مرقس انجیل 1
1
تعمید دهنده یحیی، راه آباد کوئن
1عیسی مسیح، خداپسرِ خوروم خبر، ایطوری شروع بنه.
2هوتو که اشعیای پیغمبر کِتاب میئن، بنویشته بوبوُ:
« می پیغوم اَرِ پیشتر از تو سرا دِئنَم،
که او تی راهِ جلوتر آبادَ کوئنی؛»
3«صدای او مردی که بیابؤن میئن فریاد زِئنه:
”خداوندِ راهِ آبادَ کونین!
اونه مسیرؤنِ هموارَه کونین“»
4تعمید دهنده یحیی بیابؤنِ میئن ظهور بوده، و مردومِ به موعظه گود، شیمه گناأنِ آمرزشِ به توبه بکونید و غسل تعمید هگیرید. 5تمام یهودیه ولایت مردمؤن و اورشلیم مردمؤن، همته یحیی ورجه شوئن و خوشونِ گُناهؤنِ اعتراف گودَن، و اُردن روخؤنه میئن، اوناجی غسل تعمید گیتن. 6یحیی شتر پشمای رخت دؤود و یکته چَرمی غیش خوشِ کمر دوَست ، و مَلخ و صحرایی عسل خورد. 7یحیی موعظه گود و گوت: بعدِ مو، یه نفر می جی تواناتر هنه، که مو حتی قابیل نیئَم هچیمَم و اونه چاروقؤنِ بَندِ بازا کونَم. 8مو شمه آؤ أمره غسل تعمید بَدم، ولی او روح‌القدس أمره شمره تعمید دِئنه.»
عیسی غسل تعمید
9او روزؤن میئن، عیسی ناصره شهرَ جی که جلیل ولایت میئن هنه بو، بومه و اردن روخؤنه میئن یحیی جی غسل تعمید هَیته. 10هیطو که عیسی آؤ مئنای جؤر بومه، هو دَم بدِه که آسمؤن بازَ بوُ و روح القدس، کبترِ مورسؤن اونه سر جیر بومَه. 11و یکته صدا آسمؤنای برسه که «تو می عزیز ریکه ایسّی و مو ته جی راضی ام.»
عیسی امتحون به
12خدا روح، تاتادی عیسی بیابؤنِ میئن بَبرد. 13عیسی چهل روز بیابؤنِ میئن ایسابو و شیطؤن اونه امتحان گود. عیسی وحشی حَیوؤنؤنِ امره سرگود و فرشته أن هم اونِ خدمت گودَن.
عیسی خدمت جلیل میئن
14بعد اونکه تعمید دهنده یحیی گرفتارَ بؤ، عیسی جلیل ولایت بُشو. او، خُداخوروم خبر اعلوم گود، 15و گوت: « او زمان برسه و خُدا پادشایی نزدیکَ بؤ. توبه بکونین و ایی خوروم خبر به ایمؤن بأرین.»
عیسی اولی شاگردؤن
16وختی عیسی جلیل دریا کنار راه شوءدبو، شَمعون و اونه برار آندریاسِ بدِه که آؤ میئن سالی زِدبوئن، چونکه اوشون صیّاد بوئن. 17عیسی ایشؤنه بوته: «می دومبالسر بأین و مو شمره مردوم صیّاد چأکونم.» 18اوشؤن درجا خوشؤنِ سالیِ أنِ ویلَه گودَن و عیسی دومبالسر راه دکتن. 19وقتی که عیسی أَنِی پیشتر بُشو، یعقوب و اونه برار یوحنا که زِبِدی ریکئن بوئن بیده که نو میئن خوشونِ سالی أنِ تعمیر کادبُون. 20عیسی درجا ایشونِ دوخونده. اوشون خوشونِ پئر زِبِدیِ کارگرون امره نوء میئن ویلَه گودَن و عیسی دومبالسر بوشوئن.
