ကမ္ဘာႏစ 38
38
ယုဒတွမ်ႏတာမာ
1အတွင်ꩻနဝ်ꩻ ယုဒအဝ်ႏ အဖူးဝေးဖုံႏထျꩻ ထန်ႏလွေꩻအုံငီꩻထိုꩻ ပါꩻမဉ်ꩻ ဟိရ အဒုလံဝေင်ꩻသား နဝ်ꩻသွူ။ 2နဝ်ꩻကိုနဝ်ꩻ ယုဒမော့ꩻတွမ်ႏ ခါနန်လိုꩻမျိုꩻ သျုအာပိုမူႏတဲင် ဝွေꩻတောႏလမ်းတွမ်ႏ ပါꩻမူႏနဝ်ꩻသွူ၊ 3ပါꩻမူႏနဝ်ꩻ လွူးဖေႏဝွေꩻ ပိုခိုတဖြာꩻတဲင်၊ ဝွေꩻဖန်ဖေႏ အမဉ်ꩻ ဧရသွူ။ 4ပါꩻမူႏနဝ်ꩻ သန္ဓေႏအဝ်ႏဖျင်တဲင် လွူးဖေႏယင်း ပိုခိုတဖြာꩻတွော့ꩻ ဖန်ဖေႏအမဉ်ꩻ ဩနန်သွူ။ 5ပါꩻမူႏနဝ်ꩻ သန္ဓေႏအဝ်ႏတဲင် လွူးဖျင်ယင်း ပိုခိုတဖြာꩻတွော့ꩻ ဖန်ဖေႏအမဉ်ꩻ သျေလသွူ။ ကလွူးဒါႏပိုခို သျီလချိန်ႏနဝ်ꩻ ယုဒအဝ်ႏဒျာႏ ဝေင်ꩻအခသျိပ်သွူ။
6ပိုခိုယင်းဧရနဝ်ꩻ ယုဒအွဉ်ႏတောႏလမ်းတွမ်ႏ ပါꩻမူႏမဉ်ꩻ တာမာသွူ။ 7ဧရနဝ်ꩻ အကျင်ꩻတဟဝ်တဝ်းနဝ်ꩻမꩻ ထာဝရဘုရာꩻ တကျွိုက်တဝ်းတဲင် ထာဝရဘုရာꩻ အွဉ်ႏဒွေါင်ႏထိုꩻ ဝွေꩻအသက်သွူ။ 8နဝ်ꩻထွူ ယုဒဒေါ့ꩻဖေႏ အပိုခို ဧရဖူးဩနန် “နာꩻနဝ်ꩻထွာ ပါꩻမူႏနဝ်ꩻဝါꩻ ဖူးခိုတဲင် တာႏဝွန်ႏအဝ်ႏအတွိုင်ꩻ ဖေႏနေးနာꩻဝေးခို ကလꩻသွုပ်ယင်း ပိုလီꩻစွိုးခွိုꩻနဝ်ꩻ နာꩻလွေꩻတောႏလမ်းသွော့ နာꩻဝေးခိုမာ မဲမုဲင်းမူႏနဝ်ꩻဟုဲင်း” နုဲင်းနဝ်ꩻသွူ။ 9ကွဲႏတွော့ꩻ တွမ်ႏအဝေးခိုမာ မဉ်ႏလꩻလွဉ်ပို ထွာဒျာႏ အဝေးခိုပိုနဝ်ꩻ ဩနန်အဝ်ႏသေ နဝ်ꩻမꩻ ဝွေꩻဝေးခိုအတာႏ ပိုဖေႏကလမွိုန်းနဝ်ꩻ ဝွေꩻဗေင်ႏငီꩻတွမ်ႏ ဝွေꩻဝေးခိုမာ စွုမ်ႏလဲင်ႏ ဝွေꩻစွိုးနဝ်ꩻ အဝ်ႏစွꩻထန်ႏဒျာႏ ကောင်းထန်ႏသွူ။ 10ဩနန် ကမာꩻထာꩻနုဲင်းနဝ်ꩻ ထာဝရဘုရာꩻ တကျွိုက်တဝ်းနဝ်ꩻမꩻ ထာဝရဘုရာꩻ အွဉ်ႏဒွေါင်ႏထိုꩻပါ ဝွေꩻအသက်သွူ။ 11နဝ်ꩻထွူ ယုဒဒေါ့ꩻဖေႏ အပါꩻနမ် တာမာ၊ “ဗတွိုႏစွဉ်ႏ ခွေပိုခို သျေလ ကတန်နဝ်ꩻ နာꩻသဲင်ꩻချာ နာꩻဖါလမ်းတွော့ꩻ အုံမဲမုဲင်းဒျာႏဒွိုန်းကဟုဲင်း” နုဲင်းနဝ်ꩻသွူ။ ဝွေꩻကဒေါ့ꩻဗာႏနုဲင်းယိုနဝ်ꩻ ပွိုးတွော့ꩻ ဝွေꩻငမ်းသꩻ အပိုခို သျေလတဲ့ꩻ သီထိုꩻ နုဲင်းအဝေးခိုဖုံႏသွူ။ နဝ်ꩻမꩻ တာမာနဝ်ꩻတဲ့ သဲင်ꩻအုံချာယင်းဒျာႏ အဖါလမ်းသွူ။
12ဆုဲင်ꩻထွိုင်ႏညနဝ်ꩻ ယုဒမာသီထိုꩻတဲင် ဝွေꩻတလွိုးသောင်ခြင်ꩻ ငွိုးကော့ꩻထွူ ဝွေꩻတွမ်ႏဝွေꩻသွꩻ အဒုလံဝေင်ꩻသား ဟိရနဝ်ꩻ လွေꩻရိပ်ꩻသွိုꩻဆွဉ်ႏ ဝေင်ꩻတိမနာသွူ။ 13ပါꩻတဖြာꩻနဝ်ꩻ ဒေါ့ꩻနယ်ဖေႏတာမာ “သီဖူအဝ်ႏလွေꩻရိပ်ꩻ အသွိုꩻဆွဉ်ႏ ဝေင်ꩻတိမနာကွေး” နုဲင်းနဝ်ꩻသွူ။ 14နဝ်ꩻမꩻ တာမာ လုဲင်ႏထိုꩻ မဲမုဲင်းမူႏ ခွမ်ꩻလာꩻတဲင် မဲ့ငါနဝ်ꩻ အွဉ်ႏကုတ်သေꩻခါꩻနေးတွမ်ႏ ဖေါက်ဝါႏဗွိုတွော့ꩻ ဝွေꩻလွေꩻအုံလင်ꩻ ဧနိန်ဝေင်ꩻတခါꩻငွါထျꩻ တဖူꩻကလွေꩻဒါႏ ဝေင်ꩻတိမနာလောင်းနဝ်ꩻသွူ။ ဝွေꩻအဝ်ႏသေ ယုဒပိုခိုပေႏသွတ်ꩻ သျေလနဝ်ꩻ အရွယ်ႏလꩻလဲဉ်းစွဉ်ႏတဲ့ တဖေႏတောႏလမ်းတဝ်း ဝွေꩻနဝ်ꩻမꩻ မာꩻဗာႏနုဲင်းနဝ်ꩻသွူ။
15ယုဒထွိုင်ႏထီႏ ပါꩻမူႏနဝ်ꩻ ပွိုးအွဉ်ႏကုတ်ခါꩻဒျာႏ မဲ့ငါ တွမ်ႏဖေါက်ဝါႏနဝ်ꩻမꩻ ဝွေꩻထင်းဒျာႏ လိုꩻမူႏစာအံႏနမ်း တဖြာꩻသွူ။ 16ဝွေꩻလွေꩻထေ့ပါꩻမူႏ တဖူꩻတန်ထျꩻတဲင်ရိုꩻ “ခွေမဉ်အုံငီꩻနာꩻ ခွေအီႏဖေႏဗာႏနာꩻ တတွာမုဲင်ꩻဟောင်း” နုဲင်းနဝ်ꩻသွူ။ (ဝွေꩻပါႏနမ်ဒျာႏနဝ်ꩻ ဝွေꩻတသေတဝ်းသွူ။)
ပါꩻမူႏဒေါ့ꩻ “နာꩻအီႏဖေႏခွေ တမုဲင်ꩻအီ” နုဲင်းနဝ်ꩻသွူ။
17ဝွေꩻရိုꩻချာ “ခွေထာꩻသောင်ꩻ ထာꩻသားဖုံႏအကို ခွေအီႏပသာဖေႏနာꩻ ဗဲပေႏတဗာႏ” နုဲင်းနဝ်ꩻသွူ။
