ယောဟန် 11
11
လာဇရုသီ
1 #
လု ၁၀:၃၈၊ ၃၉။ ပါꩻခိုတဖြာꩻမဉ်ꩻ လာဇရု ကအဝ်ႏအုံသော့ꩻဒါႏ ဒုံဗေတနိကိုနဝ်ꩻ အဝ်ႏဆာတဝ်ထာꩻသွူ။ ဒုံဗေတနိနဝ်ꩻ ထွာမာရိတွမ်ႏ အဖူးမူႏ မာတ အဝ်ႏအုံသော့ꩻခင်ႏလမ်းသွူ။ 2#ယော ၁၂:၃။ (မာရိယိုနဝ်ꩻထွာ ပါꩻမူႏအဖြာꩻ ကထောက်ꩻလူးဒါႏ နမ်းမန်ꩻဟွမ် ဗွေႏဘုရာꩻ ခင်ႏလောင်းတဲင် စွဉ်ႏဝွေꩻမူႏကလူꩻ ကဒွိုတ်ꩻဖေႏနဝ်ꩻသွူ။ ကအဝ်ႏဆော့ဒါႏထာꩻနဝ်ꩻ ထွာဝွေꩻမူႏ အဖူးခို လာဇရုသွူ။) 3အဝေးမူႏဖုံႏ အွဉ်ႏဟွိုန်လွေꩻ သတင်ꩻ ဗွေႏယေသျုထျꩻ၊ “ဗွေႏဘုရာꩻ၊ နီဗွေႏကရက်ငါႏသွꩻနဝ်ꩻ အဝ်ႏဆော့တဝ်ထာꩻ” နုဲင်းနဝ်ꩻသွူ။
4ဗွေႏယေသျု ထွိုင်ႏဟွိုန်ချိန်ႏ ဝွေꩻဗွေႏဒေါ့ꩻ၊ “စွဉ်ႏထာꩻဆော့ယိုနဝ်ꩻ အဆုဲင်ꩻသွတ်ꩻ လာဇရု အီႏတသီအီဗာႏတဝ်းသွူ။ ကအဝ်ႏထွာ ထာꩻနုဲင်းယိုနဝ်ꩻ ဖေႏနေး ဗွေႏဘုရာꩻ ဘွုန်ꩻသရေႏတောႏ ထင်ႏသျာꩻလွဉ်အီတွော့ꩻ ထာꩻယိုအဓိပ္ပါယ်ႏနဝ်ꩻ အီႏထွာ စွဉ်ႏဗွေႏဘုရာꩻ အပိုခို အီႏလက်ခံႏလꩻ ဘွုန်ꩻသရေႏ” နုဲင်းနဝ်ꩻသွူ။
5ဗွေႏယေသျုနဝ်ꩻ ရက်ငါႏမာတတွမ်ႏ အဖူးမူႏစွဉ်ႏ လာဇရုနဝ်ꩻသွူ။ 6ကွဲႏတွော့ꩻ ဝွေꩻဗွေႏထွိုင်ႏဟွိုန် လာဇရု အဝ်ႏဆာတဝ်ထာꩻချိန်ႏ ဝွေꩻဗွေႏ အုံထဲင်းက နဝ်ꩻကိုနီနီꩻသွူ။ 7နဝ်ꩻထွူ ဝွေꩻဗွေႏဒေါ့ꩻဖေႏ တပဲ့တောႏဖုံႏ၊ “နီအွဉ်ဝင်ꩻ သဲင်ꩻချာတွမ် ယုဒခမ်း၊” နုဲင်းနဝ်ꩻသွူ။
8တပဲ့တောႏဖုံႏ လဝ်းချာ၊ “ဆရာႏ၊ တညတဝ်းဒွိုန်း လိုꩻနဝ်ꩻကိုဖုံႏ အဝ်ႏမဉ်နုဲင်ႏနို နီဗွေႏ တွမ်ႏလုံးတူႏတဲင် နီဗွေႏ မဉ်သဲင်ꩻချာနေက နဝ်ꩻကိုဟောင်း” နုဲင်းနဝ်ꩻသွူ။
9ဗွေႏယေသျုဒေါ့ꩻ၊ “တနီꩻနဝ်ꩻ အဝ်ႏတဆီနီနားရီႏ မွေးတဝ်းဟောင်း။ နဝ်ꩻမꩻ လိုꩻကထောင်လွေꩻသော့ꩻဒါႏ ထာꩻလေကိုနဝ်ꩻ ၊ ပွိုးဝွေꩻသီးအဝ်ႏထီႏ လောကထာꩻလေယို အတွက် တတခူဗာႏတဝ်း ထာꩻသွူ။ 10ကွဲႏတွော့ꩻ ဝွေꩻသီး မဉ်ႏထောင်လွေꩻဒျာႏ ထာꩻခေ့ꩻချိန်ႏနဝ်ꩻ ပွိုးဝွေꩻသီးနဝ်ꩻ ထာꩻလေအဲဉ်ထဝ်း နဝ်ꩻမꩻ ဝွေꩻသီးတခူဗာႏထာꩻ” နုဲင်းနဝ်ꩻသွူ။ 11ဗွေႏယေသျု ဒေါ့ꩻနုဲင်းယိုထွူတဲင် ဒေါ့ꩻထဲင်းယင်း၊ “နီသွꩻလာဇရုနဝ်ꩻ အဝ်ႏဗေင်ႏအွီႏလဲဉ်းထာꩻ၊ ကွဲႏတွော့ꩻ ခွေအီႏလွေꩻတဲင် တမာထွိုင်ႏဝွေꩻ” နုဲင်းနဝ်ꩻသွူ။
12တပဲ့တောႏဖုံႏလဝ်းချာ၊ “ဗွေႏဘုရာꩻ၊ ဝွေꩻမဉ်ႏဗေင်ႏအွီႏဒျာႏထာꩻနဝ်ꩻ ဝွေꩻအီႏဟဝ်ရေꩻဒျာႏ” နုဲင်းနဝ်ꩻသွူ။
13ဗွေႏယေသျု မဉ်ရိုꩻဒျာႏ အဓိပ္ပါယ်ႏနဝ်ꩻ လာဇရုသီထိုꩻလဲဉ်း၊ ကွဲႏတွော့ꩻ ဝွေꩻသီးထင်းဒျာႏ ဝွေꩻဗေင်ႏအွီႏထာꩻ ရိုꩻရိုꩻသွူ။ 14ပွိုးနဝ်ꩻမꩻ ဗွေႏယေသျု ဒေါ့ꩻနယ်စဲင်းဖေႏစွဉ်ႏ ဝွေꩻသီး၊ “လာဇရုနဝ်ꩻ သီထိုꩻလဲဉ်း။ 15ကွဲႏတွော့ꩻ ခွေတအဝ်ႏငီꩻတဝ်း တွမ်ႏဝွေꩻနဝ်ꩻ ဖေႏနေး သီထာꩻယွုမ်း ကအဝ်ႏတွော့ꩻ သီအတာႏ ခွေသꩻဟဝ်သꩻရေꩻငါႏသွူ။ နီအွဉ်ဝင်ꩻ လွေꩻတွမ်ဝွေꩻထျꩻ” နုဲင်းနဝ်ꩻသွူ။
