ကမ္ဘာႏစ 47
47
1နဝ်ꩻမ ယောသပ်ဟဲ့ꩻ အဝေးခို ဝင်ꩻငတ်ꩻတွော့ꩻ လွေꩻထေ့စွဉ်ႏ ခွန်တန်ထျꩻသွူ။ ဝွေꩻဒေါ့ꩻဖေႏ ခွန်တန် “နီဖါတွမ်ႏ ခွေဝေးခိုဖုံႏစွဥ်ႏ ဝွေꩻသီး အထာꩻသောင်ꩻ ထာꩻသားဖုံႏတွမ်ႏ အထာꩻခြိုꩻ ကားကအဝ်ႏနဝ်ꩻ အဝ်ႏခါနန်ခမ်း ဖျော်လွဉ်လဲဉ်း။ ယိုခါ ဝွေꩻသီးအဝ်ႏလဲဉ်း ဂေါသျန်နယ်ႏကို” လဝ်းထင်ႏ နုဲင်းနဝ်ꩻသွူ။ 2နဝ်ꩻထွူ ယောသပ်အွဉ်ႏ ဝွေꩻဝေးခိုဖုံႏ နွို့လွေꩻ ခွန်တန်ဆꩻငါသွူ။ 3ခွန်တန်ရီဝွေꩻသီး “သီ အဝ်ႏလုပ်ꩻမာꩻထာꩻမာꩻ တမုဲင်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ “ဗွေႏ၊ နီသွဉ်းသီးနဝ်ꩻ တယ်ႏမွိုးဖြားဖါဖြားသီး စိုးကာႏ အဝ်ႏလွူးနီအံႏဒျာႏ သွိုꩻဖုံႏ” လဝ်းနုဲင်းနဝ်ꩻသွူ။ 4“ကွပ်ပွိုး ခါနန်ခမ်းကိုနဝ်ꩻ ထာꩻအံႏအွꩻ ခြောကပ် ဟုဲင်းငါႏလွဉ်ꩻနဝ်ꩻမꩻ နီကလွူး ထာꩻသောင်ꩻ ထာꩻသားနဝ်ꩻ အဆာႏတကြက်ꩻ တအဲဉ်ထဝ်းဒွုမ်တဲင် နီသွဉ်းသီး အီႏအုံခမ်းယိုနဝ်ꩻ ဖျော်လွဉ်သွူ။ မာꩻကေꩻဇူꩻတဲင် ဖေႏအုံ နီသွဉ်းသီး ဂေါသျန် အရပ်ကိုမွိုင်ဗွေႏ” လဝ်းနုဲင်းနဝ်ꩻသွူ။ 5ခွန်တန်မိန်ဖေႏ ယောသပ်၊ “ယိုခါ သီဖါတွမ်ႏ နာꩻဝေးခိုဖုံႏနဝ်ꩻ ဖျော်လွဉ်လဲဉ်း၊ 6ဟံႏအီဂျစ်ခမ်းနဝ်ꩻ ထွာဝွေꩻသီးတာႏဒျာႏ၊ အွဉ်ႏအုံသော့ꩻ ဝွေꩻသီး ဟံအဟဝ်သွတ်ꩻ ဂေါသျန် အရပ်ခင်ႏလမ်းနဝ်ꩻတဲင် ဝွေꩻသီးအကို ကဒါႏဒါႏပါꩻအဖြာꩻနဝ်ꩻ အွဉ်ႏထိန်ꩻထွားပါသွော့ ခွေထာꩻသောင်ꩻ ထာꩻသားဖုံႏ” မိန်းနုဲင်းနဝ်ꩻသွူ။
7နဝ်ꩻထွူ ယောသပ် ဟဲ့ꩻနွို့သော့ꩻအဖါ ခွန်တန်ဆꩻငါသွူ။ ယာကုပ် ဖေႏခွန်တန် မင်္ဂလာႏသွူ။ 8ခွန်တန်ရီဝွေꩻ “နာꩻသက်လꩻလဲဉ်း ခွိုင်းမုဲင်ꩻဟောင်း” နုဲင်းနဝ်ꩻသွူ။
9ယာကုပ်လဝ်းချာ “ခွေသွဉ်းအဝ်ႏထွာထဉ်ႏ အုံလောကကိုနဝ်ꩻ လꩻလဲဉ်း နေင်ႏ၁၃၀သွူ။ ခွေသွဉ်း သက်တန်ꩻနဝ်ꩻ တထိုထွꩻတဝ်း ခွေသွဉ်းမွိုးဖြား ဖါဖြားသီးဖုံႏ၊ ခွေသွဉ်း သက်တန်ꩻနဝ်ꩻ ဆေ့ꩻပေႏလွုမ်ꩻတဲင် အဝ်ႏဗွေတွမ်ႏ ထာꩻယပ်ꩻခုဲင်ႏလွုမ်ꩻ” နုဲင်းနဝ်ꩻသွူ။ 10ယာကုပ် နုတ်ဆက် ဖေႏခွန်တန် မင်္ဂလာႏထွူ အဝ်ႏခွန်တန်ထျꩻ ထန်ႏသဲင်ꩻထိုꩻသွူ။ 11နဝ်ꩻထွူ နုဲင်းခွန်တန် ကမိန်းဖေႏအတွိုင်ꩻ ယောသပ်နဝ်ꩻ အွဉ်ႏအုံသော့ꩻစွဉ်ႏ ကဖေႏပဲင်ႏဒါႏ အဖါတွမ်ႏ ဝွေꩻဝေးခိုဖုံႏ ဟံႏယား အဟဝ်သွတ်ꩻခင်ႏလမ်း ကအဝ်ႏဗော့ꩻဒါႏ ရာမသဲစ်ဝေင်ꩻထျꩻ အီဂျစ်ခမ်းကိုနဝ်ꩻသွူ။ 12ယောသပ်နဝ်ꩻ အဝ်ႏဖဖြယ်ဖေႏ အဖါ၊ အဝေးခိုဖုံႏတွမ်ႏ အဖါတမွိုးဖါပိုစွိုꩻ ကားကအဝ်ႏ ထာꩻအံႏအွꩻဖုံႏသွူ။
ထာꩻအံႏအွꩻခြောကပ်
13ထာꩻအံႏအွꩻ ခြောကပ် ဟုဲင်းငါႏတဲင် ထာꩻအံႏစရိပ် လို့ထိုꩻနဝ်ꩻမꩻ လိုꩻအီဂျစ်ခမ်းတွမ်ႏ ခါနန်ခမ်းဖုံႏနဝ်ꩻ ခံႏဗာႏမွေးနေးစွဥ်ႏ ထာꩻအံႏမတံႏသွူ။ 14ဝွေꩻသီး ကလွဉ်ဖြေꩻ ဗွူငိုꩻရွဉ်ဖုံႏနဝ်ꩻ ယောသပ်စုတဲင် သော့ꩻဟဝ်ခါꩻ ဟော်နန်ꩻရွဉ်တွိုက်ကိုသွူ။ 15အီဂျစ်ခမ်းသားတွမ်ႏ ခါနန်ခမ်းသားဖုံႏရွဉ် ထွိုင်ႏလို့နဝ်ꩻ၊ အီဂျစ်ခမ်းသားဖုံႏ လွဉ်ယောသပ်ထျꩻတဲင်ရိုꩻ “ဖေႏဗဲင်းသွော့နီ ထာꩻအံႏ၊ အွဉ်ႏအံႏမသီ ထိုꩻမွိုန်းသွော့နီ၊ မာꩻဖေႏဗဲင်းသွော့နီ တစွိုးစွိုး နီရွဉ် တအဲဉ်ထဝ်းဒွုမ်” နုဲင်းနဝ်ꩻသွူ။ 16ယောသပ်လဝ်းချာ “သီရွဉ်မဉ်ႏလို့တဲ့ အီလွဉ်သွော့ သီသွိုꩻ၊ ဗဲ၊ ဖိုး ထာꩻသောင်ꩻထာꩻသားဖုံႏ မဲ့ꩻခွေလုဲင်ႏဖေႏ တွမ်ႏသီဗွူ” နုဲင်းနဝ်ꩻသွူ။ 17နဝ်ꩻမꩻ ဝွေꩻသီးအီလွဉ် အထာꩻသောင်ꩻ ထာꩻသား ကားကအဝ်ႏ ယောသပ်ထျꩻဖုံႏတဲင် ဝွေꩻသီး သေ၊ သွိုꩻ၊ ဗဲ၊ ဖိုးပနားတွမ်ႏ သေလာꩻဖုံႏနဝ်ꩻ ယောသပ် လုဲင်ႏဖေႏစွဥ်ႏ ဗွူအံႏသွူ။ အနေင်ႏနဝ်ꩻ ဝွေꩻထောက်ဖေႏဝွေꩻသီး ထာꩻအံႏတဲင် ဝွေꩻသီး အထာꩻသောင်ꩻ ထာꩻသား ကားကအဝ်ႏနဝ်ꩻ လုဲင်ႏအံႏတွမ်ႏ ဗွူဖုံႏသွူ။
