ယောဟန် 13
13
ဗွေႏယေသျုဟွာႏဖေႏဝွေꩻဗွေႏတပဲ့တောႏဖုံႏခင်ႏ
1ယိုခါနဝ်ꩻထွာ ပွယ်ꩻပတ္တခါ ဖစ်နီꩻသွူ။ အဝ်ႏကမ္ဘာႏလောကယို ဝွေꩻဗွေႏ အီႏထန်ႏထိုꩻတွော့ꩻ အီႏလွေꩻထိုꩻဗာႏ ဖါတောႏထျꩻ အချိန်ႏ အဝ်ႏဖျော်လွဉ်လဲဉ်းနဝ်ꩻ ဗွေႏယေသျု အဝ်ႏသေသွူ။ လိုꩻကအဝ်ႏ ကမ္ဘာႏလောကကို ကထွာ ဝွေꩻဗွေႏလိုꩻဖုံႏနဝ်ꩻ ဝွေꩻဗွေႏ အဝ်ႏရက်သေႏသေႏတဲင် ဝွေꩻဗွေႏရက်ဝွေꩻသီး ဗꩻတွိုႏအသွတ်ꩻသွူ။
2ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ အဝ်ႏအံႏထာꩻအံႏ မွူးဟာခိုႏနဝ်ꩻသွူ။ သိမုန်သျာကရုတ် ပိုခို ယုဒအသꩻကိုနဝ်ꩻ မာရ်ႏနတ် အဝ်ႏသော့ꩻမꩻလဲဉ်း နဝ်ꩻမꩻ အဝ်ႏယူႏစဉ်ꩻစာꩻ သစ္စာႏအီႏဖေါက် ဗွေႏယေသျုနဝ်ꩻသွူ။ 3ဖါတောႏနဝ်ꩻ ဖေႏလို့လဲဉ်း ဝွေꩻဗွေႏတန်ꩻခိုꩻ ကားကအဝ်ႏနဝ်ꩻ ဗွေႏယေသျု အဝ်ႏသေသွူ။ ဝွေꩻဗွေႏ အဝ်ႏဗွေႏဘုရာꩻထျꩻ ကျွꩻလွဉ်တဲင် အီႏသဲင်ꩻဗာႏ ဗွေႏဘုရာꩻထျꩻနဝ်ꩻ ဝွေꩻဗွေႏအဝ်ႏသေသွူ။ 4နဝ်ꩻမꩻ ဝွေꩻဗွေႏ အဝ်ႏထာꩻအံႏခွုံႏထျꩻနဝ်ꩻ ဝွေꩻဗွေႏထွိုင်ႏတဲင် ဗွောင်ႏဝွေꩻဗွေႏ ဆဲင်ꩻယွုံးတန်တွော့ꩻ လမ်းပꩻတဖွူꩻနဝ်ꩻ စွိုင်ခူခါꩻ ဝွေꩻဗွေႏ ငင်းဒေင်နဝ်ꩻသွူ။ 5နဝ်ꩻထွူ ဝွေꩻဗွေႏ ဆျာꩻလင်ꩻသော့ꩻ ထီဝန်ႏတောင်ꩻတန် တဖြုံႏကိုတဲင် အွဉ်ႏဟွာႏစဖေႏစွဉ်ႏ ဝွေꩻဗွေႏ တပဲ့တောႏဖုံႏ ခင်ႏတွော့ꩻ တွမ်ႏလမ်းပꩻ ကအဝ်ႏစွိုင်ခူခါꩻဒါႏ ဝွေꩻဗွေႏ ငင်းဒေင်နဝ်ꩻ ဒွိုတ်ꩻသဲင်ဖေႏစွဉ်ႏ ဝွေꩻသီးခင်ႏသွူ။ 6ဝွေꩻဗွေႏလွဉ်ထေ့ သိမုန်ပေတရုထျꩻတွော့ꩻ ဝွေꩻဒေါ့ꩻဖေႏ ဝွေꩻဗွေႏ၊ “ဗွေႏ၊ နီဗွေႏ အီႏပသေဖေႏ ခွေခင်ႏနဲ့ဟောင်း” နုဲင်းနဝ်ꩻသွူ။
7ဗွေႏယေသျု လဝ်းချာဝွေꩻ၊ “ယိုခါ ခွေကအဝ်ႏမာꩻ တမုဲင်ꩻနဝ်ꩻ နာꩻတသေနာႏတဝ်းဒွိုန်း၊ ကွဲႏတွော့ꩻ ဆုဲင်ꩻနဝ်ꩻ နာꩻအီႏသေနာႏ” နုဲင်းနဝ်ꩻသွူ။
8ပေတရုဒေါ့ꩻ၊ “မုဲင်ꩻခါတဲ့ နီဗွေႏ တဟွာႏဖေႏဗာႏတဝ်း ခွေခင်ႏ” နုဲင်းနဝ်ꩻသွူ။
ဗွေႏယေသျု လဝ်းချာ၊ “ခွေမဉ်ႏ တဟွာႏဖေႏဗာႏတဝ်း နာꩻခင်ႏနဝ်ꩻ နာꩻအီႏတထွာဗာႏတဝ်း ခွေတပဲ့” နုဲင်းနဝ်ꩻသွူ။
9သိမုန်ပေတရု လဝ်းချာ၊ “ဗွေႏ၊ ပေါ့ꩻနုဲင်းနဝ်ꩻ၊ တွမ်ႏဟွာႏမွိုန်း ခွေခင်ႏလွုမ်ꩻဟုဲင်း။ ဟွာႏပါခွေစူတွမ်ႏ ခွေကတူႏ ကယ်ႏဟုဲင်း” နုဲင်းနဝ်ꩻသွူ။