16တောမ (ကဟဲ့ꩻဒါႏမဲရွာ)နဝ်ꩻ ဒေါ့ꩻဖေႏဝွေꩻသွꩻတပဲ့ဖုံႏ၊ “ဖေႏနေး နီ ယံကသီငီꩻဒျာႏတွမ် စွဉ်ႏဝွေꩻဗွေႏနဝ်ꩻ နီကားကအဝ်ႏ အွဉ်ဝင်ꩻ လွေꩻငီꩻတွမ် ဆရာႏ၊” နုဲင်းနဝ်ꩻသွူ။
အသက်မွန်တွမ်ႏထွိုင်ႏမွန်ဗွေႏယေသျု
17ဗွေႏယေသျု ထွိုင်ႏဖျော်လွဉ်ချိန်ႏ လာဇရုနဝ်ꩻ ဝင်ꩻသင်္ဂြိုဟ်ႏလꩻလဲဉ်း လစ်ꩻနီꩻကျောင်ꩻ ဝွေꩻဗွေႏထီႏသေဗာႏသွူ။ 18ဒုံဗေတနိတွမ်ႏ ဝေင်ꩻယေရုသလမ်ႏနဝ်ꩻ တလွိုတဝ်း နီမဲင်ႏသွူ။ 19ပွိုင်းဝွို့တွမ်ႏ ဝွေꩻသီးအဖူးခို ကသီထိုꩻခရာႏနဝ်ꩻ မာဖေႏနေး ကဖေႏအာႏဗာႏ ဝွေꩻသီးနဝ်ꩻ ယုဒလိုꩻဖုံႏအာငါႏ လွဉ်ထွား မာတတွမ်ႏမာရိသွူ။
20မာတထွိုင်ႏဟွိုန် ဗွေႏယေသျု အဝ်ႏကျွꩻလွဉ်ချိန်ႏ အီႏမော့ꩻခွဲဝွေꩻဗွေႏနဝ်ꩻ ဝွေꩻမူႏ ထန်ႏလွေꩻစွဉ်ႏနဝ်ꩻသွူ၊ ကွဲႏတွော့ꩻ မာရိနဝ်ꩻ အုံကုဲင်ဒျာႏ လမ်းကိုသွူ။ 21မာတဒေါ့ꩻဖေႏ ဗွေႏယေသျု၊ “ဗွေႏဘုရာꩻ၊ နီဗွေႏမဉ်ႏအဝ်ႏဒျာႏ ယိုကိုနဝ်ꩻ ခွေဖူးခို အီႏတသီဗာႏတဝ်းသွူ။ 22ကွဲႏတွော့ꩻ ယိုခါ နီဗွေႏကွီ ဗွေႏဘုရာꩻ ထာꩻမုဲင်ꩻတယဝ်း ဝွေꩻဗွေႏအီႏဖေႏနဝ်ꩻ ခွေသွဉ်းမူႏ အဝ်ႏသေ” နုဲင်းနဝ်ꩻသွူ။
23ဗွေႏယေသျု ဒေါ့ꩻဖေႏဝွေꩻမူႏ၊ “နာꩻဖူးခို အီႏထွိုင်ႏမွန် လွဉ်ချာယင်းဒျာႏ” နုဲင်းနဝ်ꩻသွူ။
24ဝွေꩻမူႏလဝ်းချာ၊ “အဆုဲင်ꩻသွတ်ꩻ မွူးနီꩻနဝ်ꩻ ဝွေꩻအီႏထွိုင်ႏမွန် လွဉ်ချာယင်းနဝ်ꩻ ခွေသွဉ်းမူႏ အဝ်ႏသေ” နုဲင်းနဝ်ꩻသွူ။
25ဗွေႏယေသျု ဒေါ့ꩻဖေႏဝွေꩻမူႏ၊ “ခွေနဝ်ꩻထွာ အဝ်ႏထာꩻသီကို ထွိုင်ႏမွန်အဗွေႏ တွမ်ႏအသက်မွန် အဗွေႏသွူ။ လိုꩻကယွုမ်း ခွေသားနဝ်ꩻ ဝွေꩻသီး လဲင်ꩻသီထိုꩻလဲဉ်း စွဉ်ႏတဲ့ အသက်အီႏအဝ်ႏမွန်ဒျာႏ 26တဲင်လိုꩻအသက် ကအဝ်ႏမွန်တွော့ꩻ ကယွုမ်းဒါႏခွေသားနဝ်ꩻ မုဲင်ꩻခါတဲ့ အီႏတသီဗာႏတဝ်းသွူ။ ယိုနဝ်ꩻ နာꩻယွုမ်းနေဟောင်း” နုဲင်းနဝ်ꩻသွူ။
27ဝွေꩻမူႏလဝ်းချာ၊ “မွေး၊ ယွုမ်းဒျာႏ၊ ဗွေႏဘုရာꩻ၊ နီဗွေႏနဝ်ꩻထွာ မေသျိယ၊ ဗွေႏဘုရာꩻပိုခို ကအဝ်ႏကျွꩻလင်ꩻလွဉ်ဒါႏ ကမ္ဘာႏလောကကိုနဝ်ꩻ ခွေသွဉ်းမူႏ ယွုမ်းဒျာႏ” နုဲင်းနဝ်ꩻသွူ။
ဗွေႏယေသျုမဲ့ထီလင်ꩻ
28မာတဒေါ့ꩻနုဲင်းယို ထွိုင်ႏထွူ ဝွေꩻမူႏ သဲင်ꩻချာတဲင် ဝွေꩻမူႏဟဲ့ꩻတေ့ꩻ အဖူးမူႏ မာရိသွူ။ ဝွေꩻမူႏဒေါ့ꩻဖေႏ မာရိ၊ “ဆရာႏအဝ်ႏသူꩻကိုတွော့ꩻ အဝ်ႏရီနာꩻ” နုဲင်းနဝ်ꩻသွူ။ 29မာရိထွိုင်ႏဟွိုန် နုဲင်းယိုချိန်ႏ ဝွေꩻမူႏနဲစ်ထွိုင်ႏတဲင် ထန်ႏလွေꩻမော့ꩻခွဲစွဉ်ႏ ဝွေꩻဗွေႏသွူ။ 30(ဗွေႏယေသျု တလꩻဖျော်လွဉ် သော့ꩻတဝ်းဒွိုန်း ဒုံကိုတွော့ꩻ အဝ်ႏနေက ကမော့ꩻခွဲစွဉ်ႏ မာတ ခင်ႏလမ်းကိုနဝ်ꩻသွူ။) 31လိုꩻဖုံႏကအဝ်ႏလွဉ် ဖေႏအာႏသား အဝ်ႏငီꩻစွဉ်ႏ မာရိလမ်းကိုတဲင် ဝွေꩻသီးထွိုင်ႏထီႏ ဝွေꩻမူႏနဲစ်ထွိုင်ႏ ထန်ႏမွိုင်ချိန်ႏနဝ်ꩻ ဝွေꩻသီးထင်းဒျာႏ ဝွေꩻမူႏလွေꩻငွိုးထာꩻ သဲင်ႏခဲင်ꩻအောင်ကိုတဲင် ဝွေꩻသီး လွေꩻလွဉ်ꩻစွဉ်ႏ ဝွေꩻမူႏဆꩻချာသွူ။
