يوحنای انجیل 18
18
عیسی گینن
1عیسی ایی گبونِ بزه پس، خوشِ شاگردؤنِ اَمره اوطرف دره قِدْرون بوشو. اوره یکته باغ هنّه بو، عیسی و اونه شاگردؤن او باغ میئن بوشؤئن. 2یهودا، او کسی که عیسی خیانت بوده بو، او محل جا دؤنَس، چونکه عیسی و اونه شاگردؤن معمولا، اوره جومَه بوئن. 3پس یهودا یکته دسته از سربازؤن و مامورؤن سرون کاهنؤن و فریسی أنِ فرقه عالمون ویته و اوره بومَه، اوشؤن فانوس و مشعل و شمشیر و کولاکت اَمره اوره برسِئن. 4عیسی با اونکه دؤنس چی خا اونه سر بای، پیش بوشو و اوشونه بوته: «کی بِه گردنین؟» 5اوشؤن جواب بدئن: «عیسای ناصری.» بوته: «مو ایسّم.» یهودا، اونی که عیسی خیانت بوده بو هم اوشونه اَمره ایسابو. 6هیطوکه عیسی بوته: «مو ایسّم»، اوشؤن پساپسا بوشؤن و بگل بوخوردن. 7عیسی یبار ده اوشؤنای بپورسه: «کی دومبال گردنین؟» اوشؤن بوتَن: «عیسای ناصری.» 8عیسی جواب بدا: «شمره بوُتم که مو ایسّم. پس اگه می دومبال گردنین، بوگزارین ایشون بوشؤئن.» 9عیسی اینه بوته تا اوچیزی که پیشتر بوته بو، حقیقت پیدا کؤنی که «هیتّه از اوشؤنی که مه ببخشی، از دست ندَئم.»
10هووخت شمعون پطرس شمشیری که داشتِ هَکشِه و یکته ضربه، پیله کاهن خدمتکار بزِه و اونه راست گوشِ ببِئه. او خدمتکار ایسم مالخوس بو. 11عیسی پطرسِ بوته: «تی شمشیرِ غلاف کون! مگه نبأید او پیالهای که پئر مه هَدأ، وودوشَم؟»
12بازین سربازؤن، خوشؤنِ فرمانده و یهودی أن مامورؤن اَمره، عیسی بیتَن. اوشؤن عیسی دستِ دَوَسّن. 13اول اونه حَنّا ورجه ببوردَن. چونکه حَنّا، قیافا زوپئر بو و قیافا هو سال، قومِ پیله کاهن بو. 14قیافا هونی بو که یهودی أنِ سرونِ نصیحت گود و گوت که بهترِه، یه نفر قوم وسه بمیری.
پطروس عیسی حشا کوئنه
15شمعون پطرس و یکته شاگرد دیگه عیسی دومبالسر راه دکتن. چون او شاگرد پیله کاهن آشنا بو، بوتونسه عیسی أمره پیله کاهِن خونه صاراکی میئن بشی. 16ولی پطرس دَرِ پشت بیسأ. پس او شاگرد که پیله کاهِنِ آشنا بو، بیرون بوشو و یکته کلفَتِ اَمره که دربون بو، گب بزِه و پطرس دیرون ببورده. 17هووخت او كُلفتی که دربؤن بو پطرسای بپورسه: «مگه تو او مرداکِ یکته از شاگردؤن نیی؟» پطرس جواب بدا: «نییَم!»