10ဗွေႏယေသျုဒေါ့ꩻ၊ “လိုꩻကလူးထွူလဲဉ်း ထီသားနဝ်ꩻ ကြောင်းစင်လဲဉ်းတဲင် ပေါႏလွိုသွူ ဝွေꩻသီးခင်ႏဖုံႏ ဝွေꩻသီးနမ်းနဝ်ꩻ တအဝ်ႏလိုႏ ပသေထဲင်းတဝ်းသွူ။ 11(ပါꩻသစ္စာႏအီႏဖေါက် ဝွေꩻဗွေႏနဝ်ꩻ ဗွေႏယေသျု အဝ်ႏသေထွူလဲဉ်းသွူ။ နဝ်ꩻမꩻ ဝွေꩻဗွေႏဒေါ့ꩻ၊ “သီကားကအဝ်ႏ ပေါႏလွိုသွူ ပါꩻတဖြာꩻနဝ်ꩻ ကြောင်းစင်လို့ဒျာႏ” နုဲင်းနဝ်ꩻသွူ။)
12 #
လု ၂၂:၂၇။ ဗွေႏယေသျု ဟွာႏဖေႏ ဝွေꩻသီးခင်ႏဖုံႏထွူ၊ ဝွေꩻဗွေႏ ကꩻချာ ဆဲင်ꩻယွုံးတန်တဲင် ဝွေꩻဗွေႏ ခွယ်သဲင်ꩻချာစွဉ်ႏ ထာꩻအံႏခွုံႏထျꩻနဝ်ꩻသွူ။ ဝွေꩻဗွေႏရီ၊ “နုဲင်းခွေကမာꩻဖေႏလဲဉ်း သီနဝ်ꩻ သီသေနာႏနေဟောင်း” နုဲင်းနဝ်ꩻသွူ။ 13“သီနဝ်ꩻဟဲ့ꩻခွေ ဆရာႏစွဉ်ႏဗွေႏ၊ နုဲင်းသီကဟဲ့ꩻနဝ်ꩻမဲဉ်ႏ။ ပွိုးတွော့ꩻ ခွေနဝ်ꩻထွာမွေး နုဲင်းသီကဟဲ့ꩻနဝ်ꩻသွူ။ 14သီဗွေႏတွမ်ႏ သီဆရာႏခွေနဝ်ꩻ ဟွာႏဖေႏလဲဉ်း သီခင်ႏဖုံႏ။ တွိုႏနဝ်ꩻ သီတဖြာꩻစွဉ်ႏတဖြာꩻ အဝ်ႏလိုႏဟွာႏဖေႏ လို့ဝင်ꩻခင်ႏသွူ။ 15နုဲင်းခွေကမာꩻဖေႏလဲဉ်း သီအတွိုင်ꩻ သီတဲ့ဖေႏကမာꩻနဝ်ꩻ ခွေအွဉ်ႏနယ်ဖေႏလဲဉ်းသွူ သီတာႏ စံႏမူႏသွူ။ 16#မ ၁၀:၂၄၊ လုကာ ၆:၄၀၊ ယော ၁၅:၂၀။ ခွေဒေါ့ꩻဖေႏသီ အမွေးအမဲဉ်ႏ၊ သွဉ်းနဝ်ꩻ တတန်ကယ်ꩻတဝ်း ဝွေꩻသီးအဗွေႏတဲင် တရာꩻဟော်ꩻသားဖုံႏနဝ်ꩻ တတန်ကယ်ꩻတဝ်း ဗွေႏအပါꩻ ကအွဉ်ႏစွꩻလွဉ် ဝွေꩻသီးနဝ်ꩻသွူ။ 17ယိုခါ အမဲဉ်ႏတရာꩻယိုနဝ်ꩻ သီသေလဲဉ်း၊ သီမဉ်ႏကံကျင်ꩻလွဉ်ꩻနဝ်ꩻ သီမင်္ဂလာႏ အီႏအဝ်ႏငါႏ ခွိုင်းကားမုဲင်ꩻ၊၊
18 #
သာ ၄၁:၉။ “ခွေဒေါ့ꩻ သီကားကအဝ်ႏခရာႏ တမွေးတဝ်းသွူ။ ခွေကလွိုက်ဖုံႏနဝ်ꩻ ခွေအဝ်ႏသေသွူ။ ကွဲႏတွော့ꩻ လိတ်ကျမ်ꩻကို ကအဝ်ႏဒေါ့ꩻဒါႏ ၊ ‘ပါꩻခို ကအံႏငီꩻဒါႏ ခွေထာꩻအံႏနဝ်ꩻ အဝ်ႏဆန်ချာခွေ၊’ နုဲင်းနဝ်ꩻနဝ်ꩻ အီႏဗွေမဲဉ်ႏလွဉ်ꩻသွူ။ 19ခလာႏထာꩻယိုဖုံႏ ကထွာလွဉ်ခါကာႏ ယိုခါခွေနဝ်ꩻ အွဉ်ႏဒေါ့ꩻနယ်လဲဉ်းသီ နဝ်ꩻမꩻ ထာꩻနဝ်ꩻ ထွိုင်ႏထွာလွဉ်ချိန်ႏ ၊ ‘ခွေထွာ ပါꩻကထွာခွေ’ နဝ်ꩻသီအီႏယွုမ်းသွူ။ 20#မ ၁၀:၄၀၊ မာ ၉:၃၇၊ လု ၉:၄၈၊ ၁၀:၁၆။ ခွေဒေါ့ꩻဖေႏ သီအမွေးအမဲဉ်ႏ။ ပါꩻမုဲင်ꩻလက္ခံႏ ပါꩻအဖြာꩻ ကအွဉ်ႏစွꩻလွဉ်ခွေနဝ်ꩻ လက်ခံႏပါလဲဉ်း ခွေတဲင် ပါꩻအဖြာꩻ ကလက္ခံႏခွေနဝ်ꩻတဲ့ လက္ခံႏပါလဲဉ်း ဝွေꩻဗွေႏ ကအွဉ်ႏစွꩻလွဉ် ခွေယင်သွူ။
