ကမ္ဘာႏစ 45
45
ယောသပ်ခြုဲင်းနယ်ဝွေꩻခရာႏ
1 #
တ ၇:၁၃။ ယောသပ် ယွိုန်းသꩻ ဝွေꩻအသွဉ်းဖုံႏဆꩻငါ လꩻတဝ်းဒွုမ်နဝ်ꩻမꩻ ဝွေꩻမိန်းဖေႏအလိုꩻဖုံႏ ကားကအဝ်ႏ ထွဉ်ႏထန်ႏထိုꩻစွဉ်ႏ အခန်ꩻကောင်းထန်ႏသွူ။ ပါꩻလင်ဖုံႏ တအဝ်ႏကုဲင်ငီꩻတဝ်းဒွုမ်ဝွေꩻချိန်ႏ ဝွေꩻအခရာႏနဝ်ꩻ ယောသပ်ဒေါ့ꩻနယ်ဖေႏစွဉ်ႏ အဝေးခိုဖုံႏသွူ။ 2ဝွေꩻငွိုးသန်ထာꩻငဝ်းနဝ်ꩻ အီဂျစ်လိုꩻမျိုꩻဖုံႏ အဝ်ႏဟွိုန်သွူ။ နဝ်ꩻမꩻ ဝွေꩻသတင်ꩻနဝ်ꩻ ဟွိုန်တွိုႏစွဉ်ႏ ခွန်တန် ဟော်နန်ꩻကိုသွူ။ 3ယောသပ် ဒေါ့ꩻဖေႏအဝေးခိုဖုံႏ “ခွေနဝ်ꩻထွာဒျာႏ ယောသပ်။ နီဖါ သက်အဝ်ႏမွန်ဒျာႏနဲ့ဟောင်း” ရီနုဲင်းနဝ်ꩻသွူ။ ကွဲႏတွော့ꩻ အဝေးခိုဖုံႏ ထွိုင်ႏဟွိုန်နုဲင်းယိုနဝ်ꩻ ဝွေꩻသီးသꩻဝꩻငါႏတဲင် ဝွေꩻသီး လဲင်ꩻတလဝ်းချာ နွောင်ꩻဒွုမ်နဝ်ꩻသွူ။ 4နဝ်ꩻထွူ ယောသပ်ဒေါ့ꩻဖေႏဝွေꩻသီး “လွဉ်အုံဗော့ꩻဗော့ꩻ ခွေထျꩻယိုကို” နုဲင်းနဝ်ꩻတဲင်မꩻ ဝွေꩻသီး လွဥ်ယောသပ်ထျꩻတွော့ꩻ ဝွေꩻရိုꩻ “ခွေနဝ်ꩻ သီကစာအံႏထိုꩻဒါႏ အီဂျစ်ခမ်း သီဖူးခို ယောသပ်ဒျာႏသွူ။ 5ကွပ်ပွိုး သီစာလွဉ်ထိုꩻ ခွေယိုကိုနဝ်ꩻမꩻ ယိုခါ သီသꩻကုဲင်မွိုန်း၊ ပဲစ်ဒင်ႏချာမွိုန်းတဝ်း သီနမ်းဖုံႏ၊ အမဲဉ်ႏတဗာႏ ဗွေႏဘုရာꩻ အီႏကယ်ႏဒါႏ လိုꩻဖုံႏကားကအဝ်ႏ အသက်တာႏနဝ်ꩻ အွဉ်ႏစွꩻလွဉ်ရီး ဒျာႏခွေသွူ။ 6ဟံႏလောင်း ထာꩻအံႏအွꩻ ခြောကပ်နဝ်ꩻ ယိုခါ စလꩻ နီနေင်ႏလွုမ်ꩻသွူ။ အီႏတဆို့ꩻရုဲင်ဗာႏတဝ်း အီႏတရဲ့သိမ်ꩻဗာႏတဝ်း ထာꩻအံႏခြောနဝ်ꩻ အဝ်ႏကုဲင်နေဒွိုန်းက ငတ်ꩻနေင်ႏသွူ။ 7ဗွေႏဘုရာꩻနဝ်ꩻ ဖေႏသီတွမ်ႏ သီပိုလီꩻစွိုးခွိုꩻဖုံႏ အသက် ကအဝ်ႏမွန်ကုဲင်တွော့ꩻ ကအီႏကယ်ႏဒါႏ သီနဝ်ꩻ တွမ်ႏအနယ်ꩻ အံႏဖြာႏခရာႏ နုဲင်းယိုတဲင် အွဉ်ႏစွꩻလွဉ်ရီးခွေ သီဆꩻငါဒျာႏသွူ။ 8နဝ်ꩻမꩻ သီ ပသာလွဉ်ခွေယို တမွေးတဝ်း အမွေးအမဲဉ်ႏနဝ်ꩻ ဗွေႏဘုရာꩻ ပသာလွဉ်ဒျာႏသွူ။ ဗွေႏဘုရာꩻနဝ်ꩻ ဖေႏလဲဉ်းခွေ ခွန်အာႏဏာႏ အထိုသွတ်ꩻတဲင် ဝွေꩻခမ်းထီ ကားကအဝ်ႏနဝ်ꩻ ခွေထိန်ꩻထွားဗာႏ၊ ခွေအုပ်စိုꩻဗာႏ အီဂျစ်တခမ်းလွုမ်းသွူ။
9 #
တ ၇:၁၄။ ယိုခါ သီသဲင်ꩻချာ မွိုင်မွိုင်သွော့ နီဖါထျꩻတဲင် ဒေါ့ꩻနယ်သွော့ နီဖါပိုခို ယောသပ် ရိုꩻဖေႏနုဲင်းယို ‘ဗွေႏဘုရာꩻနဝ်ꩻ ဖေႏအုပ်စိုꩻလဲဉ်းခွေ အီဂျစ်တခမ်းလွုမ်း၊ တွမ်ႏမာꩻယွိုက်ꩻမွိုန်း၊ အွဉ်ႏလွဉ်မွိုင်မွိုင်ခန်း ပိုခိုထျꩻ။ 10နီဖါတွမ်ႏပိုဖုံႏ၊ လီꩻဖုံႏ၊ သွိုꩻဖုံႏ၊ ဗဲဖုံႏ၊ ဖိုးပနားဖုံႏတွမ်ႏ နီဖါကပဲင်ႏဒါႏ ထာꩻခြိုꩻဥစ္စာႏအလင် ကားကအဝ်ႏနဝ်ꩻ အီလွဉ်တဲင် လွဉ်အုံသွော့ ဂေါသျန်အရပ်၊ နဝ်ꩻကိုနဝ်ꩻ အဝ်ႏဗော့ꩻတွမ်ႏခွေသွူ။ 11နီဖါမဉ်ႏအဝ်ႏ ဂေါသျန်ကိုနဝ်ꩻ ခွေအီႏထွားကုန်ꩻ နွောင်ꩻပါဗာႏ နီဖါနဝ်ꩻသွူ။ ထာꩻအံႏအွꩻ ကအီႏခြောနဝ်ꩻ အဝ်ႏကုဲင်ဒွိုန်းက ငတ်ꩻနေင်ႏတဲင် ခွေမဉ်ဖေႏအံႏမတဝ်း နီဖါတမွိုးဖါပိုစွိုꩻတွမ်ႏ နီဖါထာꩻသောင်ꩻ ထာꩻသားဖုံႏ” နုဲင်းနဝ်ꩻသွူ။ 12ယောသပ်ဒေါ့ꩻသွုပ် “ခွေထွာယောသပ်မွေးဒျာႏ ကျောင်ꩻနဝ်ꩻ၊ သီ ကားကအဝ်ႏတွမ်ႏ ဗေင်ယာမိန်နဝ်ꩻတဲ့ ယိုခါ ထီဗာႏနေးလဲဉ်း စွဥ်ႏမဲ့သွူ။ 13အီဂျစ်ခမ်းကိုနဝ်ꩻ ခွေတန်ꩻခိုꩻတန် တတွာမုဲင်ꩻ ခွိုင်းကား သီကထီႏဗာႏနဝ်ꩻ ဒေါ့ꩻနယ်ဖေႏသွော့ နီဖါ။ နဝ်ꩻထွူ ဟဲ့ꩻလွဉ်မွိုင်မွိုင်သွော့ နီဖါယိုကို” ထွဉ်ႏထဲင်းနုဲင်းနဝ်ꩻ ထွူတဲင်၊
