ယောဟန် 5
5
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာထီကန်ႏထျꩻ
1ယိုထွူ ဘာႏသာႏရေꩻပွယ်ꩻတာႏ ဗွေႏယေသျုလွေꩻ ဝေင်ꩻယေရုသလမ်ႏနဝ်ꩻသွူ။ 2ထွိုင်ႏဖျော်လွဉ်ဗော့ꩻ ဝေင်ꩻယေရုသလမ်ႏကို သွိုꩻတခါꩻတန်ထျꩻ နဝ်ꩻကိုနဝ်ꩻ ထီကန်ႏအဝ်ႏတဖြုံႏ၊ ထီကန်ႏနဝ်ꩻ မုခ်ငွါအဝ်ႏငတ်ꩻငွါ၊ ထီကန်ႏနဝ်ꩻ ဟေဗြဲငဝ်းဟဲ့ꩻ ဗေသေသဒနဝ်ꩻသွူ။ 3လိုꩻဆာဖုံႏ ကထွာ လိုꩻမဲ့ခေ့ꩻဖုံႏ၊ လိုꩻခင်ႏသီတွမ်ႏ လိုꩻဆာ သီတခဝ်သားဖုံႏ အဝ်ႏဗေင်ႏတလွာꩻထာꩻ ထီကန်ႏ မုခ်ငွါလောင်းဖုံႏနဝ်ꩻ အာငါႏသွူ။ 4ဝွေꩻသီးနဝ်ꩻ အဝ်ႏအုံပွေါးထီတသွိုး၊ ကွပ်ပွိုး ဗွေႏဘုရာꩻ အမို့ꩻလောင်းတမန်ႏ ကျွꩻလင်ꩻလွဉ် ထီကန်ႏကိုတဲင် မာꩻတသွိုးထီသွူ။ ပုဂ္ဂိုလ်ႏ အရီးသွတ်ꩻ ကနွို့သွော့လ ထီကန်ႏကိုသားနဝ်ꩻ ဝွေꩻထာꩻဆာရောႏဂါႏ အမျိုꩻမုဲင်ꩻ မဉ်ႏအဝ်ႏတဲ့ ထီတသွိုးနဝ်ꩻ မာꩻဟဝ်ရေꩻဖေႏ ထာꩻဆာနဝ်ꩻသွူ။ 5နဝ်ꩻကိုနဝ်ꩻ လိုꩻခိုတဖြာꩻ ဆာထာꩻ လꩻလဲဉ်း သွံဆီသွစ်ꩻနေင်ႏ အဝ်ႏသွူ။ 6ဗွေႏယေသျုထီႏဝွေꩻ အဝ်ႏဗေင်ႏတလွာꩻထာꩻ နဝ်ꩻကိုတဲင် ပါꩻခိုနဝ်ꩻ ဆာထာꩻ ညငါႏလဲဉ်းကျောင်ꩻ ဝွေꩻဗွေႏအဝ်ႏသေသွူ။ နဝ်ꩻမꩻ ဝွေꩻဗွေႏရီဝွေꩻ၊ “နာꩻမဉ်ဟဝ်နေဟောင်း” နုဲင်းနဝ်ꩻသွူ။
7ပါꩻဆာနဝ်ꩻ လဝ်းချာ၊ “ဗွေႏ၊ ထီကတသွိုးချိန်ႏ ယိုကို ပါꩻကအီႏအွဉ်ႏသော့ꩻခွေ ထီကန်ႏကိုနဝ်ꩻ တဖြာꩻဖြာꩻ အဲဉ်ထဝ်းသွူ။ ခွေအဝ်ႏကျိုꩻစာꩻ အီႏနွို့သော့ꩻတွင်ꩻ ပါꩻလင်တဖြာꩻဖြာꩻနဝ်ꩻ တကတ်ꩻရီးထိုꩻဒျာႏခွေ” နုဲင်းနဝ်ꩻသွူ။
8ဗွေႏယေသျု ဒေါ့ꩻဖေႏဝွေꩻ၊ “ထွိုင်ႏတဲင် တွမ်ထူႏ နာꩻခြောဝ်ႏဒါတွော့ꩻ ထောင်လွေꩻဟုဲင်း” နုဲင်းနဝ်ꩻသွူ။ 9တလဲင်ႏချင်ꩻ ပါꩻခိုနဝ်ꩻ ဟဝ်ရေꩻ ထွိုင်ႏလꩻစွဉ်ႏတွော့ꩻ ဝွေꩻတွမ်ထူႏ ဝွေꩻခြောဝ်ႏဒါတဲင် ထောင်လွေꩻစစွဉ်ႏထာꩻသွူ။
အနီꩻယိုနဝ်ꩻထွာ ဥပုသ်မွူးနီꩻ တနီꩻသွူ။ 10#နေ ၁၃:၁၉၊ ယေ ၁၇:၂၁။နဝ်ꩻမꩻ ဂျူးအာႏဏာႏပဲင်ႏသားဖုံႏ ဒေါ့ꩻဖေႏပါꩻခို ကဟဝ်ရေꩻလဲဉ်းနဝ်ꩻ တဲင်ရိုꩻ၊ “ဟန်ႏနီꩻနဝ်ꩻထွာ ဥပုသ်မွူးနီꩻတဲင် နာꩻကတောလွေꩻ နာꩻခြောဝ်ႏဒါနဝ်ꩻ လွိုလွဉ်ꩻလဲဉ်း နီပညတ်တရာꩻ” နုဲင်းနဝ်ꩻသွူ။
11ဝွေꩻလဝ်းချာ၊ “ဖေႏကတွမ်ထူႏ ခွေခြောဝ်ႏဒါတွော့ꩻ ဖေႏကထောင်လွေꩻ ပါꩻခို ကမာꩻဟဝ် ဖေႏခွေနဝ်ꩻ ဒေါ့ꩻဖေႏဒျာႏခွေ” နုဲင်းနဝ်ꩻသွူ။
12ဝွေꩻသီးရီဝွေꩻ၊ “ဖေႏကမာꩻနုဲင်းယို ပါꩻခို ကဒေါ့ꩻဖေႏနာꩻနဝ်ꩻ ပါꩻမုဲင်ꩻဟောင်း” နုဲင်းနဝ်ꩻသွူ။
