ကမ္ဘာႏစ 22
22
ဗွေႏဘုရာꩻမိန်းအဗြာဟံဖေႏကပူႏဇောႏဣသဲစ်
1 # ဟေဗြဲ ၁၁:၁၇–၁၉။ အချိန်ႏထွိုင်ႏညလွဥ်နဝ်ꩻ ဗွေႏဘုရာꩻ စမ်ꩻအဗြာဟံ ဝွေꩻဗွေႏဟဲ့ꩻဝွေꩻ “အဗြာဟံ” နုဲင်းနဝ်ꩻတဲင် အဗြာဟံ လဝ်းချာ “ဗွေႏ၊ ခွေသွဉ်းအဝ်ႏဒျာႏ” နုဲင်းနဝ်ꩻသွူ။
2 # ၂ရာႏချုပ် ၃:၁။ ဗွေႏဘုရာꩻရိုꩻ “နာꩻကရက်ငါႏ နာꩻပိုခို အဝ်ႏတဖြာꩻလွုမ်ꩻ ကထွာဒါႏ ဣသဲစ်နဝ်ꩻ ဟဲ့ꩻလွေꩻဝွေꩻ မောရိယခမ်းဟုဲင်း၊ ခွေကအီႏအွဉ်ႏနယ်ဒါႏနာꩻ ကောင်လောင်း အရပ်နဝ်ꩻကို ဝွေꩻနဝ်ꩻ နာꩻပူႏဇောႏထင်ႏသွော့ခွေ နုဲင်းယဇ်တဗာႏဟုဲင်း” မိန်းနုဲင်းနဝ်ꩻသွူ။
3ဆုဲင်ꩻတနီꩻ မွူးရဝ်ꩻစဝ်းစဝ်း အီႏပူႏဇောႏအီတာႏ အဗြာဟံ ဓွေါ့ꩻသိုႏယင်ဟန်ႏ အွဉ်ႏဒင်ႏ သေꩻလာꩻငင်းလောင်းထွူ ဟဲ့ꩻဣသဲစ်တွမ်ႏ သွဉ်းဝင်ꩻနီတဲင် ဝွေꩻသီးထန်ႏလွေꩻ ဗွေႏဘုရာꩻ ကအွဉ်ႏနယ်လဲဉ်းဒါႏ ဝွေꩻခင်ႏလမ်းနဝ်ꩻသွူ။ 4ထွိုင်ႏည သွံနီꩻ အဗြာဟံ အဝ်ႏညာꩻထီႏလွေꩻ ခင်ႏလမ်းနဝ်ꩻသွူ။ 5နဝ်ꩻထွူ ဝွေꩻဒေါ့ꩻဖေႏ အသွဉ်းဖုံႏ “သီတွမ်ႏသေလာꩻနဝ်ꩻ အုံကုဲင်ဗော့ꩻယိုကိုဟုဲင်း၊ ခွေတွမ်ႏ ခွေပိုနဝ်ꩻ အီႏလွေꩻအွိုးသူꩻကိုတဲင် ဝုဲင်ႏဗွေႏဘုရာꩻ ထွူမꩻ နီအီႏသဲင်ꩻလွဉ်ချာယင်း သီထျꩻ” နုဲင်းနဝ်ꩻသွူ။
6ကအီႏပူႏဇောႏအီ ယဇ်တာႏ အဗြာဟံထွဉ်ႏ ဣသဲစ်ထူႏလွေꩻသိုႏတဲင် ဝွေꩻနမ်းနဝ်ꩻ အီလွေꩻနꩻတွမ်ႏ ကအီႏအူအီမေႏတာႏ မေႏအွူနဝ်ꩻသွူ။ ဝွေꩻသီး ကအဝ်ႏထောင်လွေꩻငီꩻဝင်ꩻတွင်ꩻ၊ 7ဣသဲစ်ဒေါ့ꩻထန်ႏ “နီဖါ”၊
ဝွေꩻလဝ်းချာ “မုဲင်ꩻပိုခို”၊
ဣသဲစ်ရီ “နီဖါထျꩻနဝ်ꩻ မေႏတွမ်ႏသိုႏအဝ်ႏလဲဉ်း၊ ကွဲႏတွော့ꩻ အီႏပူႏဇောႏတာႏ သွိုꩻပေႏနဝ်ꩻ အဝ်ႏမုဲင်ꩻကိုဟောင်း။”
