လုကာ 1
1
1ဖေႏထေ့လွေꩻ ကရက်ငါႏ တော်ဖိလုထျꩻ၊
ထာꩻကထွာလွဉ်ဒါႏ နီအခါႏနဝ်ꩻ လိုꩻအာဖုံႏ ဝွေꩻသီးတဲမ်း အဟဝ်သွတ်ꩻတွော့ꩻ အွဉ်ႏဟွိုန်ဖေႏလဲဉ်းနဝ်ꩻသွူ။ 2နီကအဝ်ႏဒေါ့ꩻနယ်လဲဉ်းဒါႏ ကထီႏဗာႏ ထာꩻယိုဖုံႏနဝ်ꩻ တယ်ႏထာꩻကထွာလွဉ် ခရာႏဖုံႏတွမ်ႏ ကဟော်ꩻကေႏညာႏဒါႏ သတင်ꩻတရာꩻ ခရာႏဖုံႏနဝ်ꩻ ဝွေꩻသီး တဲမ်းလဲဉ်း နုဲင်းနဝ်ꩻသွူ။ 3နဝ်ꩻမꩻ ဖြားတန် ပွိုးတွော့ꩻ ကိစ္စယိုဖုံႏ ကားကအဝ်ႏနဝ်ꩻ တယ်ႏကထွာလွဉ် အစကာႏ ခွေသွဉ်းအွဉ်ႏသတိ သွဉ်ထူႏ ထွား ဟဝ်မွေးလဲဉ်းသွူ နဝ်ꩻမꩻ မဉ်ႏတဲမ်းဖေႏ ဖြားတန်တာႏ လိတ်တစောင်ႏနဝ်ꩻ အီႏဟဝ် ခွေသွဉ်းထင်း နုဲင်းနဝ်ꩻသွူ။ 4ဖေႏနေး ဖြားတန် ကသေလို့ဗာႏ ထာꩻအမဲဉ်ႏခရာႏ ကားကအဝ်ႏ ဖေႏနေးဖြားတန် ကသေစွုံႏလင်ႏဗာႏ တွက်တာႏ ခွေသွဉ်းစုရွမ် တဲမ်းဗာႏ ကျမ်ꩻယိုနဝ်ꩻသွူ။
ဒေါ့ꩻကေႏညာႏဖေႏဗတ္တိဇံႏဆရာႏယောဟန်အီႏလွူးဖွာꩻလွဉ်
5 # ၁ရာႏချုပ် ၂၄:၁၀။ ခွန်တန်ဟေရုဒ် အဝ်ႏထွာ ယုဒခမ်း ခွန်တန်ချိန်ႏ နဝ်ꩻကိုနဝ်ꩻ ယဇ်ပရောဟိတ်တဖြာꩻ အမဉ်ꩻဇာခရိ၊ ကဆဲင်ႏဒါတွမ်ႏ ယဇ်ပရောဟိတ် အဘိယ စွိုꩻနဝ်ꩻ အဝ်ႏသွူ။ ဝွေꩻအမာမဉ်ꩻနဝ်ꩻ ဧလိသဗဲက်သွူ။ ဝွေꩻမူႏနဝ်ꩻတဲ့ ဆဲင်ႏဒျာႏ ယဇ်ပရောဟိတ် တမွိုးဖါပိုစွိုꩻကို တဖြာꩻနဝ်ꩻသွူ။ 6ဗွေႏဘုရာꩻဆꩻငါ ဝွေꩻသီးဝင်ꩻနီလွုမ်း ဘဝနဝ်ꩻ အဝ်ႏမာꩻဒျာႏ ထာꩻဟဝ်မျတ်တဲင် လွောက်ꩻနာႏဗွေလို့ဒျာႏ ထာဝရဘုရာꩻ ပညတ်ကျမ်ꩻစွဉ်ႏ အမိန်းဖုံႏနဝ်ꩻသွူ။ 7ဝွေꩻသီးနဝ်ꩻ ပိုအဲဉ်ထဝ်း ပွိုးတွော့ꩻ ဧလိသဗဲက်နဝ်ꩻ ထွာလိုꩻမူႏဒုဲင်နဝ်ꩻမꩻ လꩻနွောင်ꩻတဝ်းပိုတဲင် ဝွေꩻမူႏစွဉ်ႏ ဇာခရိဝင်ꩻနီနဝ်ꩻ သက်တန်ငါႏလွဉ်ꩻလဲဉ်း နဝ်ꩻသွူ။
8တနီꩻသား ဇာခရိ ကအဝ်ႏမာꩻဒါႏ ထာꩻမာꩻ အလဲ့တွိုႏနဝ်ꩻမꩻ ဝွေꩻအဝ်ႏမာꩻ ယဇ်ပရောဟိတ် ထာꩻမာꩻ ဗိမာန်ႏတောႏ ကျောင်ꩻကိုချိန်ႏ တာႏဝွန်ႏပူႏဇောႏဗာႏ ယဇ်နဝ်ꩻသွူ။ 9နုဲင်းယဇ်ပရောဟိတ်ဖုံႏ ထွုံꩻစံႏ ကအဝ်ႏအတွိုင်ꩻ ဝွေꩻတနꩻမဲနဝ်ꩻမꩻ အီႏလဲ့ꩻပူႏဇောႏဖေႏဗာႏ နံꩻသာႏဟွမ် ဘုရာꩻခြေင်ႏလောင်းသွူ။ နဝ်ꩻမꩻ ဝွေꩻနွို့လွေꩻသော့ꩻ ထာဝရဘုရာꩻ ဗိမာန်ႏတောႏ ကျောင်ꩻကို နဝ်ꩻသွူ။ 10ကအဝ်ႏလဲ့ꩻ နံꩻသာႏဟွမ်ချိန်ႏနဝ်ꩻ လိုꩻစွိုꩻဖုံႏ အဝ်ႏဆုတောင်ꩻဘုရာꩻ ကောင်းထန်ႏဖဲ့ꩻနဝ်ꩻသွူ၊
11ထာဝရဘုရာꩻ မို့ꩻလောင်းတမန်ႏတပါꩻ ပေါႏလွဉ် ဝွေꩻထျꩻ အုံထွိုင်ႏစွဉ်ႏထာꩻ ဝွေꩻကအဝ်ႏလဲ့ꩻဒါႏ နံꩻသာႏဟွမ်ခင်ႏလမ်း ယဇ်ပလ္လင်ႏ အထွေဖဲ့ꩻနဝ်ꩻသွူ။ 12ဇာခရိထွိုင်ႏထီႏ ဝွေꩻချိန်ႏ ဝွေꩻအံႏဖြာႏငါႏတဲင် ငမ်းသꩻစွဉ်ႏနဝ်ꩻသွူ။ 13ကွဲႏတွော့ꩻ မို့ꩻလောင်းတမန်ႏ ဒေါ့ꩻဖေႏဝွေꩻ၊ “ဇာခရိ တွမ်ႏငမ်းသꩻမွိုန်း။ ဗွေႏဘုရာꩻဟွိုန်လဲဉ်း နာꩻဆုတောင်ꩻငဝ်း နဝ်ꩻမꩻ နာꩻမာ ဧလိသဗဲက်နဝ်ꩻ အီႏလွူးဖေႏနာꩻ ပိုခိုတဖြာꩻသွူ။ နာꩻအီႏဖန်ဖေႏဗာႏ ဝွေꩻမဉ်ꩻ ယောဟန်သွူ။ 14ဝွေꩻထွိုင်ႏလွူးလွဉ်ချိန်ႏ နာꩻအီႏသꩻဟဝ် သꩻရေꩻဗာႏငါႏ ခွိုင်းကားမုဲင်ꩻ လိုꩻလင်ဖုံႏအာငါႏ အီႏပျောႏဗာႏထာꩻ ခွိုင်းကားမုဲင်ꩻ။ 15ယောဟန်နဝ်ꩻ အီႏတန်မျတ် ထာဝရဘုရာꩻ ဆꩻငါသွူ။ ဝုဲင်တဲ့နဝ်ꩻ ဒဝ်တဲ့နဝ်ꩻ ဝွေꩻအီႏတအွꩻတဝ်း တစိꩻစိꩻသွူ။ တယ်ႏစွဉ်ႏ ဝွေꩻကလွူးလွဉ်ခါကာႏ ဝွေꩻနဝ်ꩻ အဝ်ႏဗွေစွဉ်ႏ ဝိညာဉ်ႏတောႏ ကြောင်းစင်နဝ်ꩻသွူ။ 16ဣသရေး လိုꩻအာဖုံႏနဝ်ꩻ ဝွေꩻအီႏဟဲ့ꩻသဲင်ꩻထေ့ချာ ထာဝရဘုရာꩻ ဝွေꩻသီး ဗွေႏဘုရာꩻထျꩻနဝ်ꩻသွူ။ 17#မိတ် ၄:၅၊ ၆။ ဝွေꩻအီႏလွေꩻငါရီး ထာဝရဘုရာꩻ ဆꩻငါတွော့ꩻ အာႏတလာ တန်ꩻခိုꩻအီႏတန်ငါႏ ဗွိုန်နုဲင်း ပရောဖဲစ် ဧလိယနဝ်ꩻသွူ။ ဝွေꩻအီႏဟဲ့ꩻ ဖါဖုံႏတွမ်ႏ ပိုဖုံႏ ဖေႏကစုဗူႏ ဖျင်ယင်းဝင်ꩻ တလဲင်ႏသွူ။ လိုꩻတလွောက်ꩻနာႏ တဝ်းသားဖုံႏ ဖေႏကလꩻယင်း ထာꩻသေတရာꩻစွဉ်ႏ ထာꩻစွို့ꩻစွဉ်ႏတရာꩻနဝ်ꩻ ဝွေꩻအီႏဟဲ့ꩻသဲင်ꩻချာ နဝ်ꩻသွူ။ ထာဝရဘုရာꩻ အတာႏနဝ်ꩻ ဝွေꩻအီႏဖျင်ရဲဉ်ꩻ သေꩻမꩻဖေႏ ဝွေꩻဗွေႏအလိုꩻဖုံႏ” နုဲင်းနဝ်ꩻသွူ။