သစ္စာႏအီႏဖေါက်ဝွေꩻဗွေႏနဝ်ꩻဗွေႏယေသျုဟော်ꩻရီး
(မတဲ ၂၆:၂၀–၂၅။ မာကု ၁၄:၁၇–၂၁။ လုကာ ၂၂:၂၁–၂၃)
21ဗွေႏယေသျု ထွိုင်ႏဒေါ့ꩻနုဲင်းယိုထွူ ဝွေꩻဗွေႏ သꩻဒုက္ခ မွေးနေးစွဉ်ႏထာꩻတဲင် ဖေါႏနယ်စဲင်းဖေႏစွဉ်ႏ၊ “ခွေဒေါ့ꩻဖေႏသီ အမွေးအမဲဉ်ႏ။ သီကိုတဖြာꩻနဝ်ꩻ သစ္စာႏအီႏဖေါက်ခွေ” နုဲင်းနဝ်ꩻသွူ။
22ဝွေꩻဗွေႏမဉ်ရိုꩻ ထွာအဖြာꩻမုဲင်ꩻ ခရာႏနဝ်ꩻ ဝွေꩻသီးတက်ထင်း တလꩻတဝ်းနဝ်ꩻမꩻ တပဲ့တောႏဖုံႏနဝ်ꩻ တဖြာꩻစွဉ်ႏတဖြာꩻ ထွားလို့စွဉ်ႏဝင်ꩻဖုံႏသွူ။ 23တပဲ့တောႏဖုံႏကို တဖြာꩻ ဗွေႏယေသျု ကရက်အဖြာꩻနဝ်ꩻ အဝ်ႏအုံလင်ꩻပယ် ဗွေႏယေသျုထျꩻသွူ။ 24သိမုန်ပေတရုနဝ်ꩻ ယိပ်ꩻနယ်ဝွေꩻတဲင်ဒေါ့ꩻ၊ “ဝွေꩻဗွေႏ ကအဝ်ႏဒေါ့ꩻဒါႏ အခရာႏ ထွာပါꩻမုဲင်ꩻနဝ်ꩻ ရီဝွေꩻဗွေႏဟုဲင်း” နုဲင်းနဝ်ꩻသွူ။
25နဝ်ꩻမꩻ တပဲ့တောႏနဝ်ꩻ ခြုဲင်းဗော့ꩻလွေꩻ ဗွေႏယေသျုထျꩻတဲင်ရီ၊ “ဗွေႏ၊ နဝ်ꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
26ဗွေႏယေသျု လဝ်းချာ၊ “ခွေအီႏစုပ်ꩻတခိုး ဟန်ႏအိုဝန်ႏကိုတွော့ꩻ အီႏဖေႏဝွေꩻသွူ။ ပါꩻနဝ်ꩻနဝ်ꩻ ထွာဝွေꩻနဝ်ꩻသွူ” နုဲင်းနဝ်ꩻမꩻ ဝွေꩻဗွေႏထူႏ တခိုး တခဝ်နဝ်ꩻ စုပ်ꩻသော့ꩻ ဟန်ႏအိုဝန်ႏကိုတဲင် တခိုးနဝ်ꩻ ဖေႏထိုꩻစွဉ်ႏ သိမုန်သျာကရုတ် ပိုခိုယုဒနဝ်ꩻသွူ။ 27ယုဒထွိုင်ႏထူႏ တခိုးနဝ်ꩻ တလဲင်ႏချင်ꩻ စာႏတန်ႏ နွို့သော့ꩻဝွေꩻကိုသွူ။ ဗွေႏယေသျု ဒေါ့ꩻဖေႏဝွေꩻ၊ “နာꩻအဗာႏမာꩻ နုဲင်းမုဲင်ꩻတဲ့ မာꩻမွိုင်မွိုင်ခန်းဟုဲင်း” နုဲင်းနဝ်ꩻသွူ။ 28ပွိုးတမုဲင်ꩻ ဗွေႏယေသျု ဒေါ့ꩻဖေႏဗာႏဝွေꩻ နုဲင်းယိုနဝ်ꩻ လိုꩻလင်ကအဝ်ႏ ထာꩻအံႏခွုံႏထျꩻနဝ်ꩻ တဖြာꩻငါတဲ့ တသေနာႏတဝ်းသွူ။ 29ယုဒနဝ်ꩻ အဝ်ႏထိန်ꩻထွားဗာႏ ရွဉ်တောင်းပွိုနဝ်ꩻမꩻ ပွယ်ꩻတောႏအတာႏ ကအဝ်ႏလိုႏဒါႏ မဉ်ႏမွေးတဝ်း အီႏဖေႏ လိုꩻကေန်ꩻဖုံႏတာႏ တစွိုးစွိုးနဝ်ꩻ တပဲ့တောႏဖုံႏ ယင်ဟန်ႏထင်းဒျာႏ ဗွေႏယေသျု ထွဉ်ႏဝွေꩻ လွေꩻဖြေꩻထာꩻသွူ။
30ယုဒလက္ခံႏထူႏ တခိုးတဲင် ထန်ႏလွေꩻစွဉ်ႏ တလဲင်ႏချင်ꩻနဝ်ꩻသွူ။ နဝ်ꩻနဝ်ꩻထွာ ထာꩻခေ့ꩻချိန်ႏသွူ။
