တမန်ႏတောႏ 12
12
ကယိန်းနစ်စက်လွဉ်ထဲင်း
1အချိန်ႏယို ခွန်တန်ဟေရုဒ်နဝ်ꩻ ဆန်နစ်စက်လွဉ်စစွဉ်ႏ အသေန်းသားဖုံႏ ယင်ဟန်ႏသွူ။ 2တွမ်ႏနꩻနဝ်ꩻ ခွန်တန် အွဉ်ႏမာꩻသီထိုꩻ ယောဟန် အဝေးခို ယာကုပ်နဝ်ꩻသွူ။ 3ကမာꩻနုဲင်းယိုနဝ်ꩻ ဂျူးလိုꩻမျိုꩻဖုံႏ နစ်သက်ငါႏကျောင်ꩻ ဝွေꩻထွိုင်ႏထီႏသေနဝ်ꩻ ဝွေꩻလွေꩻငါတဲင် ဆွမ်ꩻဖျင်စွဉ်ႏ ပေတရု နဝ်ꩻသွူ။ (အချိန်ႏယိုနဝ်ꩻ ထွာဒျာႏ ပွယ်ꩻအံႏဗာႏ တခိုးတမီႏ ပါတဝ်း ယံꩻတွင်ꩻသွူ။) 4#ထလ ၁၂:၁–၂၇။ ဝွေꩻဆွမ်ꩻ ပေတရုထွူ အွဉ်ႏခံသော့ꩻစွဉ်ႏ ထောင်ႏကိုတွော့ꩻ ဝွေꩻအပ်ဖေႏစွဉ်ႏ စဲ့ꩻပွေါးရံႏသား တစွိုꩻလစ်ꩻဖြာꩻစီႏ လစ်ꩻစွိုꩻစူကိုသွူ။ ပွယ်ꩻပတ္တခါထွူ ဖေႏကစီႏရင်ႏ စဲစ်ဆေꩻဝွေꩻ လိုꩻအမျာꩻငါနဝ်ꩻ ခွန်တန်ဟေရုဒ် စီꩻစဲဉ်ႏစွဉ်ႏသွူ။ 5နဝ်ꩻမꩻ ပေတရု အဝ်ႏခံသော့ꩻစွဉ်ႏ ထောင်ႏကို၊ ကွဲႏတွော့ꩻ ဝွေꩻတာႏ အသေန်းသားဖုံႏနဝ်ꩻ အဝ်ႏတွမ်ႏသွိုန်ႏသꩻပါပါ ဆုတောင်ꩻထေ့ မွေးနေးစွဉ်ႏ ဗွေႏဘုရာꩻထျꩻသွူ။
ပေတရုအဝ်ႏထောင်ႏကိုလွစ်ထန်ႏ
6အဟာခလား ခွန်တန်ဟေရုဒ် ကထေထန်ႏ လွေꩻဝွေꩻ လိုꩻအမျာꩻငါနဝ်ꩻ ပေတရု အဝ်ႏဗေင်ႏအွီႏဒျာႏထာꩻ စဲ့ꩻပွေါးရံႏသား နီဖြာꩻခါႏနဝ်ꩻသွူ။ ဝွေꩻနဝ်ꩻ အဝ်ႏစွိုင်ခါꩻနေးစွဉ်ႏ ပသီႏချင်ꩻဖြွီꩻ နီလီးတဲင် နဝ်ꩻကို ထောင်ႏတခါꩻတန်နဝ်ꩻ စဲ့ꩻပွေါးရံႏသားဖုံႏ အဝ်ႏထူႏတာႏဝွန်ႏ အုံပွေါးနဝ်ꩻသွူ။ 7ဗွေႏဘုရာꩻ တမန်ႏတပါꩻ ပေါႏလွဉ်စွော့ꩻ အုံထွိုင်ႏထာꩻ နဝ်ꩻကိုတဲင် ထာꩻအရောင်ႏတစွိုး လေသော့ꩻစွဉ်ႏ ထောင်ႏခန်ꩻကိုသွူ၊၊ မို့ꩻလောင်းတမန်ႏနဝ်ꩻ တရွူꩻ ပေတရု ပြေင်တဲင်ဒေါ့ꩻ၊ “ထွိုင်ႏမွိုင်မွိုင်ဟုဲင်း” နုဲင်းနဝ်ꩻတဲင် တလဲင်ႏချင်ꩻ ပသီႏချင်ꩻဖြွီꩻဖုံႏ ပေတရု စူလောင်းနဝ်ꩻ ထဲ့လင်ꩻထိုꩻစွဉ်ႏသွူ။ 8နဝ်ꩻထွူ မို့ꩻလောင်းတမန်ႏဒေါ့ꩻ၊ “စွိုင်ဟဝ် နာꩻငင်းဒေင်စီႏတဲင် ထုမ်းနာꩻခင်ႏဖါႏဟုဲင်း၊” နုဲင်းနဝ်ꩻတွော့ꩻ ပေတရုထုမ်းစွဉ်ႏတဲင် မို့ꩻလောင်းတမန်ႏနဝ်ꩻဒေါ့ꩻ၊ “ကꩻနာꩻဆဲင်ꩻယွုံးတန်တဲင် လွေꩻလွဉ်ꩻခွေဟုဲင်း” နုဲင်းနဝ်ꩻသွူ။ 9ပေတရု လွေꩻလွဉ်ꩻဝွေꩻတဲင် ထန်ႏထိုꩻစွဉ်ႏထောင်ႏသွူ၊ ကွဲႏတွော့ꩻ ပေတရု တသေနမ်းတဝ်းဒွိုန်းသွူ။ နုဲင်းမို့ꩻလောင်းတမန်ႏ ကအဝ်ႏမာꩻနဝ်ꩻ ထွာထာꩻအမွေးနဲ့၊ မဉ်ႏတမွေးတဝ်း ဝွေꩻအဝ်ႏထီႏ ရူႏပါႏရုံႏ တစွိုးနဲ့ နုဲင်းနဝ်ꩻသွူ။ 10ဝွေꩻသီးကာႏထန်ႏ တခါꩻ စဲ့ꩻကအဝ်ႏပွေါး အရီးသွတ်ꩻ တရန်းထွူ ကာႏဖျင် ဒုတိယရန်းတဲင် အဆုဲင်ꩻသွတ်ꩻ ဖျော်လွဉ်စွဉ်ႏ တခါꩻတန်ပသီႏထျꩻ ဗွောင်နွို့သော့ꩻဒါႏ ဝေင်ꩻကိုနဝ်ꩻသွူ။ တခါꩻတန်ဖုံႏနဝ်ꩻ အဝ်ႏလွိုႏလွိုႏ ဗွောင်ဒျာႏတဲင် ဝွေꩻသီး ထန်ႏလွေꩻစွဉ်ႏသွူ။ ဝွေꩻသီးထောင်လင်ꩻ တဖူꩻတလီးတဲင် မို့ꩻလောင်းတမန်ႏနဝ်ꩻ အဝ်ႏပေတရုထျꩻ ထန်ႏလွေꩻစွော့ꩻ စွဉ်ႏနဝ်ꩻသွူ။
11နဝ်ꩻထွူ ဝွေꩻထွာ နုဲင်းမုဲင်ꩻနဝ်ꩻ ပေတရု သေနမ်းလွဉ်ချာတဲင်ဒေါ့ꩻ၊ “ဗွေႏဘုရာꩻ အွဉ်ႏစွꩻလွဉ် ဝွေꩻဗွေႏ မို့ꩻလောင်းတမန်ႏတွော့ꩻ ဖေႏကကယ်ႏခွေ ဟေရုဒ် အတန်ꩻခိုꩻစူကိုတွမ်ႏ ဂျူးလိုꩻမျိုꩻဖုံႏ ကအဝ်ႏမောင်ꩻဒါႏ ထာꩻကားကအဝ်ႏ ကအီႏထွာလွဉ်နဝ်ꩻ ယိုခါ နဝ်ꩻနဝ်ꩻ ထွာအမွေးအမဲဉ်ႏဒျာႏကျောင်ꩻ ခွေသေလဲဉ်း” နုဲင်းနဝ်ꩻသွူ။