18ဆုဲင်ꩻတနေင်ႏနဝ်ꩻ ဝွေꩻသီးလွဉ်ဖျင်ယင်း ယောသပ်ထျꩻတဲင်ရိုꩻ “နီကခွိုတ်ꩻဗာႏ ထာꩻနုဲင်းယိုနဝ်ꩻ နီအွဉ်ႏဗဉ်ႏဗꩻထိုꩻ နီဗွေႏတလꩻတဝ်း နီနဝ်ꩻရွဉ်တဲ့ လို့လဲဉ်း၊ နီထာꩻသောင်ꩻ ထာꩻသားဖုံႏတဲ့ ထွာလို့လဲဉ်း နီဗွေႏထာꩻခြိုꩻ၊ ပေါႏလွိုသွူ နီနမ်းခန္ဓာႏယိုတွမ်ႏ နီဟံႏယာႏဖုံႏနဝ်ꩻ နီအီႏဖေႏနီဗွေႏ တမုဲင်ꩻတဲ့ တအဲဉ်ထဝ်းဒွုမ်” နုဲင်းနဝ်ꩻသွူ။ 19“တွမ်ႏအွဉ်ႏအံႏမသီ ထိုꩻမွိုန်းနီ၊ မာꩻဖေႏဗဲင်းယင်းသွော့ နီတစွိုးစွိုး၊ မာဖေႏနီလုဲင်း ကသွုမ်ꩻကုဲင်ထိုꩻမွိုန်း၊ ဖြေꩻသွော့ နီတွမ်ႏ နီလုဲင်းဖုံႏတဲင် လုဲင်ႏဖေႏသွော့ တွမ်ႏထာꩻအံႏ၊ နီနမ်းဖုံႏနဝ်ꩻတဲ့ အီႏခံႏဖေႏဒျာႏသွဉ်း ခွန်တန်ထျꩻ၊ နီလုဲင်းခြံဖုံႏနဝ်ꩻတဲ့ အပ်ဖေႏဒျာႏ ခွန်တန်သွူ။ ဖေႏနေးနီသက် ကအဝ်ႏမွန်လꩻနဝ်ꩻ ဖေႏနီဗွူအံႏဟုဲင်း။ ဖေႏနီကဆို့ꩻနွောင်ꩻ လုဲင်းဖုံႏနဝ်ꩻ ဖေႏသွော့နီ အစွိုးအခြွီဟုဲင်း” နုဲင်းနဝ်ꩻသွူ။
20လုဲင်းဖုံႏ ကအဝ်ႏဒါႏ အီဂျစ်ခမ်းကိုနဝ်ꩻ ယောသပ်ဖြေꩻဖေႏလို့စွဉ်ႏ ခွန်တန်တာႏနဝ်ꩻသွူ။ ပွိုးတွော့ꩻ ထာꩻအံႏအွꩻ ခြောငါႏလွဉ်နဝ်ꩻမꩻ အီဂျစ်ခမ်းသား ကားကအဝ်ႏနဝ်ꩻ စာထိုꩻလို့ဗာႏ အလုဲင်းဖုံႏသွူ။ လုဲင်းခြံဖုံႏ ကားကအဝ်ႏနဝ်ꩻ ထွာလို့စွဉ်ႏ ခွန်တန် ဥစ္စာႏဖုံႏနဝ်ꩻသွူ။ 21လိုꩻကားကအဝ်ႏအုံဒါႏ အီဂျစ်ခမ်း အဝ်ႏအမော့တဖဲ့ꩻ ဗꩻလွေꩻစွဉ်ႏခတဖဲ့ꩻနဝ်ꩻ ယောသပ် မာထွာလွဉ်လို့စွဉ်ႏ ခွန်တန် အသွဉ်းသွူ။ 22ယဇ်ပရောဟိတ်ဖုံႏ အခြံနဝ်ꩻ ခွန်တန်တဖြေꩻတဝ်း၊ ကွပ်ပွိုး ခွန်တန် အဝ်ႏဖေႏအုံသော့ꩻ ဝွေꩻသီးတဲင် အဝ်ႏထေဖေႏဝွေꩻသီး ထာꩻအံႏစရိပ်နဝ်ꩻမꩻ စာထိုꩻဗာႏတဝ်း အလုဲင်းခြံဖုံႏသွူ။ 23ယောသပ်ဒေါ့ꩻဖေႏလိုꩻဖုံႏ “ယိုခါ သီအဝ်ႏသေ သီနမ်းတွမ်ႏ သီလုဲင်းယာႏဖုံႏနဝ်ꩻ ခွေဖြေꩻဖေႏလဲဉ်း ခွန်တန်သွူ။ ယော့သီဗွူခြွီဖုံႏ ထူႏတဲင် ဆို့ꩻရုဲင်သွော့ သီလုဲင်းကိုဟုဲင်း။ 24သီမဉ်ႏရဲ့သိမ်ꩻချိန်ႏနဝ်ꩻ ဖေႏချာဗာႏ ခွန်တန် ငတ်ꩻပွန်းတပွန်းသွူ၊ လွိုနဝ်ꩻနဝ်ꩻ အွဉ်ႏကုဲင်ဗာႏ သီဗွူခြွီတွမ်ႏ သီနမ်းတာႏတွမ်ႏ သီတမွိုးဖါပိုစွိုꩻ အံႏတာႏ” နုဲင်းနဝ်ꩻသွူ။
