសរើសហើយ៖
လုကာ 4: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 4
4
သွေꩻကုဲင်ဗွေႏယေသျု
(မတဲ ၄:၁–၁၁။ မာကု ၁:၁၂–၁၃)
1ဗွေႏယေသျု အဝ်ႏယော်ဒန် ထီခြောင်တန် ထွိုင်ႏခွယ်သဲင်ꩻချာနဝ်ꩻ အဝ်ႏဗွေတွမ်ႏ ကြောင်းစင် ဝိညာဉ်ႏတောႏတဲင် ဝိညာဉ်ႏတောႏ အွဉ်လွေꩻသော့ꩻ ဝွေꩻဗွေႏ ကန္တာရတခြာကိုနဝ်ꩻသွူ။ 2နဝ်ꩻကိုနဝ်ꩻ ဝွေꩻဗွေႏခံႏဗာႏ မာရ်ႏနတ် သွေꩻကုဲင် မွူးနီꩻလစ်ꩻဆီနဝ်ꩻသွူ။ အချိန်ႏနဝ်ꩻ တချိန်ႏလွုမ်းလွုမ်း ဝွေꩻဗွေႏ တအံႏတဝ်း ထာꩻအံႏတစွိုးစွိုး၊ နဝ်ꩻမꩻ မွူးနီꩻလစ်ꩻဆီ ထွိုင်ႏလဲဉ်းနဝ်ꩻ ဝွေꩻဗွေႏ ဟို့ꩻခိုးထာꩻအံႏနဝ်ꩻသွူ။
3မာရ်ႏနတ် ဒေါ့ꩻဖေႏဝွေꩻဗွေႏ၊ “နာꩻမဉ်ႏထွာ ဗွေႏဘုရာꩻ ပိုခိုနဝ်ꩻ မိန်းလုံးတူႏယိုဖုံႏ ဖေႏကထွာခွိုန်ꩻထိုꩻ တခိုးမွိုင်” နုဲင်းနဝ်ꩻသွူ။
4 #
ဟော်ꩻ ၈:၃။ ကွဲႏတွော့ꩻ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘လိုꩻနဝ်ꩻ သက်အဝ်ႏမွန်အီစွဉ်ႏ တခိုးလွုမ်ꩻ တမွေးတဝ်း’” နုဲင်းနဝ်ꩻသွူ။
5နဝ်ꩻထွူ မာရ်ႏနတ် ဟဲ့ꩻထင်ႏကီ ဝွေꩻဗွေႏ ကောင်လောင်း ဒုတိယလဲင်ႏတဲင် အွဉ်ႏနယ်ဝွေꩻဗွေႏ ကမ္ဘာႏလောက ခမ်းထီနဲင်ႏငံႏဖုံႏ ကားကအဝ်ႏသွူ။ 6မာရ်ႏနတ် ဒေါ့ꩻဖေႏဝွေꩻဗွေႏ၊ “တန်ꩻခိုꩻယိုဖုံႏ ကားကအဝ်ႏစွဉ်ႏ ဥစ္စာႏပစ္စေꩻယိုဖုံႏ ကားကအဝ်ႏနဝ်ꩻ ခွေအီႏဖေႏနာꩻ၊ ထာꩻနဝ်ꩻဖုံႏ ကားကအဝ်ႏနဝ်ꩻ အပ်ဖေႏလဲဉ်းသွူ ခွေနဝ်ꩻမꩻ၊ ခွေမဉ်ဖေႏ ပါꩻမုဲင်ꩻတဲ့ ခွေဖေႏနွောင်ꩻသွူ။ 7နာꩻမဉ်ႏဝုဲင်ႏ ကိုꩻကွယ်ႏခွေနဝ်ꩻ ထာꩻယိုဖုံႏ ကားကအဝ်ႏ အီႏထွာနာꩻထာꩻ” နုဲင်းနဝ်ꩻသွူ။