12ထွိုင်ႏသေစဲင်းလွဉ် ဝွေꩻအခေႏနေႏနဝ်ꩻ ဝွေꩻလွေꩻထိုꩻစွဉ်ႏ ယောဟန်မာကု အမွိုး မာရိလမ်းသွူ၊ နဝ်ꩻကိုနဝ်ꩻ လိုꩻအာဖုံႏ အဝ်ႏစုဗူႏလို့ဝင်ꩻတဲင် အဝ်ႏဆုတောင်ꩻဘုရာꩻသွူ။ 13ပေတရု အဝ်ႏတခါꩻတန် ကောင်းထန်ႏဖဲ့ꩻ အဝ်ႏဒုံႏတခါꩻတဲင် ကအီႏလဝ်းချာနဝ်ꩻ သွဉ်းမူႏတဖြာꩻ မဉ်ꩻကဟဲ့ꩻ ရောဒေနဝ်ꩻ လွဉ်စွဉ်ႏသွူ။ 14ဝွေꩻမူႏအဝ်ႏတောင်ꩻ ပေတရုငဝ်းတဲင် သꩻဟဝ်ငါႏနဝ်ꩻမꩻ တဗွောင်ဖေႏတဝ်း တခါꩻတန်တဲင် ဝွေꩻမူႏ ဖင်းသဲင်ꩻချာတွော့ꩻ ပေတရု အဝ်ႏအုံထွိုင်ႏထာꩻ ကောင်းထန်ႏဖဲ့ꩻကျောင်ꩻ ဒေါ့ꩻနယ်စွဉ်ႏသွူ။ 15ဝွေꩻသီး ဒေါ့ꩻဖေႏဝွေꩻမူႏ၊ “နာႏဗားလဲဉ်းနဲ့၊” နုဲင်းနဝ်ꩻသွူ။ ကွဲႏတွော့ꩻ ဝွေꩻမူႏကဒေါ့ꩻနဝ်ꩻ မွေးဒျာႏကျောင်ꩻ အဝ်ႏဒေါ့ꩻသွုပ်သွုပ်ဒျာႏသွူ။ နဝ်ꩻမꩻ ဝွေꩻသီးလဝ်းချာ၊ “နဝ်ꩻနဝ်ꩻ ဝွေꩻအဝိညာဉ်ႏယဝ်ꩻဒျာႏ” နုဲင်းနဝ်ꩻသွူ။
16အကျာꩻနဝ်ꩻ ပေတရု အဝ်ႏဒုံႏသွုပ်ဒျာႏ တခါꩻနဝ်ꩻသွူ။ အဆုဲင်ꩻသွတ်ꩻ ဝွေꩻသီး ဗွောင်ဖေႏ တခါꩻတဲင် ဝွေꩻသီး ထွိုင်ႏထီႏ ဝွေꩻနဝ်ꩻ ဝွေꩻသီး အံႏဖြာႏငါႏသွူ။ 17ဖေႏဝွေꩻသီး ကအုံတေ့ꩻတေ့ꩻနဝ်ꩻ ဝွေꩻမာꩻနယ်နေး စွဉ်ႏဝွေꩻစူတဲင် ဗွေႏဘုရာꩻ ဟဲ့ꩻထန်ႏဝွေꩻထောင်ႏ နုဲင်းမုဲင်ꩻခရာႏနဝ်ꩻ ဝွေꩻသျင်ꩻနယ်ဖေႏ ဝွေꩻသီးသွူ။ ဝွေꩻဒေါ့ꩻ၊ “ထာꩻယိုခရာႏနဝ်ꩻ ဒေါ့ꩻနယ်ဖေႏသွော့ ယာကုပ်တွမ်ႏ လိုꩻကယွုမ်းသား အလင်ဖုံႏဟုဲင်း” နုဲင်းနဝ်ꩻထွူ၊ ဝွေꩻထန်ႏတဲင် လွေꩻထိုꩻ ခင်ႏလမ်း အလင်တထွောင်းသွူ။
18ထွိုင်ႏတွိုႏ နုဲင်းမွူးရဝ်ꩻချိန်ႏ ထောင်ႏပွေါး စဲ့ꩻသားဖုံႏနဝ်ꩻ အံႏဖြာႏငါႏတဲင် အချင်ꩻချင်ꩻ အဝ်ႏသျွုတ် တရေင်လို့ဝင်ꩻရိုꩻ၊ ပေတရုနဝ်ꩻ ထွာလဲဉ်း နုဲင်းမုဲင်ꩻဟောင်း နုဲင်းနဝ်ꩻသွူ။ 19ဖေႏကထုမ်ႏ ပေတရုနဝ်ꩻ ဟေရုဒ်ဖေႏအမိန်း၊ ကွဲႏတွော့ꩻ ဝွေꩻသီးထုမ်ႏဝွေꩻ တမော့ꩻတဝ်းနဝ်ꩻသွူ။ နဝ်ꩻမꩻ ဝွေꩻရီစဲစ် တခါပွေါးသားဖုံႏတဲင် ဖေႏစွဉ်ႏ ဝွေꩻသီး ထာꩻသီတံႏသွူ။