عیسی یکته مَرداکِ که پلید روح داشت شفا دئنه
21اوشون کَفَرناحوم شهر بوشؤئن. هیطو که مقدس شنبه روز برسه، عیسی درجا بُوشؤ عبادتگاه و مردم آموتَنِ دست به کار بوبو. 22مردوم اونه آموتنای ماتَ بؤئن، چونکه قدرت أمره مردومِ آموتی، نه اوشونه تورات معلمون مورسون. 23هووقت، اوشونه عبادتگاه میئن یکته مَرداک ایسابو که پلید روح داشت. او مردکای داد بزه: 24«ای عیسای ناصری، تو امه اَمره چی کار دئنی؟ بومای اَمَره سر به نیستا کونی؟ دؤنیم تو کیسی تو او قدوس خُدائی!» 25اما عیسی پلید روحِ به تَشَر بزِه و بوته: «تام بزَن و او مرداک جی بیرون بیه!» 26هووقت پلید روح او مَرداکه بدجوری توکون بَدَه و ژَگَلَه کونؤئن اونای بیرون بومه. 27مَردم همته چنؤن غاغه بؤئن که همدیگره بپورسئن: «ایی چیسه؟ یکته تازه تعلیم، قدرت أمره! او حتی پلید روحؤنم فرمون دِئنه و اوشون اونَ جی فرمون بِئنَن.» 28پَس خیلی طول نکشه که عیسی آوازه جلیل سرتاسر منطقه میئن فیبیته.
عیسی خیلیهَ شفا دئنه
29عیسی درجا عبادتگاهَ جی بیرون بومَه، یعقوب و یوحنا امره شَمعون و آندریاس خونه بوشؤن. 30شمعون زومَئر خیلی تب داشت و جیگا میئن خوته بو. اوشون درجا عیسی اونه حالَ جی واخوبَ گودَن. 31عیسی، پطرس زو معر سر جُور بوشؤ و اونه دَستِ بَیته و اونه ویریسؤنه. پطرس زو معر تب قطعَ بو و اوشونای پذیرایی بوده.
32غروب دمَی، وقتی آفتؤ جیربما، مردم، همته ناخوشؤن و دیو بزِه أنِ عیسی ورجه بأردن. 33شهر مردمؤن همته درِ جلو جومَه بؤبُن! 34عیسی خیلی أنِ که جور واجور ناخوشی أن داشتنِ شفا بَدَه و خیلی دیوؤن هم دیو بزه کوئنه بیرونَ گوده، امّا نوگذاشته دیوؤن گب بزنَن، چونکه اوشون عیسی شناختن.
عیسی جلیل میئن موعظه کوئنه
35صوبه دمؤن که هوا هله تاریک بو، عیسی ویرسا و خونه جی بیرون بوشو، یکته خلوته جیگا بوشؤ و اوره دعا بوئده. 36شَمعون و اوشؤنی که اونه أمره بوئن عیسی دومبال بگرسن. 37هیطو که اونه بیاتّن، عیسی بوتَن: «همه تی دومبال گردنن!» 38عیسی ایشونِ بوته: «بائین بشیم ایی دور و برِ شهرؤنِ میئن تا اورارَم موعظه بکونم، چونکه هینه واسه بومَئم.» 39پَس عیسی راه دکت، سرتاسر جلیل ولایت میئن، ایشونِ عبادتگاه میئن موعظه گود و دیوؤنِ دیوبزه انه جی بیرون سرادای.
عیسی یکته جذامی مَرداکِ شفا دئنه
40یکته جذامی مردکای عیسی ورجه بومه و زانو بزِه و منّت و ناله أمره بوته: « اگه بخوای تینی مَه شفا بدَی.» 41عیسی دلسوزی أمره خوشِ دَستِ درازَ گوده، او مَرداک سر دست بکشه و بوته: «خوانم، شفا بگیر!» 42هو دَم، اونه جذام پکا بؤ و شفا بیته. 43عیسی درجا اونه سرا دا و اونه غدقن بوده 44او مردکه بوته: «واخوب بَبو که ایی جریونَ جی هیشکسِ به نوگوی ولی بَشو و تَه کاهینِ نیشون بدی و تی شفا هیتنِ به، قربانی که موسی پیغمبر بوته، پیشکش بکون تا اوشونه به گُوائی ببی.» 45ولی او مَردکای هیطو که بیرون بُشو، همه جا ایی اتفاق باره گب بزه و او خبرِ پخشَ گوده. هینه واسه عیسی دِه نتونسّه آشکار شهر میئن بای، بَلکه شهرِ بیرون، دور دکته جاأن ایسابو، و مَردم همه او دوروبرَ جی عیسی ورجه أمَئن.
