တမန်ႏတောႏ 9
9
သျောလုပြောင်ꩻကြုဲင်ꩻလွဉ်
(တမန်ႏတောႏ ၂၂:၆–၁၆ ၊၂၆:၁၂–၁၈)
1အကျာꩻနဝ်ꩻ သျောလု အဝ်ႏထုမ်ႏမာꩻသီ ကျံꩻကြမ်ꩻ မွေးနေးစွဉ်ႏ ဗွေႏဘုရာꩻ တပဲ့တောႏဖုံႏနဝ်ꩻသွူ။ ဝွေꩻလွေꩻထေ့ ယဇ်ပရောဟိတ် ခွန်ထျꩻတဲင် 2ဝွေꩻမဉ်ႏထီႏ ဗွေႏဘုရာꩻ တပဲ့တောႏ အွိုးမုဲင်ꩻကို တယဝ်း ဖေႏနေး ဝွေꩻကဆွမ်ꩻလꩻ ဝွေꩻသီး ခိုခိုမူႏမူႏတွော့ꩻ ဖေႏကအီသဲင်ꩻချာလꩻ ဝွေꩻသီး ဝေင်ꩻယေရုသလမ်ႏနဝ်ꩻ ကွီလိတ် ထွန်ႏတဲမ်းထေ့လွေꩻ ဝေင်ꩻဒမာသကတ် တရာꩻစရွပ်ဖုံႏသွူ။
3နုဲင်းသျောလု အဝ်ႏဖျော်လွဉ်ဗော့ꩻ ဝေင်ꩻဒမာသကတ်ထျꩻနဝ်ꩻ ထာꩻလေရောင်ႏ အဝ်ႏမို့ꩻလောင်း လိက်ꩻလင်ꩻခူစွော့ꩻစွဉ်ႏ ဝွေꩻနဝ်ꩻသွူ။ 4ဝွေꩻဝꩻလင်ꩻထိုꩻစွဉ်ႏ ဟံႏလောင်းတဲင် ဟွိုန်စွဉ်ႏ ငဝ်းတငွါ ရိုꩻဖေႏဝွေꩻ၊ “သျောလု၊ သျောလု၊ ပွိုးတမုဲင်ꩻ နာꩻနစ်စက်ဗာႏတွိုႏ ခွေဟောင်း” နုဲင်းနဝ်ꩻသွူ။
5ဝွေꩻရီ၊ “ဗွေႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
အငဝ်းနဝ်ꩻဒေါ့ꩻ၊ “ပါꩻနာကအဝ်ႏ နစ်စက်ဒါႏနဝ်ꩻ ထွာခွေယေသျုသွူ။ 6ကွဲႏတွော့ꩻ ထွိုင်ႏတဲင် နွို့လွေꩻသော့ꩻသွော့ ဝေင်ꩻကို။ နဝ်ꩻကို နာꩻအီႏမာꩻဗာႏ တမုဲင်ꩻနဝ်ꩻ အီႏဒေါ့ꩻနယ်ဖေႏဒျာႏနာꩻ” နုဲင်းနဝ်ꩻသွူ။
7ပါꩻခိုဖုံႏ ကအဝ်ႏလွေꩻငီꩻဒါႏ သျောလုတဖူꩻနဝ်ꩻ အဝ်ႏအုံထွိုင်ႏတွော့ꩻ တဒေါ့ꩻတဝ်းငဝ်းတငွါငွါသွူ။ ဝွေꩻသီးနဝ်ꩻ အဝ်ႏဟွိုန် အငဝ်းစွဉ်ႏတဲ့ တထီႏတဝ်း ပါꩻတဖြာꩻဖြာꩻနဝ်ꩻသွူ။ 8သျောလု အဝ်ႏဟံႏလောင်း ထွိုင်ႏတဲင် လျာအမဲ့စွဉ်ႏတဲ့ တထီႏနွောင်ꩻတဝ်း တစွိုးစွိုးသွူ။ နဝ်ꩻမꩻ ဝွေꩻသီး စွီႏဝွေꩻစူတဲင် ဟဲ့ꩻလွေꩻသော့ꩻစွဉ်ႏ ဝေင်ꩻဒမာသကတ်ကို နဝ်ꩻသွူ။ 9သွံနီꩻလွုမ်း ဝွေꩻတထီႏနွောင်ꩻတဝ်းထာꩻတဲင် အတွင်ꩻနဝ်ꩻနဝ်ꩻ ဝွေꩻတအံႏအွꩻတဝ်း တမုဲင်ꩻမုဲင်ꩻနဝ်ꩻသွူ။
10ဝေင်ꩻဒမာသကတ် ကိုနဝ်ꩻ လိုꩻယွုမ်းသား မဉ်ꩻကဟဲ့ꩻဒါႏ အာနာနိ အဝ်ႏတဖြာꩻသွူ။ ဝွေꩻလꩻရူႏပါႏရုံႏ တစွိုးကို ဗွေႏဘုရာꩻဒေါ့ꩻဖေႏဝွေꩻ၊ “အာနာနိ”
ဝွေꩻလဝ်းချာ၊ “ဗွေႏဘုရာꩻ၊ ခွေသွဉ်းအဝ်ႏဒျာႏ ယိုဟာ၊” နုဲင်းနဝ်ꩻသွူ။
11ဗွေႏဘုရာꩻ ဒေါ့ꩻဖေႏဝွေꩻ၊ “ဖျင်ရဲဉ်ꩻတွော့ꩻ လွေꩻသွော့ ကဟဲ့ꩻဒါႏ တဖူꩻစွဉ်ႏသူꩻတဲင် လွေꩻယုဒလမ်းကိုတွော့ꩻ ရီသွော့ ပါꩻခိုတဖြာꩻ ကအဝ်ႏဒါႏ ဝေင်ꩻတာသျုလွဉ် မဉ်ꩻကဟဲ့ꩻ သျောလုနဝ်ꩻဟုဲင်း။ ဝွေꩻအဝ်ႏဆုတောင်ꩻတဲင်၊ 12ဖေႏနေး ဝွေꩻကထီႏနွောင်ꩻ ဖျင်ယင်းနဝ်ꩻ ပါꩻခိုတဖြာꩻမဉ်ꩻ အာနာနိ နွို့လွဉ်တဲင် ဝွေꩻစူဖုံႏနဝ်ꩻ အွဉ်ႏဒင်ႏဖေႏ သျောလု ကတူႏလောင်းနဝ်ꩻ ဝွေꩻအဝ်ႏလꩻလဲဉ်း ရူႏပါႏရုံႏတစွိုး” နုဲင်းနဝ်ꩻသွူ။