25ဝွေꩻသီးလဝ်းချာ “နီဗွေႏနဝ်ꩻ ကယ်ႏလဲဉ်းသွူနီအသက်၊ ဟဝ်ငါႏလဲဉ်းသွူ နီအလောင်းတဲင် နီ အီႏမာꩻဒျာႏ ခွန်တန် အသွဉ်း” နုဲင်းနဝ်ꩻသွူ။ 26နဝ်ꩻမꩻ အီဂျစ်ခမ်းကို ကထန်ႏဒါႏ ဗွူ၊ ဟူ၊ ဗာႏ၊ အရာႏ၊ အကဝ်ႏ ငတ်ꩻပွန်းတပွန်း ဖေႏချာဗာႏ ခွန်တန်နဝ်ꩻ ယောသပ် ထေခါꩻ လုဲင်းခြံဟံႏယာႏ ဥပဒေႏတစွိုးသွူ။ ဥပဒေႏနဝ်ꩻနဝ်ꩻ အဝ်ႏဗတွိုႏစွဉ်ႏ ဟန်ႏနီꩻယိုသွူ။ ယဇ်ပရောဟိတ်သီး လုဲင်းခြံဖုံႏနဝ်ꩻ တထမ်ႏဗာႏတဝ်း ခွန်တန်အခွဉ်ႏသွူ။
ယာကုပ်ထွန်ႏသေꩻငဝ်းအဆုဲင်ꩻသွတ်ꩻ
27ဣသရေးလိုꩻမျိုꩻဖုံႏ အုံအီဂျစ်ခမ်း ဂေါသျန်အရပ်ကိုနဝ်ꩻ ဝွေꩻသီး ခြွေလွဉ်တွော့ꩻ ပိုလီꩻဖုံႏ အာလွဉ်သွူ။ 28ယာကုပ်အုံ အီဂျစ်ခမ်းကိုနဝ်ꩻ ညတဆီနွတ်ꩻနေင်ႏတဲင် ဝွေꩻသက်တန်ꩻလꩻ ၁၄၇နေင်ႏသွူ။ 29#ကမ္ဘာႏ ၄၉:၂၉–၃၂၊ ၅၀:၆။ ဝွေꩻသီမွူးနီꩻ ထွိုင်ႏအီႏဗော့ꩻလွဉ်နဝ်ꩻ ဝွေꩻဟဲ့ꩻ ဝွေꩻပိုခို ယောသပ်တဲင် ဒေါ့ꩻ “နာႏသွော့ ခွေငဝ်း၊ နာꩻစူနဝ်ꩻ အွဉ်ႏသွော့ ခွေကီႏဆꩻလ၊ တွမ်ႏသင်္ဂြိုဟ်ႏ သော့ꩻမွိုန်းတဝ်းခွေ အီဂျစ်ခမ်းကိုနဝ်ꩻ တွိုင်ႏတယ်ႏ အွဉ်ႏဂတိ သစ္စာႏသွော့။ 30ခွေမဉ်အွဉ်ႏနာꩻ အီထန်ႏထိုꩻခွေ အီဂျစ်ခမ်းယိုတဲင် သင်္ဂြိုဟ်ႏခွေ ဝင်ꩻကသင်္ဂြိုဟ်ႏဒါႏ နီဖါသဲင်ႏခဲင်ꩻကိုဟုဲင်း” နုဲင်းနဝ်ꩻသွူ။
ယောသပ်လဝ်းချာ “နီဖါကဒေါ့ꩻဒါႏ အတွိုင်ꩻ ခွေအီႏမာꩻဖေႏဒျာႏ” နုဲင်းနဝ်ꩻသွူ။
31ယာကုပ်ဒေါ့ꩻ “နာꩻကအီႏမာꩻနဝ်ꩻ ခံႏနေးသွော့ ငဝ်းသစ္စာႏဟုဲင်း” ထွိုင်ႏနုဲင်းနဝ်ꩻ ယောသပ်တဲ့ ခံႏစွဉ်ႏ ငဝ်းသစ္စာႏတဲင် ယာကုပ် အဝ်ႏခင်ႏလမ်းဗေင်ႏကိုနဝ်ꩻ အုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏကေꩻဇူꩻနဝ်ꩻသွူ။
ទើបបានជ្រើសរើសហើយ៖
ကမ္ဘာႏစ 47: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 47