32မာရိဖျော်တွိုႏလွေꩻ ဗွေႏယေသျု ကအဝ်ႏခင်ႏလမ်းတဲင် ဝွေꩻမူႏထီႏ ဝွေꩻဗွေႏတွော့ꩻ တလဲင်ႏချင်ꩻ အုံအွပ်ꩻလင်ꩻ ဝွေꩻဗွေႏခင်ႏထျꩻသွူ။ ဝွေꩻမူႏဒေါ့ꩻ၊ “ဗွေႏဘုရာꩻ၊ နီဗွေႏမဉ်ႏအဝ်ႏဒျာႏ ယိုကိုနဝ်ꩻ ခွေဖူးခို အီႏတသီဗာႏတဝ်း” နုဲင်းနဝ်ꩻသွူ။
33ဗွေႏယေသျုထွိုင်ႏထီႏ ဝွေꩻမူႏအဝ်ႏငွိုးထာꩻစွဉ်ႏ လိုꩻဖုံႏကအဝ်ႏငီꩻဒါႏ ဝွေꩻမူႏနဝ်ꩻတဲ့ အဝ်ႏငွိုးထာꩻဖုံႏ နေနေနဝ်ꩻမꩻ ဗာႏခွိုက်ငါႏ ဝွေꩻဗွေႏသꩻတဲင် ဝွေꩻဗွေႏ သꩻပေႏမွေးနေးစွဉ်ႏသွူ။ 34ဝွေꩻဗွေႏရီဝွေꩻသီး၊ “သီသင်္ဂြိုဟ်ႏဝွေꩻ မုဲင်ꩻကိုဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ဗွေႏဘုရာꩻ၊ ကျွꩻလွဉ်တွော့ꩻ ထွားဟုဲင်း” နုဲင်းနဝ်ꩻသွူ။
35ဗွေႏယေသျု မဲ့ထီလင်ꩻစွဉ်ႏသွူ။ 36လိုꩻဖုံႏဒေါ့ꩻ၊ “ဝွေꩻဗွေႏရက်ငါႏဝွေꩻ ခွိုင်းကားမုဲင်ꩻနဝ်ꩻ ထွားမွိုင်” နုဲင်းနဝ်ꩻသွူ။
37ကွဲႏတွော့ꩻ ဝွေꩻသီး ယင်ဟန်ႏနဝ်ꩻဒေါ့ꩻ၊ “ကမာꩻထီႏစဲင်းဖေႏ လိုꩻမဲ့ခေ့ꩻနဝ်ꩻ ဝွေꩻဗွေႏသွူ တမွေးတဝ်းဟောင်း။ အဝ်ႏထာꩻသီကိုနဝ်ꩻ တမာꩻထွိုင်ႏမွန် ဖေႏနွောင်ꩻတဝ်း လာဇရုဟောင်း” နုဲင်းနဝ်ꩻသွူ။
လာဇရုသက်မွန်ချာယင်း
38ဗွေႏယေသျု သꩻကိုနဝ်ꩻ ခံႏစာꩻသန် လွဉ်ဖျင်ယင်းတလဲင်ႏတဲင် ဗွေႏယေသျု လွေꩻသဲင်ႏခဲင်ꩻအောင် လုံးတူႏတန်တဖြုံႏ ကအဝ်ႏပေ့ꩻသေꩻခါꩻဒါႏ ထမ်းအိုငွါနဝ်ꩻသွူ။ 39ဗွေႏယေသျု ဖေႏအမိန်း၊ “ထူႏညာꩻထိုꩻ လုံးတူႏနဝ်ꩻဟုဲင်း” နုဲင်းနဝ်ꩻသွူ။
ကသီထိုꩻဒါႏပါꩻခို အဝေးမူႏ မာတနဝ်ꩻ လဝ်းချာ၊ “ဗွေႏဘုရာꩻ၊ ဝွေꩻနဝ်ꩻ သင်္ဂြိုဟ်ႏလꩻလဲဉ်းသွူ လစ်ꩻနီနဝ်ꩻမꩻ အီႏနွုမ်ꩻသေင်ထိုꩻလဲဉ်း” နုဲင်းနဝ်ꩻသွူ။
40ဗွေႏယေသျု ဒေါ့ꩻဖေႏဝွေꩻမူႏ၊ “နာꩻမဉ်ႏယွုမ်းနဝ်ꩻ နာꩻအီႏထီႏဗာႏ ဗွေႏဘုရာꩻ ဘွုန်ꩻသရေႏတောႏနဝ်ꩻ ခွေဒေါ့ꩻဖေႏလဲဉ်းနာꩻ တမွေးတဝ်းဟောင်း” နုဲင်းနဝ်ꩻသွူ။ 41ဝွေꩻသီး ထူႏညာꩻထိုꩻ လုံးတူႏသွူ။ ဗွေႏယေသျု ထွားကီထင်ႏတဲင်ဒေါ့ꩻ၊ “အွိုးဖါတောႏ၊ နီဖါနဝ်ꩻ နာႏခွေငဝ်းနဝ်ꩻမꩻ ခွေကေꩻဇူꩻတင်ႏငါႏသွူ။ 42နီဖါအဝ်ႏနာႏ သေႏသေႏ ခွေငဝ်းနဝ်ꩻ ခွေအဝ်ႏသေ၊ ကွဲႏတွော့ꩻ နီဖါအွဉ်ႏစွꩻလွဉ်ခွေကျောင်ꩻ ဖေႏနေး ဝွေꩻသီးကယွုမ်းနဝ်ꩻ လိုꩻကအဝ်ႏယိုကိုသားဖုံႏတာႏ ခွေလဝ်းထင်ႏဗာႏ နုဲင်းယို” နုဲင်းနဝ်ꩻသွူ။ 43ဝွေꩻဗွေႏဒေါ့ꩻ နုဲင်းယိုထွူ ဝွေꩻဗွေႏ ဟဲ့ꩻထန်ႏသန် မွေးနေးအငဝ်း၊ “လာဇရု၊ ထန်ႏလွဉ်ဟုဲင်း” နုဲင်းနဝ်ꩻသွူ။ 44ဝွေꩻကထန်ႏလွဉ်နဝ်ꩻ ဝွေꩻစူဖုံႏတွမ်ႏ ခင်ႏဖုံႏ အဝ်ႏလွမ်နေး မသား ပိတ်ခဝ်ဖုံႏ စွဉ်ႏဝွေꩻမဲ့ငါနဝ်ꩻ ဗဲဉ်ခူခါꩻနေး ပိတ်ခဝ်သွူ၊ ဗွေႏယေသျုဒေါ့ꩻဖေႏ ဝွေꩻသီး “စေဖေႏ ဝွေꩻတွော့ꩻ အွဉ်ႏဝွေꩻလွေꩻခန်းသွော့” နုဲင်းနဝ်ꩻသွူ။
ကျံႏမာꩻသီဗွေႏယေသျု
(မတဲ ၂၆:၁–၅ ။ မာကု ၁၄:၁–၂။ လုကာ ၂၂:၁–၂)