8အဗြာဟံလဝ်းချာ “ယဇ်ပူႏဇောႏတာႏနဝ်ꩻ မဲ့ꩻဗွေႏဘုရာꩻနမ်း စီႏမံႏဖျင်ဖေႏဒျာႏ” နုဲင်းနဝ်ꩻတဲင် ဝွေꩻသီးဝင်ꩻနီ သွုပ်ထောင်လွေꩻငီꩻလို့ဝင်ꩻသွူ။
9 #
ယာ ၂:၂၁။ ဝွေꩻသီး ထွိုင်ႏဖျော်တွိုႏ ဗွေႏဘုရာꩻ ကအွဉ်ႏနယ်ဒါႏ ခင်ႏလမ်းနဝ်ꩻ အဗြာဟံတယ်ႏ ယဇ်ပလ္လင်ႏတဗာႏတဲင် စဲဉ်ႏလူးသိုႏ ယဇ်ပလ္လင်ႏလောင်းသွူ။ ဝွေꩻစွိုင်ဝွေꩻပိုခိုထွူ အွဉ်ႏဒင်ႏ ယဇ်ပလ္လင်ႏလောင်း သိုႏပြုန်ႏဆꩻကီသွူ။ 10နဝ်ꩻထွူ အီႏမာꩻသီ အပိုခိုနဝ်ꩻ ဝွေꩻထူႏစွဉ်ႏ နꩻပေႏသွူ။ 11ကွဲႏတွော့ꩻ ထာဝရဘုရာꩻတမန်ႏ အဝ်ႏခမ်းထီမို့ꩻလောင်းဟဲ့ꩻဝွေꩻ “အဗြာဟံ” “အဗြာဟံ” နုဲင်းနဝ်ꩻသွူ။
အဗြာဟံလဝ်းချာ “ဗွေႏ၊ ခွေသွဉ်းအဝ်ႏဒျာႏ” နုဲင်းနဝ်ꩻသွူ။
12မို့ꩻလောင်းတမန်ႏဒေါ့ꩻ “မာꩻဆာမွိုန်းပါꩻပေႏ၊ မာꩻမွိုန်းဝွေꩻ တမုဲင်ꩻမုဲင်ꩻ၊ နာꩻပိုခို အဝ်ႏတဖြာꩻဒျာႏ ခွေအွဉ်ႏပူႏဇောႏနဝ်ꩻ နာꩻတထေင်ချာတဝ်းနဝ်ꩻမꩻ၊ နာꩻရိုႏသေႏတဲင် လွောက်ꩻနာႏ ဗွေႏဘုရာꩻငဝ်းနဝ်ꩻ ယိုခါ ခွေသေလဲဉ်း” နုဲင်းနဝ်ꩻသွူ။
13အဗြာဟံ ထွားချာတဲင် ထီႏသွိုꩻထီးတဗာႏ အနုန်ꩻအဝ်ႏခံသော့ꩻ ထာꩻပုန်ကိုသွူ၊ ဝွေꩻလွေꩻထူႏ သွိုꩻနဝ်ꩻတဲင် ဝွေꩻအပိုခို နမ်းတင်နဝ်ꩻ လဲ့ꩻပူႏဇောႏဖေႏတော သွိုꩻနဝ်ꩻသွူ။ 14ခင်ႏလမ်းနဝ်ꩻကိုနဝ်ꩻ အဗြာဟံ ဖန်ဖေႏအမဉ်ꩻ၊ ထာဝရဘုရာꩻ ဖျင်ရဲဉ်ꩻဖေႏ တဲင် ဗꩻတွိုႏဟန်ႏနီꩻယို လိုꩻဖုံႏဟဲ့ꩻ “ကောင်လောင်းနဝ်ꩻ ထာဝရဘုရာꩻ ဖျင်ရဲဉ်ꩻဖေႏ” နုဲင်းနဝ်ꩻသွူ။