14ဝွေꩻတဖေါ့ ဝွေꩻဖူးခို ဗေင်ယာမိန်တွော့ꩻ ငွိုးစွဥ်ႏထာꩻသွူ။ ဗေင်ယာမိန်တဲ့ ဖေါ့ဝွေꩻတဲင် ငွိုးနုဲင်းနုဲင်းစွဉ်ႏထာꩻသွူ။ 15နဝ်ꩻထွူ ယောသပ် ငွိုးတဲ့ငွိုး တဖေါ့နို့ꩻ အဝေးခိုတဖြာꩻထွူ တဖြာꩻသွူ။ နဝ်ꩻထွူ ယောသပ်ဝေးခိုဖုံႏနဝ်ꩻ ဒေါ့ꩻရီချာယင်း နုဲင်းတဖူးဝေးနဝ်ꩻသွူ။
16ယောသပ် အဝေးခိုစွိုꩻဖုံႏ ဖျော်လွဉ်သတင်ꩻနဝ်ꩻ ကျော်ႏတွိုႏစွဉ်ႏ ဟော်နန်ꩻနဝ်ꩻမꩻ အီဂျစ်ခွန်တန်တွမ်ႏ ဝွေꩻလိုꩻတန်ဖုံႏ ဟွိုန်ဟဝ်သꩻရေꩻ လွစွဉ်ႏနဝ်ꩻသွူ။ 17အီဂျစ်ခွန်တန် မိန်းဖေႏယောသပ် “ဒေါ့ꩻဖေႏသွော့ နာꩻဝေးခိုဖုံႏဟုဲင်း အထာꩻခြိုꩻဖုံႏနဝ်ꩻဒင်ႏ အထာꩻသားလောင်းတွော့ꩻ အွဉ်ႏသဲင်ꩻချာသွော့ ခါနန်ခမ်း။ 18နဝ်ꩻထွူ အွဉ်ႏသဲင်ဟဲ့ꩻချာပါ ဝွေꩻသီးဖါတွမ်ႏ တမွိုးဖါပိုစွိုꩻဖုံႏ၊ အီဂျစ်ခမ်းကို ဟံႏအဟဝ်သွတ်ꩻနဝ်ꩻ ခွေအီႏဖေႏဝွေꩻသီးနဝ်ꩻမꩻ အီႏအံႏအွꩻ လုမ်းကုမ်ႏဗာႏသွူ။ 19ဒေါ့ꩻပါသွော့ ဝွေꩻသီး၊ ကအီႏဒင်ႏလွဉ် သီပိုမာဖုံႏတွမ်ႏ အဖါတာႏနဝ်ꩻ ထူႏသဲင်ꩻပါသွော့ အီဂျစ်ခမ်း သေလောဖုံႏ၊ 20ဝွေꩻသီးထာꩻခြိုꩻ ကအွဉ်ႏကုဲင်ထိုꩻဗာႏနဝ်ꩻ တွမ်ႏနန်းခီ လောက်ꩻကာႏမွိုန်းတဝ်း။ အီဂျစ်ခမ်းကို စေꩻစိန်ႏအဟဝ်သွတ်ꩻနဝ်ꩻ အီႏထွာဝွေꩻသီးတာႏဒျာႏ” နုဲင်းနဝ်ꩻသွူ။