47
1နဝ်ꩻမ ယောသပ်ဟဲ့ꩻ အဝေးခို ဝင်ꩻငတ်ꩻတွော့ꩻ လွေꩻထေ့စွဉ်ႏ ခွန်တန်ထျꩻသွူ။ ဝွေꩻဒေါ့ꩻဖေႏ ခွန်တန် “နီဖါတွမ်ႏ ခွေဝေးခိုဖုံႏစွဥ်ႏ ဝွေꩻသီး အထာꩻသောင်ꩻ ထာꩻသားဖုံႏတွမ်ႏ အထာꩻခြိုꩻ ကားကအဝ်ႏနဝ်ꩻ အဝ်ႏခါနန်ခမ်း ဖျော်လွဉ်လဲဉ်း။ ယိုခါ ဝွေꩻသီးအဝ်ႏလဲဉ်း ဂေါသျန်နယ်ႏကို” လဝ်းထင်ႏ နုဲင်းနဝ်ꩻသွူ။ 2နဝ်ꩻထွူ ယောသပ်အွဉ်ႏ ဝွေꩻဝေးခိုဖုံႏ နွို့လွေꩻ ခွန်တန်ဆꩻငါသွူ။ 3ခွန်တန်ရီဝွေꩻသီး “သီ အဝ်ႏလုပ်ꩻမာꩻထာꩻမာꩻ တမုဲင်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ “ဗွေႏ၊ နီသွဉ်းသီးနဝ်ꩻ တယ်ႏမွိုးဖြားဖါဖြားသီး စိုးကာႏ အဝ်ႏလွူးနီအံႏဒျာႏ သွိုꩻဖုံႏ” လဝ်းနုဲင်းနဝ်ꩻသွူ။ 4“ကွပ်ပွိုး ခါနန်ခမ်းကိုနဝ်ꩻ ထာꩻအံႏအွꩻ ခြောကပ် ဟုဲင်းငါႏလွဉ်ꩻနဝ်ꩻမꩻ နီကလွူး ထာꩻသောင်ꩻ ထာꩻသားနဝ်ꩻ အဆာႏတကြက်ꩻ တအဲဉ်ထဝ်းဒွုမ်တဲင် နီသွဉ်းသီး အီႏအုံခမ်းယိုနဝ်ꩻ ဖျော်လွဉ်သွူ။ မာꩻကေꩻဇူꩻတဲင် ဖေႏအုံ နီသွဉ်းသီး ဂေါသျန် အရပ်ကိုမွိုင်ဗွေႏ” လဝ်းနုဲင်းနဝ်ꩻသွူ။ 5ခွန်တန်မိန်ဖေႏ ယောသပ်၊ “ယိုခါ သီဖါတွမ်ႏ နာꩻဝေးခိုဖုံႏနဝ်ꩻ ဖျော်လွဉ်လဲဉ်း၊ 6ဟံႏအီဂျစ်ခမ်းနဝ်ꩻ ထွာဝွေꩻသီးတာႏဒျာႏ၊ အွဉ်ႏအုံသော့ꩻ ဝွေꩻသီး ဟံအဟဝ်သွတ်ꩻ ဂေါသျန် အရပ်ခင်ႏလမ်းနဝ်ꩻတဲင် ဝွေꩻသီးအကို ကဒါႏဒါႏပါꩻအဖြာꩻနဝ်ꩻ အွဉ်ႏထိန်ꩻထွားပါသွော့ ခွေထာꩻသောင်ꩻ ထာꩻသားဖုံႏ” မိန်းနုဲင်းနဝ်ꩻသွူ။
7နဝ်ꩻထွူ ယောသပ် ဟဲ့ꩻနွို့သော့ꩻအဖါ ခွန်တန်ဆꩻငါသွူ။ ယာကုပ် ဖေႏခွန်တန် မင်္ဂလာႏသွူ။ 8ခွန်တန်ရီဝွေꩻ “နာꩻသက်လꩻလဲဉ်း ခွိုင်းမုဲင်ꩻဟောင်း” နုဲင်းနဝ်ꩻသွူ။