ပါꩻမူႏရိုꩻ “မွေးသွူ၊ ခလား နာꩻကပသာလွဉ် ဗဲပေႏနဝ်ꩻ နာꩻမဉ်ႏအွဉ်ႏကုဲင်ခါꩻ သက်သေႏ တစွိုးနဝ်ꩻလꩻဒျာႏ” နုဲင်းနဝ်ꩻသွူ။
18“ခွေအီႏဖေႏသေꩻခါꩻဗာႏနာꩻ သက်သေႏတမုဲင်ꩻဟောင်း” ဝွေꩻရီချာနုဲင်းနဝ်ꩻ
တဲင်ပါꩻမူႏရိုꩻ “ဖေႏခွေနာꩻတံꩻဆိပ်၊ ကအဝ်ႏပါတွမ်ႏ အဖြွီꩻဆဲင်၊ တွမ်ႏနာꩻခွဉ်းထောက်နဝ်ꩻဟုဲင်း” နုဲင်းနဝ်ꩻသွူ။ ဝွေꩻဖေႏပါꩻမူႏ ထာꩻခြိုꩻနဝ်ꩻဖုံႏထွူ ဝွေꩻသီး ဗေင်ႏငီꩻလို့ဝင်ꩻတဲင် ပါꩻမူႏနဝ်ꩻ လꩻလွဉ်စွဉ်ႏ သန္ဓေႏသွူ။ 19တာမာနဝ်ꩻ သဲင်ꩻချာလမ်းတွော့ꩻ ဗွောင်ႏထိုꩻ ဖေါက်ဝါႏဗွို ကတူႏလောင်းတဲင် ကွဉ်ကꩻချာယင်း မဲမုဲင်းမူႏ ခွမ်ꩻလာꩻသွူ။
20ယုဒရေႏလုဲင်ႏချာယင်း အထာꩻခြိုꩻသက်သေႏ ပါꩻမူႏနဝ်ꩻထျꩻတဲင် ထွဉ်ႏအသွꩻ ဟိရ ထူႏလွေꩻဖေႏ ဗဲပေႏ၊ ဟိရထုမ်ႏပါꩻမူႏ ထွိုင်ႏတမော့ꩻတဝ်း၊ 21တဲင်ဝွေꩻရီ ဧနိန်ဝေင်ꩻသားဖုံႏ “ပါꩻမူႏစာအံႏနမ်း ကအဝ်ႏအုံလင်ꩻဒါႏ တဖူꩻထျꩻယိုကိုနဝ်ꩻ အဝ်ႏမုဲင်ꩻကိုနဲ” နုဲင်းနဝ်ꩻသွူ။
ဝွေꩻသီးလဝ်းချာ “ယိုကိုရပ်နဝ်ꩻ လိုꩻမူႏစာအံႏနမ်း တအဲဉ်ထဝ်းဗာႏ” နုဲင်းနဝ်ꩻသွူ။
22ဝွေꩻသဲင်ꩻလွဉ်ချာ ယုဒထျꩻတဲင်ဒေါ့ꩻ “ခွေထုမ်ႏပါꩻမူႏနဝ်ꩻ တမော့ꩻတဝ်း၊ ပါꩻခိုဖုံႏ ကအဝ်ႏဒါႏ နဝ်ꩻကိုဖုံႏတဲ့ဒေါ့ꩻ ခင်ႏလမ်းနဝ်ꩻကိုနဝ်ꩻ လိုꩻမူႏစာအံႏနမ်း တအဝ်ႏဖိုတဝ်း” နုဲင်းနဝ်ꩻသွူ။
23ယုဒဒေါ့ꩻ “ထာꩻခြိုꩻနဝ်ꩻဖုံႏနဝ်ꩻ ပါꩻမူႏ သိမ်ꩻခါꩻခန်းတယဝ်း။ လိုꩻဖုံႏ အီႏငရောင်နီနဝ်ꩻ ခွေတမဉ်လꩻတဝ်း။ ခွေကျံႏဖေႏချာဝွေꩻ အငိုꩻစွဉ်ႏတဲ့ နာꩻထုမ်ႏဝွေꩻ တမော့ꩻတဝ်းဟ” နုဲင်းနဝ်ꩻသွူ။
24ထွိုင်ႏည သွံလာလွိုရပ် ပါꩻတဖြာꩻနဝ်ꩻ ဒေါ့ꩻနယ် ယုဒ “နာꩻပါႏနမ်တာမာနဝ်ꩻ ဖေါက်ပြန်ႏတွမ်ႏ ပါꩻခိုတဖြာꩻဖြာꩻနဝ်ꩻမꩻ ယိုခါ အဟို့ꩻတန်လဲဉ်း” နုဲင်းနဝ်ꩻသွူ။
