တမန်ႏတောႏ 21
21
ပေါလုလွေꩻဝေင်ꩻယေရုသလမ်ႏ
1နီနုတ်ဆက် ဝွေꩻသီးတဲင် ထန်ႏလွေꩻစွဉ်ႏသွူ။ ထုမ်းသင်္ဘောꩻ ဖျတ်စွို့ꩻငါလွေꩻတွော့ꩻ နီဖျော်လွဉ်စွဉ်ႏ ကောသကြွန်သွူ။ ဆုဲင်ꩻတနီꩻနဝ်ꩻ နီတွိုႏလွေꩻ ရောက်ကြွန်တဲင် အဝ်ႏနဝ်ꩻကို နီလွေꩻထိုꩻ ဝေင်ꩻပါတရသွူ။ 2နဝ်ꩻကိုနဝ်ꩻ နီထီႏသင်္ဘောꩻ အီႏလွေꩻ ဖိုနီးသျားခမ်း နဝ်ꩻသွူ။ နဝ်ꩻမꩻ နီထင်ႏ သင်္ဘောꩻနဝ်ꩻ လောင်းတဲင် ထုမ်းလွေꩻစွဉ်ႏနဝ်ꩻသွူ။ 3နီဖျော်လွဉ် ခင်ႏလမ်း ကအဝ်ႏထီႏလွေꩻဒါႏ သုဲင်းပရတ်ကြွန်ထွူ သင်္ဘောꩻနဝ်ꩻ ဝါးနဝ်လွေꩻစွဉ်ႏ သီးရီးယားခမ်းသွူ။ နီသင်္ဘောꩻနဝ်ꩻ လွေꩻတုရုဖင်ႏတွော့ꩻ နဝ်ꩻကို သင်္ဘောꩻအီႏလွေꩻချꩻ ကွန်ႏထာꩻခြိုꩻဖုံႏသွူ။ 4နဝ်ꩻကို နီမော့ꩻ လိုꩻယွုမ်းသားဖုံႏ ယင်ဟန်ႏတဲင် အုံငီꩻစွဉ်ႏဝွေꩻသီး နွတ်ꩻနီꩻတပတ်နဝ်ꩻသွူ။ ဖေႏကလွေꩻမွိုန်း ဝေင်ꩻယေရုသလမ်ႏနဝ်ꩻ စွဉ်ႏကြောင်းစင် ဝိညာဉ်ႏတန်ꩻခိုꩻ ဝွေꩻသီး ဒေါ့ꩻနယ်ဖေႏ ပေါလုနဝ်ꩻသွူ။ 5ကွဲႏတွော့ꩻ နီအုံငီꩻစွဉ်ႏ ဝွေꩻသီး အချိန်ႏထွိုင်ႏဗွေနဝ်ꩻ နီထန်ႏတဲင် လွေꩻထိုꩻစွဉ်ႏ နီတဖူꩻနဝ်ꩻသွူ။ ဝွေꩻသီး ကားကအဝ်ႏ ပါစွဉ်ႏ ဝွေꩻသီးမာဖုံႏတွမ်ႏ အပိုဖုံႏနဝ်ꩻ ပသာလွဉ်ꩻနီ ဝေင်ꩻထန်ႏ သင်္ဘောꩻဆိပ်သွူ။ နဝ်ꩻကို နီကားကအဝ်ႏ အုံထောက်လင်ꩻတွော့ꩻ ဆုတောင်ꩻ ဘုရာꩻနဝ်ꩻသွူ။ 6နဝ်ꩻထွူ တဖြာꩻတွမ်ႏတဖြာꩻ နီဒေါ့ꩻနုတ်ဆက်တဲင် နီထင်ႏလွေꩻ သင်္ဘောꩻလောင်းကျာꩻနဝ်ꩻ ဝွေꩻသီးသဲင်ꩻချာ အလမ်းဖုံႏသွူ။
7နီထန်ႏလွေꩻသွုပ် ပင်ႏလယ်ႏတဖူꩻတွော့ꩻ အဝ်ႏဝေင်ꩻတုရုနဝ်ꩻ တွိုႏလွေꩻစွဉ်ႏ ဝေင်ꩻပတောလိမ်သွူ။ နဝ်ꩻကို နီနုတ်ဆက် လိုꩻယွုမ်းသားဖုံႏတဲင် အုံငီꩻစွဉ်ႏ ဝွေꩻသီး တနီꩻနဝ်ꩻသွူ။ 8#တ ၆:၅၊ ၈:၅။ ဆုဲင်ꩻတနီꩻ နီထန်ႏလွေꩻတဲင် ဖျော်လွဉ်သော့ꩻစွဉ်ႏ ဝေင်ꩻကဲသရိ နဝ်ꩻသွူ။ နဝ်ꩻကို နီအုံပွိုင်းဒွိုန်းက ဧဝံဂေလိ တရာꩻဟော်ꩻသား ဖိလိပ္ပု အလမ်း နဝ်ꩻသွူ။ ဖိလိပ္ပုနဝ်ꩻထွာ ကလွိုက်ဒါႏ ကောစွဲကိုသား ဝေင်ꩻယေရုသလမ်ႏကို လိုꩻဝင်ꩻနွတ်ꩻကို တဖြာꩻသွူ။ 9ဝွေꩻနဝ်ꩻ အပိုမူႏဖုံႏ တလꩻတောႏလမ်းတဝ်းဒွိုန်း အဝ်ႏဝင်ꩻလစ်ꩻ၊ အဝ်ႏကေႏညာႏဟော်ꩻဖေႏ ဗွေႏဘုရာꩻ တရာꩻနဝ်ꩻသွူ။ 10#တ ၁၁:၂၈။ နီအဝ်ႏနဝ်ꩻကို မွူးနီꩻထွိုင်ႏအာလွဉ်ချိန်ႏ ပရောဖဲစ်တပါꩻ မဉ်ꩻကဟဲ့ꩻဒါႏ အာဂပတ်နဝ်ꩻ အဝ်ႏယုဒခမ်း ဖျော်လွဉ်သွူ။ 11ဝွေꩻလွဉ်နီထျꩻ ထူႏပေါလု ငင်းဒေင်စီꩻ စွိုင်ချာ ဝွေꩻအခင်ႏဖုံႏစွဉ်ႏ အစူဖုံႏတဲင်ဒေါ့ꩻ၊ “ယိုနဝ်ꩻထွာနုဲင်း ကြောင်းစင် ဝိညာဉ်ႏတောႏ ကရိုꩻ၊ ငင်းဒေင်စီႏယို အဗွေႏနဝ်ꩻ ဂျူးလိုꩻမျိုꩻဖုံႏ ကအဝ်ႏသော့ꩻဒါႏ ဝေင်ꩻယေရုသလမ်ႏကို အီႏစွိုင်စွဉ်ႏ အနယ်ꩻယိုတဲင် ဝွေꩻနဝ်ꩻ ဝွေꩻသီး အီႏအပ်ထိုꩻ လိုꩻမျိုꩻလင် အစူကို” နုဲင်းနဝ်ꩻသွူ။
