متّای انجیل 23
23
وای بر شمه ای عالمون
1هووخت عیسی خوشِ شاگردؤن و مردوم بوته: 2«تورات معلمون و فریسی فرقه عالمون، موسی تخت سر نیشتَن. 3پس اوچیکه شمره گونَن، بَدأرین و انجوم بدین، امّا اوشونه مورسؤن عمل نکونین، چون اوچیزی که موعظه کوئنن، خودشؤن انجوم ندِئنن. 4اوشون سنگین بارؤنِ دوَدَنَن و مردوم دوش سر نِئنن، امّا خوشؤن حاضر نیئن اونه حرکت دَئَنه بِه حتّی خوشؤنِ انگشتِ توکون بدِئن. 5هر چی کؤئنن، اینه واسه که مردوم اوشونه بَینَن: آسمونی کتاب آیه أنِ نیویسَنن و خوشونِ بازو و پیشونی سر دوَدَنن و خوشؤنِ ردا پره پهنتر چأکوئنَن. 6دوست دئنَن که جشنؤنِ میئن مجلسِ جور بنیشَن و عبادتگاه أنِ میئن بهترین جا بدارن. 7و کوچه بازارِ میئن مردوم اوشونه سلام بوگوئن و ’اوستاد‘ دوخُوئنَن. 8امّا شمه نوگزارین شمره ’اوستاد‘ دوخوئنَن، چونکه شمه فقط یکته اوستاد دئنین، و شمه همته برأرین. 9هیشکسِ زمینِ سر ’پئر‘ دونخؤنین، چونکه فقط یکته پئر دئنین که آسمونِ میئن ایسأ. 10و هنده نوگزارین شمره ’معلم‘ دوخوئنن، چونکه فقط یکته معلم دئنین، اونم مسیحِ. 11اونیکه شیمه میئن از همه پیل تره، شیمه خدمتکار ایسّه. 12چون هر که خوشِ پیل ترَه کونی، کوشتاکَه بنه و هر کس خوشِ کوشتاکَه کونی، پیلّه بنه.»
13«وای بر شمه تورات معلمون و فریسی أن، ای ریاکارؤن! شمه آسمون پادشاهی دَرِ مردُم بِه دَودَنین، خودتؤن دیرون نشنین و جلوی اوشونی هم که راه میئن درن و خوائنن دیرون بوشونم گینین.
[ 14«وای بر شمه ای تورات معلمون و فریسی أن، ای ریاکارؤن! شمه از یه طرف بیوه زناکؤنِ خونه چاپنین و از یه طرف دیگه ریاکارؤنِ مورسون شیمه دُعا درازِ دِئنین. هینه وسه، شیمه مکافات خیلی سختترَ بنه.»
15«وای بر شمه ای تورات معلمون و فریسی أن، ای ریاکارؤن! شمه دریا و خوشکیه گردنین تا یه نفره شیمه دومباله رو چاکونین و وَختی ایطو بؤدین، اونه دوبرابر بدتر از خودتؤن، جهنّمِ زأک چأکوئنین.
16«وای بر شمه ای کورِ راهنماأن که گونین: ”مهم نیه اگه ینفر معبدِ قسم بوخوری، امّا اگه معبدِ طلا قسم بوخوری، باید خوشِ قسّمِ عملی بکونی.“ 17ای کور نادونؤن! کویکته سرتره؟ طلا یا معبدی که، طلا مقدسَ کؤئنه؟ 18و هنده گونین: ”مهم نیه اگه ینفر قربونگاه سرقسم بوخوری، امّا اگه قربونی ایِ که قربونگاه سر هنّه، قسم بوخوری، باید خوشِ قسّمِ عمل بکونی.“ 19ای کورؤن! کویکته سرتره؟ قربونی یا قربونگاهی که قربونیِ مقدسَ کؤئنه؟ 20پس، اونی که قربونگاه سر قسم خؤئنه، هم به قربونگاه و هم به هر چی که اونه سر هَنّه، قسم خؤئنه. 21هر که معبدِ سر قسم خؤئنه، معبد و هر چیزی که اونه مِیئن هنّه، قسّم بوخورده. 22و هر کی آسمونِ سر قسّم بوخوری، خدا تختِ و اونی که اونه سر نیشته، قسّم بوخورده.