ယုဒဖေႏအမိန်း၊ “ထေထန်ႏလွဉ် ပါꩻမူႏနဝ်ꩻတွော့ꩻ လဲ့ꩻသီထိုꩻခန်း စွဉ်ႏမေႏဟုဲင်း” နုဲင်းနဝ်ꩻသွူ။
25ကထေထန်ႏလွဉ် ပါꩻမူႏနဝ်ꩻကျာꩻ ဝွေꩻမူႏဒေါ့ꩻ အွဉ်ႏဟွိုန်ထေ့ အဖူထျꩻငဝ်းနုဲင်းယို၊ ခွေနဝ်ꩻ ဟို့ꩻတန်အီဒျာႏ တွမ်ႏပါꩻခို ကပဲင်ႏဒါႏ ထာခြိုꩻယိုဖုံႏသွူ။ တံဆိပ်ကပါဒါႏ တွမ်ႏအဖြွီꩻဆဲင်ꩻ တွမ်ႏခွဉ်းထောက်ယိုဖုံႏနဝ်ꩻ ပါꩻမုဲင်ꩻထာꩻခြိုꩻ ထွားဟုဲင်း” နုဲင်းနဝ်ꩻသွူ။
26ယုဒနဝ်ꩻ တောင်ꩻချာ ဝွေꩻထာꩻခြိုꩻဖုံႏတဲင်ဒေါ့ꩻ “ခွေကအီႏဖေႏ တောႏလမ်းဒါႏတွမ်ႏ ခွေပိုခိုသျေလနဝ်ꩻ ခွေတာႏဝွန်ႏဝွတ္တရာꩻ ကုဲင်ထိုꩻတဲင် ပါꩻမူႏပေႏ ကမာꩻနုဲင်းယိုနဝ်ꩻ မဲဉ်ႏဒျာႏ” နုဲင်းနဝ်ꩻတွော့ꩻ ယုဒနဝ်ꩻ ဗေင်ႏငီꩻထဲင်းတဝ်းဒွုမ် ဝွေꩻမူႏနဝ်ꩻသွူ။
27တာမာလွူးပိုချိန်ႏ ထွိုင်ႏတွိုႏလွဉ် အဟို့ꩻကို အဝ်ႏထွာ မဲရွာကျောင်ꩻ သေလွဉ်သွူ။ 28အဝ်ႏလွူးတွင်ꩻ တဖြာꩻနဝ်ꩻ ယောင်းထန်ႏလွဉ်ရီး အစူတပင်တဲင် မော်မူႏဆွမ်ꩻဆွုမ်ႏ အစူ စွိုင်သေꩻတွမ်ႏ လူႏတနျာႏတွော့ꩻဒေါ့ꩻ “အဖြာꩻယိုနဝ်ꩻ အီႏလွူးရီး” နုဲင်းနဝ်ꩻသွူ။ 29ကွဲႏတွော့ꩻ လိုꩻပေႏအသိမ်ꩻချာထိုꩻဒျာႏ အစူတဲင် လွူးရီးတောဒျာႏ အလင်တဖြာꩻသွူ။ နဝ်ꩻထွူ မော်မူႏဒေါ့ꩻ “နာꩻမာꩻနွောင်ꩻဝင်ꩻတွော့ꩻ ထန်ႏလွဉ်တွိုႏဟောင်း” နုဲင်းနဝ်ꩻသွူ။ နဝ်ꩻမꩻ ဖန်ဖေႏအမဉ်ꩻ ဖါရဲက်သွူ။ 30နဝ်ꩻထွူ လွူးလွဉ်အဖူး စူဗောင်လောင်း ကစွိုင်ခါꩻတွမ်ႏ လူႏတနျာႏ၊ နဝ်ꩻမꩻ ဖန်ဖေႏအမဉ်ꩻ သာရားသွူ။
ទើបបានជ្រើសរើសហើយ៖
ကမ္ဘာႏစ 38: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 38
38
ယုဒတွမ်ႏတာမာ
1အတွင်ꩻနဝ်ꩻ ယုဒအဝ်ႏ အဖူးဝေးဖုံႏထျꩻ ထန်ႏလွေꩻအုံငီꩻထိုꩻ ပါꩻမဉ်ꩻ ဟိရ အဒုလံဝေင်ꩻသား နဝ်ꩻသွူ။ 2နဝ်ꩻကိုနဝ်ꩻ ယုဒမော့ꩻတွမ်ႏ ခါနန်လိုꩻမျိုꩻ သျုအာပိုမူႏတဲင် ဝွေꩻတောႏလမ်းတွမ်ႏ ပါꩻမူႏနဝ်ꩻသွူ၊ 3ပါꩻမူႏနဝ်ꩻ လွူးဖေႏဝွေꩻ ပိုခိုတဖြာꩻတဲင်၊ ဝွေꩻဖန်ဖေႏ အမဉ်ꩻ ဧရသွူ။ 4ပါꩻမူႏနဝ်ꩻ သန္ဓေႏအဝ်ႏဖျင်တဲင် လွူးဖေႏယင်း ပိုခိုတဖြာꩻတွော့ꩻ ဖန်ဖေႏအမဉ်ꩻ ဩနန်သွူ။ 5ပါꩻမူႏနဝ်ꩻ သန္ဓေႏအဝ်ႏတဲင် လွူးဖျင်ယင်း ပိုခိုတဖြာꩻတွော့ꩻ ဖန်ဖေႏအမဉ်ꩻ သျေလသွူ။ ကလွူးဒါႏပိုခို သျီလချိန်ႏနဝ်ꩻ ယုဒအဝ်ႏဒျာႏ ဝေင်ꩻအခသျိပ်သွူ။
6ပိုခိုယင်းဧရနဝ်ꩻ ယုဒအွဉ်ႏတောႏလမ်းတွမ်ႏ ပါꩻမူႏမဉ်ꩻ တာမာသွူ။ 7ဧရနဝ်ꩻ အကျင်ꩻတဟဝ်တဝ်းနဝ်ꩻမꩻ ထာဝရဘုရာꩻ တကျွိုက်တဝ်းတဲင် ထာဝရဘုရာꩻ အွဉ်ႏဒွေါင်ႏထိုꩻ ဝွေꩻအသက်သွူ။ 8နဝ်ꩻထွူ ယုဒဒေါ့ꩻဖေႏ အပိုခို ဧရဖူးဩနန် “နာꩻနဝ်ꩻထွာ ပါꩻမူႏနဝ်ꩻဝါꩻ ဖူးခိုတဲင် တာႏဝွန်ႏအဝ်ႏအတွိုင်ꩻ ဖေႏနေးနာꩻဝေးခို ကလꩻသွုပ်ယင်း ပိုလီꩻစွိုးခွိုꩻနဝ်ꩻ နာꩻလွေꩻတောႏလမ်းသွော့ နာꩻဝေးခိုမာ မဲမုဲင်းမူႏနဝ်ꩻဟုဲင်း” နုဲင်းနဝ်ꩻသွူ။ 9ကွဲႏတွော့ꩻ တွမ်ႏအဝေးခိုမာ မဉ်ႏလꩻလွဉ်ပို ထွာဒျာႏ အဝေးခိုပိုနဝ်ꩻ ဩနန်အဝ်ႏသေ နဝ်ꩻမꩻ ဝွေꩻဝေးခိုအတာႏ ပိုဖေႏကလမွိုန်းနဝ်ꩻ ဝွေꩻဗေင်ႏငီꩻတွမ်ႏ ဝွေꩻဝေးခိုမာ စွုမ်ႏလဲင်ႏ ဝွေꩻစွိုးနဝ်ꩻ အဝ်ႏစွꩻထန်ႏဒျာႏ ကောင်းထန်ႏသွူ။ 10ဩနန် ကမာꩻထာꩻနုဲင်းနဝ်ꩻ ထာဝရဘုရာꩻ တကျွိုက်တဝ်းနဝ်ꩻမꩻ ထာဝရဘုရာꩻ အွဉ်ႏဒွေါင်ႏထိုꩻပါ ဝွေꩻအသက်သွူ။ 11နဝ်ꩻထွူ ယုဒဒေါ့ꩻဖေႏ အပါꩻနမ် တာမာ၊ “ဗတွိုႏစွဉ်ႏ ခွေပိုခို သျေလ ကတန်နဝ်ꩻ နာꩻသဲင်ꩻချာ နာꩻဖါလမ်းတွော့ꩻ အုံမဲမုဲင်းဒျာႏဒွိုန်းကဟုဲင်း” နုဲင်းနဝ်ꩻသွူ။ ဝွေꩻကဒေါ့ꩻဗာႏနုဲင်းယိုနဝ်ꩻ ပွိုးတွော့ꩻ ဝွေꩻငမ်းသꩻ အပိုခို သျေလတဲ့ꩻ သီထိုꩻ နုဲင်းအဝေးခိုဖုံႏသွူ။ နဝ်ꩻမꩻ တာမာနဝ်ꩻတဲ့ သဲင်ꩻအုံချာယင်းဒျာႏ အဖါလမ်းသွူ။
12ဆုဲင်ꩻထွိုင်ႏညနဝ်ꩻ ယုဒမာသီထိုꩻတဲင် ဝွေꩻတလွိုးသောင်ခြင်ꩻ ငွိုးကော့ꩻထွူ ဝွေꩻတွမ်ႏဝွေꩻသွꩻ အဒုလံဝေင်ꩻသား ဟိရနဝ်ꩻ လွေꩻရိပ်ꩻသွိုꩻဆွဉ်ႏ ဝေင်ꩻတိမနာသွူ။ 13ပါꩻတဖြာꩻနဝ်ꩻ ဒေါ့ꩻနယ်ဖေႏတာမာ “သီဖူအဝ်ႏလွေꩻရိပ်ꩻ အသွိုꩻဆွဉ်ႏ ဝေင်ꩻတိမနာကွေး” နုဲင်းနဝ်ꩻသွူ။ 14နဝ်ꩻမꩻ တာမာ လုဲင်ႏထိုꩻ မဲမုဲင်းမူႏ ခွမ်ꩻလာꩻတဲင် မဲ့ငါနဝ်ꩻ အွဉ်ႏကုတ်သေꩻခါꩻနေးတွမ်ႏ ဖေါက်ဝါႏဗွိုတွော့ꩻ ဝွေꩻလွေꩻအုံလင်ꩻ ဧနိန်ဝေင်ꩻတခါꩻငွါထျꩻ တဖူꩻကလွေꩻဒါႏ ဝေင်ꩻတိမနာလောင်းနဝ်ꩻသွူ။ ဝွေꩻအဝ်ႏသေ ယုဒပိုခိုပေႏသွတ်ꩻ သျေလနဝ်ꩻ အရွယ်ႏလꩻလဲဉ်းစွဉ်ႏတဲ့ တဖေႏတောႏလမ်းတဝ်း ဝွေꩻနဝ်ꩻမꩻ မာꩻဗာႏနုဲင်းနဝ်ꩻသွူ။
15ယုဒထွိုင်ႏထီႏ ပါꩻမူႏနဝ်ꩻ ပွိုးအွဉ်ႏကုတ်ခါꩻဒျာႏ မဲ့ငါ တွမ်ႏဖေါက်ဝါႏနဝ်ꩻမꩻ ဝွေꩻထင်းဒျာႏ လိုꩻမူႏစာအံႏနမ်း တဖြာꩻသွူ။ 16ဝွေꩻလွေꩻထေ့ပါꩻမူႏ တဖူꩻတန်ထျꩻတဲင်ရိုꩻ “ခွေမဉ်အုံငီꩻနာꩻ ခွေအီႏဖေႏဗာႏနာꩻ တတွာမုဲင်ꩻဟောင်း” နုဲင်းနဝ်ꩻသွူ။ (ဝွေꩻပါႏနမ်ဒျာႏနဝ်ꩻ ဝွေꩻတသေတဝ်းသွူ။)
ပါꩻမူႏဒေါ့ꩻ “နာꩻအီႏဖေႏခွေ တမုဲင်ꩻအီ” နုဲင်းနဝ်ꩻသွူ။
17ဝွေꩻရိုꩻချာ “ခွေထာꩻသောင်ꩻ ထာꩻသားဖုံႏအကို ခွေအီႏပသာဖေႏနာꩻ ဗဲပေႏတဗာႏ” နုဲင်းနဝ်ꩻသွူ။
