ကမ္ဘာႏစ 13
13
အာဗြံတွမ်ႏလောတဖလို့ဝင်ꩻ
1အာဗြံနဝ်ꩻ တွမ်ႏဝွေꩻမာ တွမ်ႏဝွေꩻ ကပဲင်ႏဆဲင်ႏဒါႏ ထာꩻခြိုꩻကားကအဝ်ႏ အဝ်ႏအီဂျစ်ခမ်း ထန်ႏထင်ꩻလွေꩻနွို့သော့ꩻ ခါနန်ခမ်း အခဝ်နဝ်ဖဲ့ꩻသွူ။ လောတနဝ်ꩻတဲ့ꩻ အဝ်ႏလွေꩻလွဉ်ꩻဝွေꩻသွူ။ 2အာဗြံနဝ်ꩻ သွိုꩻ၊ ဗဲ၊ ဖိုး၊ ရွဉ်တွမ်ႏခံꩻတဲ့ လွိုင်ႏအာငါႏနဝ်ꩻမꩻ ထွာလိုꩻခြွေ တဖြာꩻသွူ။ 3နဝ်ꩻထွူ ဝွေꩻအဝ်ႏနဝ်ꩻကို ခြုဲင်းအုံခင်ႏလမ်း တထွောင်းထွူ တထွောင်းတဲင် ဝွေꩻလွေꩻတနꩻစွို့ꩻငါစွဉ်ႏ ဗေသလဝေင်ꩻသွူ။ ဝွေꩻတွိုႏဖျော်လွဉ်ဖျင် ဗေသလဝေင်ꩻ တွမ်ႏအာဣဝေင်ꩻခါႏ ခင်ႏလမ်းနဝ်ꩻကို ရီးခါ ဝွေꩻချဗာႏပင် 4တဲင်တယ်ႏဗာႏဖို ယဇ်ပလ္လင်ႏ တဗာႏသွူ။ ဝွေꩻဝုဲင်ႏကိုꩻကွယ်ႏ ထာဝရဘုရာꩻ ခင်ႏလမ်းနဝ်ꩻကိုသွူ။
5လောတနဝ်ꩻတဲ့ꩻ တွမ်ႏသွိုꩻဖုံႏ၊ ဗဲဖုံႏ၊ ဖိုးဖုံႏ၊ တွမ်ႏပနားဖုံႏ ဝွေꩻတမွိုးဖါပိုစွိုꩻတွမ်ႏ ပိုမာဖုံႏ သွဉ်းဖုံႏတဲ့ꩻ အဝ်ႏနေနေသွူ။ 6ဝွေꩻသီး ထာꩻသောင်ꩻထာꩻသား အာငါႏလွဉ်ꩻတဲင် တိရစ္ဆာန်ႏ အဆာႏတကြက်ꩻ တလုမ်းဒွုမ်နဝ်ꩻမꩻ ဝွေꩻသီးဝင်ꩻနီ အီႏအုံငီꩻဝင်ꩻနဝ်ꩻ တထွာနွောင်ꩻတဝ်းဒွုမ်သွူ။ 7နဝ်ꩻမꩻ အာဗြံ ဖိုးပနား တီသားတွမ်ႏ လောတဖိုးပနား တီသားဖုံႏနဝ်ꩻ ရွို့ꩻရောင် ထေင်လို့ဝင်ꩻသွူ။ (အချိန်ႏနဝ်ꩻ ခါနန်လိုꩻတွမ်ႏ ဖေရဇိ လိုꩻမျိုꩻဖုံႏ အဝ်ႏအုံက ခမ်းနဝ်ꩻသွူ။)
8နဝ်ꩻထွူ အာဗြံဒေါ့ꩻဖေႏ လောတ၊ “နီနဝ်ꩻ ထွာဒျာႏ ဖူးဝေးဖုံႏတဲင် နာꩻလိုꩻတွမ်ႏ ခွေလိုꩻဖုံႏနဝ်ꩻ ဟဝ်ရွို့ꩻရောင် ထေင်တဝ်းဝင်ꩻသွူ၊ 9နဝ်ꩻမꩻ နီဖတွမ်လို့ဝင်ꩻ နာꩻကျွိုက်သꩻ ဟံႏယာႏအခဝ်မုဲင်ꩻနဝ်ꩻ နာꩻလွိုက်ဟုဲင်း၊ နာꩻမဉ်ႏလွေꩻတဖဲ့ꩻတဲ့ ခွေနဝ်ꩻ လွေꩻအုံလုဲင်ႏဒျာႏ အလင်ခတဖဲ့ꩻ” နုဲင်းနဝ်ꩻသွူ။
10 #