45နုဲင်းဗွေႏယေသျု ကမာꩻလဲဉ်းဖုံႏနဝ်ꩻ လိုꩻအာဖုံႏ ကလွဉ်မော့ꩻခွဲဒါႏ မာရိနဝ်ꩻ ထီႏတဲင် ဝွေꩻသီးယွုမ်းစွဉ်ႏ ဝွေꩻဗွေႏသွူ။ 46ကွဲႏတွော့ꩻ ဝွေꩻသီး လိုꩻယင်ဟန်ႏနဝ်ꩻ သဲင်ꩻချာ ဖါရိသဲဖုံႏထျꩻတဲင် ဗွေႏယေသျု ကမာꩻလဲဉ်းဒါႏဖုံႏနဝ်ꩻ ဒေါ့ꩻနယ်ဖေႏစွဉ်ႏ ဝွေꩻသီးသွူ။ 47နဝ်ꩻမꩻ ဖါရိသဲဖုံႏတွမ်ႏ ယဇ်ပရောဟိတ်တန်ဖုံႏနဝ်ꩻ မော့ꩻခွဲစွဉ်ႏ ကောင်စီစွိုꩻဖုံႏတဲင်ဒေါ့ꩻ၊ “နီအီႏမာꩻဒွုမ် နုဲင်းမုဲင်ꩻဟောင်း။ ထွားမွိုင်၊ ပါꩻခိုယို မာꩻနယ်အာမွေးစွဉ်ႏ နိမိတ်လက္ခဏာႏဖုံႏသွူ။ 48တွမ်ႏအနယ်ꩻယို နီမဉ်ႏအွဉ်ႏစွꩻလွေꩻ ဝွေꩻဗွေႏနဝ်ꩻ လိုꩻစွုမ်ႏဖြာꩻ အီႏယွုမ်းဝွေꩻတဲင် ရောမ အာႏဏာႏပဲင်ႏသားဖုံႏနဝ်ꩻ အီႏထူႏရေꩻတွော့ꩻ ယားကုဲင်ထိုꩻ နီဗိမာန်ႏတောႏ ကျောင်ꩻတွမ်ႏ နီအမျိုꩻသာꩻဖုံႏ” နုဲင်းနဝ်ꩻသွူ။
49ဝွေꩻသီးကို တဖြာꩻ မဉ်ꩻကဟဲ့ꩻဒါႏ ကာယာဖနဝ်ꩻ အနေင်ႏနဝ်ꩻ ထွာ ယဇ်ပရောဟိတ် ခွန်တန်တဲင်ဒေါ့ꩻ၊ “သီမွော့ꩻ ဉာဏ်ႏဆေ့ꩻငါႏ နုဲင်းနဝ်ꩻ။ 50ခလားကယားကုဲင်ထိုꩻ နီတမျိုꩻသာꩻလွုမ်းနဝ်ꩻ သီတာႏ လိုꩻတဖြာꩻ သီဖေႏလိုꩻဖုံႏတာႏ ကယိန်းဟဝ်နဝ်ꩻ သီတယူႏတဝ်းဟောင်း” နုဲင်းနဝ်ꩻသွူ။ 51အမဲဉ်ႏနဝ်ꩻ ဝွေꩻကဒေါ့ꩻဗာႏ နုဲင်းယိုနဝ်ꩻ စွဉ်ႏဝွေꩻဉာဏ်ႏတွော့ꩻ ဒေါ့ꩻတမွေးတဝ်း၊ အနေင်ႏနဝ်ꩻ နုဲင်းဝွေꩻကထွာ ယဇ်ပရောဟိတ် ခွန်တန်အတွိုင်ꩻ ဗွေႏယေသျုနဝ်ꩻ အီႏခံႏသီဖေႏဗာႏ ဂျူးလိုꩻမျိုꩻဖုံႏတာႏနဝ်ꩻ ဝွေꩻဟော်ꩻငါရီးဖေႏဒျာႏ နဝ်ꩻသွူ။ 52ဝွေꩻသီးတာႏလွုမ်ꩻ တကာႏတဝ်း ကအဝ်ႏစွစ်ꩻလီဒါႏ ဗွေႏဘုရာꩻ အလိုꩻဖုံႏ ကားကအဝ်ႏနဝ်ꩻတဲ့ ဖေႏကဟဲ့ꩻစုဗူႏလို့ယင်း တစုတဗူႏချင်ႏနဝ်ꩻသွူ။
53တယ်ႏစွဉ်ႏ အနီꩻနဝ်ꩻကာႏ ဂျူးအာႏဏာႏပဲင်ႏသားဖုံႏ ဖေႏကမာꩻသီဗာႏ ဗွေႏယေသျုနဝ်ꩻ မာꩻစွဉ်ႏ အစီႏအစဲဉ်ႏဖုံႏသွူ။ 54နဝ်ꩻမꩻ ဗွေႏယေသျု ထန်ႏလွေꩻ ထင်ႏသျာꩻတဝ်းဒွုမ်တဖူꩻ ယုဒခမ်းကို၊ ကွဲႏတွော့ꩻ ထန်ႏလွေꩻထိုꩻ ခင်ႏလမ်းတထွောင်း ကအဝ်ႏဗော့ꩻဒါႏ ကန္တာရသုဲင်ꩻခြာ ဝေင်ꩻတဖြုံႏ မဉ်ꩻကဟဲ့ꩻဒါႏ ဧဖါရိမ်နဝ်ꩻသွူ။ ဝွေꩻဗွေႏ အုံငီꩻစွဉ်ႏ တပဲ့တောႏဖုံႏ နဝ်ꩻကိုသွူ။
55ပွယ်ꩻပတ္တခါ အချိန်ႏဗော့ꩻလွဉ်လဲဉ်းတဲင် လိုꩻအာဖုံႏနဝ်ꩻ အဝ်ႏဒုံထင်ႏလွေꩻ ဝေင်ꩻယေရုသလမ်ႏတဲင် ခလားပွယ်ꩻတန် ကတွိုႏနဝ်ꩻ ဘာႏသာႏရေꩻထွုံꩻအလꩻ အီႏမာꩻကြောင်းစင်ဗာႏ နမ်းဖုံႏသွူ။ 56ဝွေꩻသီး အဝ်ႏထုမ်ႏထွား ဗွေႏယေသျုတဲင် နုဲင်းဝွေꩻသီး ကစုဗူႏသော့ꩻ ဗိမာန်ႏတောႏ ကျောင်ꩻကိုချိန်ႏ “နာꩻထင်းနုဲင်းမုဲင်ꩻဟောင်း။ အမဲဉ်ႏနဝ်ꩻ ဝွေꩻအီႏတလွဉ်တဝ်း ပွယ်ꩻယို။ ဝွေꩻအီႏလွဉ် နေဟောင်း”နဝ်ꩻ ဝွေꩻသီး တဖြာꩻတွမ်ႏတဖြာꩻ အဝ်ႏရီလို့ဝင်ꩻ နုဲင်းနဝ်ꩻသွူ။ 57ပါꩻမုဲင်ꩻတယဝ်း မဉ်ႏသေ ဗွေႏယေသျု အဝ်ႏခင်ႏလမ်းတွော့ꩻ ဖေႏနေး ဝွေꩻသီးကဆွမ်ꩻလꩻ ဝွေꩻဗွေႏနဝ်ꩻ ဝွေꩻဖေႏဗာႏသꩻတင်ꩻ ယဇ်ပရောဟိတ် တန်ဖုံႏတွမ်ႏ ဖါရိသဲဖုံႏ ထေသေꩻခါꩻလဲဉ်း အမိန်းနဝ်ꩻသွူ။
ទើបបានជ្រើសរើសហើយ៖
ယောဟန် 11: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 11