18ဇာခရိဒေါ့ꩻဖေႏ မို့ꩻလောင်းတမန်ႏ၊ “မဉ်ႏထွာလွဉ်မွေး နုဲင်းယိုနဝ်ꩻ ခွေအီႏသေနွောင်ꩻ နုဲင်းမုဲင်ꩻဟောင်း။ ခွေနဝ်ꩻထွာ လိုꩻသက်တန်တဖြာꩻတဲင် ခွေမာနဝ်ꩻတဲ့ သက်တန်လဲဉ်းနေနေ” နုဲင်းနဝ်ꩻသွူ။
19 #
ဒံ ၈:၁၆၊ ၉:၂၁။ မို့ꩻလောင်းတမန်ႏ လဝ်းချာ၊ “ခွေနဝ်ꩻထွာ မို့ꩻလောင်းတမန်ႏ ဂါဗြေလ။ ခွေအဝ်ႏအုံထွိုင်ႏဗာႏ ဗွေႏဘုရာꩻ ဆꩻငါ ဖေႏနေး ကဒေါ့ꩻနယ်ဖေႏနာꩻ သꩻတင်ꩻဟဝ်ယိုဖုံႏနဝ်ꩻ အွဉ်ႏစွꩻလွဉ်ခွေနဝ်ꩻသွူ။ 20ကွဲႏတွော့ꩻ နာꩻယွုမ်းတဝ်း ခွေငဝ်းသတင်ꩻ၊ အချိန်ႏမဉ်ႏတွိုႏနဝ်ꩻ အီႏဗွေမဉ်ႏလွဉ်နဝ်ꩻသွူ။ ကွပ်ပွိုး နာꩻတယွုမ်းတဝ်း နဝ်ꩻမꩻ ဗꩻတွိုႏစွဉ်ႏ ခွေကအွဉ်ႏဂတိ ဗွေမဲဉ်ႏလွဉ်ꩻ အနီꩻနဝ်ꩻ နာꩻဒေါ့ꩻထာꩻ အီႏတလꩻတဝ်း၊ နာꩻအီႏအုံတေ့ꩻ သေႏသေႏဗာႏထာꩻ” နုဲင်းနဝ်ꩻသွူ။ 21အတွင်ꩻနဝ်ꩻ လိုꩻဖုံႏအဝ်ႏအုံပွေါး ဇာခရိတဲင် ပွိုးတမုဲင်ꩻ ဝွေꩻအဝ်ႏသော့ꩻညငါႏ ဗိမာန်ႏတောႏ ကျောင်ꩻကို နုဲင်းယိုနဝ်ꩻ အံႏဖြာႏငါႏဖုံႏသွူ။ 22ဝွေꩻထွိုင်ႏထန်ႏလွဉ်ချိန်ႏ ဝွေꩻဒေါ့ꩻဖေႏဝွေꩻသီး တမုဲင်ꩻမုဲင်ꩻတဲ့ တလꩻတဝ်းဒွုမ်နဝ်ꩻမꩻ ဝွေꩻထီႏဗာႏလဲဉ်း ရူႏပါႏရုံႏတစွိုး ဗိမာန်ႏတောႏ ကျောင်ꩻကိုနဝ်ꩻ ဝွေꩻသီး သေစွဉ်ႏနဝ်ꩻသွူ။ အီႏဒေါ့ꩻဖေႏငဝ်း တငွါငါတဲ့ လꩻဒွုမ်နဝ်ꩻမꩻ တွမ်ႏဝွေꩻစူ ဝွေꩻမာꩻနယ်ဗာႏနေး ဝွေꩻသီးနဝ်ꩻသွူ။
23ဝွေꩻတာႏဝွန်ႏထာꩻမာꩻ ဗိမာန်ႏတောႏကျောင်ꩻကို အချိန်ႏထွိုင်ႏလို့နဝ်ꩻ ဇာခရိသဲင်ꩻချာ အလမ်းသွူ။ 24ဆုဲင်ꩻအချိန်ႏ ထွိုင်ႏညပသာႏ ဝွေꩻမာ ဧလိသဗဲက်နဝ်ꩻ အဝ်ႏနမ်းလောင်းလွဉ်တဲင် ထန်ႏတဝ်းဒွုမ်လမ်း ငတ်ꩻလာလွုမ်းလွုမ်းနဝ်ꩻသွူ။ 25ဝွေꩻမူႏဒေါ့ꩻ၊ “ယိုခါ အဆုဲင်ꩻသွတ်ꩻ ထာဝရဘုရာꩻ စွဲကိုလဲဉ်းသွူ ခွေသွဉ်းမူႏ၊ ခွေသွဉ်းမူႏ တရေႏကလင်ꩻထိုꩻ လိုꩻအမျာꩻငါနဝ်ꩻ ဝွေꩻဗွေႏ ထူႏထိုꩻညာꩻဖေႏလဲဉ်း” နုဲင်းနဝ်ꩻသွူ။
ကေႏညာႏဗွေႏယေသျုအီႏလွူးဖွာꩻလွဉ်ခရာႏ
26ဧလိသဗဲက် အဝ်ႏနမ်းလောင်း လꩻသူလာကိုနဝ်ꩻ ဗွေႏဘုရာꩻ အွဉ်ႏစွꩻလွေꩻ အမို့ꩻလောင်းတမန်ႏ ဂါဗြေလ၊ ကာလိလဲခမ်းကို ဝေင်ꩻမဉ်ꩻ နာဇရဲစ်နဝ်ꩻသွူ။ 27#မ ၁:၁၈။ ဝွေꩻအဝ်ႏအီလွဉ်ပါ ငဝ်းသတင်ꩻတစွိုး မူႏနမ်ꩻယွဲတဖြာꩻ ကအွဉ်ႏဂတိခါꩻလဲဉ်း အီႏတောႏလမ်းစွဉ်ႏ ပါꩻခို အမဉ်ꩻယောသပ်၊ ကထွာ ခွန်တန်ဒါဝိဒ် အပိုလီꩻစွိုးခွိုꩻကို တဖြာꩻနဝ်ꩻသွူ။ ဝွေꩻမူႏမဉ်ꩻနဝ်ꩻ မာရိသွူ။ 28မို့ꩻလောင်းတမန်ႏနဝ်ꩻ လွဉ်ထေ့ ဝွေꩻမူႏထျꩻတဲင်ဒေါ့ꩻ၊ “ထာꩻငိမ်ꩻချမ်ꩻသာႏ ယံကအဝ်ႏငီꩻသွော့နာꩻ၊ ထာဝရဘုရာꩻနဝ်ꩻ အဝ်ႏငီꩻစွဉ်ႏနာꩻတဲင် ဖေႏမွေးနေးစွဉ်ႏနာꩻ မင်္ဂလာႏတန်မျတ်” နုဲင်းနဝ်ꩻသွူ။
29ကွပ်စွဉ်ႏ မို့ꩻလောင်းတမန်ႏ ငဝ်းသတင်ꩻနဝ်ꩻတွော့ꩻ မာရိ အဝ်ႏယူႏယော့ သꩻဒုက္ခမွေးစွဉ်ႏတဲင် ဝွေꩻငဝ်းဖုံႏ အဓိပ္ပါယ်ႏ တမုဲင်ꩻဟောင်းနဝ်ꩻ ဝွေꩻမူႏ အံႏဖြာႏငါႏသွူ။ 30မို့ꩻလောင်းတမန်ႏ ဒေါ့ꩻဖေႏဝွေꩻမူႏ၊ “မာရိ၊ တွမ်ႏငမ်းသꩻမွိုန်း။ နာꩻခံႏစာꩻဗာႏလဲဉ်း ဗွေႏဘုရာꩻ ကေꩻဇူꩻတောႏနဝ်ꩻသွူ။ 31#မ ၁:၂၁။ နာꩻအီႏတယ်ႏ သန္ဓေႏတဲင် အီႏလွူးလွဉ် ပိုခိုတဖြာꩻတွော့ꩻ နာꩻအီႏဖန်ဟဲ့ꩻဖေႏဗာႏ ဝွေꩻမဉ်ꩻ ယေသျုသွူ။ 32#၂သျာ ၇:၁၂၊ ၁၃၊ ၁၆၊ ဟေသျာ ၉:၇။ဝွေꩻနဝ်ꩻ အီႏတန်မျတ်တဲင် အီႏဟဲ့ꩻဗာႏ အထိုသွတ်ꩻ ဗွေႏဘုရာꩻ ပိုခိုနဝ်ꩻသွူ။ ထာဝရဘုရာꩻ ဗွေႏဘုရာꩻ နဝ်ꩻ အီႏခန်ꩻဝွေꩻ ခွန်တန်တပါꩻ နုဲင်းဝွေꩻဖါဖြား ဒါဝိဒ် ကထွာအတွိုင်ꩻတဲင်၊ 33ဝွေꩻနဝ်ꩻ အီႏထွာသေႏသေႏဗာႏ ယာကုပ် ပိုလီꩻစွိုးခွိုꩻ အခွန်တန်သွူ၊ ဝွေꩻအခမ်းထီ နဲင်ႏငံႏနဝ်ꩻ မုဲင်ꩻခါတဲ့ အီႏတသွတ်ꩻတဝ်း” နုဲင်းနဝ်ꩻသွူ။
34မာရိဒေါ့ꩻဖေႏ မို့ꩻလောင်းတမန်ႏ၊ “ခွေသွဉ်းမူႏနဝ်ꩻ ထွာမူႏနမ်စဲစ် တဖြာꩻ။ ပေါ့ꩻနုဲင်းနဝ်ꩻနဝ်ꩻ ထာꩻယိုအီႏထွာနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။။