ပါꩻမူႏရိုꩻ “မွေးသွူ၊ ခလား နာꩻကပသာလွဉ် ဗဲပေႏနဝ်ꩻ နာꩻမဉ်ႏအွဉ်ႏကုဲင်ခါꩻ သက်သေႏ တစွိုးနဝ်ꩻလꩻဒျာႏ” နုဲင်းနဝ်ꩻသွူ။
18“ခွေအီႏဖေႏသေꩻခါꩻဗာႏနာꩻ သက်သေႏတမုဲင်ꩻဟောင်း” ဝွေꩻရီချာနုဲင်းနဝ်ꩻ
တဲင်ပါꩻမူႏရိုꩻ “ဖေႏခွေနာꩻတံꩻဆိပ်၊ ကအဝ်ႏပါတွမ်ႏ အဖြွီꩻဆဲင်၊ တွမ်ႏနာꩻခွဉ်းထောက်နဝ်ꩻဟုဲင်း” နုဲင်းနဝ်ꩻသွူ။ ဝွေꩻဖေႏပါꩻမူႏ ထာꩻခြိုꩻနဝ်ꩻဖုံႏထွူ ဝွေꩻသီး ဗေင်ႏငီꩻလို့ဝင်ꩻတဲင် ပါꩻမူႏနဝ်ꩻ လꩻလွဉ်စွဉ်ႏ သန္ဓေႏသွူ။ 19တာမာနဝ်ꩻ သဲင်ꩻချာလမ်းတွော့ꩻ ဗွောင်ႏထိုꩻ ဖေါက်ဝါႏဗွို ကတူႏလောင်းတဲင် ကွဉ်ကꩻချာယင်း မဲမုဲင်းမူႏ ခွမ်ꩻလာꩻသွူ။
20ယုဒရေႏလုဲင်ႏချာယင်း အထာꩻခြိုꩻသက်သေႏ ပါꩻမူႏနဝ်ꩻထျꩻတဲင် ထွဉ်ႏအသွꩻ ဟိရ ထူႏလွေꩻဖေႏ ဗဲပေႏ၊ ဟိရထုမ်ႏပါꩻမူႏ ထွိုင်ႏတမော့ꩻတဝ်း၊ 21တဲင်ဝွေꩻရီ ဧနိန်ဝေင်ꩻသားဖုံႏ “ပါꩻမူႏစာအံႏနမ်း ကအဝ်ႏအုံလင်ꩻဒါႏ တဖူꩻထျꩻယိုကိုနဝ်ꩻ အဝ်ႏမုဲင်ꩻကိုနဲ” နုဲင်းနဝ်ꩻသွူ။
ဝွေꩻသီးလဝ်းချာ “ယိုကိုရပ်နဝ်ꩻ လိုꩻမူႏစာအံႏနမ်း တအဲဉ်ထဝ်းဗာႏ” နုဲင်းနဝ်ꩻသွူ။
22ဝွေꩻသဲင်ꩻလွဉ်ချာ ယုဒထျꩻတဲင်ဒေါ့ꩻ “ခွေထုမ်ႏပါꩻမူႏနဝ်ꩻ တမော့ꩻတဝ်း၊ ပါꩻခိုဖုံႏ ကအဝ်ႏဒါႏ နဝ်ꩻကိုဖုံႏတဲ့ဒေါ့ꩻ ခင်ႏလမ်းနဝ်ꩻကိုနဝ်ꩻ လိုꩻမူႏစာအံႏနမ်း တအဝ်ႏဖိုတဝ်း” နုဲင်းနဝ်ꩻသွူ။
23ယုဒဒေါ့ꩻ “ထာꩻခြိုꩻနဝ်ꩻဖုံႏနဝ်ꩻ ပါꩻမူႏ သိမ်ꩻခါꩻခန်းတယဝ်း။ လိုꩻဖုံႏ အီႏငရောင်နီနဝ်ꩻ ခွေတမဉ်လꩻတဝ်း။ ခွေကျံႏဖေႏချာဝွေꩻ အငိုꩻစွဉ်ႏတဲ့ နာꩻထုမ်ႏဝွေꩻ တမော့ꩻတဝ်းဟ” နုဲင်းနဝ်ꩻသွူ။