12နီထွိုင်ႏဟွိုန် နုဲင်းယိုချိန်ႏ ပေါလု ဖေႏကလွေꩻမွိုန်း ဝေင်ꩻယေရုသလမ်ႏနဝ်ꩻ နီတွမ်ႏ လိုꩻလင်ဖုံႏ ကအဝ်ႏနဝ်ꩻကို တောင်ꩻပြန်ႏဝွေꩻသွူ။ 13ကွဲႏတွော့ꩻ ဝွေꩻလဝ်းချာ၊ “ပွိုးတမုဲင်ꩻ သီငွိုးထာꩻ နုဲင်းယိုတွော့ꩻ မာꩻကုဲင်ဗာႏတွိုႏ ခွေသꩻ နုဲင်းမုဲင်ꩻဟောင်း။ ဗွေႏယေသျုတွက်တာႏ အီႏခံႏဗာႏ အစွိုင်သော့ꩻ ဝေင်ꩻယေရုသလမ်ႏကိုလွုမ်ꩻ တကာႏတဝ်း လဲင်ꩻခံႏသီနေး နဝ်ꩻကိုတဲ့ ခွေအဝ်ႏဖျင်ရဲဉ်ꩻမꩻလဲဉ်း” နုဲင်းနဝ်ꩻသွူ။
14နီတောင်ꩻပြန်ႏဝွေꩻ တလꩻတဝ်းဒွုမ် နဝ်ꩻမꩻ နီဖေႏအသွုမ်ꩻ တဲင်ဒေါ့ꩻ၊ “ယံဖေႏကထွာသွော့ ဗွေႏဘုရာꩻ အလိုႏတောႏ” နုဲင်းနဝ်ꩻသွူ။
15နီအုံနဝ်ꩻကို အချိန်ႏတပေါႏညငါႏတဝ်း နီဖျင်ရဲဉ်ꩻသေꩻမꩻ နီထာꩻခြိုꩻဖုံႏထွူတဲင် ထန်ႏလွေꩻထိုꩻစွဉ်ႏ ဝေင်ꩻယေရုသလမ်ႏ နဝ်ꩻသွူ။ 16တပဲ့တောႏဖုံႏ ကအဝ်ႏဝေင်ꩻကဲသရိ ယင်ဟန်ႏနဝ်ꩻတဲ့ လွေꩻလွဉ်ꩻစွဉ်ႏ နီတဲင် ဟဲ့ꩻလွေꩻနီ ဖေႏကအုံပွိုင်း တယ်ႏအ စဝ်းခါကာႏ ကထွာဒါႏ လိုꩻယွုမ်းသား ပါꩻခိုတဖြာꩻ သုဲင်းပရတ်ကြွန်သား မဉ်ꩻကဟဲ့ꩻဒါႏ မနာသုန် အလမ်းသွူ။
ပေါလုလွေꩻလယ်ႏယာကုပ်
17နီထွိုင်ႏဖျော်လွဉ် ဝေင်ꩻယေရုသလမ်ႏကိုနဝ်ꩻ လိုꩻယွုမ်းသားဖုံႏ ရပ်ကျိုႏဆွုမ်ႏ ဟဝ်မွေးနေးစွဉ်ႏ နီနဝ်ꩻသွူ။ 18ဆုဲင်ꩻတနီꩻနဝ်ꩻ ပေါလုတွမ်ႏ နီ လွေꩻမော့ꩻခွဲ တွမ်ႏယာကုပ်တဲင် အသေန်းတောႏ လိုꩻတန်ဖုံႏ ကားကအဝ်ႏနဝ်ꩻ အဝ်ႏနဝ်ꩻကိုဖုံႏသွူ။ 19ပေါလုနဝ်ꩻ နုတ်ဆက် ဝွေꩻသီးတဲင် ဝွေꩻကမာꩻဒါႏ ထာꩻမာꩻ လိုꩻမျိုꩻလင်ဖုံႏခြာနဝ်ꩻ ဗွေႏဘုရာꩻ မာꩻဖေႏလဲဉ်း နုဲင်းမုဲင်ꩻခရာႏဖုံႏနဝ်ꩻ ဒင်ႏအွဉ်ႏဟွိုန်ဖေႏလို့စွဉ်ႏသွူ။ 20ဟွိုန်နာႏဝွေꩻငဝ်း ထွိုင်ႏထွူ ဝွေꩻသီး ကားကအဝ်ႏ အုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏတောႏ နဝ်ꩻသွူ။ နဝ်ꩻထွူ ဝွေꩻသီးဒေါ့ꩻ၊ “ဖူးခိုပေါလု၊ ဂျူးလိုꩻမျိုꩻဖုံႏ ကထွာလွဉ် လိုꩻယွုမ်းသားဖုံႏနဝ်ꩻ အဝ်ႏနေးအရေင် ပေါင်ꩻတဲင် ဝွေꩻသီး ကားကအဝ်ႏနဝ်ꩻ မဉ်လွောက်ꩻနာႏငါႏ ပညတ်ကျမ်ꩻခွိုင်းကား မုဲင်ꩻနဝ်ꩻ နာꩻအဝ်ႏထီႏဒျာႏသွူ။ 21ဂျူးလိုꩻမျိုꩻဖုံႏ ကအဝ်ႏသော့ꩻဒါႏ လိုꩻမျိုꩻလင် အခမ်းထီကို ကားကအဝ်ႏ ဖေႏကစွဉ်ꩻကုဲင်ထိုꩻ မောသျေ ပညတ်ကျမ်ꩻနဝ်ꩻ နာꩻအဝ်ႏသွဉ်သင် ဖေႏကသွို့ꩻမွိုန်း ဝွေꩻသီးအပိုဖုံႏ လိုꩻခိုအင်္ဂါႏနာပီ မင်္ဂလာႏတဲ့နဝ်ꩻ ကထောင်ꩻလွဉ်ꩻမွိုန်း ဂျူးထွုံꩻစံႏနဝ်ꩻ နာꩻအဝ်ႏသွဉ်သင်ဖေႏ ဝွေꩻသီး ဒေါ့ꩻနုဲင်းနဝ်ꩻသွူ။ 22နာꩻကဖျော်လွဉ် ယိုကိုနဝ်ꩻ ဝွေꩻသီးအီႏဟွိုန် ဒျာႏရင်ꩻနဝ်ꩻသွူ။ တွိုႏနဝ်ꩻ အီႏမာꩻဗာႏ နုဲင်းမုဲင်ꩻဟောင်း။ 23#ကွ ၆:၁၃–၂၁။ နီမဉ်အွဉ်ႏနာꩻ မာꩻနုဲင်းယိုသွူ။ ယိုကိုနဝ်ꩻ လိုꩻခံꩻလဲဉ်း ဂတိ အဝ်ႏလစ်ꩻဖြာꩻသွူ။ 