11
လာဇရုသီ
1 #
လု ၁၀:၃၈၊ ၃၉။ ပါꩻခိုတဖြာꩻမဉ်ꩻ လာဇရု ကအဝ်ႏအုံသော့ꩻဒါႏ ဒုံဗေတနိကိုနဝ်ꩻ အဝ်ႏဆာတဝ်ထာꩻသွူ။ ဒုံဗေတနိနဝ်ꩻ ထွာမာရိတွမ်ႏ အဖူးမူႏ မာတ အဝ်ႏအုံသော့ꩻခင်ႏလမ်းသွူ။ 2#ယော ၁၂:၃။ (မာရိယိုနဝ်ꩻထွာ ပါꩻမူႏအဖြာꩻ ကထောက်ꩻလူးဒါႏ နမ်းမန်ꩻဟွမ် ဗွေႏဘုရာꩻ ခင်ႏလောင်းတဲင် စွဉ်ႏဝွေꩻမူႏကလူꩻ ကဒွိုတ်ꩻဖေႏနဝ်ꩻသွူ။ ကအဝ်ႏဆော့ဒါႏထာꩻနဝ်ꩻ ထွာဝွေꩻမူႏ အဖူးခို လာဇရုသွူ။) 3အဝေးမူႏဖုံႏ အွဉ်ႏဟွိုန်လွေꩻ သတင်ꩻ ဗွေႏယေသျုထျꩻ၊ “ဗွေႏဘုရာꩻ၊ နီဗွေႏကရက်ငါႏသွꩻနဝ်ꩻ အဝ်ႏဆော့တဝ်ထာꩻ” နုဲင်းနဝ်ꩻသွူ။
4ဗွေႏယေသျု ထွိုင်ႏဟွိုန်ချိန်ႏ ဝွေꩻဗွေႏဒေါ့ꩻ၊ “စွဉ်ႏထာꩻဆော့ယိုနဝ်ꩻ အဆုဲင်ꩻသွတ်ꩻ လာဇရု အီႏတသီအီဗာႏတဝ်းသွူ။ ကအဝ်ႏထွာ ထာꩻနုဲင်းယိုနဝ်ꩻ ဖေႏနေး ဗွေႏဘုရာꩻ ဘွုန်ꩻသရေႏတောႏ ထင်ႏသျာꩻလွဉ်အီတွော့ꩻ ထာꩻယိုအဓိပ္ပါယ်ႏနဝ်ꩻ အီႏထွာ စွဉ်ႏဗွေႏဘုရာꩻ အပိုခို အီႏလက်ခံႏလꩻ ဘွုန်ꩻသရေႏ” နုဲင်းနဝ်ꩻသွူ။
5ဗွေႏယေသျုနဝ်ꩻ ရက်ငါႏမာတတွမ်ႏ အဖူးမူႏစွဉ်ႏ လာဇရုနဝ်ꩻသွူ။ 6ကွဲႏတွော့ꩻ ဝွေꩻဗွေႏထွိုင်ႏဟွိုန် လာဇရု အဝ်ႏဆာတဝ်ထာꩻချိန်ႏ ဝွေꩻဗွေႏ အုံထဲင်းက နဝ်ꩻကိုနီနီꩻသွူ။ 7နဝ်ꩻထွူ ဝွေꩻဗွေႏဒေါ့ꩻဖေႏ တပဲ့တောႏဖုံႏ၊ “နီအွဉ်ဝင်ꩻ သဲင်ꩻချာတွမ် ယုဒခမ်း၊” နုဲင်းနဝ်ꩻသွူ။
8တပဲ့တောႏဖုံႏ လဝ်းချာ၊ “ဆရာႏ၊ တညတဝ်းဒွိုန်း လိုꩻနဝ်ꩻကိုဖုံႏ အဝ်ႏမဉ်နုဲင်ႏနို နီဗွေႏ တွမ်ႏလုံးတူႏတဲင် နီဗွေႏ မဉ်သဲင်ꩻချာနေက နဝ်ꩻကိုဟောင်း” နုဲင်းနဝ်ꩻသွူ။
9ဗွေႏယေသျုဒေါ့ꩻ၊ “တနီꩻနဝ်ꩻ အဝ်ႏတဆီနီနားရီႏ မွေးတဝ်းဟောင်း။ နဝ်ꩻမꩻ လိုꩻကထောင်လွေꩻသော့ꩻဒါႏ ထာꩻလေကိုနဝ်ꩻ ၊ ပွိုးဝွေꩻသီးအဝ်ႏထီႏ လောကထာꩻလေယို အတွက် တတခူဗာႏတဝ်း ထာꩻသွူ။ 10ကွဲႏတွော့ꩻ ဝွေꩻသီး မဉ်ႏထောင်လွေꩻဒျာႏ ထာꩻခေ့ꩻချိန်ႏနဝ်ꩻ ပွိုးဝွေꩻသီးနဝ်ꩻ ထာꩻလေအဲဉ်ထဝ်း နဝ်ꩻမꩻ ဝွေꩻသီးတခူဗာႏထာꩻ” နုဲင်းနဝ်ꩻသွူ။ 11ဗွေႏယေသျု ဒေါ့ꩻနုဲင်းယိုထွူတဲင် ဒေါ့ꩻထဲင်းယင်း၊ “နီသွꩻလာဇရုနဝ်ꩻ အဝ်ႏဗေင်ႏအွီႏလဲဉ်းထာꩻ၊ ကွဲႏတွော့ꩻ ခွေအီႏလွေꩻတဲင် တမာထွိုင်ႏဝွေꩻ” နုဲင်းနဝ်ꩻသွူ။
12တပဲ့တောႏဖုံႏလဝ်းချာ၊ “ဗွေႏဘုရာꩻ၊ ဝွေꩻမဉ်ႏဗေင်ႏအွီႏဒျာႏထာꩻနဝ်ꩻ ဝွေꩻအီႏဟဝ်ရေꩻဒျာႏ” နုဲင်းနဝ်ꩻသွူ။
13ဗွေႏယေသျု မဉ်ရိုꩻဒျာႏ အဓိပ္ပါယ်ႏနဝ်ꩻ လာဇရုသီထိုꩻလဲဉ်း၊ ကွဲႏတွော့ꩻ ဝွေꩻသီးထင်းဒျာႏ ဝွေꩻဗေင်ႏအွီႏထာꩻ ရိုꩻရိုꩻသွူ။ 14ပွိုးနဝ်ꩻမꩻ ဗွေႏယေသျု ဒေါ့ꩻနယ်စဲင်းဖေႏစွဉ်ႏ ဝွေꩻသီး၊ “လာဇရုနဝ်ꩻ သီထိုꩻလဲဉ်း။ 15ကွဲႏတွော့ꩻ ခွေတအဝ်ႏငီꩻတဝ်း တွမ်ႏဝွေꩻနဝ်ꩻ ဖေႏနေး သီထာꩻယွုမ်း ကအဝ်ႏတွော့ꩻ သီအတာႏ ခွေသꩻဟဝ်သꩻရေꩻငါႏသွူ။ နီအွဉ်ဝင်ꩻ လွေꩻတွမ်ဝွေꩻထျꩻ” နုဲင်းနဝ်ꩻသွူ။