ယိုထွူ ခွန်တန်ဟေရုဒ် ထန်ႏထိုꩻ ယုဒခမ်းတွော့ꩻ အုံသော့ꩻ ဝေင်ꩻကဲသရိ တဆင်ႏနဝ်ꩻသွူ။
ခွန်တန်ဟေရုဒ်သီ
20ခွန်တန်ဟေရုဒ်နဝ်ꩻ သꩻလျားမွေးစွဉ်ႏ လိုꩻတုရုတွမ်ႏ သိဒုန်ဝေင်ꩻသားဖုံႏ နဝ်ꩻမꩻ၊ ဝွေꩻသီး စုလို့စွဉ်ႏဝင်ꩻ တစွိုꩻချင်ႏ အီႏလွဉ်မော့ꩻ ခွန်တန်ဟေရုဒ်သွူ။ ဖေႏကစွဲကို ဝွေꩻသီးနဝ်ꩻ အရီးသွတ်ꩻ ဝွေꩻသီး လွဉ်ကွီ ဟော်နန်ꩻအုပ် ဗလတ္တုထျꩻသွူ။ နဝ်ꩻထွူ ဝွေꩻသီးလွေꩻ ခွန်တန်ဟေရုဒ်ထျꩻတဲင် ကွီစွဉ်ႏဖေႏကလꩻ ထာꩻငိမ်ꩻချမ်ꩻသာႏခွင်ꩻ၊ ကွပ်ပွိုး ဝွေꩻသီးခမ်းထီနဝ်ꩻ အဝ်ႏလꩻသော့ꩻ ထာꩻအံႏစရိပ် ခွန်တန် အခမ်းထီကို အတွက်သွူ။
21မွူးနီꩻခဉ်ꩻ ကအီႏမော့ꩻခွဲဝွေꩻသီးနဝ်ꩻ ခွန်တန်ဟေရုဒ်ကွဉ်ကꩻစွဉ်ႏ ခွန်ခြွိုင်း အုံလင်ꩻစွဉ်ႏ ပလ္လင်ႏလောင်းတဲင် ဒေါ့ꩻဖေႏလိုꩻဖုံႏ ငဝ်းမိန်းသွူ၊ 22ဝွေꩻသီးခြောဝ်၊ “ကအဝ်ႏဒေါ့ꩻနဝ်ꩻ လိုꩻတဖြာꩻငဝ်း တမွေးတဝ်း ဗွေႏဘုရာꩻတပါꩻငဝ်းဒျာႏ” နုဲင်းနဝ်ꩻသွူ။ 23ကွပ်ပွိုး ဝွေꩻတရိုႏသေႏတဝ်း ဗွေႏဘုရာꩻနဝ်ꩻမꩻ တလဲင်ႏချင်ꩻ ဗွေႏဘုရာꩻ မို့ꩻလောင်းတမန်ႏ တပါꩻနဝ်ꩻ မာꩻဝꩻလင်ꩻထိုꩻစွဉ်ႏ ခွန်တန်ဟေရုဒ်သွူ။ ဝွေꩻနဝ်ꩻ ဟို့ꩻသားဖုံႏ အဲင်ႏတဲင် သီထိုꩻစွဉ်ႏသွူ။
24အကျာꩻနဝ်ꩻ ဗွေႏဘုရာꩻ ငဝ်းတောႏနဝ်ꩻ စွစ်ꩻလီတဲင် လိုꩻကယွုမ်းဒါႏသားနဝ်ꩻ တိုꩻအာလွဉ်စွဉ်ႏသွူ။
25ဗာနဗတွမ်ႏ သျောလုနဝ်ꩻ မာꩻထွူ ဝွေꩻသီး သားသနာႏ ထာꩻမာꩻတွော့ꩻ အဝ်ႏဝေင်ꩻယေရုသလမ်ႏ သဲင်ꩻထိုꩻတဲင် ဟဲ့ꩻသဲင်ꩻပါစွဉ်ႏ ယောဟန် မဉ်ꩻတာသာ ကဟဲ့ꩻဒါႏ မာကုနဝ်ꩻသွူ။
ទើបបានជ្រើសរើសហើយ៖
တမန်ႏတောႏ 12: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