21ယာကုပ် ပိုခိုစွိုꩻဖုံႏနဝ်ꩻ မာꩻလွဉ်ꩻစွဉ်ႏ နုဲင်းဝွေꩻသီး ကဒေါ့ꩻအတွိုင်ꩻနဝ်ꩻသွူ။ ခွန်တန် နုဲင်းမိန်းဖေႏအတွိုင်ꩻ တဖူꩻလောင်းတာႏနဝ်ꩻ ယောသပ် ထေဖေႏစွဉ်ႏ ဝွေꩻသီး သေလောဖုံႏတွမ်ႏ အံႏအွꩻစရိပ်ဖုံႏသွူ။ 22ယောသပ်ဖေႏပါ ဝွေꩻဝေးခိုဖုံႏ ခွမ်ꩻလာꩻပြွုတ် တဖြာꩻတစွုံႏစီႏသွူ။ ကွဲႏတွော့ꩻ ဗေင်ယာမိန်တာႏနဝ်ꩻ ဝွေꩻဖေႏစွဉ်ႏ ရွဉ်ယာႏသွံစွဲ တွမ်ႏခွမ်ꩻလာꩻပြွုတ် ငတ်ꩻစွုံႏသွူ။ 23အီဂျစ်ခမ်းတခြိုꩻ အဟဝ်သွတ်ꩻဖုံႏနဝ်ꩻ သော့ꩻသဲင်ꩻဖေႏ အဖါတာႏနဝ်ꩻ ဒင်ႏတွမ်ႏ သေလာꩻ အဗာႏတဆီတဲင် အဖါအီႏအံႏအွꩻ တဖူꩻလောင်းတာႏ စရိပ် ဗွူဟူတခိုးဖုံႏနဝ်ꩻ ဒင်ႏတွမ်ႏသေလာꩻအလင် အဗာႏတဆီသွူ။ 24တဖူꩻလောင်းနဝ်ꩻ တဖူးဝေးချင်ꩻ တဖြာꩻတွမ်ႏတဖြာꩻ ဖေႏကရွို့ꩻရောင် မွိုန်းတဝ်းလို့ဝင်ꩻ ဝွေꩻဒေါ့ꩻနုဲင်းနဝ်ꩻ ထွူတွော့ꩻ အွဉ်ႏသဲင်ꩻစွဉ်ႏ အဝေးခိုဖုံႏသွူ။
25ဝွေꩻသီး အဝ်ႏအီဂျစ်ခမ်း ထန်ႏတဲင် သဲင်ꩻချာစွဉ်ႏ ဝွေꩻသီးဖါ ယာကုပ်ထျꩻ ခါနန်ခမ်းသွူ။ 26ဝွေꩻသီး ဒေါ့ꩻနယ်ဖေႏအဖါ “ယောသပ်နဝ်ꩻ သက်အဝ်ႏမွန်နေကဒျာႏ၊ ဝွေꩻနဝ်ꩻ အဝ်ႏအုပ်ချုပ်ဗာႏ အီဂျစ်တခမ်းလွုမ်း” ထွိုင်ႏရိုꩻ နုဲင်းနဝ်ꩻနဝ်ꩻ ယာကုပ် အံႏဖြာႏငါႏတွော့ꩻ လဲင်ꩻတယွုမ်းနွောင်ꩻ တဝ်းဒွုမ်သွူ။
27ကွဲတွော့ꩻ ယောသပ်ကဒေါ့ꩻဒါႏ ငဝ်းတွမ်ႏ ကအီႏဒင်ႏလွဉ်အီဒါႏဝွေꩻ အီဂျစ်ခမ်းကိုတာႏ အပိုဖုံႏ ဒေါ့ꩻနယ်ဝွေꩻတဲင် ထွိုင်ႏထီႏ ယောသပ် ကပသာလွဉ်ဒါႏ သေလောနဝ်ꩻ ဝွေꩻအဝ်ႏတငွို့ထာꩻနဝ်ꩻ သေနမ်းလွဉ်ယင်း နဝ်ꩻသွူ။ 28ဝွေꩻရိုꩻ“ ပိုခိုယောသပ်နဝ်ꩻ သက်အဝ်ႏမွန် ဒျာႏကနဝ်ꩻမꩻ ခွေကကွီဒါႏဆုနဝ်ꩻ ဗွေလဲဉ်း။ ခလားခွေကသီနဝ်ꩻ ခွေအီႏလွေꩻမော့ꩻဝွေꩻ” နုဲင်းနဝ်ꩻသွူ။
ទើបបានជ្រើសរើសហើយ៖
ကမ္ဘာႏစ 45: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 45