16တောမ (ကဟဲ့ꩻဒါႏမဲရွာ)နဝ်ꩻ ဒေါ့ꩻဖေႏဝွေꩻသွꩻတပဲ့ဖုံႏ၊ “ဖေႏနေး နီ ယံကသီငီꩻဒျာႏတွမ် စွဉ်ႏဝွေꩻဗွေႏနဝ်ꩻ နီကားကအဝ်ႏ အွဉ်ဝင်ꩻ လွေꩻငီꩻတွမ် ဆရာႏ၊” နုဲင်းနဝ်ꩻသွူ။
အသက်မွန်တွမ်ႏထွိုင်ႏမွန်ဗွေႏယေသျု
17ဗွေႏယေသျု ထွိုင်ႏဖျော်လွဉ်ချိန်ႏ လာဇရုနဝ်ꩻ ဝင်ꩻသင်္ဂြိုဟ်ႏလꩻလဲဉ်း လစ်ꩻနီꩻကျောင်ꩻ ဝွေꩻဗွေႏထီႏသေဗာႏသွူ။ 18ဒုံဗေတနိတွမ်ႏ ဝေင်ꩻယေရုသလမ်ႏနဝ်ꩻ တလွိုတဝ်း နီမဲင်ႏသွူ။ 19ပွိုင်းဝွို့တွမ်ႏ ဝွေꩻသီးအဖူးခို ကသီထိုꩻခရာႏနဝ်ꩻ မာဖေႏနေး ကဖေႏအာႏဗာႏ ဝွေꩻသီးနဝ်ꩻ ယုဒလိုꩻဖုံႏအာငါႏ လွဉ်ထွား မာတတွမ်ႏမာရိသွူ။
20မာတထွိုင်ႏဟွိုန် ဗွေႏယေသျု အဝ်ႏကျွꩻလွဉ်ချိန်ႏ အီႏမော့ꩻခွဲဝွေꩻဗွေႏနဝ်ꩻ ဝွေꩻမူႏ ထန်ႏလွေꩻစွဉ်ႏနဝ်ꩻသွူ၊ ကွဲႏတွော့ꩻ မာရိနဝ်ꩻ အုံကုဲင်ဒျာႏ လမ်းကိုသွူ။ 21မာတဒေါ့ꩻဖေႏ ဗွေႏယေသျု၊ “ဗွေႏဘုရာꩻ၊ နီဗွေႏမဉ်ႏအဝ်ႏဒျာႏ ယိုကိုနဝ်ꩻ ခွေဖူးခို အီႏတသီဗာႏတဝ်းသွူ။ 22ကွဲႏတွော့ꩻ ယိုခါ နီဗွေႏကွီ ဗွေႏဘုရာꩻ ထာꩻမုဲင်ꩻတယဝ်း ဝွေꩻဗွေႏအီႏဖေႏနဝ်ꩻ ခွေသွဉ်းမူႏ အဝ်ႏသေ” နုဲင်းနဝ်ꩻသွူ။
23ဗွေႏယေသျု ဒေါ့ꩻဖေႏဝွေꩻမူႏ၊ “နာꩻဖူးခို အီႏထွိုင်ႏမွန် လွဉ်ချာယင်းဒျာႏ” နုဲင်းနဝ်ꩻသွူ။
24ဝွေꩻမူႏလဝ်းချာ၊ “အဆုဲင်ꩻသွတ်ꩻ မွူးနီꩻနဝ်ꩻ ဝွေꩻအီႏထွိုင်ႏမွန် လွဉ်ချာယင်းနဝ်ꩻ ခွေသွဉ်းမူႏ အဝ်ႏသေ” နုဲင်းနဝ်ꩻသွူ။
25ဗွေႏယေသျု ဒေါ့ꩻဖေႏဝွေꩻမူႏ၊ “ခွေနဝ်ꩻထွာ အဝ်ႏထာꩻသီကို ထွိုင်ႏမွန်အဗွေႏ တွမ်ႏအသက်မွန် အဗွေႏသွူ။ လိုꩻကယွုမ်း ခွေသားနဝ်ꩻ ဝွေꩻသီး လဲင်ꩻသီထိုꩻလဲဉ်း စွဉ်ႏတဲ့ အသက်အီႏအဝ်ႏမွန်ဒျာႏ 26တဲင်လိုꩻအသက် ကအဝ်ႏမွန်တွော့ꩻ ကယွုမ်းဒါႏခွေသားနဝ်ꩻ မုဲင်ꩻခါတဲ့ အီႏတသီဗာႏတဝ်းသွူ။ ယိုနဝ်ꩻ နာꩻယွုမ်းနေဟောင်း” နုဲင်းနဝ်ꩻသွူ။
27ဝွေꩻမူႏလဝ်းချာ၊ “မွေး၊ ယွုမ်းဒျာႏ၊ ဗွေႏဘုရာꩻ၊ နီဗွေႏနဝ်ꩻထွာ မေသျိယ၊ ဗွေႏဘုရာꩻပိုခို ကအဝ်ႏကျွꩻလင်ꩻလွဉ်ဒါႏ ကမ္ဘာႏလောကကိုနဝ်ꩻ ခွေသွဉ်းမူႏ ယွုမ်းဒျာႏ” နုဲင်းနဝ်ꩻသွူ။
ဗွေႏယေသျုမဲ့ထီလင်ꩻ
28မာတဒေါ့ꩻနုဲင်းယို ထွိုင်ႏထွူ ဝွေꩻမူႏ သဲင်ꩻချာတဲင် ဝွေꩻမူႏဟဲ့ꩻတေ့ꩻ အဖူးမူႏ မာရိသွူ။ ဝွေꩻမူႏဒေါ့ꩻဖေႏ မာရိ၊ “ဆရာႏအဝ်ႏသူꩻကိုတွော့ꩻ အဝ်ႏရီနာꩻ” နုဲင်းနဝ်ꩻသွူ။ 29မာရိထွိုင်ႏဟွိုန် နုဲင်းယိုချိန်ႏ ဝွေꩻမူႏနဲစ်ထွိုင်ႏတဲင် ထန်ႏလွေꩻမော့ꩻခွဲစွဉ်ႏ ဝွေꩻဗွေႏသွူ။ 30(ဗွေႏယေသျု တလꩻဖျော်လွဉ် သော့ꩻတဝ်းဒွိုန်း ဒုံကိုတွော့ꩻ အဝ်ႏနေက ကမော့ꩻခွဲစွဉ်ႏ မာတ ခင်ႏလမ်းကိုနဝ်ꩻသွူ။) 31လိုꩻဖုံႏကအဝ်ႏလွဉ် ဖေႏအာႏသား အဝ်ႏငီꩻစွဉ်ႏ မာရိလမ်းကိုတဲင် ဝွေꩻသီးထွိုင်ႏထီႏ ဝွေꩻမူႏနဲစ်ထွိုင်ႏ ထန်ႏမွိုင်ချိန်ႏနဝ်ꩻ ဝွေꩻသီးထင်းဒျာႏ ဝွေꩻမူႏလွေꩻငွိုးထာꩻ သဲင်ႏခဲင်ꩻအောင်ကိုတဲင် ဝွေꩻသီး လွေꩻလွဉ်ꩻစွဉ်ႏ ဝွေꩻမူႏဆꩻချာသွူ။
