လုကာ 12
12
ဆန်ဖေႏသတိသူႏတောႏလဲဉ်
(မတဲ ၁၀:၂၆–၂၇)
1 #
မ ၁၆:၆၊ မာ ၈:၁၅။ လိုꩻအာဖုံႏ ကစုဗူႏလို့ဝင်ꩻနဝ်ꩻ အရေင်နေးနဝ်ꩻသွူ။ နဝ်ꩻမꩻ ဝွေꩻသီး တဖြာꩻစွဉ်ႏတဖြာꩻ ယမ်းဗာႏနေးစွဉ်ႏဝင်ꩻသွူ။ ဗွေႏယေသျု ဒေါ့ꩻရီးဖေႏ ဝွေꩻဗွေႏ တပဲ့တောႏဖုံႏ၊ “ဖါရိသဲဖုံႏ တမီႏနဝ်ꩻ အွဉ်ႏသတိသွော့။ ခွေမဉ်ရိုꩻ ဝွေꩻသီးနဝ်ꩻထွာ သူႏတောလဲဉ်ဖုံႏသွူ။ 2#မာ ၄:၂၂၊ လု ၈:၁၇။ ထာꩻကအဝ်ႏဒို့ꩻ သေꩻခါꩻနေး ကားကအဝ်ႏနဝ်ꩻ အီႏဗွောင်တဲင် ထာꩻဗဉ်ႏဗꩻ တူႏတေ့ꩻဖုံႏ ကားကအဝ်ႏနဝ်ꩻ အီႏသေစဲင်းလွဉ်သွူ။ 3နဝ်ꩻမꩻ ငဝ်းသီကဒေါ့ꩻတေ့ꩻဒါႏ ထာꩻခေ့ꩻကို နုဲင်းမုဲင်ꩻစွဉ်ႏတဲ့ မွူးလေချိန်ႏနဝ်ꩻ လိုꩻဖုံႏအီႏသေလို့တဲင် အွဉ်ႏထွိုင်တခါꩻတွော့ꩻ ကဒေါ့ꩻတေ့ꩻနေးဒါႏငဝ်း လမ်းအခန်ꩻကိုနဝ်ꩻ အီႏခြောဝ် လမ်းခေါင်ႏလောင်းသွူ။
အီႏငမ်းဗာႏပါꩻမုဲင်ꩻ
(မတဲ ၁၀:၂၈–၃၁)
4“ခွေသွꩻဖုံႏ၊ ခွေဒေါ့ꩻဖေႏသီ လိုꩻကမာꩻသီနွောင်ꩻဒါႏ သီနမ်းခန္ဓာႏနဝ်ꩻ တွမ်ႏငမ်းသꩻမွိုန်း၊ ဝွေꩻမာꩻဟုဲင်းကယ်ꩻလဲဉ်း နဝ်ꩻနဝ်ꩻ တလꩻနွောင်ꩻတဝ်းသွူ။ 5သီကအီႏငမ်းသꩻဗာႏ ပါꩻမုဲင်ꩻနဝ်ꩻ ခွေအီႏအွဉ်ႏနယ်သီ။ ငမ်းသွော့ ဗွေႏကမာꩻသီ ထွူတွော့ꩻ စွဉ်ႏအာႏဏာႏတန်ꩻခိုꩻ ကအွဉ်ႏထဲ့သော့ꩻ ငါးရုဲင်ꩻကို ဗွေႏဘုရာꩻနဝ်ꩻဟုဲင်း။ ယွုမ်းသွော့ခွေ၊ ဝွေꩻဗွေႏနဝ်ꩻထွာ ဗွေႏအပါꩻ သီကအီႏငမ်းသꩻဗာႏနဝ်ꩻသွူ။
6“ဝါးစမ်ဖြဝ်ꩻ ငတ်ꩻဗာႏနဝ်ꩻ စာနေး ရွဉ်နီစွဲ တမွေးတဝ်းဟောင်း။ ကွဲႏတွော့ꩻ ဝါးစမ်ဖြဝ်ꩻ တဗာႏငါတဲ့ ဗွေႏဘုရာꩻ တအွဉ်ႏဖေင်ꩻတဝ်းသွူ။ 7သီကတူႏလောင်း ကလူꩻဖုံႏ ကားကအဝ်ႏမဉ်ႏတဲ့ အဝ်ႏတွက်သေꩻခါꩻ လို့လဲဉ်းသွူ။ နဝ်ꩻမꩻ တွမ်ႏငမ်းသꩻမွိုန်း။ သီတန်ꩻဖိုꩻနဝ်ꩻ တန်ကယ်ꩻလဲဉ်းက ဝါးစမ်ဖြဝ်ꩻဖုံႏသွူ။
ဝွန်ႏခံႏဗွေႏခရစ်တောႏတွမ်ႏပယ်ႏဗွေႏခရစ်တောႏ
(မတဲ ၁၀:၃၂–၃၃။ ၁၂:၃၂။ ၁၀:၁၉–၂၀)
8ခွေဒေါ့ꩻဖေႏသီအမွေး ဝွေꩻသီးနဝ်ꩻ ဆဲင်ႏတွမ်ႏခွေကျောင်ꩻ လိုꩻကဝွန်ႏခံႏဒါႏ အမျာꩻငါသားနဝ်ꩻ ဝွေꩻသီးတွက်တာႏ ဗွေႏဘုရာꩻ မို့ꩻလောင်းတမန်ႏဖုံႏဆꩻငါ လိုꩻပိုခို အီႏမာꩻဗွိုန်နုဲင်းနဝ်ꩻသွူ။ 9ကွဲႏတွော့ꩻ လိုꩻကပယ်ႏဒါႏခွေ အမျာꩻငါနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ ဆꩻငါနဝ်ꩻတဲ့ လိုꩻပိုခိုအီႏပယ်ႏ ဝွေꩻသီးသွူ။
10 #
မ ၁၂:၃၂၊ မာ ၃:၂၉။ “ပါꩻမုဲင်ꩻတရိုꩻတဝ်း တွမ်ႏငဝ်းကပဲစ်မာႏ ဆန်ချာဒါႏ လိုꩻအပိုခိုနဝ်ꩻ အီႏအွဉ်ႏစွꩻလွစ် နွောင်ꩻဖေႏအပဲစ်၊ ကွဲႏတွော့ꩻ ပါꩻမုဲင်ꩻတရိုꩻတဝ်း ကဒေါ့ꩻပဲစ်မာႏ ဆန်ချာဒါႏ ဝိညာဉ်ႏတောႏ ကြောင်းစင်နဝ်ꩻ အီႏတအွဉ်ႏစွꩻလွစ် ဖေႏနွောင်ꩻတဝ်း အပဲစ်သွူ။
11 #
မ ၁၀:၁၉၊ ၂၀၊ မာ ၁၃:၁၁၊ လု ၂၁:၁၄၊ ၁၅။ “ဝွေꩻသီး ကျိုꩻစာꩻဟဲ့ꩻလွေꩻသီ တရာꩻစရွပ်ကိုတဲ့နဝ်ꩻ အစိုႏရဝွန်ႏတန် ဆꩻငါတဲ့နဝ်ꩻ အာႏဏာႏပဲင်ႏသားဖုံႏ ဆꩻငါတဲ့နဝ်ꩻ ပွိုင်းဝွို့တွမ်ႏ သီကအီႏရဲ ကာႏကွယ်ႏချာဗာႏသီနမ်း နုဲင်းမုဲင်ꩻတဲ့နဝ်ꩻ သီအီႏဒေါ့ꩻဗာႏ နုဲင်းမုဲင်ꩻတဲ့နဝ်ꩻ တွမ်ႏနန်းခီမွိုန်း။ 12ပွိုးတွော့ꩻ တွိုႏ အချိန်ႏနဝ်ꩻ သီအီႏဒေါ့ꩻဗာႏ တမုဲင်ꩻနဝ်ꩻ ဝိညာဉ်ႏတောႏ ကြောင်းစင် အီႏသွဉ်ဖေႏဒျာႏသီ” နုဲင်းနဝ်ꩻသွူ။
လိုꩻခြွေမွိုက်ဥပမာႏ
13အဝ်ႏလိုꩻစွိုꩻဖုံႏကို လိုꩻခိုတဖြာꩻနဝ်ꩻ ဒေါ့ꩻဖေႏဗွေႏယေသျု၊ “ဆရာႏ၊ နီဖါ ကအွဉ်ႏကုဲင်ဖေႏဒါႏ နီ အတမွီႏ ဖေႏကဖန်းပါ ခွေသွဉ်းနဝ်ꩻ ဒေါ့ꩻဖေႏသွော့ ခွေသွဉ်းဝေးမွိုင်” နုဲင်းနဝ်ꩻသွူ။