ကမ္ဘာႏ ၂:၁၀။ လောတ ထွားခူထာꩻတဲင် ထီႏယော်ဒန် ထီခြောင်ထျꩻ တခြောင်ႏလုမ်း ဗတွိုႏလွေꩻစွဉ်ႏ ဇောရဝေင်ꩻနဝ်ꩻ ထီပြန်ꩻပြော်ꩻငါႏတဲင် ဗွိုန်နုဲင်း ထာဝရဘုရာꩻ ဥယျာဉ်ႏခြံ မဉ်ႏတမွေးတဝ်း ဗွိုန်နုဲင်း ဟံႏ အီဂျစ်ခမ်းနဝ်ꩻသွူ။ (ယိုနဝ်ꩻထွာဒျာႏ ထာဝရဘုရာꩻ ခလားကယားကုဲင်ထိုꩻ သောဒုံတွမ်ႏ ဂေါမောရဝေင်ꩻ အချိန်ႏနဝ်ꩻသွူ။) 11နဝ်ꩻမꩻ လောတနဝ်ꩻ ဝွေꩻအတာႏ လွိုက်ယော်ဒန် ထီခြောင် တခြောင်ႏလွုမ်းတဲင် ဝွေꩻခြုဲင်းလွေꩻအုံသော့ꩻ အခဝ်ကွဉ်ႏဖဲ့ꩻသွူ။ ယိုနဝ်ꩻထွာ ဝွေꩻသီးဝင်ꩻနီ ဖလို့ဝင်ꩻ အကျောင်ꩻခရာႏသွူ။ 12အာဗြံနဝ်ꩻ အုံသော့ꩻ ခါနန်ခမ်းကိုတဲင် လောတနဝ်ꩻ လွိုက်အုံခင်ႏလမ်း ကအဝ်ႏဒါႏ ထာꩻခြောင်ႏကို ဝေင်ꩻတန်ဖုံႏ အသောင်ꩻအထျꩻတဲင် ချပင်သောဒုံ ဝေင်ꩻတန်ထျꩻသွူ။ 13လိုꩻကအဝ်ႏဒါႏ သောဒုံဝေင်ꩻနဝ်ꩻနဝ်ꩻ မွိုက်ကုဲင်ငါႏတဲင် ထာဝရဘုရာꩻဆꩻငါနဝ်ꩻ ထွာလိုꩻအပဲစ်တန်သားဖုံႏသွူ။
အာဗြံခြုဲင်းအုံဟေဗြုန်ဝေင်ꩻ
14လောတ ထွိုင်ႏဖထန်ႏထိုꩻထွူ ထာဝရဘုရာꩻ မိန်းဖေႏအာဗြံ “တယ်ႏစ နာꩻကအဝ်ႏခင်ႏလမ်း ထွားခူလွေꩻ လစ်ꩻဖဲ့ꩻလစ်ꩻနားဟုဲင်း။ 15#တ ၇:၅။ ဟံႏနာꩻကအဝ်ႏထီႏ ကားကအဝ်ႏနဝ်ꩻ ခွေအီႏဖေႏနာꩻတွမ်ႏ နာꩻပိုလီꩻ စွိုးခွိုꩻဖုံႏတဲင် အီႏထွာသေႏသေႏ နာꩻထာꩻသွူ။ 16ခွေအီႏဖေႏအာ မွေးစွဉ်ႏ နာꩻပိုလီꩻစွိုးခွိုꩻနဝ်ꩻမꩻ ပါꩻမုဲင်ꩻတဖြာꩻတဲ့ꩻ တွက်ဝွေꩻသီး တနွောင်ꩻတဝ်း၊ မဉ်ႏတွက်နွောင်ꩻ ဟံႏဖွန်ႏ ဟံႏလောင်း အီႏတွက်နွောင်ꩻ နာꩻစွိုးခွိုꩻသွူ။ 17ယိုခါ လွေꩻတွော့ꩻထွားသွော့ ဟံႏတဗာႏလွုမ်းဟုဲင်း၊ ခွိုင်းကား နာꩻကထီႏနဝ်ꩻ ခွေအီႏဖေႏလို့နာꩻသွူ။” 18ကွပ်နဝ်ꩻမꩻ အာဗြံ အဝ်ႏချပင်စခန်ꩻနဝ်ꩻ ခြုဲင်းအုံဗော့ꩻစွဉ်ႏ ဟေဗြုန်ဝေင်ꩻ မံရေ သေင်ႏမွူးမျတ်ခြာတဲင် နဝ်ꩻကိုနဝ်ꩻအီႏပူႏဇောႏ ထာဝရဘုရာꩻ ဝွေꩻတယ်ႏ ယဇ်ပလ္လင်ႏတဗာႏသွူ။
ទើបបានជ្រើសរើសហើយ៖
ကမ္ဘာႏစ 13: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 13