ပညတ်တောႏတသာ
31ယုဒထန်ႏလွေꩻထွူ ဗွေႏယေသျုဒေါ့ꩻ၊ “ယိုခါ လိုꩻပိုခို ဘွုန်ꩻသရေႏနဝ်ꩻ အီႏတောင်ႏလေသွူ။ ယိုခါ ဗွေႏဘုရာꩻ အဘွုန်ꩻသရေႏတောႏနဝ်ꩻ အီႏဖေါႏနယ် တောင်ႏလေအီစွဉ်ႏ လိုꩻပိုခိုသွူ။ 32ဗွေႏဘုရာꩻ အဘွုန်ꩻသရေႏတောႏ မဉ်ႏဖေါႏနယ်အီစွဉ်ႏ ဝွေꩻဗွေႏ၊ ထွူနဝ်ꩻ လိုꩻပိုခို အဘွုန်ꩻတောႏနဝ်ꩻ ဗွေႏဘုရာꩻ အီႏဖေါႏနယ်အီစွဉ်ႏ ဝွေꩻဗွေႏ နမ်းကိုယ်ႏတဲင်ႏတဲင် ဝွေꩻဗွေႏ အီႏမာꩻစွဉ်ႏ တလဲင်ႏချင်ꩻနဝ်ꩻသွူ။ 33#ယော ၇:၃၄။ ခွေပိုဖုံႏ၊ ခွေနဝ်ꩻ အီႏတအုံငီꩻည ဗာႏတဝ်းဒွုမ် သီသွူ။ သီအီႏထုမ်ႏ ခွေ၊ ကွဲႏတွော့ꩻ နုဲင်းခွေကဒေါ့ꩻနယ် ဖေႏလဲဉ်း ဂျူးအာႏဏာႏပဲင်ႏသားဖုံႏနဝ်ꩻ ယိုခါ ခွေဒေါ့ꩻဖေႏသီ။ ‘ခွေကအဝ်ႏလွေꩻဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်း’ နုဲင်းနဝ်ꩻသွူ။ 34#ယော ၁၅:၁၂၊ ၁၇၊ ၁ယော ၃:၂၃၊ ၂ယော ၅။ ယိုခါ ခွေဖေႏသီ ပညတ်တသာ၊ နုဲင်းခွေကရက်သီအတွိုင်ꩻ သီတဖြာꩻ စွဉ်ႏတဖြာꩻ ရက်သွော့လို့ဝင်ꩻ။ ပွိုးနဝ်ꩻမꩻ သီတဖြာꩻ စွဉ်ႏတဖြာꩻ ရက်ဗာႏလို့ဝင်ꩻသွူ။ 35သီတဖြာꩻ စွဉ်ႏတဖြာꩻ မဉ်ႏရက်လို့ဝင်ꩻ၊ သီနဝ်ꩻထွာ ခွေတပဲ့ဖုံႏကျောင်ꩻ လိုꩻစွုမ်ႏဖြာꩻ အီႏသေဗာႏ” နုဲင်းနဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻရီး
(မတဲ ၂၆:၃၁–၃၅။ မာကု ၁၄:၂၇–၃၁။ လုကာ ၂၂:၃၁–၃၄)
36သိမုန်ပေတရု ရီဝွေꩻဗွေႏ၊ “ဗွေႏ၊ နီဗွေႏ အီႏလွေꩻထိုꩻ မုဲင်ꩻကိုဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “ယိုခါ ခွေကအီႏလွေꩻဒါႏ ခင်ႏလမ်းနဝ်ꩻ နာꩻတလွေꩻလွဉ်ꩻ နွောင်ꩻတဝ်း။ ကွဲႏတွော့ꩻ ဆုဲင်ꩻနဝ်ꩻ သီအီႏလွေꩻလွဉ်ꩻ ခွေဆꩻချာ” နုဲင်းနဝ်ꩻသွူ။
37ပေတရုရီ၊ “ဗွေႏ၊ ယိုခါနဝ်ꩻ ပွိုးတမုဲင်ꩻ ခွေတလွေꩻလွဉ်ꩻ နွောင်ꩻတဝ်းတွိုႏ နီဗွေႏ နုဲင်းမုဲင်ꩻဟောင်း၊ အီႏသီဖေႏ နီဗွေႏတာႏနဝ်ꩻ ခွေအဝ်ႏဖျင်ရဲဉ်ꩻ သေꩻမꩻလဲဉ်း” နုဲင်းနဝ်ꩻသွူ။
38ဗွေႏယေသျု လဝ်းချာ။ “အီႏသီဖေႏ ခွေတာႏနဝ်ꩻ နာꩻအဝ်ႏဖျင်ရဲဉ်ꩻ သေꩻမꩻ မွေးလဲဉ်းနဲ့ဟောင်း။ ခွေဒေါ့ꩻဖေႏနာꩻ အမွေးအမဲဉ်ႏ၊ ခလားဆျာထီးကအူႏ နာꩻအီႏရိုꩻ နာꩻတသေငါꩻတဝ်းခွေ သွံလဲင်ႏ” နုဲင်းနဝ်ꩻသွူ။
ទើបបានជ្រើសរើសហើយ៖