14ဗွေႏယေသျု လဝ်းချာဝွေꩻ၊ “သွꩻ၊ ဖေႏကစီႏရင်ႏ ဆွုံꩻဖျတ်ဖေႏ၊ မဉ်ႏမွေးတဝ်း ဖေႏကဖန်းဖေႏ သီဝင်ꩻနီအခါႏ ဥစ္စာႏပစ္စေꩻနဝ်ꩻ ပါꩻမုဲင်ꩻဖေႏခွေ အခွင်ꩻဟောင်း” နုဲင်းနဝ်ꩻသွူ။ 15ဝွေꩻဗွေႏ ဒေါ့ꩻသွုပ်ဖေႏ ဝွေꩻသီး ကားကအဝ်ႏ၊ “သီနမ်းထာꩻလောဖမျိုꩻဖုံႏ ကားကအဝ်ႏနဝ်ꩻ အွဉ်ႏသတိꩻသွော့။ ပွိုးတွော့ꩻ သီအသက်ဘဝနဝ်ꩻ အဝ်ႏအုံဒေါင်အီဒျာႏ သီနမ်းထာꩻခြိုꩻ သီထာꩻခြွေချမ်ꩻသာႏလောင်း တမွေးတဝ်း” နုဲင်းနဝ်ꩻသွူ။
16နဝ်ꩻထွူ ဗွေႏယေသျု ဒေါ့ꩻဖေႏဝွေꩻသီး ငဝ်းပွုံႏဥပမာႏ နုဲင်းယို၊ “တလဲင်ႏသား လိုꩻခြွေတဖြာꩻ ခြံကိုနဝ်ꩻ အရောင်ꩻအရာႏဖုံႏ ရာႏဟဝ်မွေးစွဉ်ႏထာꩻသွူ။ 17ဝွေꩻစတဲင် စဉ်ꩻစာꩻချာ အသꩻကို၊ ‘ကအီႏသော့ꩻဟဝ်လို့ ခွေအရောင်ꩻအရာႏဖုံႏ ကားကအဝ်ႏနဝ်ꩻ ခွေခင်ႏလမ်း တအဲဉ်ထဝ်းသွူ။ ခွေအီႏမာꩻဗာႏ နုဲင်းမုဲင်ꩻဟောင်း။ 18ဝွေꩻဒေါ့ꩻချာ ဝွေꩻနမ်း၊ ‘ခွေအီႏမာꩻနုဲင်းယို၊ ခွေယားပြင်ꩻလင်ꩻထိုꩻ ခွေဗွူတရွောင်တဲင် တယ်ႏက အတန်တဖြုံႏ ခွေအီႏလောင်ႏခါꩻ ဗွူတွမ်ႏ ခွေကွန်ႏဟဝ် အလင်ဖုံႏ ကားကအဝ်ႏ နဝ်ꩻအကိုသွူ။ 19နဝ်ꩻထွူ ခွေအီႏရိုꩻချာခွေနမ်း၊ လိုꩻကံႏဟဝ်၊ နေင်ႏပေါင်ꩻအာတာႏ နာꩻကအဝ်ႏလိုꩻဒါႏ ထာꩻခြိုꩻဟဝ်ဖုံႏ ကားကအဝ်ႏနဝ်ꩻ နာꩻစုခါꩻလဲဉ်း။ နာꩻအသက်ဘဝနဝ်ꩻ အုံသာႏယာႏ၊ အံႏအွꩻတွော့ꩻ မွန်းပျောႏသွော့’ နုဲင်းနဝ်ꩻသွူ။ 20ကွဲႏတွော့ꩻ ဗွေႏဘုရာꩻမိန်းဖေႏဝွေꩻ၊ ‘နာꩻလိုꩻမွိုက်၊ ဟန်ႏနာꩻယို အီႏသိမ်ꩻထူႏထိုꩻသွူ နာꩻအသက်၊ နဝ်ꩻမꩻ နာꩻကအဝ်ႏစုသိမ်ꩻခါꩻဒါႏ နာꩻနမ်းတာႏ ထာꩻယိုဖုံႏ ကားကအဝ်ႏနဝ်ꩻ ပါꩻမုဲင်ꩻ အီႏလꩻထိုꩻဟောင်း’” နုဲင်းနဝ်ꩻသွူ။
21တဲင်ဗွေႏယေသျု အွဉ်ႏသွတ်ꩻငဝ်းရိုꩻ၊ “နမ်းအတာႏ လိုꩻကထုမ်ႏစုပြုန်ႏခါဒါႏ ထာꩻခြွေချမ်ꩻသာႏနဝ်ꩻ ဗွေႏဘုရာꩻဆꩻငါ တခြွေချမ်ꩻသာႏသော့ꩻတဝ်း ဗွိုန်နုဲင်းလိုꩻခြွေယို” နုဲင်းနဝ်ꩻသွူ။
ယွုမ်းအာႏကွိုꩻဗွေႏဘုရာꩻ
(မတဲ ၆:၂၅–၃၄)
22နဝ်ꩻထွူ ဗွေႏယေသျုမိန်းဖေႏ ဝွေꩻဗွေႏ တပဲ့တောႏဖုံႏ၊ “နဝ်ꩻမꩻ ခွေဒေါ့ꩻဖေႏသီ၊ ကအီႏအုံအဝ်ႏ သက်မွန်တာႏ သီကအဝ်ႏလိုꩻဒါႏ ထာꩻအံႏတဲ့နဝ်ꩻ သီနမ်းခန္ဓာႏအတာႏ ကအဝ်ႏလိုႏဒါႏ ခွမ်ꩻလာꩻတဲ့နဝ်ꩻ တွမ်ႏနန်းခီမွိုန်း။ 23အသက်နဝ်ꩻ အရေꩻတန်ကယ်ꩻက ထာꩻအံႏတဲင် နမ်းခန္ဓာႏနဝ်ꩻ အရေꩻတန်ကယ်ꩻက ခွမ်ꩻလာꩻဖုံႏသွူ။ 24ထွားဗော့ꩻ စောက်အာႏဖုံႏ တဆို့ꩻရုဲင်တဝ်း တရဲ့သိမ်ꩻတဝ်း၊ တစုလောင်ႏခါꩻတဝ်းဗွူ အခန်ꩻဖုံႏကို၊ ဗွူတရွောင်ဖုံႏကိုသွူ။ ဗွေႏဘုရာꩻ အဝ်ႏလွူးဒျာႏ ဝွေꩻသီး။ သီနဝ်ꩻ မျတ်ကယ်ꩻလဲဉ်းက ဝါးဖုံႏသွူ။ 25စွဉ်ႏထာꩻနန်းခီတွော့ꩻ သီတဖြာꩻ သက်ဆွာꩻလွိုထိုꩻ တစိꩻနဲ့ဟောင်း။ 26ထာꩻအမုပေႏစား ငါမဉ်ႏတဲ့ သီတတတ်နွိုင်ႏတဝ်းနဝ်ꩻ ပွိုးတမုဲင်ꩻ နန်းခီဗာႏတွိုႏ ထာꩻအလင်ဖုံႏခရာႏ နုဲင်းမုဲင်ꩻဟောင်း။ 27#၁ရာႏ ၁၀:၄–၇၊ ၂ရာႏချုပ် ၉:၃–၆။ ထွားသင်ႏချင်ႏသွော့ ကဝ်ႏတခြာဖုံႏ တန်လွဉ်ထာꩻနဝ်ꩻဟုဲင်း။ ဝွေꩻသီးနဝ်ꩻ တမာꩻတဝ်းထာꩻမာꩻ၊ တထꩻတဝ်း နမ်းတာႏခွမ်ꩻလာꩻဖုံႏ။ ကွဲႏတွော့ꩻ ခွေဒေါ့ꩻဖေႏသီ ခွန်တန်သောလမုန်သွူ မဉ်ႏတဲ့ ဝွေꩻကကွဉ်ကဒါႏ အခွမ်ꩻလာꩻဖုံႏ ကားကအဝ်ႏနဝ်ꩻ တရေꩻထွꩻတဝ်း နုဲင်းကဝ်ႏယိုဖုံႏ တတုဲင်သွူ။ 28သီလိုꩻထာꩻယွုမ်းဆေ့ꩻဖုံႏ၊ ထွားသွော့ ထာꩻအီႏမွူးဖုံႏ၊ ဟန်ႏနီꩻ အသက်အဝ်ႏမွန်ဒျာႏ၊ နုဲင်းမွူးရဝ်ꩻနီꩻနဝ်ꩻ မေႏခိုးကုဲင်သော့ꩻဒျာႏ မေႏဖွိုင်ꩻကိုမဉ်ႏတဲ့ ဗွေႏဘုရာꩻ ဖေႏဒျာႏ အခွမ်ꩻလာꩻဖုံႏနဝ်ꩻသွူ။ လွိုလဲဉ်းကနဝ်ꩻနဝ်ꩻ ဝွေꩻဗွေႏ အီႏဖေႏဒျာႏသီ တမွေးတဝ်းနဲ့ဟောင်း။