8 #
ဟော်ꩻ ၆:၁၃။ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘ဝုဲင်ႏကိုꩻကွယ်ႏဗာႏဒျာႏ ထာဝရဘုရာꩻ နာꩻဗွေႏဘုရာꩻတဲင် ဝွတ်ပတ်ဖေႏဗာႏ ဝွေꩻဗွေႏလွုမ်ꩻ’” နုဲင်းနဝ်ꩻသွူ။
9နဝ်ꩻထွူ မာရ်ႏနတ် ဟဲ့ꩻလွေꩻ ဝွေꩻဗွေႏ ဝေင်ꩻယေရုသလမ်ႏတဲင် အွဉ်ႏဝွေꩻဗွေႏ အုံလင်ꩻလူး ဗိမာန်ႏတောႏကျောင်ꩻ အထိုသွတ်ꩻ ခင်ႏလမ်းတဲင် ဒေါ့ꩻဖေႏဝွေꩻဗွေႏ၊ “နာꩻမဉ်ႏထွာ ဗွေႏဘုရာꩻပိုခိုနဝ်ꩻ အဝ်ႏယိုကို အွဉ်ႏလွဉ်းလလင်ꩻ နာꩻနမ်းဟုဲင်း။ 10#သာ ၉၁:၁၁၊ ၁၂။ ပွိုးလိတ်ကျမ်ꩻနဝ်ꩻရိုꩻ၊ ‘ ဖေႏကထိန်ꩻထွားဟဝ် နာꩻနဝ်ꩻ ဗွေႏဘုရာꩻ အီႏမိန်းဖေႏဒျာႏ ဝွေꩻဗွေႏမို့ꩻလောင်းတမန်ႏဖုံႏ၊’ 11ကျမ်ꩻနဝ်ꩻရိုꩻပါက၊ ‘ဖေႏနေး နာꩻခင်ႏဖုံႏ ကတခူဆာဗာႏမွိုန်း လုံးတူႏဖုံႏနဝ်ꩻ ဝွေꩻသီး စွဉ်ႏအစူဖုံႏ အီႏယွော့ဆွုမ်ႏဒျာႏ’” နုဲင်းနဝ်ꩻသွူ။
12 #
ဟော်ꩻ ၆:၁၆။ ကွဲႏတွော့ꩻ ဗွေႏယေသျုလဝ်းချာ၊ “လိတ်ကျမ်ꩻကိုရိုꩻ၊ ‘ကအီႏစမ်ꩻထွားဒါႏ ထာဝရဘုရာꩻ နာꩻဗွေႏဘုရာꩻနဝ်ꩻ တွမ်ႏမာꩻမွိုန်း’” နုဲင်းနဝ်ꩻသွူ။
13စွဉ်ႏအနယ်ꩻဖုံႏ ကားကအဝ်ႏ မာရ်ႏနတ် သွေꩻကုဲင် ဗွေႏယေသျုထွူ၊ တဆင်ႏဝွေꩻအဝ်ႏ ဝွေꩻဗွေႏထျꩻ ထန်ႏထိုꩻစွဉ်ႏနဝ်ꩻသွူ။
ဗွေႏယေသျုမာꩻစဝွေꩻဗွေႏထာꩻမာꩻကာလိလဲခမ်းကို
(မတဲ ၄:၁၂–၁၇။ မာကု ၁:၁၄–၁၅)