32မာရိဖျော်တွိုႏလွေꩻ ဗွေႏယေသျု ကအဝ်ႏခင်ႏလမ်းတဲင် ဝွေꩻမူႏထီႏ ဝွေꩻဗွေႏတွော့ꩻ တလဲင်ႏချင်ꩻ အုံအွပ်ꩻလင်ꩻ ဝွေꩻဗွေႏခင်ႏထျꩻသွူ။ ဝွေꩻမူႏဒေါ့ꩻ၊ “ဗွေႏဘုရာꩻ၊ နီဗွေႏမဉ်ႏအဝ်ႏဒျာႏ ယိုကိုနဝ်ꩻ ခွေဖူးခို အီႏတသီဗာႏတဝ်း” နုဲင်းနဝ်ꩻသွူ။
33ဗွေႏယေသျုထွိုင်ႏထီႏ ဝွေꩻမူႏအဝ်ႏငွိုးထာꩻစွဉ်ႏ လိုꩻဖုံႏကအဝ်ႏငီꩻဒါႏ ဝွေꩻမူႏနဝ်ꩻတဲ့ အဝ်ႏငွိုးထာꩻဖုံႏ နေနေနဝ်ꩻမꩻ ဗာႏခွိုက်ငါႏ ဝွေꩻဗွေႏသꩻတဲင် ဝွေꩻဗွေႏ သꩻပေႏမွေးနေးစွဉ်ႏသွူ။ 34ဝွေꩻဗွေႏရီဝွေꩻသီး၊ “သီသင်္ဂြိုဟ်ႏဝွေꩻ မုဲင်ꩻကိုဟောင်း” နုဲင်းနဝ်ꩻသွူ။
ဝွေꩻသီးလဝ်းချာ၊ “ဗွေႏဘုရာꩻ၊ ကျွꩻလွဉ်တွော့ꩻ ထွားဟုဲင်း” နုဲင်းနဝ်ꩻသွူ။
35ဗွေႏယေသျု မဲ့ထီလင်ꩻစွဉ်ႏသွူ။ 36လိုꩻဖုံႏဒေါ့ꩻ၊ “ဝွေꩻဗွေႏရက်ငါႏဝွေꩻ ခွိုင်းကားမုဲင်ꩻနဝ်ꩻ ထွားမွိုင်” နုဲင်းနဝ်ꩻသွူ။
37ကွဲႏတွော့ꩻ ဝွေꩻသီး ယင်ဟန်ႏနဝ်ꩻဒေါ့ꩻ၊ “ကမာꩻထီႏစဲင်းဖေႏ လိုꩻမဲ့ခေ့ꩻနဝ်ꩻ ဝွေꩻဗွေႏသွူ တမွေးတဝ်းဟောင်း။ အဝ်ႏထာꩻသီကိုနဝ်ꩻ တမာꩻထွိုင်ႏမွန် ဖေႏနွောင်ꩻတဝ်း လာဇရုဟောင်း” နုဲင်းနဝ်ꩻသွူ။
လာဇရုသက်မွန်ချာယင်း
38ဗွေႏယေသျု သꩻကိုနဝ်ꩻ ခံႏစာꩻသန် လွဉ်ဖျင်ယင်းတလဲင်ႏတဲင် ဗွေႏယေသျု လွေꩻသဲင်ႏခဲင်ꩻအောင် လုံးတူႏတန်တဖြုံႏ ကအဝ်ႏပေ့ꩻသေꩻခါꩻဒါႏ ထမ်းအိုငွါနဝ်ꩻသွူ။ 39ဗွေႏယေသျု ဖေႏအမိန်း၊ “ထူႏညာꩻထိုꩻ လုံးတူႏနဝ်ꩻဟုဲင်း” နုဲင်းနဝ်ꩻသွူ။
ကသီထိုꩻဒါႏပါꩻခို အဝေးမူႏ မာတနဝ်ꩻ လဝ်းချာ၊ “ဗွေႏဘုရာꩻ၊ ဝွေꩻနဝ်ꩻ သင်္ဂြိုဟ်ႏလꩻလဲဉ်းသွူ လစ်ꩻနီနဝ်ꩻမꩻ အီႏနွုမ်ꩻသေင်ထိုꩻလဲဉ်း” နုဲင်းနဝ်ꩻသွူ။
40ဗွေႏယေသျု ဒေါ့ꩻဖေႏဝွေꩻမူႏ၊ “နာꩻမဉ်ႏယွုမ်းနဝ်ꩻ နာꩻအီႏထီႏဗာႏ ဗွေႏဘုရာꩻ ဘွုန်ꩻသရေႏတောႏနဝ်ꩻ ခွေဒေါ့ꩻဖေႏလဲဉ်းနာꩻ တမွေးတဝ်းဟောင်း” နုဲင်းနဝ်ꩻသွူ။ 41ဝွေꩻသီး ထူႏညာꩻထိုꩻ လုံးတူႏသွူ။ ဗွေႏယေသျု ထွားကီထင်ႏတဲင်ဒေါ့ꩻ၊ “အွိုးဖါတောႏ၊ နီဖါနဝ်ꩻ နာႏခွေငဝ်းနဝ်ꩻမꩻ ခွေကေꩻဇူꩻတင်ႏငါႏသွူ။ 42နီဖါအဝ်ႏနာႏ သေႏသေႏ ခွေငဝ်းနဝ်ꩻ ခွေအဝ်ႏသေ၊ ကွဲႏတွော့ꩻ နီဖါအွဉ်ႏစွꩻလွဉ်ခွေကျောင်ꩻ ဖေႏနေး ဝွေꩻသီးကယွုမ်းနဝ်ꩻ လိုꩻကအဝ်ႏယိုကိုသားဖုံႏတာႏ ခွေလဝ်းထင်ႏဗာႏ နုဲင်းယို” နုဲင်းနဝ်ꩻသွူ။ 43ဝွေꩻဗွေႏဒေါ့ꩻ နုဲင်းယိုထွူ ဝွေꩻဗွေႏ ဟဲ့ꩻထန်ႏသန် မွေးနေးအငဝ်း၊ “လာဇရု၊ ထန်ႏလွဉ်ဟုဲင်း” နုဲင်းနဝ်ꩻသွူ။ 44ဝွေꩻကထန်ႏလွဉ်နဝ်ꩻ ဝွေꩻစူဖုံႏတွမ်ႏ ခင်ႏဖုံႏ အဝ်ႏလွမ်နေး မသား ပိတ်ခဝ်ဖုံႏ စွဉ်ႏဝွေꩻမဲ့ငါနဝ်ꩻ ဗဲဉ်ခူခါꩻနေး ပိတ်ခဝ်သွူ၊ ဗွေႏယေသျုဒေါ့ꩻဖေႏ ဝွေꩻသီး “စေဖေႏ ဝွေꩻတွော့ꩻ အွဉ်ႏဝွေꩻလွေꩻခန်းသွော့” နုဲင်းနဝ်ꩻသွူ။
ကျံႏမာꩻသီဗွေႏယေသျု
(မတဲ ၂၆:၁–၅ ။ မာကု ၁၄:၁–၂။ လုကာ ၂၂:၁–၂)