13
အာဗြံတွမ်ႏလောတဖလို့ဝင်ꩻ
1အာဗြံနဝ်ꩻ တွမ်ႏဝွေꩻမာ တွမ်ႏဝွေꩻ ကပဲင်ႏဆဲင်ႏဒါႏ ထာꩻခြိုꩻကားကအဝ်ႏ အဝ်ႏအီဂျစ်ခမ်း ထန်ႏထင်ꩻလွေꩻနွို့သော့ꩻ ခါနန်ခမ်း အခဝ်နဝ်ဖဲ့ꩻသွူ။ လောတနဝ်ꩻတဲ့ꩻ အဝ်ႏလွေꩻလွဉ်ꩻဝွေꩻသွူ။ 2အာဗြံနဝ်ꩻ သွိုꩻ၊ ဗဲ၊ ဖိုး၊ ရွဉ်တွမ်ႏခံꩻတဲ့ လွိုင်ႏအာငါႏနဝ်ꩻမꩻ ထွာလိုꩻခြွေ တဖြာꩻသွူ။ 3နဝ်ꩻထွူ ဝွေꩻအဝ်ႏနဝ်ꩻကို ခြုဲင်းအုံခင်ႏလမ်း တထွောင်းထွူ တထွောင်းတဲင် ဝွေꩻလွေꩻတနꩻစွို့ꩻငါစွဉ်ႏ ဗေသလဝေင်ꩻသွူ။ ဝွေꩻတွိုႏဖျော်လွဉ်ဖျင် ဗေသလဝေင်ꩻ တွမ်ႏအာဣဝေင်ꩻခါႏ ခင်ႏလမ်းနဝ်ꩻကို ရီးခါ ဝွေꩻချဗာႏပင် 4တဲင်တယ်ႏဗာႏဖို ယဇ်ပလ္လင်ႏ တဗာႏသွူ။ ဝွေꩻဝုဲင်ႏကိုꩻကွယ်ႏ ထာဝရဘုရာꩻ ခင်ႏလမ်းနဝ်ꩻကိုသွူ။
5လောတနဝ်ꩻတဲ့ꩻ တွမ်ႏသွိုꩻဖုံႏ၊ ဗဲဖုံႏ၊ ဖိုးဖုံႏ၊ တွမ်ႏပနားဖုံႏ ဝွေꩻတမွိုးဖါပိုစွိုꩻတွမ်ႏ ပိုမာဖုံႏ သွဉ်းဖုံႏတဲ့ꩻ အဝ်ႏနေနေသွူ။ 6ဝွေꩻသီး ထာꩻသောင်ꩻထာꩻသား အာငါႏလွဉ်ꩻတဲင် တိရစ္ဆာန်ႏ အဆာႏတကြက်ꩻ တလုမ်းဒွုမ်နဝ်ꩻမꩻ ဝွေꩻသီးဝင်ꩻနီ အီႏအုံငီꩻဝင်ꩻနဝ်ꩻ တထွာနွောင်ꩻတဝ်းဒွုမ်သွူ။ 7နဝ်ꩻမꩻ အာဗြံ ဖိုးပနား တီသားတွမ်ႏ လောတဖိုးပနား တီသားဖုံႏနဝ်ꩻ ရွို့ꩻရောင် ထေင်လို့ဝင်ꩻသွူ။ (အချိန်ႏနဝ်ꩻ ခါနန်လိုꩻတွမ်ႏ ဖေရဇိ လိုꩻမျိုꩻဖုံႏ အဝ်ႏအုံက ခမ်းနဝ်ꩻသွူ။)
8နဝ်ꩻထွူ အာဗြံဒေါ့ꩻဖေႏ လောတ၊ “နီနဝ်ꩻ ထွာဒျာႏ ဖူးဝေးဖုံႏတဲင် နာꩻလိုꩻတွမ်ႏ ခွေလိုꩻဖုံႏနဝ်ꩻ ဟဝ်ရွို့ꩻရောင် ထေင်တဝ်းဝင်ꩻသွူ၊ 9နဝ်ꩻမꩻ နီဖတွမ်လို့ဝင်ꩻ နာꩻကျွိုက်သꩻ ဟံႏယာႏအခဝ်မုဲင်ꩻနဝ်ꩻ နာꩻလွိုက်ဟုဲင်း၊ နာꩻမဉ်ႏလွေꩻတဖဲ့ꩻတဲ့ ခွေနဝ်ꩻ လွေꩻအုံလုဲင်ႏဒျာႏ အလင်ခတဖဲ့ꩻ” နုဲင်းနဝ်ꩻသွူ။
10 #