14နဝ်ꩻထွူ ဗွေႏယေသျု သဲင်ꩻလွဉ်ချာ ကာလိလဲခမ်းတဲင် ကြောင်းစင် ဝိညာဉ်ႏတောႏ တန်ꩻခိုꩻ အဝ်ႏငီꩻစွဉ်ႏ ဝွေꩻဗွေႏသွူ။ ပွိုင်းဝွို့တွမ်ႏ ဝွေꩻဗွေႏခရာႏ သတင်ꩻနဝ်ꩻ ကျော်ႏစွစ်ꩻစဲစ်စွဉ်ႏ တဟံႏနယ်ႏလွုမ်း ကားကအဝ်ႏနဝ်ꩻသွူ။ 15ဝွေꩻဗွေႏ အဝ်ႏသွဉ်သင်သော့ꩻဖေႏ တရာꩻစရွပ်ကိုတဲင် လိုꩻစွုမ်ႏဖြာꩻ အဝ်ႏအုပ်ꩻဝွေꩻဗွေႏသွူ။
ဝေင်ꩻနာဇရဲစ်လက်ခံႏတဝ်းဗွေႏယေသျု
(မတဲ ၁၃:၅၃–၅၈။ မာကု ၆:၁–၆)
16နဝ်ꩻထွူ ဗွေႏယေသျု လွေꩻထိုꩻ ဝေင်ꩻနာဇရဲစ်၊ ဝွေꩻဗွေႏဖျော်တွိုႏ နဝ်ꩻကိုတဲင် ဥပုသ်မွူးနီꩻကို နုဲင်းဝွေꩻဗွေႏ ကအဝ်ႏလွေꩻ သေႏသေႏဒါႏအတွိုင်ꩻ ဝွေꩻဗွေႏလွေꩻ တရာꩻစရွပ်ကိုနဝ်ꩻသွူ။ အီႏဖတ်လိတ်ကျမ်ꩻနဝ်ꩻ ဝွေꩻဗွေႏ အုံထွိုင်ႏတဲင်၊ 17တရာꩻစရွပ်လိုꩻတန် ဖေႏဝွေꩻဗွေႏ ပရောဖဲစ် ဟေသျာယကျမ်ꩻ နဝ်ꩻသွူ။ ဝွေꩻဗွေႏစေ ကျမ်ꩻထူတဲင် မော့ꩻစွဉ်ႏကျမ်ꩻ ကအဝ်ႏတဲမ်းသော့ꩻသေဒါႏ အထွောင်း၊
18 # ဟေသျာ ၆၁:၁၊ ၂ (LXX)။ “ထာဝရဘုရာꩻ ဝိညာဉ်ႏတောႏနဝ်ꩻ အဝ်ႏခွေလောင်း၊
ကအီႏအီလွဉ်ဖေႏဒါႏ လိုꩻကေန်ꩻခြောဖုံႏ သတင်ꩻဟဝ်နဝ်ꩻ ပွိုးတွော့ꩻ ဝွေꩻဗွေႏ လွိုက်လဲဉ်းခွေ နဝ်ꩻသွူ။
ဖေႏကကေႏညာႏ လိုꩻကအဝ်ႏခံသား ဖေႏကလွစ်ထန်ႏတဲင်၊
လိုꩻမဲ့ခေ့ꩻဖုံႏ ဖေႏကထီႏလွဉ်ယင်း၊
လိုꩻကခံႏဗာႏ ဝင်ꩻနျꩻဖွိုႏသားဖုံႏ ဖေႏကလွစ်နဝ်ꩻ ဝွေꩻဗွေႏ အွဉ်ႏစွꩻလွဉ်လဲဉ်း ခွေတဲင်
19ဖေႏကကေႏညာႏ ထာဝရဘုရာꩻ အီႏကယ်ႏဒါႏ ဝွေꩻဗွေႏလိုꩻဖုံႏနဝ်ꩻ
အချိန်ႏတွိုႏလွဉ်လဲဉ်း” နုဲင်းနဝ်ꩻသွူ။