45
ယောသပ်ခြုဲင်းနယ်ဝွေꩻခရာႏ
1 #
တ ၇:၁၃။ ယောသပ် ယွိုန်းသꩻ ဝွေꩻအသွဉ်းဖုံႏဆꩻငါ လꩻတဝ်းဒွုမ်နဝ်ꩻမꩻ ဝွေꩻမိန်းဖေႏအလိုꩻဖုံႏ ကားကအဝ်ႏ ထွဉ်ႏထန်ႏထိုꩻစွဉ်ႏ အခန်ꩻကောင်းထန်ႏသွူ။ ပါꩻလင်ဖုံႏ တအဝ်ႏကုဲင်ငီꩻတဝ်းဒွုမ်ဝွေꩻချိန်ႏ ဝွေꩻအခရာႏနဝ်ꩻ ယောသပ်ဒေါ့ꩻနယ်ဖေႏစွဉ်ႏ အဝေးခိုဖုံႏသွူ။ 2ဝွေꩻငွိုးသန်ထာꩻငဝ်းနဝ်ꩻ အီဂျစ်လိုꩻမျိုꩻဖုံႏ အဝ်ႏဟွိုန်သွူ။ နဝ်ꩻမꩻ ဝွေꩻသတင်ꩻနဝ်ꩻ ဟွိုန်တွိုႏစွဉ်ႏ ခွန်တန် ဟော်နန်ꩻကိုသွူ။ 3ယောသပ် ဒေါ့ꩻဖေႏအဝေးခိုဖုံႏ “ခွေနဝ်ꩻထွာဒျာႏ ယောသပ်။ နီဖါ သက်အဝ်ႏမွန်ဒျာႏနဲ့ဟောင်း” ရီနုဲင်းနဝ်ꩻသွူ။ ကွဲႏတွော့ꩻ အဝေးခိုဖုံႏ ထွိုင်ႏဟွိုန်နုဲင်းယိုနဝ်ꩻ ဝွေꩻသီးသꩻဝꩻငါႏတဲင် ဝွေꩻသီး လဲင်ꩻတလဝ်းချာ နွောင်ꩻဒွုမ်နဝ်ꩻသွူ။ 4နဝ်ꩻထွူ ယောသပ်ဒေါ့ꩻဖေႏဝွေꩻသီး “လွဉ်အုံဗော့ꩻဗော့ꩻ ခွေထျꩻယိုကို” နုဲင်းနဝ်ꩻတဲင်မꩻ ဝွေꩻသီး လွဥ်ယောသပ်ထျꩻတွော့ꩻ ဝွေꩻရိုꩻ “ခွေနဝ်ꩻ သီကစာအံႏထိုꩻဒါႏ အီဂျစ်ခမ်း သီဖူးခို ယောသပ်ဒျာႏသွူ။ 5ကွပ်ပွိုး သီစာလွဉ်ထိုꩻ ခွေယိုကိုနဝ်ꩻမꩻ ယိုခါ သီသꩻကုဲင်မွိုန်း၊ ပဲစ်ဒင်ႏချာမွိုန်းတဝ်း သီနမ်းဖုံႏ၊ အမဲဉ်ႏတဗာႏ ဗွေႏဘုရာꩻ အီႏကယ်ႏဒါႏ လိုꩻဖုံႏကားကအဝ်ႏ အသက်တာႏနဝ်ꩻ အွဉ်ႏစွꩻလွဉ်ရီး ဒျာႏခွေသွူ။ 6ဟံႏလောင်း ထာꩻအံႏအွꩻ ခြောကပ်နဝ်ꩻ ယိုခါ စလꩻ နီနေင်ႏလွုမ်ꩻသွူ။ အီႏတဆို့ꩻရုဲင်ဗာႏတဝ်း အီႏတရဲ့သိမ်ꩻဗာႏတဝ်း ထာꩻအံႏခြောနဝ်ꩻ အဝ်ႏကုဲင်နေဒွိုန်းက ငတ်ꩻနေင်ႏသွူ။ 7ဗွေႏဘုရာꩻနဝ်ꩻ ဖေႏသီတွမ်ႏ သီပိုလီꩻစွိုးခွိုꩻဖုံႏ အသက် ကအဝ်ႏမွန်ကုဲင်တွော့ꩻ ကအီႏကယ်ႏဒါႏ သီနဝ်ꩻ တွမ်ႏအနယ်ꩻ အံႏဖြာႏခရာႏ နုဲင်းယိုတဲင် အွဉ်ႏစွꩻလွဉ်ရီးခွေ သီဆꩻငါဒျာႏသွူ။ 8နဝ်ꩻမꩻ သီ ပသာလွဉ်ခွေယို တမွေးတဝ်း အမွေးအမဲဉ်ႏနဝ်ꩻ ဗွေႏဘုရာꩻ ပသာလွဉ်ဒျာႏသွူ။ ဗွေႏဘုရာꩻနဝ်ꩻ ဖေႏလဲဉ်းခွေ ခွန်အာႏဏာႏ အထိုသွတ်ꩻတဲင် ဝွေꩻခမ်းထီ ကားကအဝ်ႏနဝ်ꩻ ခွေထိန်ꩻထွားဗာႏ၊ ခွေအုပ်စိုꩻဗာႏ အီဂျစ်တခမ်းလွုမ်းသွူ။
9 #
တ ၇:၁၄။ ယိုခါ သီသဲင်ꩻချာ မွိုင်မွိုင်သွော့ နီဖါထျꩻတဲင် ဒေါ့ꩻနယ်သွော့ နီဖါပိုခို ယောသပ် ရိုꩻဖေႏနုဲင်းယို ‘ဗွေႏဘုရာꩻနဝ်ꩻ ဖေႏအုပ်စိုꩻလဲဉ်းခွေ အီဂျစ်တခမ်းလွုမ်း၊ တွမ်ႏမာꩻယွိုက်ꩻမွိုန်း၊ အွဉ်ႏလွဉ်မွိုင်မွိုင်ခန်း ပိုခိုထျꩻ။ 10နီဖါတွမ်ႏပိုဖုံႏ၊ လီꩻဖုံႏ၊ သွိုꩻဖုံႏ၊ ဗဲဖုံႏ၊ ဖိုးပနားဖုံႏတွမ်ႏ နီဖါကပဲင်ႏဒါႏ ထာꩻခြိုꩻဥစ္စာႏအလင် ကားကအဝ်ႏနဝ်ꩻ အီလွဉ်တဲင် လွဉ်အုံသွော့ ဂေါသျန်အရပ်၊ နဝ်ꩻကိုနဝ်ꩻ အဝ်ႏဗော့ꩻတွမ်ႏခွေသွူ။ 11နီဖါမဉ်ႏအဝ်ႏ ဂေါသျန်ကိုနဝ်ꩻ ခွေအီႏထွားကုန်ꩻ နွောင်ꩻပါဗာႏ နီဖါနဝ်ꩻသွူ။ ထာꩻအံႏအွꩻ ကအီႏခြောနဝ်ꩻ အဝ်ႏကုဲင်ဒွိုန်းက ငတ်ꩻနေင်ႏတဲင် ခွေမဉ်ဖေႏအံႏမတဝ်း နီဖါတမွိုးဖါပိုစွိုꩻတွမ်ႏ နီဖါထာꩻသောင်ꩻ ထာꩻသားဖုံႏ” နုဲင်းနဝ်ꩻသွူ။ 12ယောသပ်ဒေါ့ꩻသွုပ် “ခွေထွာယောသပ်မွေးဒျာႏ ကျောင်ꩻနဝ်ꩻ၊ သီ ကားကအဝ်ႏတွမ်ႏ ဗေင်ယာမိန်နဝ်ꩻတဲ့ ယိုခါ ထီဗာႏနေးလဲဉ်း စွဥ်ႏမဲ့သွူ။ 13အီဂျစ်ခမ်းကိုနဝ်ꩻ ခွေတန်ꩻခိုꩻတန် တတွာမုဲင်ꩻ ခွိုင်းကား သီကထီႏဗာႏနဝ်ꩻ ဒေါ့ꩻနယ်ဖေႏသွော့ နီဖါ။ နဝ်ꩻထွူ ဟဲ့ꩻလွဉ်မွိုင်မွိုင်သွော့ နီဖါယိုကို” ထွဉ်ႏထဲင်းနုဲင်းနဝ်ꩻ ထွူတဲင်၊