တမန်ႏတောႏ 12
12
ကယိန်းနစ်စက်လွဉ်ထဲင်း
1အချိန်ႏယို ခွန်တန်ဟေရုဒ်နဝ်ꩻ ဆန်နစ်စက်လွဉ်စစွဉ်ႏ အသေန်းသားဖုံႏ ယင်ဟန်ႏသွူ။ 2တွမ်ႏနꩻနဝ်ꩻ ခွန်တန် အွဉ်ႏမာꩻသီထိုꩻ ယောဟန် အဝေးခို ယာကုပ်နဝ်ꩻသွူ။ 3ကမာꩻနုဲင်းယိုနဝ်ꩻ ဂျူးလိုꩻမျိုꩻဖုံႏ နစ်သက်ငါႏကျောင်ꩻ ဝွေꩻထွိုင်ႏထီႏသေနဝ်ꩻ ဝွေꩻလွေꩻငါတဲင် ဆွမ်ꩻဖျင်စွဉ်ႏ ပေတရု နဝ်ꩻသွူ။ (အချိန်ႏယိုနဝ်ꩻ ထွာဒျာႏ ပွယ်ꩻအံႏဗာႏ တခိုးတမီႏ ပါတဝ်း ယံꩻတွင်ꩻသွူ။) 4#ထလ ၁၂:၁–၂၇။ ဝွေꩻဆွမ်ꩻ ပေတရုထွူ အွဉ်ႏခံသော့ꩻစွဉ်ႏ ထောင်ႏကိုတွော့ꩻ ဝွေꩻအပ်ဖေႏစွဉ်ႏ စဲ့ꩻပွေါးရံႏသား တစွိုꩻလစ်ꩻဖြာꩻစီႏ လစ်ꩻစွိုꩻစူကိုသွူ။ ပွယ်ꩻပတ္တခါထွူ ဖေႏကစီႏရင်ႏ စဲစ်ဆေꩻဝွေꩻ လိုꩻအမျာꩻငါနဝ်ꩻ ခွန်တန်ဟေရုဒ် စီꩻစဲဉ်ႏစွဉ်ႏသွူ။ 5နဝ်ꩻမꩻ ပေတရု အဝ်ႏခံသော့ꩻစွဉ်ႏ ထောင်ႏကို၊ ကွဲႏတွော့ꩻ ဝွေꩻတာႏ အသေန်းသားဖုံႏနဝ်ꩻ အဝ်ႏတွမ်ႏသွိုန်ႏသꩻပါပါ ဆုတောင်ꩻထေ့ မွေးနေးစွဉ်ႏ ဗွေႏဘုရာꩻထျꩻသွူ။
ပေတရုအဝ်ႏထောင်ႏကိုလွစ်ထန်ႏ
6အဟာခလား ခွန်တန်ဟေရုဒ် ကထေထန်ႏ လွေꩻဝွေꩻ လိုꩻအမျာꩻငါနဝ်ꩻ ပေတရု အဝ်ႏဗေင်ႏအွီႏဒျာႏထာꩻ စဲ့ꩻပွေါးရံႏသား နီဖြာꩻခါႏနဝ်ꩻသွူ။ ဝွေꩻနဝ်ꩻ အဝ်ႏစွိုင်ခါꩻနေးစွဉ်ႏ ပသီႏချင်ꩻဖြွီꩻ နီလီးတဲင် နဝ်ꩻကို ထောင်ႏတခါꩻတန်နဝ်ꩻ စဲ့ꩻပွေါးရံႏသားဖုံႏ အဝ်ႏထူႏတာႏဝွန်ႏ အုံပွေါးနဝ်ꩻသွူ။ 7ဗွေႏဘုရာꩻ တမန်ႏတပါꩻ ပေါႏလွဉ်စွော့ꩻ အုံထွိုင်ႏထာꩻ နဝ်ꩻကိုတဲင် ထာꩻအရောင်ႏတစွိုး လေသော့ꩻစွဉ်ႏ ထောင်ႏခန်ꩻကိုသွူ၊၊ မို့ꩻလောင်းတမန်ႏနဝ်ꩻ တရွူꩻ ပေတရု ပြေင်တဲင်ဒေါ့ꩻ၊ “ထွိုင်ႏမွိုင်မွိုင်ဟုဲင်း” နုဲင်းနဝ်ꩻတဲင် တလဲင်ႏချင်ꩻ ပသီႏချင်ꩻဖြွီꩻဖုံႏ ပေတရု စူလောင်းနဝ်ꩻ ထဲ့လင်ꩻထိုꩻစွဉ်ႏသွူ။ 8နဝ်ꩻထွူ မို့ꩻလောင်းတမန်ႏဒေါ့ꩻ၊ “စွိုင်ဟဝ် နာꩻငင်းဒေင်စီႏတဲင် ထုမ်းနာꩻခင်ႏဖါႏဟုဲင်း၊” နုဲင်းနဝ်ꩻတွော့ꩻ ပေတရုထုမ်းစွဉ်ႏတဲင် မို့ꩻလောင်းတမန်ႏနဝ်ꩻဒေါ့ꩻ၊ “ကꩻနာꩻဆဲင်ꩻယွုံးတန်တဲင် လွေꩻလွဉ်ꩻခွေဟုဲင်း” နုဲင်းနဝ်ꩻသွူ။ 9ပေတရု လွေꩻလွဉ်ꩻဝွေꩻတဲင် ထန်ႏထိုꩻစွဉ်ႏထောင်ႏသွူ၊ ကွဲႏတွော့ꩻ ပေတရု တသေနမ်းတဝ်းဒွိုန်းသွူ။ နုဲင်းမို့ꩻလောင်းတမန်ႏ ကအဝ်ႏမာꩻနဝ်ꩻ ထွာထာꩻအမွေးနဲ့၊ မဉ်ႏတမွေးတဝ်း ဝွေꩻအဝ်ႏထီႏ ရူႏပါႏရုံႏ တစွိုးနဲ့ နုဲင်းနဝ်ꩻသွူ။ 10ဝွေꩻသီးကာႏထန်ႏ တခါꩻ စဲ့ꩻကအဝ်ႏပွေါး အရီးသွတ်ꩻ တရန်းထွူ ကာႏဖျင် ဒုတိယရန်းတဲင် အဆုဲင်ꩻသွတ်ꩻ ဖျော်လွဉ်စွဉ်ႏ တခါꩻတန်ပသီႏထျꩻ ဗွောင်နွို့သော့ꩻဒါႏ ဝေင်ꩻကိုနဝ်ꩻသွူ။ တခါꩻတန်ဖုံႏနဝ်ꩻ အဝ်ႏလွိုႏလွိုႏ ဗွောင်ဒျာႏတဲင် ဝွေꩻသီး ထန်ႏလွေꩻစွဉ်ႏသွူ။ ဝွေꩻသီးထောင်လင်ꩻ တဖူꩻတလီးတဲင် မို့ꩻလောင်းတမန်ႏနဝ်ꩻ အဝ်ႏပေတရုထျꩻ ထန်ႏလွေꩻစွော့ꩻ စွဉ်ႏနဝ်ꩻသွူ။
11နဝ်ꩻထွူ ဝွေꩻထွာ နုဲင်းမုဲင်ꩻနဝ်ꩻ ပေတရု သေနမ်းလွဉ်ချာတဲင်ဒေါ့ꩻ၊ “ဗွေႏဘုရာꩻ အွဉ်ႏစွꩻလွဉ် ဝွေꩻဗွေႏ မို့ꩻလောင်းတမန်ႏတွော့ꩻ ဖေႏကကယ်ႏခွေ ဟေရုဒ် အတန်ꩻခိုꩻစူကိုတွမ်ႏ ဂျူးလိုꩻမျိုꩻဖုံႏ ကအဝ်ႏမောင်ꩻဒါႏ ထာꩻကားကအဝ်ႏ ကအီႏထွာလွဉ်နဝ်ꩻ ယိုခါ နဝ်ꩻနဝ်ꩻ ထွာအမွေးအမဲဉ်ႏဒျာႏကျောင်ꩻ ခွေသေလဲဉ်း” နုဲင်းနဝ်ꩻသွူ။