13အာနာနိလဝ်းချာ၊ “ဗွေႏဘုရာꩻ၊ ပွိုင်းဝွို့တွမ်ႏ ပါꩻခိုယိုခရာႏ ဝွေꩻကမာꩻ ဒုက္ခလဲဉ်းဒါႏ နီဗွေႏလိုꩻဖုံႏ ဝေင်ꩻယေရုသလမ်ႏကို ဟဝ်ငမ်းခရာႏ ကားကအဝ်ႏဖုံႏနဝ်ꩻ လိုꩻအာဖုံႏ အွဉ်ႏဒေါ့ꩻနယ်ခွေသွူ။ 14စွဉ်ႏယဇ်ပရောဟိတ်ခွန် အာႏဏာႏ ဖေႏကဆွမ်ꩻ လိုꩻဝုဲင်ႏကိုꩻကွယ်ႏဒါႏ နီဗွေႏသား ကားကအဝ်ႏနဝ်ꩻ ဝွေꩻအဝ်ႏလွဉ် ဝေင်ꩻဒမာသကတ်ယို” နုဲင်းနဝ်ꩻသွူ။
15ဗွေႏဘုရာꩻ ဒေါ့ꩻဖေႏဝွေꩻ၊ “ဝွေꩻဖေႏကမာꩻ ခွေအမုထာꩻမာꩻ ကမာꩻဖေႏ လိုꩻမျိုꩻလင်ဖုံႏ တွမ်ႏခွန်တန်ဖုံႏ စွဉ်ႏဣသရေး လိုꩻမျိုꩻဖုံႏ ကသေခွေ အမဉ်ꩻတောႏ နာႏမနဝ်ꩻ ပွိုးတွော့ꩻ ခွေလွိုက်ခါꩻလဲဉ်း ဝွေꩻနဝ်ꩻမꩻ လွေꩻသွော့။ 16ပွိုးခွေအတွက် ဝွေꩻခံႏဗာႏမွေးစွဉ်ႏ ထာꩻဒုက္ခဖုံႏ ကားကအဝ်ႏနဝ်ꩻ ခွေနမ်း အီႏအွဉ်ႏနယ်ဝွေꩻ” နုဲင်းနဝ်ꩻသွူ။
17နဝ်ꩻမꩻ အာနာနိလွေꩻ၊ နွို့ငါသော့ꩻ သျောလု ကအဝ်ႏဒါႏလမ်း နဝ်ꩻတွော့ꩻ ဝွေꩻစူဖုံႏ အွဉ်ႏဒင်ႏဖေႏစွဉ်ႏ သျောလုလောင်းတဲင် ဝွေꩻဒေါ့ꩻ၊ “ဖူးခိုသျောလု၊ နုဲင်းနာꩻကအဝ်ႏလွဉ် ယိုကိုကျာꩻ ကပေါႏထေ့ဒါႏ နာꩻတဖူꩻလောင်း ဗွေႏယေသျုနမ်း ကထွာဗွေႏဘုရာꩻနဝ်ꩻ အွဉ်ႏစွꩻလွဉ်ခွေသွူ။ ဖေႏနေး နာꩻကထီႏချာယင်းတွမ်ႏ ဖေႏကအဝ်ႏဗွေ စွဉ်ႏကြောင်းစင် ဝိညာဉ်ႏတောႏနဝ်ꩻ ဝွေꩻဗွေႏ အွဉ်ႏစွꩻလွဉ်ဒျာႏခွေ” နုဲင်းနဝ်ꩻသွူ။ 18တလဲင်ႏချင်ꩻ ထာꩻတစွိုး ဗွိုန်နုဲင်း ထပေႏဗေင်ႏနဝ်ꩻ အဝ်ႏသျောလုမဲ့ကို ထဲ့လင်ꩻထိုꩻစွဉ်ႏတဲင် ဝွေꩻထီႏနွောင်ꩻ ဖျင်ယင်းနဝ်ꩻသွူ။ ဝွေꩻထွိုင်ႏတဲင် ခံႏစွဉ်ႏ ဗတ္တိဇံႏ ထီမင်္ဂလာႏနဝ်ꩻသွူ။ 19ဝွေꩻအံႏအွꩻ ထွူတဲင် ဝွေꩻအာႏအဝ်ႏ လွဉ်ယင်းနဝ်ꩻသွူ။
သျောလုဟော်ꩻတရာꩻဝေင်ꩻဒမာသကတ်ကို
သျောလု ကအုံငီꩻစွဉ်ႏ လိုꩻကယွုမ်းသားဖုံႏ ဝေင်ꩻဒမာသကတ်ကိုနဝ်ꩻ မွူးနီꩻဆေ့ꩻလွုမ်ꩻသွူ။ 20ဝွေꩻလွေꩻ တရာꩻစရွပ်တဲင် ဗွေႏယေသျုထွာ ဗွေႏဘုရာꩻပိုခိုကျောင်ꩻ ဟော်ꩻဖေႏစစွဉ်ႏသွူ။
21လိုꩻကဟွိုန်ဗာႏ ဝွေꩻတရာꩻသား ကားကအဝ်ႏနဝ်ꩻ အံႏဖြာႏငါႏတဲင်ရီ၊ “ဝွေꩻယိုနဝ်ꩻထွာ ပါꩻအဖြာꩻ ကအဝ်ႏမာꩻသီဒါႏ လိုꩻကဝုဲင်ႏကိုꩻကွယ်ႏ ဗွေႏယေသျုသား ဝေင်ꩻယေရုသလမ်ႏကိုနဝ်ꩻ တမွေးတဝ်းဟောင်း။ ဝွေꩻကလွဉ် ယိုကိုနဝ်ꩻ ကျံႏဆွမ်ꩻဒျာႏ လိုꩻစားနဝ်ꩻဖုံႏတွော့ꩻ ဝွေꩻသီးနဝ်ꩻ ကျံႏဟဲ့ꩻသဲင်ꩻဒျာႏ ယဇ်ပရောဟိတ်ခွန်ထျꩻ တမွေးတဝ်းဟောင်း” နုဲင်းနဝ်ꩻသွူ။
22ကွဲႏတွော့ꩻ သျောလု ကဟော်ꩻတရာꩻနဝ်ꩻ တန်ꩻခိုꩻ ကယိန်း အဝ်ႏဗွေလွဉ်တဲင် ဗွေႏယေသျုနဝ်ꩻထွာ မေသျိယကျောင်ꩻ ဝွေꩻအွဉ်ႏနယ် ပဲင်ႏနွောင်ꩻ သက်သေႏနဝ်ꩻမ ဂျူးဖုံႏ ကအဝ်ႏအုံသော့ꩻဒါႏ ဝေင်ꩻဒမာသကတ် ကိုသားနဝ်ꩻ လဝ်းချာဝွေꩻ တလꩻနွောင်ꩻတဝ်းသွူ။