35မို့ꩻလောင်းတမန်ႏလဝ်းချာ၊ “ကြောင်းစင်ဝိညာဉ်ႏတောႏ အီႏကျွꩻလွဉ် နာꩻအလောင်းတဲင် ဗွေႏဘုရာꩻ တန်ꩻခိုꩻနဝ်ꩻ အီႏအဝ်ႏတီႏ နာꩻလောင်းသွူ။ ပွိုးအကျောင်ꩻခရာႏ နုဲင်းယိုအတွက် လိုꩻပေႏကြောင်းစင်နဝ်ꩻ အီႏဟဲ့ꩻဗာႏ ဗွေႏဘုရာꩻ ပိုခိုတောႏနဝ်ꩻသွူ။ 36ယူႏလꩻချာသွော့ သီဖူးဝေး ဧလိသဗဲက်ဟုဲင်း။ ဝွေꩻမူႏနဝ်ꩻ တလꩻနွောင်ꩻတဝ်းပို ဒေါ့ꩻနုဲင်းနဝ်ꩻ၊ ကွဲႏတွော့ꩻ ဝွေꩻမူႏနမ်း လဲင်ꩻဖြားလဲဉ်းစွဉ်ႏတဲ့ ယိုခါ အဝ်ႏနမ်းလောင်း လꩻလဲဉ်း သူလာနဝ်ꩻသွူ။ 37#ကမ္ဘာႏ ၁၈:၁၄။ ဗွေႏဘုရာꩻ တမာꩻနွောင်ꩻတဝ်းနဝ်ꩻ တစွိုးငါတဲ့ အဲဉ်ထဝ်းသွူ။
38မာရိဒေါ့ꩻ၊ “ခွေသွဉ်းမူႏနဝ်ꩻထွာဒျာႏ ထာဝရဘုရာꩻ အသွဉ်းမူႏသွူ။ နုဲင်းနာꩻကဒေါ့ꩻဖေႏ ခွေသွဉ်းမူႏအတွိုင်ꩻ ယံဖေႏကထွာသွော့” နုဲင်းနဝ်ꩻတဲင် မို့ꩻလောင်းတမန်ႏ အဝ်ႏဝွေꩻမူႏထျꩻ ထန်ႏထိုꩻစွဉ်ႏနဝ်ꩻသွူ။
မာရိလွေꩻလယ်ႏဧလိသဗဲက်
39ဆုဲင်ꩻတညတဝ်း မာရိဖျင်ရဲဉ်ꩻတဲင် နဲစ်လွေꩻမွိုင်စွဉ်ႏ ယုဒခမ်း၊ ဝေင်ꩻတဖြုံႏ ကအဝ်ႏဒါႏ ကောင်ပူႏလောင်းနဝ်ꩻသွူ။ 40ဝွေꩻမူႏ နွို့လွေꩻသော့ꩻ သာခရိလမ်းကိုတဲင် နုတ်ဆက်စွဉ်ႏ ဧလိသဗဲက်နဝ်ꩻသွူ။ 41ဧလိသဗဲက် ထွိုင်ႏဟွိုန် မာရိ နုတ်ဆက်ငဝ်းချိန်ႏ၊ လိုꩻပေႏ ကအဝ်ႏသော့ꩻဒါႏ ဝွေꩻမူႏဟို့ꩻကိုနဝ်ꩻ ရုဲင်ꩻစွဉ်ႏထာꩻနဝ်ꩻသွူ။ ဝိညာဉ်ႏကြောင်းစင် အဝ်ႏဗွေသော့ꩻစွဉ်ႏ ဧလိသဗဲက်တဲင်၊ 42#ဟော်ꩻ ၁၃:၁၈။ ဒေါ့ꩻသင်ႏအငဝ်း၊ “နာꩻနဝ်ꩻ မင်္ဂလာႏအဝ်ႏကယ်ꩻက လိုꩻမူႏ ကားကအဝ်ႏတဲင် နာꩻကအီႏလွူးဒါႏ လိုꩻပေႏနဝ်ꩻ မင်္ဂလာႏအဝ်ႏငါႏ။ 43ခွေသွဉ်းမူႏ အဗွေႏမွိုးနဝ်ꩻ ကျွꩻလွဉ် မော့ꩻခွဲဗာႏတွိုႏ ခွေသွဉ်းမူႏထျꩻဟောင်း၊ ပွိုးတမုဲင်ꩻ ခွေသွဉ်းမူႏ စံႏစာꩻထွိုက်ဗာႏတွိုႏ ထာꩻကထွာလွဉ် တန်မျတ်ငါႏ နုဲင်းယိုဟောင်း။ 44ပေါႏသဲစ်ခွေသွဉ်းမူႏ ကဟွိုန် နာꩻနုတ်ဆက်ငဝ်းနဝ်ꩻ တလဲင်ႏချင်ꩻ လိုꩻပေႏ ကအဝ်ႏခွေဟို့ꩻကိုနဝ်ꩻ စွဉ်ႏထာꩻသꩻဟဝ်သꩻရေꩻ ပကျောက်ꩻစွဉ်ႏထာꩻနဝ်ꩻသွူ။။ 45နုဲင်းထာဝရဘုရာꩻ ငဝ်းသတင်ꩻ ကဖေႏဒါႏနာꩻ အီႏဗွေမဲဉ်ႏလွဉ်နဝ်ꩻ နာꩻယွုမ်းနဝ်ꩻမꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။
မာရိရွစ်အုပ်ꩻသချင်ꩻ
46 # ၁သျာ ၂:၁–၁၀။ မာရိဒေါ့ꩻ၊
“ခွေသꩻရာႏနဝ်ꩻ အုပ်ꩻထင်ႏ ထာဝရဘုရာꩻ၊
47ပွိုးတွော့ꩻဗွေႏဘုရာꩻ ကယ်ႏလဲဉ်းခွေနဝ်ꩻမꩻ ခွေသꩻဝိညာဉ်ႏ သွင်ႏငါႏ၊
48 # ၁သျာ ၁:၁၁။ ဝွေꩻဗွေႏနဝ်ꩻ ယူႏလꩻလဲဉ်း ခွေသွဉ်း ပွိုးခွေထွာ ဝွေꩻဗွေႏ အသွဉ်းမူႏ အဖွိုႏသွတ်ꩻနဝ်ꩻသွူ။
တယ်ႏစယိုခါ လိုꩻဖုံႏကားကအဝ်ႏ အီႏဟဲ့ꩻခွေသွဉ်း လိုꩻမူႏ မင်္ဂလာႏအဝ်ႏသွူ။
49ပွိုးအနန္တတန်ꩻခိုꩻ ဗွေႏဘုရာꩻနဝ်ꩻ မာꩻဖေႏလဲဉ်းသွူ ခွေသွဉ်းမူႏ အတန်မျတ်သွတ်ꩻ အတွက်၊
ဝွေꩻဗွေႏ အမဉ်ꩻနာႏမနဝ်ꩻ ကြောင်းစင်ငါႏသွူ။
50လိုꩻကရိုႏသေႏဒါႏ ဝွေꩻဗွေႏ အပိုလီꩻစွိုးခွိုꩻ တစိုးထွူတစိုးနဝ်ꩻ၊
ဝွေꩻဗွေႏအွဉ်ႏနယ် ကရုဏာႏ ထာꩻသꩻညင်ꩻနဝ်ꩻသွူ။
51ဝွေꩻဗွေႏ ယောင်းထန်ႏ ဝွေꩻဗွေႏ အနန္တတန်ꩻခိုꩻ စူတောႏတဲင်၊
လိုꩻမာန်ႏမာႏနတန်စွဉ်ႏ ဝွေꩻသီး အကျံႏဖုံႏ ကားကအဝ်ႏနဝ်ꩻ မာꩻလီလာထိုꩻသွူ။
52 # ယောဗ ၅:၁၁၊ ၁၂:၁၉။ အနန္တတန်ꩻခိုꩻ ခွန်တန်ဖုံႏ အဝ်ႏဝွေꩻသီး ပလ္လင်ႏဖုံႏလောင်းနဝ်ꩻ အွဉ်ႏချꩻလင်ꩻထိုꩻတဲင်၊
အဖွိုႏသွတ်ꩻသားနဝ်ꩻ ဒင်ႏထိုဖေႏနဝ်ꩻသွူ။
53လိုꩻအံႏမ ထာꩻအံႏသားဖုံႏနဝ်ꩻ ဝွေꩻဗွေႏ ဖေႏအံႏလဲဉ်း ထာꩻအံႏအွီႏဖုံႏတဲင်
လိုꩻခြွေဖုံႏနဝ်ꩻ အွဉ်ႏစွꩻလွေꩻခြေင် ထိုꩻစွဉ်ႏသွူ။
54ဂတိ ဝွေꩻဗွေႏ ကမာꩻလဲဉ်းဒါႏ နီမွိုးဖြား ဖါဖြားသီးနဝ်ꩻ ဝွေꩻဗွေႏ အွဉ်ႏတီႏတွော့ꩻ
ကျွꩻလွဉ်စွဲကို ဝွေꩻဗွေႏသွဉ်း ဣသရေး လိုꩻမျိုꩻဖုံႏနဝ်ꩻသွူ။
55 #
ကမ္ဘာႏ ၁၇:၇။ ကအီႏအွဉ်ႏနယ် ကရုဏာႏ ထာꩻသညင်ꩻ အဗြာဟံ၊
တွမ်ႏဝွေꩻအပိုလီꩻ စွိုးခွိုꩻဖုံႏ ကားကအဝ်ႏလောင်းနဝ်ꩻ ဝွေꩻဗွေႏအဝ်ႏယူႏလꩻ သေႏသေႏ” နုဲင်းနဝ်ꩻသွူ။
56မာရိအုံငီꩻစွဉ်ႏ ဧလိသဗဲက် သွံလာရပ်ထွူတဲင် သဲင်ꩻချာယင်း အလမ်းနဝ်ꩻသွူ။
ဗတ္တိဇံႏဆရာႏယောဟန်လွူးဖွါꩻလွဉ်
57ဧလိသဗဲက် လွူးဖွာꩻအပိုပေႏချိန်ႏ ထွိုင်ႏဖျော်လွဉ်နဝ်ꩻ ဝွေꩻမူႏလွူး ပိုခိုတဖြာꩻနဝ်ꩻသွူ။ 58ထာဝရဘုရာꩻ ကမာꩻဖေႏလဲဉ်း ဝွေꩻမူႏ ထာꩻဟဝ်မျတ် အံႏဖြာႏခရာႏနဝ်ꩻ ဝွေꩻမူႏ လမ်းသောင်လမ်းထျꩻစွဉ်ႏ အဖူးဝေးဖုံႏ ဟွိုန်တဲင် ဝွေꩻသီးကားကအဝ်ႏ သꩻဟဝ်သꩻရေꩻငီꩻစွဉ်ႏ ဝွေꩻမူႏနဝ်ꩻသွူ။