15ထာဝရဘုရာꩻတမန်ႏ အဝ်ႏခမ်းထီမို့ꩻလောင်း ဟဲ့ꩻဖျင်အဗြာဟံ ဒုတိယတလဲင်ႏ 16#ဟေဗြဲ ၆:၁၃၊ ၁၄။ “တွမ်ႏခွေနမ်ႏကိုယ်ႏတဲင်ႏ အမဉ်ꩻတောႏ နာႏမ ခွေတွိုင်ႏတယ်ႏ အွဉ်ႏသစ္စာႏ ထာဝရဘုရာꩻမိန်း ခွေအီႏဖေႏအာမွေးနာꩻ မင်္ဂလာႏသွူ။ ခွေကွီအတွိုင်ꩻ နာꩻပိုခို အဝ်ႏတဖြာꩻဒျာႏနဝ်ꩻ ကွပ်ပွိုး နာꩻတထေင်တဝ်း နာꩻပူႏဇောႏဖေႏအတွက် 17#ဟေဗြဲ ၁၁:၁၂။ ခွေအီႏဖေႏအာမွေး နာꩻပိုလီꩻစွိုးခွိုꩻ ဗွိုန်နုဲင်းဆာႏ မို့ꩻလောင်းကီ တဲ့ꩻနဝ်ꩻ ဗွိုန်နုဲင်းသုဲင်ꩻဖုံႏ အဝ်ႏပင်ႏလယ်ႏ ဖင်ႏလောင်းနဝ်ꩻ ခွေအွဉ်ႏဂတိနာꩻသွူ။ နာꩻပိုလီꩻစွိုးခွိုꩻဖုံႏနဝ်ꩻ အီႏတွိုက်ꩻအောင်ႏနွောင်ꩻ ဝွေꩻသီးရန်ႏသူႏဖုံႏသွူ။ 18#တ ၃:၂၅။ နာꩻနဝ်ꩻနာႏလွဉ်ꩻခွေ အမိန်းတောႏနဝ်ꩻမꩻ နုဲင်းခွေကဖေႏ နာꩻပိုလီꩻ စွိုးခွိုꩻဖုံႏ မင်္ဂလာႏနဝ်ꩻ ကမ္ဘာႏအလောင်း လိုꩻမျိုꩻလင်ဖုံႏ ကားကအဝ်ႏနဝ်ꩻတဲ့ꩻ ဖေႏနေးဝွေꩻသီး ကလꩻနုဲင်း မင်္ဂလာႏနဝ်ꩻ အီႏကွီခွေ” နုဲင်းနဝ်ꩻသွူ။ 19အဗြာဟံ သဲင်ꩻလွဉ်ချာ အသွဉ်းဖုံႏထျꩻတဲင် တွမ်ႏဝွေꩻသီးနဝ်ꩻ သဲင်ꩻချာငီꩻလို့ဝင်ꩻ ဗေသျာဗအရပ် အဗြာဟံ ကအုံဒါႏ ခင်ႏလမ်းနဝ်ꩻသွူ။
နာဟော်ပိုလီꩻစွိုးခွိုꩻ
20ဆုဲင်ꩻနဝ်ꩻ အဗြာဟံဟွိုန် ဝွေꩻဖူးခို နာဟော်မာဖြား မိလခါနဝ်ꩻ လွူးလွဉ်ပိုခို သွစ်ꩻဖြာꩻသွူ။ 21ပိုခိုယင်းမဉ်ꩻ ဥဇ၊ ဝွေꩻဖူးခိုဗုဇ၊ အာရံအဖါကေမွေလ၊ 22ချေသဲစ်၊ ဟာဇော်၊ ဖိလဒဲက်၊ ယိဒလဲပ်၊ တွမ်ႏဗေသွေလသွူ။ 23ဗေသွေလနဝ်ꩻ ထွာရီဗက္ကဖါသွူ။ အဗြာဟံဖူးခို နာဟော်မာဖြား မိလခါနဝ်ꩻ လွူးလွဉ်ပိုခို သွစ်ꩻဖြာꩻသွူ။ 24နာဟော်မာပေႏ မဉ်ꩻရုမာနဝ်ꩻ လွူးလွဉ်ပိုခို တေဘ၊ ဂါဟံ၊ တာဟသျတွမ်ႏ မာခါနဝ်ꩻသွူ။
ទើបបានជ្រើសរើសហើយ៖
ကမ္ဘာႏစ 22: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 22
22
ဗွေႏဘုရာꩻမိန်းအဗြာဟံဖေႏကပူႏဇောႏဣသဲစ်
1 # ဟေဗြဲ ၁၁:၁၇–၁၉။ အချိန်ႏထွိုင်ႏညလွဥ်နဝ်ꩻ ဗွေႏဘုရာꩻ စမ်ꩻအဗြာဟံ ဝွေꩻဗွေႏဟဲ့ꩻဝွေꩻ “အဗြာဟံ” နုဲင်းနဝ်ꩻတဲင် အဗြာဟံ လဝ်းချာ “ဗွေႏ၊ ခွေသွဉ်းအဝ်ႏဒျာႏ” နုဲင်းနဝ်ꩻသွူ။
2 # ၂ရာႏချုပ် ၃:၁။ ဗွေႏဘုရာꩻရိုꩻ “နာꩻကရက်ငါႏ နာꩻပိုခို အဝ်ႏတဖြာꩻလွုမ်ꩻ ကထွာဒါႏ ဣသဲစ်နဝ်ꩻ ဟဲ့ꩻလွေꩻဝွေꩻ မောရိယခမ်းဟုဲင်း၊ ခွေကအီႏအွဉ်ႏနယ်ဒါႏနာꩻ ကောင်လောင်း အရပ်နဝ်ꩻကို ဝွေꩻနဝ်ꩻ နာꩻပူႏဇောႏထင်ႏသွော့ခွေ နုဲင်းယဇ်တဗာႏဟုဲင်း” မိန်းနုဲင်းနဝ်ꩻသွူ။
3ဆုဲင်ꩻတနီꩻ မွူးရဝ်ꩻစဝ်းစဝ်း အီႏပူႏဇောႏအီတာႏ အဗြာဟံ ဓွေါ့ꩻသိုႏယင်ဟန်ႏ အွဉ်ႏဒင်ႏ သေꩻလာꩻငင်းလောင်းထွူ ဟဲ့ꩻဣသဲစ်တွမ်ႏ သွဉ်းဝင်ꩻနီတဲင် ဝွေꩻသီးထန်ႏလွေꩻ ဗွေႏဘုရာꩻ ကအွဉ်ႏနယ်လဲဉ်းဒါႏ ဝွေꩻခင်ႏလမ်းနဝ်ꩻသွူ။ 4ထွိုင်ႏည သွံနီꩻ အဗြာဟံ အဝ်ႏညာꩻထီႏလွေꩻ ခင်ႏလမ်းနဝ်ꩻသွူ။ 5နဝ်ꩻထွူ ဝွေꩻဒေါ့ꩻဖေႏ အသွဉ်းဖုံႏ “သီတွမ်ႏသေလာꩻနဝ်ꩻ အုံကုဲင်ဗော့ꩻယိုကိုဟုဲင်း၊ ခွေတွမ်ႏ ခွေပိုနဝ်ꩻ အီႏလွေꩻအွိုးသူꩻကိုတဲင် ဝုဲင်ႏဗွေႏဘုရာꩻ ထွူမꩻ နီအီႏသဲင်ꩻလွဉ်ချာယင်း သီထျꩻ” နုဲင်းနဝ်ꩻသွူ။
6ကအီႏပူႏဇောႏအီ ယဇ်တာႏ အဗြာဟံထွဉ်ႏ ဣသဲစ်ထူႏလွေꩻသိုႏတဲင် ဝွေꩻနမ်းနဝ်ꩻ အီလွေꩻနꩻတွမ်ႏ ကအီႏအူအီမေႏတာႏ မေႏအွူနဝ်ꩻသွူ။ ဝွေꩻသီး ကအဝ်ႏထောင်လွေꩻငီꩻဝင်ꩻတွင်ꩻ၊ 7ဣသဲစ်ဒေါ့ꩻထန်ႏ “နီဖါ”၊
ဝွေꩻလဝ်းချာ “မုဲင်ꩻပိုခို”၊
ဣသဲစ်ရီ “နီဖါထျꩻနဝ်ꩻ မေႏတွမ်ႏသိုႏအဝ်ႏလဲဉ်း၊ ကွဲႏတွော့ꩻ အီႏပူႏဇောႏတာႏ သွိုꩻပေႏနဝ်ꩻ အဝ်ႏမုဲင်ꩻကိုဟောင်း။”
