ကမ္ဘာႏစ 16
16
ဟာဂါရတွမ်ႏဣသျမေလ
1အာဗြံမာ သာရဲနဝ်ꩻ လွူးတဝ်းဒွိုန်းပို တဖြာꩻဖြာꩻသွူ။ သာရဲ အသွဉ်းမူႏ မဉ်ꩻဟာဂါရ အီဂျစ်ခမ်းရင်ꩻသား အဝ်ႏတဖြာꩻနဝ်ꩻသွူ။ 2ကွပ်နဝ်ꩻမꩻ ဝွေꩻမူႏဒေါ့ꩻဖေႏ အာဗြံ၊ “ထာဝရဘုရာꩻနဝ်ꩻ တဖေႏတဝ်း ခွေပိုဖုံႏသွူ။ နာꩻလွေꩻဗေင်ႏငီꩻတွမ်ႏ ခွေအသွဉ်းမူႏမွိုင်၊ ကွပ်ဝွေꩻတဲင် ခွေလꩻလွဥ်ဒါႏ ပိုဟောင်း၊” နုဲင်းဝွေꩻမာ ကဒေါ့ꩻနဝ်ꩻ အာဗြံ သဘော်ꩻတူႏနဝ်ꩻသွူ။ 3နဝ်ꩻမꩻ ဟာဂါရနဝ်ꩻ ဝွေꩻမာအပ်ဖေႏ ဝွေꩻဝါꩻစူကိုသွူ။ (အုံသော့ꩻ ခါနန်ခမ်းကို ထွိုင်ႏလꩻ အနေင်ႏတဆီနဝ်ꩻ ဝွေꩻသိမ်ꩻထူႏ ဟာဂါရ ဖေႏကထွာ ဝွေꩻမာပေႏသွူ) 4အာဗြံဗေင်ႏငီꩻတွမ်ႏ ဟာဂါရတဲင် ဝွေꩻမူႏနဝ်ꩻ အဝ်ႏနမ်းလောင်းလွဉ်သွူ။ ဝွေꩻမူႏထွိုင်ႏသေချာ အဝ်ႏနမ်းလောင်းချိန်ႏနဝ်ꩻ ဝွေꩻကျွားထာꩻတဲင် သွင်ꩻအံႏတဝ်းဒွုမ် သာရဲသွူ။
5နဝ်ꩻထွူ သာရဲဒေါ့ꩻဖေႏ အာဗြံ၊ “ဟာဂါရ၊ သွင်ꩻအံႏဒွုမ်ခွေနဝ်ꩻ နာꩻအပဲစ်တကင်ꩻတဝ်း၊ ဝွေꩻယိုနဝ်ꩻ ခွေနမ်း အပ်ဖေႏဒျာႏနာꩻသွူ။ တယ်ႏစွဉ်ႏဝွေꩻ ကသေချာ သန္ဓေႏအဝ်ႏလဲဉ်း နမ်းလောင်းနဝ်ꩻ ဝွေꩻသွင်ꩻဖွီခွေသွူ။ ခွေတွမ်ႏနာꩻအတာႏ ဖေႏကတရာꩻနဝ်ꩻ ယံဖေႏထာဝရဘုရာꩻ ကစီႏရင်ႏသွော့ ”နုဲင်းနဝ်ꩻသွူ။
6အာဗြံလဝ်းချာ၊ “မွေးသွူ၊ ဝွေꩻမူႏယိုနဝ်ꩻ ထွာဒျာႏ နာꩻသွဉ်းမူႏတဲင် အဝ်ႏဒျာႏနာꩻစူကို ဝွေꩻမူႏနဝ်ꩻ နာꩻမဉ်မာꩻ နုဲင်းမုဲင်ꩻ မာꩻနွောင်ꩻဒျာႏ၊” နဝ်ꩻထွူ ဖေႏနေး ဟာဂါရ ကအုံနွောင်ꩻမွိုန်းနဝ်ꩻ သာရဲ နစ်စက်မွေးနေးစွဉ်ႏ နဝ်ꩻမꩻ ဝွေꩻမူႏ ဖင်းညာꩻထိုꩻစွဉ်ႏသွူ။
7ထာဝရဘုရာꩻ မို့ꩻလောင်းတမန်ႏ လင်ꩻမော့ꩻခွဲ ဟာဂါရ သျုရဝေင်ꩻ တဖူꩻလောင်း အွိုးကန္တာရထာꩻခြာ ထီခြောင်တလီးထျꩻ 8တဲင်ရိုꩻဖေႏ သာရဲသွဉ်းမူႏ “ဟာဂါရ၊ နာꩻအဝ်ႏမုဲင်ꩻကိုလွဉ် နာꩻအီႏလွေꩻမုဲင်ꩻကိုဟောင်း၊” ဝွေꩻမူႏ လဝ်းချာ၊ “ခွေသွဉ်းမူႏအဝ်ႏ ခွေသွဉ်းမူႏ ဗွေႏမူႏထျꩻ ဖင်းထန်ႏလွဉ်ဒျာႏသွူ။”