23«وای بر شمه ای تورات معلمون و فریسی أن، ای ریاکارؤن! چونکه شمه کوتکوتو و شیوید و زیره جی ده یک هدَئنِ حوکم بجا اَبِئنین. ولی عدالت و رحمت و امؤنتِ، که شریعت حوکمونِ میئن مهمتره، ندِه بو گینین. بأیستی ایشؤنِ عمل بکونین، بدون اینکه اوشونم خاطرَ جی ببرین. 24ای کورِ راهنماأن! شمه شوکوز الک سولاخای ردّه کؤنین، امّا شترِ فَوَرنین!
25«وای بر شمه ای تورات معلمون و فریسی ان، ای ریاکارون! چونکه شمه کاس پیاله بیرونِ پکَه کؤنین، امّا اونه میِئن طمع و عیاشی جی پورا گوده ایسه. 26ای کور فریسی! اوّل کاس پیاله میئنه پکَه کون که، اونه بیرونم پکَه بنه.
27«وای بر شمه ای تورات معلمون و فریسی ان، ای ریاکارؤن! چونکه شمه سفید‌َ بُو قبرؤنِ مورسونین که بیرونای قشنگ بنظر هنه، امّا اوشونِ میِئن مُردهأنِ خاش و جورواجور نجیسی أناجی پور ایسّه! 28هینه واسه، شمرَم خودتؤنِ مردوم به صالح نیشون دِئنین، امّا شیمه باطن میئن ریاکاری و شّرَ جی پورا گوده ایسّه.
29«وای بر شمه ای تورات معلمون و فریسی ان، ای ریاکارؤن! چونکه شمه پیغمبرونِ بِه مقبره چأکونین و صالحونِ مزارِ تزئین کؤنین. 30و گونین: ”اگه أمِه پئرونِ دورؤن ايسأبيم، هرگی پیغمبرون خونِ فودنِ واسه اوشونِ اَمره شریک نوبونابیم.“ 31هینه واسه، شیمه ضد گوایی دِئنین که پیغمبرون قاتلؤنِ زاکؤنین. 32الؤن که ایطوره، پس اوچیزیکه شیمه پئرون شروع بودَن، شمه به آخر برسؤنین. 33ای میلونؤن! ای افعی بزاسه أن! چطو مجازات جهنّمای فرار کؤنین؟ 34چرِء که مو پیغمبرون و حکیمؤن و معلمونِ شیمه ورجه سرا دِئنَم و شمه بعضیأنِ کوشَنین و صلیب سر هکشَنین، و بعضیأنِ شیمه عبادتگاهأنِ میئن شلاق زِئنین و شهر به شهر عذاب دِئنین. 35پس همته صالحون خون که زمینِ سر فوده بوبؤ، خون هابیل صالحای بِیته تا زکریا، بَرَخیا ریکه خون که اونه محرابگاه و قربونگاه میئن بکوشتَن، شیمه گردن دکئنه. 36راست راستِ شمره گونم که ایشون همه ایی نسلِ سر هنه.