8အဗြာဟံလဝ်းချာ “ယဇ်ပူႏဇောႏတာႏနဝ်ꩻ မဲ့ꩻဗွေႏဘုရာꩻနမ်း စီႏမံႏဖျင်ဖေႏဒျာႏ” နုဲင်းနဝ်ꩻတဲင် ဝွေꩻသီးဝင်ꩻနီ သွုပ်ထောင်လွေꩻငီꩻလို့ဝင်ꩻသွူ။
9 #
ယာ ၂:၂၁။ ဝွေꩻသီး ထွိုင်ႏဖျော်တွိုႏ ဗွေႏဘုရာꩻ ကအွဉ်ႏနယ်ဒါႏ ခင်ႏလမ်းနဝ်ꩻ အဗြာဟံတယ်ႏ ယဇ်ပလ္လင်ႏတဗာႏတဲင် စဲဉ်ႏလူးသိုႏ ယဇ်ပလ္လင်ႏလောင်းသွူ။ ဝွေꩻစွိုင်ဝွေꩻပိုခိုထွူ အွဉ်ႏဒင်ႏ ယဇ်ပလ္လင်ႏလောင်း သိုႏပြုန်ႏဆꩻကီသွူ။ 10နဝ်ꩻထွူ အီႏမာꩻသီ အပိုခိုနဝ်ꩻ ဝွေꩻထူႏစွဉ်ႏ နꩻပေႏသွူ။ 11ကွဲႏတွော့ꩻ ထာဝရဘုရာꩻတမန်ႏ အဝ်ႏခမ်းထီမို့ꩻလောင်းဟဲ့ꩻဝွေꩻ “အဗြာဟံ” “အဗြာဟံ” နုဲင်းနဝ်ꩻသွူ။
အဗြာဟံလဝ်းချာ “ဗွေႏ၊ ခွေသွဉ်းအဝ်ႏဒျာႏ” နုဲင်းနဝ်ꩻသွူ။
12မို့ꩻလောင်းတမန်ႏဒေါ့ꩻ “မာꩻဆာမွိုန်းပါꩻပေႏ၊ မာꩻမွိုန်းဝွေꩻ တမုဲင်ꩻမုဲင်ꩻ၊ နာꩻပိုခို အဝ်ႏတဖြာꩻဒျာႏ ခွေအွဉ်ႏပူႏဇောႏနဝ်ꩻ နာꩻတထေင်ချာတဝ်းနဝ်ꩻမꩻ၊ နာꩻရိုႏသေႏတဲင် လွောက်ꩻနာႏ ဗွေႏဘုရာꩻငဝ်းနဝ်ꩻ ယိုခါ ခွေသေလဲဉ်း” နုဲင်းနဝ်ꩻသွူ။
13အဗြာဟံ ထွားချာတဲင် ထီႏသွိုꩻထီးတဗာႏ အနုန်ꩻအဝ်ႏခံသော့ꩻ ထာꩻပုန်ကိုသွူ၊ ဝွေꩻလွေꩻထူႏ သွိုꩻနဝ်ꩻတဲင် ဝွေꩻအပိုခို နမ်းတင်နဝ်ꩻ လဲ့ꩻပူႏဇောႏဖေႏတော သွိုꩻနဝ်ꩻသွူ။ 14ခင်ႏလမ်းနဝ်ꩻကိုနဝ်ꩻ အဗြာဟံ ဖန်ဖေႏအမဉ်ꩻ၊ ထာဝရဘုရာꩻ ဖျင်ရဲဉ်ꩻဖေႏ တဲင် ဗꩻတွိုႏဟန်ႏနီꩻယို လိုꩻဖုံႏဟဲ့ꩻ “ကောင်လောင်းနဝ်ꩻ ထာဝရဘုရာꩻ ဖျင်ရဲဉ်ꩻဖေႏ” နုဲင်းနဝ်ꩻသွူ။