59 #
ဝိ ၁၂:၃။ လိုꩻပေႏသက်ထွိုင်ႏလꩻ တပတ်နဝ်ꩻ ဝွေꩻသီးလွဉ်တွော့ꩻ သွို့ꩻဖေႏ လိုꩻခိုအင်္ဂါႏနာပီ မင်္ဂလာႏတဲင် ဝွေꩻသီးဖန်ဖေႏအမဉ်ꩻ နုဲင်းဝွေꩻဖါမဉ်ꩻ ဇာခရိနဝ်ꩻသွူ။။ 60ကွဲႏတွော့ꩻ ဝွေꩻမွိုးဒေါ့ꩻ၊ မွေးတဝ်း၊ ဝွေꩻမဉ်ꩻနဝ်ꩻ ဟဲ့ꩻဗာႏဒျာႏ ယောဟန်” နုဲင်းနဝ်ꩻသွူ။
61ဝွေꩻသီးဒေါ့ꩻဖေႏ ဝွေꩻမူႏ၊ “ကွဲႏတွော့ꩻ မဉ်ꩻယိုနဝ်ꩻ နာꩻဖူးဝေးကို တဖြာꩻဖြာꩻတဲ့ အဲဉ်ထဝ်း” နုဲင်းနဝ်ꩻသွူ။ 62နဝ်ꩻထွူ အီႏဖေႏလိုꩻပေႏမဉ်ꩻ နုဲင်းမုဲင်ꩻနဝ်ꩻ ဝွေꩻသီးမာꩻနယ်ဖေႏ ဝွေꩻဖါ အမတ်လက္ခဏာႏ စွဉ်ႏစူ၊ ရီဝွေꩻနဝ်ꩻသွူ။
63ဇာခရိကွီ ကတဲမ်းလူးအီဒါႏ သင်ဖွန်ꩻတဗာႏတဲင် တဲမ်း၊ “ဝွေꩻမဉ်ꩻနဝ်ꩻ ထွာယောဟန်” နုဲင်းနဝ်ꩻနဝ်ꩻ ဝွေꩻသီး ကားကအဝ်ႏ အံႏဖြာႏငါႏသွူ။ 64အုံတဆင်ႏတွော့ꩻ ဇာခရိ ဒေါ့ꩻချာနွောင်ꩻ ဖျင်ယင်းထာꩻတဲင် ဝွေꩻအုပ်ꩻစစွဉ်ႏ ဗွေႏဘုရာꩻနဝ်ꩻသွူ။။ 65လိုꩻလမ်းသောင် လမ်းထျꩻဖုံႏ ကားကအဝ်ႏနဝ်ꩻ အဝ်ႏဗွေစွဉ်ႏ ထာꩻငမ်းသꩻတဲင် သတင်ꩻယိုခရာႏနဝ်ꩻ စွစ်ꩻစဲစ်လီစွဉ်ႏ ယုဒခမ်းကောင် ကားကအဝ်ႏနဝ်ꩻသွူ။ 66လိုꩻကဟွိုန်နဝ်ꩻ ခရာႏသား စွုမ်ႏဖြာꩻနဝ်ꩻ ယူႏစဉ်ꩻစာꩻတဲင်ရီ၊ “ပါꩻပေႏယို အီႏထွာလွဉ် နုဲင်းမုဲင်ꩻဟောင်း” နုဲင်းနဝ်ꩻတဲင် ပွိုးထာဝရဘုရာꩻ အတန်ꩻခိုꩻနဝ်ꩻ အဝ်ႏဝွေꩻအလောင်းနဝ်ꩻသွူ။
သာခရိဟော်ꩻငါရီးဖေႏ
67ယောဟန်ဖါ ဇာခရိနဝ်ꩻ အဝ်ႏဗွေတွမ်ႏ ကြောင်းစင် ဝိညာဉ်ႏတောႏတဲင် ဝွေꩻဒေါ့ꩻ ဗွေႏဘုရာꩻ ငဝ်းသတင်ꩻနဝ်ꩻ၊
68“နီအုပ်ꩻထင်ႏတွမ် ထာဝရဘုရာꩻ ဣသရေး ဗွေႏဘုရာꩻ၊
ကအီႏစွဲကို ဝွေꩻဗွေႏ လိုꩻဖုံႏတွော့ꩻ ကအီႏအွဉ်ႏစွꩻလွစ်ဖေႏ ဝွေꩻသီးနဝ်ꩻ ဝွေꩻဗွေႏ အဝ်ႏကျွꩻလွဉ်နဝ်ꩻသွူ။။
69နီတာႏ အနန္တတန်ꩻခိုꩻ ထာꩻကယ်ꩻတင်ႏ တစွိုးနဝ်ꩻ ဝွေꩻဗွေႏ အဝ်ႏဖျင်ရဲဉ်ꩻဖေႏ၊
ဝွေꩻဗွေႏအသွဉ်း ဒါဝိဒ်ပိုလီꩻစွိုးခွိုꩻကို တဖြာꩻနဝ်ꩻသွူ။။
70စွဉ်ႏဝွေꩻဗွေႏ ပရောဖဲစ် ကြောင်းစင်ဖုံႏစခါနဝ်ꩻ ဝွေꩻဗွေႏ အွဉ်ႏဂတိ သစ္စာႏခါꩻလဲဉ်းသွူ၊
71အဝ်ႏနီရန်ႏသူႏဖုံႏ စူကို အဝ်ႏလိုꩻ ကလွꩻထီႏဒါႏနီ ကားကအဝ်ႏ တန်ꩻခိုꩻစူကိုနဝ်ꩻ၊
ဝွေꩻဗွေႏ အီႏကယ်ႏနီသွူ။
72ဝွေꩻဗွေႏမိန်း ဝွေꩻဗွေႏ အီႏအွဉ်ႏနယ် ကရုဏာႏ ထာꩻသညင်ꩻ နီမွိုးဖြား ဖါဖြားသီးလောင်းတဲင်၊
ဝွေꩻဗွေႏ အီႏယူႏလꩻချာယင်း ပဋိညာဉ်ႏ ကြောင်းစင်နဝ်ꩻသွူ။
73-74အဝ်ႏနီရန်ႏသူႏဖုံႏ စူကို ကအီႏကယ်ႏနီနဝ်ꩻ ဝွေꩻဗွေႏ အွဉ်ႏဂတိတဲင်၊
ထာꩻငမ်း ဖေႏကအဝ်ႏမွိုန်းတွော့ꩻ ဖေႏနီအခွင်ꩻ ဖေႏကမာꩻ ဝွေꩻဗွေႏ အမုထာꩻမာꩻနဝ်ꩻ၊
တွိုင်ႏတယ်ႏ ကဉ်ႏစာႏဖေႏနေး နီဖါဖြား အဗြာဟံ၊
75နဝ်ꩻမꩻ နီဘဝတစိုးလွုမ်း အီႏကြောင်းစင်တဲင် ၊
စွို့ꩻစွဉ်ႏလွဉ်ဗာႏ ဝွေꩻဗွေႏ ဆꩻငါနဝ်ꩻသွူ။
76 #
မိတ် ၃:၁။ “ခွေပို၊ နာꩻနဝ်ꩻ အီႏဟဲ့ꩻဗာႏ အထိုသွတ်ꩻ ဗွေႏဘုရာꩻ ပရောဖဲစ်တပါꩻသွူ။
ကအီႏဖျင်ရဲဉ်ꩻဖေႏ ဝွေꩻဗွေႏတာႏ တဖူꩻနဝ်ꩻ၊
နာꩻအီႏလွေꩻငါရီးဗာႏ ဗွေႏဘုရာꩻ၊
77စွဉ်ႏအီႏအွဉ်ႏစွꩻလွစ်ဖေႏ ဝွေꩻသီး အပဲစ်ဖုံႏတွော့ꩻ ဝွေꩻသီးအီႏလꩻ ထာꩻကယ်ႏတင်ႏကျောင်ꩻနဝ်ꩻ
အီႏဒေါ့ꩻနယ်ဖေႏဗာႏ ဝွေꩻဗွေႏ လိုꩻဖုံႏနဝ်ꩻသွူ။
78နီဗွေႏဘုရာꩻနဝ်ꩻ အဝ်ႏဗွေစွဉ်ႏ ကရုဏာႏတွမ်ႏ ထာꩻသညင်ꩻသွူ။
ထာꩻကယ်ႏတင်ႏ အရောင်ႏ အီႏတောင်ႏလေလင်ꩻ နီလောင်းတဲင်
79 # ဟေသျာ ၉:၂။ လိုꩻကအဝ်ႏအုံသော့ꩻ ထာꩻသီခွန်အဟေ့ꩻ ခေ့ꩻကရစ်ꩻကို ကားကအဝ်ႏ အလောင်းနဝ်ꩻ အဝ်ႏခမ်းထီ မို့ꩻလောင်းကီ အရောင်ႏ အီႏတောင်ႏဖေႏတဲင်
အီႏအွဉ်လွေꩻသော့ꩻဖေႏနီ ထာꩻငိမ်ꩻချမ်ꩻသာႏ တဖူꩻကို” နုဲင်းနဝ်ꩻသွူ။
80လိုꩻပေႏနဝ်ꩻ တန်လွဉ်တဲင် နမ်းခန္ဓာႏစွဉ်ႏ သꩻဝိညာဉ်ႏအာႏ တလာလွဉ်နဝ်ꩻသွူ။ ဗꩻတွိုႏစွဉ်ႏအနီꩻ ကပေါႏနယ်ထင်ႏသျာꩻ ဣသရေး လိုꩻမျိုꩻဖုံႏ အမျာꩻငါနဝ်ꩻ ဝွေꩻအုံသော့ꩻဒျာႏ ကန္တာရတခြာကို နဝ်ꩻသွူ။
ទើបបានជ្រើសរើសហើយ៖