24ထွိုင်ႏည သွံလာလွိုရပ် ပါꩻတဖြာꩻနဝ်ꩻ ဒေါ့ꩻနယ် ယုဒ “နာꩻပါႏနမ်တာမာနဝ်ꩻ ဖေါက်ပြန်ႏတွမ်ႏ ပါꩻခိုတဖြာꩻဖြာꩻနဝ်ꩻမꩻ ယိုခါ အဟို့ꩻတန်လဲဉ်း” နုဲင်းနဝ်ꩻသွူ။
ယုဒဖေႏအမိန်း၊ “ထေထန်ႏလွဉ် ပါꩻမူႏနဝ်ꩻတွော့ꩻ လဲ့ꩻသီထိုꩻခန်း စွဉ်ႏမေႏဟုဲင်း” နုဲင်းနဝ်ꩻသွူ။
25ကထေထန်ႏလွဉ် ပါꩻမူႏနဝ်ꩻကျာꩻ ဝွေꩻမူႏဒေါ့ꩻ အွဉ်ႏဟွိုန်ထေ့ အဖူထျꩻငဝ်းနုဲင်းယို၊ ခွေနဝ်ꩻ ဟို့ꩻတန်အီဒျာႏ တွမ်ႏပါꩻခို ကပဲင်ႏဒါႏ ထာခြိုꩻယိုဖုံႏသွူ။ တံဆိပ်ကပါဒါႏ တွမ်ႏအဖြွီꩻဆဲင်ꩻ တွမ်ႏခွဉ်းထောက်ယိုဖုံႏနဝ်ꩻ ပါꩻမုဲင်ꩻထာꩻခြိုꩻ ထွားဟုဲင်း” နုဲင်းနဝ်ꩻသွူ။
26ယုဒနဝ်ꩻ တောင်ꩻချာ ဝွေꩻထာꩻခြိုꩻဖုံႏတဲင်ဒေါ့ꩻ “ခွေကအီႏဖေႏ တောႏလမ်းဒါႏတွမ်ႏ ခွေပိုခိုသျေလနဝ်ꩻ ခွေတာႏဝွန်ႏဝွတ္တရာꩻ ကုဲင်ထိုꩻတဲင် ပါꩻမူႏပေႏ ကမာꩻနုဲင်းယိုနဝ်ꩻ မဲဉ်ႏဒျာႏ” နုဲင်းနဝ်ꩻတွော့ꩻ ယုဒနဝ်ꩻ ဗေင်ႏငီꩻထဲင်းတဝ်းဒွုမ် ဝွေꩻမူႏနဝ်ꩻသွူ။
27တာမာလွူးပိုချိန်ႏ ထွိုင်ႏတွိုႏလွဉ် အဟို့ꩻကို အဝ်ႏထွာ မဲရွာကျောင်ꩻ သေလွဉ်သွူ။ 28အဝ်ႏလွူးတွင်ꩻ တဖြာꩻနဝ်ꩻ ယောင်းထန်ႏလွဉ်ရီး အစူတပင်တဲင် မော်မူႏဆွမ်ꩻဆွုမ်ႏ အစူ စွိုင်သေꩻတွမ်ႏ လူႏတနျာႏတွော့ꩻဒေါ့ꩻ “အဖြာꩻယိုနဝ်ꩻ အီႏလွူးရီး” နုဲင်းနဝ်ꩻသွူ။ 29ကွဲႏတွော့ꩻ လိုꩻပေႏအသိမ်ꩻချာထိုꩻဒျာႏ အစူတဲင် လွူးရီးတောဒျာႏ အလင်တဖြာꩻသွူ။ နဝ်ꩻထွူ မော်မူႏဒေါ့ꩻ “နာꩻမာꩻနွောင်ꩻဝင်ꩻတွော့ꩻ ထန်ႏလွဉ်တွိုႏဟောင်း” နုဲင်းနဝ်ꩻသွူ။ နဝ်ꩻမꩻ ဖန်ဖေႏအမဉ်ꩻ ဖါရဲက်သွူ။ 30နဝ်ꩻထွူ လွူးလွဉ်အဖူး စူဗောင်လောင်း ကစွိုင်ခါꩻတွမ်ႏ လူႏတနျာႏ၊ နဝ်ꩻမꩻ ဖန်ဖေႏအမဉ်ꩻ သာရားသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.