12ထွိုင်ႏသေစဲင်းလွဉ် ဝွေꩻအခေႏနေႏနဝ်ꩻ ဝွေꩻလွေꩻထိုꩻစွဉ်ႏ ယောဟန်မာကု အမွိုး မာရိလမ်းသွူ၊ နဝ်ꩻကိုနဝ်ꩻ လိုꩻအာဖုံႏ အဝ်ႏစုဗူႏလို့ဝင်ꩻတဲင် အဝ်ႏဆုတောင်ꩻဘုရာꩻသွူ။ 13ပေတရု အဝ်ႏတခါꩻတန် ကောင်းထန်ႏဖဲ့ꩻ အဝ်ႏဒုံႏတခါꩻတဲင် ကအီႏလဝ်းချာနဝ်ꩻ သွဉ်းမူႏတဖြာꩻ မဉ်ꩻကဟဲ့ꩻ ရောဒေနဝ်ꩻ လွဉ်စွဉ်ႏသွူ။ 14ဝွေꩻမူႏအဝ်ႏတောင်ꩻ ပေတရုငဝ်းတဲင် သꩻဟဝ်ငါႏနဝ်ꩻမꩻ တဗွောင်ဖေႏတဝ်း တခါꩻတန်တဲင် ဝွေꩻမူႏ ဖင်းသဲင်ꩻချာတွော့ꩻ ပေတရု အဝ်ႏအုံထွိုင်ႏထာꩻ ကောင်းထန်ႏဖဲ့ꩻကျောင်ꩻ ဒေါ့ꩻနယ်စွဉ်ႏသွူ။ 15ဝွေꩻသီး ဒေါ့ꩻဖေႏဝွေꩻမူႏ၊ “နာႏဗားလဲဉ်းနဲ့၊” နုဲင်းနဝ်ꩻသွူ။ ကွဲႏတွော့ꩻ ဝွေꩻမူႏကဒေါ့ꩻနဝ်ꩻ မွေးဒျာႏကျောင်ꩻ အဝ်ႏဒေါ့ꩻသွုပ်သွုပ်ဒျာႏသွူ။ နဝ်ꩻမꩻ ဝွေꩻသီးလဝ်းချာ၊ “နဝ်ꩻနဝ်ꩻ ဝွေꩻအဝိညာဉ်ႏယဝ်ꩻဒျာႏ” နုဲင်းနဝ်ꩻသွူ။
16အကျာꩻနဝ်ꩻ ပေတရု အဝ်ႏဒုံႏသွုပ်ဒျာႏ တခါꩻနဝ်ꩻသွူ။ အဆုဲင်ꩻသွတ်ꩻ ဝွေꩻသီး ဗွောင်ဖေႏ တခါꩻတဲင် ဝွေꩻသီး ထွိုင်ႏထီႏ ဝွေꩻနဝ်ꩻ ဝွေꩻသီး အံႏဖြာႏငါႏသွူ။ 17ဖေႏဝွေꩻသီး ကအုံတေ့ꩻတေ့ꩻနဝ်ꩻ ဝွေꩻမာꩻနယ်နေး စွဉ်ႏဝွေꩻစူတဲင် ဗွေႏဘုရာꩻ ဟဲ့ꩻထန်ႏဝွေꩻထောင်ႏ နုဲင်းမုဲင်ꩻခရာႏနဝ်ꩻ ဝွေꩻသျင်ꩻနယ်ဖေႏ ဝွေꩻသီးသွူ။ ဝွေꩻဒေါ့ꩻ၊ “ထာꩻယိုခရာႏနဝ်ꩻ ဒေါ့ꩻနယ်ဖေႏသွော့ ယာကုပ်တွမ်ႏ လိုꩻကယွုမ်းသား အလင်ဖုံႏဟုဲင်း” နုဲင်းနဝ်ꩻထွူ၊ ဝွေꩻထန်ႏတဲင် လွေꩻထိုꩻ ခင်ႏလမ်း အလင်တထွောင်းသွူ။
18ထွိုင်ႏတွိုႏ နုဲင်းမွူးရဝ်ꩻချိန်ႏ ထောင်ႏပွေါး စဲ့ꩻသားဖုံႏနဝ်ꩻ အံႏဖြာႏငါႏတဲင် အချင်ꩻချင်ꩻ အဝ်ႏသျွုတ် တရေင်လို့ဝင်ꩻရိုꩻ၊ ပေတရုနဝ်ꩻ ထွာလဲဉ်း နုဲင်းမုဲင်ꩻဟောင်း နုဲင်းနဝ်ꩻသွူ။ 19ဖေႏကထုမ်ႏ ပေတရုနဝ်ꩻ ဟေရုဒ်ဖေႏအမိန်း၊ ကွဲႏတွော့ꩻ ဝွေꩻသီးထုမ်ႏဝွေꩻ တမော့ꩻတဝ်းနဝ်ꩻသွူ။ နဝ်ꩻမꩻ ဝွေꩻရီစဲစ် တခါပွေါးသားဖုံႏတဲင် ဖေႏစွဉ်ႏ ဝွေꩻသီး ထာꩻသီတံႏသွူ။