လုကာ 1: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 1
1
1ဖေႏထေ့လွေꩻ ကရက်ငါႏ တော်ဖိလုထျꩻ၊
ထာꩻကထွာလွဉ်ဒါႏ နီအခါႏနဝ်ꩻ လိုꩻအာဖုံႏ ဝွေꩻသီးတဲမ်း အဟဝ်သွတ်ꩻတွော့ꩻ အွဉ်ႏဟွိုန်ဖေႏလဲဉ်းနဝ်ꩻသွူ။ 2နီကအဝ်ႏဒေါ့ꩻနယ်လဲဉ်းဒါႏ ကထီႏဗာႏ ထာꩻယိုဖုံႏနဝ်ꩻ တယ်ႏထာꩻကထွာလွဉ် ခရာႏဖုံႏတွမ်ႏ ကဟော်ꩻကေႏညာႏဒါႏ သတင်ꩻတရာꩻ ခရာႏဖုံႏနဝ်ꩻ ဝွေꩻသီး တဲမ်းလဲဉ်း နုဲင်းနဝ်ꩻသွူ။ 3နဝ်ꩻမꩻ ဖြားတန် ပွိုးတွော့ꩻ ကိစ္စယိုဖုံႏ ကားကအဝ်ႏနဝ်ꩻ တယ်ႏကထွာလွဉ် အစကာႏ ခွေသွဉ်းအွဉ်ႏသတိ သွဉ်ထူႏ ထွား ဟဝ်မွေးလဲဉ်းသွူ နဝ်ꩻမꩻ မဉ်ႏတဲမ်းဖေႏ ဖြားတန်တာႏ လိတ်တစောင်ႏနဝ်ꩻ အီႏဟဝ် ခွေသွဉ်းထင်း နုဲင်းနဝ်ꩻသွူ။ 4ဖေႏနေး ဖြားတန် ကသေလို့ဗာႏ ထာꩻအမဲဉ်ႏခရာႏ ကားကအဝ်ႏ ဖေႏနေးဖြားတန် ကသေစွုံႏလင်ႏဗာႏ တွက်တာႏ ခွေသွဉ်းစုရွမ် တဲမ်းဗာႏ ကျမ်ꩻယိုနဝ်ꩻသွူ။
ဒေါ့ꩻကေႏညာႏဖေႏဗတ္တိဇံႏဆရာႏယောဟန်အီႏလွူးဖွာꩻလွဉ်
5 # ၁ရာႏချုပ် ၂၄:၁၀။ ခွန်တန်ဟေရုဒ် အဝ်ႏထွာ ယုဒခမ်း ခွန်တန်ချိန်ႏ နဝ်ꩻကိုနဝ်ꩻ ယဇ်ပရောဟိတ်တဖြာꩻ အမဉ်ꩻဇာခရိ၊ ကဆဲင်ႏဒါတွမ်ႏ ယဇ်ပရောဟိတ် အဘိယ စွိုꩻနဝ်ꩻ အဝ်ႏသွူ။ ဝွေꩻအမာမဉ်ꩻနဝ်ꩻ ဧလိသဗဲက်သွူ။ ဝွေꩻမူႏနဝ်ꩻတဲ့ ဆဲင်ႏဒျာႏ ယဇ်ပရောဟိတ် တမွိုးဖါပိုစွိုꩻကို တဖြာꩻနဝ်ꩻသွူ။ 6ဗွေႏဘုရာꩻဆꩻငါ ဝွေꩻသီးဝင်ꩻနီလွုမ်း ဘဝနဝ်ꩻ အဝ်ႏမာꩻဒျာႏ ထာꩻဟဝ်မျတ်တဲင် လွောက်ꩻနာႏဗွေလို့ဒျာႏ ထာဝရဘုရာꩻ ပညတ်ကျမ်ꩻစွဉ်ႏ အမိန်းဖုံႏနဝ်ꩻသွူ။ 7ဝွေꩻသီးနဝ်ꩻ ပိုအဲဉ်ထဝ်း ပွိုးတွော့ꩻ ဧလိသဗဲက်နဝ်ꩻ ထွာလိုꩻမူႏဒုဲင်နဝ်ꩻမꩻ လꩻနွောင်ꩻတဝ်းပိုတဲင် ဝွေꩻမူႏစွဉ်ႏ ဇာခရိဝင်ꩻနီနဝ်ꩻ သက်တန်ငါႏလွဉ်ꩻလဲဉ်း နဝ်ꩻသွူ။
8တနီꩻသား ဇာခရိ ကအဝ်ႏမာꩻဒါႏ ထာꩻမာꩻ အလဲ့တွိုႏနဝ်ꩻမꩻ ဝွေꩻအဝ်ႏမာꩻ ယဇ်ပရောဟိတ် ထာꩻမာꩻ ဗိမာန်ႏတောႏ ကျောင်ꩻကိုချိန်ႏ တာႏဝွန်ႏပူႏဇောႏဗာႏ ယဇ်နဝ်ꩻသွူ။ 9နုဲင်းယဇ်ပရောဟိတ်ဖုံႏ ထွုံꩻစံႏ ကအဝ်ႏအတွိုင်ꩻ ဝွေꩻတနꩻမဲနဝ်ꩻမꩻ အီႏလဲ့ꩻပူႏဇောႏဖေႏဗာႏ နံꩻသာႏဟွမ် ဘုရာꩻခြေင်ႏလောင်းသွူ။ နဝ်ꩻမꩻ ဝွေꩻနွို့လွေꩻသော့ꩻ ထာဝရဘုရာꩻ ဗိမာန်ႏတောႏ ကျောင်ꩻကို နဝ်ꩻသွူ။ 10ကအဝ်ႏလဲ့ꩻ နံꩻသာႏဟွမ်ချိန်ႏနဝ်ꩻ လိုꩻစွိုꩻဖုံႏ အဝ်ႏဆုတောင်ꩻဘုရာꩻ ကောင်းထန်ႏဖဲ့ꩻနဝ်ꩻသွူ၊
11ထာဝရဘုရာꩻ မို့ꩻလောင်းတမန်ႏတပါꩻ ပေါႏလွဉ် ဝွေꩻထျꩻ အုံထွိုင်ႏစွဉ်ႏထာꩻ ဝွေꩻကအဝ်ႏလဲ့ꩻဒါႏ နံꩻသာႏဟွမ်ခင်ႏလမ်း ယဇ်ပလ္လင်ႏ အထွေဖဲ့ꩻနဝ်ꩻသွူ။ 12ဇာခရိထွိုင်ႏထီႏ ဝွေꩻချိန်ႏ ဝွေꩻအံႏဖြာႏငါႏတဲင် ငမ်းသꩻစွဉ်ႏနဝ်ꩻသွူ။ 13ကွဲႏတွော့ꩻ မို့ꩻလောင်းတမန်ႏ ဒေါ့ꩻဖေႏဝွေꩻ၊ “ဇာခရိ တွမ်ႏငမ်းသꩻမွိုန်း။ ဗွေႏဘုရာꩻဟွိုန်လဲဉ်း နာꩻဆုတောင်ꩻငဝ်း နဝ်ꩻမꩻ နာꩻမာ ဧလိသဗဲက်နဝ်ꩻ အီႏလွူးဖေႏနာꩻ ပိုခိုတဖြာꩻသွူ။ နာꩻအီႏဖန်ဖေႏဗာႏ ဝွေꩻမဉ်ꩻ ယောဟန်သွူ။ 14ဝွေꩻထွိုင်ႏလွူးလွဉ်ချိန်ႏ နာꩻအီႏသꩻဟဝ် သꩻရေꩻဗာႏငါႏ ခွိုင်းကားမုဲင်ꩻ လိုꩻလင်ဖုံႏအာငါႏ အီႏပျောႏဗာႏထာꩻ ခွိုင်းကားမုဲင်ꩻ။ 15ယောဟန်နဝ်ꩻ အီႏတန်မျတ် ထာဝရဘုရာꩻ ဆꩻငါသွူ။ ဝုဲင်တဲ့နဝ်ꩻ ဒဝ်တဲ့နဝ်ꩻ ဝွေꩻအီႏတအွꩻတဝ်း တစိꩻစိꩻသွူ။ တယ်ႏစွဉ်ႏ ဝွေꩻကလွူးလွဉ်ခါကာႏ ဝွေꩻနဝ်ꩻ အဝ်ႏဗွေစွဉ်ႏ ဝိညာဉ်ႏတောႏ ကြောင်းစင်နဝ်ꩻသွူ။ 16ဣသရေး လိုꩻအာဖုံႏနဝ်ꩻ ဝွေꩻအီႏဟဲ့ꩻသဲင်ꩻထေ့ချာ ထာဝရဘုရာꩻ ဝွေꩻသီး ဗွေႏဘုရာꩻထျꩻနဝ်ꩻသွူ။ 17#မိတ် ၄:၅၊ ၆။ ဝွေꩻအီႏလွေꩻငါရီး ထာဝရဘုရာꩻ ဆꩻငါတွော့ꩻ အာႏတလာ တန်ꩻခိုꩻအီႏတန်ငါႏ ဗွိုန်နုဲင်း ပရောဖဲစ် ဧလိယနဝ်ꩻသွူ။ ဝွေꩻအီႏဟဲ့ꩻ ဖါဖုံႏတွမ်ႏ ပိုဖုံႏ ဖေႏကစုဗူႏ ဖျင်ယင်းဝင်ꩻ တလဲင်ႏသွူ။ လိုꩻတလွောက်ꩻနာႏ တဝ်းသားဖုံႏ ဖေႏကလꩻယင်း ထာꩻသေတရာꩻစွဉ်ႏ ထာꩻစွို့ꩻစွဉ်ႏတရာꩻနဝ်ꩻ ဝွေꩻအီႏဟဲ့ꩻသဲင်ꩻချာ နဝ်ꩻသွူ။ ထာဝရဘုရာꩻ အတာႏနဝ်ꩻ ဝွေꩻအီႏဖျင်ရဲဉ်ꩻ သေꩻမꩻဖေႏ ဝွေꩻဗွေႏအလိုꩻဖုံႏ” နုဲင်းနဝ်ꩻသွူ။