29နဝ်ꩻမꩻ ပွိုင်းဝွို့တွမ်ႏ သီကအီႏအံႏအွꩻဗာႏ နုဲင်းမုဲင်ꩻခရာႏဖုံႏ ကားကအဝ်ႏနဝ်ꩻ သꩻတွမ်ႏကုဲင် နန်းခီသေႏသေႏမွိုန်း။ 30(ပွိုးလိုꩻဘုရာꩻ တရာꩻ တအဲဉ်ထဝ်းသား ဟံႏတန်လောင်း ယိုဖုံႏနဝ်ꩻ ပွိုင်းဝွို့တွမ်ႏ ထာꩻယိုဖုံႏခရာႏ ကားကအဝ်ႏနဝ်ꩻ အဝ်ႏထုမ်ႏ သေႏသေႏဒျာႏ။) ထာꩻယိုဖုံႏနဝ်ꩻ သီအဝ်ႏလိုႏကျောင်ꩻ သီဖါဗွေႏ အဝ်ႏသေနဝ်ꩻသွူ။ 31ခလားကမာꩻ နုဲင်းနဝ်ꩻနဝ်ꩻ ထုမ်ႏရီးသွော့ ဗွေႏဘုရာꩻခမ်းထီ နဲင်ႏငံႏတောႏ၊ နဝ်ꩻမꩻ ကအဝ်ႏလိုႏဒါႏ ထာꩻယိုဖုံႏ ကားကအဝ်ႏနဝ်ꩻ ဝွေꩻဗွေႏ အီႏဖေႏသီသွူ။
ခြွေချမ်ꩻသာႏသော့ꩻခမ်းထီမို့ꩻလောင်းကို
(မတဲ ၆:၁၉–၂၁)
32သွိုꩻစွိုꩻဆေ့ꩻဖုံႏ၊ တွမ်ႏငမ်းသꩻမွိုန်း ပွိုးသီဖါဗွေႏနဝ်ꩻ မဉ်ဖေႏသီ ခမ်းထီနဲင်ႏငံႏနဝ်ꩻသွူ။ 33သီထာꩻခြိုꩻဥစ္စာႏ ကားကအဝ်ႏနဝ်ꩻ စာတဲင် ရွဉ်နဝ်ꩻဖေႏသွော့ လိုꩻကေန်ꩻခြောဖုံႏဟုဲင်း။ သိမ်ꩻဆောင်ႏသွော့ ရွဉ်တောင်ပဲင်း တကုဲင်ဒါႏတဝ်း နဝ်ꩻတွော့ꩻ နာꩻခြွေ ချမ်ꩻသာႏသော့ꩻသွော့ ခမ်းထီမို့ꩻလောင်းကို၊ နဝ်ꩻကိုနဝ်ꩻ မုဲင်ꩻခါတဲ့ ရွဉ်ဖုံႏနဝ်ꩻ ပွိုးတခွန်ꩻထူႏထိုꩻ တလꩻတဝ်းတဲင် ရုန်းရော်သားဖုံႏ တယားကုဲင်နွောင်ꩻတဝ်း နဝ်ꩻမꩻ ရွဉ်ဖုံႏ အီႏတယွမ်ꩻတဝ်းသွူ။ 34ပွိုးသီခြွေချမ်ꩻသာႏ ခင်ႏလမ်းမုဲင်ꩻကိုတဲ့ သီသꩻအီႏအဝ်ႏ သေႏသေႏဒျာႏ နဝ်ꩻကို အတွက်သွူ။
တွမ်ႏသတိကအဝ်ႏအုံပွေါးဒါႏသွဉ်းဖုံႏ
35 #
မ ၂၅:၁–၁၃။ “ကအီႏထွာလွဉ်ထာꩻ နုဲင်းမုဲင်ꩻအတာႏ ဖျင်ရဲဉ်ꩻသေꩻမꩻ၊ ကွဉ်ကꩻခွေါင်သေꩻခါꩻ ငင်းဒေင်စီႏတဲင် တဲက်ꩻသေꩻခါꩻမꩻသွော့ သီမေႏတေန်ꩻ၊ 36#မာ ၁၃:၃၄–၃၆။ ဖေႏကဗွိုန် နုဲင်းသွော့ သွဉ်းဖုံႏ အဝ်ႏမောင်ꩻ ဝွေꩻသီးအဗွေႏ အဝ်ႏပွယ်ꩻမင်္ဂလာႏ သဲင်ꩻလွဉ်ချာနဝ်ꩻဟုဲင်း။ ဝွေꩻထွိုင်ႏလွဉ်တဒေါက်ꩻ တခါꩻချိန်ႏ ဝွေꩻတာႏတလဲင်ႏချင်ꩻ ဝွေꩻသီး အီႏဗွောင်ဖေႏတခါꩻ။ 37သွဉ်းဖုံႏနဝ်ꩻ အဗွေႏထွိုင်ႏထီႏ ဝွေꩻသီး တဗေင်ႏတဝ်းတွော့ꩻ အဝ်ႏဖျင်ရဲဉ်ꩻ သေꩻမꩻဒျာႏ အဗွေႏလွဉ်ချာချိန်ႏနဝ်ꩻ မင်္ဂလာႏအဝ်ႏငါꩻ ခွိုင်းကားမုဲင်ꩻ၊ ခွေဒေါ့ꩻဖေႏသီ၊ ဝွေꩻအီႏဗွောင်ႏ ဝွေꩻဆဲင်ꩻယွုံးတန် အွဉ်ႏဝွေꩻသီး အုံလင်ꩻတဲင် အီႏအုံပွေါး ဖေႏအံႏဝွေꩻသီးသွူ။ 38အဗွေႏ မဉ်ႏသဲင်ꩻလွဉ်စွဉ်ႏ မွူးကွို့ꩻနာꩻချိန်ႏ တဲ့နဝ်ꩻ လဲင်ꩻတွိုႏစွဉ်ႏ ထာꩻအီႏလေ တဲ့နဝ်ꩻ၊ ဝွေꩻမဉ်ႏထီႏ ဝွေꩻသီးအဝ်ႏ ဖျင်ရဲဉ်ꩻသေꩻမꩻ အဝ်ႏအုံပွေါးဒျာႏနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။ 39#မ ၂၄:၄၃၊ ၄၄။ နဝ်ꩻမꩻ တခွန်ꩻအီႏလွဉ်ချိန်ႏမုဲင်ꩻ လမ်းတဗာႏဗွေႏယို မဉ်ႏသေစဲင်းနဝ်ꩻ ဖေႏနေးတခွန်ꩻ ကဖေါက်နွို့သော့ꩻလꩻမွိုန်း ဝွေꩻအလမ်းကိုနဝ်ꩻ ဝွေꩻအီႏမာꩻသွူ။ 40နဝ်ꩻမꩻ သီနဝ်ꩻတဲ့ အီႏဖျင်ရဲဉ်ꩻ သေꩻမꩻဗာႏ ကွပ်ပွိုး သီတအဝ်ႏမောင်ꩻတဝ်း ဝွေꩻဗွေႏ အချိန်ႏနားရီႏနဝ်ꩻ လိုꩻပိုခို အီႏကျွꩻလွဉ်နဝ်ꩻသွူ။
သွဉ်းသစ္စာႏအဝ်ႏစွဉ်ႏသွဉ်းသစ္စာႏတအဲဉ်ထဝ်း
(မတဲ ၂၄:၄၅–၅၁)
41ပေတရုဒေါ့ꩻ၊ “ဗွေႏငဝ်းဥပမာႏယိုနဝ်ꩻ မဉ်ဒေါ့ꩻဖေႏနီနဲ့၊ မဉ်ႏတမွေးတဝ်း မဉ်ရိုꩻဒျာႏ လိုꩻစွုမ်ႏဖြာꩻတာႏနဲ့ဟောင်း” နုဲင်းနဝ်ꩻသွူ။
42ဗွေႏဘုရာꩻလဝ်း၊ “တွိုႏနဝ်ꩻ သစ္စာႏတွမ်ႏ ဉာဏ်ႏပညာႏ ကအဝ်ႏ ဒါႏသွဉ်းနဝ်ꩻ ထွာပါꩻမုဲင်ꩻဟောင်း၊၊ ဝွေꩻနဝ်ꩻထွာ ပါꩻအဖြာꩻ ဝွေꩻအဗွေႏအီႏခန်ꩻ ဖေႏကထိန်ꩻထွား လမ်းကိုထာꩻမာꩻတဲင် အချိန်ႏမဉ်ႏတွိုႏ ကဖန်းဝေႏဖေႏဒါႏ သွဉ်းအလင်ဖုံႏ ဝွေꩻသီး ကလꩻဖဒါႏ ထာꩻအံႏအွꩻဖုံႏ နဝ်ꩻသွူ။ 43အဗွေႏ ထွိုင်ႏသဲင်ꩻလွဉ်လမ်းချိန်ႏ အဗွေႏမဉ်ႏထီႏ သွဉ်းအဝ်ႏမာꩻထာꩻ နုဲင်းယိုနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။ 44ခွေဒေါ့ꩻဖေႏသီ အမွေးအမဲဉ်ႏ၊ သွဉ်းနဝ်ꩻ ဖေႏကထိန်ꩻထွားယင်း ဝွေꩻဥစ္စာႏပစ္စေꩻဖုံႏ ကားကအဝ်ႏနဝ်ꩻ အဗွေႏအီႏခန်ꩻယင်းသွူ။ 