ယောဟန် 13: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 13
13
ဗွေႏယေသျုဟွာႏဖေႏဝွေꩻဗွေႏတပဲ့တောႏဖုံႏခင်ႏ
1ယိုခါနဝ်ꩻထွာ ပွယ်ꩻပတ္တခါ ဖစ်နီꩻသွူ။ အဝ်ႏကမ္ဘာႏလောကယို ဝွေꩻဗွေႏ အီႏထန်ႏထိုꩻတွော့ꩻ အီႏလွေꩻထိုꩻဗာႏ ဖါတောႏထျꩻ အချိန်ႏ အဝ်ႏဖျော်လွဉ်လဲဉ်းနဝ်ꩻ ဗွေႏယေသျု အဝ်ႏသေသွူ။ လိုꩻကအဝ်ႏ ကမ္ဘာႏလောကကို ကထွာ ဝွေꩻဗွေႏလိုꩻဖုံႏနဝ်ꩻ ဝွေꩻဗွေႏ အဝ်ႏရက်သေႏသေႏတဲင် ဝွေꩻဗွေႏရက်ဝွေꩻသီး ဗꩻတွိုႏအသွတ်ꩻသွူ။
2ဗွေႏယေသျုတွမ်ႏ ဝွေꩻဗွေႏ တပဲ့တောႏဖုံႏ အဝ်ႏအံႏထာꩻအံႏ မွူးဟာခိုႏနဝ်ꩻသွူ။ သိမုန်သျာကရုတ် ပိုခို ယုဒအသꩻကိုနဝ်ꩻ မာရ်ႏနတ် အဝ်ႏသော့ꩻမꩻလဲဉ်း နဝ်ꩻမꩻ အဝ်ႏယူႏစဉ်ꩻစာꩻ သစ္စာႏအီႏဖေါက် ဗွေႏယေသျုနဝ်ꩻသွူ။ 3ဖါတောႏနဝ်ꩻ ဖေႏလို့လဲဉ်း ဝွေꩻဗွေႏတန်ꩻခိုꩻ ကားကအဝ်ႏနဝ်ꩻ ဗွေႏယေသျု အဝ်ႏသေသွူ။ ဝွေꩻဗွေႏ အဝ်ႏဗွေႏဘုရာꩻထျꩻ ကျွꩻလွဉ်တဲင် အီႏသဲင်ꩻဗာႏ ဗွေႏဘုရာꩻထျꩻနဝ်ꩻ ဝွေꩻဗွေႏအဝ်ႏသေသွူ။ 4နဝ်ꩻမꩻ ဝွေꩻဗွေႏ အဝ်ႏထာꩻအံႏခွုံႏထျꩻနဝ်ꩻ ဝွေꩻဗွေႏထွိုင်ႏတဲင် ဗွောင်ႏဝွေꩻဗွေႏ ဆဲင်ꩻယွုံးတန်တွော့ꩻ လမ်းပꩻတဖွူꩻနဝ်ꩻ စွိုင်ခူခါꩻ ဝွေꩻဗွေႏ ငင်းဒေင်နဝ်ꩻသွူ။ 5နဝ်ꩻထွူ ဝွေꩻဗွေႏ ဆျာꩻလင်ꩻသော့ꩻ ထီဝန်ႏတောင်ꩻတန် တဖြုံႏကိုတဲင် အွဉ်ႏဟွာႏစဖေႏစွဉ်ႏ ဝွေꩻဗွေႏ တပဲ့တောႏဖုံႏ ခင်ႏတွော့ꩻ တွမ်ႏလမ်းပꩻ ကအဝ်ႏစွိုင်ခူခါꩻဒါႏ ဝွေꩻဗွေႏ ငင်းဒေင်နဝ်ꩻ ဒွိုတ်ꩻသဲင်ဖေႏစွဉ်ႏ ဝွေꩻသီးခင်ႏသွူ။ 6ဝွေꩻဗွေႏလွဉ်ထေ့ သိမုန်ပေတရုထျꩻတွော့ꩻ ဝွေꩻဒေါ့ꩻဖေႏ ဝွေꩻဗွေႏ၊ “ဗွေႏ၊ နီဗွေႏ အီႏပသေဖေႏ ခွေခင်ႏနဲ့ဟောင်း” နုဲင်းနဝ်ꩻသွူ။
7ဗွေႏယေသျု လဝ်းချာဝွေꩻ၊ “ယိုခါ ခွေကအဝ်ႏမာꩻ တမုဲင်ꩻနဝ်ꩻ နာꩻတသေနာႏတဝ်းဒွိုန်း၊ ကွဲႏတွော့ꩻ ဆုဲင်ꩻနဝ်ꩻ နာꩻအီႏသေနာႏ” နုဲင်းနဝ်ꩻသွူ။
8ပေတရုဒေါ့ꩻ၊ “မုဲင်ꩻခါတဲ့ နီဗွေႏ တဟွာႏဖေႏဗာႏတဝ်း ခွေခင်ႏ” နုဲင်းနဝ်ꩻသွူ။
ဗွေႏယေသျု လဝ်းချာ၊ “ခွေမဉ်ႏ တဟွာႏဖေႏဗာႏတဝ်း နာꩻခင်ႏနဝ်ꩻ နာꩻအီႏတထွာဗာႏတဝ်း ခွေတပဲ့” နုဲင်းနဝ်ꩻသွူ။
9သိမုန်ပေတရု လဝ်းချာ၊ “ဗွေႏ၊ ပေါ့ꩻနုဲင်းနဝ်ꩻ၊ တွမ်ႏဟွာႏမွိုန်း ခွေခင်ႏလွုမ်ꩻဟုဲင်း။ ဟွာႏပါခွေစူတွမ်ႏ ခွေကတူႏ ကယ်ႏဟုဲင်း” နုဲင်းနဝ်ꩻသွူ။