18ဇာခရိဒေါ့ꩻဖေႏ မို့ꩻလောင်းတမန်ႏ၊ “မဉ်ႏထွာလွဉ်မွေး နုဲင်းယိုနဝ်ꩻ ခွေအီႏသေနွောင်ꩻ နုဲင်းမုဲင်ꩻဟောင်း။ ခွေနဝ်ꩻထွာ လိုꩻသက်တန်တဖြာꩻတဲင် ခွေမာနဝ်ꩻတဲ့ သက်တန်လဲဉ်းနေနေ” နုဲင်းနဝ်ꩻသွူ။
19 #
ဒံ ၈:၁၆၊ ၉:၂၁။ မို့ꩻလောင်းတမန်ႏ လဝ်းချာ၊ “ခွေနဝ်ꩻထွာ မို့ꩻလောင်းတမန်ႏ ဂါဗြေလ။ ခွေအဝ်ႏအုံထွိုင်ႏဗာႏ ဗွေႏဘုရာꩻ ဆꩻငါ ဖေႏနေး ကဒေါ့ꩻနယ်ဖေႏနာꩻ သꩻတင်ꩻဟဝ်ယိုဖုံႏနဝ်ꩻ အွဉ်ႏစွꩻလွဉ်ခွေနဝ်ꩻသွူ။ 20ကွဲႏတွော့ꩻ နာꩻယွုမ်းတဝ်း ခွေငဝ်းသတင်ꩻ၊ အချိန်ႏမဉ်ႏတွိုႏနဝ်ꩻ အီႏဗွေမဉ်ႏလွဉ်နဝ်ꩻသွူ။ ကွပ်ပွိုး နာꩻတယွုမ်းတဝ်း နဝ်ꩻမꩻ ဗꩻတွိုႏစွဉ်ႏ ခွေကအွဉ်ႏဂတိ ဗွေမဲဉ်ႏလွဉ်ꩻ အနီꩻနဝ်ꩻ နာꩻဒေါ့ꩻထာꩻ အီႏတလꩻတဝ်း၊ နာꩻအီႏအုံတေ့ꩻ သေႏသေႏဗာႏထာꩻ” နုဲင်းနဝ်ꩻသွူ။ 21အတွင်ꩻနဝ်ꩻ လိုꩻဖုံႏအဝ်ႏအုံပွေါး ဇာခရိတဲင် ပွိုးတမုဲင်ꩻ ဝွေꩻအဝ်ႏသော့ꩻညငါႏ ဗိမာန်ႏတောႏ ကျောင်ꩻကို နုဲင်းယိုနဝ်ꩻ အံႏဖြာႏငါႏဖုံႏသွူ။ 22ဝွေꩻထွိုင်ႏထန်ႏလွဉ်ချိန်ႏ ဝွေꩻဒေါ့ꩻဖေႏဝွေꩻသီး တမုဲင်ꩻမုဲင်ꩻတဲ့ တလꩻတဝ်းဒွုမ်နဝ်ꩻမꩻ ဝွေꩻထီႏဗာႏလဲဉ်း ရူႏပါႏရုံႏတစွိုး ဗိမာန်ႏတောႏ ကျောင်ꩻကိုနဝ်ꩻ ဝွေꩻသီး သေစွဉ်ႏနဝ်ꩻသွူ။ အီႏဒေါ့ꩻဖေႏငဝ်း တငွါငါတဲ့ လꩻဒွုမ်နဝ်ꩻမꩻ တွမ်ႏဝွေꩻစူ ဝွေꩻမာꩻနယ်ဗာႏနေး ဝွေꩻသီးနဝ်ꩻသွူ။
23ဝွေꩻတာႏဝွန်ႏထာꩻမာꩻ ဗိမာန်ႏတောႏကျောင်ꩻကို အချိန်ႏထွိုင်ႏလို့နဝ်ꩻ ဇာခရိသဲင်ꩻချာ အလမ်းသွူ။ 24ဆုဲင်ꩻအချိန်ႏ ထွိုင်ႏညပသာႏ ဝွေꩻမာ ဧလိသဗဲက်နဝ်ꩻ အဝ်ႏနမ်းလောင်းလွဉ်တဲင် ထန်ႏတဝ်းဒွုမ်လမ်း ငတ်ꩻလာလွုမ်းလွုမ်းနဝ်ꩻသွူ။ 25ဝွေꩻမူႏဒေါ့ꩻ၊ “ယိုခါ အဆုဲင်ꩻသွတ်ꩻ ထာဝရဘုရာꩻ စွဲကိုလဲဉ်းသွူ ခွေသွဉ်းမူႏ၊ ခွေသွဉ်းမူႏ တရေႏကလင်ꩻထိုꩻ လိုꩻအမျာꩻငါနဝ်ꩻ ဝွေꩻဗွေႏ ထူႏထိုꩻညာꩻဖေႏလဲဉ်း” နုဲင်းနဝ်ꩻသွူ။
ကေႏညာႏဗွေႏယေသျုအီႏလွူးဖွာꩻလွဉ်ခရာႏ
26ဧလိသဗဲက် အဝ်ႏနမ်းလောင်း လꩻသူလာကိုနဝ်ꩻ ဗွေႏဘုရာꩻ အွဉ်ႏစွꩻလွေꩻ အမို့ꩻလောင်းတမန်ႏ ဂါဗြေလ၊ ကာလိလဲခမ်းကို ဝေင်ꩻမဉ်ꩻ နာဇရဲစ်နဝ်ꩻသွူ။ 27#မ ၁:၁၈။ ဝွေꩻအဝ်ႏအီလွဉ်ပါ ငဝ်းသတင်ꩻတစွိုး မူႏနမ်ꩻယွဲတဖြာꩻ ကအွဉ်ႏဂတိခါꩻလဲဉ်း အီႏတောႏလမ်းစွဉ်ႏ ပါꩻခို အမဉ်ꩻယောသပ်၊ ကထွာ ခွန်တန်ဒါဝိဒ် အပိုလီꩻစွိုးခွိုꩻကို တဖြာꩻနဝ်ꩻသွူ။ ဝွေꩻမူႏမဉ်ꩻနဝ်ꩻ မာရိသွူ။ 28မို့ꩻလောင်းတမန်ႏနဝ်ꩻ လွဉ်ထေ့ ဝွေꩻမူႏထျꩻတဲင်ဒေါ့ꩻ၊ “ထာꩻငိမ်ꩻချမ်ꩻသာႏ ယံကအဝ်ႏငီꩻသွော့နာꩻ၊ ထာဝရဘုရာꩻနဝ်ꩻ အဝ်ႏငီꩻစွဉ်ႏနာꩻတဲင် ဖေႏမွေးနေးစွဉ်ႏနာꩻ မင်္ဂလာႏတန်မျတ်” နုဲင်းနဝ်ꩻသွူ။
29ကွပ်စွဉ်ႏ မို့ꩻလောင်းတမန်ႏ ငဝ်းသတင်ꩻနဝ်ꩻတွော့ꩻ မာရိ အဝ်ႏယူႏယော့ သꩻဒုက္ခမွေးစွဉ်ႏတဲင် ဝွေꩻငဝ်းဖုံႏ အဓိပ္ပါယ်ႏ တမုဲင်ꩻဟောင်းနဝ်ꩻ ဝွေꩻမူႏ အံႏဖြာႏငါႏသွူ။ 30မို့ꩻလောင်းတမန်ႏ ဒေါ့ꩻဖေႏဝွေꩻမူႏ၊ “မာရိ၊ တွမ်ႏငမ်းသꩻမွိုန်း။ နာꩻခံႏစာꩻဗာႏလဲဉ်း ဗွေႏဘုရာꩻ ကေꩻဇူꩻတောႏနဝ်ꩻသွူ။ 31#မ ၁:၂၁။ နာꩻအီႏတယ်ႏ သန္ဓေႏတဲင် အီႏလွူးလွဉ် ပိုခိုတဖြာꩻတွော့ꩻ နာꩻအီႏဖန်ဟဲ့ꩻဖေႏဗာႏ ဝွေꩻမဉ်ꩻ ယေသျုသွူ။ 32#၂သျာ ၇:၁၂၊ ၁၃၊ ၁၆၊ ဟေသျာ ၉:၇။ဝွေꩻနဝ်ꩻ အီႏတန်မျတ်တဲင် အီႏဟဲ့ꩻဗာႏ အထိုသွတ်ꩻ ဗွေႏဘုရာꩻ ပိုခိုနဝ်ꩻသွူ။ ထာဝရဘုရာꩻ ဗွေႏဘုရာꩻ နဝ်ꩻ အီႏခန်ꩻဝွေꩻ ခွန်တန်တပါꩻ နုဲင်းဝွေꩻဖါဖြား ဒါဝိဒ် ကထွာအတွိုင်ꩻတဲင်၊ 33ဝွေꩻနဝ်ꩻ အီႏထွာသေႏသေႏဗာႏ ယာကုပ် ပိုလီꩻစွိုးခွိုꩻ အခွန်တန်သွူ၊ ဝွေꩻအခမ်းထီ နဲင်ႏငံႏနဝ်ꩻ မုဲင်ꩻခါတဲ့ အီႏတသွတ်ꩻတဝ်း” နုဲင်းနဝ်ꩻသွူ။
34မာရိဒေါ့ꩻဖေႏ မို့ꩻလောင်းတမန်ႏ၊ “ခွေသွဉ်းမူႏနဝ်ꩻ ထွာမူႏနမ်စဲစ် တဖြာꩻ။ ပေါ့ꩻနုဲင်းနဝ်ꩻနဝ်ꩻ ထာꩻယိုအီႏထွာနွောင်ꩻ နုဲင်းမုဲင်ꩻဟောင်း” နုဲင်းနဝ်ꩻသွူ။။