45ကွဲႏတွော့ꩻ သွဉ်းနဝ်ꩻနဝ်ꩻ မဉ်ႏရိုꩻချာဒျာႏ အနမ်း၊ ဝွေꩻအဗွေႏ ကအီႏသဲင်ꩻချာနဝ်ꩻ ညဒွိုန်းက နုဲင်းနဝ်ꩻတဲင် အီႏသဲင်ꩻချာတဝ်းဒွိုန်းနဝ်ꩻမꩻ ဝွေꩻတွဲႏစစွဉ်ႏ အသွဉ်းအလင်ဖုံႏ သွဉ်းခိုဖုံႏ၊ သွဉ်းမူႏဖုံႏတွော့ꩻ အံႏအွꩻမွန်ꩻဒျာႏဒဝ်၊ 46တွိုႏနဝ်ꩻ တနီꩻသား သွဉ်းတအဝ်ႏမောင်ꩻတဝ်း အဗွေႏချိန်ႏ၊ ဝွေꩻတသေတဝ်းချိန်ႏနဝ်ꩻ အဗွေႏ အီႏသဲင်ꩻလွဉ်ချာသွူ။ အဗွေႏနဝ်ꩻ အီႏဓွေါ့ꩻဝွေꩻ ပဉ်ကွို့ꩻကွို့ꩻတဲင် မာꩻဝွေꩻ ဖေႏကခံႏစာꩻငီꩻဗာႏ လိုꩻတလွောက်ꩻနာႏတဝ်း ငဝ်းသား အကံႏကျမ္မာႏသွူ။
47နုဲင်းဝွေꩻဗွေႏ ကမဉ်အွဉ်ႏမာꩻဒါႏနဝ်ꩻ သွဉ်းအဝ်ႏသေဒျာႏ စွဉ်ႏတဲ့ ကအီႏမာꩻနဝ်ꩻ တဖျင်ရဲဉ်ꩻသေꩻမꩻတဝ်း အနမ်းတွော့ꩻ တမာꩻတဝ်းနဝ်ꩻမꩻ အီႏခံႏဗာႏ သန်မွေးနေးစွဉ်ႏ ခွဉ်းတံႏနဝ်ꩻသွူ။ 48ကွဲႏတွော့ꩻ နုဲင်းဝွေꩻဗွေႏ ကမဉ်အွဉ်ႏမာꩻတွော့ꩻ တသေတဝ်းသွဉ်းနဝ်ꩻ မာꩻဗာႏထိုꩻ ကအီႏမော့ꩻထွိုက်ဒါႏ ခွဉ်းတံႏ၊ နဝ်ꩻမ အီႏမော့ꩻဗာႏ ခွဉ်းတံႏဆေ့ꩻလွုမ်ꩻသွူ။ လိုꩻကခံႏစာꩻလွိုဗာႏ ကေꩻဇူꩻသားဖုံႏနဝ်ꩻ အီႏမာꩻလွိုဗာႏတဲင် လိုꩻကဖေႏလွိုလဲဉ်းသားဖုံႏ ထျꩻနဝ်ꩻ အီႏကွီလွိုနဝ်ꩻသွူ။
ဗွေႏယေသျုမာꩻထွာအီပꩻလီခရာႏ
(မတဲ ၁၀:၃၄–၃၆)
49“ခွေကကျွꩻလွဉ် ဟံႏတန်လောင်းနဝ်ꩻ ဖေႏမေႏကခိုးတဲင် ခွေမဉ်အွဉ်ႏခိုးငါႏလဲဉ်း ခွိုင်းကားမုဲင်ꩻ။ 50#မာ ၁၀:၃၈။ ခွေအီႏလက္ခံႏဗာႏ ဗတ္တိဇံႏ တစွိုးတဲင် ခလားကလဲဉ်းထိုꩻနဝ်ꩻ ခွေသꩻကုဲင်ငါႏ ခွိုင်းကားမုဲင်ꩻ။ 51သီရိုꩻဒျာႏခွေနဝ်ꩻ အီလွဉ်ဖေႏဟံႏတန် ထာꩻငိမ်ꩻချမ်ꩻဟောင်း။ ထာꩻငိမ်ꩻချမ်ꩻ တမွေးတဝ်း အီႏဖလီဒျာႏ။ 52တယ်ႏစယိုခါ တမွိုးဖါပိုစွိုꩻ အဝ်ႏဝင်ꩻငတ်ꩻနဝ်ꩻ အီႏဖလီထိုꩻ၊ ဝင်ꩻသွံနဝ်ꩻ အီႏဆန်ချာ ဝင်ꩻနီတဲင် ဝင်ꩻနီနဝ်ꩻ အီႏဆန်ချာထိုꩻ ဝင်ꩻသွံသွူ။ 53ဖါဖုံႏနဝ်ꩻ အီႏဆန်ချာ ဝွေꩻသီး ပိုခိုဖုံႏတဲင် ပိုခိုဖုံႏနဝ်ꩻ အီႏဆန်ချာ ဝွေꩻသီးအဖါဖုံႏသွူ။ မွိုးဖုံႏနဝ်ꩻ အီႏဆန်ချာ ဝွေꩻသီးပိုမူႏဖုံႏတဲင် ပိုမူႏဖုံႏနဝ်ꩻ အီႏဆန်ချာ ဝွေꩻသီးမွိုးဖုံႏ နဝ်ꩻသွူ။ ဖီဖုံႏနဝ်ꩻ အီႏဆန်ချာ ဝွေꩻသီးပါႏနမ်ဖုံႏတဲင် ပါႏနမ်ဖုံႏနဝ်ꩻ အီႏဆန်ချာ ဝွေꩻသီးအဖီဖုံႏ” နုဲင်းနဝ်ꩻသွူ။
သေနာႏအချိန်ႏကာႏလ
(မတဲ ၁၆:၂–၃)
54ဗွေႏယေသျု ဒေါ့ꩻဖေႏပါကလိုꩻဖုံႏ၊ “သီထီႏမို့ꩻအေႏဖုံႏ အဝ်ႏဆꩻတွို့ꩻ ထင်ႏလွဉ်ထာꩻနဝ်ꩻ တလဲင်ႏချင်ꩻ သီရိုꩻ ခမ်းအီႏလော့လွဉ်တဲင် ခမ်းလော့လွဉ်မွေးသွူ။ 55တဲင်သီကခံႏစာꩻဗာႏ တလီꩻအဝ်ႏဖဲ့ꩻနဝ် မာꩻလွဉ်နဝ်ꩻ သီရိုꩻ ခမ်းသဲင်ထာꩻလျားချိန်ႏ လွဉ်သွူတဲင် ထွာလွဉ်မွေးသွူ။ 56သူႏတောႏလဲဉ်၊ သီထွား ဟံႏတွမ်ႏမို့ꩻတဲင် သီဟော်ꩻနွောင်ꩻ ရာႏသီႏဥတုဖုံႏ ပေါ့ꩻနုဲင်းနဝ်ꩻ ပွိုးတမုဲင်ꩻ သီတသေနွောင်ꩻတဝ်းတွိုႏ ခေတ်ကာႏလ အချိန်ႏယိုခါ နုဲင်းမုဲင်ꩻဟောင်း” နုဲင်းနဝ်ꩻသွူ။
မာꩻကေႏရောင်းတွမ်ႏစွဲꩻတရာꩻသီသား
(မတဲ ၅:၂၅–၂၆)
57ကအီႏမာꩻထာꩻတရာꩻ သီနမ်းတာႏနဝ်ꩻ ပွိုးတမုဲင်ꩻ သီတစီႏရင်ႏ ဆွုံꩻဖျတ်တဝ်းတွိုႏဟောင်း။ 58ပါꩻတဖြာꩻဖြာꩻ မဉ်ႏအီႏခေးပြဲင်ႏ စွဲꩻတရာꩻနာꩻတွော့ꩻ မဉ်ႏဟဲ့ꩻလွေꩻနာꩻ တရာꩻရွုမ်ꩻ ခလားနာꩻကဖျော်လွေꩻ တရာꩻရွုမ်ꩻနဝ်ꩻ ဒေါ့ꩻရီ ကေႏရောင်းသွော့ နာꩻမဉ်ႏတမာꩻတဝ်းနဝ်ꩻ အီႏတွာႏ တရွစ်ꩻလွေꩻနာꩻ တရာꩻဆွုံꩻဖျတ်သားထျꩻတဲင် အီႏအပ်သော့ꩻနာꩻ ယဲꩻစူကိုတွော့ꩻ အီႏသော့ꩻနာꩻထောင်ႏကိုသွူ။ 59ခွေဒေါ့ꩻဖေႏနာꩻ နာꩻအီႏအုံသော့ꩻဗာႏ ထောင်ႏကို ဗꩻတွိုႏစွဉ်ႏ နာꩻဖေႏချာ ရွဉ်တံႏထွူမꩻ နာꩻထန်ႏဗာႏ” နုဲင်းနဝ်ꩻသွူ။
ទើបបានជ្រើសរើសហើយ៖