24လွေꩻငီꩻစွဉ်ႏ ဝွေꩻသီးတွော့ꩻ ပါငီꩻသွော့ ဝွေꩻသီး ကမာꩻကြောင်းစင် မင်္ဂလာႏဝွတ်နဝ်ꩻတဲင် ခံႏလို့ဖေႏပါ ဝွေꩻသီးစရိပ် ဟုဲင်း။ နဝ်ꩻထွူ ဝွေꩻသီး အီႏကြော့ꩻနွောင်ꩻ ဝွေꩻသီးကလူꩻဖုံႏသွူ။ ပါꩻကဒေါ့ꩻ နာꩻခရာႏသတင်ꩻ တမွေးတဝ်းကျောင်ꩻ နာꩻနမ်းတဲ့ အဝ်ႏလွောက်ꩻလွဉ်ꩻဒျာႏ မောသျေ ပညတ်တရာꩻ အတွိုင်ꩻကျောင်ꩻ မာꩻစွဉ်ႏအနယ်ꩻ နုဲင်းယိုနဝ်ꩻ လိုꩻစွုမ်ႏဖြာꩻ အီႏသေဗာႏသွူ။ 25#တ ၁၅:၂၉။ ကွဲႏတွော့ꩻ နုဲင်းလိုꩻမျိုꩻလင်ဖုံႏ ကထွာလွဉ်ဒါႏ လိုꩻယွုမ်းသားဖုံႏ အတာႏနဝ်ꩻ ဖေႏနေး ဝွေꩻသီး ကအံႏဗာႏမွိုန်း ထာꩻအံႏ ကပူႏဇောႏဒါႏ ရွုတ်တုဖုံႏ တဲ့နဝ်ꩻ၊ အသွီႏဖုံႏတဲ့နဝ်ꩻ၊ ထာꩻသား ကတလိန်ႏသီနေး အငွဉ်ꩻဖုံႏ တဲ့နဝ်ꩻ၊ မာꩻမွိုန်း ကာႏမဂွုဏ်ႏ ကပဲစ်မာႏမွိုန်း ဝင်ꩻပိုမာတဲ့နဝ်ꩻ၊ ဖေႏကထိန်ꩻချာ နမ်းဖုံႏနဝ်ꩻ နီဆွုံꩻဖျတ်တွော့ꩻ နီပသာ အွဉ်ႏဟွိုန်လွေꩻဖေႏ ဝွေꩻသီး လိတ်တစောင်ႏ” နုဲင်းနဝ်ꩻသွူ။
26နဝ်ꩻမꩻ ဆုဲင်ꩻတနီꩻနဝ်ꩻ ပေါလုဟဲ့ꩻ ဝွေꩻသီးတဲင် နွို့ငီꩻတွမ်ႏဝွေꩻသီး ကမာꩻကြောင်းစင် မင်္ဂလာႏဝွတ်သွူ။ နဝ်ꩻထွူ ဝွေꩻနွို့သော့ꩻ ဗိမာန်ႏတောႏ ကျောင်ꩻကိုတဲင် ထာꩻကြောင်းစင် မင်္ဂလာႏဝွတ် အချိန်ႏကာႏလ ဗꩻတွိုႏအထွူ အီႏည ခွိုင်းကားမုဲင်ꩻနီꩻကျောင်ꩻ တွမ်ႏဝွေꩻသီး တဖြာꩻစီႏ ကအီႏပူႏဇောႏထင်ႏဗာႏယဇ် အချိန်ႏဖုံႏနဝ်ꩻ ဝွေꩻကေႏညာႏ သေꩻခါꩻရီးဖေႏနဝ်ꩻသွူ။
ဆွမ်ꩻပေါလုဗိမာန်ႏတောႏကျောင်ꩻကို
27ကွဲႏတွော့ꩻ နွတ်ꩻနီꩻထွိုင်ႏအီႏလို့ ဂျူးလိုꩻမျိုꩻဖုံႏ ယင်ဟန်ႏ ကအဝ်ႏဒါႏ အာသျဟံႏနယ်ႏကို ထီႏစွဉ်ႏပေါလု အဝ်ႏသော့ꩻ ဗိမာန်ႏတောႏ ကျောင်ꩻကိုသွူ၊ ဝွေꩻသီး တမာဖေႏအာႏ လိုꩻတစွိုꩻလွုမ်းတဲင် ဆွမ်ꩻထိုꩻစွဉ်ႏ ပေါလုနဝ်ꩻသွူ။ 28ဝွေꩻသီးခြောဝ် အငဝ်းရိုꩻ၊ “ဣသရေး လိုꩻမျိုꩻဖုံႏ၊ စွဲကိုဗဲင်းမွိုင်၊ ပါꩻခိုယိုနဝ်ꩻ လွေꩻခင်ႏလမ်း မုဲင်ꩻကိုတဲ့ သွဉ်သင်ဖေႏဒျာႏ လိုꩻစွုမ်ႏဖြာꩻ ဖေႏကဆန်ချာ ဣသရေး လိုꩻမျိုꩻဖုံႏ၊ မောသျေ ပညတ်ကျမ်ꩻတွမ်ႏ ဗိမာန်ႏတောႏ ကျောင်ꩻယိုတဲင် ယိုခါ ဝွေꩻလဲင်ꩻဟဲ့ꩻလွဉ် လိုꩻမျိုꩻလင် ယင်ဟန်ႏ ဗိမာန်ႏတောႏ ကျောင်ꩻကိုတွော့ꩻ မာꩻဗော့ꩻလဲ့ꩻထိုꩻ ခင်ႏလမ်း ကြောင်းစင်ယို” နုဲင်းနဝ်ꩻသွူ။ (29#တ ၂၀:၄။ ဝွေꩻသီးကဒေါ့ꩻဗာႏ နုဲင်းယိုနဝ်ꩻ ပွိုးတွော့ꩻ ဝွေꩻသီးထီႏ ဝေင်ꩻဧဖဲက်သား တရောဖိမ်တွမ်ႏ ပေါလုနဝ်ꩻ အဝ်ႏလွေꩻငီꩻလို့ဝင်ꩻ ဝေင်ꩻကိုတဲင် ပေါလုနဝ်ꩻ ဟဲ့ꩻနွို့သော့ꩻဝွေꩻ ဗိမာန်ႏတောႏ ကျောင်ꩻကို ဝွေꩻသီးထင်း နုဲင်းနဝ်ꩻအတွက်သွူ။)