37«ای اورشلیم، ای اورشلیم، ای شهری که پیغمبرونِ کوشنی و رسولؤنیِ که تی ورجه سرا دا بنن سنگسار کوئنی! چند بار خوأسّم یکته کولوشکن مورسون که خوشِ چیره أنِ خو پرِ جیر جومَه کؤئنه، تی زاکؤنِ جومَه کونم، امّا نخوأستی. 38بَین، شیمه خونه ویلَه گوده بومنسه مؤنه. 39چونکه شمره گونم که بازین مه نَینین تا روزی که گونین: ”موبارک ایسّه اونی که خداوند ایسمِ أمره هنه.“»
ទើបបានជ្រើសរើសហើយ៖
متّای انجیل 23: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
متّای انجیل 23
23
وای بر شمه ای عالمون
1هووخت عیسی خوشِ شاگردؤن و مردوم بوته: 2«تورات معلمون و فریسی فرقه عالمون، موسی تخت سر نیشتَن. 3پس اوچیکه شمره گونَن، بَدأرین و انجوم بدین، امّا اوشونه مورسؤن عمل نکونین، چون اوچیزی که موعظه کوئنن، خودشؤن انجوم ندِئنن. 4اوشون سنگین بارؤنِ دوَدَنَن و مردوم دوش سر نِئنن، امّا خوشؤن حاضر نیئن اونه حرکت دَئَنه بِه حتّی خوشؤنِ انگشتِ توکون بدِئن. 5هر چی کؤئنن، اینه واسه که مردوم اوشونه بَینَن: آسمونی کتاب آیه أنِ نیویسَنن و خوشونِ بازو و پیشونی سر دوَدَنن و خوشؤنِ ردا پره پهنتر چأکوئنَن. 6دوست دئنَن که جشنؤنِ میئن مجلسِ جور بنیشَن و عبادتگاه أنِ میئن بهترین جا بدارن. 7و کوچه بازارِ میئن مردوم اوشونه سلام بوگوئن و ’اوستاد‘ دوخُوئنَن. 8امّا شمه نوگزارین شمره ’اوستاد‘ دوخوئنَن، چونکه شمه فقط یکته اوستاد دئنین، و شمه همته برأرین. 9هیشکسِ زمینِ سر ’پئر‘ دونخؤنین، چونکه فقط یکته پئر دئنین که آسمونِ میئن ایسأ. 10و هنده نوگزارین شمره ’معلم‘ دوخوئنن، چونکه فقط یکته معلم دئنین، اونم مسیحِ. 11اونیکه شیمه میئن از همه پیل تره، شیمه خدمتکار ایسّه. 12چون هر که خوشِ پیل ترَه کونی، کوشتاکَه بنه و هر کس خوشِ کوشتاکَه کونی، پیلّه بنه.»
13«وای بر شمه تورات معلمون و فریسی أن، ای ریاکارؤن! شمه آسمون پادشاهی دَرِ مردُم بِه دَودَنین، خودتؤن دیرون نشنین و جلوی اوشونی هم که راه میئن درن و خوائنن دیرون بوشونم گینین.
[ 14«وای بر شمه ای تورات معلمون و فریسی أن، ای ریاکارؤن! شمه از یه طرف بیوه زناکؤنِ خونه چاپنین و از یه طرف دیگه ریاکارؤنِ مورسون شیمه دُعا درازِ دِئنین. هینه وسه، شیمه مکافات خیلی سختترَ بنه.»
15«وای بر شمه ای تورات معلمون و فریسی أن، ای ریاکارؤن! شمه دریا و خوشکیه گردنین تا یه نفره شیمه دومباله رو چاکونین و وَختی ایطو بؤدین، اونه دوبرابر بدتر از خودتؤن، جهنّمِ زأک چأکوئنین.
16«وای بر شمه ای کورِ راهنماأن که گونین: ”مهم نیه اگه ینفر معبدِ قسم بوخوری، امّا اگه معبدِ طلا قسم بوخوری، باید خوشِ قسّمِ عملی بکونی.“ 17ای کور نادونؤن! کویکته سرتره؟ طلا یا معبدی که، طلا مقدسَ کؤئنه؟ 18و هنده گونین: ”مهم نیه اگه ینفر قربونگاه سرقسم بوخوری، امّا اگه قربونی ایِ که قربونگاه سر هنّه، قسم بوخوری، باید خوشِ قسّمِ عمل بکونی.“ 19ای کورؤن! کویکته سرتره؟ قربونی یا قربونگاهی که قربونیِ مقدسَ کؤئنه؟ 20پس، اونی که قربونگاه سر قسم خؤئنه، هم به قربونگاه و هم به هر چی که اونه سر هَنّه، قسم خؤئنه. 21هر که معبدِ سر قسم خؤئنه، معبد و هر چیزی که اونه مِیئن هنّه، قسّم بوخورده. 22و هر کی آسمونِ سر قسّم بوخوری، خدا تختِ و اونی که اونه سر نیشته، قسّم بوخورده.