10ဗွေႏယေသျုဒေါ့ꩻ၊ “လိုꩻကလူးထွူလဲဉ်း ထီသားနဝ်ꩻ ကြောင်းစင်လဲဉ်းတဲင် ပေါႏလွိုသွူ ဝွေꩻသီးခင်ႏဖုံႏ ဝွေꩻသီးနမ်းနဝ်ꩻ တအဝ်ႏလိုႏ ပသေထဲင်းတဝ်းသွူ။ 11(ပါꩻသစ္စာႏအီႏဖေါက် ဝွေꩻဗွေႏနဝ်ꩻ ဗွေႏယေသျု အဝ်ႏသေထွူလဲဉ်းသွူ။ နဝ်ꩻမꩻ ဝွေꩻဗွေႏဒေါ့ꩻ၊ “သီကားကအဝ်ႏ ပေါႏလွိုသွူ ပါꩻတဖြာꩻနဝ်ꩻ ကြောင်းစင်လို့ဒျာႏ” နုဲင်းနဝ်ꩻသွူ။)
12 #
လု ၂၂:၂၇။ ဗွေႏယေသျု ဟွာႏဖေႏ ဝွေꩻသီးခင်ႏဖုံႏထွူ၊ ဝွေꩻဗွေႏ ကꩻချာ ဆဲင်ꩻယွုံးတန်တဲင် ဝွေꩻဗွေႏ ခွယ်သဲင်ꩻချာစွဉ်ႏ ထာꩻအံႏခွုံႏထျꩻနဝ်ꩻသွူ။ ဝွေꩻဗွေႏရီ၊ “နုဲင်းခွေကမာꩻဖေႏလဲဉ်း သီနဝ်ꩻ သီသေနာႏနေဟောင်း” နုဲင်းနဝ်ꩻသွူ။ 13“သီနဝ်ꩻဟဲ့ꩻခွေ ဆရာႏစွဉ်ႏဗွေႏ၊ နုဲင်းသီကဟဲ့ꩻနဝ်ꩻမဲဉ်ႏ။ ပွိုးတွော့ꩻ ခွေနဝ်ꩻထွာမွေး နုဲင်းသီကဟဲ့ꩻနဝ်ꩻသွူ။ 14သီဗွေႏတွမ်ႏ သီဆရာႏခွေနဝ်ꩻ ဟွာႏဖေႏလဲဉ်း သီခင်ႏဖုံႏ။ တွိုႏနဝ်ꩻ သီတဖြာꩻစွဉ်ႏတဖြာꩻ အဝ်ႏလိုႏဟွာႏဖေႏ လို့ဝင်ꩻခင်ႏသွူ။ 15နုဲင်းခွေကမာꩻဖေႏလဲဉ်း သီအတွိုင်ꩻ သီတဲ့ဖေႏကမာꩻနဝ်ꩻ ခွေအွဉ်ႏနယ်ဖေႏလဲဉ်းသွူ သီတာႏ စံႏမူႏသွူ။ 16#မ ၁၀:၂၄၊ လုကာ ၆:၄၀၊ ယော ၁၅:၂၀။ ခွေဒေါ့ꩻဖေႏသီ အမွေးအမဲဉ်ႏ၊ သွဉ်းနဝ်ꩻ တတန်ကယ်ꩻတဝ်း ဝွေꩻသီးအဗွေႏတဲင် တရာꩻဟော်ꩻသားဖုံႏနဝ်ꩻ တတန်ကယ်ꩻတဝ်း ဗွေႏအပါꩻ ကအွဉ်ႏစွꩻလွဉ် ဝွေꩻသီးနဝ်ꩻသွူ။ 17ယိုခါ အမဲဉ်ႏတရာꩻယိုနဝ်ꩻ သီသေလဲဉ်း၊ သီမဉ်ႏကံကျင်ꩻလွဉ်ꩻနဝ်ꩻ သီမင်္ဂလာႏ အီႏအဝ်ႏငါႏ ခွိုင်းကားမုဲင်ꩻ၊၊
18 #
သာ ၄၁:၉။ “ခွေဒေါ့ꩻ သီကားကအဝ်ႏခရာႏ တမွေးတဝ်းသွူ။ ခွေကလွိုက်ဖုံႏနဝ်ꩻ ခွေအဝ်ႏသေသွူ။ ကွဲႏတွော့ꩻ လိတ်ကျမ်ꩻကို ကအဝ်ႏဒေါ့ꩻဒါႏ ၊ ‘ပါꩻခို ကအံႏငီꩻဒါႏ ခွေထာꩻအံႏနဝ်ꩻ အဝ်ႏဆန်ချာခွေ၊’ နုဲင်းနဝ်ꩻနဝ်ꩻ အီႏဗွေမဲဉ်ႏလွဉ်ꩻသွူ။ 19ခလာႏထာꩻယိုဖုံႏ ကထွာလွဉ်ခါကာႏ ယိုခါခွေနဝ်ꩻ အွဉ်ႏဒေါ့ꩻနယ်လဲဉ်းသီ နဝ်ꩻမꩻ ထာꩻနဝ်ꩻ ထွိုင်ႏထွာလွဉ်ချိန်ႏ ၊ ‘ခွေထွာ ပါꩻကထွာခွေ’ နဝ်ꩻသီအီႏယွုမ်းသွူ။ 20#မ ၁၀:၄၀၊ မာ ၉:၃၇၊ လု ၉:၄၈၊ ၁၀:၁၆။ ခွေဒေါ့ꩻဖေႏ သီအမွေးအမဲဉ်ႏ။ ပါꩻမုဲင်ꩻလက္ခံႏ ပါꩻအဖြာꩻ ကအွဉ်ႏစွꩻလွဉ်ခွေနဝ်ꩻ လက်ခံႏပါလဲဉ်း ခွေတဲင် ပါꩻအဖြာꩻ ကလက္ခံႏခွေနဝ်ꩻတဲ့ လက္ခံႏပါလဲဉ်း ဝွေꩻဗွေႏ ကအွဉ်ႏစွꩻလွဉ် ခွေယင်သွူ။
သစ္စာႏအီႏဖေါက်ဝွေꩻဗွေႏနဝ်ꩻဗွေႏယေသျုဟော်ꩻရီး
(မတဲ ၂၆:၂၀–၂၅။ မာကု ၁၄:၁၇–၂၁။ လုကာ ၂၂:၂၁–၂၃)
21ဗွေႏယေသျု ထွိုင်ႏဒေါ့ꩻနုဲင်းယိုထွူ ဝွေꩻဗွေႏ သꩻဒုက္ခ မွေးနေးစွဉ်ႏထာꩻတဲင် ဖေါႏနယ်စဲင်းဖေႏစွဉ်ႏ၊ “ခွေဒေါ့ꩻဖေႏသီ အမွေးအမဲဉ်ႏ။ သီကိုတဖြာꩻနဝ်ꩻ သစ္စာႏအီႏဖေါက်ခွေ” နုဲင်းနဝ်ꩻသွူ။
22ဝွေꩻဗွေႏမဉ်ရိုꩻ ထွာအဖြာꩻမုဲင်ꩻ ခရာႏနဝ်ꩻ ဝွေꩻသီးတက်ထင်း တလꩻတဝ်းနဝ်ꩻမꩻ တပဲ့တောႏဖုံႏနဝ်ꩻ တဖြာꩻစွဉ်ႏတဖြာꩻ ထွားလို့စွဉ်ႏဝင်ꩻဖုံႏသွူ။ 23တပဲ့တောႏဖုံႏကို တဖြာꩻ ဗွေႏယေသျု ကရက်အဖြာꩻနဝ်ꩻ အဝ်ႏအုံလင်ꩻပယ် ဗွေႏယေသျုထျꩻသွူ။ 24သိမုန်ပေတရုနဝ်ꩻ ယိပ်ꩻနယ်ဝွေꩻတဲင်ဒေါ့ꩻ၊ “ဝွေꩻဗွေႏ ကအဝ်ႏဒေါ့ꩻဒါႏ အခရာႏ ထွာပါꩻမုဲင်ꩻနဝ်ꩻ ရီဝွေꩻဗွေႏဟုဲင်း” နုဲင်းနဝ်ꩻသွူ။
25နဝ်ꩻမꩻ တပဲ့တောႏနဝ်ꩻ ခြုဲင်းဗော့ꩻလွေꩻ ဗွေႏယေသျုထျꩻတဲင်ရီ၊ “ဗွေႏ၊ နဝ်ꩻနဝ်ꩻထွာ ပါꩻမုဲင်ꩻဟောင်း” နုဲင်းနဝ်ꩻသွူ။
26ဗွေႏယေသျု လဝ်းချာ၊ “ခွေအီႏစုပ်ꩻတခိုး ဟန်ႏအိုဝန်ႏကိုတွော့ꩻ အီႏဖေႏဝွေꩻသွူ။ ပါꩻနဝ်ꩻနဝ်ꩻ ထွာဝွေꩻနဝ်ꩻသွူ” နုဲင်းနဝ်ꩻမꩻ ဝွေꩻဗွေႏထူႏ တခိုး တခဝ်နဝ်ꩻ စုပ်ꩻသော့ꩻ ဟန်ႏအိုဝန်ႏကိုတဲင် တခိုးနဝ်ꩻ ဖေႏထိုꩻစွဉ်ႏ သိမုန်သျာကရုတ် ပိုခိုယုဒနဝ်ꩻသွူ။ 27ယုဒထွိုင်ႏထူႏ တခိုးနဝ်ꩻ တလဲင်ႏချင်ꩻ စာႏတန်ႏ နွို့သော့ꩻဝွေꩻကိုသွူ။ ဗွေႏယေသျု ဒေါ့ꩻဖေႏဝွေꩻ၊ “နာꩻအဗာႏမာꩻ နုဲင်းမုဲင်ꩻတဲ့ မာꩻမွိုင်မွိုင်ခန်းဟုဲင်း” နုဲင်းနဝ်ꩻသွူ။ 28ပွိုးတမုဲင်ꩻ ဗွေႏယေသျု ဒေါ့ꩻဖေႏဗာႏဝွေꩻ နုဲင်းယိုနဝ်ꩻ လိုꩻလင်ကအဝ်ႏ ထာꩻအံႏခွုံႏထျꩻနဝ်ꩻ တဖြာꩻငါတဲ့ တသေနာႏတဝ်းသွူ။ 29ယုဒနဝ်ꩻ အဝ်ႏထိန်ꩻထွားဗာႏ ရွဉ်တောင်းပွိုနဝ်ꩻမꩻ ပွယ်ꩻတောႏအတာႏ ကအဝ်ႏလိုႏဒါႏ မဉ်ႏမွေးတဝ်း အီႏဖေႏ လိုꩻကေန်ꩻဖုံႏတာႏ တစွိုးစွိုးနဝ်ꩻ တပဲ့တောႏဖုံႏ ယင်ဟန်ႏထင်းဒျာႏ ဗွေႏယေသျု ထွဉ်ႏဝွေꩻ လွေꩻဖြေꩻထာꩻသွူ။
30ယုဒလက္ခံႏထူႏ တခိုးတဲင် ထန်ႏလွေꩻစွဉ်ႏ တလဲင်ႏချင်ꩻနဝ်ꩻသွူ။ နဝ်ꩻနဝ်ꩻထွာ ထာꩻခေ့ꩻချိန်ႏသွူ။