30ထာꩻသျွုတ်တရေင်နဝ်ꩻ စွစ်ꩻစဲစ်ꩻထံစွဉ်ႏ တဝေင်ꩻလွုမ်းတဲင် လိုꩻဖုံႏ ကားကအဝ်ႏ ဖင်းလွဉ် စုဗူႏစွဉ်ႏလို့ဝင်ꩻတွော့ꩻ ဆွမ်ꩻပေါလုတွော့ꩻ ငင်ႏထန်ႏထိုꩻဝွေꩻ ဗိမာန်ႏတောႏကျောင်ꩻ ကောင်းထန်ႏဖဲ့ꩻ နဝ်ꩻသွူ။ တလဲင်ႏချင်ꩻ အွဉ်ႏထွိုင်ꩻခါꩻစွဉ်ႏ ဗိမာန်ႏတောႏကျောင်ꩻ တခါꩻနဝ်ꩻသွူ။ 31လိုꩻစွိုꩻဖုံႏ အဝ်ႏကျံႏ မာꩻသီ ပေါလု ကျာꩻနဝ်ꩻ ငဝ်းသတင်ꩻ ဝေင်ꩻယေရုသလမ်ႏ တဝေင်ꩻလွုမ်း အဝ်ႏသျွုတ်တရေင် ကျော်ႏဟွိုန်တွိုႏစွဉ်ႏ ရောမစဲ့ꩻတပ် ပိုႏတန်ထျꩻသွူ။ 32တလဲင်ႏချင်ꩻ စဲ့ꩻတပ်ပိုႏတန် ဟဲ့ꩻစဲ့ꩻပိုႏဖုံႏ ယင်ဟန်ႏတွမ်ႏ အစဲ့ꩻသားဖုံႏတွော့ꩻ ဖင်းနွို့သော့ꩻစွဉ်ႏ လိုꩻဖုံႏခြာသွူ၊ လိုꩻဖုံႏထွိုင်ႏထီႏ စဲ့ꩻပိုႏတန်တွမ်ႏ အစဲ့ꩻသားဖုံႏနဝ်ꩻ ဝွေꩻသီး တတွဲႏထဲင်း တဝ်းဒွုမ် ပေါလုသွူ။ 33စဲ့ꩻပိုႏတန်နဝ်ꩻ လွေꩻထေ့တွိုႏစွဉ်ႏ ပေါလုထျꩻ ဆွမ်ꩻစွဥ်ႏဝွေꩻတဲင် ဖေႏကစွိုင်ဝွေꩻတွမ်ႏ ပသီႏချင်ꩻ နီလီးနဝ်ꩻ ဖေႏစွဉ်ႏအမိန်းသွူ။ နဝ်ꩻထွူ ဝွေꩻရီ၊ “ပါꩻခိုယိုနဝ်ꩻ ထွာပါꩻမုဲင်ꩻ၊ ဝွေꩻမာꩻလဲဉ်း အမုတမုဲင်ꩻဟောင်း” နုဲင်းနဝ်ꩻသွူ။ 34လိုꩻစွိုꩻကို ယင်ဟန်ႏနဝ်ꩻ ခြောဝ်တစွိုး၊ အလင်ဖုံႏနဝ်ꩻ ခြောဝ်ဒျာႏ တစားခေါ်သွူ။ နဝ်ꩻကိုနဝ်ꩻထွာဒျာႏ အစားအုံသေင် သျွုတ်တရေင်ထာꩻ နဝ်ꩻမꩻ၊ ထွာလွဉ်ထာꩻ နုဲင်းမုဲင်ꩻကျောင်ꩻ စဲ့ꩻပိုႏတန် တသေတဝ်းနဝ်ꩻမꩻ၊ ဖေႏကဟဲ့ꩻသဲင်ꩻထိုꩻ ပေါလု စဲ့ꩻတပ်ယဲꩻတွိုက်ကိုနဝ်ꩻ ဝွေꩻမိန်းဖေႏစွဉ်ႏ အစဲ့ꩻသားဖုံႏသွူ။ 35ဝွေꩻသီး ထွိုင်ႏဖျော်လွဉ် စဲ့ꩻတပ်ယဲꩻတွိုက် တဒေါင်ထျꩻနဝ်ꩻ ပွိုးလိုꩻစွိုꩻဖုံႏ အဝ်ႏအာငါႏနဝ်ꩻမꩻ စဲ့ꩻသားဖုံႏ ယွော့ထမ်ႏ လွေꩻဗာႏနေးဝွေꩻသွူ။ 36ဝွေꩻသီး ကားကအဝ်ႏနဝ်ꩻ အဝ်ႏလွဉ်လွဉ်ꩻ ဝွေꩻဆꩻချာတဲင် အဝ်ႏခြောဝ်သန်အငဝ်း “မာꩻသီဝွေꩻဟုဲင်း” နုဲင်းနဝ်ꩻသွူ။
ပေါလုဒေါ့ꩻရဲကာႏကွယ်ႏချာအနမ်း
37နုဲင်းစဲ့ꩻသားဖုံႏ ကအီႏအွဉ်ႏသော့ꩻဝွေꩻ စဲ့ꩻတပ်ထောင်ႏကိုနဝ်ꩻ ပေါလုဒေါ့ꩻဖေႏ စဲ့ꩻပိုႏတန်၊ “ခွေမဉ်ဒေါ့ꩻရီ တွမ်ႏနာꩻ တစိꩻ၊” နုဲင်းနဝ်ꩻသွူ။
စဲ့ꩻပိုႏတန်ရီ၊ “နာꩻဒေါ့ꩻဒါႏနေ ဂရိငဝ်းဟောင်း။ 38နဝ်ꩻထွူ၊ နာꩻယိုထွာ အီဂျစ်လိုꩻမျိုꩻ တပေါႏညတဝ်းဒွိုန်း ပါꩻကအွဉ်ဒါႏ လိုꩻလစ်ꩻရေင်တွော့ꩻ ကတောႏလန်ႏချာဒါႏထာꩻ ကန္တာရတခြာကိုနဝ်ꩻ မွေးတဝ်းဟောင်း” နုဲင်းနဝ်ꩻသွူ။
39ပေါလုလဝ်းချာ၊ “ခွေနဝ်ꩻထွာဒျာႏ ဂျူးလိုꩻမျိုꩻတဖြာꩻ၊ လွူးလွဉ်သော့ꩻဒျာႏ ကိလိကိခမ်း ဝေင်ꩻတာသျုကိုတဲင် ထွာအရေꩻတန် ခမ်းရင်ꩻသား တဖြာꩻသွူ။ မာꩻကေꩻဇူꩻတဲင် ဖေႏခွေအခွင်ꩻ ဒေါ့ꩻဖေႏလိုꩻဖုံႏ” နုဲင်းနဝ်ꩻသွူ။
40စဲ့ꩻပိုႏတန်နဝ်ꩻ ဖေႏဝွေꩻအခွင်ꩻ၊ နဝ်ꩻမꩻ ပေါလုအုံထွိုင်ႏ တဒေါင် လောင်းတဲင် ဖေႏလိုꩻဖုံႏ ကအုံယဉ်ထာꩻနဝ်ꩻ ဝွေꩻယွိုင်ႏနယ် အစူသွူ။ ဝွေꩻသီးထွိုင်ႏ အုံယဉ်လို့ထာꩻချိန်ႏ စွဉ်ႏဟေဗြဲငဝ်းနဝ်ꩻ ပေါလုဒေါ့ꩻဖေႏ ဝွေꩻသီးသွူ။
ទើបបានជ្រើសរើសហើយ៖