13ကွဲႏတွော့ꩻ ပါꩻခို ကမာꩻဟဝ်ရေꩻလဲဉ်းနဝ်ꩻ ထွာဗွေႏယေသျုကျောင်ꩻ ပါꩻခိုနဝ်ꩻ တသေတဝ်း၊ ပွိုးခင်ႏလမ်း နဝ်ꩻကိုနဝ်ꩻ လိုꩻတစွိုꩻ အဝ်ႏသော့ꩻတဲင် ဗွေႏယေသျု ထန်ႏလွေꩻညာꩻတေ့ꩻ ထိုꩻလဲဉ်းနဝ်ꩻသွူ။
14နဝ်ꩻထွူ ဗွေႏယေသျု ထီႏယင်းဝွေꩻ ဗိမာန်ႏတောႏ ကျောင်ꩻကိုတဲင်ဒေါ့ꩻ၊ “နာႏသွော့၊ ယိုခါ နာꩻဟဝ်ရေꩻလဲဉ်း။ နဝ်ꩻမꩻ တွမ်ႏမာꩻထဲင်းမွိုန်းဒွုမ် အပဲစ်ဟုဲင်း၊ မဉ်ႏတမွေးတဝ်း နာꩻကယိန်း ထွာဟုဲင်းဒါႏ တစွိုးစွိုး” နုဲင်းနဝ်ꩻသွူ။
15နဝ်ꩻထွူ ပါꩻခိုထန်ႏလွေꩻတဲင် ပါꩻကမာꩻဟဝ် ဖေႏဒါႏဝွေꩻနဝ်ꩻထွာ ဗွေႏယေသျုကျောင်ꩻ ဒေါ့ꩻနယ်ဖေႏစွဉ်ႏ ဂျူးအာႏဏာႏပဲင်ႏသားဖုံႏသွူ။ 16ကွပ်ပွိုး ဝွေꩻဗွေႏ ကမာꩻဟဝ်ရေꩻ ဖေႏဒါႏနဝ်ꩻ ထွာဥပုသ်မွူးနီꩻကို နဝ်ꩻမꩻ ဝွေꩻသီး အီႏနစ်စက်စသွူ ဗွေႏသျုသွူ။ 17ဗွေႏယေသျု လဝ်းချာ ဝွေꩻသီး၊ “ခွေဖါတောႏနဝ်ꩻ အဝ်ႏမာꩻသေႏသေႏ ထာꩻမာꩻတဲင် ခွေတဲ့ မာꩻဗာႏဒျာႏရင်ꩻ” နုဲင်းနဝ်ꩻသွူ။
18ထာꩻဒေါ့ꩻနုဲင်းယိုနဝ်ꩻ ဝွေꩻဗွေႏ ယားကုဲင်ထိုꩻ ဥပုသ်မွူးနီꩻ ပညတ်လွုမ်ꩻ တကာႏတဝ်း ဗွေႏဘုရာꩻနဝ်ꩻထွာ ဝွေꩻဗွေႏအဖါရင်ꩻ ဝွေꩻဒေါ့ꩻနုဲင်းနဝ်ꩻတဲင် စွဉ်ႏအနယ်ꩻယို အနမ်းနဝ်ꩻ အွဉ်ႏတတွာစွဉ်ႏ ဗွေႏဘုရာꩻအတွက် ဖေႏကမာꩻသီထိုꩻ ဝွေꩻဗွေႏနဝ်ꩻ ကယိန်းတမာꩻ ဖေႏအာႏစွဉ်ႏ ဂျူးအာႏဏာႏပဲင်ႏသားဖုံႏသွူ။
ပိုခိုတောႏအခွင်ꩻအာႏဏာႏ
19နဝ်ꩻမꩻ ဗွေႏယေသျု လဝ်းချာဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ၊ ပိုခိုတောႏ နမ်းရင်ꩻဒျာႏနဝ်ꩻ ဝွေꩻတမာꩻနွောင်ꩻတဝ်း တမုဲင်ꩻမုဲင်ꩻသွူ။ ဝွေꩻမာꩻဒျာႏ နုဲင်းဝွေꩻကထီႏဗာႏ ဝွေꩻဖါတောႏ ကအဝ်ႏမာꩻဒါႏ အတွိုင်ꩻလွုမ်ꩻသွူ။ နုဲင်းဖါတောႏ ကအဝ်ႏမာꩻနဝ်ꩻ ပိုခိုတောႏတဲ့ မာꩻသွူ။ 20ပွိုးဖါတောႏနဝ်ꩻ ရက်ပိုခိုတောႏတဲင် ဖါတောႏနမ်း ကအဝ်ႏမာꩻဒါႏ ကားကအဝ်ႏနဝ်ꩻ အွဉ်ႏနယ်လို့ ပိုခိုတောႏသွူ။ ဖေႏကမာꩻ တန်လွိုကယ်ꩻကယိုတဲ့ ဖါတောႏ အီႏအွဉ်ႏနယ် ပိုခိုတောႏတဲင် သီကားကအဝ်ႏ အီႏအံႏဖြာႏဗာႏသွူ။ 21အဝ်ႏထာꩻသီကို နုဲင်းဖါတောႏ ကမာꩻထွိုင်ႏမွန်ချာတွော့ꩻ ကဖေႏဝွေꩻသီး အသက်အတွိုင်ꩻ ဗွိုန်နုဲင်းနဝ်ꩻနေနေ ပိုခိုတောႏ ကမဉ်ဖေႏဒါႏ လိုꩻဖုံႏနဝ်ꩻတဲ့ ပိုခိုတောႏအီႏဖေႏ အသက်မွန်သွူ။ 22ဖါတောႏနမ်းရင်ꩻနဝ်ꩻ တစီႏရင်ႏတဝ်း ပါꩻတဖြာꩻဖြာꩻသွူ။ စီႏရင်ႏခွင်ꩻနဝ်ꩻ ဖါတောႏအပ်ဖေႏလို့လဲဉ်း ဝွေꩻပိုခိုတောႏသွူ။ 23နုဲင်းဝွေꩻသီး ကရိုႏသေႏဒါႏ ဖါတောႏအတွိုင်ꩻ လိုꩻဖုံႏကားကအဝ်ႏနဝ်ꩻ အီႏရိုႏသေႏဗာႏ ပိုခိုတောႏသွူ။ ပါꩻမုဲင်ꩻ တရိုႏသေႏတဝ်း ပိုခိုတောႏနဝ်ꩻ အတရိုႏသေႏတဝ်း ဖါတောႏ ကအွဉ်ႏစွꩻလွဉ် ဝွေꩻဗွေႏနဝ်ꩻသွူ။ 24“ခွေဒေါ့ꩻဖေႏသီ အမွေးအမဲဉ်ႏ။ လိုꩻကဟွိုန် ခွေငဝ်းတဲင် ကယွုမ်းအံႏဒါႏဗွေႏ အွဉ်ႏစွꩻလွဉ် ခွေနဝ်ꩻ လꩻထာဝရ အသက်နဝ်ꩻသွူ။ ဝွေꩻသီးနဝ်ꩻ အီႏတခံႏဗာႏတဝ်း ထာꩻစီႏရင်ႏ၊ ကွဲႏတွော့ꩻ အဝ်ႏထာꩻသီနဝ်ꩻ ဖျင်ရဲဉ်ꩻသေꩻမꩻ ကာႏလွေꩻဗာႏ အသက်မွန်ကိုသွူ။ 25ခွေဒေါ့ꩻဖေႏသီ အမွေးအမဲဉ်ႏ၊ လိုꩻသီ အီႏဟွိုန်ဗွေႏဘုရာꩻ ပိုခိုတောႏငဝ်းချိန်ႏ အီႏတွိုႏဖျော်လွဉ်၊ အချိန်ႏနဝ်ꩻ အဝ်ႏဖျော်လွဉ်လဲဉ်း။ လိုꩻကဟွိုန်သားဖုံႏနဝ်ꩻ အီႏထွိုင်ႏမွန်လွဉ်ချာသွူ။ 26နုဲင်းဖါတောႏနမ်းရင်ꩻ ကဖေႏနွောင်ꩻ အသက်အတွိုင်ꩻ ဗွိုန်နုဲင်းနဝ်ꩻနေနေ ဝွေꩻဗွေႏပိုခိုတောႏ ဖေႏကဖေႏနွောင်ꩻ အသက်နဝ်ꩻ ဖါတောႏ အပ်ဖေႏလဲဉ်း ပိုခိုတောႏသွူ။ 27ပွိုးတွော့ꩻ ဝွေꩻဗွေႏနဝ်ꩻထွာ လိုꩻပိုခိုအတွက် ဖါတောႏနဝ်ꩻ ဖေႏလဲဉ်းပိုခို ထာꩻစီႏရင်ႏခွင်ꩻသွူ။ 28ကထွာနုဲင်းယိုနဝ်ꩻ တွမ်ႏအံႏဖြာႏမွိုန်း။ လိုꩻသီကားကအဝ်ႏ အီႏဟွိုန်ဝွေꩻဗွေႏငဝ်း အချိန်ႏ အီႏတွိုႏဖျော်လွဉ်တဲင် 29#ဒံ ၁၂:၂။ အဝ်ႏဝွေꩻသီး သဲင်ႏခဲင်ꩻအောင်နဝ်ꩻ အီႏထန်ႏလွဉ်သွူ။ လိုꩻကမာꩻ ထာꩻဟဝ်သားဖုံႏနဝ်ꩻ အီႏထွိုင်ႏမွန်လွဉ်တဲင် အီႏလꩻ အသက်မွန်တွော့ꩻ လိုꩻကမာꩻဒါႏ ထာꩻကုဲင်သားဖုံႏနဝ်ꩻ အီႏထွိုင်ႏမွန်တဲင် အီႏခံႏဗာႏ အပဲစ်တံႏ ထာꩻစီႏရင်ႏသွူ။
ဗွေႏယေသျုတာႏသက်သေႏခံႏသားဖုံႏ
30“တွမ်ႏခွေနမ်း အာႏဏာႏဒျာႏနဝ်ꩻ ခွေတမာꩻနွောင်ꩻတဝ်း တစွိုးစွိုး၊ ခွေစီႏရင်ႏဒျာႏ နုဲင်းဗွေႏဘုရာꩻ ကဒေါ့ꩻနယ် ခွေအတွိုင်ꩻလွုမ်ꩻသွူ၊ နဝ်ꩻမꩻ နုဲင်းခွေကမဉ်မာꩻနဝ်ꩻ ခွေတကျိုꩻစာꩻတဝ်း၊ ခွေမာꩻဒျာႏ ဗွေႏကအွဉ်ႏစွꩻ လွဉ်ဒါႏခွေ အလိုႏတောႏလွုမ်ꩻ နဝ်ꩻမꩻ ခွေထာꩻစီႏရင်ႏချက်နဝ်ꩻ ထွာအမဲဉ်ႏသွူ။
31“ခွေမဉ်ႏခံႏချာဒျာႏ ခွေနမ်းရင်ꩻ သက်သေႏနဝ်ꩻ ခွေကရိုꩻဒါႏနဝ်ꩻ အီႏတလက္ခံႏနွောင်ꩻတဝ်း နုဲင်းသက်သေႏ အမဲဉ်ႏသွူ။ 32ကွဲႏတွော့ꩻ နဝ်ꩻကိုနဝ်ꩻ ပါꩻလင်တဖြာꩻ ခံႏဖေႏခွေနမ်းရင်ꩻ သက်သေႏတဲင် နုဲင်းဝွေꩻကဒေါ့ꩻဒါႏ ခွေခရာႏနဝ်ꩻ ထွာအမဲဉ်ႏကျောင်ꩻ ခွေအဝ်ႏသေသွူ။ 33#ယော ၁:၁၉–၂၇၊ ၃:၂၇–၃၀။ သီကအွဉ်ႏစွꩻလွေꩻဒါႏ သီသတင်ꩻဖေႏသား ပါꩻအဖြာꩻနဝ်ꩻထျꩻနဝ်ꩻ ထွာယောဟန်တဲင် ဝွေꩻဒေါ့ꩻဒျာႏ အမဉ်ႏတရာꩻတာႏသွူ။ 34ခွေခရာႏ လိုꩻတဖြာꩻခံႏဖေႏ သက်သေႏနဝ်ꩻ ခွေတလိုႏတဝ်းသွူ။ ယံဖေႏ သီကလꩻ ထာꩻကယ်ႏတင်ႏနဝ်ꩻ ခွေဒေါ့ꩻဗာႏ နုဲင်းယိုလွုမ်ꩻသွူ။ 35ယောဟန်နဝ်ꩻထွာဒျာႏ နုဲင်းမေႏတေန်ꩻ ကအဝ်ႏတဲစ်ꩻနဝ်ꩻတဲင် အရောင်ႏတင်ႏတွော့ꩻ သီအဝ်ႏမဉ်ပျောႏငီꩻဒျာႏ ဝွေꩻထာꩻလေကို တဆင်ႏလွုမ်ꩻသွူ။ 36ကွဲႏတွော့ꩻ တန်ကယ်ꩻလဲဉ်းက ယောဟန်တဲင် ကခံႏဖေႏသက်သေႏနဝ်ꩻ ခွေနမ်းတင်တာႏ သက်သေႏခံႏ အဝ်ႏတဖြာꩻသွူ။ နုဲင်းခွေကမာꩻနဝ်ꩻ ထွာဒျာႏ ခွေဖါတောႏ ထွဉ်ႏမာꩻခွေဒျာႏသွူ၊ ထာꩻဒေါ့ꩻယိုဖုံႏနဝ်ꩻထွာ ခွေနမ်းတင်နဝ်ꩻမꩻ ဖါတောႏ အွဉ်ႏစွꩻလွဉ်လဲဉ်းခွေကျောင်ꩻ အဝ်ႏဖေါႏနယ်ဖေႏနဝ်ꩻသွူ။ 37#မ ၃:၁၇၊ မာ ၁:၁၁၊ လု ၃:၂၂။ ဖါတောႏ ကအွဉ်ႏစွꩻလွဉ် ခွေနဝ်ꩻတဲ့ ခံႏဖေႏ ခွေနမ်းတင်တာႏ သက်သေႏသွူ။ သီတဟွိုန်ဗာႏဖိုတဝ်း ဝွေꩻဗွေႏငဝ်း၊ မဉ်ႏမွေးတဝ်း တထီႏဗာႏဖိုတဝ်း ဝွေꩻဗွေႏမဲ့ငါတဲင်၊ 38ပွိုးသီတယွုမ်းတဝ်း ပါꩻအဖြာꩻ ဝွေꩻဗွေႏ ကအွဉ်ႏစွꩻလွဉ်နဝ်ꩻ အတွက် ဝွေꩻဗွေႏ ငဝ်းသတင်ꩻဖုံႏနဝ်ꩻ သီတအွဉ်ႏသော့ꩻခါꩻတဝ်း သီသꩻကိုနဝ်ꩻသွူ။ 39ကွပ်ပွိုး သီထင်းဒျာႏ လိတ်ကျမ်ꩻနဝ်ꩻ အီႏမော့ꩻ ထာဝရအသက်တဲင် သီသွဉ်ထူႏဖတ် ထွားမွေးနေးစွဉ်ႏ လိတ်ကျမ်ꩻသွူ။ လိတ်ကျမ်ꩻယိုဖုံႏနဝ်ꩻ ဒေါ့ꩻဒျာႏ ခွေခရာႏဖုံႏသွူ။ 40ကွဲႏတွော့ꩻ ဖေႏနေးကလꩻ အသက်နဝ်ꩻ သီတမဉ်လွဉ်ထေ့တဝ်း ခွေထျꩻဖုံႏသွူ။
41“ဖေႏလိုꩻကထူႏဂွုဏ်ႏခွေနဝ်ꩻ ခွေတထုမ်ႏတဝ်းသွူ။ 42ကွဲႏတွော့ꩻ သီထွာ လိုꩻစားမုဲင်ꩻဖုံႏနဝ်ꩻ ခွေအဝ်ႏသေတဲင် သီသꩻကိုဖုံႏနဝ်ꩻ သီထွာ လိုꩻရက်ဗွေႏဘုရာꩻ တမွေးတဝ်းကျောင်ꩻ ခွေအဝ်ႏသေသွူ။ 43ခွေကျွꩻလွဉ်တွမ်ႏ ခွေဖါတောႏ အခွင်ꩻအာႏဏာႏစွဉ်ႏတဲ့ သီတလက္ခံႏတဝ်း ခွေသွူ။ ကွဲႏတွော့ꩻ ပါꩻလင်တဖြာꩻဖြာꩻ မဉ်ႏလွဉ်စွဉ်ႏ ဝွေꩻနမ်း အခွင်ꩻအာႏဏာႏနဝ်ꩻ သီအီႏလက္ခံႏဝွေꩻသွူ။ 44သီကျွိုက်နစ်သက်ဒျာႏ လိုꩻအလင် အုပ်သီ၊ ကွဲႏတွော့ꩻ ဖေႏကလꩻ ဗွေႏဘုရာꩻ ကအဝ်ႏ တပါꩻလွုမ်ꩻ အုပ်ꩻနဝ်ꩻ သီတကျိုꩻစာꩻတဝ်းသွူ။ တွိုႏနဝ်ꩻ သီအီႏယွုမ်းနွောင်ꩻခွေ နုဲင်းမုဲင်ꩻဟောင်း။ 45ကွဲႏတွော့ꩻ ပါꩻအဖြာꩻ ကအီႏ စွဲꩻတရာꩻဒါႏသီ ခွေဖါတောႏဆꩻငါ ထွာခွေကျောင်ꩻနဝ်ꩻ တွမ်ႏထင်းမွိုန်း။ ပါꩻကအီႏစွဲꩻတရာꩻ မွေးသီနဝ်ꩻ ထွာဒျာႏ ပါꩻအဖြာꩻ သီကအဝ်ႏမောင်ꩻဒါႏ မောသျေနဝ်ꩻသွူ။ 46ပွိုးတွော့ꩻ မောသျေနဝ်ꩻ အဝ်ႏတဲမ်းခါꩻ ခွေခရာႏနဝ်ꩻမꩻ သီမဉ်ႏယွုမ်းမွေး ဝွေꩻနဝ်ꩻ သီအီႏယွုမ်းဗာႏခွေသွူ။ 47ကွဲႏတွော့ꩻ တယ်ႏစွဉ်ႏ နုဲင်းဝွေꩻကတဲမ်းခါꩻနဝ်ꩻ သီတယွုမ်းတဝ်း နဝ်ꩻမꩻ ခွေကဒေါ့ꩻနဝ်ꩻ သီအီႏယွုမ်းနွောင်ꩻ နုဲင်းမုဲင်ꩻဟောင်း။
ទើបបានជ្រើសរើសហើយ៖
ယောဟန် 5: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 5