ទើបបានជ្រើសរើសហើយ៖
مرقس انجیل 1: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
مرقس انجیل 1
1
تعمید دهنده یحیی، راه آباد کوئن
1عیسی مسیح، خداپسرِ خوروم خبر، ایطوری شروع بنه.
2هوتو که اشعیای پیغمبر کِتاب میئن، بنویشته بوبوُ:
« می پیغوم اَرِ پیشتر از تو سرا دِئنَم،
که او تی راهِ جلوتر آبادَ کوئنی؛»
3«صدای او مردی که بیابؤن میئن فریاد زِئنه:
”خداوندِ راهِ آبادَ کونین!
اونه مسیرؤنِ هموارَه کونین“»
4تعمید دهنده یحیی بیابؤنِ میئن ظهور بوده، و مردومِ به موعظه گود، شیمه گناأنِ آمرزشِ به توبه بکونید و غسل تعمید هگیرید. 5تمام یهودیه ولایت مردمؤن و اورشلیم مردمؤن، همته یحیی ورجه شوئن و خوشونِ گُناهؤنِ اعتراف گودَن، و اُردن روخؤنه میئن، اوناجی غسل تعمید گیتن. 6یحیی شتر پشمای رخت دؤود و یکته چَرمی غیش خوشِ کمر دوَست ، و مَلخ و صحرایی عسل خورد. 7یحیی موعظه گود و گوت: بعدِ مو، یه نفر می جی تواناتر هنه، که مو حتی قابیل نیئَم هچیمَم و اونه چاروقؤنِ بَندِ بازا کونَم. 8مو شمه آؤ أمره غسل تعمید بَدم، ولی او روح‌القدس أمره شمره تعمید دِئنه.»
عیسی غسل تعمید
9او روزؤن میئن، عیسی ناصره شهرَ جی که جلیل ولایت میئن هنه بو، بومه و اردن روخؤنه میئن یحیی جی غسل تعمید هَیته. 10هیطو که عیسی آؤ مئنای جؤر بومه، هو دَم بدِه که آسمؤن بازَ بوُ و روح القدس، کبترِ مورسؤن اونه سر جیر بومَه. 11و یکته صدا آسمؤنای برسه که «تو می عزیز ریکه ایسّی و مو ته جی راضی ام.»
عیسی امتحون به
12خدا روح، تاتادی عیسی بیابؤنِ میئن بَبرد. 13عیسی چهل روز بیابؤنِ میئن ایسابو و شیطؤن اونه امتحان گود. عیسی وحشی حَیوؤنؤنِ امره سرگود و فرشته أن هم اونِ خدمت گودَن.
عیسی خدمت جلیل میئن
14بعد اونکه تعمید دهنده یحیی گرفتارَ بؤ، عیسی جلیل ولایت بُشو. او، خُداخوروم خبر اعلوم گود، 15و گوت: « او زمان برسه و خُدا پادشایی نزدیکَ بؤ. توبه بکونین و ایی خوروم خبر به ایمؤن بأرین.»
عیسی اولی شاگردؤن
16وختی عیسی جلیل دریا کنار راه شوءدبو، شَمعون و اونه برار آندریاسِ بدِه که آؤ میئن سالی زِدبوئن، چونکه اوشون صیّاد بوئن. 17عیسی ایشؤنه بوته: «می دومبالسر بأین و مو شمره مردوم صیّاد چأکونم.» 18اوشؤن درجا خوشؤنِ سالیِ أنِ ویلَه گودَن و عیسی دومبالسر راه دکتن. 19وقتی که عیسی أَنِی پیشتر بُشو، یعقوب و اونه برار یوحنا که زِبِدی ریکئن بوئن بیده که نو میئن خوشونِ سالی أنِ تعمیر کادبُون. 20عیسی درجا ایشونِ دوخونده. اوشون خوشونِ پئر زِبِدیِ کارگرون امره نوء میئن ویلَه گودَن و عیسی دومبالسر بوشوئن.