တမန်ႏတောႏ 21: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 21
21
ပေါလုလွေꩻဝေင်ꩻယေရုသလမ်ႏ
1နီနုတ်ဆက် ဝွေꩻသီးတဲင် ထန်ႏလွေꩻစွဉ်ႏသွူ။ ထုမ်းသင်္ဘောꩻ ဖျတ်စွို့ꩻငါလွေꩻတွော့ꩻ နီဖျော်လွဉ်စွဉ်ႏ ကောသကြွန်သွူ။ ဆုဲင်ꩻတနီꩻနဝ်ꩻ နီတွိုႏလွေꩻ ရောက်ကြွန်တဲင် အဝ်ႏနဝ်ꩻကို နီလွေꩻထိုꩻ ဝေင်ꩻပါတရသွူ။ 2နဝ်ꩻကိုနဝ်ꩻ နီထီႏသင်္ဘောꩻ အီႏလွေꩻ ဖိုနီးသျားခမ်း နဝ်ꩻသွူ။ နဝ်ꩻမꩻ နီထင်ႏ သင်္ဘောꩻနဝ်ꩻ လောင်းတဲင် ထုမ်းလွေꩻစွဉ်ႏနဝ်ꩻသွူ။ 3နီဖျော်လွဉ် ခင်ႏလမ်း ကအဝ်ႏထီႏလွေꩻဒါႏ သုဲင်းပရတ်ကြွန်ထွူ သင်္ဘောꩻနဝ်ꩻ ဝါးနဝ်လွေꩻစွဉ်ႏ သီးရီးယားခမ်းသွူ။ နီသင်္ဘောꩻနဝ်ꩻ လွေꩻတုရုဖင်ႏတွော့ꩻ နဝ်ꩻကို သင်္ဘောꩻအီႏလွေꩻချꩻ ကွန်ႏထာꩻခြိုꩻဖုံႏသွူ။ 4နဝ်ꩻကို နီမော့ꩻ လိုꩻယွုမ်းသားဖုံႏ ယင်ဟန်ႏတဲင် အုံငီꩻစွဉ်ႏဝွေꩻသီး နွတ်ꩻနီꩻတပတ်နဝ်ꩻသွူ။ ဖေႏကလွေꩻမွိုန်း ဝေင်ꩻယေရုသလမ်ႏနဝ်ꩻ စွဉ်ႏကြောင်းစင် ဝိညာဉ်ႏတန်ꩻခိုꩻ ဝွေꩻသီး ဒေါ့ꩻနယ်ဖေႏ ပေါလုနဝ်ꩻသွူ။ 5ကွဲႏတွော့ꩻ နီအုံငီꩻစွဉ်ႏ ဝွေꩻသီး အချိန်ႏထွိုင်ႏဗွေနဝ်ꩻ နီထန်ႏတဲင် လွေꩻထိုꩻစွဉ်ႏ နီတဖူꩻနဝ်ꩻသွူ။ ဝွေꩻသီး ကားကအဝ်ႏ ပါစွဉ်ႏ ဝွေꩻသီးမာဖုံႏတွမ်ႏ အပိုဖုံႏနဝ်ꩻ ပသာလွဉ်ꩻနီ ဝေင်ꩻထန်ႏ သင်္ဘောꩻဆိပ်သွူ။ နဝ်ꩻကို နီကားကအဝ်ႏ အုံထောက်လင်ꩻတွော့ꩻ ဆုတောင်ꩻ ဘုရာꩻနဝ်ꩻသွူ။ 6နဝ်ꩻထွူ တဖြာꩻတွမ်ႏတဖြာꩻ နီဒေါ့ꩻနုတ်ဆက်တဲင် နီထင်ႏလွေꩻ သင်္ဘောꩻလောင်းကျာꩻနဝ်ꩻ ဝွေꩻသီးသဲင်ꩻချာ အလမ်းဖုံႏသွူ။
7နီထန်ႏလွေꩻသွုပ် ပင်ႏလယ်ႏတဖူꩻတွော့ꩻ အဝ်ႏဝေင်ꩻတုရုနဝ်ꩻ တွိုႏလွေꩻစွဉ်ႏ ဝေင်ꩻပတောလိမ်သွူ။ နဝ်ꩻကို နီနုတ်ဆက် လိုꩻယွုမ်းသားဖုံႏတဲင် အုံငီꩻစွဉ်ႏ ဝွေꩻသီး တနီꩻနဝ်ꩻသွူ။ 8#တ ၆:၅၊ ၈:၅။ ဆုဲင်ꩻတနီꩻ နီထန်ႏလွေꩻတဲင် ဖျော်လွဉ်သော့ꩻစွဉ်ႏ ဝေင်ꩻကဲသရိ နဝ်ꩻသွူ။ နဝ်ꩻကို နီအုံပွိုင်းဒွိုန်းက ဧဝံဂေလိ တရာꩻဟော်ꩻသား ဖိလိပ္ပု အလမ်း နဝ်ꩻသွူ။ ဖိလိပ္ပုနဝ်ꩻထွာ ကလွိုက်ဒါႏ ကောစွဲကိုသား ဝေင်ꩻယေရုသလမ်ႏကို လိုꩻဝင်ꩻနွတ်ꩻကို တဖြာꩻသွူ။ 9ဝွေꩻနဝ်ꩻ အပိုမူႏဖုံႏ တလꩻတောႏလမ်းတဝ်းဒွိုန်း အဝ်ႏဝင်ꩻလစ်ꩻ၊ အဝ်ႏကေႏညာႏဟော်ꩻဖေႏ ဗွေႏဘုရာꩻ တရာꩻနဝ်ꩻသွူ။ 10#တ ၁၁:၂၈။ နီအဝ်ႏနဝ်ꩻကို မွူးနီꩻထွိုင်ႏအာလွဉ်ချိန်ႏ ပရောဖဲစ်တပါꩻ မဉ်ꩻကဟဲ့ꩻဒါႏ အာဂပတ်နဝ်ꩻ အဝ်ႏယုဒခမ်း ဖျော်လွဉ်သွူ။ 11ဝွေꩻလွဉ်နီထျꩻ ထူႏပေါလု ငင်းဒေင်စီꩻ စွိုင်ချာ ဝွေꩻအခင်ႏဖုံႏစွဉ်ႏ အစူဖုံႏတဲင်ဒေါ့ꩻ၊ “ယိုနဝ်ꩻထွာနုဲင်း ကြောင်းစင် ဝိညာဉ်ႏတောႏ ကရိုꩻ၊ ငင်းဒေင်စီႏယို အဗွေႏနဝ်ꩻ ဂျူးလိုꩻမျိုꩻဖုံႏ ကအဝ်ႏသော့ꩻဒါႏ ဝေင်ꩻယေရုသလမ်ႏကို အီႏစွိုင်စွဉ်ႏ အနယ်ꩻယိုတဲင် ဝွေꩻနဝ်ꩻ ဝွေꩻသီး အီႏအပ်ထိုꩻ လိုꩻမျိုꩻလင် အစူကို” နုဲင်းနဝ်ꩻသွူ။