45နုဲင်းဗွေႏယေသျု ကမာꩻလဲဉ်းဖုံႏနဝ်ꩻ လိုꩻအာဖုံႏ ကလွဉ်မော့ꩻခွဲဒါႏ မာရိနဝ်ꩻ ထီႏတဲင် ဝွေꩻသီးယွုမ်းစွဉ်ႏ ဝွေꩻဗွေႏသွူ။ 46ကွဲႏတွော့ꩻ ဝွေꩻသီး လိုꩻယင်ဟန်ႏနဝ်ꩻ သဲင်ꩻချာ ဖါရိသဲဖုံႏထျꩻတဲင် ဗွေႏယေသျု ကမာꩻလဲဉ်းဒါႏဖုံႏနဝ်ꩻ ဒေါ့ꩻနယ်ဖေႏစွဉ်ႏ ဝွေꩻသီးသွူ။ 47နဝ်ꩻမꩻ ဖါရိသဲဖုံႏတွမ်ႏ ယဇ်ပရောဟိတ်တန်ဖုံႏနဝ်ꩻ မော့ꩻခွဲစွဉ်ႏ ကောင်စီစွိုꩻဖုံႏတဲင်ဒေါ့ꩻ၊ “နီအီႏမာꩻဒွုမ် နုဲင်းမုဲင်ꩻဟောင်း။ ထွားမွိုင်၊ ပါꩻခိုယို မာꩻနယ်အာမွေးစွဉ်ႏ နိမိတ်လက္ခဏာႏဖုံႏသွူ။ 48တွမ်ႏအနယ်ꩻယို နီမဉ်ႏအွဉ်ႏစွꩻလွေꩻ ဝွေꩻဗွေႏနဝ်ꩻ လိုꩻစွုမ်ႏဖြာꩻ အီႏယွုမ်းဝွေꩻတဲင် ရောမ အာႏဏာႏပဲင်ႏသားဖုံႏနဝ်ꩻ အီႏထူႏရေꩻတွော့ꩻ ယားကုဲင်ထိုꩻ နီဗိမာန်ႏတောႏ ကျောင်ꩻတွမ်ႏ နီအမျိုꩻသာꩻဖုံႏ” နုဲင်းနဝ်ꩻသွူ။
49ဝွေꩻသီးကို တဖြာꩻ မဉ်ꩻကဟဲ့ꩻဒါႏ ကာယာဖနဝ်ꩻ အနေင်ႏနဝ်ꩻ ထွာ ယဇ်ပရောဟိတ် ခွန်တန်တဲင်ဒေါ့ꩻ၊ “သီမွော့ꩻ ဉာဏ်ႏဆေ့ꩻငါႏ နုဲင်းနဝ်ꩻ။ 50ခလားကယားကုဲင်ထိုꩻ နီတမျိုꩻသာꩻလွုမ်းနဝ်ꩻ သီတာႏ လိုꩻတဖြာꩻ သီဖေႏလိုꩻဖုံႏတာႏ ကယိန်းဟဝ်နဝ်ꩻ သီတယူႏတဝ်းဟောင်း” နုဲင်းနဝ်ꩻသွူ။ 51အမဲဉ်ႏနဝ်ꩻ ဝွေꩻကဒေါ့ꩻဗာႏ နုဲင်းယိုနဝ်ꩻ စွဉ်ႏဝွေꩻဉာဏ်ႏတွော့ꩻ ဒေါ့ꩻတမွေးတဝ်း၊ အနေင်ႏနဝ်ꩻ နုဲင်းဝွေꩻကထွာ ယဇ်ပရောဟိတ် ခွန်တန်အတွိုင်ꩻ ဗွေႏယေသျုနဝ်ꩻ အီႏခံႏသီဖေႏဗာႏ ဂျူးလိုꩻမျိုꩻဖုံႏတာႏနဝ်ꩻ ဝွေꩻဟော်ꩻငါရီးဖေႏဒျာႏ နဝ်ꩻသွူ။ 52ဝွေꩻသီးတာႏလွုမ်ꩻ တကာႏတဝ်း ကအဝ်ႏစွစ်ꩻလီဒါႏ ဗွေႏဘုရာꩻ အလိုꩻဖုံႏ ကားကအဝ်ႏနဝ်ꩻတဲ့ ဖေႏကဟဲ့ꩻစုဗူႏလို့ယင်း တစုတဗူႏချင်ႏနဝ်ꩻသွူ။
53တယ်ႏစွဉ်ႏ အနီꩻနဝ်ꩻကာႏ ဂျူးအာႏဏာႏပဲင်ႏသားဖုံႏ ဖေႏကမာꩻသီဗာႏ ဗွေႏယေသျုနဝ်ꩻ မာꩻစွဉ်ႏ အစီႏအစဲဉ်ႏဖုံႏသွူ။ 54နဝ်ꩻမꩻ ဗွေႏယေသျု ထန်ႏလွေꩻ ထင်ႏသျာꩻတဝ်းဒွုမ်တဖူꩻ ယုဒခမ်းကို၊ ကွဲႏတွော့ꩻ ထန်ႏလွေꩻထိုꩻ ခင်ႏလမ်းတထွောင်း ကအဝ်ႏဗော့ꩻဒါႏ ကန္တာရသုဲင်ꩻခြာ ဝေင်ꩻတဖြုံႏ မဉ်ꩻကဟဲ့ꩻဒါႏ ဧဖါရိမ်နဝ်ꩻသွူ။ ဝွေꩻဗွေႏ အုံငီꩻစွဉ်ႏ တပဲ့တောႏဖုံႏ နဝ်ꩻကိုသွူ။
55ပွယ်ꩻပတ္တခါ အချိန်ႏဗော့ꩻလွဉ်လဲဉ်းတဲင် လိုꩻအာဖုံႏနဝ်ꩻ အဝ်ႏဒုံထင်ႏလွေꩻ ဝေင်ꩻယေရုသလမ်ႏတဲင် ခလားပွယ်ꩻတန် ကတွိုႏနဝ်ꩻ ဘာႏသာႏရေꩻထွုံꩻအလꩻ အီႏမာꩻကြောင်းစင်ဗာႏ နမ်းဖုံႏသွူ။ 56ဝွေꩻသီး အဝ်ႏထုမ်ႏထွား ဗွေႏယေသျုတဲင် နုဲင်းဝွေꩻသီး ကစုဗူႏသော့ꩻ ဗိမာန်ႏတောႏ ကျောင်ꩻကိုချိန်ႏ “နာꩻထင်းနုဲင်းမုဲင်ꩻဟောင်း။ အမဲဉ်ႏနဝ်ꩻ ဝွေꩻအီႏတလွဉ်တဝ်း ပွယ်ꩻယို။ ဝွေꩻအီႏလွဉ် နေဟောင်း”နဝ်ꩻ ဝွေꩻသီး တဖြာꩻတွမ်ႏတဖြာꩻ အဝ်ႏရီလို့ဝင်ꩻ နုဲင်းနဝ်ꩻသွူ။ 57ပါꩻမုဲင်ꩻတယဝ်း မဉ်ႏသေ ဗွေႏယေသျု အဝ်ႏခင်ႏလမ်းတွော့ꩻ ဖေႏနေး ဝွေꩻသီးကဆွမ်ꩻလꩻ ဝွေꩻဗွေႏနဝ်ꩻ ဝွေꩻဖေႏဗာႏသꩻတင်ꩻ ယဇ်ပရောဟိတ် တန်ဖုံႏတွမ်ႏ ဖါရိသဲဖုံႏ ထေသေꩻခါꩻလဲဉ်း အမိန်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.