9ယာကုပ်လဝ်းချာ “ခွေသွဉ်းအဝ်ႏထွာထဉ်ႏ အုံလောကကိုနဝ်ꩻ လꩻလဲဉ်း နေင်ႏ၁၃၀သွူ။ ခွေသွဉ်း သက်တန်ꩻနဝ်ꩻ တထိုထွꩻတဝ်း ခွေသွဉ်းမွိုးဖြား ဖါဖြားသီးဖုံႏ၊ ခွေသွဉ်း သက်တန်ꩻနဝ်ꩻ ဆေ့ꩻပေႏလွုမ်ꩻတဲင် အဝ်ႏဗွေတွမ်ႏ ထာꩻယပ်ꩻခုဲင်ႏလွုမ်ꩻ” နုဲင်းနဝ်ꩻသွူ။ 10ယာကုပ် နုတ်ဆက် ဖေႏခွန်တန် မင်္ဂလာႏထွူ အဝ်ႏခွန်တန်ထျꩻ ထန်ႏသဲင်ꩻထိုꩻသွူ။ 11နဝ်ꩻထွူ နုဲင်းခွန်တန် ကမိန်းဖေႏအတွိုင်ꩻ ယောသပ်နဝ်ꩻ အွဉ်ႏအုံသော့ꩻစွဉ်ႏ ကဖေႏပဲင်ႏဒါႏ အဖါတွမ်ႏ ဝွေꩻဝေးခိုဖုံႏ ဟံႏယား အဟဝ်သွတ်ꩻခင်ႏလမ်း ကအဝ်ႏဗော့ꩻဒါႏ ရာမသဲစ်ဝေင်ꩻထျꩻ အီဂျစ်ခမ်းကိုနဝ်ꩻသွူ။ 12ယောသပ်နဝ်ꩻ အဝ်ႏဖဖြယ်ဖေႏ အဖါ၊ အဝေးခိုဖုံႏတွမ်ႏ အဖါတမွိုးဖါပိုစွိုꩻ ကားကအဝ်ႏ ထာꩻအံႏအွꩻဖုံႏသွူ။
ထာꩻအံႏအွꩻခြောကပ်
13ထာꩻအံႏအွꩻ ခြောကပ် ဟုဲင်းငါႏတဲင် ထာꩻအံႏစရိပ် လို့ထိုꩻနဝ်ꩻမꩻ လိုꩻအီဂျစ်ခမ်းတွမ်ႏ ခါနန်ခမ်းဖုံႏနဝ်ꩻ ခံႏဗာႏမွေးနေးစွဥ်ႏ ထာꩻအံႏမတံႏသွူ။ 14ဝွေꩻသီး ကလွဉ်ဖြေꩻ ဗွူငိုꩻရွဉ်ဖုံႏနဝ်ꩻ ယောသပ်စုတဲင် သော့ꩻဟဝ်ခါꩻ ဟော်နန်ꩻရွဉ်တွိုက်ကိုသွူ။ 15အီဂျစ်ခမ်းသားတွမ်ႏ ခါနန်ခမ်းသားဖုံႏရွဉ် ထွိုင်ႏလို့နဝ်ꩻ၊ အီဂျစ်ခမ်းသားဖုံႏ လွဉ်ယောသပ်ထျꩻတဲင်ရိုꩻ “ဖေႏဗဲင်းသွော့နီ ထာꩻအံႏ၊ အွဉ်ႏအံႏမသီ ထိုꩻမွိုန်းသွော့နီ၊ မာꩻဖေႏဗဲင်းသွော့နီ တစွိုးစွိုး နီရွဉ် တအဲဉ်ထဝ်းဒွုမ်” နုဲင်းနဝ်ꩻသွူ။ 16ယောသပ်လဝ်းချာ “သီရွဉ်မဉ်ႏလို့တဲ့ အီလွဉ်သွော့ သီသွိုꩻ၊ ဗဲ၊ ဖိုး ထာꩻသောင်ꩻထာꩻသားဖုံႏ မဲ့ꩻခွေလုဲင်ႏဖေႏ တွမ်ႏသီဗွူ” နုဲင်းနဝ်ꩻသွူ။ 17နဝ်ꩻမꩻ ဝွေꩻသီးအီလွဉ် အထာꩻသောင်ꩻ ထာꩻသား ကားကအဝ်ႏ ယောသပ်ထျꩻဖုံႏတဲင် ဝွေꩻသီး သေ၊ သွိုꩻ၊ ဗဲ၊ ဖိုးပနားတွမ်ႏ သေလာꩻဖုံႏနဝ်ꩻ ယောသပ် လုဲင်ႏဖေႏစွဥ်ႏ ဗွူအံႏသွူ။ အနေင်ႏနဝ်ꩻ ဝွေꩻထောက်ဖေႏဝွေꩻသီး ထာꩻအံႏတဲင် ဝွေꩻသီး အထာꩻသောင်ꩻ ထာꩻသား ကားကအဝ်ႏနဝ်ꩻ လုဲင်ႏအံႏတွမ်ႏ ဗွူဖုံႏသွူ။