23 # ၂ကော ၁၁:၃၂၊၃၃။ ဆုဲင်ꩻမွူးနီꩻ ထွိုင်ႏညလွဉ်နဝ်ꩻ ဂျူးလိုꩻမျိုꩻဖုံႏ မော့ꩻခွဲစုဗူႏလို့ဝင်ꩻတဲင် ကအီႏမာꩻသီထိုꩻ သျောလုနဝ်ꩻ မာꩻစွဉ်ႏ အစီႏအစဲဉ်ႏသွူ။ 24ကွဲႏတွော့ꩻ ဝွေꩻသီး ထာꩻကျံႏဖုံႏနဝ်ꩻ ဝင်ꩻအွဉ်ႏဒေါ့ꩻနယ်ဖေႏ ဝွေꩻနဝ်ꩻသွူ။ ဖေႏကမာꩻသီထိုꩻဗာႏ ဝွေꩻနဝ်ꩻ ၊ နီꩻနီꩻနာꩻနာꩻ အဝ်ႏအုံပွေါးစွဉ်ႏ ဝေင်ꩻတခါꩻတန်ထျꩻနဝ်ꩻသွူ။ 25ကွဲႏတွော့ꩻ တဟာသား သျောလုတပဲ့ဖုံႏနဝ်ꩻ ဟဲ့ꩻဝွေꩻတဲင် သော့ꩻနေးစွဉ်ႏ ချင်ႏတဖြုံႏကိုတွော့ꩻ အွဉ်ႏလင်ꩻလစွဉ်ႏဝွေꩻ ဝေင်ꩻဆေင်ႏ တန်ꩻတွိုင်ꩻဖဲ့ꩻနဝ်ꩻသွူ။
သျောလုအဝ်ႏသော့ꩻဝေင်ꩻယေရုသလမ်ႏကို
26သျောလုလွေꩻထိုꩻ ဝေင်ꩻယေရုသလမ်ႏတဲင် ကျံႏပေါင်ꩻငီꩻစွဉ်ႏ တပဲ့တောႏဖုံႏနဝ်ꩻသွူ။ ကွဲႏတွော့ꩻ ဝွေꩻထွာလဲဉ်း တပဲ့တောႏ တဖြာꩻကျောင်ꩻ ဝွေꩻသီး တယွုမ်းအံႏတဝ်းတဲင် ဝွေꩻသီး ကားကအဝ်ႏနဝ်ꩻ အဝ်ႏငမ်းသꩻဒျာႏ ဝွေꩻနဝ်ꩻသွူ။ 27နဝ်ꩻထွူ ဗာနာဗ အီႏလွဉ်စွဲကို ဝွေꩻတဲင် ဟဲ့ꩻလွေꩻထေ့ဝွေꩻ တမန်ႏတောႏဖုံႏ ထျꩻနဝ်ꩻသွူ။ သျောလု ကထီႏဗာႏလဲဉ်းဒါႏ ဝွေꩻဗွေႏ တဖူꩻတန်လောင်း နုဲင်းမုဲင်ꩻခရာႏစွဉ်ႏ ဗွေႏဘုရာꩻ ဒေါ့ꩻဖေႏလဲဉ်း ဝွေꩻနုဲင်းမုဲင်ꩻ ခရာႏနဝ်ꩻ ဝွေꩻသျင်ꩻနယ်ဖေႏ ဝွေꩻသီးသွူ။ စွဉ်ႏဗွေႏယေသျု အမဉ်ꩻတောႏနာႏမ သျောလု ဟော်ꩻရုဲင်းမွေးစွဉ်ႏ ဝေင်ꩻဒမာသကတ်ကို ခွိုင်းကားမုဲင်ꩻခရာႏနဝ်ꩻတဲ့ ဝွေꩻဒေါ့ꩻနယ်ပါက ဝွေꩻသီးသွူ။ 28နဝ်ꩻမꩻ သျောလုအုံငီꩻစွဉ်ႏ ဝွေꩻသီးတဲင် လွေꩻဝေင်ꩻယေရုသလမ်ႏ တဝေင်ꩻလွုမ်းတွော့ꩻ စွဉ်ႏဗွေႏဘုရာꩻ အမဉ်ꩻတောႏ နာႏမနဝ်ꩻ ဟော်ꩻရုဲင်း မွေးနေးစွဉ်ႏသွူ။ 29ဝွေꩻအုံကွံထေင်ညင်ꩻပါက ဂျူးလိုꩻမျိုꩻဖုံႏ ကအဝ်ႏဒေါ့ꩻဒါႏ ဂရိငဝ်းသားနဝ်ꩻသွူ။ ကွဲႏတွော့ꩻ ဝွေꩻသီး ကျံႏမာꩻသီထိုꩻစွဉ်ႏ ဝွေꩻနဝ်ꩻသွူ။ 30လိုꩻယွုမ်းသားဖုံႏ ထွိုင်ႏသေ ယိုခရာႏနဝ်ꩻ ဝွေꩻသီးဟဲ့ꩻလွေꩻ သျောလု ဝေင်ꩻကဲသရိတဲင် အွဉ်ႏစွꩻလွေꩻစွဉ်ႏဝွေꩻ ဝေင်ꩻတာသျုနဝ်ꩻသွူ။
31နဝ်ꩻမꩻ ယုဒခမ်း၊ ကာလိလဲခမ်း တွမ်ႏသျာမရိခမ်း အသေန်းတောႏဖုံႏနဝ်ꩻ အဝ်ႏဗွေႏစွဉ်ႏ ထာꩻငိမ်ꩻချမ်ꩻချိန်ႏသွူ။ လိုꩻယွုမ်းသားဖုံႏနဝ်ꩻ အုံအဝ်ႏဒျာႏ စွဉ်ႏထာꩻငမ်းသꩻရိုႏသေႏ ဗွေႏဘုရာꩻတဲင် စွဉ်ႏကြောင်းစင် ဝိညာဉ်ႏတောႏ ထာꩻစွဲကိုနဝ်ꩻ အသေန်းတောႏ ခွေါင်ခံႏ တလာတွော့ꩻ အသေန်းသားအဖြာꩻ အာလွဉ်မွေးစွဉ်ႏနဝ်ꩻသွူ။။
ပေတရုအဝ်ႏသော့ꩻဝေင်ꩻလုဒတွမ်ႏဝေင်ꩻယုပ္ပေ
32ပေတရု ထန်ႏလွေꩻတဖူꩻ ခင်ႏလမ်း စွုမ်ႏထွောင်းတဲင် တလဲင်ႏသားနဝ်ꩻ ဝွေꩻလွေꩻလယ်ႏထေ့ ဗွေႏဘုရာꩻ အလိုꩻဖုံႏ ကအဝ်ႏအုံသော့ꩻဒါႏ ဝေင်ꩻလုဒကိုနဝ်ꩻသွူ။ 33နဝ်ꩻကိုနဝ်ꩻ ဝွေꩻမော့ꩻ လိုꩻတဖြာꩻ မဉ်ꩻကဟဲ့ꩻဒါႏ အဲနေ၊ ပါꩻနဝ်ꩻအဝ်ႏဆာ မာႏရေႏထာꩻတဲင် အဝ်ႏဒျာႏ ခင်ႏလမ်းဗေင်ႏကို ထန်ႏတလꩻတဝ်းနဝ်ꩻ လꩻလဲဉ်း သွစ်ꩻနေင်ႏနဝ်ꩻသွူ။ 34ပေတရု ဒေါ့ꩻဖေႏဝွေꩻ၊ “အဲနေ၊ ဗွေႏယေသျု မာꩻဟဝ်ရေꩻ ဖေႏလဲဉ်းနာꩻ။ ထွိုင်ႏတဲင် သိမ်ꩻခန်းနာꩻ ခင်ႏလမ်းဗေင်ႏဟုဲင်း” နုဲင်းနဝ်ꩻတွော့ꩻ တလဲင်ႏချင်ꩻ အဲနေ ထွိုင်ႏစွဉ်ႏသွူ။။ 35လိုꩻဖုံႏ အဝ်ႏအုံသော့ꩻဒါႏ ဝေင်ꩻလုဒတွမ်ႏ ဝေင်ꩻသျာရုန်သားဖုံႏ ကားကအဝ်ႏနဝ်ꩻ ထီႏဗာႏ ဝွေꩻတဲင် ဝွေꩻသီး ပြောင်ꩻကြုဲင်ꩻ ယွုမ်းလွဉ်စွဉ်ႏ ဗွေႏဘုရာꩻနဝ်ꩻသွူ။
36ဝေင်ꩻယုပ္ပေကိုနဝ်ꩻ ပါꩻမူႏ မဉ်ꩻကဟဲ့ꩻဒါႏ တဗိတ ထွာလိုꩻယွုမ်း သား အဝ်ႏတဖြာꩻသွူ။ (ဝွေꩻမူႏယို ဂရိမဉ်ꩻနဝ်ꩻဟဲ့ꩻ ဒေါ်ကာ အဓိပ္ပါယ်ႏနဝ်ꩻ “ယီꩻတဗာႏ”သွူ။) ဝွေꩻမူႏနဝ်ꩻ အချိန်ႏလို့ သေႏသေႏအီစွဉ်ႏ ဝွေꩻမူႏမာꩻ ထာꩻဟဝ်မျတ်တဲင် အဝ်ႏစွဲကိုဒျာႏ လိုꩻကေန်ꩻခြောဖုံႏသွူ။ 37အချိန်ႏနဝ်ꩻ ဝွေꩻမူႏ ဆော့ဆာထာꩻတဲင် သီထိုꩻနဝ်ꩻသွူ။ ဝွေꩻမူႏ ရုပ်ခန္ဓာႏနဝ်ꩻ လူးဖေႏထီ ထွူတဲင် အွဉ်ႏဗေင်ႏလင်ꩻ အခန်ꩻကီကိုသွူ။ 38ဝေင်ꩻယုပ္ပေနဝ်ꩻ တအဝ်ႏညာꩻတဝ်း တွမ်ႏဝေင်ꩻလုဒနဝ်ꩻမꩻ လိုꩻယွုမ်းသားဖုံႏ အဝ်ႏဝေင်ꩻယုပ္ပေကို ဟွိုန်ပေတရု အဝ်ႏသော့ꩻ ဝေင်ꩻလုဒကိုတွော့ꩻ စွဉ်ႏငဝ်းသတင်ꩻနဝ်ꩻ ဝွေꩻသီး အွဉ်ႏစွꩻလွေꩻ လိုꩻဝင်ꩻနီ ဝွေꩻထျꩻ၊ “မာꩻကေꩻဇူꩻတွော့ꩻ၊ ကျွꩻလွဉ် မွိုင်မွိုင် နီထျꩻဟုဲင်း” နုဲင်းနဝ်ꩻသွူ။ 39နဝ်ꩻမꩻ ပေတရု ဖျင်ရဲဉ်ꩻတဲင် လွေꩻလွဉ်ꩻစွဉ်ႏ ဝွေꩻသီးသွူ။ ဝွေꩻထွိုင်ႏ ဖျော်လွဉ်ချိန်ႏ ဝင်ꩻဟဲ့ꩻထင်ႏ စွဉ်ႏဝွေꩻ အခန်ꩻကီ၊ နဝ်ꩻကိုနဝ်ꩻ မဲမုဲင်းမူႏစွိုꩻဖုံႏ အဝ်ႏခူဝစ်ဝွေꩻမူႏ၊ အဝ်ႏငွိုးထာꩻတဲင် အွဉ်ႏနယ်စွဉ်ႏဝွေꩻ ဒေါ်ကာ သက်ကအဝ်ႏမွန်ချိန်ႏ ကထꩻမာꩻဖေႏဒါႏ ဆဲင်ꩻဆုပ်ꩻတွမ်ႏ ဆဲင်ꩻတန်ဖုံႏ ကားကအဝ်ႏနဝ်ꩻသွူ။ 40ပေတရု အွဉ်ႏထန်ႏထိုꩻ ဝွေꩻသီး ကားကအဝ်ႏ အခန်ꩻကောင်းထန်ႏတဲင် အုံထောက်လင်တွော့ꩻ ဆုတောင်ꩻနဝ်ꩻသွူ။ ထွူတဲင် ဝွေꩻခွယ်ထေ့ ရုပ်ခန္ဓာႏတဲင်ဒေါ့ꩻ၊ “တဗိတ ထွိုင်ႏဟုဲင်း” နုဲင်းနဝ်ꩻတဲင် ပါꩻမူႏ လျာအမဲ့တွော့ꩻ ထွိုင်ႏထီႏ ပေတရုနဝ်ꩻ ဝွေꩻမူႏ ထွိုင်ႏအုံလင်ꩻစွဉ်ႏသွူ။ 41ပေတရု ယောင်းငါထေ့ အစူတွော့ꩻ စွီႏထွိုင်ႏစွဉ်ႏ ဝွေꩻမူႏသွူ။ နဝ်ꩻထွူဝွေꩻဟဲ့ꩻ လိုꩻယွုမ်းသားဖုံႏ ကားကအဝ်ႏ ပါစွဉ်ႏ မဲမုဲင်းမူႏဖုံႏတွော့ꩻ သက်ကမွန်ချာဒါႏ ဒေါ်ကာနဝ်ꩻ အပ်ဖေႏစွဉ်ႏ ဝွေꩻသီး စူကိုနဝ်ꩻသွူ။ 42ပွိုင်းဝွို့တွမ်ႏ ယိုခရာႏ သတင်ꩻနဝ်ꩻ ကျော်ႏစွစ်ꩻစဲစ်စွဉ်ႏ ဝေင်ꩻယုပ္ပေ တဝေင်ꩻလွုမ်းတဲင် လိုꩻကယွုမ်းလွဉ်ဒါႏ ဗွေႏဘုရာꩻသားဖုံႏနဝ်ꩻ အာငါႏသွူ။ 43ပေတရုနဝ်ꩻ အုံငီꩻတွမ်ႏ တဖြို့ꩻမာꩻသား သိမုန်အလမ်း ဝေင်ꩻယုပ္ပေကိုနဝ်ꩻ ညတန်သွူ။
ទើបបានជ្រើសរើសហើយ៖
တမန်ႏတောႏ 9: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 9