ကမ္ဘာႏ ၂:၁၀။ လောတ ထွားခူထာꩻတဲင် ထီႏယော်ဒန် ထီခြောင်ထျꩻ တခြောင်ႏလုမ်း ဗတွိုႏလွေꩻစွဉ်ႏ ဇောရဝေင်ꩻနဝ်ꩻ ထီပြန်ꩻပြော်ꩻငါႏတဲင် ဗွိုန်နုဲင်း ထာဝရဘုရာꩻ ဥယျာဉ်ႏခြံ မဉ်ႏတမွေးတဝ်း ဗွိုန်နုဲင်း ဟံႏ အီဂျစ်ခမ်းနဝ်ꩻသွူ။ (ယိုနဝ်ꩻထွာဒျာႏ ထာဝရဘုရာꩻ ခလားကယားကုဲင်ထိုꩻ သောဒုံတွမ်ႏ ဂေါမောရဝေင်ꩻ အချိန်ႏနဝ်ꩻသွူ။) 11နဝ်ꩻမꩻ လောတနဝ်ꩻ ဝွေꩻအတာႏ လွိုက်ယော်ဒန် ထီခြောင် တခြောင်ႏလွုမ်းတဲင် ဝွေꩻခြုဲင်းလွေꩻအုံသော့ꩻ အခဝ်ကွဉ်ႏဖဲ့ꩻသွူ။ ယိုနဝ်ꩻထွာ ဝွေꩻသီးဝင်ꩻနီ ဖလို့ဝင်ꩻ အကျောင်ꩻခရာႏသွူ။ 12အာဗြံနဝ်ꩻ အုံသော့ꩻ ခါနန်ခမ်းကိုတဲင် လောတနဝ်ꩻ လွိုက်အုံခင်ႏလမ်း ကအဝ်ႏဒါႏ ထာꩻခြောင်ႏကို ဝေင်ꩻတန်ဖုံႏ အသောင်ꩻအထျꩻတဲင် ချပင်သောဒုံ ဝေင်ꩻတန်ထျꩻသွူ။ 13လိုꩻကအဝ်ႏဒါႏ သောဒုံဝေင်ꩻနဝ်ꩻနဝ်ꩻ မွိုက်ကုဲင်ငါႏတဲင် ထာဝရဘုရာꩻဆꩻငါနဝ်ꩻ ထွာလိုꩻအပဲစ်တန်သားဖုံႏသွူ။
အာဗြံခြုဲင်းအုံဟေဗြုန်ဝေင်ꩻ
14လောတ ထွိုင်ႏဖထန်ႏထိုꩻထွူ ထာဝရဘုရာꩻ မိန်းဖေႏအာဗြံ “တယ်ႏစ နာꩻကအဝ်ႏခင်ႏလမ်း ထွားခူလွေꩻ လစ်ꩻဖဲ့ꩻလစ်ꩻနားဟုဲင်း။ 15#တ ၇:၅။ ဟံႏနာꩻကအဝ်ႏထီႏ ကားကအဝ်ႏနဝ်ꩻ ခွေအီႏဖေႏနာꩻတွမ်ႏ နာꩻပိုလီꩻ စွိုးခွိုꩻဖုံႏတဲင် အီႏထွာသေႏသေႏ နာꩻထာꩻသွူ။ 16ခွေအီႏဖေႏအာ မွေးစွဉ်ႏ နာꩻပိုလီꩻစွိုးခွိုꩻနဝ်ꩻမꩻ ပါꩻမုဲင်ꩻတဖြာꩻတဲ့ꩻ တွက်ဝွေꩻသီး တနွောင်ꩻတဝ်း၊ မဉ်ႏတွက်နွောင်ꩻ ဟံႏဖွန်ႏ ဟံႏလောင်း အီႏတွက်နွောင်ꩻ နာꩻစွိုးခွိုꩻသွူ။ 17ယိုခါ လွေꩻတွော့ꩻထွားသွော့ ဟံႏတဗာႏလွုမ်းဟုဲင်း၊ ခွိုင်းကား နာꩻကထီႏနဝ်ꩻ ခွေအီႏဖေႏလို့နာꩻသွူ။” 18ကွပ်နဝ်ꩻမꩻ အာဗြံ အဝ်ႏချပင်စခန်ꩻနဝ်ꩻ ခြုဲင်းအုံဗော့ꩻစွဉ်ႏ ဟေဗြုန်ဝေင်ꩻ မံရေ သေင်ႏမွူးမျတ်ခြာတဲင် နဝ်ꩻကိုနဝ်ꩻအီႏပူႏဇောႏ ထာဝရဘုရာꩻ ဝွေꩻတယ်ႏ ယဇ်ပလ္လင်ႏတဗာႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.