18هوا سرد بو. خدمتکارؤن و مامورؤن یکته آتش، زغالِ اَمره چاگوده بون و اونه دور جومَه بوُبوئن و خوشؤن گرمَ کادبُوئن. پطرسم اوشؤن اَمره ایسأ بو و خوشِ گرمَ گود. 19هووخت پیله کاهن عیسی جَی اونه شاگردؤن باره و اوچی أنی که اوشونه یاد بدابو بپورسه. 20عیسی جواب بدا: «مو ایی دونیا آدمؤنِ أمره آشکارا گب بزِئم و همیشه عبادتگاه و معبد میئن که یهودی أن اوره جومَه بوئن، آموتم و هیچی خلوتی میئن نوتَم. 21چرِء می جَی پورسنی؟ اوشؤنی جَی بپورس که می گبؤن بشتؤسَن! اوشؤن دؤنَن که مو چی بوتم.» 22وختی که عیسی اینه بوته، یکته از نیگَهبونؤن که اوره ایسأ بو، یکته چَک اونه دیمه بزه و بوته: «پیله کاهنِ ایطو جواب دِئنی؟» 23عیسی جواب بدا: «اگه اشتباه بوُتم، می اشتباه ثابت بکون؛ امّا اگر راست بوُتم چرِء مه زِئنی؟»
24بازین حَنّا اونه دست دوسّه، پیله کاهن قیافا ورجه سرا دا. 25هووخت که شمعون پطرس ایسأ بو و خوش گرم کأده بو، بعضی أن اونای بپورسئن: «مگه تو یکته از اونه شاگردؤن نیايی؟» او حشا بُوده و بوته: «نه! نییم.» 26یکته از پیله کاهن خدمتکارؤن که فامیلِ اونی بو که پطرس اونه گوش ببه بو، بوته: «مگه مو، تَه اونه اَمره باغ میئن ندِئم؟» 27پطرس هنده حَشا بُوده. هووخت تله بوخونده.
عیسی محاکمه پیلاتُس ورجه
28صوبه دم بو که عیسی، قیافا ورجه جی فرماندار کاخ میئن ببوردَن. اوشؤن خوشؤن، کاخ میئن نوشؤن که نجیسَ نوبؤئن تا بتؤنَن عید پِسَخ شامِ بوخورَن. 29پس پیلاتُس بیرون بومَه و اوشونای بپورسه: «ایی مرداکِ به چی جرمی متهمَ کأدرین؟» 30اوشؤن جواب بدئن و بوُتن: «اگه ایی مردکای شرورِ کارؤن نوده بو، اونه تی دست هندَئنَئبیم.»
31پیلاتُس اوشونه بوته: «شمه خودتون اونه ببرین و عین شیمه شریعت حکم اونه محاکمه بکونین.» یهودیِ أن سرؤن بوُتن: «اَمه اجازه ندَئنیم هیشکسِ محکوم به موردَن بکونیم.» 32هیطو بو که عیسی گب، خو چوطؤ موردنِ به که اونه ریفا ایسابو، حقیقت پیدا گوده.
33بازین پیلاتُس وگرسه کاخ مِیئن و عیسی دوخؤنده و اونه بوته: «تو یهودِی أنِ پادشاه ایسّی؟» 34عیسی جواب بدا: « اینه تو، تِه به گونی یا دیگرؤن می باره ایطو تَه بوتن؟» 35پیلاتُس جواب بدا: «مگه مو یهودییم؟ تی قوم و کاهنؤن سرؤن تَه می دست هَدَئن. چی بُودی؟» 36عیسی جواب بدا: «می پادشاهی، ایی دونیا جَی نییه. اگه می پادشاهی ایی دونیا جَی بو، می خدمتکارؤن جنگ گودَن تا مو یهودی أن دستِ میئن دنکَئم. امّا می پادشاهی ایی دونیا جَی نییه.» 37بازین پیلاتُس عیسی جی بپورسه: «پس تو یکته پادشاه ایسّی؟» عیسی جواب بدا: «تو گونی که مو پادشاهم. مو هینه وَسه بزاسّه بوبؤم و هینه واسه ایی دونیا میئن بومئم تا حقیقت به گوایی بدِئم. هرکس حقیقتِ جی ایسّه، می گب گوش کؤئنه.» 38پیلاتُس بوته: «حقیقت چیایسه.»
وختی پیلاتوس اینه بوته، هنده بوشو بیرون یهودیِ أن ورجه و اوشونه بوته: «مو هیچ دلیلی اونه محکوم گودنِ بِه نیاتّم. 39امّا شمه یکته دأب دئنین که پِسَخ عیدِ به یکته زندؤنیِ شیمه به آزادَ کونَم. خوانین که یهودِی أنِ پادشاه آزادَ کونم؟» 40اوشؤن دومرتِه دادِ أمره جواب بدَئن: «او مرداکِ نه! باراباس آزادَ کون!»
باراباس یکته راهزن بو.