12နီထွိုင်ႏဟွိုန် နုဲင်းယိုချိန်ႏ ပေါလု ဖေႏကလွေꩻမွိုန်း ဝေင်ꩻယေရုသလမ်ႏနဝ်ꩻ နီတွမ်ႏ လိုꩻလင်ဖုံႏ ကအဝ်ႏနဝ်ꩻကို တောင်ꩻပြန်ႏဝွေꩻသွူ။ 13ကွဲႏတွော့ꩻ ဝွေꩻလဝ်းချာ၊ “ပွိုးတမုဲင်ꩻ သီငွိုးထာꩻ နုဲင်းယိုတွော့ꩻ မာꩻကုဲင်ဗာႏတွိုႏ ခွေသꩻ နုဲင်းမုဲင်ꩻဟောင်း။ ဗွေႏယေသျုတွက်တာႏ အီႏခံႏဗာႏ အစွိုင်သော့ꩻ ဝေင်ꩻယေရုသလမ်ႏကိုလွုမ်ꩻ တကာႏတဝ်း လဲင်ꩻခံႏသီနေး နဝ်ꩻကိုတဲ့ ခွေအဝ်ႏဖျင်ရဲဉ်ꩻမꩻလဲဉ်း” နုဲင်းနဝ်ꩻသွူ။
14နီတောင်ꩻပြန်ႏဝွေꩻ တလꩻတဝ်းဒွုမ် နဝ်ꩻမꩻ နီဖေႏအသွုမ်ꩻ တဲင်ဒေါ့ꩻ၊ “ယံဖေႏကထွာသွော့ ဗွေႏဘုရာꩻ အလိုႏတောႏ” နုဲင်းနဝ်ꩻသွူ။
15နီအုံနဝ်ꩻကို အချိန်ႏတပေါႏညငါႏတဝ်း နီဖျင်ရဲဉ်ꩻသေꩻမꩻ နီထာꩻခြိုꩻဖုံႏထွူတဲင် ထန်ႏလွေꩻထိုꩻစွဉ်ႏ ဝေင်ꩻယေရုသလမ်ႏ နဝ်ꩻသွူ။ 16တပဲ့တောႏဖုံႏ ကအဝ်ႏဝေင်ꩻကဲသရိ ယင်ဟန်ႏနဝ်ꩻတဲ့ လွေꩻလွဉ်ꩻစွဉ်ႏ နီတဲင် ဟဲ့ꩻလွေꩻနီ ဖေႏကအုံပွိုင်း တယ်ႏအ စဝ်းခါကာႏ ကထွာဒါႏ လိုꩻယွုမ်းသား ပါꩻခိုတဖြာꩻ သုဲင်းပရတ်ကြွန်သား မဉ်ꩻကဟဲ့ꩻဒါႏ မနာသုန် အလမ်းသွူ။
ပေါလုလွေꩻလယ်ႏယာကုပ်
17နီထွိုင်ႏဖျော်လွဉ် ဝေင်ꩻယေရုသလမ်ႏကိုနဝ်ꩻ လိုꩻယွုမ်းသားဖုံႏ ရပ်ကျိုႏဆွုမ်ႏ ဟဝ်မွေးနေးစွဉ်ႏ နီနဝ်ꩻသွူ။ 18ဆုဲင်ꩻတနီꩻနဝ်ꩻ ပေါလုတွမ်ႏ နီ လွေꩻမော့ꩻခွဲ တွမ်ႏယာကုပ်တဲင် အသေန်းတောႏ လိုꩻတန်ဖုံႏ ကားကအဝ်ႏနဝ်ꩻ အဝ်ႏနဝ်ꩻကိုဖုံႏသွူ။ 19ပေါလုနဝ်ꩻ နုတ်ဆက် ဝွေꩻသီးတဲင် ဝွေꩻကမာꩻဒါႏ ထာꩻမာꩻ လိုꩻမျိုꩻလင်ဖုံႏခြာနဝ်ꩻ ဗွေႏဘုရာꩻ မာꩻဖေႏလဲဉ်း နုဲင်းမုဲင်ꩻခရာႏဖုံႏနဝ်ꩻ ဒင်ႏအွဉ်ႏဟွိုန်ဖေႏလို့စွဉ်ႏသွူ။ 20ဟွိုန်နာႏဝွေꩻငဝ်း ထွိုင်ႏထွူ ဝွေꩻသီး ကားကအဝ်ႏ အုပ်ꩻထင်ႏစွဉ်ႏ ဗွေႏဘုရာꩻ ဂွုဏ်ႏတောႏ နဝ်ꩻသွူ။ နဝ်ꩻထွူ ဝွေꩻသီးဒေါ့ꩻ၊ “ဖူးခိုပေါလု၊ ဂျူးလိုꩻမျိုꩻဖုံႏ ကထွာလွဉ် လိုꩻယွုမ်းသားဖုံႏနဝ်ꩻ အဝ်ႏနေးအရေင် ပေါင်ꩻတဲင် ဝွေꩻသီး ကားကအဝ်ႏနဝ်ꩻ မဉ်လွောက်ꩻနာႏငါႏ ပညတ်ကျမ်ꩻခွိုင်းကား မုဲင်ꩻနဝ်ꩻ နာꩻအဝ်ႏထီႏဒျာႏသွူ။ 21ဂျူးလိုꩻမျိုꩻဖုံႏ ကအဝ်ႏသော့ꩻဒါႏ လိုꩻမျိုꩻလင် အခမ်းထီကို ကားကအဝ်ႏ ဖေႏကစွဉ်ꩻကုဲင်ထိုꩻ မောသျေ ပညတ်ကျမ်ꩻနဝ်ꩻ နာꩻအဝ်ႏသွဉ်သင် ဖေႏကသွို့ꩻမွိုန်း ဝွေꩻသီးအပိုဖုံႏ လိုꩻခိုအင်္ဂါႏနာပီ မင်္ဂလာႏတဲ့နဝ်ꩻ ကထောင်ꩻလွဉ်ꩻမွိုန်း ဂျူးထွုံꩻစံႏနဝ်ꩻ နာꩻအဝ်ႏသွဉ်သင်ဖေႏ ဝွေꩻသီး ဒေါ့ꩻနုဲင်းနဝ်ꩻသွူ။ 22နာꩻကဖျော်လွဉ် ယိုကိုနဝ်ꩻ ဝွေꩻသီးအီႏဟွိုန် ဒျာႏရင်ꩻနဝ်ꩻသွူ။ တွိုႏနဝ်ꩻ အီႏမာꩻဗာႏ နုဲင်းမုဲင်ꩻဟောင်း။ 23#ကွ ၆:၁၃–၂၁။ နီမဉ်အွဉ်ႏနာꩻ မာꩻနုဲင်းယိုသွူ။ ယိုကိုနဝ်ꩻ လိုꩻခံꩻလဲဉ်း ဂတိ အဝ်ႏလစ်ꩻဖြာꩻသွူ။ 24လွေꩻငီꩻစွဉ်ႏ ဝွေꩻသီးတွော့ꩻ ပါငီꩻသွော့ ဝွေꩻသီး ကမာꩻကြောင်းစင် မင်္ဂလာႏဝွတ်နဝ်ꩻတဲင် ခံႏလို့ဖေႏပါ ဝွေꩻသီးစရိပ် ဟုဲင်း။ နဝ်ꩻထွူ ဝွေꩻသီး အီႏကြော့ꩻနွောင်ꩻ ဝွေꩻသီးကလူꩻဖုံႏသွူ။ ပါꩻကဒေါ့ꩻ နာꩻခရာႏသတင်ꩻ တမွေးတဝ်းကျောင်ꩻ နာꩻနမ်းတဲ့ အဝ်ႏလွောက်ꩻလွဉ်ꩻဒျာႏ မောသျေ ပညတ်တရာꩻ အတွိုင်ꩻကျောင်ꩻ မာꩻစွဉ်ႏအနယ်ꩻ နုဲင်းယိုနဝ်ꩻ လိုꩻစွုမ်ႏဖြာꩻ အီႏသေဗာႏသွူ။ 25#တ ၁၅:၂၉။ ကွဲႏတွော့ꩻ နုဲင်းလိုꩻမျိုꩻလင်ဖုံႏ ကထွာလွဉ်ဒါႏ လိုꩻယွုမ်းသားဖုံႏ အတာႏနဝ်ꩻ ဖေႏနေး ဝွေꩻသီး ကအံႏဗာႏမွိုန်း ထာꩻအံႏ ကပူႏဇောႏဒါႏ ရွုတ်တုဖုံႏ တဲ့နဝ်ꩻ၊ အသွီႏဖုံႏတဲ့နဝ်ꩻ၊ ထာꩻသား ကတလိန်ႏသီနေး အငွဉ်ꩻဖုံႏ တဲ့နဝ်ꩻ၊ မာꩻမွိုန်း ကာႏမဂွုဏ်ႏ ကပဲစ်မာႏမွိုန်း ဝင်ꩻပိုမာတဲ့နဝ်ꩻ၊ ဖေႏကထိန်ꩻချာ နမ်းဖုံႏနဝ်ꩻ နီဆွုံꩻဖျတ်တွော့ꩻ နီပသာ အွဉ်ႏဟွိုန်လွေꩻဖေႏ ဝွေꩻသီး လိတ်တစောင်ႏ” နုဲင်းနဝ်ꩻသွူ။
26နဝ်ꩻမꩻ ဆုဲင်ꩻတနီꩻနဝ်ꩻ ပေါလုဟဲ့ꩻ ဝွေꩻသီးတဲင် နွို့ငီꩻတွမ်ႏဝွေꩻသီး ကမာꩻကြောင်းစင် မင်္ဂလာႏဝွတ်သွူ။ နဝ်ꩻထွူ ဝွေꩻနွို့သော့ꩻ ဗိမာန်ႏတောႏ ကျောင်ꩻကိုတဲင် ထာꩻကြောင်းစင် မင်္ဂလာႏဝွတ် အချိန်ႏကာႏလ ဗꩻတွိုႏအထွူ အီႏည ခွိုင်းကားမုဲင်ꩻနီꩻကျောင်ꩻ တွမ်ႏဝွေꩻသီး တဖြာꩻစီႏ ကအီႏပူႏဇောႏထင်ႏဗာႏယဇ် အချိန်ႏဖုံႏနဝ်ꩻ ဝွေꩻကေႏညာႏ သေꩻခါꩻရီးဖေႏနဝ်ꩻသွူ။
ဆွမ်ꩻပေါလုဗိမာန်ႏတောႏကျောင်ꩻကို
27ကွဲႏတွော့ꩻ နွတ်ꩻနီꩻထွိုင်ႏအီႏလို့ ဂျူးလိုꩻမျိုꩻဖုံႏ ယင်ဟန်ႏ ကအဝ်ႏဒါႏ အာသျဟံႏနယ်ႏကို ထီႏစွဉ်ႏပေါလု အဝ်ႏသော့ꩻ ဗိမာန်ႏတောႏ ကျောင်ꩻကိုသွူ၊ ဝွေꩻသီး တမာဖေႏအာႏ လိုꩻတစွိုꩻလွုမ်းတဲင် ဆွမ်ꩻထိုꩻစွဉ်ႏ ပေါလုနဝ်ꩻသွူ။ 28ဝွေꩻသီးခြောဝ် အငဝ်းရိုꩻ၊ “ဣသရေး လိုꩻမျိုꩻဖုံႏ၊ စွဲကိုဗဲင်းမွိုင်၊ ပါꩻခိုယိုနဝ်ꩻ လွေꩻခင်ႏလမ်း မုဲင်ꩻကိုတဲ့ သွဉ်သင်ဖေႏဒျာႏ လိုꩻစွုမ်ႏဖြာꩻ ဖေႏကဆန်ချာ ဣသရေး လိုꩻမျိုꩻဖုံႏ၊ မောသျေ ပညတ်ကျမ်ꩻတွမ်ႏ ဗိမာန်ႏတောႏ ကျောင်ꩻယိုတဲင် ယိုခါ ဝွေꩻလဲင်ꩻဟဲ့ꩻလွဉ် လိုꩻမျိုꩻလင် ယင်ဟန်ႏ ဗိမာန်ႏတောႏ ကျောင်ꩻကိုတွော့ꩻ မာꩻဗော့ꩻလဲ့ꩻထိုꩻ ခင်ႏလမ်း ကြောင်းစင်ယို” နုဲင်းနဝ်ꩻသွူ။ (29#တ ၂၀:၄။ ဝွေꩻသီးကဒေါ့ꩻဗာႏ နုဲင်းယိုနဝ်ꩻ ပွိုးတွော့ꩻ ဝွေꩻသီးထီႏ ဝေင်ꩻဧဖဲက်သား တရောဖိမ်တွမ်ႏ ပေါလုနဝ်ꩻ အဝ်ႏလွေꩻငီꩻလို့ဝင်ꩻ ဝေင်ꩻကိုတဲင် ပေါလုနဝ်ꩻ ဟဲ့ꩻနွို့သော့ꩻဝွေꩻ ဗိမာန်ႏတောႏ ကျောင်ꩻကို ဝွေꩻသီးထင်း နုဲင်းနဝ်ꩻအတွက်သွူ။)