5
ဗွေႏယေသျုလုမ်ꩻလာꩻမာꩻဟဝ်ဖေႏလိုꩻဆာထီကန်ႏထျꩻ
1ယိုထွူ ဘာႏသာႏရေꩻပွယ်ꩻတာႏ ဗွေႏယေသျုလွေꩻ ဝေင်ꩻယေရုသလမ်ႏနဝ်ꩻသွူ။ 2ထွိုင်ႏဖျော်လွဉ်ဗော့ꩻ ဝေင်ꩻယေရုသလမ်ႏကို သွိုꩻတခါꩻတန်ထျꩻ နဝ်ꩻကိုနဝ်ꩻ ထီကန်ႏအဝ်ႏတဖြုံႏ၊ ထီကန်ႏနဝ်ꩻ မုခ်ငွါအဝ်ႏငတ်ꩻငွါ၊ ထီကန်ႏနဝ်ꩻ ဟေဗြဲငဝ်းဟဲ့ꩻ ဗေသေသဒနဝ်ꩻသွူ။ 3လိုꩻဆာဖုံႏ ကထွာ လိုꩻမဲ့ခေ့ꩻဖုံႏ၊ လိုꩻခင်ႏသီတွမ်ႏ လိုꩻဆာ သီတခဝ်သားဖုံႏ အဝ်ႏဗေင်ႏတလွာꩻထာꩻ ထီကန်ႏ မုခ်ငွါလောင်းဖုံႏနဝ်ꩻ အာငါႏသွူ။ 4ဝွေꩻသီးနဝ်ꩻ အဝ်ႏအုံပွေါးထီတသွိုး၊ ကွပ်ပွိုး ဗွေႏဘုရာꩻ အမို့ꩻလောင်းတမန်ႏ ကျွꩻလင်ꩻလွဉ် ထီကန်ႏကိုတဲင် မာꩻတသွိုးထီသွူ။ ပုဂ္ဂိုလ်ႏ အရီးသွတ်ꩻ ကနွို့သွော့လ ထီကန်ႏကိုသားနဝ်ꩻ ဝွေꩻထာꩻဆာရောႏဂါႏ အမျိုꩻမုဲင်ꩻ မဉ်ႏအဝ်ႏတဲ့ ထီတသွိုးနဝ်ꩻ မာꩻဟဝ်ရေꩻဖေႏ ထာꩻဆာနဝ်ꩻသွူ။ 5နဝ်ꩻကိုနဝ်ꩻ လိုꩻခိုတဖြာꩻ ဆာထာꩻ လꩻလဲဉ်း သွံဆီသွစ်ꩻနေင်ႏ အဝ်ႏသွူ။ 6ဗွေႏယေသျုထီႏဝွေꩻ အဝ်ႏဗေင်ႏတလွာꩻထာꩻ နဝ်ꩻကိုတဲင် ပါꩻခိုနဝ်ꩻ ဆာထာꩻ ညငါႏလဲဉ်းကျောင်ꩻ ဝွေꩻဗွေႏအဝ်ႏသေသွူ။ နဝ်ꩻမꩻ ဝွေꩻဗွေႏရီဝွေꩻ၊ “နာꩻမဉ်ဟဝ်နေဟောင်း” နုဲင်းနဝ်ꩻသွူ။
7ပါꩻဆာနဝ်ꩻ လဝ်းချာ၊ “ဗွေႏ၊ ထီကတသွိုးချိန်ႏ ယိုကို ပါꩻကအီႏအွဉ်ႏသော့ꩻခွေ ထီကန်ႏကိုနဝ်ꩻ တဖြာꩻဖြာꩻ အဲဉ်ထဝ်းသွူ။ ခွေအဝ်ႏကျိုꩻစာꩻ အီႏနွို့သော့ꩻတွင်ꩻ ပါꩻလင်တဖြာꩻဖြာꩻနဝ်ꩻ တကတ်ꩻရီးထိုꩻဒျာႏခွေ” နုဲင်းနဝ်ꩻသွူ။
8ဗွေႏယေသျု ဒေါ့ꩻဖေႏဝွေꩻ၊ “ထွိုင်ႏတဲင် တွမ်ထူႏ နာꩻခြောဝ်ႏဒါတွော့ꩻ ထောင်လွေꩻဟုဲင်း” နုဲင်းနဝ်ꩻသွူ။ 9တလဲင်ႏချင်ꩻ ပါꩻခိုနဝ်ꩻ ဟဝ်ရေꩻ ထွိုင်ႏလꩻစွဉ်ႏတွော့ꩻ ဝွေꩻတွမ်ထူႏ ဝွေꩻခြောဝ်ႏဒါတဲင် ထောင်လွေꩻစစွဉ်ႏထာꩻသွူ။
အနီꩻယိုနဝ်ꩻထွာ ဥပုသ်မွူးနီꩻ တနီꩻသွူ။ 10#နေ ၁၃:၁၉၊ ယေ ၁၇:၂၁။နဝ်ꩻမꩻ ဂျူးအာႏဏာႏပဲင်ႏသားဖုံႏ ဒေါ့ꩻဖေႏပါꩻခို ကဟဝ်ရေꩻလဲဉ်းနဝ်ꩻ တဲင်ရိုꩻ၊ “ဟန်ႏနီꩻနဝ်ꩻထွာ ဥပုသ်မွူးနီꩻတဲင် နာꩻကတောလွေꩻ နာꩻခြောဝ်ႏဒါနဝ်ꩻ လွိုလွဉ်ꩻလဲဉ်း နီပညတ်တရာꩻ” နုဲင်းနဝ်ꩻသွူ။
11ဝွေꩻလဝ်းချာ၊ “ဖေႏကတွမ်ထူႏ ခွေခြောဝ်ႏဒါတွော့ꩻ ဖေႏကထောင်လွေꩻ ပါꩻခို ကမာꩻဟဝ် ဖေႏခွေနဝ်ꩻ ဒေါ့ꩻဖေႏဒျာႏခွေ” နုဲင်းနဝ်ꩻသွူ။
12ဝွေꩻသီးရီဝွေꩻ၊ “ဖေႏကမာꩻနုဲင်းယို ပါꩻခို ကဒေါ့ꩻဖေႏနာꩻနဝ်ꩻ ပါꩻမုဲင်ꩻဟောင်း” နုဲင်းနဝ်ꩻသွူ။