35မို့ꩻလောင်းတမန်ႏလဝ်းချာ၊ “ကြောင်းစင်ဝိညာဉ်ႏတောႏ အီႏကျွꩻလွဉ် နာꩻအလောင်းတဲင် ဗွေႏဘုရာꩻ တန်ꩻခိုꩻနဝ်ꩻ အီႏအဝ်ႏတီႏ နာꩻလောင်းသွူ။ ပွိုးအကျောင်ꩻခရာႏ နုဲင်းယိုအတွက် လိုꩻပေႏကြောင်းစင်နဝ်ꩻ အီႏဟဲ့ꩻဗာႏ ဗွေႏဘုရာꩻ ပိုခိုတောႏနဝ်ꩻသွူ။ 36ယူႏလꩻချာသွော့ သီဖူးဝေး ဧလိသဗဲက်ဟုဲင်း။ ဝွေꩻမူႏနဝ်ꩻ တလꩻနွောင်ꩻတဝ်းပို ဒေါ့ꩻနုဲင်းနဝ်ꩻ၊ ကွဲႏတွော့ꩻ ဝွေꩻမူႏနမ်း လဲင်ꩻဖြားလဲဉ်းစွဉ်ႏတဲ့ ယိုခါ အဝ်ႏနမ်းလောင်း လꩻလဲဉ်း သူလာနဝ်ꩻသွူ။ 37#ကမ္ဘာႏ ၁၈:၁၄။ ဗွေႏဘုရာꩻ တမာꩻနွောင်ꩻတဝ်းနဝ်ꩻ တစွိုးငါတဲ့ အဲဉ်ထဝ်းသွူ။
38မာရိဒေါ့ꩻ၊ “ခွေသွဉ်းမူႏနဝ်ꩻထွာဒျာႏ ထာဝရဘုရာꩻ အသွဉ်းမူႏသွူ။ နုဲင်းနာꩻကဒေါ့ꩻဖေႏ ခွေသွဉ်းမူႏအတွိုင်ꩻ ယံဖေႏကထွာသွော့” နုဲင်းနဝ်ꩻတဲင် မို့ꩻလောင်းတမန်ႏ အဝ်ႏဝွေꩻမူႏထျꩻ ထန်ႏထိုꩻစွဉ်ႏနဝ်ꩻသွူ။
မာရိလွေꩻလယ်ႏဧလိသဗဲက်
39ဆုဲင်ꩻတညတဝ်း မာရိဖျင်ရဲဉ်ꩻတဲင် နဲစ်လွေꩻမွိုင်စွဉ်ႏ ယုဒခမ်း၊ ဝေင်ꩻတဖြုံႏ ကအဝ်ႏဒါႏ ကောင်ပူႏလောင်းနဝ်ꩻသွူ။ 40ဝွေꩻမူႏ နွို့လွေꩻသော့ꩻ သာခရိလမ်းကိုတဲင် နုတ်ဆက်စွဉ်ႏ ဧလိသဗဲက်နဝ်ꩻသွူ။ 41ဧလိသဗဲက် ထွိုင်ႏဟွိုန် မာရိ နုတ်ဆက်ငဝ်းချိန်ႏ၊ လိုꩻပေႏ ကအဝ်ႏသော့ꩻဒါႏ ဝွေꩻမူႏဟို့ꩻကိုနဝ်ꩻ ရုဲင်ꩻစွဉ်ႏထာꩻနဝ်ꩻသွူ။ ဝိညာဉ်ႏကြောင်းစင် အဝ်ႏဗွေသော့ꩻစွဉ်ႏ ဧလိသဗဲက်တဲင်၊ 42#ဟော်ꩻ ၁၃:၁၈။ ဒေါ့ꩻသင်ႏအငဝ်း၊ “နာꩻနဝ်ꩻ မင်္ဂလာႏအဝ်ႏကယ်ꩻက လိုꩻမူႏ ကားကအဝ်ႏတဲင် နာꩻကအီႏလွူးဒါႏ လိုꩻပေႏနဝ်ꩻ မင်္ဂလာႏအဝ်ႏငါႏ။ 43ခွေသွဉ်းမူႏ အဗွေႏမွိုးနဝ်ꩻ ကျွꩻလွဉ် မော့ꩻခွဲဗာႏတွိုႏ ခွေသွဉ်းမူႏထျꩻဟောင်း၊ ပွိုးတမုဲင်ꩻ ခွေသွဉ်းမူႏ စံႏစာꩻထွိုက်ဗာႏတွိုႏ ထာꩻကထွာလွဉ် တန်မျတ်ငါႏ နုဲင်းယိုဟောင်း။ 44ပေါႏသဲစ်ခွေသွဉ်းမူႏ ကဟွိုန် နာꩻနုတ်ဆက်ငဝ်းနဝ်ꩻ တလဲင်ႏချင်ꩻ လိုꩻပေႏ ကအဝ်ႏခွေဟို့ꩻကိုနဝ်ꩻ စွဉ်ႏထာꩻသꩻဟဝ်သꩻရေꩻ ပကျောက်ꩻစွဉ်ႏထာꩻနဝ်ꩻသွူ။။ 45နုဲင်းထာဝရဘုရာꩻ ငဝ်းသတင်ꩻ ကဖေႏဒါႏနာꩻ အီႏဗွေမဲဉ်ႏလွဉ်နဝ်ꩻ နာꩻယွုမ်းနဝ်ꩻမꩻ မင်္ဂလာႏအဝ်ႏငါႏ ခွိုင်းကားမုဲင်ꩻ။
မာရိရွစ်အုပ်ꩻသချင်ꩻ
46 # ၁သျာ ၂:၁–၁၀။ မာရိဒေါ့ꩻ၊
“ခွေသꩻရာႏနဝ်ꩻ အုပ်ꩻထင်ႏ ထာဝရဘုရာꩻ၊
47ပွိုးတွော့ꩻဗွေႏဘုရာꩻ ကယ်ႏလဲဉ်းခွေနဝ်ꩻမꩻ ခွေသꩻဝိညာဉ်ႏ သွင်ႏငါႏ၊
48 # ၁သျာ ၁:၁၁။ ဝွေꩻဗွေႏနဝ်ꩻ ယူႏလꩻလဲဉ်း ခွေသွဉ်း ပွိုးခွေထွာ ဝွေꩻဗွေႏ အသွဉ်းမူႏ အဖွိုႏသွတ်ꩻနဝ်ꩻသွူ။
တယ်ႏစယိုခါ လိုꩻဖုံႏကားကအဝ်ႏ အီႏဟဲ့ꩻခွေသွဉ်း လိုꩻမူႏ မင်္ဂလာႏအဝ်ႏသွူ။
49ပွိုးအနန္တတန်ꩻခိုꩻ ဗွေႏဘုရာꩻနဝ်ꩻ မာꩻဖေႏလဲဉ်းသွူ ခွေသွဉ်းမူႏ အတန်မျတ်သွတ်ꩻ အတွက်၊
ဝွေꩻဗွေႏ အမဉ်ꩻနာႏမနဝ်ꩻ ကြောင်းစင်ငါႏသွူ။
50လိုꩻကရိုႏသေႏဒါႏ ဝွေꩻဗွေႏ အပိုလီꩻစွိုးခွိုꩻ တစိုးထွူတစိုးနဝ်ꩻ၊
ဝွေꩻဗွေႏအွဉ်ႏနယ် ကရုဏာႏ ထာꩻသꩻညင်ꩻနဝ်ꩻသွူ။
51ဝွေꩻဗွေႏ ယောင်းထန်ႏ ဝွေꩻဗွေႏ အနန္တတန်ꩻခိုꩻ စူတောႏတဲင်၊
လိုꩻမာန်ႏမာႏနတန်စွဉ်ႏ ဝွေꩻသီး အကျံႏဖုံႏ ကားကအဝ်ႏနဝ်ꩻ မာꩻလီလာထိုꩻသွူ။
52 # ယောဗ ၅:၁၁၊ ၁၂:၁၉။ အနန္တတန်ꩻခိုꩻ ခွန်တန်ဖုံႏ အဝ်ႏဝွေꩻသီး ပလ္လင်ႏဖုံႏလောင်းနဝ်ꩻ အွဉ်ႏချꩻလင်ꩻထိုꩻတဲင်၊
အဖွိုႏသွတ်ꩻသားနဝ်ꩻ ဒင်ႏထိုဖေႏနဝ်ꩻသွူ။
53လိုꩻအံႏမ ထာꩻအံႏသားဖုံႏနဝ်ꩻ ဝွေꩻဗွေႏ ဖေႏအံႏလဲဉ်း ထာꩻအံႏအွီႏဖုံႏတဲင်
လိုꩻခြွေဖုံႏနဝ်ꩻ အွဉ်ႏစွꩻလွေꩻခြေင် ထိုꩻစွဉ်ႏသွူ။
54ဂတိ ဝွေꩻဗွေႏ ကမာꩻလဲဉ်းဒါႏ နီမွိုးဖြား ဖါဖြားသီးနဝ်ꩻ ဝွေꩻဗွေႏ အွဉ်ႏတီႏတွော့ꩻ
ကျွꩻလွဉ်စွဲကို ဝွေꩻဗွေႏသွဉ်း ဣသရေး လိုꩻမျိုꩻဖုံႏနဝ်ꩻသွူ။
55 #
ကမ္ဘာႏ ၁၇:၇။ ကအီႏအွဉ်ႏနယ် ကရုဏာႏ ထာꩻသညင်ꩻ အဗြာဟံ၊
တွမ်ႏဝွေꩻအပိုလီꩻ စွိုးခွိုꩻဖုံႏ ကားကအဝ်ႏလောင်းနဝ်ꩻ ဝွေꩻဗွေႏအဝ်ႏယူႏလꩻ သေႏသေႏ” နုဲင်းနဝ်ꩻသွူ။
56မာရိအုံငီꩻစွဉ်ႏ ဧလိသဗဲက် သွံလာရပ်ထွူတဲင် သဲင်ꩻချာယင်း အလမ်းနဝ်ꩻသွူ။
ဗတ္တိဇံႏဆရာႏယောဟန်လွူးဖွါꩻလွဉ်
57ဧလိသဗဲက် လွူးဖွာꩻအပိုပေႏချိန်ႏ ထွိုင်ႏဖျော်လွဉ်နဝ်ꩻ ဝွေꩻမူႏလွူး ပိုခိုတဖြာꩻနဝ်ꩻသွူ။ 58ထာဝရဘုရာꩻ ကမာꩻဖေႏလဲဉ်း ဝွေꩻမူႏ ထာꩻဟဝ်မျတ် အံႏဖြာႏခရာႏနဝ်ꩻ ဝွေꩻမူႏ လမ်းသောင်လမ်းထျꩻစွဉ်ႏ အဖူးဝေးဖုံႏ ဟွိုန်တဲင် ဝွေꩻသီးကားကအဝ်ႏ သꩻဟဝ်သꩻရေꩻငီꩻစွဉ်ႏ ဝွေꩻမူႏနဝ်ꩻသွူ။