9
သျောလုပြောင်ꩻကြုဲင်ꩻလွဉ်
(တမန်ႏတောႏ ၂၂:၆–၁၆ ၊၂၆:၁၂–၁၈)
1အကျာꩻနဝ်ꩻ သျောလု အဝ်ႏထုမ်ႏမာꩻသီ ကျံꩻကြမ်ꩻ မွေးနေးစွဉ်ႏ ဗွေႏဘုရာꩻ တပဲ့တောႏဖုံႏနဝ်ꩻသွူ။ ဝွေꩻလွေꩻထေ့ ယဇ်ပရောဟိတ် ခွန်ထျꩻတဲင် 2ဝွေꩻမဉ်ႏထီႏ ဗွေႏဘုရာꩻ တပဲ့တောႏ အွိုးမုဲင်ꩻကို တယဝ်း ဖေႏနေး ဝွေꩻကဆွမ်ꩻလꩻ ဝွေꩻသီး ခိုခိုမူႏမူႏတွော့ꩻ ဖေႏကအီသဲင်ꩻချာလꩻ ဝွေꩻသီး ဝေင်ꩻယေရုသလမ်ႏနဝ်ꩻ ကွီလိတ် ထွန်ႏတဲမ်းထေ့လွေꩻ ဝေင်ꩻဒမာသကတ် တရာꩻစရွပ်ဖုံႏသွူ။
3နုဲင်းသျောလု အဝ်ႏဖျော်လွဉ်ဗော့ꩻ ဝေင်ꩻဒမာသကတ်ထျꩻနဝ်ꩻ ထာꩻလေရောင်ႏ အဝ်ႏမို့ꩻလောင်း လိက်ꩻလင်ꩻခူစွော့ꩻစွဉ်ႏ ဝွေꩻနဝ်ꩻသွူ။ 4ဝွေꩻဝꩻလင်ꩻထိုꩻစွဉ်ႏ ဟံႏလောင်းတဲင် ဟွိုန်စွဉ်ႏ ငဝ်းတငွါ ရိုꩻဖေႏဝွေꩻ၊ “သျောလု၊ သျောလု၊ ပွိုးတမုဲင်ꩻ နာꩻနစ်စက်ဗာႏတွိုႏ ခွေဟောင်း” နုဲင်းနဝ်ꩻသွူ။
5ဝွေꩻရီ၊ “ဗွေႏနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
အငဝ်းနဝ်ꩻဒေါ့ꩻ၊ “ပါꩻနာကအဝ်ႏ နစ်စက်ဒါႏနဝ်ꩻ ထွာခွေယေသျုသွူ။ 6ကွဲႏတွော့ꩻ ထွိုင်ႏတဲင် နွို့လွေꩻသော့ꩻသွော့ ဝေင်ꩻကို။ နဝ်ꩻကို နာꩻအီႏမာꩻဗာႏ တမုဲင်ꩻနဝ်ꩻ အီႏဒေါ့ꩻနယ်ဖေႏဒျာႏနာꩻ” နုဲင်းနဝ်ꩻသွူ။
7ပါꩻခိုဖုံႏ ကအဝ်ႏလွေꩻငီꩻဒါႏ သျောလုတဖူꩻနဝ်ꩻ အဝ်ႏအုံထွိုင်ႏတွော့ꩻ တဒေါ့ꩻတဝ်းငဝ်းတငွါငွါသွူ။ ဝွေꩻသီးနဝ်ꩻ အဝ်ႏဟွိုန် အငဝ်းစွဉ်ႏတဲ့ တထီႏတဝ်း ပါꩻတဖြာꩻဖြာꩻနဝ်ꩻသွူ။ 8သျောလု အဝ်ႏဟံႏလောင်း ထွိုင်ႏတဲင် လျာအမဲ့စွဉ်ႏတဲ့ တထီႏနွောင်ꩻတဝ်း တစွိုးစွိုးသွူ။ နဝ်ꩻမꩻ ဝွေꩻသီး စွီႏဝွေꩻစူတဲင် ဟဲ့ꩻလွေꩻသော့ꩻစွဉ်ႏ ဝေင်ꩻဒမာသကတ်ကို နဝ်ꩻသွူ။ 9သွံနီꩻလွုမ်း ဝွေꩻတထီႏနွောင်ꩻတဝ်းထာꩻတဲင် အတွင်ꩻနဝ်ꩻနဝ်ꩻ ဝွေꩻတအံႏအွꩻတဝ်း တမုဲင်ꩻမုဲင်ꩻနဝ်ꩻသွူ။
10ဝေင်ꩻဒမာသကတ် ကိုနဝ်ꩻ လိုꩻယွုမ်းသား မဉ်ꩻကဟဲ့ꩻဒါႏ အာနာနိ အဝ်ႏတဖြာꩻသွူ။ ဝွေꩻလꩻရူႏပါႏရုံႏ တစွိုးကို ဗွေႏဘုရာꩻဒေါ့ꩻဖေႏဝွေꩻ၊ “အာနာနိ”
ဝွေꩻလဝ်းချာ၊ “ဗွေႏဘုရာꩻ၊ ခွေသွဉ်းအဝ်ႏဒျာႏ ယိုဟာ၊” နုဲင်းနဝ်ꩻသွူ။
11ဗွေႏဘုရာꩻ ဒေါ့ꩻဖေႏဝွေꩻ၊ “ဖျင်ရဲဉ်ꩻတွော့ꩻ လွေꩻသွော့ ကဟဲ့ꩻဒါႏ တဖူꩻစွဉ်ႏသူꩻတဲင် လွေꩻယုဒလမ်းကိုတွော့ꩻ ရီသွော့ ပါꩻခိုတဖြာꩻ ကအဝ်ႏဒါႏ ဝေင်ꩻတာသျုလွဉ် မဉ်ꩻကဟဲ့ꩻ သျောလုနဝ်ꩻဟုဲင်း။ ဝွေꩻအဝ်ႏဆုတောင်ꩻတဲင်၊ 12ဖေႏနေး ဝွေꩻကထီႏနွောင်ꩻ ဖျင်ယင်းနဝ်ꩻ ပါꩻခိုတဖြာꩻမဉ်ꩻ အာနာနိ နွို့လွဉ်တဲင် ဝွေꩻစူဖုံႏနဝ်ꩻ အွဉ်ႏဒင်ႏဖေႏ သျောလု ကတူႏလောင်းနဝ်ꩻ ဝွေꩻအဝ်ႏလꩻလဲဉ်း ရူႏပါႏရုံႏတစွိုး” နုဲင်းနဝ်ꩻသွူ။
13အာနာနိလဝ်းချာ၊ “ဗွေႏဘုရာꩻ၊ ပွိုင်းဝွို့တွမ်ႏ ပါꩻခိုယိုခရာႏ ဝွေꩻကမာꩻ ဒုက္ခလဲဉ်းဒါႏ နီဗွေႏလိုꩻဖုံႏ ဝေင်ꩻယေရုသလမ်ႏကို ဟဝ်ငမ်းခရာႏ ကားကအဝ်ႏဖုံႏနဝ်ꩻ လိုꩻအာဖုံႏ အွဉ်ႏဒေါ့ꩻနယ်ခွေသွူ။ 14စွဉ်ႏယဇ်ပရောဟိတ်ခွန် အာႏဏာႏ ဖေႏကဆွမ်ꩻ လိုꩻဝုဲင်ႏကိုꩻကွယ်ႏဒါႏ နီဗွေႏသား ကားကအဝ်ႏနဝ်ꩻ ဝွေꩻအဝ်ႏလွဉ် ဝေင်ꩻဒမာသကတ်ယို” နုဲင်းနဝ်ꩻသွူ။
15ဗွေႏဘုရာꩻ ဒေါ့ꩻဖေႏဝွေꩻ၊ “ဝွေꩻဖေႏကမာꩻ ခွေအမုထာꩻမာꩻ ကမာꩻဖေႏ လိုꩻမျိုꩻလင်ဖုံႏ တွမ်ႏခွန်တန်ဖုံႏ စွဉ်ႏဣသရေး လိုꩻမျိုꩻဖုံႏ ကသေခွေ အမဉ်ꩻတောႏ နာႏမနဝ်ꩻ ပွိုးတွော့ꩻ ခွေလွိုက်ခါꩻလဲဉ်း ဝွေꩻနဝ်ꩻမꩻ လွေꩻသွော့။ 16ပွိုးခွေအတွက် ဝွေꩻခံႏဗာႏမွေးစွဉ်ႏ ထာꩻဒုက္ခဖုံႏ ကားကအဝ်ႏနဝ်ꩻ ခွေနမ်း အီႏအွဉ်ႏနယ်ဝွေꩻ” နုဲင်းနဝ်ꩻသွူ။
17နဝ်ꩻမꩻ အာနာနိလွေꩻ၊ နွို့ငါသော့ꩻ သျောလု ကအဝ်ႏဒါႏလမ်း နဝ်ꩻတွော့ꩻ ဝွေꩻစူဖုံႏ အွဉ်ႏဒင်ႏဖေႏစွဉ်ႏ သျောလုလောင်းတဲင် ဝွေꩻဒေါ့ꩻ၊ “ဖူးခိုသျောလု၊ နုဲင်းနာꩻကအဝ်ႏလွဉ် ယိုကိုကျာꩻ ကပေါႏထေ့ဒါႏ နာꩻတဖူꩻလောင်း ဗွေႏယေသျုနမ်း ကထွာဗွေႏဘုရာꩻနဝ်ꩻ အွဉ်ႏစွꩻလွဉ်ခွေသွူ။ ဖေႏနေး နာꩻကထီႏချာယင်းတွမ်ႏ ဖေႏကအဝ်ႏဗွေ စွဉ်ႏကြောင်းစင် ဝိညာဉ်ႏတောႏနဝ်ꩻ ဝွေꩻဗွေႏ အွဉ်ႏစွꩻလွဉ်ဒျာႏခွေ” နုဲင်းနဝ်ꩻသွူ။ 18တလဲင်ႏချင်ꩻ ထာꩻတစွိုး ဗွိုန်နုဲင်း ထပေႏဗေင်ႏနဝ်ꩻ အဝ်ႏသျောလုမဲ့ကို ထဲ့လင်ꩻထိုꩻစွဉ်ႏတဲင် ဝွေꩻထီႏနွောင်ꩻ ဖျင်ယင်းနဝ်ꩻသွူ။ ဝွေꩻထွိုင်ႏတဲင် ခံႏစွဉ်ႏ ဗတ္တိဇံႏ ထီမင်္ဂလာႏနဝ်ꩻသွူ။ 19ဝွေꩻအံႏအွꩻ ထွူတဲင် ဝွေꩻအာႏအဝ်ႏ လွဉ်ယင်းနဝ်ꩻသွူ။
သျောလုဟော်ꩻတရာꩻဝေင်ꩻဒမာသကတ်ကို
သျောလု ကအုံငီꩻစွဉ်ႏ လိုꩻကယွုမ်းသားဖုံႏ ဝေင်ꩻဒမာသကတ်ကိုနဝ်ꩻ မွူးနီꩻဆေ့ꩻလွုမ်ꩻသွူ။ 20ဝွေꩻလွေꩻ တရာꩻစရွပ်တဲင် ဗွေႏယေသျုထွာ ဗွေႏဘုရာꩻပိုခိုကျောင်ꩻ ဟော်ꩻဖေႏစစွဉ်ႏသွူ။
21လိုꩻကဟွိုန်ဗာႏ ဝွေꩻတရာꩻသား ကားကအဝ်ႏနဝ်ꩻ အံႏဖြာႏငါႏတဲင်ရီ၊ “ဝွေꩻယိုနဝ်ꩻထွာ ပါꩻအဖြာꩻ ကအဝ်ႏမာꩻသီဒါႏ လိုꩻကဝုဲင်ႏကိုꩻကွယ်ႏ ဗွေႏယေသျုသား ဝေင်ꩻယေရုသလမ်ႏကိုနဝ်ꩻ တမွေးတဝ်းဟောင်း။ ဝွေꩻကလွဉ် ယိုကိုနဝ်ꩻ ကျံႏဆွမ်ꩻဒျာႏ လိုꩻစားနဝ်ꩻဖုံႏတွော့ꩻ ဝွေꩻသီးနဝ်ꩻ ကျံႏဟဲ့ꩻသဲင်ꩻဒျာႏ ယဇ်ပရောဟိတ်ခွန်ထျꩻ တမွေးတဝ်းဟောင်း” နုဲင်းနဝ်ꩻသွူ။
22ကွဲႏတွော့ꩻ သျောလု ကဟော်ꩻတရာꩻနဝ်ꩻ တန်ꩻခိုꩻ ကယိန်း အဝ်ႏဗွေလွဉ်တဲင် ဗွေႏယေသျုနဝ်ꩻထွာ မေသျိယကျောင်ꩻ ဝွေꩻအွဉ်ႏနယ် ပဲင်ႏနွောင်ꩻ သက်သေႏနဝ်ꩻမ ဂျူးဖုံႏ ကအဝ်ႏအုံသော့ꩻဒါႏ ဝေင်ꩻဒမာသကတ် ကိုသားနဝ်ꩻ လဝ်းချာဝွေꩻ တလꩻနွောင်ꩻတဝ်းသွူ။