20ဗွေႏယေသျု ထူဟဝ်ချာ ကျမ်ꩻစောင်းတွော့ꩻ ဖေႏချာယင်း တရာꩻစရွပ် လိုꩻတန်တဲင် အုံလင်ꩻစွဉ်ႏနဝ်ꩻသွူ။ လိုꩻဖုံႏကအဝ်ႏသော့ꩻ တရာꩻစရွပ်ကို ကားကအဝ်ႏနဝ်ꩻ ဝွေꩻသီးထွားလွဉ်စွဉ်ႏ ဝွေꩻဗွေႏနဝ်ꩻသွူ။ 21နုဲင်းဝွေꩻဗွေႏ ကဒေါ့ꩻဖေႏဒါႏ ဝွေꩻသီး၊ “ကပါသော့ꩻဒါႏ ကျမ်ꩻပိုဒ် နုဲင်းသီကဟွိုန်ဗာႏလဲဉ်းဒါႏ အတွိုင်ꩻနဝ်ꩻ ဟန်ႏနီꩻယို ဗွေမဲဉ်ႏလွဉ်လဲဉ်း” နုဲင်းနဝ်ꩻသွူ။
22ဝွေꩻဗွေႏ ကဟော်ꩻတရာꩻနဝ်ꩻ ဟဝ်ငါႏတဲင် ဝွေꩻသီးစွဲꩻ အံႏဖြာႏမွေးနေးစွဉ်ႏ၊ ဝွေꩻသီးရိုꩻ၊ “ဝွေꩻနဝ်ꩻ ယောသပ်ပိုခို တမွေးတဝ်းဟောင်း” နုဲင်းနဝ်ꩻသွူ။
23ဝွေꩻဗွေႏဒေါ့ꩻဖေႏ ဝွေꩻသီး၊ “ခွေဒေါ့ꩻဖေႏသီအမွေး ၊ ‘ဆရာႏဝွန်ႏ၊ လုမ်ꩻလာꩻဟဝ်ချာ နာꩻနမ်းဟုဲင်း၊’ သီနဝ်ꩻ အီႏတဲက်တွိုင်အီခွေ စွဉ်ႏ ငဝ်းပွုံႏခွိုင်ꩻ နုဲင်းယို” နုဲင်းနဝ်ꩻသွူ။ သီအီႏဒေါ့ꩻပါက ခွေ၊ နုဲင်းနီ ကအဝ်ႏဟွိုန်ဗာႏလဲဉ်း နီဗွေႏ မာꩻလဲဉ်းဒါႏ ဝေင်ꩻကပေရနောင်ကို အတွိုင်ꩻနဝ်ꩻ ဖေႏခွေကမာꩻ ဗွိုန်နုဲင်းနုဲင်းသွော့ ခွေဇာႏတိဝေင်ꩻ ယိုကိုနဝ်ꩻသွူ။ 24#ယော ၄:၄၄။ ဗွေႏယေသျု ဒေါ့ꩻသမ်းထဲင်း၊ “ခွေဒေါ့ꩻနယ်သီ နုဲင်းယို၊ ပရောဖဲစ်ဖုံႏနဝ်ꩻ ဝွေꩻသီး အဇာႏတိဝေင်ꩻကိုနဝ်ꩻ မုဲင်ꩻခါတဲ့ တလꩻတဝ်း မဲ့ငါနဝ်ꩻသွူ။
25 # ၁ရာႏ ၁၇:၁။ နာႏသွော့ ခွေငဝ်းဟုဲင်း၊ နဝ်ꩻနဝ်ꩻအမွေးဒျာႏ၊ ဧလိယစိုးနဝ်ꩻ ဣသရေး လိုꩻမျိုꩻကို မဲမုဲင်းမူႏဖုံႏ အဝ်ႏအာဖြာꩻသွူ၊ ခမ်းထွိုင်ႏခေါင်ႏလွဉ် သွံနေင်ႏပုဲင် သူလာချိန်ႏနဝ်ꩻ ထာꩻအံႏအွꩻခြော စွစ်ꩻစဲစ်ꩻလွဉ် တခမ်းလွုမ်းနဝ်ꩻသွူ။ 26#၁ရာႏ ၁၇:၈–၁၆။ ဧလိယနဝ်ꩻ ဗွေႏဘုရာꩻ တအွဉ်ႏစွꩻ လွေꩻထေ့တဝ်း ဣသရေး လိုꩻမျိုꩻကို တဖြာꩻဖြာꩻထျꩻ၊ ကွဲႏတွော့ꩻ အွဉ်ႏစွꩻလွေꩻဒျာႏ ကအဝ်ႏအုံဒါႏ သိဒုန်နယ်ႏ ဝေင်ꩻဇရတ္တကို မဲမုဲင်းမူႏ တဖြာꩻထျꩻနဝ်ꩻသွူ။ 27#၂ရာႏ ၅:၁–၁၄။ ပရောဖဲစ် ဧလိသျဲစိုးနဝ်ꩻ လိုꩻကအုံသော့ꩻဒါႏ ဣသရေးခမ်းကို လိုꩻကမော့ꩻဒါႏ အတွတ်ꩻရောႏဂါႏသားဖုံႏ အဝ်ႏအာဖြာꩻတန်နဝ်ꩻသွူ။ ကွဲႏတွော့ꩻ ဝွေꩻသီးအကိုနဝ်ꩻ တလုမ်ꩻလာꩻဟဝ် ဖေႏတဝ်း တဖြာꩻဖြာꩻ၊ လုမ်ꩻလာꩻ မာꩻဟဝ်ဖေႏဒျာႏ သီးရီးယားခမ်းသား နေမန်တဖြာꩻလွုမ်ꩻ” နုဲင်းနဝ်ꩻသွူ။
28လိုꩻဖုံႏကအဝ်ႏသော့ꩻ တရာꩻစရွပ်ကိုသား ထွိုင်ႏဟွိုန်နုဲင်းယိုနဝ်ꩻ ဝွေꩻသီး သꩻလျားစွဉ်ႏထာꩻသွူ။ 29ဝွေꩻသီးထွိုင်ႏတဲင် တွာႏထန်ႏ ဗွေႏယေသျု ဝေင်ꩻကောင်းထန်ႏဖဲ့ꩻတွော့ꩻ ဟဲ့ꩻလွေꩻဝွေꩻဗွေႏ ကောင်နာလောင်း ဝွေꩻသီး ကအဝ်ႏတယ်ႏဒါႏ ဝေင်ꩻနဝ်ꩻသွူ။ ဝွေꩻသီး ကျံႏနွန်ႏထဲ့လင်ꩻ ဝွေꩻဗွေႏ လဲင်းလောင်းနဝ်ꩻသွူ။ 30ကွဲႏတွော့ꩻ ဝွေꩻဗွေႏ ထောင်ဖျတ်ကာႏ လိုꩻစွိုꩻဖုံႏကဲဉ်တဲင် ဝွေꩻဗွေႏ ထန်ႏလွေꩻထိုꩻစွဉ်ႏနဝ်ꩻသွူ။
လူꩻကုဲင်စောင်ꩻပါꩻတဖြာꩻ
(မာကု ၁:၂၁–၂၈)
31နဝ်ꩻထွူ ဗွေႏယေသျုလွေꩻထိုꩻ ကာလိလဲခမ်း ဝေင်ꩻကပေရနောင်တဲင် နဝ်ꩻကို ဥပုသ်မွူးနီꩻနဝ်ꩻ ဝွေꩻဗွေႏ သွဉ်သင်ဖေႏ လိုꩻဖုံႏနဝ်ꩻသွူ။ 32#မ ၇:၂၈၊ ၂၉။ ဝွေꩻဗွေႏ သွဉ်သင်ဖေႏ အနယ်ꩻနဝ်ꩻ ကွပ်ပွိုး ဝွေꩻဗွေႏဒေါ့ꩻဖေႏ စွဉ်ႏအာႏဏာႏအတွက် ဝွေꩻသီး ကားကအဝ်ႏ အံႏဖြာႏငါႏနဝ်ꩻသွူ။ 33ပါꩻလူꩻကုဲင် ကအဝ်ႏစောင်ꩻဒါႏ လိုꩻတဖြာꩻနဝ်ꩻ အဝ်ႏသော့ꩻ တရာꩻစရွပ်ကိုသွူ။ ဝွေꩻခြောဝ်ထန်ႏသန် အငဝ်း၊ 34“အွိုး နာဇရဲစ်ဝေင်ꩻသား ဗွေႏယေသျု၊ နာꩻအဝ်ႏလိုႏနီ တမုဲင်ꩻဟောင်း။ နာꩻလွဉ်ယိုကိုနဝ်ꩻ အီႏယားကုဲင်ထိုꩻ နီဟောင်း။ နာꩻထွာပါꩻမုဲင်ꩻနဝ်ꩻ ခွေအဝ်ႏသေဒျာႏ။ နာꩻနဝ်ꩻထွာ ဗွေႏဘုရာꩻ ကြောင်းစင်မျတ် သတင်ꩻဖေႏသား” နုဲင်းနဝ်ꩻသွူ။