9မို့ꩻလောင်းတမန်ႏ ရိုꩻဖေႏဝွေꩻ၊ “သဲင်ꩻချာယင်းသွော့ နာꩻဗွေႏမူႏထျꩻတဲင် ခံႏယင်းသွော့ ဝွေꩻသွဉ်းဟုဲင်း၊” နုဲင်းနဝ်ꩻသွူ။ 10နဝ်ꩻထွူ မို့ꩻလောင်းတမန်ႏ ရိုꩻဖေႏထဲင်း၊ “ခွေအီႏဖေႏအာ နာꩻပိုလီꩻစွိုးခွိုꩻတဲင် ပါꩻမုဲင်ꩻတဖြာꩻတဲ့ꩻ တွက်တနွောင်ꩻတဝ်း ဝွေꩻသီးသွူ။ 11နာꩻအီႏလꩻလွဉ် ပိုခိုတဖြာꩻသွူ။ နာꩻကသောင်ခြင်ꩻ ငွိုးဒါႏထာꩻနဝ်ꩻ ကွပ်ပွိုး ထာဝရဘုရာꩻ ဟွိုန်လဲဉ်းနဝ်ꩻမꩻ ဝွေꩻမဉ်ꩻနဝ်ꩻ နာꩻအီႏဖန်ဟဲ့ꩻဗာႏ ဣသျမေလသွူ။ 12ကွဲႏတွော့ꩻ နာꩻပိုခို အီႏအုံအဝ်ႏဗာႏထာꩻ ဗွိုန်နုဲင်း သေလာꩻမီꩻ တဗာႏသွူ။ ဝွေꩻနဝ်ꩻ အီႏထုမ်ႏရွို့ꩻရန်ႏ လိုꩻစွုမ်ႏဖြာꩻတဲင် လိုꩻစွုမ်ႏဖြာꩻတဲ့ꩻ အီႏထုမ်ႏရွို့ꩻရန်ႏ ဝွေꩻသွူ။ ဝွေꩻနဝ်ꩻ အီႏဖခေါ်ဗာႏ တွမ်ႏအဖူးဝေး စွိုးခွိုꩻကားကအဝ်ႏ” အမိန်းဖေႏ နုဲင်းနဝ်ꩻသွူ။
13ဟာဂါရ ဒေါ့ꩻချာအနမ်း၊ “ခွေထီႏဗာႏမွေးလဲဉ်း ဗွေႏဘုရာꩻစွဉ်ႏတဲ့ ခွေသက် အဝ်ႏမွန်ဒျာႏကတန်နဲ ”နုဲင်းနဝ်ꩻသွူ။ နဝ်ꩻမꩻ ကအဝ်ႏဒေါ့ꩻရီဒါႏ တွမ်ႏဝွေꩻ ထာဝရဘုရာꩻနဝ်ꩻ ဝွေꩻဖန်ဖေႏအမဉ်ꩻ “ထီႏဗာႏနေး ဗွေႏဘုရာꩻ” နုဲင်းနဝ်ꩻသွူ။ 14နဝ်ꩻမꩻ ခါဒဲက်အာဝေင်ꩻတွမ်ႏ ဗေရဲက်ဝေင်ꩻခါႏ ကအဝ်ႏဒါႏ ထီအုံႏနဝ်ꩻ လိုꩻဖုံႏဟဲ့ꩻ “သက်အဝ်ႏမွန် ဗွေႏအပါꩻ ကထီႏဒါႏခွေ အထီအုံႏ” နုဲင်းနဝ်ꩻသွူ။
15 # ဂလာ ၄:၂၂။ ဟာဂါရနဝ်ꩻ လွူးဖေႏ အာဗြံ ပိုခိုတဖြာꩻတဲင် ဖန်ဖေႏအမဉ်ꩻ ဣသျမေလသွူ။ 16အချိန်ႏနဝ်ꩻ အာဗြံသက်လꩻ သွစ်ꩻဆီသူနေင်ႏသွူ။
ទើបបានជ្រើសរើសហើយ៖
ကမ္ဘာႏစ 16: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 16