ទើបបានជ្រើសរើសហើយ៖
يوحنای انجیل 18: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
يوحنای انجیل 18
18
عیسی گینن
1عیسی ایی گبونِ بزه پس، خوشِ شاگردؤنِ اَمره اوطرف دره قِدْرون بوشو. اوره یکته باغ هنّه بو، عیسی و اونه شاگردؤن او باغ میئن بوشؤئن. 2یهودا، او کسی که عیسی خیانت بوده بو، او محل جا دؤنَس، چونکه عیسی و اونه شاگردؤن معمولا، اوره جومَه بوئن. 3پس یهودا یکته دسته از سربازؤن و مامورؤن سرون کاهنؤن و فریسی أنِ فرقه عالمون ویته و اوره بومَه، اوشؤن فانوس و مشعل و شمشیر و کولاکت اَمره اوره برسِئن. 4عیسی با اونکه دؤنس چی خا اونه سر بای، پیش بوشو و اوشونه بوته: «کی بِه گردنین؟» 5اوشؤن جواب بدئن: «عیسای ناصری.» بوته: «مو ایسّم.» یهودا، اونی که عیسی خیانت بوده بو هم اوشونه اَمره ایسابو. 6هیطوکه عیسی بوته: «مو ایسّم»، اوشؤن پساپسا بوشؤن و بگل بوخوردن. 7عیسی یبار ده اوشؤنای بپورسه: «کی دومبال گردنین؟» اوشؤن بوتَن: «عیسای ناصری.» 8عیسی جواب بدا: «شمره بوُتم که مو ایسّم. پس اگه می دومبال گردنین، بوگزارین ایشون بوشؤئن.» 9عیسی اینه بوته تا اوچیزی که پیشتر بوته بو، حقیقت پیدا کؤنی که «هیتّه از اوشؤنی که مه ببخشی، از دست ندَئم.»
10هووخت شمعون پطرس شمشیری که داشتِ هَکشِه و یکته ضربه، پیله کاهن خدمتکار بزِه و اونه راست گوشِ ببِئه. او خدمتکار ایسم مالخوس بو. 11عیسی پطرسِ بوته: «تی شمشیرِ غلاف کون! مگه نبأید او پیالهای که پئر مه هَدأ، وودوشَم؟»
12بازین سربازؤن، خوشؤنِ فرمانده و یهودی أن مامورؤن اَمره، عیسی بیتَن. اوشؤن عیسی دستِ دَوَسّن. 13اول اونه حَنّا ورجه ببوردَن. چونکه حَنّا، قیافا زوپئر بو و قیافا هو سال، قومِ پیله کاهن بو. 14قیافا هونی بو که یهودی أنِ سرونِ نصیحت گود و گوت که بهترِه، یه نفر قوم وسه بمیری.
پطروس عیسی حشا کوئنه
15شمعون پطرس و یکته شاگرد دیگه عیسی دومبالسر راه دکتن. چون او شاگرد پیله کاهن آشنا بو، بوتونسه عیسی أمره پیله کاهِن خونه صاراکی میئن بشی. 16ولی پطرس دَرِ پشت بیسأ. پس او شاگرد که پیله کاهِنِ آشنا بو، بیرون بوشو و یکته کلفَتِ اَمره که دربون بو، گب بزِه و پطرس دیرون ببورده. 17هووخت او كُلفتی که دربؤن بو پطرسای بپورسه: «مگه تو او مرداکِ یکته از شاگردؤن نیی؟» پطرس جواب بدا: «نییَم!»