18ဆုဲင်ꩻတနေင်ႏနဝ်ꩻ ဝွေꩻသီးလွဉ်ဖျင်ယင်း ယောသပ်ထျꩻတဲင်ရိုꩻ “နီကခွိုတ်ꩻဗာႏ ထာꩻနုဲင်းယိုနဝ်ꩻ နီအွဉ်ႏဗဉ်ႏဗꩻထိုꩻ နီဗွေႏတလꩻတဝ်း နီနဝ်ꩻရွဉ်တဲ့ လို့လဲဉ်း၊ နီထာꩻသောင်ꩻ ထာꩻသားဖုံႏတဲ့ ထွာလို့လဲဉ်း နီဗွေႏထာꩻခြိုꩻ၊ ပေါႏလွိုသွူ နီနမ်းခန္ဓာႏယိုတွမ်ႏ နီဟံႏယာႏဖုံႏနဝ်ꩻ နီအီႏဖေႏနီဗွေႏ တမုဲင်ꩻတဲ့ တအဲဉ်ထဝ်းဒွုမ်” နုဲင်းနဝ်ꩻသွူ။ 19“တွမ်ႏအွဉ်ႏအံႏမသီ ထိုꩻမွိုန်းနီ၊ မာꩻဖေႏဗဲင်းယင်းသွော့ နီတစွိုးစွိုး၊ မာဖေႏနီလုဲင်း ကသွုမ်ꩻကုဲင်ထိုꩻမွိုန်း၊ ဖြေꩻသွော့ နီတွမ်ႏ နီလုဲင်းဖုံႏတဲင် လုဲင်ႏဖေႏသွော့ တွမ်ႏထာꩻအံႏ၊ နီနမ်းဖုံႏနဝ်ꩻတဲ့ အီႏခံႏဖေႏဒျာႏသွဉ်း ခွန်တန်ထျꩻ၊ နီလုဲင်းခြံဖုံႏနဝ်ꩻတဲ့ အပ်ဖေႏဒျာႏ ခွန်တန်သွူ။ ဖေႏနေးနီသက် ကအဝ်ႏမွန်လꩻနဝ်ꩻ ဖေႏနီဗွူအံႏဟုဲင်း။ ဖေႏနီကဆို့ꩻနွောင်ꩻ လုဲင်းဖုံႏနဝ်ꩻ ဖေႏသွော့နီ အစွိုးအခြွီဟုဲင်း” နုဲင်းနဝ်ꩻသွူ။
20လုဲင်းဖုံႏ ကအဝ်ႏဒါႏ အီဂျစ်ခမ်းကိုနဝ်ꩻ ယောသပ်ဖြေꩻဖေႏလို့စွဉ်ႏ ခွန်တန်တာႏနဝ်ꩻသွူ။ ပွိုးတွော့ꩻ ထာꩻအံႏအွꩻ ခြောငါႏလွဉ်နဝ်ꩻမꩻ အီဂျစ်ခမ်းသား ကားကအဝ်ႏနဝ်ꩻ စာထိုꩻလို့ဗာႏ အလုဲင်းဖုံႏသွူ။ လုဲင်းခြံဖုံႏ ကားကအဝ်ႏနဝ်ꩻ ထွာလို့စွဉ်ႏ ခွန်တန် ဥစ္စာႏဖုံႏနဝ်ꩻသွူ။ 21လိုꩻကားကအဝ်ႏအုံဒါႏ အီဂျစ်ခမ်း အဝ်ႏအမော့တဖဲ့ꩻ ဗꩻလွေꩻစွဉ်ႏခတဖဲ့ꩻနဝ်ꩻ ယောသပ် မာထွာလွဉ်လို့စွဉ်ႏ ခွန်တန် အသွဉ်းသွူ။ 22ယဇ်ပရောဟိတ်ဖုံႏ အခြံနဝ်ꩻ ခွန်တန်တဖြေꩻတဝ်း၊ ကွပ်ပွိုး ခွန်တန် အဝ်ႏဖေႏအုံသော့ꩻ ဝွေꩻသီးတဲင် အဝ်ႏထေဖေႏဝွေꩻသီး ထာꩻအံႏစရိပ်နဝ်ꩻမꩻ စာထိုꩻဗာႏတဝ်း အလုဲင်းခြံဖုံႏသွူ။ 23ယောသပ်ဒေါ့ꩻဖေႏလိုꩻဖုံႏ “ယိုခါ သီအဝ်ႏသေ သီနမ်းတွမ်ႏ သီလုဲင်းယာႏဖုံႏနဝ်ꩻ ခွေဖြေꩻဖေႏလဲဉ်း ခွန်တန်သွူ။ ယော့သီဗွူခြွီဖုံႏ ထူႏတဲင် ဆို့ꩻရုဲင်သွော့ သီလုဲင်းကိုဟုဲင်း။ 24သီမဉ်ႏရဲ့သိမ်ꩻချိန်ႏနဝ်ꩻ ဖေႏချာဗာႏ ခွန်တန် ငတ်ꩻပွန်းတပွန်းသွူ၊ လွိုနဝ်ꩻနဝ်ꩻ အွဉ်ႏကုဲင်ဗာႏ သီဗွူခြွီတွမ်ႏ သီနမ်းတာႏတွမ်ႏ သီတမွိုးဖါပိုစွိုꩻ အံႏတာႏ” နုဲင်းနဝ်ꩻသွူ။