23 # ၂ကော ၁၁:၃၂၊၃၃။ ဆုဲင်ꩻမွူးနီꩻ ထွိုင်ႏညလွဉ်နဝ်ꩻ ဂျူးလိုꩻမျိုꩻဖုံႏ မော့ꩻခွဲစုဗူႏလို့ဝင်ꩻတဲင် ကအီႏမာꩻသီထိုꩻ သျောလုနဝ်ꩻ မာꩻစွဉ်ႏ အစီႏအစဲဉ်ႏသွူ။ 24ကွဲႏတွော့ꩻ ဝွေꩻသီး ထာꩻကျံႏဖုံႏနဝ်ꩻ ဝင်ꩻအွဉ်ႏဒေါ့ꩻနယ်ဖေႏ ဝွေꩻနဝ်ꩻသွူ။ ဖေႏကမာꩻသီထိုꩻဗာႏ ဝွေꩻနဝ်ꩻ ၊ နီꩻနီꩻနာꩻနာꩻ အဝ်ႏအုံပွေါးစွဉ်ႏ ဝေင်ꩻတခါꩻတန်ထျꩻနဝ်ꩻသွူ။ 25ကွဲႏတွော့ꩻ တဟာသား သျောလုတပဲ့ဖုံႏနဝ်ꩻ ဟဲ့ꩻဝွေꩻတဲင် သော့ꩻနေးစွဉ်ႏ ချင်ႏတဖြုံႏကိုတွော့ꩻ အွဉ်ႏလင်ꩻလစွဉ်ႏဝွေꩻ ဝေင်ꩻဆေင်ႏ တန်ꩻတွိုင်ꩻဖဲ့ꩻနဝ်ꩻသွူ။
သျောလုအဝ်ႏသော့ꩻဝေင်ꩻယေရုသလမ်ႏကို
26သျောလုလွေꩻထိုꩻ ဝေင်ꩻယေရုသလမ်ႏတဲင် ကျံႏပေါင်ꩻငီꩻစွဉ်ႏ တပဲ့တောႏဖုံႏနဝ်ꩻသွူ။ ကွဲႏတွော့ꩻ ဝွေꩻထွာလဲဉ်း တပဲ့တောႏ တဖြာꩻကျောင်ꩻ ဝွေꩻသီး တယွုမ်းအံႏတဝ်းတဲင် ဝွေꩻသီး ကားကအဝ်ႏနဝ်ꩻ အဝ်ႏငမ်းသꩻဒျာႏ ဝွေꩻနဝ်ꩻသွူ။ 27နဝ်ꩻထွူ ဗာနာဗ အီႏလွဉ်စွဲကို ဝွေꩻတဲင် ဟဲ့ꩻလွေꩻထေ့ဝွေꩻ တမန်ႏတောႏဖုံႏ ထျꩻနဝ်ꩻသွူ။ သျောလု ကထီႏဗာႏလဲဉ်းဒါႏ ဝွေꩻဗွေႏ တဖူꩻတန်လောင်း နုဲင်းမုဲင်ꩻခရာႏစွဉ်ႏ ဗွေႏဘုရာꩻ ဒေါ့ꩻဖေႏလဲဉ်း ဝွေꩻနုဲင်းမုဲင်ꩻ ခရာႏနဝ်ꩻ ဝွေꩻသျင်ꩻနယ်ဖေႏ ဝွေꩻသီးသွူ။ စွဉ်ႏဗွေႏယေသျု အမဉ်ꩻတောႏနာႏမ သျောလု ဟော်ꩻရုဲင်းမွေးစွဉ်ႏ ဝေင်ꩻဒမာသကတ်ကို ခွိုင်းကားမုဲင်ꩻခရာႏနဝ်ꩻတဲ့ ဝွေꩻဒေါ့ꩻနယ်ပါက ဝွေꩻသီးသွူ။ 28နဝ်ꩻမꩻ သျောလုအုံငီꩻစွဉ်ႏ ဝွေꩻသီးတဲင် လွေꩻဝေင်ꩻယေရုသလမ်ႏ တဝေင်ꩻလွုမ်းတွော့ꩻ စွဉ်ႏဗွေႏဘုရာꩻ အမဉ်ꩻတောႏ နာႏမနဝ်ꩻ ဟော်ꩻရုဲင်း မွေးနေးစွဉ်ႏသွူ။ 29ဝွေꩻအုံကွံထေင်ညင်ꩻပါက ဂျူးလိုꩻမျိုꩻဖုံႏ ကအဝ်ႏဒေါ့ꩻဒါႏ ဂရိငဝ်းသားနဝ်ꩻသွူ။ ကွဲႏတွော့ꩻ ဝွေꩻသီး ကျံႏမာꩻသီထိုꩻစွဉ်ႏ ဝွေꩻနဝ်ꩻသွူ။ 30လိုꩻယွုမ်းသားဖုံႏ ထွိုင်ႏသေ ယိုခရာႏနဝ်ꩻ ဝွေꩻသီးဟဲ့ꩻလွေꩻ သျောလု ဝေင်ꩻကဲသရိတဲင် အွဉ်ႏစွꩻလွေꩻစွဉ်ႏဝွေꩻ ဝေင်ꩻတာသျုနဝ်ꩻသွူ။
31နဝ်ꩻမꩻ ယုဒခမ်း၊ ကာလိလဲခမ်း တွမ်ႏသျာမရိခမ်း အသေန်းတောႏဖုံႏနဝ်ꩻ အဝ်ႏဗွေႏစွဉ်ႏ ထာꩻငိမ်ꩻချမ်ꩻချိန်ႏသွူ။ လိုꩻယွုမ်းသားဖုံႏနဝ်ꩻ အုံအဝ်ႏဒျာႏ စွဉ်ႏထာꩻငမ်းသꩻရိုႏသေႏ ဗွေႏဘုရာꩻတဲင် စွဉ်ႏကြောင်းစင် ဝိညာဉ်ႏတောႏ ထာꩻစွဲကိုနဝ်ꩻ အသေန်းတောႏ ခွေါင်ခံႏ တလာတွော့ꩻ အသေန်းသားအဖြာꩻ အာလွဉ်မွေးစွဉ်ႏနဝ်ꩻသွူ။။
ပေတရုအဝ်ႏသော့ꩻဝေင်ꩻလုဒတွမ်ႏဝေင်ꩻယုပ္ပေ