18هوا سرد بو. خدمتکارؤن و مامورؤن یکته آتش، زغالِ اَمره چاگوده بون و اونه دور جومَه بوُبوئن و خوشؤن گرمَ کادبُوئن. پطرسم اوشؤن اَمره ایسأ بو و خوشِ گرمَ گود. 19هووخت پیله کاهن عیسی جَی اونه شاگردؤن باره و اوچی أنی که اوشونه یاد بدابو بپورسه. 20عیسی جواب بدا: «مو ایی دونیا آدمؤنِ أمره آشکارا گب بزِئم و همیشه عبادتگاه و معبد میئن که یهودی أن اوره جومَه بوئن، آموتم و هیچی خلوتی میئن نوتَم. 21چرِء می جَی پورسنی؟ اوشؤنی جَی بپورس که می گبؤن بشتؤسَن! اوشؤن دؤنَن که مو چی بوتم.» 22وختی که عیسی اینه بوته، یکته از نیگَهبونؤن که اوره ایسأ بو، یکته چَک اونه دیمه بزه و بوته: «پیله کاهنِ ایطو جواب دِئنی؟» 23عیسی جواب بدا: «اگه اشتباه بوُتم، می اشتباه ثابت بکون؛ امّا اگر راست بوُتم چرِء مه زِئنی؟»
24بازین حَنّا اونه دست دوسّه، پیله کاهن قیافا ورجه سرا دا. 25هووخت که شمعون پطرس ایسأ بو و خوش گرم کأده بو، بعضی أن اونای بپورسئن: «مگه تو یکته از اونه شاگردؤن نیايی؟» او حشا بُوده و بوته: «نه! نییم.» 26یکته از پیله کاهن خدمتکارؤن که فامیلِ اونی بو که پطرس اونه گوش ببه بو، بوته: «مگه مو، تَه اونه اَمره باغ میئن ندِئم؟» 27پطرس هنده حَشا بُوده. هووخت تله بوخونده.
عیسی محاکمه پیلاتُس ورجه
28صوبه دم بو که عیسی، قیافا ورجه جی فرماندار کاخ میئن ببوردَن. اوشؤن خوشؤن، کاخ میئن نوشؤن که نجیسَ نوبؤئن تا بتؤنَن عید پِسَخ شامِ بوخورَن. 29پس پیلاتُس بیرون بومَه و اوشونای بپورسه: «ایی مرداکِ به چی جرمی متهمَ کأدرین؟» 30اوشؤن جواب بدئن و بوُتن: «اگه ایی مردکای شرورِ کارؤن نوده بو، اونه تی دست هندَئنَئبیم.»
31پیلاتُس اوشونه بوته: «شمه خودتون اونه ببرین و عین شیمه شریعت حکم اونه محاکمه بکونین.» یهودیِ أن سرؤن بوُتن: «اَمه اجازه ندَئنیم هیشکسِ محکوم به موردَن بکونیم.» 32هیطو بو که عیسی گب، خو چوطؤ موردنِ به که اونه ریفا ایسابو، حقیقت پیدا گوده.
33بازین پیلاتُس وگرسه کاخ مِیئن و عیسی دوخؤنده و اونه بوته: «تو یهودِی أنِ پادشاه ایسّی؟» 34عیسی جواب بدا: « اینه تو، تِه به گونی یا دیگرؤن می باره ایطو تَه بوتن؟» 35پیلاتُس جواب بدا: «مگه مو یهودییم؟ تی قوم و کاهنؤن سرؤن تَه می دست هَدَئن. چی بُودی؟» 36عیسی جواب بدا: «می پادشاهی، ایی دونیا جَی نییه. اگه می پادشاهی ایی دونیا جَی بو، می خدمتکارؤن جنگ گودَن تا مو یهودی أن دستِ میئن دنکَئم. امّا می پادشاهی ایی دونیا جَی نییه.» 37بازین پیلاتُس عیسی جی بپورسه: «پس تو یکته پادشاه ایسّی؟» عیسی جواب بدا: «تو گونی که مو پادشاهم. مو هینه وَسه بزاسّه بوبؤم و هینه واسه ایی دونیا میئن بومئم تا حقیقت به گوایی بدِئم. هرکس حقیقتِ جی ایسّه، می گب گوش کؤئنه.» 38پیلاتُس بوته: «حقیقت چیایسه.»
وختی پیلاتوس اینه بوته، هنده بوشو بیرون یهودیِ أن ورجه و اوشونه بوته: «مو هیچ دلیلی اونه محکوم گودنِ بِه نیاتّم. 39امّا شمه یکته دأب دئنین که پِسَخ عیدِ به یکته زندؤنیِ شیمه به آزادَ کونَم. خوانین که یهودِی أنِ پادشاه آزادَ کونم؟» 40اوشؤن دومرتِه دادِ أمره جواب بدَئن: «او مرداکِ نه! باراباس آزادَ کون!»
باراباس یکته راهزن بو.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company