14ဝွေꩻတဖေါ့ ဝွေꩻဖူးခို ဗေင်ယာမိန်တွော့ꩻ ငွိုးစွဥ်ႏထာꩻသွူ။ ဗေင်ယာမိန်တဲ့ ဖေါ့ဝွေꩻတဲင် ငွိုးနုဲင်းနုဲင်းစွဉ်ႏထာꩻသွူ။ 15နဝ်ꩻထွူ ယောသပ် ငွိုးတဲ့ငွိုး တဖေါ့နို့ꩻ အဝေးခိုတဖြာꩻထွူ တဖြာꩻသွူ။ နဝ်ꩻထွူ ယောသပ်ဝေးခိုဖုံႏနဝ်ꩻ ဒေါ့ꩻရီချာယင်း နုဲင်းတဖူးဝေးနဝ်ꩻသွူ။
16ယောသပ် အဝေးခိုစွိုꩻဖုံႏ ဖျော်လွဉ်သတင်ꩻနဝ်ꩻ ကျော်ႏတွိုႏစွဉ်ႏ ဟော်နန်ꩻနဝ်ꩻမꩻ အီဂျစ်ခွန်တန်တွမ်ႏ ဝွေꩻလိုꩻတန်ဖုံႏ ဟွိုန်ဟဝ်သꩻရေꩻ လွစွဉ်ႏနဝ်ꩻသွူ။ 17အီဂျစ်ခွန်တန် မိန်းဖေႏယောသပ် “ဒေါ့ꩻဖေႏသွော့ နာꩻဝေးခိုဖုံႏဟုဲင်း အထာꩻခြိုꩻဖုံႏနဝ်ꩻဒင်ႏ အထာꩻသားလောင်းတွော့ꩻ အွဉ်ႏသဲင်ꩻချာသွော့ ခါနန်ခမ်း။ 18နဝ်ꩻထွူ အွဉ်ႏသဲင်ဟဲ့ꩻချာပါ ဝွေꩻသီးဖါတွမ်ႏ တမွိုးဖါပိုစွိုꩻဖုံႏ၊ အီဂျစ်ခမ်းကို ဟံႏအဟဝ်သွတ်ꩻနဝ်ꩻ ခွေအီႏဖေႏဝွေꩻသီးနဝ်ꩻမꩻ အီႏအံႏအွꩻ လုမ်းကုမ်ႏဗာႏသွူ။ 19ဒေါ့ꩻပါသွော့ ဝွေꩻသီး၊ ကအီႏဒင်ႏလွဉ် သီပိုမာဖုံႏတွမ်ႏ အဖါတာႏနဝ်ꩻ ထူႏသဲင်ꩻပါသွော့ အီဂျစ်ခမ်း သေလောဖုံႏ၊ 20ဝွေꩻသီးထာꩻခြိုꩻ ကအွဉ်ႏကုဲင်ထိုꩻဗာႏနဝ်ꩻ တွမ်ႏနန်းခီ လောက်ꩻကာႏမွိုန်းတဝ်း။ အီဂျစ်ခမ်းကို စေꩻစိန်ႏအဟဝ်သွတ်ꩻနဝ်ꩻ အီႏထွာဝွေꩻသီးတာႏဒျာႏ” နုဲင်းနဝ်ꩻသွူ။