13ကွဲႏတွော့ꩻ ပါꩻခို ကမာꩻဟဝ်ရေꩻလဲဉ်းနဝ်ꩻ ထွာဗွေႏယေသျုကျောင်ꩻ ပါꩻခိုနဝ်ꩻ တသေတဝ်း၊ ပွိုးခင်ႏလမ်း နဝ်ꩻကိုနဝ်ꩻ လိုꩻတစွိုꩻ အဝ်ႏသော့ꩻတဲင် ဗွေႏယေသျု ထန်ႏလွေꩻညာꩻတေ့ꩻ ထိုꩻလဲဉ်းနဝ်ꩻသွူ။
14နဝ်ꩻထွူ ဗွေႏယေသျု ထီႏယင်းဝွေꩻ ဗိမာန်ႏတောႏ ကျောင်ꩻကိုတဲင်ဒေါ့ꩻ၊ “နာႏသွော့၊ ယိုခါ နာꩻဟဝ်ရေꩻလဲဉ်း။ နဝ်ꩻမꩻ တွမ်ႏမာꩻထဲင်းမွိုန်းဒွုမ် အပဲစ်ဟုဲင်း၊ မဉ်ႏတမွေးတဝ်း နာꩻကယိန်း ထွာဟုဲင်းဒါႏ တစွိုးစွိုး” နုဲင်းနဝ်ꩻသွူ။
15နဝ်ꩻထွူ ပါꩻခိုထန်ႏလွေꩻတဲင် ပါꩻကမာꩻဟဝ် ဖေႏဒါႏဝွေꩻနဝ်ꩻထွာ ဗွေႏယေသျုကျောင်ꩻ ဒေါ့ꩻနယ်ဖေႏစွဉ်ႏ ဂျူးအာႏဏာႏပဲင်ႏသားဖုံႏသွူ။ 16ကွပ်ပွိုး ဝွေꩻဗွေႏ ကမာꩻဟဝ်ရေꩻ ဖေႏဒါႏနဝ်ꩻ ထွာဥပုသ်မွူးနီꩻကို နဝ်ꩻမꩻ ဝွေꩻသီး အီႏနစ်စက်စသွူ ဗွေႏသျုသွူ။ 17ဗွေႏယေသျု လဝ်းချာ ဝွေꩻသီး၊ “ခွေဖါတောႏနဝ်ꩻ အဝ်ႏမာꩻသေႏသေႏ ထာꩻမာꩻတဲင် ခွေတဲ့ မာꩻဗာႏဒျာႏရင်ꩻ” နုဲင်းနဝ်ꩻသွူ။
18ထာꩻဒေါ့ꩻနုဲင်းယိုနဝ်ꩻ ဝွေꩻဗွေႏ ယားကုဲင်ထိုꩻ ဥပုသ်မွူးနီꩻ ပညတ်လွုမ်ꩻ တကာႏတဝ်း ဗွေႏဘုရာꩻနဝ်ꩻထွာ ဝွေꩻဗွေႏအဖါရင်ꩻ ဝွေꩻဒေါ့ꩻနုဲင်းနဝ်ꩻတဲင် စွဉ်ႏအနယ်ꩻယို အနမ်းနဝ်ꩻ အွဉ်ႏတတွာစွဉ်ႏ ဗွေႏဘုရာꩻအတွက် ဖေႏကမာꩻသီထိုꩻ ဝွေꩻဗွေႏနဝ်ꩻ ကယိန်းတမာꩻ ဖေႏအာႏစွဉ်ႏ ဂျူးအာႏဏာႏပဲင်ႏသားဖုံႏသွူ။
ပိုခိုတောႏအခွင်ꩻအာႏဏာႏ
19နဝ်ꩻမꩻ ဗွေႏယေသျု လဝ်းချာဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ၊ ပိုခိုတောႏ နမ်းရင်ꩻဒျာႏနဝ်ꩻ ဝွေꩻတမာꩻနွောင်ꩻတဝ်း တမုဲင်ꩻမုဲင်ꩻသွူ။ ဝွေꩻမာꩻဒျာႏ နုဲင်းဝွေꩻကထီႏဗာႏ ဝွေꩻဖါတောႏ ကအဝ်ႏမာꩻဒါႏ အတွိုင်ꩻလွုမ်ꩻသွူ။ နုဲင်းဖါတောႏ ကအဝ်ႏမာꩻနဝ်ꩻ ပိုခိုတောႏတဲ့ မာꩻသွူ။ 20ပွိုးဖါတောႏနဝ်ꩻ ရက်ပိုခိုတောႏတဲင် ဖါတောႏနမ်း ကအဝ်ႏမာꩻဒါႏ ကားကအဝ်ႏနဝ်ꩻ အွဉ်ႏနယ်လို့ ပိုခိုတောႏသွူ။ ဖေႏကမာꩻ တန်လွိုကယ်ꩻကယိုတဲ့ ဖါတောႏ အီႏအွဉ်ႏနယ် ပိုခိုတောႏတဲင် သီကားကအဝ်ႏ အီႏအံႏဖြာႏဗာႏသွူ။ 21အဝ်ႏထာꩻသီကို နုဲင်းဖါတောႏ ကမာꩻထွိုင်ႏမွန်ချာတွော့ꩻ ကဖေႏဝွေꩻသီး အသက်အတွိုင်ꩻ ဗွိုန်နုဲင်းနဝ်ꩻနေနေ ပိုခိုတောႏ ကမဉ်ဖေႏဒါႏ လိုꩻဖုံႏနဝ်ꩻတဲ့ ပိုခိုတောႏအီႏဖေႏ အသက်မွန်သွူ။ 22ဖါတောႏနမ်းရင်ꩻနဝ်ꩻ တစီႏရင်ႏတဝ်း ပါꩻတဖြာꩻဖြာꩻသွူ။ စီႏရင်ႏခွင်ꩻနဝ်ꩻ ဖါတောႏအပ်ဖေႏလို့လဲဉ်း ဝွေꩻပိုခိုတောႏသွူ။ 23နုဲင်းဝွေꩻသီး ကရိုႏသေႏဒါႏ ဖါတောႏအတွိုင်ꩻ လိုꩻဖုံႏကားကအဝ်ႏနဝ်ꩻ အီႏရိုႏသေႏဗာႏ ပိုခိုတောႏသွူ။ ပါꩻမုဲင်ꩻ တရိုႏသေႏတဝ်း ပိုခိုတောႏနဝ်ꩻ အတရိုႏသေႏတဝ်း ဖါတောႏ ကအွဉ်ႏစွꩻလွဉ် ဝွေꩻဗွေႏနဝ်ꩻသွူ။ 24“ခွေဒေါ့ꩻဖေႏသီ အမွေးအမဲဉ်ႏ။ လိုꩻကဟွိုန် ခွေငဝ်းတဲင် ကယွုမ်းအံႏဒါႏဗွေႏ အွဉ်ႏစွꩻလွဉ် ခွေနဝ်ꩻ လꩻထာဝရ အသက်နဝ်ꩻသွူ။ ဝွေꩻသီးနဝ်ꩻ အီႏတခံႏဗာႏတဝ်း ထာꩻစီႏရင်ႏ၊ ကွဲႏတွော့ꩻ အဝ်ႏထာꩻသီနဝ်ꩻ ဖျင်ရဲဉ်ꩻသေꩻမꩻ ကာႏလွေꩻဗာႏ အသက်မွန်ကိုသွူ။ 25ခွေဒေါ့ꩻဖေႏသီ အမွေးအမဲဉ်ႏ၊ လိုꩻသီ အီႏဟွိုန်ဗွေႏဘုရာꩻ ပိုခိုတောႏငဝ်းချိန်ႏ အီႏတွိုႏဖျော်လွဉ်၊ အချိန်ႏနဝ်ꩻ အဝ်ႏဖျော်လွဉ်လဲဉ်း။ လိုꩻကဟွိုန်သားဖုံႏနဝ်ꩻ အီႏထွိုင်ႏမွန်လွဉ်ချာသွူ။ 26နုဲင်းဖါတောႏနမ်းရင်ꩻ ကဖေႏနွောင်ꩻ အသက်အတွိုင်ꩻ ဗွိုန်နုဲင်းနဝ်ꩻနေနေ ဝွေꩻဗွေႏပိုခိုတောႏ ဖေႏကဖေႏနွောင်ꩻ အသက်နဝ်ꩻ ဖါတောႏ အပ်ဖေႏလဲဉ်း ပိုခိုတောႏသွူ။ 27ပွိုးတွော့ꩻ ဝွေꩻဗွေႏနဝ်ꩻထွာ လိုꩻပိုခိုအတွက် ဖါတောႏနဝ်ꩻ ဖေႏလဲဉ်းပိုခို ထာꩻစီႏရင်ႏခွင်ꩻသွူ။ 28ကထွာနုဲင်းယိုနဝ်ꩻ တွမ်ႏအံႏဖြာႏမွိုန်း။ လိုꩻသီကားကအဝ်ႏ အီႏဟွိုန်ဝွေꩻဗွေႏငဝ်း အချိန်ႏ အီႏတွိုႏဖျော်လွဉ်တဲင် 29#ဒံ ၁၂:၂။ အဝ်ႏဝွေꩻသီး သဲင်ႏခဲင်ꩻအောင်နဝ်ꩻ အီႏထန်ႏလွဉ်သွူ။ လိုꩻကမာꩻ ထာꩻဟဝ်သားဖုံႏနဝ်ꩻ အီႏထွိုင်ႏမွန်လွဉ်တဲင် အီႏလꩻ အသက်မွန်တွော့ꩻ လိုꩻကမာꩻဒါႏ ထာꩻကုဲင်သားဖုံႏနဝ်ꩻ အီႏထွိုင်ႏမွန်တဲင် အီႏခံႏဗာႏ အပဲစ်တံႏ ထာꩻစီႏရင်ႏသွူ။
ဗွေႏယေသျုတာႏသက်သေႏခံႏသားဖုံႏ
30“တွမ်ႏခွေနမ်း အာႏဏာႏဒျာႏနဝ်ꩻ ခွေတမာꩻနွောင်ꩻတဝ်း တစွိုးစွိုး၊ ခွေစီႏရင်ႏဒျာႏ နုဲင်းဗွေႏဘုရာꩻ ကဒေါ့ꩻနယ် ခွေအတွိုင်ꩻလွုမ်ꩻသွူ၊ နဝ်ꩻမꩻ နုဲင်းခွေကမဉ်မာꩻနဝ်ꩻ ခွေတကျိုꩻစာꩻတဝ်း၊ ခွေမာꩻဒျာႏ ဗွေႏကအွဉ်ႏစွꩻ လွဉ်ဒါႏခွေ အလိုႏတောႏလွုမ်ꩻ နဝ်ꩻမꩻ ခွေထာꩻစီႏရင်ႏချက်နဝ်ꩻ ထွာအမဲဉ်ႏသွူ။
31“ခွေမဉ်ႏခံႏချာဒျာႏ ခွေနမ်းရင်ꩻ သက်သေႏနဝ်ꩻ ခွေကရိုꩻဒါႏနဝ်ꩻ အီႏတလက္ခံႏနွောင်ꩻတဝ်း နုဲင်းသက်သေႏ အမဲဉ်ႏသွူ။ 32ကွဲႏတွော့ꩻ နဝ်ꩻကိုနဝ်ꩻ ပါꩻလင်တဖြာꩻ ခံႏဖေႏခွေနမ်းရင်ꩻ သက်သေႏတဲင် နုဲင်းဝွေꩻကဒေါ့ꩻဒါႏ ခွေခရာႏနဝ်ꩻ ထွာအမဲဉ်ႏကျောင်ꩻ ခွေအဝ်ႏသေသွူ။ 33#ယော ၁:၁၉–၂၇၊ ၃:၂၇–၃၀။ သီကအွဉ်ႏစွꩻလွေꩻဒါႏ သီသတင်ꩻဖေႏသား ပါꩻအဖြာꩻနဝ်ꩻထျꩻနဝ်ꩻ ထွာယောဟန်တဲင် ဝွေꩻဒေါ့ꩻဒျာႏ အမဉ်ႏတရာꩻတာႏသွူ။ 34ခွေခရာႏ လိုꩻတဖြာꩻခံႏဖေႏ သက်သေႏနဝ်ꩻ ခွေတလိုႏတဝ်းသွူ။ ယံဖေႏ သီကလꩻ ထာꩻကယ်ႏတင်ႏနဝ်ꩻ ခွေဒေါ့ꩻဗာႏ နုဲင်းယိုလွုမ်ꩻသွူ။ 35ယောဟန်နဝ်ꩻထွာဒျာႏ နုဲင်းမေႏတေန်ꩻ ကအဝ်ႏတဲစ်ꩻနဝ်ꩻတဲင် အရောင်ႏတင်ႏတွော့ꩻ သီအဝ်ႏမဉ်ပျောႏငီꩻဒျာႏ ဝွေꩻထာꩻလေကို တဆင်ႏလွုမ်ꩻသွူ။ 36ကွဲႏတွော့ꩻ တန်ကယ်ꩻလဲဉ်းက ယောဟန်တဲင် ကခံႏဖေႏသက်သေႏနဝ်ꩻ ခွေနမ်းတင်တာႏ သက်သေႏခံႏ အဝ်ႏတဖြာꩻသွူ။ နုဲင်းခွေကမာꩻနဝ်ꩻ ထွာဒျာႏ ခွေဖါတောႏ ထွဉ်ႏမာꩻခွေဒျာႏသွူ၊ ထာꩻဒေါ့ꩻယိုဖုံႏနဝ်ꩻထွာ ခွေနမ်းတင်နဝ်ꩻမꩻ ဖါတောႏ အွဉ်ႏစွꩻလွဉ်လဲဉ်းခွေကျောင်ꩻ အဝ်ႏဖေါႏနယ်ဖေႏနဝ်ꩻသွူ။ 37#မ ၃:၁၇၊ မာ ၁:၁၁၊ လု ၃:၂၂။ ဖါတောႏ ကအွဉ်ႏစွꩻလွဉ် ခွေနဝ်ꩻတဲ့ ခံႏဖေႏ ခွေနမ်းတင်တာႏ သက်သေႏသွူ။ သီတဟွိုန်ဗာႏဖိုတဝ်း ဝွေꩻဗွေႏငဝ်း၊ မဉ်ႏမွေးတဝ်း တထီႏဗာႏဖိုတဝ်း ဝွေꩻဗွေႏမဲ့ငါတဲင်၊ 38ပွိုးသီတယွုမ်းတဝ်း ပါꩻအဖြာꩻ ဝွေꩻဗွေႏ ကအွဉ်ႏစွꩻလွဉ်နဝ်ꩻ အတွက် ဝွေꩻဗွေႏ ငဝ်းသတင်ꩻဖုံႏနဝ်ꩻ သီတအွဉ်ႏသော့ꩻခါꩻတဝ်း သီသꩻကိုနဝ်ꩻသွူ။ 39ကွပ်ပွိုး သီထင်းဒျာႏ လိတ်ကျမ်ꩻနဝ်ꩻ အီႏမော့ꩻ ထာဝရအသက်တဲင် သီသွဉ်ထူႏဖတ် ထွားမွေးနေးစွဉ်ႏ လိတ်ကျမ်ꩻသွူ။ လိတ်ကျမ်ꩻယိုဖုံႏနဝ်ꩻ ဒေါ့ꩻဒျာႏ ခွေခရာႏဖုံႏသွူ။ 40ကွဲႏတွော့ꩻ ဖေႏနေးကလꩻ အသက်နဝ်ꩻ သီတမဉ်လွဉ်ထေ့တဝ်း ခွေထျꩻဖုံႏသွူ။
41“ဖေႏလိုꩻကထူႏဂွုဏ်ႏခွေနဝ်ꩻ ခွေတထုမ်ႏတဝ်းသွူ။ 42ကွဲႏတွော့ꩻ သီထွာ လိုꩻစားမုဲင်ꩻဖုံႏနဝ်ꩻ ခွေအဝ်ႏသေတဲင် သီသꩻကိုဖုံႏနဝ်ꩻ သီထွာ လိုꩻရက်ဗွေႏဘုရာꩻ တမွေးတဝ်းကျောင်ꩻ ခွေအဝ်ႏသေသွူ။ 43ခွေကျွꩻလွဉ်တွမ်ႏ ခွေဖါတောႏ အခွင်ꩻအာႏဏာႏစွဉ်ႏတဲ့ သီတလက္ခံႏတဝ်း ခွေသွူ။ ကွဲႏတွော့ꩻ ပါꩻလင်တဖြာꩻဖြာꩻ မဉ်ႏလွဉ်စွဉ်ႏ ဝွေꩻနမ်း အခွင်ꩻအာႏဏာႏနဝ်ꩻ သီအီႏလက္ခံႏဝွေꩻသွူ။ 44သီကျွိုက်နစ်သက်ဒျာႏ လိုꩻအလင် အုပ်သီ၊ ကွဲႏတွော့ꩻ ဖေႏကလꩻ ဗွေႏဘုရာꩻ ကအဝ်ႏ တပါꩻလွုမ်ꩻ အုပ်ꩻနဝ်ꩻ သီတကျိုꩻစာꩻတဝ်းသွူ။ တွိုႏနဝ်ꩻ သီအီႏယွုမ်းနွောင်ꩻခွေ နုဲင်းမုဲင်ꩻဟောင်း။ 45ကွဲႏတွော့ꩻ ပါꩻအဖြာꩻ ကအီႏ စွဲꩻတရာꩻဒါႏသီ ခွေဖါတောႏဆꩻငါ ထွာခွေကျောင်ꩻနဝ်ꩻ တွမ်ႏထင်းမွိုန်း။ ပါꩻကအီႏစွဲꩻတရာꩻ မွေးသီနဝ်ꩻ ထွာဒျာႏ ပါꩻအဖြာꩻ သီကအဝ်ႏမောင်ꩻဒါႏ မောသျေနဝ်ꩻသွူ။ 46ပွိုးတွော့ꩻ မောသျေနဝ်ꩻ အဝ်ႏတဲမ်းခါꩻ ခွေခရာႏနဝ်ꩻမꩻ သီမဉ်ႏယွုမ်းမွေး ဝွေꩻနဝ်ꩻ သီအီႏယွုမ်းဗာႏခွေသွူ။ 47ကွဲႏတွော့ꩻ တယ်ႏစွဉ်ႏ နုဲင်းဝွေꩻကတဲမ်းခါꩻနဝ်ꩻ သီတယွုမ်းတဝ်း နဝ်ꩻမꩻ ခွေကဒေါ့ꩻနဝ်ꩻ သီအီႏယွုမ်းနွောင်ꩻ နုဲင်းမုဲင်ꩻဟောင်း။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.