လုကာ 12: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 12
12
ဆန်ဖေႏသတိသူႏတောႏလဲဉ်
(မတဲ ၁၀:၂၆–၂၇)
1 #
မ ၁၆:၆၊ မာ ၈:၁၅။ လိုꩻအာဖုံႏ ကစုဗူႏလို့ဝင်ꩻနဝ်ꩻ အရေင်နေးနဝ်ꩻသွူ။ နဝ်ꩻမꩻ ဝွေꩻသီး တဖြာꩻစွဉ်ႏတဖြာꩻ ယမ်းဗာႏနေးစွဉ်ႏဝင်ꩻသွူ။ ဗွေႏယေသျု ဒေါ့ꩻရီးဖေႏ ဝွေꩻဗွေႏ တပဲ့တောႏဖုံႏ၊ “ဖါရိသဲဖုံႏ တမီႏနဝ်ꩻ အွဉ်ႏသတိသွော့။ ခွေမဉ်ရိုꩻ ဝွေꩻသီးနဝ်ꩻထွာ သူႏတောလဲဉ်ဖုံႏသွူ။ 2#မာ ၄:၂၂၊ လု ၈:၁၇။ ထာꩻကအဝ်ႏဒို့ꩻ သေꩻခါꩻနေး ကားကအဝ်ႏနဝ်ꩻ အီႏဗွောင်တဲင် ထာꩻဗဉ်ႏဗꩻ တူႏတေ့ꩻဖုံႏ ကားကအဝ်ႏနဝ်ꩻ အီႏသေစဲင်းလွဉ်သွူ။ 3နဝ်ꩻမꩻ ငဝ်းသီကဒေါ့ꩻတေ့ꩻဒါႏ ထာꩻခေ့ꩻကို နုဲင်းမုဲင်ꩻစွဉ်ႏတဲ့ မွူးလေချိန်ႏနဝ်ꩻ လိုꩻဖုံႏအီႏသေလို့တဲင် အွဉ်ႏထွိုင်တခါꩻတွော့ꩻ ကဒေါ့ꩻတေ့ꩻနေးဒါႏငဝ်း လမ်းအခန်ꩻကိုနဝ်ꩻ အီႏခြောဝ် လမ်းခေါင်ႏလောင်းသွူ။
အီႏငမ်းဗာႏပါꩻမုဲင်ꩻ
(မတဲ ၁၀:၂၈–၃၁)
4“ခွေသွꩻဖုံႏ၊ ခွေဒေါ့ꩻဖေႏသီ လိုꩻကမာꩻသီနွောင်ꩻဒါႏ သီနမ်းခန္ဓာႏနဝ်ꩻ တွမ်ႏငမ်းသꩻမွိုန်း၊ ဝွေꩻမာꩻဟုဲင်းကယ်ꩻလဲဉ်း နဝ်ꩻနဝ်ꩻ တလꩻနွောင်ꩻတဝ်းသွူ။ 5သီကအီႏငမ်းသꩻဗာႏ ပါꩻမုဲင်ꩻနဝ်ꩻ ခွေအီႏအွဉ်ႏနယ်သီ။ ငမ်းသွော့ ဗွေႏကမာꩻသီ ထွူတွော့ꩻ စွဉ်ႏအာႏဏာႏတန်ꩻခိုꩻ ကအွဉ်ႏထဲ့သော့ꩻ ငါးရုဲင်ꩻကို ဗွေႏဘုရာꩻနဝ်ꩻဟုဲင်း။ ယွုမ်းသွော့ခွေ၊ ဝွေꩻဗွေႏနဝ်ꩻထွာ ဗွေႏအပါꩻ သီကအီႏငမ်းသꩻဗာႏနဝ်ꩻသွူ။
6“ဝါးစမ်ဖြဝ်ꩻ ငတ်ꩻဗာႏနဝ်ꩻ စာနေး ရွဉ်နီစွဲ တမွေးတဝ်းဟောင်း။ ကွဲႏတွော့ꩻ ဝါးစမ်ဖြဝ်ꩻ တဗာႏငါတဲ့ ဗွေႏဘုရာꩻ တအွဉ်ႏဖေင်ꩻတဝ်းသွူ။ 7သီကတူႏလောင်း ကလူꩻဖုံႏ ကားကအဝ်ႏမဉ်ႏတဲ့ အဝ်ႏတွက်သေꩻခါꩻ လို့လဲဉ်းသွူ။ နဝ်ꩻမꩻ တွမ်ႏငမ်းသꩻမွိုန်း။ သီတန်ꩻဖိုꩻနဝ်ꩻ တန်ကယ်ꩻလဲဉ်းက ဝါးစမ်ဖြဝ်ꩻဖုံႏသွူ။
ဝွန်ႏခံႏဗွေႏခရစ်တောႏတွမ်ႏပယ်ႏဗွေႏခရစ်တောႏ
(မတဲ ၁၀:၃၂–၃၃။ ၁၂:၃၂။ ၁၀:၁၉–၂၀)
8ခွေဒေါ့ꩻဖေႏသီအမွေး ဝွေꩻသီးနဝ်ꩻ ဆဲင်ႏတွမ်ႏခွေကျောင်ꩻ လိုꩻကဝွန်ႏခံႏဒါႏ အမျာꩻငါသားနဝ်ꩻ ဝွေꩻသီးတွက်တာႏ ဗွေႏဘုရာꩻ မို့ꩻလောင်းတမန်ႏဖုံႏဆꩻငါ လိုꩻပိုခို အီႏမာꩻဗွိုန်နုဲင်းနဝ်ꩻသွူ။ 9ကွဲႏတွော့ꩻ လိုꩻကပယ်ႏဒါႏခွေ အမျာꩻငါနဝ်ꩻ ဗွေႏဘုရာꩻ မို့ꩻလောင်းတမန်ႏဖုံႏ ဆꩻငါနဝ်ꩻတဲ့ လိုꩻပိုခိုအီႏပယ်ႏ ဝွေꩻသီးသွူ။
10 #
မ ၁၂:၃၂၊ မာ ၃:၂၉။ “ပါꩻမုဲင်ꩻတရိုꩻတဝ်း တွမ်ႏငဝ်းကပဲစ်မာႏ ဆန်ချာဒါႏ လိုꩻအပိုခိုနဝ်ꩻ အီႏအွဉ်ႏစွꩻလွစ် နွောင်ꩻဖေႏအပဲစ်၊ ကွဲႏတွော့ꩻ ပါꩻမုဲင်ꩻတရိုꩻတဝ်း ကဒေါ့ꩻပဲစ်မာႏ ဆန်ချာဒါႏ ဝိညာဉ်ႏတောႏ ကြောင်းစင်နဝ်ꩻ အီႏတအွဉ်ႏစွꩻလွစ် ဖေႏနွောင်ꩻတဝ်း အပဲစ်သွူ။
11 #
မ ၁၀:၁၉၊ ၂၀၊ မာ ၁၃:၁၁၊ လု ၂၁:၁၄၊ ၁၅။ “ဝွေꩻသီး ကျိုꩻစာꩻဟဲ့ꩻလွေꩻသီ တရာꩻစရွပ်ကိုတဲ့နဝ်ꩻ အစိုႏရဝွန်ႏတန် ဆꩻငါတဲ့နဝ်ꩻ အာႏဏာႏပဲင်ႏသားဖုံႏ ဆꩻငါတဲ့နဝ်ꩻ ပွိုင်းဝွို့တွမ်ႏ သီကအီႏရဲ ကာႏကွယ်ႏချာဗာႏသီနမ်း နုဲင်းမုဲင်ꩻတဲ့နဝ်ꩻ သီအီႏဒေါ့ꩻဗာႏ နုဲင်းမုဲင်ꩻတဲ့နဝ်ꩻ တွမ်ႏနန်းခီမွိုန်း။ 12ပွိုးတွော့ꩻ တွိုႏ အချိန်ႏနဝ်ꩻ သီအီႏဒေါ့ꩻဗာႏ တမုဲင်ꩻနဝ်ꩻ ဝိညာဉ်ႏတောႏ ကြောင်းစင် အီႏသွဉ်ဖေႏဒျာႏသီ” နုဲင်းနဝ်ꩻသွူ။
လိုꩻခြွေမွိုက်ဥပမာႏ
13အဝ်ႏလိုꩻစွိုꩻဖုံႏကို လိုꩻခိုတဖြာꩻနဝ်ꩻ ဒေါ့ꩻဖေႏဗွေႏယေသျု၊ “ဆရာႏ၊ နီဖါ ကအွဉ်ႏကုဲင်ဖေႏဒါႏ နီ အတမွီႏ ဖေႏကဖန်းပါ ခွေသွဉ်းနဝ်ꩻ ဒေါ့ꩻဖေႏသွော့ ခွေသွဉ်းဝေးမွိုင်” နုဲင်းနဝ်ꩻသွူ။