32ပေတရု ထန်ႏလွေꩻတဖူꩻ ခင်ႏလမ်း စွုမ်ႏထွောင်းတဲင် တလဲင်ႏသားနဝ်ꩻ ဝွေꩻလွေꩻလယ်ႏထေ့ ဗွေႏဘုရာꩻ အလိုꩻဖုံႏ ကအဝ်ႏအုံသော့ꩻဒါႏ ဝေင်ꩻလုဒကိုနဝ်ꩻသွူ။ 33နဝ်ꩻကိုနဝ်ꩻ ဝွေꩻမော့ꩻ လိုꩻတဖြာꩻ မဉ်ꩻကဟဲ့ꩻဒါႏ အဲနေ၊ ပါꩻနဝ်ꩻအဝ်ႏဆာ မာႏရေႏထာꩻတဲင် အဝ်ႏဒျာႏ ခင်ႏလမ်းဗေင်ႏကို ထန်ႏတလꩻတဝ်းနဝ်ꩻ လꩻလဲဉ်း သွစ်ꩻနေင်ႏနဝ်ꩻသွူ။ 34ပေတရု ဒေါ့ꩻဖေႏဝွေꩻ၊ “အဲနေ၊ ဗွေႏယေသျု မာꩻဟဝ်ရေꩻ ဖေႏလဲဉ်းနာꩻ။ ထွိုင်ႏတဲင် သိမ်ꩻခန်းနာꩻ ခင်ႏလမ်းဗေင်ႏဟုဲင်း” နုဲင်းနဝ်ꩻတွော့ꩻ တလဲင်ႏချင်ꩻ အဲနေ ထွိုင်ႏစွဉ်ႏသွူ။။ 35လိုꩻဖုံႏ အဝ်ႏအုံသော့ꩻဒါႏ ဝေင်ꩻလုဒတွမ်ႏ ဝေင်ꩻသျာရုန်သားဖုံႏ ကားကအဝ်ႏနဝ်ꩻ ထီႏဗာႏ ဝွေꩻတဲင် ဝွေꩻသီး ပြောင်ꩻကြုဲင်ꩻ ယွုမ်းလွဉ်စွဉ်ႏ ဗွေႏဘုရာꩻနဝ်ꩻသွူ။
36ဝေင်ꩻယုပ္ပေကိုနဝ်ꩻ ပါꩻမူႏ မဉ်ꩻကဟဲ့ꩻဒါႏ တဗိတ ထွာလိုꩻယွုမ်း သား အဝ်ႏတဖြာꩻသွူ။ (ဝွေꩻမူႏယို ဂရိမဉ်ꩻနဝ်ꩻဟဲ့ꩻ ဒေါ်ကာ အဓိပ္ပါယ်ႏနဝ်ꩻ “ယီꩻတဗာႏ”သွူ။) ဝွေꩻမူႏနဝ်ꩻ အချိန်ႏလို့ သေႏသေႏအီစွဉ်ႏ ဝွေꩻမူႏမာꩻ ထာꩻဟဝ်မျတ်တဲင် အဝ်ႏစွဲကိုဒျာႏ လိုꩻကေန်ꩻခြောဖုံႏသွူ။ 37အချိန်ႏနဝ်ꩻ ဝွေꩻမူႏ ဆော့ဆာထာꩻတဲင် သီထိုꩻနဝ်ꩻသွူ။ ဝွေꩻမူႏ ရုပ်ခန္ဓာႏနဝ်ꩻ လူးဖေႏထီ ထွူတဲင် အွဉ်ႏဗေင်ႏလင်ꩻ အခန်ꩻကီကိုသွူ။ 38ဝေင်ꩻယုပ္ပေနဝ်ꩻ တအဝ်ႏညာꩻတဝ်း တွမ်ႏဝေင်ꩻလုဒနဝ်ꩻမꩻ လိုꩻယွုမ်းသားဖုံႏ အဝ်ႏဝေင်ꩻယုပ္ပေကို ဟွိုန်ပေတရု အဝ်ႏသော့ꩻ ဝေင်ꩻလုဒကိုတွော့ꩻ စွဉ်ႏငဝ်းသတင်ꩻနဝ်ꩻ ဝွေꩻသီး အွဉ်ႏစွꩻလွေꩻ လိုꩻဝင်ꩻနီ ဝွေꩻထျꩻ၊ “မာꩻကေꩻဇူꩻတွော့ꩻ၊ ကျွꩻလွဉ် မွိုင်မွိုင် နီထျꩻဟုဲင်း” နုဲင်းနဝ်ꩻသွူ။ 39နဝ်ꩻမꩻ ပေတရု ဖျင်ရဲဉ်ꩻတဲင် လွေꩻလွဉ်ꩻစွဉ်ႏ ဝွေꩻသီးသွူ။ ဝွေꩻထွိုင်ႏ ဖျော်လွဉ်ချိန်ႏ ဝင်ꩻဟဲ့ꩻထင်ႏ စွဉ်ႏဝွေꩻ အခန်ꩻကီ၊ နဝ်ꩻကိုနဝ်ꩻ မဲမုဲင်းမူႏစွိုꩻဖုံႏ အဝ်ႏခူဝစ်ဝွေꩻမူႏ၊ အဝ်ႏငွိုးထာꩻတဲင် အွဉ်ႏနယ်စွဉ်ႏဝွေꩻ ဒေါ်ကာ သက်ကအဝ်ႏမွန်ချိန်ႏ ကထꩻမာꩻဖေႏဒါႏ ဆဲင်ꩻဆုပ်ꩻတွမ်ႏ ဆဲင်ꩻတန်ဖုံႏ ကားကအဝ်ႏနဝ်ꩻသွူ။ 40ပေတရု အွဉ်ႏထန်ႏထိုꩻ ဝွေꩻသီး ကားကအဝ်ႏ အခန်ꩻကောင်းထန်ႏတဲင် အုံထောက်လင်တွော့ꩻ ဆုတောင်ꩻနဝ်ꩻသွူ။ ထွူတဲင် ဝွေꩻခွယ်ထေ့ ရုပ်ခန္ဓာႏတဲင်ဒေါ့ꩻ၊ “တဗိတ ထွိုင်ႏဟုဲင်း” နုဲင်းနဝ်ꩻတဲင် ပါꩻမူႏ လျာအမဲ့တွော့ꩻ ထွိုင်ႏထီႏ ပေတရုနဝ်ꩻ ဝွေꩻမူႏ ထွိုင်ႏအုံလင်ꩻစွဉ်ႏသွူ။ 41ပေတရု ယောင်းငါထေ့ အစူတွော့ꩻ စွီႏထွိုင်ႏစွဉ်ႏ ဝွေꩻမူႏသွူ။ နဝ်ꩻထွူဝွေꩻဟဲ့ꩻ လိုꩻယွုမ်းသားဖုံႏ ကားကအဝ်ႏ ပါစွဉ်ႏ မဲမုဲင်းမူႏဖုံႏတွော့ꩻ သက်ကမွန်ချာဒါႏ ဒေါ်ကာနဝ်ꩻ အပ်ဖေႏစွဉ်ႏ ဝွေꩻသီး စူကိုနဝ်ꩻသွူ။ 42ပွိုင်းဝွို့တွမ်ႏ ယိုခရာႏ သတင်ꩻနဝ်ꩻ ကျော်ႏစွစ်ꩻစဲစ်စွဉ်ႏ ဝေင်ꩻယုပ္ပေ တဝေင်ꩻလွုမ်းတဲင် လိုꩻကယွုမ်းလွဉ်ဒါႏ ဗွေႏဘုရာꩻသားဖုံႏနဝ်ꩻ အာငါႏသွူ။ 43ပေတရုနဝ်ꩻ အုံငီꩻတွမ်ႏ တဖြို့ꩻမာꩻသား သိမုန်အလမ်း ဝေင်ꩻယုပ္ပေကိုနဝ်ꩻ ညတန်သွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.