16
ဟာဂါရတွမ်ႏဣသျမေလ
1အာဗြံမာ သာရဲနဝ်ꩻ လွူးတဝ်းဒွိုန်းပို တဖြာꩻဖြာꩻသွူ။ သာရဲ အသွဉ်းမူႏ မဉ်ꩻဟာဂါရ အီဂျစ်ခမ်းရင်ꩻသား အဝ်ႏတဖြာꩻနဝ်ꩻသွူ။ 2ကွပ်နဝ်ꩻမꩻ ဝွေꩻမူႏဒေါ့ꩻဖေႏ အာဗြံ၊ “ထာဝရဘုရာꩻနဝ်ꩻ တဖေႏတဝ်း ခွေပိုဖုံႏသွူ။ နာꩻလွေꩻဗေင်ႏငီꩻတွမ်ႏ ခွေအသွဉ်းမူႏမွိုင်၊ ကွပ်ဝွေꩻတဲင် ခွေလꩻလွဥ်ဒါႏ ပိုဟောင်း၊” နုဲင်းဝွေꩻမာ ကဒေါ့ꩻနဝ်ꩻ အာဗြံ သဘော်ꩻတူႏနဝ်ꩻသွူ။ 3နဝ်ꩻမꩻ ဟာဂါရနဝ်ꩻ ဝွေꩻမာအပ်ဖေႏ ဝွေꩻဝါꩻစူကိုသွူ။ (အုံသော့ꩻ ခါနန်ခမ်းကို ထွိုင်ႏလꩻ အနေင်ႏတဆီနဝ်ꩻ ဝွေꩻသိမ်ꩻထူႏ ဟာဂါရ ဖေႏကထွာ ဝွေꩻမာပေႏသွူ) 4အာဗြံဗေင်ႏငီꩻတွမ်ႏ ဟာဂါရတဲင် ဝွေꩻမူႏနဝ်ꩻ အဝ်ႏနမ်းလောင်းလွဉ်သွူ။ ဝွေꩻမူႏထွိုင်ႏသေချာ အဝ်ႏနမ်းလောင်းချိန်ႏနဝ်ꩻ ဝွေꩻကျွားထာꩻတဲင် သွင်ꩻအံႏတဝ်းဒွုမ် သာရဲသွူ။
5နဝ်ꩻထွူ သာရဲဒေါ့ꩻဖေႏ အာဗြံ၊ “ဟာဂါရ၊ သွင်ꩻအံႏဒွုမ်ခွေနဝ်ꩻ နာꩻအပဲစ်တကင်ꩻတဝ်း၊ ဝွေꩻယိုနဝ်ꩻ ခွေနမ်း အပ်ဖေႏဒျာႏနာꩻသွူ။ တယ်ႏစွဉ်ႏဝွေꩻ ကသေချာ သန္ဓေႏအဝ်ႏလဲဉ်း နမ်းလောင်းနဝ်ꩻ ဝွေꩻသွင်ꩻဖွီခွေသွူ။ ခွေတွမ်ႏနာꩻအတာႏ ဖေႏကတရာꩻနဝ်ꩻ ယံဖေႏထာဝရဘုရာꩻ ကစီႏရင်ႏသွော့ ”နုဲင်းနဝ်ꩻသွူ။
6အာဗြံလဝ်းချာ၊ “မွေးသွူ၊ ဝွေꩻမူႏယိုနဝ်ꩻ ထွာဒျာႏ နာꩻသွဉ်းမူႏတဲင် အဝ်ႏဒျာႏနာꩻစူကို ဝွေꩻမူႏနဝ်ꩻ နာꩻမဉ်မာꩻ နုဲင်းမုဲင်ꩻ မာꩻနွောင်ꩻဒျာႏ၊” နဝ်ꩻထွူ ဖေႏနေး ဟာဂါရ ကအုံနွောင်ꩻမွိုန်းနဝ်ꩻ သာရဲ နစ်စက်မွေးနေးစွဉ်ႏ နဝ်ꩻမꩻ ဝွေꩻမူႏ ဖင်းညာꩻထိုꩻစွဉ်ႏသွူ။