30ထာꩻသျွုတ်တရေင်နဝ်ꩻ စွစ်ꩻစဲစ်ꩻထံစွဉ်ႏ တဝေင်ꩻလွုမ်းတဲင် လိုꩻဖုံႏ ကားကအဝ်ႏ ဖင်းလွဉ် စုဗူႏစွဉ်ႏလို့ဝင်ꩻတွော့ꩻ ဆွမ်ꩻပေါလုတွော့ꩻ ငင်ႏထန်ႏထိုꩻဝွေꩻ ဗိမာန်ႏတောႏကျောင်ꩻ ကောင်းထန်ႏဖဲ့ꩻ နဝ်ꩻသွူ။ တလဲင်ႏချင်ꩻ အွဉ်ႏထွိုင်ꩻခါꩻစွဉ်ႏ ဗိမာန်ႏတောႏကျောင်ꩻ တခါꩻနဝ်ꩻသွူ။ 31လိုꩻစွိုꩻဖုံႏ အဝ်ႏကျံႏ မာꩻသီ ပေါလု ကျာꩻနဝ်ꩻ ငဝ်းသတင်ꩻ ဝေင်ꩻယေရုသလမ်ႏ တဝေင်ꩻလွုမ်း အဝ်ႏသျွုတ်တရေင် ကျော်ႏဟွိုန်တွိုႏစွဉ်ႏ ရောမစဲ့ꩻတပ် ပိုႏတန်ထျꩻသွူ။ 32တလဲင်ႏချင်ꩻ စဲ့ꩻတပ်ပိုႏတန် ဟဲ့ꩻစဲ့ꩻပိုႏဖုံႏ ယင်ဟန်ႏတွမ်ႏ အစဲ့ꩻသားဖုံႏတွော့ꩻ ဖင်းနွို့သော့ꩻစွဉ်ႏ လိုꩻဖုံႏခြာသွူ၊ လိုꩻဖုံႏထွိုင်ႏထီႏ စဲ့ꩻပိုႏတန်တွမ်ႏ အစဲ့ꩻသားဖုံႏနဝ်ꩻ ဝွေꩻသီး တတွဲႏထဲင်း တဝ်းဒွုမ် ပေါလုသွူ။ 33စဲ့ꩻပိုႏတန်နဝ်ꩻ လွေꩻထေ့တွိုႏစွဉ်ႏ ပေါလုထျꩻ ဆွမ်ꩻစွဥ်ႏဝွေꩻတဲင် ဖေႏကစွိုင်ဝွေꩻတွမ်ႏ ပသီႏချင်ꩻ နီလီးနဝ်ꩻ ဖေႏစွဉ်ႏအမိန်းသွူ။ နဝ်ꩻထွူ ဝွေꩻရီ၊ “ပါꩻခိုယိုနဝ်ꩻ ထွာပါꩻမုဲင်ꩻ၊ ဝွေꩻမာꩻလဲဉ်း အမုတမုဲင်ꩻဟောင်း” နုဲင်းနဝ်ꩻသွူ။ 34လိုꩻစွိုꩻကို ယင်ဟန်ႏနဝ်ꩻ ခြောဝ်တစွိုး၊ အလင်ဖုံႏနဝ်ꩻ ခြောဝ်ဒျာႏ တစားခေါ်သွူ။ နဝ်ꩻကိုနဝ်ꩻထွာဒျာႏ အစားအုံသေင် သျွုတ်တရေင်ထာꩻ နဝ်ꩻမꩻ၊ ထွာလွဉ်ထာꩻ နုဲင်းမုဲင်ꩻကျောင်ꩻ စဲ့ꩻပိုႏတန် တသေတဝ်းနဝ်ꩻမꩻ၊ ဖေႏကဟဲ့ꩻသဲင်ꩻထိုꩻ ပေါလု စဲ့ꩻတပ်ယဲꩻတွိုက်ကိုနဝ်ꩻ ဝွေꩻမိန်းဖေႏစွဉ်ႏ အစဲ့ꩻသားဖုံႏသွူ။ 35ဝွေꩻသီး ထွိုင်ႏဖျော်လွဉ် စဲ့ꩻတပ်ယဲꩻတွိုက် တဒေါင်ထျꩻနဝ်ꩻ ပွိုးလိုꩻစွိုꩻဖုံႏ အဝ်ႏအာငါႏနဝ်ꩻမꩻ စဲ့ꩻသားဖုံႏ ယွော့ထမ်ႏ လွေꩻဗာႏနေးဝွေꩻသွူ။ 36ဝွေꩻသီး ကားကအဝ်ႏနဝ်ꩻ အဝ်ႏလွဉ်လွဉ်ꩻ ဝွေꩻဆꩻချာတဲင် အဝ်ႏခြောဝ်သန်အငဝ်း “မာꩻသီဝွေꩻဟုဲင်း” နုဲင်းနဝ်ꩻသွူ။
ပေါလုဒေါ့ꩻရဲကာႏကွယ်ႏချာအနမ်း
37နုဲင်းစဲ့ꩻသားဖုံႏ ကအီႏအွဉ်ႏသော့ꩻဝွေꩻ စဲ့ꩻတပ်ထောင်ႏကိုနဝ်ꩻ ပေါလုဒေါ့ꩻဖေႏ စဲ့ꩻပိုႏတန်၊ “ခွေမဉ်ဒေါ့ꩻရီ တွမ်ႏနာꩻ တစိꩻ၊” နုဲင်းနဝ်ꩻသွူ။
စဲ့ꩻပိုႏတန်ရီ၊ “နာꩻဒေါ့ꩻဒါႏနေ ဂရိငဝ်းဟောင်း။ 38နဝ်ꩻထွူ၊ နာꩻယိုထွာ အီဂျစ်လိုꩻမျိုꩻ တပေါႏညတဝ်းဒွိုန်း ပါꩻကအွဉ်ဒါႏ လိုꩻလစ်ꩻရေင်တွော့ꩻ ကတောႏလန်ႏချာဒါႏထာꩻ ကန္တာရတခြာကိုနဝ်ꩻ မွေးတဝ်းဟောင်း” နုဲင်းနဝ်ꩻသွူ။
39ပေါလုလဝ်းချာ၊ “ခွေနဝ်ꩻထွာဒျာႏ ဂျူးလိုꩻမျိုꩻတဖြာꩻ၊ လွူးလွဉ်သော့ꩻဒျာႏ ကိလိကိခမ်း ဝေင်ꩻတာသျုကိုတဲင် ထွာအရေꩻတန် ခမ်းရင်ꩻသား တဖြာꩻသွူ။ မာꩻကေꩻဇူꩻတဲင် ဖေႏခွေအခွင်ꩻ ဒေါ့ꩻဖေႏလိုꩻဖုံႏ” နုဲင်းနဝ်ꩻသွူ။
40စဲ့ꩻပိုႏတန်နဝ်ꩻ ဖေႏဝွေꩻအခွင်ꩻ၊ နဝ်ꩻမꩻ ပေါလုအုံထွိုင်ႏ တဒေါင် လောင်းတဲင် ဖေႏလိုꩻဖုံႏ ကအုံယဉ်ထာꩻနဝ်ꩻ ဝွေꩻယွိုင်ႏနယ် အစူသွူ။ ဝွေꩻသီးထွိုင်ႏ အုံယဉ်လို့ထာꩻချိန်ႏ စွဉ်ႏဟေဗြဲငဝ်းနဝ်ꩻ ပေါလုဒေါ့ꩻဖေႏ ဝွေꩻသီးသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.