35ဗွေႏယေသျုဖေႏ ဝိညာဉ်ႏကုဲင်အမိန်း၊ “အုံတေ့ꩻတေ့ꩻ၊ အဝ်ႏပါꩻနဝ်ꩻအကို ထန်ႏထိုꩻဟုဲင်း” နုဲင်းနဝ်ꩻတဲင်၊ လူꩻကုဲင် မာꩻဝꩻလင်ꩻ ပါꩻခို ဝွေꩻသီးဆꩻငါတဲင် အဝ်ႏဝွေꩻအကို ထန်ႏထိုꩻတွော့ꩻ မာꩻဆာ ထဲင်းတဝ်းဒွုမ်ဝွေꩻ တစိꩻစိꩻသွူ။
36လိုꩻဖုံႏကားကအဝ်ႏ အံႏဖြာႏငါႏတဲင် တဖြာꩻစွဉ်ႏတဖြာꩻ ဒေါ့ꩻဖေႏလို့ဝင်ꩻ၊ ငဝ်းနုဲင်းယိုဖုံႏနဝ်ꩻ ငဝ်းစားမုဲင်ꩻဟောင်း၊ စွဉ်ႏအာႏဏာႏ တွမ်ႏတန်ꩻခိုꩻနဝ်ꩻ ပါꩻခိုယို ဖေႏဝိညာဉ်ႏကုဲင်ဖုံႏ အမိန်းတဲင် ဝွေꩻသီး ထန်ႏထိုꩻစွဉ်ႏနုဲင်းမုဲင်ꩻ” နုဲင်းနဝ်ꩻသွူ။ 37တဲင်အွဉ်ႏဟွိုန် ဗွေႏယေသျုခရာႏနဝ်ꩻ ကျော်ႏစွစ်ꩻစဲစ်ꩻသော့ꩻစွဉ်ႏ နယ်ႏကို ခင်ႏလမ်းစွုမ်ႏထွောင်း နဝ်ꩻသွူ။
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာဖုံႏအာငါႏ
(မတဲ ၈:၁၄–၁၇။ မာကု ၁:၂၉–၃၄)
38ဗွေႏယေသျု အဝ်ႏတရာꩻစရွပ်နဝ်ꩻ ထန်ႏတဲင် လွေꩻစွဉ်ႏ သိမုန်အလမ်းနဝ်ꩻသွူ။ သိမုန်အဖီနဝ်ꩻ အဝ်ႏဆော့ဆာထာꩻတွော့ꩻ နမ်းလျားသန်ငါႏတဲင် ပွိုင်းဝွို့တွမ်ႏ ဝွေꩻမူႏခရာႏနဝ်ꩻ ဝွေꩻသီးဒေါ့ꩻဖေႏ ဗွေႏယေသျုသွူ။ 39ဝွေꩻဗွေႏလွေꩻတဲင် အုံထွိုင်ႏ ဝွေꩻမူႏ ခင်ႏလမ်းဗေင်ႏထျꩻတွော့ꩻ အဝ်ႏဝွေꩻမူႏအကို ထာꩻဆော့ဆာ ဖေႏကထန်ႏထိုꩻနဝ်ꩻ မိန်းဖေႏစွဉ်ႏနဝ်ꩻသွူ။ ဝွေꩻမူႏထာꩻဆာ ထန်ႏထိုꩻတဲင် တလဲင်ႏချင်ꩻ ဝွေꩻမူႏထွိုင်ႏတွော့ꩻ ဝွတ်ပတ်ခံႏထဉ်ႏဆွုမ်ႏစွဉ်ႏ ဝွေꩻသီးသွူ။