عیسی یکته مَرداکِ که پلید روح داشت شفا دئنه
21اوشون کَفَرناحوم شهر بوشؤئن. هیطو که مقدس شنبه روز برسه، عیسی درجا بُوشؤ عبادتگاه و مردم آموتَنِ دست به کار بوبو. 22مردوم اونه آموتنای ماتَ بؤئن، چونکه قدرت أمره مردومِ آموتی، نه اوشونه تورات معلمون مورسون. 23هووقت، اوشونه عبادتگاه میئن یکته مَرداک ایسابو که پلید روح داشت. او مردکای داد بزه: 24«ای عیسای ناصری، تو امه اَمره چی کار دئنی؟ بومای اَمَره سر به نیستا کونی؟ دؤنیم تو کیسی تو او قدوس خُدائی!» 25اما عیسی پلید روحِ به تَشَر بزِه و بوته: «تام بزَن و او مرداک جی بیرون بیه!» 26هووقت پلید روح او مَرداکه بدجوری توکون بَدَه و ژَگَلَه کونؤئن اونای بیرون بومه. 27مَردم همته چنؤن غاغه بؤئن که همدیگره بپورسئن: «ایی چیسه؟ یکته تازه تعلیم، قدرت أمره! او حتی پلید روحؤنم فرمون دِئنه و اوشون اونَ جی فرمون بِئنَن.» 28پَس خیلی طول نکشه که عیسی آوازه جلیل سرتاسر منطقه میئن فیبیته.
عیسی خیلیهَ شفا دئنه
29عیسی درجا عبادتگاهَ جی بیرون بومَه، یعقوب و یوحنا امره شَمعون و آندریاس خونه بوشؤن. 30شمعون زومَئر خیلی تب داشت و جیگا میئن خوته بو. اوشون درجا عیسی اونه حالَ جی واخوبَ گودَن. 31عیسی، پطرس زو معر سر جُور بوشؤ و اونه دَستِ بَیته و اونه ویریسؤنه. پطرس زو معر تب قطعَ بو و اوشونای پذیرایی بوده.
32غروب دمَی، وقتی آفتؤ جیربما، مردم، همته ناخوشؤن و دیو بزِه أنِ عیسی ورجه بأردن. 33شهر مردمؤن همته درِ جلو جومَه بؤبُن! 34عیسی خیلی أنِ که جور واجور ناخوشی أن داشتنِ شفا بَدَه و خیلی دیوؤن هم دیو بزه کوئنه بیرونَ گوده، امّا نوگذاشته دیوؤن گب بزنَن، چونکه اوشون عیسی شناختن.
عیسی جلیل میئن موعظه کوئنه
35صوبه دمؤن که هوا هله تاریک بو، عیسی ویرسا و خونه جی بیرون بوشو، یکته خلوته جیگا بوشؤ و اوره دعا بوئده. 36شَمعون و اوشؤنی که اونه أمره بوئن عیسی دومبال بگرسن. 37هیطو که اونه بیاتّن، عیسی بوتَن: «همه تی دومبال گردنن!» 38عیسی ایشونِ بوته: «بائین بشیم ایی دور و برِ شهرؤنِ میئن تا اورارَم موعظه بکونم، چونکه هینه واسه بومَئم.» 39پَس عیسی راه دکت، سرتاسر جلیل ولایت میئن، ایشونِ عبادتگاه میئن موعظه گود و دیوؤنِ دیوبزه انه جی بیرون سرادای.
عیسی یکته جذامی مَرداکِ شفا دئنه
40یکته جذامی مردکای عیسی ورجه بومه و زانو بزِه و منّت و ناله أمره بوته: « اگه بخوای تینی مَه شفا بدَی.» 41عیسی دلسوزی أمره خوشِ دَستِ درازَ گوده، او مَرداک سر دست بکشه و بوته: «خوانم، شفا بگیر!» 42هو دَم، اونه جذام پکا بؤ و شفا بیته. 43عیسی درجا اونه سرا دا و اونه غدقن بوده 44او مردکه بوته: «واخوب بَبو که ایی جریونَ جی هیشکسِ به نوگوی ولی بَشو و تَه کاهینِ نیشون بدی و تی شفا هیتنِ به، قربانی که موسی پیغمبر بوته، پیشکش بکون تا اوشونه به گُوائی ببی.» 45ولی او مَردکای هیطو که بیرون بُشو، همه جا ایی اتفاق باره گب بزه و او خبرِ پخشَ گوده. هینه واسه عیسی دِه نتونسّه آشکار شهر میئن بای، بَلکه شهرِ بیرون، دور دکته جاأن ایسابو، و مَردم همه او دوروبرَ جی عیسی ورجه أمَئن.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company