23«وای بر شمه ای تورات معلمون و فریسی أن، ای ریاکارؤن! چونکه شمه کوتکوتو و شیوید و زیره جی ده یک هدَئنِ حوکم بجا اَبِئنین. ولی عدالت و رحمت و امؤنتِ، که شریعت حوکمونِ میئن مهمتره، ندِه بو گینین. بأیستی ایشؤنِ عمل بکونین، بدون اینکه اوشونم خاطرَ جی ببرین. 24ای کورِ راهنماأن! شمه شوکوز الک سولاخای ردّه کؤنین، امّا شترِ فَوَرنین!
25«وای بر شمه ای تورات معلمون و فریسی ان، ای ریاکارون! چونکه شمه کاس پیاله بیرونِ پکَه کؤنین، امّا اونه میِئن طمع و عیاشی جی پورا گوده ایسه. 26ای کور فریسی! اوّل کاس پیاله میئنه پکَه کون که، اونه بیرونم پکَه بنه.
27«وای بر شمه ای تورات معلمون و فریسی ان، ای ریاکارؤن! چونکه شمه سفید‌َ بُو قبرؤنِ مورسونین که بیرونای قشنگ بنظر هنه، امّا اوشونِ میِئن مُردهأنِ خاش و جورواجور نجیسی أناجی پور ایسّه! 28هینه واسه، شمرَم خودتؤنِ مردوم به صالح نیشون دِئنین، امّا شیمه باطن میئن ریاکاری و شّرَ جی پورا گوده ایسّه.
29«وای بر شمه ای تورات معلمون و فریسی ان، ای ریاکارؤن! چونکه شمه پیغمبرونِ بِه مقبره چأکونین و صالحونِ مزارِ تزئین کؤنین. 30و گونین: ”اگه أمِه پئرونِ دورؤن ايسأبيم، هرگی پیغمبرون خونِ فودنِ واسه اوشونِ اَمره شریک نوبونابیم.“ 31هینه واسه، شیمه ضد گوایی دِئنین که پیغمبرون قاتلؤنِ زاکؤنین. 32الؤن که ایطوره، پس اوچیزیکه شیمه پئرون شروع بودَن، شمه به آخر برسؤنین. 33ای میلونؤن! ای افعی بزاسه أن! چطو مجازات جهنّمای فرار کؤنین؟ 34چرِء که مو پیغمبرون و حکیمؤن و معلمونِ شیمه ورجه سرا دِئنَم و شمه بعضیأنِ کوشَنین و صلیب سر هکشَنین، و بعضیأنِ شیمه عبادتگاهأنِ میئن شلاق زِئنین و شهر به شهر عذاب دِئنین. 35پس همته صالحون خون که زمینِ سر فوده بوبؤ، خون هابیل صالحای بِیته تا زکریا، بَرَخیا ریکه خون که اونه محرابگاه و قربونگاه میئن بکوشتَن، شیمه گردن دکئنه. 36راست راستِ شمره گونم که ایشون همه ایی نسلِ سر هنه.
37«ای اورشلیم، ای اورشلیم، ای شهری که پیغمبرونِ کوشنی و رسولؤنیِ که تی ورجه سرا دا بنن سنگسار کوئنی! چند بار خوأسّم یکته کولوشکن مورسون که خوشِ چیره أنِ خو پرِ جیر جومَه کؤئنه، تی زاکؤنِ جومَه کونم، امّا نخوأستی. 38بَین، شیمه خونه ویلَه گوده بومنسه مؤنه. 39چونکه شمره گونم که بازین مه نَینین تا روزی که گونین: ”موبارک ایسّه اونی که خداوند ایسمِ أمره هنه.“»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company