40မွူးထွိုင်ႏနွို့ထွူ အသွꩻဖုံႏ ကခံႏဗာႏဒါႏ ထာꩻဆာရောႏဂါႏ အမျိုꩻမျိုꩻဖုံႏ ကားကအဝ်ႏနဝ်ꩻ အီလွဉ် ဗွေႏယေသျုထျꩻနဝ်ꩻသွူ။ ဝွေꩻဗွေႏစူဖုံႏနဝ်ꩻ အွဉ်ႏဒင်ႏဖေႏ ဝွေꩻသီး စွုမ်ႏဖြာꩻလောင်းတဲင် လုမ်ꩻလာꩻဟဝ်ဖေႏလို့စွဉ်ႏ ဝွေꩻသီးသွူ။ 41လူꩻကုဲင်ဖုံႏနဝ်ꩻတဲ့ အဝ်ႏလိုꩻအာဖြာꩻဖုံႏကို ထန်ႏထိုꩻတွော့ꩻ ခြောဝ်သန်အငဝ်း၊ “နာꩻနဝ်ꩻထွာ ဗွေႏဘုရာꩻ ပိုခိုတောႏ” နုဲင်းနဝ်ꩻသွူ။
ဗွေႏယေသျု ဖေႏလူꩻကုဲင်အမိန်း ဖေႏဒေါ့ꩻတဝ်း ငဝ်းတငွါငွါ ပွိုးတွော့ꩻ ဝွေꩻဗွေႏထွာ မေသျိယကျောင်ꩻ ဝွေꩻသီး အဝ်ႏသေနဝ်ꩻသွူ။
ဗွေႏယေသျုဟော်ꩻတရာꩻတရာꩻစရွပ်ဖုံႏကို
(မာကု ၁:၃၅–၃၉)
42မွူးထွိုင်ႏအီႏလေ ဗွေႏယေသျု အဝ်ႏဝေင်ꩻနဝ်ꩻ ထန်ႏတဲင် လွေꩻခင်ႏလမ်းယဉ် တထွောင်းသွူ။ လိုꩻဖုံႏအဝ်ႏထုမ်ႏစ ဝွေꩻဗွေႏတဲင် ဝွေꩻသီးထွိုင်ႏမော့ꩻ ဝွေꩻဗွေႏချိန်ႏ အဝ်ႏဝွေꩻသီးထျꩻ ဖေႏဝွေꩻဗွေႏ ကထန်ႏထိုꩻမွိုန်းနဝ်ꩻ ဝွေꩻသီး ကျိုꩻစာꩻမာꩻနဝ်ꩻသွူ။ 43ကွဲႏတွော့ꩻ ဝွေꩻဗွေႏ ဒေါ့ꩻဖေႏဝွေꩻသီး၊ “ဝေင်ꩻလင်ဖုံႏကိုနဝ်ꩻတဲ့ ပွိုင်းဝွို့တွမ်ႏ ဗွေႏဘုရာꩻ ခမ်းထီခရာႏ သတင်ꩻဟဝ်နဝ်ꩻ ခွေဟော်ꩻဖေႏဗာႏ၊ နဝ်ꩻမꩻ ဖေႏကမာꩻနုဲင်းနဝ်ꩻနဝ်ꩻ ဗွေႏဘုရာꩻ အွဉ်ႏစွꩻလွဉ်ခွေ” နုဲင်းနဝ်ꩻသွူ။
44နဝ်ꩻမꩻ တခမ်းလွုမ်း တရာꩻစရွပ်ဖုံႏကိုနဝ်ꩻ ဝွေꩻဗွေႏ ဟော်ꩻစွဉ်ႏ တရာꩻနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.