15ထာဝရဘုရာꩻတမန်ႏ အဝ်ႏခမ်းထီမို့ꩻလောင်း ဟဲ့ꩻဖျင်အဗြာဟံ ဒုတိယတလဲင်ႏ 16#ဟေဗြဲ ၆:၁၃၊ ၁၄။ “တွမ်ႏခွေနမ်ႏကိုယ်ႏတဲင်ႏ အမဉ်ꩻတောႏ နာႏမ ခွေတွိုင်ႏတယ်ႏ အွဉ်ႏသစ္စာႏ ထာဝရဘုရာꩻမိန်း ခွေအီႏဖေႏအာမွေးနာꩻ မင်္ဂလာႏသွူ။ ခွေကွီအတွိုင်ꩻ နာꩻပိုခို အဝ်ႏတဖြာꩻဒျာႏနဝ်ꩻ ကွပ်ပွိုး နာꩻတထေင်တဝ်း နာꩻပူႏဇောႏဖေႏအတွက် 17#ဟေဗြဲ ၁၁:၁၂။ ခွေအီႏဖေႏအာမွေး နာꩻပိုလီꩻစွိုးခွိုꩻ ဗွိုန်နုဲင်းဆာႏ မို့ꩻလောင်းကီ တဲ့ꩻနဝ်ꩻ ဗွိုန်နုဲင်းသုဲင်ꩻဖုံႏ အဝ်ႏပင်ႏလယ်ႏ ဖင်ႏလောင်းနဝ်ꩻ ခွေအွဉ်ႏဂတိနာꩻသွူ။ နာꩻပိုလီꩻစွိုးခွိုꩻဖုံႏနဝ်ꩻ အီႏတွိုက်ꩻအောင်ႏနွောင်ꩻ ဝွေꩻသီးရန်ႏသူႏဖုံႏသွူ။ 18#တ ၃:၂၅။ နာꩻနဝ်ꩻနာႏလွဉ်ꩻခွေ အမိန်းတောႏနဝ်ꩻမꩻ နုဲင်းခွေကဖေႏ နာꩻပိုလီꩻ စွိုးခွိုꩻဖုံႏ မင်္ဂလာႏနဝ်ꩻ ကမ္ဘာႏအလောင်း လိုꩻမျိုꩻလင်ဖုံႏ ကားကအဝ်ႏနဝ်ꩻတဲ့ꩻ ဖေႏနေးဝွေꩻသီး ကလꩻနုဲင်း မင်္ဂလာႏနဝ်ꩻ အီႏကွီခွေ” နုဲင်းနဝ်ꩻသွူ။ 19အဗြာဟံ သဲင်ꩻလွဉ်ချာ အသွဉ်းဖုံႏထျꩻတဲင် တွမ်ႏဝွေꩻသီးနဝ်ꩻ သဲင်ꩻချာငီꩻလို့ဝင်ꩻ ဗေသျာဗအရပ် အဗြာဟံ ကအုံဒါႏ ခင်ႏလမ်းနဝ်ꩻသွူ။
နာဟော်ပိုလီꩻစွိုးခွိုꩻ
20ဆုဲင်ꩻနဝ်ꩻ အဗြာဟံဟွိုန် ဝွေꩻဖူးခို နာဟော်မာဖြား မိလခါနဝ်ꩻ လွူးလွဉ်ပိုခို သွစ်ꩻဖြာꩻသွူ။ 21ပိုခိုယင်းမဉ်ꩻ ဥဇ၊ ဝွေꩻဖူးခိုဗုဇ၊ အာရံအဖါကေမွေလ၊ 22ချေသဲစ်၊ ဟာဇော်၊ ဖိလဒဲက်၊ ယိဒလဲပ်၊ တွမ်ႏဗေသွေလသွူ။ 23ဗေသွေလနဝ်ꩻ ထွာရီဗက္ကဖါသွူ။ အဗြာဟံဖူးခို နာဟော်မာဖြား မိလခါနဝ်ꩻ လွူးလွဉ်ပိုခို သွစ်ꩻဖြာꩻသွူ။ 24နာဟော်မာပေႏ မဉ်ꩻရုမာနဝ်ꩻ လွူးလွဉ်ပိုခို တေဘ၊ ဂါဟံ၊ တာဟသျတွမ်ႏ မာခါနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.