ယိုထွူ ခွန်တန်ဟေရုဒ် ထန်ႏထိုꩻ ယုဒခမ်းတွော့ꩻ အုံသော့ꩻ ဝေင်ꩻကဲသရိ တဆင်ႏနဝ်ꩻသွူ။
ခွန်တန်ဟေရုဒ်သီ
20ခွန်တန်ဟေရုဒ်နဝ်ꩻ သꩻလျားမွေးစွဉ်ႏ လိုꩻတုရုတွမ်ႏ သိဒုန်ဝေင်ꩻသားဖုံႏ နဝ်ꩻမꩻ၊ ဝွေꩻသီး စုလို့စွဉ်ႏဝင်ꩻ တစွိုꩻချင်ႏ အီႏလွဉ်မော့ꩻ ခွန်တန်ဟေရုဒ်သွူ။ ဖေႏကစွဲကို ဝွေꩻသီးနဝ်ꩻ အရီးသွတ်ꩻ ဝွေꩻသီး လွဉ်ကွီ ဟော်နန်ꩻအုပ် ဗလတ္တုထျꩻသွူ။ နဝ်ꩻထွူ ဝွေꩻသီးလွေꩻ ခွန်တန်ဟေရုဒ်ထျꩻတဲင် ကွီစွဉ်ႏဖေႏကလꩻ ထာꩻငိမ်ꩻချမ်ꩻသာႏခွင်ꩻ၊ ကွပ်ပွိုး ဝွေꩻသီးခမ်းထီနဝ်ꩻ အဝ်ႏလꩻသော့ꩻ ထာꩻအံႏစရိပ် ခွန်တန် အခမ်းထီကို အတွက်သွူ။
21မွူးနီꩻခဉ်ꩻ ကအီႏမော့ꩻခွဲဝွေꩻသီးနဝ်ꩻ ခွန်တန်ဟေရုဒ်ကွဉ်ကꩻစွဉ်ႏ ခွန်ခြွိုင်း အုံလင်ꩻစွဉ်ႏ ပလ္လင်ႏလောင်းတဲင် ဒေါ့ꩻဖေႏလိုꩻဖုံႏ ငဝ်းမိန်းသွူ၊ 22ဝွေꩻသီးခြောဝ်၊ “ကအဝ်ႏဒေါ့ꩻနဝ်ꩻ လိုꩻတဖြာꩻငဝ်း တမွေးတဝ်း ဗွေႏဘုရာꩻတပါꩻငဝ်းဒျာႏ” နုဲင်းနဝ်ꩻသွူ။ 23ကွပ်ပွိုး ဝွေꩻတရိုႏသေႏတဝ်း ဗွေႏဘုရာꩻနဝ်ꩻမꩻ တလဲင်ႏချင်ꩻ ဗွေႏဘုရာꩻ မို့ꩻလောင်းတမန်ႏ တပါꩻနဝ်ꩻ မာꩻဝꩻလင်ꩻထိုꩻစွဉ်ႏ ခွန်တန်ဟေရုဒ်သွူ။ ဝွေꩻနဝ်ꩻ ဟို့ꩻသားဖုံႏ အဲင်ႏတဲင် သီထိုꩻစွဉ်ႏသွူ။
24အကျာꩻနဝ်ꩻ ဗွေႏဘုရာꩻ ငဝ်းတောႏနဝ်ꩻ စွစ်ꩻလီတဲင် လိုꩻကယွုမ်းဒါႏသားနဝ်ꩻ တိုꩻအာလွဉ်စွဉ်ႏသွူ။
25ဗာနဗတွမ်ႏ သျောလုနဝ်ꩻ မာꩻထွူ ဝွေꩻသီး သားသနာႏ ထာꩻမာꩻတွော့ꩻ အဝ်ႏဝေင်ꩻယေရုသလမ်ႏ သဲင်ꩻထိုꩻတဲင် ဟဲ့ꩻသဲင်ꩻပါစွဉ်ႏ ယောဟန် မဉ်ꩻတာသာ ကဟဲ့ꩻဒါႏ မာကုနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.