21ယာကုပ် ပိုခိုစွိုꩻဖုံႏနဝ်ꩻ မာꩻလွဉ်ꩻစွဉ်ႏ နုဲင်းဝွေꩻသီး ကဒေါ့ꩻအတွိုင်ꩻနဝ်ꩻသွူ။ ခွန်တန် နုဲင်းမိန်းဖေႏအတွိုင်ꩻ တဖူꩻလောင်းတာႏနဝ်ꩻ ယောသပ် ထေဖေႏစွဉ်ႏ ဝွေꩻသီး သေလောဖုံႏတွမ်ႏ အံႏအွꩻစရိပ်ဖုံႏသွူ။ 22ယောသပ်ဖေႏပါ ဝွေꩻဝေးခိုဖုံႏ ခွမ်ꩻလာꩻပြွုတ် တဖြာꩻတစွုံႏစီႏသွူ။ ကွဲႏတွော့ꩻ ဗေင်ယာမိန်တာႏနဝ်ꩻ ဝွေꩻဖေႏစွဉ်ႏ ရွဉ်ယာႏသွံစွဲ တွမ်ႏခွမ်ꩻလာꩻပြွုတ် ငတ်ꩻစွုံႏသွူ။ 23အီဂျစ်ခမ်းတခြိုꩻ အဟဝ်သွတ်ꩻဖုံႏနဝ်ꩻ သော့ꩻသဲင်ꩻဖေႏ အဖါတာႏနဝ်ꩻ ဒင်ႏတွမ်ႏ သေလာꩻ အဗာႏတဆီတဲင် အဖါအီႏအံႏအွꩻ တဖူꩻလောင်းတာႏ စရိပ် ဗွူဟူတခိုးဖုံႏနဝ်ꩻ ဒင်ႏတွမ်ႏသေလာꩻအလင် အဗာႏတဆီသွူ။ 24တဖူꩻလောင်းနဝ်ꩻ တဖူးဝေးချင်ꩻ တဖြာꩻတွမ်ႏတဖြာꩻ ဖေႏကရွို့ꩻရောင် မွိုန်းတဝ်းလို့ဝင်ꩻ ဝွေꩻဒေါ့ꩻနုဲင်းနဝ်ꩻ ထွူတွော့ꩻ အွဉ်ႏသဲင်ꩻစွဉ်ႏ အဝေးခိုဖုံႏသွူ။
25ဝွေꩻသီး အဝ်ႏအီဂျစ်ခမ်း ထန်ႏတဲင် သဲင်ꩻချာစွဉ်ႏ ဝွေꩻသီးဖါ ယာကုပ်ထျꩻ ခါနန်ခမ်းသွူ။ 26ဝွေꩻသီး ဒေါ့ꩻနယ်ဖေႏအဖါ “ယောသပ်နဝ်ꩻ သက်အဝ်ႏမွန်နေကဒျာႏ၊ ဝွေꩻနဝ်ꩻ အဝ်ႏအုပ်ချုပ်ဗာႏ အီဂျစ်တခမ်းလွုမ်း” ထွိုင်ႏရိုꩻ နုဲင်းနဝ်ꩻနဝ်ꩻ ယာကုပ် အံႏဖြာႏငါႏတွော့ꩻ လဲင်ꩻတယွုမ်းနွောင်ꩻ တဝ်းဒွုမ်သွူ။
27ကွဲတွော့ꩻ ယောသပ်ကဒေါ့ꩻဒါႏ ငဝ်းတွမ်ႏ ကအီႏဒင်ႏလွဉ်အီဒါႏဝွေꩻ အီဂျစ်ခမ်းကိုတာႏ အပိုဖုံႏ ဒေါ့ꩻနယ်ဝွေꩻတဲင် ထွိုင်ႏထီႏ ယောသပ် ကပသာလွဉ်ဒါႏ သေလောနဝ်ꩻ ဝွေꩻအဝ်ႏတငွို့ထာꩻနဝ်ꩻ သေနမ်းလွဉ်ယင်း နဝ်ꩻသွူ။ 28ဝွေꩻရိုꩻ“ ပိုခိုယောသပ်နဝ်ꩻ သက်အဝ်ႏမွန် ဒျာႏကနဝ်ꩻမꩻ ခွေကကွီဒါႏဆုနဝ်ꩻ ဗွေလဲဉ်း။ ခလားခွေကသီနဝ်ꩻ ခွေအီႏလွေꩻမော့ꩻဝွေꩻ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.