7ထာဝရဘုရာꩻ မို့ꩻလောင်းတမန်ႏ လင်ꩻမော့ꩻခွဲ ဟာဂါရ သျုရဝေင်ꩻ တဖူꩻလောင်း အွိုးကန္တာရထာꩻခြာ ထီခြောင်တလီးထျꩻ 8တဲင်ရိုꩻဖေႏ သာရဲသွဉ်းမူႏ “ဟာဂါရ၊ နာꩻအဝ်ႏမုဲင်ꩻကိုလွဉ် နာꩻအီႏလွေꩻမုဲင်ꩻကိုဟောင်း၊” ဝွေꩻမူႏ လဝ်းချာ၊ “ခွေသွဉ်းမူႏအဝ်ႏ ခွေသွဉ်းမူႏ ဗွေႏမူႏထျꩻ ဖင်းထန်ႏလွဉ်ဒျာႏသွူ။”
9မို့ꩻလောင်းတမန်ႏ ရိုꩻဖေႏဝွေꩻ၊ “သဲင်ꩻချာယင်းသွော့ နာꩻဗွေႏမူႏထျꩻတဲင် ခံႏယင်းသွော့ ဝွေꩻသွဉ်းဟုဲင်း၊” နုဲင်းနဝ်ꩻသွူ။ 10နဝ်ꩻထွူ မို့ꩻလောင်းတမန်ႏ ရိုꩻဖေႏထဲင်း၊ “ခွေအီႏဖေႏအာ နာꩻပိုလီꩻစွိုးခွိုꩻတဲင် ပါꩻမုဲင်ꩻတဖြာꩻတဲ့ꩻ တွက်တနွောင်ꩻတဝ်း ဝွေꩻသီးသွူ။ 11နာꩻအီႏလꩻလွဉ် ပိုခိုတဖြာꩻသွူ။ နာꩻကသောင်ခြင်ꩻ ငွိုးဒါႏထာꩻနဝ်ꩻ ကွပ်ပွိုး ထာဝရဘုရာꩻ ဟွိုန်လဲဉ်းနဝ်ꩻမꩻ ဝွေꩻမဉ်ꩻနဝ်ꩻ နာꩻအီႏဖန်ဟဲ့ꩻဗာႏ ဣသျမေလသွူ။ 12ကွဲႏတွော့ꩻ နာꩻပိုခို အီႏအုံအဝ်ႏဗာႏထာꩻ ဗွိုန်နုဲင်း သေလာꩻမီꩻ တဗာႏသွူ။ ဝွေꩻနဝ်ꩻ အီႏထုမ်ႏရွို့ꩻရန်ႏ လိုꩻစွုမ်ႏဖြာꩻတဲင် လိုꩻစွုမ်ႏဖြာꩻတဲ့ꩻ အီႏထုမ်ႏရွို့ꩻရန်ႏ ဝွေꩻသွူ။ ဝွေꩻနဝ်ꩻ အီႏဖခေါ်ဗာႏ တွမ်ႏအဖူးဝေး စွိုးခွိုꩻကားကအဝ်ႏ” အမိန်းဖေႏ နုဲင်းနဝ်ꩻသွူ။
13ဟာဂါရ ဒေါ့ꩻချာအနမ်း၊ “ခွေထီႏဗာႏမွေးလဲဉ်း ဗွေႏဘုရာꩻစွဉ်ႏတဲ့ ခွေသက် အဝ်ႏမွန်ဒျာႏကတန်နဲ ”နုဲင်းနဝ်ꩻသွူ။ နဝ်ꩻမꩻ ကအဝ်ႏဒေါ့ꩻရီဒါႏ တွမ်ႏဝွေꩻ ထာဝရဘုရာꩻနဝ်ꩻ ဝွေꩻဖန်ဖေႏအမဉ်ꩻ “ထီႏဗာႏနေး ဗွေႏဘုရာꩻ” နုဲင်းနဝ်ꩻသွူ။ 14နဝ်ꩻမꩻ ခါဒဲက်အာဝေင်ꩻတွမ်ႏ ဗေရဲက်ဝေင်ꩻခါႏ ကအဝ်ႏဒါႏ ထီအုံႏနဝ်ꩻ လိုꩻဖုံႏဟဲ့ꩻ “သက်အဝ်ႏမွန် ဗွေႏအပါꩻ ကထီႏဒါႏခွေ အထီအုံႏ” နုဲင်းနဝ်ꩻသွူ။
15 # ဂလာ ၄:၂၂။ ဟာဂါရနဝ်ꩻ လွူးဖေႏ အာဗြံ ပိုခိုတဖြာꩻတဲင် ဖန်ဖေႏအမဉ်ꩻ ဣသျမေလသွူ။ 16အချိန်ႏနဝ်ꩻ အာဗြံသက်လꩻ သွစ်ꩻဆီသူနေင်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.