25ဝွေꩻသီးလဝ်းချာ “နီဗွေႏနဝ်ꩻ ကယ်ႏလဲဉ်းသွူနီအသက်၊ ဟဝ်ငါႏလဲဉ်းသွူ နီအလောင်းတဲင် နီ အီႏမာꩻဒျာႏ ခွန်တန် အသွဉ်း” နုဲင်းနဝ်ꩻသွူ။ 26နဝ်ꩻမꩻ အီဂျစ်ခမ်းကို ကထန်ႏဒါႏ ဗွူ၊ ဟူ၊ ဗာႏ၊ အရာႏ၊ အကဝ်ႏ ငတ်ꩻပွန်းတပွန်း ဖေႏချာဗာႏ ခွန်တန်နဝ်ꩻ ယောသပ် ထေခါꩻ လုဲင်းခြံဟံႏယာႏ ဥပဒေႏတစွိုးသွူ။ ဥပဒေႏနဝ်ꩻနဝ်ꩻ အဝ်ႏဗတွိုႏစွဉ်ႏ ဟန်ႏနီꩻယိုသွူ။ ယဇ်ပရောဟိတ်သီး လုဲင်းခြံဖုံႏနဝ်ꩻ တထမ်ႏဗာႏတဝ်း ခွန်တန်အခွဉ်ႏသွူ။
ယာကုပ်ထွန်ႏသေꩻငဝ်းအဆုဲင်ꩻသွတ်ꩻ
27ဣသရေးလိုꩻမျိုꩻဖုံႏ အုံအီဂျစ်ခမ်း ဂေါသျန်အရပ်ကိုနဝ်ꩻ ဝွေꩻသီး ခြွေလွဉ်တွော့ꩻ ပိုလီꩻဖုံႏ အာလွဉ်သွူ။ 28ယာကုပ်အုံ အီဂျစ်ခမ်းကိုနဝ်ꩻ ညတဆီနွတ်ꩻနေင်ႏတဲင် ဝွေꩻသက်တန်ꩻလꩻ ၁၄၇နေင်ႏသွူ။ 29#ကမ္ဘာႏ ၄၉:၂၉–၃၂၊ ၅၀:၆။ ဝွေꩻသီမွူးနီꩻ ထွိုင်ႏအီႏဗော့ꩻလွဉ်နဝ်ꩻ ဝွေꩻဟဲ့ꩻ ဝွေꩻပိုခို ယောသပ်တဲင် ဒေါ့ꩻ “နာႏသွော့ ခွေငဝ်း၊ နာꩻစူနဝ်ꩻ အွဉ်ႏသွော့ ခွေကီႏဆꩻလ၊ တွမ်ႏသင်္ဂြိုဟ်ႏ သော့ꩻမွိုန်းတဝ်းခွေ အီဂျစ်ခမ်းကိုနဝ်ꩻ တွိုင်ႏတယ်ႏ အွဉ်ႏဂတိ သစ္စာႏသွော့။ 30ခွေမဉ်အွဉ်ႏနာꩻ အီထန်ႏထိုꩻခွေ အီဂျစ်ခမ်းယိုတဲင် သင်္ဂြိုဟ်ႏခွေ ဝင်ꩻကသင်္ဂြိုဟ်ႏဒါႏ နီဖါသဲင်ႏခဲင်ꩻကိုဟုဲင်း” နုဲင်းနဝ်ꩻသွူ။
ယောသပ်လဝ်းချာ “နီဖါကဒေါ့ꩻဒါႏ အတွိုင်ꩻ ခွေအီႏမာꩻဖေႏဒျာႏ” နုဲင်းနဝ်ꩻသွူ။
31ယာကုပ်ဒေါ့ꩻ “နာꩻကအီႏမာꩻနဝ်ꩻ ခံႏနေးသွော့ ငဝ်းသစ္စာႏဟုဲင်း” ထွိုင်ႏနုဲင်းနဝ်ꩻ ယောသပ်တဲ့ ခံႏစွဉ်ႏ ငဝ်းသစ္စာႏတဲင် ယာကုပ် အဝ်ႏခင်ႏလမ်းဗေင်ႏကိုနဝ်ꩻ အုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏကေꩻဇူꩻနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.