14ဗွေႏယေသျု လဝ်းချာဝွေꩻ၊ “သွꩻ၊ ဖေႏကစီႏရင်ႏ ဆွုံꩻဖျတ်ဖေႏ၊ မဉ်ႏမွေးတဝ်း ဖေႏကဖန်းဖေႏ သီဝင်ꩻနီအခါႏ ဥစ္စာႏပစ္စေꩻနဝ်ꩻ ပါꩻမုဲင်ꩻဖေႏခွေ အခွင်ꩻဟောင်း” နုဲင်းနဝ်ꩻသွူ။ 15ဝွေꩻဗွေႏ ဒေါ့ꩻသွုပ်ဖေႏ ဝွေꩻသီး ကားကအဝ်ႏ၊ “သီနမ်းထာꩻလောဖမျိုꩻဖုံႏ ကားကအဝ်ႏနဝ်ꩻ အွဉ်ႏသတိꩻသွော့။ ပွိုးတွော့ꩻ သီအသက်ဘဝနဝ်ꩻ အဝ်ႏအုံဒေါင်အီဒျာႏ သီနမ်းထာꩻခြိုꩻ သီထာꩻခြွေချမ်ꩻသာႏလောင်း တမွေးတဝ်း” နုဲင်းနဝ်ꩻသွူ။
16နဝ်ꩻထွူ ဗွေႏယေသျု ဒေါ့ꩻဖေႏဝွေꩻသီး ငဝ်းပွုံႏဥပမာႏ နုဲင်းယို၊ “တလဲင်ႏသား လိုꩻခြွေတဖြာꩻ ခြံကိုနဝ်ꩻ အရောင်ꩻအရာႏဖုံႏ ရာႏဟဝ်မွေးစွဉ်ႏထာꩻသွူ။ 17ဝွေꩻစတဲင် စဉ်ꩻစာꩻချာ အသꩻကို၊ ‘ကအီႏသော့ꩻဟဝ်လို့ ခွေအရောင်ꩻအရာႏဖုံႏ ကားကအဝ်ႏနဝ်ꩻ ခွေခင်ႏလမ်း တအဲဉ်ထဝ်းသွူ။ ခွေအီႏမာꩻဗာႏ နုဲင်းမုဲင်ꩻဟောင်း။ 18ဝွေꩻဒေါ့ꩻချာ ဝွေꩻနမ်း၊ ‘ခွေအီႏမာꩻနုဲင်းယို၊ ခွေယားပြင်ꩻလင်ꩻထိုꩻ ခွေဗွူတရွောင်တဲင် တယ်ႏက အတန်တဖြုံႏ ခွေအီႏလောင်ႏခါꩻ ဗွူတွမ်ႏ ခွေကွန်ႏဟဝ် အလင်ဖုံႏ ကားကအဝ်ႏ နဝ်ꩻအကိုသွူ။ 19နဝ်ꩻထွူ ခွေအီႏရိုꩻချာခွေနမ်း၊ လိုꩻကံႏဟဝ်၊ နေင်ႏပေါင်ꩻအာတာႏ နာꩻကအဝ်ႏလိုꩻဒါႏ ထာꩻခြိုꩻဟဝ်ဖုံႏ ကားကအဝ်ႏနဝ်ꩻ နာꩻစုခါꩻလဲဉ်း။ နာꩻအသက်ဘဝနဝ်ꩻ အုံသာႏယာႏ၊ အံႏအွꩻတွော့ꩻ မွန်းပျောႏသွော့’ နုဲင်းနဝ်ꩻသွူ။ 20ကွဲႏတွော့ꩻ ဗွေႏဘုရာꩻမိန်းဖေႏဝွေꩻ၊ ‘နာꩻလိုꩻမွိုက်၊ ဟန်ႏနာꩻယို အီႏသိမ်ꩻထူႏထိုꩻသွူ နာꩻအသက်၊ နဝ်ꩻမꩻ နာꩻကအဝ်ႏစုသိမ်ꩻခါꩻဒါႏ နာꩻနမ်းတာႏ ထာꩻယိုဖုံႏ ကားကအဝ်ႏနဝ်ꩻ ပါꩻမုဲင်ꩻ အီႏလꩻထိုꩻဟောင်း’” နုဲင်းနဝ်ꩻသွူ။
21တဲင်ဗွေႏယေသျု အွဉ်ႏသွတ်ꩻငဝ်းရိုꩻ၊ “နမ်းအတာႏ လိုꩻကထုမ်ႏစုပြုန်ႏခါဒါႏ ထာꩻခြွေချမ်ꩻသာႏနဝ်ꩻ ဗွေႏဘုရာꩻဆꩻငါ တခြွေချမ်ꩻသာႏသော့ꩻတဝ်း ဗွိုန်နုဲင်းလိုꩻခြွေယို” နုဲင်းနဝ်ꩻသွူ။
ယွုမ်းအာႏကွိုꩻဗွေႏဘုရာꩻ
(မတဲ ၆:၂၅–၃၄)
22နဝ်ꩻထွူ ဗွေႏယေသျုမိန်းဖေႏ ဝွေꩻဗွေႏ တပဲ့တောႏဖုံႏ၊ “နဝ်ꩻမꩻ ခွေဒေါ့ꩻဖေႏသီ၊ ကအီႏအုံအဝ်ႏ သက်မွန်တာႏ သီကအဝ်ႏလိုꩻဒါႏ ထာꩻအံႏတဲ့နဝ်ꩻ သီနမ်းခန္ဓာႏအတာႏ ကအဝ်ႏလိုႏဒါႏ ခွမ်ꩻလာꩻတဲ့နဝ်ꩻ တွမ်ႏနန်းခီမွိုန်း။ 23အသက်နဝ်ꩻ အရေꩻတန်ကယ်ꩻက ထာꩻအံႏတဲင် နမ်းခန္ဓာႏနဝ်ꩻ အရေꩻတန်ကယ်ꩻက ခွမ်ꩻလာꩻဖုံႏသွူ။ 24ထွားဗော့ꩻ စောက်အာႏဖုံႏ တဆို့ꩻရုဲင်တဝ်း တရဲ့သိမ်ꩻတဝ်း၊ တစုလောင်ႏခါꩻတဝ်းဗွူ အခန်ꩻဖုံႏကို၊ ဗွူတရွောင်ဖုံႏကိုသွူ။ ဗွေႏဘုရာꩻ အဝ်ႏလွူးဒျာႏ ဝွေꩻသီး။ သီနဝ်ꩻ မျတ်ကယ်ꩻလဲဉ်းက ဝါးဖုံႏသွူ။ 25စွဉ်ႏထာꩻနန်းခီတွော့ꩻ သီတဖြာꩻ သက်ဆွာꩻလွိုထိုꩻ တစိꩻနဲ့ဟောင်း။ 26ထာꩻအမုပေႏစား ငါမဉ်ႏတဲ့ သီတတတ်နွိုင်ႏတဝ်းနဝ်ꩻ ပွိုးတမုဲင်ꩻ နန်းခီဗာႏတွိုႏ ထာꩻအလင်ဖုံႏခရာႏ နုဲင်းမုဲင်ꩻဟောင်း။ 27#၁ရာႏ ၁၀:၄–၇၊ ၂ရာႏချုပ် ၉:၃–၆။ ထွားသင်ႏချင်ႏသွော့ ကဝ်ႏတခြာဖုံႏ တန်လွဉ်ထာꩻနဝ်ꩻဟုဲင်း။ ဝွေꩻသီးနဝ်ꩻ တမာꩻတဝ်းထာꩻမာꩻ၊ တထꩻတဝ်း နမ်းတာႏခွမ်ꩻလာꩻဖုံႏ။ ကွဲႏတွော့ꩻ ခွေဒေါ့ꩻဖေႏသီ ခွန်တန်သောလမုန်သွူ မဉ်ႏတဲ့ ဝွေꩻကကွဉ်ကဒါႏ အခွမ်ꩻလာꩻဖုံႏ ကားကအဝ်ႏနဝ်ꩻ တရေꩻထွꩻတဝ်း နုဲင်းကဝ်ႏယိုဖုံႏ တတုဲင်သွူ။ 28သီလိုꩻထာꩻယွုမ်းဆေ့ꩻဖုံႏ၊ ထွားသွော့ ထာꩻအီႏမွူးဖုံႏ၊ ဟန်ႏနီꩻ အသက်အဝ်ႏမွန်ဒျာႏ၊ နုဲင်းမွူးရဝ်ꩻနီꩻနဝ်ꩻ မေႏခိုးကုဲင်သော့ꩻဒျာႏ မေႏဖွိုင်ꩻကိုမဉ်ႏတဲ့ ဗွေႏဘုရာꩻ ဖေႏဒျာႏ အခွမ်ꩻလာꩻဖုံႏနဝ်ꩻသွူ။ လွိုလဲဉ်းကနဝ်ꩻနဝ်ꩻ ဝွေꩻဗွေႏ အီႏဖေႏဒျာႏသီ တမွေးတဝ်းနဲ့ဟောင်း။
29နဝ်ꩻမꩻ ပွိုင်းဝွို့တွမ်ႏ သီကအီႏအံႏအွꩻဗာႏ နုဲင်းမုဲင်ꩻခရာႏဖုံႏ ကားကအဝ်ႏနဝ်ꩻ သꩻတွမ်ႏကုဲင် နန်းခီသေႏသေႏမွိုန်း။ 30(ပွိုးလိုꩻဘုရာꩻ တရာꩻ တအဲဉ်ထဝ်းသား ဟံႏတန်လောင်း ယိုဖုံႏနဝ်ꩻ ပွိုင်းဝွို့တွမ်ႏ ထာꩻယိုဖုံႏခရာႏ ကားကအဝ်ႏနဝ်ꩻ အဝ်ႏထုမ်ႏ သေႏသေႏဒျာႏ။) ထာꩻယိုဖုံႏနဝ်ꩻ သီအဝ်ႏလိုႏကျောင်ꩻ သီဖါဗွေႏ အဝ်ႏသေနဝ်ꩻသွူ။ 31ခလားကမာꩻ နုဲင်းနဝ်ꩻနဝ်ꩻ ထုမ်ႏရီးသွော့ ဗွေႏဘုရာꩻခမ်းထီ နဲင်ႏငံႏတောႏ၊ နဝ်ꩻမꩻ ကအဝ်ႏလိုႏဒါႏ ထာꩻယိုဖုံႏ ကားကအဝ်ႏနဝ်ꩻ ဝွေꩻဗွေႏ အီႏဖေႏသီသွူ။
ခြွေချမ်ꩻသာႏသော့ꩻခမ်းထီမို့ꩻလောင်းကို
(မတဲ ၆:၁၉–၂၁)
32သွိုꩻစွိုꩻဆေ့ꩻဖုံႏ၊ တွမ်ႏငမ်းသꩻမွိုန်း ပွိုးသီဖါဗွေႏနဝ်ꩻ မဉ်ဖေႏသီ ခမ်းထီနဲင်ႏငံႏနဝ်ꩻသွူ။ 33သီထာꩻခြိုꩻဥစ္စာႏ ကားကအဝ်ႏနဝ်ꩻ စာတဲင် ရွဉ်နဝ်ꩻဖေႏသွော့ လိုꩻကေန်ꩻခြောဖုံႏဟုဲင်း။ သိမ်ꩻဆောင်ႏသွော့ ရွဉ်တောင်ပဲင်း တကုဲင်ဒါႏတဝ်း နဝ်ꩻတွော့ꩻ နာꩻခြွေ ချမ်ꩻသာႏသော့ꩻသွော့ ခမ်းထီမို့ꩻလောင်းကို၊ နဝ်ꩻကိုနဝ်ꩻ မုဲင်ꩻခါတဲ့ ရွဉ်ဖုံႏနဝ်ꩻ ပွိုးတခွန်ꩻထူႏထိုꩻ တလꩻတဝ်းတဲင် ရုန်းရော်သားဖုံႏ တယားကုဲင်နွောင်ꩻတဝ်း နဝ်ꩻမꩻ ရွဉ်ဖုံႏ အီႏတယွမ်ꩻတဝ်းသွူ။ 34ပွိုးသီခြွေချမ်ꩻသာႏ ခင်ႏလမ်းမုဲင်ꩻကိုတဲ့ သီသꩻအီႏအဝ်ႏ သေႏသေႏဒျာႏ နဝ်ꩻကို အတွက်သွူ။
တွမ်ႏသတိကအဝ်ႏအုံပွေါးဒါႏသွဉ်းဖုံႏ
35 #
မ ၂၅:၁–၁၃။ “ကအီႏထွာလွဉ်ထာꩻ နုဲင်းမုဲင်ꩻအတာႏ ဖျင်ရဲဉ်ꩻသေꩻမꩻ၊ ကွဉ်ကꩻခွေါင်သေꩻခါꩻ ငင်းဒေင်စီႏတဲင် တဲက်ꩻသေꩻခါꩻမꩻသွော့ သီမေႏတေန်ꩻ၊ 36#မာ ၁၃:၃၄–၃၆။ ဖေႏကဗွိုန် နုဲင်းသွော့ သွဉ်းဖုံႏ အဝ်ႏမောင်ꩻ ဝွေꩻသီးအဗွေႏ အဝ်ႏပွယ်ꩻမင်္ဂလာႏ သဲင်ꩻလွဉ်ချာနဝ်ꩻဟုဲင်း။ ဝွေꩻထွိုင်ႏလွဉ်တဒေါက်ꩻ တခါꩻချိန်ႏ ဝွေꩻတာႏတလဲင်ႏချင်ꩻ ဝွေꩻသီး အီႏဗွောင်ဖေႏတခါꩻ။ 37သွဉ်းဖုံႏနဝ်ꩻ အဗွေႏထွိုင်ႏထီႏ ဝွေꩻသီး တဗေင်ႏတဝ်းတွော့ꩻ အဝ်ႏဖျင်ရဲဉ်ꩻ သေꩻမꩻဒျာႏ အဗွေႏလွဉ်ချာချိန်ႏနဝ်ꩻ မင်္ဂလာႏအဝ်ႏငါꩻ ခွိုင်းကားမုဲင်ꩻ၊ ခွေဒေါ့ꩻဖေႏသီ၊ ဝွေꩻအီႏဗွောင်ႏ ဝွေꩻဆဲင်ꩻယွုံးတန် အွဉ်ႏဝွေꩻသီး အုံလင်ꩻတဲင် အီႏအုံပွေါး ဖေႏအံႏဝွေꩻသီးသွူ။ 38အဗွေႏ မဉ်ႏသဲင်ꩻလွဉ်စွဉ်ႏ မွူးကွို့ꩻနာꩻချိန်ႏ တဲ့နဝ်ꩻ လဲင်ꩻတွိုႏစွဉ်ႏ ထာꩻအီႏလေ တဲ့နဝ်ꩻ၊ ဝွေꩻမဉ်ႏထီႏ ဝွေꩻသီးအဝ်ႏ ဖျင်ရဲဉ်ꩻသေꩻမꩻ အဝ်ႏအုံပွေါးဒျာႏနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။ 39#မ ၂၄:၄၃၊ ၄၄။ နဝ်ꩻမꩻ တခွန်ꩻအီႏလွဉ်ချိန်ႏမုဲင်ꩻ လမ်းတဗာႏဗွေႏယို မဉ်ႏသေစဲင်းနဝ်ꩻ ဖေႏနေးတခွန်ꩻ ကဖေါက်နွို့သော့ꩻလꩻမွိုန်း ဝွေꩻအလမ်းကိုနဝ်ꩻ ဝွေꩻအီႏမာꩻသွူ။ 40နဝ်ꩻမꩻ သီနဝ်ꩻတဲ့ အီႏဖျင်ရဲဉ်ꩻ သေꩻမꩻဗာႏ ကွပ်ပွိုး သီတအဝ်ႏမောင်ꩻတဝ်း ဝွေꩻဗွေႏ အချိန်ႏနားရီႏနဝ်ꩻ လိုꩻပိုခို အီႏကျွꩻလွဉ်နဝ်ꩻသွူ။
သွဉ်းသစ္စာႏအဝ်ႏစွဉ်ႏသွဉ်းသစ္စာႏတအဲဉ်ထဝ်း
(မတဲ ၂၄:၄၅–၅၁)
41ပေတရုဒေါ့ꩻ၊ “ဗွေႏငဝ်းဥပမာႏယိုနဝ်ꩻ မဉ်ဒေါ့ꩻဖေႏနီနဲ့၊ မဉ်ႏတမွေးတဝ်း မဉ်ရိုꩻဒျာႏ လိုꩻစွုမ်ႏဖြာꩻတာႏနဲ့ဟောင်း” နုဲင်းနဝ်ꩻသွူ။
42ဗွေႏဘုရာꩻလဝ်း၊ “တွိုႏနဝ်ꩻ သစ္စာႏတွမ်ႏ ဉာဏ်ႏပညာႏ ကအဝ်ႏ ဒါႏသွဉ်းနဝ်ꩻ ထွာပါꩻမုဲင်ꩻဟောင်း၊၊ ဝွေꩻနဝ်ꩻထွာ ပါꩻအဖြာꩻ ဝွေꩻအဗွေႏအီႏခန်ꩻ ဖေႏကထိန်ꩻထွား လမ်းကိုထာꩻမာꩻတဲင် အချိန်ႏမဉ်ႏတွိုႏ ကဖန်းဝေႏဖေႏဒါႏ သွဉ်းအလင်ဖုံႏ ဝွေꩻသီး ကလꩻဖဒါႏ ထာꩻအံႏအွꩻဖုံႏ နဝ်ꩻသွူ။ 43အဗွေႏ ထွိုင်ႏသဲင်ꩻလွဉ်လမ်းချိန်ႏ အဗွေႏမဉ်ႏထီႏ သွဉ်းအဝ်ႏမာꩻထာꩻ နုဲင်းယိုနဝ်ꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။ 44ခွေဒေါ့ꩻဖေႏသီ အမွေးအမဲဉ်ႏ၊ သွဉ်းနဝ်ꩻ ဖေႏကထိန်ꩻထွားယင်း ဝွေꩻဥစ္စာႏပစ္စေꩻဖုံႏ ကားကအဝ်ႏနဝ်ꩻ အဗွေႏအီႏခန်ꩻယင်းသွူ။ 45ကွဲႏတွော့ꩻ သွဉ်းနဝ်ꩻနဝ်ꩻ မဉ်ႏရိုꩻချာဒျာႏ အနမ်း၊ ဝွေꩻအဗွေႏ ကအီႏသဲင်ꩻချာနဝ်ꩻ ညဒွိုန်းက နုဲင်းနဝ်ꩻတဲင် အီႏသဲင်ꩻချာတဝ်းဒွိုန်းနဝ်ꩻမꩻ ဝွေꩻတွဲႏစစွဉ်ႏ အသွဉ်းအလင်ဖုံႏ သွဉ်းခိုဖုံႏ၊ သွဉ်းမူႏဖုံႏတွော့ꩻ အံႏအွꩻမွန်ꩻဒျာႏဒဝ်၊ 46တွိုႏနဝ်ꩻ တနီꩻသား သွဉ်းတအဝ်ႏမောင်ꩻတဝ်း အဗွေႏချိန်ႏ၊ ဝွေꩻတသေတဝ်းချိန်ႏနဝ်ꩻ အဗွေႏ အီႏသဲင်ꩻလွဉ်ချာသွူ။ အဗွေႏနဝ်ꩻ အီႏဓွေါ့ꩻဝွေꩻ ပဉ်ကွို့ꩻကွို့ꩻတဲင် မာꩻဝွေꩻ ဖေႏကခံႏစာꩻငီꩻဗာႏ လိုꩻတလွောက်ꩻနာႏတဝ်း ငဝ်းသား အကံႏကျမ္မာႏသွူ။
47နုဲင်းဝွေꩻဗွေႏ ကမဉ်အွဉ်ႏမာꩻဒါႏနဝ်ꩻ သွဉ်းအဝ်ႏသေဒျာႏ စွဉ်ႏတဲ့ ကအီႏမာꩻနဝ်ꩻ တဖျင်ရဲဉ်ꩻသေꩻမꩻတဝ်း အနမ်းတွော့ꩻ တမာꩻတဝ်းနဝ်ꩻမꩻ အီႏခံႏဗာႏ သန်မွေးနေးစွဉ်ႏ ခွဉ်းတံႏနဝ်ꩻသွူ။ 48ကွဲႏတွော့ꩻ နုဲင်းဝွေꩻဗွေႏ ကမဉ်အွဉ်ႏမာꩻတွော့ꩻ တသေတဝ်းသွဉ်းနဝ်ꩻ မာꩻဗာႏထိုꩻ ကအီႏမော့ꩻထွိုက်ဒါႏ ခွဉ်းတံႏ၊ နဝ်ꩻမ အီႏမော့ꩻဗာႏ ခွဉ်းတံႏဆေ့ꩻလွုမ်ꩻသွူ။ လိုꩻကခံႏစာꩻလွိုဗာႏ ကေꩻဇူꩻသားဖုံႏနဝ်ꩻ အီႏမာꩻလွိုဗာႏတဲင် လိုꩻကဖေႏလွိုလဲဉ်းသားဖုံႏ ထျꩻနဝ်ꩻ အီႏကွီလွိုနဝ်ꩻသွူ။
ဗွေႏယေသျုမာꩻထွာအီပꩻလီခရာႏ
(မတဲ ၁၀:၃၄–၃၆)
49“ခွေကကျွꩻလွဉ် ဟံႏတန်လောင်းနဝ်ꩻ ဖေႏမေႏကခိုးတဲင် ခွေမဉ်အွဉ်ႏခိုးငါႏလဲဉ်း ခွိုင်းကားမုဲင်ꩻ။ 50#မာ ၁၀:၃၈။ ခွေအီႏလက္ခံႏဗာႏ ဗတ္တိဇံႏ တစွိုးတဲင် ခလားကလဲဉ်းထိုꩻနဝ်ꩻ ခွေသꩻကုဲင်ငါႏ ခွိုင်းကားမုဲင်ꩻ။ 51သီရိုꩻဒျာႏခွေနဝ်ꩻ အီလွဉ်ဖေႏဟံႏတန် ထာꩻငိမ်ꩻချမ်ꩻဟောင်း။ ထာꩻငိမ်ꩻချမ်ꩻ တမွေးတဝ်း အီႏဖလီဒျာႏ။ 52တယ်ႏစယိုခါ တမွိုးဖါပိုစွိုꩻ အဝ်ႏဝင်ꩻငတ်ꩻနဝ်ꩻ အီႏဖလီထိုꩻ၊ ဝင်ꩻသွံနဝ်ꩻ အီႏဆန်ချာ ဝင်ꩻနီတဲင် ဝင်ꩻနီနဝ်ꩻ အီႏဆန်ချာထိုꩻ ဝင်ꩻသွံသွူ။ 53ဖါဖုံႏနဝ်ꩻ အီႏဆန်ချာ ဝွေꩻသီး ပိုခိုဖုံႏတဲင် ပိုခိုဖုံႏနဝ်ꩻ အီႏဆန်ချာ ဝွေꩻသီးအဖါဖုံႏသွူ။ မွိုးဖုံႏနဝ်ꩻ အီႏဆန်ချာ ဝွေꩻသီးပိုမူႏဖုံႏတဲင် ပိုမူႏဖုံႏနဝ်ꩻ အီႏဆန်ချာ ဝွေꩻသီးမွိုးဖုံႏ နဝ်ꩻသွူ။ ဖီဖုံႏနဝ်ꩻ အီႏဆန်ချာ ဝွေꩻသီးပါႏနမ်ဖုံႏတဲင် ပါႏနမ်ဖုံႏနဝ်ꩻ အီႏဆန်ချာ ဝွေꩻသီးအဖီဖုံႏ” နုဲင်းနဝ်ꩻသွူ။
သေနာႏအချိန်ႏကာႏလ
(မတဲ ၁၆:၂–၃)
54ဗွေႏယေသျု ဒေါ့ꩻဖေႏပါကလိုꩻဖုံႏ၊ “သီထီႏမို့ꩻအေႏဖုံႏ အဝ်ႏဆꩻတွို့ꩻ ထင်ႏလွဉ်ထာꩻနဝ်ꩻ တလဲင်ႏချင်ꩻ သီရိုꩻ ခမ်းအီႏလော့လွဉ်တဲင် ခမ်းလော့လွဉ်မွေးသွူ။ 55တဲင်သီကခံႏစာꩻဗာႏ တလီꩻအဝ်ႏဖဲ့ꩻနဝ် မာꩻလွဉ်နဝ်ꩻ သီရိုꩻ ခမ်းသဲင်ထာꩻလျားချိန်ႏ လွဉ်သွူတဲင် ထွာလွဉ်မွေးသွူ။ 56သူႏတောႏလဲဉ်၊ သီထွား ဟံႏတွမ်ႏမို့ꩻတဲင် သီဟော်ꩻနွောင်ꩻ ရာႏသီႏဥတုဖုံႏ ပေါ့ꩻနုဲင်းနဝ်ꩻ ပွိုးတမုဲင်ꩻ သီတသေနွောင်ꩻတဝ်းတွိုႏ ခေတ်ကာႏလ အချိန်ႏယိုခါ နုဲင်းမုဲင်ꩻဟောင်း” နုဲင်းနဝ်ꩻသွူ။
မာꩻကေႏရောင်းတွမ်ႏစွဲꩻတရာꩻသီသား
(မတဲ ၅:၂၅–၂၆)
57ကအီႏမာꩻထာꩻတရာꩻ သီနမ်းတာႏနဝ်ꩻ ပွိုးတမုဲင်ꩻ သီတစီႏရင်ႏ ဆွုံꩻဖျတ်တဝ်းတွိုႏဟောင်း။ 58ပါꩻတဖြာꩻဖြာꩻ မဉ်ႏအီႏခေးပြဲင်ႏ စွဲꩻတရာꩻနာꩻတွော့ꩻ မဉ်ႏဟဲ့ꩻလွေꩻနာꩻ တရာꩻရွုမ်ꩻ ခလားနာꩻကဖျော်လွေꩻ တရာꩻရွုမ်ꩻနဝ်ꩻ ဒေါ့ꩻရီ ကေႏရောင်းသွော့ နာꩻမဉ်ႏတမာꩻတဝ်းနဝ်ꩻ အီႏတွာႏ တရွစ်ꩻလွေꩻနာꩻ တရာꩻဆွုံꩻဖျတ်သားထျꩻတဲင် အီႏအပ်သော့ꩻနာꩻ ယဲꩻစူကိုတွော့ꩻ အီႏသော့ꩻနာꩻထောင်ႏကိုသွူ။ 59ခွေဒေါ့ꩻဖေႏနာꩻ နာꩻအီႏအုံသော့ꩻဗာႏ ထောင်ႏကို ဗꩻတွိုႏစွဉ်ႏ နာꩻဖေႏချာ ရွဉ်တံႏထွူမꩻ နာꩻထန်ႏဗာႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.