59 #
ဝိ ၁၂:၃။ လိုꩻပေႏသက်ထွိုင်ႏလꩻ တပတ်နဝ်ꩻ ဝွေꩻသီးလွဉ်တွော့ꩻ သွို့ꩻဖေႏ လိုꩻခိုအင်္ဂါႏနာပီ မင်္ဂလာႏတဲင် ဝွေꩻသီးဖန်ဖေႏအမဉ်ꩻ နုဲင်းဝွေꩻဖါမဉ်ꩻ ဇာခရိနဝ်ꩻသွူ။။ 60ကွဲႏတွော့ꩻ ဝွေꩻမွိုးဒေါ့ꩻ၊ မွေးတဝ်း၊ ဝွေꩻမဉ်ꩻနဝ်ꩻ ဟဲ့ꩻဗာႏဒျာႏ ယောဟန်” နုဲင်းနဝ်ꩻသွူ။
61ဝွေꩻသီးဒေါ့ꩻဖေႏ ဝွေꩻမူႏ၊ “ကွဲႏတွော့ꩻ မဉ်ꩻယိုနဝ်ꩻ နာꩻဖူးဝေးကို တဖြာꩻဖြာꩻတဲ့ အဲဉ်ထဝ်း” နုဲင်းနဝ်ꩻသွူ။ 62နဝ်ꩻထွူ အီႏဖေႏလိုꩻပေႏမဉ်ꩻ နုဲင်းမုဲင်ꩻနဝ်ꩻ ဝွေꩻသီးမာꩻနယ်ဖေႏ ဝွေꩻဖါ အမတ်လက္ခဏာႏ စွဉ်ႏစူ၊ ရီဝွေꩻနဝ်ꩻသွူ။
63ဇာခရိကွီ ကတဲမ်းလူးအီဒါႏ သင်ဖွန်ꩻတဗာႏတဲင် တဲမ်း၊ “ဝွေꩻမဉ်ꩻနဝ်ꩻ ထွာယောဟန်” နုဲင်းနဝ်ꩻနဝ်ꩻ ဝွေꩻသီး ကားကအဝ်ႏ အံႏဖြာႏငါႏသွူ။ 64အုံတဆင်ႏတွော့ꩻ ဇာခရိ ဒေါ့ꩻချာနွောင်ꩻ ဖျင်ယင်းထာꩻတဲင် ဝွေꩻအုပ်ꩻစစွဉ်ႏ ဗွေႏဘုရာꩻနဝ်ꩻသွူ။။ 65လိုꩻလမ်းသောင် လမ်းထျꩻဖုံႏ ကားကအဝ်ႏနဝ်ꩻ အဝ်ႏဗွေစွဉ်ႏ ထာꩻငမ်းသꩻတဲင် သတင်ꩻယိုခရာႏနဝ်ꩻ စွစ်ꩻစဲစ်လီစွဉ်ႏ ယုဒခမ်းကောင် ကားကအဝ်ႏနဝ်ꩻသွူ။ 66လိုꩻကဟွိုန်နဝ်ꩻ ခရာႏသား စွုမ်ႏဖြာꩻနဝ်ꩻ ယူႏစဉ်ꩻစာꩻတဲင်ရီ၊ “ပါꩻပေႏယို အီႏထွာလွဉ် နုဲင်းမုဲင်ꩻဟောင်း” နုဲင်းနဝ်ꩻတဲင် ပွိုးထာဝရဘုရာꩻ အတန်ꩻခိုꩻနဝ်ꩻ အဝ်ႏဝွေꩻအလောင်းနဝ်ꩻသွူ။
သာခရိဟော်ꩻငါရီးဖေႏ
67ယောဟန်ဖါ ဇာခရိနဝ်ꩻ အဝ်ႏဗွေတွမ်ႏ ကြောင်းစင် ဝိညာဉ်ႏတောႏတဲင် ဝွေꩻဒေါ့ꩻ ဗွေႏဘုရာꩻ ငဝ်းသတင်ꩻနဝ်ꩻ၊
68“နီအုပ်ꩻထင်ႏတွမ် ထာဝရဘုရာꩻ ဣသရေး ဗွေႏဘုရာꩻ၊
ကအီႏစွဲကို ဝွေꩻဗွေႏ လိုꩻဖုံႏတွော့ꩻ ကအီႏအွဉ်ႏစွꩻလွစ်ဖေႏ ဝွေꩻသီးနဝ်ꩻ ဝွေꩻဗွေႏ အဝ်ႏကျွꩻလွဉ်နဝ်ꩻသွူ။။
69နီတာႏ အနန္တတန်ꩻခိုꩻ ထာꩻကယ်ꩻတင်ႏ တစွိုးနဝ်ꩻ ဝွေꩻဗွေႏ အဝ်ႏဖျင်ရဲဉ်ꩻဖေႏ၊
ဝွေꩻဗွေႏအသွဉ်း ဒါဝိဒ်ပိုလီꩻစွိုးခွိုꩻကို တဖြာꩻနဝ်ꩻသွူ။။
70စွဉ်ႏဝွေꩻဗွေႏ ပရောဖဲစ် ကြောင်းစင်ဖုံႏစခါနဝ်ꩻ ဝွေꩻဗွေႏ အွဉ်ႏဂတိ သစ္စာႏခါꩻလဲဉ်းသွူ၊
71အဝ်ႏနီရန်ႏသူႏဖုံႏ စူကို အဝ်ႏလိုꩻ ကလွꩻထီႏဒါႏနီ ကားကအဝ်ႏ တန်ꩻခိုꩻစူကိုနဝ်ꩻ၊
ဝွေꩻဗွေႏ အီႏကယ်ႏနီသွူ။
72ဝွေꩻဗွေႏမိန်း ဝွေꩻဗွေႏ အီႏအွဉ်ႏနယ် ကရုဏာႏ ထာꩻသညင်ꩻ နီမွိုးဖြား ဖါဖြားသီးလောင်းတဲင်၊
ဝွေꩻဗွေႏ အီႏယူႏလꩻချာယင်း ပဋိညာဉ်ႏ ကြောင်းစင်နဝ်ꩻသွူ။
73-74အဝ်ႏနီရန်ႏသူႏဖုံႏ စူကို ကအီႏကယ်ႏနီနဝ်ꩻ ဝွေꩻဗွေႏ အွဉ်ႏဂတိတဲင်၊
ထာꩻငမ်း ဖေႏကအဝ်ႏမွိုန်းတွော့ꩻ ဖေႏနီအခွင်ꩻ ဖေႏကမာꩻ ဝွေꩻဗွေႏ အမုထာꩻမာꩻနဝ်ꩻ၊
တွိုင်ႏတယ်ႏ ကဉ်ႏစာႏဖေႏနေး နီဖါဖြား အဗြာဟံ၊
75နဝ်ꩻမꩻ နီဘဝတစိုးလွုမ်း အီႏကြောင်းစင်တဲင် ၊
စွို့ꩻစွဉ်ႏလွဉ်ဗာႏ ဝွေꩻဗွေႏ ဆꩻငါနဝ်ꩻသွူ။
76 #
မိတ် ၃:၁။ “ခွေပို၊ နာꩻနဝ်ꩻ အီႏဟဲ့ꩻဗာႏ အထိုသွတ်ꩻ ဗွေႏဘုရာꩻ ပရောဖဲစ်တပါꩻသွူ။
ကအီႏဖျင်ရဲဉ်ꩻဖေႏ ဝွေꩻဗွေႏတာႏ တဖူꩻနဝ်ꩻ၊
နာꩻအီႏလွေꩻငါရီးဗာႏ ဗွေႏဘုရာꩻ၊
77စွဉ်ႏအီႏအွဉ်ႏစွꩻလွစ်ဖေႏ ဝွေꩻသီး အပဲစ်ဖုံႏတွော့ꩻ ဝွေꩻသီးအီႏလꩻ ထာꩻကယ်ႏတင်ႏကျောင်ꩻနဝ်ꩻ
အီႏဒေါ့ꩻနယ်ဖေႏဗာႏ ဝွေꩻဗွေႏ လိုꩻဖုံႏနဝ်ꩻသွူ။
78နီဗွေႏဘုရာꩻနဝ်ꩻ အဝ်ႏဗွေစွဉ်ႏ ကရုဏာႏတွမ်ႏ ထာꩻသညင်ꩻသွူ။
ထာꩻကယ်ႏတင်ႏ အရောင်ႏ အီႏတောင်ႏလေလင်ꩻ နီလောင်းတဲင်
79 # ဟေသျာ ၉:၂။ လိုꩻကအဝ်ႏအုံသော့ꩻ ထာꩻသီခွန်အဟေ့ꩻ ခေ့ꩻကရစ်ꩻကို ကားကအဝ်ႏ အလောင်းနဝ်ꩻ အဝ်ႏခမ်းထီ မို့ꩻလောင်းကီ အရောင်ႏ အီႏတောင်ႏဖေႏတဲင်
အီႏအွဉ်လွေꩻသော့ꩻဖေႏနီ ထာꩻငိမ်ꩻချမ်ꩻသာႏ တဖူꩻကို” နုဲင်းနဝ်ꩻသွူ။
80လိုꩻပေႏနဝ်ꩻ တန်လွဉ်တဲင် နမ်းခန္ဓာႏစွဉ်ႏ သꩻဝိညာဉ်ႏအာႏ တလာလွဉ်နဝ်ꩻသွူ။ ဗꩻတွိုႏစွဉ်ႏအနီꩻ ကပေါႏနယ်ထင်ႏသျာꩻ ဣသရေး လိုꩻမျိုꩻဖုံႏ အမျာꩻငါနဝ်ꩻ ဝွေꩻအုံသော့ꩻဒျာႏ ကန္တာရတခြာကို နဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.