ပညတ်တောႏတသာ
31ယုဒထန်ႏလွေꩻထွူ ဗွေႏယေသျုဒေါ့ꩻ၊ “ယိုခါ လိုꩻပိုခို ဘွုန်ꩻသရေႏနဝ်ꩻ အီႏတောင်ႏလေသွူ။ ယိုခါ ဗွေႏဘုရာꩻ အဘွုန်ꩻသရေႏတောႏနဝ်ꩻ အီႏဖေါႏနယ် တောင်ႏလေအီစွဉ်ႏ လိုꩻပိုခိုသွူ။ 32ဗွေႏဘုရာꩻ အဘွုန်ꩻသရေႏတောႏ မဉ်ႏဖေါႏနယ်အီစွဉ်ႏ ဝွေꩻဗွေႏ၊ ထွူနဝ်ꩻ လိုꩻပိုခို အဘွုန်ꩻတောႏနဝ်ꩻ ဗွေႏဘုရာꩻ အီႏဖေါႏနယ်အီစွဉ်ႏ ဝွေꩻဗွေႏ နမ်းကိုယ်ႏတဲင်ႏတဲင် ဝွေꩻဗွေႏ အီႏမာꩻစွဉ်ႏ တလဲင်ႏချင်ꩻနဝ်ꩻသွူ။ 33#ယော ၇:၃၄။ ခွေပိုဖုံႏ၊ ခွေနဝ်ꩻ အီႏတအုံငီꩻည ဗာႏတဝ်းဒွုမ် သီသွူ။ သီအီႏထုမ်ႏ ခွေ၊ ကွဲႏတွော့ꩻ နုဲင်းခွေကဒေါ့ꩻနယ် ဖေႏလဲဉ်း ဂျူးအာႏဏာႏပဲင်ႏသားဖုံႏနဝ်ꩻ ယိုခါ ခွေဒေါ့ꩻဖေႏသီ။ ‘ခွေကအဝ်ႏလွေꩻဒါႏ ခင်ႏလမ်းနဝ်ꩻ သီတလွေꩻနွောင်ꩻတဝ်း’ နုဲင်းနဝ်ꩻသွူ။ 34#ယော ၁၅:၁၂၊ ၁၇၊ ၁ယော ၃:၂၃၊ ၂ယော ၅။ ယိုခါ ခွေဖေႏသီ ပညတ်တသာ၊ နုဲင်းခွေကရက်သီအတွိုင်ꩻ သီတဖြာꩻ စွဉ်ႏတဖြာꩻ ရက်သွော့လို့ဝင်ꩻ။ ပွိုးနဝ်ꩻမꩻ သီတဖြာꩻ စွဉ်ႏတဖြာꩻ ရက်ဗာႏလို့ဝင်ꩻသွူ။ 35သီတဖြာꩻ စွဉ်ႏတဖြာꩻ မဉ်ႏရက်လို့ဝင်ꩻ၊ သီနဝ်ꩻထွာ ခွေတပဲ့ဖုံႏကျောင်ꩻ လိုꩻစွုမ်ႏဖြာꩻ အီႏသေဗာႏ” နုဲင်းနဝ်ꩻသွူ။
ပေတရုအီႏပယ်ႏနဝ်ꩻဗွေႏယေသျုဟော်ꩻရီး
(မတဲ ၂၆:၃၁–၃၅။ မာကု ၁၄:၂၇–၃၁။ လုကာ ၂၂:၃၁–၃၄)
36သိမုန်ပေတရု ရီဝွေꩻဗွေႏ၊ “ဗွေႏ၊ နီဗွေႏ အီႏလွေꩻထိုꩻ မုဲင်ꩻကိုဟောင်း” နုဲင်းနဝ်ꩻသွူ။
ဗွေႏယေသျု လဝ်းချာ၊ “ယိုခါ ခွေကအီႏလွေꩻဒါႏ ခင်ႏလမ်းနဝ်ꩻ နာꩻတလွေꩻလွဉ်ꩻ နွောင်ꩻတဝ်း။ ကွဲႏတွော့ꩻ ဆုဲင်ꩻနဝ်ꩻ သီအီႏလွေꩻလွဉ်ꩻ ခွေဆꩻချာ” နုဲင်းနဝ်ꩻသွူ။
37ပေတရုရီ၊ “ဗွေႏ၊ ယိုခါနဝ်ꩻ ပွိုးတမုဲင်ꩻ ခွေတလွေꩻလွဉ်ꩻ နွောင်ꩻတဝ်းတွိုႏ နီဗွေႏ နုဲင်းမုဲင်ꩻဟောင်း၊ အီႏသီဖေႏ နီဗွေႏတာႏနဝ်ꩻ ခွေအဝ်ႏဖျင်ရဲဉ်ꩻ သေꩻမꩻလဲဉ်း” နုဲင်းနဝ်ꩻသွူ။
38ဗွေႏယေသျု လဝ်းချာ။ “အီႏသီဖေႏ ခွေတာႏနဝ်ꩻ နာꩻအဝ်ႏဖျင်ရဲဉ်ꩻ သေꩻမꩻ မွေးလဲဉ်းနဲ့ဟောင်း။ ခွေဒေါ့ꩻဖေႏနာꩻ အမွေးအမဲဉ်ႏ၊ ခလားဆျာထီးကအူႏ နာꩻအီႏရိုꩻ နာꩻတသေငါꩻတဝ်းခွေ သွံလဲင်ႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.